صَباح / مَساء الثرثرة ..
(المُستحيلات الثلاثة الغُول وَ العَنقاء وَ الخِل الوَفي)
من أقوال العرب في الصداقة وَ إللي تدل على صعوبة إيجاد صديق .
هل هي صحيحة ؟ أو فيها نَوع من التشاؤوم ؟
صراحة ما أعرف !!
يمكن أحتاج سِنين من عُمري عشان أثبت وُجود صَداقة حقيقة مُستمرة ..
لكن أميل للأعتقاد بوجودها ، مو لشيء بس لأني شفت علاقات صداقة حَقيقة
عَرفت أشخاص كبار في السن مات لهم أبناء وَ مات لهم أخوان مانكسروا إلا بموت أصدقاء الرَوح في مدة ماتجاوزت ٣ أشهر لحقوا بأصحابهم
( على لَسان أحد صَديقاتي ، كانت تَقول : أبوي تَدهورت حالته الصَحية بسرعة البرق بَعد وَ فاة صَديقه ) ..
صداقة المرأة للمرأة ~
بأحد اللقاءات مَع أخصائية نَفسية وَ اجتماعية روسية ذكرت أن صَداقة المرأة للمرأةمُستحيلة قبل سِن الأربعين لكن مُحتمله بعده .
الغريب بالموضوع انها أوزعت السَبب للرجل .
نعم سيداتي آنساتي الرجل في حياة المرأة وَ تحديداً التنافس على الرجال هُو السَبب
أتفق معها جزئياً بس بنظري السَبب مو الرجل إنما التَنافس بين المرأة وَ المرأة
المرأة بطبيعتها غَيورة وَ تقارن نفسها بغيرها كثير وَ غالباً ماتنظر لنفسها بسلبية وَ تقلل من شأن نفسها
فالتَنافس في مرحلة الشباب تكون كبيرة يمكن بعد الأربعين يقل هَالتنافس بحكم إن كُل وحدة تخطت مرحلة البناء وَ حددت أهدافها
مع إن الطبيعة التنافسية مُستمرة لأنه بعد عُمر ممكن تقارن عيالك بعيالها ….. إلخ
عموماً خلونا نعرف تَعريف الصداقة عشان نفهم هل علاقاتنا تعتبر صداقة أو بعيدة كل البعد عنه !!
تَعريف الصَداقة ،’
هي علاقة اجتماعية ، بين شخصين أو أكثر ، تقوم على المشاركة الوجدانية ، وَ تتميز عن غيرها من العلاقات الإجتماعية بالاستمرارية ، وَ التجرد من المَنفعة ( المادية المباشرة) ، وَ توافر قدر من الإشتراك في نَمط الشخصية وَ التفكير وَ السلوك وَ المقدرات الذاتية وَ الميول .
ركزوا في التعريف ..
– الإستمرارية
– التجرد من المنفعة المادية
– توافر قدر من الإشتراك
( يعني أي علاقة مَبنية على مَصلحة مادية لاتعد صُداقة وَ راح نستثنيها ) ..
وَ بالنَسبة لنا بالوَطن العربي أكثر شيء ( مُمكن تصادقك عَشان تتزوج أخَوك لووووول ، مُمكن تصادقك عَشان حَتى تلينين قَلب أخوك عَليها )
مُمكن تصادقك فَقط لأن عندك صَديقات كثير ، مُمكن تصادقك لأن عَندك سَواق فَقط يعني بَتلزق مَعك رايح جآآآي
مُمكن حَتى تصادقك لأن تَروحين مَطاعم وَ أسَواق وَ حفلات … إلخ
مَشروع الصداقة ~
يمكن ما توافقوني الرأي لكن أشوف الصداقة نُوعين (ترى الكلام من راسي مو شيء علمي )
• نوع مُستمر
• نوع غير مُستمر
لأن بطبيعة الحال إحنا بشر وَ البشر مُتغيرين وَ تواقين للتطور وَ التجدد
طبعاً لما ندخل في الصداقة حنا ما نحدد وَ نقول هالشخص أبي أصادقه سنه .. سنتين .. بعدين أسحب عليه !!
لما نتعرف على أشخاص أكيد في أشخاص نميل لهم وَ لا شعورياً نستمتع معهم وَ نحب لقائهم
فيه معارف وَ علاقات مانحب نتوغل فيها مُجرد مَعارف نقوم بواجب السلام وَ ممكن نتبادل أطراف الحديث وَ نستمتع معهم إذا شفناهم بمناسبه عامه قَعدنا وَ إنبسطنا مَعهم وَ إذا ماشفناهم ماراح نفقدهم يعني عابري سبيل في حياتنا .
( هذول ماراح نحسبهم لأنهم مو أصدقاء )
وَ في ناس نرتاح لهم نبدأ مَعهم مَشروع صداقة ، عجبونا وَ نعجبهم وَ بينا نقاط مُشتركة نتمنى لهم الخير وَ يتمنون لنا الخير ، مابينا حسد وَ لا همز وَ لمز وَ لا أحاديث من ورى بعض ، تَجمعنا المُتعة وَ أحياناً تبادل الخبرات وَ التجارب وأهم شي نمون على بعض وَ مع ذلك مازلنا في مَرحلة تكوين مَشروع صداقة
ليه مازلنا بَمرحلة تَكوين مشروع صداقة ؟
ـ أي علاقة في أولها مُمكن تبدأ بنوع من التَحفظ ثم تتطور تدريجياً وَ توصل للذروة وَقت الذروة يكون لها وهج وَ بريق البعض بهالوقت يندلق وَ يمكن يفصح بِكل ما عنده وَ يبدأ يحكي أسراره وَ يعتقد الكُل يبادلة الشعور وَ بنفس الوقت يطالبك تبادله ما أعطاك مِن مَشاعر وِجدانية
وَ طبعاً وقت بَريق هالعلاقة محداً يتأذي من عيوب الآخر ، لكن مع الزمن يبدأ التَشره وَ العتب وَ الحساب بهالوقت أعتقد تبدأ الصَداقة تفقد بريقها .
– العلاقات وَ الصداقات يبيلها وَقت عشان تستوي وَ تتعتق ، وَ بما إن إحنا بشر وَ متغيرين التَغيرات إللي تَمر علينا في حياتنا مُمكن تغير نفسياتنا وَ توجهاتنا وَ حتى أًسلوب حياتنا ، وَ هالشيء لاحظته في الصَداقات إللي كَونتها بعمر صغير جداً ، التجارب وَ نمط الحياة إلا مايأثر عليك فَمع الزمن تكتشف إن الأنماط المُشتركة بينكم تكاد تكون مَعدومة فبطبيعة الحال راح تنتفي المُتعة بينكم وَ راح تتحول الصَداقة لعلاقة أشبه بعلاقة الأقارب إللي يجاملون بعض بحكم الواجب فقط .
لكن بعض الصَداقات حتى لو ماكان لها ذَاك العمر الطويل ما فيها التشره وَ لا العتب وَ لا المُحاسبه تتحول لعلاقة أقرب للأخوة ، وَقتها ما تحتاج للحُروف لأن صَديقك راح يفهمك مِن نظرة عَيونك لدرجة حتى الأشخاص مُمكن يعاملونكم كَكيان واحد
الصَداقة مُو بالإجبار ~
كثير مِن الناس يحاولون يَفرضون عليك أصَدقاء مُعينين مَرات أهلك وَ مرات أصدقائك أنفسهم وَ مرات حَتى الزَوج ..
يعني فرضاً زوجك يَحاول يخليك صَديقة لزوجة صَديقه ( هُنا يبدأ عَدم الشَعور بالراحة وَ الرضى وَ النَفور ) ..
الأهل كَذلك يَحاولون تكونين صَداقات مع بنات العَم أو الخال بالغَصب وَ المُيول مُختلفة
أيضاً مُمكن صَديقتك المُقربة تَحاول بالغَصب إنك تَصادقين أحد صَديقاتها أو مَعارفها
وَ إللي حَصل لي شَخصياً مُحاولة أحد أخواني إقحام صَداقتي بَزوجته ، بَنظره إذا ما بَتصير صَديقتي مَعناه إنها راح تُستثنى مِن الإهتمام
طبعاً هالشيء ماكان له أي قُبول عَندي لأن أنا مُكتفية بصَديقاتي وَ على راسهم أختي وَ لا راح أنَجح علاقة بالغَصب عَلى حَساب راحتي
القرابة وَ المَعارف شيء وَ الصداقة وَ الإنسان المُكمل لك شيء آخر ، لهم الحُب وَ الود وَ الإحترام لكن الخَلط فيه ظُلم لهم وَ لك وَ لأصدقائك
مَرة قلت لأخوي طَيب إنت بَترضى تَصادق زَوجي لو تَزوجت وَ تَوديه كل مَشاويرك وَ طلعاتك ؟! ..
سَكت ، لأن أصلاً هو ما يَحب أي أحد يَلزق فيه ..
وَ بالمَاضي العَتيق أمي وَ أبوي تعبوا وَ حاولوا يغصبوني على صَداقة بنت عَمتي ( تَحيه لك لو تَقرين ) سُبحان الله ما بيني وَ بينها حَديث أو نَقطة وَصل ، نَجلس ساكتين مَع بعض ، وَ آخر شيء صارت طَلعاتنا نَكايد بَعض ، هَي مَلزومة وَ أنا مَلزومة بالرُغم كَنا بأيام الإختبارات نَدرس سَوا وَ كلنا بنفس العُمر بَعد
وَ حتى هَواياتنا قريبة من بَعض ، لَكن ما الله كَتب إنه نَصير أصَدقاء يَمكن لأنهم أجبرونا نَصير أصَدقاء بالغَصب ، كَنت أهرب مَن عندهم وَ أروح عَند جيرانهم لأن جارتهم صَديقتي الرُوح بالرُوح هههههههههه مُفارقات الحَياة
تَغير الصَديقات بَعد الزواج ،’
قبل لا أطرح هالبَوست نَزلت كَنوع من جَس النَبض بَوست بالآنستغرام ، حول تغير الصَديقات بعد الزواج
طبعاً العازبات لَهم وَجهة نظر وَ المُتزوجات لهم وَجهة نظر وَ أنا أتفق مَع الإثنين شَخصياً ، هالأمُور واردة
مو شَرط الزواج ، مُمكن مَشروع جديد يَزعل الصديقات ، مُمكن دراسة تَخصص جَديد ، مُمكن هَواية جديدة
مُمكن حتى إهتمام جَديد بحياتك يَعفس هالنَظام مو شَرط الزوج بالتَحديد ..
لكن بما إن مَوضوع الزواج حَساس لدى البَعض فَهو إللي يَشكل لهم الغَضب الأكبر ، وَ لا نَنسى إن سبب التغير قَد يكون حُب التَملك
يعني صَديقتك بعد زَواجك تقلب عليك لأنها غيرانه من زَوجك ، حاسه إنه راح يَسرق وَقتك معها .. … إلخ
( بَعيداً عن التفكير الشاذ بَليز ، نَتكلم عَن الوَضع السَوي وَ الطبيعي )
أنا وَحدة من صَديقاتي قبل زَواجها إنَقطعت جُزئياً وَ لاحظت لما تَكلمني يَكون الإتصال عالسَبيكر كان مُجرد إحساس
وَ أتكلم عَن أعز صَديقاتي ، فقلت رُبما صَدى بالمُكالمة ما تَوقعت يكون عالسبيكر ، وَ تم زواجها على بَركة الله ..
بُمجرد ما تَوفر لها إتصال بَعد ليلة العَرس تقريباً الساعة ١٠ المَساء ، كَلمتني وَ كانت تَمثل لي دَور السَعيدة وَ فرحت لها .
بَعد شهر من زواجها إتصلت عَلي وَ كشفت حَقيقة إنقطاعها وَ قالت : إن أمها كانت خايفة مَني وَ من تأثيري عَليها ، تَخاف أخليها تَرفض زَوجها لأنها ما كانت مُقتنعه نَهائياً وَ أقنعوها تَحت الضَغط
فأغلب أحاديثي أنا وَياها عالسبيكر مُراقبة عَشان لا تَفضفض لي وَ عشان لا أحرضها ، وَ من الجهة الأخرى أمها كانت تَمنع إنها تَزورني بالرُغم كنا نَزور بَعض إسبوعياً
وَ طبعاً إتصلت لأنها مُش مَرتاحه وَ جاية تَدور حَل ، قَلت لها بالحَرف الواحد : خلاص صار زُوجك !! ..
يَعني مو دائماً الصَديقات يتغيرون لأن هُم يبون مَرات يكون بسبب مَنع الزوج ؟ ، مَرات الأهل ؟ وَ مرات الإنشغالات وَ إختلاف الإهتمامات ..
بالمُقابل لي صَديقة إنقطعت عن أغلب الصَديقات إلا مَعي آوكيه ، فَقلت لها يا فَلانة ترى يسألون عَنك
وَ كل ما سألوني أقولهم : ما أدري لي زمان عَنها ( حَتى لا أحطها بَموقف مُحرج ) فقالت لي : أنا فَعلاً مَشغولة ..
قلت لها : عَلينا مَشغولة ؟! .. صراحة ٢٤ ساعة لازقة خَشتك بالتلفزيون مَسلسل وَرى مسلسل .. شَوية من وَقتك إسألي عَنهم
أو قولي لهم الحَقيقة خلاص لا تسألون عَني ، أو دَبري عَمرك أما تَنقطعين كأن فيك بلاء وَ لا شيء حق العَشرة صارحيهم
وَ عفكرة هَي مَتزوجة بس فعلياً مو مَشغولة ، لأن عَندها وَقت فراغ لي فَوق ٤ ساعات باليُوم مَعناه تَقدر تجبر بَخاطرهم ، أو تَقولهم الحَقيقة المُرة
وَ من ناحية أخرى الأزواج إللي يَمنعون زَوجاتهم من صديقاتهم ، مَرات ينظر لهم إنهم راح يفسدونها
وَ مرات هو ما يثق بثرثرة النساء يحس إن فيها كَيد وَ شوشرة على حياته ، وَ مرات ما يبي زَوجته مُخها يتفتح على شيء جَديد
وَ البعض غيرة يبيها له فَقط وَ إهتمامتها إما له أو لعياله ، حتى من خَواتها يَغار
وَ هذي صَديقة أعرفها شَخصياً حتى جوال ما عَندها وَ إذا تبي تكلم أهلها من جَواله أو من جَوال أمه
بما إنها عايشه ببيت أهله الكَبير [ النَاس عَقليات صَعب تظلمين صَديقتك وَ تقولين لها تَطلقي عَشان حُريتك ، خلاص إدعي لها بالخير ]
مَتى ما سَنحت لك الفَرصة تشوفينها شَوفيها ، وَش بتسوين يَعني .. بعض البنات بالعافية تتزوج بتجين إنتِ تبددين حُلم حياتها وَ تقولين لها
خيرررر وَش هالرجل ؟! .. بالرُغم أنا ضَد هالنُوع من الرجال وَ عندي أراء إتجاهه بَس مُستحيل أعطي رأيي فَيه قَدامها أو وَراء ظهرها .. هي عارفة وَ صابرة
[ شأنها الخَاص تَكمل أو تَترك ] ..
ما قَطعتها إحترمت حَياتها وَ صرنا لو نَبي نَشوفها حنا الصَديقات نَجتمع ببيت أهلها ، وَ تخيلوا حتى ببيت أهلها ما يَثق هالثَقة ، أكثر من ٣ ساعات ما يَخليها
وَ لا نَنسى بعد إن الإنسان المَشغول بشيء جَديد سَواء دراسة ، أو زَواج ، أو عمل ، إن شاء الله جالس يَرسم لَوحه
طَبيعي بيكون شغوف بهالشيء ، مُمكن حتى تَكلمه ما وَده يَكلمك ، خلاص هُو فرحان وَ فاهي خَليه إنت وَش تبي مَنه تلزق فيه ، مَتى ما حَس برغبة بالرَفقة بَيجيك
مَن الشَغلات إللي قريتها بالأنستا بالبَوست إللي طَرحته ، رأيي المُتزوجات بصديقاتهم وَ سبب الإنقطاع ( اللقافة )
تسألها عَن خصوصياتها وَ حياتها ، عَفكرة لا تسألون هَي لو تَبي تقول بتتكلم ، سَواء المُتزوجة لا تسأل العَازبة وَ العازبة لا تسأل المُتزوجة
أما إللي يَتشرهون على صَديقاتهم تغار مَني وَ تخبي حملها وَ تخاف تَحسدها أو تَصيبها عَين ، حرام إرحمي نَفسك
أتركيها إذا إنتِ تعتقدين صَديقتك حامله كل هالمَشاعر السَلبية لك ، ماله داعي تستمرين مَعها تكسبين إثم وَ سوء ظَن
أنا أعرف كثير بَنات تَقولك لا وَ الله ما أحب صَديقاتي يا شَين القَعدة مَعهم بَس ما أبي أكون لحالي وَ أطفش
بُمجرد ما تلاقي أي شيء يَسليها ، تَسحب عليهم فأنتم من الأول أنتقوا الصَديقات الجَيدات وَ الصديقات المَرحليات هذول لا تَشرهون عليهم
أما إللي بعد الزَواج تتغير بسبب إختلاف المَيول وَ المشاكل وَ الإهتمامات شيء طَبيعي ، يَعني فرضاً عندها عُقم ماراح تريحينها إنتِ كعازبة
تبي وَقتها إنسانة جربت مو لأنها ما تَحبك أو قلت مَحبتها ، حَتى لو عندها مُشكلة أسنان بطفلها الرضيع إنتِ ماراح تفهمينها
وَ الحديث دائماً بالشَغلات الغَير مُشتركة يسبب نَوع من المَلل ، فلا هَي بترتاح تَحكي لك وَ لا إنتِ بترتاحين وَ ممكن مَع الوقت تَقولين يووووووه يا ذي البَلشه ( إبني وَ إبني وَ إبني ، زَوجي وَ زوجي وَ زوجي كأن مَحداً تزوج غيرها لوووووول ترى تَصير بالحياة )
صَداقاتي ~
أكثر شيء مُمكن يَخليني أقَطع شَخص للأبد التَشره الزايد عن اللزوم
فيه صَديقات لي مَن تَشوف خشتي وَينك !! يالقاطعة ( ذي الكملة تفقدني صَوابي ) ..
أحد صَديقاتي وَ إللي جداً جداً أحترمها هَي وَ عيلتها وَ قبيلتها كَلهم ياناس ، لا تَعاتب وَ لا تتشره ، مُتفهمه إنسانة عاقلة وَ رزينه
تَتخيلون أنا وَهي بنفس الحي وَ بيني وَ بينها مَسافة مَشوار بالرَجل ما نحتاج سيارة ، بس هَي لاهية بَشغلها وَ أنا لاهية بَشغلي
بُمكالمة وَحدة تَنفتح القلوب على بَعض وَ نعرف كل شيء عَن بعض ، أدق الأسرار وَ التفاصيل وَ مع ذلك لا مَكان للعتب وَ لا المُحاسبة
وَ هذاها مَن يَومين داقة علي عَندهم عَزيمة ، وَ نضحك مَع بعض طَبيعي وَ نقول صَدق إنا قَليلات الأدب شَلون عَدت سنتين
بالمُقابل صَديقة عَرفتها من الإنترنت ، ههههههههه وَعدتها بَشيء لو ماهي أصيلة قسم بالله كان سَحبت علي سَحبة الوَيل
توها أرسلت لي إنتِ مامنك أمَل ، عَطيني رَقم أبوك أنا أتفاهم وَياه .. طبعاً هي تَعاملني كأخت صَغيرة أكثر مما أكَون صَديقة وَ لها كل الإحترام
يَعني بَجد أنا إللي مَقصرة ، وَ مع ذلك لا مَجال لَسوء الظن ( عَلاقات مُريحة ) ..
أما أحد الصَديقات إللي أعرف لو أطلب عَيونها بتَعطيني ، قَمت من النَوم لقيتها مَرسلة لي ٦٤٣٢٢٢٤٥٥٤٣٨ مَسج بالوآتس
رَقم جَنوني ما أقدر أقرآه وَ المُشكلة دَخلت وَ لقيتها مُستمرة تَكتب ( قَلت لها Mute لمُدة أسَبوع ) ، وَ بدأت تَتشره إيه عَندك وَقت لبنات الآنستا صَح !!
إيه عَندك وَقت لفلانة وَ تجيبهم لي بالأسماء ، صَح وَ لا طقيتي لايكات لَفلانة وَ علانة .
هُنا أنا أعَلنت لَحظة الإنفجار ، قلت تراقبيني ؟! .. صاحية إنتِ
أنا مَثل الفراشة أحب أتَنقل بَحرية وَ لا أحب أرتبط بعلاقات مَحدودة ، أحب أصادق فَلانة وَ علانة وَ علتانه بَعد
مَهماً كانت علاقتي بك أو بَغيرك مالك أي حَق تسألين وَ مين تَكلمين وَ مين ما تَكلمين ، حَتى لو من مبدأ الفَضول ، ما تَعودت أنا على هالطريقة بالتَعامل أو بالصَداقات ..
إذا إنتم مو واثقين بَمقدار مَعزتكم أو مَكانتكم ، إبتعدوا عَني وَ ريحوا وَ إرتاحوا
أما تَصادقون الأشخاص حَتى يكونون أشبه بالدُمى المُتحركة لكم ، فهذا بعيد تَماماً عن مَفهوم الصَداقة
عاد مُمكن أتقبلها زَوج يغار عليك وَ يسألك ، مَقبولة صَراحة !! ..
