صَباح / مَساء الخيرآت
[ تَهيء تَهؤ ماشية بَسرعة الصاروخ على قَدم وَ ساق عَشان أخلص المَواضيع ] ..
– الأربعاء مَوضوع للعناية بالشَعر ( يالله إنبسطوا )
– الجُمعة مافيش إجازة بَتخلص السَنة بَنزل مَوضوع الميلكي فوت ( وَجه لونه مَسود مِن التأخير )
– الأحد روتيني اليومي للعناية بالبَشرة
– الإثنين أتوقع ماكياج هههههههه خَلاص كَشفت كُل أسراري خَلوه بَوقتها أعلمكم
خَلونا بَموضوعنا ،’
أكثر كريمات أستهلكها هي كريمات اليدين ، على إني بالغالب ما أرطبها أكثر مِن مرتين باليوم
إلا إنها ماتقعد مَعي أكثر مِن ٣ أسابيع ، بالكثير شهر ..
مَع العلم مِن الغلط إني أرطبها فقط مَرتين ، خاصة إني مِن النُوع إللي أغسل يديني كثير ..
لكن مُشكلتي أكره اللزُوجة باليد وَ أكره أديني تطبع بالأجهزة لكن الحَسنة إن يديني وَ الحمد لله ماتعاني مِن الجَفاف
يعني حتى لو مادهنتها ما أحس إنها تحتاج أو ما أحس بإحساس جَفاف مُزعج أو قشور .
[ وَ هالشيء راجع لطبيعة جَسمي الدُهنية بالتأكيد وَ طريقة أكلي ]
لذلك في ثلاث مُميزات أحبها تكون مَوجودة بكريم اليد ،’
• مُهم يكون يرطب مِن قلب لكن مايكون دبق وَ يلزق وَ يعطي إحساس مُزعج ، ما أقدر أبداً أستحمل الإحساس الدهني أو اللزج باليد ، مع إني صايرة أفضل مِن قبل بتقبل الكريمات الدُهنية شوي
• زيادة الخير خيرين حلو يكون الكريم للأظافر وَ اليدين سوى
• ما أحب الكريمات إللي ريحتها العِطرية قَوية تزعجني خاصة وَقت النُوم أحس إني ماكله عِطر
فكثير كريمات أجربها تعجبني مِن حيث النتيجة لكن تزعجني من ناحية العطر أو من ناحية الإحساس بالإزعاج وَ اللزوجة أو الدُهنية
Clarins Hand and Nail Treatment Cream
كريم اليد وَ مُعالج الأظافر مِن كلارنس
مِن الكريمات إللي أخذت تَقييم عالي بموقع كلارنس وَ أغلب مواقع البيع أو إللي تقدم ريفيوز على المنتجات أيضاً مِن المنتجات الأكثر مبيعاً
( Best Sellers ) بموقع كلارنس
وَصف وَعود المنتج ~
– كريم مرطب غني ينعم اليدين وَ يقوي الأظافر
– يمتاز بتركيبة غنية مُنعمة
– زبدة الشيا تحمي البشرة مِن الجفاف وَ من العوامل الخارجية
– قوامه خفيف الوزن ، يمتصه الجلد بسرعة
– يتغلغل في عمق البشرة
– يحمي البشرة من التشقققات وَ الإحمرار
– يساعد على توحيد لون البشرة وَ الحد مِن أثار الشيخوخة
سَعر المُنتج : ١٢٠ ريال سَعودي
طريقة الإستخدام ،’
يدهن صباحاً وَ مساءاً أو عِند اللزوم ، يُدهن كَامل اليد إلى الرَسغ مَع عمل مساج وَ التركيز على مَنطقة حَول الأظافر ( الكيوتيكل )
خالي من :
– الكبريتات
– الفثالات
رأي عن المُنتج ~
أول مره إستخدمته ذكرتني رَيحته بجدتي ، فيه كريم كانت تستخدمه جدتي ماذكر إسمه بس هو كريم للشعر لونه أبيض يجي بقزاز عليه وردة
ريحة الكَريم ذكرتني فيه عاد جدتي كانت تستخدم كريم باللكريم الأخضر وَ أبو وردة ، المهم ريحته تشبه واحد فيهم
الكَريم ريحته مو شيء حلو ، بس سُبحان الله الذاكرة كيف تخزن شَغلات عبر حاسة الشم ، فقد تكون الريحة مُزعجة للبعض لكن بالنسبه لي أثارت فيني الحَنين للطفولة ..
قوامه جداً ناعم وَ فعلاً تحسين بهدوء وَ نعومة ، وَ بسرعة يمتصة الجلد ، ترطيبه يظل حتي بعد ماتغسلين أدينك بالماء
مريح وَ سهل وَ العبوة حجمها يستمر لفترة لابأس بها
عيوب المُنتج ،’
ـ مُصنفين الُمنتج تريتمنت ( مُعالج ) شخصياً ما أشوفه أكثر مِن كريم مُرطب جيد
ـ المنتج يوعد بالحد مِن علامات الشيخوخة ما أدري وِش قصدهم بعلامات الشيخوخة ، بالغالب بكريمات اليد يقصد بها العلامات وَ البقع الناجمة عن أضرار الشمس (مثل الكلف ، النمش) وَ هالشيء مو حكر على كبار العمر غالباً يكون من التعرض للشمس لشتى الأعمار ، هالشيء توقعته لأنهم كاتبين يوحد لون البشرة ( يقصدون يفتح البقع ) ، قد يكون القصد التجاعيد ما أشوف هالشي صحيح ماشفت شي بالمكونات يفيد هالشيء
ـ كاتبين إن المُنتج يستخدم بالنهار وَ كريم مافيه نسبة وقاية من الشمس ( يعني للنهار في حال عدم التعرض للشمس )
ـ الكريم يحتوي على دايمثيكون في أول عشر عناصر من التركيبة ، أيضاً نسبة العُطور كبيرة
رغم كل هالعيوب إلا إني حَبيته عَملي وَ سهل وَ إحساسه مُريح مو أكثر
يعني كريم مُرطب وَ ليس مُعالج ، وَ فيه بدائل كثيرة له مِن الصيدلية وَ بسَعر أقل
– هل راح تَرجعين تَشترينه ؟
نَعم برجع أشتريه أنا تَريحني هالنَوعية مِن الكريمات
بالمُناسبة ألاحظ كَثير ما يَعرفون يَتصفحون المُدونة مِن المَوبايل ، ترى المُدونة عَبارة عَن أقسام
قسم البشرة ، قسم الشعر ، قسم الماكياج ، قسم الرياضة ، وَ وَ وَ ، فإنتم حَتى تَصلون لمُبتغاكم إبحثوا بالأقسام
أو بُمحرك البَحث المَوجود بالمُدونة ، ألاحظ الأغلبية يدخلون فَقط المواضيع المَوجودة بالصَفحة الأولى ، لما تَدخلون دائماً مِن الموبايل
بتلاقون ٣ خَطوط فَوق الصورة ، جربوا تَضغطونها ، دَايركت بتتحول لإكس وَ بتنفرد الأقسام ، بعض الأقسام بجنبها + ( تعني المَزيد من الأقسام الفَرعية ) هكذا التَصفح مِن المُوبايل
دُمتم بَحب
تم
بَل بَل ، مَحداً إنتبه غَيرك ..
تف تَف ماشاء الله
ههههههههه مكاني يوجعني قلبي اذا تاخرت عليه
و15 min خلتني اركز اكثر مايروح مني
المهم الله يقويك وييبارك بوقتك تحسي االايام تركض وانتِ ببالك الكثير وان شاء الله تخلصي كل تدويناتك قبل اجازتك وقبل نهايه السنه
مرطبات اليد اكثر شي يستهلك عندي الجفاف يضايقني واخاف من الاكزيما مايهم عندي دبق او لزج اهم شي يرطب
اما العطر ع حسب في كريمات تنبلع وفيه كريمات تخنق
قبل اسبوع نزلت بنده وشفت كريم لليد ومن ضمن الخرابيط حقهم يعالج التجاعيد وكلام كثير المهم تحمست وشريته ولو اني شاريه بمبلغه سيرلاك ارحم لي ريحته كريهه كانه صابون يد القوالب ماقدرت انام من الريحه خنقتني وهذا هو مركون ادور له طريقه اتخلص منه الفازلين ارحم منه
حاليا باشتري من يوسرين تحمست له اكثر
شكرا شكرا لافادتنا ياستي انتِ كنز عظيم
شطحه شفتي الطفله غلا الجسمي هالبنت بتكبر بتكون ارتوس النسخه الثانيه
هههههههههههههه صَراحة مدري شلون تعرفين فيه أحد مِن أهلك مبرمج ؟! ..
آآآآمين مَن بؤك لباب السَما ..
وَ الكريم ذا إللي ما عجبك إذا تمام وَ مايحسس وَ كل شيء إدهني فيه رجولك بَعيد مَرة عَنك ، بكذا أريح لك ..
