صَباح / مساء الخير
كل عام وَ أنتم بَخير ، رَمضان مُبارك
[ عايدتكم بالآنستا وَ السناب وَ لزوم نعايدكم بالمُدونة ] ..
تصدقون عاد إكتشفت إني مِن النادر أمدح مُنتج وَ أكون راضية عنه ١٠٠٪
على الرغم إن صناعة مَواد التجميل في إزدهار وَ تنوع لكن إكتشفت إن كثير مِن إللي أجربه ما أعيد تجربة الشراء مِن جديد
تنوعت المُنتجات لكن نادر ماألقى فكرة مُنتج مميزة أو مكونات خالية من العيوب
قبل أمس بالسناب شات أرسلت لي وحدة تقولي : ليه أحس نقدك غريب ماقد مدحتي مُنتج أو ذمتية
صراحة مافهمت المَقصود من كلامها يبدو لي أنه تذمر مِن أسلوب طرحي ، فأتوقع أنها تقصد عطينا الزبدة
أو تبيني أقول إنه يا زين يا شين
سهل إني أعتمد على مُناسبة المُنتج لي وَ أقول ناسبني أو مَا ناسبني بإختصار
لكن كونك تكتب بمدونة يختلف تماماً عن مدحك لشغلة في مَجلس نسائي
فعبارات مثل : يهبل وَ روعة أو مخيس ما تمشي في مُدونة
لأن التدوين مسؤولية ، كوني أمدح مُنتج بناء على مُناسبته لي فقط هذي مُو إحترافية ، الإحتراف إنك تسلط الضوء على المُكونات إللي مُمكن تناسب شريحة كبيرة وَ أيضاً مُمكن تضر شريحة كبيرة
عُموماً مالكم بالطويلة
مُنتجنا اليوم مِن المُنتجات إللي أقدر أقول عنها واو + فريد من نوعة + بلا عيوب
( يالله عشان تنبسط صديقتنا إللي زعلت علي بالسناب )
مِن المُنتجات القليلة إللي أقدر أقول لقيت فيه مُبتغاي
Bite Beauty Agave Lip Mask
ماسك الشفايف من بيت بيوتي
طبعاً بالنهاية هو مرطب شفايف وَ يمكن كثير مايهتمون بمرطب الشفايف وَ يكتفون بالفازلين
وَ ماننكر الفازلين مِن المُرطبات الجيدة للشفايف لكن مُو جيد كفاية ، بالنسبة لي كونه يسيح بسرعة وَ يصير آشبه بالزيت في النهاية بعد ما يدفى من حرارة البشرة ، بالإضافة إن له نكهة هوااا ، إحساسه مثل الشحم
هالماركة كان لي تجربه مع أرواجهم وَ كانت التجربه ناجحة ( للإطلاع إضغطي هُنا )
هي بالمُجمل ماركة مُتخصصة بالشفايف لفت نظري عندهم هالمُنتج كونه مكتوب عليه ماسك ( مو مرطب ) فكنت متوقعة أنه ماسك يُغسل أو شيء مِن هالقبيل وَ كنت متحمسة لتجربته وَ مثل ماتوقعت ماخاب ظني فيه
سعر المُنتج : ٢٦ دولار =٩٨ ريال تقريباً
يستحق كل ريال لأنه يطول مَعك لفترة طويلة جداً جداً
مكان التَوفر : تم توفير من متجر الجوري aljorys.luxury@
الرابط المُباشر للمتجر : ( إضغطي هُنا )
وصف المنتج ~
– تركيبة طبيعية مُبتكرة
– ترطب الشفايف
– تنعم وَ تغذي الشفايف
– أيضاً تهدئ الشفايف
– غني بمادة ريسفيراترول الموجودة بالنبيذ الأحمر ( مايعادل ١٥ كوب من النبيذ ) وَ تعتبر مُضاد حيوي قوي
المكونات الرئيسية ،’
– اللانولين ( دهون شمعية مُستخلصة من الصوف تعتبر مِن المرطبات الفعالة )
– زيت بذور الخروع
– زبدة الشيا
– نكتار الصبار ( اغافي )
– زيت الجوجوبا
– نكهة الفنايليا
