مَساء / صَباح الحُب
وَحشتوووووني جداً جداً ، الكِتابة بالمُدونة لها طَعمها وَ أحساسها الخاص
وَ نبدأ بَموضوعنا وَ أبشركم بكره بَعد فيه تَدوينة ( عِن العناية بالبشرة بوصفة مَنزلية) ..
بالسنوات الأخيرة كثير مَاسمعنا عَن مياه الينابيع الحرارية كمُنتج على شَكل بخاخ
وَ إشتهرت كثير ببعض الماركات أمثال :
أفين ، لاروش بوزيه، فيشي وَ يورياج …. إلخ غير بعض المَاركات الفاخرة إللي حاولت تخلط هالمَياه مع بعض المُرطبات وَ الزيوت
البعض مِنكم يمكن ماسبق وَ سمع عنه وَ البعض مايدري وَش مُحتوى هالبخاخ !!
وَ البعض يعتقد إنه مُثبت ماكياج أو يَعتقد أنه بديل للتونر أو خطوة أساسية بروتين العناية بالبشرة
وَ تم الترويج لهالنوعية مِن المياه وَ كأنها المُخلصة لعلاج حساسية البشرة خَاصه للي يعانون مِن الصدفية وَ الأكزيما
بهالموضوع راح نتعرف على ~
– مصدر هالمياه ؟
– مُكوناتها ؟
– فوائدها وَ إستخداماتها ؟
– هل فعلاً مُفيدة للبشرة ؟
– تجربتي معها ؟
– هل تستحق الإقتناء ؟
– ماهي المياة الحرارية ؟
أكيد سبق وَ سمعتوا عَن نبع أو مياه حَرارية أو كبريتيه أو مَعدنية بمنطقة أو بلد مُعين يشدون لها الناس الرِحال عشان يتخلصون مِن اللآلام سواء آلام مَفاصل أو روماتيزم أو اللي يعاني مِن حساسيه أو حتى بعد العمليات الجراحية أو أي آلام مُو مَعروف مصدرها ، وَ هالعلاج شائع مِن ألاف السنين
هي مياه أمطار ترشحت مِن خلال الصخور عَلى عُمق يصل إلى ألف مِتر لألف سنه أو يزيد من ثم تتدفق من جوف الأرض مًحملة بالمعادن وَ الأملاح وَ اليود وَ أصبح لها خواص علاجية وَ مطهرة
(تحتوي على البوتاسيوم وَ النحاس وَ الزنك وَ الفلور وَ الفضة وَ السيلينيوم وَ المنجنيز وَ السيليكا)
فكرة سبراي الَماء مُستوحى مِن هالعلاج لكن بدل ماتروح الينبوع الينبوع هُو اللي يجيك ، وَ هالمياه مصدرها جبال أوروبا إللي غالباً تعبأ في فرنسا أو المجر
فوائدها كَما تدعي الشركات المُصنعة إللي أجرت أبحاث سَريرية راح أختصرها بما أنها مَذكوره بشكل مُبهم
إللي غالباً تصوغة هالشركات لنتائج نصها مُو مفهوم للقارئ العادي بمُصطلحات آمثال
[ تحسين التبادل الخلوي وَ إبطاء سرعة الخلايا وَ التأثير الواقي وَ بلا…. بلا.. بلا …]
أهم الفَوائد وَ الإستخدامات ،’
• فعالة في تهدئة البَشرة بعد التعرض للشمس أو بَعد الحلاقة أو حتى بعد تقشير البَشرة بالسكراب
• يُساعد في تثبيت المَاكياج بعد الإنتهاء مِن وضعه ، يبخ عن بُعد مسافة ٢٠ سم على الأقل ( شخصياً ما أنصحكم لأن الماء لوحده مرات يأكسد المَاكياج حتى لو ثبته )
• يعزز فَعالية مُنتجات التجميل حيث يستخدم بعد غسل الوجه وَ قبل ترطيب البشرة
• يثبط مفعول عسر الماء على البشرة وَ يساعد على إزالة بقايا الماكياج وَ الشوائب خاصة بقايا القطن
• مهدئ وَ مُضاد للتهيج وَ الحساسيه وَ مُلطف للبشرة خاصة للبشرة إللي تعاني مِن الصدفية وَ الأكزيما
• يُرطب الجسم خاصة في الأجواء الحارة وَ أجواء التكييف ، وَ بعض الماركات تدعي أن منتجها أثبت فَعاليه بترطيب الجسم بنسبة ٨٠٪ خلال ٧ أيام فقط
• يعطي لإحساس بالإنتعاش وَ يرفرش البشرة وَ يصحصحها
• مُضاد للأكسدة حيث يحارب الجُذور الحرة وَ يمنع الشيخوخة المُبكره بفعل مَعدن المغنيسيوم وَ المنغنيز