وَ يوسرين كريم اليد مَجربته بس خلص مِن عندي وَ جالسة أجرب مُنتجات ثانية ، بس بصوري القَديمة سَبق وَ صورته بيفيدك خاصة بسبب الأكزيما ..
وَ إيه شَفت البنوته حَبوبه الله يَحفظها لأهلها ، كَثير مَنشنوني عَنها يا زَينها طفلة كُلها براءة وَ ذكية
لا عندي عِفريتُ من الجن ههههههههههه بسم الله عليك
لو فتحتي سناب راح اصور لك كيف اعرف
تسلمين لي ع فكره اني استخدم الكريم رجولي
ولي جوله بحث بحسابك
الله يسعدك مثل ماتسعدينا والله وجودك يدعمنا معنويا ويسعدنا
قلوب بارده محبه لك من ابها
ههههههههههه خَلاص تَم ، بنتظر الطريقة بسنابي مَع أنهم ينصحوني أقفل التَعليقات
حُبي لَك يا آلبي وَ يازين أبها وَ يازين ناسها ، يكفي إنتِ عبرتي عَنهم بَشكل لا يُعلى عَليه ..
اخيييرااا
يلا نقرا ونرجع
شايفتك بالأنستآ وَ إنتِ تسألين غَيرك رَد
ماشاءالله to.t لن ولن ولن احد يسبقها ( لازم تتكرم )
صارلي فتره ما احتليت المراكز الاول عشان التدوينات تنزل بالليل ف ارد الظهر آآآخر وحده
المنتج صراحه حبيت وما حبيت بس يظل عندي حب التجربه من بعدك اكثر شي احبو فالكريمات اللي مو على طول تختفي ولا استفيد منها شي هذا اكثر شي يقهرني وفي فتره الشتا احس نحتاج مرطبات اقوى لانو الجفاف يزيد في المدينه مره
لمن اشوف جدول لتدويناتك احس يروح الحماس ماعرف ليه غير لمن تقولي انتظروني بكرا
صرآحه ماقصرتي ابد ابد ابد معانا ودي اشكرك بأيت طريقه بس ماني عارفه
صورت ليون لحسن مخي ماعاد عرفت اعلق نسيت الكلام يخليه ليكي ربي
سهرت وو راي اختبار عشان تدوينتك ( لازم اتكفخ )
بتتكَرم وَ الله مو هي كَثير يَستاهلون
بَس لا بُد بالنَهاية أختار وَ أكيد راح أظلم كَثير 🙁
ههههههه تَصدقين فعلاً البَعض مُمكن يروح حَماسه
بس أنا كَتبت لأن كثير بالدايركت تَوصلني أسئلة عَن مسامية الشعر وَ عن الميلكي فوت بشكل مَجنون
أمشي وَ أرد وَ أحذف ، فَقلت عَشان يَتطمنون إني ما نَسيت وَ الله ..
وَ يالله مَوفقة بإختبارك يالزَينه
مكاني^^
❤️
❤️
ما جربته
هالفتره دخلت بودّي شوب حسّيت كان الناس هجرته،، لقيت عندهم زبدات خام يمكن 5 انواع عجبني وخص حجمها اقتصادي استخدمها لليد والجسم مره وحده
خذت جوز الهند وخلصته وناويه عالشيا،،، ما دخلته من سنين يمكن منتج قديم وانا ما اعرف بس قلت يمكن حد يستفيد
فعلاً ذا بودي شوب مَهجور ، بس العيب مِنه
بالرغم تعبوا وَسوا إعلانات ، أنا أحب ذا بودي شوب كان مُتنفسي بالزَمانات بس تغير بالحيل ما أدري ليه ؟!
وَ تغيرت المُنتجات وَ صارت عَطرية جداً ..
مازالوا يبيعون أفضل إكسسوارات للحمام بالسوق وَ كل مره يقلصون مُستلزمات الحمام
صح معظمها عطريه
ما طلعت الا بالزبده والحلو انهن خام واورجنك
وحجمها كبييير 400 مل حلو للي دايما مهتمه بالترطيب
http://www.thebodyshop.com/by-line/coconut/coconut-body-butter.aspx
ليش لأ نَجربها وَ يكون ثاني مُنتج على مَدح فطيم
صباح الخييير اول مره ماتفوتني التدوينه ?
المهم كلارنس بصراحه ماجربت منه الا ماسكارا
مناسبتني جددا ومنتجين او ثلاثه
اذكر زمان قال لي خبير في محل وجوه ان هالماركه
مخصصه لما فوق ٣٠ !!!
ع العموم مشكوره جدا
وتواجدك الكثير ارضى طمعي فيك ?
ما اقول الا ياليت كل الشهور ديسمبر ?
يآهلا بَك ..
كلام البائع غَير صَحيح ، بس عندهم خطوط عَناية للبشرة الناضجة
هههههههههههه ، لا تَخافين بَغيب بَنهاية ديسمبر
مكاني
هلا بالزَين هلآ
يمه يزينه هالنتفه ،
تعرفي اني الخبط بين زيت الكيوتيكل يعني اعرف الي ترطب بس ماعرف الي تستخدم للكشط الي احطها قبل مادفع الجلد هل اي كريم للاظافر او زيت ينفع؟ خاصه اني بشتري عده وبطلب ليا مبرد مصنوع من الزجاج لانه الافضل ومعاه حتى أداه الي تدفع الجلد وتنظف الظفر من الكريستال لان الزجاج مايكسر الظفر ويبرد اسرع ماتحتاجي تروحي وتجي وتنظيف الأداه اسهل، لاني الصراحه ماقد بردت اظافري بالمبرد الحديدي احسه يعور وانتي تسويه للظفر من حظي اظافري مبروده خلقه حتى يسألوني إذا بردت اظافري اقولهم لا والله ويحسبوني اكذب او مخبيه عنهم مره شيء يضايق يعني لو عندي سر بقول انا مني حسوديه ، بس عاد الحين بشتري المبرد بالزجاج واقلهم عليه عشان افتك خخخخخ والمبرد اصلن من الاداة المهمه على الاقل بالاسبوع مرة او كل ماظفر تقصف بس لاني كنت ماعرف ان في بالكرستال والزجاج فكنت ماستخدم الحديدي احسه بالنسبه ليا مثل لما تسحبي طاوله حديديه في بلاط زي حق المدارس << ايش رأيك بالوصف بس
اكلممك من الحمام وانتي بكرامه جالسه اتروش وليا فترة عن المدونه بقرأها بس اخرج واروق
هههههههههههههههههه ..
عادي النَاس كذا ، مَعروف دايم إللي يَكذب الناس دليل إن هَو العَكس
يعني لو وحدة شافت وَحده شعرها كثيف وَ قالت باروكه دليل إن شعرها هي حالته حاله فعشان كذا كل ما تَشوف أحد حتى لو حقيقي تَوسوس
ترى ذا يثبت إن اللي تَعاملتي مَعهم وَ الله ناقصين جداً ، جداً ..
الحَديدي مُضر بس غالباً الشركات توفره رغبات للناس ،زيت الكويتيكل يرطب وَ إللي يزيل إسمه كيوتيكل ريموفر ، يعني مزيل الكوتيكل وَ شتان بينهما
زي مافي بيس للماكياج ، فيه مُزيل للماكياج وَ نفس الشيء مَع الكوتيكل ..
متميزة في اي موضوع تكتبيه حتى لو كان بسيط او سبق و احد اتكلم عنو .. الله يحفظك ياارب قولي امين❤️.. وبس والله ماعندي شي اقولو بس شفت التعليقات قليل واتحمست اني اعلق بما اني دايما اقرا المواضيع متأخر واعلق متأخر وماتردي عليا??
هذاني رَديت عليك ..
وَ الله بالفترة الأخيرة قصرت بالردود بَسبب عَدم إنتظام وَقتي وَ نظام العَمل
بس أحاول قَدر المُستطاع أتواجد مَع الأغلبية ..
قَلبي إنتِ
بقرأ التدوينة وراجعه
:*
ههههه عَفَكرة قريت ردودك بالمَوضوع السابق ، ما أقول إلا وَحشتيني آآآآآوي
وأنا أقرأ أول فقرة بخصوص المواضيع اليايه حسيت بصعوبة بالتنفس كأني كنت اركض واحد كان لاحقني ههههههه ، خفي على نفسج ولا تتعبين ، وإذا تبين الصدق طبعًا أنا مستانسه لكل هالتدوينات ( قلووووب ) ..
يسلمووووو سوس ع التدوينة ، والله شكلي باخذلي منه عشان اجرب ..
مشكلة الأيد أكثر شي تتعرض للماي وهالشي يضر فيها إذا ما جففناها بعد الغسل ورطبناها ، بصراحه مُهمله أشوي من هالناحيه للأسف ، حتى أني يوم اغسل المواعين ما ألبس القفاز .! إجرااام ، لكني ملتزمة بترطيبه قبل النوم وبأوقات مختلفه من اليوم ، شُكرًا سوس الحُب
والله أنتي إللي وحشتيني أكثر ، تدري أنج يوم توحشيني أمر ع المدونة مرور الكِرام ههههههههه أنتي بعيده عن العين لكن ساكنة القلب ومتربعه بوسطه ..
