صَباح / مَساء المَحبة ..
أخباركم يا قَمامير ..
حَبيت أطرح هالمَوضوع كل ٣ أشَهر أو دَورياً بين الفترة وَ الفترة , لأن بالسَنة ٣٦٥ يَوم
وَ مشاكلكم أكثر من عَدد أيام السَنة , لو تُرك المَوضوع للتَدوين فَقط ما راح أغَطي جَميع الجَوانب ..
بَعض الأسئلة راح تُطرح كَتدوينات وَ بعض الأسئلة يَحتاج إني أزَور الصيدلية للبَحث عن مُنتجات مُناسبة للَجميع
وَ البَعض الجواب عَنه بالأسَفل
الأسئلة الشَخصية ~
• كَيف تَخطيتي وَفاة أمك – الله يَرحمها , وَ هل ذكر سَيرتها يزعلك ؟!
أبداً بالعَكس ما أزعل مَن الحَديث عَنها وَ لا عَن وفاتها , تَخطيت هالمَوضوع مَن يوم ما وَدعتها بَمغسلة الأموات
أنا شَخصية مُؤمنة وَ واقعية وَ أتطلع دائماً للمُستقبل , وَ أعد نفسي إنسانة مَحظوظة لأني حَظيت بأم واحد بالمَليون بالعالم مُمكن يُرزق بشخص مثلها بَحياته ..
• كَيف تكفرين عَن الذنب لو غَلطتي بَحق أمَك ؟!
طبيعي حَنا كبشر خطاؤون وَ أنا غير مَثالية وَ بحياة أمي أكيد كانت عَندي كثير من التناقضات بيني وَ بينها فَكرياً
لكن ما بَحياتي أمي زَعلت مَني أكثر مَن ٢٤ ساعة , حَتى لو ما كَنت غلطانة أعتذر لها أصلاً مُستحيل يَجيني النُوم وَ هي زَعلانة
وَ فيه ناس حالياً يَحاولون يَمسكوني عأساس من الوَتر الحَساس , فرضاً يقولون لي : أمك لو عايشة ماراح تَرضى تتصرفين هالتَصرف ؟!
أشوف كلامهم غَبي وَ أهبل , حَتى لو أمي عايشة أنا حَتصرف هالتَصرف ، هذا مُو من ضَمن العقوق
هذا إسمه عَبودية وَ طغيان , وَ أمي أساساً علمتنا من زَمان عالقيادة وَ عدم الخَنوع وَ الخَضوع لأحد مَين ما كان
وَ لا بيوم أحد حاول يَستميلني بالتَدليس , أعطيه من الآخر ..
فيه ناس يَضحكوني يَغلطون بَحقي من مُحيط الأسَرة , بَعدين يجون يقولون لي : حَلمنا أمك بالمَنام تَقول كذا وَ كذآ ؟!
أنا ما أحب هالأفكار خلاص عَقليتي كذا , إذا فعلاً مسويين لأمي خَاطر مَفروض تَتوصون فيني أنا مَهوب أنا إللي أتَوصى فَيكم
خاصة إني كُنت مُدللة أُمي , وَ صراحة ما أتَوقع أمي بتطلع لُكم بالمَنام وَش شافت فيكم ( دُعابة دُعابة ) ..
يعني مُحاولة إستغلال العَواطف وَ أهل المَيت ما تَعجبني أبداً ..
• نَحسك تَحبين أمك وَ لا تَجيبين سيرة أبوك ؟!
ههههههههههههههه ضَحكني هالسؤال , مَين ما يَحب أبوه
لكن الفَرق أبوي تَدليله لنا بإفساد وَ الإعتراف بالحَق فضيلة , أي شيء نَسويه حَتى لو غَلط ما يَقول لأ غَلط عَنده عادي بَيوقف مَع عياله
بينما أمي لا , تَعلمنا الصَح بدون تَحيز , وَ علمتنا المَسؤولية وَ الإعتماد عالنَفس وَ علمتنا إنا نَطلع أحسن ما فينا وَ مانوقف
دايم أتذكر كلامها لما أقولها على شيء ما أقدر , تَقول: ليش ما تَقدرين ؟!
بَنظرتها إيمان فينا وَ بَقدراتنا , نَظرتها تَخجلنا وَ تخلينا نَحاول وَ نسعى ..
أبَوي ما يَحب وَجع الراس , لَكن ما أنكر إني أقوله كل شيء بَحياتي حَتى الأمور إللي ما أقولها لأخواني
وَ الله دايم أبوي حَليف لي , مَرات أخواني يَقولون لأبوي ترى بَتفسد بناتك بذا الدلع , لأن أبوي يَبالغ بَمدحنا مَن جد
هُو أبوي طَيب مَع الحريم بَشكل عام يَمدح حتى أخواته يَدلعهم وَ يمدحهم , حتى قرايبه نَفس الشيء
لَكن مَعنا الجَرعة زايدة حَبتين , يَعني لو طَبخنا له طَبخة جَديدة حتى لو شَبعان بيطلب المَزيد ( عَشان يظهر إنه مُعجب بَها )
وَ بيجلس يَمدح وَ يقول أكله لذيذة بحياتي ما ذقت مثلها ..
وَ إذا بنروح مَشوار وَ كاشخين يَقول جَمال ماشاء الله ( ترى مو شرط أكون جَميلة لكن هذا كلامه وَ بالنهاية القَرد بعين أمه غَزال )
وَ لا يَطلعنا إلا هآآآه قريتوا أذكاركم , عاد لو بَغيضه أقوله أبوي تَرى مَحنا هَيفاء وَهبي
يقول مَين زينها هيفاء وَهبي , إنتم أحلى
أخواني قولون وَ الله بَناتك على ذا المَقلب أخرتها بَيطيحون بَكبدك وَ لا بيرضون يَتزوجون أي أحد
هههههههه كلاً على هَمه سرى ..
وَ فعلاً أنا صَعب أجد رَجل زي أبوي , لأن أبوي مَعطيني الحرية , وَ فوق ذا كله يَحترم المرأة وَ يشوف إنها تَستحق الدَلال
وَ بعدين أبوي أحلى مافيه بَحياتي ماشفته يَشرط على أمي أو يأمرها بشيء , وَ دايم يَحب أخواته وَ لا عُمري شَفته كسر مجاديفهم
وَ يشوفهم يَستحقون الأفضل , وَ لا عُمره مَد يده على أمي أبداً وَ لا على أخواته وَ لا علينا
كيف بالله ما راح أحبه ؟! .. يكفي آخر مَرة ليون كان تَعبان الساعة ٣ الفَجر
قلت له : أبوي أبي دواء لليون من الصَيدلية ؟!
قال : بعد صلاة الفَجر بروح ..
قلت : إيه عَشانه حيوان مَحداً مُهتم فيه , إنتم ما تَهتمون إلا بالبشر ..
٥ دَقايق لقيته يَقول : عطيني إسم الدَواء يالله بَجيبه ..
الحَمدلله ما عُمري إنضغطت مَن أهلي , حَتى أستغرب لما يَجي أحد غريب يَحاول يَفرض علي قانون مُعين
أو خَط حياة مُعين , تَتوقعون إني بَنصاع يَعني أو بَيعجبني هالنَوع من التَهكم ؟!
أكيد لأ , أنا ما أنَقمعت حَتى يَجي أحد يَقمعني أو يَسيرني
وَ هالشيء الحَمدلله فَهمه إللي بَيكون شريك حَياتي ..
• أخيراً مين تَحبين أمك أو أبوك أكثر ؟!
هالسؤال سألته لَطفله عُمرها ٧ سَنوات , قالت لي : سؤال سَخيف لكن باخذك على قَد عقلك
أحبهم الإثنين ..
قلت لها طيب : تخيلي إنك بقارب وَ لازم تنقذين واحد من الغرق مين بتختارين أمك أو أبوك ؟!
قالت أبوي دُبه ما بقدر أساعده بساعد أمي
هههههههههههههه يَعني عالأقل فكرت بأسلوب فيزيائي البَنية
هالجَواب ماله إجابة بالرٌغم أبوي كان يحب أمه أكثر من أبوه
وَ دايم يَقولنا : أمك ثُم أمك ثُم أمك
يعني ما أتوقع بيزعل لو حَبينا أمنا أكثر , لأن هُو زَينا لكن فعلياً ماعَمرنا فكرنا فيها بهالشَكل
كل إنسان له خانة بالقَلب , وَ قد تكون الحاجة المَعنوية للأم أكبر لذلك تحتل مَكانة بَقلوب الأغلبية
وَ الله يَخلي لُكم أحبابكم
( أطلت بهالفَقرة لأن الحَديث عَنهم يَستحق بالنَهاية هُم سبب وَجودي بعد الله ) ..
• أرتوس ليش ما تَسوين دورات تصوير أو دَروس بالإنترنت ؟!
صراحة أنا ما أشوف إني مُحترفة بالتَصوير وَ مازال عَندي عَيوب بالصَورة
وَ واضح من تَصويري إنه تَصوير وثائقي ليس لخلق تَكوين فَريد أو صَورة جَمالية
يَعني زواياي مَحدودة , وَ ترى أغلب صَوري ما تاخذ مَني حتى ٣ دَقايق لـ ١٠ دقائق هَي شكة كاميرا وَ السلام
لكن أحرص على إظهار صَورة جَميلة بالنَهاية الجذب مُهم لَكم وَ للتَغذية البَصرية
ما أشَوف إن التَصوير مكاني , وَ ترى ماهوب تَواضع مَني لو شفت إنه مَكاني صَدقوني ماراح أتخلى عَن تواجدي بَه
ما أتوقع شَخص عنده مَوهبة ماراح يَستغلها , دَورات التَصوير مُربحة لكن وَش بعلم الناس ؟!
مُمكن أجي اعلم وَحدة شيء , أكتشف إني إنزنقت بالسؤال وَ المُتعلمة أفهم مَني
إذن هالمَكان مآهوب مَكاني ..
• طيب ليش ما تَسوين دَورات ماكياج ؟!
بالنسبة لدورات الماكياج مُمكن أسَويها لكن أتوقع مَحتاجة أحَدث مَعلوماتي
صَح محدثتها بالإطلاع , لَكن يبقى التَدريب وَ التطبيق شيء آخر
إذا كل الخُبراء سَنوياً ياخذون دَورات بالحديث وَ الجديد ..
يَعني المَوضوع بحاجة للتَطوير وَ تكون ستيب بآي ستيب مَع المَوضة العصرية
• أرتوس كَم ساعة تَنامين ؟ وَ ما تخافين على صَحتك من السهر ؟!
النوم بالنسبة لي مَضيعة للوَقت عندي أمور كثيرة بحياتي تَشغل تَفكيري لما أجي أنام فيطير النَوم
الحمدلله ماهي هَموم , لكن أنا أكتيف حَتى مرات تَوصلني مَسجات حَلوة من البَنات أو أي شيء ظَريف
ما أفتحه بالرَغم إني صاحية , أخاف أفتحه مثلاً يسعدني وَ يطير النُوم
فَمرة رحت عَند دكتور بخصوص سالفة النَوم , قالي لازم تتعبين نَفسك زين وَ ماتروحين الفَرش إللي وَ إنتِ خلاص طافية
قلت تَم يا دَكتور : ههههههه صَرت أدور بالحَوش ساعة وَ بعدين أشرب لي حَليب ساخن عأساس أستعد للنَوم
وَ أشغل لي مَسلسل تَركي مَسلسلاتهم طَويلة تَملل من طَولها تَجيب النُوم , وَ للأسف بَدل ما يَجيني النُوم
صَرت بدل الحَلقة أتابع ٤ حَلقات وَ حلقاتهم أبو ساعه وَنص غالباً ..
وَ بالتالي عَلقت بالمَسلسلات التَركية وَ لا إنحلت سالفة النُوم لليوم
بالنَسبة لصَحتي أشَوف ٤ ساعات لـ ٥ ساعات نُوم كافية لأخذ قَسط من الراحة
لكن بهالفَترة ما أقَدر لأن الحَماس زايد عَندي لأسباب كَثيرة ..
• أرتوس أحكي لنا عَن تجربتك مَع الشعر القصير ؟!
من أحسن الشَغلات إللي سَويتها بلوكي يَوم قصيته مَره غير شَكلي
وَ أنا ما أقصد قصات مَثل الكاريه هذا من طَفولتنا نَقصه , أقصد البويش
هو لما كَنت ٢ إبتدائي كنت قاصته بس رجعت طَولته بَسرعه , وَ كان قص أطفال عادي ماهوب سَتايل
قَصيت هالقصة , وَ ماحبيتها لأن تَغطي جَبهتي وَ عيوني
وَ أنا خلقتي جبهتي صَغيرة , وَ أشوف وَجهي أحلى بالرَفع بما إن وَجهي كله صَغير وَ بيضاوي
نَفس بينك , كانت حَلوة وَ مُميزة لكن أنا ما حَبيتها مَرة خاصة القَذلة الأمامية
وَ لذلك تَعمقت وَ قصيت مَثل تشارليز ثيرون وَ علقت عليها يَمكن قصيتها لمُدة عامين
أكثر قصة حبيتها وَ لليوم قَلبي يَحن لها , بالرُغم كل الناس غَثوني حَتى الكوفيرة
كل ما أروح لها تَقولي : حَرام إنتِ صَبية ليه بتئصي هَيك ؟!
ذبحتني هالكوفيرة بالرَغم إنها شاطرة لكن عَنيدة ما تَسمع الكلام ..
الوحيدات إللي كانوا يرضون بهالقصات الفلبينيات وَ أنا مايَعجبني قص الفلبينيات لأن يَحلقون الرقبة وَ أنا ما أحب أحد يَحلق رَقبتي وَ عيبهم بَعد يطيرون السَوالف
• وَش إللي ماحبيته بالقصير ؟!
قَهروني طلعوا مَوضة القصير جداً وَ عقبه طَلعوا الطَويل جداً يعني جلست سَنتين عبال ما صار للكَتف
وَ الأن الحَمدلله صار طَويل
الكوفيرات غَير جيدات ياما طَحت بيدين كَوفيرات بَهذلوا شَعري , لدرجة وَحدة قصته كانه مَوس من قدام
طيرت لي القذلة , فاشلات بَشكل مهوب طَبيعي فصرت أقص بَعدين أعَدل بالبَيت
وَوحدة قَصته لي وَ كنت أنا مَستعجله طَلعت من عنَدها وَيوم رحت البيت إنصدمت مافي شَعر بالمَرة
أختي أنفجعت قالت لي : حَسبي الله عَليها وَش ذا ؟!
قلت لها : مَعليش مَعليش مَعليش بَعدله وَ مع اللبس وَ الماكياج ماراح يَبين
وَ الأدهى كان عَندي زواج بنفس يَوم القَص , ما أنكر رَحت العرس وَ قلبي مَنتفخ مَنها
لكن الحَمدلله رَحت العَرس شامخة وَ محداً قدي وَ إلا ما يَكون الشعر القَصير مُلفت
لما أنا قَصيت شعري قَصيته لأنه عَملي , إللي أكتشفته إنه صَح ياخذ كلوك وَ ترتيب ١٠ دَقائق وَ أقل
لكن ياخذ مَشوار للكوافيرة كل أسبوعين وَ مرات مَن غسلة لغسلة يَتغير لأنه قصير مرة وَ قص بالشفرة ( بالمَوس )
لو ما أنقص ما راح يَكون مَرتب , بتصيرين زي الوَلد إللي شَعره طايل من عالجَوانب
تَحتاجين دائماً واكس أثناء التصفيف حَتى شعرك يصير مَثل تشارليز الشعر واضح بَها الخصلات كله يَعتمد عاليَدين ..
