مَساء / صباح الخير
أخبار مُتابعين مُدونتي الأعزاء ؟!
[ لكم بالقَلب مَكان ، تَواجدكم إللي مَنور مُدونتي بالتأكيد يَخليني أبذل المَزيد وَ المزيد ] ..
عاد قَبل إجازتي راح أطرح مَوضوع لكم ٣ سَنوات تطلبونه من قبل لا أفَتح مُدونتي الرسَمية ، يبدأ بحرف الـ ( حاء ) ..
وَ بكذا بكون أَوفيت بـ ٧٥ ٪ من وَعودي لكم
تجيني أسئلة كثير من البنات يطالبوني فيها بَمنتجات إقتصادية ، وَ على قد ما أقدر أحاول أبحث عن شيء فعال وَ إقتصادي بنفس الوقت ، ماتدرون كمية الشغلات إللي شريتها من الصيدلية وَ طلعت فاشلة مو ذاك الزُود ، لكن أحاول أعطي بدائل حتى لو ماكانت منطقية عند البعض ، تصدقون عاد هالبدايل الغير منطقية أطلق من المُنتجات المُخصصة ببعض الأوقات
[شكلكم تحسوني بديت أخرف وَ مو فاهمين وش أقول ]
بالنَسبة لي البَديل الإقتصادي من المُفترض يَكون بديل عن المُنتج الباهظ بَحق وَ حقيقي
مُو تمشية حال ، إنما فَعلاً يكون مُمتاز وَ فعال ..
بكل شيء أكَتبه ما يَهم إسم الشركة وَ لا سعره ، إنما الفَعالية ..
بعدها يبدأ الخَيار الشخصي وَ الذوق الخاص وَ قتها أكتب شَهادتي مَجروحة لأن الرائحة روعة فرضاً أو لأن هالبراند لي سَنين أسَتخدمه وَ متعودة عليه مثل حُبي لجيرلان ، هل مافَي أفضل من جيرلان ؟! أكيد فيه كثير من البراندات لكن هي بالذات أجد بها ظالتي وَ ذوقي يتناسب مَع مُنتجاتهم وَ التعود عالشيء يَعطيك نَوع من الأمان وَ العاطفة إتجاه المُنتج ، يَعني أنا مُمكن أشتري عُطر لأنه يَذكرني بريحة أمي – الله يرحمها – حَتى لو كنت بَوقتها ما أحب ريحة هالعَطر
[ فيه كثير شَغلات بالحياة مَثل كذا .. ] ..
من فترة حول الشهرين تقريباً ، كنت أتابع تشانيل نيكي توتريالز وَ كانت منزلة منتج غريب عجيب بمفضلة شهر أبريل
بلسم بعد الحلاقة للرجال
[ إحم إحم تَرى إظفرها إنكسر بنفس اليوم إللي صَورت فيه المَقطع تَعاطفت مَعها ، زَينهم الغرب ما عَندها مُتابعين يَناشبونها على أظافرها يَدورون الفائدة مَا يتدخلون بخَصوصيات الناس ، عَشان كذا هُم مُجتمعات صاعدة وَ مُنتجة مَب هادمة ] ..
مستغربين صح !! شلون بلسم بعد الحلاقة يكون مُنتج نسائي !! لا وَ مو لأي شيء إنما كبرايمر قبل الماكياج
أعتقد إللي يستخدم كريم بواسير لهالات العَين ( للإطلاع عالمَوضوع إضغطي هُنا ) ما راح يستغرب من بلسم بعد الحلاقة كبرايمر قبل الماكياج
المهم نيكي تقول إنها بيوم كانت عند البوي فرند وَ نست ماتجيب لا البريمر وَ لا أي مُرطب معها ، فلما بغت تسوي ماكياج مالقت قدامها غير بلسم الحلاقه حق صديقها ، فقالت ليش ما أستخدمه كبرايمر ؟!
وَ إستخدمته وَ لما رجعت البيت بعد يوم طويل شافت إن ماكياجها كان فلوليس ( لا تَشوبه شائبة ) بالإضافة إنه ثابت ، فتذكرت إنها إستخدمت بلسم نيفيا فقرت المكونات وَ لما راجعتها لَقت ثاني مُكون لهالبلسم هو الغلسرين ( معروف الجلسرين يستخدم في الماكياج وَ خاصة البريمر وَ مثبتات الماكياج مثل الاستديو فكس وَ أشباهه )
وَ ظلت تستخدمه ٣ أسابيع
[ حسيت إني عجيز تحكي قصة ]
Nivea after shave balm as primer
تَجربتي مَع بلسم بعد الحلاقة للرجال من نيفيا
بغض النظر إن كانت نيكي مسوية دعاية لينفيا أو لا ، تعجبني روح هالادمية وَ يعجبني إبداعها بعد ماشفت المقطع رحت الصيدلية وَ شريت نفس منتجها ، قلت إن ماعجبني بَستخدمه كبلسم بعد الحلاقة ..
سَعر المُنتج : ٢٤ ريال سعودي
العبوة زُجاجية وَ متوفرة بجميع الصيدليات وَ السوبر ماركت وَ تجي مُغلفة بكرتونة طبعاً يعَني لا تتوهون وَ إنتم تَدورونها .. وَ نفس الشيء هي مُخصصة للبشرة الحساسة هذا كان خيار نيكي لا تشترون شيء ثاني ، لأن فيه أنواع آخرى
قبل لا أستخدمه على وجهي حلقت شعر جسمي وَ إستخدمته بعد الحلاقه ، يعطي ملمس ناعم وَ لا تحسين بالحكة أو التهيج وَ الأحسن إنه يأخر نمو الشعر
[ للمعلومية ترى الليزر مايغنيك عن إزالة شعر الجسم في حال خطر ببالكم إنت مسوية ليزر ليش تشيلين شعر جسمك ؟ تَرى يَطلع لك بيبي هَير أو وَبر وَ نحن عَربوه نَحب مافي وَ لا نَقطة شَعر ]
تطمنت بعدها إنه راح يناسب بشرة وجهي
وَ بيوم كان عندي مناسبة قلت يالله بغامر اليوم وَ بسويه ، وعاد إن ضبط بيكون ماكياجي بيرفكت ، وَ إن دهن وجهي مو مشكلة كله في سبيل التدوين يهون .
إنَطباعي عَن المُنتج ،’
بشرتي بطبعها دُهنية ، والبلسم سائل وَ رطب وَ مائي ما أدري شلون أوصفه قوامه ، إحساسه غريب وَ تحسين مُمكن الرطوبة إللي فيه تَقلب لدهنية ، خفت شوي إن التركيبة ماتناسبني قلت يمكن يدهني شوي
لما تاخذينه راح تحسونه سائل وَ ينساب بَسرعة ،أخذت كمية وَ مديته على وجهي ، فيه إحساس منعش وَ ناعم وَ أقدر أقول إحساس بارد شوي
تركت بشرتي تتشربه 5 دقايق بعدها بديت أمد الأساس ، حسيت الأساس إنسيابي ، بس كمظهر ماشفت مظهر خارج عن المعتاد ، بس الملمس أكثر طراوه وَ ليونه .
وَ فعلاً لما رجعت من المناسبه ماكياجي كان مازال على هيئته وَ مرتب وَ لا هو متزحزح ( عموماً أنا ماعندي مشاكل مع الماكياج وَ لا ثباته أو تقطعه )
ما قَد يخطر عالبال ~
– هل كانت التجربة ناجحة ؟!
مية بالمَية
– هل تستحق التَجربة ؟!
أوف كَورس ، ٢٤ ريال !! ماراح تقتل أحد خاصة إن ما أعجبك أعطيه أحد من رجال البيت
أصلاً متأكدة بتلاقونه إما مَع أبوكم أو زوجك أو أخوك طبعاً إذا كانوا يَستخدمون نيفيا
– كيف الريحة ؟!
ريحته رجالية ١٠٠٪ ، قَد تعد عَيب .. لكن مع أساس ريحته حَلوة أكيد راح تقل هالرَيحة
وَ بنفس الوَقت مع عَطرك ما راح يبين ، سألت أخوي قبل لا أتعطر وَ أحط ماكياج قلت له تَشم ريحتي ؟
قال ريحتك جل حلاقة هههههههههه قَفطني بَسرعة
– طيب نقربه من العين ؟!
إنتبهوا إنتباه شَديد لا يستخدم قرب العَين
– طيب شلون طلع هالمُنتج مُفيد ؟
أولاً لا يحتوي على كُحول هذي ميزة ، الشيء الآخر يحتوي على الجليسرين
يحتوي على بابونج وَ الهاماميليس ، وَ يطفي الإحمرار بالبشرة وَ جفاف البشرة
طبعاً أنا لاحظت يطفي إحمرار البشرة وَ الإحمرار مو زين مع الماكياج يخرب الماكياج
أغلب ألوان البشرة فيها إحمرار مو شرط يكون إحمرار مُلتهب مثل الغرب وَ أتوقع الغرب حبوه أكثر بسبب هالمَيزة
وَ الأهم جفاف البشرة ( يَمكن إللي تعاني من تقطع بالماكياج أو قشور راح ترتاح من هالناحية )
أنا بشرتي دهنية ما حَسيت بهالمَيزة
– نَستخدمه أو ما نَستخدمه ؟
عاد هُو خيار للي يَبون شيء إقتصادي وَ أنا جربته وَ ماشفت منه أي ضرر أو تحسس وَ كان نافع مَعي
الخيار عائد لك ، عاد صرت لما أكتب شيء تَجيني إستفسارات أعجب من العَجب نَفسه
مُمكن تَطلع لي وَحدة توها مَسوية حادث تَقولي عادي إللي مَسوية حادث تستخدم هالبريمر
وَ الله من تالي الأسئلة غريبة ، مافيها قِياس وَ لا تفكير قبل طَرح السؤال .. كَأن الناس يَبوني أكتب عَن إستفسار نادر
خلاص هَذي هي التَجربة وَ إنتِ قيسي عليها ، لا تَجيني وَحدة مقشرة بشرتها وَ تقولي عادي
أو بشرتها مُلتهبة وَ فيها مَشاكل ، إنتِ قيسي على نَفسك فيه شيء إسمه رُوح المُغامرة وَ حب التجربة
تبين تَجربين وَ تتحملين نتائج تَجربتك جَربي ، ما تَبين محداً واقف فَوق راسك بمُسدس جَربي جَربي !!
أنا عَندي بشرة وَحدة أجرب فَيها .. لو عَندي ١٠٠٠٠٠٠٠٠ بشرة كان بجرب وَ أقولكم لو فيك كذا سَوي كذا
أو هالبشرة ما يَناسبها ، المُنتج مُحتوياته بَسيطه وَ مافيها شيء مُضر ..
وَ أخيراً مُدونتي تُعبر عَن تجاربي وَ رؤويتي وَ خياراتي وَ إنتقائي وَ مُغامراتي وَ تقييمي الشَخصي
مُش كتاب مُنزل من السَماء ، يعني مو شيء تَلتزمين به بحياتك هَي شغلات أنا أعجبتني وَ ناسبتني وَبس
البَعض مَتحمل بزيادة ، نَزلت وَصفة تطويل الشعر تَجيني وَحدة طيب أنا ما أبي شَعري يَطول ؟!
طيب خلاص ببساطة لا تَسوينها !! خلي غيرك يَسويها .. أنا مُو مُهتمة بتطويل الشعر وَ جربتها .. مُش مُلزمة فيها
وَ ترجع تَقول بس بجربها بس خايفة شَعري يَطول !! هذا عَقل !! هذا مَنطق ..
إنتظروني غداً ببديل آخر للبريمر وَ إقتصادي كَذلك ( إسبوع الغرائب )
وَ بنختم هالإسبوع بكريم أساس فَضيع جداً جداً ، مَفروض كل ميك آب آرتست يَكون عندها حرام ما تَشترتيه
دُمتم بَحب
قلبي حس بالزين
كفايهةجنون تووسا هههه
راجعه برد
ربي يعطيك العافيه ع هالتدوينه .. ومررره حزينه من اجازتك بس يااارب تتهنين وتعدي زي الصاروخ علينا
تسجيل حضور ؛ good morning
ماشاء الله عليك الصراحه حمستيني اجربه انا اذكر زمااان استخدمت افتر شيفنج رجالي بس ناسيه ماركته ..استخدمته بعد حلاقة رجلي بالفعل مرطب فظيييييع بس هي مره وماعدتها مدري ليه الحين انتي ذكرتيني بالتجربه ..وراح اجربه برايمر..موفقه
ارتوس انا استخدمت البرايمر امس بزواج وتم المكياج ثابت اكثر من ٤ ساعات لكن دهنت جبهتي شووي لأن بشرتي مختلطه ، شكراً على كل شي تفيدينا فيه ??
واخير لحقت عليك عاد اليوم ابدا ماتوقعت فيه شيء جديد وانتي جد جد وحشتينا
صراحة حبيييت المنتج مووووت واكثر نقطة كانت تهمني هو قوامه شلون توقعت ثقيل ودبق بس من كلامك طلع كأن تركيبته مائية تشجعت اولا من هالناحية وعلى فكرة من ناحية ان الاساس يتقطع او يتقشر اشوف هالشيء راجع للعناية بالبشرة صح او غلط ثم طريقة وضع الاساس انا الفترة هذي عرفت كم غلط كنت اسويه وتحسن مكياجي شوي مثل طريقة الطبطبة القوية تهيج الحبوب شوي وايضا
طريقة مسكتي للاسفنجة او بيوتي بلندر لان االله يجزاك خير انتي وشاي االله يسعدكم نبهتوني للنقطة هذي قصرت اركظ وكاني عرفت الخلل وين.
وعلى فكرررة حييل حيييل عاجبتني مواضيعك السحرية والغريبة هههههه احس توسعت مداركي اكثر وتشجعت ابحث وغيرت نظرتي للبعض الاشياء.