:*
لا عادي لأن عَندي إجازة نهاية العام ، فراح أغيب يَمكن ٤ أيام فأحاول قَدر المُستطاع أخلص بَسرعة
وَ لما تبدأ السَنة الجديدة أكون بَديت بداية حُلوة ..
طيب فكرتي بغسالة الصحون ؟ بتريحك .. وَ حاولي تلبسين القفازات الخفيفة لو إنتِ مِن النوع إللي تحبين ملمس الصحون فيه ناس مايرتاحون
وَ لا يحسون بنظافة الصحون إلا بهالطريقة ، وَ برضو الغبار يجفف الأظافر ..وَ يكسرها ..
آهم شيء إنك سالمة لأن مِن زمان عنك ، قلت بقلبي وَينها !! .. خاصة إنك مَوجوده عندي بالأنستا
صباحك ورد ي أجمل ورده ???،، رأيك ف كريمات اليدين والجسم والعناية بالبشره بشكل عام يهمنننننني وأحس مافيه بعدك ولا قبلك ف التقييم
? متحمسه اكثر شي لروتينك اليومي واكيد كل المواضيع الي قلتي عليها ،، وربي سوس اني اشيل لك بقلبي تقدير وحب ماينوصف ❤️❤️❤️ ربي يسعدك ??
على طاري السنة اليديده سـوس فـ أقولج من ألحين كل عام وأنتِ بخير ، الله يكتبلـج السعاده مع كل أحبابـج ♡ .،
بالنسبة لغسالة الصحون فـ فكرة ليش لا ؟
تسلميلي والله ، بخصوص الـإنستا فتركته ، عطيتج خبر بهالخصوص بأحد المواضيع في المدونة قلبوو ، والسبب ما أحب افتح حساب وأخليه معلق + أنا و مواقع التواصل بكل أشكاله مُش أصحاب مهما حاولت ..
صبآح الزيييين
ي لبببى مآيحتاج نحزر وش مواضعيك
الاسبوع الجااااي لاكن متحمسه لهم
كثيييرر ??
بالنسبه للكريم ماقد جربت من هالبراند
شي بس عليه مدح خصوصاً مرطب العين
والغسول بس تعرفين مااحب اغامر واشتري
إلا من بعد مدح نآس ثقه مثلك يعني
حالياً استخدم كيو في ومرتاحه عليييه
خصوصاًيومياً قبل النوم اذا حطيت مرطب
ليديني احب اسويلها مساج تمتص الكريم
اسرع عشان كذا اجلس لليوم الثاني يديني
ناعمه الحمدلله
تسلمين ع الطرح دمتي لي ?
يؤ يا حَظي وَ الله ..
وَ صراحة المَساج لليدين مُفيد لشكل اليد + تحفيز الدورة الدموية لتطويل الأظافر
?
معلومه جديده لي ان مساج اليد يغير شكل اليدين ???
هالماركه احسها حلوه ومهططه على السيروم الشهير منها ان شاء الله
الف شكر ياقلبي???
إقري تَحت عَن رأيي بالسَيروم
بس الشَركة ذكية عَفكرة ، عرفت تَوصل مُنتجاتها إلى القِمة ..
سوسو يُسعدني تَواجدك وَ مَشكورة ياجَميلة لكلامك الحُلو بَحقي
جَزاك الله خيراً
مكانييييي… سبقوني
أشغلوني اولادي ??
الله يَخليهم لَك
حججججججججز مكااان واخيرااا بعد غياب ,, راجعه بعد القراءة وأحب أشكر jooaanh_ لاني دريت من تعليقها تو انك نزلتي التدوينة بوسه الك ياحلوة
ايش هذا مقبلات “” فيس يعطيك نظره ع جنب
أقصر تدوينة قريتها لك لووول بس أكيد ورى هالمقبلات وجبة دسمة وأتوقع انها روتينك اليومي
يسلمو يسلموووو ياحلوة الروح ,,
هههههههههههههه هَذي ستايل تَدويناتي بَشمواه
لا بَس عشان ما صَرت ألحق نَزلت تَدوينة صَغيرة ، وَ ماكِنت بمزاج مُلائم لكتابة مُقدمة
جالسة أسرع
هاه كَيف الديتوكس حَقك !!
تماام ي عيني خلاص صار اسلوب حياه م لاحظتي انقطاعي عنك ,,,,, الكريم جميل بس ودي اجرب غيرة خاصه يوم قلتي في خيارات وكمان عشان ريحته احب الكريمات المعطرة بما اني قاعده بالبيت فيبي لي شي يفوووح ويوسع صدري يسعدك يالغالية وجالسة اتصفح كتالوج النهدي في اشياء جميلة وجالسة اشيك على المركات اللي ذكرتيها كويسه شكرا شكرا على مهوداتك ياسكره
أممممم خلاص تَعطري وَش تبين بكريم مُعطر بقوة
شَكل فيه ليالي حَمراء ببالك لووووووول يالله إعترفي
تَقصدين مجهوداتي ، قَلوب لك
هههههههههههههه ليالي حمراء ياقلبي علينا ببس ,,, سسهرانه مع التوام ووقفت دوامي لجل هالكتكوتين وتقولين ليالي حمراء ههههههههههه بطني والله ضحكتيني الله يسعدك كويس اذا طرحنا السلام ع بعض خخخخخ
لا ي عيني اقصد انوو نادر اتعرض للشمس الان فاتجهت للكريمات المعطره ,, ع حسب خبرتي انو العطورات مش كويسه مع الشمس صح؟ وانا انسانه اكيف ع عطورات الفواكه والتوت وهالاشياء مااحب الكريمات اللي تكون ريحتها مستشفى خخخ واضح تعقدي من المستشفيات الحمدلله ع النعمه والصحه عاد ماحدني ع المستشفيات الا الولاده الحمدلله خخخخخخخخ قلبت حرمه بله جيبي فصفص وتعالي اسهري معانا هههههههه
ههههههه خلاص ضَريبة التوأم ، الله أحب التوووم ..نَعمة مِن الله
فَهمت عليك يالزَينة
غفيتَ ??
صباح الورد???
أنا عكسكك تماما إذا كريم اليد مادبق ماأحسَ انه كريم ?
استخدم من هيروم وماشي معي زي الفُل ماأعاني من الجفاف القوي بس اشوف اذا مارطبت فتره تسمر الركب الأربعه ههه بما إنكك فتحتي سالفه الأظافر فاأنا آحتاج تتكلمي عن الأظافر والعنايه فيها إذا مُمكن طبعاً ? مع أن ماعندي نقص في الفيتامينات الا ان بعضها تتطول وتتقوس لأسفل حالياً لي أسبوع ع مقوي هيروم إن شاء الله يعطي نتيجه ،، والله يطرح لك البركهَ بوقتك ??
مقوي هيروم جداً مُمتاز ..
أنا وَصلني هَدية مِن تاجرة وَ عقب ما عاد كَتبت عنه ، مُرطبهم مُمتاز وَ مقويهم فعلاً مُمتاز
جربته صَديقتي أعجبها وَ أنا إستخدمته للفضول أسبوع وَ وقفت ، خفت يقسيها كَثير
هو فقط ١٤ يوم يستخدم وَ تكررين الحركة بعد سَنة ..
آيوا قرأت بس مفروض يمددون تاريخ الانتهاء العلبه مرا تطول واستخدامه بس بالسنه مره وهو ينتهي بعد سنه ?
،،??
شكرا لك تسلمين والله انا جربته حلوووو بس جربت كريم جيرلان جدا رائع ..
هههههه ليش تَتعبين نَفسك رُوحي نامي ..
??بكمل قراءه
حيآك
تدوينة خفيفة لطيفة آووي انا مااحب الكريمات اللي تدهن او تلزق بس طبيعة جسمي ماتناسبه الا هالنوعية على طاري العناية باليد يدي العروق فيها بارزة بشكل يزعج عيني ماادري وش السبب رغم اني مو نحيفة مرة تتوقعين لو ابحث عن كريمات تكثف طبقة الجلد ممكن الاقي ):
أمممم شَوفي ما أبي أقول لك شيء وَهمي ، لكن فيه كريمات يَدعون مُجرد إدعاءات إنها تَعبي المَنطقة
ما جربت ، لكن طالما إنتِ داهنة داهنة يدينك دوري على كريمات بالهايلورنيك أسيد ، العرق أحد حلوله دق إبرة
تخلي العرق يتقلص وَ يصير صغير ، بس المُشكلة لو لا سمح الله صار لك شيء وَ إحتاجوا هالعروق بتكون صَغيرة وَ نحيفة مَرة
ما بيقدرون يدخلون مِن خلالها أي علاج ..
العروق البارزة غالباً بسبب نحف ، أو بسبب تمارين رياضية عنيفة ، أو أعمال شاقة ، أو طبيعة طبعاً بالجسم ..