غير كذا هَنا ما يَفرقون عبالهم البوي كَله واحد , فيه بوي بيكسي وَ فيه بوي كروب , وَ فيه بويش وَ فيه بوي بوب
فَيعني إنتِ وَ حظك وَ فهم الكَوافيرة ..
• هل بترجعين تَقصين قريباً ؟!
نعم يَديني تَحكني وَ عفكرة المَوضوع ماله علاقة بالزواج حسب مُجتمعك إذا مُجتمعك يربط جَمال المرأة بالشعر الطَويل أكيد أمه ماراح تَخطبك
وَ إذا كان شَكلك مَعطي إيحاء إنك مَسترجلة زي بينك مُمكن يَنال مَن سُمعتك أو نظرة الناس لك إنك بَوية , لكن أشوف تشارليز ثيرون تَقطر أنَوثة
بالرغم طَويلة طَول شاهق وَ عريضة الاكتاف لَكن جَميلة بالنسبة لي عالأقل
عَفكرة أكثر فترة إنخطبت بها لما كَان شعري قصير بالرُغم أم الوَلد تقول بس طَولي شَعرك ( طَيب وَش جابك عَندي )
هُم عَبالهم إني مَيته عليهم وَ على عَيالهم , بالعَكس أزين أنا أساساً ما أحب هالطريقة بالزواج
يَعني إللي سألوني وَ حابين يَقصون شَعورهم أعرفوا إنه بياخذ فترة طَويلة عبال ما يَطول
وَ لازم يكون عندكم مَيزانية للقص كل ١٤ يَوم وَ لازم تكونون شَطار بالتَصفيف , وَ الغلط فَيها بتتكبدينه إسبوعين
وَ أقل شيء ٤ أيام , وَ أخيراً كله يَعتمد على طريقة لبَسك مُمكن تصيرين قَديمة أو مَظهر رَجولي
وَ مُمكن تكونين بَقمة الأنوثة , المَوضوع سلاح ذو حَدين
الأسئلة الجَمالية ~
• تعرضين مُنتجات كثير وَ كثير أنواع ماكياج وَ كريمات , مَتى يمديك تحطين كل نَوع ؟! يعني كيف مضبطه نظامك ؟!
أنا أشَوف إللي عندي جداً قليل , وَ خاصة كمُدونة
لو جَمعته لُكم يوم بطاولة بَتشوفونه شَوي صَدقوني .. وَ مو كل شيء أستخدمه بَنفس الوَقت وَ لا كل شيء أستخدمه أصَوره
زَمان قبل سَنتين كنت أصَور بس إللي يَعجبني , الأن صَرت أصَور إللي يَعجبني وَ إللي ما يَعجبني وَ بعض الشغلات ما أصَورها عادية غَير مُهمة
الماكياج أنا أشَوف إذا ما تَطلعين ما راح تَحتاجين فلا تَقيسون الأمَور على شَخص مَا
فيه إنسان يَحب لوك لَوكين وَ فيه إنسان لأ , مَكياجي لما كان عُمري ١٨ سَنة كان أكثر بَكثير من الأن
الأن خلاص تَحددت لي الأساسيات , كُنت أجرب كَل شيء لَدرجة كانت أمي تَقول : أفتحي صالون أحسن لك !!
وَ غير كذا كُنت تقريباً قبل إنشغال الناس بزيارات المَطاعم وَ الأسواق كَنت يومياً أروح عَند صَديقاتي
الأن الناس تَقوقعوا صارت أغلب الطَلعات وَحدانية مَو جَمعات مَثل قبل
وَ بَوقت المُراهقة الواحد يَبي ٢٤ ساعة يَكون مَع أصدقائه
بالنسبة للكريمات أتَوقع الكريم الواحد أسبوعين وَيخلص خاصة كريمات الجَسم , وَ كريم الوَجه بنقول شَهر وَنص
فما أحس إني لحد الأن طَرحت لُكم بالسَنة أكثر من كريم أو كَريمين , أساساً عندي نَقص بالطَرح
اللهم كَوني أدَون صَرت أضطر أجرب الجَديد , بَينما زَمان كَنت أكرر شَراء نفس المُنتج إللي عَجبني
يَعني كَون عندي فرضاً شامبو , بسلم , ماسك , سيروم للشعر هذا ما يَعني مُنتجات كثيرة
هذي مُنتجات تُستخدم سَوا , كَون عندك كريم للوجه وَ سيروم للوجه وَ كريم للصباح وَ كريم للمساء ترى بيخلصون سَوا وَ بيستخدمون سوا
هذي مُش كثرة مُنتجات كثر ما يَكون الإستخدام الصحيح لها .
• أعاني من سواد حول الفم مالحل ؟!
ركزوا إن السؤال للسواد حول الفم مُش سواد حدود الفم ..
– بعض الفواكة الحمضية أو الليمون يجففون ما حول الفم بالتالي الجفاف مَع الوقت يسبب إسمرار
– معجون الأسنان من المُمكن يسبب سواد حَول الفم لذلك تجنبوا خروجه خارج الفم وَ الأفضل دايم تفرشون أسنانكم من ثُم تغسلون وَجهكم وَ لا تنسون الترطيب
كَحل للعلاج بعد إستشارة الطبيب وَ أخذ الوَصفة مَنه
[ قَريتوا زَين ؟! بعد إستشارة الطبيب لأن هالدوائين فيه تحذيرات عليهم وَ لهم أثار جَانبية لكن ألفت نَظركم للحلول لمُناقشتها مَع أطبائكم ] ..
كريم اليديل Elidel Crem وَ مرهم بروتوبيك Protopic ointment
• نبي كريمات رخيصة للعناية ؟
أنا بالفترة الأخيرة جَربت وَ فعلاً جالسة لليوم أجرب , فيه مُنتجات جيدة للعناية بالجسم من شركة نيتروجينا لكن غير مَتوفرة بالسعودية وَ أنا ما طلبتها
وَ برضو حتى لوريال , عندي صديقات عايشين بأمريكا لما يَرجعون العطلة الصيفية يقولون لي إن مُنتجات لوريال إللي هَنا ما تَشبه إللي هناك
لكن أنا فعلياً ما سَويت هالمُقارنة حَتى أحكم , وَ ما أحس له داعي أدور رخيص غير مَوجود بالسَعودية
المُهم رحت جربت مُنتجات من جونسون اند جَونسون للأسف إنصدمت مو زي زَمان تغيرت
فدورت وَ حرصت على البحث عن مُنتجات تكون العَبوة مَكتوبة كلها بالإنجليزي وَ بلد المنشأ يَكون البَلد الأصلي
وَجدت فيه فَرق , فكانت التَجربة بشامبو جونسون للأطفال لا دَموع بعد اليوم
وَ قتها كان الشامبو حَق ليون مَخلص عَندي قلت بحمم ليون فيه وَ بالرغم إنه غلط حتى البيطري حَذرني لكن مُضطره
لقيت بياض شعر ليون صار أصفر , كأني مَروشته بكركم هذا دليل إن فيه مادة صَبغية
هُم أكيد ماراح يلاحظونها عالبشر لأن شعرة البشر بتكون غامقة حَتى لو شقراء وَ ماراح يَبين فيها الإصفرار
حَتى شاور جَل أخذته من ديتول مَغشوش , بالرغم ديتول مُصرح من الإمارات لكن هذول مقلدين إللي بالإمارات
وَ لما رَجعت البيت لقيت الطبعة كأنها مايله وَ طريقة الخط تَختلف شيء بَسيط
[ صار التلاعب عَيني عينك ]
فيه بنات يَقولون لي فيه دَكتور أجنبي مَدح الشغلة الفلانية , أوكيه هَي حلوه ببلدهم لكن هل المواصفات وَ المقاييس تُتبع نفسها بكل البلدان العربية ؟!
الجواب أكيد لأ هيئة المواصفات وَ المقايسس بالدَول المُتحضرة جداً قاسية وَ هي نفس الشركة لكن لما البلد راح تَسمح بمواصفات وَ تجاوزات
أكيد أهلاً وَ سهلاً بيخفضون قيمة المُنتج , لأن شَعوب العالم الثالث إمكانيته ماراح تَسمح بشراء المُنتج بمقاييسه العالية فيضطرون يغيرون بالمُنتج نفسه
بحيث يناسب إمكانيات البلد
وَش الحل ؟!
دَوروا المُنتج المُستورد , يَفضل مايكون مَكتوب عليه بالعَربي وَ لو كُتب تكون طبعة ملزقينها من الصَيدلية
أغلب المُنتجات مثل بانتين , ديتول , جونسون خلاص نادراً ماراح تلقون مُستورد , الماركات المَغمورة شَوي راح تلقونها مثل ماركة : سانت آيفز
ليش أثق بهم ؟! بالرَغم نالها التَقليد , لكن مازَالت أجد الأصلي وَ المُستورد
هذي أحد الكَريمات إللي أنصَح بها وَ مُمكن تَساعدكم
Timeless Skin Collagen Elastin Facial Moisturizer
وَ سبق وَ تكلمت عن الشاور جَل مَنهم وَ كريم الجَسم , غير إنها خالية من البارابين , بالإضافة إنها أرخص المَوجود
• وش حل سواد الإبط ؟!
[ هالجَزئية نسختها من كَتاباتي السابقة ]
عَشان نَعرف الحلول لازم نَعرف الأسباب
أسباب إسوداد الأبط ~
– أسباب صحيه
– أخطاء وَ عادات
الأسباب الصحيه ،’
• تكيس المبايض وَ أورام الجهاز الهضمي
• خمول الغدة الدرقية
•المشاكل الهرمونيه مَثل أي وحده تعاني من أضطرابات الهرمونات أو الحامل تروح مُشكلتهم بزوال المُسبب
• مرض السكري وَ السمنه
هذول غالباً عندهم الثنايا غامقه بين الفخذين , تحت الأبط وَ ثنيات الرقبة
هذي حالة طبية معروفه يَسمونها الشواك الأسود أو الإسوداد الشوكي هي إللي تسبب هالمُشكلة
بتقولون لي ليش ؟!
الدم الجلكوزي ( دم مريض السُكر ) دائماً تنشط الفطريات بجسمه , مما يَسبب هالمٌشكله
تماماً بالضبط لما نضيف للخميرة السكر تنشط البكتيريا بشكل أسرع
بالنسبة للسمنه الجسم يكون فيه ثنيات أكثر , فتتجمع الرطوبة وَ الأحتكاك يكون أكبر
الحل السمينه تَنحف أو تقلل من وَزنها , وَ مريض السُكر الله يَشفيه وَ لازم يعتمد حميه وَ يهتم
• الإلتهاب البكتيري
• سبب مهوب طبي , لكن تَحليله طبي , وَ هو الوراثة شيء طبيعي جداً جداً إن حوض البحر المتوسط
وَ شرق أسيا يكون لديهم بشرة حنطيه أو سمراء وَ هالنوع سريع التصبغ , برضوآ بالأمكان تورث من أهلك هرمونات مُضطربه فتورث إسوداد الأبط , غير السكر الوراثي وَ السمنه وَ … إلخ من أمراض نفسهآ نفسهآ تندرج تحت خانة الوراثة
أخطاء وَ عادات ،’
أ ) أزالة الشعر , أكبر خطأ الناس يزينونه هُو حلاقة الأبط
بموس وَ لا بشفرة أو بمقص أو بمواد الحارقة ( زي نير )
المُهم هذي الأخيرة أردى لأن بهآ مواد كيميائية
الحلاقة أولاً تسبب تهيج , ثانياً الشعره ما تُنتف من البُصيله يعني تكون موجوده بس بالداخل
وَجودها يسبب السواد , غير الرطوبه تعلق فيها الريحة , الرطوبة تسبب الفطريات وَ هي من الأسباب إللي قلنا عنها إلتهاب بكتيري أو فَطري , الحل أقتدوا بسنة رسول الله صلى الله عليه وَ سلم
( أرجوكم أنا أتكلم فقط عن الإبط , لا تَخلطون لي وَ تجيبون طآري المنطقة الحساسه – العانه – هذيك حلولهآ أخرى وَ ندخل بأنسجة رخوه وَ أمور حساسه وَ صعبه وَ منطقة مفتوحه وَ التعامل معهآ بشكل غلط يَودينآ لكوارث , الحلول ما تَشبه عشان مو أكتب حل ثماً أندم أنكم أستخدمتوآ بشكل خاطيء )
بتزيلينه عَندك هالحلول ~
• الليزر جداً يزيل الأسوداد خاصه للناس إللي عندهم حساسية من النتف بالحلاوة وَ أشباهها إذا كان طبعاً
سواد الأبط متعلق بمُشكلة الشعر مُوب لأسباب أخرى ..