ايش الطريقة الصح اللي تستخدمينها ؟
الطريقة الصح يالغالية اني ماطبطب بشكل قوي على وجهي بخفة وهدوء واذا جيت احط الأساس حتى طريقة مسكة الفرشة بنعومة مو كانك تفركين وتضغطين على وجهك لان هالحركة تزيد الجفاف وتعفس الأساس وحتى طريقة مسك الإسفنجة او البيوتي بلندر بالطبطة مو كانك تمسحين وعشان تفهمين قصدي اكثر ارجعي حق موضوع ارتوس عن طريقة خبز الوجه
دايما تبهريني سٓوس مافي تدوينة الا قريت فيها معلومة جديدة سواء بنفس التدوينة او بردودك فكرة جديدة وبكل مكان
تهبلين ي ارتوس
تدرين فرحت يوم شفت النيفيا اختي شرته بالغلط من الصيدلية وللحين ماستخدمتة اول ماشفته قلت يانيالك بجربة ان شاء الله
حبيت مرة فكره المنتجات الاقتصادية
ششككررا
الموضوع جدا جميل واكيد بجربه ان شاء الله خصوصا ان سعره رخيص يعني مو خساره ، وبالنسبه للموضوع اكيد انه الحمام المغربي فعلا هو اكثر موضوع اشوفه ينطلب منك ، شكراااا نتعبك معنا يا ارتوس ربي يعطيك الصحه والعافيه
صباح الخير
حبيت سلسلة المواضيع هذي غريبة ومفيدة كثير وتلفت النظر ! ، ما عندي مشكلة بثبات الأساس بس مع ذلك حبيت أجرب وبأقرب فرصة بجيبه وأشوف
شكرًا مِن القلب
حبيت تدويناتك الغريبة كريم البواسير و الحين الحلاقة :'(
تصدقي أغلب مدوناتك لو أحد غيرك كتبها ما أصدقها و لا اسويها لكن انت اعرفك من سنين
يعطيك العافيه ارتوس و ازين ما بهذي التدوينة انك جبتي طاري امك و خلتينا ندعيلها
أغلب تدويناتك*
ههههههههههههههههههههه فضفضتك الاخيره حسيتها طلعت من قلب بعض الحريم لازم يسألون اسئله مدري كيف ، المهم مدري ليه هذا المنتج بزياده تحمست له ان شاء الله اجربه قريب شكراً ارتوسه
العنوان فتح عيوناتي لي رجعه
الله يحرسك اسبوعك هذا حافل حافل من قلب
متحمسه لموضوع الفجريه
نرجع للبلسم فتشت ولا لقيت مع اخواني يعني اكيد راح اضمه مع اغراض الصيدليه قبل العيد
حبيت نيكي وكلامك عنها عن متابعينها شعبهم يبي الفائده وشعبنا يبي ينقد ويدقق ويقرقر بزياده
الحين لو استخدمته ماتصير بشرتي مثل بشرك الرجال هههههه سوال دعابي
والله يوفقك باقي ١٠ ايام وراح نقد حسش شهر وعساها اجازه سعيده يارب
عاد أنا احب أجرب كثير..ولحد الان الحمدلله مافي شي تحسست منه..ان شاء الله بيكون لي تجربه معه.
أحب طريقه سردك للتدوين جداً جميله ومشوقه.
و بالنسبه ل أسئله البنات الغريبه ملاحظاتها زايده عن حدها ع اي صوره سواء عندك او غيرك شي يطفش بقوه ؛(
وربي يعطيك الصحه والعافيه..والله يرحم أمك ويغفرلها يارب .
.
والله خلصت قراءة وماودي تخلص
لي تجربه معاه باذن الله ،،
شكراً من القلب
يازينك والله …عندي نفسه استخدمه بعد الحلاقه وزي ماقلتي خفيف ولطيف وراح اجربه ان شاء الله واقولك رايي فيه ارتوسه بخصوص طريقة مد المرطب بالطبطبه مرا فادتني كثير كان فيني قشور حتى طريقة ٤٢٤ مازالتها نهائيا بس اول ما استخدمك طريقة الفديو الي نزلتيه حسيت البشره فعلا امتصت المرطب كمان طريقة ٤٢٤ جدا جباره فتحت بشرتي استخدمتها مع زيت جوز هند عضوي وزيت لوز وكان الافضل لزيت الجوز حتى كان ع خشمي نفس الروس ماتنشاف بس تنحس باليد نعمها لي بعد اسبوعين استخدام كنت بكتب تجربتي بنفس التدوينه قلت يمكن ماتقريها …توسه متحمسه للاساس لان ناويه اشتري للعيد مرا انتي شي حلو حماسي ماقدرت انام قبل اقرا تدوينتك احوبك يالشيخه
يا سسلام احب المنتجات الفريدة و العملية
ما يخطر ع البال ابداً جل حلاقة يصير برايمر و لا كريم بواسير للعين طبعاً ..
اكتشاف حلول اقتصادية و عملية و بنفس الوقت جيدة او ممتازة هذا ذكاء و نادراً احد يفكر يجرب هيك اشياء
هيّر بوي فريند كان سبب في هذا الاكتشاف العظيم لزوم نشكره ههههههههههههههههههههههههه
يعطيك الف عافية خيتو
و ننتظر الغرائب القادمة ع احر من الجمر
و نحبك ي اردوستنا الفاتنة ؛$
تحمست أجربه ماقصرتي عزيزتي
صبآح التجارب
هههههههه عجب العجآب بلسم حلاقه يصير برايمر
بس الحآجه ام الاختراع ..والله حبيت أفكارك الجهنمية الاخيره وأحب الامر وأشوف
بروح أدور عند آخوي ولا أبوي البلسم وان عجبني بسحب عليه وما برده ههههههه
تعجبني الأشياء الاقتصادية اللي تكون بديله لأشياء ثانيه
يخلي لنا إياك ومغآمراتك
ربي يزيدك علم ويوفقك لي يومين حايسه ودي اسألك عن بديل بخاخ كلارنس رحت كنت باشتريه لقيته مقطوع من السوق قالت لي البايعه انهم طلعوا بديل عنه كريم يعتبر برايمر ومثبت مكياج ومغذي ويستخدم لكامل الوجة حتى حول العين ويغنيك عن مثبت المكياج بصراحه لونه وملمسه اعجبني خفت اغامر اخذ شيء وماينفعني خصوصاً سعره على كميته بالنسبه لي شوي غالي ياليت لو تعرفيه تنصحيني فيه او لا
ماشاء الله عليك مبدعة بكل شي
ياصباح الحب ،
و انتي والله من دخلتي حياتي غيرتيها للافضل،فخورة فيك سوس
تسلمين هاليدين،مبدعه دوما و فعلاً اسبوع الغرائب.
اتوقع راح اجربه(على قولتك مازبط ياخذونه رجال البيت). سوووس عندك فكرة عن تقنيه ريجنريت للتنظيف و تبييض مينا الاسنان؟؟
و كلنا حماس للمواضيع الجايه.
يسعدك ربي و يرزقكك اضعاف اللي تتمني .
صراحه انبهرت يوم قلتي بلسم حلاقه بجربه ان شاء الله
ويعطيك العافيه ماقصرتي
صباحك ورد نتائج التجربة مع السعر يا بلاش، نيڤيا كان لها منتج شامبو لشعر كان خيال يرطب الشعر هذا المنتج من طفولتي مانسيته ولا رائحته .. يعطيك العافيه جميلتنا التدوينات الاخيرة مجنونه ما سبق شفت طرحها عند أي بلوقر مميزه كعادتك ♥️
صباح التجارب
هههههههه عجب العجآب بلسم حلاقه يصير برايمر
بس الحآجه ام الاختراع ..والله حبيت أفكارك الجهنمية الاخيره وأحب الامر وأشوف
بروح أدور عند آخوي ولا أبوي البلسم وان عجبني بسحب عليه وما برده ههههههه
تعجبني الأشياء الاقتصادية اللي تكون بديله لأشياء ثانيه
يخلي لنا إياك ومغآمراتك
تدوينة رائعة …ومنتجاتك الإقتصادية أروع …
وأكيد محبين المكياج راح ينبسطون عشان يوفرون قيمة البرايمر
اللي يسلخ الظهر لحاجة ثانية…
وأكيد بننتظر الموضوع اللي يبدأ بحرف ( ح)..ومتأكدة إنه بيكون موضوع رائع
ومفيد كعادتك…
صباح النوور ..
حبيت المنتج مررة خصوصي انه ب 24 ريال …..
الله يهديك با توووسة الفضول ذبحني جالسة احاول أخمن الموضوع اللي بحرف الحاء ماطلع معايا شي شي …
ووبانتظار عجائب اسبوع الغرائب ….حبيت التسمية
والله يعطيييك الف الف عافية ♥♥
ياحبيلك وانا ماعرففك بس اسلوبك قرريب للقلب ..وماقول غير الله يصبرك ع الاسئله المعجزه اللي تنقال لتس لو انا كان قفلت الحساب من الصدمه ههههههه
الله يستر من الجاي لك فتره مواضيعك جدا غريبه
عودتينا على المنطقيه واللحين رجعتي لنا بالغريب كل شي منك حلو
ف مدونة تطويل الشعر استغربت كثير بس ﻻنه منك تجربتي بتبدا بكرا
ولو كان لي طريقه اقدر اوصل فيها صورتي كان ارسلت لك تجربتي
بديل البرايمير حبيته من قلب ويارب احصله واجربه خصوصا عندي معناه مع تقطع الكريم
ننتظر المفاجاءه الجايه وحرف الحاء اللي ماقدرت اخمنه
وكريم الاساس لو كان سعره مناسب ميزانيتي ليش ﻻ للعيد
ماعاد قادره اشكرك ﻻن ماشوف الحروف توفي معك
دمتي لنا ي الجميله
صباااحكك ورد
اهنيك والله ع روحك وعلى تميزكك
الله يكتب اجرك والله عجبتني تدويناتك من ذا النوع
احيانا يصير عندي الطلعه صعبه ف اكثر شي حولي هو الصيدليات او السوبر ماركت ف والله بتفكي ازمه
عسااك ع القوه والله يكتب ااجرك ياارب
نحبكك توسهه
تجنننننننننين وتهبلييييييييييين مجهزه لسته وبضيف لها المنتج تحمسسين صراحه للتجربه واحس بيناسيب لي لان بشرتي جافه ولازم ترطيب وعنايه مكثفه قبل المكياج ان شاء الله يريحني ولكي جزيل الشكر والعرفان وصحبات الاسئله الغريبه ترها كسوله عجازه ولا لها اي اهتمامات بس تطقطق وتتحلطم فلذلك ياعزيزتي اقوى بلوك وريحي راسك دعواتي لك ياتوستي لاتنقطع ابدا
التدوينه عجييبه كنت متخيله كل شيء إلا انه يكون عن جل الحلاقه وبديل للبرايمر الله يخليلنا ياك ولا يحرمنا منك ويعطيك الف عافيه الله يعلم قد ايش تتعبين وانتي تجربين وتشترين عشان الفائده محظوظين فيك ، كعادتك دايم تحمسينا ودي اعرف وش الموضوع اللي بحرف الحاء بس ناطرينك ان شاء الله وراح نعرف ، موفقه والله يسعدك دايما وأبدا
حبيييت
هالفترة طايحة بهالمنتجات اعتبرهم Life Hacks جد يفكون ازمات..
الله يعينك على هالنوعية من الاسئلة، كأنك حاطة ساطور على رقبتهم الا ويسوون هالشي -ايا كان-
اقابلهم واجد في الواقع، اغلب هالنوعية تكون منغلقة على نفسها وتفكيرها متحجر..
أحب طريقة تفكيرك
تجيبين الأفضل دائمًا ومحتوى غير مكرر
You are one of a kind
اول مرة الحق على تدوينة لك بتوقيتك العرقوبي
One thing off my bucket list
صباح الخير ، والله فعلا شكل الهرجه كذا بتصير الناس بتبحث عن بدائل غير مخصصه للشي المطلوب ههههههه ، ودام بشرتك دهنيه وناسبك وماطلع لك حبوب فإن شاء الله بيناسبنا ، اليوم اشتريت جزء من ماكياجي للعيد والحمدلله ما أخدت البرايمر بس اخذت الاساس ترو ماتش اهئ لو أدري كان استنيتك ، والشي اللي مستنينه بحرف الحا خمنت خمنت خمنت ماعرفته لازم حركاتك المشوقه .. يعطيك العافيه وماتقصري ..
صبآح الخيرات والبركات
نحن بخير بوجودج حولنا سوس ، الله يديمج لنا يا رب ..
ما شاء الله أكيد بشتريه بإذن الله هالأسبوع وبجربه ، ليش لا ؟
أنا التخبيص اللي خبصته بحياتي ما ايي ولا بنسبة واحد بالمية من ها ، أصلا
الشغلات اللي قاعده مؤخرا تطرحينها ما اعتبرها تخبيص ومجازفه ، لأنج تطرحين
عن تجربه وشغلات ادش الراس ، و أنتي نمبر ون و وايد مميزه فالطرح اسم الله
عليج ..
أساسا انا تلميذتج وأنتي أستاذتي ، لعلمج ما عرفت الجلسرين يستخدم كبرايمر إلا
منج فأحد المواضيع .. قبلاني لج ..
أما طرحتج الياي ويبدأ فحرف الحاء ، أكيد الحمام المغربي لوووول ..
احترامي لج أختي الغاليه
يسعد صباحك يا حلو
اليوم فاجأتينا بدون مقدمات عالانستقرام، جميله طلتك بكل حالاتها
انتي و مدونتك جزء لا يتجزأ من الفجريه
همم ح؟ حمام مغربي يمكن؟
احب كيف كلامك مو من الهوا الا مع الشرح، و انا معاك العبره مو بالمسمى العبره بالفعاليه. شرحك للمواد مقنع منطقي استغرب من اللي يقولون خرابيط :/
تصدقين غريبين هالناس اللي طلعوا بالاخير، مكتوب كل شيء بالتفصيييل، ما أفهم ليه مو حابين يساعدون نفسهم بنفسهم. صدمة لو متعيجزين يقرون و يبغون احد يرد عليهم بكومنت يعطيهم الزبده! يعني ما ادري يعني..