• مُضاد للإحتقان وَ يطفي إحمرار البشرة بعد نزع الشعر أو بعد تَهيج البشرة لأي سبب
مُكونات المَياه مِثل ماذكرت هي بَعض المعادن وَ الأملاح اللتي قد تصل إلى ٤٠ معدن لكل معدن خاصية علاجية
وَ راح أذكر أهم المَعادن إللي تتوفر في الينابيع وَ أهميتها على سبيل المثال :
– الكالسيوم العالي وَ اليود يفيد في علاج إلتهاب الجهاز التنفسي
– الكبريت يفيد في علاج مشاكل الجلد
– ثاني أكسيد الكربون المُذاب يفيد في علاج أمراض القلب وَ مشاكل الدورة الدموية
– المياة المالحة مُفيدة في مشاكل أمراض النساء وَ التهاب المثانة
– غاز الرادون له تأثير مُسكن على الألام
لكن هالفوائد ماراح تظهر إلا عند الإستحمام بالمياه لمُدة تتراوح بين ١٥ إلى ٤٥ دقيقة في الجلسة الواحدة لمده لا تقل عن أسبوعين
بالإضافة لابد تكون درجة حرارة الماء لاتقل عن ٣٠ درجة مئوية لأن هالينابيع بالأساس ساخنة
وَ للعلم مازال فوائد هالينابيع مَوضع جَدل مافي دراسة أثبتت فعاليتها بشكل دَقيق
البعض يقول مفعولها نابع مِن سخونتها أو مِن التأثير النفسي وَ الإستجمام بمناطق تَبعث على الراحة النفسية ، وَ البعض يقول إنه فعلاً فيه غازات وَ إشعاعات بهالينابيع مُفيدة
تجربتي مع مياه الينابيع الحرارية ~
اللي بالصوره Uriage Thermal Water Spray ( مياه الينابيع الحرارية مِن يورياج )
كان فيه عَرض صيدلية النهدي إشتري مُنتجين من يورياج وَ تحصل على السبراي مجاناً ، قلت ليش لا !!
أخذته وَ سبق وَ جربت منتجات شَبيهه من إيفيان وَ من إيفين وَ من فيشي
سَعره : ٤٨ ريال سعودي
للأمانه ماشفت أي نتيجة منهم سُوى أنهم مُنعشين وَ تقريباً كلهم يتشابهون ، وَ إذا حطيتهم بالثلاجة إحساس الإنتعاش يكون أكبر
وَ على فِكرة المنتج طعمه مالح وَ إحساسه بارد بالأوقات إللي بشرتك تكون فيه طبيعيه بس لو مُلتهبه راح تحسين بلذعة أشبه بوضع الملح على الجرح
شخصياً أستخدمه أثناء الرياضه عَشان يعطيني رفريشنق فقط ، بوقت الرياضه خاصه بتمارين مِثل البوش آب أحس كُل الدم ينزل بوجهي وَ نحري وَ احس بحرارة فهالشيء يصحصحني وَ يخفف الإحساس بالحرارة
بفترة مِن الفترات يمكن قبل ٣ أو أربع سنوات م اأذكر بالضبط كُنت أستخدمه ضمن روتين العنايه
قبل لاأمد الكريم المرطب إحساسه مُنعش بس ماشفت مَعه إختلاف أبداً أو نتيجة غَير شكل
عموماً بشرتي مُو حساسه مُمكن إللي بشرتهم حساسه يحسون بفرق
مُتابعيني القُدامى يَدركون أني بالسَابق تَكلمت عَن :
Vichy Thermal Spa Water فيشي مياه اليَنابيع الحَرارية
Avène Thermal Spring Water افين مياه الينابيع الحرارية
evian أيفيان مياه الينابيع الحَرارية
( يَعني عَديت على أغلبهم بالإضافة إلى لاروش بوزيه ) .. وَ أستوفيت تَجاربي مَع مياه الينابيع الحرارية النقية بدون إضافات
فَيعني هذا آخر مَوضوع يُطرح عَن نفس هالفَكرة إلا إذا طَلعوا إختراع جَديد
– هل هو مُفيد للبشرة / وهل يستحق الاقتناء؟
من وجة نظري الشخصية ، لأن ماشفت تقارير مِن مصدر موثوق عنها
شخصياً أشوفه هدر للمال إذا تم شراءة ضِمن رويتن العناية بالبشرة ، حتى لو فِعلاً هالأملاح مُفيدة للبشرة ما تستحق هالسعر