• الحلاوة وَ كثير ناس يتحسسون مَنهآ , يطلع لهم حب داخلي
وَ بعض الذكيات يفردونها كأنها بتزيل شعر رجولها , السجادة الحلاوية ( نسبة للسجادة الحمراء )
لا تَزيلينه مره وَحده أنما حبتين حبتين , تاخذين نتفه من الحلاوة زي القرصه كأنك بتقصرين أحد
وَ تزيلين حبتين حبتين , بتخلصين بـ 3 دقائق ( وَ يفضل الحلاوة ما تَلمس الجَلد )
• الواكس , للنظيفات إللي يمَرون أسبوعياً كل 10 أيام
وَ برضو يهيج وَ ممكن يكشط وَ ما أفَضله
• آلة بروان ( للنتف ) تجي شفرة خاصة للنتف ( وَهي ملاقط للنتف أكثر من 7 ملاقط )
حلاتها عملية وَ سهله وَ نظيفه ما تحتاجين تَطول يادوب ما تبين لأحد تَنتفينها وَ إللي لاحظت عليهآ تؤخر النمو مع الأستمرار يَضعف الشعر بالمَرة
ب) الملابس وَ مُزيلات العرق
أبعدوا عن الملابس العريانه
خاصه للي يعرقون كثير , لو ظليتي تتعرقين مافي شيء بيمص العرق فتزيد الرطوبة بهالمنطقه
فيزيد الأحتكاك فتزيد البكتيريا وَ يزيد السَواد
ألبسوآ قطن وَ ملابس نظيفه وَ مريحه ما تَكون ضيقه
أو من مواد صَناعيه , دائماً قطن × قطن
خلوها خياركم بملابسكم بالمَنزل , وَ خذوا راحتكم بالطلعآت
وَ الملابس الضيقه أيضاً حتى المنطقه الحساسه تَسودها ( من باب العلم بالشيء )
بالنسبة لمُزيلات العرق , مزيلات العرق قائمة على تركيبات كيميائيه حتى إللي يكتب لك عضوي وَ طبيعي
هالمواد تسبب لبعض الناس حساسية بالبشرة , وَ أغلب الناس يصابون بهالحساسيه
إللي يعاني من هالمَشكله , إما يشتري مزيل عرق خصيصاً للبشرة الحساسة
وَ فيه الخيار الصعب وَ هو أنه يستغنى عن مُزيلات التعرق وَ يستخدم بدالهآ البودرة
وَ إللي فيه ريحه فيه بودرة مضادة للبكتيريا وَ الفطريات , أعتقد بتركيبها بودرة الزنك مُوب متأكده
لكن لو شفتها بالصيدليه راح أصورها لُكم , لكن ما يَمنع تبحثون عنها للمُهتمين بالمَوضوع
أيضاً بالأمكان إستخدام البكينج بودر ( لا تَضحكون كلام طَبي ) ركزوا بكينج باودر إللي تَحطونه ينفش الكيكه , أوكيه ما أبي أحد يحط بيكربونات الصوديوم ثُماً يقول أرتوس حرقتني لا بكينج بآودر
ج) النظافة اليوميه , وَ الأسبوعيه
منطقة تحت الأبط يتجمع بها الجلد الميت مثلها مثل أي منطقة بالجسم , يعني لما تتحممين
لا تنسين تمرين عليهآ بالشوشه المَنفوشه
أنا أفضل تَستخدمون شاور قوامه حليبي خاصه للي ما عَندهم مَشاكل بجسمهم
( مثل حبوب أو فرط دهون ) لأن الشور الحليبي كريمي أكثر وَ يتلائم مع البشرات الحساسه
وَ يناسب الأبط المكشوط
وَ بالأسبوع مُري عليهآ بالسكروب بشكل خفيف ( السنفرة ) لا تَزينين داحس وَ الغبراء
قلنا خفيف يعني خفيف , أرجوكم , الدعك مايجيب إلا البلآء وَ شخصياً أحب أرطب المَكان
مُمكن الترطيب يزيد التعرق , فلي تخاف من التعرق تَحط لمسة خفيفه من البودرة وَ برضو بالشوشه المنفوشه حَق البودرة لوووووووووووووووووول
د) الأهتمام بأبقاء المَنطقة جافة , يعني إللي عندها مُشكلة فرط تعرق وَ هي أبطها نظيف ولا فيه شعر فيه حلول من ضمنها الحقن بالبوتكس وَ فيه علاج أخر للي فرط تعرقهم شديد جداً جداً وَ هو ما أعرفه تحديداً لكن شغله شبيهه بالتيار الكهربائي أو شيء من هالنَوع , لو رحتوا عند طبيب جيد راح يَدلكم
وَ إللي تحس دايم بشوية بلل لا تَستغنى عن البَودرة
حُلول مُتفرقة دوائية وَ طبيعيه ~
طبعاً خلاص وَقع الفاس بالراس وَ الأبط صار أسود وَ منتوف
سواء عَندك مُشكله صحيه أو مُشكله بسبب عادات أو سلوكيات خاطئه
لابُد من حَلول غير إزالة المُسبب
تَنويه:
ما حَبيت اذكر أي شيء كيميائي ,أو شيء ما جَربته حتى الطَبيعي إللي ما أجربه ما أذكره لذلك هالتَدوينه بالرُغم أن مَعلوماتهآ محداً ذكرهآ أو فَصلهآ مثل مافَصلتهآ
وَ أنا وآثقه من صَحة مَعلوماتي مع ذلك ما فردتها بَموضوع خاص لأنها غير مُجربه مَني شخصياً , أنما هي مَعلومات طبية أعرفها حَبيت أفيدكم بها
فأنا غير مَسؤوله أذا أسُتخدمت بشكل خاطيء أو فُهمت بطريقه خاطئة
فـ أخلي مَسؤوليتي , خاصه إن البنات يَفهمون على كَيفهم وَ نفس الخلطات تزيد وَ تنقص على كيفهآ
شيء تخليه لمؤخرتها وَ شيء لمنطقة العانه وَ شيء تتفلسف وَ تحطه بوَجهها مُوب على كيفك
هالشيء يَخليني ما أنزل أي شيء , لأن النتائج العَكسيه دائماً أكثر من الإيجابية
هالخلطه كيميائية وَ هي فعالة وَ لا لهآ أي ضَرر
( أذا أستخدمت صَح )
وَ صفات لعلاج إسوداد الأبط ،’
الحل الأول :
خذوها قاعدة أي مَنطقة بجسمك مسوده , خاصه المناطق الحساسه
عدوها اللدود ( التحسس = التهيج ) , يعني أي شيء تستخدمونه لها وَ سبب لكم هرش
أو حكه راح يَزيد المُشكله , فتوقفون على طَول الأستخدام
وَ خذوها قاعدة التَصبغ مَهوب لون بالفرك راح يزول
لأن شفت بنات طَيروآ العقل من مُخي , إللي تَقول يآ بنات تعالوآ حطيت ليمون وَ قسم شفت الليفه سودا
, سَود الله وَجهك , وَش سوده يا بنت .. هُو مهوب لون , صَح فيه ترآكم جلد مَيت
لكن فيه إحتكاك وَ ألتهآب , فلي تَحس إن مُشكلتهآ تهيج المَنطقه بسبة مادة أو إحتكاك أو بكتيريا أو فطريات , علاجهآ جداً بسيط كريم مُضاد حيوي
( لا تَروحين تطلبين كريم نسبة الكورتيزون إللي فيه مَهوله , مَنتب مَحتاجه )
نسبه بسيطه تفي بالغَرض , ولا يُستخدم أكثر من شهرين حتى لا يسبب ترقق بالمنطقة
الحل الثاني :
التقشير , وَ عندنا نَوعين تقشير طبيعي وَ تقشير كيميائي
وَ الأثنين مُمكن يحسسونك بَنفس الدرجة وَ يحرقون بشرتك وَ يزيدون المُشكله
مافي شيء أسمه طبيعي آمن , حتى الطبيعي له أضرار
التقشير الطبيعي وَ الخلطات الطبيعيه ~
من وَجهة نظري إذا راح تستخدمين حمض من البيت
فأكثر حمض آمن هو حمض اللآكتيك ( وَ هو حمض اللبن ) , ما يَحسس البشرة مثل أحماض الفواكه
وَ يناسب المنطقة الحساسة وَ البشرة الحساسة
الطريقه ،,
أمسحي المنطقة بلبن زبادي أو بلبن رائب , حتى الحليب يؤدي نفس المَفعول
وَ تخلينهآ ربع ساعه قبل الحمام وَ من ثُم تتحممين وَ ترطبين المَنطقه
( مُهم مُهم مُهم تَرطبين لأنه حَمض , شفتوآ حتى وَ هو طبيعي لا بُد من الحَرص )
أحد الوَصفات الآخرى الغَير عمليه وَ ممكن تَصفر ملابسكم لكن فعَاله
وَ هو الكركم , تخلطين شوية كركم مَع لبن زبادي وَ تحطينه أيضاً بالأبط
لمدة ربع ساعه وَ من ثم يُغسل وَ يرطب ( مُهم الترطيب )
هذا بحال أسَتخدمتوهآ مَع أحماض مَثل اللبَن
لكن مُمكن تُستخدم هذه الوصفه أيضاً مع الليمون , أو البرتقال , أو عصير الأناناس ( المعصور موب تجيبون عصير أناناس بَسكر ) , يعني كركم بليمون , كركم ببرتقال , كركم بأناناس .. أختآروا الحمض الأنسب لأجسامكم
من الوَصفات أيضاً المُلطفه وَ المُبرده
هي الخيار أو البطاطس , جيبي شريحة بطاطس أو خيار وَ أفركي بها منطقة الأبط
بخفه وَ خليهآ ربع سآعه لـ نص سآعه وَ هذي جداً جداً آمنه
وَ تقدرون أيضاً تعصرون خيار أو بطاطس وَ تخلطونه مع كركم وَ تزينون نَفس الفكَره
التقشير الكيميائي وَ الحلول الطبيه ~
طبعاً السوق مليان بالمُستحضرات ما أقدر أعدها وَ لا أحصيهآ وَ كل دكتور
يوصف حسب طبيعة جلدك وَ حسب الحاله وَ المُسبب , أنا بَذكر شيء مَوجود بكل الصيدليات
وَ يناسب الأغلبية العُظمى وَ مُنتج مَهوب خلطه ( لكن أتمنى إللي تستخدمه تقرأ إرشادات الإستخدام )
لأن في كل دواء فيه ناس محظورين من أستخدامه .. فالمُنتج إللي بتكلم عنه مَمنوع من الحوامل وَ المُرضعات لأنه يسبب تَشوه بالأجنة ..
الماده هي / الرتن أ
وَ طبعاً لأنه فيتآمين أ مَعروف فيتآمين أ أذا زاد عن حده يَسبب تَشوه
ليش أخترت الرتن ؟!
لأنه أكثرهم أمان وَ صَح يحسس البشرة بَحكم أنه مُقشر لكن ما يَثير الحساسيه
إللي تَطلع حَبوب أو بَلآوي أخرى
طريقة الأسَتخدام ،,
أي شخَص يبي يَستخدم الرتن لازم يعرف أن الكريمات المُقشرة
تَحتاج لتمرين , يعني مثل عضلات الجَسم فتبدين دايم بهآ بجرعات بسيطه وَ توقفين
وَ من ثُم ترجعين لهآ بَجرعه أكبر وَ توقفين وَ هكذآ دوآليك لَين تَنتهي المُشكله
مافيها يالله بسرعه بسرعه , بكره زَواجي ..
أبداً , وَ مافيها بَطلع بالحَر وَ مافيهآ بطلع بالشَمس وَ مافيهآ بآخذ هالخَلطه بَحطهآ بَوجهي
نتكلم عن الإبط فقط
فلي تَبي تَستفيد من أي علاج بالرتن بأي مَكان بجسمها
ولا تَبيه يَحسسهآ أو يعطيهآ نتائج عكسيه , لما تَدهنين المنَطقه تدهننينهآ على مَنطقه نظيفة
ناشفه , وَ خذوها قاعدة بأي كريم تبين الكريم يَمتصه جسمك بَكثره حطيه على نَداوه
بينما هالشيء ما يَناسب الرتن أ , لما تَحطينه على مَنطقه فيه نَداوه
حتى لو عالوَجه يَزيد تفَاعله , مما يهيج البَشرة وَ تزيد حَساسيتك
فأنتِ تحطينه مثل ما قلت بعد ماتَنشفين بَشرتك , أنتظري رَبع ساعه أو ٢٠ دَقيقه
من ثُم أضيفيه
( لا َحظوا أنا أقولكم حَتى طريقة دهنه , لأن كثير يَشتكون من وَصفات بسبة طريقة الإستخدام الخطأ , أعطي كل شيء حَقه , سواء بأستماعك أو أطلاعك على الأرشادات + طريقة الأستَخدام )
أختبار مَدى تقبل جسمك وَ حساسيته من الرتن أ
مَرني بشرتك كأنك تَمرنين عضلاتك
ميزة الرتن أنه يناسب أغلب الناس , وَ بمُجرد تركه يزول التهيج مَنك
يَعني ما يَسبب حبوب , لكن يسبب حكه وَ أحمرار
لما تَستخدمينه لنَفرض أنه رآح نبدأ نَستخدمه , أول يوم أدهني مَنه بالكميه المُناسبه
وَ أخليه رَبع ساعه مَن ثُم أغسله بماء ( بدون صابون ) وَ أرطب المَنطقه
اليوم إللي بَعده أذا حسيت أن بشرتي تَقبلته , أزيد بدل الربع ساعه أخليه نص ساعه
وَ نفس الحركه أغسله بالماء ( بدون صآبون ) وَ أرطب
وَ المره الثالثه ساعه وَ نفس الشيء وَ المرة الرابعة أزيد 3 سآعات
لين أخليه أني أقَدر أنآم فيه ليله يَعني من 8 سآعات لأقل
وَ الرتن أ , لا تتعرضين أثناء أستخدامه لا للضَوء وَ لا للحر وَ لا حتى نور البيت
يعني أنوار غرفتك تَطفينهآ , لما حَتنآمين تَصلحينهآ ليش !! لأن الضَوء يَبطل مَفعوله
وَ يتفاعل مَعه
وَ الأهم بُمجرد ما تتحسسين مَنه تَرتآحين وَ أذا حساسيه زَياده عن اللزوم
تَوقفينه نَهائياً
وَ صفتنآ راح تَكون كالآتي ،’
بعد الأستحمام وَ قبل لا تَنامين تَدرجين بالرتن أ
تَشترين كريم رتن أ ، وَ تدهنين المَنطقة بالحد المَعقول لا أفرط وَ لا تفريط يعني نص حَبة حمص
لكل أبط , يعني الأبطين حبة حُمص وَ أقل
وَ مثل مآقلنا بالبداية يُغسل بعد ربع ساعه ثُم نص ساعه ثُم ساعه .. إلخ
لين تَوصلين لَفترة البيات فَيه لليله كآمله , مَن ثُم تصيرين تَزينينه يَوم أيه وَ يوم لأ
أو ذوات البشرة الحَساسه مَرتين بالأسبوع , ما تَزيد فترة علاجك عن شَهرين
وَ أشدد ترطبين ثُم ترطبين , وَ ما تستخدمين مُزيلات عرق
وَ خلال هالفتره ما تَزيلين شَعر الأبط لأنه بَيكون حَساس , لازم تريحين أسبوع لـ 14 يَوم
من ثُم تنتفين , وَ إللي ورآها جلسات ليزر تَستغنى عن الوَصفه لأن جسمهآ بيكون حَساس
فالحل الأمثل تنتفين قَبل ما تَبدين بالوَصفه بَـ 3 أيآم
ما حَطيت كريمات تبييض وَ لا أي شيء مُضر
مَع أنه مُمكن تخلطون كريمات تَبييض لكن هذي الأخصائي رآح يَساعدكم بها
أشدد وَ أشدد أول ما تَحسين بَحكه وَقفي وَ ريحي
مَن ثُم أرجعي وَ إللي تَحسسها شَديد تَوقف بالمَره وَ تعتمد عالطَبيعي وَ الترطيب
• نبي كريم لتوحيد لون الجسم ؟!
أحماض الفواكة مُمتازة لتوحيد لون الجسم ..
لكن كل شيء سلاح ذو حَدين , لازم تنتبهين مع إستخدامها لإحتكاك الجَسم وَ الشمس وَ الترطيب
Topix Glycolix Elite 15% Body Lotion
وَ طريقة الإستخدام مَوجودة عالعَبوة
• أعاني من مُشكلة العين الغائرة وَ الخدود النَحيفة ؟!
هالشغلتين للأسف مالها حَل إلا الفيلر وَ الفيلر لازم يحقن عند طبيب شاطر
كثير قالوا لي هل لو شربوا مشروبات الكولاجين وَ اللؤلؤ راح يَستفيدون ؟!
ماراح تَستفيدون لأن هالمُنتجات كذبة مَضيعة فلوس عالفاضي ..