احنا حابينك كلك بمغامراتك ببساطتك بسعة اطلاعك بحبك لنا
انا من الناس اللي تغيرت حياتي عرفتك و انا بالثانوي و الحين ٣ جامعه و كل يوم اتعلم منك شي جديد زي البحر بالنسبه لي كبيير و اشتهي اغوص فيه اكثر و اكثر
متحمسين لطرحك كيف ما كان دايم فيه نكهه ارتوسيه
حرف الحاء حرف الحاء
حممممام مغربي صح ^^
والله شيء مجنون و رهيب أنتِ بطلة
موجود عندي لاني أحلق ما انتف
طبعا راح اجربه واثقة فيك
لو تقولين لون السماء وردي و الشمس زرقاء
أقول صادقة لوول .
وبمناسبة كريم الاساس انا عندي موقع ابغى
اعطيك عشان تشوفين اذا صح بس ما عرفت فين ارسله لك
http://findation.com/
هذا تختارين البراند ونوع كريم الاساس ودرجتك
اللي متأكدة انها نفس لونك ويعطيك درجاتك في الانواع الثانية وتقدرين تختارين البراند اللي تبغين درجتك فيه
ما عليك امر شوفي اذا صح ما عندي واجد عشان اتأكد .
خمسة أمووواه .
^^^^ ترى النقطه اللي فوق بغيت اتأكد اذا بيضبط ينزل الكومنت ولا لا ..
.. وتعجبت الصراحه من الاسئلة اللي تجيك يا حلمك يا ارتوس ماعليه هم فيه ناس اغبياء وحمقى تحملي حبيبتنا .. بعدين ماعليك من هالعالم ويا اظافرك يازينهم بسم الله عليك والله فقدنا طلتها ..
حبيبتي اتوس شكرا شكرا شكرا على هالتدوينة والله تو قاعده افكر اشتري برايمر من بينيفيت بس خلاص بجرب هذا البلسم .. الحمد الله مافيه بشرتي مشاكل بس احمرار ..يا ارتوس كل يوم بصراحة تفاجئينا بحاجات ان دل على شيء فهو قد ايش ان مدونتك متجدده حتى اذا نقلتي معلومة من بلوقر غربية .. على كثر ما اتابع بلوقرز خليجيات وسعوديات الا انه مواضيعهم مكرره بل اني صرت اشوفهم ما ينزلون حاجات ومواضيع جديدة الا من بعدك .. شكرا شكرا من القلبعلى مجهودك♥.. ضحكتني سالفة اخوك لما قفطك ع الريحه
متحمسين للمواضيع الجايه
اتوقع الموضوع اللي يبدا بالحاء ان شاء الله الا ببالي وسالتك عنه بالانستا قريب وخفتي يهبون البنات عليك يارب انه هو والله يقويك عالمواضيع الحلوه والرياضه لاتنسيها
عندي حب لتجريب اي شي جديد او مو دارج فاكيد راح اجرب هذا الشي. وبما ان انا اللحين في فتره توقف عن شراء المكياج بامر من الوالده الله يطول بعمرها ههههههه فهذا الشي ما يعتبر من المكياج فعادي هههههههه يعطيك العافيه
يازينك أرتوس
أتحمّس لطريقة كلامك وسوالفك في الموضوع أكثر من الأشياء اللي تعرضينها
أسلوبك ممتع ماشاء الله
قبل فترة شفت بنت في الانستقرام كاتبة أنها تستخدمه عاد ولا جا في بالي إني أجرّب أو أقول لأحد عليه
بس خلاص من يوم ورايح لا شفت شي غريب بأكتب لك عنه
بحكم عدد متابعينك ماشاء الله وخبرتك
الله يسعدك يارب
حبيت المنتج حسيته بيناسبني جازت لي سالفه انه يطفي إحمرار البشره
بجربه بإذن الله
شكرا توسه الله يوفقك في حياتك ويجزاك خير
بحبك
صباح الخير والأشياء العجيبة
ما شاء الله عليك بلسم بعد الحلاقة مره وحدة !!!
بس لأنه اللي طرحتيه حسيته دخل مزاجي ، لو بلوقر ثانية ما حـ أدخل مدونتها شهرين
الظاهر ان هالتدوينة ما حـ تمر مرور الكرام لازم لازم أجرب شعور المكياج بعد هالجل
يعطيك العافية توسة وهاف ا نايس داي
هههههههه عجب العجآب بلسم حلاقه يصير برايمر
بس الحآجه ام الاختراع ..والله حبيت أفكارك الجهنمية الاخيره وأحب اغآمر وأشوف
بروح أدور عند آخوي ولا أبوي البلسم وان عجبني بسحب عليه وما برده ههههههه
تعجبني الأشياء الاقتصادية اللي تكون آشياء بديله
تشكرات
يؤؤ ارتوس صدق تدويناتك صايره مجنووونه بس واثقه فيها ١٠٠٠٠٠٠٠٠٠٠٠٠٠٠٠٠٪ وهذا احلا شي الجنَان الموثوق ههههههه
.
ركض بدور الكريم عند ابوي يارب القاه
مع ان ماعندي اساس حلو تعبت من التجربه انتظر التدوينه حقت الاساس لعلّي القى ضالتّي ؛)
وصباح الخير ياوجه الخير
يازييييينك يختي وربي امس جالسه افكر اقول بدور
بديل البرايمر اللي عندي ماحبيته وهذاك انتي نزلتيه
باخذه وانا مغمضه بإذن الله ودامه يأخر النمو بستخدمه بعد مااشيل بأداة الحلاقه براون
تسلمين حبيبتي انتي *بوسه*
دائما أقول الحياه حلوه بتجاربها …من كل ناحيه واحساس نجاح التجربه شعور مايعرف فيه الا المغامر…استمري وترى بقولك تفاؤلك وحماسك بالحياه يوصلني مادري كيف بس فعلا أشعر فيه …
صباح الورد والجوري
الله يسعدك على كل شيء تقدمينه
وبإذن الله بجربها
:$
أحياناً بشرتي تطلع فيها قشور مع إنها مو جافه
إن شاء الله تنحل هالمشكله
دمتي بخير
صباح الخير ..
احب تدويناتك الغريبه المفيده
الله الله شو هالجمال يا ارتوس شو هالافكار والابداع
والله عاجبتني تخابيصك هالايام والاشيا الغريبه الي بتنزليا حبيتهااااا
وهلأ تجربة تطويل الشعر قيد التنفيذ وصلت لليوم التالت ي رب تزبط معي مابعرف اذا عم يتهيألي بس حسيت شعري صاير فيو حيوية مابعرف كيف اوصفها صح انو مشوار صراحة كل يوم زيت وتغسيل شعر بس الي بدو الدح مابقول اح
بالنسبه لموضوع اليوم عجبني كتير بس الله يهديكي لو منزلة التدوينةة قبل كم ساعه:( لسا من شويات رجعت من المول وكنت بصيدلية بوتس كنت جبت معي ههههه
حبيت كمان انو بخفف الاحمرار >معانااااه
يخليلنا حسك الحلو ياارتوس و يعطيكي مليون عافيه يارب
قلوب لباب بيتك :*
صباحك ورد
يالله كمية عطاء وكمية جمال منك
حبيت اشكرك ومهما شكرنا مانوفيك
واكيد لي تجربة مع المنتج
ان شاء الله القاه بس هههههههه
اسم الله عليج ارتووسه عاجبني مواضيع الغرايب والتجارب بهالفتره و انا اكره احط شي على شعري مااتحمل بس من غرابة الموضوع بديت فيه ودي ارجع بك واقول نجحت احس بتفيد كثير لما تكثر التجارب لي يومين فيها و حمستيني على البلسم ولو للتجربه على قولتج واهم شي اللي اخيرا الله يعينكم عليهم من جد ممممم الحاء حمام مغربي مثلا مااقول الله يزيدك من فضله يااحلى ارتووسه
صباح الجوري
حبيت المنتج قبل لا استخدمه وان شاء الله بجربه في اقرب وقت
ولفتي نظرنا الى انه نركز دايما على مكونات المنتجات ونكتشف الاشياء البديله
ومبدعه كالعاده
صباااح الخير وعطر الورد وطلة العصفور.
انتي نموذج حلو لـ بلوقرز مثالي ،انتي دُره نادره.
حبيت ذكرك لمصدر اللوشن ومن وين استوحيتي الفكرة.
ربي مايحرمنا منك.
شكرًا لجهودك.
جاري التجربه خلال يومين
صباح العسل ياعسل
ماشاءالله ماشاء الله ماشاء الله تجارب وإصرار وعطاء الله يخليك لنا
حلوووووو وو انا امشي واقرأ وأسأل في نفسي وانتي تجاوبي نادر هالشيء ماشاء الله
كان على بالي مكياج عشان انا الان في حاله تجهيز لزواجي فلازم اختار شيء حلو وانتي ضربتي عصفورين بحجر قاعده أجمع نصايحك ولو تسوي تدوينه كمان عن أشياء نحطها في بالنا لمن نشتري المكياج..
هالبرامير اكيد بيفيديني لأن بشرتي بعد فتره تجف مع الفاونديشن
وراح انتظر على احر من جمر تدوينة الفاونديشن
بس بجد ارتوسه سؤال
يعني اللحين انتي مسويه ليزر وتحلقين طيب لمن يطلع الشعر يطلع بيبي هير ولا يرجع قوي زي معاناة الحلاقه الأولى؟؟
كمان بقولك شيء لو سويت ليزر لازم احلق بس ولا عادي استخدم الحلاوه <<< أحس اني بتدعس طبعا أقصد بعد ما أخلص كل الجلسات
دمتي بسعاده
راح اجربه بأذن الله ،،ومشكوره ع جهدك وتعبك
الله عليك ، فعلاً الشخص اللي يآخذ منك يآخذ وهو ما يشوف لأن الثقه فيك عمياء جداً ، جربت اشياء كثير منك وما ندمت ولا قد الشعره ، الله يسعدك يا قلبي .
بعد بگرة عندي جمعة بنات و بإذن الله راح اجربه و اوفيگ بالنتيجه ، الله يوفقگ دائماً و ابداً ، استفدت منگ الگثير و الگثير ، رغم اني مُقله و مقصره جداً في اللايگات و التعليقات الا اني ادعي لگ في ظهر الغيب من گل قلبي ربي يشهد ، اتمنى لگ الخير و السعاده دائماً ، شگراً لگ
توسه والله عليك عجايب وغرايب ششششي فضيع ما يخطر ع البال ههههههههههه وبرضو حبيتو بس بشوف البديل التاني وكيف حيكون واكيد حشتري دا ياربي الافكار دي مدري كيف والطرحه اسم الله عليك تخلينا نحب المنتج ايش مكان توصلي شعورك للمتابع كيف يكون دوم يعجبني اسلوبك بشرح توصلي لنا الشي بطريقه حلو وممتعه ربي يسعدك ويقويك وصبرك علينا هههههههههه
حماااس مميزاته جميلة .. بجربة ان شاء الله ..
توسة معلش سؤال ..سكرب الجسم كم مرة بالأسبوع .. بشرة جسمي عادية الى جافة حسب الصيف والشتا.. ؟
يختي يختي إني أم العجايب *عيون قلوب*
أحب أقرأ عن كل شيء جديد وغريب حتى لو ماحجربو
وطبعا بثقة وتقدير كبير لكل مجهود وتعب عشان توصليه
لنا .. يسعدك ربي ياشيخة
صباح الجمال
عاد تدرين اني اتبع بلوقر اسمه سلطانه قالت ان الغلاب البرايمرات ضاره وجاههه هجوم على الانستا ماصدقوه لكن يوم قريت التدوينه وانتي قالتي انوه اغلابهن ضارات فامابعد كلام ارتوس كلام بالنسبه للي بحرف الحاء ادري انوه حمام مغربي >غشت من الانستا
تدوينه جميله
منتج عجججييببب ما يجي على البال 
وانا من الناس اللي احب اجرب و عادي اتحمل النتايج ؛) بس غالبا الحمدلله تجاربي كويسه باستثناء مره جربت منتج و طلعلي حبووووب بشكل يفجع مع انو بشرتي مافيها حبوب و قعدت الحبوب شهرين من جد شهريين طبعا اتفجعت و رحت للدكتوره و اتعالج الوضع الحمدلله و بعد ما عالجت الوضع رجعت اجرب و بس والله.
يعطيك العافيه والله فكرة ماتخطر بالبال
صدق من قال الحاجه ام الاختراع
انا حبيت جيرلان من حبك لها وفعلا منتجاتهم جميله
احساسي يقول انه بيطلع اطلق برايمر
إش هوا اللي بحرف الحاء هههههه امزح معك أكيد بنتظرك وأنتظر أسلوبك المشوق من جد من جد شي يفتخر فيه وانت أهل للفخر والحب والعطاء. موفقه.
العنوان يحمس .. راجعه
هههههههههه اخر التدوينه كلام من قلب واضح قلبك مليان تدرين مخلص برايمي وكنت ناويه ع ميك اب فور ايفر الجديد الرمادي للمسام وانا اقرا التدوينه اقول لنفسي بحول على نيفيا واجربه وماالو مجرب. ارتوس
كتبتلك بالانستجرام عن طريقة ال strobing تعرفيها او قريتي عنها
هبه جديده في عالم المكياج هههههههه ما ادري هبه جديده ولا احنا المتأخرين دايم.
صباح النور ووالسرور .. صلحت لي فكرة الأشياء الغريبة المفيدة الخنقشارية .. مررة كريم بواسير ومرة بلسم بعد الحلاقة الله يستر من الي جاي .. ممكن سؤال لواستخدمه على بشرتي ماله أثر على المدى البعيد .. وعلى فكرة الناس الي يألون بعضهم يسألون لمجرد الس}ال .. دمتي بود ..