لكن إذا تبينه مُجرد رذاذ مُنعش مبرد ، كَون العبوه تجي برذاذ بقوة ضخ عالية وَ ذرات صغيرة ، صعب توفرها برذاذ ماء عادي ، إذا ميزانيتك تَسمح خذيها كشيء كمالي بس لاتطمحين بالمزيد
وَ هالشيء نسبي بَعض الأملاح وَ المعادن مُمكن تهيج بعض أنواع البشرة، بينما الَشركات تدعي أنها تناسب أكثر البشرات حَساسيه بما فيهم البشرة إللي تعاني من الحروق وَ الوردية وَ الأكزيما
وَ مِن تجربتي بشرتي لما تكون حساسه ماتستحمل نسبه الأملاح إللي فيها أشوفها لاذعة مرات
صح للمَعلومية المياه نقية مِن الطبيعه يعني غير مُعالجة أو مُضاف لها شيء وَ تقريباً كل الماركات مُتشابهه سواء غالية أو رخيصة
الفرق فقط في مَصدرالماء لأن كل ينبوع يتميز بنسبة تركيز مَعادن خاصة فيه
على سبيل المثال :
– ايفين نسبة السيلكا كبيره فيه
– و إيفيان نسبة الرقم الهيدروجيني فيه مٌتعادل
– فيشي نسبة الكبريت أعلى
– بينما لاروشي بوزيه يمتاز إن نسبة السيلينيوم أكثر مِن غيره
تقدرون تقرون نسب كل مُنتج وَ تختارون على هالأساس
أيضا فَي تفاضل برذاذ البَخ ، لأن كل ماكان ضَخ الرذاذ أكثر ضبابيه وَ إنتشار يكون أفضل
مُلاحظة صَغيرة ،’
اليوم أُعجبت بَكمية المُلاحظات وَ تقييم المُنتج على الآنستغرام ، وَ حبيت عدم وَجود أي مُبالغة
الحَمدلله نَسبة الوَعي بإزدياد وَ صاروا البنات يَفرقون بين المُنتج المُرفه وَ الإحتياجات الضَرورية
وَ ردتني رَدود أنه مُشابه بماء الوَرد ، أنا أتمنى دائماً التركيز على المُكونات
شَفتوا بعينكم آعلاه إذا مياه الينابيع الحرارية ما تتشابه بالنَسب وَ هالشيء يَفرق لأصحاب البشرة الحَساسة وَ إللي تتأثر بالتَفاصيل
فما بالكم بتشبيهه بماء الورد ، ماء الورد خالي من المَعادن وَ الأملاح فالتَشبيه غير عادل مُجرد تَشبيه كونه شيء يَنرش عالوَجه وَ يبرد
وَ عفكرة فيه بنات يتحسسون حتى مِن ماء الورد ، وَ فيه ناس يتحسسون مِن النَعناع أي شيء عَطري حتى لو مِن الطبيعة فيه أنواع بشرة تتهيج مِنه بشكل جَنوني
إذا إنتِ ناسبك لا يَعني يتوافق مَع جميع الناس ، مِثل إللي يعانون مِن حساسية المُكسرات مُمكن تَوصل للمَوت
[ فما يَعني وَحدة تجلس تَحلف بجودة مُنتج ، هذي طَبيعة بشرة لازم خلاص المُجتمع يَتوعى شَوي وَ يفهم إحتياجاته وَ تكون توقعاته على المُنتجات مَنطقية ]
أما تشبيهه بماك فكس بلس !! ..
الفكس بلس مليان مُرطبات مَع ماء ، جليسرين ، زيت خروع ، بانثينول وَ كافيين وَ عطور وَ منكهات يعني شيء مَهوب طَبيعي وَ لا صَحي
لكن يَخدم بالماكياج وَ يساعد ، وَ مُمكن إستخدام ماك فكس بلس كَمرطب
آتمنى بهالتَدوينة أجبت على جَميع الإستفسارات المُتعلقة بمياه الينابيع الحَرارية
وَ ياليت دائماً نهتم بالمادة العَلمية بالتَدوين ، وَ لا نعتمد على حلف فَلانه وَ علتانه لليوم وَ الليلة مَنب عارفة وَش الحاجة للحلف
طالما هُناك أبحاث مُثبته !! ..
دُمتم بَحب
تم
هلآ وَ الله .. ماشاء الله عليك ما تتركين مَكانك
تم.. مكاااني
شكرا يا قمر..???
نَورتي آنوووس ?
تم ??
?
صباح الخير سوس .
يعطيك العافية ، موضوع جميل . لطالما سألت نفسي هل فعلاً احتاج هالمنتج ضمن روتيني و يصدف انك تنزلي موضوعك عنه . شكله حشتريه مع قرب الصيف حتى لو خرجت يكون معي و يعطيني ريفريش فقط.
