مَساء / صباح الخيرات
وَحشتوووووووني قدن قدن
[ يالله رَجعت لكم بَشهر أغسطس مِن أحب الأشهر على قَلبي وَ إن شاء الله أثبت جدارتي خلال هالشَهر ] ..
فاليوم بحاول أنفض الكسل وَ رجعت لكم بهالموضوع الخَفيف الظريف وَ أعتبروه تَسخين للمواضيع القادمة
تقنية الدربينق [ Draping ] الكونتور الجديد ~
بالفترة الأخيره صايرة الموضة بالماكياج زايدة عن الحد حبتين ، صرنا نسمع كل أربع أشهر مُوضة جديدة
إبتداءاً مِن الكونتورينق ( للإطلاع إضغطي هُنا ) إلى النونتورينق وَ الستروبينق ( للإطلاع إضغطي هُنا ) وُصولاً للدربينق
وَ خلال هالفترة شِفنا ماركات لمع نَجمها مِن ورى هالموضة ، أيضاً شفنا أكثر من أسم للموضة الوحدة
وَ شفنا بعض التكنيكات إللي أثارت ضَجه بمجلات المُوضة العالمية لكن بأرض الواقع مَاحققت هالشعبية
وَمن وجهة نظري إللي سَبق وَ ذكرتها ، هالشيء راجع لكون ماركة ما أو أكثر تصدر مُنتج على أمل يسوي فرقعه وَيكون ترند
فتدفع للمجلات العَالمية وَ مع أسم تسويقي لتكنيك معين + تواجد في عروض الأزياء العالمية …. وَ بوووووم
وَ الغريب أن وَ لا شيء مِن هالمُوضة كان جَديد فعلياً كلها أساسيات وَ كلاسيكيات مَوجودة بالماكياج مُنذ الأزل ، لكن !!!
عامل الجذب هو إسم التكنيك + عبوات جميلة لتسهيل المُهمة + شهيرة تروج للمُنتج وَ التكنيك
مِثل الكونتور تَكنيك قديم كان يُستخدم فيه لونين مِن الأساس أو الكومباكت باودر بلونين متابينين وَ كذلك الستروبينق
( أقوووول خلونا مِن الفلسفه وَ ندخل بالموضوع على طول )
تكنيك الكونتور بالبلاشر ،’
نَعم .. بالبلاشر وَ بتكنيك معين
وَ ينطبق عليه نفس إللي قلته شيء قديم مَوجود مِنذ القدم أستخدم بشكل خَجول وَ عند قلة مِن خبراء التجميل مِن الستينات
لكن لمَع نجمه بالسبعينات بشكل كبير وَ إستمر إلى مُنتصف الثَمانينات أعتقد لأن وَقتها طلع البرونز ، لين شبه إنتسى مَع موضة الكُونتور
وَ أرتبط هالتكنيك بقوة بخبير تجميل المشاهير واي باندي
( واي باندي خبير شير ، وَ ديانا روس ، وَ فرح فاوست ، بروك شيلز ، إليزابيت تيلور وقتها ) وَ أعتقد كانوا يسمونه Bandy’s technique
إللي أن أصدر كتاب بعام ١٩٧٧م لشرح فَن تحديد الملامح
Designing Your Face: An Illustrated Guide to Using Cosmetics
لـ Way Bandy
وَ يٌعتبر اللبنة الأساسية إللي يُعتمد عليها خُبراء التجميل في تحديد مَلامح الوجه
هالتكنيك بتلاحظونه بصور الفنانات زمان وَ حتى لو تشوفون بَعض الحريم الكبار بتلاحظون يسوون الكُونتور بالبلاشر
إللي أعاد هالمُوضة أحد الماركات ( مارك جايكوبس) إللي يقول إنها مُحاولة لتكريم الذكرى الثلاثين لخَبير التجميل واي باندي إللي كان مقرب منه
( توفى واي باندي بخريف عام ١٩٨٦م بعد معاناة مَع مرض الإيدز )
