صَباح / مساء الجمال
المَوضوع طَويل حَبتين لأنه صَعب يجُزأ ، فَحبيت أطرحه بشكل مُخصص أكثر وَ شامل
اليَوم تركيزنا فقط على نوع واحد من أنواع الباودر ألا وَهو :
Loose Powder |البودرة السائبة ( لوس باودر أو البودرة الفرط )
شخصياً من الناس إللي ما أقدر أستغنى عنها ، وَ أعتقد إنها صديقة لأغلب صاحبات البشرة الدهنية .
تجي بعدة أشكال ،’
• مينيرال باودر أو بودرة معدنية
• لميعة
• بتغطية خفيفة
• شفافة ( يعني بدون لون )
اليوم بنركز على البودرة الشفافة وَ إستخداماتها ، بالإضافة إللي تكنيك مُهم جداً لإضاءة تحت العين بالبودرة السائبة بدون خطوط أو تجاعيد ، أيضاً ريفيو عن بودرة لورا ميرسييه الشفافة
Laura Mercier Loose Setting Powder – Translucent
بودرة لورا ميرسييه السائبة الشفافة
سَعر المُنتج بالمَوقع : SAR 149.23
أماكن الشراء : لحد الأن ما فَتح بوتيك لورا ميرسييه بالرياض ، لكن تَم توفير المُنتج لي مَن متجر : @ALJORYS.LUXURY
وَ هذا رابط المَتجر عالأنستا : ( إضغطي هُنا )
تقريباً أرخص مَتجر مر علي يَوفر هالباودر توفرها بسعر : ١٩٠ ريال أو ١٩٩ ريال ناسية بالضَبط كَم
مُواصفات المُنتج ~
خفيفة الوزن ،حريريه ، تغطية خفيفة تدوم طويلاً تعطي مظهر خالي من الشوائب ( فلوليس)
مصنوعة من التلك الكشميري الفاخر ، ماتعطي مظهر مغبر ( كِكي) أو بودري ، ماتجفف تحت العين ، عاكسة للضوء ، ماتتكتل وَ لا تبين التجاعيد تحت العين ، خفيفة على البشرة وَ تعطي إحساس طبيعي ، تعطي مظهر مخملي يليق بجميع ألوان البشرة وَ أنواعها
مافيها حماية من الشمس وَ هالشيء يخليها مُلائمة لجلسات التصوير
طبعاً حسب موقعهم كاتبين غير مُسببة لا للبثور أو الحبوب بمُصطلح ( Non-comedogenic) المُصطلح شرحه طَويل فكَتبت أبسط مَعنى
[ لكن يحتوي على هالمادتين : Ethylhexyl Palmitate and Zea ، قَد تسبب حساسية للبعض ] ..
إللي بيقرأ كلامي بيوسوس ، لكن ما أبيكم عَشان قالوا لا يُسبب بثور أو حبوب تفكرونه علاج للحبوب وَ إنه عادي يالله هُوباااا ننام بالمَيك آب ، يعني الماكياج حلو وَ رهيب وَ خطير ، لكن برضو لا بُد من إزالته بالطريقة الصحيحة
مَظهرها عالوَجه من مَوقع : temptalia
رأيي عَن المُنتج ،’
شَخصياً ما أعلق الأمال عَلى مُنتج واحد وَ عندي الماكياج لازم يُطبق على بشرة نظيفة وَ مُعتناه
وَ إستخداماتي للوس باودر لتثبيت الأساس وَ منعه من التأكسد
لليوم ما أحب أشوف أساس بدون باودر ، عَيوني تشوف التأكسد ، طلعوا أساسات بالهبل ما تَحتاج باودر هي تتَحول لباودر ما أقنعتني ، أحب الماكياج النظيف وَ النقي لا مَبودر بزيادة وَ لا مَدهن وَ لا معرق ، وَ لا إذا جيت أسلم عالبنت نَص وجهها تلزق بَوجهي مع الحر وَ العرق
[ أكثر حركة تَخليني أتَجنب أبوس وَحده عالخَد ، إذا شفتها مَسوية حفلة بَوجهها أعرف نص مَكياجها بيلزق بَوجهي ] ..
الزبدة هالبودرة رَوعة وَ الكلام إللي إنقال عَنها بموصفهم للمُنتج ١٠٠٪ ، وَ أتوقع البنات إللي يعانون من خطوط وَ مشاكل خشونة .. إلخ راح تنحل مُشكلتهم
[ برضو من الشغلات إللي للآن مَافهمتها هالسؤال إللي يَجيني بعد ما أحط الأساس يخطط وَ يتشقق حاولت أساعد كثير ما عرفت السبب ] ..
لو الوحدة كبيرة بالسن بقول التجاعيد بس بنات صَغار ، وصفت للبعض جل كريولاين نفس الشيء قالوا مَستمرة المُشكلة ، أتوقع العيب من التَكنيك فكل إللي سألوني عن هالمُشكلة أتمنى من قلبي يجربون التكنيك إللي بَقولكم عليه
وَ إذا إستمرت مُشكلتهم بنرجع نَدور لكم على أساسات مُناسبة + بيس مُناسب قبل الماكياج
وَ أرجع أقول أشربوا ماء + مارسوا الرياضة + إهتموا ببشرتكم
الماكياج يَصنع المُعجزات وَ يخفي العيوب من وراء حجاب ( أقصد كصورة فوتوغرافية أو كَمقطع فيديو بشَوية لعب )
لكن فيس تَو فيس عالطبيعة جَميع مشاكل البشرة تظهر وَ لما أحد يدقق بوجهك راح يَشوف وَ مو الكل فنان باللعب بالألوان وَ الرسم حتى يخفي العيوب
فالإهتمام يَنبع من الداخل ، فإهتموا مو كل شيء لطلطة مَيك آب ، البشرة الغير مُعتناه حتى الآرتست يتعب فَيها بس ما يَمنع يجيبها بدوراته عَشان يبرز مَهارته بإخفاء عَيوبها وَ يبهركم بشغله وَ إبداعه
هل تَستحق الإقتناء ؟!
تستحق وَ تستحق وَ تستحق ، وَ سويت مُقارنة بينها وَ بين بودرة ديور الوردية للإطلاع إضغطي هُنا ( طبعاً المُقارنة غير عادلة ) لأن الخصائص تَختلف
ديور لمعية وَ بنك شَوي وَ لإعطاء رَونق للوجه مُش بَمثل تعدد بودرة لورا ميرسييه وَ مع ذلك لورا ميرسييه تَفوقت عليها
بالعَين المُجردة تَشوفين الفرق ، طبعاً هالشيء ما يَعيب بديور لكن إللي مَيزانيتها مَحدودة وَ تبي مُنتج واحد راح أرشح لها فقط لورا ميرسييه خاصة لو عَندها مَشاكل بالبشرة ، أنا جربت نص وَجهي لورا ميرسييه وَ النص بودرة ديور الوَردية بالضوء العادي إثنينهم حَلوين ، بالضَوء القَوي لأ فيه فرق كبير وَ لورا ميرسييه تتفوق على ديور وَ سطح البشرة مصقوله أكثر من دَيور ، بينما بديور مُمكن مُمكن إللي يعانون من خشونة بالبشرة تظهر بشكل أوضح ، وَ هالشيء ما يَلغي الإيفكت الحلو لديور ، وَ ممكن تستخدمينهم بنفس الوقت لكن نَقصد كمخاسير رشَحت الأفضل
إستخدامات البودرة الشفافة ( اللوس باودر ) ~
طبعاً الطرق هذي قديمة وَ كلاسيكية وَ معروفة يعني مو إختراع جبار ، وَ فيه طرق كثيرة بس بكتفي بذكر فوائدها للإستخدام التجميلي على الوجه
• الإستخدام الشهير المعروف يمد فوق طبقة الأساس ، لإمتصاص فائض الزيوت وَ منع تأكسد الفاونديشن ( الأساس ) أيضاً لمظهر مطفي يدوم لفترة طويلة ، وَ لتثبيت الماكياج فترة أطول ، يَعني مُش لتغطية فُل كفر ، مثال : وَحدة تشتري هالباودر عشان يغطي الحبوب ؟! ماراح يَغطيها إلا إذا الأساس غطى قَبلها لأن مافيه درجة لونية ، وَ إذا وُجد بتكون تغطية نصف شفافة لا تُذكر
• يُستخدم فوق مرطب الوجه ، سواء حاطة سن بلوك ، كريمك النهاري … إلخ تحطينه بَعده
• ينحط بإسهاب أسفل العين عشان نمنع تناثر الظلال الغامقة أسفل العين ( يزال بعد الإنتهاء من توزيع الظلال بفرشاة المروحة ) ، أيضاً ينحط بكمية بسيطة تحت الرموش السفلية عشان يمنع سيحان الكحل وَ تلطيخه
• يستخدم لتثبيت الروج ، أو لإعطاء مظهر مطفي matt للشفايف الكريمية أو اللميعة
الطريقة ،’
– إذا حابه تعطي مظهر مات : بعد ما تخلصين من مد الروج ، جيبي منديل ( المنديل يجي غالباً طبقتين حاولي تفصلينه وَ خذي طبقة وحدة بس ) حطي الطبقة فوق شفايفك ، وَ مرغي الفرشة بالبودر وَ بعدين طبطبي على شفايفك من فوق المنديل مثل الصورة .
– أما إذا حابة الروج يظل فترة طويلة : مدي طبقة من الأساس ، بعدين طبقة من البودرة الشفافة ، بعدها مدي الروج ، من ثم جيب منديل وَ إضغطي عليه بشفايفك ، من ثم عيدي طبقة ثانية من الروج ، وَ بالأخير لو حابه مظهر مطفي أنثري شوي بودرة مثل ماذكرت بفقرة الروج المات .
• يستخدم لتكثيف الرموش ، هالطريقة ما أتبعها شخصياً بس حبيت أذكرها وَ ما أنصح إللي عيونهم حساسة يسوونها ، تكثف الرموش بس مو بالشكل الجبار إللي يغنيك عن الرموش الصناعية ، لكن راح تبين معك الكثافة بالإضافة راح تقدرين تحطين أكثر من طبقة في الماسكارا بدون ماتلزق الرموش مع بعض
الطريقة ،’
1- إطعجي رموشك إذا حابه وَ بعدها حطي طبقة من الماسكارا إللي تحبينها .
