صَباح / مساء الحُب
الكثير وَ الكثير يطالبني بمواضيع عن الثقة بالذات وَ أمور من هالنوع ، وَ مع إن الأغلبية يعرف نظرتي لكتب تطوير الذات إلا إنهم يستمرون بسؤالي عن مواضيع تنصب بنفس القالب .
بحال طرحت هالمواضيع راح أكون مُزدوجة وَ مُدعية ، كيف أنتقد كُتب التطوير وَ بنفس الوقت أكتب مقالات تحمل نفس الفحوى ؟!
لكن بما إنكم طلبتوا نفتح مواضيع عن الثقه راح نفتح باب النقاش فيها ، وَ نعتبرها من باب الفضفضه مو من باب إسداء النصح وَ التفلسف على الناس وَ إدعاء المثالية
من يومين طرحت سؤال ببوست ع الأنستا ..
السؤال: كم نسبة رضاك عن نفسك من 10 ؟
البعض أعطى نفسه 1000 من 10 وَ البعض صفر وَ البعض كان عقلاني
وَ من أجمل الردود إللي شفتها منطقية البعض قال قدام الناس نعطي نفسنا رقم كبير لكن مع أنفسنا نعرف إن رضانا مايتجاوز الـ 5 من 10
وَ البعض طاردوني وَ قالوا لا تتنحشين من الإجابة نبي إجابتك
[ مافي بَوست بالأنستا أنَزله عبث ، لأن بالنهاية الأنستا عَندي مُش لليوميات هُو مُجتمع مُصغر لِمُجتمعنا .. وَ مو كل الأسئلة أطرحها لأن فعلاً أبي إجابة أحب أعرف نفسيات المُتابعين ، إهتماماتهم ، مُو شرط أحللها أنا عَندي شغف بالمَعرفة وَ الإستكشاف ، دايم أحب أتعلم جَديد ] ..
تَقييمي لنفسي ~
شخصياً أشوف صعب نعطي نسبة دقيقة لرضانا عن ذاتنا ، لأن نفسية الإنسان ماتمشي على وتيرة واحده ، وَ لا ننسى الظروف وَ المحيطين بك يأثرون بشكل أو بآخر
لكن أعطي نفسي علامة مرتفعة صعب تحديدها تتأرجح بين الـ 7 وَ أقرب لـِ 10 لكن أقل من العشر بنفس الوقت ، لأن الرضى التام يعني توقف عجلة التطور وَ معناه ما راح أطمح لتطوير نفسي يظل دائماً فينا جانب يطمح بالمزيد
في شغلات هي مُسلمات تخلق مع الشخص ماله يد بإختيارها مثل الشكل ، الأسرة وَ القدرات …..إلخ من هاالأمور ، راضيه عنها تمام الرضا البعض منها الحمد لله ربي أنعم علي فيها وَ البعض لازم نرضى فيها لأن مالنا إلا نرضى فيها وَ نقبلها مثل ماهي
الجانب إللي قيمته مايشمل المُسلمات لأن المُسلمات خلاص مقتنعه فيها إنما الجانب إللي لنا السيطرة عليه وَ قادرين على تحسينه وَ تطويره ، فيه أمور ببساطة أدرك إن تحسينها مُرهق للنفس وَ غير منطقي وَ إدعاء الكمال فيها نقص، صفات تكاد تكون ملائكية فتقبل كونك بشري هو الأسلم
زعلني ،’
لكن إللي زعلني بردود أغلب البنات إنهم فهموا السؤال بشكل سطحي أو بالأصح تقييم لرضاهم عن نفسهم منصب فقط على الشكل لا أكثر ، وَ أشوف بعض الردود فيها نوع من المكابرة وَ ادعاء الثقة كأن الوحده إذا قالت أنا راضية عن نفسي 100 من 10 يعني أنا واثقة وَ جميلة وَ أملك زمام الأمور ، ممكن هالشيء راجع لأعمار بعض المتابعين أو للحالة المزاجية العاليه أثناء كتابتهم للرد ، وَ البعض كأنه يتنافس مَع الرد إللي قبله ما يَبي يكون أقل مَن غيره ، دائماً بداية البوست تبدأ صادقة ثماً لما يَزيد التنافس بين المُتابعين يبدأ الإدعاء ، أو العَكس يبدأ الإدعاء ثم يأتي الصريحين وَ الواقعيين وَ كثير كثير رَدود كانت جَميلة وَ مَنطقية وَ كتبوا بـ ١٠ أسطر كلام مليء بالتفاؤول وَ المَنطق وَ الواقعية
[ عموماً أنا مو بصدد تقييم الردود ]
بطبيعة الحال غالباً المراهقين نظرتهم لنفسهم وَ للآخرين مبنية على الشكل الخارجي ، لكن هوس الجمال وَ الشكل أصبح هاجس الكل حتى الأشخاص إللي تخطوا الأربعين صرنا نشوف فنانات كبيرات بالعمر وَ مفترض بالقدر ، إللي تسمي نفسها ملكة جمال الكون ، وَ ملكة جمال المذيعات وَ ملكة جمال الأخلاق ، وَ لا ملكه وَ بس .
من غير زعل ،’
وَ من غير زعل بقولكم وجهة نظري مو شرط تتفقون معها بس هذي نظرتي ، ما أشوف العرب من الناس إللي إنشهر عنهم الجمال الخلاب ، أغلب اللي يتغزلون بجمال العرب هم من العرب أنفسهم يعني جمال مَحلي [ أدري بتذبحوني ]
طبعاً بكل العالم فيه جمال وَ يظل الجمال نسبي ، أذكر مره طبيب تجميل أجنبي ، ما أذكر بالضبط البرنامج إللي إنقال فيه هالكلام بس كان في محطه إخبارية ، كان يعطي تقييم للجمال حسب المقاييس ذكر النسب بكل العالم ، وَ بعدها ذكر حوض البحر المتوسط وَ يقصد البلدان العربيه أو غير العربيه المطله على البحر الأبيض المتوسط ، قال هالمنطقة فعلاً مُتوسطة بكل شيء وَ ذكر إن جمالهم متوسط
في بلدان مشهوره بتصديرها للجمال وَ الدليل واضح أغلب منصات العرض وَ كليباتنا العربية أبطال العروض فيها مو من العرب
[ لا تَقولون عَشان العرب مُحترمين وَ ما يطلعون بالتَي في ، أتوقع الأنستا كشف المَستور وَ إكتشفنا إن فيه كثير عندهم حُب للظهور وَ للإعلام ]
أذكر بأحد المولات بأوكرانيا بوسط السوق نصبوا منصة للعرض وَدعوا إللي عنده رغبة يكون مودل يشارك ، ما شاء الله أغلب المتسوقين من الشباب وَ الشابات فيهم مقومات الموديلز ، وَ ناس عاديين وَ بسطاء وَ ماكانوا محضرين مسبقاً للمسابقة وَ نسبه كبيرة تم قبولهم
وَ الغريب فيه بنات جميلات ماعندهم مقلب بأشكالهم حتى لو كانت موديل تقولك الدعوه بزنس أنا دخلت المجال عشان أدفع رسوم الجامعه .
كَلامي لا يعني لا يَوجد عندنا جَمال أتمنى تستوعبون هالنَقطة إنما النسبة قليلة ، يَعني من روسيا مُمكن نلاقي ١٠ من ١٠٠ فائقات الجَمال
وَ بالدول العربية ٢ مَن ١٠٠ فائقات الجَمال ( النَسب إفتراضية ) ..
وَ ترى المُضحك المُبكي ، إن كثير من الرجال العرب يتزوجون بغربيات بحثاً عن الجمال وَ بحجة تحسين النَسل ، بينما إللي يتزوجها من برا وَحدة تُعتبر ببلدها غير جَميلة وَ يالله يالله رَضت تتزوج هالآدمي لضعف الحيلة وَ المادة وَ لا لو ربي عَطاها الفلوس ما رَضت فيه – ألحين كل المَوضوع بيروح لسالفة الزواج من الغربيات ترى بذبحكم –
شطحة ،’
عَفكرة كثير هَنا راح يَسطرون كلام لي وَ الله يا إن القبيلة الفلانية وَ يا إن وَ يا إن ، وَ بيقولون لي تَكلمي عن نفسك وَ إنتِ ماشفتي جَمال وَ خربط لخبط ، ترى تعبنا من هالكلام تعاملوا مَع مُدونتي زي ما تَكلمين صديقتك
مافي أمَر شَخصي ضَدك بالنهاية أنا عَربية مثلكم ، لكن زَي ماكنتوا تَمدحون النوتيلا وَ عقب طحتوا باللوتس ، تذكروا فيه شَعوب إنتم ما كتشفتوهم زي اللوتس ..
وَ زيادة ليه دايم لما نَكون مع بعض كصديقات نضحك وَ نتندر على نفسنا وَ نمزح بلطف , وَ لما ينكتب هالكلام إللي لو من صديق كنا مَزحنا لكن ينكتب كبوست أو تَدوينة الكل يشتط وَ تقوم قيامته وَ تبدأ الجبهات بين الناس !! أمر البَشر عجيب
وَ عيالنا يتطنزون بأم ركبة وَ بناتنا يَتطنزون بأبو سروال وَ فنيله وَ لكن لما يُطرح المَوضوع كموضوع عقلاني للنقاش ، تبدأ الحَروب من كل الجَبهات !! لكن كَنقاش لا وَ ألف لأ
حقيقة ما أعرف بالضبط السبب إللى أدى لتسطح العرب بهالشكل ، خاصة بمجتمعات مُحافظة الفضيلة عندها وَ الأخلاق مفترض تكون أهم من أي شي آخر ، على إفتراض إن الإعلام هو السبب الرئيسي وَرى هالنظرة ، أشوف إن الإعلام عند الغرب منصب على السطحية وَ المادية أكثر منا وَ مع ذلك فيه ناس كثير عقلانين وَ مو مهتمين بجانب الجمال بهالشكل ، أي نعم فيه البعض مهووس بالجمال ، لكن كثير من الأشخاص يسعون لتطوير مهاراتهم ، تلقى كبار بالعمر مهتمين بتعلم لغة جديدة موهبة جديدة وَ حنا المسلمين ـ الله بالخير ـ الأجانب بسن التقاعد ممكن يبدون يحققون أحلامهم سواء يجيبون العالم للإطلاع على ثقافة الشعوب ، يتعلمون رقص، موسيقى أو لغة جديدة، أما اللي عندنا يقولك خلاصكبرنا ، وَ تحقن لها كم إبرة بوتوكس ( عقولتها بغز إبرة ) وَ هاتك تلفونات وحش في خلق الله وإَ ذا سافرت تزور نفس الأماكن إللي غالباً ماتتجاوز مطاعم وَ أوسواق همها تقهر صديقتها بطقم الذهب وَ لا الفستان وَ لا الشنطة الماركة ، وَ فيه الجانب الناسك إللى ماسك سجادته وبس وَ يعتقد إن رجوله في القبر وَ كأنه يستنى الموت يدق بابه وَ يقول الحمد لله أنا راضي بقسمة ربي
( طبعاً هلي حاس رَجوله بالقبر يُهمل إلتزاماته أمام أبنائه وَ وواجباته بالحياة ، حَتى فرضاً لو كانت أم تَطفش بناتها بالطَلعة لا طلعات وَ لا خرجات بحجة يالله حَسن الخاتمة ، وَ تقتل جيل كامل بَسبب رغبتها بالإنزواء وَ إنتهاء مَهامها بالحياة ، لا تَرحم وَ لا تخلي رحمة ربي تَنزل ، مُتناسية إن الحياة لا إفراط وَ لا تفريط )
هالنَقطة الأخيرة قلتها أتأمل لو أم من هالنَوع تقرأ كلامي ترحم عيالها ، لأن كثير بنات ماكملوا جامعتهم بحجة إن أمهاتهم راميين مسؤولية البيت وَ تربية أخوانها الصغار عليها ، كثير حابسين بناتهم بين ٤ جَدران بحجة إن هي خلاص ما تَبي تطلع معهم لأن تشوف طلعتهم تفاهه وَ هي تفضل التَنسك ، بينما بناتها صَعب بعمر صغير يَطلعون لوحدهم فمالهم إلا يرضون بالأمر الواقع وَ الحبسه
جين فوندا | Jane Fonda
اذكر من فتره مو بعيدة شفت لقاء لجين فوندا ( أشهر مدربة رياضية على مَر التاريخ ) أعتقد وقتها أطلقت كتاب أو شيء من هالنوع ما أذكر البرنامج يمكن يكون ذا دكتورز ، بس حبيت نصيحتها لأهالي المراهقين ما أذكر النص بالضبط إللي ذكرته لكن فيما معناه : لما إبنك يكون يعاني من زيادة في الوزن لاتقوله إنحف عشان تكون حلو قله كُن صحي عشان نفسك عشان صحتك ، لأن لو جبت طاري الجمال راح تعيطه إحساس إنه مو حلو
وَ للأسف عندنا الناس مَشربين أطفالهم الجمال ، بينما كثير أشخاص أطفالهم ندرك حقيقة قلة جَمالهم
صح الجمال مَوجود ، لكن لما تكون بنتي قليلة الجَمال وَ أقولها أنتِ جميلة وَ أعزز صفات غير موجودة فيها ، ترى مو كل يوم راح تقابلك إنتِ ؟!
راح تقابل المُجتمع وَ إللي شربتيه لها !! راح تتباهى به أمام الناس وَ بيجي الوقح إللي يكسر عينها وَ يفشلها وَ يهز كيانها كله
أكيد ماراح نقول لعيالنا أنتم قليلين حظ بهالجَمال ، لكن الأهم ما نَكبر أهمية الجَمال بعيونهم حَتى لو يَملكونه
فيه عيله أعرفها شَخصياً ، مو مشهور عنهم الجَمال وَحدة بهالعيلة هي الأجمل بينهم لكن مو هالجمال الخارق بس بالنسبة لهم وَ لمحيطها ، شايفة نفسها على كُل عيلتها بشكل إستفزازي
وَ كل العيلة يَمدحون فيها ، لدرجة إن فيه وحدة من الأمهات بهالعيلة مهمشة بنتها وَ تتباهى بَجمال هالبنت بَحكم إنها بَعمر بنتها
ما تتخيلون شكثر نفسية بنتها بالحضيض ، لما كبرت هالبنت المنبوذة صارت حرفياً أسفل نساء الكَون ، وَ زينت فضايح فقط إنتقاماً بأمها عشان تثبت إنها جَميلة وَ مرغوبة
مافي شاب ماحاولت تتعرف عليه ، بنظرها لو مدحها هالشاب راح تَكون جميلة ، صارت تَدور المدح خارج أسرتها وَ تبحث عن الدلال ، تَشرب وَ تتخدر وَ …. إلخ
حتى أنا تَدخلت بطلب من أسرتها بما إن البنت كانت زَميلة لي ، قالت لي بالحرف الواحد : أهلي مو زي أهلك وَ حريقة تحرقهم كلهم
بالرغم أهلها ناس طيبين وَ ناس مُحترمين وَ مافيهم أي عيب ، اللهم أمها قدمت هذيك البنت عليها بالمَدح فقط
وَ فيه قريبة لي جداً طيبة ما تتصورون وَش كثر طيبة وَ حنونة وَ لو تشوف أحد يحمل نفس إسم قبيلتنا وَ ناجح وَ حلو وَ شيك تفرح
لكن إذا كنا بمجلس وَ شافت أحد أجمل منها أو أكشخ من غير القبيلة تقوم شياطينها ، لدرجة وَجهها يصير أسود من كثر الحَقد بداخلها وَ تقلب مسلسل مكسيكي
خلاص عيونها تقدح من الحقد ، وَ تصير لما تتكلم تتأتأ ، أو تنزوي بالمَجلس وَ لا تتكلم وَ تطلب السواق على عَجل وَ تطلع
هذي أمها شربتها من طفولتها إن أجَمل نساء الكون من قبيلتها ، بالرغم الله عَطاها من الجَمال وَ خاصة الشغلات إللي يحبها مُجتمعنا تَملكها وَ دائماً ممدوحة
لكن عندها أزمة مع الثقة بنفسها ، تَعبنا نَكلمها نَقولها ترى ما تصيرين حلوة وَ ووجهك ينعفس لاشفتي أحد أجمل من قبيلتك تَقوم قيامتها مافي أمَل
[ حتى سبحان الله عيونها مُستحيل تعترف بالجَمال لغير قبيلتها حتى لو وحدة بالتلفزيون تقول لا حنا أزين .. شيء مُضحك ]
يعني حتى لو كِنت جميلة ، مُستحيل تكونين بعيون كل الناس الأجَمل الناس أذواق ، وَ الَجمال بالنهاية ما يَدوم وَ نسبي
شفتوا جين فوندا إللي فوق !! صح مَشدودة وَ شيك وَ حلوة بعمرها لكن ماراح تكون بنفس جَمالها بشبابها وَ هذي صورتها بَصغرها
فَخلكم عاقلين وَ عيشوا الجمال وَ لا تعلقون الآمال عليه ، الصبوحة ماتت وَ هي مُتأملة إن الطب يخترع إكسير الشباب
وَ للأن ما أخترعوا مُمكن يخترعون شيء حلو لو أخترعوا ، لكن عيشوا حياتكم لو أخترعوا كان بها إستخدموه ، وَ لو ما أخترعوا بتكونون برضو عشتوا حياتكم بقناعة
وَ لا تكونون مَثل الكونتسيه إليزابيث باثوري ، إللي كانت تقتل الشابات الجَميلات و تتسبح بدمائهم ظناً منها إن هالدم هو إكسير الشباب ، طبعاً ملامحها إجرامية وَ ماتت بنفس هالملامح ، يعني الدَم ما نفع بها ( يمكن على زمنهم كانوا يشوفونها حَلوة الله أعلم ) ..
شريك | Shrek
تتذكرون كرتون الغول شريك ؟! صراحة للأسف إني أقول هالكلام ، لما تَحولت الأميرة فيونا لغوله أنا ما تَقبلتها وَ طول الوقت أتمنى ترجع أميرة وَ جميلة قبل ما تَكون غوله
لأن دائماً علمونا بالأفلام كرتون نفس قصة ساندريلا ، إن الفقيرة تتزوج غني وَ تصير غنية ( وَ لاحظوا تشربنا إن هي مَظلومة وَ أبوها ثري بس محرومة من الثراء برضو بسبب جَمالها ) .. ما عَطونا حُب للفقير أبداً
برضو الجميلة وَ الوحش نهايته يرجع الوَحش لأمير وَ فارس وَ جميل ، ما تعودنا إن الفقر وَ البشاعة تَدوم ( بما إن البشاعة إنذكرت بشريك مش كلمة من عندي )
أول فيلم كرتون شفته كان فيه شَخص بشع هو أحدب نوتردام وَ كان حزين وَ مخيف نوعاً ما ، وَ كملوها بشريك الغول الأخضر وَ كانت حتى الأغنية إسمها : المسخ البشع شيء من هالنَوع
فلاحظوا مُحاولة ديزني بالتعاطي مع المَشاكل ، هذي نُقطة تُحسب لصالحهم ..
للأسف نحن كَمتابعين مازلنا بنفس النظرية القديمة وَ أكيد هُم جابوا شريك كَغول لأن عارفين عقلية الناس المَدعيين إللي بيقولون حرام مافي إنسان بشع
لكن لو إنحطوا هُم أمام الأمر الواقع ما راح يزوجون عيالهم قليلات حظ بالجَمال ، نشوف بُمجتمعنا التهافت عالسطحيات
إللي يَدور بياض ، إللي يدور شعر طويل ، إللي يدور بنت مخصرة وَ صدرها كبير ، أو شَنطتها كبيرة
وَ للأسف نفس الأم إللي تأذت بشبابها أثناء زَواجها ، تَمارس نفس الطقوس إللي كرهتها بَشبابها على بَنات الناس وَ حتى الأخوات يمارسون نفس الشيء وَ إن كانوا يعانون مَن نفس هالأَمور ، إلا إن الإحساس مَعدوم
ساندرا بولوك | Sandra Bullock
من فتره مجلة بيبول الأمريكية أعطت الممثله ساندرا بولوك لقب أجمل نساء العالم لعام 2015 م ، وَ وصفتها بصاحبة الجمال الحقيقي وَ المتألق
إللي أعجبني ردة فعل ساندرا بولك ضحكت وَ قالت : هالشي سخيف وَ أكيد ماراح أخبر أحد عنه ، وَ عقبت إن جمالها كأمرأة وَ أنوثتها تمارسها كل يوم كأم لطفلها البالغ من العمر ٥ سنوات ، وَ مايحتاج أذكركم إن ساندرا عمرها تجاوز الأربعين ..
لنفترض إن ساندرا بولوك سعيدة بهاللقب ، وَ إنها تَمثل الرُقي إلا أنها وصلت للجميع مَسج حلو ، يَكفي تكونين أم عشان تَحسين بأنوثتك
مع العلم طفلها مُتبنى يعني ما تهايط على غير الأمهات ، فَمشاعر الأنوثة وَ الأمومة موجودة بكل إمرأة سواء أم ، غير أم ، جميلة ، غير جميلة ، مشهورة ، غير مَشهورة .. إلخ
أرجع أكرر السؤال بطريقة أخرى ~
• وش الجَوانب إللي من المُفترض تنمونها أو تطورونا للوصول للرضا عن الذات بنسبة جيدة ، حتى لو كنتم تبون تنحفون ، تكونون فاشن أكثر ، تكون مواكبين للموضة أكثر ، تتعلمون أكثر من لغة ، تتعلمون مَهارات أخرى ؟
• بحال كُنتم راضيين ١٠ من ١٠ ، وَش إللي خلاكم تَوصلون لهالرضى بعيداً عن ردود رضى الوالدين وَ رضى الله لأن هالشغلات من المُفترض يكون مُفرغ منها ، أنا أتكلم عن ذواتكم أنتم ، وَ عن أنفسكم ، مُش رضى الآخرين عنكم ؟
مَلاحظة ،’
بحال خَطر ببالكم إن ليش تَدوينتي إنساق مسارها نَحو الجمال أكثر ، لأن ٧٠ ٪ من الردود كان تقييمهم بناءً على الجَمال
فلا بُد إني أتكلم عَنه أكثر ، صَح إني مُدونة جَمالية وَ لكن أنا وَ صديقاتي وَ أحبابي ما يَحتل الجمال حتى ٢ ٪ من أحاديثنا
وَ بالمُناسبة فيه بنات قالوا إنهم لاحظوا إني أنشط مَن قبل ، صَراحة لأني مُدمنة نُوتات بالآيفون .. إذا جلست بفرشي قبل النُوم أبدأ أكتب مُلاحظات وَ أسجل إنطباعي عن أي مُنتج أكون أجربه أو أستخدمه أول بأول ، مُجرد ما أنتهي من تجربته اللهم أخذ له صَورة وَ أبدأ أصيغ الكلام بالمُدونة
وَ عاد المُقدمة تتشكل حَسب المَزاج ، طبعاً أكيد بغيب على نهاية شهر رمضان المُبارك تاريخ ٢٥ رمضان إلى ٢٥ شوال (ما يُقارب شهر )
وَ بعدين برجع لكم وَ بستأنف نَشاطي ، عشان كذا أحاول أطرح قَد ما أقدر قبل إجازتي ، وَ أكيد راح تَوحشوني ..
دُمتم بَحب
كلامي كثير مايكفي أكتب ، بس الموضوع حلو وحبيته ،، عن الرضا رآضيه عن نفسي بس باقي ببالي أشياء أخلصها مع ذاتي و أغلبها صرآحه متوقفه بسبب وضعي فقط ما أقدر أشرح أكثر ،، حتوحشينا
فَهمت عليك وَ فاهمه وَ ضعك .. ما تَدرين متأكدة إذا حطيتي الشيء براسك راح تَوصلين له
خاصة شَخصيتك مُثابره ، نَورتيني
دائما اشوف التغيير صعب،،من عرفتك عرفت ان كل شي حوالينا تغييره بيدنا ايش ماكان ،،،❤️
ارتوس من زمان وانا اتابعك بصمت واستمتع وانا اقراء كلامك واستفيد كثير منك
بس الموضوع هذا شدني كثيير وفتحتي عيني على عيوب كثيره فيني وكنت اتجاهلها
بصراحه حسيت بفراغ كبير جواتي واني قصرت بحق ذاتي
ماقدرت اكمل دراستي وتزوجت وانا صغيره وجاهله لامور كثيره
بس فتحت عيني متاخر
حياتي صارت روتين ملل بين زيارات عائليه وواجبات زوجيه فقط
قلت يمكن اعوض النقص هذا بتربيتي لاطفالي واهتمامي فيهم بس للحين ربي ماكتب ومع الادويه وزني زاد وأثر هالشي على نفسيتي
وانا مشكلتي كتومه بزياده ماافضفض لاحد بهالشي حتى زوجي
مع ان الشي الصح اللي سويته اني تزوجته الحمد لله
بس احس حياتي وقفت بعد زواجي عندي اهداف كثيره
اولها اني انحف واشوف نفسي شوي
ماادري بصراحه ايش اكتب وايش اخلي احس اني ملخبطه
بس الحمد لله على كل حال
استغفر الله العظيم واتووب اليه
راح توحشينا حبيبتي الله يسعددك يارب
صباح النشاط
حتغيبي شهر يحق لك بس راح نفتقدك والله واجازه سعيده من الحين
تشبيهك باللوتس اليم ههههه مسوي ضجه هاللوتس
اجاوب هوني الانستا مالحقت اكتب
راضيه عن جوانب وجوانب لا
اطمح انتِ اتعلم الانجليزي وباذن الله راح ابدا اول خطوه هالايام
احقق هدفي واكون فنتس وهذا بدات فيه من فتره والله ييسرها
اتعمق اكثر واكثر بالميك اب
واطمح تكون ثقافتي عاليه من جميع النواحي هذا الي خطر ببالي
لو افكر اهتم بجانب واحد راح تندفن الجوانب الثانيه الرضى عن النفس شي حلو بس مايصل لمرحلة الغرور
التَشبيه شاطح بس عَشان البعض يفهم إن مو كل شيء هَو عارفه بالحياه أو شايفه
بخصوص الإنجليزي فيه حسابات الأن عالأنستا تعلم إنجليزي ، مرة شفت حساب للفرنسية وَ التركية وَ منه شفت كذا حساب للإنجليزي
يعني المَوضوع صار حتى مُسلي وَ مُمتع ..
بالنسبة للغرور هُو وسيلة دفاع وَ هي بالأصل صفة نقص ، إنتِ لو شفتي حفل الموركس دور لعام ٢٠١٥ م ، ماراح يخفى للعين تعنتر البَعض وَ تباهيهم
حسيت ريحة الحَفل جيفه من كثر التعنطز وَ التعنتر إللي هُم فيه
اشكرك ع الموضوع و حبيته مررا
يمكن صح الجمال مو كبير عندنا بس ما احسه مشكله
الترتيب الاناقه الوحده تعرف اش يناسبها وايش لا
متجدده و ستايلها حلو يعني الخلاصه مهتممه
احس الشي هذا يكفي و قد يبرز وحده جمالها عادي و يخليها اجمل من الجميله فعلا !؟
..
مشكلتي شخصيا و اتمنى بيوم تكتبين لو تكرمتي عن هالموضوع (تطلب وهي مستحيه) مشكلتي احيانا مع الي حولي يعني الحمدلله
اعرف ارتب نفسي و اطلع بابهى حله
لكن اتاثر بالمحيط مرا !؟ انا ما استنى اي تعليق من احد
لكن تخيلي مثلا يوم تقصي شعرك و تبغي تعليق اي كومنت سوا
ايجابي او سلبي ويوم اللمه العائليه مع اهل الزوج تحديدا
مااافي اي كومنت ! عارفه يحسسونك انك ماعملتي اي شي غريب !
يمكن الخدمات يلاحظو و هم لا !؟
مستوعبه قصدي 🙁
او لمه عائليه اخرى و انت بقمه شياكتك يمدحو الي ع يمينك و يسارك الي والله عاديين جدا وانت لا ! هنا مهما كانت ثقتك بنفسك ورضاك موقف كدا بيخلي شخصيتك مهزوزه جدا !
عوافي ❤️❤️
تصدقين فيه ناس مو ستايل وَ لوكهم فاشل جداً ، وَ خلقوا بمشاكل صَحية
لكن ثقتهم عالية وَ راضيين بالقضاء وَ القدر وَ مع ذلك مؤثرين بالعالم وَ محبوبين ..
بخصوص ردات الفَعل ، طَنشي مُو بالضرورة ينتبهون لأن بالأساس هُم منتبهين بس فيه ناس طبعهم لئيم وَ أناني
ما يحبون يهتمون بتغيرات الآخرين ، أهم شيء هُم وَ أنفسهم وَ لو هم زينوا هالتغيير بَتقوم قيامتهم لو أحد ما لاحظ
أدري هالشيء يفرح ، لكن أوجدي لك عالمك الخاص ..
زيارتهم عالعين وَ الراس من زيارات الواجب وَ الأهل ، لكن لو لقيتي شخص واحد بالدَنيا يفهمك وَ يحس بك وَ بتغيراتك ( صديقة مثلاً )
وَ الله ماعاد تهتمين للباقيين أبداً ، خلي مُحيطك إيجابي عشان تتشربين الإيجابية من كل مَكان ..
وَ عفكرة مدح إللي عاليمين وَ عاليسار هذي طريقة قديمة لتهبيط من عزيمتك وَ ثقتك ، يعني مفروض تفرحين وَ تبتسمين زيادة
لعل وَعسى متعمدينها ، عادي مرات أشوف وحدة حلوه ألاحظ قريبتها تمدحني زيادة فوق العادي عشان تقهرها مُش عشان سَواد عيوني
فلا يصيرون يَهمونك أبداً ، أطلعي من بيتك وَ إنتِ واثقة وَ تذكري كلام مُحبينك الإيجابي ..
الموضوع جميل و يحمس انا بالنسبه لي للحين مقدر أقيم لو احدد مدى راضي عّن نفسي لسى باقي م انجزت اشياء ابغاه بس اكثر شي فرحانه فيه و مبسوطه هما اطفالي سعيده منهم ولهم هما الفيلم الكوميدي اللي كل يوم اصحى و انام عليه كل الأشياء اللي اتمنى أنجزها تتبخر اذا شفت نفسي علمتهم شي جديد و استجابوا
للاسف ارتوس انا متشربه فكرة الجمال تشريب
لدرجة لما ابي اطور نفسي او اي شي
يجيني احساس داخلي بصوت بعيييد لكن يؤثر فيني مرة
يقول : ليش تفكرين تجيبين معدل عالي؟ ماراح يغير شي انتي مو حلوة
ليش تكشخين وتزينين؟ الناس يعرفون شكلك بدون مكياج انتي مو حلوة
ليش تفكرين تاخذين لغة؟ ليش اكلك يكون صحي؟ ليش ليش ليش
اه يا ارتوس تعببببببتتت ،
فيه دكتورة علم نفس وتتكلم عن الطاقة واثق فيها جداً
افكر اخذ استشارة عندها ب ١٠٠٠ ريال
مع انه مبلغ كبير بالنسبة لي نسبياً
لكن اثق بانها بتغير مني الكثير، وبتفهمني اشياء انا غافلة عنها.. بحاول قدر ما اقدر ادبر هالمبلغ
الواحد لازم يكافح لنفسة.. وهالافكار اللي فيني لازم اقضي عليها
لما حطيتي شي ببالك قدرتي تسوينه (الي هو تجميع مبلغ ١٠٠٠ ريال !)… خلي عنك الأدمية هذي وغيري من نفسك حبة حبة..التغيير المفاجئ يسبب صدمة ثم تبلد ثم يرجع الكسل والإحباط ..لاتقولين ماأقدر ! لما بغيتي شي قدرتي عليه ! …كل الي عندك إحباط وكسل والدليل طلبك استشارة ب ألف ريال (أنا مثلك محبطة وكسولة لكن أحاول أشد على نفسي وأتغير حبة حبة..الموضوع مو سهل).
أولا .. كل هدة الأفكار الي في مخك وتبي تروحي دكتور نفسي عشانها وتدفعي مبلغ وقدرة هيا من نسج افكارك يعني انتي محطية في بالك اذا رحت لدكتور ودفعت كم الف انا حسير طبيعية .. كل ماتجي هدة الفكرة في مخك وتبدا تنزل من همتك وتحبطك قولي لنفسك انا اقوى من كذا انا اشوفني في عين نفسي جميلة وهدا اهم شي بعض الأشخاص يكونوا جدا عادين بس بشخصيتهم وبسلوبهم يلفتوا انتباهي وابدا اعجب بطريقة تفكيرهم يعني مين قال الجمال كل شي صح الجمال له دور (وان الله جميل يحب الجمال ) بس مين قال هذا بس مقتصر على جمال الوجة والجسم والشكل الخارجي فقط؟ جمال اخلاقك واحترامك ولباقتك كلها داخلة في ذا الحديث عموما دايما خليكي متفائلة الدنيا اكبر من كدا انك تحصرى نفسك في أفكار وترهقي نفسك فيها .
م
والله الاخطها في اهل زوجي بذات وحده من سلايفي وحدة من اخوات زوجي ، واذا اخد مدحني ينعفسون عفس لدرجة سلفتي تسوي نفسها ما سمعت وترفع صوتها وتحاول تغير الموضوع لكن اهم شي واثقة من نفسي وبكل مرة افجاءها بشي جديد و مسويه روحي موفاهمه شيء وانا عارفه انها تاكل بنفسها اكل ،مع هذا زادت ثقتي بنفسي وصار عندي دافع قوي اني اطور نفسي بكل شي جديد ومفيد بكل نواحي الحياه بكذا يموتون بغيظهم
راح عن بالك المقارنة المثال الي ذكرتيه عن البنت الي مهمشتها امها احس لو قارنتها بغيرها احس راح يكون من السيء إلى اسوء ولا شرايك ؟
بالنسبة لشريك انا شفت الفيلم وكنت في مرحلة مراهقة -اظن عشان كذا استوعبت الرسالة- ومره حبيييت النهاية انهم خلوها غوله لون بشرتها اخضر ❤️
و فعلاً تقييمي لنفسي يتوقف على مزاجي؛ أيام ابوّس كل مرايا بيتنا وأيام أشمّق بنفسي ههههههههههه
يعطيك العافية آرتوسه ❤️
وراح توحشييينا ❤️❤️❤️❤️❤️
مافهمت وَضحي لي أكثر صراحة ، بس أمها بالأساس مفروض ما تَقارنها بأحد .. مفروض تحب بنتها وَ تحس بها
مرات حنا نقول كلام لشخص من مَحبة ، لكن لما نَشوف غيرنا يتأذى نحاول نقوله بالخفاء عَنه ، عشان ما ينظلم أي طَرف
حتى بالتعامل بين طَفلين ..
عني انا شخصياً التهميش عندي افضل من انها تقارنني بأحد،
صح المفروض تحب بنتها بس فيه امهات الله لا يوريك يا توسه يستعملون المقارنه كتحفيز لبناتهم واولادهم وهم غير مدركين ان هذا الشي يؤثر عليهم سلباً وبقوة بعد 🙁
انا راضيه عن نفسي بنسبه اعبرها متوسطه لانه فيه اشياء لسى ماحققتها بنفسي تصرفات ماقدرت اغيرها فيني جالسه احاول و احاول اتجهت حاليا لاشياء احبها صرت انمي قدراتي سواء بالميكب باللبس صرت كمان اتعلم لغه انقلش بالرغم اسمع كلام اللي حولي اني فاضيه وماعندي شيء يشغلني لدرجه صارو يقولون لي جيبي ولد يشغلك عن التفاهات اللي تسوينها صح احبطني كلامهم شوي بس رجعت وكملت الشيء اللي بديته لاني مابغى اكون جاهله بظل اتعلم واتعلم وماراح اسمح لاحد يأثر علي وهدي احد الخطوات اللي بتزيدني رضى بنفسي
ادري كلامي كثير وملخبطط بس شيء بداخلي وقلته
,,,,, دمتي بحب
بالعَكس ما أشوفك تافهه ، طالما فَرحانه وَ هالأمور تخليك تنشغلين عن الناس أفضل
كل ما إنشغل الإنسان بتطوير ذاته يرتقي عن تَفاهات الناس ..
وَ بعدين اللغة الإنجليزية عالم وَ بحر ، تخيلي كمية المَعلومات إللي راح تقرينها وَ الكُتب لو تعلمتي هاللغة ؟!
قدامك مُتعة ما بعدها مُتعة ، تخيلي قدامك أكثر من مَليون كتاب بثقافات مُختلفة وَ أديان مُختلفة ؟! ..
فيه ناس تخلوا عن الإنجاب وَ الزواج لأجل العَلم ، وَ هذول عشان إنجليزي مَناشبينك ؟
انا معك بكل كلمه قلتيها فعلا احنا مجتمعنا الجمال فيه هو المقياس و المعيار الاول ، طبعا المظهر مهم لكن مو اهم شي !
كثير من البنات حولي شايفين انفسهم لدرجه فضيعه والسبب هو المجاملات الزايده !
بصراحه كل مثال كتبتيه اكتشفت اني اعرف شخص حولي يفكر بهالطريقه
عموما تقيمي لنفسي بين ال ٨-٩ وابدا ماكان على الشكل لانه ماراح يدوم
انجازاتي، اخلاقي ، و شخصيتي هي فقط الي راح تدوم لي
اما الجمال و المال و الحسب و النسب فهي اشياء من الله ما اعتقد ان الواحد مفروض يشوف نفسه بهالاشياظ ويقبم نفسه عليها
مُشكلة إللي يشوف نفسه بهالأمور ، لو زالت !! وش راح تَكون قيمتك وقتها !
بتكون بلا قيمة وَ ماعندك شيء سوى الفراغ وَ العتمه ..
حتى النَسب فضيحة للعيلة ، تَطيرك وَراء الشمس
نفسي وامنيتي اقعد معك وجهالوجه 🙂
صباح النور
كلامك 100%صحيح أعطي نفسي 7من10
الحمدلله السنين الاخيرة كثير طورت من نفسي
طبعا عندي وايد أشياء اطمح فيها يعني الحمدلله
تعلمت لغه وصرت أحب اقرأ كتب صار شي
يومي أولادي الحمدلله نظام خاص في التربيه والحمدلله
قدرت اخليهم ينتظمون عليه وان شاءالله اقدر اطور باقي
الأشياء
طبعا الانسان متذبذب يعني تتغير نفسيته حسب الأوضاع
الي يكون فيها
وبالنسبه للجمال ما الوم البنات لان اغلب المجتمعات
تقيم الشخص حسب جماله ولبسه ومظهره
أتمنى يكون في وعي اكثر وتنتبه الناس ان وايد اشيا
في الحياه نستفيد ونتعلم منها وبالتالي نصقل شخصياتنا
ولَك كل الحب والشكر
فعلاً الإنسان مُتذبذب وَ ماشاء الله عليك أشوفك حققتي أشياء وايد وَ الله يحفظ لك أطفالك
للأسف إن أغلب المُجتمعات يقيمون الأشخاص على ذلك ، لكن نتأمل نكون أكثر وَعياً منهم
وَ أكثر إنسانية وَ رأفة بقليلين الحَظ ، لأن لو شجعنا هالأمر إلا ما ينظلم شخص وَ يعاني
نَورتيني ياغالية
الله يسعدككك ي شيخة جداا كلامك عقلاني وجميل ودي اضيف شي صح الجمال نسبي بس مدري اتكلم عن نفسي احب اشوف بشرتي صافية وصحية وجسم سليم وحلو انا اشوف هالشي جمييل مو شرط نمتلك ملامح جميلة بس يكفي انه نمتلك انوثه ونعومة واهتمام فطبيعي ماراح ارضى على نفسي ١٠من ١٠لين اوصل اني امتلك بشرة صافية وجسم جميل مايهم اكون جميلة او لا يكفي اكون راضية على نفسي اكثر
طَموحك بَسيط وَ مقدور عليه وَ مَطلب كل بنت
وَ يتحقق عفكرة وَ بسنة ، الوحدة تقدر تَوصله بَعد بس حطيه أمام عينيك عَشان ترضين بأقرب وقت مُمكن
يعني إشتغلي عَليه ، يالله إن شاء الله بأقرب فرصة تكتبين لي إنك حَققتيه
مبسوطه لحد ٢٥ وجاء الغياب لكن تعرفين قديششش احبك واحب كل نقطه وتقدم تقدمين عليها وافرح حتي ولو بساعه من الوقت ترتاحين فيها
راح توحشيننا وربي يحفظك لنا وين ماكنتي
بالنسبه للتدوينه ماعلى كلامك كلام وكل حرف انا معاك فيه
حبيبتي سَهام ، أكيد بَكون على تَواصل وَياك لو بالإسبوع مَرة
ما نستغنى عَن حبايبنا ، لا خَلا وَ لاعدم
يسعد صباحك ارتوسه
فرحت لانك بتأخذين اجازة وتستمتعين
وزعلت لاني راح اشتاقلك كثير
التدوينة ولا اروع و تمنيت لو تكلمتي اكثر و اكثر
بالنسبة للتقييم في محاور كثير رضاي عنها يعتبر متوسط
لكن على صعيد الاستقلالية و تحقيق احد اهدافي الكبيرة أعطي نفسي نسبة ٤ من ١٠
ومع ذلك لازلت احاول ادفع نفسي لقدام
وبس
شكراً ارتوس
انا اعطيت نفسي ٥/١٠ من ناحية شخصيتي تفكيري وتصرفاتي والمستوى اللي انا فيه بدراستي وطموحي واهمالي لاشياء كثييررة مش علشان ناحية الجمال مع اني متوسطة واعتبر عادية بس راضية بذا الشيء ولله الحمد.
علشان اطور من رضاي لنفسي ايش ودي اسوي ؟
اولا ودي انحف راح يعطيني ذا الشيء دافع كبير لثقتي بنفسي
ثانيا ودي ابدا احسن من اجتماعيتي و طريقة تصرفي وتعاملي مع الناس
اخيرا ابدا اقرأ واطور من فكري وكذا .
التدوينة تمنيت ماتكون عن الجمال بس مازال استفدت كثير شككررا ❤️
للأسف لأن كثير الجمال هُو الهاجس الأول ، لو كتبوا غيره فرضاً صعوبات تعلم اللغة لأن كثير يعانون مَنها كان قدمت إقتراحات لذلك
لكن لازم مشاعرهم تهدأ من ناحية الجَمال شَوي وما يحسون إنه هو الأهم ، الجمال مُهم بس ما يَكفي لوحده
نورتيني
موضوع اليوم مره جميل عجبني ونقاط كثيره اتفق معك فيها صح يعطيك العافية استمري وبتوحشينا
وَجودك الأجمل
بصراحه انا ماعندي رضى كامل بنفسي بس اللي عندي اعتبره شي حلو واحمد ربي عليه واللي مو عندي احاول أوصل له ومستحيل أتكاسل في اي يوم لين أوصل للي ابي
والمهم في الموضوع أني حاليا صرت حزينه لأنك ماراح تكونين موجوده برمضان حتى لو بنص صوره تكفيني بس الغيبه مو حلوه
برمضان راح أكون مَوجودة ، اللهم بختفي بـ ٢٥ رمضان لـ ٢٥ شَوال تقريباً شهر
وَ إن أسعفني الوَقت راح أتواجد ، وَ أكيد كثير من مُتابعيني بالقلب ..
أحلى مافيك هالطَموح هُو إللي راح يَوصلك ..مافي مثل العَمل وَ السعي ، الله يرزقك على هالإجتهاد
بتوحشينا اكثر : ( ❤️
حبيبتي ..
جمااالك ارتوس وجمال كلامك اشتقت للتدوينات والرد عليها، اعذريني مارديت عالمواضيع السابقه لاني انشغلت وباذن الله القى لي وقت بالايام الجايه لاني لازلت مشغوله ولكن احب اقرا كتاباتك واحاول اسرق من وقتي لها.
اما جوابي للسؤال انا اعطي نفسي من ٤-٥ من ١٠ لاني احتاج اطور نفسي باشياء كثيييره منها عبادتي وتذوقي للموضه ومن ناحيه اهتمامي بجسمي وبنفسي وبزوجي وعيالي وبيتي واهلي دائما احس نفسي مقصره ، وكذلك طموحي واحساس اني ماانجزت شي وحتى محاولتي لانجاز شي كثييير ماتخيب وتنقطع ، احاول اكتشف نفسي واللي يميزني .
تصدقيو وانا اكتب احس لاارادي قللت من رضاي لذاتي . باذن الله بحاول اطور نفسي . شكراا ارتوس حبي لك
وصح ياقلبي راح توحشينا صدق لما تغييين يومين عن الانستا احس بغربه كيف لو كانت شهر ، مع اختلافي معك بقناعات لكن يشهد ربي اني احبك وان لك مكان بالقلب غييير ربي يوفقك ويسعدك راح تتركين فراغ ولكن اكيد دامه لراحتك وسعادتك بكون سعيده ومنها اجازه لي انا بعد << بكل شي اربط نفسي فيه
ههههههه إختلفي مَثل ما تَحبين عن قناعاتي ، عفكرة هالشيء مو سبب للُحب وَ لا للكره الإختلافات
مرات الإختلافات مُمتازة بهالحياة وَ شيء صَحي ، عشان كل واحد يكمل الثاني
وَ الله يسلمك على هالمَشاعر وَ المحبة الله لا يَحرمني ياقلبي إنتِ
غير مُكلفة بالرَد ياقلبي أنا عارفتك وَ حافظتك خلاص ..
حبيت لما قلتي قللت من رضاي من ذاتي ، لا يَمكن بس إكتشفتي إن عندك أحلام أكثر بكثير من إللي حَققتيه
وَ عادي مرات أنا طموحي يزيد بشكل فَضيع وَ تقل نسبة الرضا لأن الطَموح إرتفعت نسبته ..
وَ يا حُبي لك وَ لتواجدك ، لا خَلا وَ لا عدم
صباح النور ..
لالاتغيبين بنشتاق لك مرهه مب حلو الانستقرام بدونك 🙁
طبعا بخصوص السؤال ابي انمي مهاره كيف افتح حوار احس لما اكون مع اي احد صديقاتي او اهلي يحمر بوجهي بسرعه واستحي وماعندي جراءه بعض الاحيان اكمله ! يعني مدري كيف اشرح ههههه بس وخصوصا اني احتاج انمي هالمهاره لان تخصصي اعلام واتصال :/ واحتاج جراءه اكثر .. وفيه صفه فيني ابغى اغيرها انو اهتم بكلام الناس يمكن عشان كذا ماكون جريئه ! او يمكن ماعندي ثقه بنفسي !! كلام بخاطري قلتله لك :$ وبس
بخصوص شلون تفتحين حَوار ؟! يمكن شخصيتك الخجولة السبب .. وَ ربما صغر سنك
وَ من ثُم مدى إختلاطك بالناس ، الإختلاط الكثيف بالآخرين يخفف هالشيء ..