المهم اشتقت لك
مرحبا، أنا من الناس اللي علقوا بانستغرام اني جربته ومالاحظت ولاشي صراحة، لا جيد ولاسيء يعني على قولتك هدر مال!
وبالنسبة للوعي فعلا يفرح خصوصا اننا صرنا شعوب مستهلكة بزيادة طبعا الأمريكان سابقيننا بأشواط بهالشي بحكم الثقافة الرأسمالية اللي تبي تسوق المنتجات بأي طريقة، يعني يوهمونك انك تبي تموتين لو ماشريتي هالشي وبالنهاية مجرد تسويق، وهالثقافة جت لنا بالسنوات الأخيرة بشكل مبالغ فيه خصوصا مع وسائل التواصل الاجتماعي وشهرة كل من هب ودب، كل بنت تجي تعرض روتينها ومنتجاتها وغالبيته تقليد فقط، يعني مثلا باليت نيكد، هل راح نموت لو اشترينا ماركة ثانية؟ لا طبعا، أهم شي ظلال عيون ماركته جيدة ومافي داعي نشتري اشكال والوان ومو كل شي مدحوه الناس نشتريه، تعجبني تدويناتك فعلا رغم كمية المعلومات الا انك ما تبنين سلوك استهلاكي عند البنات أبدا، بالعكس دائما كلمتك: ماراح تموتون لو ماشريتوه، وهذا منتج اقتصادي، وهذا غالي وصعب الاستمرار عليه، برافو ارتوس، نعم لبناء الوعي، لا لثقافة الاستهلاك الأعمى>>>تحمست
وربي وحشتينا ووفقدنا جوك ?
جاري القراءة …
تم
صباح الخير ?
ما كنت مقتنعه بهذي المنتجات أول ما سمعت عنها وبعد تدوينتك تأكدت أني ما أحتاجها.
انا سبق وقريت قبل لك تدوينات بشمواه عن افين وفيشي نفس فكرة هالمنتج بس ولا مره اقتنيته مااحس له اي داعي وتوقعت بيكون جوابك انه مايستحق الاقتناء سواء انه مجرد مبرد ..
يعطيك الف عافية يائمر .. وعوداً حميداً??
صباح الخير .. اشتقنا لگ سوس
..
جربت افين ينفع معي وخاصه وقت الحر ومشوار الظهر وجهي ينقلب احمر والسبري يخفف الحراره .
يعطيك العافيه دائما و أبدا مميزة بتفاصيل طرحك
يسعد صبآح الزيييين كله
اشتقنا للتدوين واليوم فرحت يوم طليتي علينآ
بالنسبه للمنتج نفس ماقلت بالكومنت بالانستقرام
استخدمه وقت الرياضه فقط طلعتي مثلي??
حبيته يعطي بروده للوجه
وصح من ضمن استخداماته اللي سمعتها للميك اب كمثبت
بس للأمانه مااقتنعت ابداً
باقي معاي للحين ولاافكر ارجع اشتريه
تسلم اناملك الناعمه ع التدوين
دُمتِ لي?
يسعد صباحك
شكرا لانك نورتيني بالفرق بين انواع المياه كنت احسبهم نفس النوع بس اختلاف الشركات
ومثل ماتوقعت انها بتكون شي كمالي ..
ومثل ماكتبت وحده فوق جاء ببالي عبارتك ” مابتموتون لو ماشتريتوه” ههههههه
بس حبيت انها ممكن تبرد بعد الرياضه ممكن لو بفكر اشتريها عشان هالشي
دمتي بحب
مياه الينابيع بعض اللي جربوها ذكروا انهم استفادوا بسخونة الماء أكثر و عطتهم احسساس بالراحة لكن معادن و غازات ما حسوا بفرق
ممكن مثل ما تم شرحه انو الاستجمام له دور ؛؛ أما بخصوص بخاخ المياه اختي اول من علمني عليه و اضافته لروتين العناية و كانت جداً متحمسة له لكن مع استخدامها ما حست بفرق و لا عاد اشترته
جربته كذا مرة اكون بحر او مصلحة رياضة و بالصيف الحار عطاني احساس برودة و انتعاش فقط و لحظي بالعربي ما سوا لي حاجة و من بعدها ما اشتريناه و لا عاد استخدمناه
فرحتيني انو فيه تدوينة بكرا مشتاقين لك كتتتييير كتييييييير ؛ تسلم هالايدين و الله سوس الجميلة
يعطيك العافية حبيبتي سوس ???