2- خذي فرشة وَ الأفضل تاخذين الفرشة إللي شكلها مثل فرشة الماسكارا أو أي فرشة ظلال مسطحة وَ ممكن بفرشة المروحة ، قبل لاتجف الماسكارا وَ هي رطبة
3- مدي طبقة بودرة بحرص عشان لا تدخل داخل العين ، وَ حاولي تغطين كامل الرمش من الجذور حتى الأطراف مثل الصورة
4- مدي طبقة ثانية من الماسكارا
5- راح تلاحظون كثافة خاصة في الجذور ، وَ تقدرون تكررون الحركة أكثر من مرة لين توصلون للنتيجة إللي تبونها ، وَ أحسن مافيها إنها ماتتكتل وَ ما تعطي مظهر أرجل العنكبوت ، هذا بالإضافة إنها تعطي ثبات للماسكارا لفترة أطول
هالصَورة جمعتها لَكم وَ نسقتها وَ الحقوق مَحفوظة لصاحبة الصَورة العائدة لَموقع : beautybucketlist
الصورة تَوضح نظافة الرموش بعد وضع الباودر مُو مثل ما يُخيل للبعض ، وَ ركزوا بآخر صورة عاليسار خط الرموش شلون صار غامق وَ كثيف
الطريقة الصحيحة لمدس اللوس باودر ( البودرة السائبة ) ~
كثير من البنات يمدون اللوس باودر بطريقة غلط ، وَ على قول المثل : بدل مايكحلونها يعمونها ، بطريقهم مع المد يسمحون الأساس وَ يخدشون البشرة أحيانا ً
لازم لما نمد اللوس باودر نضمن إنها تسد المسام وَ ماتزحزح الأساس ، في إللي يسونه الأغلبية وَ من ضمنهم بعض خبراء التجميل ، إنهم يمسكون الفرشه وَ رايحين جايين على البشرة وَ هالطريقة غلط لأنها تمزح الأساس وَ تزحزحة من مكانه بالإضافة إنها ماتغطي المسامة صح .
شخصياً أستخدم الباودر بف( الإسفنجة ) وَ أشوفها الطريقة الأفضل لمد هالنوع من الباودر ، الفرشة ما أستخدمها أبدا ً للمد ، انما لإزالة الفائض أو للدمج ، لكن بذكر لكم الطريقتين وَ إنتم إختاروا الطريقة المُحببة لقلبكم
طريقة المد بالإسفنجة ،’
قبل كل شي لازم تتعلمون تمسكون الإسفنجة صح
الأغلب يمسكها بشكل مسطح وَ يمسح فيها وجهة ، وَ الله يإن ذاكرةالطفولة محفورة لحريم أول وهم يمسحون بوجيهم بالبودرة تقول ينظفون ماكياج مو يحطونة .
هذي الطريقة الصح لمسك إسفنجة الباودر بف = Powder puffs ، ركزوا على شكل اليد
نحط كمية من الباودر في الغطاء ، وَ ناخذها بالأسفنجة ، وَ بعدها ننفض الإسفنجة شوي على الغطى ، بعدين ننشرها بالوجه عن طريق الطبطبة وَ بنفس الوقت اللف يعني طبطبة على لفة شوي ( ROLLING) بهالطريقة نضمن إن المسام يتقفل وَ بنفس الوقت الأساس مايتزحزح
إذا حابين بعد نجيب فرشة الباودر أو البوف برش وَ نشيل الفائض .. وَ بالتأكيد نقدر نستخدم البيوتي بليندر ( مَوجودة بالصَورة ) وَ سبق وَ كتبت عنها مَوضوع هُنا
طريقة الفرشة ،’
نفس الشيء نحط كمية بالغطاء ، وَ نمرغ الفرشة ، من ثم نضربها على الغطاء عشان نشيل الفائض ، ركزوا عالفرشة بالصورة فيها فائض لازم تضربوها عشان يبين فيها مثل الغبرة مو تكتل ، بعدين نلفها لف حركة الرولينق مثل ماسوينا بالبوف أبداً لاتسحبونها عالبشرة رايح جاي
بهالطريقة يعني ، ان شاء الله تكون واضحة
[ أنتظروا عالصورة لأنها صَورة مُتحركة عشان تَوضح لكم آلية العَمل ]
Baking Face | Cook Your Face
تكنيك خبز الوجه ، أو طبخ الوجه
ذاك اليوم أسولف أنا وَ أختي عن تكنيك خبز الوجه وَ أخوي الكبير كان جالس معنا إلا نسمعه يفطس ضحك ، قال وِش بقى ما سويتوه بوجيهكم حتى الطبخ بتطبخونه – الله يشفيكم بس – هههههههههه
هالتقنية مشهورة من زمان ، بس أعتقد مصطلح خبز الوجه إنعرف بشكل أكبر ببرنامج RuPaul’s Drag Race
لأن هالتكنيك أشتهر بقوة عند االـ Drag Queen ، وَ هذول سلمكم الله هم الرجال إللي يصلحون ماكياج مثل الحريم وَ بالأصل هم ممثلين مسرحيين يبالغون في الماكياج
وَ هو عبارة عن وضع كمية من اللوس باودر الفاتح فوق الكونسيلر الكريمي في الأماكن إللي تحتاج إضاءة ، وَ تركها من 10 إلى 20 دقيقة ، عشان تذوب مع حراراة الجسم وَ تتمازج مع الأساس وَ دهون البشرة ، فتعطي نتيجه مختلفة سواء في المظهر أو الملمس
الفائدة من طبخ الوجه ~
• بيعطي لون أقوى وَ أفتح وَ أكثر وضوح وَ أنقى
• يعطي ثبات لفترة أطول
• يعطي نعومه وَ تمازج
يُستخدم : بالماكياج المسرحي ، وَ في المناسبات الكبيرة ، أيضاً في جلسات التصوير
هالتكنيك إشتهر أكثر مع ثورة الهايلاتنق وَ الكونتورينق ، أيضاً إشتهر مع صورة كيم كاردشيان الشهيرة إللي ظهرت وَ هي مبقعة ببوردة بن ناي
وَ كان هالشيء يتعبرونه كثير من الخُبراء سر مايفصحون عنه ، لين فجأة الكل قام يتسابق بوضع هالتكنيك .
بعام 2012م بعض الخبراء تكلموا عنها تحت مسمى إضاءة تحت العين أو ثبات يدوم فترة طويلة
قبل 3 أسابيع ليلي غاليتشي نزلت صورة بحسابها ، وَ كتبت إنها قاعدة تخبز وجهها ، طبعاً المصطلح بحد ذاته ملفت وَ الكل قام يسأل
وَ بعده بساعات نزلت هدى بيوتي نفس الشيء بحسابها وَ تكلمت عنه
نحتاج لخبز الوجه ،’
– كونسيلر كريمي
– إسفنجة البيوتي بلندر
– بودرة سائبة أفتح من لون البشرة بدرجة أو درجتين ( على سبيل المثال بنانا باودر )
وَ أهم شي الوقت ، يعني مو تسوونها وَ إنتم مستعجلين
ترى الصَورة بالأسفل ما تَحمس لأن الصور من مَوقع لبيع مُنتجات ماكياج ، لذلك مو مَهتمين حطيتها بَس للتوضيح
1ـ نصلح روتينا المعتاد في الماكياج من ترطيب بشرة وَ مد الأساس ، وَ مد الكونسيلر ،وَ ركزوا مد الكونسيلر على شكل مثلث وَ على منطقة واسعة ، أيضاً في المناطق إللي ودكم تفتحونها .
2ـ نمد البودرة وَ ننتظر من 10 الى 20 دقيقة
3ـ بعد قضاء المدة ندمج المنطقة برأس إسفنجة البيوتي بلندر
4ـ بفرشة البف ناخذ شوي من الفينشينق باودر وَ ننفض فيها بقايا البودرة السائبة
5ـ أخر خطوة نرش الوجه بمثبت الماكياج
طبعاً فيه أكثر من طريقة ، البعض يمد البودرة السائبة بإسفنجة البيوتي بلندر وَ هي مبلولة ، وَ بعدين ينتظر 20 دقيقة ثم يزيل الفائض بفرشة البف بدون ما يستخدمون فينشينق باودر أنا أستخدم باودرة شانيل
فيديو يوضح الطريقة الثانية ،’
http://youtu.be/OOCtao5dYw0
ضحايا البودرة السائبة ( اللوس باودر ) ،’
بعد ماظهروا كثير من المشاهير بهالمَظهر كثير تعقدوا من البودرة السائبة ، وَ السبب بالطبع هُو فلاش الكاميرا يلي يظهر عدم إندماج اللوس باودر ، وَ صارت أي وحدة تخاف قبل لا تَشتري بودرة سائبة يظهر مظهرها بهالشكل ، وَ طبعاً بودرات ميك أب فورايفر Hd هي إللي إحتلت هالصدارة بسبب هالمَظهر
خبراء التَجميل حَلولوا سبب هالمَظهر إن الفنانات يعيدون عالماكياج بَعد شغلهم وَ هالشيء وارد
لأن لو إندمجت صَح ماراح تظهر بهالشكل ، الفائض مَنها يظهر بهالشكل السيء وَ الجزء الأخر حلل إن هالمظهر بسبب السيلكا الخام المُستخدم بتصنيع هالباودر بنسبة كبيرة
السؤال الأهم خلاص خَفنا من ميك أب فورايفر بالرغم أأكد إنها لو إستخدمت صَح ماراح تظهر بهالشكل ، لكن مين راح يَغامر بمناسبه بها فلاشات !! خاصة لو عَروس [ فضيحة لا تُغتفر ]
فهالباودر مُلائم لتصوير الفيديو أكثر أو تَتغطى بشكل جَيد وَ فعلياً من يوم ما ظَهرت كاميرات الـ HD ، صنعوا ماكياج ملائم لها ، لأن دقة الكاميرات صارت تَظهر شيخوخة الفنانين وَ عيوبهم لدرجة أول ما أصدروا هالنوع من الكاميرات ، كثير صار يقول هالفنانة عَجزت ، هي ما عَجزت إنما الكاميرات أظهرت كل السَوء
المُهم بالنسبة لنا هل بودرةلورا ميرسييه تحتوي على السيلكا ؟
بالطبع ، أي بودرة مُنعمة تحتوي على السيلكا بالوقت الحالي
لكن النَسب تَختلف وَ بودرة ميك أب فورايفر أعلى نَسبة ( حاولت أراجع النسب للأسف مُش مَذكور ) .. صورت بودرة لورا ميرسييه بالفلاش وَ ماظهرت هالمٌشكلة
آتمنى أكون أفدتكم
دُمتم بَحب
[ رجاءً عدم طرح أي إستفسار خارج المَوضوع ]
صباحك كجمال روحك
تسجيل حضور مبكر لي عوده بعد مااقرا الموضوع
هلا بالطَيب الغالي ، ما شاء الله عليك دائماً مَتواجدة
حتى لو مَواعيدي صارت أيتها حآقه ههههههههه
نورتي
هلا بروحش ياعسل
مااحد لحن الترحيب ههههههه
احب كلامك واسلوبك له لذه خاصه عندي عشان كذا بتلاقيني مع مواعيدك
نرجع للموضوع
لفت نظري خبز الوجه استغربت بالبدايه وبعد ماتعمقت بالموضوع فهمت اهم شي مافي خميره عشان ماينفش الوجه هههه
بودرة لورا متعددة الاستعمالات حبيتها حركه الرموش اول مره اقرا هالمعلومه منك باجربها يوما ما مااحب الرموش تكون ثقيله
ولا احب الرموش الصناعيه من هالشي احس شايله جبال فوق جفني هههههه وصف مبالغ عشان اوصل احساسي احب مد الماسكارا بنعومه ان شاء الله وصل المعنى بس مايمنع اني اجرب كل شي تتكلمي عنه باذن الله راح اطبق كل شروحك بالمدونه بخصوص الميك اب
شرحك دقيق وواضح الله يسعدك الصوره المتحركه وضحت بشكل كبير
شفتي ضحايا البودره للان اشوف بنات مكياجهم كذا السبب انهم مايحتكون بالعالم الخارجي سوا نت او قراه او تعلم مااقدر اقول جهل لكن الظروف
واتردد اني اتكلم معهم مو كل النفوس تتقبل منك قلبي يوجعني عليهم وباحاول باي طريقه كانت اني اوصل لهم المعلومه الصح
واخيرا انتِ كنز كبير لنا الله يديمك وانتِ بصحه وسعاده
ههههههههههههههههه ياحَياتي إنتِ .. حبيت بروحش
فديتش ..