طريقة الاستخدام ~
ينصح بإستخدام طبقة خفيفه منه قبل النوم ، أو على مَدار اليوم
رأيي عن ماسك الشفايف من ( Bite Beauty ) ،’
المُنتج جربته مِن شهر وَ أسبوع أو شَهر وَ نص ، وَ مثل مو مبين بالصورة وَ لا تزحزح شيء مِن المنتج ، خاصة إني أرطب شفايفي على الأقل مرتين باليوم
تعجبني هالنوعية مِن التعليب في منتجات الشفايف عشان ما أضطر أشيل بأصبعي المنتج
طعمة حلو مِثل السكر بحكم أن مِن مُكوناته الأغافي ( إللي مايعرف الأغافي هو شراب حلو مُستخلص من الصبار يستخدم حتى بالأطعمة الصحية )
طعمه صح إنه حلو بس غَير مُزعج وَ لا تحسين بطعم مثل الحلويات أو الفانيليا ، لا نكهة حاليه بدون إزعاج لأن كثير مِن المًنتجات إللي فيها فانيليا تحسين لها طعم رخيص وَ غير طبيعي
النكهات المُضافة كلها طبيعية يعني نفس إللي تستخدم بالأكل ، مافيه عُطور مُضافة وَ هالشيء يخليه يناسب حتى الشَفايف الحساسه
المُستحضر تقريباً قوامه مرهمي وَ سميك حتى تضطرين تضغطين عالمعجون بقوة عشان ينزل
كمية صغيرة مِنه تغطي الشفايف وَ ماتذوب بسرعة
تترك لون جميل على الشفايف أتوقع راح يناسب جميع الوان البشرة لأن لون شفاف وَ يعطي نضارة وَ تورد
شَكله عالشفايف
المرطب منه ثلاث ألوان شفاف ، وَ بلون الشامبانيا ، وَ اللون التوتي إللي معي ( أنصحكم باللي خذيته لونه وَ قوامه مُمتازين )
أزين مافيه إن هالطبقة تستمر فترة طويلة ما تتشتت وَ لا تسيح بسهولة وَ تضل حتي لو شربتي ماء ، وَ تستمر طول فترة نومك ، وَ تقومين وَ تضل شفايفك رطبة ،حتى لو فيك شقوق بشفايفك تتعالج وَ تختفي بسرعة
شخصياً في الأوضاع العادية ما أعاني مِن أي مشاكل بشفايفي ، بس أثناء إستخدام غسول السالساليك مرات يجفف شفتي العلوية وَ أحس فيها بالحرقان بشكل كبير بالرغم إني أحرص أرطب شفايفي قبل لأغسل وجهي وَ أتجنب وضعه حول الشفايف بس صَعب السيطرة على الصابون مَع هالمرطب ماصرت أعاني من هالمشكلة
كأنك مرطبتها مِن ساعه مو كأنه ليلة كاملة
لذلك أشوفه مُمتاز لإستخدامه مَع الماكياج للبنات إللي يضطرون يستخدمون مُرطبات مع الأرواج ( راح يحافظ على القوام أفضل مِن غيرة من المنتجات ) مع إني ما أتبع هالتكنيك بماكياجي
بإختصار وَقعت في غرامه ، يرطب مِن قلب وَ يدوم فترة طويلة وَ لو فيك جفاف يعالجها في أقل من ليلة وحدة
عيوب المُنتج ~
صراحة ماأشوف فيه عيوب أبداً
بس مِثل ماذكرت أن الكثير راح يشوف سعره غالي وَ راح يقول الفازلين أصرف لي
مُمكن البَعض مايرتاح لطريقة التَعليب كونه يحتاج ضغط شوي
المُنتج مافيه أي عطور تثير الحساسية لكن إللي يعانون مِن الحساسية المُفرطة أحب أنبهم أن مَادة اللانولين المُرطبة مِثل ماذكرت مُستخلصة من الصوف
وَ البعض عنده حَساسية مِن الصوف فاللي عندها حساسية مِن اللانولين تنتبه لهالشغلة لأن هالحساسيه تصيب ٥ أشخاص مِن أصل مليون ( يعني نادرة )