مَ ننحرم منك وَ لامن عطائك سوستي .. بإنتظارك دائماً يَ أنيقة ?
شطحه ارتوس من زمان عنك بتويتر اشتقت لذيك الايام
بخصوص التدوينه ببعد عنها بشرتي صايره حساسه
واحس في اشياء اهم انه اخذها شكرا ارتوس
شكرا على العطاء اللي تقدمينه الله لايحرمنا منك
وانتي وحشتييني كتييير كتييييير
سبق وجربتو من زمان وماحبيتو ابدا حتى شعور الانتعاش يلي عطاني ياه بالبداية زعجني بعدين … ماخطرلي جربو متلك اثناء الرياضة بكل الاحوال ماحسيتو منتج كتير مهم وضروري جيبو اساسا سحبت عليه من يومها ??
????
هلا فيك ونرحب بعودتك
آنا استخدمها من بعد ماكتبتي التدوينه آيام شمواه
عجبني انه مبرد وللان استخدمه مالحظت شيء الا انه يبرد وينعشني كل مامريت من التسريحه بخيت <عجبها الانتعاش ?
وآلف شكر لك
ياصباح الفل والياسمين
نوووورتي ياسوس .. اشتقت لتدويناتك ..
ماجربتها كمنتجات بس مرة وحدة زمان رحت ينبوع حار كانت تجربة جميلة شيء جديد مكان جديد الموية كانت أشبه بالساونا بتغلي وتتبخر كنت صغيرة وما وعيت اركز تغير شيء في بشرتي أو لأ
وكان همي بس أسأل بابتي انه عادي أجيب ابريق واسوي شاي من الينبوع .. انبهرت بالغليان ونسيت الكبريت والأملاح ههههههههههههه .
هلا وغلا بالطلة المنورة..
أمانة ماني مقتنعة فيها تماما من أول مره كتبتي عنها ..
لكن إيفيان الصغير أخليه بشنطتي دائما للخرجات فقط .. في الشتاء أستغني عنه أيضا ..
لك وحشة قد السماااا ,,
اتفق معك بوصف المنتج وتجربتك معه انا لي اكثر من سنه استخدمه واللي حسيت به فقط انتعاش مو اكثر واحطه بالثلاجه لان جو جده حار واستخدمه بعد مااخرج وارجع للبيت
امانةً المنتج من البداية توقعته شي ماله داعي ، احس كثرة المنتجات عندي تحيرني ايش استخدم وايش اخلي ، فعشان كذا اقتصر باشياء ضرورية ولازمة وتجيب نتيجة ، لاني كسووولة وباليالله اسوي لي شي ?? عموما تجريتك واثباتاتك العلمية خير برهان ، يسلم قلبك سووسس ومنتظرة تدوينة اليوم على احر من جمر ان شاء الله الحق بوقتها ???
أحياناً بعد ماارجع من الدوام من كثر ماتصقعني الشمس بالسيارة احس بحرارة بوجهي ويضل أحمر لين الليل، جربت اكثر من مره في هذي الحالة ابخ ماك فكس بلس وبصراحة يبرد علي نفس الاحساس اللي تقولونه مع المياه المعدنية!
شكراً ارتوس على الموضوع وبانتظار موضوعك الجاي
ارتوس انا كنت افكره نفس فكرة الفكس بلس
اللحين فهمت الفرق بينهم
شكراً تدويناتك مميزه وننتظر التدوينه الجايه
صايره تختارين مواضيع تشوووق
كنت منتظرة تدوينتك عشان أقرر إذا أحتاجها أو لأ .. بما إنها مجرد رذاذ منعش مبرد وهالشي أنا حصلته ف ماي الورد و بشرتي الحمدلله م تتحسس منه .. هذا يعني إني ماني بحاجة لهالمياه .. مشكووووورة جدا ع التدوينة الجميلة والتفاصيل اللي ذكرتيها .. بالفعل إذا كنت محتارة ف موضوع أو منتج بعد تدويناتك اتخذ القرار وأنا مرتاحة .. يلا الحمدلله التدوينة نزلت قبل نهاية أپريل مثل م كنتي تبين .. ومنتظرة تدوينة بكرة ع أحر من الجمر ??
نفس الشئ كان مجرد تبريد انما لاشي اخر وكنت اتسال اذا السبب طريقة استخدامي له لكن الان تاكدت ان الموضوع مجرد تبريد شكرا ارتوس
تدوينة جميلة كالعادة
عجبني كلامك عنها مرة واقعي
أنا جربتها قبل فترة وماحسيت بأي فرق ولأنو الجو بارد كمان
مااستمريت علبها
مرة شفت في التلفزيون البريطاني حلقة عنها
جربوها وسألو اخصائين عنها
المهم النتيجة طلعت انو المعادن البشرة مارح تمتصها
وانو زي ماقلتي لو تستخدم المويا العادية بتعطي نفس النتيجة
وبس
يعطيكي العافيك أرتوس ?