مُمكن الخدود تسمن مَع زيادة الوَزن وَ مع ذلك فيه ناس يوصل وزنهم للتسعين وَ مافي أي زيادة ملحوظة بالوجه
فالشغلة جينية بتوزيع الدَهون
• أرتوس من وين تجيبين الرتن أ مقطوع من السوق ؟
أنا أخذه كتركيبة كيميائية من الصَيدلية لكن ماراح يَعطونكم إياها إلا بَوصفة طبية
أو عالأقل يكون عندكم علبة قديمة مكتوب بها النسب
فالبديل له الديفرين أو أكريتين
• أعاني من الهالات السوداء وش الحل ؟!
الحل يَعتمد على المُسبب إذا وراثة بيتحسن بنسب بسيطة
الهالات السَوداء وَ الشقوق البيضاء من الشغلات إللي عَجز الطب عن إيجاد علاج فاعل لَها مُجرد تحسين
شرب الماء , الإبتعاد عن السهر , علاج فقر الدم كلها تساعد على التَخفيف منها لكن العلاجات المَطروحة
الحقن بالبلازما أو أبر الكاربوكسي
• بشرتي دهنية هل لازم أرطب وجهي ؟
نعم لازم تَرطبين وَجهك , لأن الجفاف الزايد للبشرة الدهنية يزيد من إفراز الدهون
غير كذا البشرة الدهنية مو بكل مكان بالوجه دَهنية فممكن الأهمال يجفف لك بَعض المَناطق
• شعري يتساقط ساعديني ؟!
أكثر سؤال تتأزم نَفسيتي لما أشَوفه , لا تاخذون الحَل من أي أحد ما شاف تحليل دَمكم
حتى دكتور يتكلم بالهوا ما يَنفع , لازم يتم تَحليل الدم حتى الواحد يَعرف هل المُسبب داخلي أم خارجي
أسباب تساقط الشعر هَي :
نقص مخزون الحديد بالدم ،إضطرابات هرمونية , زيادة هرمون الذكورة , نقص فيتامين د ، إضطراب بالغدة الدرقية , النفسيه , نقص بالبروتين , أخذ علاجات مثل الروكتان
• نبي الطريقة الصحيحة للحمام المغربي ؟!
لا تَعقدون الأمال على الحَمام المغربي .. الحمام المغربي أنا أحبه للتنظيف وَ التلميع
لكن كتفتيح ماراح يَفتح بيعطي نتائج عكسية وَ ممكن يسبب لك جفاف وَ بقع صعبة العلاج بسبب ترسب مادة الأمايلود
أفضل الإتزان بإستخدامه بالرُغم أطباء الجَلدية ضَده , يَعني إستخدامه إسبوعياً مُصيبة يمكن إللي يستخدمونه بكثرة بيلاحظون إسمرار بالظهر
لذلك مَرة وحدة بالشهر أو كل ٣ أشهر مَرة .. خاصة إللي يَحبون السلف تان راح يَحتاجون السنفرة , وَ أحسن ما بالحمام المغربي يخلصك من الزَهم
• وَش رايك بجهاز أوربتراك ؟!
نفس الأوبتراك فاشل , لكن الجَهاز كتكنيك إسمه جهاز كروس مٌمتاز
لكن نَتكلم عن الشركة نفسها سيئة وَ ما أنصح أحد فيها وَ عن تَجربة ما يَستاهل رَيال واحد
يخرب عَطول وَ يصير يسوي صَوت , غير كذا يسبب ألم , وَ نقطة أخرى غير مُتزن وَ ركيك
تكرمون كنت عَقبه أحس كأن الدورة جَتني وَ أساساً مافيني دَوره
بس نفس الأحساس , فما وآصلت عليه وَ على طُول بعته جسمي ما أسَتحمله
• طيب هل نَحتاج لأجهزة رياضية ؟!
أنا ما أشوف إن الأجهزة الرياضية بهالأهَمية , خاصة إن الأجهزة الرياضية الجيدة باهضة الثَمن بسعر سيارة
بالإمكان بُمعدات بسيطة تسَوين أحلى رياضة وَ أحلى نادي وَ تَحصلين على أفضل جَسم ..
وَ صح أنا وَعدتكم أتَكلم عن الرياضة وَ تأخرت عليكم , لكن ببدأ مَعكم من الصفر .
• وش أفضل سير كهربائي (تريدميل ) ؟
[ هالرَد أيضاً مأخوذ من كتاباتي السابقة ]
الصدمة الكبرى أفَضل سير كهربائي تبدأ أسعاره من 8 آلاف ريال سعودي فمآ فَوق وَ يوصل حتى لـ 64 ألف , لكن غالبيتهآ مُخصصه للنوادي تتحمل الكرف وَ التعب
لكن إللي للأستخدام الشخصي بين 8 إلى 16 ألف
بهآ شاشة للسعرات وَ برضو تقدرين تربطينهآ بكيبل وَ تعرضين فيها قنواتك المُفضله
وَ قنوات الراديو المُفضله لَك ( مَن زين الراديو حقنآ على بالهم فَيه 60 قَناه ) ..
وَ برضو مَكان مُخصص لأيفونك بحيث تَسمعين نفس المَيوزيك إللي بَجهازك
وَ غيرهآ من الخَصائص إللي البعض يَجد أنهآ رفاهيه أساساً , لو أسَتغنيتي عن هالأمور المُرفهه راح يَوصل سعره لـ 8 آلاف إلى 10
هالأسعار قبل سَنتين أتوقع الآن تَدبلت مع الغَلاء
طبعاً لا تحسبون أنه شيء عادي أشتري جهاز بهالقيمه , خاصه أنه 90 % من مُستخدمين الأجهزه
يتحمسون بالبدايه وَ أخرتها يخلونهآ عَلاقة مَلابس ,فلما أتَخذ قرار بشراء جَهاز لازم أتأكد أني بستغله صَح
حنا طَبعاً عندنا سوء بتدبير الأمور , السير الرياضي سير يستخدمه جميع أفراد العائلة
أنتِ وَ أختك وَ أبوك وَ أخوانك , يعني لو تقسمت على 3 أو 4 من أفراد العائلة حيكون مَبلغ مُمتاز لصرف عليه
• كيف أختار أفضل جهاز رياضي ؟!
هالسؤال كان دايم يحيرني السير الكهربائي أفَضل وَ لا إللي يجيك مثل أوربترك
أسم إللي مَثل أوربترك ( جهاز الكروس ) ..
أثنينهم مُفيدين , يعني لو عندك ماده جيدة وَ مساحة بالمَنزل
أشتريهم الأثنين بلا آي تَردد ,لكن لو تبين جهاز وَاحد فَقط يَعتمد عالآتي ,،
– أختاري السير الكهربائي ( التريد ميل ) لو حابه تخسرين وزن أكثر
وَ عندك زياده بالجزء السفلي بالجسم , هو الأفضل من ناحية حرق السعرات الحراريه
وَ أستخدامه أسهل لصاحبات الأوزان الثقيله , لكن عيبه يعور الركب وَ مفاصل القدم
لذلك لازم تهتمين بشراء نوعية جيدة وَ لازم تلبسين حذاء رياضي مُخصص للركض أو الهرولة
لأن مو كل الأحذيه الرياضية تخدم نفس الغرض
– أختاري جهاز الكروس لو حابه تصقلين الجزء السفلي وَ العلوي سوا
يعني تحسين الجسم من فوق وَ تحت , وَ من حسناته أنه ما يَعور المفاصل
بس يحرق أقل من السير الكهربآئي وَ لكن يشد الجسم أكثر
فيه أجهزة غير هالجَهازين لكن غير عَملية , بأختصار حق وآحد عنده نادي مُصغر بالبيت
وَ عنده إستعداد يجيب أكثر من 6 أجهزة , أما هالجهازين أكثر شموليه من غيرهم
وَ بقية التمارين إللي تنقصك تقدرين تزينينهآ بدون جَهآز
إللي ماعندها أي قدرة على شراء جهاز , مُو ضَروري
نقدر نعتمد على تمارين الستيب وَ الأيروبيك وَ الكيك بوكس .. إلخ
لكن الأجهزة الرياضية فائدتهآ تساعدنآ بالأوقات إللي ما يَكون لنآ مَزاج
أو وَقت , أو حَيل
وَ التمارين إللي تعتمد فيهآ على جسمك فقط بدون جهاز
مُتنوعه كثيرة وَ شامله وَ كافيه , أنا أضمن لكم أنهآ كافية وَ حتى فيه ناس ما يَعتمدون على الأثقال
يكتفون فقط بثقل جَسمهم , هنا الجسم ينصلب صَلب مُو طبيعي وَ يكون مَمشوق
• أعاني من الشقوق ( علامات التمدد ) وش الحل ؟!
مثل ماذكرت إن التمدد هو وَ الهالات السوداء أخوان
اللهم الهالات السَوداء لا يُمكن علاجها بليزر لأن الهالات السوداء سبب السواد هُو الأوعية الدَموية
لذلك الحل بعلاج التشققات تتحدد حسب لون الشقوق , علامات التمدد الحمراء أسهل من علامات التمدد البيضاء
مَساحة التمدد , عُمق التَمدد , عُمر التمدد , بالإضافة لعُمر المريضة يَحدد العلاج ..
العلاجات المَطروحة ،’
– الحقن بثاني أكسيد الكربون ( الكاربوكسي ) من العلاجات إللي تَعطي نتيجة , لكن بعد عمر الأربعين فعالية الحقن أقل مما لو كان الشَخص بالعشرين
– التقشير بالليزر ( فراكشنال )
– البلازما
– الديرما رولر بَعمق كبير للإبرة
وَ مع ذلك تتعالج جزئياً مُش كلياً , بأحسن الحالات بتوصلون لـ ٧٠ بالمَية
جَمعت أكثر من ١٠٠ سؤال , لَكن أغلبها تَدور حول نفس النَقطة أغلبها تبييض للجَسم
لما جَيت أكتبها نَفس الحل , سواء لليدين أو الظهر أو الجسم , وَ البعض أسئلة مُكررة مَوجودة بتَدويناتي
أطرحوا أسئلتكم تَحت بهالتَدوينة لغاية ١٥ مارس بَعدها أي سؤال إضافي سأقوم بَطرحة بسؤال وَجواب للثلاث الأشهر القادمة
وَ أي سؤال طَرحتوه مثل سبب تقشر الوَجه مع الماكياج , سبب ظهور الأساس بلون رَمادي , كيفية التخلص من السيلوليت , إزالة الرؤوس السوداء !!
كلها راح أطرحها بالمَواضيع القادمة بإذن الله
وَ إنتظروني اليَوم بَتدوينة مَيك آبيه كانت مَن ضَمن الأسئلة قَد تُساعدكم
دُمتم بَحب
صباح الخير
في قرقر واجد ماقريت لسى حبيت اصبح عليك اوول
وعلى القوة
واخيرا نزلت التدوينة مرررة مبسوطة بالتغيير وحبيت هالخطوة منك صراحة
صبآحك حلآ مثل حلآة روحك ، صرآحه أستمتعت و أنا أقرى و تمنيت أنها ١٠ صفحات ههههههه جالسه أتخيل شكلك بقصة تشارليز ثيرون أحب هالقصات بس مقدر أتهور عشآن طبيعة شعري بس بقص قريب للكتف و عطآري أمك و أبوك حبيت كلآمك عنهم الله يخليلك أبوك و الله يرحم أمك جد والله إنك فخر لهم بهالكلام و الأسلوب و الموهبه يكفي موهبة الطرح تغريني ماشاءالله يعطيكي العآفيه .
بكيت وبعدها فرحت بشوفه القصات واحده منها نفسي اقصها وماعندي كلام اقوله غير رحم الله والداتك ويخلي لك والدك وسلمي عليه من عندي احب الرجل اللي بمواصفاته وتعامله مع الانثي ويخلي لك اختك واخوانك و ليون احبك
الحمدلله اخيرا اشتركت بالمدونة
والله ارتوس بكيت من كلامك عن امك وابوك الله يرحم امك ويسكنها فسيح الجنان ويخلي لك ابوك ويطول بعمره ويمتعكم فيه
انت والله مصدر عز وفخر لنا كلنا الله يحفظك انا مرا معجبة فيك كشخصية وفكر
انا من متابعاتك القديمات كثيرات الصمت <فيس خجول
لكن اشوفك مثال يحتذى
دممممممتي لنا
صددددددمه تووسه كثر ماتخيلت انك ستايل بس مو كذا
القصه جررررريئه
الله يرحم امك
ذكرتيني ف ابوي الله يرحمه فعلا سبحان الله بعد الوداع بالمغسله تحسين براحه
بالذات اذا كان مثل ابوي كان مبتسم ابتسامه زرعت بقلبي الراحه
الله يرحمهم جميع ويخلي لك البابا
مرررة جميلة فكرة التدوينة اليوم وخص نص ان فيها جزئية تخص حياتك خصوصا من ناحية والدك ياختي الله يحفطه شخصيته رائعة بالفعل يعجبني الرجل الي يقدر المراة ويخاف الله فيها ويعطيها الحرية الكافية بحياتها بالرغم من نقد المجتمع احيانا وتدخلاتهم الي الكل يبي يفرض عليك نفس الطريقة في تربية اولاده هو الي كلها كبت وقيود .
وبخصوص والدتك انا نفس الشيئ احب حديثك عنها كثيير مدري بس يلهمني اشياء بالحياة مدري كيف اوصف لك صراحة الله يرحمها ويغمد روحها الجنة.
وعلى فكرة جدا جدا فرحت انبسطت يوم عرفت ان فكرة دورات الميك اب في بالك وباذن الله لو تحقق هالشيء يكون لك اول وحدة اشترك لاسباب اجد طبعا بس اهمها انك لك نظرة بالمكياج وثانيا ان اكيد عندك خبرة في البشرة العربية ومايناسبها وبليز ارتوس فكري جديا بالخطوة هذي
وبخصوص تجربتك مع الشعر االقصير هذي جزئية اعجبتني واااجد بس بصراحة انا من الناس الي الي فعلا احب شعري يكون طويل اخاف اقصره بالرغم كم مرة حاولت بس ماعجبتني النتيجة
يعجبني جداً تفكيرك واناقتك وذوقك وكل شي فيك ❤️
يعجبني جداً تفكيرك واناقتك وذوقك وكل شي فيك ❤️
ياقلبي ياتوسه
يازينك ويازين كلامك ❤❤ ، قريت الموجود والحين بكمل مذاكرتي ماقدرت اذاكر وفي تدوينة جديد بيصير بالي مشغول ..
