حَبيت أتَكلم عن هالشَركة لآن لي 3سَنوات أسَمع مَدح عليهآ مَن الأجانب
وَ لكن ما تَمت التَجربه إلا من سنتين تقريباً , لَعدم توفرهآ بالرياض ..
لَكن كان الإسَتخدام مَن قبل أخصائية يَعني ما كَنت أشتري البرُودكت
إنمآ أشَوفهم يَحطونه على وَجهي
فَكل ما أقَول لُهم تَبيعونهآ يَقولون لآ
المُهم أني وَجدت ظالتي بَدبي , وَ مركزهم كبير نسبياً وَ يزينون لك أختبار للبَشرة
وَ يساعدونك على إنَتقاء المُنتج , صَديقتي تَقول إنهآ لقت ماركة درمالوجيكا بصيدلية عيادة أوباجي
لكن أنا رَحت وَ مالقيت شيء , عاد تعرفون البنات يَخربطون يَمكن خربطت بينه وَ بين بيوديرما
المُهم إللي تَلقآه خير وَ بركه
ما تَلقآه تَحاول تَجيبه من برآ , أنا ما جَربت أطَلبه عبر الأنترنت لأن كثير من مُنتجاتهم
رَغويه وَ عبآره عَن سوائل , فالحَل تجيبينه مَن دُبي بكميات وَ تحرصين على مُدة الإنَتهاء
مَوجود بدبي مَول بالدُور الأول
لَكن لمآ زَينت بَحث لقيت مَكتوب مَوجوده برضو ببرج خَليفه ( عاد مآعَندي علم بَخصوص برج خليفه )
بنات الإمارات يأكدون ..
مُنتجات ديرمالوجيكا , مَيزتهآ تَجمع بين المُنتجات الإحترافيه إللي مآ تتم إلا بَعيادة
وَ بين المُنتجات اللي تَقدرين تَستخدمينهآ بالبيت , وَ لو دخلتوآ مَوقعهم رآح تنهبلون وَ تحوسون من كثرة المُنتجات , صَراحه آتَعذب نفسياً لمآ أشَوفهآ , فيه عندهم حَلول سَريعه وَ مُجديه للَمشاكل الطَفيفه
إن شاء الله بَين كل فَترة وَ فترة رآح أضَيف لُكم منتج
هالمُنتج تَم أختبآره لفترة طَويله حَتى يكون مايَكون حُكمي لَحظي
Dermalogica MediBac Sebum Clearing Masque
سَعره ~
200 ريال تقريباً
وَ أنتبهوآ مَنه أحَجام , يَعني لو رَحتوآ وَ لقيتوآ سعره 500 ريال
فأكيد فيه أختلاف بالَحجم , أنَتم جربوآ بحجم صَغير مَن ثٌم أشتروآ الأحجام الكبيرة
وَ لو أني ما أفَضل حتى ما تَنتهي مُدة صَلاحيته
حَجم اللي عَندي الحَجم العآدي آبو 75 مَل
مَيزة المآسك ~
يحتوي على حَمض الساليسيليك وَ هُو بنفسه رآح ينظف لك الطبقة المَيته من الجلد
وَ بنفس الوَقت لو فيه مسام مسدودة بينظفهآ , عَشان كذا هُو مناسب لصاحبات البشرة الدُهنيه
هالماسك أحبه لَيش ؟!
عشان لو زينت وآقي شمسي وَ لا مَكياج ما يَظل فيه بقآيا
هالبقايا اللي تنبع من الماكياج أو الكريمات اليَوميه آو حتى الشغل بالمَطبخ
كلهآ تدخل بمسامات البَشرة وَ عقب فترة تَطلع لك على شَكل حَبه
هذا يَنظف الجَلد من الدآخل
غير أنه يَمص الزايد من الزَيت , أنا لآحظت بشرتي تَكون معه عاديه
بالرُغم بشرتي دُهنيه , يَمكن تَظل ماسكه نفسهآ أبو 3 أيام كأنهآ بشرة عاديه
ما تَفرز دَهون , بالتالي يَريحنآ هالشيء بالمَيك آب وَ خلافه
طبعاً ما يَجفف البشرة إنمآ يَتحكم بالفائض من الزَيت
عَقبه يَصير وَجهك فريش ووآضح نظيف نَظيف من قَلب القَلب
يُستخدم 3 مَرات بالأسَبوع , أنا أستخدمه مَرتين
وَ أحياناً مره , حَسب روتيني بالعَنايه وَ أحطه بَس 10 دقايق
مَثل مو مَوجود عالعبَوه
اللي بشرتهم مُختلطه بالإمَكان وَضعه على التَي زَون فقط
تَقييمي للمُنتج ~
ما أقَدر أقيمه وَ أقول أنه عَجيب لأنه مُنظف
وَ مو مَطلوب من المُنظف كَثير , فأعطيه الجَودة العآليه نآسبني فما أقَدر أعَطيه رَقم
وَ برجع أشتريه مَره وَ مرتين وَ ثلاث
وَ لمآ تَستخدمينه تَحسين بأحساس فَكسي مُبرد غير مُزعج وَ لونه طمي على بياض
يعني مو الطَمي الأسود أو الأخضر أو الأحمر ( طين أبيض ) ..