انت كل يوم تصدميني و تدهشيني ربي يسعدك
ما شاء الله عليك ارتوس تخلين الشخص ينبهر أكثر وأكثر باللي تقدمينه ، أشوفك كل يوم في تطور عن اليوم اللي قبله
صراحه أنا صايرة مُدمنة لكل ما تطرحينه وأحس حتى لو تغيبين يوم أفقدك < الله يعينك علينا
إن شاء الله راح أجرب هالبلسم حلوة الفكرة حبيتها حتى ريحته مو سيئة لكن فعلاً تبان انها رجالية
صباحك جميل
بصراااحه انتي مبدعه ياشيخه جااي العيد وبنجربه ان شاء الله عن نفسي تعبت وانا اشتري مكياج غالي وليتني استخدم كثير ع الاقل هذا الجل له عدة استخدامات هااع
مشكووره ارتوووس وسلمت يدينك على هالموضوع البطل
ياويلي يا ارتوس هالفترة صايرة منتجاتك جبارررره ورخيصه بعد!
بس اليوم جوله على الحمامات الرجاليه الله يكرمك ببيتنا وادوره
وشكراً ياحلوة
متشوقة للموضوع اللي بتطرحينه اقصد ابو ثلاث سنوات، ارتوس فعلاً بفقدك باجازتك ، بس بنفس الوقت مستانسه بالراحة اللي بتحصلينها من ورا هالاجازة ، فعلاً حاسه انك محتاجتها.
تشكرات ع كل اللي تقدمينه
يعطيكي العافيه ارتوسسسه جاااا في وقته هالموضوع كنت ناويه اشتري برايمر فورايفر وجا هالبديل بالوقت المناسب .، يعطيكي الف عافيه
صباح الفل
بصراحه كل مالي اندهش من اللي تطرحينه صدق اشياء ماتجي عالبال وهالشي يميزك عن غيرك
بجربه ان شاء الله قريب .. وبالنسبه للموضوع احسه حمام مغربي هاا صح ولا ؟
صبآح الخيرآت ع احلى بلوقر ع النت <<الصدق والله انتي و itsjudytime افضل بلوقرين بالوجووووووود ..
صرآآحه انتي اجمل شيء بالحياة صراحتك وصدقك واهم شيء تجربين المنتج قبل تنزلين ريفو .. انتِ نعمه يَ فتآآه ماننحرم منك , مشكوره قدآآ ..
يَ لبى
انا بشرتي مختلطة وأعاني شوي مع ثبات المكياج ان شاء الله لنا تجربه وببلغك النتيجه
يسلم قلبك عالتدوينة يا ستي الله يسعدك
اول شي يسعد صباحك يارب
ثانيا مو مقصره والله سوس ولو ضل الكل يثني او يشكرك ما يوفيك حقك
تتعبي وتدونى والاهم تجربي ولو مايناسبك ونفتقد مانشوفه عندك بغيرك
وهذا مايميزك حبيبتي
والله اتمني لك الخير والتوفيق وشي فوق فوق انتِ وعجوبه
ومو مقصره حتي لو مانزلتي ما يبغا الكل بالنهايه انت زينا وعندك ظروفك حياتك مسوولياتك وعذرك معك حبيبتي
وبالنسبه لتدوينه الشعر والله كل واحده طلبتها ارسلتها لها بالبيبي وحابه تنتشرى اكثر واكثر
الله يوفقك ومنها للاعلى يارب
ودوووووووووم معودتنا ع الجديد والمختلف واللى محد يسبقك له وكل هالحكي مش اطراء ولكن اقل من حقك
بالتوفيق حبيبتي
واول ما اجهز شنطتى حقت مكياجي بيكون اول مقتنياتي
قلوب
لا لا مستحيل هذي ارتوس اللي اعرفها من سنين
صرتي متفتحه اكثر ومجازفه اكثر
بس شي جميل والله
من طريقة غسل الوجه بالزيت الى كريم البواسير الى تطويل الشعر اربعه سم والحين بلسم بعد الحلاقه
بس كلها اعجبتني وان شاء الله من اليوم ببدا بطريقة تطويل الشعر
وباسرع وقت ان شاء الله بجرب بلسم الحلاقه
شكرا ارتوس على عطائك
ياهلا وغلا ومية مرحبا …
…
..
اول شيء اسم الله عليك يافطينه اللي تنتبهي لمثل هالبدائل الاقتصاديه اللي تنفع كثير من البنات وكمان حتى اختيارتك للناس اختيار موفق وموثق بالفعل الادمية تنحب تدخل القلب هي وربربتها <<<< مع انه مااعرفها بس شكلها يحمس …
اكيد ماراح ابخل على نفسي بهالتجربه واساسا كنت ادور على شيء ينحط ع الجسم بعد الحلاقه نضرب عصفورين بحجر واحد …
مايحتاج اقولك قد ايش انا متحمسه لتدوينه الاساس اتوقع اللي قلتي لي عليه من سمعتك تطرين كريم اساس وانا عيوني قلوب
ياللا فوتك بعافيه يائمر
هلا هلا بالزينه
عرفته الموضوع حمام المغربي من كثر ماطلبوه ..
وعجيب المنتج من وصفك جاز لي والله لو ماصار للبشره يصير للحلق < تقلدك هههههههههههههه ماحنا خسرانات شي .. والله يستر من المنتج الثاني وش وش يطلع غششيني : (
هالاسبوع حماسي بقققوه ، الله يقويك ويعطيك العافيه حُبي =$
صباحك سكر
انا وين الاقي وحده مثلك خبروني يابشر
اعذرينا لو ماقدرنا نعبر بأكثر من كلمة شكرا ونحبك
حبيت بجد اتصور اني اقدر استخدمه بعد مااحف وجهي مثلا وبعد ماازيل شعر جسمي بعد لازم نجربه اكيد
ان شاء الله يكون كريم الفاونديشن متوفر هنا ツ
يسعد لي قلبك
صبآحك عسل ياعسل
احس اني ريم في بلاد العجائب اليوم لووول
حبيت الفكره واكيد أبجربها ان شاء الله
والشكر موصول للبوي فريند تبعها ههههههه
..
تحمست للحاء ولو اني ماقدرت اخمنه
في انتظارك ياحلوه
أحب فيك ياسَوس عقليتك المتفتحه ..
مجهود تُشكري عليه
هههههههههههههه ضحكتيني على الاستفسارات يلي ممكن تجيكي ..
!!
.
احب في تدويناتك الاشياء الغريبة والجديده
من جد يمكن عندنا حاجه نقدر نستفيد منها في كذا شيء .
يعطيكي العافية، والله يحققلك كل اللي تتنميه
حبي لك ولتجاربك والله
انا عندي خطوط دقيقة تحت العين وكمان الخطوط الدقيقة اللي تمتد من الانف للفم بجربه مع المكياج لو كان يخفيها او لا لان بصراحة البرايمرر يجيك ساعات كسرة ظهر بالنسبة لي
باذن الله اول ما اجربه رح اوافيك ان كان اخفاها او لا ويستفيدون البنات بعد
بانتظارك على نار
احبك توسة
عاد انا متابعه ل نيكي وبالبدايه صراحه استغربت ولا صدقت ولما شفتها بالسناب كمان تكلمت عنه قلت بجربه لاااااازم المهم كمان شفت يوتيوبر ومنهم desi perkins جربته ومدحته كثير وتقول كمان الميكب ظل ثابت وبيرفكت ,,, ف إنشاءالله اول نزله لي للصيدليه بجربه
و ابي اطلب منك طلب ياليت تجربين شادوهات ميكب قييك وتسوي لنا ريفيو عنها
و يعطييككك العافيه ياللي مافي منك ولا زيكك *قبله*
صباح الخير
ياربي ماينقطع هالنشاط والشغلات الجميله ^^
احتفلتي فينا هالشهر شغالين تجارب وسحبنا ع المطبخ هههه
البرايمر هو ضالتي حاليا على فور ايفر بس مو مره حابته
تتوقعين البشره الحساسه ممكن يهيجها ؟
حلوة ريحة وملمس منتجآت الحلآقه قبل وبعد ، من قريت اسم البلسم حسيت ببروده ..
ودايماً التجربة خير برهآن ♡
ومره متشوقه لتدوينة كريم الأسآس محتآجته للعيد وافكر ب فاونديشن ( نآرس) وم راح اتسرع وآطلبه لين اشوف تدوينتك التشويقيه ..
الله يجعلك سآلمه دوم ♡
حاجة نسيت اقولها كون انك تجازفين وتستعملين في مناسبة وهو ممكن ينكبك ويخلي وجهك يزيت والميك اب يسيح .. دليل على اخلاصك له المدونة ولمتابعينك :(.. الله لا يحرمنا منك يا شيخه
يعطيك العافيه .. صراحة المنتجات الاقتصاديه والبديلة صايره اهتمامي ذي الفترة .. واكيد حجرب منتج اليوم واكيد حينجح مثل تجاربي السابقة معك .. حاولت أخمن الي بحرف (الحاء) عجزت .. مستنيه بحماس موضوع الفاونديشن لأني بشتري اخر عالاسبوع ..
ياعمري انا ع اللي يغامر في سبيل التدوين من بعد تدوينه كريم البواسب قلت خلاص توسا راح تبدأ بالاشياء الغريبه وانتي قلتيها اسبوع الغرائب ههههههههههه احب حماسك للتدوين تحمسيني دايما بأسلوبك واليوم زعلانه عشان مالحقت بدري ع التدوينه
وعجبتني كلمت ( عجيز ) يازين العجيز اذا كانت سوس .. عجبني المنتج أحسك غصب تخليني اشتري الشي من كلامك والقوام فهمت وجربت زي كذا كريم اعتقد مائل للسائل بس احط يرطب بجد مع اني ما أهتم كثير فذي الاشياء لاني بسني ماحط ميك اب دايم زي ماما الا في حال حطيت اساس
توسه ياريت تخليلنا مكان نكتب من بعدك تجاربنها
تعليقاتك ع الاسئله فظيع ههههههههه اوقات كثير ارحم الي تدون من كميه الأسئلة الغريبه الي تجيهم ..هذا غير التدخل بالخصوصيات
عموما المنتج جميل نضرب عصفورين بججر ..خصوصا بعد الليزر فينوس راح يكون حبيبي وحلو استخدمه بعده
تشكولار يالزين
وَ أخيراً مُدونتي تُعبر عَن تجاربي وَ رؤويتي وَ خياراتي وَ إنتقائي وَ مُغامراتي وَ تقييمي الشَخصي
واصلي ياقمر والقلب ديما معاااااااك
عجبني جدا الموضوع .. وتحمست اجرب خاصه للدوام الطويل ..
صباح الخير
و الله يا بلاااش ع الاكيد بتكون لي تجربه حسست بالندااوه من وصفج
و الله يعينج ع البنات عاد هذي اللي تقول بتجرب و ماتبيه يطول اكيد تستهبل ولا مو صاحيه بعض الناس صدق غريبه !!
حمستينا للفاونديشن انا صار لي فتره بحالة عشق مع قيرلاين رهييب بصراحه عانيت معاناه مع الفاونديشنات و اخيرا لقيت ضالتي
صباح الخير
مدري ليه البرايمر بيني وبينه عداوه مل ماجيت اشتري اتردد واترك واكتفي بالباودر بس بما ان بشرتي مختلطه
جربت برايمر ماما اليوم وحبيت كيف اعطاء مظهر الميك اب بس برضو فكره البرايمر ماحبيتها خصوصا لما اشوف سامر كيف الميك اب اللي يحطه جميل ومايكون مستخدم برايمر ( مع انه يستخدم فكس بلس ) لما خلصت كاتبه شكيت سامر ولا بوبا اللي قال هالشيء
على العموم مافي مانع نجربه وان مانفع على قولتك نسخدمه بعد الحلاقه
شكراً
صباح الخيرات توس ماسمنع نطير ونشتريه من اقرب صيدليه امووت على التجارب اللي تخخض البشره اما اي شي يخص الشعر ماحب اجربه حدي اجرب الشامبو غيره نوووووو وثانكسوو على تجاربك وجهدك
ياحبي لقليبك ي اختي جد جد انتي افضل على الاطلاق ماقد احد ضحى وغامر بمكياجه سواك ي مغامرة وعن جد نحبك
ههههههههه الصراحة صدمة مايجي على البال نص من مية بروح ابحبش باغراض اخواني اكيد لازم اجربها ان شاءالله ..
الله يسلم يدك من لمسة النار
الله يرحم امك ويغفرلها ،
من جد اسبوع المفاجأت وجاري التجربه الله يعطيك العافيه
صباحك ورد .. يعطيكي العافية يارب ♡♡
بكره باذن الله باشتريه تعبت من ابقشور في بشرتي بعد الاساس كمان متحمسه كثييييير للا اساس بكره نازله السوق ومضطره اشتري اساس خساره ماراح الحق علی اساسك .علی العموم يعطيك العافيه يا الذ بنت ع وجه الارض احبك بحجم السماء
يوووووه احب هالادمية واحب الميك اب توتوريلز حقتها خصوصا لما سوت مكس هيا ويوتيوبر ثانية,كمان فيه جيجي قورجس بعيدا عن انها ترانسجندروالصرعة اللي الناس مسويين لهالموضوع الا ان فيديوهاتها جدا مميزة وتساعد من ناحية البرودكت وانها ماتحايد لجهة معينة,المهم ان شاء الله بجرب هالستب بالميك اب بس بشرتي جدا جدا دهنية فمتعودة بس ارشها بموية ورد تبرد شوي وابخ السبراي من نكس,بس مايمنع اجرب ودايركت على درج ابويا ههههههههههههههههههههههههه ,بس حبيت اسئلك ارتوس بالنسبة للرؤوس السوداء جربت اشيلها بالجيلاتين بس كيف انظف مكانها واسكر مسامته , وكمان عندي مشكلة المسامات مع اني اهتم بتنظيفها وتسكريها بس ماحسيت بنتيجة,ووقفت البيبي كريم اللي كنت استخدمه.. وباجازتك شوفي هاليوتيوبر اللي ماادري اقول هذي ارتوس بس تنصب علينا ههههههههههه Coco Lili ,وفيه هاذي لو ماتعرفيها جدا هيلبفل ItsMyRayeRaye وبس..