ههههههههههه أجَل خميرة يا مُجرمة ، جربي شَوفي كيف مَظهر رموش البنت إللي حَطيت صَورها جداً نظيفة وَ مرتبه
وَ ما أتوقع يجي مَنك جرح ، شَوفي شلون لما قَلتي بسبب الظروف إنتِ بحثتي لهم عن المُبرر ، بالرغم ظهورهم بمكياج مُبقع ما يَقتل
لكن بعتبر هذا من حُبك لغيرك إنه يَجرب الزَين وَ لا يظلم نَفسه ..
مَتأكدة إذا بدأتي تَطبقين على نفسك هُم بنفسهم بيجون يسألونك وَ قتها خذيها فُرصة لنشر الوَعي أو العَلم ..
تَصدقين على كَثر الرموش الصناعية إللي عَندي إني مالبستها بحَياتي إلا ما نَدر ، لكن الرموش الحبة حبة أفضل ما يَمكن صَراحة
مَظهر طبيعي وَ أتحدى أحد يَحس إنها مُو طبيعية وَ اكيد حسب الكثافة إللي تَحددينها
نَورتيني ، قُبلاتي لك .. لأنك مُش أي مُتابعة فعلاً مُتابعيني غَير أخوات قبل ما تكونون مُجرد شَخص مَجهول
يسلموووو على الموضوع التحفه وجا بوقته لانو للحين اشوف كثير بنات بمنظر المكياااج الكيكي
واااو ماشاء الله الموضوع طويل وعالاكيد فيه اسرار جميله وقد الانتظار برجع اقراه ربي يسلم يدينك ارتوس وارتاحي باقلبي عالاكيد تعبتي حبي لك
نَورتيني يالجَوهرة ، يسلم لي آلبك
فَديت آلبك وَ أبداً أتسلى بهالفَجريات ..
ههههههه الرجال كذا مايعجبهم حركات الممياج وحبنا له ابوي لما يشوفنا متمكيجات يقول لاعاد تحطون مكياج خلكم عطبيعتك بالرغم مانهول باعمارنا ، ونجي للتدوينه الجميله جمييل ارتوس شرح وافي وكافي انا عندي بودره ميكب اب فور ايفر الشفافه وهذا هي مركونه ماحبيتها حسيتها صدق تبقع وواضحه اكيد طريقتي غلط من زماااان عندي بشوف تاريخها بالاول هههههه وراح اشتري كريم اساس بالاول لان كريمي كمل وطبعا وقتها باسويها بالطريقه الصح ان شاء الله ياعمري ارتوس عساك عالقوه وربي يجازيك الجنه عتعبك ♥♥♥
ههههههه أنا أبَوي يحب الماكياج وَ المناكير ، وَ العطر .. ، الحرمه إللي ما تَسويها عنده أنوثتها ناقصه
بخصوص الباودر إللي عَندك مُمتاز ما أتوقع إنتهت مُدتها لأن مُدتهم طَويلة جداً خاصة لو ما عليها هالإستخدام ما بَتكون تعرضت للهواء وَ الغبار وَ الضَوء ..
وَ أكيد كلي شَوق لتجربتك ، إن شاء الله تضبط مَعك
ارتوس تكفين مالي غيرك انا عروس وابغى اتجهز ماني عارفه وش الاساسيات وكل شي 🙁 ساعديني
أقري بالمُدونة كل شيء مَكتوب وَ كل شيء أنزل له رابط
لو بتاخذين أساسياتي ماراح تَناسبك ، لأن بتاخذين شغلات ما تعرفين لها ..
صراحه معلوماتك قيمه فيه بعض الامور اول مره اعرفها بجد تشكرين على كل كلمه كتبتيها
بالنسبه للبودر انا عندي مهمه لان بشرتي مختلطقه واوقات تفرط دهنيتها فأشوف انها من الضروريات اللي لازم تكون موجوده عندي بس صراحه ماقد استخدمت بودره سائبه وتحمست على لورا ميسييه بالرغم كثير تكلموا عنها بس مااقتعت الا لما تكلمتي عنها
أجل البَودرة السائبة تَقولك وَينك عَني وَينك ، ضَرورية لنوعية بشرتك بترتاحين عليها جداً ..
وَ يابختي بهالثَقة ، ميرسي آآآآوي على هالإطراء ..
مفيد جدا جدا الموضوع ونا اقول ليش يخطط معي الكونسيلر لاني ماطول يادوب احط البودرة واشيل الفائض منها بنفس الوقت علي كذا يبي لنا وقت واحنا نحطه شكارة لك عزيزتي
بالسَهرات يبيلك طَريقة الخبز بالأوقات العادية ما تَحتاجين
بس الماكياج يبيله تَكنيك ، وَ نظافة أثناء العمل وَ تمهل بين كل طَبقة وَ طبقة وَ بيكون أحلى مَنه مآفي ..
يعطيك ألف عافية على الموضوع ، مررره يحمس تجربين تكنيك جديد للميك آب .
يَعافي آلبك ..
صباح الورد
حلوه خبز الوجه ع هالصبح اشتهيت خبز هولي ههههه
شي جديد علي دووم تتحفينا بالجديد
انا من صرت استخدم اساس مات وانا مستغنيه عن البودر
مع ان بشرتي دهنيه بس لي سنين ماصرت استخدمها عقب الحب
جرلاين
كنت مقرره ع انستازيا استخدم منه كونتور وهايلايت تحت العين
او لوس باودر مدري اي واحد فيهم باخذ
❤️
أنا ما أستخدم أساسات مات أو أويل فَري إلا ما نَدر ، أفضل الباودر
وَ أشوف خبيرات كثير ما يَستخدمونه بالتالي شَغلهم أحسه يفتقر للنظافة بس تَضل وَجهتي نَظري وَ لا كثير يَحبونه
وَ بالنسبة لسؤالك كَلهم ، لأن اللوس لا يَغني عن الكونتور وَ الهايلايتنق ، وَ اللوس أكثر اهمية من باليت أنستازيا
صباح الخير
كالعادة لا يمكن نخرج من تدوينة لك بدون مايكون فيها شي جديد عليا
جزاك الله خير يا جميلة 3>
وَياك يآقَمره ..
وَ أهم شيء عَموم الفائدة ..
ويني من زمان عن هالمعلومات حبيبي ارتوس شكرررا❤️❤️
العَفو ..
يالله الآن المَعلومات بيدك طَبقي ، نَورتيني
صباح الجمال
التدوينه رائعة عن نفسي استفدت
منها كثير وتدويناتك مهما كانت
طويلة صدقيني اننا كلنا نستمتع
فيها مرات تكونين تتكلمين عن شي
جربته بس أحب اقرأ التدوينه احس بشي
حلو ما ادري ايش أقول بس سبحان الله كيف
حط لك محبة في قلوبنا …
الله يسعدك يا قلبي
فَيس ( يَعيط ) ..
أخجلتم تَواضعنا وَ أكيد يَعني لي هالتَواجد الدائم مَنكم وَ تشجيعكم ، لأن الحُب وَقود العَمل برأيي
وَ تصدقين حتى أنا أستانس لما أعرف إن وَحده عندها نَفس المُنتج إللي سَويت عنه رَيفيو
عالأقل تَعطيني وجة نظرها بَسرعه ، بدل ما أنتظر التَجربة ..
نورتيني وَ أمين الله يَحقق لك كل ما تَتمنين على كَلامك الحلو
حبييت الموضوع يا سوس قريته سريع سريع لاني داخلة الاختبار
بحبك ❤️
مَي تُو بَحبك يآ ألبي
مَوفقة بإختبارك ، تَصدقين اليوم أحسه ناقص بَعد جنان أمس ..
ياصباح الانتكه والترتيب …
اندمجت اندماج مع الموضوع مررره حماس ودك تقومين تطبخين وجهك ولو اني طبخته امس وانا مادري ليش لانو امس جربت كوريكتر و كونسيلر تارت وقوامه زبدي وقليل منه يكفي وبمجرد اني فردته تحت العين حسيت بلمعه قمت حطيت الباودر وكانت بودرتي من تارت ايضا ^^قاشه المحل كلو …
والمهم التهيت بباقي وجهي ولمن رجعت لهم بالفرشه ضغطت ضغطات بسيطه وانتهيت بالفينشينق باودر … الباودور المستخدمه كانت فل كافرش بلون ونفس لون الاساس مو افتح ومع ذالك الكونسيلر نفسه كأنه معه أضائه احسه بطل بس يبيله محترفه مثلك وان شا الله مع الاعاده في التجارب اعرف للتكنيك المظبوط له …
تدرين مجهودك ذا ممكن اروح لدورة ميك اب ولا اطلع بنص هالفائده صدق تشكرين من قلب تنورينا دائما وتتعبين وان شا الله المقابل لك عند رب العالمين لانه افضل من اي مقابل دنيوي ….
يعطيك العافيه يالقمر
يآهلا يآهلا ..