وَ برضو المَواقف ، بتلاحظين أمك جريئة فرضاً !! العمر وَ التجارب له دَور
وَ هالشيء ما يَلغي إن فيه ناس جريئين بالفَطرة ، حتى فيه أطفال عُمرهم ٣ سَنين مُندفعين وَ جريئين
بالرغم ممكن هالطفل يكبر وَ يصير عمره فرضاً ٢٥ سنة وَ يتحول إلى شخص عادي
جربي تقاومين نفسك وَ شوفي لأن تخصصك يتطلب جرأة ، عفكرة فرضاً الفنانة يارا خجولة وَ بيتوتيه وَ هي تقول هالكلام عَن نفسها
الفنان برضو وائل جسار مُطرب من الطفولة وَ مع ذلك خجول جداً ، أنا جبتلك ناس بالوسط الفني بَحكم إنك بَمجال الإعلام
يعني لا تَخافين كلهم خَجولين وَ ناجحين ..
ما كملت قراءه بس نص الرضا اللي احس فيه انتي سببه ع فكره .”
هذا أكبر إطراء لي عَفكرة ، ما أحس إني أسَتحقه ..
لكن أتمنى يَكون أثري إيجابي عليك ..
صباح الورد يوم طرحتي سؤالك بالانستا عجزت اكتب النسبه الحقيقيه إذا جيت بقيم اﻹثار اللي بحياتي وإني عايشه لغيري اجي بكتب نسبه عشره لانو انا قاعده اعطي بس مشاعري الصادقه اقول لا إذا صرت اعطي الللي احبهم سعادتهم من كل الجوانب ذاك الوقت بعرف كيف رضاي عن نفسي عشان كذا ماعرفت احدد ابداا حاولت اقيم نفسي من جوانب ثانيه كاﻹهتمام بنفسي القى اني مو منصفه ابدااا مع نفسي بعيدااا عن التقييم تصدقين سوس انو عرفت معنى الكبت يولد اﻹنفجار تخيلي سوس قلت بكأفئ نفسي بعد تعب سنين وتغير جذري هذا القرار جا بعد ولادتي لقيت انو افضل مكافأه لي اني انفرد بنفسي مابغى اشوف احد ولا احد يشوفني اقصد اللي اعرفهم طرحت الفكره على زوجي ابغى ابعد شوي ومتى ماارتحت برجع احس هذا افضل شي لي بس طبعا محد عطاني وجه تخيلي كل ماجلست عند زوجي او امي اقولهم خاطري اهرب اضحك وانا اقولها بس فعلا انا جاده ابي اروح اي مكان ابي انفرد بروحي ومتى ماتحسنت برجع سوس اقولهم حاسه انو تكفيني ثلاث ايام هههههههه
قلة من الناس مُضحيين ، يعني يملكون الإثار هذي صفة مُمتازة
ياحليلك وَ يحليل صراحتك ، عُموماً أنا فاهمتك خاصة إني عارفتك وَ بينا كلام يارب ما أكون غلطانة بالإسم ..
كلامك مَنطقي بس أنا أنبهك عن إكتئاب مابعد الحَمل ، فَمفروض إللي حولك ينتبهون لهالمَشاعر وَ إنتِ برضو إنتبهي
لا تَنغمسين بَمثل هالمَوضوع أبداً عشان نَفسك ، ترى أنا لما تَوفت أمي قلت بقلبي لو مايجينا ناس بالعَزاء بكون أكثر راحة
بينما عالعَكس لما خلصت أيام العَزاء وَقتها حسيت بالوحشة الحقيقية وَ الألم ، بينما أول بَوجودهم كنت مَشغولة بهم
إن شاء الله وضحت لك الصَورة
ارتوس تسلسلك في الكلام يجذب بشكل، تنطين من موضوع لموضوع وترجعين لنفس الموضوع باسلوب سلس الله يحفظك
بالنسبة لتقيمي لنفسي وبكل صراحة؟ ١٠-/١٠
سواءً تصرف، شخصية، عقل، مبادئ
اعترف بهذا الشيء، اتمنى اني ارسي على شيء معين، وابدأ حياتي صح وانهي جلستي الي علطول بغرفتي وشخصيتي المنطوية، تصدقين اني مستحيل اطلع من البيت الا وانا خايفه ومترددة، لما يكون فيه حفلة وانعزم لها اتردد ٢٠٠ الف مره ولما اقرر اروح على طول بنص الطريق يكون ودي ارجع واتندم، ودي اتعلم لغات جديدة، ارجع اكتب، اطور مهاراتي بالرياضيات واتعلم رسم، اساعد ناس اكثر واحب نفسي، مو لشكل ولا لأن نفسيتي زينه، ابي احب نفسي لنفسي لأن ربي خلقني كذا، ابي احسني انتمي لي مو لأي شيء/احد ثاني
اعتذر بس كلامك سو زي الرفرش لعقلي
تدرين على صَراحتك أنا أعطيك ٢ من عشرة لأني أنا إنسانة أفضل الإنسان المُتصالح مع ذاته أفضل من المُمثل وَ المُدعي
طبعاً أنا عطيتك فقط على صراحتك ..
طيب إبدأي ، مَخاوفك أثناء الطلعة وَ ترددك بتكون لسبب .. شيء طبيعي لو كنت حاسة إن عندي نقص بمكان لنفترض حاسه لبسي دقه قديمه
شيء طبيعي ماراح أحب المَشوار وَ برجع للبيت ( أقضي عالمَخاوف ) وَ قتها ما أتوقع بتجلسين مَكانك راح تنطلقين ..
يمكن وَقتها يقولون أمسكوا شَوق من كثر طلعاتها ..
نَورتيني حياك الله
صحيح حسيت من الكومنتات انه كأنهم يقصدون الشكل الخارجي مع اني ماعلقت ولاكتبت نسبه رضاي عن نفسي فكرت بصراحه ولاعرفت ايش اكتب مع انه وقتها ابدا ماخر ببالي شكلي جا ببالي ايش عملت او ايش انجزت اما فكره ملكات الجمال هذي ابدا ماتجوزلي لان الاذواق تختلف ومثل ماقلتي الجمال نسبي وانا اشوف بوطننا العربي كثير جميلات وكذلك الاجنبي بس يمكن عيوننا ملت الجمال الشرقي
بالنسبة لو عيونا ملت من الجمال ، ليش هُم عيونهم ماملت !!
أنا توقعت قبل فترة إن العالم كله يحب الجمال البرازيلي ، يعني توقعت شكل كيم كاردشيان هو المَرغوب بالعالم
إنصدمت وقت الحقيقة الإعلام شيء مُختلف عن الواقع ..
كيم فرضاً مشهورة عن الأمريكان وَ عند العرب ، الأوروبين مثلاً ما يعرفونها أغلبهم بيقولون لك مَين كيم ؟!
وحتى وقت الحقيقة وَ الجمال ما يختارون إلا الأوروبية الشقراء النحيلة وَ تَظهر عنصريتهم ، حتى البرونز فرضاً مايحبونك خلقة برونزي ؟
يبونك تكون أشقر مَسوي برونز ، بس مايكون أصلك برونزي جداً عنصريين لكن من درجة الرقي وَ التمثيل وَ القوانين الدَولية
ما يفصحون بمشاعرهم الحقيقية
أشوريا راي إشتركت ببرنامج بتلفزيون الواقع مع غربيات ، وَ كلنا نعرف إنها جَميلة
الغربيات كانوا يقولون لها نَظفي الحمامات يالهندية ( يعاملونها مُعاملة خادمة ) يعني وقت الحقيقة تطلع الأنفس الشينه
ماعلينا بالبرامج وَ الإعلام المَدفوع ، مثلنا مهماً روجوا للنحف الذوق العربي يميل للحم لو قليلاً
أما مثل نحافة الموديلز غير مَرغوبة أبداً
صباحك جنة .. اعتبر ولله الحمد راضيه عن حالي ماانكر اني انفق الكتير ع العنايه بالجمال .. لكن بااستمرار ماانسى ان ادلع جانبي الروحي بتعلم موهبه جديده بقراءة ممتعه مفيده بلغة تداعب رغبتى بتعلمها احاول احيانا انجح وكتير بالحقيقه افشل لكن احب حتى محاولاتي احب فعليا اكون عبارة عن كتاب يشمل كل شيء مفيد وجذاب وممتع .. احب اني اكون جميله وواثقه من حالى لما اتكلم لانى اثق انو مقدار الثقافه اللي عندو يخولني ادخل بااي نقاش وبعدو اصفق لحالى واهديني حتى احمس حالي لتعلم .. احب اسافر واشوف ثقافات البلد عاداتهم كل شيء ماااحب السفر المنصب ع مطاعم وكوفيات وتسوق .. رغم احب كل هالاشياء لس مااحب اخليها اولوليه بسفرتي .. اتصدقي كلامك روعه يخاطب الروح وينصت له القلب تمنيت امتلك صديقة بروعتك ماشاء الله اللله يرحم ام ربتك .. والله يهنيك بااجازتك حاولى اتطلي علينا .. لايكون بس تتزوجي وماتعزمينا خخ .. انا من متابعتك من ايام شمواه بس غير جيده بالتعليق الا فيما ندر بس يشهد الله لك من المعزه والاحترام الكتير ..
مافيها شيء حَتى لو كِنت مسرفة بالجَمال ، هالشيء راجع لك ..
هذي أموالك وَ تصرفي فيها مَثل ماتبين ، إنتِ المحاسبة الأولى وَ الأخيرة عليها ..
وَ احلى شيء حُبك لنفسك وَ مكافئتها على تَطوير الذات ، وَ آمين وَ تمنياتك حَلوة تسعد الخاطر ..
ههههههه لا يا قَلبي ، تَخيلي أتزوج بعد رَمضان ..
راح أقولكم إن شاء الله ماراح أخبي مثل هالمَوضوع عليكم أو راح تَحسون لا مَحاله
و تسلمين لي وَ تسلم لي مَعزتك يالغالية
احلا موضوع مر علي المهم يعطيك العافية ومن دون كثرة حكي بالنسبة لي انا راضية عن نفسي كأم بنسبة ٥٪ انا مره انسانة فوضوية وماحب المسؤوليه واطفالي احس اني مقصرة معاهم كثير كشخصية ام وكإنسانة عادية اعطي نفسي ٨٪ لاني الحمدالله احب نفسي كثير واحب اشتغل ع نفسي واخطط وانفذ وافكر واعطي نفسي حقها بس في امور ماقدر اغيرها وتحتاج بذل جهد كبير بس كأم انا مرة مو راضية عن نفسي احس اني احب الحياة وابغى اسوي امور كثيرة لكن الامومة مانعتني وبنفس الوقت ماني سوبر مام عشان احس بالرضا دايما اوقع في الاغلاط واتعلم وارجع اغلط وارجع اتعلم ودي اصير ام رزينة تحكم عقلها وتسيطر ع اطفالها وتكون حازمة والله ضايعه معهم
صَراحة الإنجاب بحد ذاته وَ مسؤولية الأطفال شيء صَعب جداً وَ ليس ببسيط مثل ما يُخيل للبعض
يعني أمك ثم أمك ثم أمك ما جات من عَبث أو من فراغ ، فَحتى ينشأ جيل صالح لابُد من التَعب وَ لا هالأطفال بيكبرون
وَ ثمار هالتربية راح تحصدينها ، سواء ثمار صالحه أو فاسدة ( تَخوفك ) ..
دائماً الأولاد يردون لأهاليهم الدين سواء بالإيجاب أو السلب ، مو شرط تكونين سوبر مام لكن لا تقصرين بواجباتك إتجاههم
لأن بالنهاية حتى لو المَوضوع مرهق لك تذكري إن هالموضوع جداً مُخيف وَ أثاره مُخيفة ..
أتمنى تَحققين التوازن المَطلوب
ياهلا وغلا….
امممم انا قلت نسبتي المؤيه يعني شامله كل شيء تقريبا 7،25 ….
الصفات اللي احتاج انميها كل شيء فيني يحتاج تنميه ان شا الله لين اعجز وتطيح سنوني حتى لو طاحت سنوني بقول لاحفادي شوفو طاحت سنوني لاني ماسويت الشيء الفلاني والشيء الفلاني اكيد راح ابين لاولادي الاخطاء اللي طحت بها عشان مايطيحون مثلي … مرة سمعت بنتي تقول لاخوها الصغير خرب شيء بالبيت قالت له خطاء لاتسوي كذا بعدين الناس مايحبونك ضحكت وقلت لها مو لازم يحبونك الناس ياماما قولي هذا خطاء وبس الناس مو ربي ربي فوق …
اكثر شيء مركزة عليه في تنمية نفسي الان هو استقلاليتي بنفسي مااحتاج احد بالعكس الناس هي اللي تحتاجين هنا احس اني نميت شيء مهم وفعال .. ثاني شيء احتاج انميه نفسي اخذ لغه انجليزيه في بريطانيا نفسي اتعلم اكثر من لغه … الاشياء الثانيه اللي متوفرة بيدي وبديت فيها ان شا الله اتمها وماراح اقول انا رضيت عن نفسي لو حققت هالاشياء بتطلع امور احتاج انميها كذا كذا انا قاعده اعيش حياتي اهم شيء ابتعد عن الركود وابحث عن التطور ولا ابخل على نفسي …
زعلتيني ارتوس وبنفس الوقت فرحانه لك الله يوفقك اجازة سعيده لنا ولك …
حبي لك بالغلا …
على طاري سطحية العرب بالفعل احنا سطحيين وانا اولهم ههههههه لا امزح مو لهادرجه ،بس احيانا احس اني متسطحه تسطح عجيب غالبا مااتدارك نفسي واغير النظرة على طول واحيانا تفوتني او اللحظه اللي انا بها تجبرني مثلا جمعه شيء، انتظار ردة فعل لفعل بالاساس سطحي تلقيني على طول اتسطح وذا كنت متيقظه اقل شيء اسويه اسكت … ،وبس احس دوختك عاد خلقه اليوم دايخين الله يسامحك سهوم ههههههههه
هههههههه وَ الله عن دايخين دايخين مَدري شلون أستوعبت وَ كتبت
فهمت قصدك ، عادي كلنا نَفهي وَ نسوي شغلات سَطحية بس ما نبني حياتنا وَ نقيم حياة غيرنا على شَغلات سطحية هنا مُصيبة
وَ مدري مَقدر أحكم أحس كلنا نَسوي إللي تَسوينه ، بالنهاية لنا شَطحات وَ جنان وَ هبل يطلع بأوقات
ههههههه يا حليلها ، تدرين بنوتك قالتها لأن دائماً الناس حُبهم مشروط
يعني لو ماسويت لنا كذا بنزعل منك ، لو ما أكلت فرضاً ماما بتزعل منك ، أو ببطل أحبك .. فيمكن هي مَشتها على نفس المَبدأ فطينه وَ الله ..
وَ أنا أشوف المرأة المُستقلة محداً يقدر عليها ، حتى بقية النساء يخافون مَنها وَ يحاربون إستقلالهآ لوووووول
فالله يَقويك بهالطريق ، وَ سلامتك من الزعل أكيد بكون على تَواصل وَياكم وَ برجع لكم بروح أحلى وَ أفضل التجديد وَ الإبتعاد ثم الرجعة
تعطيك شَوق مُضاعف
لما قريت انك بتغيبين قرابة الشهر عورني قلبي ..
لكن بنفس الوقت اقول بخاطري بلاها هالانانيه مثل ماانتي تغيبين وتستمتعين بايامك لحظه بلحظه هي يحق لها ههههه يختي نحبك شنسوي ..
بالنسبه لموضوع الرضا عن الذات انا جالسه اشتغل ع نفسي واحاول انميه عشان نفسي وعشان بنتي .. ماابي اتعامل معها بنفس طريقة اهلي بالتربيه والتعامل من اي جانب كان .. مهما كانو الاهل طيبين لابد تكون عندهم شطحات تعورنا واحنا صغار فمن وقتها نقول اذا صرنا بمكانهم مابنسويها لعيالنا بينما ممكن لو اهملنا وماتثقفنا وقرينا نغلط باماكن ومواقف اخرا … الوالده الله يحفضها كنت لما اجي احف وجهي تقول مايحتاج انتي جميله كذا .. ان جيت بزين شعري قالت لا انتي جميله مايحتاج ومع العلم انا بداخلي مو مقتنعه بس فعليا مااقدر ارفض لها طلب الى اخر سنه بالثنوي وتمردت ع اهلي وامي وسويت كل اللي براسي قصيت شعري حفيت وصرت اسوي كل شيي احسه مناسب لي وبيظهرني بمظهر الانسانه المرتبه الجميله .. وبس تبدين هالطريق تبدين فعلا تتنورين لاشياء كثير ممكن لو ظليت بمكاني الاول ماتنورت لها … حتا الرياضه كنت ازينها وبعدها يقولون لا انتبهي ترهل الجسم اذا تركتيها كنت اقول لهم والله قريت عنها وهي ماترهل بس طبيعي لو في عضل بنيتيه حيختفي لو وقفتي ولو زاد وزنك حيترهل وهم مصرين ان كلامي غلط … فمشكله اذا كانو الاهل ماعندهم وعي بهالامور او يدافعون عن امور مغلوطه دون الرجوع للبحث .. عشان كذا انا اشوف هذا اهم شي انمي نفسي من ناحيته القرائه والبحث والمعلومه الصحيحه والقيمه .. حتا لو جلست بمجلس وعندي معلومه صحيحه بس ناسيه نقطه بسيطه عنها واتوقع ان هالنقطه حتثار اسكت لاني كذا بصير كاني من الاشخاص اللي يبون يثبتون كلامهم وبس خخخخ .. الزبده انا احس الموضوع اخذ منحا ثاني معي بس مشي حالك هههههه …
وربي يسلم لنا هالديات ❤❤
ياحظي بهالمَحبة ، لا خَلا وَ لاعدم
وَ أكيد برجع بنفسية أحلى وَ أحلى وَ التجديد بحد ذاته يَطور الفكر وَ ينميه
هو فعلاً كلامك لما قلتي حتى لو الأهل طيبين ، مرات هالشيء يعود لعامل الزَمن ..
يعني حتى حنا ما نَدري وش التطور إللي راح يكتشفونه عيالنا وَ راح نمانعهم فيه ، فرضاً مُمكن بنتك تطلب تسافر للمريخ بتقولين لهآ لأ خَطر
بينما بزمنها بيكون السفر للمريخ شيء عادي جداً ..
وَ فهمتك بالعَكس خذي راحتك بالحَكي ، نَورتيني
صبآح الرضاء
بالنسبة لتقييمي آعطيت نفسي ٧من١٠ كان من نآحية طموحاتي وشخصيتي
مآ كان تقيمي في الآنستا من ناحية الجمال
رغم آشوف آن الجمآل بالنسبة لي آكون مهتمه بنفسي وبآناقتي
أمآ لرضاء ذاتي آبي أوصل لدرجه بتفكيري “ممكن ماراح توصل لذهنك بس م عرفت اوصف”
والشي الثاني اللي قاعده انميه وأوصل له بمجالي آني آصير مبرمجه كبيره وبييتحقق قريب ان شاء الله
حتى مفكره آني اسوي برنامج “آمي مطلقه الاسم حقه ”
تذكرت وحده آعرفها آمها دائم تشوف أهي آجمل وحده في مجتمعنا ودآيم ترفع فيها
لدرجة اذا تجمعنا وشآفت آحد احلى منها لبس او اي شي على يقلب وجهها وتعصب آعرف من وجهها ان في شي ما عجبها
وإبداء تعيب بالشي
هذا كله آمها زرعته في بنتها
دمتي لنا بحب
يآهلا بَك وَ الله كلامك أسَعدني ..
وَ مافي شيء بَعيد حققي طَموحك الأن مافي شيء إسمه عربي مَغمور ، الكل يقدر يَوصل وَ تتبنآه شركات عليها القَيمة
خلينا نَشوف برنامج بأقرب وَقت مُمكن ..
نورتيني
ونسيت آقول دائم مواضيعك ذي تنمي شي بعقلي وتفتح عيني
سلمتي
نفس تفكيري بالرضا تقريبا .. بس بخصوص ان العرب مو معروفين بالجمال .. وجهة نظرك او نظرتك للجمال يمكن.. صراحه مااقتنعت لاني احب الجمال العربي .. اشوف الغرب جميلين لكن مو ذوقي او مو الجمال اللي ياسرني .. و بالاخر فعلا الجمال مو مهم بالكثر .. اذكر وحده مشهوره كنت اشوفها و ججدا جميله بنظري .. كان وقتها مافيه انستقرام .. يوم جاء اليوم اللي اتابعها ع الانستا انصصدمت ماحبيت شخصيتها مره و اسلوبها بالكلام .. تغيرت بنظري كلييييا بشكل غريب ماعاد اشوفها جميله ! فعلا الجمال ولا شي من غير عقل و شخصيه مميزه .. اي لف يو ارتوس
ههههههههههه طيب لا تَزعلين هي مُش وجهة نظري ، إنما وَجهة نظر عالمية حسب إحصائياتهم
وَ أكيد ذوقك بالنهاية هُو الأهم ، ماعليك من الإحصائيات إذا إنتِ زعلانه لكن لا تنسين بتكون نظرتك فقط مَحليه
وَ قلتي شيء مُهم إنك ما تتذوقين جَمالهم ، فُربما هُم نفس الشيء مثل ما كثير منا ما يتذوق بعض أنواع الجمال ..
وَ شفتي !! الجمال وَ لا شيء بدون الرُوح صَفر ، بالمُقابل أكيد فيه ناس أشكالهم ماكانت طريق للعبور
وَ لما تعرفنا عليهم إكتشفنا وَش كثر هُم أشخاص الحياة بدونهم بتكون ناقصة
لآف يَو تو
السلام عليكم ورحمة الله وبركاته
موضوعك رائع خصوصاً في الوقت الحالي الرضا عن الذات يختلف من شخص لآخر في ناس تشوفه بالجمال وناس تشوفه بتكوين ثروة وناس تشوفه بالنجاح وناس بالثقافة له أوجه كثيرة مانقدر نحصرها
عن نفسي نسبة رضا ٧من ١٠ لان في أشياء كثيرة ماحققتها على المستوى الوظيفي والثقافي والإجتماعي وأطمح للأفضل تكون لي بصمة في المجتمع اللي أعيش فيه
لمن تكون أهدافي واضحة وراسمة لها خطة متبعة أقدر أطور نفسي بالمجالات اللي أطمح لها بعيد عن التخبط والعشوائية …
القراءة والإطلاع على سير الناجحين في جميع المجالات تخلي الواحد يرضى عن نفسه وتوسع مداركه تخليه أكثر فهم للحياة وأكثر تفاؤل بعد كل عقبة تجيه وإن حياتهم ماكانت بذيك السهوله …
ماأقارن نفسي بالغير أنا إنسانه لي شخصيتي واهتمامتي ولا أكون مقلده لهم أو تابعه لهم ابني قرارتي حسب إحتياجاتي وتطلعاتي
لا أحصر الرضاعن الذات في مجال واحد أقسمه على كل شي الله أنعم عليه فيه
وأخيراً اللي تعطيه نفسها درجة كاملة حرمت نفسها من الإنجاز والتطوير لانها موشايفه ان ناقصها شي
عذراً على الإطالة والإسهاب
حياك الله يا مَشاعل ، تَواجدك هُو الأروع ..
بخصوص إللي تَعطي نفسها درجة كاملة ما نَقدر نلومها يمكن حالتها المَزاجية تخليها تَكتب هالشيء
رُبما تكون فرحانة بإنجاز وَقتي أو خانها التَعبير ، مرات لما يصير شيء جداً مُتكامل وَ يسعدك بحياتك
مُمكن تقول كلمة مثل : لو اليوم مت بكون حققت كل أحلامي
تصير هالمواقف بالحيآة ، نَورتيني
احاول انني اخفف من عصبيتي ، اخفف من انعاليتي .. اذا نجحت في ذلك ان شاا الله راح اصير راضيه عن نفسي مو تمام الرضى طبعا ، لانه احس انه راح ابقى طول عمري اتطور واتعلم .. حقيقي راح توحشينا .. بس الله يهنيك في آجازتك ويسعدك ويوفقك 3/>
يآ هلا بَنيلو الحلوة ..
إذا نَجحتي بالتَخفيف من عصبيتك علميني ، بالغالب أنا عَصبيتي بسبب إني مَتحمسة على هالحياة أكثر من اللازم
فلما ألقي بَرود طبيعي راح أعَصب ، التطلعات وَ التأملات وَ الأحلام ما تَخليك شَخص هآدي
وَ راح توحشيني
اممممم ما اتفق معك في كلام كثير بس كل شخص له رأيه ومو لازم نقنع بعض.. اما عن تقيمي تقريبا ٨ من ١٠ بشكل عام في الوقت الحالي لسا في اشيا ابغى أحققها ابغى اكممل ماستر ودكتوراه هدفي أوصل لمنصب عالي أحسّن حالتي المادية أكثر أسعد عائلتي أوفر لهم كل شي اتوقع لو وصلت لذا الشيء بكون راضية عن نفسي ١٠/١٠
أكيد مو لازم نقنع بعض وَ لا راح تصير حياتنا مُملة وَ متشابهه
وَ كنت أتمنى أعرف أوجه الإختلاف ، عَشان نَتعرف عليك أكثر وَ على فكرك
نورتيني وَ إن شاء الله تحققين أحلامك
ياحبي لك .
استمتعت جدًا بالقراءة ‘ عادةً و أنا أقرا تدويناتك اوافقك في اشياء و احيانا اعارض بعض الأفكار و انتقدك بيني وبين نفسي .
بس هالمرة غيييييييير فعلا استمتعت جدًا ما كان ودي يخلص كلامك .
تشكولار أرتوستي .
هههههههههههههههه حَبيت لما قلتي أعارضك وَ أوفقك
عادي ياقلبي هالشيء صَحي ، حتى الاخوات وَ هم من نفس الدَم لكل وَحدة رأي مُختلف
مافيها شيء ، نورتيني ياقلبي
موضوعج جميييل
أعشق المواضيع اللي من هالنوع
عن نفسي أعطي نفسي من ٦- ٨
راضية عن نفسي من ناحية التعليم بس مو مكتفية أبي أتعلم أكثر و أسعى إني أتثقف من الناحية الأدبية بحكم إن دراستي علمية بحتة
قاعدة أحاول أخطط اني اصير فتنس و يكون أكلي صحي ، وأتمنى أتمنى أكون منظّمة اقتصاديًا أو ماديًا D=
أتمنى أطور نفسي من الناحية الاجتماعية وهذا أكثر شي ودي أطوره أبي أكون أذكى اجتماعياً صداقاتي كثيرة الحمدلله لكني بالبداية دايم متحفظة ، زيادة على هذا أبي أكون صريحة أكثر وأقلل من المجاملة بحياتي
قواج الله عالموضوع الشيّق
راح نفقدج فهالشهر اللي بتغيبين فيه بس enjoy it ❤️
الصراحة حتى لو ماوصلت لدرجة الوقاحة لها عَواقبهآ ، وَ مُش أي عَواقب بعد ..
الصراحة تَولد الأعداء ، لأن غالباً الناس يبحثون عن المؤيدين وَ ليس العَكس
لكن بنفس الوقت ما يَعني إنها غير جيدة لكن الأحلى وَ الأحلى منها هُو الوضوح بهالحياة ( لكن العرب ما يَفضلونه عفكرة ) ..
فخليك مَتحفظة مش كل البشر يتقبل الحقيقة الكاملة
نَورتيني وَ دوم أسعد بطلاتك وَ حضورك ، لا خلا وَ لا عدم
بصراحه كنت ناوية اخلي القراءه ليما ارجع بس شفت
الناس يقولون شهر بنشتاق لك ومافدرت ماعرف السالفه
،،،،،
موضوع اليوم انا قلت أتوقع ٨ من ١٠ ليش مو كاملة بنظري
لسى ماوصلت وزني الحقيقي ولا استمريت ع الرياضه لسى
ماسويت شي لمستقبلي مع اني مفروض بديت من زمان
بس كا شعور بالرضا احس اني مادري كيف احبني
وراضيه عني الله يخليني لي < ✋
ومن الحين بقولك يارب تكون إجازتك سعيدة وترتاحين منا
ههههههه مَوكا ، حُبي لك يا شَيخة وَ منورة الرياض هالأيام ..
ههههههههه ليش أرتاح مَنكم بالعَكس أنتم مصدر سعادة وَ وناسة لي وَ ثقافة بنفس الوَقت
عفكرة أنا أكثر وَحدة أعرف إنك تَحبين نفسك ، وَ أحب هالشيء فيك
وَ إن شاء الله توصلين لكل أحلامك يا مُزه
صباحك ورد ، اجازه سعيده لك ، بالنسبه للموضوع انا اشوف الشخصيه أهم من الجمال الخارجي و هي اللي يكون عليها الرضا بالذات لانها هي اللي تبقى بالاخير
يَسلم لي إنَدفاعك ..
كل شيء مُهم بالحياة بالتأكيد التَوازن مَطلوب ..
وَ فعلاً كل شيء زائل أهم شيء الجَوهر
يسعد صبآحكك حبيبتي توسه ،، الموضوع جمميل ومعك حق بكل كلمه خصوصاً الاهتمام بشكل الخارجي بس يعني لايهتمون بالاخلاق ولا العقل همهم الشكل فقط تفكيرهم محدود بهالشي ،، وبالنسبه للأمهات كثير يحبطون بناتهم وتقارنهاا بالي احسن منهاا المفروض تساعدينهاا وتوقفين جنبهاا بدل الاحباط ان شاءالله يفهمون هالشي
بنشتاقلك وبنشتاق لطلتك ي قلبي بوقت أجازتك
يا لَبي قلبك ..
بكلا الأحوال الأمهات المُهملين لأطفالهم وَ اولادهم الله يستر لكبروا عيالها وَ هي عَجزت
راح تحصد مَجهودها ، إذا أهملتهم قد يعاملونها بنفس الإهمال إلا إذا كان فيهم خَير
لأن بتكون ما نَمت عندهم الإحساس العالي بالآخرين ، وَ الطفل نسخة من أهله ، غير الجينات
قيمة كل إنسان ليس في جمال صورته وشكله !
إنما قيمته فيما يملك من علم .. قيمته فيما يُحسن !
لو رضينآ عن انفسنآ لتوقفتآ عن العمل والعلم ..
نحمد الله على نعمة التواضع ..
فالمعجب بنفسه والمغرور في مكانه لا ينجز شيئا لانه لايرى احداً مثله ..
الله يبلغنآ وإيآك شهر رمضآن ويرزقنآ صيآمه وقيآمه ♡
نَورتيني بكلماتك يا أسماء ، دُوم كلامك دُرر
أسعدت بَتواجدك ، وَ آمين يارب
صباح السعاده $
شهر !! راح توحشينا والله ..
ههههههههههههههه حبيت تشبيهك باللوتس راح سوق النوتيلا ..
للاسف الناس همها الجمال وتنسى تطور نفسها الجمال مو دايم لكن انجازك تطورك دايم معك ، حنا يالعرب شعب مهوس بالجمال يتنافسون مين احلى جسم ، شعر ، بشره ..
فعلا صادقه انا اشوف يالعرب مافيه ذاك الجمال اللي اقدر اقول Wooooow ، متوسطين الجمال لكن يتحسسون حيل من هالموضوع .
لكن مالومهم التقيم دايم على الجمال
راضيه عن نفسي بين 5-6 ..
الاهم اني مو محتاجه احد ومركزه على نفسي صح خلال هالسنه حققت اهم شي هو الدراسه اكملها وبدت تيسر الامور لو ان قالوا راحت عليك اللي بعمرك خلص تخيلي بكرا تخلصين عمرك قريب 30 مدري مين قايل لهم العلم له عمر !! اتمنى انمي كم لغه و اثقف نفسي اكثر ..و لك دور بلي وصلت له والرضا عن نفسي وتغير امور مهمه عطتيني ثقه ماانحرم منك والله و اجازة سعيده لك ( امطاخ لقلبك )
هلا بالحَب كله ، وَ إن شاء الله بيكون بينا تَواصل بإذن الله
ههههههه جداً يتحسسون وَ مع ذلك شغلهم الشاغل ، وَ بكلا الأحوال تَعجبني شخصيتك دايم سَند وَ إحساسك بالآخرين عالي
هذا من خلال مَعرفتي بك طبعاً خلال هالـ سنتين وَ شويات نقدر نقول
يالبى قلبك وَ الله أحرجتين ، وَ أنا سعيدة بإنجازاتك وَ مافي عُمر لأي إنجاز مافي أحد يقدر يَوقف شخص عن أي حلم يبيه
أساساً أعمار الناس بإزدياد ، زمان الناس كانوا يموتون بـ ٦٠ ، سنة عن سنة مع تطور العلم صار كثير يوصل لـ ٨٠ سنة وَ ٩٠ سَنة
إذا أنهوا حياتك بهالعَمر الصغير ههههههه وَش بتسوين بـ ٤٠ وَ ٥٠ وَ ٦٠ ؟! بنسدح أنتظر مماتي مثلاً
وَ لك كل الحُب مني
كلامك مُقنع جدااً وفعلا مو مهم الجمال قد ماهو مهم انو الشخص يكون راشي عن نفسه خارجياً ويبحث عن تطوير الجمال الداخلي اكثر ويكون يبحث عن كل شي جميل لصالحه والعرب اذا محظوظين بشي فهو الدين الإسلامي وهو كل الجمال
إذا يطبقون دينهم صَح ، أما يقولون نَحن مسملين وَ يهايطون بإسلامهم عالناس
وَ ما هُم سَوى عار على هالدَين فهذي مُصيبة المَصائب
المُسلم المُتشدق بدينه وَ هو فارغ وَ لا يُمثل دينه مَثل الثري البَخيل
الفقير الكريم مُمكن تتحسن أوضاعه وَ يعيش بحبوبه ، بَس الثري البخيل إستحاله البخل يَجري بعروقه
فأرجع أقول المُسلم الصَح وَ الصادق مُش كل مُسلم مُسلم
نَورتيني حصة
مستحيل أعطي نفسي 10 من 10 لو طول حياتي لأن الإنسان بطبعه يغير بنفسه والسلبيات كثيره بالنسبة لي سواءً شخصيتي اطباعي حياتي شكلي في كل شي بالرغم من الكلام الايجابي اللي أسمعه من اللي حولي والحمدلله مااسمع انتقادات كثير الا أني عارفة نفسي كثير ماأزال احتاج الكثير حتى اكون 10 من 10 لأني مازلت استمر في تطوير نفسي من جميع النواحي
وكلامك صح وعين العقل واحترم رأيك دائماً
الجمال مو كل شي ابدا في أشياء يغفلون عنها كثير ناس
الله يَكملك بزينك وَ ووعيك وَ فكرك وَ طموحك
أحييك ، وَ راح توصلين بإذن الله مَع العمل وَ المثابرة
صباحك ورد ياجميلتي من ناحية الاناقه اعطي نفسي٩من١٠
بس محتاجه اطور نفسي واتعلم لغه وانحف شووويه
الله يَحقق أمانيك ..
عشقت صراحتك فكلامك كلامك عين العقل منجد وللأسف تظل راح تظل ناس عقولها سطحيه .. أسعدت جدا بهالموضوع لانو ما في احد راح يطرحه بتكامل طرحك .
أسَعدت بَوجودك يا جَميلتي ..
فيس خَجلان
صباح الورد
فعلا راح توحشينا كثير خاصه انه راح تكون فتره طويله بس المهم تكوني مبسوطه ياعسل
اول بوست احس فيه قد ايش نشبه بعض اغلب الكومنتات كانت الاجابه تدور حول 7 وانت بعد نفس الشئ
والله موقف قريبتك ذكرني بوحده كنا نتكلم فكانت تقول انه اذا شفت وحده جميله مااقدر اتحمل يركبني مليون عفريت وما اقدر اخبي يبين علي على طول بصراحه خوفتني ماكنت اتوقع فيه احد يفكر كذا مع انه مو ناقصها شئ تعتبر مملوحه بس سبحان الله
مع اني اتوقع مافي احد بشع الا مايكون فيه ميزه حلوه وفيه ناس سبحان الله مافيهم ذره جمال بس جمال ارواحهم طاغي
تخيلت لو اللقب اللي اعطي لساندرا اعطي لوحده من الدول العربيه وش بتكون ردت فعلها طبعا اكيد بيكون النقيض تماما
اما بالنسبه للاشياء اللي احاول اطورها بصراحه اني اتعلم احب نفسي اكثر احاول انزل وزني واتعلم لغه وكلها بدات المحاولات مع 2015 بعد تدوينك تطلعات لعام 2015 بس مشكلتي احيانا انسى وارجع احاول ان شاءالله ينتهي العام وانا حققتها كلها
بإذن الله أرجع بَنشاط أكبر وَ أكبر .. وَ قد تقل المُدة أو تَزيد حَسب الأجواء
وَ الله فرحتيني ما تتصورين ردك وَش كثر أسعدني لأن قلتي إن تدوينة ٢٠١٥م ساعدت لو بـ ١٪ أو جزء من هالمية لو كان ضئيل
خلاص بَحاول أشد على أياديكم بتحقيق أحلامكم إللي تحتاجون بها مَعلومة أو تشجيع أو دَعم ، المُهم بلي أقدر عليه وَ إمكانياتي تسمح لي بَها
وَ دُوم لك مكان يالغالية
افاااااا خربتيها عالأخير ، والله زعلت ، عاد حتى لو صباح الخير ، مساء الخير بتويتر ، 🙁 .. بس يالله عاد لذاك اليوم يصير خير ماهفكر فيه .. قريت التدوينه وحبييييتها وللأمانه حسيت البنات اللي كتبوا ١٠ من ١٠ قلت اكيد بيقولوا ارتوس بتعطي نفسها درجه كامله واحنا كمان بنقول درجه كامله ههههه لأني انا توقعت تعطي نفسك درجه كامله او تسعه ونص بالقليل وترى قبل ماتنزلي البوست لما شفت ردود البنات على صور رجلك وايدك كان يدور ببالي سؤال وهو كيف تهوون نفسها عليها بإنها تحقرها قدام الناس يعني بعض الردود كانت انو على كذا انا اطلع رجال ولا تمنشن وتقول شوفي مو احنا ، اي نعم صريحه وشي جيد انها معترفه بس بالنسبه لي ما أحب اشوف ردود كذا او إني اسوي كذا أنا أمدح ووممكن لو صورة ممثله أومغنيه أرسل صورتها بالقروب وأقول شوفوا الجسم شوفوا الجمال ومن غير بسبسه هههههه بس ما احط نفسي بموقع مقارنه بشكل علني .. وأشوف الأفضل تقارن داخليا وتطور من اهتمامها لنفسها ، للأمانه أنا الشي اللي اغار منه اكثر بس غيره حميده اللي هو لما اشوف وحده أشطر واحرص مني بالدراسه أو مثقفه او بشخصيه قياديه اكثر من نقطة الجمال ، وأنت يا ارتوس ماشاء الله ( عندك كل هالأشياء جامعتهم ، بنت عمي حالتها بالواتز من يقول الزين مايكمل حلاه هذي أهديك إياها ) ، وبالنسبه لي حتى ارضى عن ذاتي مع اني احس اني دايم راح استمر بالبحث والتطور ، هو إني أكون آكله للكتب مع اني كنت بالمتوسط قبل لاتيجي ذي المواقع تشغلنا اقرأ روايات وامي يوم تناديني اساعدها بالمطبخ بالعافيه اترك الكتاب ههههه ، بس هالمره كتب ثقافيه بحيث ما أخشى أي نقاش ولا أحس إني زي الأطرش بالزفه ، أتعلم لغتين ومن بينهم الفرنسي مع إني بديت بتعلم الفرنسيه حتى إني عرفت اطلع اسم الاغنيه الفرنسيه اللي حطيتيها اخر مره من الكلمات وحسيت بإنجاز هههههههههههههههه ، اخيرا ابا تكون عندي اراده بالابتعاد عن الاكلات المليانه زيوت والجنك فووود واصير هليثي عشان ينعكس على بشرتي بحيث لما اصحى من النوم أُعجب بجمالي من غير مايكون في شي ببشرتي يخرب علي ، وكم حاجه بس اعطيتك المهمين ، في ذي الحاله اذا حققت ذي الأشياء وكان عندي اراده بالاستمرار وماتوقفت هقدر اعطي نفسي ٩ لأنو الا مايجي شي ماترضي عليه وتبي تطوريه ، وقصة انو جمالنا متوسط مقارنه بالعالم معاك حق هي الواحد لما يقراها تزعله ههههه بس صحيحه ، يعطيك العافيه وصباح الرضى ..
ههههههههههههههه يا حلوك وَ الله كتبتي بَصراحة شديدة وَ مع ذلك كلامك يَوصل للقلب
لأن إللي يَطلع من القلب إلا ما يَوصله بدون أي عراقيل ، عاد ما أدري ليه صرت لما أشوف إسمك لا شَعورياً أبتسم خلاص صرت فاهمتك وَ فاهمة فكرك
سبحان الله مَرات لما تعرف شخص أكثر وَوجهة نظره بهالحياة ، تتفاعل مَع ردوده بَشكل إستثنائي
وَ عفكرة عيونك الحلوة وَ الزين هو زينك وَ روحك ..
بالنسبة لي تقريباً مثلك الجمال وَ هالأشياء مو شيء يخليني أحس إني أبي أكون مثل فلانة
لكن إللي يغريني أكثر الإنجازات ، أساساً الجمال سهل جداً أحس الكل يقدر يوصله أو يوصل عالأقل لنصف الجمال
لكن الإنجاز جداً صعب ، وَ حتى إللي وصلوا وَ نجحوا أحسهم مثل النَعمة لما أعرف عنهم ، كأنهم يَقولون لي حَنا وصلنا يالله الطريق مَفتوح قدامك للوصول
أفرح لما أسمع إن فيه شَخص عربي وَصل أحسه فخر لنا
وَ عفكرة فرحت لك بخصوص اللغة الفرنسية ، شَوفي ربما البعض يكون أبسط من تفكيرك يقول خيررر أغنية
بس طريقة تعامل الأشخاص مَع المُعطيات مُختلفة ، مو كل الناس يفكرون بهالطريقة أحييك وَ فخورة فيك
وَ بخصوص الكتب وَ القراءة أنا وَدي أخصص تدوينات للقراءة للتحفيز لكن لازم أبحث عن كُتب مُسلية وَ مُحتواها إيجابي وَ غير مُملة
لتحفيز الآخرين على التوسع بالثقافة ( لكن كثير يعرفني إني ما أحب سَوى الكتب إللي تخدمني بشغلي ) لكن حلو نجرب مجال آخر
نَورتيني وَ أسعدت بوجودك
مرره جميله التدوينه ، بالنسبه للتقييم م أعطي نفسي نسبه عاليه لان لسا فيه اشياء ودي اطورها واحققها وللحين م وصلت لها واكيد اطمح للشيء الافضل.
اما بالنسبه للجمال اشوف لكل شخص فيه شيء جميل وشيء يميزه عن غيره.. سواء كان ك شكل او اسلوب او شخصيه او انو يبدع بشيء ويكون مميز فيه .
شكراً ارتوس ع هالتدوينات اللي تخلينا نراجع نفسنا ونتحمس نطور انفسنا اكثر ❤️.
واكيد بنفقدك ❤️.
يا حَلوك ، حبيت كمية الهَدوء إللي عَندك
وَ نظرتك للجمال ، أسعدت بتواجدك
حلوه أنتِ زي الصباح بما يبدا بتدوينتك وصوت فيروز ()
الجوانب اللي ودي أنميها فيني , انا جسمي حلو بس مو مشدود ودي أشده عشان يصير بكيني بدي :p
احس لو صار جسمي نفس ما أبي بتزيد ثقتي في نفسي.
وبرضو ودي اطور نفسي اكثر من ناحية اللغه الانجليزية عشان لما اقدم على بعثه تكون لغتي كويسة .
اقيّم نفسي 7 من 10
زعلت عشان بتغيبين فترة , بتوحشينا
ههههههه يا بَكيني بَودي يا حركات إنت ، أحييك ..
بتوصلين كل شيء بالعَمل تَوصلين له ..
حلو قدامك الإجازة إذا مو ماخذه ترم صَيفي يَمديك تحسنين من لغتك بشكل مو طبيعي
بس إشتغلي على هالمَوضوع
السلام عليكِ ، يسعد صباحك آرتوس
بدايةً ؛
راح افتقدك بهالشّهر ياللي حتغيبين عنّا فيه 🙁
جدًا راح افتقدك ، لأني من متابعاتك هنا وَ بالإنستا وبشكل دوري اشيّك على حسابك ‘
وَ نرجع لموضوعنا
بإعتقادي ، الشّيء الوحيد اللي المفروض الكل يمتلكه
هُو القناعة !
المفروض اي شخص يقتنع بأي شيء ربّي اوجده فيه وَ من ثُمّ ينظر للأشياء اللي هو قادر على تغييرها
مثل الجانب التّفكيري !
هذا اول جانب مُهم ان كل شخص يطوّره ، لأن هالجانب هو اللي يبيّن شخصيّة الإنسان وَ ماهيته
وَ كمان عشان الشّخص يقدر يقيّم نفسه صح لابُد يكون مُلِمّ بنفسه من جميع النّواحي
لأن أنَا صراحةً افشل في تقييم نفسي لعدّة أسباب
اوّلها انّي ما أقدر أقيم نفسي من جانب واحد
يعني حاطة لكل حاجة نسبة معيّنه وَ مو عارفة كيف اجمعها مع بعض واقيّم بشكل كامل !
وَ بعد مُمكن بعض النسب لبعض الجوانب عندي تفوق العشرة !
صدقًا يا آرتوس ، يعني أنَا لو بحتاج اقيم نفسي يبي لي ورقة وقلم عشان أكتب جميع الجوانب منها الإجتماعية وَ الاخلاقية وَ وَ … إلخ.
على العُموم ، الحديث بهالموضوع يطول وَ يطول
وَ دايمًا راح اكون مستمتعة بمواضيعك ”
* الله يحفظك .