هلا والله اشتقنا لك
بعد قراءة التدوينة بغيت أطرح رأيي.
جربته من زمااان وفعلا ماشفت أي فايدة عدا البرودة والشعور بالانتعاش.
لكن بعد مابديت تدريبي في المستشفى كطالبة امتياز، خربت بشرتي :”(
لأني منقبة احتر وجهي من النقاب، دوامي من الساعة ٧:٣٠ إلى ٥، يعني أغلب وقتي بالدوام بالنقاب، تحسست بشرتي من الحرارة، مع ان جسمي مايحتر الجو حلو من التكييف، لكن بشرتي تحسست طلعت لي حبوب، وبقع احمرار
من فترة شريت هذا البخاخ مرة ثانية، وصرت آخذه معي وأحطه بالثلاجة بالمستشفى، وكل كم ساعة أبخ وجهي، ونفع!!
ما أقول انه منتج رهيب وسوى معجزات ببشرتي طبعا، لكنه رجع بشرتي مثل أول، له تأثير ملطف على التحسس ببشرتي، ومع الوقت راح الاحمرار والحبوب تماما الحمدلله ورجعت بشرتي مثل أول.
يعني ماكان معجبني أول لكن الحين أعتبره مهم ومنتج أساسي في روتين عنايتي، كل شخص على حسب احتياجاته، أنا لأني طول الوقت بالنقاب ناسبني، اذا وضعك مثل وضعي ممكن يعجبك.
استخدمتها وماشفت لها تأثير واضح كروتين عنايه
لكن حطيتها فالمطبخ لما اقلي واحس بحراره ع وجهي ارش منه يعطيني انتعاش وبروده
وانت بعد وحشتينا مرررة مررررة … بالحيييل
كل يوم أشيك على المدونة والانستا والسناب
عاد حبيت أرد قبل أقرأ الموضوع من كثر الوحشة
ولي عودة إن شاء الله بعد القراءة
فديت هالأنامل إللي ما تخط إلا كل مفيد ، يا زين هالمصداقيّة والبُعد عن الحياديه ، دائِمًا تذكرين رأيـج الشخصيْ بعقلانيه ومنطقية ، اسم الله ع الحُب سوس :* … قلوب يا بعدي .
والله توني راده من مشوار طويل فاليوم ، لكن قبل لأحط راسي أرقد فتحت سنابج وشفت بتنطرح تدوينة ، فقلت ما بيدهاش وعلى طول ع المدونة ، لكن شفت تدوينة يديده بعد غير عن تدوينة الماسك إللي رح تطرحينها .. يا سلام عليج قلبو :*
والله شرحج كافي و وافي ، على طاري المياه الكبريتيه اذكر في مره طلعنا نتمشى ومرينا على المياه الكبريتيه فالوالده حالفه تيلس وادحل نص ريلها لأن عندها عوار بريولها وتقول سمعت أنه زين ، ما رامت تحط ريولها غير مال دقايق من كثر ما هو حار هههههههه مع أنا كنا نشوف الأجانب أمورهم طيبه ونص جسمهم فالماي ما شاء الله ..
تسلميلنا ع التدوينة ، افتقدناج واااااايد وافتقدنا تدويناتج ومواضيع المميزة :*
كنت اقرأ ومندمجة وضحكاتي الجملة الاخيرة في تدوينتك ، صدق مدري ليه يتجاهلون التجارب العلمية ويصدقون اي وحدة تكذب عليهم او تجربتها ما تعدت كم يوم.
المهم في جملة مافهمتها تنحت عندها كثير (ثبط مفعول عسر الماء على البشرة) ، ممكن تشرحينها لنا ؟ ?
ضحكتني **
ي ارتوس بشرتي حساسه وإذا استخدمت هذي المياه تهديها مره ماشاء الله مجرد اختلاف البشرات ويعطي انتعاش ويبرد ع بشرتي فقط ممم حبيبتي ممكن تساعدينا بمنتجات لبشره الحساسه
هلا هلا هلااا وحشتينا اكثر ?
اكثر من مره اوقف عنده وابطل اشتريه مدري ليش ?
احس ينفع في الصيف بعد الدوام يبرد على الوجهه بعد صلخ الشمس?