ماشاء الله
عجبتني تدوينتك اليوم
وربي يرحم أمك وأمي ويجمعنا فيهم بمستقر رحمته
واليوم قضيته كله ع حسابك بالانستغرام
واستفدت منك شغلات كثيررر
شكرا لك بحجم السماء
ياهلا بوجه الخير …
الأسئله اتجننن ماجا في بالي راح تكون اسئله شخصيه … بس ردودك وافيه وجميله الله يخليلك الوالد ويرحم أمك رحمة واسعه ويهنيك مع سعيد الحظ اللي فهم لك …
قصة الشعر قلبي رفص يوم شافها انا لمن رحت لمجلس الامهات لبنني في الروضه كانت ام طالب قاصة زي شارليز ثيرون بالضبط ياأني فهيت فيها وفتحت فمي عاد امدحها اقولها حمستيني ع القص قالت لي والله لي سنتين كل مأفكر أطول اتراجع ﻷأني مبسوطه بالقصه وهي صراحه مناسبتها مرره … مدري امكن ماتناسبني مع اني طويله واكتافي عرضها زين ومفروده بس انا وجهي عريض ومربرب مع اني نحفانه وابشرك قربت اوصل للهدف …. فيس متقطع
فأحتمال اقص كاريه عشوائي اذا ما أعجبني راح اغامر واقص هالقصه وأكيد بوافيك بالاحداث … عفكرة ماعمري قصيت شعري فوق حد السنتيانه قلت الى متى خلاص وصلت ل29 وانا اتجرأت أجل متى أتجراء … خلاص كثرت حكييي …
ياللا مستعدين للقادم وترا عندي اسئله ويش كثرها بس الانستا حسبي الله عليه ونسيتها مفادها ياليت تتكلمين عن الرياضه وبأسهاب جد ياأرتوس شيء مرره مهم
بالنسبه لي ولغيري وانتي ادرى …
اخيرا الله يرحم من ربتك هالتربيه جد الواحد يفخر بأنه ابن لهذا الشخص … وبرأي ابوك هو الاب الصح البنات لازم لهم الدلال وهذا شفته من ابوي واشوفه من زوجي لبنتي الله يحفظها وافرح بهالشيء صحيح مالحقت من دلال ابوي الكثير لكن لمن اشوف بنات انحرمو من هالنعمه وهم بالجامعه والثانوي والاب عايش وابوي مات بس دلاله وحبه لي لازال عايش احمد ربي … سوالف ابوي مثل سوالف ابوك وودي اقولك من سوالفه معنا بس خلاص احس طولتها
توسا ياقمر …
قضيت الصبح افتر بالمدونه لاني قاعده اجمع الاشياء اللي بشتريها واكتبها باللسته بس لفت نظري انك ولا مرة اتكلمتي عن العطور دائما اسمعك ترددين جو مالون ومرة مدحتي روز من لوكستيان وشريته … سؤالي هو طريقة تركيبك للعطور واي العطور اتحبين وتفضلين… انا اعشق العطور بس مأحب احساس اني فواحه واحب انها تندمج مع ريحة جسمي … احس ريحة الجسم هي اللي تحلي العطر مراات يكون عطر منتشر كثير بين الناس لكن تلقينه على وحده غير … الآن معلقه على لاش خمرياتهم ونفس العطور اخذهم كمجموعه استخدمها بالبيت اكثر شيء واساسا مأطلع كثير جربي منهم كارما … بالنهايه ابي اعرف ذوقك بالعطور … ابي اروح واقول يااه هذي ريحة ارتوس ..
صباح الورد ،، رووووعه القصات بس فين احصل احد يزبطها ليه .. انا وجهي بيضاوي وجبيني شوي كبير احب القصات اللي تنزل ع الجبين تناسبني اكثر امممم انا ليه ٧ سنين بالشعر القصير شعري خفيف مع القص ينتعش ويعطيني مظهر غزير الحين قاصه فكتوريا وكل ماابي اطول زوجي يقولي لا تطولي يحب القصات الجديده شكلي بغامر واقص زي تشارليز ^_^
الله يرحم الوالده ويسكنها فسيح جناته ، والله يخلي لك ابوك ، انا كنت أقص شعري قصير بس ماقط قصيته مرره لين ماجات موضة الفيكتوريا ونفس قصة شمس فقلت لامي بقص نفس حقت شمس رفضت قلت لها خلاص فيكتوريا وقصيت عند فلبينيه آآآه من جد خلته من عند رقبتي شي غير جميل خصوصا ان رقبتي طويله مع النحت بزيادة طالت وليت قصت فيكتوريا قصت قصه مدري ايش هي زي حق الفلبينيات وصار شكلي لا فاضطريت وطبعا انا مبسوطه أقص قصة شمس عشان يتعدل وطلع شكلي فيها جميل وكيوت بس من ورا على قولة اخوي كأني ولد دلوع من النحته ، وطبعا عكسك طول هالفترة ماجاني عرسان لوووول يعني تفكيرهم دام قصة هالقصة معناته محد له حكم عليها حتى صحباتي اللي من سني كيف رضي ابوكي كيف رضيوا اخوانك ومن هالكلام ودحين يدي تحكني خصوصا ان شعري من تحت خرررررب من السيراميك يعني صار شكله عبء على شكلي النهائي بس إنّو لي فتره من الطويل واشتقت للطويل .. محتاره صراحه ،و يعطيك الصحه والعافيه بصراحه ماقريت بذمه بقية التدوينه بكره برجع لها لان عيوني دحين زي توم ( توم وجيري ) لما كان نعسان ومايبغى ينام وحط أعواد ترفع جفونه ههههه بس بصراحه ماقدرت انام وفي تدوينه لك .. أحبك
u got such an incredible personality masha’allah
i lovethe way that u think and how wisely u r
lots of love <3
كتييييير حلوة فكرة الاسئلة هيك مابضيع اجاباتك بين التعليقات وسهل للبنات يرجعولها بأي ♡♡♡ … لما طلعت موضة الشعر القصير انقهرت كتير انو حبيتها بس مابتلبق لوجهي ابدااااااا 🙁
حتى بحب الغرة يلي من قدام ونفسي فيها بس جبهتي متلك زغيرة بتطلع مو حلوة وبتغطي عيوني 🙁
صباح العطاء
واخيرا اقوم النوم ابي اكمل تدوينتك
وفاتحه صفحتين وحده احدثها ووحده اقرا واكتب بروقان هههه
بسم الله ع قلبك اجاباتك تعتبر لي مصدر ثقافه ومرجع وقت الحاجه استفدت منها بالحيل
الله يرحم امك ويجمعك بها بالفردوس قرات لك تدوينه وكنت افكر بامك كنت ام مثاليه اقول لنفسي عمري شفت ام مثلها ربت ووعت واهتم باسرتها صح الله يغفر لها
ابوك يبي له حبه ع الراس احب الشخص الي يوقف بصف المراه بصفه عامه ياخذ ويعطي يناقش يمدح يدلع ماراح تنقص رجولته الله يحميه ويخليه لكم
ذكرني بشخص دخلت معه في نقاش حاد اسلوبه مع بنات قرايبه يستفزني ونظرته البنت مدلعه ماله داعي يسمع كلامها يسب واسلوب يرفع الضغط تعبت وانا اناقشه بالاخير قلت له الله يصبرها الي بتكون زوجها ويصبر بناتك رغم ان هالشخص يقدس امه بس تفكيره ماش منتهي
بسم الله ع نومك وفديت المتحمس الله يحميك احس الجسم والعقل يتبرمج من الصغر ع ساعات النوم
انا انسانه لو مانمت ٨ ساعات يذبحني الصداع ولي شهر مااتهنى بنومي مع وجع الاسنان
واه من الفلبينيات مره قبل العيد بكم يوم رحت لها ووريتها الصوره المهم قمت من عندها رجل بس ملامح الجسم انثى انقهرت حشته لي من قلب وكان صعب ينلم او يسرح بشكل مرتب منطقه رطوبه وعيد وناس معاناه من قلب وبعدها توبت اروح لها اتعامل مع وحده فلسطينيه جدا شاطره ونفس ماتتطلبي تنفذ بدون فلسفه ووجع راس
كنت مخططه اجيب لي اوبتراك لكن ردك خلاني اتراجع وافكر زين
يسلم قلبك والله لو احد غيرك مااهتم بمتابعينه مثل اهتمامك
الله يجزاك عنا كل خير ويوفقك بحياتك ويسعدك ويخلي لي ابوك واهلك وكل شخص غالي ع قلبك
وتمسين ع سعاده
ارتوووس ياكل الذوووق
استمتعت وانا اقرا اجوبتك بالرغم بعض من شخصيتك
صرت افهمه واعرفه لاني تخبرين من ريحة الماضي
تعجبيني بعفويتك بالكلام وبتصرفاتك وثقتك ماشاءالله
مابي اعلق ع كل الاجوبه بيصير موضوع
بس استمعت جدااا
دمتي اختي الغاليه انتي وكل احبابك بحب وسعاده❤️
يسعدك يارب على هالصّباح ..
لي رجعة للقراءَة بعد المحاضرة وَ الإختبار ،
عافاك الله حبيبي ..
من كلامك اشتهيت اقص شعري واتهور
لي ٤ سنين وانا اطوله
بس سؤالي
سمعتي عن جهاز ثاي قلايدر وسيركل قلايدر ؟وش رايك فيهم
ووش الافضل حق الشد لاني نحفت وترهلت مع اني كنت اسوي رياضه المشي والزومبا وقالولي المفروض اني سويت رياضة الاثقال وقت الرجيم
وش الحل مع ترهل الجسم؟
ممكن تعطينا خطه علاجيه للترهل؟
+انا ودي افتح عضلة الحوض يعني ابي اقدر افتح رجلي تماما زي الي يسوون كاراتيه وتيكوندو
هل بقد افتح الحوض وانا في عمر٢٦
يازيينك وياحلوك الله يجزاك الجنة ياجميلة وعسى ربي يحفظ ابوك واخوتك
ارتوس اذا كان سعر المنتج او توفره بالسعودية هو اللي يأخرك بالطرح ، نزليهم عادي يعني قد تكون فيهم ميزة انتي اشرتي لها عاد يكون عليهم البحث
ممكن تتكلمي عن الشعر الخفيف احسن قصة تخلية كثيف وانت ويش بتقصي عشان بقص مثلك ويش اسوي والله احوبك وسؤال مهم اتمنى تجاوبيني علية عمري ٣٥سنة ويش اخسن قصه بهالعمر واحسن كريمات لتجاعيد العيون والرقبة والوجة علما اني مااعاني من التجاعيد الاخفيفة جوانب العين لمن ابتسم وشكرا اتمنى فعلا تجاوبي وبسرعة الله يجزاك الجنة
الله يسعدك توسا على التدوينة الجميلة ….ويرحم أمك ويغفر لها أحب لما تتكلمين عنها ﻷني أستفيد منها في نعاملي مع أطفالي ويخلي لك أبوك ويبارك بعمره .. بالنسبة للقصة أنا مرررو متحمسة لها ﻷني ما قد قصيت شعري قصير مررة بس اللي محيرني إنه لما أبغى اطوله حيطلع شكلي مبهدل عبال ما يطول
اهلين ارتوس ،
الله يرحم والدتك ويجمعك فيها في جنات النعيم بعد عمر طويل يارب .
انا من زمان اتابعك وكم مرة سالتك بمشكله تخصني وساعدتيني فيها كثير الله يكتب لك الاجر..
اول حاجه انا كل ماحفيت طلع لي حبوب تحت الجلد فيها شعر مسببة لي مشكلة نفسية عميقة مرات اقول مسام؟
ومرات اقول حساسية من الحلاوة وماني عارفه كيف احلهها ..
مشكلتي الثانيه انا بشرتي صاافيه الحمدلله سابقاً لكن خلال اسبوعين بذت تطلع حبوب تحت الجلد غريبة ومستفزه ماني عارفه سببها ممكن تكون علاجي او حساسية من نوع طعام لكن بالحبوب الاولى مسببة لي ضغط نفسي شديد اذا عندك حل ياليت تفيديني
ربي يسعدك
يسلم لي قلبـك على هالعطاء المستمر .. ودي أعلق على كل كلامك بس مابي اخرب الموضوع ‘ واكيد بأنتظـارك بتدوينة ميك ابيه =$
سيني سيڤيوروم ❤️
يعطيك العاافيه ماقصرتي قريت معلومات جديده عليا
اذا ممكن اتكلمي عن الايشدو المناسب لكول عين وطريقه مضمونه لاخفاء الحبوب بليزززززز
توسه الله يسعدك اتكلمي عن برامج غذائيه تعطي نضاره للبشره الله يسعدك مررره متحمسه ع هالشي او ع الاق اغذيه او مشروبات تعطي نضاره للبشره اذا كان صعب عليك تكتبين برنامج غذائي
شكراً لك ❤️
الله يسعدك ويخليلك احبابك ❤️
ماشاء الله عليكي الله يحفظك و يرحم امك ويسكنها الجنة و يخليلك ابوكي و اخواتك يارب
ممكن تنزلي صورة جهاز الكروس لاني ما اعرفه
ايضا تكلمتي عن تفتيح لون الابط – ممكن طريقة لكيفية المحافظة علي البياض بعد الوصول له
و ممكن طريقة لتفتيح البشرة عموما
و كيف نتخلص من النقط اللي بتكون موجودة بالساق
اسفة لكثرة الاسئلة
يسعدك ربي تدووينه جمميله مشبعه صرااحه اجوبتك كتير فادتني وحفظتها عندي
عدرا تسمحيلي اسألك واسفه لكي وللكل على هالسؤال المحرج عن سواد المنطقه الحساسه الخلفيه(المنطقه المغموره بالخلف ) كيف العنايه فيها لغرض توحيد لونها وهل ينفع يستخدم لها كريمات خاصه بتفتيح المنطقه الحساسه خاصه انو نوع بشرره الجسم جافه شوي
صباح السعادة
أرتوس ممكن تكلمين عن الثقة بالنفس ، ويعطيك العافية التدوينه تجنن وشامله
ماشا الله عليك جريئة في قصة شعرك انا جبهتي كبيرة
و ابي اقص غره بس مترددة ههههه
الله يرحم الوالدة يا ليت و اتمنى أكون زيها مع عيالي الله يقدرني ع تربيتهم تربية صالحة و الوالد الله يخليه لكم حلوة شخصيته و انو يدلعكم يا حليله حسيته حنون الله يخليه لكم و يرزقه بركم
فكرة الأسئلة و الاجوبة مرة حلوة
الله يرحم امهات المسلمين جميعا
ماشاء الله يا ارتوس بغض النظر عن عرضج للمنتجات وسردج للتجارب الا ان قدرتج على الاقناع تفوق الاخصائيين بدليل ان كل شي تقولينه منطقي وعقلاني وغير متناقض ويمس واقع طبيعة حياتنا وبشراتنا يعني العقل يأخذ بكلامج ويوقع في القلب .. تنفعين تشتغلين في مجال إعلامي ❤️
جممممال توسة .. عارفة انو اهلك وخطيبك محظووظين جدا جدااااا فيكي .. صدقيني خطيبك امو داعييييتلو الله يهنيكم يارب
كنت اذاكر وقلت خليني اشيك ع مدونتك ولما شفتك كتبتيه خلاص مخي هنق تركت المذاكرة وجالسة اقرا وانا مستمتعه فعلااا انتي نااااااااااااادرة
وشكرا لاهلك الي قدرو يخلقو كارزما خاصة لكل واحد منكم
وبخصوص الاسئلة انا عندي طلب .. ايش رايك اجلس معاكي ثلاثة شهور وتلعبي فيا زي ما تبغي واغنيلك انا كلي ملكك هههههههههه
ع وجه زواج بعد سنة تقريبا واعاني من الخطوط الحمرا بسبب استخدامي الخاطئ لكريمات التبييض للاسف .. دعواتك انو ينفع معايا كريمات الدكتور
وجاري تجربة طرقكك مع اني الحمدلله ما اعاني من سواد الابط هل ينفع استخدمها للمنطقة الحساسة ؟ ” ما اعرف ليه احسك حتضربيني طب خلاص اسفة ”
وبس احبك اختي توووسة
الله يرحم مامتك ويحفظلك ابوك ..اكيد امك رائعه دامها انجبت وحده مثلك ..ومشكووووووره عالمعلومات والتدوينه المميزه رغم ماعندي ذيك المشاكل في البشره لكن استفدت من ثقافتك كثير فيما يخص تركيبات الكريمات والمواد والكيفيه الصحيحه لوضعها ،،،
ارتوس حابه اسألك عن غسول الوجه من لوريالwhite perfect اشرايك فيه لاني استخدمته وجدا جدا ناسبني ووقف الحبوب اللي بالوجه عكس غسول فيتشي اللي كان يطلعلي حبوب ماكانت موجوده اصلا ،،هل فيه مواد مضره او تعطي نتيجه عكسيه عالمدى البعيد،،ونفسي استخدم كريم الليل اللي تبع نفس المجموعه ..حابه اعرف رأيك
لاني بصراحه اول مره استخدم اي منتج من لوريال دايم تعاملي مع منتجات طبيه بحته مثل بايوديرما بس ماستفدت منها مره زي غسول لوريال،،،
وعذرا عالاطاله ياقلبي
والله ما ادري ايش اقول ماشاء الله الله يزيدك من فضله
صح اقرأ لناس كثير مميزين واعرف كثير بعد بس مثلك ما قد شفت حتى لما ارجع اقرأ مواضيع شمواه ارتوس هي ارتوس نفس الكلام والتفكير ياكثر ما نشوف ناس متناقضين انتي غير لوفيه منك ارتوسات كثيرات بس 🙁 ❤️
معليش على الكلام الملخبط بس عشانه طالع من صماميم قلبي ماترتب:(
الله يسعدك وويوفقك ويهنيك اضعاف اضعاف ما ساعدتي وغيرتي في الناس ❤️❤️❤️❤️❤️❤️❤️
مساااك ورد
رحمه الله ع امج و الله يحفظ لك الوالد
احسك تتكلمي عن ماما و بابا .. نفسسس الشي .. ولا هما الاباء و الامهات كلهم بنفس الشي ؟
ارتووووسة تسلمي تسلمي تسلمي ع وقتك و جهدك ربي يعوضك خير
انا عندي طلب .. ممكن تكبي لنا خطوات البدكير و المنكير بـOPI Kit ?