شوفي فيه تمارين رياضية يسوونها الشباب مَمنوعة للبنات عَشان لا تطلع هالعروق لا بالسيقان وَ لا باليدين ..
صباح الخير..
اكثر شي يتعبني بكريمات اليد المفعول ما يطول او يروح بعد غسل اليد ، وانا بشرتي جافه فتشوفيني اتمشى والكريم معي على كثر مارطبها مايفيد معها
الكريم الابيض معشوق الجدات اول ما قريته ابتسمت وتذكرت غرفة جدتي وريحته ومكانه على التسريحه ، حاليا جدتي ما تستخدمه تسخدم منتجات احدث ، خطيره جدتي
المدونه افتحها من الجوال او الايباد وشكلها واضح ما يضيع
جربتي تلبسين قفازات ؟
جربي مرة بالإسبوع مو شرط قفاز أدهني يدينك بكريم وَ لفيها بنايلون الأكل عَرفتيه ؟
أجلسي ربع ساعه أو نص ساعة وَ تابعي برنامج أو إسترخي ، بتفتحينه بتلاقين يدينك تشربت الكريم مِن قلب ..
وَ مرة عَن مرة بيقل الجَفاف ..
وَ الله يَخلي لَك جَدتك .. أنا كل أجدادي رَحمة الله عليهم الرَجال وَ النساء ( غير مُعمرين )
فكرت اشتري قفازات بس كل مره انسى او اقل المره الجايه عرقوبك عندي ? بس خلاص هالمره بجرب حتى لو بنايلون زي ما قلتي ، تذكرت الحنا القديم الي يشبه حنا ام خماس
الله يرحمهم ، انا من كل الطرفين ميت لي أحد أجدادي والله يخلي الباقين ويشفيهم.
الله يَخليهم لَك ..
وَ الله حاولي حاولي ، مَرة عَن مرة بتتأقلمين البدايات دايم صَعبة
صَدقيني بعد عُمر بتندمين ، حالياً بعمر الشباب الواحد مايحس وَ لكن لما يتقدم بالعَمر فجأة كل شيء أهملته يَطيح
تذكرت برضو الأكل الغَني بالسلطات وَ الأسماك يرطب الجَسم
يسعد صباحك ..
نروق ع التدوينة الجميلة ..يسلمو ايديك
اليوم رحت النهدي واشتريت ثلاث كريمات من إيورين من العرض
حبيت نصيحتك وجربت اول مرة بشتري من هالشركة ..
خذي ?
إيوسيرين .. سوري هههه
صَراحة أنا ما كَنت بنزله إلا بَتدوينة بس قلت طالما خلاص أعلنت لَهم نَكملها بَشيء مُفيد فعلاً
وَ لا أنا مانزلت وَ شريته عَندي مِن فترة ، وَ كثير ببوست يورياج سألوني عَنها قلت أنزل شيء فعلاً عليه القيمة
بدل ما يَشترون شغلات عليها عروض بتكون عادية ما بتفيدهم ، خاصة هالكريم مو رخيص يشترونه مِن العرض أفضل
وَ زيادة يبيلك كم واحد عشان تَشوفين الفرق
اشتريت كريم لترطيب الوجه أكوابورين اكتيف
للصباح والمساء ..
وكريم ترطيب اليد والي جاي فري من العرض كريم ترطيب القدم (ريحته ذكرتني بكريم انتنسف رسكيو من فازلين بس اخف شوي )
وان شاء الله اجرب الي قلتي عنه .. مانستغني عن نصايحك سوس ?
اهلاً اهلاً من الحماس نسيت مكان التعليق
شكل الكريم جداً جميل و كلارنس من الماركات اللي اثق فيها .بس تحمست له من وصفك للريحه .. ياكثر ما جربت كريمات يد ما لقيت احسن من ترطيب QV احسه هو الوحيد اللي ترطيبه جميل و طبي و بدون ريحه و الأهم ما يدبق .. و كلي حماس للتدوينات الجايه خصوصاً الروتين ..
سوس بسألك اقدر استخدم الفيسات بالتعليق بالمدونه انا ما اعرف اكتب الا فيها و بصراحه خايفه اجرب و يطير تعليقي بما انه ارتجالي ما راح اعرف اعيده
صباح الخير … مشكورين على المدونة المفيده أنا من عشاق هالماركه… ياليت تتكلمين عن منتج الدبل سيريم من كلارنس ?
يآهلا ..
أمممممم تَبين جَواب حقيقي ؟!
أشتري أمصال مُركزة ، غالباً هالمُنتجات إللي مَثل كذا خفيفة دَم لعناية بسيطة ما تَسوي هالشيء الكبير أو الفَرق بالبَشرة
لا هي ولا استي لاودر وَ لا شانيل وَ لا ديور ، وَ لا لابريري ..
حَتى لو لاقيتي مَدح عليها ، مَين إللي مَدحها !! وَ هلي مَدحها وَش مجرب طوال حياته بالأساس !!
ترى بيختلف التَقييم
???
?
صباحكم قمييييل قايزر ?بالنسبه للكريمات اليد جربت كثير للمعالجه الجفاف مافيش شي يرضيني فاصرت استخدم الزيوت الطبيعيه مع الكريمات المرطبه زي زيت الوز واكليل الجبل والأفكادو والنتيجه بشره ناعمه ورطبه ..اتوقع مريم كلارنس نفس لوكستيان ..والاقسام دخلت على skin وطار التعلييق
هههههههههههههههه أكيد بَيطير إذا ماسَويتي له إرسال
فكرتك مُمتازة ، بس راح يوسخ السرير 🙁 ، فَصعب يكون عَطول أو لازم يكون فيه إتزان بالخَلط
مريم كلارنس ..ماهازا هههههه
اها فهمت عليييك وعرفنا للاقسام?
بَشرحها عاد زَود للي بالأنستا لأن دايم يَقولون وَين وَين وَين 🙁
أهليين وسهليين
متحمسة لتدويناتك الخاصة ، خاصة تدوينة المكياج الادمان الحلال
عندي هوَس بيديني ، أحس إني مجرمة إذا انشغلت وما رطبتها أو حتى لو توضيت وما رطبتها يجيني احساس مزعج
وكلارينس من البراندات اللي ودّي أجربها << يا كثر قائمتي
موضوع لطيف وحلاته ليون مزيّنه ?
*تدويناتك الجاية?
هلا بَجميلتي ، وَ الله الهَوس بنفسك وَ بيدينك أزين هَوس ..
عالأقل تَحافظين على نَعمة ربك ..
وَ قللي قائمتك ، إذا مَحتارة وَ خذي دائماً إللي تحسين إنك تَحتاجينه مَره مَره
تَنوريني دائماً وَ أبداً
يوووه 120 ريال × و كل شوي تغسلين يدك
مأرتسه انتي مبذره لوول
بس بسم الله عليك تستحقين لان تعتنين
يصلح اشتريه واخلطه مع كريم غيره للتوفييير
خاصه انه يستعمل للترطيب
،،،،،
مأرتسه ابي اراده حديد
نبي موضوع يخص الدايت
نبي فيه عصارة فكرك و حلولك
بليييز كل شي نقراه تقريبا شبه مكرر وما يحمس
ههههههههههههه لا طيب أدهنه قَبل النُوم وَ أنام شوفي كم ساعة يستفيد مِنها الجسم
وَ نفس الشيء بعد ما أتغدى أدهن يديني وَ يجلس تقريباً ٤ ساعات بدون غَسل
مَضطرة أغسل كَثير ، لأني أتحرك كثير وَ أسوي أشغال كثير وَ عندي قَطو ألعب مَعه وَ أدلعه وَ أأكله فاليَدين تَنغسل ..
بخصوص الدايت إن شاء الله أقدر أحَمسكم عَليه ، ليه لأ
أنا مَع تحسين نَظام الحَياة
صبااااااااااح الورد توسه….
الله يعطيك العافية على هالطرح والتوضيح…
والله تحببين الوحده ف العنايه والإهتمام…..
الله يجزاك كل خير….
تَسلمين لي نَورة على كلامك
وَ زي ما أنا أشجعكم بالعَناية ، أنتم تَشجعوني عالطَرح ..
قَلوب لِك ..نَورتيني ?
صباح الخير… مشكوره على المدونة المفيده أنا من عشاق هالماركه ?ياليت تتكلمين عن منتج بدل سيريم من كلارنس اذا فيه مجال?
رَديت عَليك أتَوقع
يا اهلًا ?
اتفق معك باللي ذكرتي
انا استخدمته و عجبني صراحة
عموما كثير شغلات من هالماركة حبيتها..
بالنسبة لغيابك! تكفين لا !
ادري عندك حياة ثانية
بس سوي لنا ظهور يومي ! لو صورة انستقرام!
يختي هالفترة سعيدة بتواجدك الدائم ..
أسعدك الله و عن الشر ابعدك ?
آهم شيء يا عَيني التأكيد لأن هالشيء يَطور مُستواي النَقدي
وَ المُلاحظة أثناء التَدوين ..