بَعد قلبي وَ الله
ما عَندي شك وَ الله ، وَ أنتِ كذلك
وَ تحليلك جداً مَنطقي التقييم جداً مو بسيط ، وَ حتى تقييم الآخرين لك غالباً ظالم حتى لو بيعطونك ١٠ من ١٠
لأن هُم ما يشوفون جميع الجوانب مَنك ..
أسعد دائماً بوجودك وَ بطريقة كتابتك المُميزة
مساء الرواق وئنَاديل المسا ! ..
كيفك انتا ملا انتا ؟
كلامك من الئَلب للئلب ، يالله ئديش انتِ عفوية وصادقة!
اسم الله عليك
كلامك منطقي وواقعي وماابي اتَعمق برأيي عنه حتى مايصير تَدوينة ثانيه !
جين فوندا تظل ايقونة لحُب الحيآه وحب النفس! ، الحُرمة وهي بـ هالسن ممكن تُثير الرجال ! مِش رجال بمزاجات مُنحرفه ! لا.. اقصد رجال ناجحين ( بيحبوا الحب والجمال ) ..
حالياً لها مُسلسل ممتاز فريد من نوعه قد يكون اساس القصة يخالف الطبيعه البشرية لكن رُوتينيات المسلسل تعلم امور كثير ( للي يفهم طبعاً)
بالنسبة لرضآي عن نَفسي او وش خلاني ارضى عن نفسي .. انا عشت مَحميه طول حيآتي من قِبل اهلي ..
فعلاً حَموني كثير من البشر .. لو بقول التفاصيل فهي مُضحكة ونقية بشكل خَيالي .. لكن عَايشه بأسرة تتقبلني كيف ماكنت ، وماشربتني الا الاحتواء وان كل شي ( مُمكن ينحل ) و هدفهم اتخلى عن عَصبيتي ومِزاجتي ونجحوا تقريباً !
بالنسبة للإِنجازات فأنا احب نفسي ، اجلدها شُوي اذا تَكاسلت او فشلت ثم احضنها واطبطب عليها وادلعها كني اَدلع طفل بتالي الليل بعد ماعَاقبته .. مثلاً اعاقب الطفل واعلمه وش غَلطه .. ثم اناديه يتابع فيلم خيآلي لدِيزني بدبلجة مَصرية حتى يفهم النُكت .. وادلعه بـ هَت كوكو مَليان حِنيه !( ارحم نفسي كثير واداريها)
احب اعطي نفسي مَجال تنهار ( طَبعي ابكي وانا اطالع بالمرايا) ! اطالع بشكلي وحَمار خشمي وجريان دُموعي على خدي ) << مُشاهدة حُزني او غضبي تريحني واحس انه ( اوك خَلاص fair enough!)
متقبلة نفسي بشكل فَظيع ، اعترف بعيوبي واعذر نفسي .. تجيني اوقات احس اني من اَعظم بنات جيلي ليه ؟ لأَسباب انا مُقتنعه فيها مهما كانت سخيفه بنظر البشر !
عندي قَناعة ان ممكن اجرح وانافق واكون مُبدعة بالتمثيل واكسر قلوب وجربت هالشي ونَجحت ، جربته مع اللي يبيلهم كم كف مَعنوي ! ( اعتبرها ِانقاذ لهم طبعا)
دائماً انفعالية ، حَساسة ومزاجية بشكل ! بس عِندي مسؤولية تجاه محيطي واللي فيه .. احس ان بداخلي ممكن يكون اقوى وَحش وفَخورة اني قدرت مااطلعه على البشر ، هالشي يدل اني مَاشيه صح وادور مصالحي وقادرة على التحكم اكثر !
بما يخص الرضا بالشَكل او تطوير كل شي يَخص وضعي الحالي ، فـ انا لو اموت وانا بهالنقطة من حياتي بكون راضية كل الرضا واقول عشت حياتي تماماً واعطيت جُنوني وحبي للحياة فُرص كفايه ! ( طبعاً بغض النَظر عن رضا الله عني!) ..
مرات .. من كثر ما انا مِش فَارئة معي هـ الدنيي تَلاقيني مااربط حزام الامان، مااخاف لما تفحط السيارة او نجي نصدم ! خاصةً لو كنت مع السواق بدون احد اَحبه معاي ! ( اقول عادي بس انا اموت ) !
ومرات بحب هالدَنيي وبس فكر فيها بصير بـ قناعة بنت دِرزيه بدها ترجع ع الحيآة بعد الموت بشكل اخر ! ( شفتي المزاجيه شلون تلعب لعب )
حَاولت اخفف الحَكي قد مااقدر !
َمااجملك ..
الله حبيت كلآمك ومفرداتك ..
شآي يا شآي يا نَسمة هالمُدونة بَكبرها
دُوم لكتاباتك وَقع بنفسي ، الله لا يَحرمني هالطلة
بَخصوص جين فوندا بالطبع وَ لا تنسين هي ناشطة سياسية يعني مُش إنسانة بسيطة أبداً وَ بالتأكيد تمتلك الذكاء فهذا شيء جذاب للجنس الآخر
بس مو أي شخص !! لازم يكون رجل ذو شخصية قَوية
هههههههه شَوفي بديت أرد نقطة نقطة بعدين أنسجمت وَ دخلت معك جَو ، لما قلتي بنت درزية لفتتني هالكلمة جداً وَ شوقتيني أعرف أكثر وَ أكثر
أنا بدأت أعزف عالكَمان من نَقطة أحاسيسك .. شآي من أنتِ !!
عندك سَر وَ حياة مُميزة ، أتمنى لك السعادة بهآ وَ مُش اي سعادة
لكلماتك وقع جميل في نفسي ..
وكوني من عشاق اللغه العربية والتعبيرات المزاجية ! اتذوق احاسيسك بشكل رائع
مبدعة !
حبيت البوست جداً .. يمكن انتي فاهمة متى ارضى عن نفسي وانا ماشية بتحقيق اهدافي حتى اصل للرضى وبصراحة مشوار الرضى طويل ومابي ارضى عشان ما اوقف .. بوست رائع استمتعت وانا اقراه كثير ❤️
وَ أنا أحبك أكثر ، وَحشتيني جداً جداً جداً
إن شاء الله يوصلك ردي وَ تفهميني بدون ما أكتب شيء ( ههههههه صار لَغز ) ..
عُموماً أنتِ من أكثر الشخصيات الطَموحة إللي عرفتها بهالسَنة ، طَموحك خارق وَ حارق
أُسعد بطلاتك دُوم
بدون مدح بنفسي لكن الحمدلله انا انسانة اشوف الجمال باي شخص بعيونه بشعره بنظرتة باي شىء فيه ووالحمدلله ما اعطي اهتمام للشكل و المدح عادي
اما الرضى انا راضية عن نفسي الحمدلله لكن فيه شىء انا اكرهه بنفسي احس انه غلط احس فيه لكن مدري غصب عني اختي اللي اكبر مني جميلة جمال ماشاء الله و كل احد يشوفها يسمي و يبان بعيونه مو هنا المشكلة المشكلة ان امي كانت تبين هالشىء دايم لما تسولف مع احد انهبلوا ع بنتي ذاك اليوم و مرة واحد شافها و قال بنتك محجوزة لولدي و دايم لما نكون جالسين سوا تناظر لها نظرات اعجاب و فخر و لما اكلمها تناظرني بطرف عين لما نروح مكان سوا فرق الناس ينجذبون لها يسالون انتم اخوات صدق و يعيدون السؤال ابدا ما تشبهون بعض و هالشىء زاد ثقتها بنفسها و على العكس صرت اقل ثقة مع اني حابة شكلي لكن المقارنات خلتني منطوية خجولة احس بتهميش و عدم اهمية و اللي اكره بنفسي اني احيانا احس بمشاعر غيرة وكرة و اكره هالمشاعر لانها تحسسني اني انسانة غير سوية فيه اخت تحس بمشاعر كذا لاختها ؟ قلبتها فضفضة اخذت راحتي
بالعَكس مافيها مَدح للنفس ، تكلمتي عن نفسك بَوضوح ..
بالنسبة لأحاسيسك إتجاه أختك الذنب مو ذنبك !! ..
ذنب المُجتمع وَ المُحيط لكن الأهم تترفعين عن المُقارنات المؤذية وَ ما تهتمين لكلامهم ( هذي نظرتهم القاصرة )
إنتِ عززي نقاط قوتك متأكدة وَقتها ماراح يأثر فيك هالكلام وَ راح تنفتحين عالحياة أكثر وَ أكثر وَ مع الوقت بتكتشفين إن كلامهم كله ما يقدم وَ لا يأخر فيك
أدرك إن المَشاعر صعب نتحكم بها ، لكن لا تفكرين بها عشان لا تكبر بقلبك
وَ حياك الله خذي رآحتك ..
صباح الورد 🙂
مدري ايش مشكلتي ما اتعنى وأرد إلا على هالنوعية من المواضيع .. ولكن سبق وقلتلك يعجبني طرحك ونقاشاتك بهالمجال ..
عموماً مثل ماسبق ورديت هناك بالانستا التقييم مختلف شكلياً وروحياً .. وفي أشياء كثير اعترف إني ما ألقي لها اهتمام كثير حتى أحسن من وضعي فيها او ارفع مستوى تقييمي لها ، ودائماً قراراتي التطويرية بمجالها تكون قبل النوم واقوم باليوم الثاني ماسحة كل القرارات :p
في المجال التطويري الذاتي أحاول كثير مؤخراً إني اشتغل على نفسي بمجال معين .. ولكن لا زلت أواجه مشكلة معي وبإذن الله بتغلب عليه <~ عاد ما أدري شاللي طراه في بالي هالحزة هههههه
بالنسبة للمجتمع والناس لو عطيتيهم فرصة يتغلبون عليك بانتقاداتهم وتعليقاتهم السلبية فإنتي بكذا تحكمين على نفسك بنمط حياة سيء .. والأسوأ يوم أنت تساهم معاهم وتحكم على نفسك بحكم سيء ..
وأخيراً اتمنى لك إجازة سعيدة ومثمرة ♥️
لأن هالمَواضيع رُبما من مَجال إهتمامك ، يعني بها مَساحة للتعبير ..
وَ تنوريني بكلا الأحوال ..
بالنسبة للناس وَ المُجتمع أنا برأيي أهلك هُم المُساعد الأول لك بالتغلب عليهم بدعمك بالمَقام الأول ، مَن ثُم قوة شخصيتك
وَ واصلي مُحاولاتك إلا ما تَوصلين يوماً ما وَ تحققين أحلامك ، عاد إنتِ ما ينخاف عليك ماشاء الله
وَياك حبيبة قلبي وَ منورتني دُوم
مفهوم الرضا عميق جداً وممتع ، ممكن الرضا كان ملازم لنا من بداية حياتنا بس متى إستشعرناه بحياتنا؟ بالنسبة لي تأصيل هالمفهوم لي كان بعد وفاة امي سبحان الله في وقت إعتقاد الاغلبيه راح انو بتمضي حياتنا سخط وكدر وحسره على فراقها إلا اني ماحسيت بأي منهم واحتل مكانهم الرضا التام ومش مجبوره عليه بالعكس احس فيه واشكر الله عليه دائماً وحقيقي الاشياء الي نعملها برضا أثرها جميل ووقعها على النفس مختلف، بعد رضا الاقدار من الله يصير رضا النفس ملازم له مدري انا احساسي كذا، يدهشني بحث الاجانب عن رضا انفسهم مايوقف يجتهد ويتعب إلين يجدها طباخة اجنبية مايحضرني اسمها الا انه شغفها اذكره دائماً في بداية مشوراها المهني اشتغلت ميكانيكة!وبعدها عارضة ازياء!وبعدها طباخة مشهوره ومحترفه!وفي عرب كمان بس احنا نمط حياتنا روتيني حتى في النجاح او الرضا نكاد نشبه بعضنا في نظراتنا عن الرضا المحقق للسعاده حتى! الحمدلله انا مستشعره إحساس الرضا لكن من الاشياء الي ممكن تزيد رضاي هالفتره رغبتي في الهجره ومخالطة حياة غير مألوفه لي .
الله يرحم وَ الدتك وَ جزء من الرضى بالقضاء وَ القدر هو سبب للسعادة
يعني تقدرين تقولين القناعة ، وَ إن شاء الله تَحققين أحلامك بتجربة حياة جديدة بإنماط مُختلفة
نورتيني ..
صباح الخير ,.
تو كان مطر عندنا الحمدالله يريح الواحد ،.
موضوع نقاش جميل سبق وطرحت تقييمي بالانستا
من يومين بتويتر شفت تغريده اتقول بما معناه ان رسّام حاول رســمْ فتيات بوصفهم وو صف الناس حولهم طلع ان وصفهم أسوأ “دائما النساء تبالغ بالشي ” يعني لو فيها حبه وحده بس اتحس ان ويها كله محبب او كل حد بس يشوف ها الحبه
يعني هذي طبيعه بالنساء والي اشوفه من اللي حولي ، استغرب من اللي عندهم ثقه عمياء ، اذا ما كان في رضى ما شفنا الناس تتزاحم ع عمليات التجميل ..
الصراحه انا ما أقيم نفسي بالجمال هي هبه من الله اول وأخيرا فلازم ارضى بقسمته ،.
مقاييس الجمال العالميه اللي يختارون فيها ملكات الجمال جدا مختلفه عن معايير جمالنا نحن او بالاصح كل شخص غير عن الثاني ، انا أشوفهم يختارون أطول وحده هاها بس صج لو خلو التحكيم لربعنا او مجالسنا الاختيار بيكون حسب الوجه اما الصح ثقافه جسم وطول ومشيه وذوق والخ
بما اني قلت اني ما أقيم نفسي ع الجمال ،.
ف الرضى الذاتي عندي بتطوير سلوكياتي معرفتي تربيتي لبنتي تعاملي مع الناس وأهلي وزوجي ،
عندي الثقافة من أولوياتي ف الصراحه انا نهمه للقراءه وما أنكر انها غيرت فيني كثير ها غير الصحبه الطيبة ،.
لو شفتيني قبل عشر سنين ، ما كنت راضيه عن حياتي ابدا كنت احس بالنقص بالفراغ بالفشل بالخجل انطوائية ثقتي معدومه ، الأسباب تنحط وتنحصر بمحيطي وتقليل الذات ،.
اتعرفت ع بنات يدد حياه يديده فتح مخي شوي ” الحياه بئى لونها بمبي ”
اتغير مساري بالقراءه طورت من نفسي قد ما اقدر اطنش اي تعليق سلبي ما صرت اركز على رضى فلان وعلان أسوي اللي اشوفه صح والحمدالله ، طبعا سنه عن سنه الاهتمامات ومداركي وخبره سنه عن سنه تزيد .،
اذكر مشروع التخرج والدكتور اللي بيناقشنا معروف صعب واسالته صعبه غير متوقعه الحمدالله ناقشت بكل ثقه كنّا مسوين برنامج مصغر والحمدالله نجح وتقديرنا كان امتياز وعرفناه بلحظتها
لكل ام
امدحو الطفل لشخصه وامدحو الطفل لصفاته <مب الشكليه مثل الهدوء النظافه الترتيب الصلاه
لا للمقارنه بين الأبناء كل شخص مختلف واكيد يتميز بشي عن الاخر نمي موهبته بدل لا تحبطينه ،.
بجعبتي الكثير بس ما ابغي اثقل ،.
دمتي بخير
أماني يا أماني .. أسعد بحضورك وَ كتاباتك
وَ دائماً كلامك خفيف عالقلب وَ مُكمل ..
وَ إن شاء الله حياتك دُوم باللون البَمبي
حبيت مدونتك كثير , وحبيت شخصيتك ,
هذا أول رد لي وماراح يكون الأخير بإذن الله ,
سرحت كثير وأنا أقرأ الموضوع وأستعرض كل الأخطاء من حولي
ما عرفت أقيم ثقتي بنفسي لأنه أحس عندي من كل شيء
بس في كل جانب في شيء مو مكتمل
وأعترف بتأثيير الآخرين كثير علي
مثلا بالنسبة للدراسة الحمدلله تخصصي حلو وعلى وجه تخرج بس كانوا دائما يقارنوني بأختي
اللي بنفس المجال بدون سبب لدرجة هزت ثقتي بنفسي جدا ونزل مستواي كثير جدا
بالنسبة للجمال مثلا الحمدلله ملامحي حلوة بس بشرتي فيها حبوب من وأنا بالمتوسط وحاولت أعالجها بس
ما نفع معي علاج وكان دائما الكل يعلق ويقول ليش وجهك كذا لدرجة الجيران وجيران الجيران
طيب أنا أحاول وكل ريال ينحط بيدي أجمعه وأصرفه بالعنايه بس كثير تحطمت
بالنسبة لشعري مثلا كان جدا غزير وطويل بس إن طبيعته جاف وكنت صغيره ما أعرف أمشطه
كان الكل يقول شعرك جعد شعرك شعرك
كنت اخبص فيه لحد ما اتساقط كله والحين جدا خفيف جاف متقصف وما عرفت اهتم فيه
واذا اهتميت يلوموني اني العب
وهذا يقاس على اشياء كثيره بحياتي وصرت انطوائية وما اطلع
والحين زواجي بعد كم شهر
يقولوا بتقابلي زوجك كذا بينفجع لدرجه توجع
صح هم ما يقصدون ممكن بس مدري
وبعد ما فضفضت شوي اقدر اقول ما عندي ثقة بنفسي وما اظن تتجاوز الاربعة
تَنوريني دُوم يالغالية ..
إن شاء الله أشوفك على طُول ، مشاكلك لو أخذنها بشكل عام في مَشاكل صدقيني لها حل
يعني الشعر وَ البشرة سهل علاجها بس إستشعري حجم المشكلة وَ أحصريها
وَ عالجيها صَح ..
أما الناس تخونهم العبارات وَ الأدب وَ حسن التعبير ، بإختصار مافي لباقة ..
فأفضل شيء خليك فرحانة بحياتك وَ الله يتمم لك على خير بزواجك ، تطلعي للأفضل وَ الأراء المُحبطة إللي ترجعك لورى تغاضي عَنهآ
أنا كتبت 8 من 10 ﻷن فيه أشياء ﻻزلت أطمح إني أحققها …..رغم إني حققت أشياء في
حياتي ما توقعت إنه بيجي يوم من الأيام وأحققها …ولو كتبت 10 من 10 معناها خلاص أوقف وأنا باقي فيه أمور كثيرة أطمح أن تقترب من المثالية من ناحية عبادتي أو تطوير الذات أو تربية أوﻻدي أو حتى معاملتي مع زوجي ….
أما بالنسبة للجمال فهو شي مهم ولكنه مو كل شي …. لازلت في حال التطوير والمحاولة وأتمنى أن أصل للأفضل….
وفي الختام أريد أن أبدي إعجابي بطرحك حتى وإن اختلفت معك في بعض النقاط…
ومن اﻵن راح توحشينا…..
أسعدت بَتواجدك وَ الله يخلي لك أولادك وَ زوجك ..
وَ الإختلاف شيء صَحي ، ما نَحن سوى أشخاص نتجاذب أطراف الحديث وَ نقضي وقت مُمتع
حبيت طَموحك
هل أنتِ راضيه عن نفسك ؟
والله هالأيام الموود عالي فأقول نعم .. أكيد ما إرتفع إلا لأسباب وأهمها ظهور نتائج الاختبارات لووول
صراحة تفرح وحسيت بالإنجاز والتعب الي تعبته ما راح هباء
كم نسبة الرضى لذاتك ؟
ممم يعني أقدر أعطي نفسي ١٠/٨ .. بشكل عام في خمس محاور أساسيه هي الي ترفع وتنزل هذا الرقم بالنسبة لي .. الصحة أولها بكل ما تحمل من معني مثلا لو قَصرت بالرياضة ، كثرت فاست فود ..الخ
ثنين المستوى الأكاديمي يأثر جدا بالنسبه لي .. يسبب إكتئاب وإحباط ذاتي .. لوووول محدثتكم مصطفى
وأيضا الثقافة الي تهتم بتوسيع المدارك لأمور كثييير أكتشف وأتعلم من ثقافات مُختفلة الثقافة الروسية أو الصينية أو اليابانية كأمثلة لا الحصر .. هالموضوع بحر بحر بكل كتاب مؤثر أقراه أحس برضى لأني قاعدة أطور نفسي
وأخيرًا الجمال الخارجي بصراحة أتفق معك بسالفة أن الجمال العربي يعتبر مُتوسط بالنسبة للعالم.. والدليل لما الناس تشوف وحده جميله بمجتمعنا السعودي تقوول أووه كنها أوربية أكيد فيها عرق!! ويبدون التحليل والتمحيص وعاد اذا كانت عيونها فاتحه وشعرها فاتح خلاص سحبوا منها الجواز السعودي ؟! ليه يستنكرون مع أنه عندنا جميلات؟! دليل أنهم الأقلية وما هم الأكثرية.. ويدل على أن الجمال عند الغرب منتشر أكثر بأضعاف من عند العرب
أقول نرجع لسؤالك هههههه
الصراحة الجمال ما هو مقياس لرِضى الذاتي عندي أبدا سواء كنت جميله عاديه أو أقل من عاديه ما راح يأثر لأن هذا الشيء ما لي أي تأثير فيه .. بس مثلا العناية والهندمه والاهتمام بالفاشن والميك اب هو الي أركز عليه
أخيرًا تفاعلي مع من حولي بشكل إيجابي أخت أم صديقة..الخ
الطاقة الإيجابية أو المساعدة الي أقدمها تنعكس بشكل كبير علي..
هههههههههه تَحليلك بالصَميم وَ الله مُشكلة عندهم عدم ثقة بجيناتهم ، إذا شافوا شَخص مُميز
قالوا أكيد مَش سعودي وَ أحلى مُصطفى ، إذا مَصطفى طموح وَ يحب الحياة وَ الناس آهلاً به
وَ أحلى شيء إن الإنسان يكون حامل مَسك بهالحياة وَ تواجده إيجابي ، ما يكون بغيض أو مَكروه
أسَعدت بإجابتك عالأسئلة وَ لتواجدك
التدوينه كالعاده تنقط جمال ،،،3>
ممكن تكون نظرتج للجمال عند العرب صحيحه بس احس انه الجمال الاصلي عدنا و موجود بس اللي ميز الغرب اسلوب حياتهم و اهتمامهم هذا اللي برز جمالهم و عادة اللي يقيمون الجمال همه من الغرب و طبيعي جدا يتذوقون الجمال الخاص بيهم
يعني ممكن يشوفون العرب جميلين بس فطريا يميلون لجمالهم الخاص
من نشرتي بوست الانستا انا رديت و قلت اعطي نفسي ٩ و الـ ١٠ بالطريق ههههههه بس بعدين حسيت نفسي تسرعت بالاجابه و الحقيقه ربما اقل من ٥ لان اكو هواي جوانب ما راضيه عنها بنفسي و تحتاج تطوير او ربما حتى تغيير .
اما عن سؤالج امممم انا راح اكون راضيه عن نفسي اذا بذلت جهدي بالتمام و الكمال و نافست نفسي بنفسي بصراحه ما اذكر بالضبط من متى بس صايرلي اكثر من سنتين تخلصت من عقدة المقارنه بيني و بين الاخرين هذا رفع نسبة رضاي عن نفسي هواااي، من اطور مهاراتي ، ازيد ثقافتي و اتعلم اشياءجديده تزيد نسبة الرضا عن نفسي من اعتمد على نفسي و اتخذ قرارات صحيحه او حتى من اتحمل نتيجة قراراتي الخاطئة هم اكون راضيه عن نفسي لان ما تهربت
و ان شاء الله عندي اهداف راح احققها بإذن الله و راح توصل نسبة رضاي عن نفسي لـ ٩ متأكده ^_^
و بالنسبه للجمال انا رضاي عن نفسي بهذا الجانب ما مربوط بأنه اكون الاجمل ،الاكثر اناقه ، الاكثر جاذبيه لا ارضى عن نفسي من ابذل جهدي و كل اللي اقدر عليه و اكون اجمل صوره من نفسي لان شي طبيعي جدا اكو اشخاص اجمل و افضل مني بهوااي فما اشوفه من الصحيح اربط رضاي بجمالي بكوني الاجمل بين الكل
كـ مثال اذا انعزمت لحفله و كنت فرحانه و لبست افضل ملابس و حطيت المكياج بافضل طريقه و سرحت شعري باجمل شي بنظري راح اروح للحفله و انا رااااضيه عن نفسي و فرحانه و استمتع بوقتي و ما راح ياثر عليه حتى لو شفت عشرين وحده اجمل مني لان انا راضيه بينما لو كلشي مشى صح بس الوقت ما اسعفني اضبط المكياج و كان بامكاني انفذه بطريقه افضل بس ما صار هذا الشي لسبب من الاسباب هنا ما راح اكون راضيه عن نفسي و ممكن مزاجي يخرب حتى لو ما ابين هذا الشي بس بداخلي منزعجه و حتى لو كنت الافضل و الاجمل بالحفله ما راح اكون راضيه عن نفسي <<اتمنى وصلت فكرتيD:
دمتي بسعاده و رضى^^
من قلت الغرب يتذوقون جمالهم و هذا صار مقياسنا لان همه اللي يتحكمون بالاعلام و ما ممكن نقدر ننكر تاثير الاعلام على الكل من هذا قدروا يبينون انه جمالهم هو الجمال الاصلي و خصوصا انه اللي جمالهم يشبه الجمال الغربي نادرين او قليلين بمجتمعاتنا العربيه صاروا مرغوبين اكثر
ان شاء الله تغيبين و ترجعين بالسلامه و بطاقه و نشاط اكثر من قبل بس راح نشتاقلج 3> 3> 3>
وَ أنا أكيد راح أشتاق لَكم ..
عفكرة الإعلام جالس يروج لأشكال كيم كاردشيان وَ هالفئة ، بينما بالحقيقة المُجتمعات الأوروبية ما تفضل هالشكل إطلاقاً ..
للأسف حنا إللي تأثرنا بس هُم متمسكين مازالوا بالشغلات المرغوبة بالنسبة لهم .. وَ رأي الأطباء مبني على مقاييس هَندسية
بغض النظر عن الذوق الشخصي ، يعني كتفصيلة عظام وَ تناسق الأبعاد وَ النسب وَ التناسب
أسعدت بإطلالتك
دَخيل الأكو مالج ، نورتيني حبيبتي زَهراء
حبيت لما قلتي تخلصتي من عقدة المُقارنة أحييك فعلاً إرتقيتي بنفسك عن المُقارنات إللي مامنها أساساً هدف أو تَطوير سوى إحباط النَفس ..
وَ مثالك بقمة الدقة ، الأهم نبذل الأفضل بسبيل أنفسنا وَ نرضى بمقدرتنا بعد العَمل
وَصلت فكرتك ١٠٠٪
مرحبا .
تاريخ اجازتك يصادف تاريخ اجازه الكل لذلگ اجازه سعيده للگل..
بالنسبه لسؤالك الاول ثقي تماما گل هالعالم مازالت تسعى لكسب الرضا التام عن انفسهم مهما بلغ بهم مستواهم المعيشي او الثقافي او ..الخ
لذلك بالنسبه لي مازلت اسعي في تطوير نفسي بشتى المجالات ولكن مركزه ع جانب الامومه والتربيه ..بحكم اني صرت ام لطفلين ..
السؤال الثاني من جميع النواحي راضيه واعطي نفسي 10/10 وحتي الشكل ولله الحمد .. لكن هناك اشياء لم تصل حتي ل5 ولكن نسعي لها ..
وشكرا وبالتوفيق لگ ياجميله
love y. ❤
موضوعك يقوطر جمال مشا الله
تغيبين شهر !!
فتره طويله تصدقين حاطه لك تنبيه بالانستقرام ومع هذا كل شوي ادخل حسابك اقول يمكن نزلت شي :@
ترجعين لنا بالسلامه ان شا الله 🙂
بالنسبه للتقيم اعطي نفسي 10 لان كل مارضيت عن ذاتي طورتها اكثر لما اتحطم من صفه فيني تنخفض معنوياتي
وما اغيرها واكون مكتئبه,لكن لما اتقبل عيوبي هنا ابدا اغيرها ويبدا حب التعلم والاستطلاع لاني هنا افكر اني ابي هالرضا يدوم
.. شخصيتي غريبه نوعاً ما :$
إنتِ الأجمل بَعد عيني ..
وَ يسعدني تَواجدك سواء هنا أو بالآنستا ..
أهم شيء إنتِ راضية عن نفسك وَ هذا بحد ذاته مُهم
في البدايه تشكرين ياعسل على هالتدوينه ،،
الرضا عن النفس الشيء اللي ماراح يرضي أي شخص إلا مصاحب بقناعه تامه ، وسعاده وراحه نفسيه
أنا مايلفتني إلا الشخص المثابر والطموح الدؤوب على الوصول والإرتقاء للحاجه اللي يطمح لها ويتمناها لكن بدون مايكون إنسان أناني يحاول الوصول بأي طريقه أو أي ثمن ،،
لا لا شخص في عالم آخر يسعى ويجتهد ، ممكن يفشل الفشل وارد ، لكن أبداً لايقف عتبه في طريق آماله وطموحاته ، شخص لايسعى للكامل ، كونه عن البشر منفي ، شخص يرتقي على جميع وكافه الأصعده يرى الحياه بكافه ألوانها حتى يقدر يتعامل معها للوصول لهدفه ،،
إنسان يحمل فكر وهدف سامي ، نفس طيبه وراضيه ، وقت مايكون الشخص راضي عن ذاته في جوانب معينه وهادئ في حياته ، راح يوصل لحلمه حتى لو تتطلب الأمر الوقت الكثير وحتى لو امتد لسنوات ،،
وأكثر شيء حقيقه أسعى له ارتقي بذاتي ، أطمح لنفس ساميه ، هادفه ، غير سطحيه وتافهه ، لاترى توافه الأمور وتقف عندها ، نفس دؤوبه ، راضيه ، متفاهمه ، متسامحه ، سعيده ، طموحه ، ذات معنى وقيمه ، قنوعه ، ممزوجه بها كلها ، نملك بعضها ولله الحمد لكن فيه لحظات للزمن تأثيره القوي على بعض الجوانب تتحكم بها سواء الحاله النفسيه أو الجسديه ،
لايهمني الوصول لدرجه الكمال فيها بالنهايه فأنا بشر ، ولكن أطمح لمرتبه عاليه فيها تنم عن لذه وسعاده للذات وايما سعاده..
دمتي سعيده ،،
كلامك يبعث الفرح وَ السرور ..
وَ ماهي إلا إضافة رائعة لتدوينتي ، بَارك الله فيك
الأن بنام .. لما أرجع أكمل قراءة بقية الرَدود وَ الرد ..
ماعاد صَرت ألحق عالمَدونة مع الإجازة مَثل قبل .. إن شاء الله أمسك زمام الأمور بأقرب فَرصة مُمكن ..
نَوم العوافي وَ صباح الخير للكل
نوووووم العوافي ياعسل احنا اللي بنفصفص ردودك لانها تكمله ما تقل عن المدونه بحد ذاتها
ارتوس انا آحبك احبك احبك مره …ومابعد كلامك كلام …والله يصبر قلبي ع بعد شهر كامل
يآهلا بَك يا نُوف وَ أنا أحبك أكثر ..
“أما اللي عندنا يقولك خلاصكبرنا ، وَ تحقن لها كم إبرة بوتوكس ( عقولتها بغز إبرة ) وَ هاتك تلفونات وحش في خلق الله وإَ ذا سافرت تزور نفس الأماكن إللي غالباً ماتتجاوز مطاعم وَ أوسواق همها تقهر صديقتها بطقم الذهب وَ لا الفستان وَ لا الشنطة الماركة ، “
اه ي ارتوس قلتي اللي بقلبي هالنوعية من من البنات وأمهات كثرانين ي ربي الله يصبر بناتهم الحياة أكبر من هالخرابيط. ولا النوعية من الأمهات دي تفكر التربية م اقصرعلى عيالي بريال هاذي لتربية عندها
سالفة التقييم الانسن م يقيم نفسة الأبعد عمرطويل
لأن هالتقييم يعتمد على إنجازاته وطموحاته اللي حققها
وانا أقيم نفسي 1 ليه!
لأن م حقتت شي الآن ولو حققت وهو دخولي للجامعه
الله يَوفقك إن شاء الله وَ تحققين أغلب أحلامك وَ طموحك ..
و أكيد توك صغيرة أتوقع إنك بالثانوية ، مازال العُمر قدامك وَ مشوارك طَويل
بخصوص هالنَوعيات إذا تفكيرنا ما إلتفت لَهم طبيعي راح ينقرضون بينما المُجتمع جالس يَعزز لهم وَ يقتدي بهالنَوعيات
وَ يحذي حذوهم وَ يطمح بمحاكاتهم ، نَورتيني تيغو
جممميله التدوينه وكلامك دائماً جميل ، احس قليل الانسان يوصل لرضى تام عن نفسه لو رضى عن جانب بيبقى جانب يحس يحتاج تطوير ، وبحال وصل للرضى التام بيكون شي موحلو ونقطه توقف عن التطور ، يعني فرضاً انا صوتي حلو لما اجلس اغني وبس ماراح يكون زي لما احاول اطور صوتي عشان اغني افضل واحاول اتقن لون غنائي جديد حسيت مثالي شاطح ، . لكن الشي اللي اشوفه كثير بالمجتمع انه الواحد مثلا لما يكون بوظيفه معينه ويحصل على ترقيات وعلاوات يوصل لحاله خلاص يكون راضي ولو وصل لاعلى المراتب يحب يحافظ على منصبه مايرضى يخسر منصبه عشان مثلا يشتغل بمجال آخر ويكتشف اشياء أخرى ، حتى لو شخص انتقل من وظيفه لاخرى ينتقدونه وليه ومالك بالشقى وما الي ذلك .. اشكرك من جديد عالتدوينه .. واكيد راح توحشينا بغيابك اليوم واليومين نشتاق لك كيف شهر 🙁
يا صباح الفل .
أنا قيمت نفسي 5.5
طبعا بدون الشكل الخارجي
لاني مقتنعه ان الجمال مش انا اللي اقيم نفسي فيه
احس اني اشوف نفسي شي والناس تشوف شي !
واستغرب للأمانه من اللي تمدح نفسها
اشوف ان الناس اللي تحدد اذا إنت جميله او لا
أنا نص رآضية لاني اقدر أصير احسن
عندي طموح وافكار ل بعيد و تفاؤل لكن اكبر مني حاليا
مهما سويت ما اظن ب يجي اليوم اللي ب اقيم نفسي 10
لاني للاسف انسانة ما ارضى بالقليل احب الكمال ف كل شيء والكمال لله .
لكن شي حلو اني ما اكون راضية عن نفسي 100%
لاني ب اطور نفسي للافضل بدون أوقف .
بالنسبة للجوانب : ابغى اخلص جامعه واتوظف
ابغى اتعلم اكثر من 3 لغات . اكثر ناس اغبطهم
اللي عندهم اكثر من 3 لغات ماشاء الله
نفسي احب اقرأ كتب ابغا اخذ منها المفيد متاكده راح اتطور كثير .
ابغى افهم ملامحي لوول لا جد ابغى اعرف
لاني عجزت افهمها لا ايلاينر يناسب ولا ظل يناسب .
كل اللي عرفته ان عيوني تحب الشدو لون واحد وايلاينر ما ينشاف .
وابغى جسم رياضي ينقط انوثة ^^
والقائمه تطول .
صباح الخير يَ مال الخير ..
صراحة تدوينات الثرثرة اقرب لقلبي ساعات تفتح ذهني ع اشياء انا مو منتبهه لها او اشوف الأشياء من منظور ثاني ..
صراحة ماني عارفة بالزبط ايش اللي ابغى أوصله بشكل دقيق يعني، بس مو راضيه عن حالي اللحين ابغى اطور من طريقة تفكيري و تحليلي للامور لانه كل مره اجلس مع ابوي و لما نتكلم عن سالفة او خبر بالتلفزيون وأقوم اقول رائيي يصدمني ابوي بطريقة تحليله واغلب الأشياء اللي ابغى أطورها سببها ابوي الله يخليه .
كمان من ضمن الأشياء ابغى اطور نفسي من ناحية اتحكم بمشاعري انا فيني شيء بالنسبة للناس يعتبر زين بس كل مره انا اللي أتأذى مع نفسي واحرق أعصابي، وفيه اشياء ابغى أوصلها بس تعتمد على غيري وغالب الامر مو بيدي وانا ما عليّ الا اني أجاهد في سبيلها طبعاً مو الدراسة أوشيء أكاديمي المقصود ، نظرتي للحياة حلووووة جداً وعندي قاعدة keep it simple as u can واشوف فيه شغلات انا مقتنعة فيها مَا ابغى في يوم احاول اوصل للشيء لسبب غير انه يكون لنفسي او لأحبابي زي مَا اشوف اللي حولي اللحين ابغى اكبر و يصير عندي عائلة امهم بطله وَمَا قللت بحق نفسها و اشتغلت على نفسها وطورتها عشان اقدر أساعدهم انهم يكون بحالة رضى بنفس الوقت يسعون للافضل ههههههههههههههههههههه ترى مزعجه اهلي اني بصير ام بطله ولا فخمه كمان هههههههههههههههههههههههههه …
يوووه من اللحين فقدتك يَ بت بس ان شاء الله تكون اجازه سعيدة لك يَ قميل .. تذكرت رمضان الفايت و اللي قبله امل و حليمة و التعليقات بشمواه يَ زينها من ايام الله يبلغنا رمضان لا فاقدين ولا مفقودين
صباح الجمال..
شعور الرضا صعب ! خصوصا عن النفس
بعيد عن الجمال، الاخلاق التصرفات و المجتمع الي حولك !
لا اعطي نفسي ٥ من ١٠..
كان بإمكاني اقولك صفر من ١٠ لاني مش راضيه ابدا
فيني صفات لئيمة و بنفس الوقت احساس الذنب يقتل، و احاول اغيرها طبعا بس اذا كان الشي فيك متغلغل من الداخل صعب كثير و مااقولك اني حاطة رجل على رجل جالسة احاول .. ادعيلي ارتوس❤️
ال ٥ الي عطيتها نفسي بسبب اني راضيه عن شي واحد بحياتي و هو اني اشتغل و اكد و اذا حسيت بالتعب افرح مااكتئب و اتأفف يمكن ظاهريا عشان احصل بعض الاهتمام من الاهل، بس داخليا جدا سعيده !
عمري ١٩ سنة ! بتقولين ليش بهالعمر الصغير الكل حولي قال كذا ؟ بس انا مبسوطة لاني قدرت اثبت نفسي صرت مهمه في البيت و صار رأيي مسموع .. الاستقلاليه جدا جميلة الي يجربها راح يعرف معنى كلامي و مبسوطة اني عرفتها بهالوقت و انا صغيره لاني ماراح اوقف لهالحد صرت طموحة بشكل كبير و الاجمل يا ارتوس اني موهوبة بشغلي احبه كثير و احسه مميز..
و شغلي ساعدني اني اكون انسانه افضل.. احب اتعلم كثير عندي فضول عن الثقافات الغربية دخلت تخصص لغات و ترجمه عشان بس اقدر اقرا كتب و روايات انجليزية بطلاقة كبيرة المضحك ان الي حولي يقولون ليش انتي تعرفين لغتك مره كويسة ! بس لا لغتي الحين لغة تخاطب بس اقدر اسولف و امزح و اسلم لغة تعلمتها من الافلام بس حابه اتعمق عشان اقرا كتبهم ❤️
تلهمني اشياء كثير مثل البيانو، المتاحف، الرسم، الموسيقى، المدن، الرياضة كلها اشياء حابه اتثقف و اتطور فيها بشكل كبير ..
وباذن الله ماراح اوقف، الي يجرب يعيش حلمه راح يعرف معنى كلامي مو مجرد كلام بيحس فيه حتى ❤️
ارتوس انا من زمان اتابعك ثقافتك جدا تعجبني ياليت تتكلمين كيف اكتسبتيها ؟لو كان لك كتاب كنت راح استمتع فيها كثير صدقيني
هاذي اول مره ارد فيها على وحده من مواضيعك اسفة لاني مقصره بحقك كثير شكرا لكل شي تكتبينه لانه ببساطة يأثر و يغير فيني كثير
صباح الورد موضوعك جميل كعادتك ومثل مارديت عليك بالانستا لكن اضيف جوانب راضيه عن نفسي ٨٪ بعيد عن تقيم الجمال مادري كيف اوصلك هذا الاحساس اللي تكوني فخورة باللي انجزتيه لاهلك، اللي تعبت وتحديت فيه ظروف اني بنت ماكو رجال يساندك ويهون عليك صعاب ماينجزها الا رجل نفسه وانجزتها. فخورة وانا اسمع لما يقولوا لامي عندك (آسوي) عوضك فيها عن ميه ولد. وبالنسبه رضاي عن حالي جوانب اعطيها نسبه مرتفعه ومنها اكمالي لدراستي بالجامعه ومثل ماخبرتك من قبل مااحبطتني عباراتهم “بعد ماشاب ودوه للكتاب” و “وش بقى من العمر كثر اللي راح” والحمد لله بقى سنه وأتخرج حسسوني ان عمر الثلاثين انتهت حياتك، مع ان اللي يشوفني مايعطيني اكثر من عشرين سنه، اذكر لما جيت اسجل بالجيم واخذت معلوماتي ماصدقت عمري قالت عطيني بطاقتك . اعترف بعوائق بنفسي لنفسي انسانه مسوفه ذبحني التسويف احس فيه اشياء خططت لها من سنتين ومتوفره كل الادوات ولا انجزتها. لو كل شخص راضي عن نفسه وعن اللي انجزه ماطور شيء ولا تعلم. اذكر بابا الله يرحمه لما اقوله: “انا أكتفيت” سواء عمل او قراءه كتاب يرد علي: دوري على شيء احسن منه”. /
ارتوس بالعاده غيابك يكون برمضان ان شاء الله تكوني بخير. وتذكري اقتراحي اذا بتنشغلين ولا نبيك تنقطعين عنا افتحي قسم مثلا سميه daily notes
تكون صوره من جوالك عن شيء صار بيومك وكم سطر تكتبينه ♥️
هالموضوع من اكثر المواضيع اللي تشغل بالي ،
ويزعلني أحياناً لما اقيم نفسي بصدق قدام ناس اعرفهم يقولون انتَ مو واثقة بنفسك بناءاً على نظرتهم لي لما يشوفون عندي شغلات مميزة ماهي عندهم
بس انا حقيقةً اكون شفت مستويات افضل مني بكثير
لذلك أعرف إني مَ وصلت البيرفكت ولازلت احتاج جهد اكبر علشان اتحسن ولا اقدر العب عر نفسي وأعطيها معدل عالي
مزعج ان الناس تشوف الصدق احياناً عدم رضى أو عدم ثقة
يمكن يرجع هالشيء ل المستوى المثالي اللي هم حاطينه !
من الجيد انك طرحتِ هالموضوع لأن راح يساعد البنت اللي تبي تصير قوية و مميزة تنتبه ان آدائها قد يعتمد على درجة رضاها عن نفسها
حبيت هالبوست ❤️
شكراً آرتوس .
نسبة رضاي عن نفسي شكلاً ٧ من ١٠.. مضمونا ٨ من ١٠ ..احب في نفسي اني ماانساق وراء اي هبة او موضة .. مااتشره على احد ولاانتظر شي من حد حتى زوجي .. اعطي بدون انتظار شي عشان كذا اشوف عطاء الناس كبير وافرح فيه .. شكلا تمنيت شعري يكون انعم ووجهي مايضعف بالحيل لماانحف .. لاني احب جسمي جدا بس تمنيت لو وجهي يكون ممتلئ اكثر ،، احب نفسي واؤمن اني مميزة وابغى اطور من نفسي لدرجة اترك كثير اشياء في بداياتها وانتقل لشي ثاني .. اتمنى لو اعطي طفلي وقت اكثر مما اعطيه والعب معاه كثير ،،
حتى اوصل للرضا عن الذات اكمل النواقص احيانا تكون مو واضحه واحيانا ماعرف من وين ابدا واحيانا الوقت مايساعد ولا الاشخاص
كحل وسط اتكيف مع ضروفي اثقف نقسي من ناحية النقص ابدا بالتدريج في معالجة اقل النواقص
صباح السعادة
فعلاً في بنات قاموا يرددون كلام المدح اللي يوصلهم من الناس ويتفاخرون فيه بس أنا مع اللي يقول الجميلة لا تتحدث عن جمالها يعني أنتي جميلة مفروض تكونين متعودة على المدح ونظرات الاعجاب مو تمشين وتكررينه كأنك أول مرة تسمعينه ، وأنا لو ب أقيم نفسي بيكون على شنو قدمت لنفسي وب شنو طورتها ما أحب تمر السنين وهذا أنا ما تغيرت أحس هذا الكسل هو اللي ممكن يخليني مو راضيه على نفسي وأشوفها أقل من غيرها ، باقي لي كم شهر وأدخل العشرين وأبي أسوي شي أكون فخورة وراضية إني وصلت العشرين وحققت هالشيء ، ربي يخليك لنا ويسعدك ويسعدنا أكثر بتدويناتك المتعوب عليها ❤️
فعلا الجمال عندنا انا ملاحظه هالشي من ايام الدراسه قليل تلقين بنت جميله واحيانا تكون هي اظهرت هالشي بثقتها واهتمامها بنفسها
ارتوس احسك دايم تقولين اللي بخاطري الله يسعدك ❤️❤️
يعطيك العافيه عالتدوينه الجميلة
وانا معك بكل كلمة قلتيها من شريك وساندرلا
ومن تعامل الأمهات
ما أضيف على كلامك شيء
بس عندي وجهة نظر
الانسان كل ماكبر بحياته تتغير نظرته عن الجمال
انا كنت اشوف ممثله توب قبل ٥ سنوات وكنت مجمعه صورها
وسلسلة افلامها
قبل شهر رجعت لنفس الافلام ولنفس البطله مأشفتها بنفس الجمال اللي كنت دائماً أشوفها فيه.
