صَباح / مَساء الجنان
من غير زعل ، تذكرت المثل إللي يقول : عنز بدو طاحت في مريس
ههههههه حالي هاليومين وَ حال الغرب ذكرني بهالمثل ، صايرة كل ما أفتح اليوتيوب أو الإنستقرام ما أغير أشوف علب زيت جوز هند ، زيت جوز الهند بكل مكان ، صاير إدمان هالأجنبيات وَ شكل العدوى بتنتقل للعرب إن ماكان إنتقلت بالأصل من قبل لا تنتقل للأجانب بحكم قربنا من الهند وَ شرق أسيا
يمكن كثير سمع عن تقنية السحب بالزيت وَ كثير طيرها السماء وَ خلاها العلاج لكل داء ، ممكن البعض يشوفها تقنية مضحكة وَ مجنونة
شخصياً أنا أول مرة سمعت عنها قبل شهر تقريباً لما وحدة من المتابعات إسمها : لولو
نَصحتني أثناء طرحي لموضوع روتين عنايتي بأسناني ( للإطلاع إضغطي هُنا )
وَ عطتني إسم الطريقة وَ بحثت عنها ، وَ ما أخفيكم حسيتها غير منطقية
[ كعادتي دائماً بالأمور إللي تتعلق بالطب البديل ]
لكن مدح البنت لها خلاني أجرب ، أيضاً الضجة الكبيرة إللي أثارتها هالطريقة فصار الكل يعرض تجاربه عنها مُدعم بصور لأسنانهم قبل وَ بعد ، وَ عاد قبل لأجربها قلت لأهلي عنها ، قالوا لي : مشهورة هالطريقة من زمان ، عاد إستغربت إنها مشهورة وَ لا سمعت عنها خاصة إني من النوع إللي أهتم بأسناني
مهماً كان رأيكم عنها بهالموضوع راح نشوف :
– وَش يطلع تكنيك السحب بالزيت ؟
– هل هو فعال أو لأ ؟
– وش أصله وَ فصلة ؟ بالإضافة لرأي الطب عنه !
Oil Pulling ( أصول تكنيك السحب بالزيت ) ~
بالأصل هالتقنية قديمة جداً وَ ترجع للطقوس الهندية أو الأورفيدا في الطب الهندي القديم من 3000 سنة ، وَ تعتمد على سحب السموم من الجسم عبر المضمة بالزيت ، إنتشرت بالزمن الحديث بأمريكا عام 1990م ، ببحث قُدم على يد الدكتور Dr. F. Karach
وَ أثارت ضجة كبيرة خاصة بعد كتاب Oil Pulling for a Brighter Smile and Better Health
( السحب بالزيت لإبتسامة مشرقة وَ صحة أفضل ) لـ الدكتور بروس فايف Bruce Fife
الطريقة بإختصار أساسها المضمة بالزيت كل يوم لمدة ١٥ إلى ٢٠ دقيقة بالزيت وَ راح أفصل أكثر عنها تحت
ما علاقة صحة الفم بصحة الجسم كله ~
يُقال إن الفم موطن للفطريات وَ البكتيريا وَ الجراثيم وَ الفيروسات وَ الكثير من السموم فـ الممضمة بالزيت على الريق تطهر الفم وَ تسحب السموم من الجسم قبل أن يمتصها الجسم عبر الفم فبالتالي يقوي جهاز المناعة
وَ بما إن الفم موطن لكثير من البكتيريا وَ أيضاً جذور الأسنان تنتهي بالأعصاب إللي مرتبطة مع أعصاب باقي أعضاء الجسم ، ممكن هالبكتيريا تنتقل عبر الأعصاب وَ تسبب المرض للجسم [ عاد شرحتها بشكل مبسط مدري فهمي لها صح وَ لا غلط لوووووول ]
أشوف التفسير نوعاً ما منطقي بما إن كثير أمراض يشتكي منها الجسم يكون سببها الرئيسي الأسنان ، يعني أحياناً الواحد يكون يشتكي من رجله فينصحه الدكتور يخلع سن معين لأنه عصب السن تأثر ، أيضاً كثير ما نسمع إن إهمال الأسنان مُمكن يؤدي إلى أمراض القلب …. الخ
طريقة السحب بالزيت ،’
الطريقة بسيطة وَ متوفرة بكل بيت لكن ممكن تكون متعبة
تحتاجون زيت بكر معصور على البارد ، مَثل : ( زيت جوز الهند البكر ، زيت السمسم ، زيت الزيتون، زيت دوار الشمس ) وَ لازم الزيوت إللي تستخدمونها تكون طبيعية ١٠٠٪ وَ معصورة على البارد
إللي يميز زيت جوز الهند هو إحتوائة على حمض اللوريك المعروف بخصائصة المضادة للجراثيم وَ البكتيريا
كل إللي عليكم تاخذون ملعقة طعام من الزيت أو ملعقتين صغيرة ( إنتم راح تعرفون الكمية المناسبة لكم مع الوقت) ، وَ أول ماتقومون من النوم وَ قبل لاتاكلون أو تشربون ، تتمضمضون فيها لمدة 20 دقيقة ( الحد الأدنى 5 دقائق) ..
وَ بالتأكيد مو بالضرورة حَكر النفس صباحاً مُمكن تَكونون أكثر مَرونة وَ تستخدمونها بالوقت المُناسب لكم لكن هُنا تكلمت عن الأفضلية بالإستخدام
تَنبيه ،’
البعض يقول لا تطولون أكثر من ٢٠ دقيقة لأن ممكن يكون فيه حالة إرتجاع يعني مع طول الفترة يرجع الجسم يمتص السموم إللي تم سحبها ، فالبعض يفضل تغيير الزيت أثناء المضمة المتواصله ، بعدها تبصقونها الله يكرمكم في الزبالة ( لأنها راح تسد المغسله ) وَ إنتبهوا تبلعونه لأن كله سموم ، من ثم تتمضمضون بماء وَ ملح ، أو غسول مطهر للفم ، أو تتتفرشون بمعجون خالي من الفلورايد .
في البداية تبدون بالمضمة ٥ دقائق وَ تزيدون الوقت لين ما تتعودون على ٢٠ دقيقة متواصلة
البعض يقول لا بأس تقسمون التنظيف على 3 دورات أو مراحل ، خاصة إللي أسنانهم وَ لثتهم حساسة الأفضل يتمضمون 3 مرات باليوم قبل كل وجبة طعام وَ تقسمون الوقت ، يعني مفترض بكل مره تتمضمضون من ٤ إلى ٧ دقائق وَ أعتقد فيه طريقتين : طريقة Gandusa وَ طريقة kavala ما أعرف بالضبط الفرق بينهم
ممكن في البداية تحسون بأعراض جانبية مثل غثيان ، جفاف بالفم ، ألم الفك ، بلغم ممكن يمنعك من إستكمال المضمضمة
فوائد السحب بالزيت ~
• يبيض الأسنان تبين النتيجة بعد أسبوعين
• يزيد من الطاقة لأن الجسم تخلص من السموم وَ قل الإجهاد على جهاز المناعة
• يطهر الجسم لأنه يقضي على السموم
• يخفف ألم الصداع وَ خاصة الشقيقة
• يحسن مظهر الجلد وَ يزيل الهالات السوداء وَ حبوب الشباب وَ الطفح الجلدي وَ الإلتهابات .
• يحسن من صحة الفم وَ يقضي على رائحة الفم الكريهة وَ يحمي الأسنان من التسوس وَ يورد اللثة وَ اللسان ، يحد من إنكشاف جذور الأسنان وَ من نزيف اللثة حتى مشاكل مثل نزيف اللثة، وَ تسوس الأسنان
• يعالج كثير من الأمراض أو يخفف منها مَثل :
– الربو وَ الحساسية وَ إلتهاب الجيوب الأنفية
– الأكزيما وَ مشاكل الجلد
– آلأم المفاصل
– يقلل آلام الدورة وَ الإضطرابات الهرموينة
– يحسن من جودة النوم .