ههههههههههههههه انا ما عجبني الا التعصيبه الاخيرة وانا ما سئلت وخفت كيف الي سئلو ( عيب عليكم بئه احترمو الي تتعب عشانكم ) < اكلمهم بشويش
المهم يسعدك بس يا زينة البنات
والله لو انتي عندي كان عضيتك من المحبه بس هههههه
تدوينه رائعه وصلتي معلومات جميله ان شاء الله اجربو بدل برايمر بنفت
الله يعطيك العافيه فين ماتكوني
وبسسسس
< متابعتك من الاكاونت القديم بالانستا
حبببببببببببببيت يسعدددددك ارتوس بجد بجددد
جات بوقتهاا التدوينه ، روحي ياشيخه الله يفتح ابواب
السعاده بحياتك وبحياه كل احبابك ولايحرمك من
ضحكه احبابك
محتااااجه كنت لبرايمر وسعره اقتصادي قبل العيدد
وكنت ببداا رحله البحث الا تجي تدوينتك مع الصباح
الجميل يسعدلي قلبك ياااشيخه
راح اجربه اكيددددد وطيراان للصيدليه بكرا مرا
متحمسه اجربه بتمكيج واجلس بالبيت هههههههه
دمتي بسعااده ورضااا من الرحمن
والله ماقصرتي توسه الله يسعدك يارب
دائمآ ماترضين الجميع وعصفتي ذهنك بما فيه الكفايه عشان تسعدينا بتجارب ناجحه حتي لو كانت على حساب نفسك
وفعلآ تستحقين الاجازة مع ان قلبي يعورني من تجيبين طاريها لانه مرررره راح افقدك
اجازة سعيدة مقدمآ
ونتظار التدوينات القادمة
واتمني يكون كريم الاساس دولتشي اند غابانا عشان مره نفسي اجربه
السلام عليكم ..
لا عنجد شي غريب اسم الله عليك روحك المعطاءه عال العال !
( بيوم كان عندي مناسبة قلت يالله بغامر اليوم وَ بسويه ، وعاد إن ضبط بيكون ماكياجي بيرفكت ، وَ إن دهن وجهي مو مشكلة كله في سبيل التدوين يهون .)
وه يا زينك جعلك الجنة يا شيخة !
ما شاء الله احب تضحيتك وجرأتك ! ومخاطرتك بس لجل التدوين
عاد قَبل إجازتي راح أطرح مَوضوع لكم ٣ سَنوات تطلبونه من قبل لا أفَتح مُدونتي الرسَمية ، يبدأ بحرف الـ ( حاء ) ..
وَ بكذا بكون أَوفيت بـ ٧٥ ٪ من وَعودي لكم
احلف انه الحمام المغربي ههههههههههههههههههههههههههههههههههههههه (استغفر الله) ههه
وعنجد راح نشتاق لك في الاجازة (قللوب) بس كمان انت محتاجه بريك لوول
وان شاء الله اذاشريت المنتج خبرتك عنه ..ومن بكره ان شاء الله بجرب طريقة الانقلاب وراح اوافيك باذن الله بالتفاصيل
تحية لروحك الطاهرة عزيزتي ..
في امان الله
أرتوس رحم الله ام جابتك عساها بجنات الخلد وانتي معها يارب , حقيقي مهما كنتي تزعليني ببعض المواضيع او بعض ردورك الا اني ارجع ارضى من اول سطر اقرأه لك زي الصديقات بالضبط نحبهم ولو ماكانوا نفس أسلوبنا وتفكيرنا
ماعليك بكل الردود العبيطة الناس درجات وطبقات (فكريه أقصد)
استمري في فئة تحبك وتنبسط بحرفك حتى لو ماكنت محتاجة للموضوع أقرأه حرف حرف لانه منك حقيقي استمتع بكل حرف
وعسى كل ماتسوين بميزات حسناتك وصدقة جارية لأمك
*معك صنم متابعك من أيام شمواه >_<
بما انك تقولى انه بالتجربه كان مرطب فعال للبشره
اقولك على تجربتى مع مرطب للجسم فعال جدا
زيت الزيتون العادى الخام مش زيت زيتون للبشره من الصيدليه لانه بيكون به مواد حافظه
استخدميه مره بالاسبوع بعد الاستحمام على كامل جسمك، ومايكون الجلد ناشف تماما ،يادوب رطب
بس فقط نقطة على كف ايدك وادعكيها بيديكى الاثنين وبعدين على جلدك وهكذا جسمك كله
اهم شئ نقطة صغيره ،حتى لايكون الجلد كله زيت ولايكون له رائحه
فعال جدا جدا خاصة مع البشره الحساسة والجافه
نتيجته تخلى البشره مثل الاطفال فعلا ، حتى ابنى بدهن له به
، غير انه لاضرر منه على جميع انحاء الجسم حتى الجفون
هذه تجربتى الخاصه بعد عذاب من حساسية جلدى اللى ما استطيع استخدم معها اى كريم او مرطب او حتى زيوت عاديه اخرى
زين المغامرين والله .
.
دائماً وابداً تبهرينا
ومعلوماتك وتجاااربك غييير
جدداً حببييت الفكررة وبجريها قرريب ان شاءالله .
و انتي والله لو تكتبين استخدموا الشي الفلاني عجبني
“فقطط ” .
بدون اي سؤال او تردد وخوف بستخدمة ولو ايش ماكآن
وراح نشتاقلك في الاجاززة
عادد طلي علينا مش لازم تدوينة ، لو بس تحطين خلفية سوداء لووول
الله يسعددك بإجازتك ويهنيك
يعطيك العافيه نجرب ومالو في انتظار الفاندويشين عقدتي
ووااااااو جد شي مايخطر ع البال ,مررره متجمسه اجربه
الله يسعدك ويجعله بموازين حسناتك , انت تعطين بلا مقابل
شششكرا لك قد الدنيا ع كل اللي تقدمينه
يعطيك العافية أرتوس
بجد تدويناتك مفييدة ولو كانت عن شي مايهمني اقراها لأني أدري اني راح أستفيد بشكل أو بآخر
ان شاءالله أجربه قريب وأشوف النتيجه اللي يعطيني اياها
يا صباح الخير
فعلاً منجات نيفيا احبها وارتاح لها كثير وبدوره في بيتنا لو مالقيته شريت هههههههه
حلو للأزمات لو خلص البرايمر حقك كمان بعد حلاقة الجسم ولا احلى يعني من جد مااتوقع يروح بلاش :$
يسعدك ربي
صباح الخير أرتوس
واللهِ فكرة جميلَة ليه لأ ! صراحة أحبّ اغامر وأجرّب شغلات جديدة ؛ ما يسوى صراحة نظل ع نفس المنتظر والتفكير طول العمر ..
أكيد حأجربها زي أي اقتراحات قلتيها قبل *.*
على فكرة أنا بثالث يوم للتجربة الإنشكاحية :d إن شاء الله أسبوع أو أكثر وأكتب لك النتائج ..
وبنشتاق للتدوينات بإجازتك ..
بالتّوفيق وكل عام وانتِ بخير مقدماً
♥♥♥♥♥
♥♥♥♥♥
إعجاب و حضور
يا ختي لو تقولين حطوا ديزل انتي ثقة… نحط و احنا مغمضين.,عاد إبي اخمن شنهو اللي بحرف الحاء.. يمكن عن المنطقة االحساسة.. عساك على القوة..،
اممم حرف الحاءاكيد حمام مغربي < محد غش من التعليقات لووووول
المهم انااصدقك واثق فيك بكل شي واحب مخاطرتك وشرحك عجيب يخليني اغوص بالمعلومه واسرح بعالمي الخاص غير عن تجربتك الصادقه ذا اللي اضاف للمدونه رووووح الحماس والتجربه بالمنتجات ويخليني اجرب اي شي
تعرضينه واكيد البلسم راح اجربه بالعيد عاد م يحتاج جو العيد بالنهار حر حر اللي يجينا من عذابه عاد ابغى الميك اب بالعيد فلوليس رغم الحر ):
راح اشتاق لك بالاجازه تعودنا عليك كل يومين مدونه وشلون نقعد شهر عاد طلي علينا لو بصىر ليون م نقدر ع فراقكم )؛
مجهزة لسته للصيدلية وشكلي بأجلها الى ان تتكلمين عن البديل الثاني واقرر نيفيا او الثاني
يسعدك ربي مره شكرًا على كل كلمة وجهد ()
سلمتي وسلمت يداك باذن الله نجرب
يختي عليك يختي
.
.
.
قبل فترة او اسبوع تقريباً شفت هالجِل عندها
وقلت بدهاششش لازم اخذه اجربه
.
.
ياحلوك وياحلو وصفك الدقيق .. + ( احب لمن تفصلين بالتدوينه على الفئة اللي ترفع الضغط هههههههههه)
الله يحرم هاليديات عن النار
.
.
(وردة لك)
ياخي أسئلة الناس عجيبه هههههههههههههههه
طيب ليه الخوف؟ لا طال قِصيه هذا اذا كنتِ
تبين فوائد الزيت بدون تطويل للشعر..
لو لقيت المنتج عند ابوي او اخوي بَجربه ♥︎
بس صراحة ما بتعنّى له مع إن السعر يَحمس
لكن في البرايمر ما عِدت أفكر كثير أحس اكتفيت ..
حق قيرلان خورافي ورائحته تحمس للماكياج والنتيجة
رااائعة والفونديشن يطلع معاه بيرفكت
وبرضو بينفيت سَبق وتكلمتي عنه بَعد حلو
وبرايمر استي لودر .. هالثلاثه التوب عندي من تجاربي
البَسيطة ♥︎
وأكيد المنتج حلو وينفع للي يستخسر في شراء الماكياج لأن طبعا الناس تختلف في اهتماماتها..
تذكرت بَعض الناس الي تستخف باللي يشترون ماكياج
بكثره.. دايم الاقي تعليقات وَقحه بالانستا في اي صفحة ميك اب ارتيست .. انتي تأكلين الماكياج؟ ما تملين من الماكياج؟ ليه الإسراف؟ خلاص ما يعجبك الماكياج انفولو
ويا ليتها تكون زَاهده إنما تدخلين صفحتها تلقينها فرضًا مهووسه الكترونيات مَختمه كل الأجهزة ولا تحب السفريات وغيرها
أدري شطحة كثيير لوووول بس صدق الناس فيما يعشقون مذاهب يا لَيت يفهمون
يختي انتي رووووووووووووووووووووووعه قسم بالله
صباح الخير ارتوس ..
حاجه غريبه فعلا وماتخطر على البال
لو انا مكان نيكي بجلس مطنقره وابكي
مابجربه اكيد
يحسب لهاا ويحسب لك المغامره اللطيفه هذي
واكيد لي تجربة بإذن الله السعر يحمس للتجربة
وبالنسبه للشعر نشرت اللينك على خالاتك وبناتهم وبيدعون لك
نهارك سعيد
م ذ هـ ل ة .. كل الي اقدر اقولك عليه
=L
دائما تتحفينا بالغرائب .. أرتوس
متحمسة جدا لتجربتها .. وإن شاء الله لما أجربها أكتب تجربتي هنا
دمتي دائما بود
حبيت هالاسبوع للامانة كل يوم اشطحي ههههههههههههههه
حتى انا اكتشفت اكتشاف غريب.. عيوني فيها رمد عاد صارفة لي الطبيبة جل معقم للعين عند النوم وبنفس الوقت مزكمة قالت لي امي ادهنيه بخشمك لانه متجرح من الزكام): تقول انه بيشفى اسرع من الفازلين ماصدقتها بس على قولتك روح المغامرة وضبطت والله باقي شيء بسيط من اليوم الثاني اتوقع بيروح وحتى الجل مخلي رموشي رهيبة، اعتبريها مشاركه وجدانية:$ بالنسبة لبلسم الحلاقة حطيته ضمن مشترياتي.
يوووه فلللله انا مرررره احتاج برايمر يضبط مكياجي .. خاصه انه يقطع حول الفم .. بجربه باذن الله .. ومنتظررررررين الغرائب الله يسعدك
What i love mostly about you that you are always Up to Date
, i’v been eyeing this product since i saw Nikkie use it but i didnt have the nerve to use , but after your review i will inshallah give it a try
Love you
من لا يشكر الناس لا يشكر الله ف شكرا من القلب لكل فايدة ومعلومه تطرحينها واضيف ع موضوعج للبنات اللي يبحثون عن برايمر اقتصادي ويناسب كل البشرات جربوا برايمر سيفورا سعره ف حدود ٦٠ درهم او اكثر شوي طبعا في حال توفر سيفورا بمدينتج
ههههههههههههههههه الفقره اﻻخيره عندي احساس انك كتبتيها وانتِ تقطعين شعرك.
كالعاده تطرحين منتج بجوه جيده رغم بخس السعر ، احبك توسه وانتِ قاعده ترضين جميع طبقات المجتمع.
البلسم اعتقد لو حطيتيه قبل اﻻستخدام بالثﻻجه 10 دقايق واستخدمتيه حتزيد نسبة اﻻنتعاش وقبض المسام ، منتج اقتصادي وبسعر جميل ، حبيت مغامرتك فيه وكله بسبيل انو حنا نستفيد !! يالله لو نشكرك من اليوم لسنه قدام ماراح نوفيك بس ربي ماراح ينسى جهدك وصبرك.
ااااممممم حرف الحاء هو حمام مغربي !! بسبب حب العربوه للانسﻻخ وتبديل الجلد هههههههه قمة السعادة عند بعض البنات يوم تشوف جلدها يطلع اما بفعل مقشر او احد الحمامات القديمه.