التَكنيك يعتمد على نحت وَ رفع الخدود وَ إبرازها وَ تسليط الضوء على الجزء العلوي تقريباً للوجه
التكنيك جداً بسيط وَ يعتمد على تحديد وَ إبراز ملامحك الطبيعية لكن يختلف عن الكونتور كونه يعطي إشراقه وَ لون للوجه بإختلاف الكونتور اللي لونه شاحب
وَ يعتمد على إستخدام لونين من البلاشر :
– لون غامق لتحديد عظمة الخد
– لون فاتح وَ محايد نسبياً مع لمعه لدمج ( عمل بلندينق = دمج ) وَ تمويه التحديد الغامق
وَ لك الحُريه حَسب تفصيل وَجهك هل تحبين تبرزين عظمة الحاجب وَ فوق الحاجب ( مثل الصورة رقم ١ )، أو تنثرين شوية لون وَ بريق على حدود الجبهة وَ الرقبه وَ الذقن ( من الصورة رقم ٢ ) وَ أعتقد الصُورة وَضحت كل شيء
وَ هنا بوستر إعلاني من الثمانينات يَوضح التكنيك آكثر
اللي يختلف عن الموضه القديمة إنه بالماضي كان اللون صارخ ( زمن الديسكو ) بينما الإتجاه إللي يتوقع بهالسنوات اللون يكون أكثر حيادية مِن السابق
سؤالي ؟!
– هل سبق وَ سمعتوا بالدربينق مِن قبل ؟ أو نفس هالتكنيك بمسمى آخر ؟
– هل تعتقدون راح يكون ترند مِثل الكُونتور وَ الستروبينق ؟
بإعتقادي هالشيء راجع لكرم المَاركات إللي راح تصدر ديو بلاشر ، إذا تَم الدفع لليوتيوبر راح يطلعونه للقمة
وَ يوحون للناس إنه اللي مايسوي الكونتور بهالطريقة هو قديم وَ مو ع الموضة
نَعم ياعزيزاتي حِنا نعيش بزمن الإعلان هُو إللي يسيطر فيه على مَاكياجنا وَ لبسنا وَ أكلنا وَ حتى هواياتنا
عُموماً إذا طلع موضة أو ماطلع تحلوا بالذكاء وَ ولفوا مُنتجات مِن غير خَساير ماديه
وَ هنا شكل بلاشر مارك جايكوبس ، طبعاً مو هو أول من أطلق فكرة الديو بلاشر اللهم سوى لها ضَجة إعلامية
مقطع للتكنيك بطريقة شوي استعراضيه بأنامل : ليزا إلدريدج
المَوضوع ليس دَرس أو شرح للتكنيك إنما تَسليط الضَوء على جَديد عالم المَيك آب لخريف وَ شتاء ٢٠١٦م من رؤية مارك جايكوبس
أو بالأصح تَم إحياؤه مِن جَديد ، وَ شفناه هالعام على كايلي جينر وَ جيجي حَديد
دُمتم بَحب
تم ?
ياصباح الشوق ياواحشنا
ماقرات الا اول سطرين
والله اشتقنا لضمه والفتحه والحروف الملونه وصاحبتهم
قولي لاختك توته تسلم عليك وتفتح شباك غرفتك وترشك بماي مثلج عشان مع الشهقه يطلع الكسل وتتنشطي ويشرد الكسل من الشباك بلا رجعه??
عدنا ياجميله
تعرفي وانا اقرا تذكرت زمان كنت استخدم بودره شريتها وغلطت بالدرجه وطلعت اغمق بتكه
بس بعالمنا الان مو محتاجين هبات جديده كافي الحوسه الي نشوفها
وصدقتي التسويق وطريقته لها دور كبير في نشر الهبات الجديده
وعودا حميدا يالحب
الله .. ياجمال هالصباح مع تدوينتك
ويلا نقرأ .. يعطيك ألف عافية
خدي ?❤
بصراحة ماحبيت هالتكنيك حتى لو رجع وصار موضة
كنت اشوف هالتكنيك بس اول مرة اعرف اسمه منك هههه
حتى تكنيك الستروبينق بستخدمه فقط على الأنف ومدمع العين ما جازفت غير مرة وحطيت على عظمة الخد ..