يعطيك العافيه علي الطرح الخفيف بنسبه لي احس ما اقتنعت فيه وفيه كثير ناس تحسب ان البشره تحتاج الي مويه وترطيب وأملاح ? احس أبدا ما يعتمد عليه وشكرا
يسعد لي صبآحك وصبآاح المدونة والله وحشنآ مكآن التعليق?و وحشتنا حروفك آكثر
عآد سبحان الله آمس آشيك على التآريخ وأقول آرتوس تقول ان شاء الله انزل تدوينه قبل ينتهي آبريل وجلست آعد كم بقى لك يوم فرصه هههههه
بس زين آنجزتي??..
فعلا كلامك عن المياه المعدنية وتقييمك سليم .. للآن آشوف السعر مبالغ فيه وكونه مياه لآروش بوزيه أخذته بحدود السبعين او الثمانين نسيت بس كآنت بشرتي متهيجه ذيك الفترة وآحيانا لمآ استخدمه كانت تقرصني بشرتي تو آعرف السبب ..
لآعدمنآك يآ جميلة الجميلآت ?
أحب مستوى ثقافتك ارتوس وطرحك نادر وملفت وهذا يعطيك تميز .. يعطيك العافية والى الامام..??
صبااح النور ?..
انا مالي تجارب مع هالمياه بالرغم اني اتحمس على الكماليات الا ان ذي المياه ماتحمست لها … بس لمن قلتي يعطي رفريشنق بعد مجهود رياضي تحمست له والله .. ونقطه مهمه جدا اللي هي قراءة المكونات والتفريق بينهم، وبالفعل الماده العلميه بالتدوين تكفي عن الحلفان وهذا الشيء مو موجود غير عندك مادة علميه +مصداقيه + تجربةواثباتات نهجك غير عن الجميع ليت يتعلمو منك ??
يعطيك العافية
منورهه ارتوس??
أنا جربت من لاروش بوزيه بس الأزرق مو متوفر بالسعوديه بس اطلبه فاد معي كثيرر وجهي دايم يحمر مع استخدامه خف الاحمرار كثير وكانت تطلع لي حبوب صغيره عند الانف مع استخدامي له ماصارت تطلع لي من مكوناته الزنك فيختلف عن باقي المياه من الشركات الثانيه وبس والله ??
فعلاً رايج عنه اثبت شكوكي حوله
كتبت لج بشرتي حساسه و مرات احسه يزيد الحرارة بوجهي / و طلع فيه املاح !
مثل ماقلتي ماله أي داعي بالعنايه … شكراً لج يا جميله
صبااحو ياائلبي ..
مرره مرره مرررررره اشتقت لتدويناتك وحروفك الي مايُمل منهااا
كل شيءبها الصفحه ينطق جمال اوله شووقك
هالمنتج قد قريت شبيهه له بتدوينتك بشمواه .. وكنت من ذيك الايام
حابه اجرربه مو لشي بس عشاانك بس تردددت بالاخير حسيته زي ماذكرتي هدر للمال .
شكرا لرروحك المعِطاء شكرا للوقت الي قضيته بالتدوين
شكرا من الاعماق ولاتكفي .. الله لايحرمك غالي ولايحرمني وجودك
نسيت ماذكر شغله ع سالفه الحلف والقسسسم ليش متعبين نفسهم ويجون بصفحتك ويسردون هالحلفان وكأننا بمحاكماه .. هل طلب منكم سؤال يعني ؟او ان الشركه المنتجه بتترك كل شي وتنتظر القسسم عشان تلغي هالمنتج من الوجود؟
معليش استغرب من هالبنات صررراحه يعني ارتوس اسم بلوقر معروف من سنين وماتنطق حرررف الا وتقول بحث ودراسه وموقع معروف يعني حاجه مفروغه منها ليش تنطين انتي بالنص ؟
سوري سوس بسس شي يقرقع بقلبي عجزت مااطلعه
صراحة المعلومات منك وسردها
يحمس تحسين من علم ?
جدا تثري التدوين وتعمقنا ..
مشكوره على التدوينة
هايات توسه
زمااااان عن المدونة وجمالها يختي لها طعم خاااااص مش طبيعي احس بالروقان فيها
بخصوص المياه هذي ماجربتها كلللها واعجبتني فكرتها مع الرياضة لاني انا احط من بخاخ الماء على وجهي عشان ابرد شوي
توسة مدونتك صراحة إثراء للمحتوى العربي بجد أتكلم ما ابالغ ,,,,,,, حبيبيتي الله لا يحرمنا منك .
يسعدلي مساك
امس كنت اظن اني بجلس ع المدونة كاملة بس ما امداني
يالله مو مشكلة (ان تصل متأخراً خير من ان لا تصل ابدا)
اول مره انتبه لمكوناتها و فكرتها الاساسية
حبيت التفاصيل
انا استخدم إيفيان من سنوات في النادي
مثل ما ذكرتي يبرد على وجهي و يعطي شعور انتعاااش
صرت ما استغني عنه لهالسبب
لكن مو لفوائد و كذا.. لاني ما لاحظت تغير او اضافة..