وَ التعلق الزايد بالأفراد وَ الأشخاص شيء غير صَحي لك ، لأن مُجرد هالأشخاص ما يخرجون من حياتك مو شرط زَعلانين مَنك
بس لا سَمح الله مُمكن الله يآخذ آمانته وَ يموتون ، هل راح تَفقد روحك ؟! لا بُد من المُوازنه ..
الإنسان بَيومه ٢٤ ساعة ، بنقول ساعة رياضة ، ساعة تَجميعة دخلاته للحمام – تكرمون –
يَمكن ٦ ساعات إلى ٨ ساعات دَوام أو وَظيفة ، وَ أيضاً ٦ أو ٨ ساعات نَوم
وَ ساعتين بين تَحضير الأكل وَ أكله ، وَين الوَقت إللي بَيحصله عَشان يَعطي كل صَديق وَقت خاص فيه ؟!
وَين هواياته ، وَين جلسته مَع أهله ( أنا إنسانة إذا ما أجلس مَع أهلي عالأقل ساعتين باليَوم بَموت ) تَعودنا على جَمعة الأهل ما أقدر
وَ غالباً جمعتي مع أهلي تَكون مَع وجبات الطَعام خلونا نَقول مرات تآخذنا السَوالف ساعة بعد الغداء وَ مرات ساعتين ، وَ مرات نَجتمع بالإسبوع نَشوف فيلم ، مَرات نتناقش وَ الله ٦ ساعات وَ تشرق الشَمس وَ حنا نَحل عأساس قَضية الشَرق الأوسط
مَين ما كلمني بهالوَقت ماراح أرد عليه ، وَ الله مرات أقول لصَديقاتي ( برب مَع أهلي )
البعض يَقول خيررررررر ليه أهلك جَداد عليك ، وَش جداد طيب إنتِ جديدة علي ؟! ..
وَ مرات أجلس مَع أهلي بالصالة وَ لاواحد يَكلم بَعض بس حَس بَعض ، كَل واحد لاهي بَجهازه ( هَي مرات وَ مرات )
مرات تَكون إنت مُستمتع وَ ما يَنفع بجلسة الأهل الواحد ينسحب مَنها ، لأن أهلي إذا إنسحب واحد يَتفرقون ، يَخرب مُود الَجمعة
وَ لا هي شيء إجباري ، حِنا نَحب هاللمَة ، نعرف هُموم بَعض ، نعرف أحلام بَعض ، مَشاكلنا ، وَ مرات حتى نحارش بَعض وَ نستفز بَعض بالأراء
سَالفة الصَداقات وَ الأخلاص بها وَ الوفاء سالفة مُعقدة صَراحة
وَ حتى تستمر تتطلب تَفهم وَ تعقل وَ مُرونة من الطَرفين وَ إحترام للخصوصية وَ الخطوط الحَمراء
كل إنسان عَنده خطوط حَمراء حتى لو ما قالها لصَديقه ، من المُفترض يَكون فاهم وَ يستوعب النَقاط المُزعجة لك
– آرتوس مُمكن تَسحبين على صَديقاتك لما تَتزوجين ؟!
أنا خَلقة ما عَودت النَاس على نَمط مُعين ، وَ حتى إللي أشَوفهم يحبون يَحتكروني أنبههم إن سالفة إنتِ صَديقتي وَبس ما تَعجبني
وَ دائماً ما أنجرف بالعلاقات ، وَ ما يَعني ما أحبهم بالعَكس مُمكن أشاركهم كَثير من أمور حَياتي ، لكن الإنجراف برأيي يفسد العَلاقة وَ يحرقها بَدري
عفكرة مو بَس مع الصَديقات ، حَتى بين الأحباء وَ الأزواج مَرات أقول ليتني عَرفت هالشَغلات أبكر حَتى ما أكون حَرقت قليل من هالرَونق مَع شريك الحَياة
بس إن شاء الله ما حَرقت الكثير وَ تعلمت مَن التجارب ، لأن الإنسان إذا عَودته على نَمط مُعين شيء طَبيعي بيعتبر أي تغير وَ نزول بالعَلاقة بَوادر خَطره
وَ أكيد راح ينسبه إن مَحبتك له قلت ، أو بيقولك إنت تَغيرت علي ، أو ما عاد صَرت مَثل أول ، وَش إللي شاغلك … إلخ
وَ هنا يبدأ التَشره وَ تبدأ الشَكوك ، وَ إنت ماتَعطيني من وَقتك مثل ما أنا أعَطيك ؟!
فالأفضل الإنسان يَكون مُتوازن من بَداية العلاقة ، وَ هذي وَجهة نَظري مو بالضَرورة هي الصَح لكن هي الصَداقة إللي تَليق بَي
غيري يَمكن لأ ، فيه شَخصيات يَحبون الحُب الخانق أنا ما يَعجبني وَ أحب يكون بأي علاقة مَساحة من الحُرية للإنفراد بالذات ، أنا إنسانة أحب أدَون ، أحب أحلم ، أحب أتَعلم ، أحب أجلس مَع نفسي أحاسب نفسي ، أوعد نَفسي بتغييرات ، مَرحلة صفاء مع الذات
غَياب ساعتين مُمكن يراكم عَندي رسايل مَن نوع : وَينك !!
( هُنا تبدأ مَرحلة العَناد عَندي ، وَينك !! أنا أوريكم .. لووووول ) ..
وَ طبعاً بالأخير العَلاقة طَردية ، تحترمني ، أحترمك ، تَعذرني ، أعذرك ، تسامحني ، أسامحك
وَ لا تحسبها بين الصَديق كم مَره أهداني ؟! كم مره عَزمني ؟! كَم مرة كَلمني على حسابه أو على حَسابي لوووووول
( مُجرد ما تَفكرون بهالطَريقة إنتم مُش أصدقاء صَح )
وَ مو بهالسَهولة تَدخل صَديق وَ تطلعه ، يَعني أنا أهلي ما يَسمحون لي أصادق إنسانة وَ أعرفهم عَليها من ثُم أقطعها
لازم يكون فيه نَوع من السؤال ؟! وَش صار ، أو مالك حَق تعرفينا عليها وَ تقطعينها ؟
يَكون فيه نَوع من العَتب لأنها خَلاص صارت فَرد من العَيلة
يالله بَوحوا بيلي بَخاطركم ، شاركونا مُقتطفات من صَداقاتكم ..
وَ السموحه عالتأخر بالطَرح ، لكن كَلامي إرتجالي
دُمتم بَحب وَ تعقل
تم
زَينهم الوَفيين ..
اه كتبت رد ايش طوله طار ?
ونروق على التدوينه
إسم الله عَليكم صآحيات ..
واخيرااا
مكاني
هلا صَفا عاد متأكدة إن بَقلبك الكثير لأن ردك بالآنستا كان مُعبر
اي والله يا ارتوس بقلبي كتيييير كتير لدرجة من اول مانزلتي البوست وانا عم حدث المدونة كل شوي … مع انو عندي طلعه بعد ربع ساعه .. ومتجهزة ولابسه مابدي اطلع لأقرأ تدوينتك
اول شي خليني احكيلك عن الصداقه انا الصداقه بتعنيلي كتيييير عندي ياها وجودها شي اساسي بحياتي ومع هيك اصدقائي الحقيقين بينعدو على الاصابع .. وبرأيي رفيقة وحده ممكن تغنيكي عن الف رفيقة .. بالنسبه لكيف بتبدأ علاقتك برفقاتك انا غالبا الي صارو رفقات عزيزين على قلبي كتير كانو قبلها لفترة مو قليله مجرد زميلات .. في رفيقة الي من 6 سنين بعرفها درست معها بس اولى متوسط وتاني وكنا بهداك الوقت زميلات اكتر من كوننا رفقة بس هلأ هي اكتر وحدة قريبة لقلبي وبزورها وبتزورني ع طول صح احيانا بننقطع لفترة قصيرة اسبوع او اكتر بس علاقتنا كتير قوية .. وعندي رفيقة من اولى ابتدائي متخيله!! 12 سنة مع بعض مع ان هي سافرت من زماااااان ودرست بكندا و مامنحكي الا كل مدري كم شهر مرة بس مع هيك لما بحكيها بحسها هي نفسها رفيقتي الي اتعرفت عليها وانا عمري 7 سنين … شعور والله بجنن برأيي بالعلاقات مابيهم التواصل اربع وعشرين ساعه قد مابيهم هالشخصين كيف هن فاهمين بعض وبيسامحو بعض وعاذرين بعض عالانشغال .. انا متلك تماما بحب يكون بكل علاقه مساحة لحتى لو انتهت هالعلاقه ماتتدمر حياتي ..
والله حاسه اني حكيت كتير بس بدي علق على شغله الزواج تعليق صغير
..فعلا احيانا لازم تعذري الي تجوزت لانو كتيير احيانا بكون جوزها مانعها.. والله العظييم يا ارتوس انو وحدة من قرايبني انو جوزها ما بخليها تطلع طلعه مع اخواتها الا مايكون موجود معهن!!! متخيله فانا بقلها كيف يعني انتو طالعين طلعه اخوات مافيها رجال وهو جاي حاشر حالو معكن ؟ بتقلي عادي بيقعد بعيد عنا بس اهم شي يكون موجود ..تخيلي صور مابخليها تتصور حتى بكامرتها الشخصيه وحتى هيه ولابسه نقاب !! ..صح انو الغلط عليها سامحة لشخص يتحكم فيها بهالطريقة ..بس احيانا بقول لحالي مدام هي مرتاحة وراضيه انا شو دخلني الله يهنيها..
و ع فكرة مو الكل نفس الشي انو بس يتجوزو بيسحبو في وحده من رفقاتي يوم عرسها كانت عم تحكيني وقت كانت بالصالون و حتى تاني يوم صباحية عرسها حاكتني تسألني عن شي .. و ع طول ع تواصل اول ماحملت صورتلنا تيست الحمل وبعتتو عالقروب لتخبرناا ف مو الكل نفس العقليه انو بتغار ع جوزها منا وبتخاف من العين..
كتير اسفه طولت بالحكي بس شدني الموضوع
بوسات كتير لالك .. كل ما ببفتح مدونتك بحس عندي طاقه حكي مو طبيعيه
….مكاني
هههههههههه فَيس مَغطي عَيونه
صباح الخير يااحلى طير ??..
خلاص مابعد كلامك كلام … بجد والله التشره وحب التملك والزعل في غير محله يخليك تعيد التفكير كثير بعلاقتك بالشخص لو هي علاقة عقود مش من سنين … انا مثلك صديقاتي يعرفونهم اهلي ومادام عرفتهم اهلي وجب السؤال عنهم غالبا ارد من زمان عنهم ولا ادوشهم بأسباب الانقطاع وامي تستنكر عادة …
انا اتحمل ممكن اشياء من صديقتي الى حد معين اللي هو اتأكد انها متعمده هنا انسحب بهدوء واحولها علاقة رسمية انا ويش الله حادني انا مااتعرفت عليك الا ابيك قد المكان اللي حطيتك به احترمي شخصي وتفهميني ولاتحاسبيني لو عارفه قدرك ماحطيتي نفسك بهالموقف …
انا مايزعلني غير اللي يشيل ويزعل من الخلا هنا نقول ويش يا توسه يرضى من الخلا … ^^
وطريقة انا سألت وانت ماسألتي وغيرها افهمها ترى مو مجبورة والله انا عاذرتك فاذا بتعذريني اهلا وسهلا ماتبين هذي انا اقنعي بي والا مع السلامه …
اقدر الصداقه واقدر التوافق اكثر بالعلاقات سواء صديقه اخت زوج كل شيء …
يعني انا محظوظه لو لقيت لي اخت توافقني الاهتمامات وطريقة التفكير ولو لقيت بنت ناس وعالم توافقني الاهتمامات ذي نعمه من السما اعدها اخت وصديقه …
وعلى قولتك هي مراحل البعض يعتقد انه عرفك زين زين ومثلا يحاول يلوي ذراعك بشيء انت تحبه او يمن عليك علاقته انا عند هالنوع اقطع العلاقات خاصة لو مو مقرب ابدن وتطفل علي … بالعاده يقولون عني اجتماعيه واكون صداقات كثيره انا اكون علاقات وزمالة كثير بس الاصحاب اكتشفت انهم قليل …
كلامي كثير واغلبه انت عارفته …. واعتقد اني سبب من اسباب هالموضوع وياليت الناس تتفهم ومايحكمون على طول ولايبحثون خلفك لانها هنا مصيبه المصيبات وانتفى معنى الصداقه بجد …
الصداقه شيء جميل لطيف خفيف اذا ماضحكني مابكاني يعيرك الاهتمام وقت اللقاء وتخرج له كل مابقلبك براحه تامه دون قيود ولاخوف من ان تكون فريسه تصطاد … الصديق وجه سمح بشوش يزيح الهم لو به هم … ليتنا نعطي علاقتنا حق قدرها ونبعد الوساوس وسهام الكلام ونكتفي بالانسحاب لو زاد الوضع عن حده بالنهايه هي بدأت بعلاقه جميله بالنسبه لي بنهيها بكلمه جميله ومايهون علي ماأسأل بين فترة والثانيه
وختام الكلام ابدعتي واحسنتي ووصلتي المراد ???
مكااني ?? انتظر تتحمل الصفحة كاامله واروق عليها
وأحلى صباح صباحاتك
هلا بالطَش وَ الرَش ..
صباح الخير والحب
بالبداية لو ماكانت المرأة صديقة للمرأة من تصادق؟؟ تصادق رجل؟ زياده عالحكم الشرعي احسه مستحيل لانه يجي وقت تتحول لحب فصعب جدا كل ماصادقت رجل حبته هههههه اندمجت ،، الا لو كان جنس ثالث فممكن لوووووووول
فبكذا لابد الوحده تتآلف مع صديقاتها وتلقى من تشاركه لان من جد الصداقه جميييله عندي ٣ خوات واحبهم كلهم وجلستنا مع بعض حلوه واذا اجتمعنا ماودي اطلع وارجع بيتي ،، ومع ذلك اشتاق لصديقاتي ولجلساتهم
اقدر الصداقه بشكل واحب تكون علاقاتي جميله
وصداقاتي كلها ماتوصل اني اشاركها اسراري واموري الخاصه دائما اخلي حد ،، حتى مع شريك حياتي لابد فيه حدووود للفضفضة
ولما يجبرني زوجي على زوجه خويه مو شرط اعتبرها صديقه ، استقبلها عندي ايه لكن ابدا مايعني انها تصير صديقتي ولو بالغصب
واما عن اللي تتغير بعد الزواج وتقطع زياده عاللي قلتيه انها ممكن تتعود على وضعها الجديد وتتاقلم معه وتتعرف على شريكها بالبدايه خاصه اللي ماتواصلت مع زوجها من قبل الزواج وما احب الزوج الشكاك واللي يمنع زوجته اذا انت مو واثق فيها ليه من الاساس تاخذها تتعبها وتتعب نفسك
ويقولك مايشره عليك الا اللي يحبك
اااه بس اي حب ،، لو يحب يتفهم
صديقتي من فتره ولدت وطووولت صراحه مازرتها لظروفي الخاصه وقعدت تتشره بشكل موووو طبيعي من بعدها وعلاقتي فيها عااديه جدا ،، بالرغم انا ولدت قبلها بفتره وما جاتني ولاتعذرت لكني ماتشرهت ولا شي والله عذرتها من نفسي واتواصل معها طبيعي
انا مثلك اذا مجتمعه مع اهلي ما اعرف الجوال بس اذا بوريهم شي وحتى مع زوجي لاازم نستغل جمعتنا ونستمتع بعيد عن الاجهزه
( أحب يكون بأي علاقة مَساحة من الحُرية للإنفراد بالذات ، أنا إنسانة أحب أدَون ، أحب أحلم ، أحب أتَعلم ، أحب أجلس مَع نفسي أحاسب نفسي ، أوعد نَفسي بتغييرات ، مَرحلة صفاء مع الذات) حبيييت بعيدا عن الموضوع اتمنى يوم من الايام اوصل لهالمرحلة واقدر انجز واغير واتغير واطور من نفسي واحقق امنياتي واحلامي
ارتوس كلامك جميييييل واستمتعت بكل كلمه
اسفه طولت بردي وكنت راح افصفص واطول اكثر بس خلاص ☺️
صباح النور ياهلا ، صراحه أكثر موضوع تحمست له
والله ياكثر ماصارت لي مواقف ،،
انا انسانه ماتشره والله الا اللي يتغير ويسمع كلام من الناس اني شتمته وفجأه ينقلب واسأل شفيه و يسوي ثقل هاذا بالوجه الباب يوسع جمل،
اكره اللي يتلزق ويبيني أسرد له قصة حياتي ، مره كتبت بالبيبي قبل ٣ سنين اسم كذا بنت و كتبت احبكم
جت وحده وقالت ليه ماتحطين اسمي قلت خير ؟
قالت انا مو صحبتك طبعا انصدمت قلتلها الله يعينك ع نفسك و ديليت هههههههه جد وش وضعها ، انا مثلك صحبتي الله يهديها معي تسولف كل شوي بس ساحبه ع الباقي ويسألوني عنها و اقول مدري واعذرها قدامهم بس هي مايهمها ، عندي كم بنت أحبهم حب مو طبيعي صح مانتكلم واجد حتى أحيانا ينسون يوم ميلادي ولا ازعل واذا جا يوم ميلادها اروح و اجيبلها هديه ومابيننا أبد و تجي وحده تقول من جدك جبتيلها هديه وهي نست يوم ميلادك ههههههه حب الصداقة مو بالتلزق ابد
موضوع حلو حلو والله يعطيك ألف عافيه و ترا مواصله عشان أقراه ❤️❤️
عاد أنا أشَهد لك بالتَفهم ، بجد بجد ليت الصَديقات مَثلك
جداً ناعمه وَ هادية وَ أدري لو وَش مايصير ما تَفهمين غَلط ..
أما إللي تَقولك وَين إسمي ، يآآآآوجه إستح ❤️
عَشان كرامته الواحد يَترفع مرات ..
وَ إنتِ حلوه حَلوه حلوه ، يآ قَلبي سَهرتك وَ الله
فيه كلام كثير بس مافيني اكتب ولاراح يرجع من الماضي شي بس الاهم اني اخذ درس واكون شاطره ومتزنه بالجاى
ولو عشت وحيده ماعندي مانع كمان اهم شي لا احد يضغط على ولا اضغط ع أحد
ويعطيك العافيه ثرثره حلوه
ويسعد صباحك
فَعلاً ، هذا الأهم الإتزان .. وَ عادي بالمُراهقة الكَثير يَغلط
بس هالمساحة من الحُرية ترجع الإنسان مَشتاق ..
وَحشتيني ..
كنّا ثلاث صديقات .. اشتركت مع إحداهن بتجارة واختلفنا وافترقنا .. ثالثتنا (سحبت) علي ولهذا اليوم لا اعرف لها سببا!؟ الا انها تركت في قلبي فراغ وحسرة لأننا كنّا نفكر بصوت واحد و آراؤنا واحدة و لا نختلف ابدا .. اشتاق لها واتابعها من بعيد على تويتر فقط لاتذكر طريقتها في الكلام .. أتمنى فقط ان تجمعنا الصدفة لأسألها : لماذا ؟!
كَلام جَميل ، الله يَجمعكم ..
بس تَقدرين تَسالينها ، عالأقل إذا أعَطتك مُبرر مُقنع يَكون لحسرتك قَيمة
أما إذا ما أعطتك أي مُبرر فما راح يَكون فيه أي دَاعي للحَسرة وَ النَدم
صباح الصباح صبّح ياعليم ?
صداقتي مع صاحباتي ولله الحمد جدًا مرنة يعني ممكن نلهى عن بعض وننشغل بس لما نرجع نرجع وكأننا أمس لسى متفارقين .. يعني مافيها ضغط أو تكلّف نفسي نقدّر ظروف بعض ونفسيات بعض والمهم مانخنق بعض بهالصداقة وبرضو ما ننسى بعض وسط ملذات الحياة أيًا كانت .. وعارفين إن مهما صار ومهما وصلنا مالنا غير بعض نشد بعض ونقوّي بعض
الموضوع جدًا جاء بوقته لأن أحد الأشخاص كان مستغرب علاقتي بصاحباتي قوية برغم قل التواصل
دمتي بهذا الرقي ?
قِل التَواصل ما يَعني إنقطاع المَحبة ، الأهم القَلوب ما تَشيل على بَعض
وَ الله يخليكم لَبعض ، حَبيت علاقتكم جداً جداً ، هالتَفهم أساساً راح يَعطيكم حتى طاقة إيجابية
نَورتيني أمَجاد
كلووو لعيوونك
ترا كلامي سريع ماتلاحظين ابي الحق قبل لايطير الكومنت تحت
هههههه
وجلست أشغل نفسي بالسناب هم و الأشكال اللي حاطينها
????? خاقه معها
هههههههه ليه فَيه تَحديث جَديد ؟! ..
ههههههههههه عادي حَتى لو طار ترى أنا أرد من لَوحة مُختلفة تَطلع لي كَل الردود ، فأرد بَشكل مُتتابع مافي شيء يَضيع
قَلبي إنتِ
اوافقك كل نقطة قلتيها فعلا الصداقه مو حكر لكل شخص اهتماماته ولكل شخص حياته .. عندي صديقة من ايام الابتدائي وللان معي علاقتنا جدا جدا مقربه اخت واكثر .. بس على قولتك ننشغل عن بعض شهور وفي مكالمه وحدة نطلع شوقنا لبعض ونعرف تفاصيلنا الدقيقه .. شكرا على هالتدوينه سلتني في طريق الجامعه الطويييل .. دمت بسعاده
الله يَوفقك بَدراستك .. ( أحرجت وَ الله أشغلتكم وَ سهرتكم بهالتَدوينة لازم أفكر جَدياً بتعديل وَقتي ) ..