حتى لو صار للدربينق صدى ..زي ماقلتي ياقمرنا نستخدم الي يناسبنا
ونترك الي مالوش لزمة .. تسلم يدك ..تدوينة جميلة وعودا حميدا وبانتظارك دايما ..
عبالي توتا مش موجوده ماشاءالله مايطوفك الاول
شكرا سوس الموضوع غريب وباشوفه
وعالقووووووووه ومن جديد عودآ حميدآ ونورتي الحته
صبااااح الخير توسه
وحشتيييييييينا خيرات الله?????
حبيت اصبح قبل الزحمة ماستحملت يدي تحكني
لي رجعة وتعليق بعد القراءة ❤️❤️??الموضوع يجنن
❤مكاني ❤
ياصباحو ❤..
واحلى شهر شهر اغسطس حتى انا احبه ?❤..
والله لك وحشه بالمدونه ومواضيعك التحف من جد هالاستفتاحية تفتح النفس ???..
الاجابات ..
1 / لا والله ماقد سمعت بهالمسميات لكن انتبهت لها على كايلي وجيجي فعلا وواضح فيهم ..
2/ توقعي اي شيء يصير تريند واتوقع بينباع بباليتات ويقولون شوفو بغير ذا ماحيصير دربينق والعالم والناس يتهببون ويشترونه عشان يتصور سنا والا انستا فاهمين الموضوع غلط ?…
بالرغم اذكر كان عندي باليت من جيرلان بلاش متدرج الوانه اتوقع ينفع للدربينق يعني ع قولتك مو شيء جديد
اخيرا ربي مايحرمنا نبهتينا لللتنكنيك ومعلومه جديده وممكن عملها بالاشياء المتوفرة عندنا عشان لاينضحك علينا والله فعلا انا من الناس اللي ممكن يتهببون ويشترون هاك الباليتات بس مايصورونها انستا وسناب ???
اهلا اهلا
من جد هالتكنيك قديم اتذكر لما بديت اشوف واتعلم الميكب وانا صغيره كذا كنت اسوي بالبلشر
طلعت موضه? بس مو شينه⚘
فانتظار مواضيعك الجميله??
يا صباح الخير ،
عن نفسي اول مره اسمع فيه ، و ما اتوقع تصير ضجه كبيره عليها الا وقتها زي ماصار مع النونتورنق ، و اذا على الأعلان نيكي و ماني و جاكلين و واين قوس لو تكلمو عنه بيصير ضحه و هاله كبيرة حوله خصوصاً انهم الآن هم المسيطيرين على عالم الميك اب
عن نفسي ما تحمست له ولو صار موضه اعتقد بكتفي باللي عندي
كل الحب سوس و مشتاقه للقادم ❤️
ياصباح النووور ارتوسه
انتي متلي بتحبي شهر اغسطس بحبو وبحس مليان اشياء حلوة وانجازات شهر مميز بيكفي أنو انا وياكي انولدنا فيه ?.. صح ??؟
حبيت التكنيك بس مو غريب علي من فترة شفت يوتيوبر عم تساوي كونتور بالبلاشر استغربت شوي .. بتوقع لازم نكون دقيقين باختيار لون البلاشر ومايكون فاقع ماحبيت لما يكون فاقع ابدا
بانتظار التدوينات الجايه ومتلهفة لكل جديد منك ?
واحشتني مووووت وتدوينة تستحق الانتظار بالفعل وشيء جديد ومميز كالعادة
صباحك ورد ياقميل ..?