خلاص لَعيونك إن شاء الله مايكون إنقطاع أكثر مِن إنقطاعات الوَيكيند
وَ ياحلوك وَ الله ، كلامك له مَكان بَقلبي
يا زينك يا ارتوس ردّك يوجع قلبي
سبحان من انزلك بقلوبنا و عطاك هالمحبة ?
لا نزكي على الله شيء ! لكن أكيد من محبة الله لك
و لأنك فعلا انسانه واعية و عندك حس مسؤولية عالي
الله يسعدك
اسفه مخططه??
صباح الورد ..?
وأنا اللي جاية أركض وماشاء الله البنات واصلين ..آحس صرنا نتسابق مين توصل أوّل ?
عرفته الكريم اللي تقولين عنه أذكره واللّه .. الكريم الأخضر للحين أبوي مايحب إلا هو
حلوة وعود المنتج وأشوف الشركة تقريباً أوفت بوعودها بس حسيت عيبه ممكن يكون السعر مرتفع على كريم يد ، إلا إني أول ماتجيني فرصة رح أقتنيه ?
كل التوفيق لك ياجميلة ، دمتي بحب?
الله يَخليه لَك ..
فيه كريمات يَدين بـ ٣٠٠ ريال وَ ٧٠٠ ريال
فهو على حَجمه سعره حَلو ..
نَورتيني ياحبيبتي ?
يعطيج العآفية يارب ??
يَعافي رَوحج ..
?
جمال الايدين والاظافرمن اهم الامور اللي تلفتي نظري
اشوف اناقه المراءه بنعمومه اليد
ام البنت اللي تسلم عليه ويدها خشنه اتحسس من ذا الموضوع ?اعرف انها مهمله نفسها
بَيزعلون مِنك البنات ، ترى فيه ناس مَساكين خلقة اليَد خشنة مهماً إعتنوا
فيه بنت أعرفها شَخصياً ، شكل يدينها عاي ، بس كل ما تَسلم علي تجيني قَشعريرة تَحسين نفسك غلطتي بالعنوان
كأنها يَد رجال بالضبط ، العيب أتوقع مِن قبضة اليد ..
أنا أحب يَدين نانسي عَجرم شلون ناعمة ، بشكل عام أغلب اللبنانيات يدينهم تفتح النَفس
نسيت اشكرك الله يديك العافيه
وَجودك كآفي
السلام
عاد الكريمات بذي الفتره صج مهمه
انا كل مره اشتري شي جديد ونفس أسبابك تخليني ابعد عنه
مثل الريحه العطريه او اذا ماشربته البشره اول شي يدبق ويدي تلمع كاني حاطه فازلين
صار لي فتره ما أحط كريم وبشرتي نشفت وزياده أني اغسل صحون بايدي بدون القفازات ?
وزود على كذا انكسرو اظافري فا قرضتهم وصايره شكل يدي يجيب الضيقه
????
مع السلامه الحين بنقز ادهنها ?
يبيلها زبده مو كريم ?
الله يوفقك يا رب ويسر امرك
هههههههههههه طَريقة كتابتك تنفع بالكوميديا الحَزينة
ضَحكتيني بكثر المأساة إللي كَتبتيها ، مرة مِن المَرات سَويت زيك وَ أنا طالعة مِن المَطبخ مِن طول أظافري
ضرب الظفر بباب المَطبخ وَ إنكسر طَبعاً ، فقلت خلاص ظَفر مكسور مايمشي وَ قصيتهم كلهم للحَمة
المُشكلة بَعدها وَش !! ..كُل مُناسبات العالم إجتمعت علي بهذاك الوَقت ، نَدمت ندم شديد على تَسرعي بقصهم بهذيك الطريقة
وَ تدهني يا عَيني حتى لا يَجي يوم وَ الله تندمين .. بالمَوجود عندك
تنوريني ياجَواهر ?
صباح الفل ? والورد ? والكادي ?
وضعي صاير غريب انام واصحى كنت موجوده
باالآنستا غفيت صحيت .. قسم باالله جت ببالي التدوينه ?
طبعاً بسبب بيئتنا الحلوه نحتاج نشرب هاالكريمات شرب ?
لكن الحمدالله لاحظت انو بعد انتظامي عـ الترطيب صارت
يديني ما تجف مثل اول .. حبيت وصفك الدقيق للمنتج
ماحدا بيوصف مثل حضرتك .. الكبير كبيررر ? ?
مثل كل مره .. ولا مره ندمت على اقتراح او شي رشحتيه
اللهم لك الحمد ? الله لا يحرمنا منك ? ولا يحرمك
من السعاده يا نقيه ?
أخجلتم تَواضعنا وَ كبيرة بَكم ياقلبي ..
صَح كثرة الترطيب مَع الغذاء الصَح يحسن البشرة ، وَ مع الوقت ما تَجف مِثل قبل ..
كُل الحُب لك ? ? ? ?
صباح الورد ??
انا بالنسبة لي يجيني جفاف واكره شعور الجفاف اكثر من التدبيق وعادي ماعندي مشكلة معاه وفالغالب استخدم وقت النوم ياكريمات ثقيلة يازبدة ….
ربي يسعدك وتسلم لنا الايدين الناعمة ماتستاهل إلا الدلع والدلال ???
سوسو .. غلفيها بنايلون ، مرة بالإسبوع
أدهنيها وَ غلفيها وَ تابعي مسلسل ، وَ لا خلصتي أزيلي التغليف وَ نامي ..
مرة عن مرة بتشوفين شلون الكريم فعلاً بشرتك تَستفيد مِنه
يا شَيخة يا حُبي لَك بَس ?
يسعد صباحك ،
انا جربت عينه منه بس حسيته كريم عادي ماعطاني
نتائج مميزه ، ماتحمست اشتريه
وطبيعة يدي جافه مره
لو تكلممين عن كريمات غيره لليد ممكن اجرب يمكن تفديني
يعطيك العافيه ارتوسسة .
ادخلي قسم البشرة تكلمت عن كريمات يدين كثيرة
صَراحة كريمات اليَدين مِن أكثر الشَغلات إللي تَكلمت عنها ، لكن كجفاف فيه حلول أخرى مو بالكريم نفسه
مثلاً أقنعه أو لف اليَدين بالنايلون لمدة نصف ساعة لتشرب الترطيب
يَعافيك يا عَيني
صباح الخيرات
عاد انا مشكلتي يديني جداً جاااافه
والاظافير ضعيفه لدرجه تتكسر من نص الظفر??
وحاليا استخدم. افالون للجلد الجاف هو حلو ترطيبه ومايدبق وتمتصه البشره
بس احس كل ماارطب كل ما يدي تكون جافه مدري الاحساس
صادق ولا الكريم ترطيبه مؤقت!!
ومازلت ادور كريم لليدين ??
طيب شَلون أكلك ؟ هل أكلك مُتوازن
للاسف لا?
واااو صراحه جدول التدوينه رررهيب ويحمس
عاد اعشق مواضيع البشره منك تفتح النفس
الله يسعدك ويووفقك
❤❤ ❤❤
❤??❤??❤
❤?????❤
❤???❤
❤?❤
❤
واضح ان الكريم ممتاز وسعره جيد
حطيت عيني عليه بس بإذن الله بعد
ما أخلص كريمات اليد اللي عندي
بالهبل راح أجيبه ♡ الحين احاول
من كل قلبي ارطب يديني في اليوم
عشر مرات بس فشلت وبجداره بعد
لوووول لان يديني مو جافه فما اتذكر
يادوب ثلاث مرات بس عموماً الله يعطيك
العافيه ولا يحرمنا من طيبة قلبك يختي
قلوووب لين عندك *.* ويسعدلي ليون
محلي الصوره والله
صباح الورد ??? حمسني جدول التدوين المواضيع كلها شيقه الله يقويكي ???
انا محافظة على ريولي أكثر عن ايدي ?
كل ليلة قبل النوم ادهنها بكريم مرطب وألبس جوارب باث اند بودي ووركس اللي تكلمتي عنها قبل
وادهن ايدي عالسريع وانخمد
انسى اني اسوي ماسكات مرطبة لإيدي ?
اتكاسل مرات في اني ارطب جسمي كلله فأكتفي بالساقين والمؤخرة فقط بس ماحب احساس الترطيب ،، أحب احساس الجفاف أكثر خخخخخخخ لا تسأليني ليش
حتى عيوني جافة والقطرة موجودة بس انسى أرطبها
تدرين ليش انسى وأتكاسل لاني أكره الروتين حتى لو كان مفيد
فتشوفيني مرات متحمسة وأرطب وأعتني وحالتي حالة وأوصل للقمة من الحماس ،، وفجأة ينهار كل شي وأنزل للقاع وأهمل كل شي كأني أعاقب نفسي بإهمالها ،، ماعرف السبب حتى أستغرب من نفسي ? وأكره هالصفة فيني ،،
ليه كذا??.
ترى يجيني قهر لما لحقت متاخر??.
