صَباح / مَساء الحُب
تصدقون زمان ببداياتي بالماكياج أو حتى إهتمامي بالجديد في العناية ، كان راسي يابس وَ كنت مُتعصبة لماركات معينة وَ عندي لازم أستخدم المجموعة الكاملة من كل شيء
يعني إذا بشتري أساس لازم أشتري الأساس وَ البيس وَ الباودر من نفس الماركة ، وَ يجيني إكتئاب لو أستخدم أساس بدون بيس متخصص ، وَ نفس الشي مع كريمات الوجه ..
فلما صرت أدون صار كثير بنات يسألوني أسئلة وَ صرت أضطر أجرب شغلات ، وَ مع التجربة إكتشفت إن كثير من إيماناتي كانت خرطي وَ ماكان لها داعي طبعاً الإعلام وَ الإعلانات كان لها الدور الأكبر في تكون هالصورة
[ وَ ما يَمنع إنه ما زَلت أسَوي هالحركة لكن كَخيار شَخصي لإستمتاعي بالمُقتنيات وَ حُبي لبعض البراندات ] ..
وَ إللي يتابعني من زمان يمكن يحس بفرق في نوعية المُنتجات إللي صايرة أجربها ، أصبحت أكثر إنفتاح وَ تجربة للجديد وَ ما أحقر شيء حتى لو كان رخيص ، صرت أهتم بالمكونات وَ تأثيرها وَ ما أهتم بإسم البراند [ مدري كم مره قلت صرت !! ]
من الأسئله إللي كثير تَوصلني دائماً وَ أبداً ، سواء فيما يتعلق بالماكياج أو العناية بشكل عام .
– أرتوس إمكانياتي المادية بسيطة وَ ماأقدر أشتري كريم من الماركة الفلانية ؟
– أو ما أقدر أشتري كريم عيون لأن سعره دبل الكريم العادي ؟
بقولكم شغله ، البراندات العالمية نصف سعر المُنتجات مو في المكونات إنما في الرفاهية المُقدمة للزبون ، يعني سعر العبوات إللي تشوفونها مَزخرفة إنت تدفعين ثمنها وَ أعتقد هالشيء مايهمنا في المنتج ، وَ ترى حتى المعرض وَ لبس البائع وَ كل الرفاهية إنت تدفعين ثمنها .
يعني السعر مو بالضرورة يُعبر عن جودة المنتج . وَ أعتقد مهما كررنا هالجملة محد راح يقتنع لأن الإعلام وَ الدعايات غسلت أدمغتنا .
من الشغلات إللي تعد لعبة تجارية هو الترويج لكريم مخصص للعين وَ إدعاء أن غيره مُضر بهالمنطقة .
الشركات تحب تهول المواضيع وَ تقسمها عشان تبيع أكثر ، أذكر فيه ماركة كان لها فلسفة خاصة أصدرت منتج نقدر نقول غسول للشعر وَ الجسم وَ الوجه وَ لكل شيء، الظاهر الماركة هي فايلوسفي وَ بحملتهم الترويجية قالوا مافي فرق بين جلد الجسم كل هالخرابيط مجرد لعبة تجارية ، عالعَموم ماراح ندخل بتفاصيل أكثر
طرحت قبل سويعات سؤال بالأنستا ،’
– هل إستخدام كريم مخصص للعيون ضرورة ، أو كريم الترطيب العادي يقوم مقامه ؟
الأجوبة أغلبها كانت كالتالي ~
ـ لازم نستخدم كريم مخصص للعيون
ـ أعرف لازم لكن ما أستخدم وَ لا شيء لعيني
ـ وَ القليل جداً قالوا : مو ضروري نستخدم كريم مخصص للعين لكن نفسياً مانقدر نستخدم كريم عادي للعين
الجواب الفعلي ،’
لايوجد إثبات علمي يؤكد إختلاف مكونات كريم الوجه عن الكريم المُخصص للعين أثنينهم يحملون نفس المُكونات الفاعلة إللي تساعد على علاج البقع السوداء على الوجه نفسها إللي تعالج يها المنطقة تحت العين
يعني كل هالامور مُجرد تسويق ، ماعمري شفت كريم عين رخيص مهماً كانت مُكوناته عاديه ، تلقين الشركات تبيع كريم العيون دائما أغلى من كريم الوجه مع إن العبوة صغيرة للغاية ماتجي رُبع الكريم العادي .
وَ أزيدكم من الشعر بيت مافي دراسة تثبت وجود أي مكون مُمكن يساعد على علاج الهالات السوداء أو النفخة أو الترهل يعني كله تسويق وَ كل المُنتجات مفعولها مؤقت مثل إستخدام الكمادات الباردة ، وَ بعد فيه مأخذ على أغلب كريمات العين إنها مافيها وقاية من أشعة الشمس يعني مفترض يكون فيه كريم للعين نهاري وَ ليلي
– متى يُستحسن إستخدام كريم العين ؟
في حال كانت البشرة المحيطة بالعين مختلفه عن الوجه ، يعني على سبيل المثال : أنا بشرتي دهنية أغلب الكريمات إللي أستخدمها تنشف الدهون ، صعب أحطها على محيط العين ، لذلك الأفضل أستخدم كريم مناسب للعين أو أي كريم يليق بالمنطقة ،أيضاً إللي عندهم البفي أيز ( نفخة العين ) يُفضل يستخدمون شغلات مبردة ، وَ إللي يخافون وَ مايعرفون يختارون كريم مناسب لهالمنطقة
– لكن المنطقة حول العين حساسة ؟
صح أكثر حساسية ، وَ سريعة الجفاف ، بالإضافة إنها رقيقة بالتالي يبين العمر وَ التجاعيد فيها بسرعة وَ إللي يزيد هالشيء إجهاد العين وَ الحركة الدائمة للجفون ، أيضاً إحتباس السوائل يبين في العيون على شكل جيوب
لكن يُقال أن بشرة الوجه ككل حَساسه وَ لازم نعاملها بطريقة لطيفة وَ الشغلات إللي لازم نتجنبها أثناء إختيار كريم عادي لإستخدامه للوَجه هي الكريمات السميكة وَ إللي فيها زيوت معدنية أو عطور أو كحول وَ يفضل إستخدام مُنتجات للبشرة الحساسة
خُلاصة ~
يَقول المَثل : الّي معاه إرش محيرو ، يقيب حمام وَ يطيرو
– يعني عَندك فلوس وَ ماتهمك المَيزانية وَ الدفع الله يَقويك جيبي كريم للعين
– بشرة وجهك مختلفة عن بشرة عيونك ، جيبي كريم للعين
– عَندك مشاكل مُحددة بعيونك فرضاً تطلع لك أكياس دهنية ، عندك نفخة بالعين ، عيونك حساسة وَ تحمر من أي شيء .. إلخ
جيبي وَقتها كريم للعين ، وَضعك طبيعي وَ بشرة وَجهك نفس بشرة عيونك وَ ماعندك أي مَشاكل إستخدمي كريم الوجه لكن زَي ماقلنا وَفق أسس ما تكون لا معطره وَ لا تحتوي على كحول وَ زيوت معدنية
وَ أخيراً : شَعورك بالراحة أثناء إستخدام كريم العينين تُحدد مَدى ملائمته لك
جَريمة عُظمى ،’
كثير من البنات ما أدري صَراحة وَش بتفكيرهم ، تَقول ما بستخدم كريم للعين إلا لما أكبر !! تقصد لما يصير عَمرها من ٣٠ وَ طالع
مَين قالكم إن كريمات العَيون للأعمار المُتقدمة ؟! .. كريم العين غالباً للترطيب ، إلا بحالات خاصة
زي ما ترطبين وَجهك رطبي عَيونك .. ترآه مَحسوب وَ جزء من جسمك
وَ للمَعلومية إللي يعانون من تجاعيد حول العين غالباً منطقة حول العين عندهم جافة ، كثير يقولك ما بستخدم كريمات مَقاومة التجاعيد
ترى لو أستخدمتيه ماله علاقة إنك كبيرة !! .. قالوا مَقاومة يعني قبل لا تَطلع لأن لو طلعت خلاص دَوري علاج بالعيادة مافي كريم بيفيدك
وَ التجاعيد إللي الوَحدة تشوفها بَوجهها ترى ما تَكونت بيوم وَ ليلة ، هذي تَجعيدة قابعة لها حَول ١٠ سَنوات ، تَظهر عالسطح وقت الطفَحان
وَ كل البنات بَمرحلة الشباب لو جبنا بنت عَمرها ٢٠ سنة تهتم وَ بنت عَمرها ٢٠ سنة ما تَهتم كلهم بيكونون نَضرين ..
لكن الفَروقات تظهر أكثر مع التَقدم بالعَمر ، وَ الثنتين لو شَفناهم بعد ٥ سَنوات بنبدأ نلاحظ الفَرق ..