*إثبات وجود .. ??*
من زمان عن المدونة ، حبيت هالموضة صراحة واول مرة اسمعها الله يخلي لنا ارتوس اللي تورينا كل جديد ،، انا من عشاق. البلاشر واشوفه يعطي حياة ورونق للوجه .. صباااح الخير يا البي
وش هالصَبحية المباركه ، والطله الزينه ، بس اجهز قهوتي واجي اقرا بروآآق
انا اول مره اعرف ان الحركه ذي لها اسم اشوف ناس يسوونها مدري حتى هم يعرفون انها تكنيك والا على الله انا من الناس الي احط لون بلشر واحد ناااادرا اغيره هو الوحيد الي مايبين مساماتي وشكرا عالمعلومه ياقمر وعذرا على غيابي الي كان لاسباب صحيه بس متابعه بشغف عن بعد
قسم بالله حسيت بفرحة وصحصحت على انه وقت نومي
حياك الله
وان شاء الله من نشاط لنساط مانبي الكسل واذا على الكسل كلنا خمول ونوم غلط وتغذية غلط حياة متشقلبه
التكنيك ماحبيته ذكرتيني بزمان زمممااااان لمى يحطون البلاشر دائرة يالله قد ايش كانت مزعجه وكنت اقول اذا كبرت مستحيل اسويه دائرة وبهالكميه من بعيد واضح
كل زمن وله جوه
آحيييك على طرحك
يا أهلين ومرحبتين اي والله اشتقلنا ?
اعتقد الكونتورينق هي الي لازلت سائدة وشائعة بحكم انها ممكن تغير وتخفي تفاصيل معينة في الوجه ولو اني شخصيًا اشوف كثرتها تخلي الشكل شوي fake ، افضل الستروبيق عنها تعطي مظهر حيوي وفيه رونق اكثر .
أما عن الدروبينق صراحة اول مرة اسمع عنه مع اني دايماً حتى روتين مكياج الدوام احط بلاشر مات برونز مع تكة خفيفة وردي أعلى الوجنتين تو دريت منج ان اسمها دروبينق ههههههههههههه
أشوفها احلى من الكنتورينق أبسط وأخف خصوصاً للمكياج البسيط الناعم
أرتوس دايم انتي ملهمة ومتجددة في المواضيع و up to date ❤️ Love you ?
وأطالبج بموضوع ثرثرة بليز ?
دمتي بود ?
هلا هلا بهالطله ..❤️
احس بحماس و انا اقرا مواضيعك ربي يسعدك
و متحمسه مررا لمواضيعك القادمه ❤️
صباح الحب ? كلامك صحيح ميه بالميه ، امي كانت ولا زالت من عشاق الميك اب والمناكير ، واول ما بدأت تعلمني كانت دائما تستخدم باودر برونز لتحديد الوجه وتمرر بشكل خفيف عالانف واذا ماوجد تستخدم بلاشر غامق ، عموما .. لمن طلعت موضة الكونتور انصدمت ؟؟؟؟ قلت امي شلون تعرفين من قبل ؟ مع انها ماكانت محرّصه عالتكنيك لكن تقول من قبل لا اجيبك الميك اب كذا ! وتعرف تفاصيل توّها انشهرت طبعا كلها ترجع للقراءه والبحث بالمجلات < قديماً ، تجيني الغصّه اذا شفت البنات يستخدمون الكونتور بهالشكل البشع وكريمي وثقيل يصير الوجه منظره سيء وغير مريح ومافيه اي إحترافيه ، تمنيت الكونتور ما انشهر لاني صرت اشوف مخلوقات عجيبه ؛ انا من عشاق البلاشر !!! ?? ان شاءالله رح اتبع هالطريقه ، سلآم حار من الوالده ? الكل يحبّك من حبي لك ?*عذراً عالإطاله وان شاءالله رح التزم الرد ?.
صبآح الجممال
وانتي وحشتينا اكثثثر وربي
واشتقنآ لطلتك بالمدونه والانستقرام
وحمستينآ للأيام الجايه بإذن الله
بالنسبه لتكنيك ماقد سمعت فيه ابداً
لاكن للأمآنه ماحبيته ابد بس ممكن بيوم
تجي برآسي واجربه ?
لاكن حبيت كلامك ممكن نصلح هالتكنيك
بأشياء متوفرهه عندنآ وفعلاً موو شرط
باليت مُعين??
وتسلم يدينك الناعمه ع الطرح
دُمتِ لي??
هلاا بالزيين والله ولك زماان ?? وحشتينا ?❤️
بالنسبه للمسمى اول مره اسمع فيه صراحه ?