انا عندي و استخدمهم بس ابي شغل احترافي و ادري بنتعلم منك
و اذا ممكن ما تطولين علينا بتدوينة الرياضة ^_^
عسااج عالقوة
ياجمالك وجمال اسلوبك الله يخلي لك ابوك واخوانك ويرحم امك
انا اقولك فكري بجدية بدورات المكياج وانا اول وحده باذن الله بتدرب على يدينك
ايه نسيت اقول ترى كنت حاطه لك شكل في راسي حتى اذا قريت اتخيلك تسولفين هههههههههههههههههههههههههههههههههههه لا امزح مو لذي الدرجه بس اذا قلتي شعري كذا ولا وصفتي رموشك وعينك احس كذا تخيلت شكلك بس بعد القصه يبغى لي كم شهر ثاني عشان اتخيل شكل ثاني =) ❤️
كم شهر **
الريم ^
تمثليني بقووه حاطه صوره لها فبالي ويبيلنا نحدث الاصدار بخصوص الشعر
عاد انا اكثر بمراحل فيني طبع اخر شي يصير بيومي دايركت احلم فيه
مره قريت تدوينه لك توسه ونمت
حلمت فيك ههههههههههههه وشفت شكلك عاد مدري يمكن هو شكلك بالواقع
هههههههههههههههه
اهم شي اني جلست اسالك عن البشره والميك حتى بالحلم مافي راحه من الاسئله
هههههههههه
مواضيع اتمننننى تطرقين لها الرياضه اكيد
تعطير الجسم ووشلون اخلي عطوري تفوح
الاندرتون وكريم الاساس
توحيد لون الجسم
احبك ي عسل
ارتوس اذا ممكن تعلمينا ستايلات شعر هيفاء وعبي في اطلالتها في حديث البلد و ستار اكيديمي خصوصا الغره حقتها ما قدرت اتقنها يوم لبست فستان اسود بستار اكيديمي و كمان قنوات باليوتيوب تنصحينا بمتبعتها تهتم بالشعر
جميله انتى يا بنت الناس جدا جميله
اهلًا ارتوس
ماتصدقي قد •• •• أيـش فرحانه بالتدوينه
وأشكرك ع طرحك الجميل الغير ممل
سؤالي كالتالي
كريم الصباح للوجه يغني عن الترطيب؟
دحين انا استخدم كريم الصباح اول ما اصحى من النُّوَّم طبعا بعد ما اغسل وجهي بغسول
بعدها ارجع الظهريه واغسل وجهي بدون ما استخدم مرطب. بالليل اغسل وجهي بغسول واستخدم كريم الليل
الغسول مرتين باليوم بيكون صبــــاح وليل
والكريم كدا كمان صبــــاح وليل
وانا بشرتي دهنيه نظامي احس فيه فجوه. اللي فترة الظهريه ما ابغى استخدم الغسول ثلاث مرات باليوم عشان ماتجف بشرتي
ولا ابغى اتركها كذا وتصير قابلية ظهور الحبوب قويه غير كدا الترطيب فمحتاره بدّي الفتره •• أيـش اعمل
ياليت تفيديني
طبعا انا نظامي مبسط لان بشرتي حساسه ومختلطة
وشكرا
ي جميله انتي تسلمي على عطائك
الله يرحم أمك ويسعدك دنيا وآخره
جميل جدًا استفدت كثير الله يسعدك
عندي سؤال سألته في الانستقرام بس ما وجدت جوابه هنا
أذكر ان طبيعة شعرك (كيرلي) كيف طريقتك في التصفيف اليومي؟
استخدمت طريقة قبل سنة تقريبًا وللأسف سببت لي تساقط
ولا أبي آضطر آستشور يوميًا
الله يرحم امك ويحفظ ابوك يااااحلو تدوينتكي الي استمتعت وانا اقرا فيها اكثر شي فرحني موضوع الدورات واتمني تفكري جديااا صدقيني بيحضرون لك البنات من كل مكاااااان وانا اولهم دايما اقول لاختي نفسي اشوفها
اهلين آرتوس
سؤالين عندي /
سوال ربما شخصي وهو كم عمرك ؟؟
شنو سبب شهرة مدونتك باعتقادك ؟!
حبيت كلامك عنك وعن والدتك الله يرحمها ويجعل مثواها الجنه عاده هالتدوينات منج انتي بالذات ممتعه ماشاءالله يمكن لو وحده غيرج مايهمنا نعرف بس انتي سبحان الله غير تهمنا التفاصيل منج والسرد عندج ممتع وغير ممل الله يخليلج الوالد ويطول بعمره و الله يعطيج العافيه
ياحلوك ارتوس ربي يسعدك
تصدقين استمتع بسواليفك عن حالك اكثر من التدوينات الجماليه
يعني انبسطت بالجزئيه الاولى وتمنيت لو انك مطوله فيها وش نسوي نحبك اوي يابت
وقبل فتره طلبت منك تدوينه
عن طريقة ترتيبك في البيت والمطبخ
واستخدامك للأجهزه المُساعده
لأني من كلامك فهمت ان ماعندك خدامه
ومازلت انتظر وطامعه بكرمك
ومتأكده راح تفيدين الكثيييييييير …
وشكراً لك وشكراً لك من الأعمااااق
الله يرحم والدتك ويغفر لها ويسكنها فسيح جناته، ويطول بعمر والدك ويخليه لكم …
مبدعة كالعادة استمري
الله يرحم امك ويسكن روحها الفردوس الاعلى…
ارتوس مرررررررره شكرا انك طرحتي موضوع عن الثقة عن النفس
ماشاء الله اسلوبك جدا رائع لما تتكلمين عن اي موضوع تغطين كل النقاط وتتكلمين عنه من قلب
الله يوفقك
كعاادتك مبدعة بالطرح الله يحفظك ويخليك لبابتك ويرحم امك ويسكنها فسيح جناته ،، ،
سؤالي : يتعلق بالرياضة ( قرأت ان عملية الايض تبدأ تقل كل مازاد العمر ومفعول التمارين حتى يبان يبيله وقت ) ياليت تتكلمي عن هالموضوع في تدوينتك عن الريااضة ( ورااح انتظرها بفاارغ الصبر ) ،، وشكراااا من الاعمااق امواااه ..
لمن قلتي مفتوح المجال للاسئلة تبخر كل الي برأسي
المهم حبيت اقولك اني في صيف 2012 قرأت اول مدونة لك وتأثرت بكلامك و الحمدلله تغيرت فيني شوية اشياء و اطمح اني اتغير كمان للافضل
احب حكيك مرا واتمنى تكثرين من الحكي والثرثرة حقتك لانها مرا تعجبني 🙂
تكلمي عن الرياضة والذات والكتب
ايه افتكرت لي سؤال انا حللت وطلع عندي نقص فيتامين د و اخذت محلول من الدكتورة احطه مع الموية
استمريت عليه اسبوع و لاحظت انو نومي زاد و صرت كسلانة اكثر من قبل
سؤالي هوا عادة فيتامين د كيف يكون شكله ؟
انا حاليا تركته وصرت اتعرض للشمس عشان يزيد و بعد فترة حارجع احلل من جديد يمكن يرتفع عندي
ارتوسه جسمي اسمروجاف اكثر من وجهي واديني ورجولي وابي مرطب مفعوله ممتاز لآني ناويه ابداء عناية خاصه بالجسم فقط مع العلم اني راعية كريمات وكذا لاكني من النوع الي يبردبسرعه وانمرض بسرعه والشتاء يعطلني عن العنايه بالجسم غصباً عني
هل تنصحيني أبدا بالرتن اي لحدمايجي الصيف يعني اهيئ جسمي علشان يمتص المرطبات او السنفره تكفي ؟
حولين ركبي الشعرالجريبي(جلدالدجاجه) حاولت اشيلة بالسنفره والترطيب يروح وبعدفتره يرجع وش الحل ❤️
تكلمتي عن اسوداد ماحول الفم طيب حدود الفم هل لها حل الفراكشنال مفيد؟ لك تجارب مع الفيلر حابه انا انفخ شفايفي بشكل بسيط ومو عارفه اي منتج افضل ؟
ماشاء الله ،، ربي يعطيك من فضله
اتمنى تعطينا نصائحك في الترتيب والتنظيم وكيف اخلي يومي كله انجااز ..
تمنيت التدوينه ماتخلص
ودي لو تكلمتي اكثر واكثر ومليتي جريده كامله رغم إني ادري الوقت ما يساعد
اعجبتني الاسئله الشخصيه وحبيت اجاباتك عليها بكل طيبة روح
تعرفين ارتوسه ؟ شخصية ابوك مثل شخصية ابوي بالتعامل بس امي عكسه ولا يعجبها يعاملني بطريقة الدلع هذي بتاتاً XD
بس بصراحه عن نفسي ودي اغوص في روح آرتوس اكثر
ولا عمري راح اكتفي منك
ربي يرحم والدتك ويسكنها اعلى مراتب الجنان
الله يرحم الوالده و يسكنها فسيح جناته و الله يحفظ الوالد و يخليه لكم يارب ، الله يجزاك خير على وقتك الصراحه استفدت من الاسئله واجوبتها الله يجعله بموازيين حسناتك
الله يرحم الوالده ويطول في عمر الوالد ويعينكم على بره
الله يرحم امك رحمة واسعة ويجزاها الجنه
روح امك الطاهرة تتجلى في حبك للناس
ومساعدتهم .
الله يطول بعمر والدك حبيت دلعه لكم والله يجنن غير صورة السعودي التقليدي 🙂
الله يجزاك خير التدوينة جداً جداً ثرية بالمعلومات
وماعمرك قصرتي معنا الله يجزاك الجنه
آمَين يارب ..
حبيبتي إنتِ وَ كلماتك إللي تَخترق القَلب , دُوم تبهريني بإطلالاتك ..
آمين يارب , ههههههههههه حَبيت
وياك
يسعد اوقاتگ ..
ان شاء اللهـ تكوني ب افضل الأحوال.
ربي يبارگ لگ ف جهودگ وتُشكري من الأعماق ،،،
عزيزتي ،، تواصلت معاگ ب الانستآ بخصوص اسمرار الرقبهـ ورديتي بارگ اللهـ فيگ انو استخدم مرطب من يوسرين مع الشور اويل واستخدمتهم ..
الآن عندي احماض الفواكهـ بتركيز ٥ ٪ تنصحيني ابدأ استخدمها لحل المشكلهـ ؟؟
….
بالنسبهـ للصابون المغربي استخدمهـ اسبوعياً ينظف جداً،، بس قلتِ بردگ ع سؤال الحمام المغربي يسبب ترسب مادهـ الأمايلود >> تقصدي الصابون ؟؟
طريقتي ..
ابلل جسمي وادهن بزيت سمسم واستخدم اداهـ المساج لمده ١٠ دقائق وبعدها امد الصابون المغربي واتركهـ شوي وابلل قفازات التقشير واستخدمها بحركات دائريهـ بدون مبالغهـ. لاحظت ينظف وينور الجلد بس هل طريقتي سليمهـ وصح؟؟؟
ب الأخير اشكر لگ كل م قدمتِ ولگ خالص الدعوات.
موفقهـ.
الله يجزي والديك الجنة يا رب و يجزاك خير على مجهودك و غيرتك على بنات جنسك اللي اختاروا بارادتهم السلبية والاهمال والتسويف…
بالنسبة لسؤالي.. أنا عندي مشكلة ( يمكن تضحكين ) ..
لما أزكم، المنخر الأيسر يقفل تماما.. وغالبا أضطر أراجع الدكتور ينظفه لي ولي سنوات على هالحال.. فقرر آخر مره يعمل لي أشعه مقطعيه.. هالأشعة وضحت أنه الغضروف الداخلي مايل وهذا مسبب المشكله و صاير أغلب التنفس من منخر واحد .. وقال حلها واحد فقط .. الجراحة. والجراحة بتغير شكل الأنف تماما.. أو ممكن أظل عادي وكل موسم مرض ينظفونه لي.
وترك الاختيار علي.. وبصراحة لما أفكر بالموضوع أتوتر .. خصوصا مع فواجع الجراحات التجميلية والتشوهات و أشكال الفنانات اللي تحولوا لمايكل جاكسون نسخه من بعض.. أخاف يصير الشكل النهائي سيء وأندم .. وجراحة تجر جراحة بعيد الشر 🙁
صرت أوسوس ومحتارة … أبي من يشور علي؟
المشكلة الثانية .. في مراهقتي كان عندي مشاكل صحية وأخذت أدوية كثير .. سببت لي فيما بعد تغيرات ( لاحظتها في الثانوي) أهمها جيوب تحت العين .. مع الكونسيلر ما تبان ولا هي مترهله تأزمني لكن حسب ما قرأت هي أول ما يترهل مستقبلا .. وما أفضل أحط كونسيلر كل مره أحط مكياج خفيف.. المكياج بالنسبة لي بيس وأساس خفيف و ماسكارا وبلشر وقلوس بأقل كميات ممكنة حتى تعطي وجهي لون بس.. خصوصا أن ماعندي الحمد لله مشاكل ثانية أخفيها .. لا هالات ولا بقع و بشرتي تمام .. لما أبكي أو تجيني انفلونزا يصير لون الجيوب أحمر وأحس باحتقان .. راجعت دكتور عيون قال موضوعك عند الأنف والأذن والحنجرة .. ورحت له و قال ممكن تكون بسبب الجيوب الأنفية ( وقتها ما كنت مسويه الأشعة ) ..