رأي الطب بـ Oil Pulling ~
أغلب الأطباء حذروا من إستخدامها لحالها ، لكن شافوا إنه لابأس بإستخدامها ضمن روتين العناية بالأسنان يعني مع إستخدام المعجون وَ الفرشة وَ الخيط وَ غسول الأسنان
أثبتت ببعض الدراسات أنها مفيدة لصحة اللثة وَ الأسنان من ناحية الحد من البكتيريا وَ تحسين صحة الفم وَ الأسنان وَ تحد من تكون البلاك وَ تساعد بـ تبييض لون الأسنان بطريقة آمنة ، أما فيما يتعلق بتحسن صحة البدن ككل مافي دراسة سريرية معتمدة تثبت ذلك
وَ بعض الدراسات قالوا إنهم ما شافوا منها ضرر لكن بنفس الوقت ماشافوا منها فوائد تذكر فيما يتعلق بتحسين صحة الفم وَ الأسنان
الأثار الجانبية برأي الطب ،’
الإفراط في إستخدام هالطريقة ممكن يسبب :
جفاف الفم وَ اللسان ، العطش ، تصلب العضلات ، الإرهاق ، فقدان بسيط لحاسة التذوق
صَورة لتجارب الآخرين للتَوثيق :
تجربتي مَع Oil Pulling ( المضمضة بالزيت ) ~
إستخدمته مع روتين عنايتي بأسناني المُعتاد ، مع معجون فيه فلورايد
استخدمتة في الصباح قبل كل شيء قبل حتى لا أشرب ماء
بدأت بإستخدامها قبل شهر ، لكن بفترات متقطعه لأنه شي ممل
يعني مرات أستخدمه ٣ أيام وَ مرات أربع وَ أقطع ، وَ أرجع أجرب من جديد وَ أقطع ، يمكن ما تجاوز إستخدامي له 10 مرات
جربته بزيت السمسم ٤ مرات تقريباً ، وَ بزيت الزيتون مرتين ، وَ باقي المرات بزيت جوز الهند
أكثر شي حبيتة بزيت جوز الهند مفعولة بالتبيض كان سريع مع هالزيت ، غير إن نكهته مميزة وَ غير مُزعجة
أول شي أتمضمض بالزيت لـ ٢٠ دقيقة مُتواصلة ، بعدين أتمضمض بماء وَ ملح دافي ، بعدين الفرشة وَ المعجون ، بعده الخيط ، المضمضة ما أستخدمتها خلال هالفترة أبداً
ملاحظة : الحمد لله ما عندي أي مشكلة صحية لا حساسية وَ لا إلتهاب جيوب أنفية وَ لا حبوب وَ لا أي مرض من إللي ذكر انه يعالجه ، وَ صحة أسناني سليمه ما فيها أي مشكلة ، المشكلة الوحيدة إللي أعاني منها هي قل ساعات النوم وَ هالشيء مُلازم لي من الطفولة يعني مو شي جديد ، يعني تجربتي بتكون مقتصرة على ( صحة الأسنان )
أول مرة مثل ماذكرت جربته بزيت سمسم عضوي بكر ، عادي ما إنزعجت من نكهة الزيت لأني من عُشاق السمسم وَ زيت السمسم ، إستمريت 20 دقيقة متواصلة ما وقفت لأني ما تعبت أثناء المضمضة – الله يكرمكم – في منتصف المضمضة حسيت فيه بلغم بسيط بين خلف الأنف وَ الحلق ، بس عادي مجرد إحساس ، ما ضايقني أو منعني من إستكمال المضمضة ، ممكن يكون إحساس وهمي من كثر ماقريت إنه يسبب هالشيء
ماحسيت تغير بلون الزيت بعد البصق اللهم صار فيه رغوة وَ صار أفتح بفعل الرغوة
( لأن البعض يدعي إن الزيت يتحول لونه وَ ممكن يكون فيه دم أو صديد ) آآآآوووووه قرفت من الوصف
أول مره أخذت ملعقة زيت وَ مع الوقت راح يمتلي لعاب يصير بالعافيه تحافظين على فمك مقفل وَ مايرشح زيت ، فقللت الكمية بالمرات الثانية
– هل لاحظتي نَتيجة أم تجربة لا تَستحق العَناء ؟!
نَعم لاحظت الآتي : لمعة الأسنان واضحة جداً بعد البصق الله يكرمكم تحسين كأن توك مسوية تنظيف جير عن الدكتور
الأسنان صارت أبيض من أول استخدام بس مو ذاك البياض الخلاب بس فيه فرق في اللون غير كذا الملمس وَ النعومه ، وَمدري شغله غريبه السن تحسين السن سميك وَ لونه مركز مدري شلون أشرحه
[ فيه بَنت بروتين العناية بالأسنان أو بتويتر ناسية سألتني إن أسنانها فيها شفافية ، أتوقع لو تَجرب هالشيء راح يَقلل من شفافية الأسنان ] ..
فعلياً بعد المضمضة حسيت راسي خفيف ههههههه أقصد مرتاح كأنه فاضي ،أيضاً إحساس الفم خفيف ، بالنسبة للنوم وَ الله إني بذاك اليوم نَمت نُوم عميق بس هالفترة أساساً نومي أحسن من المعتاد
بالمَرة ٢ وَ ٣ وَ ٤ …. إلخ ، كانت التجربة سلسة وَ تقريباً نفس المرة الأولى بس كل مرة كانت الأسنان تفتح زيادة بس التحسن بطيئ ، لما بدأت أستخدم زيت جوز الهند كان التحسن أكبر ، ما شفت أي تغير ثاني غير بلون السن وَ نعومته وَ سمكه إذا صح التعبير ، اللثة ماشفت فيها ذاك الفرق لأنها الحمد لله ما فيها مشاكل وَ حتى المُتابعة : لولو ، لما حَمستني له واجهت نَفس إحساسي وَ عقبت إنها ما تَدري هل يتهيأ لها أو لأ
[ أحب الوَصف الدقيق لما وَحدة توصف لي شيء تعطيني إحساسها الكامل ، يعني هل هَو مُجرد تصور إضافي من عَندها أو فعلاً الشيء فاعل ] ..
أسئلة قَد تخطر عالبال ~
– أرتوس وش رايك بقوالب التبييض ؟
لا تسألوني عَنها لأن بتكلم عنها بريفيو مُستقل
– متى تبين نتائج السحب بالزيت ؟
العملية تحتاج صبر تبييض الأسنان يبين من أول أسبوعين طبعاً أنا ما أستمريت أكثر لكن أغلب إللي كانوا يعانون من مَشاكل صَحية لاحظوا التحسن بعد شهرين من الإستخدام المُتواصل
– وش أفضل زيت من بين الزيوت المذكورة ؟
الأفضل التَنويع ، لكن شخصياً إرتحت لزيت جوز الهند وَ يليه السمسم وَ يليه زيت الزيتون
وَ لا تسألوني عَن زيوت أنا ماجربتها ، هذي هي الزيوت المذكورة الأربعة وَ البعض يضيف قطرات من زيوت عَطرية صَراحة ما أفضل وَ لا جربت لأن مَتقبلة النكهة
– هل راح تستمرين بالسحب بالزيت ؟
لا ما راح أسَتمر ، بس ما يمنع بين الفينة وَ الفينة أطهر فمي بهالطريقة ، يَعني وَ أنا أرد عليكم بالأنستا أو بَمدونتي بمتمضمض بالزيت
لووووووووووول الأن كل ما رَديت بتتخيلوني أتَمضمض ، بس مرات الإنسان لما يَشوف شيء مُدته طَويله يَقول خيرررررررر وَش هالفضاوة
بينما هُو يضيع من وقته الكثير الكَثير وَ هو مَتبطح بالصالة وَ يقلب بحياة الناس سوا عالأنستا أو السناب شات … إلخ
فهالدقائق جَسمي أولى بَها ، بَستمتع وَ بنفس الوَقت بفيد عُمري ..