لكن فعلاً التكنيك قديم اذكر كنت اسويه اول مابديت احط ميك اب
كنت جاهله باللي دارج وقتها لصغر سني ??
ووجهي كان دائري وكنت غلفوصه ? فأحدد وجهي بالبلشر القامق
وابرز الوجنات بلون افتح بس كنت اخبص طبعا ?
يعطيك العافيه ارتوسه ?❤️
صباح الجمال
اشتقنا للمدونة ? ، حبيت التكنيك على كايلي وجيجي حديد اذا كان له تسويق جيد مثل ماقلتي راح يصير ترند والشركات ممكن تسوي اي شي عشان تزيد اربحها ، حسيت التكنيك هذا ينفع لصبح يعطي اشراق للوجه اكثر.
عودة سعيدة وجميلة إن شاء الله ? .. بالنسبة للمسمى صراحة م قد سمعت فيه بس كنت أسويه واتوقع الأغلبية يسوونه .. وللآن استخدم البلاشر ككونتور بعض الأحيان و خصوصا لأنه بشرتي دهنية .. يعطيك ألف عافية يارب وعودة قوية إن شاء الله ..
أول مره اسمع بهالاسم ، تصدقين حتى مره شفت عند امي علب مكياج محتفظه فيها عُقب الشباب طبعاً ماتستخدمها بس محتفظه فيها ومن ضمنها علب بلاشر فيها ثلاث ألوان مُتدرجه ، ما خَطر على بالي انها مدروسه او عالاقل اتعمق بالتفكير شوي يالغبائي ، برجع لادوات امي اكتشف الباقي لوول ..
يسلموو عالتدوينه اللطيفه بس قصيره ما تَطفي شوقنا:( ..
صباحك خير وبركات من الرب
والله جد جد وحشتينا . . ولو غبتي . . وطال البعد
مكانك في القلب ❤️ ياست الكل . .
انتي حكيتي ومابعد حكيك حكي لو الماركات تبنته بيتصدر . .
اما انا سبحان الله ماتغريني اعلانات الميك اب . . والله مايجيب
راسي ياسوس الا اعلانات منتجات العنايه باالبشره . .
صريحه ? . .
كـ نحبك بزاف . . وكـ نموت عليك ??? . . .
الحمد لله على سلامتك سوس
كل المعلومات جديدة علي لكن أؤمن أن المكياج يعطيك القدرة على الرسم على وجهك بنفس ملامح الأساسية مع ميزات اللعب بالظل والضوء …
يمكن هالنسميات جديدة علي ﻷني ما اهتم بتفاصيل هالفن يكفيني الجانب العملي ..المسميات و معرفة بعض المكونات الضارة والنافعه
بشرينا عن صحتك وأحوالك والله يرزقنا بالناس الأمينين ويكفينا شر اللي يهمها الربح المجرد عن الأمانة والأخلاق ولا تراع صحة الناس ولا أموالهم فتعطي المنتج قيمه أكبر من قيمة الحقيقية
ياصبااح الجمال والنشاااط ..
احب التدوين وقراءة تدوينااتك انبسسسط كثير برجعتك للتدوين
دووم هاالنشاط
فعلا الميك اب بزياده صياحاته احس بتتعب الوحده معهم بسس عن نفسي
موو كلل صيحه تشد انتباهي ولا حقين اليوتيوب احسهم مكياجهم استعراضي !
للامانه ياسوس اول مره اسمع هالمسمى لكن التكنيك اعرفه ممن قبل
ومرات اسسويه .. ليش لا يكون ترند ماستبعد صراحه لان اليوتيوبرز لهم جمهور
عريق ومأيدين كثيررر ومقلدين .
يسعدلي صبااحك
والله لايحرمني هالطله
ياصباح الخيرات والليرات
مابعرف انا بلش يصيبني ارتباك من هالهبات هي صار المكياج معقد وتغيير ملامح وصارو البنات يتحالو بحالون ويحطو قبل وبعد مع انو الهدف من المكياج ابراز الجمال مو تغييير الملامح
متل ما حكيتي نحن بزمن الاعلان ازا انعمل اعلانات العالم رح تنوهم فيه بس انا شخصيا ما جذبني واصلا نحنا لاشعوريا بنطبقو بشكل بسيط وعفوي بس هلق عملولو اسم ?