اللهم بَلغت اللهم فأشهد وَ أختنا بالله تبيني أقول وآآآآآآآآو أو وَع !!! فَهل يُعقل الإنسان يكون لا مُبالي لهدرجة بتقييمه
يالله أنتظروني غداً بُمسابقة ميك آبيه لتَجهيزات العيد مافيها تَعب وَ لا مايحزنون ( طلعتوا تحبون المَنشن وَ لا تبون تتعبون بإبتكارات )
بقولكم سوآ فولو وَ منشنوآ ١٠ من صديقاتكم أو أقاربكم
دُمتم بَحب
تم
ياهلا وغلا
وكل عام وانتِ بخير
وحشتيني ووحشتني المدونه
الله يسعدك ارضيتي هالصديقه وجبتي لها منتج واو
تدويناتك دايم توضح لنا الزين والشين حتى مكونات المنتج ذكرك لها يخلينا نفهم ونتعلم
المهم
وصفك لترطيبه ذكرني بيوسرين مرطب اليد انام واصحى ويديني لسى رطبه
الفازلين صحيح يرطب بس احسه مزعج
حبيت المنتج من قلب
ينفع للناس الي مقصره بشرب الماي وشفايفها جافه مااقصد نفسي ابد ??
الله يعطيك العافيه ماقصرتي
تم
الله من زمان ماعلقت على تدوينه اول ما تنزل ❤️
بعلق ع كلامك بالبداية صراحة أغلبية البنات بالسناب تجيب شي وتمدح واحيانا بعد فترة تقلك انو ماعجبها أو ماناسبها من البداية ليش تورينا طيب و الأغلبيه كذا بالعكس والله ماحب في تدويناتك الا الشرح وفاهمه عن ايش تتكلمي ، عموما والله شكله حلو وكيوت اللون مُغري و دام شهر وماشاءالله باقي مليان يستاهل بالعكس سعره حلو لو كان كويس لأن الشفايف مهمه تطلع بمظهر حلو والله مو اذا حطيت روج مافي جمال ورونق باللون ولا بالشكل ، تسلملي أناملك والله وعن جد اشتقت للمدونة ❤️❤️❤️❤️❤️
نكهة هوااا > هههههههههههههههههههههههه من جد ?
حبيته وان شاء الله اجربه قريب ?
صباح الفهاوه بهالجمال
يادلي يادلي انا
التعليب
المكونات
الوصف
النتيجة
واللي اشترى واللي باع
كلهم ينطقون جمال ماشاء الله
عاد تو جاي ع بالي امس المقشر اللي حطيتيه زمان لتجربة صديقتك الكويتيه من m & m اتوقع
كنت شبه قررت اني راح اطلبه
وشكلي راح احول الحين
خصوصا اني جالسه اطلب من الجوري
ولك تسلم صباحاتك واختياراتك يا كل الذوق
وبخصوص اختنا بالله انا ماجى ع بالي يوم من الايام راح امشي مغمضه ورى حد بثقة الا لما شفتك
ليه ببساطه لانك جاوبتي فوق
اتخيل حد يجي يقولي المنتج هذا واااو وروح اشتريه او وع واغض الطرف عنه
بأس القوم نحن مانشكر الله ع النعم اللي عندنا ابد
بوسه كبيره لك وبوسه للجوري ام قلب كبير
تم وانا ف طريقي ع المدينه
هلا بالحب
بالنسبه للي ماعجبها اسلوبك اتوقع ماتحب تقرا ف تقول هاتي الزبده
لاكن طريقه شرحك نادره واذا نقدتي منتج ف نقدك بناء او صحيح بدون مذب او نفاق ولا تدين المنتج اكثر مما يستحقه مستحيل الاقي شخص يوفرلي كل عالمعلومات عن المنتج ووصف دقيق ” من الى ” غيرك .. ما اقول هالكلام مدح او مجامله هذي الحقيقه ادخل ع التدوينه افهم كل شي ما اخرج محتاره ، طيب كيف هذا ليش كذا ألخ ..