وَ حلوه عَلاقتكم الله يَخليكم لَبعض ..
نَورتيني
يهون السهر اذا كنت بقرا تدوينه لك .. بصراحه كلامك لا يمل
صراحة لو كل اهلك مثلك ما شاء الله مالومكم لوجلستوا تناقشون بالساعات انا ودي عندي مجلدات من كلامك ماامل منه ودي ماتنتهي الصفحة وشلون لو صار صوت وصورة ??❤️
ههههههه ضَحكتيني هذي نَظرة المُحب ..
للأمانة أخوي الكَبير كَلامه لا يُمل ، أفضلنا آجَمعين وَ أكثر تَعقل
أما نَحن مُنجرفين بَعدنا وَ على قَولته مُتطرفين لازم تَعقلون ، بس الإنسان تُصقل شَخصيته مَع الوقت
أسَعدت بَوجودك
لا ابو ضغطه مطوله ويعطيك شكل لوجهك
برسلك الفديو بس لاتضحكين هههههههههههههه
ههههههههه أهَم شيء الشَعر لا تَفوتينه ..
لا والله مستشور هههههههههههههههه
لاني كنت بروح مشوار و مافيني كنسلت
ولا ماصورت شعري المضروب?
هههههه يا شَيخة كل شيء حَلو مَنك
وانت بعد ياحلوه
صح الاتزان اساس كل شي بالحياه حتي لا اجهد نفسي ولا الاخرين
وان شاءالله نكون صديقات لاخر العمر مع الثنائي الغائيبين
لا وَحدة غايبة ..
هههه آمييين يا رب ..
كلامك جميل ..و صحيح باي علاقه لا تندفع الى أقصاك فيها
احتفظ بشي منك لك ..
صديقاتي من ايام الابتدائي ..و بحكم اننا بقرية وحده فرص اللقاءات كثيره ..و الحمدلله كلنا تزوجنا و عيلنا و مانقطعنا..
و اوافقك ااراي في عدم فرض الصداقات على الابناء ..اخت زوجي تبي ولدي بالغصب يصادق ولدها ..و لو يختلفون بالمدرسة على براية جات الشكاوي ..ف صرت اجبره للاسف اقول له العب مع فلان .بس ولدي مب متقبل…?
احب نوع واحد من الصداقات اللي كلن ساحب ولاهي بحياته بس اذا اجتمعا كأننا مع بعض من سنين . وهذا قليل ، الناس عندنا يحبون التشره المشكلة كلن يشتكي منه بس كلن يسويه :/ وكل ما كبرنا زاد التشره :/
الصديقات عندي شي ثانوي ، يمكن الكثير يشوفه خيانه لكن شغلة ٢٤ ساعه نحاكي بعض حشا ما سويتها مع اهلي عشان مع صديقاتي.
للأسف انا اشوف هذا يعود للفراغ فالافضل تصادقين ناس مشغولين هههه عشان كلن يكون لاهي مو وحدة متسدحة لا شغل ولا مشغله وانتي مكروفه بشغلك ما ينفع كذا بتصير تتشره.
ثانياً اتفق مع اللي قلتيه بالبدايه الصداقة الحقيقية يمكن اذا كبرنا بس الان والواحد بمقتبل حياته وقاعد يحقق اهدافه يكون اناني يفكر كيف يضبط وضعه .
ثالثاً بالنسبه لصداقة الرجل << ياعيني ياللي مقطوع سرها بلبنان
انا جتني فترة قلت ابد صداقة الرجل هي الحل لكن بعد فيه مشكله هنا الرجل مستحيييل يصادق مرأة جذابة << الحين اللي يقرا الرد يقول ياعيني بعد يا ناتالي بورتمان هههه
لا بس خنكون صريحين مافيه صداقة بعمر صغير بعمر تنافس .
قد قريت مره ان الامر كله يعود الى التكاثر . لكن لان مجتمعنا محافظ ومافيه تميلح دايركت بين المرأه والرجل صار شوي لخبطة عندنا صاروا البنات يصادقون للطلعات الواجدة والتعرف على ناس كثير من عُليَّة القوم أملاً بخطيب يوافق التوقعات او على الاقل يمشي الحال لتضبيط الوضع طبعاً هو ما يصير بوعي (الفتاة / المرأة) * الا متى نقول فتاة ومتى نقول مرأة ؟ المهم يكون بدون وعيها تنجرف له وبس.
طيب ايش الحل يعني ؟ علاقاتنا عبارة عن مصالح مو بشكل مادي بحت بالضرورة لا انواع اخرى من المصالح .
لكن في نفس الوقت احنا [ الان اتكلم مو فتاة ولا مرأة ] لا كإنسان شعوب اجتماعية نعيش بجماعات *منب دب قطبي ههههه طيب خلاص ماراح انكت ثانية فالاختلاط واجب والصداقات والتعرف هو من طبعنا تركيبتنا الجينية .
طيب السؤال يجي وش السوات الان ؟
السوات الحياة اقصر مما تتحملين تتشرهين يضيق خلقك سوي اللي تبينه وماعليك الا من اهلك . حتى اهلك بعد ههه لازم يتفهمون اذا ما يتفهمون معناته للأسف لم ترزقي بافضل اهل ، والحياة ارزاق طبعاً يمكن انتي ما كان حظك اهل متفهمين حظك من الدنيا شي ثاني . هنا معناته مو تتنازلين عشان اهلك لا طبعاً.
المشكلة بعد بالسعودية اذا ما فزتي بيانصيب الاهل حياتك بتصير صعبة جداً فحاولي العيش بافضل طريقة ممكنة قدرتي تحصلين عليها هنا بتكونين راضية عن نفسك وهذا بالنهاية هو المهم .
عذراً عالشطحات العديدة بهذا الرد لكن نفسي اليوم مفتوحة للتفلسف.
شكراً لهذا المنبر .
اولاً السلام عليكم ورحمة الله وبركاته ??
ثانياًً موضوعگ رهيب والله وجمييل وواقعي جداً ❤️❤️❤️❤️سبحان الله في ناس عجيبين واطباعهم غريبه والصراحه في شيئ كمان بقوله انه في بعض البنات حديثات الزواج يصيروا ما يقعدوا مع البنات ويتكلموا زي الحريم مرا مثال بنت خالتي تغيرت ١٨٠ درجه صح حبوبه وطيبه وقلبها عسل وهيا صغيرة يعني عمرها يمكن ٢٢او ٢٣ وكانت بسم الله صدمة اسلوبها ومذا طبعاً مو للأسوء بس زي الحريم مراا ???????وتراني ما قدرت اروح المدرسه وما اقراؤه وربي ???
صباح الورد آرتوس
إستمتعت حيييييييل بالتدوينة …إستوقفتني كثير جملة الإنجراف بالعلاقات ممكن يفسدهاا
يعطيك العافيه ياارب
الصداقه شي رائع اذا عرفنا كيف نتعامل مع بعض انا لي صديقات اكثر من 15 سنه وصديقة عمري واختي فوق 36 سنه مافيه تواصل يومي ولا حتى شهري على حسب اوقاتناوضروفنا بس الحب والمعزه ثابته وهذي اللي متفقين عليه وبالعكس بعد الزواج احس صرنا نكلم بعض اكثر لكن التدقيق والتشره مو موجود
بالمناسبه انا وحده من متابعينك من ايام شمواه لكن نادرا اشارك ومن الناس اللي يحبونك جدا ومعجبين فيك جدا جدا
اللي خلاني اشارك الموضوع لاني اعشق الصداقه وصديقاتي لكن لكل مقام مقال بمعنى انو حياتي لي شي شخصي وهم كذالك بمجرد مانتواجه ونلتقي نكون كانو تاركين بعض امس مع العلم احيان تكون فترة الانقطاع طويله جدا ❤?
ياصباح الخير و الفل ،للأمانة ذكرتيني بشغلة لمن قلتِ هل علاقتكم مرنه ؟
ابدا مو مرنه وتعتب على أتفه الأسباب ، بينما انا مو كذا
لدرجة مره كنت مسافرة وكلمتها قبل لا أسافر بكم يوم اذا توصي شيء او محتاجة شيء
تخيلي ان بعد مارجعت تقولي ليه ماقلت انك سفارتي !
طلعت تبيني اقولها وقت السفر وقت ما أطلع الطياره !
وصارت مشكلة طويلة عريضة على ذي السالفة :/
وشكرا لك ??
اول مره اعلق صدق ي ارتوس جيتي عالوتر الحساس
اوافقك بكل كلمه كتبتيها انا من الاشخاص اللي احب يكون فيه مساحه بيني وبين الشخص مها كانت عندي مكانته لان الاتزان مطلوب وغير كذا من وجهه نظري تفقد العلاقه رونقها اذا مافيه دهشه وكل شي عارفينه عن بعض/: يعني ماراح نشتاق ماراح نتحمس لبعض
والشي اللي جد جد يخرب ع الصدقات الغيييره وحب التملك تخيلي انا كان عندي مجموعه صديقات تعرفت عليهم من دخلت الجامعه لمده ٣ سنوات وانتهينا بسبب غيره تافهه عشان كنا انا ووحده من المقربين جدا لي
ع علاقه عميقه فغاروا وصارت مشاكل لما انتهت علاقتنا فيهم !!
الله عليك ياارتوس كفيتي ووفيتي موضوع شيق امانه
بصراحه بتنصدمين مني في الصداقه
مااحب ادخل اي شخص في حياتي ع طول اخذ وقت ع احدد يناسب او لا لدرجه اني ماتزوجت للحين احس الصداقه فيها احتكار من تحاربي الفاشله معها الى الان ماعندي ولا صديقه وفي ناس يبون صداقتي بس احس اني ماراح اكفي معهم فما اعطيهم امل في دخولها تحاربي القديمه كانت ليش ماتدقين ليش ماتطلعين معنا كلها تشرهات ومباشرات وانا احب الحريه مااحب احد يفرضني عليه ماادري هل هذا طبع خلاص بستمر عليه ولا فيه ناس عقلاء انا ماعرفتهم ماانكر ان الصداقه حلوه ومشاركه واهتمام بس ربي ماكتب لي الى الان صداقه متزنه
صباح الورد
الموضوع جداً جميل احنا كعايله مانتشره نهائياً حتى لو ماقلت لاهلي خبر او لهيت عنهم يتصلون يسألون اذا انا كويسه والا لا وبس مافيه اي تشره من اي نوع خصوصاً بالعطاء .. ولله الحمد هذا طبعي مع صديقاتي وهم معي بنفس الطريقه صار لي ١٢ سنه متزوجه ومع ذلك علاقتي فيهم زي العسل ووحده منهم لسا ماتزوجت وتشتكي لي كثير من صديقاتها اللي انا مالي علاقه فيهم انهم يتشرهون عليها وشايفين انها مو متروجه معناها ماعندها مشاغل مع العلم انها مسؤوله عن بيت اهلها بكل شي يعني كأنها شايله هن ثلاث عوايل مو عوايلنا الصغيره بس سبحان الله الناس عقليات والتعامل مع بعضها صعب جداً .. ارتجالك جميل وبالفعل انا مااقدر الا اشوفك بعين المحب الراضي .. قلوووووب
كلاممك جممميل ويشرح الصدر والله
انا معاك اننا نعذرهاا اذا تزوجت انشغلت
وكذا ومعروفه انهاا مرح تكون مثل قبل فاضيه
كثير بس ماتوصل تعطي صاحبتها بلوك
وتحذف القروب خلاص ليش تنتظرين الين
تتزوجين احذفيه من الاول وريحي راسك
حلوو نفس ماقلتي الاتزان بكل شي
واحب البنت توفق مابين حياتها الزوجيه
ومابين صحباتهاا واللي تعزهم حتى لوو مره
بالشهر تطل وترسل هالشي يفرح والله
واهم شي مافيه تشره دوبك ترسلين وماادري ايش
خلاص ماله داعي تقبلوهاا بسعة صدر وكل واحد
وظرفه ?
اعز وحده من صحباتي تزوجت قريب وماهي معاي
مثل قبل يعني ماترسل كثير ومع ذالك عمري
ماتشرهت او قلت وينك وشفيك خلاص عرفت انها
انشغلت المسكينه اكيد بترسلي متى مافضت والحمدلله
محبتنا وصداقتنا مثل قبل
اختباري بعد شوي بدرس واجي ارد > جايه تحجز
ههههه بالمناسبه ضحكني تعبير الفراشه على كثر ماهو صادق..
كنت متحمسه وبرد بعد الإختبار مباشره …
مريت بتجربة صداقة أم نظام 24 ساعه، بالبداية كنت مستانسه انه اخيراً لقيت الشخص اللي يفهمني..إلخ، طبعاً راح هالبريق بسرعه لدرجة آخر فتره إنقرفت وصرت أختلق أعذار عشان أفتك من هم المحادثه اليومي.. إنهدم معنى الصداقه صار تقل واجب نتكلم، غير التشره على الكبيره والصغيره…
حالياً صرت أتردد مليون مره قبل لا أطلق كلمة “زميله” على أحد، ما عندي إلا “صديقه” وحده ومكتفيه فيها بعيداً عن نظام التشره والعتب..
الموضوع على الجرح من نواحي كثيره والعنوان ذكي، كالعاده طرحك للمواضيع مميز ويشد 3>
صبااح الخير /
كلامك جميل وراق لي ،
اتابعك من فتره لفتره هنا وبتويتر والانستا
تعجبني طروحاتك ❤️❤️
–
بالنسبه لها الموضوع للأسف
للان مافي شخص اقدر اقول انو
هذا صديق حقيقي
بالنسبه لي
كانت لي مواقف مع الاصدقاء في المرحله
الجامعيه خلتني اكره مسمى الصداقه والحمدلله
تخطيتها الان
وصديقات الدراسة انقطعت اخبارهم
وفي للان ببينا تواصل لاكن انا ماحب
الناس الفضوليه اللي تسأل عن كل شيء
يمكن العيب فيني م ادري
بس احس اني مكتفيه بحياتي كذا
مع اهلي واختي هي كل شيء لي حاليا
صح اوقات افتقد تجمعات الاصدقاء
وافتقد بعضهم واقول ليت الايام الحلوه ترجع
لاني ماشوف اني صديقه سيئه بالعكس
بس لمن اتذكر المواقف انسى الموضوع
ولافكر حتى مجرد تفكير اني اكوّن
صداقات جديده بالنسبه لي ذا باب مسكر
يمكن لاني انا انسانه حساسه
واذا احب احد احبه من قلبي وانصدم
من الناس اللي بوجهين او تكرهك
وتبين العكس فصرت اخاف
وم اثق بالغرباء ..
اكتفي بالسلام والكلام المحدود فقط.
وشكرًا لمساحة الفضفضه ???.
صباح الخيرات .. ?
كلامك يهببل آرتوس وفي الصميم رغم انه مرتجل بس غطيتي ماشاء الله نقاط كثيرة ..
عندي صديقات من مراحل مختلفة من الابتدائي والجامعة وكمان أيام ما توظفت وصراحة كلهم علاقتهم على وتيرة وحده معاي ، أقصد على مستوى واحد في قرب وللحين متواصلين .
صديقتي اللي مستحيل أنساها كانت بالثانوي وللحين أفتقدها وأحن لأيامنا سوا .. انسانه رائعة وحنونه ومتفهمة وأحسي شخص محظوظ جدا لأني عرفت انسانه زيها رغم مانتقابل كثير لأن كل وحدة بمدينة وحتى زواجي ما قدرت تحضره بس معزتها بقلبي مالها قياس ولنا 10 سنين ماشفنا بعض?
بالمقابل وحده من صديقات ايام الثانوي تفاجأت بإتصالها أمس وأنا فاطعة من زمان وراح رقمها من جوالي صراحة دمعت عيني لأن من جد كنت لاهيه عنها وهي كانت ضمن الشله يعني مش مقربة بس صراحة وفائها أخجلني.
عن نفسي ما أعتبر العلاقات اللي حولي صداقة حقيقية لأن محد يشاركني نفس اهتماماتي أو بعض أفكاري
صديقاتي كلهم عكسي دايم في كل نقاش أو كلام أنا أكون الرأي المغاير :/
يوم كنت بالثانوي و بعدين الكلية عرفت بنت مرة حبوبة و كنا مرة صاحبات مع بعض
بس اللي كان يخرب عليها صديقتها من أيام المتوسط كانت دايم تجرها لورا بحكم أن احنا نعرف بعض أكثر من 10سنين
وما يحق لك تتركيني أو تسحبين علي، مع أن البنت يوم كبرت تغيرت كثير و أخلاقها صايرة مو كويسة و تأثيرها سيء
زي هالنوع من الصداقات غير مريح بالأخير أنا طلعت من النص لأن ما أحب وجع الرأس
يعني زي كذا وحدة تعرفينها من أيام الطفولة أو المراهقة طبيعي تكبر و تتغير و ممكن صداقة الطفولة ما تستمر
بصييييييييييح ???? قلتي كل شي بقلبي ماكنت قادره اعبر عنه حرفيا ? اشبهك انا بطريقتك صداقتك بالضبط اقسم بالله كانك تتكلمين عني بكل شي بكل شي حتى بالقعده مع الاهل بالاتفراد بالذات بكل النقاط اللي ذكرتها .. انا ومراهقه عانيت من عتب الصديقات الحين بعد ماكبرت عمري ٢٣ قطعت كل صديقاتي لان بعضهم اللي يغار ماتبيني اصادق غيرها و اللي تبي تكون ملصقه ٢٤ .. مع اني اعرفهم من اولى متوسط لين التخرج من الثانوي .. لكن ارتحت نفسيا مررره .. كانوا يقولون لي انتي غريبة الاطوار مانفهمك وش تبين هههههه كنت ارجع اقول لامي تحسيني غريبه تقول لاء ? طيب اشبه البنات الطبيعيات ??? ياحليلي كنت احزن ? لين فهمت نفسي وفهمت انه مااشبهم بالتفكير ولا الشخصيه ولا حتى الاهتمامات .. طبعا مازاعلتهم لكن ماعادني على اتصال معاهم ان شفتهم صدفه عادي بسولف بس مايرجعون يخنقوني .. لي صديقه وحده مع اني عرفتها بالجامعه بس قريبه جدا لقلبي مهما اغيب واقطعها بمكالمه وحده يرجع كل شي بدون عتب ولا تشرره .. صح تقول لي غيبي بس طمنيني انك بخير .. طبعا الصداقه لها وجهات نظر كثير واحترمها بس انا نفس ماقلتي ( انا مثل الفراشه احب اتنقل بحريه مااحب احد يقيدني ) بالضبط هذي انا .. ومازلت احلم بصداقه الشباب ايه العيال ههههه احسهم رهيبين وما يخنقون صديقهم بصداقتهم ? ويقدرونه لو غاب و مايغثوني بنفس المواضيع السطحيه اللي تحرق لي قلبي ? .. اول مره بحياتي افضفض بخصوص الصداقه بس فرحت اني لقيت احد بنفس نظرتي للصداقه وتفضيل قعدة الاهل ?? عسى ربي مايحرمك منهم ويزيد على عمرهم عُمر بالسعاده والراحه ?
يسعد صباحك
الحمدلله في ناس مثلي زمان كنت دوم اعاتب نفسي اني منغلقه على نفسي وان الصديقه مهما طالت مدتها تبقى لها حدودها وماتتجاوز اساوار المدرسه او الجامعه وما تدخل عندي ضمن الاسره
انا من الناس اللي صعب اكون فيها صداقه ماحب التعمق في العلاقات بشكلل عام وغالبا تكون سطحيه لاني احب الخصوصيه وما احب يتجاوزها ما احب
الناس اللي فيها صفة التملك من تعرفك وتصادقك خلاص صرت ملك من املاكها مالك حق تفكرين او تتكلمين مع احد بدونها هذي علطول ابعد عنها ما احب اجامل على حساب نفسي
من تزوجت انتقلت لمدينه ثانيه واستمرت علاقتي معهم لين ما طاح الجوال والشريحه في الماء ووللاسف ضاعت معها كل ارقامهم
مازلت ادعليلهم بظهر الغيب وان شاء الله يجمعني بهم ?
ماشاء الله .. كفيتي ووفيتي ارتوس..
فعلا وصفتي الصداقه بالنسبة لي.. خاليه من العتب والتشره والنشبه
لي صديقة ما ابالغ لو اقول انها توام روحي..
صداقتنا عتيقه على قولتك.. ماتوقعت نكون صديقات .. لكن الايام قربتنا لبعض اكثر حتى صحيت يوم وفعلا هالانسانه وجودها بحياتي شي مهم..
نسولف فجاة ..وفجاة كل وحده تسحب.. ونرجع بعد كم يوم نكمل السالفه ..وبدون تشره ليه سحبتي ووين رحتي..
احسها الانسانه الوحيدة اللي اقدر اكون على طبيعتي معاها.. استهبل اضحك اسوي اشياء مجنونة قدامها مستحيل اعملها قدام احد ..
وهي نفس شي..
لو نجلس سنه نتكلم مانمل ولانطفش من كثر ما التقاش بينا ممتع ومسلي ..
ورغم المسافات بينا الا ان علاقتنا تبرق يوم بعد يوم.. عسى الله لايحرمني من عبورتي ..
تدرين ايش اللي دايم اقوله لها وهي تقوله لي..
اذا ماجمعتنا الدنيا عسى الله نتقابل على منابر من نور وعلى سرر متقابلين بالجنه..