حَمستيني تَرى ، عَطيني إنطباعك النهائي لأنك قلتي زُبدي !! ما المقصد تحديداً عشان إذا ١٠٠٪ نَجربه وَ نفيد البنات به
شفتي لما قلتي إلتهيت بَوجهي ؟! نفس الشيء مَن زمان يصير لما نَحط باودر وَ نبدأ نشتغل عالعَين تقريباً ٢٠ دقيقة
يعني التكنيك مَوجود من زمان مَوجود ، اللهم صار بَشكل أبرز وَ أكثر وَضوحاً .. لما تَنبهين الناس عَنه يصير الواحد يَنتبه
لكن لو شَخص مُحب للماكياج هُو خلقة يَسويها ، مرة حبيت لما قَلتي إلتهيت لوجهي أحس وَصفتيه الوَصف الدقيق
وَ أنا أشَوف إني جالسة أخذ المُقابل بهالدَنيا ، يَكفي معرفتي بالناس الطَيبة وَ إنتِ أولهم
وَ أكيد بنبسط لما أشوفك مَبدعة ، خاصة إنك مُحبة للماكياج
هلابك يالغاليه …
الكونسيلر مثل العصار انا عصرته براحة يدي وعبالي بينصب سائل تفاجئت اني كنت نعومه وانا اعصر فزدت الظغط شوي وطلعلي مثل قوام الزبده بالظبط وانا ماكنت ادري انو قليل منه يكفي فتوصيت بالعصر حبه زياده المهم ساح نص سيحان براحتي والنص الثاني بعد مامديته وبقى كثير براحة يدي فظطريت اروح اغسل يدي وانا اغسل ماراح الا بغسول يد في البدايه كأنه حاطه زبده بأيدي بالظبط هذا وانا اغسل …
بالنسبه لانطباعي النهائي لمنظر الهالات بديهي بما انو زبدي راح يكون مرطب بالدرجه الاولى للمنطقه ويخفي التجاعيد وهذا اللي لمسته منه ولاني اشتكي من هالات حتى ع الجفن مديته شوي بس صراحه مايساعد ابدن لان الجفن على طول حار فحسيته ماينفع ينفع بس للهالات اللي تحت العين واحسه بطل من هالناحيه انا اساسي والباودر غامقين ع البرونز والمفروض اني افرد بودره مثل بن ناي لكن حطيت المتوفر وطلع بيرفكت وكانت المنطقه مضائه ودام هالشي امكن 5 ساعات وانزاح كل شيء بالمنشفه الورديه ماعذبني ابد …
اتمنى اني اجدت التفصيل واكون قدمت فائده للجميع …
ياعيني إلا قَمة تفاصيل التفاصيل ، حبيت وَصفك دَقيق للغاية .. أنتِ أخذتي ماركوجا ..
تراه مَره ممدوح جداً ، بخصوص الهالات حتى مع الكوريكتر ما خَفت !! ..
أحياناً الهالات ما تزول بسبب عدم إختيار التون الصَح ، بس أكيد بيضبط معك فيه كونسيلر بقولك عليه يَسوي العجب هو السر أكيد باليد بس تغطيته قويه
وَ مبروك عليك وَصول مُشترياتك ، أحسن لحظة .. عُقبالي اليَوم
تسلمين يا بعدي إنتِ ..
لا بالعكس اختفت الهالات بس انا اقصد انو فوق الجفن بسبة انو زبدي سيحلي الاي لاينير وامكن بعد الاي لاينير فاشل بجربه بدون مااحط الكونسيلر.. والكوريتر اخفاها لي وقوامه ستيك ومافيه لمعه مات اتوقع لو اكتفيت به ومديت لون شادو والاي لاينير راح يظبطون راح اوفيك اكيد بالنتيجه …
وعليك بالعافيه اللي طلبتيه تحمست لهم وانا مدري وشو …
طيب وَش حطيتي فوق الكونسيلر ؟! ..حتى لو من فوق ثبتيه بباودر أو بينت بوت
وَ الله شَوقتيني شَكلك مَبدعة تبديعات ..
ههههههههه راح تَعرفين وَشو أكيد ، إنتِ أول الناس
معليش على اللقافه
بس حبيت اقولك اني لما اخذت باليت نيكد3 كان معه عينه لمجموعه من البرايمر من ضمنها برايمرEDEn فيه لون ممكن يغطي لك الهالات اللي على الجفن مادري اذا جربتيه او لا ومادري اذا المعلومه ممكن تفيدك بالنسبه لكم ماشاءالله معلوماتي نقطه في بحر بس قلت اقولك بحكم اني استفيد من ردودك الجميله
وفي نفس الوقت ترى احس بانتماء عجيب لكل شخص يحب المكياج ‘ههههههههه’
لا عادي خوذي راحتك تو انتبه للرد …
انا استخدمت كوريكتر تارت اليوم بس فوق الجفن واحسه زين بس لسى برجع اجربه بكذا طريقه لين اطلع بأفضل تكنيك …
شكرا ع المعلومه ان شا الله اذا حصلي فرصه جربتهم …
حبيبتي انتي كلك خير وبركه وانا احب الاخذ والعطاء وهذاك افديتيني …
احب اقراء الردود احس فيها فايده وانتبهت لردك تو
تسلمي بعد قلبي جدا مفيد صراحه
لكن بسأل بالنسبه للور مارسييه
تغني عن البودره المضغوطه
ولا لابد منها بعد السايبه
يَسلم لي قَلبك ..
البودرة المَضغوطة تكنيكها مُختلف عن السائبة ( أقصد الكومباكت فاونديشن مُش البريسيد )
لان البريسيد تقريباً مالها هالمَفعول وَ مفروض تكون بودرة شنطة مُش بَودرة للإستخدام ..
المُهم الكومباكت فاونديشن بالآونة الأخيرة تقريباً قل رَواجه مو مثل قبل لأنه يعطي مَظهر كيكي
اللوس بنظري أكثر أهَمية ، إلا إذا تبين تغطين عيوب وَ مشاكل وَ تحبين مَظهر الفاونديشن الثقيل وَ الواضح خذي الكومباكت فاونديشن
صباح الفل .
اول مرا اعرف تكنيك خبز الوجه
يوم كتبتيه انستا توقعت مزحة
انا قبل اعرف اللوس باودر كنت ارطب وجهي
بعدين احط بودرة جونسون
بما اني ما توفقت ف كريمات الاساس
ف كنت واووو منهبله ع النتيجه
طريقه هبلا بس نفعت
وحتى طريقتي للرموش هبلا
بعد الماسكرا اغمض عيوني
واحط الباودر بالسبابة والابهام
بس للروج لا الحمدلله صح
الله يسعدك استفدت كثير والله
الله لا يحرمك السعادة والروقان .
الحاجة أم الإختراع وَ بالعكس طريقتك مُو هبلة
عالأقل شَغلتي مُخك وَ بكذا مع الوقت إلا ما تَوصلين لنتيجة ..
وَ ضروري تتوفقين بكريم أساس ، الوجه يصير شاحب بدون خاصة بالمُناسبات لو بشرتك تلق لَق
يبين بين الناس إنك مُش بهالشياكة ، وَ أحس عَندك مُؤهلات إبداعية
نَورتيني وَ آمين ياقلبي ، وَياك
يسعد صباحك التوس ..حبيت هالبودر منك انا عندي البنانا بس برضو احسها توضح الخطوط مو تخفيها يعني بدون ميكب ماتكون واضحه بعدها تكون واضحه معاي كيف كذا ههههههه
ماعلينا عندي ملاحظه حبيت إهتمامك وحرصك على إفادة وراحة فانزاتك بوضع روابط تدويناتك السابقة بالتدوينه الجديدة في حال ذكرتي اسم منتج حكيت عنه مسبقا…يابخت #الجيش_الأرتوسي فيك
يَسعد مَساك ، بالنسبة للخطوط أستخدمي قبل كريم مرطب لعيونك
وَ رشي الميك أب فيكس ، وَ ترى ٥٠ ٪ من الفنانات بَخطوط بس أنتِ شايفة عرض الظل تحت العين !! وش راح يبين ماراح يبين لك وَ لا خط
ركزي وَ دققي وَ حتشوفين ، لكن أرجع أقول رطبي ثُم رطبي وَ قريب بتكلم عن مُنتج تقدرين تَستخدمينه قبل المُناسبات يحسن من مَظهر العين
يمكن الأسبوع القادم ، تَذكريه بيكون أهداء لك ..
وَ برضو بذكرك بشيء شفتي البريمر تبع الشدو ؟! بعض أنواعه يستخدم تحت العين وَ فيه بريمر برضو يشد لك المَنطقة
بحاول أتكلم عَنها بأقرب فَرصة ، مُستحيل أخلي هالخَطوط بعينك إلا ما نَوصل لحل ..
ياحبني لمُلاحظتك ، وَ صراحة أنا أهتم ليش ؟! لأن يمكن وَحدة تدخل ما تعرف وَش البيوتي بليندر !! أو وَدها تستزيد فحلو ما أخليها تتَوه أثناء القراءة
لأن أنا تَصير لي لما أقرأ مَرات ، فلما ألقى الروابط قَدامي أستمتع جداً بالقراءة وَ بالتأكيد كل صَاحب مُدونة يَحرص على راحة زَواره
نَورتيني وَ منورتني دُوم بخفة ظَلك وَ روحك الحلوة
من أهم التدوينات اللي كنت احتاجها هي للوس باودر ما كنت أعرف الطريقه الصحيحة لاستخدامه ..
حبيت بودرة لورا ميرسييه سمعت عنها مدح كبير بس تأكدت انها مناسبه لي من كلامك وبطلبها بإذن الله بأقرب فرصه
وحبيت طريقة أن نخلي الروج مات لأني اعشق الأرواج المات بس صعب الاقي نوع زين أو اللون اللي ببالي لأن اللي
اشوفه ان بكل ماركة الارواج المات أقل من الأرواج الكريمية وخصوصا عند D & G أعشق ألوانهم وعندهم تنوع بالدرجات بشكل كبير
بإذن الله اول نزلة لي للسوق بمرهم وباخذ الالوان اللي ببالي و أولهم coral 520 لأن الارواج الكريمية ما تناسبني ابدا ..
بالنسبه لخبز الوجه ما حبيت هالطريقة من اول ما طلعت احسها اوفر ومايعجبني الفينش حقها ..
حابه اسألك أرتوس لو جربتي اللوس باودر لاستي لودر عندهم نوعين وزمان كنت افكر اخذ الدبل وير لوس باودر فوق السي سي كريم كشي خفيف !!
وش رايك فيه هل تنصحيني فيه ولا لأ ؟
ما أتوقع فيه إنسان ما تليق له الأرواج الكريمية ، يَمكن إنتِ بس ما تَحبين مَظهرها يَعني مو ذوقك
لكن لو تبين شغلات مات وَ مطفية شَوفي لك كولور بوب يابلاش وَ مطفية مَن قلب القلب وَ ما بتكلفك التَجربة
الماركات الهآي إيند ما يَحبون هالمظهر المات المات ، بتلاقينه عند ماك أكثر
بالنسبة لتكنيك خبز الوجه هُم مَسويينه أوفر ، وَ لا كل كليبات أليسا خابزة وَجهها خَبز وَ نانسي عَجرم
لكن بما يَتطلب التَصوير ..