بس ماش طلعت ماني من حقين الليل تخيلي اذا سهرت خلاص طول اليوم يانايمه ياكسل بينما اذا نمت الليل اقوم من صباح الله خير اتمرن وانظف واقرا واسوي كل اشغالي ??.
هيا احسن تنزلينها ورا بعض ?????.
انا اعاني جدا لما ادور لكريم لليد يمكن اكثر كريم ارتح له للامانه تبع نيتروجينا ???????.
مره كتبتي عنه من ضمن سلسله تفتيح البشره ( للمعلوميه اشتريت كل ذيك الكريمات واعجبتني جداً ).
حبيت وصف المنتج حسيت قوامه وصلت يدي???.
طبعاً بحطه من ضمن القائمة ( ياكبر ذي القائمة ???) في حال خلص حقي بشتريه ان شاء الله ، واكثر شي حبيته فيه انه يفيد بعد لحول الاظافر .
شكراً وننتظر التدوينات الجايه??، خاصه الشعر مع اني ساحبه على شعري بس مدري لي تحمست????.
مره منقهره لأن صرت اتاخر بالرد ?
تم
اولا صباااح الخير…مافيه احد يحمس مثلك ع العنايه باليدين…الشركه هذي كنت اتابع منتجاتهم من ايام مجلة الجميله ..فعلا اهم شي بالكريم مايدبق والا الريحه العطريه احبها اهم شي تكون ع مزاجي …مع الشتويه هذي اول مره يصيبني جفاف مع ان بشرتي دهنيه اتوقع شربي للمويه قل واكلي تخربط …حبيت كريم لوكسيتان اكثر ..مايمنع احيانا ندلعهم بزيت اللوز ونغلفهم …شكرا لك ارتوس
صباححح الخييير ..
للأمانة قاعدة أطالع في ليون ..ده حنين ئليل بحئه يستدعي الخمخمة ? اللي عرفته أنو كىيم كلارنس لليدين لازم أرجع اقرأ من جديد ? بس اللي أحتاجه مخلوق بحياتي مهما كان نوعه أهم شيء فيه فرو ??
صباح الورد..اكثر شي متحمسه له روتينك اليومي للبشره في انتظارك ي جميله..ويسلم دياتك على كل حرف تكتبيه??
كريمات اليد مهمه لييا لاني اكره احساس الجفاف احس يدي تقسى ويصير صعب اتعامل معها لو مادهنتها دايم حاليا استخدم كريم لوكسيتان اللي مدحتيه وبإذن الله هذا لابد اجربه..
عاد انا حزينه اكثر شي انه مضطره انتظر فتره الين استخدم اغلب اللي طرحتيه باخر فتره عشان الحمل احس ميته قهررر فيه اشياء كثيره تحمسسسسس الله يطوي هالأيام من غير شر وتعدي بسرعه عشان اخذ راحتي..
حبي الكبير جدا جدا جدا لك …?
صباح الخير ?..
عاد كلارنس انا حاقده عليهم بعد البيوتي فلاش هههههههههههههههه ?
على كثر المدح اللي سمعته عنه طلع مايسوى ريال ?☝️
مدري اذا المشكله من طريقه استخدامي له بس جربته بكل الطرق وجوده مثل عدمه !
يعطيك الف عااقيه نص كريمات الايادي اللي استخدمها عرفتها منك ????..
جمميل المنتج حبيته على قولتك اكره الشي الدبق الدي يطبع بالأجهزة واي شي امسكه .. احب الخفيفه السريعه .. نخلص اللي عندنا ونجرب ذا حاسه اني راح احبه ❤️
صباح الورد
أنا مثلك ما أحب الكريمات العطرية بقوة ولا اللي تدبق على الجلد أساساً ما اشتريها ولو صدف واشتريتها أخليها للرجل لأني أعرف نفسي مستحيل استمر على كريم يدبق على اليد لأنه يعوقني عن الحركة والراحة والحمدلله من نعم ربي علي يدي أبداً ماتصير جافة
وصباحكك سكرر ياسووكرره احلي تدووينه والله دايم كريمات اليدين تستوقفني عند الصيدليه اقش قشه فضيعه منهاا ولا يهمني السعر
اهم شي مكونات الكريم حلوه وتناسبنني واهم شي اهم شي مو معطره اتحسس من العطور مع اني مرات اضطر احطهمم بس
ماتطول بيدي اغسلهم ع طوول وحبيت فكرة النايلون بجربها بما اني اعاني من جفاف وقت الشتاء ، وذكرت كريم ابوو ورده
كان كريم جدتي الله يرحمها ويسكنها الجنه وجميع موتي المسلمين ياارب
راح انزل لصيدليه قرريب وباذن الله راح اشتريه حبيت وثفك له
واحبك انتي اكثررر الله لايحرمني هالطله
والله لايجيب الغيااب لاتقولين بغيب تكفييين ماتتتخيلين وش كثر سعااادتي بكثرة تواجدك هالفتره
♥♥♥
كنت بقولك شغله من قبل بس انسي تخيلي دورت فوط دريون بصيدلية الدواء والنهدي وصيدلية ثانيه نسيت اسمها
مالقيتها وحتي الصيدلي استغرب من اسمها انصدمت مع انها صيدليات كبيره ولا يعرفونهاا عاد قلت مالي الا الحبيب وللحين مارحت لها
يدي مهما حاولت ما اقدر ارطبها اكثر من مرتين للاسف .
مهما وزعت المرطب فِ كل زاوية ما ارطبها الا مرتين .
الصباح ب لوشن مع الجسم و قبل انام ب زبدة مع قفاز .
تدرين أنا كنت ما أهتم بالترطيب يومياً
لكن جسمي ما كان يبين فيه الجفاف الحمدلله
بس قبل اربع سنوات قريت لك فِ شمواه حمام ملوكي
مع الترطيب و السنفرة السويدية فرررررررق فرررق .
و ليومك مستمرة عليهم .
شكراً كبيرة حبيبتي .
يسعد صباحك
حبيت المنتج وكل مادخل الصيدليه هالكريم بوجهي
باذن الله اجربه ? مدري متى تخلص اشغالي وكريماتي عشان اشتري شي جديد
وبقترح عليك لوشن يجنن مره مره ارتحت عليه
خلصت منه ثلاث علب تتشربه البشره بسرعه يعني للي تبي ترطيب عميق والاهم انه للجسم واليدين
اسمه مسك اخذته من بنده سعره رخيص جدا لحجمه ونتايجه
٢٦ ريال او حولها بس بهالسعر ??
الله يسعدك أرتوسسس ويجعلها بموازين حسناتك موضعك جدا جميل ودايم متميزه بمواضعيك أحبك بالله
ويسعد صباحك ???
فعلا كريمات اليد المطعره تكتم نفسي بكريم مالو ريحه
نخلص الكريمات اللى عندي ونجربه ?
ربي يسعدك بالدنيا والخره ??
انا لي فتره استخدم كريم nivea زمان قد مدحتيه لنا وماشاء الله مره حلو
تزعجني يدي بعد ما اغسل الصحون -_- احس يصير كأني دهر مارطبتها ☹
يعطيك العافيه على التدوينه وننتظر التدوينات الجايه بشغف قلوب من هنا لعندك
هههههههههههههههه اللي تقول حست بضيق تنفس لما قرت المواضيع الجايه انا فرحت وبنفس الوقت حسيت راح تصير عليج مسؤولية وراح يخرب عندج الويكند انا حسيت بضيق تنفس لما قريت بالتعليقات انج بتاخذين اجازه نهاية ديسمبر حسيت بحزن عميق ههههههههه مدري ليه بس راح نفقدج كثير وبالنسبة لي انا ختمت مدونتج وقريت كل المواضيع السابقة على مايقولون نفس كتب المدرسة من الجلدة للجلدة هههههههه
عساك على القوة .. أرتوسة
متحمسة جدا للمواضيع الجاية .. يا ريت كل الشهور في نهاية السنة ههههه
بالنسبة لكريم اليدين يهمني جدا إن ما يلزق لأن فعلا على قولتك أحس إني أوسخ كل شيء بالكريم
وكمان لازم يكون يرطب حتى بعد الغسل لكن ما عندي قدرة على سعر غالي لذا دايم أدور في السوبرماركت على كريمات ما تزيد على العشرين أحس ما فادنتي الكريمات المخصصة باليدين قد الكريمات الثقيلة مثل دوف وجونسون أحس يدي يبقى ترطيب فيها بعد ما أغسل بالماء فقط
بانتظارك أرتوس
وربي يسعدك ويزيدك نشاط وصحة
دمتي بود
مساء الخيرات سوس….. يسلم ليهالحماس بالتدوينات…. ويعطيك العافية يااارب….فعلا اليدين اهم شي لها الترطييييب… ونلاحظ الفرق على طول…وان شاء الله زي ماقالوا البنات مخططين على كريمات اليد من النهدي…لاني من فتره طويلة استخدم لوكستيان ومرتاحه عليه بس مايمنع اننا نجرب….وربي يعطيك حتى يرضيك….. وقلوووووب من القصيم لبيتكم ?