المرطبات لازم شي ضروري عندي بدونها شفايفي رآيحه فيها مع اني اشرب مويه كثير بس احس الجو ممكن يأثر و التغذيه تلعب دور اساسي حاليا استخدم مرطب eucerin جدا مرتاحه عليه واعتبره اكثر مرطب جيد اكثر من ال “فازلين ” الفازلين يرطب بس مو ذاك الترطيب
المنتج فزييع شكلو مرتب وشيك ? يحمسك تحطين منو
و مكوناته جباره بس ناقص التجربه ونقع في غرآمه مثلك
…..
ننتظرك باجر بالمسابقه مع اني ما احب المنشن بس يلا نشارك لعيونك ?
دمتي بسعاده
وقعت في غرامة .. قبل فترة لفيت على كل تدوينات المرطبات في المدونة و رحت كم صيدلية دورت يوسيرين و مالقيته و اخذت واحد ثاني بس ما عجبني و الحين قلت بشوف شي ثاني .. عاد الحين ما بقى علي غير اطلبة .. انا دايما شفايفي اعاني فيها من تشقق و غالبا لان شربي للموية مو كفاية .. و احب الارواج المات عاد مات و شفايف متشققة منظر “لا تعليق” ..
و بالنسبة للي ناقدة اسلوب تدوينك !! شكلها ما تحب القراءة و مافيها تقرأ و اعتقد مدونتك مو لهذا الصنف لان في نظري مدونتك موسوعة علمية .. اللي تبقى المختصر ياكثر البلوقرز اللي كل كلامهم وااااااااو يجنن .. تروح لهم .. بطت شبدي..
انتي جدا متميزة بأسلوب طرحك و احنا مستمتعين فيه و اعتقد ان المحتوى العربي يفتقر لهذا النوع من التدوين << مستعاة الجملة من احدى تدويناتك
دمتي متألقة
وانتِ بخيير ي ألبببي
شكله خطير حبيته انوو يخلي لون الشفايف
جمميل فوقها يرطبها ماشاءالله
نعآني من جفاف الشفايف وبقوه
ماخليت مرطب إلا وجربته
بس اللي فآد معاي الفازلين?
بس ان شاءالله بجرب هالمنتج??
متحمسين لبكرى?
الله المنتج يجنن من وصفك له باذن الله راح احطه في اول قائمتي .. انا شفايفي دايم ناشفة وما خليت ولا بقيت مرطب في الحياه ?? ربي يسعدك يا ارتوس زي ما تسعديني ويجعلها في موازين حسناتك ، ما قد اخذت منك شي الا ويعجبني ١٠٠٪
وصباح الشوق للمدونة وصاحبتهاا ??
غبت فتره طويلة لضروف صحية ?
،
عجيب امرهااصاحبة السناب ذمت اكثر شغله احبها في تدوينك المصداقية العالية والوعي والعلم الصح ? والبحث عن الافضل مستحيل حد يطلع من تدوينة لك محتار لانك ماتتتركي ولا تفصيلة والوحيدة الي تذكر المكونات انتي ماشاءالله ربي يحفظك ويزيدك بركة في علمك ووقتك ياقلبي ❤️❤️❤️
ويجمال تدوينة اليوم ?? يسعددك ربي كنت ادور منتج كذااا يرطب الشفايف من قلب ❤️❤️ واكيدددد راح اجربه اشوف سعرة مناسب كميتة وجودته لانه منتجات ارخص اظطر اخذ كمية اكبر لانها مايطول ترطيبها واظطر اجدد الترطيب وتخلص سريع هذا بيوفر كل دي الحتوته ان شاءالله ❤️❤️❤️
احبك ارتوس ، دمممتي ياقلبي بسعادة تغمر حياتك ❤️❤️
حبيبتي ❤️
كل عاام ودنيتك سعاده وهنا ياارب ?
وقعت في غرام هالمنتج ?
صباح الجمال والدلال ?، وحشتنا المدونة ❤️، دائمًا طرحك جديد ومُفيد سلمت الأيادي يا ارتوس ❤️
جميل باطلبه لي ولاخوي بغد يعاني من متلازمه شوقرن يعني جفاف دائم وشديد
ربي يسعدك على الطرح الراقي والوافي?