اروع مكان التقي فيه بصديقة عمري ….
الصداقه ومادراك عنها صادقت كثير ومن الابتدائي اذكر اسماهم ونفسي اشوفهم واقابلهم بس زمن مافي جوالات وانا المتوسط صديقت عمري نقلت فجاءه وانا بثاني ثانوي وراحت للطايف وانقطعت اخبارها بقيت بقلبي ولمن طلع نمبر بوك واكتب اسمها وكان اسمها نغم مميز والعائله اسم غير منتشر ويطلع لي اسمها كامل بغيت انجن واحفظ الرقم واواصلها ونرجع نتواصل والحمد لله ..انا الحمد لله باقدس العلاقات المحترمه اللي مافيها مصلحه ولا انسحب ولا اتشره واواصل واحسهم كنز لانه نادر الصديق النظيف اللي يوافقني وعلى مودي مو بالساهل ينلقى ..صداقاتي بعد العرس في منها سطحيه وفيه قويه ووحده انا وياها 5 سنوات واكبر مني بفرق كبير بس اتفقنا وكل يوم نتقابل ومكالمات كل يوم بس نقلت وانشغلت بظروف نقل وبعثه وتعاتب وتتشره تغيرت تخرجت بنتها طبيبه وعلتني فيها بنتي تخرجت وماباركتي قسم كرهتني بالبنت وبيها خلاص بلا تشراه صح قصرتي بس لاتشغلينا كل ماحاولت ارجع العلاقه فتحت الموضوع وودي ابلكها بس المشكله ولدها تزوج اختي من قوه العلاقه قبل والحين بتتضرراختي لوتصرفت تصرف صارم والولد يسمع لامه وماودي اخرب على اختي ونصبحه اللي عندها صديقه وتبي اختها لاخوها لولدها تشيل الفكره لانها عوار راس وقيل وقال وخطنا طويل .انبسطت عالتدوينه وان شاء يتوعون البنات ويغيرون فكره صديقتي لي لاتمشين مع فلانه او علانه وكل يوم تصيح .الصدداقه اجمل من اي معنى ..
و اخيرا كل الليل و انا اشيك على المدونة انتظر تدوينتك انا متابعة جديدة بس ترا حفظت مدوناتك بكتر ما قراتهم و استفدت منك بزآآآآآآآآاف <<33333333
ي حيا الله ارتوس
تدوينه حلوه ومعبره بصراحه جميله
بحياتي لما كنت صغيره زميلاتي اعتبرهم صديقات طبعا سذاجة اطفال هههه
لما كبرت شوي عندي صديقه وحده وزميلات واايد
لي حد الحين عندي بس ثلاث صديقات بالاضافه لاختي تخيلي طول هاي السنين
من تزوجت الحمدلله ما غيرت صديقتي او تغيرت في منهم وحده تغيرت بعد زواجها خليتها ع راحتها لي حد ما اقتنعت ان الزوج اضافه وليس حياه كامله يوم اقتنعت ردت شكلها تحسفت وايد مسكينه
انه انسانه مستعده ابني صداقتي باي احد يحترم خصوصيتي اي تعدي ولو بشكل بسيط الاحظه و لكن اذا طالت وشمخت يممووه مني قطعه شريره ع طوول اقطعها من لغاليغها لوووول ومثل ما قلتي علاقة التشره ذي كريييههه اي وحده يوصلني منها انها زعلانه لاني ما سألت خاطري اصور لها الجدار اقولها طقي راسج لوول لاني ما اعتبر التشره حب ابدا اعتبره كان يبي يذلك ان اسال عنه غصبا عنك ما تيي المحبه بالغصب
امبيه جني كتبت تدوينه ثانيه ول ول ابد ما اثار عاطفتي
عساج ع المحبه ودمتي بود
صراحه انا من هالنوع
لدرجة صديقه لي كنت احبها واحترمها
سحبت عليها سحبه حتى انا مو مصدقه كيف تصرفت كذا
مع اني مو من النوع اللي يقل أدبه بس كانت تبيني دمية على قولتك
تبي تكلمني كل يوم ولما ما اكلمها تتشره
لما تشوفني بتويتر تتشره
حدتني عن حياتي
بالاخير خلاص ماعدت اتحمل
ماحب الصداقه اللي بالقوه اصادقك مثل ماقلتي
كل شي وله حد
والواحد يحتاج مساحه يفكر ويعيش حياته فيها
مو مجبورين نتواصل مع احد لغرض المجامله !!
كتبت رد وطار ?????
عالعموم تسلمين فتحتي مخي على شغلات ?
صباح الخير
بعد ماقريت الموضوع تعلمت انو مااعاتب مهما تغيرت علي يااسحب نفسي واقطع العلاقه ياأستمر بهدوء ?
وكالعاده طرح مميز
صباااح الورد
بالنسبة لصداقاتي مريت بوايد اشيا ولكن اهم شي ان مع الوقت صديقاتي صاروا يتفهمون اذا غبت او ما تواصلت معهم لاني دايما اوضح لهم اني ما احب حد يتشره او يعاتب وايد .. لانه طبيعتي اي شخص يتشره او يعاتب ابتعد عنه ..
وبالنسبة للصديقات المتزوجات بالعكس اقدر غيابهم لانه الزواج حياة يديدة فشي طبيعي انه البنت تتغير وممكن يقل تواصلها وتنشغل في وايد اشياء ..
واحس انه الصداقة مش مستحيلة اذا كل الاطراف كانوا متفاهمين ويابعض ..
شكراا ع الطرح ..^^
دمتي بخير..
آرتووس يا آرتوس أنتي خبيرة حيااه من جد يعني لو مااعرفك من زمان كان قلت عمرك من عمر أمي ?
تدرين بعد كل سطر قريته أوقف وأصفق لك وهكذا لمن خلصت
فعلا حس التجربه واضح بهالبوست وهذا اللي تعودنا منك ماتعطينا الا خلاصة تجاربك والحمدلله على نعمة الصداقه لأنها بغض النظر عن عيوب كل صديق عندنا في هالحياه الا ان بقاء الود بيننا بحد ذاته نعمه نشكر الله عليها تشوفين هالصديقات اللي مهما انقطعنا عنهم الا انها لازم تذكرك ببطاقة دعوه لزواج اخوها او اختها وتشاركك بكل مناسبه حتى لو برسالة تهنئه هذا النوع فعلا فااخر ومهما قطعتيه ماتشكين بزوال الود طبعا اكثر شي موجود بجيل الطيبين ? ايش السر مااعرف
صبآحك سٓــعيد ،
تدوينه جمييله وكلآمك آجممل
الصدآقه شي عميق مو معرفه عآبره وخلآص
آنا اقدر الانسآن اللي يعرف معنى الصدآقه ويحترمها المشكله في البعض خلآص صرت صديقتك يعني لازم آعرف كل شي عنك وخصوصيآتك لا الصدآقه مستويآت فيه اللي افضفض له وفيه اللي آحترمه وأسأل عنه وآنتهى
الحمد لله آحد صديقآتي المقربآت مع بعض من صغآر لحد الآن على ان جت فتره آنقطآع بس توآصلنا مع بعض وكملنآ هذي الانسآنه مآ أتخيل نفسي بدونها
الشي المحزن ?ان آهلها نقلوا من المدينه اللي سآكنين فيهآ وبقت هي تكمل هالسنه في الجآمعه وآتخرج يعني نهآية السنه خلآص بتروح صرت مآ عآد احب آمر من عند بيتهم يذكرني فيهآ وأيامنا
آما الصدمة فيه وحده آنقطعت عنا جلسنا نسأل عنها لين مآ جبنا رقمها رأسلتها آتطمن عليها وردها كآن جدا بارد ولا كأنها تعرفني خلاص لما شفت الرد آنسحبت بعدها بأسبوعين توفى آبوها عزيتها وقمت بالوآجب وخلآص مآ عاد أسال
فيه نوعيآت دامك معهم يكونوا معك بس مجرد البعد تنتهي العلاقآت آنا آقدر آحيآنا يكون الانسان مشغول آحيانا ظروفه مآ تسمح
الصداقه الحقيقة انك تسآمح وتعذر وتقدر
دمتي جميله ورآقيه
والله ياارتوس صارت لي مواقف كثير بالرغم متزوجه بس ماسحبت على احد علاقتي في قويه بالعكس هم سحبوا علي
عندي صديقه من اولى ابتدائي معي الى الان تزوجت ونتواصل بشكل مستمر لنا اكثر من ١٥سنه وكان لنا صديقه بعد من اولى ابتدائي بس للاسف ماتعتبر صديقه بعد ١٢سنه صحبه خانتنا وقذفت بنات وسبت بنات وسببت لي مشاكل كثير لو اقول شوي منها تنصدمين كانت امي تحبها وتقول لاتقطعيها لين خبرتها باللي صار معي كل اللي معي قاطعوها بسبب المشاكل اللي سوتها خاصه اللي قذفتهم مايبونها وبعدتها من حياتي من ايام المدرسه قبل اتزوج
وفيه وحده من جماعتنا كنت شبه يومي اتواصل معها حتى في شهر العسل والله كنت اكلمها اتطمن عليها واقفل بس للاسف سحبت علي بعد زواجي وتقول امها لامي ان بنتها تقول كل بنات الجماعه اللي تزوجوا سحبوا علي ومنهم انا قالت امي والله اني كنت ادق عليها وهي اللي تصرفني وسكتت وجيت زرتها في بيتهم وانا ماعتبت عليها قلت ممكن عندها ظروف بس لاحظت تصرفاتها ومره قابلتها في مكان ومن ضمن السوالف قالت والله انا مااحب احتك في بنات الجماعه اللي تزوجوا قلت يعني السبب منك مو منا
بخصوص الزوج انا مااحب المتسلط حلو التوازن في كل شيء له حدود مايتجاوزها معي حتى لو زوجي له كل الاحترام بس فيه حدود مايتخطاها منها اشياء ممكن الاغلب يشوفها تافهه بس بالنسبه لي اشوفها شي خاص ومايتحكم فيه اقصد بعض الازواج يحكم زوجته ماتحمل غير الواتس جميع البرامج ممنوعه وكمان بعضهم يزعل اذا ماكتبت له حب او تتحمد له بالسلامه في توبيكات الواتس زوج اختي زي كذا ممكن بعضهم يشوفه انه يحبها ويبي هاالشي منها بس بالنسبه لي اشوفه تملك مايحق له يزعل او يعاتبني على شيء انا ماابيه اذا سويته بطيبه نفس كان بها ماسويته مالك حق تقول شيء الحب والاحترام يكون بيني وبينه مو شرط العالم تدري
واهم شيء في الحياه احترام الطرف الاخر سواء اصدقاء او اهل او زوج بعضهم للاسف وشفتهم في حياتي كثير يبي يفرض رايه وانه هو الصح وانتي الخطأ نادر القى اللي يحترم وجهه نظري انا ماابيهم يتقبلوها فقط احترام
تدوينتك هذي فتحت لي جروح كنت اتناساها بالذات صديقتي اللي قطعناها والله اوقات اقول بدور رقمها وارجع اتواصل معها بس اخاف من مشاكلها واشيل الفكره من بالي
طولت عليك ياقمر
على طاري الصداقة الغالبية مفهومهم للصداقة غلط عندهم الصداقة دايم مع بعض وين ماراحت الثانية الثانية وراها نفس التفكير نفس الاسلوب نفس الشخصية بختصار نسخة ثانية مني وطبعا هذا غلط عني انا وحده صديقاتي الصدوقات على قولتهم 3 فقط ممكن في نقاط تشابه الي خلتنا نسوي هالعلاقة لكن في اخنلاف كبير جدا جدا وبعدين احس صداقتنا هذي الصداقة الصحيحة والحقيقة يعني احبهم وافكر فيهم وبمصلحتهم بس جدا عادي اشهر مااكلمهم واهم عاذريني وانا عاذرتهم لان كل وحدة غير يعني بعد ماتخرجت من الثنوي دخلت الجامعة تمام وحدة منهم دخلت بس شي يعجبها هي وثنيتن مادخلو لظروف انا ورفيجتي في ايام كلش مانبطل الواتس وممكن نرد على الي دزوه ثاني يوم بتزعل ؟ لا لان اهي رفيجتي وتحبني وعارفتني اني ماراح احقرها في شي شاغلني دراستي مثال ثاني اسلوب حياتنا مختلف جدا جدا جدا يعني الوقت الي اكون نايمه فيه اهي قاعدة الي انا قاعده اهي نايمة بس انا عارفه هالاختلاف واهي عارفة مو معقولة بالوقت الا اعرف انشغالها بروح اكلمها واذا ماردت ازعل انا اعرف انها بالويكند تطلع مع امها وخواتها من الصبح لي باليل راح ادق عليها واقطع وقتها مع اهلها لانها رفيجتي بس؟ لا اهي شخص احبه ومثل اختي نتفق في امور ونختلف في اخرى احب لها الخير واتمنى تحقق احلامها وبساعدها ان احتاجتني بس انا مو كل حياتها انا جزء صغير من اشياء اخرى اهم الصداقة عندنا تحتاج تصحيح للمفهوم
اشوى اني نمت ومااستنيت للصبح ههههههههه
اولا موضوع الصداقة جدا مهم عندي صحباتي نفسنا مع بعض من الابتدائي ودحين ٣ جامعه .. مانتكلم بشكل يومي بس نشتاق لبعض وحريصين انه كل فترة نتجمع ومهتمين جدا ف بعض انا شخصيا احب الحرية و الحدود عندي صديقة ثانيه من ١١ سنه وتعدي شهوور مانتكلم بس اول مااشوفها كأني امس معاها بعدتنا مسافات ومدن ورجعت سكنت ف نفس الحي بس مانشوف بعض بالشهور وبرضو المعزة والحب زي ماهما واكثر .. مؤمنة انه الصداقة والحب مو بالتواصل اليومي قد ماهي بالتواصل الروحي وهذه الصداقة الحقيقيه بالنسبالي والايام الي اشوفهم ارجع احس ان روحي حقيقي متجدده .. وحتى لمن اتزوج بعضهم مازلنا مع بعض مااتغيرو ولا اتغيرنا لان احس وصلنا مرحلة الاخوات مو صحبات ومافي تشره ولا عتب الكل عارف ومقدر ظروف وحياة التاني .. ودمتي بحب ياجميلة
صبااح او مساااءالخيير
الصداااقه شئ جمييييل بالحياااه احيانا ربي يرزقك بصديقه تكون اقرب حتى من اختك .. لكن جد حب التملك يدمر كل شئ مو بس الصداقه ..واه من التشره سواء صداقه او غيره مافيه احسن من اللي يحط للناس الف عذر عاادي يعني يمكن الانسان ينشغل يمر بظروف نفسيته تتعب ويبغى ينطوي على نفسه ..يعني خصووصا مفهوم ان الصديقه اذا تزوجت وانشغلت خلاص معناتها سحبت ..وغالبا هالكلام يجي من اللي ماااتزوجوا ..يعني البنت قبل الزواج ابدا وقتها مو زي بعد الزواج بدايه الزواج يكون وضع جديد وشهر عسل وشخص جديد بتعيش معاه طول العمر لازم تفهمه وتعرف كيف تتعامل معاه وهذا اذا ماصار حمل كمان وتغيييرات جسميه ونفسيه يعني اشيااء كثيره ..يعني ابدا لاتتوقع انها بتكون معاها زي قبل الزواج طول الوقت فاضيه ومتواصله معاها .. انا بصراحه صار لي نفس كذا زائد اني ادرس كمان يعني نهااائيا مافي وقت والحمدالله لما عديت من هالفترره رجعت لصحباتي زي ماكنا قبل صح كنت اتواصل معهم بعد الزواج بس كان تواصلي جدا قليل ولما رجعت هم نفسهم ماتغيرو وماكأن غبت عنهم الحمدالله صحباتي مو من النوع اللي خلاص سحبت علينا نسحب عليها ..لازم الانسان يعذر عشان تمشي الحياه بامور كثيييره .. ووبس والله قرقرت كثير .. من زمان ماعلقت بالمدونه ?
لك كل الحب ❤️❤️
يالله ماتتخيلين قد أيش هالحكي يشبهني كثير
فعلاً فعلاً أنا إنسانه أحب الحريه
أحب أكلم ناس جدد وأحب أمارس حاجات جديده
أحب يكون لي حرية التصرف لكن دون عتب علي من أحد
أنفر من هالعلاقات على طول يقل تواصلي معهم
ومهما كانت عندي علاقات قريبه أحب يكون فيها شوية مساحه للإنفراد بالذات مثل ماحكيتي
فعلا حكيك يشبهني وفاهمتك ومرتاحه جداً لهالتدوينه
أحب الصديقه الي لو غبت ٣أيام ماتقول وينك؟؟ وش فيك أختفيتي!! فعلاً أرتاح لها
من أكلمها أو تكلمني نبدأ سرد أحداث وميول وأحلام جديدة ونتشارك الأفكار
مافيه مجال للعتب أو التشرّه
لدرجة صار بالفتره الأخيره لو أنقطع أسبوع محد يسأل مو مايهمهم لكن تعوّدوا هههههههههه
تعوّدوا أن ماريا تختفي فجأه وترجع ولا كأنها أختفت
أحب جداً جداً نفسي وأقعد معها أكوّنها وأسمع لها وأخطط لإنجازات كثيرة
كانت عندي صديقة الروح بالروح وأنقعطت علاقتي بها بسبب عتبها وحبها الزائد لي
فعلاً مؤمنه ب (غار واعتب بحدود وحب لا حدود)
لكن هي تغار وتعتب وتحب بلا حدود هههههههههه
أحتراماً لها أبتعدت شوي شوي لحتى أنقطعت العلاقه نهائياً
مو هو السبب الوحيد لكن فعلاً أنا أنسانه ماعندي صبر وتحمّل لهالناس مهما كانت علاقتي بهم
أفهمهم يوم يومين شهر لكن عاد هي أختارت ماتفهمني وتقدرني
صح أن هالقرار ماصدر منّي بسرعه بالعكس بعد أصرار منّي أنها تتفهمني وتتفهم رغبتي
أحب العلاقه الي تفهمني وأفهمها تقدرني وأقدرها هنا فعلاً أسميها علاقه مريحه جداً
من قوة ما أنا متعلقه بهالعلاقه وأحبها وتريحني حيل
أفكر ما أتزوج لوووووول
فعلاً ما أتحمل فكرة شخص يومياً أنام معه وأصحى معه ويشاركني وأشاركه كل تفاصيل حياتي
لابد أن أرغب يجي يوم نتارق عن بعض شوي هههههه
فكرة الصداقه الحمدلله صديقاتي الي قريات مني جدا جدا وأشوفهم جزء لايتجزأ مني
أختي وخالتي وبنت خالي
هذول الي فعلاً أقرب منّي لي
ومتفهمين مزاجيتي وغيابي وسكوتي وكل حاجه بالدنيا
فععععلاً مافيه بينا عتب او غيره او نقطة حسد
الحمدلله يارب
ومرتاحين كلنا ومكتفين بهالعلاقه
طالما أهلك كللهههم دون أستثناء غامرينك عطاء وحب صدقيني راح ترتاحين ومنتي بحاجه لشخص آخر
مو انك ماعاد تصادقين أبد
لأ قصدي تكون علاقات أخرى مريحه وبسيطه وكلها أحترام وأخذ وعطاء ومشاركه ومافيها مجال للحاجات السلبيه
كثّرت حكي معليش لكن حبيت أشاركك
دائماً أنتِ الأقضل
البقاء لكِ
كوني أنتِ.
انا معآآكي فف هرججةة آلزوج فعلآ فعلآ أشيل هم إن في إنسآن حيدخل ف حيآتي وأضطر إني أشآركه أشيآء كثير ??
ويقولون الصداقات الي تدوم أكثر من ٧سنوات هي عادةً صداقه راح تدوم للأبد
والصداقات الي كوّنها ومستمره مهي للآن دامت ١٠سنوات ولله الحمد
ماتتقارن بصداقتي مع أختي وبنت خالي وخالتي لكن مثل ماقلنا هم صداقه مريحه ههههه
صادق صديقا صادقاً في صدقه
فصدق الصداقة في صديقٍ صادق .