أنا أشَوف كثير بنات بَعمر الزَهور ما بَعد تفتحت بَنتها ، وَ الأم مَهملتها وَ قامعتها لأ لأ لأ لأ تَوك صغيرة
خَير !! بنتك مثل النبته تَحتاج سماد ، تحتاج هَواء ، تَحتاج ماء كله لأ لأ لأ لأ ، خايفة على بَنتك وَديها عَند مُختص
لا تَخلينها تآخذ حلول من الإنترنت ، أي شيء يُهمل يَظهر عليه
مُكونات مُفيدة قَد تَهمنا أثناء إختيار كريم العَين ~
زَي ما قَلت مُسبقاً إن كريمات العَين للأن غَير فاعلة ، مُو لأن هي غير فاعلة لأن مشاكل العَين أساساً مالها أي عَلاج
كل علاجاتها مؤقته وَ بشاهدة الأطباء ، أو تَحتاج تَدخل طَبي مثل فيلر ، إزالة للأكياس الدَهنية ، شد ، … إلخ
وَ لكن إطلعوا على هالمَوضوع وَ الراوبط بداخله ( إضغطي هُنا )
عَشان كذا كل إللي يتَحلطمون إن كريمات العَين ما تَفيدهم ، لازم تَعرفون إن كريمات العين وَظيفتها الأساسية الترطيب وَ تحسين الجلد
وَ حتى لما تَتشترون كريم يقولون لك ( قد يُساعد بتخيف الهالات فرضاً ) لا حَظوا الصيغة الكتابية ما قالوا ( يُزيل الهالات ) وَ قيسوا عليها الكثير وَ الكثير
مُكونات مُمتازة للبشرة ،’
• فيتامين سي يُساعد على تحفيز إنتاج الكولاجين
• الريتنول يجدد الخلايا
• الببتيدات نيور بيبتيد يحفز إنتاج الكولاجين وَ الإيلاستين
• حمض الهايلورينك (مرطب)
• السيراميد يحفظ الرطوبه بالبشرة
• فيتامين E يغذي وَ يلطف الجلد
مكونات تقلل السواد تحت العين ،’
فيتانين K ، عرق السوس
مَكونات تقلل النَفخة ،’
البابونج وَ الشاي وَ الخيار
طريقة مَد كريم العين ~
هي الأساس وَ الزبدة ، طَلبتوا أفصل بالمَوضوع بالأنستا وَ راح أفصل الآن
كريمات العين يؤخذ منها حسب قوامها يعني الجل غير عن الكريم وَ الكريم غير عن المراهم أو الكريمات الزُبدية
الكريمات الغليظة كمية أو مسحة منها كافية ، لكن بشكل عام الكريمات العادية الخفيفة ما تتجاوز حبة البازلاء
وَ شخصياً أخذ نص حبة البازلاء للعينين ، تَحطين هالكمية بإصبع الدبلة ( الخنصر ) وَ تسخنين الكريم بين إصابعك
وَ بعدها تمدينه على العَظمة من تَحت ( الجفن السفلي ) .. وَ إذا حابه تطلعين على عظمة الحاجب شَفتوا مكان لمعة الحاجب بهالمَكان
مو على الجفن العلوي المُتحرك وَ لا على الحاجب نَفسه وَ طبطبه وَ يفضل من الداخل للخارج
– ليش طيب نَدهن الكريم عالعظمة بكذا ماحول العين ماراح يستفيد شيء من الكريم ؟
لا تَطمنوا راح تستفيد لأن البشرة زي القماش ، إذا ببلتي قماش بنقطة ماء أو زيت راح ينتشر وَ تتوسع المساحة
وَ بكذا لما تَحطونه على عَظمة العين راح ينتشر بنفس الطريقة وَ لكن لو قربتوا المُكونات راح تنتشر وَ تدخل داخل العين أو عَند الرموش مُمكن مع الوقت تحسس عيونكم ، أو تسبب لكم تهيج ، عَدم راحة ، إحمرار بالعين ، نَفخة ، جيوب ، أكياس دَهنية .. إلخ
عشان كذا عالعَظمة وَ لا تبالغون تقولون لا بنقربه أكيد بنستفيد أو ما نشعر بالكريم عالمَنطقة تَطمنوا
مُمكن بقايا الكريم بعد نشره تنشرونه بخفة وَ طبطبة بمنطقة حول العين بس لا تبالغون بالقرب من خَط الرموش
– طيب ليش نستخدم الخنصر ( إصبع الدبلة ) ؟
لأن هالإصبع ضغطه خفيف أثناء المَد ما يشكل ضغط عالبشرة بهالمَنطقة
Origins
No Puffery™ Cooling Roll-On For Puffy Eyes
رول التبريد لنفخة العين من أورجنز
سعره : ٩٠ ريال تقريباً
أماكن التَوفر : غَير متوفر بالسعودية
وَ العبرة مو بنفس المُنتج اللهم بفكرة الرول ، تلاقون الفكرة بـ ٧٠ ٪ من الماركات .. شانيل ، ديور ، وَ أخوانها
مُميزات المُنتج ~
• خالي من البارابين
• خالي من الفثالات
• خالي من السولفات
• خالي من الزيوت المعدنية
مَن مُكوناته ،’
الخيار وَ جل الصبار وَ المشروم وَ خلاصة الخميرة
طريقة الإستخدام ،’
تَمررين الرول بعظمة محجر العين دار مَدار مَرتين وَ بعدين بالبنصر ( إصبع الدبله ) تطبطبين
وَ أحد الطرق ، بحركات دائرية تَمررين دار مَدار العين يعني تمشين على عينك دار مدار بس بحركة دائرية مُركزة بنفس البَقعة
ما قَد يخطر عالبال ~
– يعني رَوعة وَ نشتريه ؟!
لا مُجرد مُبرد للعَين بس حَلو
– وَش رأيك عَنه ؟!
المُنتج فيه لذعة بسيطة وَ ينشط العين بس مايصنع المُعجزات ، مُبرد وَ منعش لكن ما يَدبق وَ لطيف
أحسه يناسب البشرة الدهنية وَ العيون القابلة للتنفخ وَ إللي تتحسس وَ تحمر من أي عوامل ( الحر ، الغبار .. إلخ )
– هل بترجعين تشترينه ؟!
لا ماراح أرجع أشتريه مو لأنه مو جَيد بس عادي ، بس بَشتري غيره عَشان أسَوي رَيفيوز أكثر
دُمتم بَحب
تسجيل حضور
صباح الفل والغرفه البارده والسرير المرتب
ترا كنت اضحك من قلب ع كلمة بعد قليل
كلمة صرت كتبتيها اربع مرات هههههههههه رجعت عديتها
حبي لقلبك الي يجرب عشان يفيد غيره
قبل يومين كنت بالنهدي ومريت من عند كريمات العيون وتركتهم كاني حاسه انك بتدوني
ولاني استخدم ببياثين ارطب منه عيوني
الاعلانات تجذب غصب وخصوصا لا جابو صور قبل وبعد ومن ذاك الكلام المعسول ينغسل الدماغ والجيب والنتيجه زيرو ينطح زيرو
حاليا انا ابي مبرد للوجه ودي بسطل ثلج واغطس بوجهي فيه احس بحراره مو طبيعه
ودمتي برعايه المولى
حبيت شي جيد انو نقدر نستخدم كريم الوجه للعين اول مرا اجربها قبلها كان ليا تجربة سيئة مع كريم العين جربت حق بودي شوب فيتامينE
مرحبا ارتوس كنت بكتب تعليقي بانستقرام ومو راضي يقبل التعليق يرفض مادري ايش المشكلة عشان كذا كتبت لك هنا .. فقدت يومياتك الرمضانية السحور والفطور
بتكون تدويناتك كلها جمالية بالمستقبل ؟
اووول مره ارد اول وحده بسم الله عليهم البنات > يمكن وانا اكتب يجون قبلي
لي رجعه ❤️❤️❤️❤️
ياهلا بالكلام الجميل
ربي مايحرمنا منك توسه ولا من تدويناتك القيمه
انا لازم كريم العين غير الوجه 🙁 .. تدري من عمري ١٥ سنه امي تشدني وترطب وجهي وعيوني وطبعا بزره كنت اهرب هههههههههههه بتقولي بتدعين لي لما تكبرين .. اللله المبرد حسيته كذا يسرسح على القلب .. لاحظت اغلب المبردات للعين او الجسم او الوجه يكون فيها صَبار .. وش السر بالصبار؟ هل فيه مادة منعشه؟ .. وتشكرلات(مدري صح ولالا) وشكرا على كل حرف كتبتيه يائلبي .. بووووووسات وفلوس للرياض ههههههه
بوسي لي امك تكفييين ❤❤❤❤❤
ناادر نااادر الي كذا ماشاءالله
انا ليا فتره استخدم زيت اللوز الحلو و مرا جميل و مريحني .. شكرا ارتوس معلوماتك مرا حلوة
على اني قارئة ومطلعة سواء بلوقرز عربي او اجنبي الا انك ماقد كتبتي شي الا واستفيد منه انا امد الكريم بنفس الطريقة لكن الاصبع غير وايضا التسخين …تتحفينا والله بكمية المعلومات المهم اني مشكلتي ان الهالات عندي وراثة فنسبة التخلص نهائيا منها مستجيل لكن الكريمات تخفف منها وجاري البحث عن كريم البواسير تحمست من كلامك اني اجربه
كنت احسب العيين لازم لازم كريم خاص فيها =))
شكرا على التوضيح ❤️ تدوينه جميله زيك ❤️❤️
هاي توسا ..أنا رديت وجاولت صح ههههه
انا حاليا استخدم نفس كريم الوجه لمحيط العين قوامه خفيف
واقتنعت براي الدكتور لما قريته انه مافي فرق ماعدا إذا مثلا كريمات مقشره طبيعي فيه تحذيرات انه ماتقرب محثط العين أو محيط الفم
وفعلا مثل ماذكرتي انه اذا تعديت العظمه بوضع الكريم اصحى الاقي عيوني مورمه وأحيان تألمني لأنه يدخل العين ثم تتحسس وتتهيج ..