يسعد صبحاك
ومبارك عليك الشهر
انا مو من مؤيدين كلام صاحبه السنابه
لزم يكون لنا اطلاع ع مكونات المنتج والاكيد مو الكل راح يناسبه المنتج ف هذا الشي يساعدنا
بالنسبه الى المرطب
اعجبني جدا .. انضم لمجموعتي ان شاء لله
حبيته جدا وراح يكون ف القائمة بإذن الله ? شرحك وتفصيلك م بعده حكي .. تسلم هالإيدين الجميلة ويعطيك ألف ألف عافية يارب ???
اعجبني مره وصفك له ، ووسوست لانك تقولين مافيه عيوب.
وعلى حسب مميزاته حسيت سعره مناسب بالنسبة لمرطب ديور
لأَنِّي لاحظت انه عادي جداً من وصف الناس وجربته كم مره بس ما حسّيت ترطيبه عجيب ?
رمضان كريم وكل عام وإنتي بخير وعيد سعيد مقدماً ❤️❤️❤️?
يا مرحبا ويا أهلا..جا في وقته هالمنتج من زماااان وعيني عليه ومحتاره لك بعد ملامك ابدا لا حيره..انتي اكثر شخص احب تقييمه للمنتجات تبينين مكوناته والمواد الي ممكن تسبب اي نوع تحسس ووصف المنتج من الشركه المصنعه وطريقة استخدامك له وبالتالي نتايجه معاك مع التوضيح ان النتايج تختلف من شخص الى اخر..في اعمق ياناس!! استغربت من صاحبة التعليق حتى مش متعبه نفسها تقرا تعب الشخص واجتهاده وتوضيحه لكل النقاط الي الغالبية الاخره تختصرها “بعجيب وخبال ويهبل” والخ طيب ما استفدنا! وبعدين تروح وتشتري ويطلع ما يناسبها وتبدا مشوار السب والتعليقات الجارحه للي تكلمت عن المنتج هههه يعني لاكذا عاجب ولا كذا عاجب..الله يصلحهم..خليك نفس ما انتي ارتوس انتي كذا رااائعه..تحياتي لك والله يحفظك ويبارك لك يارب ?
اولا مبارك عليج الشهر غناتي .. وبالنسبه للمنتج وقعت بغرامه من قبل حتى ما أجربه ما مدحتيه الا وهو يستحق كل حرف كتبتيه ❤?
انا من فئة الفازلين ??
حبيته لو الميزانيه تسمح طلبته هالممتجر متعوب عليه الله يبارك لها ?
الله يسعد كل أوقاتك ياقمري ..
اكثر شيء حبيته في تدوينة اليوم جملة (التدوين مسؤولية)
مستحيل ألاقي شرح وافي وتقييم منصف زي ما بلاقيه هنا ماشاء الله عليك
الله يسعدك ويبارك بوقتك ويزيدك علم .. خدي ❤?
صباح الورد?
تدوينتك مميزه توضح لنا اش الزين والشين واحنا علينا نتخار اللي يناسب بشرتنا وحتى السعر تقولينها وين نحصل مدونه تتكتب كذا بصدق وامانه ?⭐️
اعحبني المرطب احب اللي يدوم تترطيبه
الله يسعدك بالدنيا والاخره ??
هلا هلا هلا انا الي وقعت بغرامك انتي وتدوينااتك ..
الشششهاده لله طرحك مميز وفريد من نوعه قريت تدوينات كثير ليلوقرز صراحه
ماشفت مثل صراحتك واخلاصك بتقيييم المنتج حتى المكونات تكتبينها حتى االمرضى لهم نصيب من كتاباتك تبينين يناسب او مايناسب ..
لايهمك فئه الوووواو واليع
حبيت وصصفك للمنتج صراحه ماكنه مسستخدم من شهر وزياده
متشاءالله محافظ ع شكله .. تعلبيه جميل ولونه مغري صراحه يغنيك عن
الروج بالبيت حبيته صرراحه
تشكرات يائلبي ع هالتدوينه الخفيفه
اتمنى لك فطورا شهيا وصياما مقيوولا
رمضان مبارك علينا وعليكم وكل عام وانتِ بخير ??