ومورسي ارتوس موفقة يارب
يَ صباح الفل ،،
أول مره أسمع عنه بس احس صعب ومو أي أحد يسويه يحتاج خفه يد راح أجرب بما اني فاضيه هالشهرين?
دمتي لي??
صبح صبح ، ارتوسه اشتقت لتدويناتك والله ومتحمسه كثير للتدوينات الجايه ?
صراحه اول مره اسمع ب هالتكنيك ، م دخلت مزاجي كثير لكن حجربها وأشوف
حسيته كثير مناسب ل جيجي حديد و مو طالع أوفر ، ع العموم موضوعك خفيف و لزيز ، شكراً لكل فائده تطرحينها?
صباح الانوار .. حبيت شكله عالخدود مع اني حسيت تطبيقه صعب عشان مايطلع الخد كله بلاشر
اول مره اسمع عنه بعطيك العافيه
انا قد استخدمت هالتكنيك فترة وحبيت النتيجه بدون ماعرفه بسبب انه يبرز خدودي
اقتبست هاللوك من الفنانه karrena kapoor لاني احسها دايما ماتكنتر ويهها ، تحط البلاشر تحت خدودها وتحط لون افتح وبلمعه على خدها .
يسلموووو ياقمر على الطرح و وحشتينا ?
الموضوع جميل جداً وممتع ، لكن من وجهة نظري صعب تطبيقه لأنه غريب والبلاشر طريقة توزيعه أوڤر صايره أتوقع لو بطبقه ضحكوا علي الناس ?
ولو بطبقه بيكون بشكل خفيف حول العين ماراح يبان
ويعطيك ألف عافيه ??
يامساء الفل والجمال
وحشتينا اوي اوي ياوحشه
موضوع ظريف ولطيف فعلا من جد على قولك كل شوي طالعين بتكنيك جديد ماحسيته غريب على مع انه كمصطلح اول مره اسمع فيه بس ببدايه ماكنت اتعلم على الميك اب كنت اخبص ويطلع معي شئ زي كذا بالذات مره اخذت بودره وطلعت اغمق مني بكثير بس لما استخدمتها كابلشر اعطتني نتيجه مره حلوه فصرت احط منها اول وبعدها بلشر بلون افتح وادمجها مع بعض مع اني ماكان عندي خلفيه عن شئ بس اجرب
ننتظر باقي المواضيع على نار وحشنا طرحك المميز
يعطيك العافيه ي عسل?
ب النسبة لي اول مره اسمع به
بس أنا من الناس اللي فشلت بوضع الكونتور مدري? او انه مااضبط معي
وفكرت استخدم بلشر غامق احدد فيه تحت ومن فوق شوي بلشر افتح☺️
وطلع شي خيالي واعجبني?
بس ماتوقعت إنّو هالتكنيك موجود من قبل? نسبت الفكرة لي??
ع العموم تدوينتك جميلة❤️ وننتظر القادم
..
?
هلا بالزين كله .. يسسعد ربي هالطلة وَ مَ يحرمنا منها ❤️?
ما عرفت عنها إلا الآن … و حبيتها ممكن اسويها بدرجتين من البلشرات عندي
شكراً يا جميله ❤️
سلااااام وحشتينا ??
جميييلة الفكرة وأحسها نهاريية ومشرقة ماحب الكونتور واحسسه واضح يعني ممكن اسويه للتصوير بس يعني ممكن اطبقها وماطلع بشكل متكلف! صرراحة أول مرة أسسمع به يعني ماكنت اعرف عنه ولا شيء! ?
واشتقنآاا ياحلووو والله اشتقناآاا ❤️❤️
قدا ايش وحشتني المدونة ? وحروفك وجمال طرحك❤️
صراحة اول مره اعرف اسم التكنيك منك لكن كنت اسوي الحركه بدون معرف لها اسم لاني ماحبيت الكنتور وانا من عشاق البلاشر??