الموضوعين مرتبطين ببعض لأن الدكتور الأخير ربط بينهم وقال بنشوف إذا صلحتي عملية الأنف ممكن تروح من حالها وإذا ماراحت، حقنة فيلر بسيطة أو نسحب السوائل اللي فيها و نشد الجلد ..
أنا خفت من فكرة تغير شكلي لأني متصالحة مع ذاتي ولا عندي هوس تغيير الشكل … حتى حواجبي يوم طيروا الناس حواجبهم ما طيرتها لأني أحب شكلي مثل ما أنا ولو أبغى أصلح شي فأتمنى أصلحه بأبسط طرق ممكنة.. وخفت أكثر لأن الدكتور نفسه واضح مسوي عملية لخشمه وصاير كأنه فيفو .. شكله مو مقبول أبدا مع اني شفته مذا مره مو أول مره .. وخفت أن غرضهم تجاري ومادي بحت رغم انهم في مستشفى كبير ومعروف بالشرقية.. حتى أتأكد بس رحت لدكتور ثاني في عيادة ثانية و بدون أشعة وبدون أي شي.. دخل جهاز في خشمي و على طول قال عندك ميلان..
مترددة والله يا أرتوس أسويها أو أطنش وأخليها لو كبرت شوي.. مدري كيف أكون متأكدة من النتيجة.. ومدري كيف بتقبل شكلي بعدها…
عندي اقتراح وأدري طولت عليك .. اعذريني
فيه موضات علاجية يهبون فيها الحريم ويطبلون لها .. مثل بوتوكس الشعر و شراب الكولاجين و الفرد والكيراتين وابر النضارة والميزوثيرابي و فيشل الذهب والكافيار رجيمات تنزل 10 كيلو بعشرة أيام وهلم جرا ..أشياء كثيرة… إذا ممكن تقدمين لنا وجهة نظرك فيها وموقفك منها .. أدري بتقولي ماجربتها كلها لكن أحيانا من مكونات المنتج وطريقته الواحد يقدر يتنبأ بالنتيجة..
والله يزيدك علم وينفع فيك ….
يابنت
الله يسعدك دنيا واخره ونستنى التدوينه الرياضيه
مساء المحبة سوس
الله يرحم الوالده ويجعل مثواها الجنة ، عرفت تربي وتكون شخصية قوية و فريده مثلج ، أنتي وايد محظوظة فيها وهي محظوظه فيج ، ما أخفيج سوس من كثر ما كنتي تتكلمين عن الوالده حبيتها من كل قلبي واتمنيت لو كانت لي معرفة شخصية فيها .. قليل فهالزمان نشوف مثل جي أمهات .. قبل كان فخاطري أسألج نفس سؤال رقم 1 لكني ما فضلت لأني خفت أحط أيدي على جرح يمكن ما طاب ، ومثل ما تعرفين ذكريات الناس إللي نفقدهم مؤلمه مهما كانت جميلة فكيف بفقد الوالده ! حبيت إيمانج وصبرج وتمنيت لو عندي ولو قليل من إيمانج ، أنا مجرد التفكير أني يمكن أفقد الوالده أو الوالد يضيق صدري وماأقدر أتخيل أعيش من دونهم خاصة أني وايد عندهم ومتعلقة فيهم ، ولو أني ما أحب أفكر بهالشغلات السلبية ولازم أعيش يومي وافرح فيه ..
تعرفي سوس في مره وحده قالتلي بأن قبل ما ننولد نحن نختار أمنا .! بصراحه ما دورت عن صدق هالكلام ..
بخصوص قص الشعر ياما لعبت فيه لعب لدرجه أني خبلت أمي بالشعر القصير وهي تشوف أن الشعر الطويل هو الحلو وإللي يميز البنت ، خبلت فيها من يوم ما كنت صغيرة وأنا أصرعها وأقعد أصيح بالأيام بس عشان تقص شعري هههههههه كنت الوحيده بالبيت احب أقص قصير .. ألحين أنا عمري 27 بهالسنة بس هونت .. أبى أشوف نفسي بشعر أشوي طويل ع الأقل .. أنا من النوع إللي شعري ما يطول إلا بشكل بطيء فوق ما تتخيلينه ..
اذكر في مره وحده فلبينية قصت لي شعري وكان طالع يجنن حتى خواتي حبوا شكله ، هممم تقدري تقولي على شكل فراوله كله قصات من فوق ألين الرقبة .. أنا شعري طبيعته خفيف و ويهي شكله بيضاوي تقريبًا ( بصراحه ليومج هذا ما أعرف شكل ويهي بالضبط ) أختي تقولي بيضاوي لكن أنا ما أشوفه بيضاوي لأن الوجنتين عندي مُش بارزين إلا شي بسيط ، وعندي المنطقة بين عظمة الوجنه والفك داخل أشوي ، مثل خفسه بسييييييطة .!!
المُهم المره الثانية قصيت شعري بعد ما طول أشوي بقصه ثانية مع هالفلبينية نفسها ، شو أقول وشو أترك انهبلت يوم شفت شكلي ، ماعرف أنا بنت ولا ولد ، ماشي أنوثة ، القصه غريبه كانت .. أشوف نفسي بالمرايه أقول وين شعري .!!! طلعت الفلبينية مخربطه فالقصه ..
حتى يوم رحت البيت الكل ساكت ، شكلهم كانوا مصدومين ، وأمي تشوفني جي @_@
كرهت بوقتها بالشعر القصير ههههههههه
وفي مره رحت صالون ثانية بعد ما حرّمت أروح عند الفلبينية لأنهم ينتفوا الشعر تنتيف .. يوم يلست تعدل قصتي وحده مغربية على ما أظن ما خلت تعليق ما قالته ، حسيت أن عيوب الدنيا كلها فشعري هههه
طولت فالكلام وأنا أتكلم عن هالشعر الخرافي لووووووول بس أحس أني أبى بس أقعد أسولف وياج ..
أرتوس ما فكرتي شي مره تتكلمي عن ( الأنف ) ؟ بصراحه أنا يوم كنت صغيرة خشمي كان وايد حلو نحيف وفيه رفعه بسيطه ، كان ممدوح .. لكن أنا أعرف ألعب بنفسي أخلي الزين شين والشين زين :”(
وعلى كثر ما لعبت بخشمي تغير .. أحس بوحده من الجوانب فيه نفخه بسيطه فوق الأرنبه ، وأشوي منتفخ ، تدري أرتوس أني يوم كنت صغيره كنت أحط المشبك مال الثياب فخشمي ؟ كنت أشوف بالرسوم المتحركة جي يسوون وأنا أقلدهم ، حتى في مره أنفلعت بحصى بالقلط فوق خشمي ، دارت الدنيا علي بوقتها .. أرتوس إذا يلست أكتبلج مواقفي بتقعدين تضحكين عليّ هههههههههه
الله يسعدج يا أرتوس ، دايما تسعدينا فتدويناتج :*
حبي لج وللوالده الله يغفر لها
♥
يسعد اوقاتگ
ان شاء اللهـ تكوني ب أفضل الأحوال
ربي يبارگ جهودگ تُشكري من الأعماق
عزيزتي تواصلت معاگ ب الانستآ بخصوص اسمرار الرقبهـ وزياراتي المتكرره للعياده بدون اي نتيجهـ ورديتي بارگ اللهـ فيگ انو استخدم كريم مرطب من يوسرين مع الشور اويل مبدئياً واستخدمتهم شهر وكم يوم
الآن عندي احماض الفواكه بنسبهـ ٥ ٪ تنصحي استخدمها لحل المشكلهـ ؟
وبالنسبهـ للحمام المغربي انا اسبوعياً استخدم الصابون المغربي فقط
وفي ردگ عن الحمام المغربي ذكرتي انو يسبب بقع بسبب ترسب ماده الأمايلود هنا تقصدي الصابون ؟
طريقتي ،،
ابلل جسمي وبعدها استخدم زيت السمسم وادلگ ب أداه المساج لمدهـ ١٠ دقائق بعدها امد الصابون المغربي واتركهـ شوي وابلل قفازات التقشير وادلك بها بدون مبالغهـ
لاحظت ينظف من قلب وينور الجلد بس هل طريقتي سليمهـ وصح ؟
تقريباًاستخدمها كل ٧ الى ٨ ايام اذا طولت احس يبهت لوني
ب الأخير اشكرگ ع كل م تقدمين ولگ خالص الدعوات
موفقهـ ..
يعطيك العافية أختي
صراحة مره نستفيد منك
ياليت لما تجي نحكي عن الرياضة تحكي عن طريقة اختيار ملابس الرياضة عندي معاناة مع البرا ايش المقاس المناسب وإذا لبست إيش مفروض يكون الشكل
الله يكتب اجرك ويسعدك على هالتدوينه .. قريتها على ثلاثه ايام كل مره اقرأ جزء .. جد جد مقصره معاك والآن اكتب لك وانا لسى بالجامعه .. قلوب وبوسات ودعوات
جزاك الله خير مجهود جبار ويستحق الشكر
ابغاء اشتري اله براون بس رحت لساكو واحترت فيه كذا شكل وش الافضل ومن وين افضل اشتريها تكون اصليه؟
وصدق تسبب بشعر تحت الجلد
لي فتره ماشلت لاني مقرره اشتري بروان بس ابغاء اجوبتك عليها اول
كيف اعطر شعري استخدم شامبو بالصبار ريحته مو حلوه ابداً ما توضح مره بس ما حبيتها عادي ابخره اذا ايه ايش افضل بخور ❤️ > شعري دهني 🙁
ماتكلمتي عن نفسك وتخصصك ودراستك ومجال عملك 🙁
اهلن اهلن اوسه
ليه طار ردي مع اني ماحطيت رموز
المهم اشكرك ياقلبي
انا لي فتره ماشلت الشعر لاني ابغاء اشتري براون
بس رحت لساكو لقيت نوعيات كثيره واحترت ابغاء تعلميني اش الافضل ووين احصل الاصليه
ويقولون انها تطلع شعر تحت الجلد صحيح هذا الكلام ولا لا
عارفه مو مرتب كلامي اكتب وانا داااايخه
شكلي دايخه من قلب
هههههه يوم رديت لقيت ردي الاول فوقه
اهلن اهلن توسة
عندى سؤال انتى تكلمت بخصوص علامات التمدد وطريقة معالجتها وان كل ما عالجتها بالبداية وهى حمراء ينفع العلاج اكتر واكتر
لكن سؤالى اش الحل مع علامات التمدد اللي دايركت تطلع بيضا
هل هى فعلا تمدد لانى ملاحظتها من البداية تطلع بيضا ما غفلت عن جسمى بعدين شفتها دايركت تطلعلي بيضا
فكيف اعالج هالشي خاصة انها مشوهتنى ؟؟
اهلين ارتوس
اول شي الله يرحم امك ويجمعك فيها في الجنه امين
سؤالي عن اسمرار مفاصل اليد من كنت صغيره وهي سمراء
ماعرف السبب مع انو امي وابوي واخواني حتى الاولاد مافيهم هذي المشكله ومره مازمتني ارطبها كثير واستخدمت كريم مبيض طبي ولا فاد
اعتذر عزيزتي. ارسلت سؤالي مرتين الأول ب اسم روز لأن مو متأكده من البريد فما توقعت يوصل واعدت الأرسال ب اسم موني ببريد جديد.
مع خالص شكري.
مساء الخير
شبخارك ارتوسي ؟
سوالي ليه لم اتعطر مانكي بخاه شي برغم ان خواتي لم يتعطرن بنفس عطري يجلس لين بكرا وريحة ثابته الا انا
ارتوس لي فترة ادور شاور جل سانت ايفز عجزت ألقاه عندك خبر هل موجود او مقطوع؟
سالفه اسوداد الإبط كنت أعاني منها لدرجة احاول مالبس كت واكمال قصيره عشان ماتظهر
كنت اشيلها بالشمع
لكن الحمدلله لقيت الحل يوم شلتها بالليزر
وحد اللون وراح السواد من اول جلسه والريحه اختفت ولله الحمد جد ماصدقت لدرجة اقعد اطالع ابطي ساعه مااستوعبت معجبه فيه ههههه
فاللي تعاني من كذا لاتتردد
وشكرا ارتوست الله يسلمك اسئله واجوابه مفصله تعجبني امانتك بالطرح
مرحبا ارتوس
بصراحة لي سنتين اتابعك بشامواه واستفدت منك كثير الله يوفقك دايم ادعيلك
وعندي سؤال يفشل حتى
انا استخدم ساونا منزلي بين فترة وفترة وكان عندي مشاكل بساقي وخفت الحمدلله
لكن المشكلة الازلية لون الركبة مايتغير
بجد اتمنى تنصحيني وش اسوي
ارطب باستمرار ، واذا فيه مرطبات قوية تنصحين فيها؟
بجد شكراً لاني فكرت اسوي التقشير بالعيادة لكن سمعت انه سيء
يعطيك العافية.. بحدث انتظر ردك
كل الحب
مساء الخير
ارتوس ممكن تتكلمي عن عﻻج النقط البنيه بالحزء السفلي بالجسم :((
اتمنى تتكلمين عن كيف البنت تختار و كيف تقرر انها خلاص صار الحين وقت تأسيس عيلة
انا مثلا لاحظت افكاري تتشابه مع افكارك في حكاية اني ابغى زوج منفتح ومايقيد حريتي وماتكون نظرته للمرأة بس للبيت
المشكلة اني عيلتي ضدي في هذا الشي وانو لازم الزواج التقليدي وعاد تشوفين يا يضبط يا تعيشين بقرادة
يعني تكلمي عن ذا الموضوع شوي اذا سمحتي 🙂
– ثاني سؤال اش تتقني اشياء غير المكياج والعناية اش تحبي تعملي يعني ؟
test
صباح الخير سيدة الجمال أرتوس
الله يرحم الالوالدة و يغفر لها و يجمعنا بها في الفردوس .. قبلة على جبين والديك الرائعين .. بالفعل عائلة سوية ابناء قمة بالجمال
ههههههههههههههههه انا سبحان الله عيال الحب اطلعهم يجون حلوين حتى زيك أرتوس
بما ان عندي تصبغات بعد الكلب التشكن بوكس اول شي حذرني منه الدكتور هو الحمام المغربي و الليفة الخشنة عموما قال لي الالفرك يحفز صبغة الميلانين فعلا الحمام المغربي كثرته كارثة
يعطيك ألف عافية ارتوس و يرحم والديك
يعطيك ألف عافية
استفدت كثير من الاجابات..