اييوه في بأحد التعليقات فوق شفت وحده حاطه اقتراح انو تسوين لنا مكان نعرض تجاربنا فيه ، راح تطلعين بأجازه ونبي بفترة هالاجازه نجتهد وكل وحده تعرض تجربتها بهالمكان ، بكذا تكون هذي وسيله بسيطه لشكرك ان تعبك ماضاع ولعرض تجاربنا ومصداقيتك.
يا صباح العود و العطور ،، يعطيج العافية حياتي
كالعادة تتحفينا باليديد و الغريب ،، متميزة من أيام شمواه
عاد تدرين ماركة نيفيا ما أحبها يمكن من كريمهم بو قوطي ازرق
جان تحيدينه هههه ،، كان قوامه غليظ جي مب مريح .
تصدقين جنج حاسه فيني ادور ع برايمر يديد و حاطة في بالي جيرلاين
،، نجرب هذا و مثل ما قلتي عيبنا كان بها ،، ما ناسبنا ما خسرنا شي
التجربة خير برهان ،،
تسلمين حبيبتي عالتدوينة الخفيفة و الحلوة و نتريا اليديد من صوبج
صبااح الخييير..
هههههه راح اخفف ردة فعل الانصدام منا و جاي لان على قولتج اللي يستعمل كريم بواسير للعين ما راح يستغرب من جل ما بعد الحلاقه كَـ برايمر هههههه
عجبني قوام الجل من وصفه و هذا المنتج ما شايفته بمنتجات نيفيا لِـ حد الآن و اتوقع لان ما مركزه بِـ جهة جل الحلاقه بشكل عام بس راح اشوف ان شاء الله …
مشكوووره على التدوينه و متحمسه للتدوينه القادمه 3> 3>
الله !
يا محاسن الصدف زين انها نست مكياجها هههههه
و مع اني اتابعك من ٦ سنين تقريبا و اقرا كل ردودك و كل حرف تكتبينه الا اني احترت بالموضوع اللي يبدا بحرف الحاء ههههه
و شسمو ايش رايك تتكلمين لنا عن ستايلك في العيد و خصوصا لون شعرك :$
و شكلي بأجل مشترياتي للمكياج لحد تدوينة كريم الاساس و متأكدة راح يناسبني لان بشرتي نفس بشرتك ..
و شكرا حبيبتي ع كل شي
صباحَ الخيرات ..
يسعدلي يا ناس اللي يجرب و يحاول يفيد مَشاء الله عليك جد مخلصة بعملك كمدونة تنقلين تجربتك من قلب و تجربين عَ نفسك رغم انها مخاطرة خُصوصاً ان بشرتك بيرفكت وهذا اللي عارفينه من زمان ، و انتي مو ملزمة بالذات الان اغلب اللي يسمون انفسهم بلوقر وهو مَ طبهم اغلب مدوناتهم إعلانات و تسويق و نفس المنتجات وطريقة عرض و وصف ركيكة مجرد دش و حشو .
بس انتي و كم بنت تميزتوا و جداً جداً فخورة فيكم بالذات أنكم عربيات ، مَ تحتاجين شهادتي اسم الله عليك اتمنى لك حياة سعيدة و ان عطائك ينرد لك أضعاف أضعاف و لا يحرمك السعادة ..
حالياً بشرتي غزاها حب الشباب لكن ما يمنع ان شاء الله بجربها بعد ما تخف ومتأكدة ان النتيجه بتعجبني ..
يَ رب انه الفانديشن اللي ببالي اللي راح تحكين عنه بانتظارك .
الظاهر كلنا نتشارك حب نيكي وشطارتها بالميكب
اول مره تعلمت كونتور الانف الصح منها تابرني شو محترفة
والاحلى منها انتي هههههههه
صراحة ولا مره خطر في بالي استخدم شي رجالي
والسبب بسيط ! بشرتهم عنيفه لووول
لا جد احس ان بشرتهم قويه وصلبه وماتتاثر من اقل شي
مو زينا مساكين لو يقلب الجو تبهدلنا
اعتقد اني راح اجربه لان كريم الاساس عندي تشفطه بشرتي
ومايبقى منه نقطه مع الاسف
دورت المنتج في اغراض اخواني لكن مالقيته
بكتبه ضمن قائمة مشترياتي واكت لك تجربتي ان شاء الله في القريب العاجل
دُمتي بحب ياجميلتيّ
فعلا أسبوع الغرائب
توسه جد الله يسعدك من قلب والله
معجبه بطريقة تفكيرك جدا
بعيده أتم البعد عن خداع النفس
وصريحة جدا جدا حبيت هالشي فيك
.
.
وكمان جربت جل الديفرين شي جميل مره مره
بشره وجهي صارت احسن بكثير
شكرًا من قلب
حلو..والاحلى منه سعره.
بنضيفه لقائمة التجارب اللاحقة..
يعطيك العافية…
*مع ان لي ساعه افكر وش اللي يبدا بحرف الحاء..وعجزت اعرفه
مننننجد ياارتوس اسبوع الغرائب هههههههههههههههههه
.. لكِ حببببي
لكن اي شي تطرحينه انا اجربه بدون اي تردد والله واثقه بكلامك مليون بالميه ،، تصدقين عاد انا جربت كذا مره منتج حلاقه او كريم حلاقه للرجال احس مفعوله افضل من منتجات النساء ع بشرتي وبنفس الوقت ارخص .. نرجع للمدونه
تحمست اجربه خاصه انه للبشره الحساسه في اقرب فرصه بجربه ..
على فكره ارتوس بديت من اول امس تجربة تطويل الشعر وبشوف وش يصير بشعراتي
صباح التسامح المنتج روعه روعه بديل إقتصادي ومميز شكراااااا عالتدوينه فعلا إسبوع الغرائب من جد اسبوع حاااااااافل
ارتوس حبيبتي اطلب منك السماح ب إعطائي فرصه ارجوك
تجاربك غيررر ودايم المعلومات اللي تقدمينها مفيده وغريبه
منتج اليوم خلاني افكر ان ممكن القى حلول ومنتجات باستخدام اشياء ماتخطر على البال اعتبره منتج غريب …
ذكييييه هالبنت كيف استفادت من منتج لغرض ثاني
شكرا لك وشكرا لكمية المعلومات اللي جالسين نستقيد منها
ارتوس حبيبتي لاتنسين موضوع البروتين جدا محتاجين له مفكره اشتريه لاكن انتظر تدوينتك
معلومه حلوه من انسانه رائعه
بجد كل مواضيعك استفدت منها
ربي يسعدك ويوفقك ويحفظك يالغلى
صباح الورد لاجمل بلوقر بالتاريخ
يعطيكي الف عافية ع التدوينة الرائعة اليوم
افدتي الكثير وانا واحدة منهم خاصة انه المكياج عندي ابدا مش ثابت وخاصة الاساس اقسم بالله معاناة لازم يعرق رغم اني غيرت اكثر من اساس
بعرف شكله المشكلة من وجهي
راح اجرب هاد البلسم بأذن الله ومتوقع نتيجته بيرفكت
يسلمووو يا ارتوستنا
والله يرحم الوالدة ويغفرلها يا رب
الله لا يحرمنا من عطائج يا ارتوس ….. وهالسنه مبدعه جداً في المدونات ،،، شكرًا جزيلا والله يخليج لاحبابج ولنا..
يااازينة ي ارتوس اي شي منك اجربه وانا مرتاحة صح الفكرة العجيبة بس لاضررر وسعر رخييص مافيها اي خسارة
يسعدك ربي توسه
بس يخف التهاب وجهي و يخلص برايمري حستخدمه مليان عند زوجي !!
احوبك و حتوحشينا واللهي …
الله يرزقك من سابع سما
صباح الخير والنور والسعاده عى اجمل توسه بالدنيا
اولا شكرا من كل قلبي على المواضيع الاقتصادية لانها مناسبه وضعي الحالي
بصراحة حبيت وصفك للمنتح وان شاء الله اجربه عن قريب خصوصا انو لساتني جديده في مجال المكياج
الله يعطيكي اضعاف ما تتمنين ولا يحرمنا منك يارب
تحياتي
يعطيك العافيه ياعمري
انتي شخصيه جدا رائعه مستحيل تتكرر بالعالم احييك على حبك لتطوير مجتمعنا فدددديتك
الصراحه كل مالها تدويناتك تكون احلى واحلى ودائما مميزه ومو مكرره ومتحمسه لتدويناتك الجايه جددا وخاصه حرف الحاء اللي مادري وشو ههه
حبيت أسبوع العجائب
و الله راح نشتاق لجنونك
محدثتك و حليب جوز الهند في الشعر
حبيت اسبوع الغرائب دا سرت اتحمس كل يوم ادخل المدونة واشوف اذا نزلتي شي اما عاد فضفضتك الاخيرة ذبحتني الله يعينك ماتوقعت ان في ناس تسال كده
مشكورة ♡♡
صايرة التدوينات حماسية جدا
صار في إثارة تغير المود للأحسن
الله يجزيك خير ويرضى عليك..
عن جد شايفة أنو يستحق التجربة كمنتج اقتصادي
شكرا توسة ع كل شئ انتي اكثر وحدة لها لزوم بها النت بالنسبة لي
لازم وبشكل يومي أطل على مدونتك
دعواتي لالك
زمان كان لي تجربه سيئه جدا مع خلطه للوجه وبعدها صار عندي خوف من اني اجرب اي شي
بفضلك رجعت لي روح المغامره صرت اجرب اي شي ولأي شي والنتيجه اني عرفت نفسي اكثر وحصلت اشياء تناسبني
شكرا لك ياملهمه
يسلمو و توسه
منتج غريب بس عادي مادام البنات جربو سودو كريم في كل شيء حتى التبييض
فهذا اهون عاد انا امس في بنده وشفته بس للاسف ماخذته
تواعرف انه البرايمر يحتوي على الجليسرين معلومه جديده
وكل برايمر بشتريه بقرأ مكوناته
بس ايش الي الموضوع الي يبدأ بالحاء ؟؟؟
صباح النور
واوو شيء رائع حقا…لما أخرج راح أشتريه لأني بشري أصبحت جافة جدا مأخرا يمكن يساعد
شكرا لك أرتوس…الله يرحم أمك و يجعلها من المعتوقين من النار في هذا الشهر المبارك
صح فطورك
ماشاء الله ما ادري وش اقول صراحه خلص الكلام : (
ما في متلك .. الله يحميك حبيبتي
متعة نقرأ لك مدونة
الله مرا الله
احب الاشياء الغريبهه , ان شاء الله اكييد ح اجربو
وننتظر الباقي
بس شي يحزن جالسه تعودينا عليك م ماشاء الله كل يوم يومين تدوينه وكلهم احلى من بعضض بعدين شهر مافي ؛’
عموما ان شاء الله المانع خير وترجعيلنا ب ١٠٠٠ صحه وسلامه
احب تدويناتك الجميله والعحيبه
ومتحمسه لحرف الحاء اكثرررر
الله لايحرمنا منك ♥♥♥♥♥♥♥♥
تدوينه عجيبه
اصدمينا وابهرينا
الله يسعدك، كأنك ساعدتيني باشياء كثير بحياتي
رمز للعطاء
الله يعطيك الف الف عافيه
مشاء لله ابهرتينا ..
احب هالنوع من المواضيع يثبتك اكثر كمدونه مميزه جداً جدا ً
والموضوع جا في وقته خلص البرايمر اللي عندي
ولايمنع اني اجرب هذا احس اني بنبسط عليه خصوصاً انو بشرتي جاااافه
بس برضو بنتظر للتدوينه الجديده
لك كل الشكر والاحترام والتقدير ..
ياحلوك وياحلو اكتشافاتك المبهرة
احب فيك روح المغامرة
وروح حب الخير للغير
الله يجزاك كل خير هذا اللي اقدر اقوله
انتي روووعة يا تووسه
تسلمين حبيبتي وربي يحفظج من كل شر..
عجبني المنتج رااح اشترييه إن شاء الله وبستخدمه لجسمي بعد الحلاقة خصوصا ان جسمي من النوع الحساس.. لكن من ناحيه اني استخدمه كبرايمر!! بحاول اني اجرب مع اني مب من النوع اللي يحط مكياج بسبب الظروف الاجتماعيه اللي اعيش فيها.
ولج احلى قبلة على الجبين
واااو حماااس بإذن الله راح اجربه لان عندي الاساس يتقشر بمنطقه الانف بذات اذا حطيت مكياج في ايام ورا بعض يعني مثلا زي العيد
والبرايمرات غاليه والله بجربه وان شاء الله تكون النتائج حلوه
مشكوره على هالمفاجات اللي تقديمها
احبك من كل قلبي
شكرا ع المجهوود .. جاري التجربة .
ياجمالك ياسوس فعلا بدائل ماتخطر على البال والاكيد انها مضمونه كنت بنزل السوق ذا الاسبوع عشان محتاجه برايمر واساس والحمد لله انك قولتي فيه تدوينه عن اساس ممتاز عشان انتظرها واشوف رايك قبل اشترى دائما افكارك تناسبني ربي يعطيك العافيه
مع زحمة الحياة اتذكرك وافتح مدونتك عشان ارجع لانوثتي وابدأ من جديد بالاهتمام بنفسي
انتي بالنسبه لي رمز الانوثه
صراحة يا أرتوس انا جدًا استغرب لمن تحمين عن الاستفسارات الغريبة اللي تجيك
معقول فيه ناس بهالنفسيات وبهالعقليات
وربي ما اجاملك ولا انافقك _ولاعمري أصلاً أجدتُ النفاق_ لكن صدقًا ومن القلب انتِ انسانة رائعة ومحبة للخير ومعطاءة وجميلة روح وفوق كذا معلوماتك غزيرة وخالية تمامًا من الخزعبلات اللي تكتظ بها رؤوسنا _معشر النساء_ وفوق هذاا وذاك تجاربك صادقة و والله العظيم اني اثق في كلامك ثقة عمياء تمامًا بس اكيد زي ما انتِ قت انا ماراح آخذ الا الي اللي يناسبني واحسه يلوق لي يعني انتِ ماتجبرين احد على التجربة وكثر الله خيرك قاعدة تغامرين ببشرتك(وهي الأهم) وبفلوسك و وقتك وجهدك
يعني جزاك الله كل خير وأثابك وكتب أجرك
وبالنسبة لذا البرايمر (خلاص سميته برايمر)اكيد تحمست له وراح احطه في بالي بحول الله
ومن فترة استخدم برايمر بينيفيت اللي يقفل المسام او يصغرها هو كويس ويعطي احساس مخملي بس صراحة بعد فترة احس يروح هالمفعول والناس اللي يستهدمونه بشكل يومي يقولون انه يوسع المسام بس للامانة انا استخدامي له قليل اصلا فما اعرف لو المعلومة صحيحة او لا
ويعطيك الف الف عافية ياقمر
يامساء الخير
أول ماشفته الصورة بالإنستا قلت: غريب! بلسم حلاقه! مع فرشة أساس!! أكيد بيكون بينهم شي ههههه
طبعًا قبل ما اقرأ كلامك
قاعدة ادوّر جُمل وكلمات تبدأ بحرف الـ ح هههههههه متحمسه أعرف.