أمس وَ اليوم طَرحت لكم مَوضوعين إقتصاديين وَ متوفرين للجَميع ، إللي كان عَندها عائق مادي ، أو عائق بسبب أراء الأهل أو … ، أو عَندها خوف من المواد الكيميائية وَ المُنتجات المُصنعة ، طُرح لك الخيار الطَبيعي
Miss.toty says
والله أني اعشقك لحد الجنون ❤️❤️❤️❤️❤️
memoo says
فمي عورني وانا ماجربت ههههه
نجرب موخسرانين شي
يسعدك حبيبتي
Sara_dream_ says
مع السهره مع النونو الجميل فتحت المدونه ولقيت موضوع عسل مثلك والله الطريقه تحمس شوي بالفعل ذي الفتره اعاني من حساسيه ف اللثه وخصوصا في فترة حملي السابقه قال ليا الدكتوره انه شي طبيعي تتحسس اللثه وتنتفخ وقت الحمل بعد ولادتي خف الوضع بس احس لسا مارجعت لوضعها الطبيعي بجرب الطريقه واقولك وش حسيت ووش صار
Seham says
مرا خالجنى شعور الغصه ناحيتك وبقولك ليشش بمكان ثاني
اما بخصوص المضمضه كثير سمعت عنها وموفي بالي
الا الان لما ذكرتى انها تخفف من الصداع بعيد عنك
راح استخدمه ل هالغرض اما الاسنان لسا ما خلصت شغلي فيها
بس راح اجرب لو حيكون له نتيجه مع الصداع
ربي يسعدك والف الف الف شكر لك مايكفى
دمتى بالقرب دومآ
Mariam says
استخدمت الطريقة لمدة شهر تقريبا وفعلا لاحظت اسناني تفحت وصارت تلمع والاهم رائحه الفم اللي كنت انزعج منها اختفت تمااما لكن اسناني صارت حسااااسه مره فبطلت استخدمها
Hannah says
السلام عليكم اولا
ارتوسه عن جد انتي انسانه رائعه وانا من اشد معجبينك مافوت لك ولا موضوع ماشاءالله عليك ربي يسعدك دنيا واخره وانا احبك في الله مع انو ماعمري شفتك واتمنى ذلك الا ان لك معزه خاصه بقلبي ويومي مايكمل الا اذا شيكت على صفحتك ربي يخليك لاهلك ويرحم ام ربتك
ودي تتكلمين عن الرياضه اذا سمحتي لاني باديه فيها ومرره مبسوطه من النتائج نفسيا وعضويا
وعندي طلب صغنوون اذكر كتبتي بتويتر انك بتتكلمي عن شي للركب ياليت لو في علاج لها مع اني اقشر وارطبها بس لازال اللون داكن
واااااخر شي انا باديه جلسات ليزر والدكتوره صرفتلي لوشن تفتيح للركب وقالت ينفع استخدمه بعد الجلسه بيوم وهو بذيك القيمه وانا قاريه في يومياتك تبع الليزر ان ممنوع هذي النوع من الكريمات فتره الليزر مرا خفت خصوصا اني دفعت فيه مبلغ وقدره وش تنصحيني ياعسل؟
طولت عليك اول مرا اتجرا واكتب
محبتك في الله
تحياتي
7ala says
معلومات جميلة ان شاء الله جاري التجربة باسألك عندك سناب
القوزاليه, says
ياحلو تدويناتك هاليومين
سبق وجربت هالطريقة بس كان الغرض طرد السموم
يعني ماكنت مدققه على شكل سنوني خساره
أستخدمت زيت الزيتون لاحظت بعد البصق
الزيت صار فاتح تغير بلونه واضح بس ماأذكر كان فيه رغوه
شكلي ماأمضمض بذمه وضمير :p
وعلى قولتك وقته تحسين رااسك خفيف شعور المروقين يعني -حشى مو زيت هذا-
ماداومت عليه فماأدري عن فعاليته بالنسبه للسموم النتيجه يبغى لها أشهر حسب ماقريت وأحبك
Rita says
يعطيك العافية
هل لازم أتمضمض عالريق ؟ هل يضر لو تمضمضت أثناء اليوم وماأكون مفرشة أسناني ؟
وأخيرآ .. الله يقويك إنتي بنت كلك إيجابية
Amoon says
صباحك فل يافل الانستا والحتت كلها..
موضوعك حمسني مرررررره على انس قرأته من وحده بس ابدا ماصدقت الا بالعكس خفت يخرب اسناني
بس دام ارتووووس قالت خلاص طيران ع المعصره
يجزاك الجنه البارده ياشيخه على كل شي ❤️❤️
ودعواتك عندي هااااارد اكزاااام
لوڤ يو ان ذا مون اند باك سويتي
Smoor says
يعطيك الف عافيه ع هيك مواضيع يوميا اشيك ع المدونه اشوف هالدرر اللي تكتبينها
Asil_112 says
أول مره اجرب شيء قبل تدونين عنه انا جربتها قبل سنه بالضبط ولا حظت تورد اكثر في لثتي ولمعه في اسناني ماأذكر التفاصيل الباقيه لان من زمان عنها وصراحه نسيتها وذكرتيني فيها بس كنت اسويها بالزيت فقط و على الريق وماكنت استخدم المويه والملح بس افرش اسناني وانظف لساني
Sarah says
اهلن ارتوس ~
بالنسبه ل المضمضه يمكن اذكر سويت هالشي قبل سنه او سنتين ماذكر متى بس اول مره سويتها الفك وجعني بالمره ههههههه ومن بعدها بطلت .. بس مشاءالله دايم تفيدينا وعجبني انك تكونين متواصله معنا وماتنقطعين فتره طويله عن التدوين وشكرا من القلب ❤️❤️❤️❤️
روبي says
هلا ارتوس
موجديده علي ذي الطريقه سويتها تقريبا مرتين
بعدين تكاسلت ولا رجعت لها
ووافتكر قبل سنتين سويت طريقه مشابها لها في الفائده انها تخرج السموم وااصلا لما تبصقي يطلع معك حاجات غريبه وووووع
بس كانت بشاي اخضر وليمون هذا الي افتكره لاني سويتها مره وحده بسس
ذكرتيني فيها بس راح اسوي تبع الزيت لان الي بالشاي ناسيه الطريقه بالضبط
دمتي بحب
Mady says
يازين المخلوق المتطفل حماااس هههههههه
aljuharah, says
يالله زعلانه مني مدونتك ثاني مره اكتب رد ويطيييير راجعه ان شاء الله مره ثانيه بعد الشور . يسعد صبااحك ياجميله
aljuharah, says
الشور بتاعي غير شكل هههههه
انشغلت عن الرد ، عالعموم يعطيك العافيه ياقلبي سمعت من زمااان ايام المنتديات عن المضمضه بزيت الزيتون ولكنها قبل النوم ودون التفاصيل اللي ذكرتيها ماشاء الله تعطين كل شي حقه سلمت يدينك ياقلبي ، تحمست للطريقه خاصه مع النتايج ولان عندي كم سن شبه شفاف واكيد باذن الله بيفرق معي لكن مع ردود البنات بالانستا انه ماينفع مع حشوه السن وانا للاسف عندي سن واحد به حشو راح ابحث عن الاكيد وباذن الله اذا مابه شر سويته . شكرااا اد الدنيا واكثر ارتوسه .
aljuharah says
حبيت أعدحبيت أضيف أن بعد بحثي عن الطريقه هل هي ملائمة أو لا للأسنان المحشوه لقيت أنه مافيه ضرر باذن الله الا لو كان الحشو قديم او واسع او ملتهب فالأفضل الحذر عند الاستخدام وأعتقد اللي خايفه تسأل الدكتور اللي تراجع عنده (واللي يبي يقرأ أكثر يبحث بقوقل Tooth Filling Procedure with oilpulling
فطم says
هل يصلح للحامل ؟؟ انا حامل واخاف مايصلح لي
besso says
صباح السعاده
التجربة حلوة و من لما قالتي انك بتجربيها و انا متحمسه لها بس بصراحة ماتوقعتها تاخذ عشرين دقيقة .. جاري تجربتها و ارد عليك بتويتر متى ماجربتها …
يسعدك ربي سوس من بديتي تدوني كل يوم و انتي هديتي لو خلصت مذاكرة بدري >>> شرائك بالاغراء
و جدا سعيدة اني الحق اكتب تعليقي هنا .. يهطيك العافية سوس .. مجهود جبار لو قطعتي كم يوم عن التدوين ماتنلامين ..الله يرضى عليك
تقبلي تحياتي ♥♡♥
مُدونة ورد وعسل says
الطريقة قد سمعت عنها وفي فترة كثير بالنت صار يتكلمون عنها
بس تحمس اللحين اجربها بعد تجربتك
يعطيك العافية ياعسل ..
Salwa says
الله يسسسعدك يارب كثر ماتدينا معلومات واكثثثثثثثر
ياملهمة يافريدة والله مو مجاملة بس سبحان اللي فرقك عن كثير يخطون هذا الخط ،،بجربها بحول الله وااااااي لوووڤ يو سوو متش،،قبلة على جبينك ياجميلتنا
rashooo says
اهلا اهلا …
انا قد مرت علي هالطريقه وجربتها بزيت الزيتون لمدة اسبوع وبعدين تركتها ونسيتها نفس احساسك اعطت السن غلظ وفتح واللثه انشدت زيادة غير اللمعه … انا امي نصحتني فيها لانها جات هالطريقه بالواتس اب وتقول انها ممدوحه بالطب البديل وبالفعل اخذت فترة تصول وتجول بالواتس اب بس ماذكرو غير زيت الزيتون ليتهم ذكرو انواع زيوت ثانيه لان زيت الزيتون حسيت انه بقع لي اسناني بعد مرور الاسبوع فتركته ذحين بجربه بزيت جوز الهند ووالله وانتي تقولي توك قايمه من جلسة تنظيف جير وصلني احساسك على طول لانه نفس الاحساس …
كمان سمعت انها ماتستخدم اكثر من اسبوع مدري عن صحت هالمعلومه …
ياللا فوتك بعافيه حان وقت التمسيج والتمضمض ^^
R.hfc says
طيب و ينفع هالشي للي حاطين تقويم ؟؟
mdaoi88 says
قبل سنه او سنتين تكلمو عنها في برنامج طبي بس ماكان له علاقه بالاسنان وكان الطريقه باستخدام زيت الزيتون ولازم لما تتمضمضي وتطلعينه مايكون بالغساله ابدا ولو كان لازم تنظف وتعقم لانه كان عشان اخراج السموم من الجسم والدهون ولاشياء اللي تاثر ع الكبد حاولو اطبقه مره وماستستغت الطعم ولاكررته بس يبي لي ارجع اجربها من جديد ربي يسعدك قد ماتفيدينا
arwa says
يعطيييك العافيه ..