كمان شغله
الكبار بالسن في الحلوات وفي العاديه
عجوز بس حلوه دايم تنقال
وانا كل ما اشوف كبيره بالسن اجلس اتخيلها وهي شباب كيف كان شكلها
ارفع حواجبها أشد بشرتها. فوتوشوب دماغي
اللي أبغى أوصل له ان الجمال في كل شيء بس بنِسَب متفاوتة
ولكل إنسان نظره والنظرة دي تتغير مع الزمن
وكمان النظره الاولى غير التانيه
وبس
مرحبا ارتوس
انا من الي جاوبو على البوست نسبة رضاية 10 10 والحمد لله هادي درجة وصلت لها وانا راضية عن نفسي مش يعني انو بوقف عجلة التطور او ماعندي طموح بالعكس رح تزداد رغبتي في اني اكون افضل وافضل الحياة استمراريةكدا ربي خلقنا ما يتعارض انو والله اذا انا راضية عن نفسي يعني خلاص حفضل مكاني لا ابدا
والرضا عن النفس بالنسبة لي ماله علاقة بجمال ولا تعليم ولا مال راضية تمام الرضى حتى لو ماحققت شي في هذه الجوانب لان النفس شي والمادة شي النفس ترغب في هذا وهذاك بس ماترضى بي
اتمنى تكون وصلت وجة نظري
وشكرا لطرحك
من جد ع السالفة في وحدة عندها بنتين شعرهم كيرلي الام دايما تقول لبناتها ليه شعرك منفوش كذا لميه ! من نعومته ، من زينه وما الى ذلك حتى لاحظت البنات صاروا يقولون شعري حلو صح حتى انا بخلي شعري ناعم ؟! دائما على لسانهم هالكلام مع اني اذا شفتهم بالعكس أقولهم كلماتي إيجابية لعلى وعسى يتغير فكرهم شوي مع ذلك محفور في رؤوسهم انك ما تكونين واثقه من نفسك الا اذا كنتي جميلة طبعا الجمال بالنسبه لهم الشعرالناعم والبياض !
شخصيا انا احس احيانا اني راضية عن نفسي وأحيانا لا احس في اشياء في حياتي لازم تتغير بس كل فترة يتغير التقييم اذا غيرت شي وأحيانا أهمل جانب فأعطي نفسي اقل ولا افكر الرضا عن الذات والثقة بالنفس تكون بالجمال الخارجي كثير بنات عادية وأقولك كمان اقل من عاديه وواثقة في حالها كلامها اسلوبها تصرفاتها والعكس تماما تجيك جميلة بس من اي كلمة تاثر عليها وتغير اشيياء في حياتها .
مرة زعلت لأنك بتغيبين وان شاء الله ننتظر بحماسة وسوالفك ❤️
كلامك درر
ليت قومي يفقهون،،،،،،
والله ح توحشينا
❤️❤️❤️❤️
انا من الناس اللي علقوا وكتبت اني اعطي نفسي ٧ من ١٠ وكان ممكن اعطي اعلى بس انا عندي طموح واشوف الانسان اذا اعطى نفسه نسبه عاليه راح يتوقف عن الانجاز والتطوير <>شي يزعل ويبكي
بما اني معلمه انقلش طالباتي وامهاتهم دايما يوجهوا لي كلمات ايجابيه واني سبب بحبهم للانقلش عالرغم من انهم مرحله ثانويه لكن الحمدلله قدرت اكسب حبهم واحترامهم.
اشياء كثيره حاطتها فبالي علشان اوصل لنسبه عاليه منها انا حاطه قدام عيني هدف اني اتعلم سبع لغات وللان مااتعلمت الا انقلش وشوي تركي وفرنسي
جسمي يكون احلى والحمدلله من فتره بدأ هالشي يتحقق لكن لسى مو بشكل كامل .
اقرأ كتب اكثر واستفيد اكثر
في نقطه صعبه اكتبها بس اعتقد لو اتحققت ممكن اعطي نفسي ٨ ونص
وبالنهايه حابه اقولك ارتوس انتي من اكثر الناس اللي غيروا حياتي بشكل ايجابي واتابع كل مواضيعك من ايام شمواه وادعيلك بظهر الغيب.
احوبك ❤️
الرضا عن الذات لازمه عندي ثقه كبيره بنفسي.. والاهم اني اسوي وانجز
قد ماقدر اهتمام بنفسي .. بيتي .. بناتي .. الحب اهم ثلاثه
وووحشتيني والله … ❤️
احب اعلق على موضوع كتب تطوير الذات ، فيه محاضرات في اليوتيوب جميلة جداً جداً للدكتور ابراهيم الفقي رحمه الله ، لو كل يوم نصف ساعة نستمع محاضرة لهذا الدكتور راح تتغير نظرتنا للحياة ولادارة الامور بشكل ايجابي، وكان الواحد ولد من جديد ، جربيي غاليتي ارتوس نص ساعة لمدة اسبوع فقط وعطيني رايك، مشكوورة ع الطرح الاكثر من رائع
يمكن أوصل للرضا لما أوصل لشكل الجسم اللي ابيه ، انا مو دوبا بس فيه شكل من الأجسام ابي أوصله ويمكن مستحيل !
صباح الورد
الحمدلله راضيه عن نفسي بنسبه متوسطه
وفيه أشياء كثير أتمنى أسويها
لكن أول ما أبدأ أحس بملل فظيع ما استمر للأسف
بس إن شاء الله أحاول أغير هالصفه
وشكراً على كل شيء تقدمينه
من متابعاتك بصمت :$
نوم العافيه ياقمر خذي راحتك
حبيت صراحتك واسلوبك مشوق ماشاء الله
صراحه اشياء كثير صعب احصرها بس بإذن الله احققها
اجازه سعيده ياعسل بفقدك من الحين كل شوي اشيك على حسابك اشوف نزلتي شيء والا لا الله يصبرنا شهر بس اهم شيء سعادتك وراحتك بالتوفيق ياقمر
مرحبا.. بعد ماقريت التدوينة حسيت تقييمي غلط ماأدري يمكن قيمت من كم جهة بس الأكيد مو من كل النواحي شخصيتي أحسها حلوة مع اللي قريبين مني وأرتاح لهم ودي هالشخصية تكون مع كل الناس أحسها أنجح من شخصيتي الهادية ماأتحرك على كيفي وأخذ راحتي بالكلام ولا بالتصرفات ترى أول مرة أكتب شئ عني صريح كذا تدري أرتوس أتابعك من أيام حسابك القديم بالانستا بس أبداً ماقد رديتي علي ماأدري يمكن مو منتبهة أو شئ ليش توي أقول حسيت بفقدك هالشهر اللي بتغيبين فيه متعودة أول ماأصحى على السيرش أشوف نزلتي والا لا ؟ دايم أشيك ع بروفايلك وإذا تضايقت بالذات ماأدري ليش!! أنزل لآخر صورك وأشوفهم من أول وجديد.. بجد بجد أدمناك وأدمنا وجودك معنا وكومنتاتك دايم أقعد كذا أتخيل كيف شكلك على حسب ماتوصفيه والله محظوظيييين فييك ❤️❤️
نزلت الرد بدون لاأشيك عليه أبغاه من القلب للقلب
ربييي يسعددك أضعاف أضعاف السعادة اللي تجي وقت أشوف فيه أنك منزلة صورة
جميلة كعادتك ارتوسة جميلة بفكرك ..
موضوع الثقة في النفس قعدت سنين ابني فيه والا الآن اعاني من نقص .. موضوع الثقة عميق وفي اعتقادي انه يبدأ من البيت
كنت دايماً اعاني من نقص ثقتي في نفسي بسبب اشياء كثير منها سماري ومنها هدوئي وطيبتي كان اي احد يغلط علي ماارد وبس ابغى الناس ترضى عني وتقول عني كلام حلو .. كبرت وانا كذا وزي ماقلت لك أساس نقص ثقتي في نفسي بيتنا واهلي للأسف هم السبب … كبرت وحاولت افهم وافهم نفسي انه انا مش ناقصني شي واني جميلة وطيبة وحنونة وذكية والأهم اني ماارضى بالظلم واكره وازعل لما اشوف شخص مُستضعف … الحمدلله حبيت نفسي كثير اعترف انه احيان احس بالنقص بس يظل مجرد احساس
انا ماراح اقيّم جمالي لأنه مش انا اللي خلقته
راح اقيّم روحي وفكري لأني انا اللي خلقتهم
انا تقييمي لروحي وفكري ٨ من ١٠ لسى في شغلات ماوصلت لها ان شاءالله بوصل لها
شكراً ياجميلة
حبيت الموضوع جدا بس الي يضحكني على قد مانقول الجمال مو كل شي الا الان اغلب الحريم الي يزوجو عيالهم او الاخوات لمن يختارو لأخوانهم يدورو على اجمل بنت وابيض بنت في ذي الاوقات احمد ربي ان جمالي عادي لاني ماابغى احد يختارني بسبب جمالي
المهم نرجع لبداية الموضوع اقدر اعطي نفسي ٤ من ١٠ مو تحبيط بس لاني عارفة ان في اشياء اقدر اوصلها والكسل حال بيني وبينها
بس حبيت اضيف شي لمن يكون عندي هدف وقاعدة اشتغل عليه الاحظ في ذي الفترة كل شي يرتفع عندي يعني اشوف نفسي اجمل بشرتي تصير افضل وعيوني فيها لمعة اجمل وحتى لياقتي افضل اتوقع هذا كله من الحماس الي يصاحب تحقيق الاهداف تلقائيا اشياء كثير انجزها وانا في طريقي لهذا الهدف الي بجد انا مؤمنة فيه عشان كذا اقول لكل بنت لو في شي واحد انتي تستمتعي فيه شيء يخليك تصحي وانت متحمسة له هذا احد اجمل اسرار الجمال غير الرضا الداخلي الي تشعري فيه وانت في طريقك لتحقيق هذا الهدف ❤️
اول مرة ارد
الموضوع عجبني جدا جدا 🙂
واكثر شيء عجبني وصدقتي فيه يوم قلتي عن المراهقين
احسك توصفين حالنا انا وصديقتي لما نسولف عن الدراما التركية هاذا حالنا
*بيرجو تلبق لكنان اكثر.لا وين برجو ما تلبقل انجين هي اكبر منه.سرناي ما تصلح لانجين هي شقراء وهو اسمر. الخ….
بس للامانة لما نسولف كذا ما يكون اكبر همنا الشكل التمثيل والتجانس اللي بين اللمثلين يلبق ولا ما يبلق
واحسن شيء عجبني في الموضوع هو مفهوم الثقة بالنفس
خليتيني اتعرف عن جوانب اهم في الثقة في النفس:)
قبلاات لك ارتوس جنم اشكم من هنا للاب حقك اللي يطبع لنا اجمل المدونات على الاطلاق
انا اشوف اذا الوحده املكت الجراءه والثقه بالنفس واسلوب روووعه وربي رزقها الحكمه هاذا الجمال بعينه اهنيها اللي تملك هالصفات
وش فايده الجمال وانا مااملك هاذي الاشياء !!
صبااح النقاشات الجمييلة ..أستمتع كثييرا بطرحك لمثل هذه المواضيع ….بالنسبة ﻷجمل الشعووب أنا ضد وضع مقاييس للجمال أو حصر الجمال في مجمووعة من النااس الجماال مفهوم يختلف من شخص الى أخر
..أما بالنسبة للتقييم أذكر أني قيمت نفسي بعشرة تقييمي كان سي من الناحبة النفسية والعقلية واروحية وبعد فراؤتي للموضوع أعطي نفسي 6/10 ﻷني بحاجة للتطووير في عدة جوانب منها : أحوال أطور مهاراتي في التواصل عبر الواتس أب وهذه البرامج ﻷني شخص أحب التواصل وجها لوجه ……أوصل للياقة بدنية عالية …..تنظيم وقتي بصورة ممتازة ﻷني انسانه مزاجية …أتعلم اللغة الفرنسية والاللاتينية ….أمتلك مشروعي الخاص …..
تعليق ساندرا بولوك صادق ومؤثر بالفعل الأمومة تضفي جمالا آخر على الشخص
مع خالص ودي ..♥
“يسعد صباحك الجميل .
الموضوع جدًا جميل خلاني اقعد افكر صح ان الجمال شنو مقايسه عندي .
حبيت رأيك ب الموضوع و احترمه .
انا من وجهة نظري العربيات فيهم الملح والجاذبيه تفوق الجمال ، و الفارسيات مايختلف عليهم احد جمال و ملح و كل شي .
اما بالنسبه للأجنبياات *يعني ماتلفت الأنتباه*
ما ادري احس هذا اللي شوفه من آراء الناس حولي و انطباع حتى اغلبيه االشباب او البنات اللي نشوفهم يعلقون على صوره او مقطع سواء ب الانستغرام او تويتر او اي شي يكون فيه .
بالنسبه حق الأم اللي تعزز شي مو موجود في ولدها اعتقد هذا ظلم و من جد احس راح يعيش او تعيش في صدمه او الناس بيضحكون عليها على الثقه المبالغه اللي مو في محلها .
..
ب الأخير من جد احس الجمال و مقياسه يختلف ما اقدر احكم على دوله كامله او قبيله كامله كل شخص وله زاويه او ملامح تعجبه .
وبس ادري طولت بس جد موضوعك جدًا جميل و اول مره ادخل المدونه واعلق .
ب الأخير راح اقولك من جد احب مواضيعك واي شي تطرحينه لأن احس فيه شفافيه و يوصل بسرعه واحسك قريبه و اي موضوع تطرحينه مايمر مرور الكرام .
و ب الأخير : تروحين و ترجعين ب السلامه راح توحشينا و ناطرينك ب مواضيعك الجميله .
من جد المقارنة اساس البلاا *_*!!
وعلى قولتهم الجمال ما يدوم زي شخصية الواحد،،
بس دا كلام يقولوه ومايطبقوه !!
يعطيكي العافية ع الكلام الحلو ❤️
وحتوحشينا من دحين 🙁
hi! ❤️
*اشوف انو الجوانب اللي لازم تتنمى عشان يوصل الشخص للرضا عن ذاته تختلف من شخص للآخرع حسب مجاله او اي شيء يهتم هو فيه .
*صراحه انا مو راضيه عن نفسي تماآم الرضى .يعني راضيه عن الاشياء اللي جات من ربي و ما اقدر اغيرها و مو راضيه عن الاشياء اللي اقدر اغيرها بس ما التفت لها.
راح أشتاقلك في المده اللي بتغيبي فيه ربي يحفظك و يردك بخير لنا ❤️ ❤️
موضوع جميييل
لو بقيم نفسي بعطيها ٦/١٠
وجد الناس صارت تهتم بالشكل مررة سرت يوم اوري احد صورة لاوريهم لبس او شي في الصورة الاحظ اول شي يركزوا عليه الشكل مع انه مو المقصود بتاتا
وصار كلام المجالس لدرجة الملل
وعشان اوصل للرضا في اشياء كثير ودي اطورها جسديا وفكريا وان شاء الله ما تنتهي هذه السنة الا وانا محققة قدر كبير منها
ابغا اوصل للياقة البدنية اللي ابغاها ، واكون صحية اكثر واتعلم لغة جديدة واطور هواياتي الحالية مثل الرسم والكتابة واقرا واتثقف اكثر
مرحبا انا بقول تقييمي لنفسي من جوانب عدة تقريباً مابين 5-6 انا راضيه لأني حققت اشياء بعمر صغير 19 سنه كانت بعيده شوية عن عيوني او مؤجله لكن حصلت قبل اللي هي الحمدلله عندي مولود والحين اربيه اللي هي اسمى وظيفة اسويها وثاني شي متزوجه والحين طالبه جامعيه في السنه الثانيه معايير سعادتي ورضاي عن نفسي هو رضا عائلتي عني لكن مازلت اطمح لتطوير شخصي وتعليمي ولابد من تطوير الشكل والجمال واحبك
انا طااار كل الحكي اللي عندي لمن شفت انك غايبه شهررر ،، أه ياقلبي حتقطعيني من الشوق والله .. قبلاتي الحاره
ي الله والله كلامك وحده كميه مو معقوله من الجمال ارتوس انتي انسانه ماتنوصف بجد’
بالنسبه لموضوعك زي ماذكرتي انو قدام الناس اكون راضيه عن نفسي ميه بالميه والرضئ مو شكليا من نواحي ثانيه غير الشكل ‘ اكون راضيه عن نفسي كشخصيه كثقافه كأم يعني ككل راضيه بس لمن اجلس مع نفسي مااحس اني واصله للمستوئ اللي اتمني اكون واصله له من كل النواحي اللي ذكرتها ونفسي اعرف السبب واعالجه لاني طايحه من عين نفسي
صباح / مساء الخير عليك .
أشوفك مثل أختي الكبيرة أرتوس واللي هي الوحيدة اللي بتكلّم معها عن اللي بخاطري .
أنا عمري 17 سنة لكن للأسف حُمّلت على أكتافي امرأة فوق الخمسين سنة، وهذا الشي يرجع لأبوي الله يهديه ويصلحه. بكل أسف أبوي إنسان رجعي جدًّا فوق ماتتصوّرين ممنوع كل شي، تفكيره محصور بالشك والتشكيك والشهوات وبس. نظامه أكل ومسكن فقط لا غير يهتم بالجانب المادّي لكن النفسي والروحي معدوم.
ما أنكر إنه أطيب أب وأحن أب وهذا بمنظوري الشخصي لكن مشكلته عويصة أفقدنا الثقة بالنفس كثير أو بالأحرى ثقتنا مبتورة يمكن تقولين دور الأم وينه ! فبسبقك بالإجابة أمي تعبت بإختصار قهقه في قلب لا يفقه.
وطريقة تربية أبوي ماهي معتزلة بالبنات بس ! لا كمان الأولاد، أخواني ثقتهم مهزوزة كثير ماهم حاسين إنهم رجال بأشنابهم ويقدرون يشيلون مسؤولية أنفسهم. في حالة انكسار دائمًا همه الناس لا تقول والناس لاتفعل مع إن كل اللي يلعبون براسه معيشين عيالهم بالهنا وأصغر بناتهم عندها ثقة بالنفس ما أملكها أنا اللي على وشك خروجي من سن المراهقة. حبيت أفضفض لك وآسفة لأن كلامي جدًّا بائس ومُحزن في زمن السرعة والتطور لكن ماهو بائس قد اللي أعيشه وأتجرعه كل يوم ولحظة. كمان أتمنى منك إذا لحقتِ على كلامي وقريتيه تمسحينه من الكومنتز وشكرًا أرتوس على كل شي قدمتيه لنا وعلى باقي بتقدمينه و إن شاء الله إجازة سعيد لك بعيدة عن الشرور والأحزان. ترجعين لنا بالسلامة يارب ❤
مجتمعنا سطحي ، ونسخ لصق كل تفكيرهم ،
انا وزميلاتي متفاوتات بكل شي فينا الطول والقصر والبيضا والحنطيه ، كلامنا عن الجمال مايتعدى الرياضه والاهتمام بالنفس ، يعني انا شخصيا قلتها بشكل مباشر ، لي شخص يمدحني بوجهي يستفزني ، لان الله الي خلقني بهالشكل وخلق كل شخص بشكله ، فليش نقولب حياتنا على حسب الشكل.
لازم نتجاوز هذي المرحله الرضا عن النفس يكون عن التعليم الثقافه الانجاز الاعمال الخيريه والتاثير بالمجتمع ، احنا بالاخير مش دمى ولا باربي نتقيم على معايير شكليه .
شكرا لك ارتوس لان كثير بنات بيسعدون بكلامك وتزيد ثقتهم بنفسهم
صبااااح الإحساس والرضا
امممممممم صح عليك يمكن مهما الواحد حاول يبحث قي أعماقه الا مايلقى له شيء يمسح فيه شوخ. ..
كلامك عن الروسيات انا قد سمعته بس والله ما اشوف فيهم هالجمال على العموم انا دايما اقول لامي انو احنا العرب مو مشهورين بالجمال بس الجميله فينا ممكن تكسر جبال عند الغير وهذا من قانون الطبيعه في الشيء الناد النادر هههه تحميلي الفلسفه
أما من ناحيه الأمور اللي ابغا تطورها والله هي كثير
أولا ابغا أحل أمور في شخصيتي زي العصبيه الزايد
ابغا اصير انسانه صحيه أكثر ويصير عندي روتين رياضي
جالسه اتعلم الفرنسيه (صحيح اني جالسه تتعلمها ببطء ) بس بحكم دراستي ما اقدر بس حطيت خطه أخذها في شهرين وعلى فكره جالسه اتعلم سيلف ليرننق
ناويه اتخرج واشتغل والحمد لله باقيلي سنه تقريبا
سويت نظام لنفسي ثقافي صحي جمالي و تطوير من ذاتي وناويه امشي عليه
أهدافي الجماليه حددتها وأهدافي المستقبليه عارفتها وامشي اتجاهها
تعقيني ظروفي حاليا سواء ماديا من ناحيه البيئة أو المال لكن كل شيء يمشي صح وحبه حبه
ايش ابغا اصير ؟؟ ابغا اصير سيدة أعمال كبيره تمتلك شركه متخصصة في شيء يكون مبتكر صارحت زوجي فيه وقال بعد ما تخرجي انا وانتي أن شاء الله نحققه سوا
انا سألتك عن نظامك روتينك وتشوفيني دايما أسألك عن دي الأشياء لاني قاعده اطبق كلام الدكتور إبراهيم الفقي الله يرحمه
قال الشخص اللي انت تشوف فيه القدوة والالهام اجعل بينك وبينه ستار من زجاج وراقب كل تحركاته بس مو بشكل سلبي لا … بل للاستفادة حتى تستطيع ان تصل
انتي عندك من المقومات الكثير منها الثقه بالذات والرضى والطموح
والإتقان وبالإضافة تحبين نفسك زي ما انتي وانا حبيت هذي الصفات واحب اتعلمها من مصدرها عشان اطور نفسي لا تقولين لا تاخذيي قدوه! انا ما احب !
انا اقولك مو عيب الواحد يأخذ الناس قدوة بس أشياء قد تهمهم فيه فهمتي علي
ما ابغا أطول عليك الزبده اني في بداية حياتي الإدراكية
لأن التغيير يبدأ ب الإدراك وانا بدأت من نهاية 2014 كتغير حقيقي
أما عن سؤال التقييم فعن نفسي 8 وعن جمالي …….. طووووط ارتوس تزعل
اصلا ما أحب أحد يقيم جمالي لاني انا نفسي أحيانا أوقف قدام المرايه ما اشوف نفسي جميله واحيانا العكس فأذا الجمالي نسبي بالنسبه لي فمابالك للناس
ودمتي بسعأاااااااده
ي صباح الثقه والجمال
ي سلام علي كلامك ي ارتوس ماشاء الله تبارك الله كلام رائع وجميل ….. اتوقع كل وحده لما تعطي نفسها نسبه معتمده اما علي قناعاتها او تربيتها او علي المجتمع المحيط بها ….
فمثلا انا في مجتمع يقدس الجمال وكل ماكنت جميله كل ماكانت كلمتك مسموعة حتي لو كنت سخيفه ودائم الجميله في مناسبه عليها النظر والكل يدور أخبارها ….. فتلاقي عندنا منافسه فضيعه علي الاهتمام بالجسم بالبياض بالشعر بالأسنان بطريقه مبالغ فيها …… واللي ماتملك مواصفات جماليه تملك جمال عنايه واهتمام وهكذا …. والحين لما تكلمتي عن هذا الموضوع كأنك عايش معنا بالفعل هذه الفكره السائده
( كل ماكانت البنت جميله كانت ثقتها بنفسها ميه الميه ) ….
بالرغم اني اري ان الجمال يساعد جزئيا بثقه الانسان بنفسه الا انه ليس اكثر اهميه من تنميه الشخصيه والفكر والتصالح مع الذات …..
احب اعلق على نقطه بالنسبه لجمال العرب !! كل منطقه لها معاييرها بالجمال.. ال
اولا رضائي عن ذاتي تقريبا ١٠/٧
الشيء الثاني انا عكسك أشوف الدول الغربية اقل جمال قليل يعجبوني أجانب خاصه من أمريكيا وأوربا بس على فكره ترى على حسب ذوق الشخص عشان كذا غلط تقييم الجمال حسب الشعوب يمكن انتي تحبين الملامح الناعمة الوجه الناعم انا الجمال يعني لي وجه عريض عيون وساع أنف مو مسطح يعني من قدام مو مفروش ما ادري كيف اوصف فم مليان وكذا يعني
الشيء الثالث لما كنت صغيره ما اذكر أمي او احد قال انتي جميله غير اللي يشوفني لأول مرا مثلا وكنت أحسبه عادي زي اي طفله فيقولون لها ها لكلام او ما احس فيه المهم كان اغلب بنات العيله بيض و اللي مو بياضه شعرها ناعم وفي من بنات خالصتي وحده سمرا وانا كنت حنطه فاتحه ما كنت انتبه البياض لصغر سني بس كنت انتبه لالشقار والشعر الناعم وكنت أشوف الكل أحلى مني طبعا انا كل ما اكبر كنت افتح كذا من الله و تقريبا لما وصلت لرابع بديت اسمن وهنا زادت الطين بله بالصف السادس هنا صدق سمنت وكرهت حالي كبر خشمي مع البلوغ وصرت سمرا وهم صرت أشوفهم أحلى لأنهم نحاف بما ان كلنا سمرنا وكبرت خشومنا بعد ما انتهت هذي الفترة والحمد لله تقريبا نهاية ثاني متوسط نحفت ورجع لوني الحنطي الفاتح وصرت مزه المزات طبعا انا ما انتبهت لهذي التغيرات الا بالصور ووكانت طلعاتي قليله بذيك الفترة وصرت بس بثالث متوسط كان فترت عرس خالي تزينا في بيت خوالي الكبير و لما نزلت من غرفتنا لللأندلس أتذكر كل ما شافوني وحده من خالصتي حصنتتي معن البيت مليان بنات قعدت أفكر وليش يوم كنت صغيره كنت أشوفهم أحلى مني عاد وبعدها وحده من بنات خالصتي أرسلت صوره قديمه لنا انا وبنات خالاتي يو عماتي ان صدمت وكنت بصيح من القهر كنت أحلى منهم بكثير طبعا بذيك الفترة قبل ما اسمن عاد الزبد ان الام لازم تخبر بنتها انها جميله
في مرا بعد صديقة أمي من ١٣ سنه ما شأفتهم ومرا راحت لها أمي عاد تقول وينها بنتك زوجي يسال يقول شوفيها هي للحين مزيونه يقول اذكرها وهي صغيره كانت حلوه المهم ان اكثر وحده عقدتين وانا بزر وحده من بنات خالاتي مع انها هي الوحيدة اللي جمالها عادي بين بنات خالاتي والمصيبة كانت اكبر مني بخمس سنين بس تدرين في شيء غريب فيني انا من وانا صغيره الناس يقول لي دلوعه بعضهم قهر وبعضهم يدلعوني لما يقولونها بس ما كنت أزعل وللحين المدرسات اذا انقهروا مني قاموا يقلدوني عاد اذكر مرا وانا بأول مراهقته بنت خالتي النشبه فجاه وانا أتكلم مع خالتي الصغيرة قالت الله يعين اللي يأخذك يالدلوعه انا تفضلت مدري وش أرد لسانها طويل وكانوا في عمارتها خفت تفشلني زود بس بعد قلبي وحده من خالاتي قالت ليت البنات أيها يكفي انها حبيبة أبوي (طبعا معروف انا حبيبة جدودي الاثنين ريبي خليهم
…..
احب اعلق على نقطه بالنسبة لكلامك عن الجمال العربي!! معروف اختلاف ثقافة الجمال بين الشعوب والمجتمعات! اختلاف مقاييس الجمال مايعني فئة اقل جمالا من غيرهم .. واستشهادك بكلام الدكتور لايدعم ابدا صحة الكلام !! لو جبتي شخص من افريقيا بيحكم على الجمال بطريقة مختلفه لان مقاييس الجمال عندهم غير!
واخيرا الجمال مسأله نسبيه يختلف عليها الكثيير ولكن يبقى الأهم جمال الروح ❤️
يعطيك العافيه على مواضيعك الشيقة
السلام عليكم
يسعد مساك متابعتك من أمريكا
وتقريبا من ٢٠٠٩
ماتصدقين قد ايش متابعتك ومدونتك فرقت معايا أشيااء كثير الله يسعدك
أنا قيمت نفسي ٨ من ١٠ ..ليش؟
قبل زواجي طبيعي الوحدة تكون بين اهلها وناسها نفسيا مرتاحة وع قولتهم متصالحة مع نفسها ف ما كان فيه ملاحظات على نفسي
الحمدلله اهلي متزنين جدا يعطونا حقنا في كل شي المدح والتشجيع بحدود معقولة اللي تحقق الاتزان النفسي يعني مانوصل لدرجة الغرور وننظر لأنفسنا بمثالية ونقلل من قيمة اللي قدامنا ونحقر بالعكس الحمدلله راضين عن انفسنا ونطمع للتطوير وننفع غيرنا ودايما والله نقدم انفسنا في النصيحة قبل غيرنا لان محد كامل
الكلام الين هنا وحلو ويبشر بخير .. وصاار وتزوجت .. مدري فين الخلل ووين المشكلة ( أحيانا افكر فيها واحاول استشف من قصص غيري بنفس الوضع تقريبا .. لكم ما وصلت لنتيجة ) لكن فعلا تأزمت نفسيتي بشكل … أعوذ بالله .. ارجع اتذكر والله شي محزن
وصلت فعلا في تقييم نفسي للصفر في كل شي ماتصدقين قد ايش .. طبعا اللي حولي محد ملاحظ الحمدلله شخصية مرحة واجتماعية لكن بيني وبين نفسي اااه والف ااه .. الا اهلي واخواتي وكان لهم دور كبير بشغلات الله لا يحرمني منهم
فجأة وبعد موقف حسيت من جد اني وقفت مع نفسي وقفة جادة.. ايش فيه؟ ايش صار؟ ليش ردة فعلك كذا؟
وع قولتنا محد يحك جلدك زي ظفرك هههههههه بصراحة مثل
الموقف كان فعلا محبط وحصل مع شخصية متعبه وتعطي لنفسها الحق في تقيم الناس بالشكل وبالمستوى المادي ولا تعطي اي اعتبار لأمور ثانية كالتربية التعامل مع الناس فكان الموقف مربك وطلعني من طوري لان حدودي تم التعدي عليها وبقوه لدرجة اووف الحمدلله موقف وراح لكن بُنيت عليه أمور كثير
حطيت نفسي وقيمتها بمعيار ايش اللي عندي وايش اللي ابغاه بكل شفافيه وعقلانية وما اخبي عليك فعلا قسيت على نفسي اطبق المثل
بعدها حطيت اكثر الامور اللي اتمنها في حياتي : رفع المستوى الثقافي في ذاتي ولحياتي الزوجية
لذاتي : اتحكم في انفعلاتي .. ما اقلل من قيمة فكري وتوجهي ومشاعري .. الحدود اللي بيني وبين الناس اللي فعلا وانا جالسة معاهم احسن بوهن نفسي فظيع
اتعلم لغات.. انقلش وفرنسي وبديت وقطعت مشوار كبير الحمدلله
صحتي .. تعاملي مع الناس بذوق وادب .. من هذي الأمور يعني ارجع بنت ابوها بسيطة مايهمها نظرة الناس ايش قالوا ايش بيقولون .. الأهم ان تصرفاتي مقبولة شرعا وعرفا مو اخذ تقييم من الناس اللي ع حسب المزاج^( اليوم انتي توب وبكره الله يخسها فيها وفيها)
اما لحياتي الزوجية فهي شي متعب لان والله يبغالها تدريب خصوصا بعد ٩ سنوات زواج والخمس الأخيرة منها كانت جدا سلبية والآن بديت اشوف حصادها لكن حصاد السنوات القادمة أفضل بإذن الله
فالنتيجة بعد هالكلام كان هالتقييم .. والحمدلله
اللي اقدر اقوله انه من الممكن الناس اللي عشت معهم بعد الزواج كانوا بشخصية ونظرة للناس صدمتني ولان ما قد واجهت احد بالشكل هذا وخصوصا اني كنت صغيرة تقريبا ١٩ سنة فتأثيرهم كان وكمان اكيد جزء من الموضوع يخصني.. والله مدري
اللي فعلا اتمناه ودايما اقول لصحباتي اللي متزوجة والغير متزوجة ارفعوا ثقافتكم بأنفسكم وخصوصا قبل الزواج الوحدة ماتعرف مع مين بتعيش الناس صارت بشكل مختلف تمام عن الشكل الي بينها وبين نفسها الظاهر جميل والداخل مختلف طبعا مو الكل لكن ان الوحدة تفهم نفسها وتعرف وتحدد ايش تبغى تكون كأنثى و كزوجة وأم راح يكون اساس شخصيتها سليم مع اعتبار انها ماتنظر لنفسها الا بكل حيادية وبحق . المجتمع صار متعب ومكلف ف ..
احس اني راح اكرر كلامك
ع العموم هذي تجربتي وهذي الخلاصة اللي طلعت منها اكيد في امور يمكن غفلت عنها لكن الايام والمواقف تصقل شخصية الانسان الاهم يكون بشخصية المتعلم مو المعلم وبس .
وترا هذي اول مره ف حياتي اعلق غير بوستك لهذا الموضوع في الانستقرام
لك كل الإحترام والتقدير
سلام سلام
منوره توسه ” و اكيد كنت متأكده ١٠٠٪ إن وراء السؤال فيه كلام كتير ‘,
حبيت اعلق على جوانب كتير في الموضوع
والي هي من محيط مجتمعنا بالأساس
طبعاً سبق و اتكلمت في اسنتقرام اني راضيه عن نفسي ٨٪
ال٢٪ تقدري تقولي سايبتهم ناقصين على طول لاني بين فتره و فتره تجيني اهمال لنفسي سواءً في الاعتناء الجمالي او تحقيق جزء من طموحي في حياتي العمليه
و ال٨٪ لاني الحمدلله راضيه عن نفسي ماني جميله بنسبة ١٠٠٪ لاكن جمالي الحمدلله متوسط
و من زمان عندي اعتقاد نميتو في داخلي انو الإنسانه الي تحب نفسها راح تحب العالم
مو تحبي نفسك لدرجة الغرور !!
لا حبي نفسك لدرجه تكوني حابه كل الناس ‘،
لأنو الووحده لما تحب نفسها ما حتغار من احد ولا تكره احد ولا تتمنى تسوي اشياء متحسيله عشان تكون هي الاجمل ‘،
و كمان حبي لاهلي و عطائي لهم الامحدود خلاني انسانه مسالمه احب العالم و الناس
و بداية تحملي للمسؤليه من سن صغيره اتعلمت اكون واثقه من نفسي و طموحه جداً
احب حياتي العمليه جداً و ناجحه و لله الحمد
بدئت من سكرتاريه الين سرت مديرة قسم و مديره شؤون موظفين
بالبدايه ما قلت لا انا شهادتي بكالوريوس ما حشتغل سكرتاريه لا اشتغلت على نفسي قبل اشوف المركز او الراتب
دا الي فات كلو من جهة تقيمي لنفسي ‘،
اما عن المحيط والعالم
امي اول ام كانت تمنع بناتها من الطلعه و الخرجه لخارج السرب الي عملتو لينا
يعني اهل و جيران فقط لا غير’،
لاكن كسرنا دا الحاجز و سارت اكتر وحده تحب صحباتنا و خرجاتنا
اعرف كتير بنات امهم محرمين عليهم اشياء كتير و برضو فوق كدا البنات عايشين حياتهم و من وراء اهليهم لانو كل ممنوع مرغوب ‘،
و اخيراً ماحطول كتير
بس بجد الوحده تحب كل حياتها و لما تحب نفسها و ذاتها راح تدلع نفسها و تأنتكها
و فوق كدا حبي الي حوالينك لان الحياه المسالمة اكتر شي جميل بالحياه
دوري الشي الجميل في شكلك و شخصيتك و مهاراتك و اشتغلي عليهم لانو فعلاً الجمال يغطي على كتير عيوب ‘،
و المبالغه دايمن مو جميله
و ع فكره حلو يكون للوحده صحبات يجتمعون على فكر واحد
يعني انا عندي قروبات من صحباتي ماشاء الله
عندي ٦٠ بنت كلهم صحباتي
قروب بنات نحب الكشخه و اللبس و تغيير الاستايل و الرقص و الفله حياتنا جميله عايشين يومنا بطوله و عرضه
و قروب بنات جداً طموحات عمليات الجانب العملي قد يكون اكثر
بس بالاخير اخد من كل إنسان إلي احبو و احاول اغير الشي الي ما حبيتو لاني إنسانه تعشق التغيير ”’
غيري من نفسك و اهلي و الي حولك
حتى زوجك و اولادك و تكون للاحسن
مو تكون لنظرتك و الشي الي تبغيه و تفرضي رائيك حتى لو خطاء بنظرك يكون صح
لا ‘،
نغير كلنا للجمال في كل شي
والله جميل يحب الجمال
و بس احوبك ارتوس على قولة اهل جدة
باقي ما كملت وش طير الرد
المهم رابعا اللي بغيرهم اولا بنحف شوي وبشد جسمي كويس وبهتم بشهري وبشرتي
من الناحية الثانية والاهم الثقافة جداً جداً اهتم فيهابس السنه هذي حرسه ان عقلي صار فيه ضمور لان وقتي كله ضاع بدراستي عكس زمان كنت مهتمه بكل التفاصيل من برا ومن داخل يعني جسمي وعقلي كانت بشرتي أحلى وثقافتي اعلى كنت أتناقش السنه اللي فاتت من دون خوف وخجل وكنت واعيه بأشياء كثيره الان صرت احس نفسي متشائمه واستحييت أتكلم نفس أول وذوو بعد ودي أتقن الانجليزي إتقان تام وصراحة احس صرت لأهيه بالاجهزه كثير لازم أعيد التفكير بهذا الموضوع وو ابي أتقرب لربي اكثر وأكثر وفي كثير عادات سيئة ابي أتخلص منها عشان ذاتي لآني ما ارضى أكون اقل من الناس
ان شاء لله ما تنتهي السنه الا انا نص هذي الأشياء عاملتهم
شكرا على مواضيعك اللزيزه
وربي يوفقك وجميع المسلمين
توسه جداً أسفه مليون خطأ إملائي بالكلام بس ترى الايباد اكتب شيء ويطلع شيء
خالاتي *خالصتي
عمارتها *عماتها ،
معليش:(
تمنيت التدوينة ما خلصت 🙁
للأسف فكرة رواج الجمال بقبيلة معينة عذي عندنا.. رغم أني أشوف فينا العادي وفينا المتوسط وفينا الجميلات .. زينا زي أي قبيلة ثانية.
بعض البنات وحتى النساء البالغات والكبيرات.. حتى لو جمالها متوسط أو عادي.. لكن يجملها زود عنايتها بنفسها و روحها و أسلوبها في التعامل مع الحياة بشكل عام…
مثال لشخصيات حولي وأتعامل معاها.. بنات أعرفهم في مجتمعنا.. نقاادات بشكل على البنات غيرهم.. لو يحضرون زواج من النوع اللي يعذربون كل الناس وما يمدحون أحد و كل البنات “هيلق” و مو حلوين و أجسامهم وع ودايم الناس غلط واحنا صح، دايم الناس قديمين واحنا آخر موضة ومن هالحكي.. جدا جدا غيورات ويشوفون أنفسهم ختموا الجمال و ترفيعهم لبعض في المناسبات مستفز خصوصا للي عارف البير وغطاه…كثير صاروا يتجنبون النقاش معهم أو أخذ رايهم في شي.
في المقابل .. قبل كم شهر سكنوا ناس جنب أهل زوجي ( من نفس قبيلتنا) .. و كانوا خوات زوجي مبهورين فيهم خصوصا في الأم.. وكل مره يكلموني عنها ويحمسوني أشوفها.. و حصل و شفتهم و جلست معاهم… انصدمت تماما.. الأم عمرها فوق الـ65 ومزوجة بنات بناتها.. لكن والله ماودك تسكت من كثر ما شخصيتها جذابه وتهتم بالتفاصيل الجميلة .. جدا مرتبه في لبسها وحركاتها.. مش متصابية و تتشبب على آخر عمرها وبنفس الوقت ماقالت بسوي أي شي وبقول أي شي والناس لازم تعذرني لأني كبيرة في السن… ومن كلامها عندها فكرة عن كل شي في الحياة.. تدردش مع المراهقات والبنات الكبار وتناقش اللي في سنها. تبارك الرحمن عليها.
فبنسبة لي الجمال ما يرتبط بالمظهر الخارجي فقط.. وتقييم الآخرين جدا ظالم وسطحي لو تم بناء على الشكل الخارجي.. فما بالك لو قيمتي نفسك بناء على شكلك وانتي عندك ميزات ثانية تجاهلتيها وأبخستيها.
الفنانة ميرال ستريب تعرضت للنقد زمان.. ما أذكر الكلام حرفيا لكن قال فيما معناه (هي بشعة جدا كي تمثل في أفلامي) و قالت أنها تقريبا صدقت كلامه وظنت لفترة طويلة أنها بشعة جدا حتى تكون ممثلة! .. واليوم تقول أفكر فيما حدث وأضحك.
أحب مواضيعك اللي تخلي البنات يفتحون عيونهم للداخل قبل ينظرون للخارج..
شكرا توسه
سوري في الكومنت الي فات كان قصدي ٨من١٠
و ٢من ١٠
و اشياء كتير اخطاء وبس
وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا.
صباح الخير يا جميلة
صراحة موضوع الثقة بالذات والرضى بالنفس احس صاير فعلا مشكله ! والسبب من وجهة نظري المحيط اللي حولك يعني بذكر لك مثل انا نحيفه بمجتمع متملئ نوعا ما مهما كنت متأنتكه ومتضبطه مايركزون الا انتي نحيفه امتني شوي !
فصراحه يوم كنت مراهقه والله انجرح من هالشي خصوصا ان فيه ناس تحب تنقد لمجرد النقد فقط يعني لو على نقدها تحسين انها مارلين مونرو وهي شينه فعلا ! بس الحين يوم كبرت وركدت ههههههههه عرفت وفهمت شلون الحياة ماشيه صرت اعطيهم الاذن الصمخا على قولتهم مو لشي بس لو اجسامهم صحيه بقول صح معهم حق بس الله بالخير ، جد ارفقو على المرهقات والله ترا يعانون يلقونها منكم ولا من الاعلام اللي كل شوي يرووج شي جديد لمفهوم الجمال وتذكرو ان الكلمة الطيبه صدقه <تلحطططمت وقضيت
اما بالنسبه لي اشوف اني راضيه عن نفسي خلينا نقول 7 من 10 على الصعيد المعنوي والمظهري <مصطلح جديد
وعلى فكررة قريت قريب دراسه سووها على مجموعه من النساء بحيث انهم حطو بوابتين وحده مكتوب(جميلة)والثانيه(عاديه) ف لقو ان تقريبا 2 % هم اللي دخلو من بوابة(جميلة) والباقي من بوابة (عاديه) بالرغم من انهم جميلات !
وإجازة سعيدة يارب❤
صباح الخير
كلام عقلاني ،، كل انسان يحتاج للتطوير وتنمية مهاراته بكل مرحله بحياته،، وتعلم الاشياء الي تطرأ علينا بسبب تقدم التقنيه ونحاول نواكبها حتى لو بالقليل ،،
في أشياء كثير ممكن تعوض عن الجمال بشكل نسبي طبعا لان الجمال مع شخص فارغ تافه ماراح يكون له اي اثر وبينمل خاصه من الاشخاص المحاطين بك كالزوج مثلا؛ لأنهم بـ يعتادون عليه وبيشوفنك عاديه بس الاشياء الاخرى هي الي تبقى عوامل جذب وهي الي بتحسس بالسعاده والجمال اكثر من الجمال نفسه؛ مع انه الجمال مطلب والكل يتمناه ولكن عدم وجوده بشكل واضح لايعني افتقادنا له .
دمت بخير
ارتوس كلامك مقنع جدا وياليت الناس تغير نظرتها للأمور المهمة بالحياه .. الجمال مو كل شي !! فيه ناس جميله وتكرهينها بسبب تصرف او كلمة جارحه قالتها
بينما فيه ناس الله ما اعطاهم الجمال لكن الروح الجميلة تأثر ونصير نشوف الشخص جميل ،، ببيتنا انا يوم كنت صغيره كنت كله اشوف نفسي اقل اهلي جمال
ومن كلامهم عني حطيت ببالي هالشي واقتنعت ان كلهم اجمل مني لأنهم ابيض مني .. وكانت حتى جدتي وانا صغيره كنت دايم اسمعها تقول هالكلام ان هم ابيض وانا اسمر وحده وكان يجرحني هالشي جدا .. والحين لما كبرت واستوعبت ان كل وحده فينا فيها اللي يميزها ، حتى بالثانوي كان الكل يقول اني اجمل بنات الفصل وكان الكل بالمدرسه يشوف اني مره بيضا وانا استغرب من نظرتهم لي بهالشكل !! او بالأصح نظرتي لنفسي اني ابدا مو جميله .. بعدين استوعبت ان البياض مو كل شي ،، وحتى بالنسبه لشعري كنت ما اعرف له كنت امشطه نفس خواتي واستخدم نفس المنتجات اللي يستخدمونها ، وكنت استغرب ليه ما يصير ناعم نفسهم وبعدين لما كبرت عرفت ان نوعية شعري كيرلي وصرت استخدم المنتجات اللي تناسبه واهتم فيه بطريقتي انا مو بطريقة خواتي وصار الكل يمدح شعري حتى خواتي الحين يتمنون شعرهم يكون نفس شعري ويحاولون يخلونه كيرلي بس مايضبط لأن نوعية شعرهم تختلف .. والحين عرفت ان كل انسان جميل بالشي اللي يناسبه واهم شي القناعة انا الحمدلله الحين تغيرت ١٨٠ درجه عن تفكيري قبل كم سنه وسعيدة بهالتغير وابي اتغير اكثر ، وصرت مقتنعة ان اهم شخص يشوفني جميله هو انا لأني لو شفت نفسي جميلة او قوية او واثقة بينعكس علي ويصير حتى الناس تشوفني كذا .. تدوينه مره حلوه ارتوس شكرا شكرا شكرا
صباح الرضا
جمييله جدا تدويناتك من هالنوع، بالنسبه للرضا عن ذاتي اعطيها٦ من ١٠ في اشياء كثيره بحاجه الى تطوير بالنسبه للجمال الحمد لله راضيه تمام الرضى ولكن أشياء تتعلق بحياتي كأم كزوجه كبنت ماني راضيه عنها واحاول اني اغيرها للاحسن ، قبل فتره تعبت نفسيتي جدا وفجأه طحت على فيديوهات معلم روحاني اجنبي يالله كلامه جداا جميل يعزز الثقه بشكل مو طبيعي، بالمجمل احس رضاي عن ذاتي متغير وان شالله يثبت ومايتغير مع الزمن
صباح الورد..،
أحب تدويناتك اللي عن الذات ووتطوير الذات.. لأن آرائك واقعية و صادقة..،
التدوينة اكيد رائعة.. مثل باقي تدويناتك..،
بالنسبة الأسئلة..،
** الشي اللي حابة اني اطوره.. اتعلم لغة فرنسية..، و عدد الكتب اللي أقرأها.. و الطبخ لاني أقل من المتوسط فيه.. و حابة أكون شخص أقوى ما اتاثر بآراء اللي حوالي خصوصا الآراء السلبية..،
و ماراح اودعك من الآن.. خلنا مبسوطين فيك لما يجي موعد اجازتك على خير..