تشكولار
تحديث ؛ ادري خثيثه ههههههههههه .. بحثت عن اسباب تبريد الصبار للبشرة .. وجدت انه يحتوي على الكولاجين والإيلاستين اللي تعمل على ترطيب وتبريد البشره .. وشكرا مرا اخرى بوسة
صباحو يا قميل $
عرقوب عتقك هاليومين لله هههههههه
انا عمري ما كنت مهتمة بكريمات العيون المخصصة لانو زي ما قلتي مش حل سحري اللهم ترطيب و تحسين بسيط لذلك معتمدة ع مرطب الوجه حتى الرقبة احس الجلد ارق و اخاف دايماً يكون الكريم ما يناسبها ، عاد غريبة ما طلع لنا كريم نتفة مخصص للرقبة و يمكن فيه ما يندرا :/
مشكلتي انا كريم الوجه ، للآن ما لقيت اللي يرضيني و يحقق لي مطلبي ، يا يدبق و اكرهه بعد كم يوم يا ترطيبه لا يذكر ؛(
انا كان عندي هذيك الفكره ان جلد العين رقيق ومايناسبه كريم الوجه ، بس انا بشكل عام هالمنطقه اللي هي العظمه اللي المفروض نحط عليها كريم العين انا دايم امر عليها بكريم الوجه يعني انا طول هالفتره كنت ارطب عيني وانا كنت اظن اني مهمله لكريم العين دايم نستفيد منك ارتوس كل الشكرررر لك ولتعبك
يعطيك العافيه وضحتي كل شيء بالتفصيل
عندي سؤال ماعليك امر
عادي اجرب كريمات مقاومه للتجاعيد في عمر ٢١
ماقد استخدمت لان قريت لكذا دكتوره تقول بعد ٢٥او ٢٧سنه
الف شكر لك ارتوسه
انا من زمان اتابعك وعرفتك عن طريق الانستا اولا ومن يومها وانا اتابعك كل مكان وكل شي تطرحينه احب اجربه وبالاخير الاقيه مناسبني
جميع الاكلات جربتها وادمنتها
والتجارب فتحتي عيوني ع اشياكثير وحبيتها وحاليل انا اجرب تنظيف الوجه ٤٢٤ وحابيته وفي نتيجه حلوه وسلبيه السلبيه طلعلي حبوب صغار بس حاسه بانتعاش ونظافه بذات اذا صحيت
ع العموم انا احبك مرررررا مرررررررا
واول مررره اعلق مدري ليه ماكنت عارفه اسويلي حساب واشتراك في مدونتك
شكرا لك والى الامام ي جميله انتي بصراحه شمعه مضيئه لكل بنت تستحقين شكر وتقدير ع الملا ومرتبه شرف
ذكرتيني بكلام دكتور مره مشهور يقول المكون اللي تحتاجه البشره هو الترطيب استخدمي بس كريم ترطيب اي ماركه لو نيفيا وحول العينين حطي الباقي من على يدك ## ماعجبني كلامه
تسلم يدينك حبيبتي
استفدت منك وااااجد *قلوب*
يعطيك العافيه تووووسه والله يجزاك خير ع المجهود اللي تبذلينه وتتعبين معنا دايم انا ادمنت كلامك وكتاباتك لدرجه اني اتمني انك تدونين يوميا هههه شايفه قد ايش حنا طماعين من جد اثرتي فينا وغيرتي من تفكيرنا واشياء كنا نعتبرها صحيحه لكنك صححتيها لنا شكرا لك والله يرزقك من واسع فضله ويفرحك
صباح النورات يائلبي ،، موضوعك جميل و ع الجرح
بعض البنات حاطين امالهم بكريم العيون و إنه بيخفي الهالات
أنا أستخدمه مرطب وياما شريت ع ممدح البائعات وكله خرطي
تسلم إيدك ❤️
ارتوس كثير كثير حبيت مقدمة الموضوع وعن الماركات وتسويقهم لبعض لاشياء وعجبتني نقطة السعر وعلاقتها بغلاء المنتج وسبب هالشيء وبعد استأنست يوم تطرقتي للماركات الي كان لها توجه مختلفه واحترام ماركة فيلسوفي كثير وتحمست اجرب منهم شيء جديد. وجواب السؤال كان فعلا كافي وافي انا كان عندي نفس الرأي بس ماكنت متاكدة ومحتارة صراحة كان من اهم اهم الأسئلة الي كانت تدور ببالي. وعلى فكرة طريقة الاستعمال ووضع كريم العين انا من بعد بوست الانستقرام وانا صرت اركز على الناحية مو بس العين حتى الوجه وطريقة الغسل بعد وشفت الفرق باختصار حسّيت في شغلات متعودين عليها بس مو شرط دايما صح فالبحث والتاكد مطلوب .
اعذريني يمكن ردي مخربط بس اكتب لك من أيفون
اي صح ارتوس جربتي Inversion method للشعر !
يالله ارتوس
قبل كم يوم افكر بماركة kiehl’s و origins اقول
يوه حسافه يمكن لان هالماركتين مو بالسعوديه ما راح تسوي عنهم
ريفيوز لو جربتهم:( سبحان الله وبنفس الفتره كتبتي عن منتج من هالماركتين، من مفضلاتي استخدمت كذا منتج منهم وعجبني ❤️
يعطيك العافيه ❤️❤️❤️
قد جربتي منتجات من براند First Aid Breauty ؟
صباح الخير يسلمك ربي ويخليك لنا عندي استفسارات وياليت تساعديني عليها اناللحين ماني عارفه نوع بشرتي بالضبط هي جافه وبعد ماصرت اهتم فيها وارطبها علطول صار يطلع لي حبوب ايام المراهقه ماطلعت لي زيها اكثر شي في الدقن حبوب داخل الجلد نفس حقت الدوره بس يطلعون لي 3وبعد كم يوم تختفي حبه وتطلع جديده مرره عقدوني واحيانن احس بشرتي مختلطه اوعاديه وعندي مسام مفتوح بس مو مره كثير على اي اساس اصنفها والحين كمان صايره لو اضغط على بشرتي واشد احس فيه رؤؤس سوداء على الوجنتين بس موطالعه على سطح الجلد كانهاجديده كل هذي المشاكل طلعت بعد ماصرت اهتم قبل مشاكلي بس جفاف وشحوب وعدم توحد ياليت تدورين لي حل
ياصباح الهنا
تدوينه قيمه كالعاده
انا هالفتره ماادري شو صار لي بدأت محيط عيوني تجف لدرجه اشوف القشور حتى ع خط الرموش وفي خطين يزيدون وقت الجفاف بس مااعرف هل هذي الخطوط هي نفسها التجاعيدoO وطبعا اذا شفتها كذا ارطبها كلها مأاكتفي بترطيب العظمه فقط-_-
صباح الفهاوه بجمال الصور
من حقنا والله
ماعندي خبره كثير في كريم العين لان تجاربي ماتعدت كريمين بس
بس حبيت فكرة الرول لوحدها احسها تريح اذكر طرحتي موضوع كريم الاشراقه للوجه والعين من استي لودر ذاك من جد حبيته صحيح انه تجميلي اكثر من علاجي بس حسيته يستاهل ومن بعد كلامك طبعا بنكحل فيه العين
والصاروخ اللي فوق لو جات الفرصه راح نعطيه المجال ليش لا
الله لايحرمنا جمالك
يعطيكي العافيه ارتوستنا الجميله ..
حقيقي انا من الاشخاص الي قلت صغيرة وماحسيت بأهميته
بس شجعتيني ابدأ اشتري واستخدم كريم للعين
ربي يسعدك ويسهلك كل حياتك قد ماتريحي وتسهلي علينا ..
صباح النشاط والحماس واحترام المواعيد فيس بعيون قلووب انا اعاني من تجاعيد طلعا مبكره والسبب كان فيني نقص نظر وانا بالثانوي وكنت اشد على عضلات العين علشان اركز بالبعيد لمن طلعت واكتشفت بعد مالبست النظاره اني جبت العيد لذلك نصيحه اللي ببنتها نقص نظر وتصغر عينها وتضغط عليها تفحص وتتعالج قبل لاتندمون ..توسه حبيتي بغيت طلب تمارين لعضلات الوجه كامله اذكر كتبتي بشمواه وبحثت ولم اجدها واكون لكي شاكره
كتبت رد وطار ..
ماطول عليك يالغلا …
اشوف نفسي ماشيه بالسليم لان بشرة وجهي مختلطهغير عن بشرة عيوني …
والشيء الثاني ايش رائيك بسيروم الاحماض للعيون؟!
وكمان طريقة مده نفس طريقة الكريم ؟!
وأفضل حل جراحي للهالات والعيون الغائرة ؟!
وماننحرم منك ياكل الحلا والغلا ❤
راح بالي بشي بعيد كنت مشبهه على شي يلا مو مهم 🙂
صدمه ! من اليوم ورايح اي سؤال راح تطرحينه راح يكون الجواب عكس ما تتوقع الناس 🙂
بالنسبة لي راح استعمل كريم للعين ، سٓوس كل ما قررت اختار كريم عين او سيروم سواء للعين او الوجه يقولون لي توك صغيره ! بالذات موضوع السيروم صح ؟ وينفع استعمل كريم بوبي براون كأني شفت وحده كاتبه ماينفع الا لعمر معين ؟
بخصوص كلامك عن الأمهات انا كل شي كنت استخدمه كان بإشراف من امي يا هي تجيب لي او انا اطلب منها وما اذكر انها كانت ترفض شي الا اذا كان مو زين لنا ولحد الأن استشيرها بس بالسنتين الاخيره اعطتني الضوء الاخضر اني اكون عنايتي بنفسي ، وصح مرات لما اجي اختار شي تسألني كيف عرفتيه على طول ارتووووس 🙂 ❤️
اررتوووس ماشاء الله معلوماتك جداا تفيديني…متابعه لك من ايام شامووااه وبكل مرة اقرأ تدوينة استفيد حتى لو كنت مابشتري المنتج او ما اقدر اجرب شغله معينة….لان اكيد ان بالتدوينة شي يفيديني ❤❤
اول قلتي ان الناس دايم تسألك عن اظافرك وكيف تهتمي فيها…فليش ماتكتبي لنا تدوينة عن اظافرك وكيف تحافظي عليها..