اسعدك الله و عن الشر ابعدك
ما شا الله ارتوسه كفيتي ووفيتي تعجبني التفاصيل الدقيقه يلي تقولينها ما شا الله ? صرت اهتم اكثر بنفسي وهذا انعكس على نفسيتي ? رياضه وعنايه .. شكرا لك حبيبتي ؛ عندي طلب ؛ احب الأظافر وابي اطولها .. لكن طريقة العنايه وقص الكيوكتيل اتمنى ينطرح له تدوينه .. بحثت في يوتيوب وطلعلي فيديوهات لكن ما ابي اجرب حاجه مو معروفه خصوصا بالبدايه .. وفي نفس الوقت موضوع شيق صراحه واكيد بنستانس بوجوده خصوصا مع سوالفك وتفاصيلك الدقيقه وحكيك عن الأشياء اللي مو كويسه ترى تثرينا كثير كثير ارتوس ? ما تدرين كم نفع الله بك خلق ربي كريم ربي يجمعنا بجناته ويجازيك فوق ما تتمنين دنيا وآخره ويغفر لأمك ويخليلك اهلك وحبايبك ي ررب
احبك …سما
حبيت اضيف لك يااختي بالنسبه لسؤالك عن العنايه بالاضافر وازاله الكيوتل من الاضافر ?ارتوس ماقصرت شرحت شرح رائع ووضحت كيف تسوين لك ميني سبا ببيتك وتستغنين عن الصالون وشرحت الكريمات والادوات والاخطاء الشائعه
بمدونتها القديمه اوبمنتدى شامواه تحصلينها
اسمعا عنايه الكسلانين بالايدين والقدمين اعتقد او ميني سبا
سوي بحث بجوجل تطلع لك
وادعيلها ?
اتمنى انك تشوفين ردي لك?
كالعادة طرح مميز آرتوس ?
فترة شفت كثير يوتيوبرز يتكلموا عن هذي المنتجات بس مدري ما اتحمست اجربهم :d
من زماان عن هنا صراحة
يعطيك العافيه حبيبتي سوس ???
ماقصرتي وضحتي
شلته من قائمتي للابد للتجميل له بديل وقت حراره الرياضه بخاخ مويا بارده مع مويه ورد او لوحدها المويا??
انا استغل حراره وجهي وجسمي بالرياضه انو احيانااسوي قناع لشعري قبل الرياضه ولوجهي على طول احطه لما اخلص واحرس يكون باارد القناع
صراحه استفدت فتكون فتره الرياضه وقت عنايه كامله كمان اسوي سكروب لجسمي لو قدرت ??
سووري عدلت اسمي
تدوينة كافية ووافية كالعادة
شدني الموضوع كوني ذات بشرة حساسة بشكل فظيع ما تتخيلين يوم من الايام قالولي خواتي الثلج زين يقلل المسامات شفتهم يحطونه على وجههم رحت قلدتهم ، بس احط الثلج واحس بشرتي من داخل حاااارة تغلي ظلت يوم كامل ما خف الاحمرار والحرارة الا بأبرة حساسية ?
انا كانت لي تجربة مع إيفين لما كنت اداوم بالصيف وكنت اتعرض للشمس وقت الدوام فكان يخفف الاحمرار ويحسسني بالانتعاش خاصة انه بشرتي تتهيج وقت الصيف فهالشي فادني بصراحه
اما عن ماي الورد تزعجني ريحته بصراحه وما افضل احط شي عطري على بشرتي وما يخفف الاحمرار نفس السبراي ، فأفضّل السبراي
دمتي بوّد
يا زين توسه الجميله والله بدك بوسه بين عيونك على قد ما تفيدينا
اعترف اني كنت متحمسه لتجربة المياه الحراريه بسبب المدح الي شفته لاكثر من مدونة وكان هدفي منه اني استعمله بعد الرياضه
لكن بعد ما اقتنعت بكلامك ممكن تقترجي علي وش استعمل بعد الرياضيه كبديل مبرد له
تحياتي
موضوعك شدني انا شخصيا اخذ من مويه الكبريت لان متواجد بالمنطقه اللي انا فيها طبعا هي مررره حاره واستخدمها من الصغر شي خرافي لصدفيه والحساسيه كنت اعاني من هالشي وزرت كثير من العيادات الخاصه وفيه دكتور نصحني فيها انا اتكلم عن تجربه شخصيه
?