يآمَية هلآ وَ مية ولَكم وَ مية عَربون مَحبه
صَراحه أقدر أقولكم جربت أغلب غسولات البَشره , حتى فيه غَسول جربته للبشره سَعره بخَس أتوقع بـ 19 ريال , للأسف حصلته هذاك مره وحَده وَماجابوه من جَديد بَس خطير خطير إذا لقيته تَوفر من جديد بَصوره لكم وَ أزين عنه رَيفيو ..
المُهم بشرتي ماتتحسس من الغَسولات جربت فيشي , افين , وَ وَ وَ وَ جيدين لكن مُهمتهم الأولى هي تجفيف الدَهن من البشره الدَهنيه , وَ هالشيء غالباً نتيجته عَكسيه عالبشره , ممكن يغير حال البشره الدَهنيه لبشره جافه وَ أكيد كثير منكم لَمس هالشيء وَ عانى مَنه .. أو مع الوقت تسبب كَشط للبشره وَ يخلي الأفرازات الدَهنيه تَزيد …. إلخ
[ أتكلم بالمُجمل , يعني مو تحديداً لبراند مُعين ] ..
فيه منتجات للبشره الدَهنيه وَ مخصصه للبشره المليئه بالزوان وَ المسام , كانت نتيجتهآ سَلبيه جداً
لدرجه ممكن يكون مكان كل مسامه دَهون + شعر .. وهالشيء رُبما تلاحظونه على كثير ناس من حَولكم مسامه وَ شعره
المُهم أنا أحب أجرب وَ أجرب لَين بيوم من الأيام طاح بيدي هالغَسول , تقريباً لي أتوقع أما سنتين أو سنه ونص وَ أنا أستخدمه
وَ حلاته يَعيش لفتره طَويله وَ متوفر بجميع الصيدليات
DECLARE – Pure Balance
Purifying Cleansing Gel
سعره ~
أكثر من مَيه وَ أقل من مَيتين
يَمكن 120 أو 160 أو 180 ريال أعذروني ما أحفظ الأسعار مرآت
مُواصفات المُنتج ،’
ينظف وَ ينقي البشره وَ الأحلى أنه خفيف عالبشره الحساسه يعني مو قوي .. فيه كثير بشرتهم دُهنيه بس حساسه يعني مساكين لا يَقدرون يجففونهآ زياده وَ بنفس الوقت مايقدرون يرطبونهآ هُم وصفوا المُنتج بأنه لطيف , يزيل الدهن وَ الزهم بدون مايأثر على البشره الخارجيه وَ رطوبتهآ
يَحتوي على حَمض اللاكتيك , نفس الحَمض الموجود باللبن
طَريقة الإستَخدام ~
هُم كاتبين يُستخدم صباحاً وَ مساءً ..
لكن أنا أستخدمته بطريقه مٌختلفه فَقط مساءً , وَ لمُدة شهرين وَ من ثُم راحه لمدة شهر وهكذا دَواليك
لأن فيه حَمض من باب الراحه للبشره إني أتَقطع , بكذا لا أأذي بشرتي وَ أصير أطهرهآ وَ أنقيهآ بَشكل مُستمر , وَ لا أكون أجففهآ بشكل مُبالغ بَه ..
وَ بالصباح أستخدم أي غَسول أخر خفيف وَ مايكون قَوي وَ قاسي ..
عموماً هذي سياسه أتبعهآ بالشامبو وَ معجون الأسنان …إلخ , وهالأمور الروتينيه اليَوميه الدَوريه ..
ما أستخدمهم أكثر من شهرين , دايم أغير وَ أجدد ..وَ أرجعلهم عقب فتره .. لأن الإستمرار بالشيء مايعطيك مفعول جَديد , طبعاً إلا الشغلات المطلوب بها الإستمرار لأشهر مَعينه مثل بعض أنواع الفيتامينات أو الآمبولات .. إلخ
تَقييمي للمُنتج 10 من 10
مافيه عيب وآحد
دُمتم بَحب
مُلاحظة / هذه التَدوينه تَم نشرهآ سابقاً بتاريخ 11-07-2014
maryam قال
هالغسول احبه كثير لأنه جا بعد سلسلة من الغسولات المجففه اللي تسببلي حساسية و قرص
فرحت فيه جداً لما ناسبني
عرفته منك يعطيك الف عافيه :*
Artos قال
سعيده بَتجربتك المَوفقه مع الغَسول
نَورتيني
wed قال
يعني ممكن احصله بصيدليات النهدي ؟ ( ماكو بمنطقتي غيرها ) 🙁
Artos قال
ماعندي خلفيه عن تواجدها بصيدلية النهدي , لكن ممكن تدورين منتج غيره وَش رايك ؟
هاجر قال
شكرآ لك ارتوسه
وصفك للمنتجات دائما واضح ومفصل
اكون مرتاحه لما اقرر اجربه
يعني مو بس تمدحينه وخلاص بس ،، توضيحك دائما مفيد
شكرا لك وشكرا لعطائك ❤️
Maryam قال
مسااء الخير عززيززتي
صراحه اشكررج ع المدونه اللي نستفييد منها واييد
فعلاا احس استفدت من تدويناتج
بس لو سمحتي ممكن تتكلميين عن فررش سيقما و بعد لو تتكلميين عن المكيياج الصباحي للجامعه يعني شو افضل فاونديشن و واقي شمس
يززاج الله خييرر و مشكووره أووي
Artos قال
بإذن الله لو تَكلمت بتكلم عن أفضل فراشي سيقما
وَ أسعد بأقتراحاتكم , نَورتيني
شروق قال
ارتوسه كيف اعرف الغسول اذا يصلح للحامل او لا ?