موضوع جمييل ويحمس كعادتك من زممان كان ودي استخدم هذي الطريقه بس كنت متكيسله وابي احد مجربها عشان اتحمس واجربها ، بغيت اسالك اذا ماعليك امر وش نوع زيت جوز الهند الي استخدمتيه لان فيه انواع كثيره للشعر وغيره كلها سوا ولا هذا نوع محدد ؟
محبتك says
يسعدلي صبااااااااحك
يعطيك العافيه ع جهووووودك
حببببيته
انا متعودة كاليوم ملعقه زيت زيتون ع الريق .
بيعطيني نشاط وحيويه.
وان شاء الله اجرب المضمضه اول ما أصحى من النوم بما أني من خفافيش الليل فبتكون تجربتي بكره
والنتيجة اللي بالصوره مره تحمس احس التحسن حلو
بأربع ايام
كالعاده طرحك مميز وجذاب أشكرك عليه.
Gizem says
صباحك ورد وياسمين
لو بتكلم عن الاشياء الى استفدتها منك مراح تكفي الكلمات والحروف علشان تعبر عن شكري لك ،و تذكري ان لك دعووه في ظهر الغيب بكل لحظه اعيشه وهذا مو كلام فقط هذا صدق ، متابعه لك من زمآن ومحضوضه ان عرفتك.
نرجع للتدووينه الطريقه هذا من مجربينها وصدق لاحظت لمعة الأسنان وتبيض للاسنان بس مو بدرجه قووية ، لكن الشيء الثاني الى لحظته انا اعاني من الشقيقة ومع الطريقه هذا قل بشكل مو كثير هو كان يجيين بالشهر مره او لم اوصل لمرحله من الزعل والغضب ولم استخدمت الطريقه هذي لمدة اسبوع زادت الفتره بين حلات الصداع والم الصدع تكون اخف من العاده ، لكن مو مستمره على الطريقه هذا يعني بين مده ومده ااجربها لمدة اسبوع او اقل ، استخدم زيت الزيتون ومكانت اعرف انه بامكانني استخدم زيت اخر يعني حتى بشي اعرفه من زمان وفتره طويله استفدت منك وكل يوم عن يوم تزيد ثقتي فيك ومن بيتنا لحد بيتك باقات من الورود
نجود says
الله يسعدك و يرزقك و جعل حياتك من سعادة إلى سعادة ياااااااارب
تخلص كلمات المدح و الغزل وانا ما عطيتك حقك و اللهي..
عاد تدوينة اليوم جمييييله انا انسانه حريصة على نظافة الفم
و التدوينة شدتني كثييييير اول مره اسمع بهذي الطريقة
بالنسبة لزيت جوز الهند كسر الدنيا عندنا و عندهم اما انا عندي
حساسية منه حظي حظي ما يمشي عدل انا عجبني كيف انه يعالج
الصداع و هالاشياء بجرب بزيت الارقان لاني لا احب زيت الزيتون و لا السمسم و اشوف و هو بالنهاية علاج مش سحر يبين من البداية و اتوقع فيه بديل اللي هو شاهي الديتوكس ما جربته و لا راح اجرب لاني اكره الشاهي نفسيتي مخيسه بس اشوف عليه مدح
وايه جربت طريقة 424 مبدئيا حبيت بس بكمل و اوافيك بالنتايج
وبس والله ♥ ♥ ♥ ♥ ♥
sara says
جزيت خيرا إن شاء الله مبسوطه إنها اشياء بسيطه ومتوفره احنا عندنا بجيزان زيت السمسم متوفر بشكل كبير لان المزارع من حولنا إذا شريتيه من السوق يكون غالي بس تأخذين لك من المزارع وتجففينها بالشمس ثم تعصرينها تكون اسهل هالطريقه متوارثه عند المزارعين
3yooosh says
فدى روووووحك يااغاليه .. ابدعتــي ..
المميز ان مواااضيعك جديده وشااامله في الطرح ..
اللهي يسسسعدك ويعطيك اضعااف ماتسعدينا وتعطينا .
الريم says
اذكر بعد بزيت الزيتون يخفف الم البطن او شيء زي كذا 🙁
ما اتوقع اقدر اسويها لو تسوي اللي ما تسوي ما احب الزيوت في الاكل كيف اتمضمض به وعلى الريق بعد بتصير كارثه 😐
شكراً من الاعماق ❤️❤️
Dod says
قرات عنه ولا اقتنعت ولا فكرت ابحث او اجرب
بس يوم اقرا التعليق و النصيحه منك لا اقتنعت خلاص
،،
وتمت التجربه و بدات بزيت الزيتون وخليتها لين ٧ دقايق و ان شاء الله يوم عن يوم تزيد المده
ارتوس يعطيك العافيه يارب ❤️
w3d says
صباحك زيت اااااقصد ورد ههههههههه
اول ماقريت جاني غثيان وتذكرت تجربتي لهالطريقه قبل
قريت عنها وتحمست وقررت اجرب وفعلا جربت مااراح اقول ايش النتايج
ﻻن اكرمك الله خلصت التجربه واستفرغت على طول عندي عداء مع زيت الزيتون
من احطه بفمي استفرغ
ف وقتها ماكان ف بالي حتى اشوف النتايج
بس الاسهل والشي اللي اتبعه من سنوات واسهل وجدا جدا فضيع
وهو اللي حمسني اجرب
اني استخدم زيت الزيتون قبل النوم وبعد التفريش وكل شي
تحطين ب اصبعك زيت وتفركين فيه الاسنان وكانك تفرشين ب اصبعك
والاهم ان مافي نكهه مجرد نقط بسيططه وعلى الاسنان
(شريت ضغاط مخصوص ونظفته وعبيت فيه الزيت انظف من الحوسه)
النتيجه روعه حتى تصحين من النوم وفمك كانك فرشتي ونظفتي قممة الانتعاش
اكثر من وحده اعلمها وتنبسط بنتايجها
طولت عليك
عسى الله ﻻيحرمنا منك ♡
-al7iah- says
سبحان من زرع محبتك بقلبي اول مره بحياتي اتعلق بانسانه وانا مااعرفها هو انتي لدرجة صرتي تغيرين جوي لما اكون طفشانه واقرا لك شيء يجيني احسااااس بالسعاده كأني بمكان كله خضره وجو ممطر ههههههه لا من جد والله اذكر مررره صحيت اخر الليل وجلست ادعي لنفسي وزوجي وعيالي وجا اسمك ع لساني لاارادي قمت ادعي لك من قلبببببي الموهم اااااه يالاسنان متعببببه خصوصاً وقت الحمل ماادري ليه تتورم
وهالطريقة قريتها مررره ودخلت مزااجي كانت تجربتي مع زيت الزيتون الرحمه درجة اولى سحب ع البارد استخدمتها لمدة شهر ونص تقريباً اذكر بهذيك الفتره كانت لثتي جداً تعبااااانه وتعوووورني استخدمت كل شيء مافاد بالعكس كان الوضع يزيد اسوء بعد المضمضه سواء بملح ومويه او من الصيدليه والله لدرجة كانت اللثه بعد المضمضه لما اسحب شفتي كانت اللثه تمسك فيها وتنسحب ااااه المنظر كان مفجع ومستحيل اجازف واروح اصلح تنظيف وانا لثتي كانت تعورني بعد ماقريت وحده كاتبه موضوع عن هالطريقة اسأل الله ان يرزقها جنة الفردوس الاعلى كانت تجربتها مع زيت الزيتون اول اسبوع استخدمتها خف الوجع بشكل كبييير وبعد ماراح الوجع رحت للدكتوره والحمدلله صلحت تنظيف لاسناني وهذي السنه جربت طريقة المضمضه اذوب فيها ملح ومر وعويدي مطحون اذوبها بالمويه واتمضمض فيها مرتين بالاسبوع شدت اللثه بشكل الحمدلله فماادري طريقتي صح او لا اللي مستغربه منه اني كنت مهتمه افرش اسناني ع طووول ماادري ليه صارلي كذا مع الحمل وصادقه ي ارتوسه فعلاً اوقات الواحد يكتشف مرضه من اسنانه ابوي كاااان جداً مهتم باسنانه لما راح ينظف اسنانه التنظيف الدوري قاله الدكتور اكشف على نفسك الظاهر فيك سكر وفعلاً حلل وطلع عنده السكر اسأل الله ان يشفيه ويطول بعمره ويشفي كل مريض
كمان ودي استشيرك عن تبييض الاسنان ودي ابيض اسناني رحت لاربع دكتورات استشرتهم قالوا لي حرام ماتحتاج ووحده منهم قالت لي ممكن تبيض من درجتين لثلاث فحرام تخربي على نفسك واجي اقرا لك عن المكياج والارواج وكذا تقولي اللي اسنانها صفرا ماتاخذ هالروج انا اتحطم يجيني احساس ودي افرك اسناني بجدار
هههههههههههه كاتبة قصة حياتي
turkih says
قد جربت المضمضه بالزيت الزيتون بس ما استمريت عليها تقريبا حول اسبوع وفترات اخرى متقطعه اسناني ماتغير فيها شي لكن لثتي تتوردت وصارت اقوى
اختي وخالتي جربوها واستمروا عليها مادري كم المده ..ونفس الشي اللثته قوة عندهم وتوردت ونظفة اسنانهم بشكل حلو بس ماتفتحت الاسنان الا بشي بسيط جداا .. ويمكن السبب الشاي لاننا مدمنين شاي عشان كيذا ماطلعت نتيجه قويه او واضحه
Ghada says
اول ماشفت تدوينة امس (اللي ان شاءالله برجع لها بعد فتره واضيف تجربتي ) كنت بذكر لك هالطريقه بس قلت وييين اكيد تعرفها ،
هالطريقه اول مره جربتها من سنه وشوي يمكن حسيت بألم بأسناني يمتد للجذور ومدري وش السبب وتركتها قلت لاعادها الله من طريقه ، ومن اسبوع رجعت جربتها وماحسيت بهالألم بس كل التجربتين كانت بزيت الزيتون وعاد تعرفين شلون ثقيل ، ناويه استمر بالتجربه بزيت جوز الهند عاد ندور اي شي يبيض مع اني الحين استخدم القوالب بس بطيئه النتايج ماعندي وقت ابي كل شي سريع ههههههه
كثير قالوا في البدايه بتطلع حبوب بوجهك دليل انه يطهر بعدين بيصفى وجهك عاد الله اعلم عن صحة هالمقوله لذلك نخلي التجربه في الاجازه احسن ..
