صباح / مَساء النشاط
أتمنى مايخيب أملكم بتدونية اليوم ، لأن كثير منكم كان يطالبني بتدونية رياضية ، وَ أول شي وَ أهم شي أشوفه بالرياضة هو إختيار اللبس المناسب للرياضة خاصة ( البرا الرياضي ) .
أول شرط عشان ترتاحين وَ إنت تمارسين الرياضة ، لابد تكونين مرتاحه بالمكان وَ الجو ، وَ قبلهم كلهم اللبس خص نص الستيانه ( البرا ) حمالة الصدر يعني ، لأن لو جيتي تقفزين أو تركضين مارا ح تقدرين تطبقين الحركه صح ، لازم نحافظ على كل شي بمكانه عشان مايتدودل ( يتمطط وَ يترهل ) ..
إذا كان مقاس ستيانك مو مضبوط صدقوني ما بتركزون بالرياضة ، الستيانه المناسبه تحققلك راحة بالتمارين ..
الجَهلة عَندما يَنطقون ~
عاد كل مانطقت كلمة ستيان صرت أضحك ، مرة كنت كاتبة بحسابي بالأنستا ستيان ، إلا جتني وحده مدرعمه تقول هههههههه يالقروية إسمها برا يَعني حتى أسلوبها فاشل بالإرشاد ، وَ تجيك بنت ثانية تعطيها على جبهتها وَ تقولها يا الخبله الستيان بالفرنسي يا ذات الثقافة الأمريكية
[ ههههههههههههههههه تحف بعض البنات ]
وَ من هالمُنطلق نَوضح زيادة السُتيان ( بالضمة ) بالفرنسي إٍسمه : Soutien-gorge = سوتيان قوغج
سُتيان = حمالة ، قوغج = صدر وَ عشان اللفظ يصير مليح وَ لطيف صار بس سُتيان وَ لما عربناه بما إننا مُش مُنشئين للموضة بالأوطان العربية وَ نتعلم من الفرَنساوية لعبنا بأم لغتهم وَ خليناه ستيانه وَ ستيان وَ التشكيل راح فيها ..
إنارة : لما تَستغربون شيء وَ تستسخفون إللي قَدامكم سوا بَحث قبل لا تستهبلون ، حَتى لا ينقلب السحر على الساحر
…