صباح النور .. 3>
مشكورة ارتوس ع المعلومات القيمه ..^ـ^
استفدت من التدوينه وااايد وعرفت كيف يمدون كريم العين.لاني قبل كنت امد الكريم بطريقه غلط وكانت عيني وااايد تدمع واستغربت ..لكن يوم جربت هالطريقه عيني ما تدمع او شي ..
و بالنسبة للشركات فعلا كريم العين دايما يكون اغلى وكميته اقل لذلك دايما اشتري الغسول وكريم الوجه واتردد اني اشتري كريم العين ..
و انا اعاني تحت عيني من خطوط هيه ما تبيين لكن يوم ادقق اشوفهم .. وهالفتره استخدم كريم كوري مخصص للعين من etude house وما شفت منه اي نتيجه..
وفي الاخير حابه اسألج شو احسن الماركات لكريم العين (انا ابغيها للخطوط و تنوير المنطقة )؟
وشكراا ارتوس ع التدوينه ^^
ونتريا تدوينات اكثر واكثر *وحده طماعه*
معلومه صدمتني .. توقعت ان استخدام كريم الوجه للعيون غلط .. من جد معلوماتك دائما جديده وغريبه وتجمع عنصر الفائدة والدهشة .. يعطيك العافيه على هالمعلومه
احس اني مصدوووومة من المعلوومة
عمري الحين ٢٠ ومفكرة ابدا اشتري كريمات للعين بس خلاص لانه صدق تلسع بالسعر خخخخخ
متعودة ارطبه مع وجهي كووويس انه ينفع
الله يسعدك ويوفقك
اول ماعرفت هالمعلومة قبل سنتين بالضبط من اخصائي جلدية
المهم
نفس فكرة التعليب لهذا الكريم اللي نزلتيه ارتوس
عندي رول من غارنييه مكتوب عليه
مقاوم للهالات السوداء و مقاوم لنفخة العين
حجمه صغير و لطيف وسعره مايتحاوز 50 او 60
نفع لأختي جداً من ناحية الانتفاخ
اما من ناحية الهالات مافي فرق كبير
حبيت اضيف هالمعلومة يمكن اللي حابة تجرب رول للنفخة
بسعر اقتصادي و متوفر في صيدليات السعودية تستفيد
وشكرا لك دايما وابدا
تدوينه جميله وانا تقريبا أسوي نفس ألطريقه بس من غير طبطبه ميرسي اوي
يسعدلي صباااااحك
كلامك دُرر
يعطيك العافيه
سؤال
فيه ناس مثلا يأخذو حبة فيتامين e
و يدهنون بزيتها حول العين
هل ألطريقه صحيحه او خاطئة
شكرا
بسأل فكرة الرول ممكن تساعد في نعنشة العيون المتعبه
❤️
سؤالي انكتب في لحظة ارهاق :$
يسعدلي صبااحك ومسائك وكلل شي❤️
ليه تكتبي عن اشياء مو ف السعودية بس ننقهر يعني:( ههههههه امززح والله انتي لو بس تكتبي هااي حلللوة منك
ارتوس نزلي عن الطريقة الصحيحة لتنظيف الوجه بالبخار ف البيت قبل العيد بلييييز>>فيسات تبككي
تبارك الرحمن اسلوبك في الوصف رائع
كـ روعة قلبك قبل قلمك ❤️
هلا هلا ،،
آجل كان ردي بالإنستا غلط توقعت ان لازم كريم مخصص
هو سالفه تسويق ودعآيه بهذا صدق بس آحيانا من كثر الكلام تحسين يدخل تدريجا لمخك وتصدقين
آه منهم بس …
آجل الله يخلي كريم الوجه ندهن فيه مرتن وحده <<بس لا مآنع ان عجبني كريم عيون وناسبني من التجربة
مآننحرم منك ي قلبي بجد لازم آطلع مستفيده
الله يسعدك ويخليك لنا
الله يعطيك العافيه ويكتب اجرك جعله ربي بموازيين حسنااااتك بصراحة ارتوسه صرفت دم قلبي لعلاج الهالات من كريمات ومراهم وجلسات بالعياده ماشفت تحسن ولا شيء واذا شفت شيء بسيييط اللي مستغربه منه ان الدكتوره تقولي اللي فيكي وراثة واهلي ولا واحد فيهم فيه هالات ماشاء الله سواء امي اخواتي اخواني ابوي عماتي خالاتي غير بناتهم ماشفت احد فيهم مثل اللي فيني مارحمت احد من اقاربي ههههههههه والا عيني عليهم الله يحفظهم ويحميهم وعقبال باذن الله ربي يشفيني ويعااافيني ياااارب
وكمان اللي حابه مثل الكريم الرول اللي معاك في من غارنيه سعره رخيص ويبرد ع العين
صباح الجمال
الله يسعدك ع التدوينة ، معلومة جديدة و استفدت منها كثييير
شيء جميييل انو يصلح نفسس المرطب
لكن و ربي يا ارتوس لو تشوفين كيف كنت ارطب حول عيوني ، تنهاريييييين
ع الجفن السفلي و العلوي المتحرك !!
و انا راهية اذا اخذت كريم و يدخل جواة عيوني و يحرقني و تدمع و لا حياة لمن تنادي
مع اني مطلعة و اقرا كثير ، لكن بصراحة اول مرة اعرف هالشيء لما نزلتي بالانستا المقطع
عشان كذا مهما تعلمت و حسيت نفسي عارفة ، لابد اطلع و اتعلم اشياء جديدة او غافلة عنها
شكراً شكراً
صباح الورد الله يعطيك العافيه دائما مميزه بمواضيعك ولا عمري فكرت احط منزكريم الوجه للعين حتى لو ماعندي كريم عين ههههه شكرا لتصحيح معلوماتنا دائما نستفيد منك أحبك
مساء/ صباح الخيرات ..
صراحة تدوينة جات في وقتها ، ليا فترة أبغى أنزل السوق عشان كريم العين من بوبي براون , ومترددة أشتريه ولا لا ..
أنا من الناس إللي قلت إذا وصلت الخمسة و العشرين إن شاءالله أستخدم كريم مخصص للعين ..
بس بما انو زي ما قلتي الموضوع عبارة عن تسويق لا أكثر ، فخلاص ماراح اغير ، خليني على حالي 😀
وطريقة الطبطبة دي من يوم شوفتها عندك ف الإنستقرام وأنا أعتمدتها :-*
ع حكاية الرول المبرد ، أشتريت من كوريا ماسكات للعين ، اتوقع اسمها باندا ايز ماسك پاتش مو متزكرة بالزبط ..
ع العموم أحسها تدي نفس المفعول ، تبرد ع العين وتحسي إحساس الكمادات ، يعني تفك أزمات وقت السهر ولا البكى :p
وجزاك الله خير ع التدوينة دي ، فتحتي عيوننا ، عشان الواحد لايفضل مستغفل ، ومستهلك درجة أولى :-*
وع طاري كنت وصرت فعلا اللي يعرفك زمان من شمواه ويشوفك الحين واضح التغيير هههه يالبى كل هذا عشان تجربين وتدونين لنا دايما اقول لك مافيه احد باخلاصك شكرا لك من هنا للسما
جزاكي الله كل خير يارب معلومات جديده كسبتها بهالموضوع والطريقه الصحيحه لوضع الكريم
ياحبني لك منورتني دوووم ماشاءالله عليكي الله يحميك وبميزان حسناتك
الاهتمام المبكر له دور صادقه ياعمري لكن انا كنت جاهله ومنقمعه ومادري كيف ضيعت سنين وايام
احس حالي هالفتره بإعادة تهيئه لنفسي بدأات اتعلم بفضل الله ثم منك كتير امور تنور عقلي واستفدت
و للاسف نتيجه للاهمال طالعتلي خطوط تجاعيد تحت عيني وانا بشرتي جافه وتحت عيني جاف وافكر لو استخدمت لها كريم عين فيه ريتينول عشان يخفف من الخطوط ومايزيدها بيزيد الجفاف كيف اسوي
هل يفضل اخد نوعين كريمات نوع ريتينول ونوع اخر كريم مرطب فقط للعين واستخدمهم بالتناوب ؟شو رأيك حبيبتي
والا مافي امل غير العياده؟
وحاليا استخدم كريم كيو في كترطيب فقط
السلام عليكم..
جوابي كان صح لووول ..
بالنسبة للتسويق فانت صآآدفة مية بالمية تحسين ذا الشي تغلغل في العقل الباطني (خفي علينا)ههههًهَ
لا جد الاعلانات تاثر بالواحد بشكل غير متوقع !
بالذات خدعة الكولاجين لمنتجات العين او حتى الوجه ..