الله يعطيك العافية.. و كثري لنا من هالتدوينات..،
انا من ناحية الاهتمام والمكياج والشعر والجسم واللبس الحمدلله تقدرين تقولين راضية بنسبة ٨من١٠
بس مشكلتي مو هنا انا عدم رضاي من ناحية ذاتي
اتمنى اكتفي بذاتي ما انتظر شي من احد
او ينكد علي احد احب اكون مكتفية بذاتي
يعني مايهم الناس وش تقول وايش ردة فعلهم عن تصرف لي
ما ابي اتصرف على اساس نظرتهم لي مثلاً شخص قال احس انك خجولة وتستحين فأحاول اغير نظرته عني واثبت له العكس!!طيب ليه كل هذا!! ووش فيه الخجل والحياء؟؟
اكره ماعندي هالنوعية اللي بس ينتقد ترى ماتدرون وش قد هالشي يأثر خصوصاً في فترة بداية المراهقة
الصراحة هالشي مرة قاهررني!
يوم كنت صغيرة واسمع الانتقادات الموجهه لي
من اختي اكثر شي تستحين،سولفي وراك ساكته،مالك داعي،وشوله سويتي كذا،عيب سلمي عليها ماسلمتي!لدرجة صرت احس اني على خطأ!!ماخلوني اتقبل ذاتي زي ماهي دايم يبون يغيروني!فهالشي خلا عندي فكرة ان لازم اتغير فصرت اجبر نفسي على اشياء وتصرفات ما ابيها!! من فترة لاحظت هالشي وااخذت قرار ان معد احد له دخل فيني هذي انا وعاجبني حالي! كلامي قليل عاد والله مواضيعكم خايسة!وراك ماتضحكين!!عاد والله مايضحكني!ابتسمي على الاقل مجاملة!عاد هذي انا ماعرف اجامل وش اسوي!! ناشبين للواحد حتى في وجهه حمدلله والشكر
مب لازم نكون كاملين قدام الناس ترى!!؟فكرة ضحكات المجاملة والنفاق ابد ماتعجبني
نرجع لموضوعنا ههههه
اتأثر بالكلام كثير وهالشي خلا عندي تناقضات من ناحية احاول اكون واتصرف زي ما انا ومن ناحية اغصب نفسي اسوي عكس ما ابيه من
تأثير كلام الناس علي
ابي اقتنع بذاتي واتقبلها زي ماهي!!
بس بإذن من اليوم ورايح محد له دخل فيني وماراح اسمح لاي كلام يأثر فيني يكفي
بمدح نفسي واعزز لنفسي وارفع من معنوياتي بنفسي واسعد نفسي بنفسي بأكتفي بنفسسسي و خلي يقولون اللي يقولونه
اوجعت راسك ياكثر بربرتي
بديت اكتب وماقدرت اوقف احس من زمان مافضفضت اشوا انك فتحتي الموضوع
الموضوع شيق وانا اقرا اقول متى اوصل اخر المدونه عشان ارد
ما اخفيك انسدت نفسي لما قلتي بنقطع عنكم والمده طويله
المقصد مو انانيه وحب تملك
بس فعلا حبيناك وأدمنا وجودك والفائده الكبيره اللي نلقاها منك
الله يسعدك يارب ويرزقك اضعاف ماتتمنين
بالنسبه لموضوع الرضى مابي اكون مثاليه واقول راضيه
لاني فعليا مو راضيه تمام الرضى
احاول اتعلم قد ما اقدر اقرا استشير
مع اني قبل سنتين من الان انسانه ثانيه
وهذا يرجع للتربيه اللي تلقيتها وللمحيط اللي اعيش فيه
طبعا انا ما احط النسبه كلها عليهم
انا كمان لي عقل والمفروض لما اكبر واستقل بنفسي اغير نفسي واطور منها
واتعلم ولا انتظر احد يمد يده لي يساعدني بهالشي
وبرضو مانلوم الاهل الحمدلله عندنا جوالات وعندنا اشياء ما كانو
اهلنا قبل يعرفونها وهي وسيلة التطور والتغيير للبعض
اكيد كل انسان يطمح يغير نفسه ويطور منها
بس هالمفهوم يختلف من شخص لشخص ومن عائله لعائله
فيه ناس مفهومه للتطوير اني اسوي بزنس واكسب فلوس
هو يشوف كذا انه طور نفسه
وللأسف كثير حولي عندهم هالفكر
محصور تفكيرهم حول فلوس وسفر هذا اكبر طموح ممكن يوصلون له
وفيه ناس اصلا ما تعرف ولا تبي تعرف
بينها وبين نفسها تعايش الآلآم وتحس بكل تناقض هي تسويه فالواقع
بس قدام الناس تنكر ولا تبي تعترف بهالشي ومستمره على نفس التصرفات
مع انها في قرارة نفسها تعرف وين يكمن الخطأ
وهذا التصرف يبعدها عن نفسها وتصير مو متصالحه لا مع نفسها ولا مع الناس
احيانا الواحد يجد صعوبه في مصارحة نفسه
لانه مايعرف الطريقه اللي يكون فيها على صح
وفيه ناس تربو على نظرة الناس لهم
تلقين عبارات التربيه عندهم محصوره على العيب
حتى لما يقول حرام على شي
يقوله وهو يفكر بالناس
مو لأنه حرام وبنتحاسب عليه
وهالشي يوضح من كلمة وش تبي يقولون عنك الناس
اكره هالكلمه ولا احب اسمعها
كأني طلعة عن إطار الموضوع هههه
كثري لنا من هالمواضيع ربي يعافيك
ياحبي لك يا ارتوسا
جد وسعتي مداركي و خليتيني احس ان في شي ف حياتي ماكنت متبهه لو
اتا من النوع الي اتذوق الجمال ف كل شخص
وكنت دايما بدال ما التفت لشي السيئ التفت للجيد فيه
وعمري ماصادقت شخص ع اساس الشكل اهم شي يكون صديق جيد و خلوق
والحمدلله ما اتذكر اني انخذلت لاني كنت ادور الشخصيه الجيده
الآن وضعي شبه اختلف صادقت ناس غير وبديت افقد شخصيتي القديمه
احس اني تغيرت عن زمان وماعاد سار يعجبني احد
ولا اتذوق جماليات الاشخاص وحتى الاماكن زي زمان
بس ذكرتيني بنفسي .
من ناحية رضايا عن نفسي انا بطبعي احب واعشق الكمال
يعني جزء من تكويني اكيد بيكون ردي 1-10
لكن بخذل نفسي ذي المرا وبقول 3-10
انا مضيت فتره من حياتي اقرا كتب صحيح مالي اختلاط كبير
وتحارب مع الناس لكن اعتبر شخصيتي نوعا ما عطوفه وجيده
ماني كامله ماني افضل واحن شخص بس شخصيتي تميزني
الحمدلله يارب
ارتوس جد مالك مثيل ربي يحفظك لاهلك ولمن تحبي ولنا
صباح الخيرر ارتوسه
ما بعد كلامك كلام كفيتي ووفيتي
بالنسبه لتقيمي لنفسي ف اعطي نفسي ٧ من١٠
والان انا في فتره تطوير في كل النواحي
ااجازه سعيدهه و وبتوحشيني بحفظكك الله
يا قلبي
بالنسبة ليا الجوانب الي ابغى انميها واطورها كل حاجه , عندي امنيتين باضل احققها الين اموت
الاولى ابغى اجرب كل شي مو حرام .. كل كل شي يخطر بالبال
الثانيه ابغى يكون عندي جزء من الخبره في كل شي .. كل مجال كل موضوع يكون عندي فكره عنه
في الفاشن باحسن مستواي باستمرار في امور البيت في التقنيات حتى في مجال الترفيه السفر , الانترنت الخ
الشعور بالرضا عند الاغلب يكون مستمر , طبعا لا . الشعور بالرضا يكون عاللحظه الي عايشتها اما لو بقيت ع نفس المستوى بعد كم سنه ماراح اكون راضيه اكيد , يعني المسأله ماتتوقف الا بانتهاء العمر .
صباحك سكر..سردك للموضوع رائع لدرجة تمنيت مااقرى كلمة ودمتم بحب ههههه عشان يطول الموضوع اكثر…بالنسبه للرضاي عن نفسي للاسف مو راضيه ابداا ابداا يعني ممكن 3 من 10 لانه حاليا اواجه امور اكبر من قدرتي وعجزت امسك زمام الامور وتلخبطت الدنيا عندي وفوقها تعطلت دراستي الجامعيه..وعندي نونو جديده :((( ف للحظه حسيت لما مسؤؤلياتي زادت اني ماقدرت اسيطر ع الوضع بس ان شالله الامور تتحسن مع الوقت…يارب تتذكريني هذا نفس نكي في الانستا وكنتي دايم تردي عليا انستقرام بس من فتره غيرت اسم حسابي واحس ماعرفتيني:((((((((
انا اعطيت نفسي صفر يوم سألتي في الإنستاقرام وسالتيني ليش ومارديت ..
امممم تنقصني اشياء كثيرة بنفسي واهمها الذكاء والثقة بالنفس
الذكاء ليش ؟! انا للاسف خلصت الثانوية من سنتين ونسبتي في الثمانينات وللان مادخلت الجامعة
بالسنتين اللي قضيتها بالبيت ماعرفت اسوي شي بحياتي غير اني جلست اتفرج على كل الافلام والمسلسلات الاجنبية بدون ان اخذ اي فائدة تذكر بس كنت مبقبقة عيوني وكارهة نفسي وكارهة حياتي وابغى امشي الوقت
للاسف ماعندي طموح او كان عندي طموح في الاثنوي بس الان اختفى
كل يوم اصحى من النوم واسئل نفسي هالسؤال انا ليش عايشة للان !
لا انا اللي اشتغلت وساعدت اهلي في البيت ولا انا اللي حضرت شي مفيد
صحيح بديت اقرأ كتب بس احس انه عقلي صغير وموفاهمة شي من اللي اقرأه
نجي عند الثقة في النفس مدري ايش اقول غير زيرروووو
احس كل العالم من حولي يتقدموا وانا اتراجع واتاخر
جد جد السنة الاولى بعد التخرج من الثنوي كنت ابكي كل يوم واتضارب مع كل اللي بالبيت ونفسيتي كانت تعبانة
ثاني سنة كارهة نفسي وعايشة حياتي بسلبية ولو سارلي شي جميل اتفاجئ
عشان كذا 0
والحمدلله على كل حال.
صباح النور أرتوس
كلامك كان مقنع ومنطقي يعبر عن حقيقة مجتمعنا العربي و هذا ما اراه بأمي عيني في كل مناسبة و أسمعه في كل حوار
في واقعي الذي أعيشه هناك أسوأ من النماذج التي ذكرتيها …تلك الذماذج كانت أقربائي ففي كل زيارة أو مناسبة أرجع للبيت دائما باكية ساخطة على حظ التعس…مرت تقريبا عشر سنوات منذ قطع علاقتي بهم و كلما كبرت كلما كرهتهم أكثر و كلما حاولت النسيان أو التناسي و التغاضي عن تصرفاتهم أرجع و قد حقدت عليهم أكثر….فإشعال الفتن كانت اختصاصهم الذي يبرعون فيه ..انهم لا يتغيرون…سبب كل هذا الشر فقط لأن أمي ليست من عشيرتهم
الجوانب اللي من المفترض أنميها و أطورها للوصول لنسبة من الرضا عن الذات هي
-إلترامي التام في المشي على الخطة التي رسمتها لمشروعي الجديد باذن الله
– الإستمتاع بالأشياء الصغيرة في حياتي ففي يوم من الأيام سأدرك أنها كانت أشياء كبيرة
-ترويض سلوكياتي
يكفيني تحقيق هذا الآن
اللي يبحث عن حياه حقيقية حلوة يخرج من السعودية و يقاطع السعوديات لانهماغلبيتهم هم اكثر مخلوقات تحارب الجمال في كل شيء
وجودهم ملأ العالم بالقبح ، قبل ما توصلهم تمنولوجيا السوشيل ميديا كان الذوق العام بأمان ينقال على يسرا جميلة و لجين عمران فاتنة و صباح متجدده الخ بعدها استلمنا الساحة و بدأت البشاعة شينة عجوز تخرع ما عندها مكوة نحيفة بزيادة صدرها صغير وع قرفو الناس بحياتهم و حرمو العالم من تذوق الجمال
اطلع بس اوربا الجميلين و شوف كيف يتذوقون البشرة السمراء و السوداء و الحنطية و الشفافة و اللي بنمش و الصافية عالم فنانة بالفطرة تحسهم يتكلمون موسيقى
كيف نقضي على أمية الجمال ؟ قالته ارتوس لا تعطون للجمال اكبر من حجمه و بتقدرون تتذوقون الجمال بكل شي بكل مخلوق بكل بشرة و بنفس ابوقت زي ما قالت ارتوس حبو ابنائكم اطرو فيهم كبروهم صح مقاييس النجاح و عوامل السعادة ماللجمال علاقة وحيدة فيها .
كلامي قد يكون قاسي بس خلاصة مراقبة و استنتاج شخصي بحت
السلام عليكم .
من منطلق قول النبي صلى الله عليه وسلم: (من لا يشكر الناس لا يشكر الله) .
قبل سنه و 11 شهر كنت أتصفح النت بصفحه فيها بنت تنتقد ملابس الفنانات برمضان , أعجبني إسلوب البنت كانت دقيقه و تنقد بضمير ماهو بس تطمش , قمت دخلت معرفها و عن طريقه وصلت لمدونتها , كان عمري 20 وزني 92 كيلو رايحه لثالث جامعه , و دوبني باديه أسوي رجيم قريت مدونتك كامله فصفصتها فصفصه ما ضيعت ولا كلمه ما قريتها , كل شيء قريته جلست عليها أسبوعين كاملين قبل ما تنقلينها لـ ” Artos bla bla bla ” و تابعتك بالإنستقرام بحسابك الأول ” Artos_ksa ”
تكلمتي عن الأناقه الأهتمام الرشاقه النظافه العنايه بأدق أدق تفاصيل الجسم , وقفت قدام المرايه و ناظرت جسمي قلت إلى متى يا روابي ؟ جسمي كان قبيح مافيه أي ذرة جاذبيه و مبقع ما كان فيني شيء حلو إلا شعري ملامحي حلوه بس غايصه بين الخدود مافيه ملامح أبد , من نفس اللحظه كلمت أخوي و قلت أبغى سير كهربائي من بكرا كان السير عندي و حزمت على نفسي , كنت من قوة الحماس أمشي ساعه و نصف يومياً و أشرب ماء ككثثثيييرر , و آكل فاكهه بس ” أدري كنت غلطانه ” بس ما أستمر الغلط لما بدأ شعري يتساقط على خفيف , وقفت الهبال و قمت نظمت لي وجبات باليوم بعناصر متكامله بس على خفيف ما انسى أيضاً جزء من الفضل , للكويتي النينجا كان دايم يقول الحرمان مقبرة الرجيم و قليل دائم خير من كثير منقطع , عموماً كنت أمشي و مخففه أكل و أسوي تمارين الكارديو , بعد شهر و نص وقفت عالميزان و أنا كلي حماس صار وزني 80 كيلو أنفجعت أنفجعت أنفجعت بشهر و نص نزلت 12 كيلو ؟؟
كييييييييف و أتحمس أكثر و أكمل بنشاط أكبر و بهمه أقوى و أقول لأخوي أبغى جهاز الأوربتراك لأن جسمي كان فيه ترهل و أبي أحدد المعالم , صرت 40 دقيقه مشي عالسير و 20 دقيقه أوربتراك و تمارين بطن و زنود و سكوات تكبير , لأنها أنمسحت المؤخره من المشي ,لما بدأت الجامعه صار وزني 75 كيلو , رميت كل ملابسي القديمه و أشتريت ملابس جديده داومت بكل ثقه و سعاده و وناسه الكل أنبهر الكل تفاجأ .
ما بغيت اطول عليك بالتفاصيل بس أبغاك تعرفين وش سويتي ببنت وشلون كانت و وش صارت حالياً تخرجت من الجامعه وزني 57 كيلو جسمي مشدود إلا ربع , بدون سولاليت بدون خطوط بيضاء بدون بقع , جسم لونه قطعه وحده كله بفضل الله ثم بفضلك , صرت أنعم و ملامحي طلعت و برزت , ما وقفت بحثت أطلعت ناظرت و تعلمت و تثقفت و قمت أنصح و أرشد للأشياء اللي تعلمتها منك , و لله الحمد للحين مستمره عالخط و أبستمر و أطمح للمزيد .
ردة فعل أمي *
حيث كانت هي المحبط الوحيد ما أدري حرص علي ولا أيش , بس كانت دايم تقول روابي أنتي ما راج تنحفين أبد, أنتي مستحيل يتغير جسمك, أنتي هذي هي طبيعة جسمك, لآ تحاولين تسويين رجيم , صارلي سنه و نصف من نزول وزني الفعلي و للحين مو مستوعبه كيف نحفت .
يا ترى لو كنت ملتفته للإحباطات هذي كان انا الحين وزني طاق الـ 150 كيلو و العياذ بالله .
لو كانت التدوينه هذي قبل سنتين كان راح أقول نسبة رضاي عن نفسي 1 من 10 , لكن الحين و بعد هالجهد و الإنجاز أعطي نفسي 6 من 10 .
نهايةً شكراً أرتوس شكراً من أعماق أعماق قلبي , خواتي يتابعونك بالإنستقرام من شغفي فيك من حديثي عنك , فعلياً أرتوس أنتي نادره بهالوقت ” إخلاص مصداقيه تفاصيل ” ما أدري كيف أشكرك لأن حتى الشكر ما يكفي ,
أحبك أرتوس ..
صباح الخير أرتوسة ..
أتفق معاك أن مواضيع تطوير الذات خرط فاضي بس ما أنكر أنها كانت مفيدة لي بوقت المراهقة وخربطة الهرمونات ، بعد ماكبرت شوي ويمكن نضجت صارت ماتشدني مثل هذه المواضيع ..
بالنسبة للرضا عن الذات فهو نابع من تصالحك مع ذاتك ومع درجة قناعتك..
حالياً أنا راضية تمام الرضا عن الأمور اللي مثل ماسمييتها مسلّمات وغير المسلّمات مثل تخصصي وصديقاتي والمجتمع اللي محيطة نفسي فيه وحياتي بشكل عام ومع ذلك غير مقتنعة وأطمح للأفضل في جوانب كثيرة .
وأكيد الموضوع زي ماقلتِ يرجع لحالتك النفسية، الإنسان في رحلة مستمرة من التقلبات ..
(الكونتسيه إليزابيث باثوري ) اللي تقتل الجميلات والله شكلي ماهنا بعايد عنها هههه ، فيني هلع فظيع من الشيخوخة ، اصحى من النوم واتحسس بشرتي ، هذا عيب شنيع فيني
المهم ، على ذكر الجمال ،واهتمام بناتنا فيه بشكل مبالغ ، أنا عندي قراءة شخصية واعتبرها منطقية لهذا الجانب
حياتنا ك ( إناث ) سعوديات شبه محجوبة عن العالم ، فابالمختصر ليس لدينا حياة ، البنت ليس لديها انشطة خارج نطاق شكلها ودراستها البسيطة ،حياة مقننة بغض النظر هل تتماشى مع طبيعة البنت كإنسان أو لا !
مثلا بنتي بالابتدائي وتحب الجمباز وجيدة فيه بس لو تدري عنها معلمة الدين حقتهم تنصرع
، يمكن الزواج هو اول وسيلة تنطلق فيها البنت لعالم لن اقول مختلف ، لكن ع الأقل مغاير عن سلطة الأهل ، الجمال وسيلة للحصول على زوج بمواصفات جيدة وكلما انخفض معدله انخفضت مميزات هذا الزوج ، فيه استثناءات نعم ، لكن بالمجمل هذا الأغلب ، ومعظم اللي اشوفهم بجمال قليل اشوف ازواجهم الحمدلله والشكر والابناء ايضا ولذلك تتناسل الأسر الفقيرة بجمال قليل وع العكس الاسر الغنية تحظى بجمال أكثر ،، الموضوع يطول ، وربما يكثر معارضيه لكن يحمل نسبة صحة لايستهان بها .. شكرا لك
يسعد صباحك آرتوس
أكبر مشكلة نواجهها بالمجالس إن اللي عندهم نقص بالثقة هم اللي يتصدرونها ويحاولون ياكلون الجو بالتحقير من شأن فلانة او علانة
إعتزلتهم من زمان ويضيق صدري صراحة لو بالصدفة إجتمعت مع وحدة من هالنوع !
نكديين بشكل ومايحترمون المختلفين وياخذون أي مديح نقوله لأحد بمحمل شخصي وكاني أقول إنتِ بشعة لأني مدحت أحد غيرك !
أعرف وحدة جد جد مستفزة ماعمرنا قلنا عن وحدة إنها جميلة / جسمها حلو إلا تقعد تحلف وتقسم إنه حقن / نوز جوب / شفط / كونتور .. إلخ !
تحط لنا وحدة منشن ع صورة وحدة بانسقترام وتقول جميلة البنت, تروح تنبش بحسابها وتحطنا منشن وتقول شوفوا كونتور !
ولو مدحنا بعض هنا القاضية وتجيها كآبة !
المفارقة بالموضوع إنها عاملة كم عملية تجميل / حقن / تكبير
للأمانة ماأشمت فيها وبالعكس انا مع إنك تحسنين أي شي منتي راضية عنه ومسبب لك ضيقة هالقد, بس مثل ماإنتِ تبغين الناس تركز ع نتيجة تعبك ونقول حلو بدون مانتطرق لوش سويتي وحسنتي قدمي هالشي للناس وخلينا نكتفي بإننا نقول هذي جميلة أو فيها هالشي جميل مالنا دخل بكيف صار جميل ووش حاله لما تغسل الميك أب أو أو !
بالمقابل فيه بنات جدًا متصالحين مع حالهم ويحولون أي شي ممكن يعتبره المجتمع عيب لميزة تميزهم بذكاء وإهتمام منهم وهالشي راجع لحجم الثقة اللي يتمتعون فيها, هالناس أعشق مجالستهم تلاقينهم هادين متزنين ولا عمرهم علقوا ع أحد تعليق سيء بشكلهم او ذوقهم باللبس وغيره, لو علقوا بيكون لشي أعجبهم وغيره يلتزمون الصمت ..
معليش كثرت حكي بس فعلاً إخترتي موضوع متصدر المجتمع سواء بالسلب أو الإيجاب ..
يومك سعيد : )
يعطيك الف عافيه
انا عن نفسي اكيد مو كل شي عندي توب فيه جوانب حابه اطورها اللي هي نظامي الغذائي جدا سيء ودي يكون اكلي مارح اقول كله صحي بس عالاقل يكون متوازن لاني ماحب الفواكه والخضار اغصب نفسي عليهم فهالشي مضايقني.. الشي الثاني ودي اتقن الانجليزيه صح اوك اعرف اتحاور واخارج نفسي بس ودي اتقنها اكثر وانتقل للفرنسيه.. كمان حابه انمي موهبة الرسم واعطيها مجال اكبر في وقتي .. حابه امارس الرياضه كل يوم .. حابه اني اقرا كتب اكثر في مجالات اكثر .. حابه يكون عندي مشروعي التجاري الخاص فيني.. و كمان ودي بمشروع خيري لبلدي .. ودي ادخل بمجال الديكور والتصميم .. و حتى التسويق..
وللامانه بدون مجامله انا احس طول ما انا اقرا مدونتك وبمجرد اني عرفتك هذا بحد ذاته تطور لذاتي واكيد ارتفع مستوى رضاي عن ذاتي… لانك فعلا تنورينا تفتحين مداركنا لكثير اشياء ..
لك كل الحب والاحترام
صباح الخير ..
موضوع شيق.. عجبني وااايد.. امممم يمكن انا من الناس اللي ثقتي بنفسي عاليه .. الحمد لله .. لكن في بعض الجوانب فيني أحاول اني اعدلها واهمها اني أعصب بسرعة واتنرفز.. تلاقين وجهي قلب أحمر .. وما أعرف اخبي اللي بداخلي .. وغير جذي الماجستير اللي كل كورس افكر اني اسجل فيه واسحب عليه لي متى مدري.. بس
اممممم
بخصوص ان الشخص يعطي ريت عالي لنفسه بسبب الجمال اتوقع ان هالشي بديهي ليش؟ لأن اول انطباع ممكن أي شخص ياخذه للطرف الآخر شكله أولا وبعدين اسلوبه وووو الخ .. وحلو ان الأم تعزز الناحية الجمالية فبنتها لكن بالمعقول يعني ماتفهمها انها ملكة جمال هالكون ومافي حد أحلى منها لأنها لو سوت جذي الأم بتكون مريضااا يبي لها علاااج!!
بخصوص اجازتج
استمتعي فيها .. استرخي.. و.. تردين بالسلاماا
مااقدر اقيم نفسي ولا من اي ناحية .. بس حالياً قاعدة اشتغل على نفسي من جميع الجهات واحاول اصير شخص جديد اطور من مهاراتي باللغه ، اعمل رياضه ، اعتني ببشرتي اقرأ كتب اطور من مهارات التواصل اقوي شخصيتي ، ثقتي .. اي ناحيه مضايقتني بنفسي احاول اطورها لشيء حلو وهالأجازه كلها متفرغه لنفسي وللتطوير .
نظرة العرب للجمال قديييمه جداً شوفي الأشعار كلها تتكلم عن الجمال ونادراً ماتلقين شاعر يتكلم عن اخلاقها مثلا هههههه
بس الآن فعلاً شي يحز بالنفس لأي مستوى وصلنا . مرة اقرا كومنتات تحت احد الصور لشريهان بالانستا .. وكان فيه وحده تقول انها دايم يشبهونها بشريهان لدرجة ان فيه وحدة معها بالجامعه خطبتها لأخوها ، لما جت الام واخته الثانيه يشوفونها قالت البنت لامها (يمه موب ذاك الزود .. صديقتي احلا منها!!)
وطلعوا :/ والبنت الي كاتبة الكومنت تقول الله يعوضني وزعلانه … الناس الي كذا ماينزعل على فرقاهم الحمدلله الي ربي فكها منهم !
لأي مستوى وصلنا ؟ يعني جمال البنت مارح يربي اطفالك ولا راح يسوي لك اي شيء سوى انها بتصير زي التحفه تتفرج عليها
اعرف ناس الام سمرا والاولاد سمر بس حريم عيالها كلللهم بيض .. الوضع مضحك مبكي .
ودي اطول بالحكي الموضوع فعلاً يستحق النقاش على نطاق واسع لجميع الناس ، عندي امل ان الناس توقف سطحيه وتحبيط وكفر بالنعم وغيره وحسد اتمنى يرتقون من كونهم انسان ليصبحوا بشَر .. و”الانسان “مذموم في القرآن اما “البشَر” ممدوح ..
بديت اشتاق لك من الحين يوم قلتي بغيب 🙁 الله يوفقك ويسعدك وين ماكنتي وترجعين لنا بالسلامه ❤
فيه عندي مشكلة وانا اكتب وهي اني ما اشوف الحروف اللي اكتبها فمدري وش كتبت يمكن الكتابة كلها اخطاء مثلا
ومن زمان عندي هالمشكلة مدري كيف احلها
وهالشي هو اللي مايخليني اشارك على اني انتظر تدويناتك في الانستجرام وع طول اجي اشوفها هنا في المدونة و ودي صدقًا اني اشارك لكن مدري وش سالفة الحروف اللي ماتظهر
يعني انا الحين اكتب على عمايه ههههههههههههههههههههههههههه
اول ما طرحت الصورة بانستقرام ما عرفت أقيم نفسي لأن فيه اشيا كثير نواحي كثيرة يعني بس سؤالك خلاني افتح الملاحظات و اكتب كل ناحية كم أعطى نفسي فيها و ع هالاساس حسبت الباقي يمكن أعطى نفسي خمسة تقريبا أحس فيه أشيا كثير حابة اني أوصل لها خصوصا في التربية أحس في اشيا ناقصتني مو عارفة لها في التربية و في التعليم برضو انا ما كملت دراستي بسبب ظروف بس أن شا الله رح أسجل هالسنة و الله يعين،، و مع أني ما درست بس تعلمت لغة انجليزية في البيت و طورت لغتي كثير و عندي كتاب مصغر عن اللغة التركية و قريته و حاولت أحفظ أغلب المفردات الموجودة بالكتاب مع معانيها و طريقة نطقها بس طبعا باقي لي مشوار مو سهل و ناوية اشتري كتب انجليزي دسمة و اقراها ،، بالنسبة للجمال انا اعتقد ان السبب في هوس البنات هاليومين في الجمال هو الإعلام و كلام الرجال الجارح عنا خلا البنات يأخذون دور الدفاع لأنهم يسبونا في كل وسائل التواصل الاجتماعي فبكذا بدو البنات يحسون انهم في خطر و تحت ضغوط التقييم و المقارنة يبدأ الدفاع و فعلا انا أوافقك الرأي احنا عاديين من ناحية الجمال حتى الحلوات عندنا يعتبرون عاديات بالنسبة لجميلات أوروبا و ما جاورها يعني يمكن هذا رأيي الشخصي،، أما بالنسبة لشريك من جد انا زيك هههههه كنت ابيها ترجع أميرة ههههه بس إلى ملاحظته في الأفلام انو ممكن رجال فقير يتزوج وحدة غنية و حلوة و ممكن رجال قبيح يتزوج أميرة حلوة بس ما قد شفت شخصية بنت بشعة مثلا تتزوج أمير جميل ابدا ما قد شفت مثل هالشي،، لازم البنت تكون جميلة و هذا الشي يتخزن في اللاوعي ع طول،، و ع طاري كيم ترا عندنا في ناس ما يعرفونها بعض صديقاتي ما يعرفونها بس هم متدينين و ما يعرفون المشاهير يعني إلى زي كذا هههه ع فكرة تدوينتك جدا حلوة و انبسط اذا شفت نزلت تدوينة فلسفية
الرد بهالموضوع طوويل وعندي كتير بس رح أجلو حاليا لسبب ببقى بنحكيه بيني وبينك
بس ماقدرت افتح المدونة وماعلق خصووصا بس عرفت انو رح تغيبي شهر
رح يكون شهر طووووووويل بس يارب تكون اجازتك متتل مابدك واكتررر واسمع منك احلى خبر بعد هالصيفية
هذي اول مره اكتب رد واحب اشكرك من اعمااااق قلبي انتي انسانة رائعة الله يوفقك ويسعدك يارب .
تعرفين يا ارتوس دائما لما اقرا مدونتك ازعل من نفسي شوي
انا اقدر لك جهدك وحبك للاخرين و اتمنى اطبق هالشي في حياتي انا عندي تجارب كثييييرة بعضها مفيد وبعضها غير جيد وازعل من نفسي اني مااشارك احد او انقل تجربتي باي شكل مع اني محبة للعطاء واحب اساعد غيري لكن نفعي مقتصر فقط على اسرتي بالمنزل يعني لو راح اعقب على موضوعك من ناحية مدى رضاي عن ذاتي راح اعطي نفسي 4 من 10 في جانب العطاء هالجانب مهم كثير بالنسبة لي و مع ذلك مقصرة
انا ناوية باذن الله افيد الاخرين مثل ماانا استفيد راح افتح لي مدونة ان شاء الله اطرح فيها تجاربي افضل من اني اكون عالصامت
وتراك ياارتوس اول المعزومين على مدونتي
الله يصبرني بس على التصوير مااااااحب التصوير وبس تكلمت كثير
ارتوس انا احبك
ذكرتيني بنفسي في البنت اللي تحس قبيلتها هم الاجمل. انا من طفولتي اترسخ في بالي ان عايلتنا هم الاذكى وعششت الفكرة في راسي واكتشفت ان اكثر العايلة في بالهم هذي الفكرة. خصوصاً اللي امهم وابوهم من نفس العايلة (بخلاف اللي امهاتهم من عايلة بعيد او قبيلة ثانية) وصرت انقهر لما اشوف وحدة تتكلم وباين عليها انها مثقفة او فاهمة. واحاول اقول لا مافي شي حصري لاحد ابدا. وحليت المشكلة هذي اني صرت اصاحب بنات ذكيات وغالباً اثق انهم اذكى مني (مو من الذكاء الخارق بس لو ذكائي ١ احرص يكونون ٦) وحسيت المشكلة بدت تنحل مع الوقت.
انا بالنسبة للرضا عن الذات احس اني راضية ومو راضية في نفس الوقت.
راضية لاني احس اني في الطريق حتى لو ما وصلت ان شاء الله رح اوصل. ومو راضية لاني اشتت نفسي ومو منظمة في اي شي. يعني ابغى العب رياضة وابغى اهتم في جمالي اكثر ، وابغى اهتم في صحتي ، واقرأ في التربية الحديثة والدين والصحة النفسية والتكنولوجيا والشعر والادب ، واتعلم لغة ، واهتم في بنتي اكثر. بس مارتبت اولويات ولا اهملت شي على حساب شي. بس اني اسويها بشكل عشوائي جداً وهذا اللي مو راضية فيه لاني احس اني ادور في حلقة مفرغة. وكمان اكثر شي كنت اتمنى اطوره واحس طورته بشكل غلط اني ارد على اللي يغلطون علي. صرت ارد وبعدها اخاف واقول ليش سويت كذا وحرام يمكن مو قصدها. غلط المفروض كل واحد يتحمل نتائج كلامه ويمسك نفسه مايغلط ماقدرت استوعب هذا الشي.
احس اني كثرت كلام اول مره اكتب كذا. :/
موضوع جميل من أنامل اجمل ، الجوانب اللي راح انميها اذا كنت بنحف راح اهتم بالرياضه والاكل الصحي ،اذا كنت اهتم بالفاشن اسوي تغذيه بصريه على جميع الازياء ❤
اسعد الله صباحك بكل خير وسعادة
انا من ناحية الرضى عن نفسي اعترف انو عندي نقص في ثقتي بنفسي احس انو لو كلفت بمهمه
زي مثلا شرح موضوع حتى لو كنت ملمه بجميع جوانبه مااقدر اعرضه بالشكل المطلوب او الي ارضى بيه
الصراحه ماادري ايش السبب الحقيقي بس بذكرلك جوانب من حياتي
انا وحده اتربيت على يد اب متسلط وعصبي لدرجه الضرب احيانا بالذات لما كنا صغار دحين يعتبر تغير عن اول
وام جداا ضعيفة يمكن لانو زمان كانو الحريم مسالمين زياده عن اللزوم فالزوج يصارخ على زوجته ويهاوشها على اقل الاسباب وهي
المفترض تكون الزوجه المطيعة وماتناقش ابداا المهم في ظل دي المشاكل الكثيرة انا اتربيت افتكر مرة كنت صغيرة لسى مادخلت المدرسه دخلت الحمام ( الله يكرمك ) ولمن خلصت كنت انادي امي عشان تلبسني وماسمعتني وبالتالي خرجت بمنشفة المهم صادفت ابويا وطالع فيا ضرب بس عشان شافني بهذا المنظر مع انو كنت صغيرة مااعرف شي وقلت دا كنموذج فقط للي كنت بعانيه عشان كذا حاليا لمن انا وصحباتي نتكلم مثلا تجي سالفه ونحنا صغار ولمن يجي دوري اقولهم انا مااتذكر لمن كنت صغيرة ايش كنت اعمل احس اريح لي من اني اتذكر حاجات مؤلمة كمان انا من النوع التختوخ افتكر مرة كنت بالابتدائي تقريبا وكنا على الغدا وفي كانت عمتي وبزورتها وكنا كلنا ناكل من بين االاكل ابويا يقول خلاص يكفيكي اكل !!! بس بما اني طفلة ماقمت وكملت بس لمن اتذكر من جد احس بطعنه بقلبي شي من جد مؤلم في بداية المتوسط امي وابوي انفصلو وعشنا في عمارة ابوي بس في شقة جدتي هيا طلبت عشان تزوج مع انو عشت بعيد عن الاثنين بس من جد حسيت نفسيتي مرتاحه مو زي قبل وانا طبيعتي حساسة وعااطفية بس افكر بشكل عقلاني ومنطقي من صغري في عمر المراهقة تقريبا بدايه الثنوي صرت امتلك جوال عمي اهداني ياه كان بامكاني اني اتكلم مع شباب واحاول اكمل النقص بدي الطريقة بس دايما كنت اشوف مراقبة ربي لي قبل اهلي وعشان لايجي اليوم الي انزل راس ابوي التراب مع انو كان يتعامل معنا بشكل قاسي وحاولت بكل مااستطيع من قوة اني اثبت للكل اني انا وحدة ناجحة من غير لا احتاج لاحد انا كنت ناجحة بدراستي واعتبر من المتفوقين صح احيانا تكون درجاتي قليلة بس عمري مارسبت وقدرت ادخل الجامعة واتخرج على الخطة وبمعدل تمام الحمدلله وكل هذا بفضل الله ومجهودي الشخصي دايما احس اني ربيت نفسي بنفسي احس كل شي كنت اسويه الكل يعارضني بيه بس بعدين ينبهرو فيه بدايتها لمن كنت متينه وقررت اصير رشيقة مو عشان كلامهم عشان انا احب نفسي وابالها كل شي جميل واللحين الكل يشوفني وينبهر من تقسيم جسمي المخصر الي كانو يعارضو فكرة الرياضة انا صح مااقدر اوفر شي او اني اكون ماهرة في شي متخصص بس لمن اطالع في حياتي اقول لنفسي انتي ناجحة بس معلقة رضا اهلك بنجاحك ( كنت متينه ونحفت , اتخرجت من قسم يعتبر صعب ( الفيزياء) بتقدير جميل , احاول احافظ على النظافة الجسدية والروحية عشان لا تروح البنت البريئة من داخلي , احب احافظ على بشرتي وترطيبها يمكن فيها بعض العيوب بس كل اتوفرتلي فلوس احب اخلصها على الكريمات , احب اثقف نفسي بالقراءة في جميع المجالات بالذات الصحة والرياضة والحفاظ على البشرة , اعرف اطبخ واتفنن بالطبخ ) كل هذا كان من فضل الله ورحمته بيا واعتمادي على نفسي
بس حاليا صرت اسوي الشي الي براسي من غير مااهتم لرضى أحد اهم شي يكون مايتعدى المبادئ والقيم واحس اني كذا مرتاحه : )
على ناحية الجمال انا جميلة بس مني خارقة الجمال بس بنات عمي المراهقات لمن اكون متكشخة ومتزبطة يقولولي تراكي مو حلوة وواحد من اعمامي كبيير نفس الشي مدري دا لو تفسير !!
اعرف هرجت وكتبت كثييير بس هيا صفحة للفضفضة وحبيت اكتب وافضفض لو في كلام يقدر يساعدني اتمنى تكتبيه ليا ..:)
وانا مررة احبك واحب مدونتك الجميلة الي مثلك 🙂
تأخرت جداً جداً بالرَد ..
أنا أعتبرك بَقمة النجاح ، مِن جد نجاحك مو نجاح عادي
وَ فوق هذا كله روحك حُلوه وَ مُميزة ، مُش روح ممله وَ لا مُحبطه أو مُتذمرة
مِن جد أتمنى ردي لك يَوصلك وَ أنا بعد أحبك
وَ قدرتك جداً لصراحتك ، أحيي كُل بنت بهالشجاعة
للاسف مالحقت ع البوست في الانستا بس تقريبا اعطي نفسي ٥ هالسنه سويت اشياء كثير بسطتتي الحمدلله منها درجاتي فالجامعه ورجعت للقراءة :))
بداية هالترم كانو يعملو دورات عندنا فالجامعة فكنت احضر للي تشدني منها طبعا زعلني كلام صحباتي انتي فاضيه تحضري دورات ووو … نهاية الترم وحدة من الدكتورات قالت اللي حضرت اي دوره تجيب الشهاده ولها بونس هنا تشوفي كيف البنات تمنو انهم حضرو طبعا مش شماته بس وقتها قلت الحمدلله
نقطه فيني للان تزعلني اني حسساسه جدا وماحب احد يتحكم فيني
اتمنى هالاشياء اتحكم فيها واكون حرة نفسي فالمستقبل
حتوحشينا ارتوس واجازه ممتعة لكِ يارب
الحمدلله *
مسا الخير لست الكل اكتر شي بحبو مواضيع النقاش اللي بتطرحيها عالاقل الواحد يلاقيلو حدا يحكي معو لو بعالم افتراضي لأنو العالم اللي بتحب النقاش الهادف بالحياه الواقعيه شبه منقرضين
بالنسبه للرضا عن الذات يمكن كتار يقولو الإنسان لو كان قنوع أو مرضي ربو خلاص حيكون راضي انا بشوف انو يستحيل مخلوق بشري يصل لتمام الرضا عن حالو لو شو ماسار وهالشي طبعا ايجابي ولا ماكان الإنسان فكر يطور حالو وعالمو ولا كان شفنا كتير من المخترعات والإنجازات البشريه كان ضلينا نعبد الله كل واحد بطريقتو وتركنا الحياه عايمه عبعض وعشنا حياه بدائية عاساس راضيين ومقتنعين
ممكن الإنسان يقرب من الرضا بس يبطل يلوم حالو أو بالأصح يخفف من شعور تأنيب الضمير طول ماهوا ماازئ شخص ولا جرحو فالمفروض يبطل يحس بإحساس الذنب عالطالعه والنازله لأنو لوم النفس والاحساس الكتير بالذنب بيؤدي لمشاكل نفسيه خطيره الواحد بغنا عنا
بخصوص الجمال وهيجان الكل بس تجيبي سيرتو تزكرت مره قريت بوست لوحده كاتبه حكي منقول من شاعره أو هيك شي عن انو حتئ لو وصلتي الأربعين أو الخمسين ضلي اهتمي بجسمك وبغذائك وتحرري من الكيلوات المحيطه بخصرك وهيك الله وكيلك ماضل حدا ماسب انو الحمدلله بناتنا سارو واعيين واكيد انتي بتحكي عن الختايره أو عن قبل خمسين سنه بنات اليوم ابدا مش هيك معهم أطفال ومهتمين باطفالهم وباجسامهم وبلبس وكلو وطبعا كل وحده بتحكي مثال علئ حالها وبتقول هي انا سمالله عليا هههههههه والله ماقدرت ارد عالبوست لأنو بعض المواقف السكوت فيها أخير ازا صح حكيهم ابصر وين متخبين هالنسوان ماعمري شفت منهم يعني حتئ النحيفه بتضل مرهرطه ومش رشيقه بس لأنو بنيتها هيك
بخصوص النسوان الكبار فعلا صح حكيك انا لما بروح عالجيم في كتير نسوان كبار اول ماشفتهم انبسطت انو الحمدلله المجتمع بدأ يتوعئ بس قربت منهم عرفت انو ولا وحده منهم فايته مشان صحتها أو تقدمها بالعمر أو خوف من الأمراض لا كلهم من أجل الرشاقه والجمال! لدرجة كلهم بحكولي انتي ليش مشتركه وانتي زغيره وجسمك مابحتاج
بكلاس الفرنسي كان في مره عمرها 60 سنه وبتتعلم معنا لغه والمس كانت فرنسيه كل الصبايا سارو يقولو بالله هي ليش متعبه حالها ايش بدها باللغه بهالعمر المس كانت بتحكيلها دايمن حكي تشجيع وتقولها لاتعتبري حالك ختيرتي لما الشخص بوصل ستين مفروض يعتبر حالو انتقل لمرحله جديده بالحياه وعمرو فيها سنه وبدأ مشوار جديد بهالمرحله وكانو ولد فيها اليوم
انا عندي اختي معها بنوتين متل القمر وحده منهم شقرا والتانيه سمرا من لما كانو زغار كل الناس بتحكي هي حلوه وهي وحشه وليش هيك ما كانن اخوات كبرو البنات شوي وهنا معقدات حتئ اختي كرهت بنتا السمرا للأسف من كتر الحكي وبتقول ياريت ماجبتها وضلمتها وسارت الشقرا ازا شافت باربي أو أي شي اسمر بتقول هادا لاختي أما أنا الحلوه الشقرا تخيلي لوين وصلنا للأسف الشديد
رضايا عن نفسي بعتقد مابتجاوز ال6 من 10 انا لسا زغيرا وباول عمري ولسا ماحققت حاجات كتير من طموحي وغير انو بحس داخلي إبداع بس مش قادر ينطلق لأنو مافي شي بساعد عالابداع للأسف انا فتاه مولوده بدوله اجنبيه وبحمل جواز سفرها الحمدلله وانا عربيه خالصه لاكن من عروق مختلفه فحامله عدت ثقافات بين المنفتح والمحافظ تربيت اول سنوات حياتي مطرح ماخلقت وكل سنه بزور هالمكان وقتها بس بلاقي حالي ماقدرت القئ حالي بين العرب للأسف الشديد
أن شالله بيوم برجع استقر بدوله اجنبيه وكفي بقية حياتي فيها وكون عيله وجيب ولاد لأنو مابدي جيب ولاد بهالمجتمع المليئ بالتناقضات والأمراض النفسيه ساعتها بس يمكن بحس برضا عن نفسي
غير اني شغوفه جدا بالتعلم نفسي سير مدربة رياضه واخد رخص بالطيران لو رخصة طيران خاص ونفسي اتعلم رقص البالروم واتعلم اكتر من ست لغات وجرب كون مودل لو لفتره وجيزه وحاجات كتير ممكن لو احكيها لغيرك يستخف فيها ويضحك متل العاده بس انا بثق فيكي وبدعمك الي ولغيري
اعذريني ارتوس مقصره معك كتير بانستجرام بس لأنو حسابي خاص بشغلي فمابقدر دايمن رد عليكي بس قريبا راح يكون عندي حساب خاص خص نص لرد عليكي ياملهمتي
موضوع جميل ومهم
بالنسبه لي الحمد لله راضية عن نفسي بنسبه مقبولة واطمح لتحقيق اشياء كثيره تفيدني وتفيد المجتمع
الرضا عن الذات والثقه بالنفس وجهان لعملة واحده وكلاهما يقودان لتحقيق للسمو والرقي سواء للشخص او للمجتمع اللي يعيش فيه الانسان
وبالنسبه لي الرضا عن الذات والثقه بالنفس البعيده كل البعد عن الغرور والانانيه مرتبطه بشكل كبير بما يحققه الشخص ونوعية مايحققه
يعني مهم جدا اطرح على نفسي مجموعه من الاسئلة وتكون اجاباتهامن اهم اولوياتي في الحياة وتكون رقم واحد سواء كنت جميله او غير جميله
اذا انا جميله … هل حققت شي مفيد قي حياتي …. هل هناك هدف اسعى للوصول اليه؟
اذا انا غير جميله… هل حققت شي مفيد في حياتي…. هل هناك هدف اسعى للوصول اليه؟
في نهاية الامر راح تكتشفين ان الرضا عن الذات والثقه بالنفس بعيييده كل البعد عن الجمال وغير مرتبطه به
والارتباط اللي نشوفه ارتباط سطحي وهامشي لان الشخص الجميل واللي يشعر بالرضا عن الذات والثقة بالنفس اذا لم يكون حلقة مهمه وقوية في مجتمعه ولا يضيف اي فائده في حياته سيكون جماله طريق لتدميره وجعله شخص تافه يبحث مايبرزه بطريقة مبتذله
شكرا ❤️
اول حاجه حابه اشكرك على مواضيعك المميزه والهادفه
انا لمن كنت صغيره كانو دايم يقولون لي خشمك مفطوس وخدود وكنت اكره هذا الشي فيني وكرهت المكياج والسبب رحت لكوفيرا زاردت ذا الشي يعني مكياجها كان اهبل مره
لكن لمن تخرجت من الثانوي حبيت نفسي اكثر تزوجت وتغيرت نظرتي خشمي اللي كنت اشوفه مفطوس في الحقيقه كان لا جميل والحمدلله وخدودي جميله الحمدلله واشوف ناس تدور تنفيخ خدود وانا طبيعي الحمدلله مع التكنلوجيا نفسي اطور نفسي اكثر يعني ممكن هذا سبب اني اعطيت نفسي2
ان احس الرضا عن الذات لمن انجز اهدافي واكون منظمه واتعلم شي جديد ومفيد
ارتوس اتمنى تتكلمي عن تنظيم الوقت كيف الوحده تنظم وقتها وتصير اكثر انجز
انا اشكرك على كل شي تعلمته منك ومن صاحباتك في الانستقرام والمنتدى حقيقه بعد الله انتي دليتني عليهم من حسابك واستفدت كثير واعتذر عن الاطاله
كلامك عن الجمال ونظرة المجتمع واقعي ومؤسف جدا تعلقنا بالجمال لهذي الدرجة
اشمئز مرررررة لما يعامل الجميل معاملة خاصة حتى لو هو طفل
رغم ان حب الجمال فطري لكن الي يسوونه مب فطري هذا مرض
بالنسبة لمقياس الجمال ككل عالميا فعلا صحيح لكن اشوف ان الزين عندنا كثير
يعني شخصيا جامعتي الحلوات ماعدهم ولا احصيهم
بس فعلا ثلاثة ارباعهم مو الجمال الجمال تكون حلوه جذابة ولا مملوحة يعني النخبه الي مجتمع فيها جمال ملامح وجاذبيةوملح ربعهم بس
بالنسبة لتقييمي لنفسي فاعطيه ٦ مع رضاي التام عن امور كثييير اسويها وسويتها
لكن كرضى عام فانا اطمح للكثييييير لسى
انا بس موجعني قلبي عالشهر الي بتقطعينا فيه بنشتااااااق لك تووسه لا تمطينه لاكثر تكفين لووووول
يالله قد ايش كلامك مؤثر وجميل فعلا الواحد من يقرا مساء صباح الحب يدخل بغيبوبه من الاندماج مايقطع عليه إلا دمتم بحب ، للأمانه وبدون هياط وبدون مثاليه وإدعاء انا مو مهووسه بالجمال صحيح إني اعشق الموضه واحب اسوي رياضه عشان أكون رشيقه لكن مو مهووسه بجمال العيون او الخشم او الشعر مايهمني ولا عمري قيمت أحد بناء على شكله ، حتى لما أحد يمدح فيني شيء أحب إنه يمدح ذقي مثلا باللبس أو شيء بشخصيتي على إنه يمدح إني جميله بالنهايه هذا كله خلق الله والجمال من الله لو كنت جميله عيون وسيعه وأنف دقيق وشعر كثيف وطويل فهذا بالنهايه من فضل الله علي وكله من صنع الله فليش أتباهى بشيء مو انا اخترته ولا سويته ؟ لكن لو أحد يثني على ذوقي أو صفه بشخصيتي أو اي شيء ثاني غير شكلي راح أفرح أكثر لأن انا اللي صنعت هالشيء فيني وتعبت عليه ، هذي وجهة عن الجمال وكلامي مايعني انه مايهمني عادي أحب اشوف اشكال جميله واعترف بجمالهم لكن مو مهووسه فيه ، استمتعنا جدا يعطيك الف عافيه مع اننا بنشتاقلك على فترة. غيابك لكن الله يوفقك ويسعدك أكيد عندك التزامات نحبككك ❤❤❤❤
الي خلاني ارضى عن نفسي ١٠/١٩ حبي لها وأحاول اعزز لها و التعلم والاطلاع والبحث والمحاولة
مافي احد كامل بمعني لو وصلت لمرحلة بشوف الي أحسن مني وهكذا
اما الرضا التام + التطوير = يخليني أعيش بسلام ورضا
ما أحقد على احد و أعيش حياتي على راحتي
ثانيا ما اعتمد على الناس مسامحه الجميع خاصه اهلى وبديت أتعلم وحدي يعني ما أقول ليش أهلي ما علموني /خلاص صرت بعمر انفكيت عن الناس وهذا اهم شي فالتطور
طبعا ما انفكيت ١٠٠/١٠٠ لا بنسبه معينه
أميرتي / آرتوس
( وقع اسمك كـ آلهةٍ إغريقية ~ زيوس ،، آرتميس ،،آريس
ولكِ أن تتخيلي جمال التناغم الفني في سيمفونية النحت
الإلهي _ كما يعتقدون – آنذاك ، لستُ بصدد المعتقدات
فأنا أتذوقُ البُعد الجمالي في كلِ كسرةِ ظل وكذلك الحال مع اسمك )
أُقيمُ نفسي ~ زنبقتي ~ في كل مرةٍ اصنعُ فيها موقفاً بغض النظر عن ماهيّةِ المواقف ،،
أُقيمُ نفسي حين أضعُ كُحلاً فـ أرى عيناي تشعُ كـ لونِ الزمرد الأخضر ،، وليس بالضرورةِ أن تشع جمالاً ،،
فقد تُومِض رضىً وأملاً وقناعة ،، ومن هنا تأتي الفتنة والجمال ..