كلام سليم 100%
تدوينه اكثر من روعه وكل كلمه قلتيها اوافقج فيها ، ومابعد كلامج كلام ، بعلق ع نقطه للاسف اني توني افهم غلطتي بجميع صداقاتي اللي هي ماحط خطوط حمرا بيني وبينهم اعطيهم كل شي بحياتي و اهتم فيهم بشكل مو طبيعي كأن انا بدونهم ما اعيش او كأنهم الاوكسجين اللي اتنفسه ، وفوق هذا بالمقابل كنت اشوف منهم عكس جذي عموماً هم بس ثنتين اللي فعلاً ضايقوني بس تقدرين تقولين هالشي صحاني وليت احد قبل قالي نفس كلامج الحين اتوقع مراح اواجه جذي اغلاط ، يعني تخيلي مره من المرات صارت عندي حلاة وفاة عرفت هالبنت بس اللي صدمني ان حتى ماهتمت ولا دقت ، شي طبيعي بتكون نفسيتي تعبانه ومحتاجه احد صح ، و بعد مده صارت هي عندها حالة وفاه قلت لازم اوقف معاها لان انا مريت بالحاله وكنت اتمنى اي احد يوقف معاي وكنت يوميا اكلمها واطمن عليها، لدرجة قالت لي ان انتي الوحيده اللي وقفتي معاي و على فكره هي صديقاتها اكثر مني وكانت قبل تهتم فيهم اكثر مني وبالمقابل هم ماكانوا يهتمون وكانت تضايق كنت اقول لها اعذريهم لاني فعلاً انا اعذرها لما اشوف ان لما اتضايق او يصير معاي موقف اشوفها ماتهتهم اعذر وهذا طبعي مع الكل دايم احط لها اسباب وانا اتكلم عن صداقه اكثر من ٩ سنين ، يمكن تقولين الصداقه مو عدد السنين بس بنفس الوقت العشره ماتهون ع احد وخصوصا اذا انتي وياها كنتم حيييل مع بعض ماتقولج دايم نكلم بعض بس نفس التفكير اللي يضايقني يضايقها وحتى ساعات توصل فينا نجس بعض اذا تضايقنا فجأه مثلاً احس بضيقه ع طول ادق عليها واقول فيج شي وتطلع فعلاً متضايقه يمكن تقولين تبالغين بس والله هذا الصج يعني لما تشوفينها تقولين توأم لان التوأم مويتعبون مع بعض يحسون بعض احنا جذي من كثر مو صداقتنا قويه كان الكل يقول متى تفارقون بس فجأه تغيرت والسبب، انا دخلت جامعه وهي دخلت كليه عاديه مع ان والله ماكنت ابين لها ان دخلت جامعه لان هي مو بس رفيجتي كنت اشوفها فعلاً اختي واكثر بس سبحان الله هي من نفسها تغييرت عبالها بشوف نفسي مع ان اقول لها عادي مو كل من دش الجامعه تخرج بشهاده نصهم مايتخرجون ونصهم يطلعون من معاهد بس شوفي نجاحاتهم يعني حيل ارفع من معنوياتها بس جد هي درس بحياتي عمري مراح انساه انا لما الحين معاها وكراح اقطع فيها لان بجد اغليها ومستحيل في يوم من الايام اسيء النيه فيها دايم اقول ماتقصد ومعذوره بس ان انا معاها صرت عادي مو نفس قبل عاملتها بالمثل بس مابي اقطع لان بجد مايهون علي عقب عشره وخصوصاً عشرتنا فعلاً كانت حلوه ، عموماً انا بنظري الصداقه اوقف معاه مو مادياً لا معنوياً اذا فرح اكون انا اول الموجودين واذا حزن الله يبعد عنا وعنج الحزن اكون اول من يوقف معاه ، مو شرط اربع وعشرين ساعه نكلم بعض لا مو هذا القصد اكيد هي عندها اشغال وانا عندي اشغال بس لما يصير شي المفروض تفضي نفسها مااعتقد هالشي راح يضرها ربع ساعه بس بالزمن هذا نادر ماتلاقي صداقه بمعنى الكلمه ، وبسس والله موضع جميل ولامس جزء من روحي وبنفس الوقت فيه نقاط قلتيها بحطها جدام عيني مع علاقاتي مع الكل
اووووه شكثر بدلياتي ههههههه طوفي البدليات ،، وصج بقول شغله ترى انا نظامي مو تشره وعتاب عشان جذي عمري ماتشرهت عليها لان قبل ماتشره اصلاً اكون حاطه عذر لهاا ، وانا فعلاً ماحب اللي يقيدني بحياتي مثلا منو كلمتي هذا النظام كلش مو بيني مو بينها حتى هي نفسي هالنقطه مانحبها
ارتوس اول مرة اعلق بتدوينة من تدويناتك
بس انا متابعتك بصمت ?
المهم الموضوع لمس فيني وتر حساس
كونت علاقة مع بنت ايام الثنوي وكعادتي المراهقة اكون ف اول العلاقة شغوفة جدا ونسولف بالساعات زي غيرها من صديقاتي القدامى ، المهم ي ستي هيا شافت علاقتي فيها تتيح لها تتدخل بحدودي
لما شفت الوضع مرة زاد انا تعبت ومليت وبديت اخلي العلاقة رسمية خصوصي مع مشاكلي وظروفي الخاصة وهيا كل يوم تقريبا تتشره وتعتب ووووو
مالي قوة اقطع علاقتي فيها ما احب اكون شي سيء ع الي قدامي واوقات اقول انا السبب تركتلها مجال ماينفع اسحب نفسي بس جديا الوضع مازمني وتعبني جدا جدا
جميل الموضوع استمتعت
كعادتك مبدعة ❤️?
موضوع جميل ارتوس وجا بوقته احب فلسفتك بصراحه
انا اقدر الصداقة بشكل كبير في حياتي بس طبعاً مو اي شخص يستاهل ويستحق ان نقول عنه صديق
عندي صديقة من ايام الطفولة صديقة عمري الله يخليها لي صحيح كلن لاهي بحياته ومشاغل الحياة لكن دايم بينا تواصل حتى لو انه مشغولين ومانتشره على بعض الناس اللي زي كذا وش اسوي فيهم ؟ احطهم بعيوني والله
وعندي صديقة ثانيه تجنن نتشارك في الاهتمامات والتفكير بشكل ماتتخيلينه احسها مرايتي اشوف فيها نفسي بالرغم من بعض الاختلافات اللي بينا من كذا ناحيه والحين هي تملكت الله يسعدها واكيد انها مشغوله مو زي قبل بس مايمنع ان حنا نسأل ونتجمع ونفضفض لبعض همومنا تحت خطوط معينه مانتعداها ولا لنا حق نسأل عنها
بالنسبة لي الصداقة بالمواقف .. اللي تكون معي وتشاركني في فرحي وحزني واشوفها اختي اللي ماولدتها أمي :””
وبس شكراً ع الموضوع الجميل :$
غالبيه العلاقات بمجتمعنا اصنفها زماله تجمعهم المصلحه الدراسه العمل .. الخ لكن الصداقه الحقيقيه نادره لان الصديق الحقيقي مايتشرهه ومايحكي بصاحبه من وراه فكره اني اكل مع شخص بصحن واحد ثم اطعن فيه تازمني وللاسف مجتمع النساء الغالبيه عندهم هالامر عادي تشدني صداقات الرجال لبعضهم تلاقيه يغيب سنوات عنه ويرجع يتواصل معه وكانه شايفه امس اما البنات العكس الا من رحم ربي وهالفئه قليله ودايم اقول هالفئه يملكون عقليات الرجال
علاقتي مع الصداقه معدومه ولااملك اصدقاء الا خواتي الله يخليهم لي والسبب ان امي الله يطول بعمرها في طفولتي من اول دخولي للمدرسه قالت لي صديقاتك بالمدرسه بس طلعه روحه جيه ماعندي فتربيت على اساس علاقتي مع البنات كزماله بحدود الدراسه وهالشي باامانه فادني كثييير بالاكتفاء الذاتي بنفسي اخلق جو المرح اللي يناسبني سواء قراءه رسم تلفزيون .. الخ وايضا علاقتي بااهلي قويه سواء اخواني او اخواتي ماانكر عندي زميلات من الثانويه والجامعه يينا تواصل خفيف( لان الاغلب يرفض فكره عدم الزيارات ويقطع العلاقه) بعضهم يرسلون وقت المناسبات وبعضهم وقت الحاجه للفضفضه للمساعده بااي شي واساعد الكل واضحك مع الكل واعذر الكل لكن صادفت عينات استغلاليه تدري عنك ان بتساعديها فتلاحظيها دايم تطلب او ماتتواصل الا للطلب باامانه للان اساعد بدون رفض لكن وصلت اخري منهم وصار ضروري اقول لا لكن متى مااعرف
بالنسبة لي أغلب صديقاتي من الطفولة أو المدرسة ،، وعندي صديقة عزيزة جدا علي وأعتبرها كنز وهي صديقة الحج ،، انا حذرة بالتعامل مع الناس وتكوين العلاقات ،، وماأفضل كثرة الصديقات ،، يكفيني اللي عندي ،، على عكس إختي تماما ،، صداقاتها ماتنتهي كل يوم مع وحدة وأغلبهم اذا مو كلهم صداقات مصلحة كونها ماكييرة ،، وحتى قطعت علاقاتها بصديقات الطفولة اللي للحين نسألها عنهم وماتعرف عنهم شي ،، وزوجي مثلي تماما مايحب كثرة الاصدقاء بس يحب اللمة والجمعات ويحب يستانس ويعيش اللحظة ،، ونا وحدة أكره شي عندي التشره ووالله مثل ماقلتي أتغصص من كلمة القاطعه لانها تنرفز وايد ،، ونا مافيني هالشي أبدا ،، أحب التواصل مع الاهل والصديقات فالوقت المناسب
عاد امس اقول لنفسي والله اني مااستحي وقاطعه مع رفيجاتي
مادري احس اني مو راعيه مسجات او اتصالات ماحب !
اقدر الاجتماعات وشوفتهم وجه لوجه
اذكر حتى عروس اخواني عزمتهم بنفس اليوم بدعوه ع الموبايل بعد
يعني حتى بطاقه دعوه ما وديتها لهم صج اني ما استحي هههههههه
من اول كنت اشوف نفسي مشغوله عنهم
بعدين اكتشفت سبب انشغالي عنهم اختلاف اهتماماتنا
وحده من رفيجاتي تزوجت قبلنا وكان كل شي ممنوع عليها من زوجها
مافيه طلعات مع رفيجاتج … مافيه جمعات الا من وين لوين
شوي شوي قل التواصل بينا لاني كنت احتاج وحده مثل اختي تطلع وتروح معاي
بعد ثمان سنين الحين اشوفها بالسناب ماشاء الله طلعات وروحات وجيات مع رفيجات دوامها
واخيرا سمح لها زوجها وعطاها حريتها بعد هالسنين
والله حييييل فرحانه لها هالتغيير لكن ما احس روحي متشفقه نروح ونجي مع بعض
صرت منشغله اكثر عقب ولدي
وعموما ما اشوف ان عندي صديقه حيييييل قريبه لي ونفس اهتماماتي
يمكن لاني مو متوظفه وكل صديقاتي توظفوا وكونوا علاقات
حاليا السبب الرئيسي لبحثي عن الوظيفه هي ايجاد صديقات
على قولتهم الروح تبي روح
مقوم الصداقه عندي غير يعني انا ماامن اسراري عند ولا وحده من صديقاتي لاني انقرصت مره والمومن لايلدغ من حجره مرتين علاقاتي بصديقاتي غريبه نوعا ما بس انا مرتحه كذا للامانه عندي صديقه تزوجت ولاتغيرت صح انشغلت عنن لكن هي هي ☺️☺️
مفهوم *
الصداقه نعمه، الحمدلله عليها
فعلا الصداقه اسم كبير ما ينعطى لأي شخص وأي علاقه
النوعيه اللي بس تتشره ووينك وَيَا قاطعه وغيره مستفزه وتنفرك منها، ما أعاني من هالمشكله مع صديقاتي لاكن أعاني منها مع وحده الا غصب انا صديقتك بينما ما أكن لها الا شعور الزماله والاحترام. يمكن الغلط مني من كثر ما أجامل اعتبرتني صديقه
يعني طول اليوم تكلمني واتفه شي تقوله بس عشان نكون ٢٤ ساعه متواصلين يعني لو ما عندها سالفه عادي تقول انا رايحه للمطبخ مشي ، انا الان طالعه من المطبخ وغيره من التفاصيل الممله اللي ما تحمسني اسولف معها ف بمجرد ما اشوف حكي من هالنوع منها بالاشعارات ما ادخل واتساب لان حتى لو بدخل وش بقول على روحتك للمطبخ؟
عاد وقتها لو شافتني بسناب او بانستقرام تقوم الدنيا وتقلبها علي
العلاقه معها شعور مزعج وخانق بس استحي اقول لها وبنفس الوقت ضميري يأنبني انه لازم اصارحها لان هالشعور ممكن يكون استغفال لها..
استمتعت وانا اقرا الموضوع،
ارتوسة القلب ❤
موضوع جميل تمنيت يكون عندي صديقة
تثق فيني و أثق فيها
انا وثقة بناس ما تستاهل
لعبو فيني سامحتهم 4 مدري 5 مرات
من جد ما يستاهلون
دمتي بحب ❤
تدوينه رائعة ?نفسي ماحب التشره اذا بدت وحده بالتشره ابدا انسحب تدريجيا لاني اكره ذا الاسلوب كل واحد وظروفه
واكره الحب الخانق ذا كل واحد له اهتمامات ومشاغل
الله يعننا على الصداقه
ولكن لاتزال الصداقه بنظري شي جميل يجدد الروح خصوصا صديقات الدراسه?
كنت انتظر تدوينتك أمس وللاسف غفت عيني قبل تنزليها ..
انا اتابعك من خلف الشاشه دون ادنى تعليق للاسف .. ولكن يشهد الله اني من أشد المعجبات بعقليتك اللي قل مانجدها بهالزمن اللي تتسارع فيه العواطف على العقل ..
بالنسبه لصديقات على كثرة صديقاتي للاسف ماعندي صديقه مقربه جداً والسبب تقدري تقولي انتي بمجتمع منغلق نوعاً ما وافكارهم ماتوافق أفكاري لذالك تجديني على كثر مااضحك وافرح واحب اجتمع مع فلانه وغيرها على قد مستحيل القى اللي ممكن افضي لها بسر من اسراري او انقاشها ويكون نقاشي موافق لعقليتها وماالى ذلك ..
ومع ذلك فيه حدود لصداقه عندي وياكثر مايجي الوقت الي اترك فيه الجوال واي طريق للتواصل وافضى بهالوقت لاهلي ولنفسي وافكاري فقط ..
وعندي قناعه بيجي الوقت باذن الله واجد اللي اعتبرها نصفي الاخر ..
ارتوسه .. دمتي معطائه ..
موضوع جميل
صداقات النساء احس اصدقها الي يكون بسن كبيرة
يكون هم الوحدة منهن الآخرة وبس
ووقتها
ما راح تلقين تحاسد او غيرة بل هو حب يترسخ كلما التقوا ببعض بغياب اولادهم المنشغلين
شكرا جزيلا لك
اتمنى صديقة تشاركني شيخوختي
دمتي رائعة
عيوني تدمع وانا أقرا الكلام، مو لأنه مؤثر بس وانا أقراه أتذكر صديقه لي كانت جوا قلبي بقوه وتركتني عشان تحب بنت !! ، زايد تعرضت لمواقف من أشباه الأصدقاء اللي ماخذين الصداقه تسليه وقت وعشان نستانس بيومنا ، ومادرو باللي يكنون لهم مشاعر جميله واللي يتمنون إنهم يكونون أصداقاء بالجنه ، شكراً لك على هالكلام الجميل المثقف ?، وادري كلامي ماله صله بالموضوع بس هذا كلام قلبي ..
اَهـ يارتوس جبت ع الجرح انا عندي ثنتين اغلا شي بعد اهلي اعتبرهم دعوه امي الصادقه اعرفهم من ١٢سنه من المتوسط تقريبا كنت نشبات بقوه وانا اكثرهم تقريبا هههههه بس بعد الزواج والخلفه انشغلنا شوي والحين نكمل سنه مانشوف بعض لانا مونفس المنطقه بس والله علاقتنا جدا كويسه وبطلت اتشره لاني ماعندي وقت اصلا ودايما ادعي لهم اني ربي يجمعنا بالجنه ويارب يسعدك ويجعل احلا ايامك هي الجايه ??
مساء الخير ويعطيك العافية انا كانت لي ت جربة من بعد الثانوي سحبوا سحبة قوويه وانصدمت ومدري ليش وطنشتهم طالما ماغلطت عليهم لكن في الجامعة كانت صداقاتي اكثر وعي مني ومو اي احد لان المؤمن لايلدغ من جحر مرتين
وشكرااا
وبآلنسبةة لآرتوس كعآدتكك دآئمآ جميلةة ومتألقةة وطرحك نقي ونظيييف يشرح آلصدر وتنآولك للموآضيع يجذب آللي م ينجذب يعطيك ألف عآفيهه ويسعد قلبكك ‘ دمتي بسعد ??
صدآقآتي آلشخصية محدودة جدآ أمآ العآمة حمدالله آلأخضر واليابس ? أحب كل فتره أسوي ريفرش خخخخ .. عندي صديقة من آلقديمآت تعتبر غريبة أطوآر ونآس كثير تنتقدهآ, بس سبحآن آلله م تحلى آلهروج آللي معاها مع انو مآبيننا الا اشياء بسيطة مشتركة من ضمنها الغياب وعدم حب التشرهه والنشووب لخلق ربي والتليقف والخ .. أما باقي الاشياء ضد بعض فيهآ وبقوووة ومع ذلك للان نتواصل وان غبت او غابت تفضل المكآنه وآلتقدير وبس نتكلم كأننآ أمس كنا متواصلين .. أحس آلنآس آللي كدآ أضطر إني أبقيهم عندي ف الحفظ ويهموني لأنهم نآدرين ? وفآلختآم آلمعدن آلنظيف مثل آلذهب فين م ينرمي أو يختفي لو ترجع له بعد آلآف آلسنين تلآقيه ذهب وآن غبّر أو عليه أي شآئبة برضو ذهب ??
نسيت هرجة آلزواج لأنو في ألف شي وشي ممكن يخلي آلشخص ينسحب, آلمهم آلمعدن وآلذكر آلطيب رحت رآحت آلله يوفق آلجميع ??
ع سيره الصديقات اتوقع انا اكثر بنت انغبنت بحياتها من صديقاتها لحظه فيني الصيحه: ( مع انها كانت ايام مراهقه بسس والله ماوفقت باختيار صداقه ناجحه وصديقه وفيه
بسس يالله نقول ايام مراهقه وتصير فيها غلطات لصغر السن وقلة الخبره بالحياة بس بقول مووقف صداقتي الي للحين متمسكه فيهااا .. كنا زمان شله عباره عن ثلاث بنات تزوجت وحده اول سنه جامعه كانت قريبه لي انا كثير بحكم قرب المسافه بيننا وكانت تقولي انتي اختي الي ماجابتها امي كانت كل شي بالنسبه لي .. بس بعد زواجها تغييرت تحسينهاا صارت مرره اذ اجتمعناا انا وياها تقولي ذا عيب وذا مو زين ومدري ايشش مرره انصدمت حسيت ان مكاني غلط عندها مره تغيرها كان واضح عند االكل وصديقتنا الثالثه انقلت بعيد عننا ولا عاد بينننا غير الاتصال والماسنجر ايام المسسن حسيت اني قديمه ?بس تخيلي ضليت مستمره معها بس بين فتره وفتره ارد علي اتصالاتهاا وادق عليها اوقات وكنت اسمع كلام من صديقة اختي تقول ع لسان صديقتي اني انا متغييره عليها معاد ارد ع اتصالاتهاا .. انقهرت تمنيت الكلام انقال لي انا شخصيا مو اسمعها من طرف .. بس بعد ماتزوجت انا وقابلتها بعدد فتره طويله رجعت زي قبل مدري اش السبب ولا سالتها بس فرحت من قلبي انها رجعت .. وصح كلامك من ناحيه المسااحه مو حلو انك تخنقين الشخصص بقربك الزايد .. حتي بين الزوجين انا عندي قااعده الاحترام للذات اولا واحترام شريك حياتك وترك مساحه بين العلاقه يعطي للحياة استمراريه وسعااده .. لان الزوج اذ احترمك راح يحترم وقتك ويحترم صديقاتك ..وانا ضد كلام البنات المتزوجات بالانستا الي حطو سبب تغيرهم ع الزوج والزواج والعيال لا حبيبتي انتي الي تغيرتي وفعلا كلامك ياسوس المتزوجه اغلب وقتها فاضيه هي مساله شخصيه لا اكثرر يعني الي ودها تضبط وقتهاا وتخصص وقت لصذيقاتهاا وجمعاتها حتي وقت لنفسسها ..
وصراحه كلامك عين العقل مره حبيته جد انتي شخصيه ناضجه وفاهمه الله يسعدك ويهنيك مع الشريك المستقبلي ❤❤
ويك اند سعيدد ❤❤❤
هلا بالحلوه
انا يوم كنت ادرس كانت صديقاتي فوق15بنت وبعدتخرجنا من الكليه والي تزوج والي نقل سحبت على اغلبهم وبقي منهم كم وحده والاهم احتفظت باعزوحده فيهم صديقتي وفاء وسميتها وفاء روحي الى الان واحنامستمرين لنا13 سنه مع بعض عرفت اهلي واقاربي كلهم عليهم وهي نفس الحال حسبة اختي ودايما اشتاق لها ونادرا مازعل منها تزوجناوخلفناومازلنا مع بعض ايام الجامعه كان وحده من البنات كانت تحب تقعدمعها واذا جيت القاها اخذتها وقامو ماتصورين قدايش تعبت نفسيا لدرجة كنت ابكي في الصلاة اكثربنت كانت تحس فيني وفيها عطف وحنيه ماشفتها في احد لمااكلمها احس براحه واروق طول اليوم انسانه مستحيل احصل مثلها ثنتين الله يسعدها ويوفقهاويرزقها كل ماتتمنى وتسلمين على موضوعك الجميل
عندي صديقه من الثانوي والى الآن متواصله معها رغم اني الآن في الخامسه وعشرين واهلنا تعارفوا مهما انقطعنا فتره اذا كلمتها وسمعت صوتها استانست لأنها صدق ونعم الأنسانه ؛؛ وزي ما يقولون الدنيا تجارب اول ما دخلت الجامعه بعد انقطاع تعلقت ببنت وهي عاملتني بلطف بعد مده والله طويله عرفت ان تعلقي بأي انسان غير ربي ما ينفع و ع قولتك ارتوس غير جيد لصحتك فللآن لما احس اني تعلقت بشخص احاول قد ما اقدر اتذكر وش جاني قبل ولازم اكون متوسطه لأن هالإنسان اللي قدامي مو ملاك ولا شي مميز جدا بحيث اعقد الآمال عليه ولا افكر الا به واتكلم عنه كثير يا زين الوسطيه والموازنه بسس ؛؛ وسبحان الله هالامور والتجارب تربي الإنسان وكل يوم اعرف شي جديد خالتي اغلى انسانه عندي انشغلت بعد الزواج وتشرهت عليها كم مره لكن عقب قلت ليه هي مشغوله وما رح اكلمها ومتى ما فضت بتكلمني او حتى انو يهمني بالإجتماعات نستانس ونكون مثل الاخوات وننسى انفسنا بالسوالف وفعلا كلمتني وطلبت نزورها ❤❤فقلت الحمدلله اني ما عليتها زياده وشكرا انك والبنات نبهتوني ع سالفة التشره وانها موب زينه … قلوب من عندي لعندك يا صاحبة المدونه الأقرب لقلبي والتي تلامسني جدا؛ احبك فيل الله وأسأل الله ان يجمعنا في جناته ..