والاجانب ماشاءالله عليهم من كثر حماسهم لهالطريقه مطلعين منتج خاص للمضمضه بزيت جوز الهند والفانيلا كورس مدته ١٤ يوم
حمستيني اكثر شي لما لاحظتي “سمك” بالأسنان عندي سن نصفه شفاف وصاير شاطح بين اسناني يبغالي اجربها واخبرك بالنتيجه ان شاءالله بس خليني اخلص اختبارات وافضى لنفسي 🙁 ، شوفي الصوره الي بالوسط احس اسنانها برضو صارت سميكه ولا يتهيألي؟
Ghada says
اي صح نسيت شغله ، المنتج الي ذكرته فوق كاتبين بحسابهم عالانستا انه افضل وقت قبل تفريش الاسنان بالليل بتطلع النتايج اسرع ، طبعاً هالمنتج مصلحينه مخصوص للتبيض اسمه cocowhite شفته بحساب اكثر من فنان عندهم (اعلان اكيد) وسعره غالي ومبالغ فيه
وصباحك عسل انتي والمتطفل ❤
Mannar says
ياسلام التجربتين لك يحمسون
وباالنسبه لزيت جوز الهند منتشر عندنا من سنة جدي والحريم يمردغن شعور بناتهن فيه
الله يسعدك ياحلوه
mem says
• يعالج كثير من الأمراض أو يخفف منها مَثل :
– الربو وَ الحساسية وَ إلتهاب الجيوب الأنفية
أنا لو بجربها بجربها عشان ذا الشي
مااعرف كيف راح اقدر اتقبل فكرة الزيت بفمي بس تحمست و اذا جربتها برجع اكتب لكم تجربتي 🙂
Turkishcoffee says
ياصباح الورد
الحلو فعلا ان الشغله اقتصاديه يعني الزيت ماراح يضل مركون بالعكس بستخدم بكذا غرض بصراحه متحمسه للتجربه سبق وسمعت عنها بس كنت متخوفه من التجربه لاني من النوع اللي كبدي تقلب بسرعه فاخفت انه ما اتحمل بس اتوقع فعلا جوز الهند بيكون الانسب بالنسبه لي ان شاءالله بجربه
ربي يعطيك العافيه…….
mood23 says
اهلن ارتوس
صباح الخير …
تجربه على بشره جافه و جلد حساس
اول ما سويته للامانه رطوبه و بشرتي حسيتها
ناعمه وكذا ، لكن بعد ما نمت وقمت لقيت
نفره طالعه لي بصديد وكبيره على حجم انها تطلع في نص
يوم ، لذلك ممكن اعدل في الطريقه اني ارطب الزيت ثم اغسل
ثم الماء دافي بعده ثلج بدال المويه . الزيت الي استخدمته
جوز هند ، الغسول هيدرو فيل للجلد الحساس للامانه غسولي لي شهر استخدمه ما حسس فيني . شكرا ارتوس و اتمنى افدت البنات الي جلدهم حساس و جاف .
العنود سلطان says
أهلا أرتوس
ماشاء الله عليك وش عندك هالأسبوع كذا موضوع باستخدام منتجات طبيعية هههههههههه
طريقة الاويل بولينق مكتشفتها من خمس سنوات، ومن اكتشفتها وأنا حابتها مررررة، من النتايج اللي شفتها من الناس، ومع السنين اشتهرت الطريقة وصرت أشوفها بكل مكان بيوتوب وبالبلوقز
والى الآن ماجربتها -ـ-”
مع انها معجبتني لكن جدا أتكاسل عنها
“أتمضمض ٢٠ دقيقة؟ لا خلاص مو لازم اليوم ببدا بكرة”هذا اللي يصير من سنين هههههههههه
لكن بإدن الله الحين لما أطلب زيوت طبيعية بعد كم يوم من النت، راح أطبقها بإذن الله.
ثم اذا طبقتها لفترة بأرد لك خبر برأيي فيها.
شكرا أرتوس على الموضوع الجميل، أعشق الطب البديل والعناية الطبيعية فكل مانزلتي شي زي كذا مررررة أنبسط، وبرضو كثري مواضيع عن العناية بالقطط أو مواضيع عن القطط بشكل عام مهما كان التصنيف.
العناية الطبيعية والحيوانات واخصوصا القطط هي من مواضيعي المفضلة.
mood23 says
يووه علقت في موضوع غلط
اسفه ارتوس ..
Ahad says
ما شاء الله ارتوس من جد انتي سعاده الله يحفظك لكل من يحبك و يرحم امك و يغفر لها جربت تنظيف الوجه 242 ولله الحمد تجربه جميله جدااا و لاحظت لمععه تجنن موفقه يارب و هالطريقه انتظر ارجع من الجامعه و اجربهاا ع طول ما اتردد بتجربه شي طرحتيه ابدا ❤️❤️❤️❤️
دمتي نبع ابداع لا ينضب
Ranosh says
هالطريقه قديمه بس كنا نستخدمها من ناحيه ثانيه علاجيه
تقريبا كلنا عندنا جيوب انفيه بالبيت واذا غير الجو نتعب مره
كان ابوي يخلينا نتمضمض بزيت زيتون
مفعولها كان قوي جدا على البلغم والافرزات والصديد تكرمون
كانت وكانها مطهر للحلق والصدر
بما اني متعوده عليها اقدر ادخلها بروتيني ان شاء الله
عساك سالمه توسه والله يبيض وجهك على هالنشاط ❤
سوسو says
تعرفي أرتوس ..
أول ما خلصت قراءة الموضوعين المتعلقة بالزيت
قلت في نفسي تلقائيا >> يا زينك أرتوس <<
دمتي دائما بود
ريناد عبدالله says
يا صباح الخير ❤️
مدري ليش ما حبيتها يعني من ٥الى ٢٠ دقيقة اتمضمض خدودي اجعتني لمجرد التخيل هههه صحيح نتبطح بالصالة بالساعات بس انا المضمضة العادية بالمويه ١٠ ثواني لساني يعورني ويجيه زي الشد مدري ليش بس يمكن اجربها ليش لا احتمال اتخلص من الشدة اللي باللسان و غير كذا الفوايد المذكورة تحمس بس مجرد ان مضمضة تسوي كذا شي مش عادي مرات اخسهم يبالغون بذكر الميزات ..
يسلم قلبك عالحماس كل يوم تدوينة ما شاء الله الله يسعدك ❤️
رقية says
سلام
شكرا على الموضوع المفيد
سؤال/انا عندي حشوات تجميليلة يبيضها او يخلي اختلاف بين الاسنان والحشوات؟
sophie says
thank for the detailed review. Very interesting method.