أُقيمُ نفسي حين أُحدّثُ الله واكتبُ له رسائل
حُزني وفرحي وشوقي وتوقي ..
حين أُطور فلفستي ونظرتي لكل شيء ،،
وحين أسمو بالشِعر ( وإن كانت لُغتي ومفرداتي بسيطة )
حين أُخطيء وحين أُصيب ،،
فـ من لحظاتِ العمر تُصنع الذات ،،،،
متنفسْ /
هذا الجنونُ يسوقني نحو الربيع
نحو الزوايا الممطرة أو ربما نحو الصقيع،،
فـ لقد تساوت في بياض الذاكرة
كل الفصول الأربعة
وغدوتُ كالطفلِ الرضيع ،
أنا لايُهّمُّ لديّ تغييرُ الفصولْ ،،
مادامَ غيمُ الروح هتّاناً بديعْ ،،
صِبَا الْعاصي ( رحيل )
أهلا أرتوس ❤
الله تدوينة جميلة جدا
أقيم نفسي ٧/١٠
-لأني مابعد نحفت لحد الحين
– أكبر سبب لأني الى الآن عصبية 🙁 وعصبيتي ماعندها نية تخف، وهذي الصفة لي سنوات وأنا أحاول أخففها.
– لأني مابعد حققت بعض أهدافي.
– لأني الى الآن توضح علي مشاعري، يعني كل شي يوضح في وجهي، حتى لو حاولت أخفيه.
– لأني حساسة، ماعرف، أحيانا أقول هذي الصفة ميزة مو عيب، لأن بما اني حساسة أراعي مشاعر الناس جدا، وهالشي كثير يحبه فيني ومعروفة به، لدرجة الناس يقولوا لي أم قلب أبيض، لكن حساسيتي متعبتني جدا، حساسة وعصبية ياسلام مافيه أسوأ.
لكن الحمدلله بشكل عام جدا راضية عن نفسي، بس مابعد رضيت تماما، والصراحة أعتقد مستحيل الشخص يوصل لتمام الرضا..أحسه غير ممكن وبس، مهما صار أتوقع كل ماخلصت حلم أو هدف بيصير عندي هدف أو حلم جديد، والدائرة تدور.
ياربي كان فيه كلام كثيييير براسي بس يوم بديت أكتب مالقيت شي أكتبه 🙂
تدوينة رائعة، كثري من هالتدوينات، وتدوينات عن ليون والقطط بشكل عام والحيوانات ❤
استمتعي يأرتوس بإجازتك وراح توحشينا ❤
عمري 30 سنه و مقياس الرضا عن نفسي مايتجاوز 2 من 10 من جميع النواحي الجماليه والعقليه والروحيه….
اعتبر نفسي اقل من عاديه من ناحيه الشكل الخارجي..اذكر قبل اسبوع شفت مقابلة للمثلة Amber Heard ماقدرت اشوف وجهي بعدها في المرايه والمسألة مش مقارنة او غيرة او حسد بس كان نفسي اعرف شعور الواحده لما تكون جميلة او جذابة.
النقطة الثانيه اللي ممكن تكون مزعجتني اكثر, قبل شهر تقربيا قررت انني ادخل اختبار IELTS وكنت اقراء في المنتديات الاجنبية كيف اشخاص حققوا درجات عاليه وكنت مؤمنة اني راح احقق درجة عاليه خصوصا اني خريجة لغه انجليزية المهم اختبرت وجبت 6 من 9 واتوقع السبب اني جلست بدون اي نشاط اكاديمي من 2009 الى 2015
بحثت اكثر عن احصائيات من باب الفضول لقيت ان الالمان متصدرين القائمه في الاشخاص اللي حققوا درجه اعلى في الاختبار والعرب من ضمنهم السعوديه للاسف كانوا في تصنيف الدول اليي حققت درجات متدنيه.
حاليا اهتمامي انه احسن مستواى الاكاديمي بديت اتعلم اساسيات الرياضيات والجبر ان شاء الله اتعلم لغة جديده.
الله يعطيك العافيه ومن جد راح توحشيني من اللحين. الله يسعدك
اول حاجه شكراً حياتي ارتوس على الكلام وبنفقدك كثير بس بما انو اجازه لك ان شاء الله تنبسطي حبيبتي
الحاجه الثانيه الثقه بالذات والرضا .. نسبيا راضيه الى حد معين بعطي حالي ٦ من ١٠ السبب من نقصان ٤ هو انو قبل ايام الثانوي كثير واثقه بنفسي عالعمياني انو حوصل لطموحي واحقق اللي اتمناه .. بس بعد الثانوي لما مانقبلت في الجامعه نقصت للأسف فمصارت الثقه موجوده زي المعدل اللي قبل، وصرت انصح اللي بيدرسو يشدو على حالهم لحتى مايكونو مثلي /:
ارتوس امنيتي أني أكون حره وامتلك حريتي زي مااحب .. ودي اسافر لحالي ودي اطلع لحالي بدون مااستئذن من أحد … ودايما اغبط البنت الي اهلها او زوجها يعطوها الحريه الكامملة…أدري شطحت بس كذا كلام ودي اطلعه .
باالنسبه لرضاي عن نفسي تتعلق بمدى تحقيقي لاحلامي … والحمد الله بفضل ربي حققت الكثير من احلامي لكن ماتزال هناك الكثير ماحققته وهذا الشي خلى ثقتي ورضاي بنفسي متفاوته
مثلا امنيتي ادرس ماستر والحمد الله هذا انا ادرس ماجستير وهالشي يخليني ارضى عن نفسي كثير ..
امنيتي اكون دكتورة في الجامعه ..امنيتي اكون أمرأه قويه تمتلك زمام الامور وتححكم في كل شي حولينها ..امنيتي اكون ام صالحه لطفلي ..واكون ابنه باره بوالدي ..امنيتي اني اضل طول عمري اهتم بشكلي الخارجي ومااهمله من غسول للبشرة وتنظيفه والاهتمام بجسدي كأنثى ..ابغى امارس الرياضه دائما ..ابغى اعيش انوثتي بكل تفاصيلها من اهتمام ودلع ..ابغى احب نفسي وادللها ابغى اتعلم الرقص .. ابغى اكون اجتماعيه واترك الانطوائيه والخجل …ابغى اسافر …وابغى وابغى …..
في نظري اني كل ماحققت شي نفسي فيه واتمناه كل مارضيت عن نفسي أكثر وأكثر …كل ماتقاعست واعتمدت ع الاخرين وماسويت لنفسي شي كل ماكانت ثقتي بنفسي ورضاي في مستوى الحضيض ..هذا أنا
مرضوعك جميل يا ارتوس و شكراً لانك فتحتي باب للفضفضه انا قيمت نفسي في البوست الي نزلتيه على الانستغرام و اعطيت نفسي سته من عشرة و استبعدت الشكل و الجمال من التقييم لسبب اني ما اعترف فيهم اطلاقاً احب الصداقه و ذي العلاقه بذات عندي مقدسه فعشان كذا اسال نفسي دايم هل لو وحده حبوبه و قليله جمال ما راح اصدقها ؟؟ طبعاً لا راح اصدقها الشي الوحيد الي يخليني ما اتقرب لبنت هو الصفات الغير لبقه او الخطيره او المزعجه فقط لكن لو كانت وحده حبوبه و صادقه و متواضعه و ما شاء الله تحسين بثقتها طالعه من بريق عيونها اكيد هذي مكسب لي فجمال غير مهم بالنسبه لي و المخيف في الموضوع ان دايم الناس يقولون لي انتي جميله انتي جميله و انا ما اشوف هذه الجمال لدرجه ان رحت عزيمه كبيره و كنت انا و امي ما نعرف احد غير المضيف جو ناس تعرفو على امي و علي و قالوا انتي جميله !! يعني حتى الغرب مو بس اهلي ما اكذب عليك و بقولك اني خايفه خايفه من هذي الجمله تغيرني و اصير مثل العينات الي اشوفها قدامي ما ابغا ما ابغا ابدا اصير مثلهم صار الموضوع عندي مثل الكابوس لاني احب انا مثل ما انا اقدر اتلكم مع الصغير و العب معاه و اقدر اطيح و اقوم بدون ما احس ان كرامتي انتقصت لانه حادث اقدر اكح …اشرق بالاكل وللله العظيم يا ارتوس يمكن شطحت شوي بس فعلاً في ناس مضيقين على انفسهم لانهم يحسون في حالات طبيعيه لازم ما تصير لهم ،،اسفه كتبت كلام كثير المهم الي دخل في التقييم و عشانه نقصت بالتقييم هو تعلم اللغه الانجليزيه و الانظباط و ممارسه الرياضه و رضى والديني ابغاهم يرضون عني لانهم زعلانين من. ناحية الانظباط في اوقات النوم فقط لك حبي ❤️❤️
مرضوعك جميل يا ارتوس و شكراً لانك فتحتي باب للفضفضه انا قيمت نفسي في البوست الي نزلتيه على الانستغرام و اعطيت نفسي سته من عشرة و استبعدت الشكل و الجمال من التقييم لسبب اني ما اعترف فيهم اطلاقاً احب الصداقه و ذي العلاقه بذات عندي مقدسه فعشان كذا اسال نفسي دايم هل لو وحده حبوبه و قليله جمال ما راح اصدقها ؟؟ طبعاً لا راح اصدقها الشي الوحيد الي يخليني ما اتقرب لبنت هو الصفات الغير لبقه او الخطيره او المزعجه فقط لكن لو كانت وحده حبوبه و صادقه و متواضعه و ما شاء الله تحسين بثقتها طالعه من بريق عيونها اكيد هذي مكسب لي فجمال غير مهم بالنسبه لي و المخيف في الموضوع ان دايم الناس يقولون لي انتي جميله انتي جميله و انا ما اشوف هذه الجمال لدرجه ان رحت عزيمه كبيره و كنت انا و امي ما نعرف احد غير المضيف جو ناس تعرفو على امي و علي و قالوا انتي جميله !! يعني حتى الغرب مو بس اهلي ما اكذب عليك و بقولك اني خايفه خايفه من هذي الجمله تغيرني و اصير مثل العينات الي اشوفها قدامي ما ابغا ما ابغا ابدا اصير مثلهم صار الموضوع عندي مثل الكابوس لاني احب انا مثل ما انا اقدر اتلكم مع الصغير و العب معاه و اقدر اطيح و اقوم بدون ما احس ان كرامتي انتقصت لانه حادث اقدر اكح …اشرق بالاكل وللله العظيم يا ارتوس يمكن شطحت شوي بس فعلاً في ناس مضيقين على انفسهم لانهم يحسون في حالات طبيعيه لازم ما تصير لهم ،،اسفه كتبت كلام كثير المهم الي دخل في التقييم و عشانه نقصت بالتقييم هو تعلم اللغه الانجليزيه و الانظباط و ممارسه الرياضه و رضى والديني ابغاهم يرضون عني لانهم زعلانين من. ناحية الانظباط في اوقات النوم فقط لك حبي ❤️
وأخيرااا حصلت وحدة تتكلم بعقلانية كبيرة بعيدة كل البعد عن السطحية والمجاملات
كلامج فيه من الحقيقة الشيء الكبير ،، الناس حاليا قامت ترابع الجمال وتربط الجمال بكل شي ،، ((هذي جميلة إذن هذي تستحق كل شي جميل)) هذا حاليا اللي قاعد يصير في مجتمعاتنا للأسف ،،
بنظري انا أغلب العيون البشرية تنظر للشي الجميل وتبحث عن النواقص لتعيبه ،، وتنظر للشيء العادي وتبحث عن أيضا النواقص ولكن لتجمله ،، مانقدر نعمم اذا النظرات هذي ايجابية تكميلية أو سلبية ذات غيرة
ونا أتفق معاج في نقطة انه الجمال عندنا قليل نسبيا وأغلب اللي نشوفهم جمالهم مش مبهر ،،
شكرا لانج نورتيني بخصوص تعامل الأمهات مع بناتهم في نقطة الجمال
انا عندي بنتين
الكبيرة سمرا وملامحها حلوة والله وهادية وطيبة وجدا قنوعه بس تتأثر بالجمال جدا والمشكلة تركز وتسمع تعليقات الناس لمن يستغربون انها بنتي ويقولون لي مانصدق انها بنتج!!! ماركزوا عالملامح ؟؟ طبيعي بنتي بتاخذ شوي من ملامحي فهم يركزون عاللون لاني بيضا وهيه طالعه سمرا لاهل زوجي
وعندي اختها اللي أصغر منها بس بيضا وجميلة فعلا هذا الكل يشهد عليه مب عشانها بنتي ؛)
وأحس من نظرات الأغراب سواء فالمولات أو العيادات أو حتى المدرسة نظرات دهشة وتعجب!!
فهالشي حسيته أثر فبنتي الكبيرة ولو حتى انها ماتبين لي بس أنا كأم أشوف نظراتها لنفسها فديتها والله
اللي يعرفها يقول هذي ذهب والله بهدوئها وأخلاقها وذكائها ماشاءالله عليها
والصغيرة عنيدة وقوية ومتعبة جدا عندي أنا بس الله يصلحها لكن جدام الناس غير
أحاول قدر المستطاع إني أغرس فيهم إنه الأخلاق والتعامل والقلب الأبيض والنية الصالحة أهم من الشكل الجمالي ،، طبعا لامانع من بعض الأمور السطحية الضرورية ولكن بقدر يسير
في صغري تأثرت جدا بقصة الجميلة والوحش لدرجة إني في مراهقتي وفي أول حب لي حبيت شخص قبيح ومخيف ووو مرعب مادري ليش اخترت هالنمط
لدرجة إني كنت أتعب من كثرة تعلق قلبي فيه وأستغرب إنه كيف رضيت أحب شخص بهالمواصفات
لكن بزواجي التقليدي ربي كتب نصيبي مع شخص العكس تماما ،، زوجي في مجتمعي يعتبر وسيم جدا والكل يتمناه ويحسدني عليه
والحمدلله ربي وفقنا مع بعض
لكن ماأخفي عليج إنه في داخل قلبي قطعة صغيرة مخباية مثل الشوكولاته الداكنة الحلوة المرة تذوووووب لمن يمر على بالي ذاك الشخص اللي حاليا هو مش موجود فالحياة !!
أكتفي بهالقدر
وراح أقرا ان شاءالله التدوينه مرة ثانية عشن ألقط أمور ثانية مالحقتها
وشكرا عزيزتي
متابعة دقيقة لك لكن هذا اول ظهور لي
اممم بصراحة اول م قراءت بوست الانستا
قلت م رح اقدر احدد ابدا
سكرت الجوال واسترخيت للنوم لكن م قدرت
تفكيري مشغول بتقييمي
قمت واخذت ورقة وقلم وقلت لازم احدد تقييمي
جلست اقسم الرقم وطلع لي لكل جانب واحد من عشرة بالحد الاقصى
ومن هالواحد لازم بينزل كم نقطة وبيصفي ربع ربع
جلست اجمعها م تجاوزت ثلاثة ونص من عشرة
طويت الورقة وتركتها ولما صحيت رجعت لها
وجلست احسب النواقص واحدد اسبابها
وعقدت تحدي مع نفسي ب ان ارفع النسبة
لكن م حطيت رقم خيالي لا ابدا
اتمنى اوصل للخمسة ع الاقل ب التحدي الاول
المهم طالت قائمتي وطال حديثي مع نفسي
عن ذاتي ودخلت بصراعات داخلية
حسيت فتحتي عيني ع جاانب مهم جدا
برغم ان ظاهريا مرتفعة النسبة لكن بتصنع
وهالموضوع خلاني اطمح لنسبة ترضيني لكن
تكون مبنية ع حقيقة ورضا داخلي فعلا
المهم لما فتحت مدونتك اليوم استغربت انها كلها عن الجمال
برغم انها هي النقطة الوحيدة اللي م توقفت عندها بتقييمي
مو لانني مغروره بجمالي لا لا ابدا
حتى كان التقييم بربع من واحد بس م توقفت كثيير
حتى دار فبالي وقتها هالجانب بسيط وبقدر اغطية
وبكون راضية و اذا غيري تفوق بالجمال انا بتفوق ب الاناقة
وهالشيئين ترجع لنفس النقطة
وبكذا سهل حل رقم الجمال والمظهر
ف الرضا عن الذات
و ممكن نظرتي هذي لان ف جوانب ثانية تهمني اكثر
و كل تفكيري منصب عليها وبعيد عن الجمال والشكل
عموما بنهاية هالموضوع رفعت تقييمي
ل ثلاثة وثلاث ارباع
لان حسيت ان تفكيري بعيييد جدا عن السطحية
وفرحت بهالشئ كثثييير
واكيد بيزيد رضاي عن ذاتي ب القريب
بما اني حطيت الموضوع براسي وطمحت له
و كل هذا بعد الله بفضك بجد الف شكر لك
م عمري فتحت الانستا او المدونة
الخاصة فيك ولا استفدت ❤
اعطيتي من وقتك بمقابل جمييييل جدا ممكن مو شايفتية لكن بجد كنت نقطة بداية لكثيير ..
ربي يسعدك ويعطيك لما يرضيك ي رب ❤
مسألة الرضا عن الذات اعتبرها مسألةًمعقدة
وهي فعلا ع حسب المزاج واحياناً تكون ع حسب
احتياجات الشخص.. شخصياً اعتقد اني مارح اوصل
لمرحلة الرضا التام لان راسي مليان بمليون شغلة ابي
اتعلمها بحياتي مثلا احب اطور نفسي في اللغات، تخصصي كيمياء وخلصت دراسة لكن هالعلم واسع جداً ابي اكون ملمه بكل جوانبه احب اقرأ كثير عن كبار السن وأهتم فيهم وكثير كثير اشياء .. متي يمديني اسويها احس عمري رايح وانا ماحققت الشي اللي يرضيني عن نفسي لان طموحاتي كثيرة مالها حصر كل شوي يطلع ببالي شي جديد
اما الجمال فهذا الشي الحمد لله ما يأرقني كثير
يكفي اكون مهتمة وانيقة وواثقة بنفسي
ورح توحشينا ارتوس أتمنى لك اوقات سعيدة
حطي عزيمتك واصرارك انك حتسوينها اول حاجة جبيلك مذكره واي فكره تجي بالك علطول قومي ودونيها بالمذكره وصحيح كلنا ودنا بحاجات نبي نزينها ويكون العقل مشغول فيها وهي بالارض الواقع مو قاعدة اطبقينها فانتي قومي وتحركي وحطي عزيمتك اي حاجه جتب بالك كويسة حتسوينها باذن الله مع اصرارك ما فيه شي مستحيل والله يوفقنا اجمعين يارب .
قريت مدونتك ارتوسي وحسيت اني ماشية بمنحدر، بس تفهمت ان هالشي جا من قبل ردود الناس لانهم ركزوا عالشكل ف ع قولتهم انتي ماخصك
لكن ب ودي تستكملين كلامك لانه عقلاني وتوازنين بين الثقة عن الذات والرضا،
ارتوس بناتنا انهبلن!!
معاد يعجبهم شي لا بشكلهم لا بستايلهم صاروا يبون يكونون بيست من اللي عالشاشات او حتا بالأنستا ، طبعا كلامي ماينفي اهتمامهم بنفسهم لانه شي ضروري كونها انثى، لكن وصلوا لمرحلة الضجر المقرف، طبعا الضجر بينهم وبين انفسهم لأنهم يسعون بأن يكونوا نسخ لغيرهم ويطلعون بشكل fake وليتها تضبط معاهم بعد!!
احنا كلنا نختلف عن بعض لا بشكل لا ملامح لا لون لا حتا مادة!! ليه تضطر وحدة تعمل بوتكس عشان مو حابة شكلها ، وشكلها قبل البوتكس اجمل بمراحل! ولا تركض ورا التقليد! ليه طيب؟ انتي ماعندك قدرة مادية مايعيبيك هالشي ابد ، اللي يعيبك ويضحك كمان لما الناس تعرف مستواك المادي وتلاقيك ماسكة شنطة ديور ولا شانيل، هنا العيب هنا قل الثقة وعدم رضاك عن حالك،
احنا كلنا عارفين ان اي فنانة بتطلع عالشاشة جسمها مسخرته للجمهور، ليل نهار همها شكلها ومن عيادة لمركز تجميل، هذا شغلها وهذا رزقها،
لكن انتي منتي مضطرة لهالشي اهتمي بنفسك بشكل معقول وحبي نفسك، اذا ربي انعم عليك بالصحة والخلقة الحسنة لاحظوا قلت حسنة، في ناس خلقت مشوهة خلقت معاقه، ف هذا بحد ذاته شكر، تعاملوا مع اجسادكم بعقلانية مش تعامل مع اشكال هندسية بيرفكت، اتركوا عنكم الهوس ازمتوا حالكم…
اعتقد إن رضا الشخص عن نفسة يبنى على اساس ٥ اشياء الحب، التقدير ،الرضا ،الانجاز، الوعي .
لذلك صعب او يستحيل الوصول لأعلى نقطة في الرضا عن الذات
شكرا ارتوس على الموضوع الجميل
كنت متابعتك منزمان على الصامت بس حسيت اليوم جا وقت ظهوري xD
بنشتاق لك وبنفتقد طرحك 3/> ، حتى بالانستا وإلا بس تدوين؟
بيكون غريب رمضان بدون لا تتشاركين سحورك معنا هههههه 3>.
المهم، معك وبشدة بنقطة تشبيع الأطفال بأشياء مب موجوده فيهم، قولتك إمدحي طفلك بالشي المعقول؛ نص العالم رازه صور بزرانهم بسناب وانستا وقولوا ما شاء الله وما أحلل وكإنها جابت معجزه على الكره الأرضيه! حتى دايم الاحظ “نادر” أم تمدح صفه بولدها؛ م غير عيون بنتي شعر بنتي ..إلخ
موضوع حلو وممتع للمناقشه3> من اليوم بتشوفيني كثير هنا xD.
جميلة التدوينة جدا توسة ،، احساسي بعد ماخلصت قراءة إن نفسي اقوم اصافحك <
اجازة سعيدة مقدما
لا وين كلامي 🙁 ما حطيت فيسات ليش ماطلع برجع اكتبه
جميلة التدوينة جدا توسة ،، احساسي بعد ماخلصت قراءة إن نفسي اقوم اصافحك :$
تعليقا على كلامك و ان اللي يعطي نفسه 10 فهو حكم على نفسه بإنه لن يتطور تستاهلي عليه صفقة ،، ذكرني بموقف أبو بكر الصديق رضي الله عنه لما نزلت آية اكتمال الدين وقتها كل الصحابة فرحو وهللو عداه جلس يبكي ،، كان ذكي وعرف إن بعد الكمال يجي النقصان ،، جدا حبيت هذي الجزئية توسة
اما الأشياء اللي اطورها بنفسي حاليا هي اللغة الانجليزية ضايرة انتبه عالمفردات اكثر من قبل ،،
وكمان عندي جهاد ثاني اني اصير مرتبة لووووول اغراضي مكررررركبة مرررررة
وفي هدف كان بيني وبينه خطوتين بعدين تراجعت لسبب ما ان شاء الله بخليه قدام عيوني الاشهر القادمة ..
امممممم قاعدة احاول اتذكر ايش كتبت :$
صح كنت ابغى اكلمك واتس اقلك اني اليوم بدأت دوام
بس لقيت آخر ظهور لك من كم يوم :*
اجازة سعيدة مقدما
بالنسبة للجمال الناس حصروه بجمال الشكل فقط بينما الجمال موجود بكل شئ الجمال بالكلام بالاسلوب بالتعامل بالفكر ..انا بصراحه من النوع اللي احب اتذوق الجمال لكن مو اقصد جمال الشكل .. احب اتكلم مع وحده فكرها واعي واتذوق هالوعي ..احب اتعامل مع وحده ذوووق واستمتع بهالذوق ..وجمال الشكل اشوفه بالاهتمام بالنفس والفكر والاناقه..جمال الشكل هذا هبه من ربي كيف الواحد يشوف نفسه ويتفاخر فيهاوهو ماله يد فيه وممكن ربي باي وقت يأخذ هالهبه منك ..وقتها كيف راح تقيم نفسك .. اما من ناحية التقييم اعطي نفسي 8 من 10 صح لسسسی ماحققت كل شئ اطمح له لكن لما اشوف نفسي قبل 7 سنين واشوف نفسي اللحين قطعت مسااافه كبييييره بتطوير نفسي والحمدالله يارب ..واطممح طبعا للمزيد والمزيد ..ومن جد انا انقهر لما اشوف كميه التفكير السلبي علی الكبر .. حتی ارتبط للناس انو خلاص التقدم بالعمر يعني اجلس واحط يدي علی خدي واستنی الموت..ماصرنا نشوف الاشياء الايجابيه بالتقدم بالسن ..كيف ان الوحدة تقدر تبدأ حياه جديده وعالم خاص فيها بعيد عن تربيه الاولاد والمسؤليات بالعكس راح تكون متفرغه لنفسها بشكل اكثر ..
يؤ دوبي انتبهت اني كثرت حكي ..اعذريني علی كثرة الكلام بس احب اسولف واثرثر باللي بنفسي مع شخص اثق انه مايسئ الظن في ..
ومازال في قلبي الكثير…
وراح توحشييييييني اد الدنيا ياارتوس ..واجازه سعيده يارب ❤
بسم الله شوفي الجمال مو كل شي في الحياه حلو الواحد يكون مرتب وحسن في مظهره لان الله جميل يحب الجمال واعتقد ان الجمال ما يقاس دائم علي حسن الشكل فيه جمال الاخلاق وروح وغيره وبعد امور كثيره لازم اركزه عليها من ناخيه اخري والا هي تطوير الذات اشبع الذات وتغذيتها بفواد عظيمه وانا للامانه ابي اطور من ذاتي من نواحي كثيره منهاا التعليم واحبها اكون الشي الي انا متخيلته لنفسي .
لا تعليق سواء اني اقول لا افراط ولا تفريط في حب الذات وتقيمنا لانفسنا مع اني مقيمه نفسي ٩ من ١٠ لاني اشوف انو فيه اشياء بحياتي يبي لي اطورها وانميها حتى اوصل لدرجة الكمال ،،،
سؤالك عن المجال اللي نطوره؟؟
الثقه بالنفس هي الجانب اللي ابي اطوره باني اكون واثقه اني بتعلم ثلاث لغات واكون ام مبدعه بتربيت بنتي واطفالي بالمستقبل وبنفس الوقت اكون فاشن فالثقه هي مفتاح النجاح بعد الاصرار ،،،
ابداً ماوصلت لدرجة الرضا التام مع اني الحمد لله ما اتذمر من نفسي لكن فيه سولوكيات بالحياه اليوميه تحسسك انگ وااو شي وانت تسوينها مثل رقصه احبها رياضه اسويه اول مره وافشل فيها بعدها بمحاولات اتقنها كتاب اختمه وعجبني وووو اشياء كثيره ارضى عن نفسي واعطيها ١٠ لاني انجزتها ،،،،
وعمر الجمال ماكان اساس الحياه وقالوها قبلنا جمال الروح هو الجمال لكن انا انبهر ومعجبه إذا شفت بعض الجميالات اللي صدق ينقال عنهم كمية جمال ما شاء الله ،،،،
قلووب لقلبگ النقي وراح نشتاق لگ واجازه سعييدة يارب …
بشكل عام راضية نوعا ما ، اعتقد بعمري الصغير صعب اكون راضية تماماً لا الاهداف و لا الطموح و لا الانجازات و لا الخبرة كافية عشان اقول خلاص وصلت لأعلى نقطة .
بالنسبة للجمال انا مش مهوسة ب هالجانب يعني زي كل البنات حريصة و أهتم بشكلي الخارجي و بعض من اهدافي تغييره للاحسن سواء برياضة او غيرها في حال احتاج هالشيء بس مش هوس ، مع اني بمجتمع يختزل كل شيء بالجمال يعني نعاني 🙂
الجمال العربي اتذكر كنت لما يتغزلوا بالعيون الواسعة الكبيرة و انها رمز الجمال العربي اقولهم ما اشوفها جميلة تلفتني العيون الصغيرة او اللوزية مش عارفة المسمى ، زي عيون انجلينا تقريبا مع ذلك مصرين انو عيوننا اجمل مع انو و لا وحدة منهم عيونها واسعة اللهم انهم عرب ههههههههه اساساً العرب عمرهم ما كانوا متذوقين للجمال.
والله ارتوس من شفت كثرة الردود فرحت وبنفس الوقت شلت هم تعبك ع الردود لدرجه ماكنت بكتب رد …الله ينفع بك ويبارك لك بوقتك وجهدك …انا كتبت لك ٤ بالانستا وتفكيري وقتها ماكان ع شكلي كان ع اهدافي الضايعه الي ماحققت منها شي للاسف من ضمنها الوظيفه او عمل خاص واللغه والاستمرار ع الرياضه الله يقدرنا يارب بصراحه اكره نفسي لما اشوف سنين عمري تضيع وانا مكاني اتكاسل ومرا خوف ومرا تخاذل من حولي ..ارتوسه تتهني باجازتك بس طلي علينا بين كل فتره وفتره لو بصوره من يومك
السلام عليكم .
مساء السرور ..
الرضاعن الذات بحد ذاتها عبارة قليل استخدمها يعني على سبيل المثال
حطيت في بالي شي لنقل تعلم لغه مثلا تلقيني اقيم نفسي بس من ذي الناحيه يعني عشان اكوون اوضح
تعلك لغه اعطي نفسي (كذا من كذا)
اكون صحيه (كذا من كذا)
يعني ما اقيم نفسي بالكاامل ما اجمع ذي الاشياء == (طلاسم الله وكيلك =))
فلما سالتي السؤال قبل يومين جاويت واعطيت نفسي 5 من عشره
وكان امر امكن صعب لان ما قد فكرت كذا ؟ !!
وهنا يجي مربط الفرس تقييم النفس يعتمد على عواامل كثيره
يعني لو سالتيني ذا السؤال قيل 6 شهوور بالضضبطط كان قلت 100 من 100
ليش؟ لان في ذاك الوقت تحقق حلم من احلامي البسيطه..
وانا شبه متاكده ان كل الي جاوبا بـ 10 من 10 كانوا في حالة نشوة !
لان صعب الواحد يعطي نفسه الدرجة الكاملة الاحلام تتغير الامل تتغير الطموحات تتغير الزن يتغير !!
هل يا ترى احلامي الان نفس احلامي يوم باكير واتزوج واجيب عيال ؟؟!! (على سبيل المثال) …
قطعيًا لا والف لا !!
في ذاك الوقت يمكن يكون محور اهتمامي كيف اوفر لعيالي البيئة المناسبة للمارسة حياتهم وهكذا
يعني زبدة كلامي ان مستحيييل التقيم العالي يبقى ومستحيل ايضا المنخفض يبقى ..
حياتنا تتغير فبالتالي تتغير امور كثيرة معها ..
فالشاطر فينا هو القادر على فرض نفسه امام المعوقات لجل ما يمر يوم ويقول خلاص انا استسلمت !
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وبالنسبة للي قيموا نفسهم من ناحية الجمال فقط !
شي محزن ان احنا في عام 2015 وما زال الهاجس الوحيد لنا الجمال !
عيون كبيرة ! شفايف ممتلئة! خشم مدقوق !
الكل يبغى يصير كذا وبفضل الكونتور والهيلايت صرنا نشوف نسخ متكررة ضاعت الجاذبية !
يعني بالنسبة لي اتذوق كافة انواع الجمال >>>> احم احم
بس فيه اشخاص اول ما اشوفهم ما اقول جميلين ولكن فيهم جاذبية لاجد فيهم شي يجذب
فاتمني ان ما يكون هاجسنا الاكبر الجمال عجلة الحياة ما اقتصرت ولم تقتصر على الجمال
اهم شي الشخص مهتم بنفسه يحافظ على نظافته يعرف الي يناسبه والي ما يناسبه ….الخ
وعندنا اكبر دليل قطعي حديث الرسول صلى الله عليه وسلم (إن الله لا ينظر إلى أجسامكم، ولا إلى صوركم، ولكن ينظر إلى قلوبكم)([1]) رواه مسلم.
ودي اتطرق الى مليون شي غير الي كتبته واناقش ايضا كم نقطه اخرى ذكرتيها ..
ولكن اكتفي بالي كتبته (احس جبت العيد ههههههههههههههههههههههههه)
لا جد ما توقعت اكتب 5 سطور حتى ..
وصلى اله وبارك على سيدنا محمد ..
ان اصبت فمن الله
وان اخطأت فمن نفسي والشيطان ..
دمتي نقية
في امان الله
PS:
راح نشتااااااااااااااااااااااااااااااااااااااق لك
منجد حتوحشينا بالزااااف بالزااااف
I ♥ YOU
بالنسبة لي الرضا عن الذات يعتمد بشكل كلي على التصالح مع النفس وتقبلها بكل ايجابياتها وسلبياتها وكذلك الرفق عليها في البدايه راح تمثلين على نفسك بالرضا وبعدها راح يكون طبيعه فيك لانك راح تلقين الراحة النفسيه وتتقبلين كل الظروف واصلاح مايمكن اصلاحه هالموضوع بالنسبة لي شيق وممكن لو اكتب اكثر ماراح اخلص شكرا لك ارتوس ❤️ تدرين وانا اكتب الحين ولدي يسأل اخته يقول وش احسن جمال الروح والا جمال الوجه قالت له اخته جمال النت هذي من طموحات الجيل الجديد جمال (النت) (تذكرت كلامك فوق عن الجمال)
كلامك حلو وعقلاني …
المقارنااااااات ع طول ف عائلتي موجودة.. لدرجة مرة من المرات نزلت زيارة لأهلي وبابا عزم الكل فوحدة من أقاربي قالت ولدك راسو كبيرة…. والباقيين حطو ف بالهم ينتقصو من اسم ولدي
مارديت ع احد وأخذتها بضحكة..
فسكتو
مشكورة ع الطرح المميز.
دمتي بود❤️
مرحبا سوس , من جد دا مجتمعنا يعني عندهم الجمال والبياض هم التوب بالنسبه لهم انا سمره وبنظرهم اني مو حلوه عشان سماري بس انا كافي اني اشوف نفسي جميله وكان يأثر فيني رايهم بس الحين عادي واطمح لتطوير نفسي ويكون لي عالمي الخاص ونجاحاتي
افتكر وحده تقول عني ذي ليش زوجها يحبها مره وهيا سمره وزوجها مرا ابيض كلامها ضحكني لانو تفكيرها جدا صطحي . الحمد لله راضيه عن نفسي مو ذاك الرضى ماراح ارضى تام الرضى الا اذا حققت كل شي ببالي ووصلت لاالدرجه اللي ابيها .
كلااااامك كتتيييير حلو بحب اقرألك على رواق مع فنجان قهوة
بالنسبة للرضا ممكن اعطي حالي ٦ او ٧ من ١٠
حياتي مستقرة الحمد الله وعندي بنوتة بس حابة احسن من مستوى الفتنس وكتييير نفسي اكمل ماستر
غير هيك بتيجيني احباطات احيانا من الزواج والمسؤولية بحس بدي اعمل شي لنفسي
هاي اول مرة اكتبلك كومنت بالمدونة اجازة سعيدة حبيبتي رح نشتاق لحكياتك كتييير ❤️
انا كانت معنوياتي مرتفعه ورضاي عن نفسي أقيمه جيد جدا
لكن فجاه بديت اتغير
كنت احب اطور من حالي واتعلم اشياء جديده
وحتى جماليا طورت من حالي صرت اهتم واعرف وش يناسبني
فجاه تغيرت .. كل اللي حولي صار حاسد انا اكثر وحده مااهتم بالعين والحسد والانسان يقرا اذكاره ويتوكل على ربه
مااقول ان الحسد غيرني وصكوني عين لا لا
انا بديت اتغير كل اللي حولي يذكروني كيف كنت
حاسين اني مااستحق الشي اللي وصلته
كانو احسن مني ببعض الامور فجاه صرت انا احسن منهم
وصارو يحسون ان اللي انا فيه مااستاهله هم يستاهلونه اكثر مني
صرت اتضايق من تغيرهم علي كانو اول يحبوني يهتمون فيني يشجعوني اول ماوصلت صارو يحطموني مايبغوني استمر يحسسوني اني مااستحق
فتغيرت شخصيتي من انسان مسالم الى انسان عصبي
خاليا رضاي عن ذاتي صفر خسرت ناس كثير مدري ازعل على خسارتهم او اقول هم اللي خسروني ، صار محد معي اعزز لنفسي واقول مااحتاج احد وانا قويه من غيرهم بس الواقع انا محتاجه
نفسي اقدر اوقف وارجع نفس قبل
جد الحين رضاي بالسالب بعد حتى مو صفر
مدري انا صح او خطا
مدري ليش اللي حولي تغيرو ومحد يفرح معاي لما اكون محتاجه فرحتهم
صار عندي قناعه ان حاجتي بفرحة اللي حولي لفرحتي
اكثر من حاجتي لحزنهم لحزني
لان مشاعر الفرح تكون اصدق وفعلا تعبر عن الحب
اما الحزن كلنا نحزن حتى على ناس ماقد قابلناهم ولا نعرفهم
لكن شخص غريب يصير دكتور مثلا عادي م افرح ولا احزن مايعنيني هو شخصيا لكن افرح انه شي فيه رفعه للبلد ممكن
اما لما اسمع عن حادث او خبر سيء احزن على الاهل وادعيلهم وانا مااعرفهم
وهذا اللي حطمني كثير كان حولي وقت حزني ولما فرحت ماحصلت احد معي
جيت بقول لك عن جد والله راح توحشينا
حسيت بحشرجة لما قلتي بغيب عنكم
استمتعي بإجازتك واتهني .. بجد انتي انسانة رائعة الله يحميك
صحيح انا قليل بدخل في زحمة الكومنتات بالانستا
اعترف اني شبه صنم ههه بس والله أحبك وأدعي لك من كل قلبي
❤❤
كلامك يحفز الواحد يفكر ويتكلم ويبدا يصحصح على نفسه ويستوعب ان الحياه ماتوقف على الجمال فقط
بالنسبه لرضاي عن نفسي رضاي متوسط وكل مره الاحظ عندي خلل بشغله بس اعدلها اكتشف شغله ثانيه
اشوف ان الواحد طول حياته في تعلم ورح يضل يتعلم ونشوه التعلم جميله ان عرفتي شي جديد اكتشفتي معلومه
استوعبتي اهمية لاشياء حولك ماكنتي ملاحظتها
الشي اللي احبه فيني ان ثقتي بنفسي ماتتأثر بكلام احد ومايهز فيني التعليق السلبي مع علمي ومن انا كنت صغيره جدا ماتعديت العشر سنوات ان فيه احلى مني وافضل مني لكن اقلب شرسه لاحسيت اللي حولي يحاول يكسرني ويقلل من ثقتي بنفسي
عاد مايحتاج اتكلم عن الناس الغريبه واللي اعتبرها مريضه لما تعلق على اطفال بطرق استفزازيه وتكسر ثقته بنفسه وتحسسه بنقص
تذكرت موقف وحده كبيره بالسن تضم كل احفادها الا بنت وحده عمرها سنه والسبب ان البنت مو حلوه !
بالنسبه لجمالي اصنفه متوسط واطمح اهتم لنفسي زياده بالشكل المعقول وبحدود الطبيعي بشرتي وشعري..الخ اما جسمي حاطه لي هدف طويل المدى
للاسف اني بفترة نقاهه بسبب اصابه لكن فتره وتعدي وارجع للتراك
اما الشي الاهم بالنسبه لي واللي احس ماله ليمت ابدا الفكر والجانب العقلي فيني بالضبط الحين صارلي يومين افكر وابحث وارسم خطط كيف باقدر اوصل لدرجه عاليه من العلم واكون حاجه كبيره وفخر لاهلي وللي يحبوني
هالسنه كان فيه تغير كبير لهالجانب فيني لاني تركت مساحه لفضولي وتغيري هذا عكس بشكل ايجابي على اللي حولي وتأثروا فيني وصاروا يشتغلون على انفسهم
اتخيل اني بتكلم بلا توقف لو استمريت لكن قلت اللي يدور ببالي بشكل مبسط وعذرا لو كان مخربط كلامي
يسلملي هاليدين على موضوع مثل كذا..