ششكرا لك
Artos قال
أكيد بيكون مَكتوب عليه , هل الدكتورة محذرتك من شيء مُعين ؟
شروق قال
لا مافي اي تحذيرات…
لكن كمعلومة عامة قرأت ان بعض الاحماض مثل حمض السالسليك و حمض الهايدروكسي أسيد ممنوعين للحامل ..
aljamilaaa قال
جربت هالغسول قبل كم شهر شريته من وايتس الرياض جاليري اعتبره صراحة من الغسولات النادرة الي تناسب البشرة الدهنية الحساسة ينظف بدون مايجفف البشرة بشكل قوي زي باقي الغسولات حبيته بس ماراح ارجع اشتريه لاني احس مازال فيه اشيااء كثيرة تستحق التجربة
Artos قال
مُمتاز إنه ناسبك .. وَ الفرق تحسينه مَع الوقت ..
وَ ياعيني عالناس إللي تَحب تجرب , أسعدني تواجدك يالغاليه
ريم* قال
السلام عليكم،
طبعًا أنا من هذيلا المساكين
شهد قال
طيب انا استخدمت هذا الغسول بس جفف بشرتي ولازم استخدم كريم بعده هل عادي اني استخدم كريم ووش افضل كريم استخدمه بعده ياليت يكون متوفر في جميع الصيدليات وشكرا لك
Mannar قال
الله يوفقك
Btoo قال
الف شكر على هالتدوينه الجميله اول مره ادخل جد استفدت كثير .. حاب تتكلمين عن اقضل نوع لمزيل العرق من ناحيه الاضرار ومن ناحيه الاسمرار
Norah قال
انا وصفت لي دكتورتي بعياده ادمه غسول رائع الي قرابت 3 سنوات استخدمه سعره من صيدليه ادمه 110. ريال
Kh قال
اعجبني الغسول لازم اجربه ،، لان تقريباً مافيه شي ما جربته ،، و فيه ماركه ودي تجربين منهم غسول وتعطينا رايك الي هي لاروش بوسيه مجموعه البشره الدهنيه فيها غسول وكريم ماخذ برائه اختراع على قولهم هي مجموعه كبيره فيها خرابيط كثير بس هاذي مع التونر الي ماخذه اعلا تقييم
Noor قال
السلام عليكم
انا بشرتي مختلطه وحساسه في نفس الوقت واعاني في اختيار الغسولات والمرطبات لانها تطلع لي جبوب ببشرتي الا مارحم ربي
ان شاء الله لي تجربه مع هذا الغسول لين يخلص غسولي وبخبرك بالنتايج
ولاء قال
السلام عليكم ورحمة الله وبركاته
ماشاء الله تبارك الله ،
أحببت مدونتك كثير ، خصوصًا تدوينات غسولات البشرة . .
التدوينات الأولى لمعرفتي بالمدونة .
كانت لي تجربة سابقة مع غسول neodrema .
جيد لحب الشباب ، لكن جفف لي البشرة كثير . .
بإذن الله لي تجربة لهذا الغسول .
إن سمحتِ إن كان لك تجربة مع كريمات الوجه للبشرة الدهنية والمختلطة،
أن تتحدثي عنها . . 🙂
وشكرًا عزيزتي . متابعة لكِ دومًا =”)
Nana قال
شكله حلو هل ينفع أخذ نفس الشركة بس للبشرة المختلطة او الجافة ؟
وشكراً من الأعماق آرتوسه
Souma قال
هل يمكن استعمال هذه المنتجات بالنسبة للمراء الحامل
Atheer قال
مشكوره ارتوس ?