الله يعطيك العافية على الموضوع.
انا متابعة صامتة لكن هذا الموضوع أثار حفيظتي بسبب ال stereotyping على المتزوجات وانهم يسحبون على صديقاتهم اذا تزوجوا.
انا صار معاي العكس، لما انخطبت، قربت اكثر من صديقاتي وحاولت ادخلهم في كل جزء بحياتي لأني أعرف قيمة الصداقة وأهمية وجودها بحياة كل بنت وامرأة عشان يخلق توازن في الحياة االزوجية. يعني ما يصير التركيز على الزوج فقط، يصير في توازن بين الزوج والعائلة والصديقات.
اللي حصل معاي بعدها ان لاحظت تغيير كبير في تعاملهم معاي، صارو يتشرهون على اتفه الأسباب؛( ليش تكلمين خطيبك وانتي معنا، ..) وصار في تعليقات سلبية كثيرة 🙁 مثال: ليش تخلين خطيبك يسافر مع اصدقائه. اكيد يخونك) . هذا غير اختلاق المشاكل اللي مالها اصل . وبالأخير نصهم ما حضر زواجي والنص الثاني اول ما تزوجت قطعوني و تغيرت معاملتهم لي بالرغم اني دايم اسأل عنهم.
الكثير من عايلتي قالولي سبب قطعتهم لي الغيرة (. مع اني ما احب اكبر راسي واحط عذر الغيرة على اي سبب او مشكلة بيني وبين اي صديقة) بس البعض منهم كان موضوع الزواج هوس بالنسبه لهم وكانت سالفتهم فلانة خطبتني لاخوها وعلانة خطبتني لولدها. وانا متأكدة انهم يقولون اني انا اللي تغيرت عليهم بعد ما تزوجت!!
طبعا الكلام هذا له ٤ سنين ومن وقتها منقطعين.
انا أشوف السبب الرئيسي هو سوء اختياري للصديقات في هذاك الوقت. لأن في الوقت اللي كانوا صديقاتي ، كنت عايشة في طاقة سلبية طول الوقت. طاقتهم طاقة حسد وانتقاد وحش. وقتها ما كنت مستوعبة واخسب هذا الصح والطبيعي وكل الصديقات كذا. لكن من يوم طلعوا من حياتي والدنيا انفتحت لي. دخلوا حياتي صديقات رائعات . اطلع من عندهم احس بالراحة والإلهام! وينهم عني من زمان ههههه. حتى كل احد لاحظ تغيير بشخصيتي بعد ما طلعوا من حياتي
الحمدلله وعسى ان تكرهوا شيئا وهو خير لكم
الزبدة من الموضوع ان حتى المتزوجات يقلبون عليهم العازبات في بعض الاحيان.
اهلين ارتوسه
اكتب تعليقي على تدوينتك الجميله وانا في ليلتي الأولى في منزلي الجديد في أمريكا. … طبعا إحساس هوم سيك
اول ما قرأت التدوينه قلت وين ليش الخل الوفي مستحيل ….
وبعد شوي لما كملت قراءة تذكرت اني تقريبا ماعندي صديقات…
ليش؟؟
تذكرت صديقتي اللي صار لي معها حول 20 سنه من أيام المتوسط
علاقتي خفت معها كثير من بعد تخرجنا
وأكثر من بعد زواجي
السبب اتوقع اني انا كنت ابحث عن فرصه حتى ابتعد عنها لانها نوعا ما انتقادية وتجرح بالكلام … غير أننا كنا متدينات وهي مستمرة بينما انا صار عندي أفكار أخرى تعتبر متحرره بالنسبه لها
انا مقتنعه بنفسي وبافكاري ولا أحب أحد يفرض علي طريقة تفكير معينه
صديقتي الثانية قريبتي للأسف خربت علاقتي فيها بسبب أختها
اللي تصير زوجة اخوي اللي كانت علاقتي فيها ممتازة بعد صديقات ومثل الأخوات لكنها أظهرت لي وجه آخر بعد خطبتي
كانت الغيره واضحه وللأسف كنت منعميه ولا أشوف سلبياته
كنت ما أصدق
لحد ما صارت تقولها بالصريح. . اخوك ما سفرني ولا وداني وانتي
فريتي العالم وجايه تتكلمي. … آه يا قلبي طيب افرحي لي
السبب الثاني تحرري أنا وانتقالي إلى قناعات وأفكار أخرى ماعاد تتفق مع عقلياتهم
تعرفت على مجموعه صديقات في مكان الدوام وما زلنا مستمرين
لكنها صداقه غير عميقه
صادقه معهم واحبهم لكن أعتقد مقر العمل فيه تنافس ومشاكل
وانا في غنى عن المضاربات
في النهايه صار عندي قناعه اني دائما اترك مسافه بيني وبين الشخص اللي أمامي لو تعديت هذي المسافه راح تخرب العلاقه
اقتنعت أن أفضل صديقه لي هي امي ومن بعدها أخواتي ❤
مهما تغيرت أفكاري ومهما كان وضعي يبقى حبهم لي
الله يسعدهم ويغير حالنا للأفضل ويشفي امي..
موضوع مهم
عندي نقطتين
عجبني كلامك عن الي تتزوج وتسحب
طبعا اكيد مو القصد السحبة النكران
لكن طبيعي
وضع جديد ع هالعروس وشخص جديد< بحكم طبيعة المجتمع
انه محافظ فمسالة ان البنت بتعيش مع رجل غير ابوها واخوها وباقي المحارم فاكيد تجربة جديدة عليها ومن الصعب توفق
خصوصا الي تزوجو قبل السوشال ميديا اللي فتحت المدارك وسمحت بقليل من التواصل بين الجنسين
< احكيك من تجربة تزوجت من تسع سنوات ولا لي اخوان ذكور واعمامي واخوالي كبار فكان تعاملي مع زوجي شي جديد لهيت عن كل محيطي مو صديقات وبس
وما استعدت توازني الا بعد ما خلّفت يعني ثلاث سنوات
وبالعكس حبي لصديقاتي نفسه ووفائي بعد
النقطة الثانية
التشره ما احبه
انا عادة اكون من يبادر في الاول ولا احب ابدا بعبارات التشره
وبالمقابل يرد علي بالله وينك والا يووووه ياقدمك< معليش ياقلبي انا الي دورت وسالت
صدق يا ارتوس انا انسانه الوفاء ميييييزة فيني احبها لدرجة حتى عاملات الكافتيريا في الجامعة اشعر لهم بحنين وامتنان
وشغالتي بعد ثلاث سنوات من العمل عندنا
بكيت عليها بكا مب طبيعي بيوم سفرها
في الفترة الحالية تعبت وحاولت اغير شخصيتي وانصدمت ان كل الي اعتبرتهم صديقاتي كانو فقط مسالة تعود محد سال ولا دور
حزنت على نفسي وسذاجتي وبعض الحنين اللي يزورني احياناً
عذرا طولت بس الموضوع جا بوقته
شكراً لك ارتوس
كل شيء اتحمله من الصديقة الا التطفل مهما كان بسيط علطول اعيد النظر واقطع علاقتي فيها لاني ادري ان الوضع بيتطور للاسوأ وانا انسانة مزاجية واحكم على بعض الناس من اول نظرة مش كلهم طبعا وتطلع نظرتي صحيحة في السنة الي راحت تعرفت على بنات عرب كانوا عفويات بزيادة وعلطول قالوا خلنا نفتح قروب ونصير نتواصل وحنا خوات طبعا ماجاز لي الوضع بس وافقت على مضض زي ماقلتي ماحب احد يقحمني بعلاقات مابيه اكمل لك ارتوس وصار كل همهم طلعات ومطاعم وانا بصراحة مو راعية سينما ولا كافيهات وافضل القعدة مع اهلي وشرحت لهم اني اقضي وقت الويكند مع اهلي والاحد من عيوني اكون معهم الزبدة كانه ماجاز لهم الوضع حتى بالمحاضرة يبوني غصب اجلس معاهم ورا وانا مارتاح لازم قدام عشان اركز وكل مرة يتشرهون علي ويحسسوني ان فيه مشكله او زعلانة وانا قايله احب المكان قدام الزبدة لاجاء وقت الدراسة والاختبارات يتمننون بالمساعدة بالرغم يشوفونني اتعب واحضر بس احتاج منهم مساعدة والي خلاني اخذ موقف منهم شفتهم يتعازمون بدون لايقولون لي وانا مايهمني بس ماحب انهم يستقصونني وحركة عيب والحمدلله بعدت عنهم وارتحت مع انهم كم مرة يسالونني ويتطفلون بس صرت اكتفي برد السلام .
صراحة يوم قلتي بتتكلمين عن موضوع الصديقات ماتحمست امانة بس يوم قريت الموضوع عجبني وصحح لي بعض المفاهيم اهمها هو مدة التواصل بين الصديقات وكيف ان الواحد ينشغل وصدقتي فيه ناس تعزينهم موت وانتي متاكدة من معزتهم لك بس تواصلكم نادر والحمدلله اعتبر نفسي محظوظة جدا جدا بهم ومكتفيه بهم من الكل . بس عموما انا جاء لي فترة تركت الصديقات وبصراحة كان له اثر سلبي والحين رجعت اكون علاقات ودية واحاول ماتعمق كثير واركز بالتوافق بس مادقق مرة عاد اهم شيء اخلاقها وطيبة قلبها. وترا على فكرة حبيت ايجازك للنقطة هذي (ليه مازلنا بَمرحلة تَكوين مشروع صداقة ) بصراحة تعلمت اني مانجرف بسرعة ولاكب العشاء على قولتهم هههههههه. وعلى فكرة يارتوس انا من صفات شخصيتي والي افتخر بها هو ان فيني نوع من الوفاء ابدا مانسى صديقاتي واحرص كل فترة اني اتواصل معهم واتطمن عليهم عشان لا افقد الاتصال معهم بذات لاكنت بعيدة منهم مثل الحين والله يجمعنا على خير.
دمتي سالمة
با جمالك و جمال كلامك
انا عندي صديقه من 22 سنه و الي خلا علاقتنا تستمر صراحه مثل ما قلتي عمرنا ما حسبنا كلمتها ولا كلمتني عطيتها ما عطتني انا شخص جدا مريح والحمدلله لقيت صديقه جدا مريحه لا تتشره ولا تتنتظر مقابل عطاءها بالعكس تمر شهور بحكم ظروفنا ما نتواصل لكن اول ما نتصل كاني امس شايفتها و هي بالمثل على طول ندخل بالسوالف مقدمات السلامات هذي مو عندنا و صراحه القريبين جدا مني و نستمرين معاي لاحظت انهم فعلا اشخاص مريحين و يتركون كل واحد براحته. عط صديقك المجال يحبك بطريقته وانت حاول قد ماتقدر تحبه بالطريقه الي يرتاح بها. و تجنب تستفزه لان كلنا عندنا اطباع سيئه وفي ناس هوايته يحدك على قصاك صراحه و ينرفزك لين تطلع عصبيتك. و في ناس جميلين و تكون معاهم باحسن حالتك بسببهم هم و معاملتهم الحلوه. و الشي اذا ما انعطى بحب و اخلاص و جلست تنتظر المقابل رح تتعب و تخسر الي حولك. سبحان الله اي شي تنتظر منه مقابل ما رح يرجع عليك بشي كويس لان من البدايه نيتك ما كانت صافيه و ماكان القصد العطاء بحب
يسعد صباحك…
يا الله يا توسه بجد موضوعك لامس أشياء كثير وقلتي أشياء أبي أقولها من زمان
صديقاتي منوعات
منهم من الأقارب واللي انجبرت عليهم وطبعا انتهت صداقتنا
ومنهم اللي تغيروا وتغيرت مع الزمن وصرنا ما نتفق مع بعض
عندي قناعة قديمة ان صداقات الطفولة مستحيل بتستمر إلا ماندر
أقوى صداقاتي من بعد الثانوي
صديقاتي كانوا يتشرهون كثير بحكم اني أول وحدة تزوجت فيهم ويحسبوني سحبت عليهم مع الزواج لكن جد جد صار وقتي مو ملكي ومو فاضية 24 سَاعة زي قبل لكن هم ماجربوا هالشي وما عرفوه
الحين تزوجوا وعاشوا تجربتي صاروا يعذروني
وعندي صديقة من كثر انقطاعنا عن بعض لازم كل مرة اتواصل معها أقول لها وحشتيني ? لأنها تعذرني وتقدر وضعي وانشغالي بعكس البعض سبحانك يارب
انا مو نشبة مع صديقاتي متى ما تواصلوا معي رحبت فيهم ومتى ما انشغلوا عذرتهم
لكن ان حسيت بابتعادهم ماراح أموت
الله يوفقهم بعيد عني وحياتي بتمشي بهم او بدونهم مع السلامة
وبالنسبة لي لمّة الأهل تغني عن الصداقة أحيانًا
انا وخواتي نعتبر بعض صديقات
وجمعتنا مهمة بالنسبة لنا جدا
بعض صديقاتي ما يفهمون هالشي
انو كل يوم تلتقين مع اهلك خلي وقت اهلك لنا يوم
مستحيل أرضى طبعا ويعرفون هالشي
اما عن شريك الحياة…. كنت وحدة نشبة سابقا
ولازم يخبرني عن كل طلعاته واتشره ليش ما ارسل او اتصل كل يوم ٦ مرات لو كان مسافر مثلا
الحين بديت افهم ان هالشي ما يعجبه وفكرت لو عاملني بالمثل ما راح يعجبني وتركت هالشي الحمدلله
ولازلنا نتعلم من دروس الحياة
قبل كل شي المفروض صندوق الرد يكون تحت الموضوع مو تحت الكومنتات ?
ماشاءالله الواحد يتعب وهو نازل من كثر الكومنتات
طيب نجي للموضوع ..
الصداقات فن مو كل شخص يجيده .. يعني أنا اشوف الصداقة الحقّة هي اللي تحسسك إن صديقك مثل أخوك تمون عليه، وبنفس الوقت تحترم مساحته الخاصة
الحمدلله صديقاتي الاقرب لي مريحات جداً ، يعني ممكن اغيب بالاشهر عنهم ويتصلون او يرسلون مسج بس حتى يتطمنوا علي ان كنت متّ ولا باقي حية أرزق على قولتهم هههههه
وحدة بس من صديقاتي اتعبتني جداً جداً حتى قدرت اعودها على طبعي ، كانت تتشره كثير وهي من النوع اللي تقول كل شي وأنا لا في حدود ومو كل شي ينقال
بس الحمدلله بعد عشرة اكثر من عشر سنوات تعدل وضعها للاحسن ، ويمكن لأنها غالية على قلبي واعرف ان هالتصرفات من حبها لي ولا كان من زمان سحبت نفسي منها
اذكر مرة وحدة من صديقاتي انقطعت عنها سنة واكثر ، لهيت أنا بشغلي وكم ظرف مر بحياتي وهي لاهية بوظيفتها وعيالها وزوجها ، فاتصلت علي بعد السنة ورديت عليها وانا متخوفة من العتب ،، قالتلي كلمة رفعت قدرها بقلبي فووق ؛ قالتلي : كنت ناوية اعاتبك واغسل شراعك بس سمعت صوتك حسيت قديش اشتقت لك وماقدرت اقول شي ?? .. حبيبتي هي والله :'(
عموماً الحديث يطول والصلاة قامت بلحق اصلي واخمد لووول
تسلمي ع الموضوع حبيته جداً جداً ?❤️
صباحكم حلو
والله تدوينك ذكرتني بناس ومواقف
أعذر اللي تغيب بعد زواجها اذا جد فيه عذر لكن تسحب لمجرد السحبه ذي توجع وابي اعرف اخباركم بس ماابي احد يعرف شي عني هذي اللي ابد ماقدرت اعذرها ، فيه غيرها تزوجوا وللحين مكملين مع بعض واعذرهم على انشغالهم ولا بيننا عتب الا دايم نخطط للجمعه ولا تحصل
نبهتيني لشغلة مساحة الحريه بالعلاقه والله انتِ صح بس احيان من كثر حبك لهالادمي تتم اللزقه لكن بإذن الله اكون مرنه اكثر دايم تفتحين عيوني على شغلات ماانتبه لها ?
ماشاءالله اذا انتِ حديثك لا يُمل وتقولين ان اخوك هو الاكثر تعقل وماينمل منه ماقدرت اتصور وش بيكون تبارك الرحمن عليكم احسكم عائله رهيبه ونادره ❤️
موضوع جدا جميل ..
انا بحياتي مريت بمحطات كثيرة .. يعني بالابتدائي كنت بمدرسة والمتوسط والثانوي بمدرسة و بعدها دخلت معهد وبعدها جامعة وبعدا اتوظفت غير انه بمرحله المنتديات طلعت بصداقات فعلا توافق روحي احمدالله ع فضله ..
طبعا ماراح اكذب واقول من كل هالمحطات عندي صديقات ماتغيروا .. هذا شي طبيعي بالحياة .. لكن صدقا عندي من كل مرحله وحدة او ثنتين هم صديقات روح فعلا ..
نغيب ننشغل نرجع نتواصل .. نغطس سنة سنتين وبعدين فجأة نتفق ع طلعة ونطلع وكل وحدة تتكلم بأريحية وحب وشووق ..
وفي صداقات غير حميمة او كانت حميمة وخفتت بمرور الوقت وغالبا يكون من طرفهم او من تشرههم علي لان انا انسانة مشغولة دايما احب اتعلم او اقرأ او كذا مااحب كل وقت فضاوتي للتواصل .. ومثل ماقلت لان وقتي محدود فهو للاقرب ثم الابعد .. وماعمري اتشره ابداااا ووالله هالشي حمدلله محتفظلي بعلاقات جميلة ماتمناها تنقطع من حياتي .. وفي نقطة مهم ان مو لازم الصداقة يعني اعرف اسرارك وتعرفي اسراري .. لان البعض ع باله كذا ..
بما انك جبتي طاري المتزوجات .. انا اتزوجت وكان الواتس مانتشر فالكل قطع فجأة ويقلي حمليه عشان نتواصل وببلاش قلت ترا ابد مولازم اللي يحسب الصداقة بالريال لايتواصل !
زوجي بيتوتي جدا ويحب السواليف او نطلع سوا والويك اند يقلي حق العائلة لا انا ولاانت نرتبط فيه الا للضرورة .. و انا مستعد اطلعك وسط الاسبوع .. انا احترم فيه هالشي ومقابله فهو من يجي ارمي الجوال ع جنب وماامسكه الا اذا هو انشغل باجهزته او نام .. وطبعا تلاقي 99 الف بي سي عالواتس فيديوهات وبيسيات من ناس عايشة جواته لدرجة استغرب ماعندهم حياة او كيف !
ولما وحدة تسالني عن شي اقلها ماشفته او ماقريته تقلي اجل ليه مركبة الواتس قلتلها للتواصل الاخبار الثقة اعرف مصادرها ماحتاجها واتس نصه تأليف !
وطبعا لو وحدة ادري علاقتها مع زوجها مو هالقد ماقعد استعرضلها انا مع زوجي انا طالعه معه انا جاية معه خلاص اعلق اني مشغوله بكلام عام مثلا ..
والا الحين صداقات 2015 لو ماعرفت خبر تجي تقول يووه انت موعندي عالسناب وعرفتي ! اهاا يعني صار لازم انا اجري ورا اخبارك وابحث عنها !! شي غريب الصداقة هي ان لو تهتمين تخبريني او لو ماتهتمي او نسيتي لاتعلقي لكن تعليق انه تابعيني باث او سناب او مدري وشو مستفز !
مرة لما اتوفت جدتي كنت بحالة نفسية جدا سيئة وصرت عندي رهبة من اجواء التعزية .. وتوفت ام صديقة عزيزة جدا .. عزيتها بالجوال ومارحتلها قلبي ماطاوعني ماقدرت ابد .. لما اتزوجت حضرت وباركتلي واهدتني خاتم ذهب .. عرفت انها انسانة اصيله وماحطتها ببالها وحدة بوحده .. لانه كان يصعب علي اشرحلها اني ماجيتها ليه ..
المهم لو اتكلم ماراح اخلص .. اختم كلامي ان انا من الناس اللي تأيد العلاقات يعني مش لازم علاقاتي هي اهلي وصديقاتي الحميمات او ماعندي غيرهم ..
عندي حميمات وعندي علاقات قرابة وعندي علاقات زماله جميلة مش عميقة لكن جوها حيوي ومريح .. وهالشي صحي ..
طولت بس الموضوع جميل ❤
اذا فاتتني تدوينتك ما احب ارد عليها متاخر. احسك مارح تشوفينها ?