?فيس مستحي يبي يسال والدرما رولر مالها نصيب من التدوينات
وركض ركض وراء سوس ومو ملحقين ? يخليلي الحماس وكمية النشاط اللي عندك عجبتني فكرة الجدول والمواعيد اللي حطيتيها (فيس وحده يلا خلااص فكوني من أسئلتكم وريحوني ) ههههه
نجي للكريم حسب مدحك له وكلامك عليه اشوفه يناسبني ومحتاجه لشي كذا لان بشرة ايديني كويسه وما أعاني لا جفاف ولا اي مشاكل الا نحب الترطيب والتدليع لكن ما ذكرتي لنا هل مناسب كمان للاظافر ويحميهم من التشقق والانكسار او بس كلمة النيلز مضاف ومضاف اليه ههههه
دايما اجي بالظهر وما الحق عليك :”(
عاد الا كريمات اليد ممكن تشتري ١٠ ومن ال ١٠ يناسبك واحد .. لنفس الاسباب اللي ذكرتيها ..
ذي الفترة انا طايحة بكريم ٢١ الصغيرووووون .. اخذته تجربه لجسمي لكن حبيته ليدي .. مع انه مو مخصص لليد بس ناسبني مرررررةةةة
كمية بسيطة منه ترطب اليد وبدون الاحساس المزعج
بس اضل احتاج كريم للاظافر .. اللي حبيته في كلارنس انه ٢ في ١ بالاضافة لانه مايترك احساس مزعج < اهم شي عندي
شكرا لك سووس ومنتظرين التدوينات القادمة بفاااااارغ الصبر
تدوينة اكثر من رائعة
خاصة ان الكريم جمع بين ترطيب لليدين و الاظافر
ربي لايحرمنا من عطائك ?
انا ايدي ماحس باحساس الجفاف فيها الحمدلله
كنت استخدم كريم نيتروجينا لليدين كان جدا حلو ويرطب بدون مايدبقِ
بس حاليا خليت كل مرطبات الصيدليه والجمعيه
وبديت استخدم زيوتِ : ( جوز الهند و فيتامين e )
زيت جوز الهند اغناني عن وايد اشياء صدق من الاشياء الي بتم اشتريها ع طولِ ريحتته نفس الباونتي تقطعع القلبِ وبسرعه تمتصه بشرتي
غير اني استخدمه للمضمضه وك زيت اسبوعي لشعري< ع كثر ماستخدمه مايخلص بسرعه فديته :p
حاليا بديت افقد ثقتي ب وايد شركات ماعرف ليش.. يمكن لان التسويق زايد بشكل مب طبيعي!
عاد ع طاري ايام الطفولهِ ❤️❤️ للحين اكرهه الحنا لاني كنت اشمه بشعر امي قبل الله يحفظها ?
تقبلي وديِ ?لوريسا
عاد اليدين وماادراكما اليدين صايرة هوسي هالايام ، طليت لها كريم يوسرين وجربت لوكسيتان بزبدة الشيا جميل جدا حبيته ، وكمان جربت من بودي شوب كريم بزيت االلوز حلو بس بعد فترة ماكاني رطبتها ، ان شاء الله حجرب طريقة النايلون اللي قلتيها للبنات ، عاد ايدي فيها مشكلة المفاصل تجاعيدها كثيرة رغم اني ماوصلت ٢٥ ماعرف شالحل ?
وماتلاحظين سوس انك مقلة بكريمات الرجلين عاد مررة مرة جايني هوس للرجلين ?
حبيت كل شي … والصور آآآآه على الصور… ليون نجم الصورة موب المنتج ههههههه
ماشاء الله … حبيت وصفك للمنتج، بالذات الريحة…
شكلي بجربه .. لأن أمس صيدلية أدمة مرسلين لي أنه عندي نقاط لازم أستبدلها قبل نهاية السنة… ولاني مجهزة لسته بالأشياء اللي أبيها…
يسعد قلبك… حماااس للتدوينات الجاية ماننحرم من حرفك يا رب..
حبيت الطرح ? تكلمي عن الجاي الاخضر و عن تفتيح الركب و اكواع بمستحضرات او خلطات او حتي سوالف عيادات اتمني من الي يقرون تعليقي يفيدوني و انتي تفيديني بعد ?
وحشششتيني ارتوس احس من زمان عن مدونتك يادوب احط لايك ف الانستقرام واقرا سريع بدون رد … بروح اقرا اللي فاتني امكن 6 مدونات او اكثر ماشالله صايره سريييعه ههههههههههه ???قبلاتي
يعطيك العافيه انا اعاني من تشققات الجلد حول الاظافر ارتحت على كريم افالون يوريا. اخذه مره قبل انام صحيح مازالت تطلع بس ارحم من ارل ب كثير وبصراحه ريحه كريم افالون يوريا ذكرتني بشي قديممم عجزت اتذكره يون وصفتي ريحه المنتج تذكرت اول ماشميته. ربي يسعدك ارتوس ?
مساء الانوار
صادقه ارتوس اكثر شي نستهلك كريمات اليد وخصوصاً مع البرد يزيد الجفاف
انا موزعه الكريمات في كل مكان في البيت عشان ماانسى ادهن يديني
ولازم مره وحده في اليوم ادهنها بزبدة شيا خام احسها ترطب
عجبتني حركة انه ادهن واغلف اليد بالكيس انا دايماً اجربها للاقدام هاذي الحركه مره حلوه
افتكر في شمواه مدحتي كريم للايدين من لش رحت اشتريته مره روعه بصراحه
الله يعطيك العافيه على مواضيعك ومعلوماتك
واجازه سعيده مقدماً ياقمر?
السلام عليكم
ازيك يا ست الكل .. كريم لليدين شيء مهم فعلا بس ما اهتميت أما بيديني بشكل كبير يمكن لأنها الحمد لله ما تعطيني بإحساس الجفاف. . بس ملاحظه شيء وهذا الشيء شفته في اللي حولي مدري وراثة ولا هو طبيعي عند كل البشر ؟
انو اليد اليمين شكلها أقل جمالا من اليد اليسار انا مثلا مفاصل يدي اليمين اعرض و مفلطحه أكثر من يدي اليسار و البشرة نفسها أسمر بقليل من اليد اليسار مدري ليش سألت اللي حولي كلهم نفس الشيء يمكن لانها مكروفه؟ أو يمكن فيه اختلاف بين شقين الجسم بشكل أكبر لاني الحظ أشياء على جسمي تختلف من شق لآخر المهم ياقمر ريفيو رائع و رأيي يأخذ بالحسبان. .. ثقافتك بالمنتجات منقطعة النظير نفسي أوصلها يوما ما …
دمتي بود زي ما تختمي كلامك دائما..