حبييييييت وصفك عن المرطب ?وحسيت سعره مناسب جداً لمميزاته ويضل فترة طويلة وماله عيوب ?? ان شاءالله بأقرب وقت أجربه …. ربي يسلم روحك على شرحك المتعوب عليه بالتدوينات ويبعد عنك الناس السلبية اللي ماتقدر جهودك الواضحة بكل مكان ???
كل عام وانتِ بخير❤️ .
بالنسبه لي كلمة واو أو شين ما تأدي الغرض لازم يكون فيه سبب ليش واو وأذا حلو بالنسبه لك هل بيصير حلو بالنسبه لي ، طريقة تدوينتك ذكر المكونات و أول ما ستخدمتيه أيش حسيتي كل هذي أشياء تساعد بتقييم اذا يناسبني أنا أو لا ، طريقة بالتدوين هي المفيده ❤️.
نجي للمنتج
حبيته أحس كثير بفيدني لأن شفايف جافه مهما أرطبها مع أن برمضان خفت لأني أشرب مويه بكثره ( مهما حاولت أشرب موية بشكل معتدل ما ألتزم )
لونه حلو وترطيبه الي يدوم أحلى وأشوف سعره مناسب له كونه طبيعي وفيه هذي المميزات.
ماشاء الله عليك حبيت اسلوبك وطرحك مميز ووافي تنم عن عقلية مميزة وإنسانة من جد فاهمة وعن مصداقية الله يجزاك خير مدونتك فادتني كثير وانا معلوماتي المكياجية متواضعة
شكراً لك
وااااو وااااو وااااو .. أنا عشقي مرطبات الشفايف لانه أعاني من جفاف مستمر في شفايفي .. وأحس هالمنتج بيناسبني .. والله ليتني ألاقيه عندنا بالامارات .. ماخليت مرطبات ماستخدمتها .. فيه منها الزين وفيه منها الشين .. عموما حبيت التدوينة اليوم وايد وحطيته فبالي هالمرطب .. وبالعكس ارتوس تدويناتج مقنعة جدا وتفصيلية وتسهل علينا اختيار المنتجات المناسبة لنااللي تعرضينها .. ماحب شغل المدح الزايد والذم الزايد .. انتي غير .. كلامج مقنع وبالأدلة ولنا حرية الشراء .. وهذا أحلى شيء ❤️❤️❤️
وقعت فغرامه ، دغدغلي حواسي ?
يالسه أسوي مشي سريع ع الجهاز قبل الفطور بساعه وقلت افتح مدونتج بما أنج كنت منزله سناب أمس أن في تدوينه يديده ? .. اتخيلي شكلي وانا أسوي مشي سريع وماسكه الفون اقرا ؟! بيدور راسي ههههه
والله المنتج شكله من تجربتج انه بطل ويستاهل التجربه خاصة أني هالفترة يالسه اعتني بشفايفي أكثر عن قبل ..
وبالفعل ذكر التجربه بكل تواحيها ضروريه .. ما في منج يا قلبي ?
كل عاده مبدعه ?????جميل التعليب ولونوه???
مساء الخير
الله يسعدك دايم مواضيعك مميزه ، حبيته ?
ياليت تطرحين عن الماسكات للشعر أذكر مره قريت لك رد عن الموز انك تحبينه للشعر ليت تذكرين لنا تجربتك معه ، انا جربت قشر الموز المجفف وحبيته ليت تطرحين كم ماسك بموضوع واحد وليت تذكرين لنا عنايتك بشعرك احس قليل تدونين عن الشعر ?
هالمنتج اجا بوقتووو بهالصيفية اكتر فترة بتمر علي فيها اوقات بتنشف شفافي وبتصير تحرحني… رح جربوو اكيييد وبنفس اللون يلي اخترتيه سوسوو ???
ليش مانزل التعليق تبعي ؟!?