(لا تَطمنوا راح تستفيد لأن البشرة زي القماش ، إذا ببلتي قماش بنقطة ماء أو زيت راح ينتشر وَ تتوسع المساحة)
وصف دقيق ما شاء الله !و معلومة جديدة انا رموشي كنت ادهنهم من الحماس (ههههههه) بالغت لوول
دمت نقية
في امان الله
صباح الامل ….تصدقين اول كريم للعين اشتريته كاان من غارنيييه شفت في الدعاية مع هند صبري وعجبتني حركة الروول وجري عالصيدلية لعل وعسى يخفف الهالات …مع انه مفعوله كان بسيط نسبيا إلا اني حبيت تأثير الرول البارد على البشرة حسيته يعطي عيوني صحيان ونشاط واشراقة وخفف قليلا من الهالات …..””مع اني عارفة انه بعض اﻷشياء خدعة تسويقية بس بعض اﻷحيان أشتريها عشان أرضي حاحة في نفسي “” الله يفكنا من هالوضع الغريب
سلام :$ اشتقت لتدويناتك صايره نشيطه اسم الله ههههه ❤️ على طاري كريمات العين طالعتلي خطوط بعيوني بالاول كنت استخدم رول من لوكستيان بس تنتهي مدته بسرعه ٦ شهور وتخلص المده وانا ماخلصته وحلو مره اعجبني ويخفف من الخطوط والهالات بشكل خفيف جداا ولما احطه على عيني احس ببروده وينعش اتوقع هو من مجموعه الخلود او شي كذا ماني عارفه اسمه بس لون العلبه ابيض وغطاها ازرق <~ يمديني على الوصف ممم يعطيك الف عافيه على مندوناتك الاكثر من رائعه ❤️❤️❤️❤️❤️
صباح الخير
ورمضان كريم ولو انها متاخره شوي
بصراحه اول ماكنت استخدم كريم مخصص للعين يعني اذا حصل وشريت او جاني عينه مع منتج جربت منها كلينك قارنييه وبصراحه ماشفت اي فايده تذكر منهم قبل شهر تقريبا الظاهر زايده فلوسي لعب علي الصيدلي وعطاني كريم للعين ب١٠٠ وشوي من ماركه صراحه ماقد قريت عنها ولا شفتها بالصيدليات بس اقولك زايده فلوسي وخذته على طول قال لي للعين ويخفف الهالات ووو وصلت البيت الا الكريم طول اضفري والله
انصدمت يعني كل اللي شفتهم قبل اكبر شوي مو لهالدرجه كميه صغيره جدا خصوصا ان شكل العلبه يوحي انه اكبر بكثير مره المهم اجيك متحمسه بحطه على عيني وافتح الغطا واضغط واضغط ولا يطلع واضغط الا يطلع من ورا ويوسخ كل شيء اكتشفت انهم غطايين وماشلت اللزقه الصغيره عشان يطلع المنتج وصراحه استخدمته ومع ان كل كلام الصيدلي ماصار اللي يقول الفرق باسبوع ماشفت شيء اللهم ان الكريسينق بالكنسيلر صار اخف لما احط الكريم قبل الميك اب مثل ماقريت بالبروشور حقه
تجربه حلوه ولو انه انلعب علي ❤️
يعطيك العافيه ❤️❤️
أفتكر وانا بالمتوسط جربت كريم عيون من نيفيا و كانت اول و اخر تجربة لي في هالمجال ،، أصلا أنا ما أطيق كريمات نيفيا ما ادري ايش جاء على مخي و جربت كريم العيون ،، يقال لك ابتسنع ،، بس للامانه حتى كريم الوجه ما استخدمه لترطيب منطقة العين ،، اخاف جددددا من التعامل مع هالمنطقة و عندي فوبيا من انه اي شي ح استخدمه ممكن يفقدني عيوني ،، لي فترة طويلة و أنا مكتفية بالكمادات الباردة و الخيار ،، حتى لما استخدمت ماسك الجل أخذت النوع اللي أصلا يجي داخل اكياس بلاستيك و ما ينحط مباشرة على العين ،،
لما قريت الموضوع عرفت انه المشكلة أصلا ما كانت من الكريم نفسه ،، الا من الحماس الزايد و أنا أحط الكريم ،، يا شيخة كنت ادهنه تحت عيوني تقولي اضرب بوية مو أحط كريم !!! و غير الكمية المهولة اللي استخدمتها كان فعلا قريب من الجفن السفلي ،،
احس حاليا انه متقبلة فكرة ترطيب العين اكثر بما انه أساسا الكريم ما ح يكون قريب من العين نفسها ،، عَل و عسى انه ينكسر عندي حاجز الخوف من هالموضوع ،،
على فكرة ،،
نسيت ابارك لك بالشهر
ينعاد عليكي يا رب بالخير و العافية و الرضا 🙂
الحمدلله زين طمنتيني ﻻن اخسر وايد ف كريمات العين واشتري نوعين من الكريمات للوجه ﻻن بشرتي مختلطة واحد قابض للزيون او فيه احماض سالسيك وهالسوالف وواحد مرطب مائي خفيف لمنطقة الخدود وهذا ان شاء الله بستخدمة للوجه للين ماتوصل طلبيتي من امازون خذيت سيروم هارونيك اسيد نجربة وشوف شو يطلع ^_^
ربي ﻻ يحرمنا منج يا الغالية ويوفقج ويسعدج ويبلغج ليله القدر ف هالشهر الكريم{♡}
صباحك جميل ي جميله .. مدونتك كالعاده تصدمنس بشي جديد بس عرفتي هالمره فيه اشياء اعرررفها بس الخووف يردعني يعني كريم العين انااا استخدم الخيار وموويته للعين واستخددم شرايح البطاطس خلوين لكن اخااف اني استخدم كريم مدري ليه واحسه ضروري لمثل بشرتي لان بشرتي بالصيف تجي مختلظه منطقه التي زوون دهنيه والباقي جاف وباالشتا تصيرر كلها صحرا قاحله .
اماا العين اخاف مررات احط لها من كريمي انا حاليا استخدم كريم نيفيا سووفت لطيف ع بشرتي وحبيته .. ومرات امده زي طريقتك واحط حولين العين بس شكلي بشتري لي كريم خاصه لها مع اني مااعاني من شي حمدلله الا هالات خفيفه من السهرر بس اني شايله هم علامات تقدم السسن .. واذ شريت ان شاءالله راح اخذ كريم مقاوم للعلامات ..
من الاعماق شكرا شكرا الله يسعدك قد ماتسعديني وااكثر ❤❤
صباح الحب يائلبي .. انا من النوع اللي ماديت اهتمام كبير لكريم العين وزي ماقتلي حسب البشره تحتاجو او لا كلمت مبرد تحسسني بشعور مرره حلو يخليني اتحمس اجرب شي زي كذا لاني من عشاق الاشياء البارده احس بأنتعآش
حبيت التدوينه فيها كميه اشياء لازم نعرفها .. قووولب
قلوووووب *
ميرسي ارتوس يعطيكي العافيه فعلا دائما بنتقد انو نادرا في كريم للعين في نسبة وقاية للشمس انا عندي هالات بس هالات عناد لو بنظم نومتي اسبوع بس قوام بتروح بس فعلا الترطيب مهم جدا للعين
في حال راح احط ميك آب، قبل الكونسيلر هل اقدر احط مرطب قريب من العين او لا ؟
صباح الخير سوس رمضان مبارك وكل عام وأنتٍ إلى الله أقرب
الله يسعدك ويسلم إيديكِ عن النار ياختي ماعرف ايش اقول غير إنه ياحظي فيك والحمدلله إنه عرفتك أحس إنك هدية من السما رزقها ربي لي ، لولا جوجل ما كان عرفتك وماظن في الحياة الواقعية راح تسنح لي الفرصة اتعرف عليك لذلك أنا جداً سعيدة ومحظوظة بمعرفتك بالصدفة قبل سنتين كنت أبحث عن موضوع الاندرتون في جوجل ومن بحث لآخر حتى وقعت عيناي على موضوع للعناية بقلمك في شمواه شخصيتك وتعابيرك الصادقة وأسلوبك في الكتابة وعفويتك آسرة وجذابة لذلك من ساعتها وأنا أحبك وأحب ابحث عن كل ماتخطه يداكِ في محرك البحث جوجل (اكتب أرتوس) لأجد كل ما كتبتيه في شمواه ومازلت أفعل وماتتصوري قد إيش فرحت بمدونتك وكأنك اهديتني هدية باهظة الثمن وكل تدويناتك أرسلها للصديقات عن طريق الواتس وكلمتهم عليكِ وكأنك صديقتي المقربة يتابعونك اغلبهن في الانستقرام أما انا عن طريق تويتر احرص بمتابعة مدونتك بالمناسبة مرة لعبت لعبة المارد (من خلال اسئلته لي يحاول يخمن الشخصية اللي في بالي)وما طرا على بالي أحد غيرك وماقصر المارد عرفك وطلع فيه ناس غيري طريتي على بالهم أتاريك محبوبة من الجميع ،الله يديم عليكِ المحبة والسعادة والتوفيق نفسي أعرف اسمك أحسه حلو ودي اذا الله رزقني ببنت أسميها باسمك أسماء البنات بحرف س جميلة غالباً عندي أخت اسمها سمر معليش طولت عليك بس حبيت أعبر عن جزء بسيط بخاطري لك
بخصوص التدوينة سبق وعرفت هالمعلومات لكن لما أتعلمها تاني ومنك بالذات أحس غير يعني أنا عرفتها عن طريق السؤال لأن كريمات العيون غالية فاضطريت اسأل اذا كريمات الوجه تناسب منطقة العين أما لما أقرأها ومن مصدر ثقة وبذا التفصيل الوافي بتكون المعلومة موثقة وراسخة في الاذهان لي ولغيري
جد يحيرني هالموضوع لان انا بشرتي جافه واذا استخدمت مرطب جيد للوجه نفسه لعيوني او اذا استخدمت كريم مخصص بالحالتين نفس النتيجه اللي يفرق معاي اذا داومت على الترطيب او لا!