وانقهرت عشان الاوربتراك … شاريته من كم شهر
بسألك انا عيوني شوي مبطنه….وأحب كثير رسمة الاي نير بس ماحصلت الرسمه اللي تناسب عيوني …وش تنصحيني به..
…….
لرسم الحواجب أفضل استخدم البودرة أو الجل عشان تطلع بمظهر طبيعي …وش تنصحيني بأفضل ماركة فرشة للحواجب(رقمها) .. بالاضافة لافضل ماركة بودرة او جل للحواجب..
…..
عندي مشكلة ان بعض الاضافر لمن تطول تنحني لتحت وهالشي بيزعجني لانه بس بأصبعين والباقي تمام
اعاني من مشكلة اسمرار مفاصل اصابعي مع اني اعمل لها سنفرة بين فترة وفترة والترطيب يومي بس هالشيء زاعجني كثير ..فأيش تنصحيني
أعذريتي على كثرت اسألتي المتقطع بس رافض التعليق يرسلها مره وحده
يامسا الخير الوافر هنا
لاهان التعب وملا دربك فرح الهي
بغيت اسألك عن ” العناصر والمكونات الي لازم تتوفر في كريم حبوب الوجه إذا كانت حمراء ”
اعاني في منطقة الذقن و ماحول الأنف :”( منطقه ملتهبه على طول
حبوب حمراء دائماً وأحيان قليله بيضا بس البيضا تروح على طول ماتجلس اكثر من يومين
لكن الحمراء دايم وبعضها أحسها من تحت الجلد مش بارزه لكن مكونه انتفاخ وحمراء :”(
طبعاً كل هالكلام بعد عمليه جراحيه من سبع سنوات مالها علاقة بالوجه لكن بعدها صرت استخدم ادوبه منها الكورتيزون بشكل يومي
بدت الحبوب في هالمنطقه ومازالت مستمره
أخذت كريمات من كذا دكتور مافادت وجربت كم منتج في السوق تخف وترجع لكن ماتختفي
لدرجة أحس تصبغت منطقة الدقن
لي فترة ثلاث شهور وانا حريصه على الغسول والتونر وكريمات الترطيب
الي ابيه منك بعد مالاحظت اطلاعك الواسع في مكونات المنتجات وتشوفين عناصرها وتفاعلها مع بعض
ودي تكون عندي هالثقافه وأقرا لما اشتري وأعرف الشيء الي يفيدني والشيء الي ماراح ينفع ولا أستفيد منه
شاكرة وقتك الكثير الي تعطينا اياه يسلم عمرك
كيفك ياحلووه
انا بختصر السالفه واقولك مشكلتي انا اعاني من سواد المنطقه الحساسه وذا شي مسبب لي كئابه
وشي ثاني مره حكيتي في تدوينة اليزر عن الكلوتات واستخدامها الموضوع شدني ومن يومها وانا اسأل وادور ومالقيت جواب..ليت تحكين عن اهم الانواع واستخدامها
يا جمال روحك ❤️
في البداية .. الله يرحم والدتك ويجمعك فيها بالفردوس الأعلى
وأنا اقرأ كنت اقول في بالي منجد من خلف ما مات ، ووالدتك الله يرحمها خلفت وربت وعلمت ونعم التربيه والتعليم وأكثر شي شدني انك تعلمني منها عدم الخنوع وهذا شي راح اعلمه بناتي ان شاء الله. 🙂
واللي سألوا عن والدك بصراحه ما يعرفونك !!
من خلال متابعتك لاحظت انك كتبتي عنه اكثر من مره وكل اللي كتبتيه كان فيه كمية حب ومواقف حلوه الله يحفظكم لبعض
و الله يوفقك مع اللي بيصير شريك حياتك بصراحه محظووظ فيك
ادري طولت عليك بس آخر تعليق خخخ
ما تتخيلين كيف انبسطت يوم عرفت انك قصيتي شعرك ههههههه لأن انا اعشق القصير واحسه يزيد البنت انوثه اذا احسنت في تنسيق اللوك النهائي ، انا وجهي بعد بيضاوي واشوف القصير بيرفكت علي و ياكثر ما قصيت ونادرا اطيح بكوافيرات يبردون الخاطر
بس بسبب فكرة ان زينة البنت شعرها ما كان يعجب احد ابدا غير زوجي ، بس تورطت لما صارت موضة الطويل وطولته وبعد ما وصل لاكتافي صار كل من شافني قال ايييوا الطويل احلى :/
تقبلي ردي الطويل جداً مع حبي واحترامي ❤️ 🙂
انا عندي سؤالين
الاول سؤال شخصي:
اقتبس من حديثك
(الحَمدلله فَهمه إللي بَيكون شريك حَياتي)
نقدر نقول مبروك؟
السؤال الثاني:
معنى الاندرتون بـ مفهوم ارتوس
قريت مواضيع كثير بس للحين مافهمت شو الطبخة او بالاصح ماعرف اختار اللي يناسبني.
دايم اطلع يا مغبره او رمادي!
الله يقويك يارب هالتدوينه اللي خليتها عشان اقرها ع فراغ لان عارفه بيصير فيها قنابل افادة وحابه تدش مخي برواقه ،
بالنسبه لسالفة الكريمات المستورده ييارباه ( بصوت فارس عوض
ودي اجيب اختي واصك راسها عشرات المرات واخليها تقرأ عدل دايم تقوول ان بعض الاشياء اللي تطلبينها من ايهيرب مجرد اسراف ودفع شحن ع الفاضي هذي هي متوفره هنا مع اني جربت والله ومارتحت ورجعت اطلبهم مو خسارة اذا المنتج حسيت ان فيه جودة والله الشحن وبالعكس بعضهم مع الشحن بسعره
هنا حتى وبس والله قرقرت واجد . i loppppppppppe u
اخير تكلمتي عن شي بحياتس الخاصه كنت متششوقه واعرف عندتسس خوات او لا <ارتحت نفسياً زين عندتس اخت
أرتوس ابغا ادعم موضوع الرؤوس السوادء بإستفسار إلي هو
كيف نزيل الرؤوس السوداء القديمه جدا حاولت استخرجها بقناع الجيلاتين لكن ما زال في رؤوس سوداء قديمه هل الحل الابرة و اذا كان كيف الطريقه السليمه لإستخدامها وشكرا
ياحلو التدوينة قريتها مرتين مرررره روعه ومفصله
ارتوس نبغا اطول موضوع عن الزيوان هههههههه احبك
طرحك رائع جدا والله يخلي لك من تحبين ويرحم موتنا وموتاكم ويجمعنا فيهم في جنات النعيم يارب ..
ياحبي لكي
امووووووووووت فيكي فتحتي عيني على اشياء كتير
صراحة من يوم عرفتك احس اني سرت انثى واتغيرت كتير احووووووبك والله
ممكن تسويلنا رفيو عن الديرما رولر ابغا اشتري وحجة من النت بس ابغا شركة مضبوطة
ايش يطةل الاضافر بشكل اقوى مو لازم اسرع اقوى اهم شي
ما شا الله عليك كيف تنظمين وقتك ونفسيتك طبخ وعنايه ومكياج ورياضه وبنفس الدقه انا يا هذا ياذاك واذا دققت بكل شي فيني تتعب نفسيتي وتقل ثقتي بنفسي بالذات اذا مالقين النتيجه اللي تستاهل والعنايه عالم مايخلص وكل يوم يطلعون شي
التَدبير .. هُو مُفتاحك للوصول ..
نسقي وقتك بتكتشفين عندك أوقات فراغ كثير مُش مَستغلتها ..
ارتوس الجميله حبيت اسأل عن رأيك بالحمام الجاف او الدراي برَشّ على قولتهم شفت وحده تمدحه كثير بس مادري احس ماقتنع الا بكلامك انتي هههه❤️.. سمعتي فيه؟ وايش رايك؟
كتبت عنه موضوع من زمان بشمواه , أكتبي السنفرة السويدية شمواه بتلقين كل اللي سألتي عنه ..
نورتيني
ممكن تتكلمين عن افضل المنتجات اللي استخدمتيها لمن كان شعرك قصير pixie cut بليز..
شكراً 3>.
كنت اتمنى القى رد لكن شكرا جزيلا
جميلة فكرت الاستقسارات صراحة دايما ودي اسالك عن بعض الاشياء بس استحي اني اخرج اطار التدوينة خصوصا اني عندي استفسارات وافتراحات للصبح ههههههه وبدون مبالغة نويت اجمع كل الاقتراحات ومايدور ببالي اليوم عنها وبرقمها عشان اسهل عليك وماتطفشين من القراءة.
1- ودي بصراحة تزيدين اقسام المدونة لاني بصراحة اشوف مدونة خربشات كانت افضل من حيث الشمولية كنتي تتكلمين عن المطاعم مشنرياتك وغيره عشان كذا يهمني تضيفين قسم التسوق وتحطين مشترياتك مثل تدوينة شنطة مارك جاكوبز وكعب كريستيان لوبوتيان.
2- اتمنى يكون فيه موضوع عن افضل الشنط العملية الي موديلها اساسي مايموت نبي تتكلمين عن الانواع والنصايح ونفس الشيء الملابس ابي اعرف القطع والموديلات الاساسية في درج كل بنت ادري ان الحصر صعب بس نبي ناخذ فكرة.
3_ هل سمعتي عن بوتوكس الشعر من شركة لوريال شفت الدكتورة هدى الصفار تكلمت عنه هل انتي مع هالاشياء او لا.
4-يالنسبة للبشرة المختلطة الحساسة وتعاني من القشور بالرغم من النظافة والاهتمام هل فيه علاجات بالعيادة ممكن تساعد بحل مشكلتي وهل انواع الليزر مثل الفركشنال فعالة ولا كذبة تجارية وترويج بس؟
5_ قبل فترة استخدمت سيروم استي لودر الي مدحتيه حطيته قبل الفاونديشن وطلع مكياجي رهييب بس للاسف انقطع من السوق الان ابي اعرف وش الخطوات الي قبل الفاونديشن ممكن تحسن من مظهر مكياجها باختصار كيف اهيئ بشرتي للمكياج ؟
6- وش افضل طريقة لازالة الجلد الميت والسنفرة غير الحمام المعربي وهل السنفرة الي بالسوق مثل كلينك وكليرنس فعلا تفيد وتزيل الجلد الميت لاني بصراحة اشك بفعاليتها؟
7_ ماهي افضل طرق تعطير الجسم هل انتي مع سالفة اللوشن الشاور جل ولا فيه اطرق افضل؟
8-ابي اعرف ارتوس هل بامكاني استخدام كريمات الريتينول مدى العمر بدون لاتطلع لي قشور ولا بس القشور تطلع اول فترة والبشرة اذا تعودت خلاص.
9- وش تقصدين بتنظف البشرة في العيادة ؟هل قصدك تنظيف البخار ولا وش بالضبط لاني حاولت ابحث في العيادات ومالقيت غير التقشير الفواكة والكربوني وغيره.
10- وسوالي العاشر هل تفكرين تظهرين اعلاميا ولا لسه بدري ع الخطوة هذي دايما افكر بالشيء هذا ترا.
11_ وفيه سوال يهمني كثييير ابي اعرف الفرق او وش تقصدين بالماركات التجميلية للعناية والماركات الطبية مثل ليراك ابي اعرف تصنفيها بالضبط وكلارنس وافين. ادري انهم مايتقارنون ببعض بس ابيك تفهمين قصدي.
12- ودي اعرف الفرق بين الكريمات الي مفعولها ترطيبي مُغذي او مُرطب مبيض و معالج ؟ لاني بصراحة بالرغم لمعرفتي للمكونات بس ماعمري ركزت ع المفعول او الوظيفة.
13- نفسي بصراحة يكون فيه تدوينة ثرثرة او عن الترتيب والنظافة ويكون موضوع عن البنوتات الي يلبسون عباة مدري كيف اشرح له بس موضوع عن برستيج العباية لانه كثير تشوفينها بالسوق عباتها مغبرة ولابسه قميص مدري بجامة ومظهرها رث هذا غير الشبشب باختصار كيف الوحدة يكون شكلها مرتب . لان فعلا منظر بعض النساء عندنا يسيء للسمعة شوي
14_ طلباتي اليوم ماتخلص بس مدري وش فيني طاقة سوالف وروقاأان خصوصا اني اقرا من مدونة خربشات ولقيتك كاتبه (
بَكتب شَلون فيه ناس كَشخه بَس كَشختهم تَخلينآ نَشوفهم مَبهذلين وَناس العَكس شَيك بَس مَرتبين مَثل ما نَشوف الفنانه نانسي عَجرم شَلون تَلبس بَنعومه وَ نظافه على نَقيض غَير فنانات كَشوخات بَس ببَهذله ) نبي تدوووووينة بالخصوص هذا
15- ههههههه ترا ماخلصت ودي اكمل بس من جد استحيت احس مصختها وخذيت راحتي بزيادة امزح معاك بس جد احس الي فوف كفاية لليوم واكيد ما زال ببالي شغلات كثيرة ابي اكتبها لك طبعا انا ماشاء ذكرت الف شغة وادري انه من المستحيل تتكلمين بالتفصيل عنها في ردة لكن ابي بس تاخذين فكرة .
و دمتي سالمة ارتوستنا ,,,
ارتوسي وش علاج خطوط الرقبة
أرتوس وش رايج بزبدة الشيا الخام الأصلية أنا جربتها لبنتي للأكزيميا واحس انها خفت شوي وماصار يطلع لها في أماكن ثانية والجروح بعد خفت وحطيت منها مع زيوت لشعري ومن اول مرة حسيت بالفرق خف تساقط شعري بشكل ملحوظ واستخدمته لجسمي بس لسى للحين مابين معاي الأثر لاني توني مستخدمتها مدري بس احس انج ماتحتاجينها
ماشاء الله عليك
اليوم قررت اقعد على مدونتك واقرأ اللي فاتني ولقيت معلومات جديدة ومعلومات تاكيدية …
لمن اقرا لك تدوينة او موضوع اقرا وكلي ثقة انه كلام من مصادر علمية وتجربة شخصية وكفاية انه نابع من القلب ..
الله يسعدك ويعطيك العافية على روحك الطيبة
استفدت بشكل كبير من كلامك وفعلا الاهمال الاستخدامات الخاطئه والاستمرار عليها تسبب كوارث بحق البشره وفوقها تأزم نفسي للشخص
مثل مااخذ وقت وهو بحاله سيئه الاكيد بياخذ وقت عشان نطلع بنتيجه حلوه وللاحسن والافضل
الله يعين اغلب المنتجات هنا ابدا مش اصليه ومثل ماذكرتي ملعوب فيها لكن احيان ننحد او نضطر عليها لان هي الموجوده والمتوافره بالاسواق فقط !
حكيك يختي ماشاءالله درر ولولو والله ربي يطول بعمر والدك ويرزقه صحه وعافيه ويدلعكم اكثر واكثر ههههههه ماشاءالله وايوا انت محظوظه ويزيدك حظ وخير وبركه ان شاءالله
ويجزاك كل خير ننتظر اكيد معلوماتك حلولك واقتراحاتك الجايه * قلوب*
مرحبا ارتوس ، طيب ايش الحل للحدود السوداء اللي ع أطراف الشفايف ؟