I usually whiten my teeth in the clinic and whitens like 3 degree only not much. probably because I’m a big coffee dinker..hehhee
Anyway, this method is worth trying . Thanks again
Regards
Sophie
جمرة غضى {ام الجوهره says
يعطيج العافيه … وصف ري ماقلتي دقيق لدرجة اتخيل نفسي
هذي راح اجربها لان عندي كومة زيوت جوز هند انواع من فتره ماستخدمتهم ولا فتحتهم ماشاءلله علي
حبيت انها تطهر وتنفع لبعض المشاكل بستمر عليها واشوف
لان اوءمن ان بعض الزيوت البكر العضوي لها فوائد ….
دوم تتحفينا ❤️
Amani Abdullah says
يازين تدوينات هاليومين طريقة المضمضة بالزيت قد سمعتها بس حسيتها خرطي عشان كذا ما جربتها بس لما ذكرتيها عجبتني خصوصا من مصدرنا الموثوق الجميل و اكثر شي عجبني انها اقتصادية و متوفره يعني ان شاء الله اقدر اجربها هاليومين انا مشكلتي مو في العائق المادي مشكلتي انها مو متوفره في مدينتي و استنى كل ما اسافر جده اجيب المنتجات هذا اذا مالقيتها مخلصة
الله يعطيك العافية و يكتب أجرك على كل شي تعلمناه منك و الله يبارك لك في وقتك يارب
kasumii_chan says
صباح الخير
ههههههههههههههه باقي تنظيف الشعر والجسم وتكمل طيحتنا
20 دقيقه راحت حنوكي ياسوس مضمضمه ما اتحملها 🙁 .. بس نجرب مالوه نشوف لمعه اللي تقولين عنها تحمست من احساس جلسة الجير خفه بسنون مش طبيعيه .. ويسعدلي قلبك ( قلوب )
loooomy.. says
ههههههههههههههههههههههههه ضحكتيني وانتي تقولي كل ما رديت عليكم تتخيلوني اتمضمض هههههههههه الله يسعدك انتي تجننننننني والله
Cagederosess says
مساء الخير
خلاص مالنا عذر بالنسبه لكل هالفوايد الموضوع يستاهل التجربه ولو اسبوع ان شاء الله اني استمر شهر اجربها
في صديقه لي وقت الدوره تقول يصير عندها ريحه ماتلاحظها بنفسها اعتقد ان هالطريقه بتكون فعاله لهالمشكله او بتخففها
ممتنين لك و لابداعك اللا محدود
سآلي says
يا قلبي أرتوسة تسلمين ع هيك تدوينات … شرايك أنا أستعمل زيت الزيتون بدل معجون الأسنان
أحس بالإنتعاش قووه أما معجون الأسنان أحسه يتعب بسبب المواد الكيماويةمدري إحساس موفقة (قلب) (قلب)
Nourah_1 says
ياخي ارتوس ياخي ❤️❤️❤️❤️❤️❤️ ماشاا الله وصف دقيق ❤️:).
و التدوينة حق أمس (غسل الوجه بالطريقة الكورية ) ،، بدأت فيها و إن شاا الله بعد أسبوع اضيف تجربتي.
شكرراا ❤️❤️.
lama says
مساء الخير ،ماتصدقين شكثر متحمسه لهالتجربه بس انتظر انا واقوم عشان اصلحها ههههههه سويته بزيت جوز الهند صراحه انا مااحب طعمه ابد فلما بديت اتمضمض عجزت اتقبله حسيت برجع وصدق حسيت بإحساس البلغم الله يكرمك جلست فيه عشر دقايق متحمسه للنتائج
بس زيت جوز الهند حقي قرب يخلص وانا جايبته من الهند ماادري اذا فيه مكان بالرياض يبيعه ولا لا:(
Raghad says
تحمست اجربها بصراحه رغم اني اول ما قريتها في احدى الحسابات في الانستا قلت في نفسي خييير مو صاحين ذولا بس دامك كتبتي عنها خلاص ثقه
بس محتاره تناسب التقويم ولا لا ؟
وعندي استفسار غبي بس محيرني لاتضحكين طيب
كيف اعرف الزيت اذا كان معصور عالبارد ؟ لأن ناويه على زيت جوز الهند اللي باطلبه طبيعي ١٠٠٪ بس مادري اذا معصور عالبارد او لا احس سؤالي يضحك
وبس .. ومشكوره على جهودك ياجميله
ميما says
تحمست بصراحة للطريقه
وان شاء الله راح ابدأ اجربها قريب
لاني فعلا اعاني من اللثة عندي تعبانه+ اطراف اسناني
شفافه شوي
R says
اهلين ارتوس
انا اليوم اول مرة اجرب هالطريقة واستخدمت زيت جوز الهند بما انه اخف من زيت الزيتون احسه بالنسبة لي ولان ذكرتي ان نتايجه اسرع
الحمدلله ماحسيت ببلغم ولا شي لكن لاحظت ان جاني غثيان طول اليوم يعني انا الصباح سويته والحين العصر اكلت وشربت وكلش بس للان احس اني منغثة
بس هذا اللي جاني واعتقد اني راح اكرر التجربة حتى لو كان الموضوع فيه غثيان لان لثتي حساسة فابي اجرب واشوف تتعدل او لا وشكرا
لجين says
السلام عليكم
اذا ممكن اعرف شكل عبوة زيت جوز الهند !؟
هو نفسه اللي طايحين فيه لونه ابيض وعلبته كبيره وبغطا ابيض!؟
smsma says
الله يسعدك ياارتوسه على المواضيع الي تفتح النفس
شي جميل صح طويل بس يمكن اجربه في اوقات الي امسك الجوال وكذا لانو الصبح محيكون ليا نفس
بس انا عندي عقده نفسيه من اسناني : (
عندي ناب اطول من الثاني بشوي مادري اذا احد يلاحظ دا الشي او انا مأزمة نفسي
وانا اكره التقويم جداااا ففكرت انو اسوي حشوات تجميلية اسد الفراغ الي بين الناب والسن عشان شوي يغطي
هل تنصحيني بيهم ؟
وهل تعرفي عيادات اسنان تجميلية في مكة كويسة ؟
ويعطيكي الف عااافيةة : )
مها says
الله يعطيك العافيه ارتوسه
هههههههه سويتها قبل شوي آآآه ياهي حامت كبدي ياويلي بالغصب وصلت ٥ دقايق بس بتدرج بالسالفه حبه حبه
شكراً اوي على مواضيعك الجميله وجعلها بموازين حسناتك
Asma almuneef says
شخصياً اول مره اسمع في هالطريقه ، بس حلو بجربة بزيت السمسم “̮
جاليأً وقتي كله تجآرب “̮
البركة فيك وف نصآيحك اللزيزهه ♡
لولو says
❤❤ حبيبة قلبي ارتوس
سعيدة بتجربتك و سعيدة أكثر أنها نالت إعجابك و اني قدرت افيدك لو بشئ بسيط قدام الاشياء اللي وهبتيني إياها على طبق من عطاء من ال2010
بالنسبة للزيت أنا خبيث جوز الهند كمان أكثر، لي فترة كويسة على هالطريقةو طبيبتي بنفسها لاحظت الفرق لما كنت عندها في زيارتي الدورية قبل فترة، برغم أسناني ماتعاني من مشاكل لكن شي مختلف التألق و الصحة والنضارة اللي فيها.
يفرق معاي في رائحة النفس خصوصا لو كاملة شي زي التبولة مثلا و مدججة بالبصل ههههههه
مملة ممكن بس انا اول خطوة اسويها قبل الشاور افرش أسناني و آخر خطوة اغسل وجهي فأتمضمض خلال الشاور ومايشكلي مشكلة أو ملل .
أحبك و الله “طفشتي من كثر ما اكررها? ههههههه”
أسعدك الرحمن ي جميلة القلب و الفكر
البتول says
شكرا على هالتدوينه الرائعه جدا ..
ماشاءالله تبارك الله فيك شي جدا يعجبني لما تكتبين عن شي تفصلين فيه تشبعين الفضول عندي حول الموضوع المطروح ..
شكرا مره اخرى لك عزيزتي ارتوس ..
أمل says
آرتوس
احبك كثر عطائك المخلص للناس
فاطمة says
طريقة سهلة ومريحة وغير مكلفة عندي نية أجربها أسبوعين وبنقل لكم تجربتي .. شكراً أرتوس , 🙂
مشاعل says
يعطيك العافية أرتوس أول مره أسمع بهالمعلومه مافي مانع نجرب خصوصاً أنها طبيعية وغير مكلفه ومتوفره ،أحب طريقتك بالتدوين شامل لكل شي من بدايته وتطوره تذكريني بماجد الصباح بالسناب لمن يتكلم بموضوع
NManayer says
جربتها اول ماخلصت قراءة .. والله اول شي ماقدرت اتمضمض اكثر من خمس دقايق صوت المضمضة جاب لي غثيان الزيت طلع مرة اصفففففر كأني اكلت كركم استخدمت زيت الزيتون وبعدها تمضمضت بموية وملح بحاول بعد كذا اجرب زيت جوز الهند يمكن يكون طعمه اهون .