ردي الطويل العريض طار بسبب اني فتحت رابط فطييم اهئ اهئ اهئ يبغالي انسخ الرد دايما مو مشكلة نرجع نكتبو رغم اني حاسة بدمعة عخدي والله اجتهدت في التعليق دا من قلبي );
المهم كيف حالك توسة الله يعينك ويباركلك بوقتك يارب اعرف احساس الجري مع الوقت دا جدا كريه بالنسبالي واتحمست جدا للجدول الللي كتبتيه بالبداية عجبني جدااكثر شي روتين العناية اليومي جدا متحمسة له احس حيكون فيه كمية معلومات لذيييذة خصوصا اني امو مرة بالعناية اكتشفت دا الشي بعد ما سرت اتابعك وانا عبالي اني فلته هههههه قلوب قلوب قلوب انتي كنز وربي على قولة tot
اول مرة اعرف ان لازم نرب اكثر من مرتين باليوم عاد انا ارطب بس قبل النوم ياحليلي واقول دايما ليه يديني جافة حسبت ان بسبب اني اغسل يدي كثير ما احب يديني تتوسخ فدايما اغسلها بعد ما امسك شي مغبر ولو شويه او مدهن
امممم كنت بخرج الجمعة واروح لوكستيان اشتري كريم اليد بعد ما قلتي ان افضل كريم لليدين دحين احترت اخذ دا ولا لوكستيان مشكلتي مع يدي غير الجفاف انها سريعة التاثر بالشمس رغم اني احط من واقي الشمس بيديني صراحة ما اشتري كريم مخصص لليدين فيه واقي الواقي اللي استخدمو لوجهي احط منو ع ظهر كفي قبل ما اخرج الحمدالله اتخلصت من سمار اليدين المشكلة اني ما اعرف كيف هههه(من جد والله معرف كيف خليتو يروح روجلي الله يكرمك تعاني من نفس المشكلة سمار واضح لاني كنت البس صنادل في الجامعة ما احب الجزم دحين سرت البس جوارب وجزم الله يكرمك وارطب رجولي ققبل النوم بس ماراحت المشكلة للاسف) يديني الان نفسي تسير موحدة ما اقصد ان فيها بقع وكلف من الشمس لا يدي نفس لون ذراعي بس لونها مو صافي مدري كيف اوصف بس ابغى اللون يكون موحد صافي داك اللون الصافي الصحي (وصفي زي وجهي ادري هههه)
كلارينس من البراندات الجميلة اشتريت منهم الميكب فكسر على مدحك وحبيت نتيجتو جدا بس مافادني في حكاية التثبيت وهي دهني ورغم اني استعملتو بطريقة الطبقات اللي قلتي عليها الا ان مامرت غير ساعتين بالكثير ثلاثة ونص الفاونديشن رايح
عندي كم سؤال اذا سمحتي
ايش هو الدايمثيكون ؟؟
وايش هيا العناصر اللي لو كانت بالكريم نعرف انو محارب لعلامات الشيخوخة؟؟ وايش هيا نسبة العطور المناسبة لكريم اليدين ؟؟
وايش هو الديتوكس ؟ شفتو في احد الردود ههههه
اول مرة اسمع عن الامصال المركزة ياليت لو تعطيني فكرة عنها او اسم منتج مثلا
اخر سؤال والله احس طولت ههههه عندي مشكلة في الكيوتيكلمو لاقيه لها حل انا دايما احرص اني ازيلهم كل اسبوع او اسبوعين على حسب ودايما ارطبهم استعمل جل منعم من ريفلون وكريم مرطب وزيت بالفيتامين من سالي هانسن الزيت كل فترة اما اجل والكريم كل يوم رغم كده كل مرة اعمل فيها بوديكير مايعدي يومين ثلاثة بالكثير تسير اطراف الكيوتيكل بيضا رغم ان مافي جلد ميت ودايما ارطبها بس ليش كده مدري شكلها جدا مأزمني
ممكن تملي من اسئلتي الكثيرة بس نفسي بجد اتعلم اقر امكونات المنتج واعرف هل يناسبني او لا اتعلمت منك ان دا الشي جدا مهم شكرا سوس
شي اخير بقولك حاجة بس ماتضحك طيب (فيس خجول)
تدري اول كنت استحي اكتب تعليق لان لمن اقرا يجي ببالي كلام كثير بس اخلص واوصل لخانة التعليق يطير واشوف البنات ماشاء الله تعليقاتهم حلوة وبتضيف فاخجل اكتب شي ( فيس مستحي) وياكثر التدوينات اللي قراتها وانا ساكتة (سوري ) دحين سرت اول مايجي شي ببالي انزل اكتبو على طول بعدها اطلع اكمل قراءة ولمن اتهي اراجع وارسل بسس ياخوفي تملي من تعليقاتي الطويلة هههههه
بالله قوليلي ما نفسك تمسكي ليون وتحضنيه وبي تبوسيه بكل ثانية وماتفلتيه ابدا شكلو جدا ظريييف وهو بسباتو دا الله يحميه لكي يارب ماشاء الله عليه .
دمتي بحب قلوب قلوب قلوب من جدة لبيتكم
الديتوكس موضوع ومكتوب بالمدونه تفضلي
http://artoschic.com/724/detox-waterماء-تطهير-الجسم-،ديتوكس-واتر-لتقوية.html
اي شي تبنه متعلق بمواضيع ارتوس اكتبي الاسم وجمبه اسمها وراح يطلعلك عطول بقوقل ?
? شكلي باخذه حبيته انا ايدي نص نص يعني جافه اكثر الوقت بس يعني مب الجفاف الشين لا هو بس احساسسي انا وفي شويه تجعيدات خفيفه او اسميها مسام ما عارفه شو استخدم عشان تروح ?
واستخدمت من هالماركه بس جهاز تنضيف الوجه وناويه ع التونيك والغسول
انا بعكس البنات تحمست للمواضيع الجايه ? حسيت حلو قلتي لنا جدولك عشان اجهز نفسي قبل التدوينه ههههههه … انا يديني دهنيه كثير عشان كذا ما احب احط الكريمات الثقيله او اللي ما يمتصها الجلد بسرعه وغير كذا اغسل يديني دايم ما الحق احط كريم الا وانا غاسله يديني .. حسيت كريم كلارنكس حلو بس زي ما قلتي في احلى .. لكن ما في مانع من التجربه ??
? هالايام بس اسمع كلمة اضافر ولا يدين تخنقني العبره ?
جفاااف شي مو طبيعي مع انو يديني طبيعتها مو جافه ابد?
..
يعطيك العافيه ?❤️
تصدقين أكثر شي حبيته عاد هي صورة المنتج مع ليون
يازينه يختي ماشاءالله 🙁
من زمان ودي أجرب هالماركة لكن محتارة وش أبدأ فيه شكله ببدأ بهالكريم\
يعطيك العافيه حبيبتي
كوني أنتِ.
يسعدلي قلبك ارتوس ???
تستحقين اجازه وراحه عاد اذا قلتي انك بتاخذي اجازه اتخيلك متسدحه على البحر ولابسه نظاره شمسيه وياسلاام محدا أدك واخر روقااان ??
ههههه شطحت مو!!
نجي للكريم اقولك من جد ماتحمست له خاصه ان تكلمتي من قبل عن كريم هيروم حبييته وظل بخاطري ومن المنتجات اللي استخدمتها وحبيتها من الصيدليه qv كريم لليدين جمييل ومايدبق وسريع الامتصاص ووقتها اخواتي لاحظوا تغير حلو بيدي ? انا مشكلتي بيديني مو مشدوده من لما كنت صغيره لاحظت هالشي أتمنى اني اهتم اكثر وتطلع يديني بالشكل اللي احبه ،،، من جد ارتوس صرت أحب يديني أكثر بالمنامبر احس اني كيوت وانثى لطييفه ? واذا ماحطيت مااحب اشوف يديني
يسلم لي يدينك توسه على التدوينه وتعبك معنا الله يديم عليك الصحه والعافيه
تووسه كلنا حماس اكيد لتدويناتك الجايه وشوي شوي على عمرك لاتتعبيها لو مافيه فرصه السنه هذي السنه الجايه ان شاء الله ولو انه بنفرح بتدويناتك لكن لنفسك عليك حق
بوساات لعندك ??
بالمنامبر <<<< ههههههه شو هذا
أقصد بالمناكيير
ارتوس يا جميلة عندي مشكلة في الظفر الكبير الي هو الابهام بكل اليدين يتقشر من فوق وينكسر لو تعرفي السبب يا جميلتنا
شكرا، كثير اشتري كريمات اليدين ولا تقنعني<
آكثر واحد فاد من ناحية التفتيح كريم لوكسيتان و طبعا يعد نصيحتك،، ربي يسلمك و يسعدك..
انا ما زلت في رحله البحث على الكريم مرطب (+مرطب شفايف) بجرب هذا شكلي وبشوف يعطيك العافيه
Hello there
Thanks again for the lovely advice.. Looks fab.
Sophie
صبآح الذكريآت?
ذكرتيني بالكريم حق جدتك هههههههههه عرفته بسأل آمي عن أسمه هذا كآن من آسلوب العنايه لشعرهم كنت آتذكر امي تمسح على شعري منه
وبالنسبة للكريم عجبني انا إذا جاء الشتاء أتازم لان يديني تجف بسرعه رحت لدكتوره وصرفت لي أفالون مره ثانيه ههههههههه بس اللي لاحظته الكريم خفت قوامه آكثر من قبل وبسرعة يمتصه بشرتك
بس آنا استخدمت قفازات لليدين منتج كوري بس رميت العلبهـ ولا أتذكر اسمه بس موجود بصيدلية اورانج القفازات بزيت البارافين وكذا مكون بس نسيت
بعدها حسيت بترطيب آيديني بشكل مستمر وقل جفآفها عن اول بصراحهـ عجبني المنتج ورائحته كآنت بالورد في الشتاء هذا ما صرت آعاني مثل اول من الجفاف
تشكرآت توسه العسل
اليدين و ماادارك اليدين ?..
ايدي جافه بشششكل عظيم مهما م استخدم م يبين بعينها شي ?..
سوس اذا عندك حلول قوليها لي بالانستا ?..
خلاصة الموضوع حبيت الكريم ع بناء ع مدحك وبالذات انه تريمنت وانو اثنين بواحد ??.. بالرغم م عمري جربت خطوط العنايه مع ذا البراند انا احاول اتجنب اي شي فيه عطر حسب م سمعت انو مو زين ويسمر اذا كان يومي ?..
عفكره جربت كريم لوكسيتان بزبدة الشيا ي سلامم حبيته حبيته وغير كذا احس اظافري صارت قويه مع المساج حول الاظافر ماشاء الله??..
ملاحظتك ? ممكن بعض الناس يغفلون هالناحيه احب ملاحظاتك ودقتك وتفاصيل لا تغفلينها دمت اخت وصديقه
يازينك ارتوس❤️❤️ أنا أثق بكل شي تكتبين عنه ويعجبك وان شاء الله راح اشتريه واشتري الي مثله للاقدام لأني سمعت انه مره حلو بعد??..
بس مقهوره من شي تخيلي من زمان ابي اضيفك سناب بس ما زان مدري شالمشكله حاولت بالسناب كود وباليوزر لحاله ما ضبط☹️️..