ارتوس انتِ الوحيده ?❤️❤️
الي كلامك ما اقدر اختلف معه ?
كل شي تقولينه صحّ ومنطقِي??
واتمنىّ جد ان كل البنات العازبيات والمتزوجات
يقرونه يثقفون نفسهم شوي ?
يالله يالصداقة
عندي صديقتي لطيفة لنا مع بعض فوق ١٤ سنه
انسانه نادره انقطعنا فتره بس لما رجعنا رجعنا و كأنه ماكان بيننا شيء
ما ازعل منها لو تغيب ابداً و دايم اعذرها
كثير ننقطع عن بعض بس نرجع لبعض بكل حب و شوق
تفهمني و تحس فيني لو ماتكلمت
تزوجنا و لازلنا مع بعض الله يخليها لي يارب
اي والله يا ارتوس ،،، انا اللي تنشب لي وتسأل عني وتراقبني اعاقبها واغططططططططططط فترة اطول ههههه يختي ما احب اللي ينشبون او يعتبرونك صرتي تبعهم ،،،
اوووووف ي رببببي ي كمية الجمال ف ذَا التدوينه
عاد الصراحه انا نفس الشيء أكرره سؤال عندي وينك مره مره يضرب فيوزي اذا احد قاله لي
المهم انا وصديقاتي لنا الحمد لله ١٣سنه ((فيس عيونه قلوب ))يعرفون كل صغيره وكبيره ف حياتي حتى اسماء خالاتي وعماتي وكل شيء يعرفونه عني وأعرفه عنهم ثنتين من صديقاتي متزوجات وحده لها ٤سنوات ووحده لها ٦شهور المهم ذي ام ٦سنوات زوجها اخو وحده من صديقاتي
كمية التفاهم اللي بيننا مرررره كبير لدرجة كأننا اخوات اعطيهم عيوني و يعطوني عيونهم
يفهمون اصغر شيء ف شخصيتي ويحترمونه
واحترم حتى هم اصغر شيء فيهم
يعني جد جد الله لا يحرمني منهم
تسلمين لي ارتوسه ع تدويناتك الفضيعة ?
الصداقة شيء نادر جدددددا و فيه عندنا خلط كبير بين مفهوم الصحوبية و الصداقة ،، الحمدالله ربي رزقني بصديقة علاقتي فيها عمرها ١٤ سنة ،، اخر مرة كلمتها فيها ناسية متى ،، لكن تقدر انشغالي
المشكلة فيه ناس يحيطون بالشخص ما يعرف كيف يتعامل معاهم ،، يعني صاحباتي من ايام الجامعة لي فترة طويلة ما شفتهم ،، و لا أبغى أشوفهم لانه حياتي صارت مختلفة تماما عن حياتهم فَلَو اتكلمت ح يقولوا حابه تتعنطز و تتمنفخ علينا ،، ولو سكت ح يقولوا تخاف لا نحسدها ،، اضطريت قبل فترة أني اقابلهم في عزاء و لكي انك تتخيلي كيف انصدموا لانه ما أخذتهم بالاحضان و أظهرت فرحتي بشوفتهم !!! يعني لا المكان مناسب و لا الزمان مناسب و نفسيتي تحت الصفر و يتشرهوا فوقها !!!!!!!
بعدها بفترة قابلت وحدة منهم و هيه اللي بادرتني بالسؤال عن حياتي و اتعنت عشان تجي و تشوفني ،، ما أخفيك كيف ارتحت و انبسطت لانها قدرت أوضاعي و اختلاف طريقة حياتي
فيه ناس معرفتك فيهم عبء نفسي و اجتماعي
يعني كل شخص يدخل حياتك يستقطع جزء من وقتك و الناس ما يفهموا الشي هذا
زوجي يأخذ من وقتي ،، أولادي ياخذوا ،، اهلي ،، أهل زوجي ،، أقاربنا ،، و فوقها علاقة صداقة تكون متطلبة ،، وين الواحد يلقى له وقت لنفسه
صديقتي اذا ما احس بالمتعه و انا جالسة معاها حتى لو كنّا ساكتين ما اعتبرها صديقة
موضووووع قيم يعطيك العافية
تعليقا ع كلامك تصدقي حضرت زواج وحده خالتها تقرب لأهل زوجي وبعد فتره سافرت أنا وزوجي كم شهر وانا حامل بشهوري الأخيره وتحديدا بالتاسع ألقى ع الواتس آب رسايل منها أخذت رقمي من اهل زوجي احترمت سؤالها عني واستغربت لأني شفتها ع الكوشة دقايق ومشيت المهم رديت عليها وخلص حوارنا وبعد فتره أسبوع تقريبا أو أسبوعين أرسلت ليا ع الواتس تسلم وتسأل وكده ومافضيت أرد عليها بعد يومين رجعت من برى ألقى رسائل عتاب والادهى والأمر تقلي ليه تدخلي ع الواتس وتكوني متصله وماتردي عليا ياربااااه من أنتم مو من حقها أبدا مغتربه وبولد بعيد عن أهلي طفلي الأول ونفسيتي متقلبه وجايه تتطفلي عليا آه عموما تسلمي على طرحك وعندي صديقات زي العسل الله يخليكم لي يارب.
والله ياارتوس في عندنا مثل يقول (( الخوات خوات لين يكبرون البنات )) يعني حتى الخوات ممكن بناتهم لما يكبرون يفرقونهم وهالشي شفناه بعيونه
هو في صداقه لكن صداقه الروح هذي نااادره انا بالنسبه لي صديقتي هي امي وخالاتي اللي بسني فعلا صديقات عمري ولي صديقات وفيات لكن بينا مجاملات واحراج مرات
ونا اشوف انه كل ماكبرنا تشغلنا الحياه والصداقه تضعف للاسف وهالشي مومتعمد 🙁
تدوينه جمييله جدا وتلامس الروح والقلب و العقل بنفس الوقت
للاسف مالحقت ع بوست الانستا ولا كان رديت هناك بعد
الصداقه شي كبيير بالنسبه لي عندي صديقه لي معها 10 سنوات وصحيح مانكلم بعض كثير كثير بس بمجرد نقابل بعض او نتصل على ننسى فتره الانقطاع وكاننا تونا امس شايفين بعض
وعندي نفس الشي صديقه من الطفوله اعزها واحترمها وهي تبادلني نفس الشعور ولكن قلييله جدا لقئتنا ونعذر بعض
التشره في الصداقيه يفسدها و خليها ثقيله على الاخرين
احاول اكون مرنه مع صديقاتي دائما واحط لهم الاعذار حتى لو في قلبي عليها شوية عتب احاول ابعده
ولكن بعض الاحيان التراكمات من الصديق المقابل يخليك تدور عذر واهي لتركه
وهالشي صارلي مع احدى صديقاتي وماحبيت طريقة تركي لها بسبب زعله بسيطه تركتها نهائي ما زلت منقهره ليش ما وجهتها بافعالها معي وبعدها قطعت علاقتي بها نهائي
معليشطولت بس تدويناتك تطلع مافي جعبة الشخص و يتكلم بكل راحه
والله يديم سعادتك مع اهلك وكل من يعز عليك
تدوينة جميلة جداً يا عزيزتي..
لن أخوض في تفاصيل قصتي الفريدة من نوعها لكني سأقول شيئاً واحداً فقط لا تصادقي أي صديقة تربّت و عوّدها أهلها على إنكار العلاقات و التخلي عن الصداقات إذا كنتِ من عائلة تقدّر الصداقات جداً و تتعامل مع أصدقاء أبنائها و بناتها كأفراد العائلة لأنكِ ستتألمين كثيراً و سيكون إحساس الطرف الآخر ميتاً تجاهك لأنهم لا يَرَوْن خطأً في الغدر في حين ترينه كارثة و جريمة نكراء 🙂
في اجمل
الصداقه بالنسبه ليا شي مره مهم الفتره الي احس صديقاتي بعدو عني فيها جدا اكتأب وما احس انو دا سبب اكتئابي لين نرجع نتكلم
اعشق العلاقات المرنه الي ما فيها احد يعاتب على احد كل واحد فينا لو مساحتو وعالمو الي ما تجتمع الا بفتره اجتماعتنا عادتا
الحمدلله ربي جمعني بصديقات اقدر اقول عنهم اخوات برغم اختلافنا وفترات انقطاعنا صح ما تتعدى الشهر بس ممكن ما نشوف بعض فعليا الا مره كل ٦ او ٧ شهور
محد يعاتب محد يقول ليش بالعكس نحس اننا مشتاقين نعرف اخبار بعض ونحس بتجديد
خليتيني اطلع الي بقلبي .. اهل بيتي ما عمرهم فهمو علاقتي فيهم لانو محد فيهم عندو علاقات زي علاقاتي قليله بس جدا قويه عكسم لانهم معتمدين على علاقات كثيره بس ضعيفه والاكتفاء بعلاقتنا كاخوات
بالنسبه للمتزوجه انا الوحيده الي متزوجه بين صديقاتي .. هما مايسالو وانا ما احب اتكلم مو عشان شي بس الصراحه احس استعراض انا ما انجزت باني تزوجت هوا نصيب وجاني ليش اتكلم عنو وممن كلامي لو احتمال نص بالميه يأثر بقلب وحده فيهم انها ما تزوجت لين دحين
الحمدلله عرفت اوازن بينهم لا هما الي حسو علي بتغيير ولا انا الي حاسه بتقصير
كثرت كلام .. دمتي بحب
ياسلام على كلامك ياارتوسه
انا اكره شي بالصدتقة التشره هذي خلاص تعمل لي بلووك تلقائي
الصداقة اهتمام وخوف ومسانده وقت ماحتاجها القاها لو اني غايبه كثير
انا حولي بنات كثير بس من اقول عنها صديقة ينعدون على الاصابع
جد الحياة بدون صديق متعبببببه والله احيانا بس يضيق صدري اكلمها وحتى ماقولها ضايق صدري بس سوالف وضحك خلاص انسى
ذقت مر الخذلان كثييييييير لذلك اعرف معنى الصداقة صح
<< نفس عميق
تسلمين ارتوسه
استمتعت حيل بالطرح ويازين الحريه والاريحيه والناس الطيبه اللي تفهم وتقدر وما تنشب .. انا من هالنوع اللي احب اخلى كلن ع هواه وظروفه متى ماذكرني استقبلته بكل صدر رحب أؤمن بمشاغل الحياه والظروف الخفيه .. واجب علينا نحسن الظن ونقدر الا اذا ظهرت بوادر تخليك تتاكدين انو هالانسانه مصلحجيه هنا انا يكون لي تصرف ثاني . هالصفه اكرهها حيل اذا كنت اعز انسانه وماتذكرني الا وقت المصلحه والخدمه بس .. وغيرها ماطقتلي خبر ..
شكرا لك ..
حبييتي انتي ياارتوسه وربي اني جددااا احبك واحترمك ودايم ادعيلك بالسعاده
لانو علمتيني اشياء كثيير كفايه فلسفاتك وثرثرتك الجميله والمنطقيه
المهم انا جداا اقدس الصداقات واحب انتقي صديقاتي بحذر وسبحان الله ربي دايما ييسرلي الصديقات الي يكونو نفس مودي
وربي احيانا نجلس بالشهر مانكلم بعض او اكثر ومع بعض بقروب خاص بس كل وحده تنششغل بس ياويل وحده ترمي كلمه تقولي امس
لسى شايفين بعض كل وحده عارفه الحب الي تحمله الثانيه لها مو شرط انو ماكلمنا بعض يعني مو مهتمين بس خلاص واثقين بصداقتنا
وربي يكتبلنا نكون صديقات طول العمر ومايفرقنا عن بعض
ارتوس كلامك بلسم حتى لو كان الموضوع يفتح جروح
من اشد معجبينك انا بس احب اقولك انو الصديقه هي اللي تصدق
معاكي بكل شي ونادراً ما نتقبل نحن كبشر شي عكس رغبتنا لذلك
دوام الصداقة نادر
تحياتي لك
بوست جداً جميل وجبتيها على الجرح بصراحة
انا العكس تماما تزوجت وكنت وفيه مع صديقاتي ولا قطعتهم
وفي نفس الوقت ما أحب أتكلم معاهم عن حياتي الشخصية مع زوجياو كيف علاقتنا مع بعض سواليفي معاهم كانت بس عن الدراسة والهموم البناتيه العادية ما تعمقت مع احد منهم في شيء طبعا طوال غربتي كنت محادثات بيننا عن طريق الmsn ايام عزه وكل ما طفشت كلمتهم طبعا مكالماتي مو بعيده عن بعض مثل قبل زواجي ماتغير شيء
لكن بعد ما رجعت علاقتي معاهم ماغيرتها لكن الي صدمني علاقتهم اهم الي تغيرت وكانهم مجهزين العصابه قبل الفلقه انصدمت من تعاملهم وبعدهم مع اني انا نا بعدت انا نفسي ما تغيرت أبد معاهم حتى وحده منهم أمها الي بعدتها عني بتفكير المتخلف اني انا متزوجة ودرسة برا اكيد بغير أفكار بنتها ولا بخربها وانا مو من تفكيري فأنا بالأصل متحفضه معاهم ومع غيرهم لو اجتمعت معاهم اجتمعت لأنهم صديقاتي فقط وسواليفي معاهم بس أشياء سطحيه ماعندي تعمق اكثر من الازم واهم نفسهم عارفين هالشيء لكني مستغربه الى الان وش هالتفكير دامي ما بعدت انا ولا شفتو شيء مني ليه اشوف منكم العكس هذا غير تفكير الام بتخريبي لبنتها فا الي صار مني اني بعدت عنهم وخليت معاي الي صدق صديقاتي مع اننا بين فترة وفترة نتواصل لكن نحب بعض ولا نتشرة على بعض لأننا عارفين ضروف بعض
تبين الصدق ؟ تمنيييت احظى بجلسه وحده بس من جلساتك
فعللا قرقرتك غيييير احس تطلعين كل الكلام اللي انا مقدر اعبر عنه اسلوبك ممتع ممتع ياخي لابعد درجه ،،
ع كثر تخبطي ف الصداقات وصدمتي من البعض منها ونفوري من البعض ايضا ..الااني طلعت بصديقتين هم اجمل شي في حياتي ودايم ف بالي لااراديا وفيه كونكت سبحان الله بينا اكثر شي مع صديقتي الاولى اللي هي اختي الاصغر مني فيه كمية تراصل عجيبه بننا رغم بعد المسافه هي ببلد وانا ببلد
.. الله يخلي لك اهلك يارب ويزيد هالعلاقه القويه الجميله اللي بينكم
آآآآآآآآآآآآآآآه ارتوس جبتي كلامك على الجرح
انا وصديقتي اللي كانت تؤام روحي ولازالت افترقنا تقريبا لنا 7 سنوات او 8 ولاقدرت انساها وهي برضو ورافضه نرجع لبعض الكل يقول انسيها واتركيها ولكن ماقدرت
الحين سمعت من البنات ان ملكتها قريب وسألوني اذا بحضر او لا
من جد حسيت الدينا مقفله بعيني
كالعاده مبدعه بطرحك
ذكرتيني بصديقاتي لنا مع بعض عمر ولابينا لاعتب ولاتشره ومل وحده قلبها ع الثانيه وتتمنى لها الخير بس بعد ماتزوجنا وكل وحده راحت لمدينه صرنا نادر جدا مانشرف بعض يمكن بالسنتين مره بالاجازات لما نكون عند اهالينا اذا صار وكنا كلنا متواجدين بنفس الوقت المشكله انه لما قال تواصلنا واتصالنا وصار تقريبا مقتصر ع قروب الواتس احس مشاعري اتجاهم بردت صحيح احبهم ولا اتمنى لهم الا الي اتمنى لنفسي بس احس عادي لو ماشفتهم عادي لو ماتقابلنا او سمعت صوتهم يكفيني انهم بخير وحسهم موجود بحياتي لو برسالة واتس مدري هل هو عيب فيني والا شي طبيعي مع الوقت والبعد
عموما الله يسعدك اليوم احس اني بكلمهم بسببك ❤️❤️❤️❤️❤️
ماشاءالله الله يبارك لك، أنتِ في نعيم أتمنى احد يسأل عني لو مره ?
أتمنى يكون عندي لو صديقه واحده ? انا بطبيعتي هاديه وخجوله وإذا احد جلس معي اتوتر ماعرف أقول شي ?? يعني خلاص انا مالي الا اختي الله يخليها لي ? اذا صارت مشغوله عادي اجلس أسبوع ماكلم احد ?
الله يكثر من امثالك جد تعجبني عقليتك واسلوبك يختي نحتاج زيك كثيييييير ماشاءالله
عقليتك المتفتحه رقيك اهتمامك ماشاء الله تبارك الله انتي تلهميييني
المشكلة ترجع لعقلية البنت بعضهم تعتقد انها صارت مهمة ومسؤولياتها اكثر منا تذكرت ايام الجامعة سنه أولى وحدة متزوجة واحنا منا قروب كلنا عازبات الا هي فمرة أسألتني لما عرفت انه انا وابوي وامي بس في البيت وبقية اخواني مزوجين
سألتني بهالاسلوب المضحك حرااام ماتطفشين وش تسوين لحالك قلتلها عندي مليون شي مسؤولة عنه وأسويه أوله دراستي
سألتني سؤال أغبي طيب تزوجي ?بعدها عرفت انه ماينشره عليها الحمدلله كملت دراستي وتخرجت وسافرت علاج مع ابوي وأديت واجبي تجاهه حتى آخر لحظة من حياته ثم تزوجت واخذن وقتي في التفكير حتى اقتنعت بالشخص اللي تزوجته
وصديقتي اللي ابثرتني وكل يوم تسولف لنا عن حياتها السعيدة المثالية وكانت مجننتنا بمقارنتها بينا وبينها صارت تتشكى انها معاد تقدر تكمل حياتها في جناح في بيت اهله وانه راتبه مايقضي احتياجاتهم واللهم لا شماته ?
صداقاتي كثير والحمد الله بحكم اني اجتماعيه جدا لكن على كثر صداقاتي ماتعمقت في صداقه الى درجة كبيره احب كل صديقاتي من ايام الثانوي الى الان مازلنا نتواصل من بعيد ونسأل عن بعض وصديقاتي حاليا فالكليه مثل خواتي الصغار بحكم انقطاعي فتره طويله ورجوعي مع بنات اصغر من عمري لكن علاقتنا جميله وصديقاتي منهم المتزوجات ومنهم العازبات لكن مستحيل اتشره على صديقه وينك وقطعتي القديمات كل ما اشتقت لهم ارسلت اسألها عن اخبارها وصحتها والحاليات متواصله معهم كمان ننقطع فترات وقت الاجازات بحكم انشغال الناس لكن ماننسى بعض زي ما اكره ان احد يقول قطعتي او تكبرتي احب بين فتره وفتره نسأل عن بعض نزور بعض لكن ماندخل اونتعمق في حياة بعض الى درجة غيرة الصديقة على صديقتها بالنهايه اشوف وضع حد لكل علاقة ماتتعداه اريح للانسان فحياته.