شوق محمد says
العمليه جدا سهله بس يبي لها قوه تحمل
بمضمضه الزيت – جربت الطريقه قبل سنه ونص تقريبا
بسبب مشكله رئحه واللثه حساسه – بس للاسف ماقدرت اواصل
– حمستيني ارجع اجرب مره ثانيه
Noufy says
ارتوس الله يجزاك الجنة ووالديك وينفعك ويزيدك من فضله ،،
بالنسبة للطريقة شكلها رووعه دامها تفيد الصحه بشكل عاام
احس بحاجه اجربها لأن هاليومين جدا اعاني من رائحة النفس على كثر ما اهتم الا اني ما وصلت لنتيجة وانا توي خلعت ضرس العقل مدري وش المشكلة وكمان عندي كم سن ملبستها
شاااكرة لك مشاركتنا هالتجربة (قلووب لك)
auroraa says
اهليييييييين ارتوسه العسل
كيفك عساك طيبه ياااارب الله يسعدك
مواضيعك تجننن ما امل منها وتفصيليه مو رؤوس اقلام بس
احب اقرا مواضيعك بشكل وانا اتصفح المدونه في كثيير مواضيع ماقريتها
لانها قديمه ومالحقت عليها باذن الله بفضى يوم واقرا كل المواضيع
كل الاقسام قسم قسم وموضووع موضوع
وهاذي الطريقه قريت عنها قبل فتره بس مع زيت الزيتون
فعلا حسيت اسناني تلمع وناعمه
بس نفسي نفسي تصير بيضه الاسنان الصفرا على قوله امي وراثه بالعائله 🙁
بس ما رح استسلم وبرجع لزيت الزيتون
مررررررررره شكرا حبيبتي على مجهوداتك
ميميmariam says
ايش احسن زيت جوز هند ومن وين شريتيه؟؟
دخوون says
مسسآء الورد
اي والله انا بعد عرفت عن هالمعلومة من الوالد كان يقول انه سمع ب الراديو
إن المضمضة ب زيت الزيتون مفيده وتعالج أمراض وآيد
بس ماذكر لي أن لها فائده تخص الأسنان
إن شاء الله تكون لي تجربة بزيت جوز الهند، لأن بستخدمه بعد في طريقه 424
وآيد تحمست لها
الله يعطيج مآ تتمنين ❤
سحوره says
الله يسعدك ارتوس
ياليت اذا عندك خلفية عن الحجامه و الا تسألين متابعاتك عن عيادات بالرياض للحجامه..
و ياليت تتكلمين عن الكولاجين للشعر لان فيه مشغل قال لي ب 300 و مشغل قال لي 1400 فرق السعر صراحه
شعري ناعم بس فيه نفشه..
و الف شكر يا الغاليه
موكا says
يسعد اوقاتك حبيبتنا ، من الحماس كنت دوبي مفرشه اسناني وتمضمت بالزيت هههههههههههه قلبت الشغله
reema says
بصراحه انا دائما استمتع بتدويناتك متنوعه ومفصله
ومو مكرره ابدد ان شاء الله اجربها مع اني اكرره طعم زيت واقرف اني اتمضمضه
Rawan says
يعطيك العافيه استفدت مرا.
بالنسبه للزيوت اختار اي زيت من الزيوت الي ذكرتيها وامضمض فيه ولا لازم اخلطها مع بعض؟
ندو says
بإذن الله بجربها…اشكرك من كل قلبي
ليلى says
مساء الليلك ..
الله يعطيك الف عافية .. الوقت اللي تجلسينة بس في الكتابة يخلينا نقول شكثر هالبنت تتعب عشان تفيدنا .. فمابالك بالطاقة الجسمانية والنفسية وحتى الإقتصلدية اللي تبذلينا عشان تجربين شي وتطرحينة لنا في قالب ممتع .. مرتب .. مدعم بالصور ..
شقول بس الله يسعدك وراح اجرب هالطريقة بإذن الله وادعيلك ..
دمت بخير .
يارا says
ياعزيزتي معلومة ان البكتيريا تنتقل عبر الاعصاب معلومة خطا.. بحكم دراستي البكتيريا ممكن تأثر على الجهاز الهضمي وبعض الدراسات وجدت علاقه بين العنايه باللثه ومستوى السكر بالدم وكمان تأثير بعض انواع البكتيريا على اللي عندهم صمام بالقلب!!
وقريت موضوعك عن الفرشاة وكنتي كاتبه مانظفت كويس بين الاسنان.. الفرشاة مستحيل تنظف بين الاسنان عشان كذا نستخدم الخيط عشان تشيل البلاك وبقايا الاكل بين الاسنان..
وبصراحه ماقريت موضوعك عن العنايه بالاسنان.. ابقراه قريب.. انا اشوف شريحه كبيره تتابعك ويثقون فيك وانا منهم وانتي تجتهديت وماتقصريت وابغا توصلهم المعلومة بشكل صحيح ❤️
يارا says
حبيت اضيف اانتقال البكتيريا عبر الدم مو الاعصاب.. والعصب الي يغذي الوجه يفرق عن الي يغذي الرجل.. مالهم علاقه ببعض..
هالاشياء تحتاج دراسه عشان يثبتون فعاليتها .. واكيد في سر من التبييض وهو احد مكونات الزيوت.. وشكرا لك الهمتيني بفكرة بحث!
ابحاول اعمل بحث سريري واذا تم الموضوع ابعلن نتائج البحث ❤️
Fazulina says
تسجيل حضور متأخر..
سمعت عنها قبل كم شهر وكعادة الناس طاحوا فيها .. المشكلة الشي ينتشر بدون تفصيل..
أتوقل الآن أغلب الناس يظنون المفروض تبين النتيجة من أول مره.
يسلمو أرتوس.. حبيت الرفيو .. وعلى سرا التجارب بإذن الله
maryam says
ارتوسه يا ارتوسه جربت طريقة السحب بالزيت
اول شي لاحظته اللسان تورد اكثر و اللثه كمان تحسن شكلها
وبدئت اشوف اسناني فيها لمعه وحبيتها اكثر من قبل
مشكووره يا احلى ارتوس
جميلة says
مدري ليه حسيتك مو ارتوس مو بعادتك تأيدين مواضيع مثل كذا لوووول
صراحة اول مره اسمع به وجداااا تحمست اجرد من كلامك الظاهر بابدا من بكرا
الله يسعدك ويوووفقك ارتوس3>
A says
صباحك خير
جميلة على التجارب والتدوينات المفيدة ، تفاصيلك تُميزك 🙂
بغيت اسأل وين القى زيت جوز الهند طبيعي ؟
يعطيك العافية ويعطيك على قد ماتعطين واكثر
Moon says
ارتوس انتي ثروة وربي ثروة ما تقدر بثمن
معلومات
مصداقية
دقيقة وصف
وصاااااادقة
الله يسعدك دنيا واخرة
Maryam says
مشكورة ارتوس ع الموضوع .
هالطريقه معتمدها من زمان لان من نتايجها احس براحة ف راسي وخاصة ايام الاختبارات .
صراحة انا تقريبا متابعة بصمت ساعات كثير على ماخلص قراءة انام وبس اصحى يبدأ الكرف
بس بجد شكرًا كثييييير ع طرحك للمواضيع …
Hajar says
سمعت عنها ككثير بس ما قد فكرت اسويها يمكن لان الناس اللي حكوا لي عنها مااثق فيهم كثير 😐 بس بعد كلامك تشجعت لها وان شاء الله قريب جداً اجربها
roro12 says
شكرا لك ياغالية
شكرا بعدد نجوم السماء
رولا says
جربتها ورح استمر جدا ارتحت معاها
تصدقين ارتوس انا وصلتني هالطريقه بي سي وكثير مدحوها بس مافكزت اجربها بس من تكلمتي عنها جربتها اليوم الثاني مباشرررره
احبك يا اطييب قلب
القوزاليه, says
الجميلات الي فوق يشكون من التعب وقت المضمضه
مو شرط تتمضمين بذمه وضمير يكفي تحركين الزيت بلسانك
يمين يسار فوق تحت بعدين عشان مايتعب أفمك وتستمرين أطول فتره ممكنه ()
7oo0oor says
والله اني مسخنه وتعباااااانه وخالتي حاله وبكره عندي اختبار بس مدونتك تخفييييف لي كل المي أحس بسعاده لمن اقرأ كلامك
راجعة لموضعك
kholoodM says
توه تم التطبيق بزيت زيتون بما اني احبه وخليته اقل من ١٠ دقايق مبدئيا وان شاءالله استمر عليه
rawan97 says
لو اني قاريه هالتدوينه يمكان ثاني ما كان اقتنعت بس انتي غير غصب اقتنع واسمع الكلام عندك واطبق كل شي تنصحين فيه ..