شكراا ياقلبي لانك تنوريناا بكل جديدد ، ماننحرم يآارب ،
ربي يبارك لك في وقتك وجهدك ويمتعك بصحتك ❤️❤️
يا صباح الورد
اشتقنا لمواضيعك ياحلوه 🙁
هالتكنيك ماعرفت اسمه الا منك ولكن انا اعتمد على نفس الفكره
فيه اوقات لازم يكون الوجه متورد اكثر من انه محدد خصوصاً ان البعض تناسبه الوان البلاشر اكثر من لون الكونتور المُتعارف عليه
عندي شعور ان الاغلب بيعتمد على هالتكنيك بالنهار لانه اجمل
ماننحرمش منك ❤❤
حبيتها أكثر من الكونتور ؛ لكونتور ما اتقنته بصراحة و لا حاولت أكثر لأني كرهته من المناظر اللي شفتها
ناس تكثره و البعض ما يدمجه كويس فصايرين كانهم مضروبين ؛ و مرة اتابع بنت بسناب و تسوي تتوريال مب ميك اب ارتست لكن مكياجها حلو و طلبوها المتابعات تسوي تتوريال و كانت متبعة هالخطوة برونز و بلاش فاتح و عقب هاي لايت
حبيته و كان طبيعي اكثر ؛ البرونز استخدم من فلورمار و البلاشر كل اللي عندي من ماك و ثم استخدم الهايلات
بسيطة الطريقة و ما فيها ذاك التعقيد و الأهم الشكل يوحي طبيعي مب مثل الكونتور ؛ حبيت بلاشرات تارت بتصويرك واضح جودتها كويسسة
عوداً أحمد سوس الدميلة و كلنا حماس لتدوينتاتك
يا صباح الخير ..
لا ماسمعت فيه من قبل .. واساساً مو مرة متعمقة في تكنيكات الميك آب .. بس حبيت هذا سهل وعملي اكثر من التحديد
ومن جد الإعلان له الدور الأول في كل شي سواء شي نافع ولا تافه ..
هالأيام اشوف الاعلانات ضاربة للسياحة في البوسنة بأكثر من مكان فاتوقع الفترة القادمة اشوف ناس كثييير تروح هههههههههههه الكلام يجر بعضه ..
يالله ننتظر باقي مواضيعك ..
صباح الخير .. ارتوس فعلا ما اعرف المصطلحات الجديده الا منك وخصوصا المسميات الصحيحه
و الصراحه جميله هالموضه ، لانو صح الكونتور روعه ومانستغني عنه لكن فينه ناس تجيب الضيم فيه
شكرا
مرحبا ياعسل
موضوع مختلف وجذاب الصراحه عشان البلاشر سعاده للبنات ❤️?
بالنسبه لي حبيت التطبيق للدريبنق اللي بالانستغرام بحسابك اكثر من الفيديو اللي هنا بالمدونه حسيت اللون مبالغ فيه على الصدغين يعني ممكن مايكون مقبول للجميع او يعطي مظهر اوفر يبغا له يد شاطره وشخصيه جريئه ?
سبق وشفته ظهر با٢٠٠٥ او ٢٠٠٦ ممكن لو مو غلطانه ? شفته على الاجانب اعتقد
لكن هنا شفت تطبيقات مختلفه له حبيته على جيجي حديد اكثر شيء لابق لها
بالنهايه اعجبني وراح اطبقه بس بشكل خفيف ويناسبني
كنت اعتمد احيانا برونز احدد مع بلاشر بس الحين بافههمه اكثر لاني حسيته يحلي لو استخدم بطريقه هاديه وناعمه
وتسلم يدك وروحك الجميله يااجمل البنات
ويشرفني بل افتخر بردودك الناعمه لي بالسناب او الانستغرام
تعطين متابعاتك حقهم كامل من المعلومات ومن الاهتمام للجميع وتاخذين من وقتك وتردين للجميع ماتتجاهلين على قدر استطاعتك رغم مشاغلك ياروحي ??
