رمضان مبارك
وَ كل عام وَ أنتم بَخير هُنا بالمُدونة .. وَ نعود بَحماس قَوي

أكيد كثير منكم سمع عن سشوار دايسون سوبرسونيك
Dyson Supersonic

تقريباً من سبع أشهر ( أعتقد بنوفمبر ٢٠١٧م ) شفته وَ أنا أتصفح … أول ماشفته قلت وااااااااو … آبيه الحين … حالاً بالاً ..
وَ للأمانه مِن جمال شكله حسيت إنه روعه وَ لازم أشتريه بالرغم إني مو بحاجته
لأن بالأساس نادراً أستخدم سشوار وَ ثانياً لأن عندي مُجففات شعر كثير بالبيت

وَطبعاً كعادتي درعمت قلت خل اقرأ مواصفاته سويت بحث طلع لي على طول بسيفورا قريت مُميزاته وَ كانت واو ، وَ ماأكذب عليكم قريته على عجل
وَ لا كملت وَ لا شفت تقييم المستخدمين اللهم شفت إن تقييم نجومه عالي لأن نية الشراء هي الطاغية

لكن أغراني بَعد شكله ، وَ وصف صوته لأن معضلة السشوار الأولى بالنسبة لي صوته
( جد صوته يسبب لي تلوث نفسي ، أنزعج بشكل كبير مِن الأصوات العاليه )

بالرغم إنه متوفر بسيفورا السعودية بذاك الوقت كنت اعرف إن سيفورا إللي عندنا مُتأخر وَ ماراح آلقى جَميع الألوان

فدقيت على جميلتي البيرسونال شوبر إللي ماستغنى عنها هاز
أنا : آلو هاز آبي هذا الشيء الجميل باللون الفوشيا
هاز : تم ، وش تبين بعد ؟
أنا : كل شي حلو وَ كشخه آبي ذاك الفير إللي شكله جميل
هاز : اوك بجيب لك أشياء إن شاء الله يعجبك وَ إن شاء الله ما سبق وَ شفتيها
أنا : OMG كلي حماس ( فيس يسعبل )

وَ ماهي إلا ايام وَ يوصلني ، بس شفت الكرتونه قلت : واو وش هَالجمال شكله شيء جميل ماكأنه اسشوار ! يشبه مُنتجات آبل

الشكل .. الملمس .. الوزن .. دقة الأزرار .. شكل التصميم
أتعب وَ أنا أقول واو … واو … واو أقل مايقال عنه مُجفف شعر ثوري
أول مافتحته شبكته ع الكهرباء إلا وَ أسمع صوته .. آبي اصيح مِن نعومة الصوت … وَ أخيراً تحقق حلمي وَ لقيت سشوار بدون صوت مزعج
إني لن أطيق صبراً لحين أول إستخدام

Stop ..

قبل لاتتحمسون وَ تشترونه إقروا للنهايه بس خل نمشي بشكل سريع على أهم مَزايا هالمُجفف الثوري الجميل وَ بعدها نستأنف الحديث عن تجربتي
…

إقرأ المزيد »