تدوينة اليوم تجنن وتحمّس بعد
شيء غريب وجديد وحلو
إن شاءالله أجربه وأكتب تجربتي هل نفس نتائجك أو تختلف، بكتبها على بوست الصورة حقته إن شاء الله
دمتي لنا
دمتي آرت
شكرا من القلب آرتوس
انا كان عيني على برايمر من براند معين بس مو متوفر في منطقتي وكذلك سعره يعتبر مرتفع
فوجدت ضالتي في تدوينتك الله لايحرمنا منك
قد ايش انتي محظوظه بالتفريج عالناس ربي يسعدك
و كمان حلو بستخدمه بعد الحلاقه لجسمي لاني نادرا احط فل ميكب
حبي و احترامي لك
شُكرًا قد السّماء
ربّي يوفقك على اللي تقدمينه
مُذهلة إنتِ صراحةً !
عافاك الله .
ارتوسه لو تنزلين تدوينه عن الفازلين انه كويس بينقطع من السوق ما شاء الله ما القى شي بالسوق بعد ما تطرحين تدوينه عنه و هالبلسم بيدعون علينا الرجال لان متاكده بينقرض من السوق كل البنات بيشترونه يارب يمديني اشتريه قبل يخلص
مع حوبي يا حوبي انتي
بسم الله عليك بدعتي هالاسبوع D:
و يعطيك الف عافية و يحقق لك آمالك كلها قبل ماينتهي ها لشهر الفضيل انتي تستاهلين كل خير
و اكثر شي تحمست له ( حمام مغربي ) اذا كان صح علي PP:
حبيييييت جدا بديل ممتاز ومتوفر .خخاطري اجربة بس هالفترة انا حريصه جدا جدا ع بشرتي ﻻن طلعت لي نفر وابي اعالجها بأسرع وقت عسب ابدي جالسات ليزر لعلاج شي ببشرتي …ف خايفة من رده فعل بشرتي تجاهه خوصا انج ذكرتي انه قوامه دهني…بس عالاكيد بجربه لما تزين الامور
عسى ربي يحقق لج كل امانيج ويحفظ لج كل غالي ..جد مانوفيج بحقج كل يوم تتحفينا ياشياء ماتخطر ع البال♡♡♡♡
حبيت الموضوع خصوصا اني ما توقفت في اخر برايمر شريته ان شاء الله ألقى هالبلسم في اغراض ريلي
بالنسبة لردود البنات انا وياااج والله استغرب وانا اقراء بعض الردود في مدونتج او انستغرامج او حسابات ثانيه، اللي تنصح واللي تسب واللي تسأل سؤال ودي اروح بيتهم ارفع رأسهم وأوريها ترى مكتوب نفس السؤال وجوابه
الله يعينكم صراحة ويأجركم ، انا عني وااايد استفدت اللي يناسبني اجريه واللي ما يناسبني خلاص أخليه مب معجزة اهي
ما شاء الله عليج
هالاسبوع كله حماس وربي وحدي متشوقه لكريم الأساس اللي بعده مآ نزلت تدوينته ههههههه بس من جد كلامج يشوق واعرف ذوقج ما يخيب
دامه نفعج بعد حلاقة الجسم باخذه لأن هذي بحد ذاتها ميزة حتى لو ما بستخدمه لويهي
اكيد بنتظر وكلي حماس للتدوينة اللي بعدها، تسلم يدج ويسلم قلبج
يا مساء الورد فعلا أسبوع المنتجات الغريبة يا ربي تحمسين فعلا شكرًا من القلب لكل ما تقدمين ربي يحفظج
يااارب يضبط معاي واتخلص من مشكلة تكتل الاساس
ع العموم مع ان بشرتي حساسه ومااجازف فيها بشي بس بماان ارتوس طرحت الموضوع يعني ثقه باذن الله
يااهلين ومرحبتين بالزينه الزينات ارتوسه بنت الاراتيسي خخ لمن اذكر مدونتك الاولي بشمواه يوم قلتي اسمك كذا مت ضحك صفيتي اسمك مع العايله ع وزنيه اليوزر
موضوعك خطير كالعاااده والموضوع القااادم عرفناه خلاااص الحمام المغربي ياكثر مايطلبونه البناات .. دايم اذ رحت الصيدليه اقول هالمره بشتري شي بعد الحلاقه عشان بشرتي ماتتهيج وتحبب متعبتني بس انسئ مدري. ليه وليتني اكتب لي نووته بكل اشيائي انسئ بعد ادري بتصفقيني بسس خلاص بعقل المره ذي بكتبه من الحيين واذ مانسبني راح اخليه لبعد الحلاقه مكوناته تنفع صراحه ومراح اتحسس منها اكدكيددد
تشكرات ياسوس الجميله الله يسسعدك قد ماتسعدينااا واكثررر
مرحبا
هههههههههههههه بصراحه ماتنلامين ابدا في بعض الاسئله اقراها احيانا
ودي ارد بس التزم الصمت افضل
شكرا شكرا شكرا شكرا لك وتم شراؤه من يوم شفت بالانستقرام والحين اقرا شلون طريقته
يجنن لكل الجسم بعد
تذكري كل خير تقدمينه س يعود اليگ في يومآ ما .
يالله .. اذكر انه كان عند زوجي و اعتقد اني رميته لانه ماعاد يستخدمه
خخخخخخخ لودريت استخدمته
عموما الفكره بططططله و السعر أبطل
ان شاء الله أجربه بس اخلص البرايمرز اللي عندي
الله يسعدك ارتوس
لا والله يا ارتوس عقب كريم البواسير ما نستغرب شي
نجرب اشورانا
سيري ونحن من ورائك
عاد جنج تدرين قاعده ادور ع برايمر ومحتاره بكذا واحد
الحين بخلي كل اللي محتاره فيهم وبجرب بلسم نيفيا
يختي ماغير اشتري حق هالدروج
اشتري منتجات ب مبلغ وقدره تالي يطلع خرطي وينقط بالدرج
عالاقل هذا رخيص مو حسوفه فيه
عندي مناسبة قرقيعان الخميس بجرب البرايمر
وامس اخذت لوز باودر لورا مرسييه
بجرب تكنيك خبز الوجه
ورحلة البحث مازالت جاريه عن كريم البواسير
يعني مكياجي بيكون برعاية ارتووووس
وان لحقت ع الفاونديشن الخطير بعد خير ونعمه
صج اسبوع الغرائب
نايرينج دايما توسه
يا مساء الاشواق يا روحي
> ما أدري ش جاب أغنية نوال ع بالي بس جات صح ههههه ، تدرييين إني بمرحلة بحث عن برايمر وأنا أحب المنتجات الاقتصادية يعني الله يسعدك أضعاف ما أسعدتيني وساعدتيني 
و استفسار اللي مسوية حادث من وين جا ع بالك ههههههههههههههههههههههه الله يعينك ع هيك ناس ، صراحة أنا لما أنقل عنك معلومة لاحد أتعذب عشان أقول كل شيء عشان أبري ذمتي ف شلون أنتي ؟ الله يخلييك لنا ويجزاك كل خير عن كل حرف مفيد كتبتيه لنا 
للحين مافي اغرب من كريم بواسير للعين ههههههههه وجاري تجربة هالبلسم .. يعطيك العافية توسة على كل شيء تقدمينه لنا .. مايوفيك حقك الا الدعاء الله يسعد قلبك ياارب .
موضوع بطل مثل صاحبته..جازلي الكريم من ناحية استخدامه الأساسي احس رح يحل مشكله عندي ..وحلو انو يستخدم كبديل للبرايمر ..
عساك للجنه .
توتو أرتوسه انتظرج بفارغ الصبر ،، خصوصا عن الأساس والبرايمر الثاني ،،
الله يسعدك مايجي منك قصور كل شي وااااضح بالتفصيل الممل ومفهوم وتدرين ان ببالي اسألك سؤال خاص ولقيت اجابته في هالتدوينة هههههههه
بالنسبة للبلسم هو فعلاً غريب بس حبييييييييت انه يثبت الميك اب لاني أعاني من ثباته اول ساعة تمام التمام بعدها احسه يبهت !! ان شاءالله بجربة بأقرب مناسبة
يسلم لي قلبك وروحك …
تحمست اجربه انا حديثة عهد بالمكياج ولا عندي ولا مثبت
لسى اخطي خطوة خطوة لوووووول
الله يصبرك وياجرك والله التعليق ع موضوع الشعر قتتتلني بتجرب وتخاف يطول يالله هههههههههههههه
انا اليوم الثاني تبع تجربة الشعر متحمسة مرررره اشوف النتيجة
و الله توصية تجنن سعره حلو و يفك ازمة لو مخلص البرايمر حقك او حتى تبين تبدلين بينه و بين البرايمر الأغلى توفير كبير
يسلمو ارتوسه
ههههههاااي مدري ليش اقرأ و أنا أضحك،،
أول شي يعطيك العافية على التدوينة اسم الله عليك بنت نبيهة و ذكية و دايم تطلعين بشغلات رهيبة،،
الله يسعدك و يديم هالروح الحلوة،،
ضحكت على آخر التدوينة،،يقولك اللي يخالط الناس لازم يصبر عليهم، كيف اللي يقدم خدمات و مو أي خدمات
شغلات نسوان فنتوكية،،
عفارم يا جميلة
يسعدلي مساكِ
تمممام التممام مدام بطلي علينا
بخصوص الموضوع اللي بحرف الحا عرفت من البنات انو الحمام المغربي *فيس فرحان* عنجد اخخخخيرا
والله وانتِ جزء من قلبنا كمانوحياة ربي ما بيمر يوم الا وبتيجي سيرتك بالبيت
الاجانب بيحبوا يجربوا ويخبصوا كتييير لوول انا دايما بحب اكون بالسليم اضمنلي بالزات انا ما بفهم كتير بالمكونات والاشياء هادي، سعره ع انو استخدمو برايمر تحححححفة ومدام عجبك مضمون مي بالمية،تخيلي حكيت لامي ع كريم البواسير قالت ارتوس مدام حكت عنو يعني منيح!! والله انصدمت من ردت فعلها من كتر ما هي واثقة فيكِ وبكلامك ولا امي ما بتحب التخبيص وبتخاف من الادوية ما بتحب الا دكتور يكتبها< معليش قلت قصة حياتي *فيس خجلان*
بكفي انك بتعطينا من وقت في كتير بيتعلموا اشياء جديدة وما بيحكوها، وازا ع البنات اللي بيطلوا مليون حجة هدي وحدة غيرانة وبدهاش احد يكون شعرو طويل! ولا في احد ضربها ع ايدها تعمل التجربة!!
وبانتظار جديدك دايما
هههههههههههههههههههههههههههههههه
عجبتني الاسئله العجيبه الغريبه ههههههههههههههه !
انا مهتمه باليرايمر الي تخفي المسامات ودي تفيدينا بهالموضوع .. استهدمت كذا برايمر ومؤخرا استخدم برايمر كهيلرز ممتاز بس ابي حل لهالمشكله ؟
ربي يعطيك العافيه ارتووووس
بعض الأحيان الواحد يبي الغرابه !
مثل هالشي غريب و جديد وهذا اللي مميزج عندنا
صج اني ماقدر اغامر بس ما يمنع اني حبيت المعلومه واستفدت
مشكوووووره ارتوس 3>
الله يعطيك العافيه بإذن الله حـ اجربو ماورايا شي
خصوصاً إن بشرتي صايره تحمر فيمكن ينفع معاها
يعطيك العافية ع التجربة و ذكرها
بصراحة مب خسرانين شيء ، ما يمنع نجرب
خصوصاً اني بعد الحلاقة جسسمي يحسس و يحمر و لا قد فكرت استخدم شيء غير فيسودين
لو اشتريت هذا بيصير اثنين في واحد برايمر و عقب الحلاقة
متحمسسسة اجربه
روعه ارتوس كعادتك مشاءالله
جاري التجربه
موضوعك في وقت مناسب محتاره اش اخذ برايمر و عرفت خلاص اش اخد بجد شكرا .. ارتوس بليز اتكلمي عن حل لعلاج القشرة جربت حاجات كتير طولت معايا تروح شهر و ترجلعي تاني و على كده و نسببلي تساقط كتير .. جربت شامبوهات طبية ينشف شعري و اول ما اتركها ترجعلي .. و زيوت و خل و كل شي جربتو ما فاد .. الله يوفقك
يعطيك العافيه ياجميله ،،
دمتي سعيده..
الله يقويك ويوفقك .. متااابعين لك وبقوه ^^
طولي لابج ع البنات ههههههههه …
بس صدق فيه اسأله مليقه ..
ع العموم تجربه جميله حمستيني اجربه من باب الفضوول ..
و بأنتظار تدوينتج عن كريم الأساس ..