الموضوع حلو وخفيف ومافيه تعقيد حبيت تعليقك على نقطه مهمه اللي هيا اهتمام الأمهات ببنات غيرهم ومدحهم أكثر من بناتهم فعلا صرنا نشوف دا الشي بمجتمعنا.
لا تغيبين عنا ترى فعلا توحشينا بس طلي علينا وشهر مبارك عليك وعلينا وعلى جميع المسلمين.
اسعد الله مساك يا اجمل ارتوس
لما شفت البوست بالانستا قعدت افكر كيف اقيم نفسي وما قدرت اقيم نفسي بوقتها
بس هالتقييم قعد براسي إلى الان
انا دائما اقول نفس كلامك بالبدايه الخلقه و الاوضاع الاسريه و الماديه مسلم فيها مااقدر اذم او انقد نفسي لان هنا بنقد الي خلقني و انا مؤمنه تمام الايمان بان الله يعرف هالانسان ويعرف ان هذا موضعه الصحيح
و إذا بقيم نفسي بعطيها 6,5 ابي اطور تقربي لله اكثر ومن شخصيتي الحساسه جدا جدا ولغتي بعد ابي انميها اكثر و قرائتيللكتب
وتقدرين تقولين بعد ان مدونتك فتحت عقلي لامور غايبه عن بالي و طورتني اكثر جماليا وكل طرح تطرحينه ينميني من جهه … الحين ودي اعلي من النسبه الي اعطيتها لنفسي
ربي يسعدك وين ما تكونين و اجازه سعيده وممتعه لك يا رب
حبيت كلامك ونظرتك..الصراحه ارتوس انا صار عندي الرضى بالسنه اللي راحت والسنه هاذي ،لان احس اني غيّرت فيني اشياء كثيره تفكيري تغير كلامي مع الناس خاصه اني خليت الكل يتعرف علي وع حياتي..لدرجه أذا سويت خطا ارضى عن نفسي مدري يمكن قلت كذا لاني احب نفسي..انا ابدا مايهمني الجمال تدرين يجوني ناس كثير يقولون انتِ جميله أقولهم لا فيه الاجمل اوكيه انا واثقه الحمدالله بس فيه الأحلى ..واللي غيرني اكثر وانا سعيده انتِ غيرتيني تغيييييير عظييييييم جدا جدا
احيييييك يا توسه على هالموضوع …
انا عن نفسي و لله الحمد ماعمري فكرت بالجمال كمقياس لان الجمال بالنسبة لي نسبي ممكن اشوف وحدة ملكة جمال و غيري يشوفها عادية و العكس صحيح … و في نظري ما عمري اشوف وحدة بشعه او قبيحة لان زي ما ذكرت الجمال نسبي ….
انا و لله الحمد جميلة و جذابة بشهادة الجميع بلا استثناء لكن زي ما علمتني امي الله يحفظها و قالت لي حطيها حلقة بأذنيك اوكي انتي حلوه و جميلة و مزة و و و و بعدين ؟ وش أضاف لك هالجمال ؟؟؟ هنا المفروض توقفين بينك و بين نفسك و تسألين ، وش أضاف لي هالجمال ؟! و بعدها ممكن تغترين بجمالك…
كلمة وااااااو انتي جميلة و ملكة جمال عمرها ما تبني لك مستقبلك …
جمالي يكمل بتعليمي ، يكمل باشياء ثانية اهم و أبقى .. جمالك وش بيعطيك لمستقبلك ؟! ولا شي
انا عن نفسي في بيتي و مع زوجي و أولادي الحمدلله راضية تمام الرضا .. بس في جوانب كثيرة بحياتي يبغى لها شغل اكثر عشان اكون راضية عن نفسي اكثر و اكثر …
و بالمناسبة و الحكي عن الجمال انا بنتي الحمدلله مملوحة و نعومة و دلوعة هذا اللي محليها و مجملها لكن زوج امي الله يهديه مكبر راسها و انه انتي ملكة جمال و البنات بعدك ولا شي البنت صارت تغتر بكلامة و كل فترة و الثانية ماما شوفي هذا ( شي في شكلها مثلاً ) من علامات الجمال اللي فيني !!!!! انا جالسه الان احاول ازرع فيها زي ما زرعت امي فيني و افهمها ان الجمال نسبي و لابد اننا ما نغتر ولا نخليه هاجسنا و شغلنا الشاغل لان في أمور كثييييييير اهم و أبقى …
مو تواضع ولا شي بس من جد الجمال وش أعطاني لا هو اللي خلاني أمسك منصب قوي ولا هو اللي بيدخلني الجنة …
و في النهاية من وجهة نظري الشخصية ( مافي احد قبيح او شين او بشع ) كل واحد له نظرته و مقاييسه ☺️
احبك يا توسة قلبي
مسائك سعاده ارتوسه ❤️
للامانه موضوعك جاء بوقته (:
الكل صاير الحين يقيم بالجمال
مايمهم الاخلاق او الثقافه او التفكير
اهم شيء الجمال و بس
كالعاده كلامك كتله ايجابيه و تفاول
الله يسعدك منورهه
وبجد اشتقنالك ❤️❤️
قبل كل شي،، التدوينة ر ا ئـ ع ة بمعنى الكلمة،،
كل يوم يزيد شغفي بكتاباتك، ومش مجاملة . إنما كلام صادق ١٠٠٪،
أنا من الناس اللي يحبوا التغيير، والتحسين في النفس وفي المُحيط الخارجي!
عن نفسي .. اللي أطمح له .. إني أزيد ثقافاتي واطلاعي،
من خلال القراءة والمشاهدات وحتى الحديث مع الناس..
وهالأشياء يبغى لها مقوّمات خارجية مش ذاتية بس. ولكن مع الأيام تتبدل الأحوال..
من الأشياء والأمنيات اللي مازالت معي وأتمنى تحقيقها هو تعلم الموسيقى..
من أمنياتي أتعلم العزف ع الكمان والبيانو.. من وأنا طفلة وأنا متعلقة بهاالآلتين وشغوفة فيهم! لكن.. الوضع العام لا يسمح والمسافات..!
جبتِ طاري اللغات.. واللي أتمناه تعلم اليابانية! والإسبانية!
تعلم اللغات يفتح آفاق معرفية كثيرة ويخرجنا من التقوقع على الذات..!!
من الأشياء اللي أتمنى أغيرها، مش في ذاتي. إنما في محيطي، هي طرق التعامل مع الناس! والعلاقات الإنسانية بشكل عام لأنها آخذة في الانحدار بشكل كبير جدًا..! وهالشيء مؤسف ويجب المسارعة في معالجته من الجميع..
الرضى عن النفس يختلف في الانسان نفسه من فترة إلى فترة. حسب الحالات والمواقف اللي يمر فيها الإنسان.. وإذا كانت نسبة رضاه عن نفسه عالية المفترض ما يعميه هالشيء عن إنه بحاجة إلى تغيير مستمر لأن الحياة مُتسارعة وغير ثابتة،
واللي غير راضٍ عن نفسه المفترض يأخذ هو بـِيَد نفسه ويعالج الأمر حتى لا يصاب بالفشل في حاضره ومستقبله.. الأفكار السلبية دائمًا محبطة. لكن يجب معرفتها وعلاجها وعلاج أسبابها..
أتمنى من الكل يحاول يغيير للأفضل، حسب ما تقتضيه الحالة والوضع اللي هو فيه، ويتنبّه لعلاقاته مع الآخرين. لأنه متى ما تَمَّ معالجة المحيط الصغير يتعالج المحيط الكبير تلقائيًا.. والأهم أنه التغيير يكون بغير انسياق وعمى ومجرد استنساخ لتجارب أخرى في مجتمعات مختلفة تمامًا عن مجتمعاتنا..
لسه في كلام كثير .. لكن يكفي هذا لأنه الاسترسال يجعل الموضوع متشعب أكثر وأكثر..
و تتهني بإجازتك يا أحلى أرتوس واستمتعي بكل ثوانيها ودقائقها.. وأنا الشوق بدأ عندي من قرأت الخبرية! شهر غياب كيف رح نتحمل؟!
بالتوفيييق والسعادة والأيام الحلوة يا رب
ياا صباح الرضا والثقة
قرأت التدوينة بـ وقت الظهيرة ، فـ تسلم هالأنامل إللي ما تخط إلا بعقل .
لاحظت عند أغلبية البنات ( ما أقصد مُتابعينج ) الرضا عن الذات = الرضا عن الشكل بالنسبالهُم ، صرنا إلا ما رحم ربي
نفكّر بشكل سطحي و بعيد عن العقل و المنطق ، الجمال صار نمبر ون وبعدها أتيي الشغلات الثانية ، الإعلام مؤثِر بشكل
كبير ،لكن برأيي المحيط إللي نعيشه تأثيره أكبر ، صرنا نتنافس عشان الجمال و يصير هوس فينا . حلـو أن الوحده تهتم بنفسها
وتحاول أنها تكون شيك دايمًا لكن كل شي بجدود المعقول ، في بنات يضغطوا على أهلهم خاصةً لو كانت المادية على قدهُم .
و في أهل يحبطوا ويدمروا بشخصية عيالهُم بكلامهُم أو رأيهُم فيهُم ، حتى لو زاروا الناس يخبون ينقون الأحلى بنظرهُم وإذا اختاروا
الصغيرة الكبيرة تتأثر ، و …. و … و ….. .
الشخصيات تختلف بين وحده والثانية و مجالات الإهتمام بعد تختلف ، وكل حده تقيم نفسها وين تشوف أولوياتها فالحياة .
صعبة أقيّم نفسي بـ رقم ، لكني وبكل صراحة و بعد تفكير مطول ، أنا غير راضيه عن نفسي لأني في تراجع وصارلي كذا سنه
واقفه بنفس المكان ما تقدمت بـ ولا خطوة وحده ، ويوم أقدم على شي أكون غير جديّه ، فـي شغلات حابه أنجزها فـ حياتي
خاصةً 3 شغلات لكن ما أدري شو هو إللي يمنعني !
يمكن لأني لازالت بـ الكومفورتيبل زون فـ لهالسبب ما خطوة ولا خطوة جدّيه ، ويمكن لأن كل قرارات حياتي أتخذها بنفسي ،
وأنا قراراتي تعتمد ع المود ، وبعد يمكن ما عندي أحد يلهمني ويفتحلي مداركي بشكل أوسع ، ” حاليًا أنتي المُلهِمه بالنسبة لي ”
تأثيرج علي جدًا إيجابي حتى لو كنتِ بعيده نوعًا ما .
عندي وايد أحلام ما يردعني أنّي أوصلها إلا لثلاث أسباب : السبب الأول والرئيسي ما أقدر أكتبه على الملأ ، و السبب الثاني الخوف
من أي خطوة يديده ، والثالث ماشي عزيمة والكسل ذابحني .
لكن بالمجمل إذا قيمة رضاي عن ذاتي فعند كل مُحيط راح يكون فيه رقم غير ، أنا حابه أنمّي ثقافتي حابه أكون مُلمه بمعلومات
ضخمه ، وهذا ما بتصير إلا بالقراءه المُكثفه وأنا شخصيّا ما أحب أقرأ إلا للروايات الرومانسيه ههههه ، وبعد بكل عمر يختلف
تقيم الشخص لنفسه فترة التعش غير عن فترة العشرينات غير عنها بالثلاثينات وإلى آخره ، أعتقد كل ما كبرنا كل ما تغيرت
صورت الشي بنظرنا .
بكون صريحه معاج سوس إذا كنت بفترة المراهقه و سألتيني هالسؤال” تقييم الرضا بالذات ” على طول من دون تفكير بعد
بقييمه على أساس شكلي و مظهري ككُل ، كان عندي هوس فضيع ، كنت أحاول أحلّي نفسي بنفسي وإذا صارت عندي مشكلة
أحاول أعالجها بنفسي ، وللأسف ليومج هذا نتيجة حلولي وهوسي موجوده ، راح الماضي وتمت آثاره .
كان عندي هوس وبعدي مهووسه لكن أعقل عن أول و أصح .
بصراحه عندي وايد كلام حابه أضيفه لكن ما أدري ليش فضلت أني أوقف كتابه ، يمكن لأني حسيت أنّي شطحت أشوي .
نسيت أعلق على هالجملة :
[ طبعاً أكيد بغيب على نهاية شهر رمضان المُبارك تاريخ ٢٥ رمضان إلى ٢٥ شوال (ما يُقارب شهر )
وَ بعدين برجع لكم وَ بستأنف نَشاطي ، عشان كذا أحاول أطرح قَد ما أقدر قبل إجازتي ، وَ أكيد راح تَوحشوني .. ]
بنشتاقلـج كومايات ، لكن الأهم هو أنّـج تكونين دايمًا بخير و بسعاده
♥
سبحان الله اسلوبك بالكتابة وكلماتك سحر مررررريحة لقلبي ماتتوقعي ايش كثر غيرتي في نفسيتي فعلاً معتبرتك اختي الله لايخلينا منك نبهتيني على اشياء كنت غاااافله عنها
الله يجعل كل استفاده استفدتها منك عساها بموازين حسنااااتك ويرفع بها درجاتك بالجنه
الله العالم ي ارتوسة بحبك بقلبي لدرجة اول مره اكتب بعالم النت هو لك امس كل شوي اشيك ع حسابك اشتقت لك ي شيخه بعدها بفترة دخلت حساب وحده وشفتك معلقة ع بوست ماتتوقعي كمية الراحة والفرح لماشفت تعليقك وقتها من الفرحة كنت باتهور وامنشنك بحساب البنت اني فرحااانه بوجودك ههههههههههه
اللي حزني والله لما كتبتي انو راح تغيبي وقتها افكر كيف باصبر ع غيابك شهر لما تغيبي يومين اشتاق لك
عسى ربي يهنيك ويمتعك بإجازتك وترجعي لنا وانتي بكامل حيويتك وطاقتك تأكدي اني ادعي لك كل ماذكرتك
يا مرحبا.. قريت الندوينة متاخر..
انا راضية عن نفسي بنسبة ٨ من ١٠..
راضية عن شكلي لانه هالشي مو بايدي اغيره و الحمدلله حتى لو الناس ما يشوفوني جميلة انا اشوف نفسي املك اشياء حلوة.. بس ما راضية عن جسمي لانه في الفترة الاخيرة اخترب بسبب العلاج اول ما اخلص بحاول ارجع للجسم القديم و اكون راضية تمام عن نفسي من ناحية الشكل الخارجي..
بس بالنسبة لي اشوف انه رضلي عن نفسي من الداخل اهم بكثيير من رضاي من شكلي.. لانه الشكل مع الوقت يذبل بس العقل و الروح و الجسم يبقيوا فانا احاول انه انمي من ذكائي و طريقة تعاملي مع الناس و ثقافتي
امنيتي اتعلم لغات ثانية غير العربي و الانجليزي.. مع انس افهم اردو و هندي بس اريد اطور من لغاتي.. خاطري اخذ شهادة في الطب خاصة طب القلب و الاعصاب.. ادري انه صعب خاصة عمري ٢٨ متى بدرس طب بس هالفكرة كل يوم تكبر في راسي خاصة انه حلمي من لما انا صغيرة.. اريد اطور نفسي في وظيفتي و اخذ دورات و محاضرات تتعلق بوظيفتي اكثر.. اريد اطور نفسي في كثر من الاشياء و اكون انضج و اكبر واعقل و افهم.. اشياء كثيرة اريد اطورها من نفسي بس بسكت هنا.. موضووع رائع و خلانا نتكلم .. حلوة الثقة بالنفس و الرضا مطلوب جتى لو راضية عن نفسي هذا ما معناه انه ما لازم اطور من نفسي و اكتفي بالاشياء اللي اعرفها لازم نفتح مداركنا اكثر و نطور من نفسنا في كل شغلات الحياة
بنظري الثقة في الذات شيء ينبع من داخل الشخص استبعد فكرة انه كتاب او دورة ممكن يخليك تزيد ثقتك بنفسك انا من بعد تدوينتك هذيك وانا بالفعل تغيرت نظرتني وعرفت ان فيه ناس تبيع ىالامل والوهم و الشيء الفعلي الي يخلي ثقتك تزيد في نفسك هو الانجاز ووين وصلت اليوم
ممكن بعض البنات يطالبونك بالمواضيع هذي لان جانب الثقة فيك ابهرهم وانا منهم تعجبني اعتزازك وثقتك بذاتك وتبهرني قوة حجتك والجامك في الرد وبنفس الوقت مهما استفزوك يعجزون عن جعلك نفس مستواهم الحظيظ تعلمت منك انك اشياء كثير على الصعيد الشخصي والنفسي أولها كيف ان البعض يظهر حقده عليك او يحاول منعك من شيء هو محروم منه او مايقدر عليه
وبخصوص تقييم الشخص للنفسه انا استغربت شلون البنات فكروا بشغلات سطحية مثل الشكل او المادة انا سبحان الله كلمة تقييم النفس ترتبط عندي بالانجاز وتحقيق الاهداف وتقليل سلبياتي ونقاط ضعفي ومن السنين وانا اشتغل على الناحية مع انه توني اكتشفت ان محاولة تحسين نقاط الضعف ماهو الا هدر للطاقة وان الافضل تقوية نقاط قوتي
وبالنسبة لكلامك عن الجمال هالموضوع صار فيه شد وجذب وكل واحد يقول مقاييس جمال هو بالاساس مايؤمن بها في داخلها مثل الثقة او العناية تخليك جمالية هالكلام صحيح جزئيا مش كل واحدة واثقة بنفسها ملكة جمال وهكذا وترا كلامك صحيح وانا زمان احس بالشيء هذا عاد مانكر ان كلامك احبطني اكثر عقب ماتاكدت من نظرتي بس هذي الحقيقة مدري بس يارتوس متى يخف عن هوس هالجمال انا لاشعوريا اتاثر ومرات ودي اكون جميلة باي طريقة بالرغم عندي قناعة تامة وتتقييم لشكلي احتفظ فيه لنفسي مرات اقوله كله من الاعلام والي حولنا يفرضون علينا مقاييس جمال غير واقعية وانه الجمال هو كل شيء بالحياة هذي انا على فكرة مش ضد الجمال بالعكس من المهووسين بتقدير الجمال حولي بس اقصد ليش الواحد يركز ع الجانب الشكلي وخصوصا لو كان حظه قليل بالجمال ليش مايطور جوانب ثانية من شخصيته ؟
وترا حبيت كلامك كثيير عن الاهل كيف بعض الاهل يفرضون نمط حياة مثل الزهد على ابناءهم الي هم في اوج هرمونات المراهقة وهالنماذح كثيرة في مجتمعنا وتحسسك بالكفر لو فكرت تخالفهم او تعيش حياتك مثل اي انسان عادي
يا جمال التدوينة.. قريتها الظهر قلت ارجع ارد بالليل اصير روقت عليها ❤️
من وجهة نظري الاشياء اللي ما اقدر اغيرها بنفسي راضية فيها زي مستوى الجمال لكن الاهتمام والرشاقة والبشرة الجميلة اقدر احصل عليها بشوية تعب على نفسي وكثير من امور الحياة كذا ما اقدر اغيرها بس اقدر احسنها واطورها حتى تكون بمستوى يرضيني ..
مجتمعناالعربي يقدس الجمال قبل كل شي حتى الجميلات لهم قبول اكثر من غيرهم وبرضو لهم الاولوية في اي شي ماراح اقول مجتمعنا بس لاننا صرنا نشوفها في ارجاء العالم لدرجة يسوق للجمال وتقام مسابقات والبهرجة والضجة لانواع المهرجانات هذي بس ليش ما نشوف تسويق للذكاء واهتمام بالمبدعين والمفكرين للدرجة هذي مع ان لولا الله ثم العلماء ما وجدت طرق الجمال من اجهزة ومنتجات وغيرها .. والان اشوف اننا جدا نتجه للسطحية بحياتنا هذا اشوفه من الواقع وحياة السوشيال ميديا اي واحد جميل او غني خلاص هذا الانساان واااو ما يحق لنا ننطق في حضور جلالته بينما لو فتحتي مخه ما تلقين الا عبس تمر وهذا اشوفه فناس تقرب لي ربي معطيهم الجمال والمال بس ما ودك يتكلمون فعلا لان اذا تكلموا يتفلسفون وما نشوف غير الغباء والفلسفة اللي على عماها وانا شخصيا اعلق فنفسي (الحمدلله والشكر ليتها ساكته) لان البرستيج كله طار والناس تتبادل نظرات سخرية وكل ما جاء يوم وقابلتهم اقول صدق ان العقل والاخلاق اهم شي لان حتى اخلاقهم موب ذاك الزود .. ما انكر ان عندي هوس فضيع بالجمال والرشاقة واحب الجمال والتامل في خلقة الله الجميلة والاهتمام بنفسي وجسمي له اولويته عندي لكن ما خليت كل اهتمامي منصب عليها لان الحياة بالنسبة لي كبيرة جدا ومو متوقفة على جمالي ولا وش فايدة الجمال بدون عقل احب اطور ذاتي واتثقف واتعلم والحمدلله ابوي وامي مساعديني جدا بالشي هذا عندهم اهتمام بالعقل ويحبون الفطنه والاسلوب الحسن وانا مهتمه بالاشياء هذي جداا ..
راح توحشينا بالغيبة هذي من الحين شلت هم ..
موضوعك رووعه ودي اخذ منه نسخ مطبوعه و اوزعه على كل احد يقابلني وادعي بقلبي ان مجتمعنا يتعدل ويفهم ان الجمال مو كل شي بالحياه
مفهومهم انه خلاص اذا انتي جميله وتمتلكين صفات الجمال كلها انتي واااو ونحبك ونموت عليك بس لو كنتي انسانه عاديه واخلاق وادب وتعامل راقي مالهم حاجه فيك هذا مجتمعنا للاسف
مو أقول لك أحب سوالفك اكثر من الريفيوهات !!
ما علينا من اللخبطة و نص الرد اللي طار المهم
هرجة الرضا عن الذات أنا أشوفها موضوع فضفاض و صعب تقيسيه بالمطلق
الاهم بالنسبة لي هو القناعة ،، احيانا عدم رضانا عن نفسنا يكون بسبب عدم قناعتنا ،، شفت بنات صاروخ جماااااال و الثقة بهالجمال صفر كبير ،، مهما تمدحيها عندها عدم قناعة بهالجمال اللي عندها ،، ما أقول لك تطمح للافضل ،، الموضوع صاير جشع ،، و بالتالي من كثر الحورفة و الشد و المط قلبت من شخص جميل لمسخ ،، و شوفي الكات وومن كانت امرأة عادية بس بسبب عدم القناعه صارت مسخ ،،
مقاييس الجمال مقولبه في كل أنحاء العالم ،، حتى في كلامك عن جمال العرب وهل هوه نسبة كبيرة او انه بس جمال محلي ،، الحكم نابع من قالب معين للجمال
و عشان نكون صادقين مع نفسنا مافيه شي اسميه جمال مطلق ،، فيه حد أدنى للشكل اللي ما يتقال عنه بشع و هذا هوه
اقول لك شي ،، أفتكر كانت عندي قريبتي غثت اهلي بسالفة شاروخان رجل وسيم !! بالنسبة لي كنت أقول لها عندك شلل ذوقي ،، طبعا أنا ما اتابع له اي شي ،، ورتني كم لقاء على كم فيلم و اتغير رايي ،، ما أقول لك صرت اشوفه قمر ،، بس ع الأقل صرت اتفهم سبب إعجابها فيه ،،
و لما ارجع للموضوع الأساسي ،، الرضا عن النفس
ابقول لك فيه ناس نسبة رضاها عن جمالها صفر بس تعوضه بشخصية حلوة و مهارات مميزة فالتقييم العام لذاتهم يرتفع
عني أنا فيه جوانب رضايه عنها الف بالمئة و فيه جوانب احس يبغى لها اعادة تأهيل
بس كمجموع كلي صعب احدد رقم
مرحبا..اول مره اشارك تلموضوع جداً جذبني طرح جميله
بالنسبه عن الرضا بالذات تنقسم لكذا مجال بالحياة من الشكل الخارجي، والروح ،والعقل وجوانب كثير.. بس بشكل عام اعطي نفسي من 8 الى 10 تترواح ع حسب انتاجي في هذا الفتره وتطويري لنفسي الانه احنا البشرى بطبيعة الحال تمر فتوات خمول وفترات انتاج ..وقدر الامكان احاول اطور من نفسي في شتى النجالات.. بس في شي اعجزت استمر فيه الي اهو الاهتمام بالشكل الخارجي يعني احب المسكات والكريمات والخ بس استمر اسبوع واترك وهكذا وانا مالي علاقه قويه بالميك آب الا في المناسبات الي تتطلب ..واختم انو في شتى مجالات الحياة يتطورى الانسان فيها الانه الشيا تتجدد…ويسلمو ع هذا الطرح
كلامج وايد حلوووو.. أثر فيني 🙂
موفقة 3>
السَلام عليكم ورحمة الله وبركاته .. صراحة أعجبني رد ساندرا كذا هي مرتاحة ومريحة بالها .. الراحة الجوانب تقريبا الجانب الجتماعي أبي أحسن من أسلوبي مع الآخرين وطريقة تعاملي معاهم .. ما أقصد أن أسلوبي سيء لكن أنا أبي أصير أفضل والحمدلله هذا الترم – الترم الي راح – عدلت وطوّرت 55% من الي أبي أصير له .. أيضاً الجانب التطوعي أبي أشارك مع فريق أو حتى أسوي لو شيء بسيط .. باقي الأشياء تقريبا راضية عنها والحمدلله.. طبعًا فيه شغلات أبي أسويها لكن ذكرت الأبرز والأهم .. دمتب بوّد..
صحيح الجمال هو الاهتمام الاول والموضوع الاول بمجالسنا حتى لو وحده تبي تسوي ريجيم كله عشان الجمال ماهو عشان الصحة، ماتضايقها الدهون المتراكمة بجسمها ولا الخمول والكسل اللي ملازمها طول الوقت
حتى الرياضة مايسويها الا اللي وزنه زايد 🙁
انا الحمدلله راضية عن نفسي بأشياء كثيره لكني أطمح للتغيير للأفضل من كل النواحي .. ماأحس الحياة توقف على شيء واحد تحصلين عليه وخلاص.. دايما في اشياء مثيرة للاهتمام..
شكرا على هالتدوينه بتوحشينا
يازينك ويازين تفاعلك، خليك قريبة ♥
أتوقع إني آخر وحده تعلق ع التدوينة
أنا رديت بالأنستقرام بنسبة 5 من 10
بس صراحة الجزء الجمالي ما أخذ من هالنسبة الا شي بسيط وهو بس بسبب إهمالي للرياضه لكن الحمدلله راضيه عن شكلي لو قدرت أوصل للجسم إللي أتمناه .. بس اللي ما كنت راضيه فيه إني تكاسلت عن طموحاتي و إستصعبتها و تركت الناس تحبطني من سن المراهقة .. و غير راضية عن تربيتي لبنتي تزوجت بعمر صغير و أحياناً أقول لأني ما نضجت عشان كذا أخطأت بتدليلها الزايد .. غير راضية عن علاقاتي الإجتماعية ما أواصل الناس كثير مع الأسف مع إني أفقدهم بس خلاص تعودت إني ما أروح لهم و غير إني بالرياض و أهلي بالغربية فصرت ما أهتم للعالم اللي بمدينتي كثير .. غير راضيه عن إني ما طورت من نفسي و كثير ما أتحسر ع الأيام و الشهور اللي مضت من عمري بدون إنجاز يذكر .. أطمح للكمال أكيد بس مو مهووسة فيه لكن الله يقدرّني و يقويني أكون إنسانة أفضل .
(و بالأخير إجازة سعيدة بنفقدك كثيير )
موضوع اكثر من رائع يعطيك العافيه واوفقك على كل حرف انكتب ..اما كم اعطي نفسي ممكن ٦ ..انا ممرضه ومسؤوله عن اهلي بس للاسف احس نفسي مقصره عليهم كثير ..اتمنى اني اقدر اوفر لهم كل شي ماقدرت عليه..اتمنى اخذ الماستر واغير المسمى الوظيفي ..وان شالله اتعلم فرنسي انا ملوله اجزم اتعلم شي واشتري كتب وفجأه اكنسل .. وش بعد ..بس فضفضه ذي مو كومنت
بهالوقت كل التفكير بالجمال هي حلوه لا مصلحه خشمها لاهي اساسها حلو ومثل هالكلمات اللي مايمر يوم الا نسمع فيها
بس بالنهايه ثقتك بجمالك مع شخصيه سيئه وغيوره للأسف ينفر الناس منك اكثر من انه يجذب بالنسبه لي تهمي شخصيه اللي قدامي مره اذكر موقف حصل لي مع امي لما كنت صغيره سألتها من اجمل انا ولا فلانه”قريبتي بنفس العمر” كان رد امي علي انتي جذابه وهي مملوحه مع اني وقتها مافهمت معنى الكلمتين الا اني زعلت ليه هي احلى يعني وانا شينه يمكن الحين بهالعمر قدرت اميز وحتى مقارنتي فيها حسيتها غلط وماتزيدني ولا تنقصها بس برضو حلو انها ماقالت انتي احلى عشان ترفع فيني وتعرفين صغار بنتغاير قدام بعض اكيد.
رداً على سؤالك صراحه اعطي نفسي ٣ لليوم احس ببالي الاف الاشياء ابي اطورها او اضيفها لنفسي ٣ فقط لدراستي وعلمي اللي اشوفه حدا ضئيل ومايكيفي بهالزمن ابداً
حبيت طرحك وكيف تتنوع الاشياء مو كلها عن الميك اب والجمال حلو الواحد يغير
صباحك خير ارتوسه ..
لي رجعه باذن الله اعلق بس حبيت اسجل دخولي ♥
متابعتك : مجد .
السلام عليكم
يالله قد إِيش تعجبيني يا أرتوس الله يسعد قلبك ويرضيك دايمًا ويخليلك أحبابك..
أنا أعطي نفسي ما بين السبعة والستة وممكن تزيد أو تنقص حسب الأشياء اللّي حققتها، من نواحي كتيرة..
النواحي المهمة في حياتي حاطتها في بالي كتصنيفات يعني مثلًا مستقبلي مرّا مهم بالنسبة ليّا -من ناحية دراسية-، لمّا أكتشف شي جديد وأربط، لمّا أتعلم شي جديد، لمّا أتفهّم أراء الناس المخالفة، لمّا أتخلّص من أشياء سيئة انزرعت فينا ونحنا صغار..وفي ناحية شكلي مهمة بالنسبة ليّا، يعني رضايا عن نفسي كويس من دي الناحية لكن راح يزيد ادا سويت رياضة وخليت جسمي متناسق ومشدود، ادا اهتميت في شعري..وفي ناحية أخلاقياتي، لمّا أعامل الناس كويس وأساعدهم مرّا تزيد نسبة رضايا عن نفسي، لمّا أمسك نفسي وما أعصّب..هيّا أشياء بسيطة لكنها هيّا اللّي تأثر.
وكلام الناس عننا يأثر والله، ماراح أسوي يعنني ما يهموني، لأنو كتير اتعقدت من تعليقات رموها وقَعَدت العُقَد فيني سنين إلى أن تعايشت معاها أو اتخلّصت منّها، وأحيان المقارنة تنزّل مرّا مرّا من مستوى رضايا عن نفسي، لكن في نفس الوقت في أشياء كلامهم فيها مرّا ما يأثر فيني وكأنهم ماقالو شي.. يمكن حسب الأشخاص أو حسب أهمية الأشياء بالنسبة لنا أو حسب رضانا عن نفسنا وقتها يكون التأثير..وسلامة قلبك.
أولا. أشكرك على هذه التدوينة لأن هذا الموضوع بالذات يؤلمني في قلبي, لكون العرب الذين كانو في عهد سابق علماءً في الدين و العلوم والفلك صاروا الان لا يجتاز تفكيرهم ارنبة انفهم.
شخصيا تقييمي لنفسي بين 7 و 8. شكلي راضية عليه لله الحمد الشيئ الذي أريد تحسينه يتعلق باللياقة. أريد كذلك توسيع ثقافتي و تعلم الاسبانية الحصول على الدكتوراه إن شاء الله…
لا أريد أن تزيد النسبة لكي أكون دائما محفزة للنمو و تعلم أشياء جديدة و تطوير الذات.
أطلب الله أن ييسر لي في مسار تطوير ذاتي و أن يحقق لكن كل ما تتمنون.
أحبك ارتوس ❤.
السلام عليكم، يعجبني طرحك للموضوع و ثقافتك في كل مرة تكتبين فيها عن شي ، اسلوبك مختلف و رائع ، و يعجبني بعد انك صرت أكثر جدية بخصوص هالمدونة و التزمتي تنزلين مواضيع أكثر ، صرت تشدينا أكثر و تخلينا نفكر وبنفس الوقت نتذكر أشياء مع الحياة و تسارعها نسينا أمرها ، رضاي عن نفسي و عن الي بكون عليه 4 أو 3 من 10 في أمور عدة ، أخيرا أحب أوجه لك رسالة شكر و تقدير و امتنان ع هالمدونة و نا تبذلينة من وقت وجهد عشان يوصل لنا بهالصورة المتعوب عليها ، و برضك أحب اقول لك انا من الأشخاص الي قاعد يستفيد من الي تنزلينه و يطبق الي تقولينه ويجرب ويستفيد اشكرك جدا ويتابع استمري و الله يوفقك
كلامك في الصميم وبعضه يلمس واقعي
أتمنى ان أوصل لرضا جيد عن نفسي
لاكن الان امر بمنحدر
وان شاء الله نهاية المنحدر جبل
بعلق ع نقطة الجمال العربي .
ما ادري انتي تقصدين جمال الوجه أو جمال الوجه والجسم والطله بشكل عام ؟
اذا تقصدين الثانية يعني الجمال من النظرة الاولى ف اكيد الاجنبيات ، لانهن مهتمات بكل شئ .
لكن اذا تقصدين جمال الوجه ، فانا اقولك من منظوري ان العربيات جميلات مو هم أجمل شئ لكن جميلات انا اتكلم عن الملامح ، بالنسبة للبنات اللي اشوفهم بمجتمعي وبالجامعة.
صحيح حنا اهتمام صفر يعني جسم مترهل شعر متساقط بشرة باهته الخ
لكن ملامح عندنا ملامح وهالشي اشوفه في بالجامعة يوم اطالع في ملامح البنات من جد والله جميلات
صحيح جمال متفاوت لكن بشكل عام جميلة !
صحيح من النظرة الاولى البنت لامه شعرها كعكه وسمينه والبشرة باهته لكن لو تركزين في ملامحها فعلا جميلة !
واللي سوى الاحصائية هو شافنا يعني ! كيف شافنا ؟ واغلب السعوديات محجبات ! أو يمكن مثل ماتوقع انو هو يقيم الجمال على كل شئ وع فكرة انا مع أن الجمال مو ملامح بس انا كتبت الكلام اللي فوق مو لاني متحيزة للعرب أو لمجتمعي الخ بس من جد انا دايم حتى وانا اتابع افلام واشوف فنانات اتخيل لو كانت فلانه مهتمه بنفسها بتطلع أحلى منها !
وانا امشي بالجامعة اشوف ملامح بنات حلوة من قلب ولو كان في خبير تجميل ياخذهن ويطلع جمالهن بيطلعن مزز من قلب !
وبالنهاية مفهوم الجمال تغير عن قبل ، وهذا اشوفه علامة من علامات الحضارة وجزء ناتج من جعل العالم مستوي على سطح واحد ، لإن الجمال الان انتقل من الطبيعة والقسمة والحظ والنصيب الى العمل والاهتمام .
وهذا من شأنه يخلي كل بنت حلوة وجميلة لإن لو كان الجمال يعتمد ع الملامح اللي هي قسمة ونصيب كان الجمال صار محدود .
لكن الان صار الجمال بالاهتمام بالجسم بالنظارة وهذي اشياء كل شخص يقدر يحصل عليها واشياء مكتسبة .
فلكل صار بيده يكون جميل !
الحمد لله الحين راضيه عن ذاتي مقارنه بقبل سنتين فيه اشياء كثير اطورت فيه الحمد لله واطمح لاكثر
ارتوسه بنشتاقلك كثييير
صبببباحك سسسكر
انا كان ثقتي بنفسي كتيير منيحة بس بعد هيك صحباتي بيقولولي لو كان انفك هيك او كان تمك هيك مع انو ما كان عندي مشكلة فيهم بس هم ضلو يحكو لمن صدقت وصرت اقول زيهم ،بحس انو الناس بتهدم ثقة غيرهم من غير ما ينتبهو او يفكروا انو كلمتهم رح تأثر ،وعنجد ع قد ما بشوف حالي منيحة بس كلامهم ضل براسي ، وبعطي نفسي ٥من١٠بحس انو لسى في اشياء بدي اتعلمها واعرفها ونفسي اكون بيوم زيك يعني ما شاء الله انتِ المثل الاعلى عندي بكل اشي ربي يحميكِ ويحفظك ❤️
صباح الخير ؛
انا متابعه لك من ايام المنتدى من5 سنين تقريبا بس ولا مرة شاركت او رديت وناوية من فترة اشارك ومجهزة لك مسج وحبيته يكون هو اول مشاركه بس عجزت اصبر بهالموضوع
حبيت الموضوع وما اكذب عليك ببداية الموضوع قيمت نفسي بسطيحه وكانت الدرجه من 2 الى 3 لكن عقب نبهتينا على جوانب ثانية فالحمدلله ارتفعت الى 7 لاني راضيةعن نفسي اني قدرت اطلع من مشاكل كثيرة بحايتي وبنفسي ومن دون تدخل احد اشياء كثيرة يمكن ما تطري على بالك لكن الحمدلله وبعمر 13 الى 18 تغلبت وتالقمت وحبيت ظروف كثيرة من حولي بتوفيق ومعونه من ربي و اصرار مني ؛ قدرت اتغلب على مشاكل نفسية وظروف محيطة بعمر مراهقه اعتبرة انجاز و انجاز كبير بعد ؛
فلو نغير مفهومنا للجمال والثقه بالنفس من هالسطحية الى معنى اكبر كان بنحب انفسنا و حياتنا اكثر وبننجز اكثرر ؛
وشكرا بحجم محبتنا لك و اكثر
Semicolon
اارتوووس أباااج فـ شي ضروري 🙁
ماشاءالله ياارتوس كلامك وطرحك يأسر القلب جميلة مميزة بشخصيتك من خلال تدوينتك الاه يسعدك ويرزقك الرضا والراحة الى مالا نهاية
واجازة سعيدة من الان اقولك اكيد بنفقدك من غير شر بوسات وقلوب من عندي لعندك
ماشاءالله ياارتوس كلامك وطرحك يأسر القلب جميلة مميزة بشخصيتك من خلال تدوينتك الله يسعدك ويرزقك الرضا والراحة الى مالا نهاية
واجازة سعيدة من الان اقولك اكيد بنفقدك من غير شر بوسات وقلوب من عندي لعندك
موضوع جميل
نبدأ بالسؤال اللي طرحتيه بالأنستقرام
صراحه ما قدرت أجاوب في الأنستا!
حاولت بس حقيقي ما قدرت !!
لأني ما أقدر أعطي نفسي درجة رضا من 10
صعب موضوع الرضا , لأنه الإنسان يمر كل يوم بحالة مزاجية و كل يوم بتفكير
*و ألاحظ بعض الأيام أكون فيها راضية عن الكون كله مو بس نفسي
لما فعلاً أحس أني أثبت نفسي بالدراسة أو حتى أثبت وجودي بين أهلي و أحبابي
و الله يرضى عنك ي أرتوس ^^
اهلين تووسه كيفك .. مرره حبيت المدونه وحبيت طريقه تطرقك للمووضوع حتئ تشبيهك انا ماشوفه شاطح بالعكس الا جبتيها صح فيه ناسس عاده النوتيلا من كثر مايعشقونه فرد من افراد القبيله والي يكرهه النوتلا كنه يكرههمم … ع طاري الجمال وتعزيز االجمال من الصغر اذكر وحده من صديقات امي ولدهاا صغير يمكن عمره خمس سنيين كذا مستحيل انسئ هالموقف امي كانت جالسه تسولف وتقول فيه وحده جميله مره وهالولد كان يلعب فجاه نط ع امي وقال زيي انا حلو وكرررها اكثر من مرره لين انتبهت له امي لمن قالت امي ايه زيك قال لا محد زيي !! انا انفجعت صراحه كيف طفل بهالعمرر عنده هالثقه المشكله انوو موو ذاك الجمال الخارق عادي جدا .. كلمت اخته بحكم قربي لهاا قلت معليش ليش معززين فيه هالثقه راح يكبرر وبيجي يوم وينصدم مو كل الناس تشووفه حلوو. تخيلي اش ردت علي قالت لا بالعكسس خليه واثق من نفسه … مره ماحب الناسس الي تفهم الثقه بالنفس غلط وتصير مغروره اكثر من انها واثقه بنفسها . عن نفسي اناا اقدر اقول اني واثقه بنفسي بس ماوصلت لدرجه الرضاا عن الذات لان فيه اشياء كثيره جالسه اشتغل عليهاا زيي جسمي ابيه يرجع زي اول وان شاءالله راح يرجع لاني كل يوم اسوي رياضه وشريت جهااز رياضي عشان يساعدني اكثر راح يجي يوم واقولك انا راضيه عن نفسي تمام الرضا … اجل بتغيبين ياتووسه 🙁 مره راح افقدك وربي من الحين اقولك اجازه سسعيده يائلبي❤❤
قبل مااتكلم عن النسب انا انسانه لما اسعد اخواني او امي او ابوي احس برضى وسعاده مااحد يتصورها نفسي اعطيهم الدنيا بما فيها عندي عشق لااهلي مو طبيعي اخواني فيه اللي اكبر مني واللي اصغر مني مع كذا اشيل همهم وابكي كثير عشانهم فااهلي مصدر سعاده لي ولو قدرت اسعدهم بكون راضيه عن نفسي بدرجه كبييييييييره
نجي للنسب وطموحاتي وتطلعاتي الشخصيه
بكل صراحه راضيه عن نفسي بنسبه ٥من١٠
تقريباً الخمسه هذي على احاسيسي من الداخل بعد زواجي تغيرت فيني حاجات كثيره الحمد لله منها الغيره الحقد الزعل القناعه طبعاً انا تزوجت بعمر صغير ١٧سنه
مااتوقع اللي غيرني الزواج بحد ذاته بينما اني صادف اني دخلت مرحلة النضج بعد الزواج
عشان اوصل للدرجه الممتازه من الرضى عن الذات
اول حاجه اخلص الجامعه
انحف
هذي بسنتين ونص ان شاءالله انها راح تتحقق لو فعلاً اجتهدت ولا غرزت باالدراسه
طبعاً فوق قلت درجه ممتازه ماقلت ١٠من١٠لاني مااتوقع بيوم اوصلها لان الانسان طماع ولا عنده حد لرغباته
زوجي بيقدم ماستر اذا تم قبوله راح نخلص انا وياه بوقت متقارب انامن
البكالوريوس وهو ماستر
بكذا نقدم ابتعاث هو دكتوراه وانا ماستر صدقيني لو تحققت هذيا الحاجات بكون سعيده جداًجداً وراضيه عن ذاتي
تدرين ماعندي طموح اكمل ماستر الا اذا بكملها برا اما هنا باالسعوديه ماعندي اي طموح اني اكملها
الصراحه اكتشفت ان رحلتي للرضى عن الذات طويله هههههه
باالمجمل انا راضيه عن ذاتي واحبها ههههه بس فيه حاجات لازم تتغير وفيه حاجات حلو لو نطورها
اكتشفت اني ابغاء اكون مثقفه ابغاء اكون طباخه ابغاء اكون رشيقه ابغاء وابغاء وابغاء وكلها حاجات ان شاءالله تتحقق مو صعبه بس المشوار طويل
موضوعك رائع
احب هذي المواضيع .. اللي فيها تفكير وتعمق شوي
من وجهة نظري انه غريب ان الانسان يزعل لما احد اجمل منه او شعوب اجمل مننا يالعرب .. لان اولا هذي حقيقه و( لان كثير مننا يتغطون) ما احسه عذر .. لان الجمال من ربي ف موب من حقك تتفاخر بشي ماتعبت عليه
و عن تجارب .. جمال الشخصيه والعقل كثير من الاحيان يغطي على جمال الشكل. وياما اشخاص رضاهم الزائد على نفسهم وغرورهم فيها بشّع قلوبهم وعقولهم .
انا اعطي نفسي 8 من 10 .. لاني تعبت كثير عشان اوصل لما انا عليه الحين شخصيه وفكر وشكل .. لكن مايمنع ان الانسان يستمر يطور عشان يوصل لاجمل نسخه منه (كـ باكج كامل )
واتمنى لك اجازه سعيده
حلو الانسان يقيم نفسه ولازم يدرب نفسه على الكلام الجميل حتى لو احد ما قاله عشان ترفع معنوياته
قريت عن ناس يحبطونهم اللي حولهم بس ما تحطموا اهم شي الاراده كلل شي يعتمد على الذات
بتوحشيني عاد لاتطولين >ـ<
كتبت رد طويل واتحدف
فعلا موضوع جميل وكاتبه اجمل
أحيكي على كلمة الحق بحق الجمال العربي
فعلا هو متوسط
وكل مانزلنا عن البحر المتوسط قلة نسبة الجمال
الأخص
لما تجي وحدة عيونها قد الفنجان وتشوف انه الجمال في كبر العيون
ورموشها وحوجبها الله العالم بيها
أحب مواضيعك عن الجمال
أشكرك من اعماق قلبي
رائع رائع رائع
من قبل كنت غير راضية عن نفسي ممكن أعطي نفسي ٣ إلى ٤ من ١٠. كنت ومازلت أعاني من الوزن الزائد وكنت دائما من وأنا صغيرة أواجه انتقادات لاذعة من أقرب الناس لي إلى الغرباء بسبب هذا الوزن. كنت شاطرة في دراستي وهذا كان المتنفس الوحيد لي اللي من خلاله أقدر أثبت نفسي وأحس بالرضا. كبرت وأنا غير فاهمة لنفسي ولا أعرف هواياتي! خلصت الجامعة وحسيت الحياة توقفت لأن الشي الوحيد اللي كنت أحس إني فالحة فيه هو الدراسة. تزوجت الحمدلله من شخص يقدرني وفاهمني وغير نظرت لنفسي بشكل كبير الحمدلله. أحاول إني ماأعيش دور الضحية وأشتغل على نفسي وأطورها وأقدر أقول إني في خلال السنوات الماضية شعرت بتحسن كبير في علاقتي وفهمي لنفسي. حاليا ممكن أعطي نفسي ٦/ ٧ من ١٠
عندي بنتين حاليا و صار هذا الموضوع يستفزني بشكل عجيب وأحاول أزرع فيهم القوة وحب الذات من وهم صغار. بنتي الكبرى سمراء وأنا فاتحة واجهت أول ماولدتها أنواع الكلام والمعايرات والكل كان ينتظرها تجي بيضاء مثلي حتى أهل زوجي لدرجة وحدة أول ماشافت بنتي قالتلي بنت المليحة فضيحة!! من جد حسيت كأنها صفعتني على وجهي !!