وَ أخيراً لازم نفرق بين الماسكات فيه ماسك مُقشر وَ ماسك مُنظف وَ ماسك مُغذي
وَ تقريباً تطرقت بَخلال تَدوينآتي لَجميع آنواع الماسكات
دُمتم بَحب
مُلاحظة / هذه التَدوينه تَم نشرهآ سابقاً بتاريخ 23-08-2013
موجوده بغير دبي
فالكويت او قطر
ماَعندي خلفيه , رُبما موجود بَقطر مش متأكدة
طيب هل يوجد قناع طيني للجسم ويكون فعال ؟؟؟ لاني شريت مره و ووجوده مثل عدمه 🙁
أكيد فيه .. لكن غالباً مُتخصص بالعيادات
يعني بيكلفك ١٠٠٠ ريال بعبوات كبيرة
شكرا ع تدوينه ارتوس…قبل فتره شفت هالمنتجات في صيدليه بوتس صحارى
شكراً للإضافة
الله يسسعدك شككراً لا تفي ّ ، لما اقراء مدونتكِ يجيني احسساس بالخيبة ( أحسني جداً مهمله بحق بشرتي شعري جسمي ) >>> دميعاتَ والله جدَ بصيح
طبعاً بشرتي دهنية جداً جداً جداً ( وللأسف عملت روكتان ، واللي قهرني انه ماجفف الا المنطقة اللي حول العينِ وصارت به تجاعيد ) وطبعاً ابداً مافادني من نآحية حب الشباب اهه خدودي تكسر الخاطرر بشعةة … تحططمتِ جداً اني خلصت كورس كامل بدون فائدة ! طبعاً اعتبريها فضفضةَ من كثر ما انا متضايقة الله بس يعوضنيَ خير ، وكلامك عن المنتجَ بث فيني قليلاً من الأمل () ..
أكيد ما أبيك تَحسين بالخَيبه وَ مافي شيء فات , طالما أنتِ حيه تُرزقين أكيد قادره عالتَغيير للأفضل
لازم تلتزمين بخطة علاج مُلائمه لك وَ تهتمين بأدق التفاصيل إلا ما تَزول هالمُشكله نهائياً
بس أهتمي بالتغذيه , أهم أهم أهم من كل شيء التغذيه وَ الرياضه وَ شرب الماء
أما الروكتان نفع كثير وَ لكن أثاره الجانبيه كثيره
ياححبي لك ي ارتوس ، والله كنت اقراء التعليق واقول هذي نفس حالتي وارجع اقراء الاسم الا هذي انا ههههههههههههه مرت 6 شهور ع هالكلام الحمدلله اليوم انا أحسن وخفت الحبوب ابشركك كثثير وعقبال ما تختفي للابد ، وأحبببببببببببببكك ماننحرم من عطائك ي وخيتي الله يجزاك خيرر …
موجودة منتجاتهم في بوتس.. وقبل فترة كانوا عاملين عليها عرض أي منتج ب 10.. أخذت لي منهم اللي قدرني عليه ربي
زَين برافو عليك , وَ عالبركه يارب ..
ارتوس هل مازلتي مقتنعة بالمنتج ولا خلاص ظهر الاجدد منه وفيه بديل ارخص؟؟؟ علما انه يهمني انه يكون ماسك منقي ومنظف خصوصا من بقايا واقي الشمس والمكياج على مدار الاسبوع
لا مَقتنعه بالمُنتج ١٠٠٪
وَ فيه غيره لكن لحد الآن هالمُنتج فَوق الجيد
الله يعطيك العافيه على هالتدوينات الجميله
امشي في المدونه واسوي كابتشر ، يبغالي ميزانيه الحين
من زمان وانا ابي رايك في
١. افضل مركز في الرياض اذا بغيت ادلع نفسي واسوي فيشال او ماسكات حلوه للبشره والجسم.
٢. طبيبة جلديه في الرياض
٣. اي شي سويتيه في مركز او سبا وحبيتيه سواء استرخاء او شي طبي وعلاجي
والله يوفقك ويسهل كل امورك
سعره اذكر تقريبا نفس ماذكرتي هنا شفته بصيدليه بوتس الوحيده اللي نملكها وبالرغم من هالشي مافيها كل شي
سألته عن هالمنتج وقتها ورفض يطلع لي من المستودع جوا !!! لان ماعاد موجود من ضمن المنتجات الباقي المعروضه
امس جربت اشتريه وماكانت هالمنتجات متوفره كلها
كثير من الشركات بدأت تتجه لصنع منتجات بالطّن أو الفحم بسبب فوائدهم
جربتي الطين الهندي المعالج الموجود بموقع ايهرب كثير يمدوحنه كعلاج للبشرة من الشوائب أو الحبوب
كل مرة أحاول أطلبه يكون مخلص “:(
الله يعطيك العافيه ارتوس ???
جربت الماسك بناء على كلامك وفعلا ينظف البشرة..
بشرتي مختلطة وحساسة ويطلع لي حبوب من فترة لفترة خاصة اذا استخدمت منتجات جديدة.. بس ناسبني هذا الماسك واستخدمه مره بالاسبوع