بالتوفيق
بالج*
حلو المنتج انا احب الاشياء الاقتصاديه صراحه
يعطيك العافيه اكيد بشتريه و اجربه
معليش بس لاحظت فيه ناس قليلة ذوق
اش الي ما ابغا شعري يطول
طيب مثلا احد جبرها ؟!
احد ترجاك تسويه !
بزرنه والله ، طنشيهم ياشيخه ناس حاقده يالطيف
لا يبغو يستفيدو والا يبغو احد يستفيد
انتي نمبر ون ارتوس مالك من احد
يشهد الله قد ايش ندعيلك ع المجهود الي تبذليه
الله يسعدك ياشيخه
هلا وغلا حبيبتي والله انتي لكي مكان في القلب اتحمست للتدوينه مع اني ماعرفتها وبالنسبه لتدوينه اليوم نجرب مع اني مرتاحه مع برايمر من ديور ماغيرته من 3 سنين حسيت فيكي قهر وانتي تكتبي الجزء الأخير الله يعينك سووس عليهم تبغي المعلومه تجيها وهي نايمه مالها خلق تدور وتقرأ وتعلم نفسها
يعطيك الف عافية يارب مرررره اتحمست انو اجربه
الله يسسعدك انتي مرااا شي واااو الله يسهلك ويفتحلك كل ابواب الخير والسعادة
ان شاءالله ليا تجربة له : )
يعطيك العافية يارب وان شاء الله نشتريه ونجرب ..
ياصباح الرضا
يازين الزين اي شي توصين عليه او تنصحينا فيه ع طول آخذه وانا ماشوف
دائماً متميزه الله يعطيك العافية
ترى مااعرف ارسل تعليق واليوم عرفتبس مافهمت الموقع الالكتروني
روعة! شكرا من جد كنك حاسة فيني جالسة ادور عن منتج مشابهه والأهم يكون إقتصادي
اتابع نيكي بس ماشفت هالفديو ماتحمست مدري ليه
المهم انك ضحكتيني مره لمن قلتي سالفة اللي تقول مابي شعري يطول هههههههههههههههههههههههه ياقلبيه!
جاااااري التطبيق
لوهله نسيت الموضوع و تنحت بالتعليقات الي قلتي انها تجيك !؟
يا ساتر يعني فعلا في ناس يردوا بالموضوع
طيب لو ما ابغى شعري يطول ؟!
هههههههههه ي خي والله لو انا و يجيني ردود كدا احس بعتزل التدوين
ارتوس انت قمه بالرقي احبك والله
حبييييت هالبديل بجربه أن شاءالله
مرا شكرا لأنك تكتشفي أشياء وتجربيها عشان تفيدينا
حمستيني على المنتج للاستخدامين
كبرايمر وكمرطب بعد الحلاقة ..
وان شااء الله بتكون لي تجربه معاه ..
أثق جججدا في كلامك وتجاربك ♡♡
بس يختي لا تحمسينا على المواضيع الجاايه
خلي كل يوم بيومه عشان ما أجلس افكر ايش بيكون المنتج الجاي
ولا يجي على بالي أصصلا ..
دائما ننتظر تدويناتك على أحر من الجممرر ♡♡
السلام عليكم ارتوس
كيف الحال حبيبتي؟؟
هذا أول تعليق لي هنا .. قاعده اكتب وانا متحمسة ^^
لي سنة من رمضان العام عرفتك بتدويناتك وبعدها لين قريب رجعت اتابعك
مبروك المدونة <<<<<< متأخرة مررررة هههههه
بصراحة أبهرتيني بتدويناتك .. بقيمة روحك المعطاءة أولا وبمعلوماتك
الله يوجه لك كل خير يا عسل .. وكل اللي اقدر اقوله شكرا من الأعماق لاني استفدت منك
..
بالنسبة للتدوينة عجييبة
افتكر قبل كم سنة استخدمت الجل تبع ابوي <<<<طبعا لا تسأليني السبب لقافة وفضول ^^
حسيت بملمس ناعم عالبشرة وانسيابية
بس ابدا ما عاد جربته مرة ثانية ^.^
..
تسلمي عالطرح
هلا…
و الله شي حلو شكلي بنزل الصيدلية وبجربه وخاصة انه البرايمر تبعي مخلص فحلو اجرب شي رخيص و فعال..
للاسف انا خذي فاونديشن جديد بس ما عليه بنشوف الفاونديشن اللي تتكلمي عنه يمكن يحمسني و اخذ واحد ثاني
حبيت التدوينة كالعادة
بديل حلو و اقتصادي .. و بانتظار المزيد من الغرائب الجميلة
ولللج عيني تستاهلين تخمخم انتي يا عالم العجائب والغرائب
ههههههههههه
اكيد اكيد راح اجربه دام انتي قلتي عنه لوول
ويعطيك العافيه حبيبتي ع التدوينه الاكثر من رووووووعه
يازينك ويازين غرائبك ان شاء الله اجربه لأنه موجود عندي في البيت ومتشوقين لموضوع حرف الحاء وللفاونديشن
تحمست اجربه خاصه للجسم دامه بيفيد بعد الشيل
بس الريحه هههههههه مشكلة
مايمنع نجربه يوم محد حولنا للجسم
وبرايمر شكله مضبوط وجها في الصورة ماشاءالله
بتختفي الريحة مثل ماتقولين مع الاساس
مره شكرا على تجاوبك سألتك سؤالين قبل وجاوبتي عليها حليت نص المشكلة بمعرفة السبب
الله يجزاك خير على تجرابك ومشاركتنا فيها ربي يسعدك
ماشاء الله كل يوم تبهرينا بمواضيع غريبه وحلوه
صباح الخير
تعجبني مواضيعك الغريبة حجربة ان شاء الله خاصة انو ماعندي برايمر لكن بقولكم طريقتي ممكن احد يستفيد او يكون(مثلي اقرا تعليقات وخاصة مدونتك لاني اسستفيد من الكثير منهم)
فالبداية بشرتي جدا دهنية رحت لدكتوره جلديه واكثر شي كان ينرفزني اغسل بالغسول ومافي ساعتين الا رجع وجهي دهن
فكتبتلي كريم كمرطب للبشره استخدمه مرتين فاليوم وبنفس الوقت يعطي الوجهه شكل نقي بحثت عنه بعد ماشريته لقيت الاجانب يستخدمونه كبرايم قبل المكياج وخاصة انو معالج ايضا وبيعطي نفس مفعول البرايم يقلل من المسام
هذا اسمه للي حاب يجربه
Bioderma Sebium Pore Refiner
للاسف ناسيه سعره حتى طلعت الكرتونه بس مو مكتوب عليها
بس تذكروا انو معالج
ههههههه دوبي يوم طلعت العلبه لقيت انهم كاتبين عليهااخر شي (ممتاز للاستخدام ماقبل المكياج)
An excellent base to facilitate an even application of make-up
ونفس طريقة اي برايمر اتركوه 5 دقايق وبعدين كملي
السلبيات اشوف كميته قليله 30ml بسس
ارتوسه متحمسين لاسبوع الغرائب
وشكرًا لوقتك اللي بتفيدنا فيه الله يسعدك
ان شاء الله يارب تنبسطي باجازتك وطلي علينا لو فالانستا <<فيس خجول وهوا بيقولها
الله يوفقك دنيا وأخره يا غاليه باذن الله بشتريه اليوم ورح اجربه للجسم بعد الحلاقه وللوجه تسلميلنا ياذوق والله يعينك على الأسأله العجيبه الغريبه
ههههههههههههههههه ازعجت اهلي من تنزلين شي جديد اروح لاخوي روح اشترلي نفسه او امي مسكينه امي تدور بهالصورة من مكان لمكان تبحث عن ضالتي
دائما مبدعه يا ارتوس
و الي يحب يجرب يجرب ولي ما يبي بسلامته بس ما يقعد يحطم بالباقي
اهلين ارتوسه ..بالعكس فاهمينك مضبوط ماعليك حنا مغامرين ونحب نكتشف اشياء جديده وبديله ..جاري التجبه ..ماقصرتي.
ههههههه تحفة أرتوس ..
٢ في ١
الله يسعدك أضعاف ما تسعدينا وتجيبين أشياء متوفرة واقتصادية ..
مقدرة جهودك استمري
دمتِ بحب ()
شكرا ارتوس عالمعلومة الجديدة
ياريت نيفيا تنزل منه منج للسيدات
لو نرسل لهم الاقتراح على موقعهم
بديل رائع صراحة ومواضيعك صح غريبة لكن ماا أشوفها غير منطقية لأن الفكرة بالمكونات الفعالة بالمنتج لو الواحد عنده معرفة بالمواد وإيش الجوانب الي تعالجها بطل العجب زي موضوع البواسير الفكرة بالمواد وإلي أساسا ما تكون بكل كريم بواسير
، للأسف الكريم مو متوفر بالبيت بس إن شاء الله نضمه للعدة
الموضوع الي بحرف الحاء أتوقع حمام مغربي ههههههههه ننتظرره من زمممن وأكيد لأنك انتي الي بتطرحين الموضوع حماسنا له بيكون اكبر
أرتوس ودي تتكلمين عن الفيتامينات وكيف تناولها باعتدال ، لما طرحتي موضوع عن فيتامينات الشعر ذكرتي إنها ما تؤخذ عبط ولها جدول ..
متحمسه للقادم جداا …
يعطيك العافيه ياجميله
صدق الحاجه ام الاختراع ..
ياجمالك ارتوس وجمال طلعاتك هههههه كل شي تقوليه اطبقه وانا مغمضه ويانا جننت اخواتي ارتوس قالت وارتوس سوت وماغير اشتري واطبق كل شي تقوليه واقدر اشتريه وثقتي فيك عمياء ،، اما التعليقات والأسئله فالله يعينك على العقليات الغريبه ويرزقك طولت البال ،، جاري التطبيق حالاً ،، وواصلي والله معاكي
احبج واحب نكي يعطيج الف عافيه
اهلن اهلن .. وحشتيني هاليومين مره مشغوله ف جالسه الان توني فضيت اطالع تدويناتك ؛(
كل يوم عن يوم تبهريني اشياء بسيطه وتنفع باذن الله بجربه وجربت الزيت للشعر والمساج باذن الله بصور لك التيشرت ههههه
I’m back
جرببت البلسم كبرايمرر للخطوط الدقيقة تحت العيين
للأسف ما أخفاها أو قلل منها لكن صارت بشرتي فيها رونق و مظهرها صحّي جدا بدون مبالغة
يعني مناسب جدا للي ما تعاني من الخطوط الدقيقة رح تطلع بشرتها بيرفكت
وبس والله
يعطيك العافيه صراحه المواضيع يلي مثل كذءء بالنسبه لي تحمسني زياده على تجربتة بديل للمنتج خصوصاً اذا كان البديل غريب الاطوار:)
حاليا جالسه اجهز مكياج العيد وناويه يكون من تجهيزي
تعبت من اابريمرات المرهقه للبشرة
الله يجزاك خير
والله انج خطيره يا ارتوس
عمري مافكرت اجرب شي رجالي..
مااعرف ليش بس جي نفسيا لما اقرا شي رجالي ابتعد عنه بااستثناء العطور احيانا أميل لبعض العطور الرجاليه ^_^
ممكن آخذه عشان اجربه مع الاساس السحري اللي كلمتينا عنه ..
وان مافادني خليته في حمام اخوي ^_^
وربي يعطيج الصحه والعافيه ..
.
.
.
أمل من قطر
السلام عليكم
ينفع استخدم بلسم بعد الحلاقه من نيفيا بس مو نفس هذا؟
لاني حصلت واحد علبتو غير عن الي بالصوره
وَ الله يا قلبي ما أعرف .. حسب مَكوناته إقري المَكونات وَ شوفي
خالي من الكحول + يحتوي على الجليسرين
وَ ماهي إلا تَجربة يَعني ..
اذكر بهالفترة شفته عند نيكي وكنت متحمسة اني اشتريه لين مدة بس مدة بسيطة قرأت مين .. يالهوي وعرفت إنو لبعد الحلاقة
والاهم فكرت فيه هو الريحة للأسف على قد حماسي إلا إنو الريحة تصعب علي التجربة
إن شاء الله ببحث عن منتج اخر
وأتمنى من نيفيا يستغلون الدعاية وهبة الناس ويسوون لنا احنا بعد ومن غير ريحة تكفوون من غير ريحة
ماشاءالله تبارك الله ، احبك ارتوس وَ اثق فيك كثييير ربي يسعدك ويحقق مناك ، اجازة سعيدة ?
أنا بس ودي اعرف كيف جا على بالها تستخدم جل الحلاقة؟؟؟
حبيت التجربة وان شاء الله اجربها
يعطيك العافية حبي
جمييييل المنتج يا ارتوسة
اشتريته و غرضي برايمر و لما احلق استخدمه
بشرتي مختلطة و فيها اماكن جافة مهما استخدم مرطب يوضح الجفاف في مناطق معينة ، قبل العيد عزمت و اشتريته
رطب المتاطق الجافة اكثر و عطاني رونق و ثبت الميك اب ، استخدمته مع بيبي كريم و مع فاونديشن و نتيجته بيرفكت
برضو استخدمته بعد الحلاقة عشان الجلسات و لاحظت هدا الاماكن ، لان فيه مناطق بجسمي تحمررر و تتحسس مع الحلاقة
خيار اقتصادي و رائع ، شكراً بحجم عطائك و لا يكفيك
حبيت اكتب تجربتي هينا عشان ل احد يمر يستفيد منها
و لو ان ما بعد كلامك و رايك راي ، الله يسسعدك سعادة الدارين
جاري تجربته .. وجد اهنيك ع طريقة الكتابة وطرحك وكل شيء
واللي مسوين فيها بكلامهم امشي واسفهي ام امها
يعطيك العافية تدوينة جميلة كنت ناوية اجربه لما شفت نيكي
بعد مدونتك أكيد بشتريها وبجربه اليوم ان شاء الله ?
يعطيك العافية على مجهودك الرائع