الله يعطيك العافيه ماقصرتي .. شرحك لا يعلى عليه .. مدري اذا كلمة مفيد تكفي والا بصراحة عجزت القى كلمات توصفك وتوصف شرحك ونقدك المنتجات
حبيته حبيته من جد وخصوصا من يومين افكر في مرطب استخدم يورياج ولاهوب عاجبني ..
كويس احس اللون حلو في المرطبات يعطي نور للوجه
ي هلا والله ??
اول م بدأتي توصفي المنتج جاء ع بالي مرطبي الحالي من فرانك بودّي منزلين ديو سكرب + لِب بلام .. المرطب بالزبط زي وصفك للمنتج و احلى شيء عاجبني فيه قوامو الثقيل حتى يخرجلك من الفتحة ع شكلها هههههههه بس عجيب صراحة حبيتو و لو اني اخدتو ع البركة .. الماركة ذي لما حكيتي عن الأرواج قبل و انا حابتها بس أفتكر خلصت من سيفورا ف نسيت عنها ? الماسك ذَا يحمممس عاد انا هوسي مرطبات الشفايف و التونرز ? أقولك حاجة اول م شفت شكل المنتج جاء ع بالي الغراء ذاكا اللي يتنفخ ب مصاص و يسير فقاعة بالونة ??????
يديك ربي العافية و يسعدك أسلوبك و تدوينك لا يعلى عليه ❤️❤️❤️?? أنتِ كذا عاجبتنا و اكثر
وانتِ بخير وبصحة وسلامة يارب ❤️?
وربي يعطيكِ العافية ??? وجدداً يعجبني أسلوبك في الطرح والنقد بحيث انك تذكري كل شيء تقريبا عن المنتج ????
thanks
كل عام وانتي بألف خير
انا من ليبيا وأحبك كثيرا انتي انسانه رائعه وربي يحفظك
بخصوص طريقه تدوينك رائعه وافهم ع طول من كلامك عن المنتج لأنك كاتبه كل شي عنها
ماسك يحمس ??
واااو
شكلة مرره جميييييل???❤️❤️❤️
اما البنت اللي ناقدة على تقييمك بالعكس هو في احلى من كده
هيه متعوده على بلوقرز حلو و سيء ولا حتى تكلف نفسها وتفتح المنتج وتصور المنتج بحيث نشوفه وتتكلم عنه
فخلاص تروح لهم بجد ناس تقهر ناس مش عاجبك اللي يطرحونه ولا شغلهم ليش تتابعينهم و لا ينتقدون كمان
ما كأني زودتها ??
بس جد جد وش بعد امانتك واسلوبك بطرح المنتجات معليش مش مجاملة والله بس مافي مثلك وكمان مش عاجب
ماعلينا قلنا ستوب خلاص?
المنتج جميييييل وشكله صراحة كمان يجنن بس معقولة يدوم مفعولة للمده هذي مررررة تحمست ?له
لازم نجربه
مرسيييي ياتوسه على مواضيعك وتعبك معنا ومشاركتك الجميلة
من جد مرسي
توي اقرا اخر خمس تدوينات لك??اكثر شي فقدته بانقطاعي هو أنتِ?وبالعكس اسهابك بالموضوع وتفصيلك به هو اللي يميز تدوينتك عن غيرك لأن فعلاً من بعدك صرت اشوف من منظور اكبر يعني سابقاً كنت اذا قالت بلوقر ان هالمنتج واااو يهبل طرت وشريته وبالنهاية يطلع مايناسبني ?طرحك مميز ومختلف وحنا نحبه كذا ??
جميل ربي يسعدك واكيد باجربه باذن الله
احبك توسا
بالنسبة لتدويناتك بالعكس أحبها كذا تفاصيل التفاصيل تشرحين لنا وتنبيهينا ممتنه لعطاءك وجمال روحك
وبالنسبه للمرطب مااستخسر فيه سعره خاصه اذا بيقى معي فتره طويله احب مظهر الشفايف يكون صحي ورطب ولو حافظت على نسبه مناسبه من شرب الماء صراحه يبان شكلها رطب لكن احب زياده اذا بيعمل ترويه للشفايف
شكرا جزيلا