مساء الخير
أبدعتي بتدوينه شدتني للتسجيل عشان ارد عليك
انا بداياتي معك من شمواه ومن بعدها بديت اتابع لك بلمدونه وادمنتها بصراحه بشكل مو طبيعي لدرجه حسيت اني القى نفسي بين سطورك وكلماتك
لاكن طبعي انسانه بعيده عن الضوضاء لدرجه ما احب مواقع التواصل الاجتماعي ابدا مع اني اجتماعيه لاكن خفيفه مثل ميقولون هااااديه احب اطلع فجئه واختفي فجئه اعشق الخصوصيه وأسلوب كل انسان يعيش حباته براحته
دايم اتابعك لاكن من بعيد واعشق تدويناتك عشق لدرجه أتمنى ساعات تكون اختي مثلك اسلوبك يدخل عقلي وقلبي
اليوم تو اشوف مدونتك لي فتره مادخلت لاكن اليوم شدني الموضوع لدرجه ماعاد اقدر اصبر لازم افجر الكيبورد بتعليق هههههه
الصداقه عندي شي أساسي لاكن بحدود عندي وحده من صديقاتي لي معها اكثر من 10 سنوات صحيح مو دايم على تواصل لاكن هي عندي رقم واحد لدرجه هي بشمال وانا بشرقيه مره عزمتني على عرس اخوها رحت لها من معزتها بسياره مع عيالي أطفال بس عشان معزتها تخيلي يوم حضرت الزواج وثاني يوم رجعت
وعندي وحده اعرفها اكثر من 10 سنوات وكنت معها مره على تواصل بهلفتره كامله لاكن بمجرد متخرجنا ودخلت جامعه لي 3 سنوات ماعاد اعرف عنها شي ميولها تغير مفهوم صداقتها تغير جذبها محيط الجامعه فسحبت نفسي بهدواء وللأسف الى الان أقول ليش تغيرت مع اني متزوجه لاكن صداقتي وعلاقتي بناس مثل ماهي
عندي صداقات من داخل العائله مثل بنت عمي انا معها اكثر من اخوات لاكن للأسف مره غدرت فيني لين الحين اعزها لاكن مفهوم العلاقه تغييير 180 درجه
دايم الصديق هو الي يغير تخيلك لصداقه وعمقها واسلوبها
اكره الشخص الي يتشره ويقارن نفسه باشخاص تعرفهم ويحط نفسه داخل قلبك بمكان مو مكانه احب يكون لكل انسان مكانه خاصه فيها يعرفها ويوقف عند حدودها
اكره الخيانه والصداقه لمصلحه وللاسف كم مره خذيت درس عمري ماراح انساهم
انا ما اكره احد لاكن اذا خذيت موقف يصير اسلوبي اتجاهه جدا باااااارد لدرجه الشخص نفسه يلاحظ تغيري معه لاكن بدون لا اجرح احد واضايقه بلكلام بتدريج اسحب نفسي كان مافي شي بينا
وافضل صديق لحد الحين عرفته وأتمنى يضل اعز صديق لي لاخر العمر والله يديم علينا زوجي اعتبره بنسبه لي صديق وفي واكثر من وفي الحمدالله
لان لي تجارب جدا فاشله مع الصديقات
لاكن الحمدالله عندي كم صديقه اعتبرهم خوات
والحمدالله ربي رزقني ببنت أتمنى لكبرت اصير لها اعز صديقه وتصير لي صديقه
انا اقدس صداقه الام مع بنتها تمنيت لو حصلت هشي وعشته لاكن ان ان شاء الله اكونه مع بنتي واعيشه معها
هذرت واااجد لاكن مدونتك جدا جذبتني لحدود السماء
تسلم اناملك على هيك طرح الله يعطيك الف عافيه
دمتي دوما كما انتي ودامت مدونتك لنا
سبحان الله صديقتك اللي جارتك وماتشره شكلها صديقتي هههه يازينها لي صديقه وحده من اولى ابتدائي لين الحين تقريباً ٢٥ سنه اروع صديقه صح مااقولها يالحووب واحبكي وفينكي ماتستهويني كلمات حب هالجيل لووول هههه لكن زي العسل لاتشره ولا اشره نغيب شهر وزود ونرجع سوالف عادي كل اللي صادقتهم فتره ويختفون الا هي اعتبرها اخت اكثر من صديقه، هاذي الصداقه بنظري ، موفقه تووسه انتي عسسل والله اتمنى اكون صديقتك اخطبك لخوي واخليك هههههه لا امزح ?❤️❤️ حبيبتي والله
ماشاء الله تبارك الله عليك ارتوس ( مافيش بعد حكياتك حكي علي قوله إخواننا السوريين ) عن جد تكلمتي فشملتي جميع النواحي …. عاد انا الصداقة عندي عالم اخر متنفس اخر الحمد لله عندي صديقات كثار او بالأصح زميلات كثار بس وقت الجد والصديقات اللي اعتبرهن روحي الثانيه هم ثنتين فقط ويمكن نقطع عن بعض بالأيام والسنيين واذا رجعنا رجعنا أقوي من اول مع وجود الود والحب والشوق …. والحمد لله اتوقع بهم اكتفي الله لا يغير علينا بس مو درجه التعلق والهيام مع العلم كلا منا متزوجه وعندها دوامها وحياتها الخاصه ومع ذلك اذا اشتقنا كلمنا بعض او زرنا بعض …. اتوقع الصداقة هذه الأيام صعبه شويه او معقده شويتين او مفاهيم الناس لهذه العلاقه تغيرت ماادري الا من رحم ربي لأكون عادله اما الكل يكتفي بمالديه من صداقه وينغلق عليها وعلي اللي عنده او يجعل الباب مفتوحا ويجعل كل من قال له السلام صديقا وسمح لنفسه ان يتدخل في شؤونه بس زي ماقلت الا من رحم ربي …..يالله ي توسه دائم تعرفين كيف تنطقينا وتخلينا نفضفض …. ففضفضتك لنا واعتبارنا أصدقاءك ومشاركتنا مواضيعك يجعلنا نشعر بالحميميه والود ونرغب بالفضفضه بدورنا ….. ?
ببالي حكي كثيررر بس انتي اختصرتي علي من خلال التدوينه تمثليني بميه بالميه والله جد م اكذب مرات احسك زي مواصفتي م احب احد يتلزق فيني ولا احب اتلزق فيه زي م قلتي انا انسانه احب الحريه والهدوء زي الفراشه انتقل مثل م ابي مرات احب اكون اخصص وقت لنفسي ومرات اقعد مع اهلي لكن عندي صديقة م بها كلاف تساعدني باللي م اقدر عليها بالجامعة الله يجزاها خير ونعم الصديقة لكن عبيها نشبة اذا قعدت يوم م كلمتهامع انو كل يوم اكلمها الاقيها مرسله وينك م تسالين عني تطمنيني علي ?احيانا ابرر لها وما احب ازعليها لكن هي تحط نفسها بمواقف محرجة والا الاسلوب ذا لو ابيك كان كلمتك لكن اعطيك فرصه عشان م نمل من بعضنا.. اما االصداقات بعد الزواج اتفهم ظروفها من بعد تجربة اختي بعلاقتها بصداقتها بعد الزواج عرفت انو م يحس الا جرب كل وحده و ظروفها تمنعها ع المواصله كل يوم بغض النظر عن اللي طايره بالعجه اللي م صدقت تزوج و تسحب على صديقاتها باول لحظة ?.. نرجع اللي تصادق عن عشان سواق اعرف وحده الله يستر عليها كانت تسب قريبتها ومن طلعت سواق صلحت العلاقه و صارت بس تمدحها ووهو من وراء قلبها كله عشان م تخسرها وتخسر السواق هههههههههههههههههه ?.. بالاخير اكررووه صداقه المصلحة تحوم كبدي والا اقدر اجاملها لازم اخربها ?
*
الصداقه و ماادراك ما الصداقه فيه صديقات ما اعرف ايش اقول عنهم ما فيه كلمه توفي حقهم
مافيه ابدداا وفيه اللي ما اسميها صداقات المصلحه و اللي انبنت ع اساس هش طاحت بعد
فتره قصيره
عندي صديقه استحي اسميها صديقه اختيي والله اختتي ماادري كيف اوصفها تعرفت عليها
في اولى ابتدائي حكمت عليا الظروف اسيب المدرسه دي و اروح لمدرسه في مدينه ثانيه
و بعد 3 سنوات برضو الظروف رجعتني لمدرستي القديمه ما صدقت انو هيا نفسها لقيتها
كنت ابغى اتاكد انها هيا و اولى ما كانت علاقتنا صداقه كانت زماله او صحبه في المدرسه
بس كل سنه كنت اكبر كبرت معايا و لين رحت للمتوسط ومعايا و كمان للثانوي كل سنه تكبر
صداقتنا اكبر من قبل عرفت ايش هيا الصداقه منها تعرفت على صاحبات كثير و على زميلات
بس هيا غيرر كانت من عيوني تعرف ايش فيا ما يحتاج اتكلم دحين انا في الجامعه وهيا لسى
صديقتي تزوجت و جابت بنوته حلوه زيهاا و ننقطع عن بعض فتره اقول عنها كثيره و نرجع نكلم
بعض بكل الحب و الوفاء و نفس شواقتنا في الثانوي بجد انا حياتي بدونها ما اعرف كيف حتكون
من آجمل النعم في حياتي هياا ربي يخلي حسها في حياتي .
* اقتبس
وَ طبعاً بالأخير العَلاقة طَردية ، تحترمني ، أحترمك ، تَعذرني ، أعذرك ، تسامحني ، أسامحك
وَ لا تحسبها بين الصَديق كم مَره أهداني ؟! كم مره عَزمني ؟! كَم مرة كَلمني على حسابه أو على حَسابي لوووووول
( مُجرد ما تَفكرون بهالطَريقة إنتم مُش أصدقاء صَح )
^^
بالزبط الاصدقاء ما يفكروا بدي الاشياء اللي اسميها سخيفه كفايه لو افتكرتك دعت لك .
ارتوس ..
ي منبع الابداع و الجمال اتعب و انا اقول كل تدوينه اجمل من الاولى .
شقاوتنا **
يآآآه يارتوس كلامك عين العقل سطرتي مشاعري ورأيي بالصداقه انا اكره ماشوف الصديقه اللي تحتكرك ينرفزني هالشيء كثيير وحده من البنات بعد ماتصادقنا بفتره صارت تتشره اذا ابطيت عنها ولازم اعلمها بكل شي بحياتي واقولها كلام حلو ومدري كيف طبعاً بعيداً كل البعد عن الشذوذ او شي مو حلو لاني متأكده مو هذا قصدها لاكن هي كذا الصداقه عندها صديقتي يعني اعرف كل شي عنها انا حاولت اسايرها لاكن اللي صدمني انها تغار المشكله انها لها مكانه بقلبي واحترمها ولااقدر اخليها تخيلي صادقت وحده غيرها وانسجمت مع هالوحده وكنا دايمن ضحك واستهبال وكذا يعني لمن نجتمع نفصل جت هي مسكتني وقالت حرام عليك اغار واني حساسه ومدري كيف كلام طويل عريض انا سكت وحاولت مااتعلق بالوحده ذي وصرت اقلل من العلاقه معها يعني ماصرنا نتعمق بس طبعاً ماقطعت العلاقه وعادي اضحك معها واستهبل بس يعني احترماً لمشاعر صديقتي راحت الدنيا يمكن بعد سنه من السالفه الا والله صديقتي صادقه نفسسس البنت وصارت هي وياها اللهم ياكافي وماتقعد الابجمبها وغمز ولمز وضحك وسوالف ع جنب يروحون لحالهم بعيد عن الشله ويسولفون لوحدهم ويعني شي عجيبب رحت قلت لها فلانه شلون كذا وين اللي تغار ومدري ايشش!! قالت هاا انا صراحه ابي احد يهتم فيني وهي عطتني اهتمام واني مقدر اخليها ومدري كيف وانك للحين غاليه ومدري كيف صراحه هالموقف علمني درسس ان المفروض الشي اللي رافضه عقلي ارفضه بكل ارادتي ومااسايره والحمدلله ماتأثرت وعندي يقين انها ماتستاهل ذره تأثر لاكني ماقدر اقطع علاقتي معها ولاقطعتها ومشيت حياتي عادي ولاكان شي صار طبعاً طبعاً ماتعرف كل شي عني مثل قبل وتششره ومدري وش علاقتنا شبه سطحيه وكنت اقول اساساً مين هي حتى اكرها او احقد عليها مافي شي بالدنيا يستاهل يزعلني
وبسسس
وبما اني ذكرت الصديقه المش ولابد الحمدلله عندي بالجانب الاخر صديقه تنحط ع الجرح يبرى الصديقه اللي تحب لك الخير وماتنشب لك مهما ابطيتي عنها ترجعين نفس الاحساس والحب ماتغير نفس الميانه ولو تشوف مني شي تهاوشني وماتجاملني دايماً تنصحني الحمدلله تركت الغيبه بسببها صرت انسانه افضل تشاركني اهتمامتي وافكاري وتشجعني يجمعني معها شعور اقدر اسميه صداقه بحق ولله الحمد
واخيراً عسى الله ان يجعل صداقتنا خالده بخلودنا في الفردوس الاعلى من الجنه??
تفكييييرج وثرثرتج لااااامست فيني الكثير و وااايد حبّيتها .. بالضبط نفسي ?
وبالذّات كلمة (وينج يالقاطعة) ههههههههههه مو بس تفقدني صوابي إلاّ تذبحني هههههههههه?
آآآآآه يا أرتوس جبتيها ع الجرح لما تكلمتي عن صديقتج اللي زوجها حارمها من صديقاتها كأنج تتكلمين عني بالنسبة لي انا زوجي حرمني من صديقاتي واهلي واغلب صديقاتي هم اللي قطعوني بعد زواجي ولما اشوفهم او اكلمهم بالنادر يقولون لي تزوجتي ونسيتينا طيب انتوا ليه ماسالتوا عني بهاذي الفترة عرفت بس الصديقات الحقيقيات عندي صديقة لي معها 10 سنوات اول ماتعرفت عليها ماتوقعت انها هي اللي بتدوم لي وسبحان الله بعد زواجي هي الوحيدة اللي عذرتني لما انقطعت وليومج بكل مناسبة ترسل لي على جوالي تهنئة ولما واكلمها بين شهور وشهور تكلمني عادي وكاننا قبل ساعتين مكلمين بعض هاذي الصديقة اللي المفروض تحطينها فوق راسج وبالنسبة لي الحين صديقاتي امي وخواتي نشوف بعض بنهاية الاسبوع وكل وحده تقول اللي عندها وسوالف وضحك ووناسة ولا كاننا ام وبناتها كاننا صديقات الله يخليهم لي
السلام عليكم ورحمة الله وبركاته
ما تتخيلي كم لي اقرأ في المدونة ممكن من الساعة عشرة واحنا قربنا على ثلاثة العصر
من تدوينه لتدوينه ما شاء الله كمية ابداع الله يحفظك
انا متابعتك من أيام شمواه وعالانستغرام وهنا بس اغيب وارجع وما اعلق كثير .
بس هذي التدوينة استفزتني للتعليق ههههههههه
الصداقة شيء مهم بحياتي وما اتخيل نفسي بدون صديقات
انا شخصية صديقاتي ينعدوا على الأصابع لأني ما انفتح على الناس ولا اعطيهم ثقتي بسرعة
فاختار صديقاتي بعناية والشي الثاني ما احب ابدأ علاقة مع احد الا وانا عندي نسبة ثقة كبيرة اني حكمل في هذي العلاقة.
فالعبرة في الكيف وليس الكم .
فالحمد لله ما اعاني من موضوع العتب ابدااا لان الكل عارف طبعي ومتقبله وانا اتعامل معاهم بالمثل
قد اغيب لفترات لاني حابة اختلي بنفسي – عندي شي شاغلني مالي خلق احد أي كان السبب فيعذروني وبس اكلمهم كاننا تكلمنا امس كل شي طبيعي .
وعندي صديقات متزوجات وامهات وعازبات والحمد لله منسجمين ومقدرين وضع بعض والظروف المتغيرة.
ممكن احس اني فاقدتها او انه وقتنا مع بعض قل لكن في نفس الوقت متفهمتها وعاذرتها.
في الأخير ادعي الله انه يحفظ للجميع احبتهم ويحفظ الود والحب اللي بينهم.
والله موضوع جا بوقته ?? انا لو تغيب عني وحده سنين وجت تكلمني م بتشره ولا بزعل وينها لاني انا بنفسي ممكن اسحب ، بالذات ع سوالف الواتس والجوال احبها صداقة فيس تو فيس ، بنت خالتي مثلا انا وياها تقولين توأم نفس،الاهتمامات ونفس الذوق وكل شي ولما نروح معاهم اجازه سواء بيتهم او شاليه اسحب ع الجوال واجلس مع،اهلي ممكن م افتحه الا لو قمت او قبل م انام وهاتك ي تشره فينك و قطعتينا ومدري وشو ، طيب انا فرحانه بوضعي ، اترك الجمعة واهلي والفله وانحشر واكلمك؟ عالم غريبة صراحة ، انا انسانه ماحب صديقة الروح بالروح كثير ، احب اكون اجتماعية مو احبس نفسي عند،نفس البنات كل يوم لدرجة خلص تخلص سوالفكم ، ع العموم انا انسانه اجلس يومين ماحب اتكلم مع احد فكنت احسب نفسي غريبة لين طمنتيني ???
بسم الله ماشاء الله عليكك ..()
قريته اكثر من مره وبكذا وقت لان احب اسلوبك بالحكي ..
بالنسبة لي انا مو اجتماعية ابداً يعني صديقاتي بالمدرسة هم صديقاتي الحين ، واقرب اقربهم لي وحده من الابتدائي ووحده من المتوسط والحين انا عمري ٢٥ ومازلنا مع بعض برغم انا انتقلت لمدينة ثانيه وبعيدين عن بعض وننقطع فتره طويله بس من نكلم بعض ننطلق بالحكي كننا امس شايفين بعض ..
وعندي اخواتي من اعز صديقاتي احس نفهم بعض ونعطي بعض الحلول المناسبة والانسب لوضعنا بما اننا تقريبا نعيش نفس الحياة ..
والاقرب الاقرب أمي ايه امي مع اني اتحفظ على بعض المشاكل بحياتي عشان ماازعجها فيها بس تظل هي الصديقة رقم واحد عندي ..
وبعد انا مااحب اقول كل اسراري لهم احب احتفظ ببعضها لنفسي . واحيانا شي تعرفه وحده بس الثانيه لا كذا بدون سبب ..
واحيانا ممكن الصداقات اللي تدوم صداقات الجامعة لان بوقتها البنت تقريبا تشكلت شخصيتها وتنتقي صديقاتها نقوة بحيث يكونون مثل بعض متشابهين ..
موضوعك جداً جميل وكنت احتاج اقرأ نفسه من زمان
انا وحدة ربي مارزقني بخوات ابد وصرت اشوف صديقاتي هم خواتي طبعا كلهم عندهم خوات
فصرت اتمنى فعلا يكون عندي نفسهم
الحمدلله موب ناقصني شي بس ناقصني انه يكون عندي اخت
لهذا السبب ندمت على صداقات كثيير لأني اقدسهم وكانوا عارفين ان فعلا محتاجة يكونون عندي
قبل كل شيء ابي اتكلم عن هجوم البشر على المتزوجه شيء مو طبيعي من اول ماتتزوج يبدون يراقبون وش سوت وش جابت يعني بنت عمتيصديقتها من اتزوجت وهي تسب فيها لانها بالقروب زوجي وزوجي صراحه لو انا بسحب عليهم واطلع معليشيعني فعلا اهتماماتنا مختلفه واكره صراحه سالفة عشرين صديقه انا وحده بالعله القا صديقه عندي ٢ هذول اللي بحس اني بستمر معهم وسبحان الله كل وحده بديره وكل ماصارت مناسبه كلمنا بعض يعني ممكن مرا بالشهر اسال عن احوالهام ونسولف لحد ما نشبع وعادي ماعمر وحده قالت ليش ماتتصلين او انا اتصل وانتي لا ولو تزوجت وحده منهم مستحيل انشبلها نفس البنات صراحه انا من جلطه من هالسالفه في عندنا بنت متزوجه كل البنات ناشبات لها يبون يشوفون زوجها حلو او لا مرا كنت واقفه وهم جنبي واسمع صديقاتها يحاولون انها تقولهم عن علاقتها الخاصه صراحه قلة ادب ووقاحه اعرفلك وحده بعد ما تزوجت صديقتها كل يوم تكلمها وصديقتها تقولها كل شيء من الثقه وذيك تقولها طيب روحي بوسيه لانه وافق انهم يسافرون سوا المهم البنت لما شافت زوج صديقتها صارت كل يوم تقول لباقي صديقاته يجنن يهبل حرام المفروض تحترمه طبعا من وراها اما صديقتها الثانيه تزوجت واتوقع زوجها منعها عنهم صارت تتصل عليها وتقول خبله تعالي مو كل شيء تسمعينه معليش يعني بخلي زوجي واسمع كلامك انا عن نفسي ما اممن احد الا صديقاتي الثنتين لاننن عارفين حدود بعض ونحب بعض مرا مع قل مكالماتنا ❤️من ناحيه اللي ما تقول انا حامل مدري وليش الناس شاقيه نفسهم مو معقوله امشي واعلم خلق الله عن حملي خلص بتدرون كذا ولا كذا مو لازم تكونون اول ناس احيانا فعلا العين تمنعنا واحيانا الخجل ?(انا اقدر الحياه الزوجيه والعائليه اكثر من الصداقه) على العموم انا صديقاتي قليلات لاني وحده اعشق اللي احبهم واقدر ظروفهم بقوه ولاحبيتهم شفتهم ملاك عشان كذا بالمتوسط تعرفت على شله بالبدايه حبيتهم بعدين كرهتهم تهاوشوا مع بعض وكل وحده فضحت بالثانيه وتكلموا بظهر بعض وتركتهم باحسان المصيبه انهم حاولوا يتمشكلون معي لاني تركتهم مصيبه صراحتن ان عندنا الفراق لازم يكون بمشكله ?
من صديقات العائله بنت عمي احيانا يمر شهور وفجاءه ترسل تسأل عن فستان او شيء من دون لا سلام ولا كلام ولا فجاءه نرسل معناتنا لبعض بالواتس وعادي الوضع واحيانا ارسل شيء وتسحب واحيانا ترسل واسحب وعادي جدا الوضع ❤️دائما نخاف لو تزوجنا تنقطع علاقتنا لان خالتي كانت دائما تسولف كيف علاقتها مع بنت خالها كيف كانت وانخطبوا مع بعض وصارت هذيك تغار من خالتي وتقارن زوجها بزوج خالتي وتجهيزها بعد بينما بنت عمها اللي كانت مرا معها بعد زواج بنت عمها انقطعت تقريبا بس بالزيارات لانها تزوجت قبل خالتي بخمس سنين بس للان لاتكلموا مع بعض اشوف بعيونهم الحب لدرجة ان ما ترضى عليها بعكس بنت خالها تقول صدمتني ،،المهم بنت عمي تقول ياويلك ان تغيرتي وانا اقول ياويلك ان تغيرتي بكرا تهاوشيني عشان عيالك الشيونولا عشان خطبتي بنيلولدك وما وافقت????المهم الله يحفظهم لي
اليوم قريت هالموضوع بعد تاجيل طويل
ارتوس عندي صديقه جدا مقربه والحين صرت ما تطيقها بسبب التشره كل ما تراسلني انتي وين ليش ما تسالين بس انا اللي اسال انتي صرتي متكبره او بمعنى انتي صرتي متكبره ووووووو تخيلي بكل محادثه هالكلام خلاص صرت اذا اشوفها ترسل ينقلب مودي اكره التبرير
فعلا لازم الواحد يحس بالحريه مش متقيد بشخص واحد ، بعض البنات الله يهديهم على بالهم انو اذا كنتي صديقتي الروح بالروح لازم اتصل عليك كل يوم واحرمك من الناس اذا كنت معك ?غريييب