رزقني الله ببنت ثانية وطلعت بيضاء والحين انواع المقارنات !
مجتمعنا قاسي بشكل عجيب !!!
أقدر أقول إني لسه مازلت ضايعة بس أفضل من قبل بكثير والشيئ الوحيد اللي أنا متأكدة منه هو اني أبغى ازرع في بناتي الثقة بالنفس وحب الاطلاع والثقافة.. الجمال جمال الروح وهو اللي يعزز تقدير الذات والرضا. جمال الشكل خارجي ولايدوم! ولازم أزرع هذا الشيئ في بناتي بإذن الله.
ويَ مساء السُكرة☺… ابلة ارتوس صراحة ماتوقعت التدوينة تأخذ منحى جمالي وكأن السؤال هل أنت راض عن مظهرك!!؟ لكن اعتقد كنت تقصدين إذا الشخص راض من الداخل وعنده self-esteem عالي مايكون مهزوز م الخارج ويتمسك بالمظهر اللي هو زائل زي الحرمة اللي ذكرتي انها تتلون إذا شافت أحد جميل من غير قبيلتها “مصدومة للحين”
عموماً انا اعتقد وأؤمن بشدة أن حب الذات والتواصل معها ومسامحتها اول لبنه من لبنات الجمال، دايم اقول إذا ماعشقت روحك اللي-هي من روح الله- ما تقدر تشع جمال ومحبة ووفرة ،
انا تربيت ف بيئة لا ينظر لك بالإعجاب إلا بإنجازك ونجاحك،وكان الجزاء والعقاب معنوي غالباً، الين صار عندنا حس ذاتي، أذكر ف صف اول ابتدائي استحميت 7 مرات وجالسه انتظر امي ترجع البيت وانا اتخيل فخرها فيني ومدحها والألعاب اللي بتجيبها لي ولما رجعت ضحككككت علي وجلست تحكي ابوي الله يرحمه وقالت لا هذا وانت أكبر اخوانك خلصتي الشامبو كيف اخوك الصغير يسوي… الشاهد أن حياتي كانت مبنية على أني أحصل ع المدح والثناء مقابل افعالي “وجمالي ماكان داخل المعادله” ، رغم اسمع أهل ابويا يمدحون جمالنا ويمازحون ابوي انه بناتك لاتقبل ف مهورهم أقل من وزنهم ذهب، وماكنت افهم ليش!
لكن تربية امي خلقت شخص مني يحلم ويعمل، كنت أحلم أكون شخص مشغول وسبحان الله حياتي أخذت هذا النسق، دخلت كليه الطب وحافظت ع معدل ممتاز وف نفس الوقت عندي مدونه أدبية عربية ومشاركة ف مدونة أجنبية لكتابة مراجعات المسلسلات والأفلام واتعلم البانيو والفرنسية ف البيت واشارك ف اجتماعات العايلة وعندي انديه تطوعية واحضر ورش تنميه الذات، كل هذا ملئ حياتي رضا وجمال، ما انكر التوتر والخوف والمصاعب وأحيانا الإحباط لكن مااعرف استطعم الجمال الابهالطريقه ولا ارضى عن ذاتي إلا بتعزيز إحساسي بقوتي واستقلاليتي
طبعآ قابلت ناس “خاصة الرجال” حاولوا ييشككوا ف قدراتي بعد ماتوظفت ، من ضمنها “أنت جميلة ليش اخترت تخصص منهك” “إذا تزوجتِ راح تتركين الطب! ” طبعا انا عنيدة ومايضاهي عنادي إلا طموحي، تعرفي أجمل شي سمعته كان يوم حفل تخرجي لما جلسنا وصديقاتي نتذكر رحلة 6سنوات.. قالت وحده” عبير أكثر شي احبه فيك سته سنوات ماعمرك شفناك محبطة أو سلبيه دائما متفائله وتمنحي غيرك القوة ” من حظي الجميل كان تسجيل فيديو وهذا شي اعتز به أكثر من سبعين مدح سمعته ف فرح عن مظهري أو شكلي
طبعا انا ثرثرت لأني أحب هالمواضيع الشيقة،بس ناقصنا القهوة…. وشكرآ لمدونتك ووقتك وجودك… احس اني اهرج مع صديقه… شكرا م القلب
اخ اخ اخ اخ انتي حطيتي الملح ع الجرح
كأنك تدرين وش بداخل البنات وتكلمتي عنه .. هذي الفترة جد كلمة تعبت نفسيتي قليله جداً والسبب شكلي ماني راضيه عن شكلي نسبة رضا نفسي صفر من مئة .. الموضوع شاغل بالي ليل نهار منكد علي عيشتي
واحيان والله تمرني ايام ابكي فيها ورا بعض والسبب اني ماني راضيه عن نفسي بالرغم اني اشتغل على حالي بس يجيني احباط ايش اسوي وايش اخلي تعبت
لا كلمة تعبت قليله علي .. مابي اكون جذابة ولا جمال يوسف بس ع الأقل جمال يخليني راضيه عن نفسي
لان ماتتصورين وش كثر مأثر على نفسيتي ومخليني افشل بكل شي حتى بحياتي العملية والدراسيه والاجتماعيه لاني ماحب اجتمع بالناس ولا لي نفس اداوم بجامعتي والسبب اني مش جميلة
طولت عليك بس كانت فضفضة اكثر من كونها طلب حل
أعطي نفسي ١ من ١٠ على الرغم من اني من فتره طويله قاربت السنتين بدأت أتعلم لغه انجليزية و لله الحمد تحسنت لغتي كثير وهذا الإنجاز الوحيد اللي يحسب لي في حياتي لكن شخصيتي الانطوائية جدا هي السبب في اني أعطي نفسي هذا التقييم و برضه كثير علي
الموضوع جدا رائع وهو الرضا عن الذات
لما نزلتي البوست بالإنستقرام أعطيت نفسي 7 من 10 وقلت اطمح ان النسبة تكون اكثر
بس بعد ما قريت الموضوع قعدت افكر
لو سألتيني هذا السؤال بالضبط قبل شهرين كنت جاوبت بنسبة اقل بكثييير
بس الحمدلله خلال هالشهرين غيرت أشياء كثير ما كنت راضية عنها بحياتي
واشوف ان حياتي صارت اجمل بعد التغيير عشان كذا اعتبر 7 جدا رائعة مقارنة بالي كنت فيه
واهم شي اني يدأت ارضى بذاتي اكثر وجد ارتحت
غير كذا الي يشوف الجمال هو الرضا بالذات
عمروا ما راح يرضى لإنه دايما حيشوف الاجل منه
ومستحييييل وقتها حيرضى بنفسه
كالعادة ارتوس جمال كلماتك وابداعك
ما ننحرم منها ان شاء الله
وانبسطي بإجازتك
وراح توحشينا يا عسل
السلام عليكم ارتوس
افضل مدونه ممكن اقرأها كالعاده مواضيع شيقه ونخرج منها بنفع ونفكر بطريقه عقلانيه اكثر ونوزن الامور بموازينها هذا الي اطلع منه بمدونتك().
تقيمي للجمال الشكلي امم الحمدلله راضيه عن خلقي لكن هناك شوائب وعوامل تخرب علي مثل الحبوب والندبات الي بوجهي، هذي مرات تشعرني بالنقص في الجمال للأسف:( لأن لازم تقابلين ناس تعاملك على اساس هذا الشيء، وان شاء الله هالمشكله وقتيه وبحاول احلها بأسرع وقت ممكن
اما الباقي ولله الحمد ربي معطيني كثير.
حزنت ان شهر مانشوفك لكن الغايب عذره معه، اتمنالك إجازة سعيدة.
ما أزيد على كلامك كفيتي ووفيتي وعجبني مثال اللوتس صراحه واقعي ومقنع جداً لوول لمّا نزلتي البوست بالانستا صراحة ماطرا عليّ الجمال ابد وانا اقيم نفسي المهم اني ماقريت كل التعليقات لكن اخاف تقولين اذا اغلب اللي كتبوا كومنت هنا مااقيم نفسه على الجمال من اللي رد في الانستا لوول اتذكر اني حطيت ٦ أو ٥ يمكن طبعاً قيمت نفسي من حيث شخصيتي وصحتي وتحقيق طموحي انا متصالحة جداً جداً مع نفسي لكن لسا في اشياء مش عاجبتني وابغى اغيرها للاحسن واتوقع ان طبيعة الانسان يطمح دايم دايم للافضل مهما وصل دايم يتمنى يكون في وضع افضل وصراحه اشوف هالشيء صح اذا كان مع تصالح مع الذات ورضا عن النفس عموماً انا مشكلتي في التغير للافضل مافي عزيمة ابداً ابداً انا من داخل ودي اتغير وادري اني اسوي اشياء غلط لصحتي لكن مع ذلك ما اقدر استمر ابداً اقرب مثال الرياضة انا الحمدلله جسمي حلو كل اللي احتاجه يمكن انزل ٣ كيلو على الاكثر وعندي بروز خفيف في البطن لكن مافي دافع اني استمر على الرياضة اساساً حتى عيوب جسمي اخفيها بتنسيقي للبس يعني مااعندي مشكلة في المظهر الخارجي العام عشان تفهمين قصدي لو فرضاً وحده سمينه راح تتحمس تنحف لانه بيكون تغير جذري لها والكل راح يلاحظ راح يكون هذا دافع لها اما انا ماعندي اي دافع اتوقع هذا سبب تكاسلي ، غالباً استمر ع الرياضة عشر ايام و اوقف وابتل فترة وارجع من جديد واوقف برضه لوول طبعاً قيسي على الرياضة كل شيء في حياتي من عناية من دراسه من كل شيء لازم اعالج هالشيء فيني لاني اشوفها صفة سيئة جداً وابسط الاشياء ماتضبط الا مع عزيمة المهم شكلي كتبت كثير وخرجت عن الموضوع الاساسي لكن بااذن الله اوعدك انها ماتمر 2015 الا وانا غيرت هالصفة لان كل الانجازات سواءً كبيرة او صغيرة تتوقف عليها وان شاء الله اجي ابشرك اني نحفت وشديت جسمي واهتميت بنفسي جمالياً وصحياً ومعنوياً وفكرياً وآسفه على الاطاله ♡.
شكلي طلعت عن الموضوع الاساسي لووول بس صدق صدق شكراً من القلب على التدوينة خلتني ارتب افكاري من جديد ومن جد مرّه بنفقدك في هالشهر انا يومياً قبل ماانام افتح المدونة اشوف نزل شيء جديد ولا لا أتمنى من قلبي تستمتعين بكل لحظة في اجازتك ومنتظرين رجعوك على أحر من الجمر ♡ ♡
من ناحية الرضا عن الذات صرت راضيه اكثر بكثير من اول وتغيرت حتى الناس حسوا فيه نحفت بطريقه صحيه وبعدين بدون دايت ولا حرمان ومستمتعه بحياتي سبحان الله احس التغيير حلو ويغير النفسيه قصه جديده لبس جديد توقفك عن لوم ذاتك انك تشوفين الأشياء الإيجابيه فيك تتعلمين مهاره جديده صراحه انا الرقص قلت بتعلمه منه رياضه ومتعه وشي جديد ،، الشي اللي يجعلني راضيه عن نفسي اني احقق هدفي وهو التمتع بجسد رائع مو نحافه بس ويكون الرياضه روتين مقدر اخليه ايضا الأخلاق العاليه لطف التعامل عدم تجريح الآخرين احس نحتاج هذا جدا والحمدلله الرضا تقريبا ٥ متوسط يعني بس سعيده لأني تطورت عن قبل كان الرضا نازل مره
صباح الخير
حبيت الموضوع طلعنا من نسق المدونة نوعا ماطلعنا لجهه عالية جداً اجدتي بجدارة الخوض فيها
الجمال امر نسبي اعتقد يختلف باختلاف الشعوب والازمنة
لكن مقياس محدد مااعتقد فية لانه يتغير بكل فترة لكن امور متعارف عليها بالجمال واساسية ماتتغير
النساء فيها هوس الجمال والمحافظة على الشباب اكثر من الرجال
اتذكر لما كنت باخر المتوسط واول الثانوي فيني هوس العناية بجمال وجهي لدرجة اني حاطة مراية جنب سريري اذا قمت الصبح اشوف بشرتي وملامحي ههههه اتوقع فترة المراهقة صعبة مع اني الحمدلله ماكان لي معناة مع حب الشباب هذاك الوقت
رضاي عن نفسي هذي السنة متدني قليلاً فية اهداف سعيت لتحقيقها وماقدرت لكن باذن الله لن افقد الامل
مااعتقد فية انسان عندة رضاء كامل عن نفسة
وتقبل الله منا ومنكم بقرب دخول الشهر الكريم واجازة سعيدة ياجميلة ()
انا بهالمواضيع ماعرف اش اقول بالظبط هل انا راضيه عن نفسي او لا لأنها بترجع لمزاجي بس الي اعرفه اني احسن من نفسي اول وبكثير وثقتي بنفسي جيده وبقدراتي ودائما احاول اتطور واصير شخص افضل ،وبالنسبه للجمال باقول قصتي انا لما كنت طفله كنت طويله اطول من كل الي بسني وكان الكل يعايرني بهالطول لما دخلت المتوسط دخلوا بنات علينا بالصف كانوا معنا بالابتدائي يبون يشوفون البنات الجدد فقاول اكيد انتي اطولهم وقعدوا يضحكون انا وقتها كانت ثقتي بنفسي ضعييفه صرت امشي مستحيه وحانيه ظهري بس ابوي الله يسعده انتبه لي وماعجبه شكلي وكان كل يوم يعطيني زي ماتقولين دروس وقصص وكلمات تزيد ثقتي بنفسي وان طولي مامثله ولازم ظهري يكون معتدل والاهم كيف افكر وكيف اشوف نفسي وكيف احقق احلامي ومستقبلي واشوا الحمدالله انتبه لي من بدري والا مدري كيف بيكون شكلي وحالي والله من وقتها صرت ما اهتم بالكلام كثير والا بكيف الناس تشوف شكلي والحين ولا يأثر فيني حتى الي يهمني اخلاقي شخصيتي فكري ثقافتي قبل فتره تعرفت على بنات هما ثلاث اخوات ثنتين جميلات والوسطانيه اقل جمالا منهم لكن كانت مثقفه وعفويه ولطيفه شخصيتها تجنن والله اخواتها ماكنهم اخواتها لاشكل ولاشخصيه اتوقع لانها تشوف امها والناس مهتمين باخواتها اكثر منها فحبت تطور شخصيتها عشان تتميز عنهم بس من جد كانت عجيبه ومغطيه على جمال اخواتها ،وهذا دليل ان الجمال مو جمال الشكل بس ولاهو الاهم
وبالنسبه للسؤالين الي طرحتيهم واش الجوانب الي تخليني راضيه عن نفسي ارفع نسبة الوعي عندي وعند الي حولي
وسبب رضاي عن نفسي اني راضيه بكل شي املكه وما افكر بشي ما اقدر املكه والحمد الله على كل شي وعلى كل حال
ماشاءالله كلام جميل وبالنسبه للرضا عن الذات أنا أتمنى أكون راضيه عن نفسي تمام الرضا لكن بطبيعة البشر مستحيل أوصل للرضا التام لكن إن شاءالله أكون قدرت أحقق أغلب اللي رسمته لشخصيتي وحياتي أما على طاري جمال الأطفال والأمهات ماعندي خلفيه عن الموضوع لكن عندي بنت الله يخليها لي عمرها 5 سنوات دلوعه ونعوومه مره ومرتتبه ومنظمه ونشيطه لاحظت مهتمه بالجمال ياماما شعري حلو وإذا كبرت أصير حلوه وتحب تنسق ملابسها وشعرها عززت فيها هذا الشي وأحب أركز إنها بنوته مؤدبه ومنظمه وكل الأمهات يتمنون أولادهم زيها أبغاها تركز على مميزات شخصيتها هي الحلوه وأتمنى أقدر على كذا وشكرا أرتوس طرحك للموضوع شيق كعادتك
تتهنين في اجازتك يارب ولو اننا بنفقدك وبنفقد مواضيعك
تصدقين من زمان يعني من وانا صغيره لين قبل ٥ سنوات كنت اعاني مع مجتمعي والناس اللي حولي كنت احس اني فاقده الثقه بحالي
زي اي مجتمع خليجي ما يشوفون فيك اي ذرة جمال اذا ما كنتي بيضاء حتى لو انك مافيه ملامح بس اهم شي بيضاء خلاص انتي ملكة جمال
واكثر شي ينرفز انهم على هالمنظور يكون تعاملهم معك ، واكثر شي ينرفز شغلة المقارنه شري وديني اللي تقارن سواء انا كنت طرف في المقارنه والا اي اشخاص ثانيين ، انا واختي اللي اصغر مني مافيه فرق بالعمر انا وياها والحمدلله ربي منعم علينا بالملامح والشعور الناعمه والسوداء لكن الفرق اني حنطيه واختي بيضاء ، فطول هالسنين الناس تعاملني كأني انا اللي قايله لربي انا ما ابي اكون بيضاء اني ابي اكون حنطيه ، فتلقينهم كل شوي يدقون بالكلام انتي حلوه بس صراحه اختك احلى منك عشانها بيضاء طيب احد سألكم مين احلى طيب الحمدلله انا مقتنعه باللي قسمه لي انتوا وش مشكلتكم بالضبط فكنت ما احب اطلع عند حريم جماعتنا او اروح اعراسنا عشان هالمقارنات والكلام اللي يسم البدن لين قبل فتره قلت وش علي فيهم بتروح احلى سنين عمري وانا منخشه من العالم بس عشان نظرتهم السقيمه ، بالطقاق عني ما اعجبتهم والحمدلله تدريجياً بديت ارجع ثقتي بحالي بإني ادعي ربي اني اكون جميله بعين نفسي قبل عيون الناس وصرت الاحظ مواطن الجمال فيني واحاول ابرزها اما بالنسبه للبياض فصار ما يعني لي لإني لو حتى صبغت حالي ببويه ما راح ارضيهم وما اكذب عليك كثير يوصلني كلام يقولون نحسك احلويتي وش تسوين قلت هذي انا من يومي بس انتوا ما كنتوا تشوفون العالم زين حتى لما احد يشوف صوري وانا صغيره يقولون نفس الوجه سبحان الله مافي شي تغير فيك بس ليه اللحين نحسك احلويتي ، يا ريت فعلاً العالم تراعي الناس ومشاعرهم حتى لو انك ما تشوفه بمنظورك حلو خلاص احتفظ رايك لنفسك فيه غيرك يشوف عنده مقومات الجمال ❤️
أحب نوعية هالمواضيع لأن بجد أحس ركزنا على جمال الشكل ونسينا جمال الروح لكن حلو لو نوازن بين هالشيين ونهتم بالكل يعني نهتم بالجسم وصحته وجمال البشره وبنفس الوقت التهذيب والثقافه والاخلاق .
• وش الجَوانب إللي من المُفترض تنمونها أو تطورونا للوصول للرضا عن الذات بنسبة جيدة ، حتى لو كنتم تبون تنحفون ، تكونون فاشن أكثر ، تكون مواكبين للموضة أكثر ، تتعلمون أكثر من لغة ، تتعلمون مَهارات أخرى ؟
من ايام ماكنت صغيره كان ودي اكون انسانه صحيه وقبل سنتين بديت اسوي رياضه ماتتوقعين شلون ارتفعت ثقتي بنفسي حيييل وطبعا تغيير جسمي له دور بس بعد تطلع الضغوط والعصبيه وقت التمرين فأكون بأحلى مزاج بس احيان اقطع بالرياضه فودي لو اقدر اضبط نفسي , واحاول انمي لغتي الانجليزيه زياده وودي اتعلم فرنسي وازيد من القراءه لاني اتسحب عالكتاب الواحد بشكل يستفزني وأكيد يكون عندي قدره للتنسيق باللبس أكثر لأن اشوف بنات فنانات بهالشغله فودي اصير اعرف البق القطع مثلهم فأحاول اتفرج على اللوك بوك ومواضيع التنسيقات والحمدلله في تطور ..
وبس والله خلصت *إحساس اللي ماخلت شي ماقالته* وبجد من كل قلبي أحبك وأتمنى لك الخير وودي مدونتك توصل للكل وتكون مرجع للجمال عند الجميع.
صباح الخير
بشكل عام فيه ملامح جميلة راضية عنها تمام الرضئ وفيه اشياء مقبولة وليستَ سيئة .. الرضى ٦-١٠ ..
ونكثف كمية الججمال ب قراءة مدونتك الجميلة ..
الجوانب اللي حابة اطورها كثييير .. وكل يوم اتعلم شي او يطلع بالدنيا شي جديد ..اعني اني مو مدركة تماما وش الجوانب اللي حابة اتعلمها بس حابة اتعلم اشياء جديدة فعلا .. حابة اطور الانقلش عندي واتعلم فرنسي ولا خلصتهم امكن برازيلي لأني احبه جدا واحب هالدولة .. كثير صفات فيني حابة اطورها ودي اكون متزنة بحياتي اكثر وودي اعرف اصرف على نفسي او بمعنى اصح اتعلم استثمر فلوسي واصرفها باتزان .. لأن حاليا اهلي يصرفون علي وماعرف امسك فلوسي واشتري اشياء على حساب اشياء اهم .. امممم ابي اجتهد اكثر وادخل الرياضة بحياتي بس بطريقة حلوة وجميلة وبرضا مني ما ألزم نفسي عليها .. بالنسبة للجمال مابي اقول شي احسه شي نفسي وما هو مهم بالحياة العملية هو مهم اعلاميا ممكن بس اللي يبي ينجح ما يركز بهالاشياء لأن حب الجمال هوس حتى لو كان الواحد جميل وعنده هالهوس م رح يرضى بجماله وبيركض ورى هالجمال وبس .. موضوع جميل بس حسيته شوي مشتت م عرفت ارد بس يستحق النقاش واسلوبك رائع كالعادة. اتعلم منك حتى لو هو موضوع نقاش مش تدوينة
بصراحه اقدر اقول اني تغيررت كثير وطورت من نفسي كثير لكن اطمح للتطور اكثر عشان اوصل لل 10/10
بتوحشينا ارتوسه واتمنى ترجعيلنا بنفس النشاط
تدوينه اقل مايقال عنها رائعه ..
فعلا الناس صارت سطحيه باغلب الاشياء -الا من رحم ربي – وهالشي مؤسف وانا اتكلم عن مجتمعي ..
اما عن الرضا للاسف ماني راضيه عن نفسي وبحكم اوقات الفراغ قررت اسوي خطة اضع فيها مايوصلني للرضا عن النفس وان شاءالله اقدر على هالشي , وبالتاكيد راح تكون هناك صعوبات بحكم المحيط والظروف ..
* اجد نفسي محظوظة لاني عرفتك يمكن بتحسين فيه مبالغة لكن جد هذا شعوري تجاهك كل ماشفت لك تدوينه جديده احب اسلوبك طريقة طرحك انتقائك للمفردات واشياء كثيره .. حفظك الله عزيزتي وحفظ لك كل غالي ..
تسلمين عزيزتي ع الطرح ,,, استمتع جدا وانا اقرا مدوناتك
بالنسبة لرضاي عن نفسي اصنفه ل 5 – 10
أتمنى أطور من نفسي وأكون أكثر شجاعه لاني انسانه مهووسه بالنظام والتفاصيل لكل شي و لا احب اسوي شي او يصير شي بشكل مفاجئ لدرجة صار عندي خوف من كثير اشياء سخيفه لاني اركز فالتفاصيل واحاول انه هالشي يصير بنظامي انا او حسب نظامي وترتيبي انا اتمنى انكم فهمتوا شي ههههه\
من ناحية الجمال فعلا نحن عقولنا تشربت انه جائما الجمال هو التوب ف كل شي بس مادري انا ليه احس هالشي بداء يتغير بالنسبه لي مثلا تعرفت ع مجموعة بنات فالبدايه ما كنت اشوفهم جميلات بس من عرفتهم وعرفت تفكيرهم وشخصياتهم صرت اشوف كل شي فيهم حلو شكلهم لبسهم سبحان الله مع انه فالبدايه ما كنت انتبه لا لبسهم ولا اي شي بس مجرد تفاوت جمالهم أنا أؤمن انه كل انسان فيه شي جمييل بمجرد انسان اخر يكتشفه تتغير نظرنه له ….
ايضا اتمنى أصير اكثر نشاط لاني انسااانه كسوله لدرجة انه تروح علي فرص بسبب كسلي
شكرا حبيبتي ارتوووووس أحبك وأحب تدويناتك
ارتوس الجميلة اول شي اول مره اعلق على مدونتك الموضوع مسني وحسيت تفكيري بالضبط ببساطه قعدت اسأل نفسي كثير عن كم المفروض اقيم نفسي
للأسف ما قدرت اعطي نفسي اكثر من 1/10 محزن شعور انك على طول تحبطين بنفسك اسواء شي الشخص يكون عدو نفسه وبدون سبب
اهلي ما عندهم تمييز ولا تحفيز يعني لا ابيض ولا اسود رمادي على طول
اوقات احط اللوم عليهم انه لو يعززون لنا او يحفزونا انا الحمد الله من عائلة متميزه دزاسيا
كانو اهلي يفرحون بهالشيء بس بينا بصراحه ما احب الناس اللي تتفاخر ب اشيائها بس كنت اقول ما يضر اذا الواحد مدح نفسه شوي ورى العالم انه صدق متميز يعني شين شعور انه ما احد يصدق انك شخص ناجح ويستنكرون انه معقولة انتي كذا
متأخر لا استوعبت ان مشكلتي مو اني اثبت للناس مشكلتي انه افتقر لثقتي بنفسي مو مضطره انه الناس هي اللي تحكم علي لانه من الاساس لما الواحد يكون واثق من نفسه ينعكس عليه ويصير الناس صدق تحترمه وتعرف قدره مره قاعده اشتغل على نفسي ويا رب اني اطلع بنتيجه زينه
كأني قرقت بزيادة صدق ( احب تفاصيلك والكلام الطويل بمواضيعك دايم خذي راحتك بالكلام ) و دايم كثري من هالمواضيع
وصدق ارتوس يا مال الجنة تنحبين مره و اثق بكل شيء تطرحينه من ايام شمواه أتمنى لك كل التوفيق
السلام عليكم ورحمة الله وبركاته
اول شيء حابه اقولك عن حبي لكلامك وما تضعينه بمدونتك وبكل مكان فيه ارتوس * رغم اني دايم اتعارك احيانا مع بعض كلامك ونفسي لكن يجب ان نتعلم أن عادي اتفق مع شخص بأمور واختلف معه بأخرى . نكون اكثر مرونة يعني ❤️
تعليقي على الموضوع
الحمد لله رب العالمين عائلياً راضية الله يزيد المسلمين من واسع فضله الذي لا ينفد ❤️
راح أعطي نفسي ٣-١٠ حاولت احط ١ لكن حسيتها قاسيه بحقي !
الرقم هذا خذيت فيه اعتبار لطريقة تفكيري و السلام اللي دايم احسه
ليه حرمت نفسي من الارقام العالية ؟
الحمد لله بإذن الله عندي يقين إني يوم من الايام بدون مااحد يسألني راح اكون رقم عالي
عمري صغير وطموحي عالي
التفكير جاهز لكن البداية ؟ لين اللحين نتصارع انا ابدأ بالبحث عنها
او هي تبحث عني
عشان كذا يا ارتوس اللي لمست جمالك الداخلي ❤️
أتمنى منك تتطرقين لمواضيع كيف تبدأ اول خطوات طموحك
سواء كان مشروع ، دراسة اي شيء يكون يتعلق بالبدايات !
مثلا تكلمي عن نفسك لو كان عندك مشروع و كيف تكون البداية !
صباح الخير
كلامك جدا جميل وصحيح
بالنسبه لي فالانستا قيمّت نفسي ب ٥ وممكن اقل ههه
لأَنِّ في اشياء كثيره كثيره حابه أطورها في نفسي وموعارفه وماادري ل متى ؟!؟؟
والسبب أني مزااااااجي جدا وعندي خمول مو طبيعي وماادري انتظم ع شيء أكرهه الالتزام والروتين
ودي اقرأ وأحب القرأءه بس موقادره احبها وتكون عندي ثقافه ع عمري احس عقلي فارغ ماعندي معلومات كفايه وغير كذا حتى لو قرأت معلومه مو من النوع اللي يحفظ ع طول أنسى-_-
ودي اطور لغتي وأتحدث الانجليزية وأضفت كتير حسابات بس للأسف مااستمريت
أحب الرسم ومن بداية السنه كتبت من ضمن اهدافي أني أنمي وأطور هالموهبه من كنت صغيره احبها ورجعت ارسم قبل سنه ورجعت توقفت بماان اللي حولي مشجعيني بس البلى فيني
خجوله ودي احرر نفسي شوي احس خجلي مخرب علي اشياء كثيره مثلا لما اروح سوق احيانا مو كل مره اخجل اسأل البائع أفضل اللي معاي يسألون او بالنسبه الوظيفه دائما في المقابلات يقولون لي خجوووووله وصوتك ماينسمع بمااني عادي احاول ابين نفسي طبيعية وشايله الخجل من راسي وصوتي أحسه عادي بس سبحان الله كأن مكتوب ع جبهتي مثلا مستشفى ابي أخذ موعد اخجل وخاصه اذا عارفه إنّو اللي بيكلمني رجال وقلبي يدق يدق كأني بدخل معركه واشيل هم هالمكالمه
اما بالنسبه للشكل الحمدلله واثقه من شكلي واللي حولي دائما شايفيني جميييله ويمدحوني بماان انا في اشياء في نظري مأزمتني واحاول اشوف حلول مو مقصره ^_^
شخصيا اشوف العرب جميلين حتى ان لهم مميزات انتشرت كمفاهيم للجمال في العالم كله
مثل كثافة الرموش والعيون الواسعة
اللي جمالهم متوسط شعوب شرق اسيا
او يمكن انا عيني ما تشوف جمالهم بالشكل اللي الناس تشوفه
بالذات مع توجه بناتنا ناحية الكوريين
كل هالكلام مو مشكلة المشكلة في تقديس الجمال
اللي تعامل الجميلة معامله خاصة وتتكبر على العادية هذي اللي اتمنى تنقرض
وبالذات اذا وصل الامر للاطفال
طفل ينترك مهمل على الهامش وطفل يوصلونه للسماء
شيء ينرفز .
اما رضاي عن نفسي تقريبا ٦
اكون صريحه مع نفسي قدامي مشوار طويل لسى انا في بدايته
موضوع حلو خلاني التفت لجوانب كنت اتغيفل عنها ..
لو احد سألني من قبل شنو اللي اقدر اغيره و ارتاح من نفسي ؟
بقول الخجل .. الخجل المذموم اللي ما يخليني اعرف اتكلم مع أحد غيري
و يحطني بمواقف محرجه …
متى قدرت اغير هالشي ؟
لما توظفت بمكان مختلط .. صرت اتكلم غصب عن نفسي
مافيه احد مسؤول عني وبيتكلم بدالي .. صرت اقول اللي ابيه بصوت عالي ومسموع.
ممكن لو كان مكان نسائي ماقدرت أغير هالشي ..
اما الحين ف بقول اني راضيه عن نفسي 7 من 10
ليه ؟
لأن أكيد في جوانب ابي اغيرها مثل الإستمراريه
ابي ابدا بشي و استمر فيه ع سبيل المثال : الرياضه .
ومدونتج وكلامج الإيجابي اشوفه مصدر قوه لي بهالشي .
شكراً لج أ{توسه 3>
صراحة تدوينة رائعة اعجبتني وجهة نضرك واوافقن الرائ .انا لم اجب عن السؤال في انستا لانني لم اعرف عن اي شئ سانقط نفسي لكن لم افكر في الجمال ابدا بل فكرت في ديني و انا لست راضية عن نفسي فيما يخص الدين
جميلتي ارتوسه
احب كل ما تكتبينه وهناك بعض نقاط التشابه بيننى
عندما شاهدت ردود الفولورز تاكدت بانهم لم يتخطو حدود محيطهم
الانسان المطلع المنفتح على الحياه سيتوقف لحظتين قبل ان يجيب
هناك ثقه مزيفه يتمتع بها بعض الاشخاص القشورين وللاسف يغشون نفسهم قبل الغير
البساطه هيه سر الحياه ومن هنا ننطلق لكل شي
اتابعك بكل حب وانتظرك دائما
اجازه سعيده
كنت ناويه ارد عليك ب الانستا .. لكن لأن تقييمي لنفسي متدني .. فضلت انتظر حتێ اتفرغ لقرآءة تدوينتك ..
قريت التدوينه حرف حرف ..
لما شفت البوست عن تقييمك لرضاك عن ذاتك .. ما خطر لي الجمال .. رغم اني من نفس الصنف العربي المهووس ب الجمال و اللي يعتبره بوابه لكل شي ..
قيمت نفسي في كذا مجال .. في العلم .. في اللباقه .. في المهارات .. في فنون الحياه النسويه .. في الانجازات اللي يفترض بي تحقيقها في عمري هذا ..
تأسفت لنفسي كثير أني ظلمتها .. و بخستها حقها في الطمئنينه ..
توقعت لحظتها اني راح اعطي نفسي تقييم 1.5 من 10 لأني مو راضيه عن شي الا اني لازلت امتلك مهارة واحده و خايفه أخسرها ..
العجيب اني اعرف نقاط ضعفي .. و يفترض اني اعرف شلون اقويها .. لكن اني مستسلمه للكسل .. ل قصه شهيره في تطوير الذات عن شخص اسمه عادي .. عاش عادي .. و مات عادي .. و انتهێ انه ماله وجود في الحياه .. اخترت ب الا واعي اني اكون هالشخص .. بدل ما تعطيني القصه دفعه لفوق .. و اني ارفض اكون شخص عادي .. صرت هو بمحض ٳرادتي ..
الرضا عن الذات نعيم .. جنه .. الصلح و التصالح مع نفسك كفايه
شكرا آنسه توسه ع البوست الجميل
احس إني راضيه عن نفسي, و احب اكون راضيه عن نفسي, من كل النواحي مو بس جماليا, احس كل ما كنت راضيه عن نفسي كل ما اتحمست و اشتغلت على نفسي اكتر. أكيد تجي أوقات اطالع بنفسي بالمرايه و تطلع كل الانتقادات, على شكلي لو كان مبهدل, على الهالات تحت عيوني او على نحفي او على إني ما بقراء بشكل كافي وما بثقف نفسي كويس و اشياء كتير. بس بكل مره افكر فيها كده, بإنتقاد, اقطع افكاري و أفكر في شي يشغلني و يخليني أنتج. حلو الرضا عن الذات مو لدرجة الغرور و العنطزه بس بشكل يخليك مرتاح مع نفسك و مبسوط وسعيد فيها. تقيمي لنفسي ممكن اديه سبعه و أقرب للعشره.
كنت منسدحه و عيوني تقيله من كتر ما انا نعسانه و قاعده اقلب بالمدونه و اقراء, قرائت البوست ده قعدت و اتربعت و عيوني فتحو هههه, ميرسسي على مواضيع مرتبه زي كده تفتح النفس.
إجازه سسعيده إن شاء الله.
صباح الورد
موضوعك جدا هادف وجمييل ومهم .
اذا بقيم نفسي الصراحة 2من 10 لاني موواثقةبنفسي مره وخجولة واستحي من الناس الي حولي لدرجة اصير هادية وشخصيتي تتغير وما ادخل مع الي حولي دائما ساكتة وما عرف اسولف واكثر حاجة خلتني اصير مو واثقة الي يتكلمون علي وعلى خلقتي لدرجة صرت اقارن نفسي هذا في مامضى الحين بديت اشوف الاشياء الجيدة فيني وبطلت اقارن نفسي بأي احد والخجل الى الان فيني بس ان شاء الله بيوح قاعده اتعامل معه وقاعدة اطور من نفسي وانمي مواهبي واحاول انحف واسوي شعري وكذا يعني وان شاء الله تتغير نفسيتي للاحسن وشكرا لك
امنيتي اقابلك واصير صديقتك
اااخخخخ وااخخخ خلاص وانا اقرا حسيت شوي وابكي ي الله قلبتي المواجع عندي
المهم بحكيكي شوي طبعا انا اهلي الله وكيلك مو بس امي لا حتى خالاتي دايم مُنتقدين لقبيلتنا وان ما فيهم جمال
وانو قبايل معينه مشهورين بناتها بالبياض وشعرهم ناعم هم اجمل شي فالحياه
تخيلي لدرجة لما يجو صور اطفال ع التلفزيون يقولو اكيد من كذا والا كذا
حتى الرجال عندنا لما يشوفو وحده بيضا او واحد ابيض ع طول يقولو فيهم عرق
يعني مايسير كذا تخيلي واناا صغيره كنت البس بناطيل ومازلت بس تغير المفهوم عندي
تخيلي كانت وحده من خالاتي تقول ل امي انو (مؤخرتـ…) كبيره
وتخيلي كنت اسمع الكلام هذا وعمري م نسيت لما كنت اوقف قدام المرايه واطالع بنفسي انو من جد كبيره
مين يصدق انو جا وقت الناس تتباهى بالشي هذا
ولما كبرت صرت فالابتدائي ذبحونا بالبياض والشعر الناعم
تخيلي اقسم ب الله هلكت نفسي فالمتوسط ابغى ابيض ابغى اصير بيضا
وكنت ناويه استخدم كريمات فيها كورتيزون > ادري غباء اضر نفسي عشان ارضيهم
المشكله عندي اهل يختي م يفهمو انو هذا شي تجميلي مثلا صبغ الحواجب عشان يناسب لون الشعر
تجي امي الله يهديا تقول ( ربي خالق لنا لون طبيعي ليه نحوس ونصبغ )
اليزر كمان تجننت بسوي ليزر بسبب شعر جسمي ( ولما استاذن من امي بحكم اني م اقدر اخرج من غير م تدري ) تقول ربي خالق لنا شعر نقوم احنا نحط اشياء تسده و و و
طيب المشكله م تديني مجال افهمها اعلمها وللعلم ترى هيا شبه معدوم عندها شعر الجسم
قبل فترة في حمله ف دوف كانت جميله (مختصر الحمله ) انو كيف انتي تشوفي نفسك وكيف الناس تشوفك
وجابو رسام وخلو البنت توصف نفسها (اكثر شي كانت البنت ترز ع عيوبها)
بس بعدين جابو بنت ثانيه م تعرفها وخلوها توصفها للرسام (طبعا كل هذا والرسام ماشافها) فكانت البنت الثانيه تشوف الااشياء الجميله وفعلا الرسام رسمها 70% صح وقريبه من الحقيقه
مرا كنا ف كلاس وكانت المس مسويه زي الاكتف كل بنت توصف الثانيه بدون ماتقول اسمها
وباقي الكلاس يخمن مين هيا و وحده وصفتني
تصدقي كانت تقول اشياء م توقعتها فيني دحين صرت اشوف انو من جد هذا موطن جمال عندي
بس والله رساله للامهات لاتتتحطططمو بناتكم لاتقارنوهم باحد
لاتجلسو تسمعو مواقع او مشايخ يتكلمو عن تربية الابناء قدامهم ترى والله مو فصالحهم
تعلمو عن التربيه قبل ماتجيبو
ترى اقسم ب الله نفسيتي تعبانه
انا والله عارفه انو عندي نشاط ومتحمسه اسوي شي يفيد المجتمع بس ماقدر بسبب اهلي
اقسم ب الله اكرف كرف وفالنهايه م يبين
تعرفين اش اقل حاجه
نفسي اطول اظافري وارتبها (انا الي وريتك هيا قبل فتره وكنت اقولكم انو صحباتي يقولولي صغيره)
مو قادره اعدلها بسبب اهلي يتقززون منها ويقرفون
طيب كيف اطولها وانتو مو راضين تخلوني اهتم فيها
حتى الرياضه بسوي بس م اقدر (مع انو مشتريه العده عندي )
بس تخيلي لما ابدا بتمرن امي تقول ( ما رح تنحفين تعالي بس ساعديني واكسبي اجر )
ترى مرا اتضايق من هذا الاسلوب
م بتعمق اكثر من كذا لو احكيكي م بخلص
+ ترى احبك كثير
وان شاء الله اذا تزوجت وخلفت بربي بنتي زي تربية امك لك
انتي مصدر الهام
كلامي ملخبط بس كذا كتبت عشان اوضح لك اكثر كيف بعض الاهالي
وي ليت الي الام وزي كذا يعني انتبهي لبنتك
استغفر الله بس
> معصبه
الله يسعدك ي ارتوسس
وربي هالموضوع حرام يظل ف المدونه فقط المفروض ينّشر ،كلامج صح مليون ف المئة وع فكره مره قريت مقال للدكتورة جيهان وهي استشاريه تجميل في المستشفى الأمريكي بدبي فيما يخص موضوع الجمال وفعلا شمال افريقيا يفتقرون للجمال والفراعنه كان معروف عنهم بأن عيونهم عاديه وصغيره عسب جي اخترعوا الكحل ، طبعا معايير الجمال مختلف من شخص لآخر وكل دوله لها معايير ومفاهيم جمال مثلا في افريقيا كل مازاد سواد المرأه زاد جمالها وزاد مهرها وف نظري مافي انسان كامل الكمال لله وحده ولكن كل شخص له صفه او شكل جمالي يتميز به ،الشي اللي ينرفز ان تقييم الناس عن رضاهم قائم بس ع الشكل الخارجي ومثل ماوصفتيهن اللي تحقد لو شافت وحده احلى منها او تقل ثقتها بنفسها او او ،، مدى رضاي عن نفسي همممم ماقدر احدد رقم لأن رضاي عن نفسي وعن حياتي متذبذب ممكن اليوم اكون راضيه مليون بالمئه اكيد لأني انجزت شي خلاني جي وممكن باجر اكون صفر لوجود ظرف خلاني اكون دروب للأمانه بعد تفكير وتحليل وتقييم وتجميع عملت جدول وزعت فيه التالي رضا عن جمالي وعنايتي بنفسي ، رضا عن حالتي الماديه، رضا عن مسكني ، رضا عن تربيتي لأطفالي ، رضا الوظيفي ، رضا عن مستوى الفكري ، رضا الاجتماعي وبعد ما حطيت رقم لكل خانه اقدر اقولج بشكل عام انا راضيه عن نفسي ٧/١٠ الحمدالله حققت اغلب اهدافي اللي كنت اطمح لها واعيش بسلام داخلي طبعا هالسنه راح احدد رضاي ع بدايه السنه اليايه لأني اضع اهداف واذا انجزتها اكون راضيه هذي طريقتي بتقييم نفسي ، وخواتي البنات اللي ذكرو آرائهم زعلت ع البنات اللي تقييمهم وايد نازل بنات كل شي اتفكرون فيه بعقلكم الباطن يترجم بأفعال راح اتشوفينها بحياتج وبالتالي راح تتشكل حياتج ع حسب مفاهيمج دايما شوفي نفسج ناجحه وسعيده وراضيه اي شي يضايقج خليه تحدي وهو مجرد مطب وينتهي
حبيبتي ارتوووسه اجازة سعيده we will miss you اموااااح
ارتوس انا نفس هذيك البنت الي قلتيها الي ينقلب وجهها اذا شفت احد اكشخ مني واحلى مني اصير مااقدر اتحمل الجلسه وابي ارجع البيت وانقهر ويبين على وجهي وحتى من نظره عيوني يمكن لاني متعوده دايما بالمدرسه/الكليه وبالطلعات الناس يقولون اني اجمل وحده ويمدحون ملابسي لدرجه صرت اذا مره طلعت طلعه ومحد مدح لبسي احس انه مو حلو مع اني مقتنعه فيه وعاجبني ولا اذا كنت بالمدرسه/الكليه ومحد مدحني اليوم احس في شي غلط!!! انا اكرررره هذا الشي وودي اصير طبيعيه وودي الت نفسي كفف . ساعديني وش اسوي!! كيف اتخلص من هذا الشي
كلامك جدا معبر وانا كنت اتابعك من فترة مهي قصيرة بس اسلوبك وعفويتك و ذكائك وشخصيتك مميز و لافت..
الموضوع شدني لأني ما اقدر احدد رضاي عن نفسي دائما لأني اتوقع واعرف اني اقدر أكون أفضل من اللي انا فيه بمراحل.. غير اني ما اجازف في شي اتوقع اني ما راح انجح فيه من المرة الأولي (ادخله تحصيل حاصل وما استعد وأتحدث على آخر اللحظات)
مشكلتي هي اني اتأثر بشكل جدا سلبي بالجو اللي حولي (انطباعات الناس اللي حولي عني) خاصة إذا عرفتهم زين أو كانوا من الأقارب أو المعارف.. ادري أنه غلط بس لا شعوريا اقرأ اللي يفكرون فيه وانصرف تبعا له عشان أبين شي أو اغيره.. ودائم ألوم نفسي بسبب هذا الشي.. رغم الأغلبية يمدحوني واعتبر شي محترم عندهم وحققت أشياء مبسوطة عليها..إلا أني أكره تأثير اللي اعرفهم وتفكيرهم السلبي علي.. كنت وكأني أحاول ارجع انسانة اجتماعية اكسب الكل بس هذا متعب وفوق اني تغير وضعي شوي وصرت حساسة أكثر بسبب هذا الموضوع..
أنا أعرف نفسي زين بس ما ابي أحد يفكر فيني بشكل ثاني وهذا اللي متعبني..
ادري كلامي فضفضة بس هذه من جد مشكلة مزمنة بالنسبة لي..