وسألتك باستفسارت الشهر الماضي سؤال بهالخصوص >> سوالي كان عن سيروم فيتامين c
وبالنسبه للاسعار احترت والله .. مره اقول لازم اختار الافضل واوصل ٦٠٠ ومره اقول مايفرق خليني عالمتوسط .. يلعبون علينا هالشركات بس جد يغروني للشراء فما اتوب هههههه
التدوينه قيمه جدا جدا .. كالعاده طرحك مافي منو
وهالموضوع بالذات جا وكأني ترجيتك تنزلينه فورا ههههههه
مساء الخير ..
انا من الناس اللي ما ترتاح الا تستخدم كريم خاص للعيون مدري ما استوعب استخدم منتج لغير وظيفته ..
يمدحون كريم بيزلين للعيون ، بس اخلص الكريم اللي عندي بجربه بإذن الله
حبيت مبرد العيون هذا لونه يفتح النفس يحسسك بالبراد هههههههههههههههههه مدري شدخل بس من لونه يبرد
جربت مبرد العيون من غارنييه كان عند بابا ، فعلا يبرد وحلو شعوره وانتي تحطينه بس ماعندي واحد لي شخصيا ما اهتم مره اكتفي بالخيار
جمييله التدوينه تفتح النفس حبيتها .. شكرا ارتوس
مشكوووووووووره على المعلومه الحلوه انا بصراحه استخدم كريم الوجه للعين بس علشان معرفت ايش من كريم للعين مناسب لي والحين خلاص معد بدور على كريم للعين
ماشاء الله كفيتي ووفيتي
مساء الخير
معقول الشركات ضاحكة علينا!!
ياترى قديش عنا مفاهيم غلط سوا بالتجميل او حياتنا بشكل عام؟
صحيح انتِ بتحطي ريفيو عن منتج بس عنجد بتوسعي مداركنا ع اشياء احنا غافلين عنها، وكريم qv اللي قلت اني بستخدمو برضو مكتوب انو مافي عطور واشياء تانية بس مو مفتكرة ههههه
يعطيكِ العافية، بحمد ربنا دايما انو حطك بطريقي وعرفتك
كل يوم نتعلم منك شي جديد طول عمرنا نسمع ان جلد المنطقه تحت العيون مختلف ويختاج عنايه خاصه وانا من الناس اللي كنت ارتكب خطا بطريقه ترطيب العين لاني اقربه مررررررره على اساس استفيد اكثر ميرسي كتيييير عالتوضبح وكالعاده مبدعه
الله يسامحك مكونات الجل خلتني اجوع .. اجل خيار ومشروم؟ يمم يممم
انا استخدم كريم الوجة لعيني ومافيش مشاكل لا احمرار ولا شي الحمدلله وبنفس طريقة المد اللي ذكرتيها لكن لابد من المسح من بقايا الكريم على الجفن ..
والله مع رمضان والحر والمطبخ نحتاج حاقات تبرد على عيوننا ووجيهنا .. لو احط جل الصبار لحاله ينفع؟
أتفق معك مليون بالمية
عموماً ؛ هذا إيماني فيما يتعلق بكريمات العين
بس ما يمنع إني اذا استحليت مكونات كريم عين اقتنيه
وفعلاً ؛ الترطيب مهم مهم ولا له علاقة بالسن
ومن زمان كنت استغرب من البنات اللي مايعتنون ويكشخون
وهم صغار ؛ مدري ليه يوفرون أعمارهم في عز الشباب
شكرا ياجميله على هالتدوينه ❤️❤️عندي من زمان ودي اسالك ايوه شلون ادري اذامكونات هذا المنتج تناسب بشرتي انا بشرتي عاديه
السلام عليكم
الحمد الله ماعندي أي مشاكل بالعين وروتيني اليومي يعتمد على الترطيب
و دائما أهتم بالمكونات الي في الكريم الي أشتريه
صح فطورك
تشكرات على هالتدوينه ياجميله ،،
نفسياً ماراح أستخدم إلا كريم مخصص للعيون ، مو تكذيب أو تقليل من كلامك لكن على الرغم إن كريمات وجهي تلائم بشرتي عموماً بس لاأحبذ إلا استخدام شيء مخصص للمنطقه.. ( بشرتي دهنيه )
إضافه للذلك فكره إن المنتج بتاع كُله لاتستهويني إطلاقاً ،
وعلى العموم هذا الأسلوب المتبع في الشركات التجاريه ولا كيف راح تربح إذا راح تنتج منتج واحد لكل البشره ، لازم كل شيء على حده ،
بس مايمنع إنه فيه منتجات بتاع كُله فعاله وكويسه لكن ماأفضل استخدامها لكل المناطق ممكن السبب راجع لكون بشرتي دهنيه ،،
دمتي سعيده..
ياهلا والله بضي العين ..
بالنسبه لكريمات العين من زمان مو مقتنعه فيها وقد قريت انو مو مهمه ويكفي مرطب الوجه .. بس فكررره الرول جميله احسها تسوي مساج خفيف للعين وتتحرك الدوره الدمويه وتفيد العين
يسعدلي روحك يارب ❤️❤️
انا هون، نلف سمبوسة ونرجع لوووول
يسعد صباحك ي حب :*
أنا جوابي ع الانستا أنه غالب كلام الدكاترة الموثوق فيهم أنه عادي و بالعكس هو الصحيح أهم شي مراعاة التركيب و طريقة المد.
أنا من حوالي الثلاث سنين كنت استخدم زيت جنين القمح و اللوز للعين وبذيك الفترة عانيت من الرؤوس البيضا بشكل مو طبيعي و ازلتها بالعيادة و ببُست التوبة
صح جربت خليط الكركم زي ماوعدتك ورح خبرك النتيجة بنفس الموضوع 🙂
الله يباركلك بوقتك و صحتك ❤
دايم في وقتك ❤️❤️❤️
ابحث عن كريم للعين يناسبني للآن بس هونت خلاص هههههههههههه ودام نوعية بشرة وجهي و عيني وحده بستعمل لهم نفس الكريم بلا وجع راس و ضياع فلوس ، يعطيك الف عافية
اهلا ارتوس
وحشتيني من زمااان عنك
فعلا في بلوقر كانت تقوله انو عادي نستخدم كريم الوجه للعين
و انا صرت اسوي هالشيء مو دايم بس اذا مستعجله
لأن عندي كريم للعين و احط منه بس زي ماقلت لو ابغا شيء
سريع حطيت من نفس كريم الوجه و خلصنااا
كنت عارفه انا من قبل قلتيه عادي يكون نفس كريم الوجهه وحافظته من ذاك الوقت ❤️
اه يالتسويق عاد من يوم صاروا حريم صار مززعج ماعندها مشكله تخترع فوائد ووعود للمنتج وهو ما يسوى احياناً
رائعه ومبدعه كالعاده
تصدقين لما قريت الموضوع كني مصحيه من نوم
اعرف طبيبه جلديه من فترة طويله واراجع عندها بين فترة والثانيه لما كنت اطلب منها كريم للعيون كانت تقول لي نفس اللي كتبت لك لوجهك
عمري مافكرت اسألها ليهالان بس عرفت ليه
يعطيك الف عافيه ❤️
من زمان كنت اتدلع بس قرات كلام الدكتور عمر شمس الدين ومن بعدها صرت عادي الي احطه على عيني ، مع اني اول كنت مبسوطه بالدلع بس الحين صرت انقهر من حركات الشركات ما احب ينلعب علي .. مدري كيف شعور مُتناقض
توسه في شي ودي اقوله لك من زمان بس مستحيه 🙁 انستقرامك مبلكني من رمضان العام الماضي ، انا متاكده انه من تخبيصه لان ماعمري قلت كلام مو طَيب و دائماً اخاف اني اقولك وتحسبيني استلكع 🙁 .. صار في نشاط بحسابك وتسالين مُتابعاتك لما اقرا التدوينه اكتشف ان في سوالف قبلها ياليت بعد اذنك تشيلين البلوك عني 🙁
شكرا من القلب ..
احب تدويناتك بخصوص العين لكن ياتوسه جاني لبس خارج عن الموضوع
انتي كاتبه خنصر اصبع السبابه
انا هنا لخبطت قصدك بنصر والا نستخدم الخنصر الاصبع الصغير معد عرفت يا توسه تركيزي فقدته تماما
ولايعني ذلك ان اللي طرحتيه مو مفيد بالعكس مفيد وجميل واستمري ياجميله
مية هلآ يآ حلوة
صحيح في كريمات ممكن إنها تستخدم للويه والعين ، بس أنا بشرة ويهي مختلطة تميل للدهنية أكثر ف أعاملها على إنها دهنية ، وأحس أن الكريمات اللي حق ويهي راح تكون قاسية على منطقة العين
أنا أستخدم كريم بيبانثين على أساس إنه يحتوي على البانثينول وأنه يفيد منطقه مآ حول العين رغم إن له استخدامات ثانية ، خفيف ولطيف
إن شاء الله تكون لي تجربة مع الكريمات اللي تحتوي على رول حتى لو كانت موب مثل هاي الماركة بما إنها قد ماتكون متوفرة عندنا
كل الحب والشكر لج آرتوسه ، مآقدر آوفيج حقج والله ❤
معلومة جدا ريحتني جزاك الله خيرا
انا اتوقعت انها لازم لأن المنطقه رقيقه مع اني جربت كريمات كثير مخصصه للعين ماشوفت اي نتيجه منهاهالاتي خفيفه وحاليا استخدم أكرتين مرا في الأسبوع ونشوف ارتوس حبيبتي ياليت تعطيني كريم فيله جميع المكونات الي قولتي عليها وشهر مبارك عليكي
يسعد صباحك..