مااروعك ❤️❤️❤️
في عضوه مبدعه جدا بشموااه زمان ناسيه اسمها
شرحت تكنيك مشابه للدريبنغ
رائعه جدا هذيك البنت وهي من سلطنه عمان استفدت من مواضيعها بكل شيء كانت سابقه زمانها الصراحه وتكلمت بالرياضه وشرحت امور بعض الاشياء مانسيتها ولكن فهمتها الان مع توسع المعلومات
تحياتي لها لو كانت تقرا هنا بالمدونه ??
شسم البنت ودي اشوف تدويناتها
الله يسعدك ارتوسه ^-^
نفسي اسأل عن نظام الveganism و تأثيره على البشرة خصوصا حب الشباب و غيرها من الأشياء
هههههه أنا شوي متأثره بفريلي في اليوتيوب
أحبك أرتوس كثير 🙂
يا صباح النور ??
اشتقنناا للتدويينه والله ..
شفت التكنيك طبقته وحده من الميكب ارتست وعجبني بس ما كنت ادري ان له اسم او انه شي جديد ..
وبما اني مو من عشاق الكنتور ولا يليق الكنتور لوجهي .. حبيت التكينك اذا استخدم معه الوان هادئه ورايقه وما بالغوا باستخدمه ( كالعاده ) ? ه بيبرز جمال الخدين ويحليهم ..
تو الي فضيت وقريته يعطيك العافية يارب ومااعتقد حسويه احنا خلينا نضبط المكياج العادية بعدين نتفنن ههههههه وشكرا
كانها مصابه بمرض الذئبة الحمرا والفراشه الوردية
ماله داعي بس على عارضه ازياء عادي لانه يحبون الشي المميز مو شرط يكون جميل
أخيييراً عرفته .. كان يلفتني شلون الخد محدد
بس أحسبه كونتور عادي أتوقع حتى لو ولفنا بين
بلشر وشادو مناسبين بنقدر نوصل لنتيجة
الله يسعدك آرتوس ?????
يارب تردي علي
موضوعك جمال كجمالك
لكن من يفهم بهالاشياء انا عندي اختي راح تتزوج وماعندي وقت اني اتعلم مكياج
اثق بذوقك وكل شي
فتعرفي مركز او ميك اب ارتست ممكن تدليني عليها بالرياض !!!!!
نزلي موضوع ب ثرثره عن زياره الصديقات و عن شروط بعض الاهل م تطولين عندها و لازم الام تكون معاج حتي لو انتي زايرتها بالمستشفى
مرحباا
والله فعلا موضة المكياج زاايدة كل شوي ننصرع بشغلة ، الكونتور والهايلايت ثم الاستروبينق الارواج المات وترند النمش الي صراحه كثير من الانستقراميات هبلواااا فيه ويسوونه بطريقة بعيدة عن الشكل الطبيعي تمااما هلم جرا شغله ورى شغلة .
بخصوص هالتكنيك الجديد ألحين عرفت ليه أمهاتنا وجداتنا كانوا يحطون البلاشر على مناطق الكونتور ، يحطونه على الجبهه من فوق والخشم والذقن ويصير الوجه أحمرر . كنت احسبه شي غلط وطلعوا يسوون كونتور ما شاء الله هههههه 🙁
أنا طبيعتي ما أحب المبالغة بوضع البلاشر ما أهمل وضعه ولكن إذا حطيته أحط بحذر طبقات بسيطة الين ما أحس اللون صار مبين بهدوء .حتى ألواني هادية وطبيعية ومافيها تنويع فما أتوقع بحب هالتكنيك أبدا . هو صح بيفكنا من الوجوه المكبوسه كونتور بس أخاف الحين نشوف وجيه حمرا ووردية إذا تحمسوا الناس :S .
هلا وغلا بأرتوس كيفك
حبيت التكنيك أكثر من الكنتور .. أساسا الكنتور ما قدرت أميل له أو أحبه أشوفه في بعض الناس (مو الكل) حلو بس الغالبية ما يعجبني
أتوقع إن هالتكنيك ممكن يصير ترند خصوصا لو تم بألوان خفيفة
لك كل الحب
ودمتي دائما بود