انا ابدا ما احب الشغلات الطبيعيه ههههههههههه احب اروح السوق واشتري واريح راسي ما احب لا الماسكات الطبيعيه ولا الزيوت
بس لما تقولين انتي عنهم احس صدق بفايدتهم واجرب ..مدري ليه عندي ثقة عميا باللي تقولينه والحمدلله ما قد خاب ظني
حلوه الطريقة وجديدة بجربها بس ما اتوقع اني بستمر عليها الا لو اعجبتني النتيجه مره لأن احسها مشوار ..وانا اكتفي بروتيني اللي
متعوده عليه .. قد ما اقولك شكرا ارتوس على كل تدوينه وكل حرف تكتبيه قليل .. شكرا شكرا شكرا على كل التعب اللي تتعبينه علشان توصلين المعلومه
7oo0oor says
وأخيرا ارتوسه الزيوت غلبتك دايما كنت ضدها وأكثر شيء للشعر بس سبحان الله كل يوم نكتشف قناعات تحسسنا انو رأينا مو كامل ضد شيء إلا مايكون له وجه آخر. .
طيب يالحب نستخدم طريقه 424 وجرب الطريقه هذي واهو عصفوربن بحقر..
أسماء says
قد جربته يمكن شهر بزيت الزيتون ماحسيت بهذاك الفرق بالنسبة للكلام اللي سمعته عنه ..
toot says
شكرا ع الموضووع ارتووسه اول مره اعرف هالطريقه
ان شاء الله اجربها
an says
مشكووره على الموضوع الجميل
تو اعرف هالطريقه يبي لي اجربها
بس ما اتخيل اسويها بزيت الزيتون
طعمه ما يستسااغ لكن يمكن بزيت جوز الهند
بس فيه سؤال وش نوع زيت جوز الهند اللي استخدمتيه!!
و شكررا
Nour says
رجعت بس عشان اقول تجربتي
سويتها اربع مرات في الصباح قبل كل شيء ب زيت جوز الهند متعبه ٢٠ دقيقه واحس بشيء مزعج في حلقي كان الزيت بينزل ولاحظت ان فمي صار ناشف بس راح استمر عليها فتره بعدين باخليها على فترات بالنسبه لأسناني حسيتها افتح شوي وناااعمه كأن توني مسويه تنظيف
والنوووم جاني نوم ماقد جاني من كم سنه انا تقريبا مثلك انام بالغالب ٤ ساعات واكثر شي ٦ من غير القيلوله المهم نمت نووووومه عمييييييييقه ماحسيت بنفسي في الصاله وكل شوي احد يقولي روحي غرفتك وانا يالله افتح عيني كانت نومه لذيييذه من زمان مانمتها واتوقع انها بسببه لان ماتغير اي شي بحياتي الا هو ولو اني ماباستفيد منها الا مثل هالنومه لو مره بالاسبوع فهي ممتازه وتستاهل التجربه وانتي تستاهلين الشكر الله يسعدك ويزيد في رزقك وعلمك ومنفعتك
Soaad alharbi says
أنا مجالي بطب الأسنان كانت في ام تراجع عندنا لطفلها من ( ذو الاحتياجات الخاصه ) وكان مقعد وعننده تراكم باسنانه و حساسيه وصعب يتقبل فكرة الجلوس ع كرسي الأسنان وكانت الأم تخليه يتمضمض بزيت الزيتون لثته تحسنت صحتها والأسنان تحسنت بالمشي القليل برافو عليها .. صدقا ما درسنا هالشي بالكتب برافو عليك وعلى مجهودك الجبار اتمني اشوفك بيوم بالمكان اللي تطمحين له
salam904 says
سلاااام ، يآكثر ما تداول الواتز هالرساله التمضمض بزيت زيتون وانه يطلع السموم وبلا بلا بلا جربته مره بس وسحبت ولا بحثت عن صحة الموضوع ، لكني اتحمست دحين خصوصا انك أنت تكلمتي ولأنو لها تأثير عالأسنان ، والله المفروض نبحث بأنفسنا ماننتظر بس حتى لو بحثنا ماشاء الله ما أتوقع نجيب المعلومات بحذافيرها مثلك بجربها هي والتنظيف بالطريقه الكوريه وأكيد بعطيك خبر بالنتائج ان شاء الله و يعطيك العافيه ..
salam904 says
ايه وضحكتني الصوره اللي فيها المتطفل هههههههه
miss Reem says
السَلام عليكم وَرحمة الله وبركاته .. أهلاً أهلاً.. يا زين المتطفلين يا ناس .. أخرت ردي لحد ما أجرب وأقول رأيي عنها .. طبعاً جربتها أربع أو خمس مرا… زأنا ما حسيت بالملل -لأاني كنت اسوي شغلاتي وأرتب أموري – كثر ما حسيت بالقرف للأسف مافيه يوم كملت ثلث ساعة إلا المرة الأخِيرة .. ماحسيت الا ببياض خفيف لاسنانوصراحة النتيجة كويسة على هالتجربة المتقطعة .. شكراً لطرحك المفيد والمتجدد والمتنوع
Monsh_ says
يسعد لي صبآحك
طرح جمييييل
اول مره اسمع بالشي هذا
وتحمست اجرب بشوف وش يطلع معي من نتائج
fantyloo says
جربت هالطريقه اسبوع بالعافيه ماقدرت اكمل بس كانت النتيجه كويسه فتح لون اللثه ولاسنان مالاحظت الا لمعه بسيطه
AbeerAlmohammed says
اكثر شيء حمسسسني للتجربة انه تنفع للاسنان الشفافة .. نجرب وباذن الله نرجع لك بالخبر وجزاك الله خير ارتووسي
ريما says
من قريت الموضوع جربتها تقريبا لي الان عليها ثمانيه ايام استخدمت زيت السمسم ويوم واحد بس استخدمت زيت الزيتون بس ماحسيت نتيجته زي زيت السمسم فاستمريت ع زيت السمسم النتيجه:
كلمة رااائعه قليله بحقها من ناحيه انها تطلع البلغم ومايكون فيه ريحه مزعجه للنفس لكن التبييض للاسنان وتوريد اللثة للان مالاحظت عاد بودي اجرب زيت جوز الهند لكن للان ماحصلته بس حصلت اللي يكون للشعر اذا ممكن تفيديني بأماكن تواجده
شاكره لكِ ومقدرة
Hanan says
الله يكتب لي أتعرف عليك بالدنيا قبل الآخرة ، و أنا فخورة بك و الله .
أكنـــان says
جربتها مرة بزيت زيتون ما قدرت أستحمله أكثر من خمس دقايق ..
لكن بأحاول أجرب مرة ثانية بزيت السمسم ممكن هو أخف من زيت الزيتون ..
شكرًا أرتوس ()
wasfaty says
السلام عليكم . تسلمي علي المجهود و على المعلومات المفيدة بس لو سمحتي ممكن وصفة للشعر التالف و شكرا
ushe says
اقرا تعليقات الناس واقول سبحان الله كل هالحب لآرتوس ><
ونا آحسب إني اللي احبك هالقد وحدي
لأنك صريحة وتعطينا على روسنا وتساعدينا في شغلات ماحد يعلمنا عليها
ولا يعطينا اياها بالدقة اللي تحوجنا للسؤال والشك
جد توعينا يا ارتوس كثير من تدويناتك غيرت فينا أشياء جذرية
لا تتخيلين إن هالتعب اللي تتعبينه في التدوين يضيع هباء
فعلاً انت شخص فاعل في المجتمع
اخر شيء حابة اذكر تجربتي بالمضمضة
استمريت ٤ أيام وقطعت الشاي والقهاوي هالفترة علشان مَ يخربون علي
النتيجة واضحة جداً ، لون الزيت صار افتح ورغوة كثيفة زي م قلت
بعد المضمضة رقي ينشف بشكل ! اعطش عطش مو طبيعي حتى حاولت أقلل مدة المضمضة
اللي لاحظته ولا قريت إن احد علق عليه
إن شفايفي توردت بشكل ملحوظ ، كل ما انتهي من المضمضة أحس إنها حيويه وأفتح بفرق واضح
عجبني هالشيء مرة ، نادرا ما أحد يعلق تعليق ايجابي على اسناني وسار لما رحت مناسبة رابع يوم من المضمضة
انبسطت مره وراح أجرب زيوت غير ….. شكراً آرتوس .
أميرة says
قريت الطريقة قبل امس وطلبت الزيت ووصلني امس وجربت الطريقة، ما قدرت امضمض اكثر من عشر دقايق، طعم الزيت لذيـــــــــــــذ جدا فعلا كأنه باونتي وريحته تجنن ما تضايقت منه وأنا عادة اقرف من ريحة زيت الزيتون، متحمسة مرة للطريقة مع أنو مو من مناصرين الاشياء الطبيعية، بس ما حسيت فيها تعب وحسيتها سهلة وتستاهل التجربة، ببلغك بالنتايج بعد شهر ان شاء الله