ما أحب درجات فاونديشن إستي لودر ألوانهم جَبسيه ما تَعجبني ، ما أشوفها تتلائم مَع البشرة العربية
لو عن رأيي أشوف كرستيان ديور وَ شانيل وَ جيرلان أفضل من هالناحية ، وَ لكن ما جربت اللوس باودر ، جربته كفاونديشن لكن ما أعجبني
خاصة هالفاونديشن إللي طايحين فيه الناس الدبل وَير ، ألوانه صناعية طبعاً الناس أذواق بالتأكيد
صباح الورد
ربي يسعدك ماتتخيلين وش كثر تسعدني تدويناتك فعلا يكمن الجمال في التفاصيل عاد كيف لاصارت هالتفاصيل منك اكيد بيكون للجمال عنوان اخر
بصراحه ماكانت تعطيني اضاءه تحت العين بالشكل بس اكيد مع الفيديو اتضحت الفكره عندي اكثر متحمسه اروح مشوار عشان اطبق الطريقه مع اني حاسه اني مابصبر بقعد شوي واقوم احوس واطبخ وجهي”ههههههههه”
اما تثبيت الروج سبق ومرت علي الطريقه في حساب مايا احمد وطبقتها فعلا صار الروج مات وناسبتني كثير لان اغلب الارواج عندي كريميه
وسبق شفت طريقه استخدام للبودره اظن كان احمد قبيسي في نهايه المكياج يحط كميه بسيطه من البودره ومجرد ظربات خفيفه على بدايه الحاجب وبعدين تتمشط بفرشه الحواجب حتى ماتعطي منظر حاد لبدايه الحاجب
اجمل اوقاتي اجدها بين سطور مدونتك……
اشكرك من الاعماق………
أخجلتم تَواضعنا وَ شحال لو كان هالكلام الجَميل مَنك !! ..
أكيد بَكون بقمة سَعادتي ..
يالله هالأيام وَيكيند ، عَندك فَرصة للتَطبيق ..
بالنسبة للروج تقريباً عند الكل بس للأمانة هَي أول من بدأ فيها عندنا بسام فَتوح لو تذكرين بكليبات إليسا القديمة لكن أقتصرت عالشفة العلوية
وَ يَخليها على تَدرج بيج ، ماشاء الله بسام مُبدع لكن الأن خف وَهجه مَع زحمة المُبدعين لكن مَهماً أتعلم وَ أجرب تضل دروسه عالقة براسي لكن كثير تكنيكات تَطورت أكثر بالماكياج
وَ الواحد حلو يتعلم أي جَديد ما يَجلس على شَخص وآحد ..
حَبيت إضافتك بالنسبة للحواجب ، كَنت زمان أسويها لكن مَع بودرة الحواجب خف هالشيء
لكن أنا حَواجبي أحب أسويها بالكومباكت فاونديشن يَعجبني أكثر يعطيك مَظهر مَشمع وَ أكثر نظافة لأن الحاجب يَحتاج دقة
نَورتيني حبيبة قَلبي وَ شعور مُتبادل
بالنسبه لاضافه طريقه الحواجب ماعندي شك انها مرت عليك ماشاءالله الله يحفظك اعرف ان اطلاعك واسع بس قلت ممكن تفيد احد ولان الحاجب اهم شئ في المكياج هو اول شئ ابدا فيه لانه ياخذ مني وقت وعشان لو حصل وكنت مضطره استعجل الباقي اقدر استعجل فيه بس مع الحاجب ماتنفع العجله
بس كنت حابه اسألك عن رقم الروج الموجود بالصوره بعد اذنك”على اساس مااكون طالعه عن البوست”
وفي نفس الوقت وحده طماعه تبغى منك اكثر من رد”هههههههه”وش اسوي احب ردودك تسعدني
لا بالعَكس حلوة إضافتك وَ كلامك يَثري المَوضوع لأن رواد مَوقعي يقرون حَتى الردود ..
أنا حواجبي قبل الروج وَ البلاش أسَويها يعني قبل الأخير ، أغلب الناس مَثلك عفكرة ..
بالنسبة لروج دَولتشي أسمه : Cosmopolitan
من فئة الكلاسيك كريم ..
وَ ماطلعتي عن إيطار الصَورة
هلا هلا بالحب .. وحشتيني والله ( قلوب )
موضوعك اليوم يفتح النفس و مدلعتنا هالشهر بتدوينات دسمه ..
جديده علي تكنيك الخبز قلت يمكن جالسه تحمسنا بس طلعت صجيه ههههههه
والله انا كنت ماحب الميك اب بس منك حبيته وتحمست اتعلمه ،معلوماتك عن دورات
ان شاءالله اجلس مع وجهي جلسه تعلميه واخبز فيه لين اضبط خبيزته$
و يعطيك الف الف عافيه ي حب و( امطاخ لقلبك )
هههههههههههههه تصدقين لاحظت الكل تَوقع إني أمَزح
وَ أنتظري التدوينة الرياضية يَوم القُمعة ( أعرفك تَحبين السبور ) ..
امطاخ لك يا عَذبة الرُوح ..
لاتلومنيهم والله , ما استغرب بكرا يمكن يطلع تكنيك شوي شفايف ههههههه
اول المحضرين ان شاءالله حبي ..
ههههههههههههههههه دخيل قلبك إلا الشفايف يوخرون عنها فجروها تَفجير
الله يسعددك ياقمرر مرررة استفدت من شرحك واضح و مبسط .. شكرا ليييييين البحر ههههه
حياتي أنتِ ، الله يجازيك بالمَثل
نورتيني وَ إنبسطت إن الشرح كان واضح لَكم
https://tartecosmetics.com/tarte-item-maracuja-creaseless-waterproof-concealer
اي اللي اخذته ماراكوجا هذا هو اللي فوق
بس مو نفس الدرجه اللي بالصورة اللي اخذتيه لايت ميديم يقبل التون الازرق والاصفر لاني ماعرفت بالظبط فااخذت محايد واشوفه زين … سوري كل شوي اذكر شيء وارجع اكتبه بس عشان اوصل الفكرة …
ياللا فوتك بعافيه امطاخات لك وللي بتخبز خبزاتها هههههه ..
ههههههه باك…
تقولين كيف ثبته؟! حطيت باودر ومع ذالك ساح الاي لاينير لانو زبدي والجفن حار ماكفتهم الباودر فعشان كذا قلت بكتفي بالبرايمر والكوركت وطبعا فوقه الباودر والشادو لان الكونسيلير يسيح ….
ارتوس خلاص انتفخت على كلمة بدعتي هههههه …
هههههه إنتفخي يَحق لك .. إذا مو إنتِ إللي أنتفختي مَين ينتفخ ؟! ..
آوكيه فَهمت وَش سويتي ..
لا عادي بالعَكس أصلاً أنا إللي سألتك وَ شكلي باخذ نفس درجتك ، عاد درجاتهم كَثيرة مَره
إيه عَرفته من الوَصف ترآه أرهب من الرهيب ..
كالعاده حمستيني اجرب اللوس بآودر .. دآئماً اكتفي باساس وبودره مضغوطه واهم شي مثبت الماكيآج بالاخير ،وهالطريقة مناسبتني حتى لمن اتصور يطلع وجهي زي م انآ اشوفه بالطبيعه .. اللي حمسني اكثر للوس بآودر احتآجها لتثبيت الكونسيلر خصوصاً اذا طَوّل الماكيآج ف وجهي اكثر من 6سآعآت يتغير لون الكونسيلر “̯
بإذن الله راح اطبق طريقتك واكيد بتعجبني النتيجه “̮
دُمتي سآلمة ♡
شَوقتيني وَ متأكدة لو سويتي لوس باودر وَ زيادة كُومباكت فاونديشن بيطلع وجهك مراية
وَ ما شاء الله عليك مَهتمة وَ مركزة ..
يسلم لي قَلبك أسماء
بالنسبه لاضافه طريقه الحواجب ماعندي شك انها مرت عليك ماشاءالله الله يحفظك اعرف ان اطلاعك واسع بس قلت ممكن تفيد احد ولان الحاجب اهم شئ في المكياج هو اول شئ ابدا فيه لانه ياخذ مني وقت وعشان لو حصل وكنت مضطره استعجل الباقي اقدر استعجل فيه بس مع الحاجب ماتنفع العجله
بس كنت حابه اسألك عن رقم الروج الموجود بالصوره بعد اذنك”على اساس مااكون طالعه عن البوست”
وفي نفس الوقت وحده طماعه تبغى منك اكثر من رد”هههههههه”وش اسوي احب ردودك تسعدني
ماشاء الله عليج ارتوس صج صج ميك اب ارتست
معلومات اول مره اسمع فيها بالنسبه لي
انا من الناس اللي لي سنوات قاطعه البودره سواء كومباكت او لوز
جربت انواع كثيره وكنت دايم احصل على نتيجه مغبره
لين اقتنعت انها ما تناسبني
اساسا انا بشرتي بدون فاونديشن افضل
مادري شنو المشكله بالضبط ..!! رغم اني جربت اشكال وارناق
لكن بعد تدوينتج اقتنعت ارد اجربها مره ثانيه
وبالتكنيك اللي قلتي عليه
لاني اكتشفت اني كنت استخدمها غلط لووووول
كنت استخدمها مثل حريم اول ع قولتج ههههههههه
سؤال هالطريقه بس لتحت العين والا ممكن لكل الوجه !!