مشكورة على التونع في بوستاتك ما شاء الله .. لكن هالتدوينة الذات ما تتخيلين قد إيش فادتني ونورتني بخصوص بعض الأمور والأفكار المغلوطة و كنت أحسبها صح بخصوص العناية بمنطقة حول العين و عشان كذا تجاربي لمنتجات العيون محدودة جدا ..
بخصوص فيتامين سي.. لي فترة أروح وأرجع عليه.. ودي فيه بس محتارة ولا أدري عن مفعوله مع أن شعوري يقول أنه ضروري..
وأذكر شفت كريم فيتامين سي بتركيزات معينه و فيه مخصص للعيون.. هل يفرق ولا نفس الشي؟ يعني آخذ للوجه واستخدمه حتى للعيون؟
المنتج شكله كيوووت ولون العبوة لحاله يجيب الانتعاش ههههههه
يعطيك ألف عافية الله لا يخلينا منك .. استمري ومنك نستفيد
صراحة ما اوؤمن بكريمات العيون الا انه مره جربت كريم عيون حبيته الا عشقته يعطيني شعور بالبروده وكذا بس ناسيه اسمه لكن اعتقد انه غارنيه فيه روله نفس هذا اللي تكلمتي عنه~/_\~
طبعاً انا من ضمن البنات اللي مايستخدموا كريمات مقاومة التجاعيد قلت بخليها لين اكمل ٢٥ لاني مره قريتها زمان لكن وين مدري
شكراً حبيبتي ع المعلومات الحلوه والتصحيح لنا❤️
الله يرزقك من واسع فضله ويسعدك
ماقصرتي بالطرح ربي يحرم يدينك عن النار
ويوفقك يالغاليه
في يوم من الايام ..
كنت اتصفح المدونه واتسائل
ليش ارتوس تكتب عن منتج ماله فايده
طيب ماله فايده وش نستفيد من المدونه
ومرري يالايام ومرري
وجا يوم بسأل عن منتج معين
جلست ابحث وابحث مالقيت عنه لازين ولا شين
قلت يااربي طيب وش يدريني عنه زين او شين
هنا قلت لأجل كذا ارتوس تكتب
لو اقتصرت المدونات على المنتجات اللي لها فعاليه
كان ماعرفت باقي المنتجات وكيف حسوا لما جربوها واصير انا اجرب
الله يسعددك ورمضان مبارك علينا وعليك
تدوينه حلوه واستفدت منها كثير
الله يسعدك ويوفقك يا ارتوس على كثر ما أفدتينا ❤❤
احبك ❤❤❤
طول عمري م استخدمت كريم مخصص لعين الا ذي الفتره من مكوناته يحتوي ع فتيامين e هو للعين وللشفايف استخدمه كوقايه فقط مع ان عندي هالات م اهتميت لانو قليلة نوم وغير انو اعرض عيوني كثير عالجوال
زي م قلتي كذبة تسويقيه من زمان بالي انو لازم كريم مخصص للعين بس الحمدالله انو انفضحت ذي الكذبه قبل لا اجيب الهوايل بكريمات العين :d م اشريت كريم للعين الا ذي الفتره مع انو احيانا احطه من مرطب الوجه اذا تعيجزت واسويه نفس طريقة الفيديو اللي نزلتيه (:
قد قالي قبل دكتور جلديه لا يلعبون عليكم مافي شي اسمه كريم للعين .. بس انا مرات يجيني انتفاخ بالعين وبشرتي دهنيه ابي كريم موجود بالبابونج او الشاي او الخيار شنو تنصحيني؟
ويعطيك العافيه ارتوسسسه دايما تعطيني نشاط اهتم بنفسي ^_*
مبارك عليش الشهر ارتوس انا اخر وحده تبارك لك بالشهر بس ع كثر زحمه الشغل بالكليه ما ملحقه شي اخر فصل وبتخرج بعد اسبوعين ان شاء الله
مشكوره حبيبتي برغم اني ما ستخدمت ولا كريم عين الا ان كلامك عنه وان مو ضروري تضهر تجاعيد عشان اخذه حفزني اني اروح اخذ ولو خذيت باخذ الي قلتي عنه من بوبي براون مع ان حسيتهم مبالغين بالسعر
ورحت سالت عن الي من ديور سبق وعرضتيه قالت لي الي تبيع هذا لسن اكبر من عمرك وشوفتني واحد لونه تركواز او ع الازرق ماذكر بالضبط بس ما قدرت اخذه الا بعد ما اقرا عنه ..وطبعا ما خذيت الي بلون الوردي الا لاني ماكنت عامله حسابي اخذه مب علشان كلامها
انا قبل كنت افكر ان هالمنطقة لها كريم خاص فيها و طبعا هالشي كان بتأثير الاعلانات اللي غسلت عقولنا
الان انا استخدم صن بلوك للنهار و امده على كامل الوجه و منطقة العيون و بالليل استخدم كريم بالكولاجين و كمان امده على كامل الوجه هو كريم خفيف و تمتصه البشرة بسهولة انا بشرتي دهنية و مو كل كريم تتقبله
ودي تكتبين عن كريمات و بودرة الكولاجين هل هي مفيدة فعلا او انه مجرد وهم
بالاخير ما اقول الا الله يسلم لي هالاصابع الناعمة اللي تكتب بكل حب و صدق و امانة و يكسر يدين اللي تكتب عنك كلمة سيئة
عاد كل شي الا ارتوس < متأثرة بناصر القصبي يوم يقول كل شي الا النصر لوووول
من جد كلمة شكرا و الله يعطيك العافية ما تكفي
عسى ربي يحفظك من كل شر و يرحم امك و ابوي و موتى المسلمين < احس اني كتبت معلقة
الله يجزاك خير .. والله كنت اتسال بيني وبين نفسي عن كريم للعيون ..فعلا احس اني مهمله المنطقه هذي …لانه سبق وكان عندي كيس دهني في الجفن السفلي للعين وعانيت منه سنتين او اكثر … وبفضل الله راح من حاله … ارويتي عطشي بهالتدوينه … تصدقين حتى المقاطع اللي تدرجينها فالتندوينه عجيبه ..
الله يسعدك ولا عدمناك
يوماً ما بفرد لها تَدوينه بقسم ثرثرة وَ بحكيلكم وَش الشَغلات إللي صارت لي بحياتي وَ ناس وَقفوا بطريقي بأفكاري وَ لبسي
وَ عقب سنين تبنوا نَفس الأفكار , طبعاً أكيد ما سَكتت وَ أحرجتهم قدام العالم لأن كان إنتقادهم قَدام العالم , نشبت لهم عَظمه عرضيه بالحَلق
we are waiting…..
مشكلتي ما ارد كثير بالانستقرام وكان جوابي انه عادي نستخدم كريم الوجه للعينين اذا كان خفيف ولطيف للعينين
مشكوووووره ارتوسه قد الدنيا على الاشياء الي تقدمينه
احترامي لك
انا صراحه ما رديت بالانستقرام بس انبسطت و انا اشوف ردود البنات ، و موضوعك مثل ماعودتينا مفيد و المعلومه توصل لنا دايركت الله يحميك ، عاد تصدقين لي تقريبا اسبوع شفت حلقه من برنامج و قالو آن الخنصر أخف اصبع و ضغطه قوي ، فحبيت انك وضحتي هالنقطه عشان يكونون البنات حذرين على. حساسيه هالمنطقه ، يسلمك و يعافيك
* ضغطه مش قوي ، معليش غلطت
ولا مره دخلت تدوينه الا واستفدت منها الله كمّلك بعقلك ماشاءالله ❤❤
ماانحرمش يارب
جميل انا بصراحه ماعرف مااستخدم كريم عيون وشفت الفرق تبين عي،ني مرتاحه يعطيج العافيه ياجميله
مرحبا ارتوس…علقت على موضوعك ذا فوق بس حابة اطلب منك تدوينة معينة…ايش رايك تتكلمي عن الديرما رولر > طلباتي كثرت *تهج* بس بجد ابغى اشوف رايك وخبرتك بالموضوع…وبس شكككرراا ❤❤
توسة القلب ربي ما يحرمنا هالطله ❤
موضوع جميل ومتكامل كما عودتينا يا جميلة
أنا كنت أحسب إنه ما بيكون كريم العيون غالي إلا أكيد فيه مميزات ومكونات مخصصة هههههههههه 🙁 ولكن لما استخدمت كريمات مخصصه للعيون ما تغير شي بس ترطب فصرت من نفسي استخدم كريم الوجه للعيون لكن كنت متخوفه داخليا إن هالشي غلط
بخصوص البنات الي يقولون ما بحط إلا لما أكبر هذا لأن للأسف كثير منا تربى على إن الاهتمام والترتيب والتدهون يا للي قرب زواجها أو للي تو متزوجه لما صرت أهتم ببشرتي كلللل التعليقات كانت كذا لو إنك عروس بتخربين بشرتك و و و مع الحمد لله وضع بشرتي تحسن بكثيررررررر عن أول والي يضحك انه ألحين قبل ما اصير مخطوبه بتتخرب بشرتي وإذا انخطبت من بكرا بتتزين بشرتي إذا حطيت لها من هالخرابيط من وجهة نظرهم هههههههههه الله المستعان بس .