ممممم صراحه تحمست اطلع اشتري لوز باودر الحين واجربها
الله يقويج ارتوس على هالمعلومات اللي تفيدينا فيها
شي يحز بالخاطر ان الخبراء العرب واللي يمتلكون المعلومه يحتفظون فيها كسر بينهم وبين نفسهم
بينما الاجانب سبقونا باشواط
حبيت تدوينتج اليوم احس اني اكتشفت سر لوووووول
لج
لازم تلاقين الفاونديشن المُناسب لك ، إلا ما تَلقين بس دوري على بيس يتناسق مَعه
بخصوص الطريقة الطريقة إيه لكل الوجه وَ للعين ، بس الأن مع البيوتي بليندر صارو يفضلونها وَ نفس الشيء بطريقة الطبطبة وَ الرولينق
أنتِ الأن لو ركزتي زين بمقاطع خبراء التجميل بتلاقينه دايركت يلف البف لفه بسيطه أو البيوتي بليندر بس كمشاهد إذا ماقال الأرتست ماراح ننتبه
عاد ما شاء الله بالكويت عندكم لورا ميرسييه ، أصلاً الماكياج عندكم له رَواجه وَ سوقه إسم الله عليكم
شَوفي سامر خزامي ، وبسام فتوح وَ فادي قطايا وَ إللي مثله يَقول المَعلومة كاملة ، حتى لو كنتِ مُجرد زبونة
لان السر باليدين ، زَي الرسم .. لكن ما يَمنع إن الواحد عالأقل يقدر يفهم تقاسيم وَجهه وَ يضبطها على سَنقة ١٠
حبيبتي وَ الله
يا صباح الود ياختي كل ماقرا لك تدوينه عن المكياج تجيني ضحكه على بكيه من اللي اشوفه حوولي وقبلها اضحك على نفسي في إفتقار شنيع جداااا لاصول واساسيات المكياج قلب مليان سهاااااام يختي متشفقه اتعلم للمكياج النظيف خدع المكياج كثيره احس كل البنات يقدرون يسووون خدع بالمكياج وتطلع النتيجه بيرفكت بس للاسف الاغلبيه قاعد يتبع خطوات غيره عشان كذا صاير التشابه بشكل كبير بين البنات اعذريني ماتكلمت عن اللوس باودر لان مالي خبره فيه ودمتي بخير وسعاده
طيب الأن حنا ماشيين بالأساسيات متأكدة راح تَفهمين بس مع التجربة حبه حبه
وَ عادي ياشيخة حلالك المُدونة كلها ، دُوم مَنورتني يالغالية
شكرا توسا يابخت ع هلاهداء قبلاتي لحد عندك ..
تصدقين مرات افكر ان استخدم برايمر تحت العين اقول ممكن يفيد بعدها افكر انه مو مخصص لتحت العين واهون ههه عندي توفيسد واربن دكاي..
بالنسبه للفنانات صحيح الي ذكرتيه ..لكن ودي بشي خفيف يساعد حتى بميكب الايام العادية
وان شاءالله راح اركز ع ترطيب محيط العين اكثر وشرب الماء لان الاساس بالعنايه بالبشره
انا انسانه احب الميكب حيل لكن للاسف مو فنانه فيه
البريمر تحت العين تسوينه لو بتسوين أي شدو تحت العين أو أي تدرج لوني
بس ما يَمنع تجربين .. للأسف أنا مو مجربتهم هالإثنين بالرغم كل ماشريت باليته طَلعوا لي يا هدية يا عَينة بس ماجربتهم
إنتِ رطبي وَ إشربي ماء وَ إلا ما نَوصل لحل ما يَهمك ..
حبيبتي إنتي الله يسعدك طيب ياسوس لون بشرة وجهي افتح من رقبتي بدرجتين تقريبا كيف أخذ درجة الاساس
أخيرااا موضوع البودرات عقبال الأنواع الثانية من البودرة أنتظرها
أبي بودرة اللي أحطها على وجهي كله و أبيها تطفي البياض هههههههه مدري وشلون أشرح بس أنا بيضا و أبي أبرز لون بشرتي بشكل حلو و أبي برونز اللي يعطي لمحة برونزية يعني مو برونز كامل لأن أنا وجهي صغير و البرونز يصغر و ما أحس يناسبني إذا تقدرين ترشحين لي ماركات و درجات معينة أجربها
و لكامل الوجه ايش أفضل نوع بودرة ؟
و فرشة البف أفضل ماركة ؟
و شكرًا لك على مجهودك مره استفدت ببالي أسئلة كثيرة و جاوبتيها
واااو موضوع مميز وتدوينة مليانه كمية معلومات جميله
كالعاده أرتوسه تسهبين في الشرح وأعطاء المعلومه بالتفصيل لدرجه مايشيل الواحد هم يروح يسأل العم قوقل بعد موضوعك وكل مره تكتبين موضوعي طوويل أنتهي من قرأته وأنا لسه أنتباهي مشدود ومستمتعه بماتقدمينه الله يخليك لنا ولا يحرمنا من تدويناتك وطلة روحك الجميله
أنتي انسانه جدا مبدعه وكلمة شكرا ع المواضيع الي تنزلينها شويه
ماشاء الله معلومات جميله جدا كالعاده من اكثر من عشر سنوات ومن أيام حواء ماشفت مثلك راقيه فنانه صادقه ماعندك مجامله حتى للتاجرات ، انا اتابع تتوريلز لاجانب بالمكياج لكن انتي غير اثق فيك ، تعليقاتي كانت بسيطه لكن احبك واحب اسلوبك وما افتح موضوعك الا ومعي قلم وورقه واسجل بكل ثقه
الموضوع اليوم كان جميل حبيت الشرح عن الباودر وراح اشتريه باذن الله ونفس الماركه انا كنت استخدم الباودر حق ديور ماناسبني ويعطيني شهابه لاني اصلا استخدم كريم اساس برونزي شوي
ضحكت على سالفة لما تسلمين على الناس انا اعاني منها مثلك اقعد اطالع خدها وهو جاي يلمممع من الدهن او العرق ههههههه ودي لو مافيه زعل يكون السلام باليد وخلاص
يسلم قلبها ❤️
قبل كم يوم شفت مقطع هدى بيوتي تقول راح اسوي بيكينق لوجهي عاد انا تنحت قلت وشلون تخبز وجهها هههه .. انا حاليا اتعلم وحسيت فعلا على كلامك ان السر يكمن في التفاصيل ❤️.. بس مشكلتي دائما ان الماكياج يخليني افتح مع اني اختار درجات اغمق مني حبتين الا اني اول ما احطه اصير بيضاء وشلون ؟! ما ادري ! حتى الباودر تعزز البياض هذا عشان كذا يمكن ما حبيتها بس نتعلم 🙂
يسعدلي هالطله الحلوه توي قريت مدونتك من صباح ربي هه امس استنيت اللي جاني النوم ونمت ع العموم كن عندي سؤال من زمان وانتي الوحيده اللي احسك راح تجاوبي عليه
كم مره ذكرتي انو لازم نرطب البشره قبل المكياج طيب ايش نوع الكريمات او الفايتمن او الاشياء هاذي اللي اقدر استخدمها قبل المكياج للمعلوميه بشرتي دهنيه
جربت أخبز وجهي لكن ما طولت. و بالتالي النتيجة ما كانت مرضية
أحتاج لخمس دقائق على الأقل و اتوفع عشرة تكفي
شكراً على الطرح المبسط
يسعدلي صباحك سوسووو ♡♡♡
اليوم سهرتي مع عدة الخبز والمراية هههههههه
كل مانزلتي شي بطلع كل شي عندي مكياج وبصير جرب خصوصا بعد تدوينة الكونتور والهايلايت وطريقة تحديد شكل الوجه بالرسم عالمراية
هي جربتها اكتر من مرة حتى صرت بعد كل تدوينة بتعلم فيها منك شي جديد بطلع شو عندي وبجرب طبق ورح ضل حتى صير متلك أتقن المكياج على وجهي صح وبدون ولا نتوووفة عيب …. تسلميلي احلى سوسو كل يوم بتعطينا وبتعلمينا شي جديد ومتأكدة مدونتك رح تصير مشهورة ومعروفة مو بس بالعالم العربي بكللل العالم ويصير اسمك بالاول ♡♡♡♡
يعطيك العافيه والسعاده بحياتك
آرتوسه تتوقعين ينفع ذا التكنيك للبشره إلجافه لاني احس الباودر راح يُبين الخطوط اللي تحت العين اكثر كمان شفت وحده في اليوتيوب تقول ماينفع للبشره إلجافه المفروض نحاول نقلل من البرودكتس تحت العين عشان ماتبين الخطوط بس البنت وحده عاديه ماهي ميكاب آرتوست بس مكياجها حلو وشفت كمان رجال بس هو ميكاب آرتوست سوا الجهتين وحده سوها بالخبز وكثر الباودر والجهه الثانيه سوها عادي وكلها الثنتين طلعت حلوه بس بعدين قام يبتسم ويورينا انه الجهه اللي فيها طريقه الخبز طلعت التجاعيد فيها اقل من الجهه اللي سوها عادي برأيك راح تناسبني لان بشرتي جافه جدا وشكرا ياعسل
احبك ياختي ع كثر ماتفيدينا والله انا ضايعين بدونك ومافتحت عيونا وعقولنا الا معك ليت منك ثنتين بس بنعيش بسعاده ..حاليا قاعده اعالج بشرتي وفوقها مقبله ع حمل بس مايمنع اقتنيها واجرب لين اقتنع بخشتي ترا مرا استفدت من موضوع الهايلايتر والكنتور مرااااااااا صرت ابعد عن المرايه زي ماقلتي وعرفت كيف اضبطه تقريبا يعني مع الممارسه والميكب الكامل اتوقع بيطلع شي حلو …توسه احبك مرا والله يحقق امانيك واحلامك
يختي ما تجي مواضيعك إلا بوقت حاجتي ههههههههههه توه ابو الشباب مسافر ومن ضمن الأشياء اللي وصيته عليها هالبودرة وصراحة كنت مترددة لأن عندي اكثر من وحدة وخفت تكون زيها زي غيرها بس انتي ثقة جداً بعد ماسكرا هيلينا وكم شغلة ثانية بطلت اثق في احد غيرك.. مقارنة بالبنانا ايش الفرق؟ هي عندي والصدق ما جازت لي انا احب شانيل ناسبتني كثير والبنانا حسيتها مغبرة.. طيب عندك فكرة عن الثانية حقت لورا ميرسييه اللي مخصصة لتحت العين هي تجي شوي فيها شيمر بس علي كلامهم ما يبيبن بس يعطي طلة حلوة وش رآيك تستاهل الشراء والا اكتفي بالبودرة أعلاه.. يعافيك ربي وتسلم أصابعك اللي تطبع لنا يا جميلة
الله يعطيك العافية على هالتدوينه الاكثر من رائعه
كان في بالي سؤال بس لقيت الي سئلتك والجواب تبعك
بنتظر التدوينه الي تتكلم عن الكومباكت بودر
وحمستي من جدد اروح السوق واشتري اللوس بودر لان للاسف مو عندي
ما ادري ليه ما اشتريتها من قبل يمكن خوف اني ما اضبطها علي
وشفت وحده باليوتيوب كانت عندها مشكلة التخطيط تحت العين وعملت تكنيك معين وطلعت النتيجه كويسه
تقول اذا خطط عليك الكونسيلر خذي فرشه صغيره ونظيفه وارجعي ادمجي من جديد وان التخطيط يكون بكثره الطبقات الي ما اندمجت كويس
ما ادري اذا كلمها صحيح مع انها اجنبيه اتمنى اشوف رايك بكلمها
كثرة حكي بس في الاخير اقول ربي يسعدك على قد ما تقدمين لنا من معلومات مفيده
يسعد مساك
تدوينه جميله حبيتها من قلب
ولو تطرحي
خطوات المكياج البسيط مع منتجات بمتناول الجميع
يعني ماكس فاكتور برجوا وووووو الخ
ارتوس بعد اذنك ياعسل ممكن تتكلمي .. من. اول حاجه نحطها بالماكياج لين اخر حاجه .. احس اتلخبط عجبتني البودره بس مااعرف متى احطها بعد ايش او قبل ايش وتسلمي ياقمر
يا إلهي زادت اللستة ههههههههه
والله توني آعرف أن هالتكنيك يسمى خبز الوجه، كنت أجوف صورة كيم كارديشيان
بكل إعلان لبيع البنانا باودر، واستغرب الكمية اللي تحت العين مباشرة وافتح ب درجتين
يمكن من لون بشرتها ..
بالنسبة لتكثيف الرموش بالباودر بجربها لأن رموشي طويله وناعمه بس 3 حبات ههههههه
واذا حطيت الماسكارا صارت حبتين بسرعه يلزقون ببعض
تسلم يدج ويسلم قلبج على العطآء الدايم حبيبتي ❤
مصطلخ خبز الوجه جديد علي اول مرة بحياتي اسمعة ..بس كل ماحليتة اصﻻ صرت متعقدة من ميكب هالفترة صاروا اغلب الميكب ارتست يحطولنا ميكب شرات الدراماكوين ويصير الوجه غير مريح ..اشوف كونسيلر برتقالي لتغطية الهالات عقة كونسيلر فاتح او هايﻻيتر وعقبة بودرة بن ناي بنانا او اي لوس ياودر للتثبيت فقط يكفي ويوفي …بس مشكورة وايد ع المعلومات جد موضوع دسم وجهذ مذول بشرحج الدقيق جدا اتوقع مافي مجال للاساله عن هالشي بعد تندوينج جد كفيتي ووفيتي
شكرا شكريااات أد البحر وسماكاتووو ^_^
ارتوس انتي قلتي نصلح روتينا المعتاد
* ونمد البودرة وَ ننتظر من 10 الى 20 دقيقة ,, / قصدك بودرة البن ناي ؟؟ و نمدها فوق الكونسيلر ؟
* بعد قضاء المدة ندمج المنطقة برأس إسفنجة البيوتي بلندر,, / يعني نمدج البودرة اللي فوق الكونسيلر ؟
* بفرشة البف ناخذ شوي من الفينشينق باودر وَ ننفض فيها بقايا البودرة السائبة ,, / اللي هي لورا مارسييه ؟
من جد من كم سنة ما كنا نشوف كل هالاقبال من الميك اب ارتست للشرح التفصيلي خصوصاً لتكنيك زي كذا،
مدري وش غير رايهم بس زين غيروه هههههههههه
واكيد راح اقتني باودر لورا مارسييه بعد الريفيو الناجح
كنت متحمسة لديور البينك الي حطيتيها سابقا لكني متخوفة من اللون واختلافه تحت كم اضاءة او انها راح تلبق علي ودام شهدتي ان هذي ازين باخذها،
ويسسعد مساك ❤️
يسعد مساك ارتوسة
ضحكني العنوان بصراحة جديد علي خبز الوجه
ماشالله تدويناتك دائما متفردة بالطرح وتحمل الجديد
أنشالله هالويكند اجرب اخبز وجهي ههههه
بما ان شرحك للتفاصيل مثل العادة كامل وشامل لكل الجوانب ما تتركي لنا اي سؤال
قبلاتي لك يا مبدعة
باودر لورا مارسييه من مدح الكثير كنت بجربه بس طبعا ما امشي ع مدحهم لان يرفعوون الشي ويسون يسوى وهو ولاشي
لكن يوم مدحتيه انتي اكيد يعني فنان صدق تشجعت اخذه اتريا بس اطلع ولازم الطخ شوي منه ع ويهي
اما خبز الويه ع قولتهم اخاف اسويه ويطلع اوفر لو تشوفين في سلبرتيز جيه يكون تحت عيونهم بودره او جيه درجة فاتحة بزيادة
اخاف من هالشي خليني ف السليم ههه ويسلملي هالديات حبييت انج عارضه كمن طريقه لاستخدام اللوز باودر
ميرسي ياا ارتوس علئ عالتدوينة احلئ شي انك بتحكي بالاساسيات معنا يعني شوي شوي لحد مايسير محترفات أن شالله
عندي سؤال بتمنى مايكون خارج إطار الموضوع بالنسبه لترطيب الوش قبل الماكياج هل لازم نرطب ولا ممكن نكتفي بالبيس أو البرايمر لأنو كتير خبيرات سارو بيقولو لازم قبل البرايمر مرطب وازا لازم نرطب فينا نرطب بأي مرطب ولا لازم مرطب خاص بالميك اب مشان مايتاكسد الوش ونفس الشي تحت العين فينا نكتفي بالبرايمر الخاص بهل منطقه ولا لازم مرطب والمطرب عادي اي مرطب خاص بالعين ولا لازم يكون الو خاصيه انو بينفع مع الكونسيلر وهيك متل تبع بوبي براون سوري طولت عليكي بس الخبراء طوشونا كل حدا بحكي شكل
ماتتصورين فرتي بهالبوست ..
اب فيج انج تتكلمين عن شغلات يديده سواء هالبودره او غيرها
مدونتج كلها اثراء جديد بالمعلومات من كل النواحي
جداً اثق بكلامج و اعتبره مرجع لأنج تذكرين كل المعلومات عنه
تكلمتي عن بودرة ديور وكان خاطري فيها بس متخوفه وبعد كلامج وثقت وشريتها
وصرت ما استغنى عنها غرامي هالبودره صارت , والحين حاطه ببالي هالبودره
ومنو احسن منج يتكلم عنها ؟
بالنسبه لي مافيه ! .. وهذا انتي كتبتي وفرحتيني من قلب
بشتريها بخطوتي التاليه للشراء بإذن الله
جد شكراً وما توفيج 3>
مرررره شكرًا على البوست امطاخ لقلبك يا شيخه
ما تدري قد ايش استفدت لما تكتبين لنا بوست اساسيات زي البودرة مثلا قرأت بوست بودرة شانيل و ديور و بنانا و اللحين لورا ميرسيه احس اني الحمدلله اتطورت و صرت افهم لها اكثر و فين تنحط و ايش الهدف منها ووووو……..
الله يسعد زي ما تسعدينا و يجعل ايامك كلها فرح و سعاده
انا ما ادري ليش حظي مع تدويناتج موو مره ><"
اذا كتبت لج من رابط تويتر ما يصير اسوي بوست للرد ما ادري ليش ..!
..
مساج ورد
اختي تعشق المكياج ف اي شي خاطري اجربه اروح عندها قبل لا اشتريه .،
البن ناي انشهرت بشكل مب طبيعي بعد صوره كيم ها الانسانه ساحره العرب .،
ما عرفتلها الصراحه ، والحين يبالي تجربه ثانيه معاها.
من اسبوعين رحت اشوف نوع بشرتي قالتلي جافه مع شوي دهنيه = مختلطه
وانا كله عبالي بشرتي دهنيه ما ادري يبالي اعيد عند حد غير ..
يا للفشله يا عالم اشكالهم تجيب الفشله شو كان موقفهم يوم شافو الصور اتخيل لو صج اتصير للعرايس
اخر مره اكتب لج وانا بها الاجواء مفيش تركيز ابد
تمسين على خير يارب
ارتوس بصراحه اطالبك بعد ذي التدوينه بالدورات وحكون اول المجلين لازم اكتشف تفاصيلك وبسالكي ينفع امد البودره بالبيوتي بليندر واستحمليني كمان ممكن تعطيني فيدير لتكنيك المد احب اشوف فيديوات ولو اني ماحب البودره ومنظرها ع الوجه بس حجرب طريقتكي واخبز وجهي وتسلمين ياقررر ع الموضوع
من اجمل جمل مواضيع المدونة هالموضوع
السلام عليكم
الله يعطيك العافيه على المعلومات المفيده
من جد ادخل المدونه استفيد من تجاربك
قراءة ان بودرة بنانا تناسب البشرة السمراء
لورا مارسيه البيضاء ،،،صح
ماشاء الله ارتوس شرح يبرد الخاطر والله ماشاء الله عليك دايما معلوماتك كافيه ووافيه
اثق فيك واحب اقرا تجاربك ونصايحك ،الله يعافيك على،كل شي تقدمينه
عندي سؤال مايتعلق بالبودر .. اذا جيت اشتري كونسيلرعلى اي اساس اختار الدرجه اللي تناسبني ؟ وهل تنصحيني،بماركه معينه ؟
لاعدمتك يا ارتوستنا
يسعد صباحك ياقلبي
تدرين لي يومين تقريباً وانا افرفر في مواضيعك الثلاثة
اللي نزلتيها عن الباودر ؟ ديور وشانيل وبن ناي ههههه !
وياسلام عالموضوع هذا،
مليان فوائد كعادتك بسم الله عليك..
بالنسبة لمصطلح او تكنيك خبز الوجة أول مرة يمر علّي ..
أنا استخدم كومبكات باودر من كوليستار
تخلي وجهي نظيف وبدون مايبان اني حاطة لون
مع انها مو شفافة لكن اتوقع لأن نسبة اللون فيها قليلة
مجرد تخمين ما اعرف صحته من عدمه ..
هل لك تجارب مع ماكياج هذي الماركة؟
الف الف شكر لك على العطاء اللي تقدمينه يا ارتووووس
قد مانقولك شكراً مانوفيك حقك ..
Love you !
تو اقرأ هالتدوينه وانا انطر تدوينة الرياضه يارب الحين نزلت وعساك قويه يابعدي ،
لو يضبط الكونسيلر معي ومايبين الهالات والخطوط اقدر اموت بسلام > مدمنه جديده لمدونتك رايحه افصفصها كود القئ شي يحط حد لهالمهزله اللي اسمها كونسيلر > حسيت اني دارما كوين
حبيتها مره
كنت لما استخدم الباودر يخطط معي ويصير شوي تكتل
وفعلا احس المشكلة مثل ما قلتي بالتكنيك
بداياتي م كنت انزل الفايض واشوفه كثير بوجهي وارجع أخبص لين اعدم الدنيا ، بعدين صرت انزل الفايض واحط الباودر بطريقة الطبطبه الخفيفه، قلة نسبة التخطيط بس باقي موجود
بجرب طريقتك وان شاء الله تضبط معي
الله يسعدك على هالعطاء
هلابك انا من متابعاتك الاصنام
والموضوع هذا هيج فيني المشاعر خخخخ
عندي سوال ايش الفرق بين بودره لورا مارسيه وبين بنانا
وهل تصلح لورا مارسيه لخبز الوجه
لورا ميرسييه ماتنفع لخبز الوجه لأن مافيها تغطية ، لازم لوس باودر فيه تغطية وَ أفتح من لون بشرتك
وَ نورتيني
آتعب وانا اقول شرحك يجيب العافية يسعدك يارب .. فعلا استخدم هالطريقة احيان يخلي تحت عيني يجنن مشرق ومضيء والوجه تحسينه مشدود ..