ياويلي وانا اللي كنت احط كريم العين على كامل الجفن واحاول قد ما اقدر اقررربه واصحى احس عيوني مغبشه
خلاص بصحح طريقتي الخطأ
شكراً لك ❤️
أرتوسه يسعدك ربي ..
مساء الخير عليك ياجنيلة
صراحة جبتي لي الصدمة التفسيه بهالتدوينه هههههه
اكثر شي ادفع عليه هو كريمات العيون وابهدل ميزانيتي عشانها
واجتهد و اوقف بالساعات اختار بالاخير تطلع السالفه كذا صراحة زعلت هههه
زمان كنت اشوف امي تستخدم الكريم نفسه ليدينها و وجهها و بالاخير تمسح على عيونها
وياما عملت معاها نقاشات حول هالنقطه ورحت شريت لها اشياء مخصصه لما اطلع للصيدليه
عاد الحين اذا قلت لها بتضحك علي لانها طلعت صح وانا غلط بس لازم اعلمها ههههه
اما الريفيو فانا جربت شي شبهه من قارني اعتقد سعره بحدود ٩ ريال الى ٢٩ من صيدلياا الدواء
كنت احفضه بالثلاجة مبرد و لما اصحى امرره على عيني يعطي احساس لطيف
يعطيك العافية ارتوس
ما شاء الله عليكِ ارتوس انت فعلا مؤثرة في السوق. ياخي اي شي تمدحيه يخلص مافي ادور عليه في كل مكان مافي هههههه ياريت توشوشيني المره الجايه xD
الله يعطيك العافيه ويوفقك ويسعدك
الله يجزاك خير ويعافيك بس حبيت أسئلك من متى أخلي بنتي تهتم من كريمات عين وكريمات للجسم ؟
ماتقصرين ارتوس. من جد تفتحين اذهاننا على شغلات …من جد مجهود تشكرين عليه ويجعله علم ينتفع به والله قبل فتره فعلا قريت هالشي لكن زي ماخذته ببالي او ماقتنعت. لكن من بعد المدونه لازم نعيد التفكير في امور كثيره انا من النوع اذا دخلت الصيدليه والله مستحيل اخذ باقل من الف واكثر كريم اشتريه كريمات التفتيح لكن اكتشفت ان الوجه اذا فيه نضاره يعطي شعور جميل واصلا تحسين ان بشرتك فاتحه
ارتوس لاتفتحين قسم خاص بدون ماتضيفييني بليز ترى بزعل
ماشاء الله عليج
شكرا ع المعلومات
شكرا لأنك ريحتيني من الحيرة لكريم العين
ريفيو جميييل .. شكراً أرتوس !
يعطيكِ العافية أرتوس كل تدوينة منك تفيدني بشكل ما تتصوّريه
الله يسعدك يارب
تفاعلي هنا أكثر من الانستقرام يمكن لأني ما أحب أكتب كثير في الجوال ^-^
فعلًا الإهتمام والعناية له دور أنا جتني فترة أهملت بشرتي مرررة
وبعد ما رجعت أهتم بفترة بسيطة حسيت بشرتي بدأت تتحسّن وفي نفس الوقت بدأت تسوء شوي
وهذا كل من اهمالي لها
يا ليت أرتوس تتكلمون عن منتج حمض الهايلورنيك أسيد هو حمض طبيعي يوجد في الإنسان ومع الكبر يبدأ يقل تدريجيًا ولذلك تظهر التّجاعيد ..
اشتريت السيروم وبدأت استخدمه لأنّه طلعت لي تجاعيد صغيرة عند العين
بس أتوقع نتائجه على المدى الطّويل
ومرة قرأت عن وحدة أمريكية تاخذ الحبوب ( اللي هي حبوب الحمض نفسه ) وتقول عمرها 50 أو 40 ومافيها ولا تجعيدة
اذكر لما كنت بثانوي شفت وحده باليوتيوب تقول كريم العيون المفروض الوحده تستخدمه من عمرها ١٦ سنه ومن خوفي على بشرتي جاني وسواس اني تاخرت وان لازم اصلح الضرر اللي صار ببشرتي خلال هالسنه الوحيده اللي ما استخدمت فيها كريم عيون رحت وشريت اغلى انواع كريمات العيون وكنت اشتري حقت ضد التجاعيد وكانت ماما واختي يضحكون علي ان وين ما طلعت لك تجاعيد ترا خففي من الكريمات ترا يقصون عليك بس ما كنت اسمعهم ودفعت ثروه بعدين لما كبرت ( كلها ثلاث سنوات بس مصدقه نفسي اني كبرت لاني صرت بالعشرين هههههههههه) وتوسعت بمجال العنايه وصرت افهم ورحت عند اطباء عرفت ان الموضوع خرابيط وان كريمات اللي ضد التجاعيد هي بس خدعه تسويقيه قاصين علينا فيها فجالسه اللحين استخدم لعيون نفس كريم وجهي متحسفه على فلوسي اللي ضاعت ههههههه بس انا عارفه اني بروح اشتري هذا لانك كتبتي عنه الله يهديك ههههههه
وانا مصدقه انه العين لازم كريم خاص فيها وحالة
واطول وانا اشتري كريمات للعين واحتار بين المنتجات
اتفق معك انه كريمات العين بس ترطيب وعنايه للمنطقة لانه ياما حطيت وجربت وما يتغير شيء الهالات نفسها موجوده
يعطيك العافيه❤️
ارتوس انا بشرتي جافه وحساسه وعيوني برضو حساسه ومااستعمل ولا برودكت للترطيب فتنصحيني بشنو لعيوني ولبشرتي ويكون من درق ستور عشان مزانيتي محدوده
تأخرت بالرد ع التدوينه كان اسبوع حافل بالنسبه لي. التدوينه روعه من قلب وسعتي مداركنا ربي يسعدك ارتوسه ❤️
من اجمل اجمل اجمل تدوينات العنايه اللي قريتها وايد استفدت خصوصا فقرة مكونات المنتج الحين اقدر احدد اختياراتي بدقه اكثر انا استخدم كريم العين من نيو ستراتا متوفر في الصيدليات وكثير حبيته لان مرطب عميق تمتصه البشره وبالتالي يقلل من الخطوط ويشد المنطقه وحاليا بصدد اشتري من ماركة شفا كريم العين متوفر بسيفورا جربته وحبيت ترطيبه العميق ومبرد اتحسين بانتعاااش الحمدالله ما اعاني من انتفاخ او هالات عسب جذي تركيزي فقط ع الترطيب لتقليل الخطوط او التجاعيد الكريم الوحيد اللي احطه ع بشرتي وعيني هو مرطب سيتافيل اما باجي الكريمات او واقي الشمس يسبب لي حرقان ف الجفن السفلي فأفضل دايما كريم خاص للعين
بودي أشكرك أرتوس على هالتدوينات الجميييلة ..
ما يظهر أمامي إلا قول الرسول صلى الله عليه وسلم :” إن الله جميل يحب الجمال”
وقوله “أحب الناس إلى الله أنفعهم للناس”
وأحسبك منهم .. الله يوفقك ويسعدك ..
مالي أقل من شهر من يوم طبيت على مدونتك بجد بجد بديت أفدتيني بحاجات واجد ..
ما راح أنساك من دعائي بإذن الله
دمتِ بود()
عرفت هالمعلومه مؤخراً
و عرفت تفاصيلها معاج مشكوووره دايماً تفيديني بتدويناتج 3>
هاي رتُوس ❤️أكثر ما يهمني مواضيع الهالات والكريمات المخصصه لها حتى قعدت فترة طويلة قبل ما أجرب لها شي بس أبحث عن شي يناسب بشرتي وطبيعتها والحمدلله أنا باديه عناية بعيوني من هالسنة وعمري ١٩ يعني شغلي تمام ههههه ، وأنا راح أكمل أشتري لأن قبل الكونسيلر أحط مرطب الهالات ويفرق معاي الشكل حيل وأساساً بشرتي جافه ف تحتاج الترطيب وبس عارفه إن ما لك دخل ب بشرتي بس أحب أسولف لك ❤️❤️❤️
عاد انا تو ادري ان في كريم للعين✋
كنت لما ارطب بشرتي احط تحت عيوني ومن كم يوم رحت محل ومدحت لي كريم كوري قالت لي يزيل الهالات وعادي تحطينه وتطلعين بالشمس ومعطر كمانكنت مرا مبسوطة في ومتحمسه لنتائجه بس لما قريت كلامك انصدمت ان انلعب علي
جد شكرا ارتوس لو ما قريت تدوينتك كان كملت فيه وضرني .
وهذي مو اول مرا استفيد منك اشياء كثير استفدتها وغيرتي فيني كثير.
صباح الورد.. طيب ارتوسة ويش افضل كريم لمقاومة التجاعيد.. بديت اقترب من السن الثلاثين واريد كريم للتجاعيد
ماشاءالله تدويناتج مفصلة تفصيل ودقيقة في الشرح متشوقة وايد ان يكون عندج سناب شات والله يعطيج العافية
طرح رائع كالعادة