دمتي بخير ارتوسه ..
Good morning
I don’t know if you will read my comment since it’s a tiny lil one among thousands of comments.
Thank dear for all the effort you are giving in your blog to give the right and detailed information.
For a while I wanted to try the loose powder from Laura Mercier and now I’m more excited to try it after your recomendation.
I have tried their tinted moisurerizor and their pressed powder. I didn’t like a lot their tinted moisturizer but the powder is wonderful. u might say it’s for touch-ups but my skin is combinations .it’s not very oily so it suits me. I appky it with due fiber brush from mac 187. perfect with pressed powders.
Baking the face is the trend now . I see it on most of makeup artists blogs.
for the loose powders i like the Bobbi Brown buffing spounge. It’s very soft and gives a velvety finish.
I will be hounored if yoy visit my modest blog on this link
safamq.blogspot.com
with regards
Sophie
لا أكيد أطلعت على رَدك ، حَتى لو كان بين آلاف الرَدود
ياهلا بك ، وَ سبق وَ رديتي علي قَبل لكن ما أسعفني الوَقت أرد وَ لذلك اليوم ما حبيت أفوت هالرد لك
بخصوص التينتيد موسترايزنج ما جربته من لورا ميرسييه , أما البفينق باودر من بوبي براون كلامك بَخصوصها ١٠٠٪
بوبي براون كل فَراشيه بَيرفكت
وَ اكيد يَسعدني الإطلاع على مُدونتك ، أضفتها إلى مُفضلتي وَ إن شاء الله تلقين لي رَد بأقرب فَرصة
نورتيني
Fadekek Artos
I will delighted to see you comments in my blog. Thanks for the reply and the addition.
Sophie
سمعت عنها كككثر وشجعتيني لها ، خلاص بضمها للسته واجربها .. ()
معلومات جديده خبز الوجه يعطيك العافيه
للاسف استخدمت بودره مضغوطه مره وحده بحياتي
وكرهت من بعدها البودره – المشكله تظهر وجهي مغبر
والثانيه البشره الجافه على المختلطه بالغالب ماينصح
بالبودره مع نفسي اجرب شي يبعد تخطيط حول العين
موضوع جميل كالمعتاد بودرة فور ايفر اول ماطلعت صوره ماصدقت قلت لا
ملعوب بها لكن بعدين اقتنعت لما شفت وحده كذا بالفلاش صدقت الموضوع
وسمعت مدح كثيررر على بودرة لاورا واتعددت استخداماتها
يا جمالك يا ارتووسه ، صدق الله يرزقق على كثر ما تفيدينا
وايد استفدت منك في المكياج و في عنايه البشره <٤
بس عندي سوال ، انا بشرتي جافه بجنوون خاصه وجهي يعني ازطب من هنا و يجف من هنا
و صارت تبرز في مناطف معينه في الوجه يعني تحت العين و حول الانف مثل التقشر و يخرب المكياج واييد
ف ما اعرف شو ماسكات استخدم و ايش مرطب ينفع لتحت العين و يحللي مشكله الجفاف 🙁 ؟
السلام عليكم .. كيفك ارتوس
عجبني موضوع خبز الوجه وان شاء الله اشتري اللوس باودر الشفافه عشان أطبق التكنيك
الصراحه انا كنت اتضايق لما امد الأساس وبعدها استخدم البودرة المضغوضه فلو كثرت شويه على طول يعطيني مظهر كيكي وكذا يسير وجهي كله باودري .. بس ما عندي الا هاذي واحتار .. فلجأت الى طريقه الطبطبه بالبف باودر واخذ شويه من الباودر المضغوطه
واطبطب بخفه على كل وجهي .. كان شيء يفي بالغرض .. وممكن ارجع اكرر اذا دهن وجهي في المناسبه لان بشرتي مختلطه وتفرز زيوت عند التي زون .. (أنا أستخدم أساس فيت مي من مايبلين وبودرة فيت مي من مايبلين برضو )
الاساس مناسبني امانه لكم الباودر هيا اللي مالقيت لها حل ..
ان شاء الله اجرب التكنيك هذا ..
وبالنسبه لحركه الروج المات .. الصراحه قبل اكثر من 8 شهور او سنه شفت ميكب ارتست في الانستا قالت نفس الطريقه لتثبيت الروج الكريمي على الشفايف .. بس طريقتها تختلف شويه …(هيا قالت استخدمو الروج الكريمي وبعدها ناخذ اللوس باودر بفرشه البف الكبيرة وننفض الزايد ونطبطب بخفه على الشفايف .. لحد ما نحس انها سارت مات , وبعدها ننفض اللوس باودر الزائد بالفرشه )
وكنت أطبق هاذي الحركه وزبطت معايا ومررره حبيتها وأنبسطت انك ذكرتيها للبنات يستفيدو منها
(انا علمت اخواتي وكل اللي حولي بالحركه هادي)
لانها وفرت عليا اني اشتري نوعين من نفس الروج واحد مات والثاني كريمي ..
سرت اذا رحت مناسبه كبيرة او زواج أسوي هالحركه بالروج اللي عندي ويظل الروج ثابت الى الفجر ,, (مع اني اتقهوى واكل وكذا)
بس مثل ماهو ولما ارجع أمسحه بمزيل المكياج هههههههه وناسه الصراحه
الله يعطيك الف عافيه على شروحاتك في الميك اب احس اتعلمت منك كثير ومازلت اتعلم
والصور في الموضوع توصل المعلومه صح
الله لا يضيع لك تعب ويجزاك كل خير ياااااارب يا توسه
بس ابا منك طلب ممكن تتكلمي لنا عن طريقه اخفاء الشعر المشقر( تحت الحاجب )بالميك اب ..
وما ابي شي ثقيل يكون باستخدام غراء او شمع
>> كل الشروحات اللي شفتها كذا وجربت سار بوجهي طبقه مختلفه عن بشرتي وما عرفت اغطيها اهئ اهئ اهئ
ابي شي ناعم ينفع احط اضاءة عليه وما يبين ان تحته طبقاات ومجعد ؟؟؟
تحمست لها خصوصاً لمن قلتي تناسب
البشره الدهنيه .. بأذن الله بجربها
وارجع اذكر تجربتي هنا .. مع اني واثقه
اني بحبها .. لأني اثق بأختياراتك ..
❤️❤️❤️❤️
قريت تدوينتك قبل وتوني افضى حتى اعلق عليها ..
.
.
بودرة لورامارسييه اشوف التاجرات ماشاءالله يبيعونها ،
اممم مدري احس ماعطيتها اهميه !
مدري ليش الشيء اذا كتبتي عنه اقول اوكِ هالشيء لازم اقتنيه !! كلامك و وصفك واطراءك عَ بعض المُنتجات يقول : روحوا اشتروه كلكم …
ياجمالك يختي …
.
.
حبيت تكنيك خبز الوجه ( الاسم يخرع ههههه)
وحبيت كيف انه يعطي نعومة و تنوير لمنطقة تحت العين والوجه عامةً ..
واليوم ناوية اسوي ميك اب واجربها ، ان شاءالله اضبطها ..
.
.
وبخصوص اللوس باودر مع الماسكارا!!
تصدقين قبل يجي ٨ سنوات او اكثر جتنا وحده تمكيج عروستنا كانت تسوي كذا لرموشها ، صُعقنا ، كِنا ندور المُنتج السحري هذا !! كانت تمده بكل احترافيه ، وتحط طبقات الماسكارا بشكل خفيف لطيف ، طلعت رموش العروس ماشاءالله جميلة وكثيفه ..
كنا فعلاً مُنبهرين ، وظلينا فترة ندور هالمنتج !
بالحلقة الاخيرة طِلعت ( بودرة اطفال ) !!
هههههههههه !!
بس فعلاً كانت نتيجة جميلة ..
سلِمت يمناكِ *وردة* 🙂
المعلومات والتكنيكس ربي يسعدك عليها يا ارتوسة ❤❤ فيه أشياء أول مرة انتبه عليها.. مر علي طريقة الخبز بس استصعبتها وشرحك سهلها الله يسهل كل صعب..
ماشاء الله عليك جدا مبدعة الله يعطيك العافية عندي سؤال انا دايما اذا اشتريت بودرة يكون لونها يا غامق يا على أحمر يا تقلب رمادي انا بشرتي حنطية مايله للسمار درجة الأساس مرررة مناسبتني هي
فور ايفر 123 هل تصلح لي البودرة السائبة انا احتاج فقط تغطية للاساس أي وحدة تناسبني وأي درجة سواء ديور أو فور ايفر أو لورا مارسيه أي ماركة ماعدا ماك ما ناسبتني نوع بشرتي مختلطة
اهلا ارتوس , طيب اذا حسيت انه اضاءه الوجه بزياده ! شلون اتخلص من الإضاءة الزايده ؟
وهل استخدام باودر عاديه (اللي لها لون مثل الأساس) يأدي نفس الغرض ؟
يعني عادي اذا حطيت الأساس احط فوقه الباودر العاديه؟
شكرا ارتوسه نحبككك
طيب وبودرة بنانا كيف تنصحين فيها ولا
ماشاء الله لا قوة الا بالله هذي المدونة اللي اعتبرها مرجع لكل بنت
صراحة انتي ثروة قومية لا يستهان فيها الله يجزيج خيري الدنيا والاخرة
كنت ادور بقوقل و طحت ع صفحتك .. رااااائعه وكل بوستاتك تخدم .. حطيتها بالفيفرت .. كيب قونق قيرل .. ❤️
قرأت البوست كامل ..
و ما زلت تايهة : هل اللوس باودر ينحط ع الوجه كامل عشان يثبت الفاونديشن ؟
او ينحط فقط للأماكن اللي ابغى ابرزها كإضاءه يعني ؟؟
اتمنى تفيديني .. ?
ريفيو راااااااائع ما شاء الله كفيتي ووفيتي ???
طيب الله يعافيك ممكن تنصحيني بببودرة غيرها في حال لو ماقدرت اوفرها بليز اكون شاكرة لك
انتي اول مدونة عربية تكلمتي عن هالتكنيك حتى المجلات اكتشفت انهم يقتبسون من افكارك وتدويناتك الكثير بذات هالموضوع الله يسعدك دائما سباقة بالطرح متفردة بكل جدديد