صَباح / مَساء الإنقطاعات وَ الفهآوة
مَن زمان عن التَدوين ، حَتى زَعلانة إن شهر أغسطس بالكامل ما فَيه أي تَدوينة بالرُغم إنه من أحب الشَهور على قَلبي
كنت ناوية أرجع فَعلياً قبل 3 أسابيع بَتدويناتي وَ بما إنكم طالبين تَدوينة ثرثرة أو فاشن
[ صَرت كل يوم أأجل بحيث يخطر ببالي فَكرة مُشوقة وَ مُمتعة أكتب عنها لكن للأسف المُخ مَقفل ] ..
فقلت ببدأ بهالتَدوينة لأنها صَغيرونة وَ متى ربي ما فرجها على قَريحتي بكتب بشكل أوسع
بخصوص العَيد وَ إنقطاع العَيد هالمرة منب قاطعة بإذن الله ، يعني غياب أبو 4 أيام عادي مَثل الكُل بنعطي العيد حَقه
لكن ماعَندي هالمُخططات غير إني أدَهن جسمي بهالتان وَ أشوف النتيجة ..
سبق وَ تكلمت بموضوع سابق عن غسول الوجه من Natura Bissé من مجموعة الأوكسجين [ للإطلاع إضغطي هُنا ]
وَ كان من المنتجات التوب عندي ، فحمسني هالشيء أجرب قناع الوجه من نفس المجموعة
Natura Bisse Oxygen Finishing Mask
ماسك الأوكسجين من ناتورا بيسيه
سعره : 40 دولار بالمَواقع الأجنبية
يعني 150 ريال سعودي
أماكن الشراء : أدخلوا مَوقعهم وشوفوا مواقعهم بأقرب مَنطقة لكم ( أضغطي هُنا ) لأن كثير بعد غسول الوجه سألني عَن أماكن تَوفره بدبي وَ أبوظبي
وَ كثير إستمر يسأل بالرُغم جاوبت وَين مُمكن تحصلونه ، لذلك أرفقت الرابط وَ أنتم أبحثوا بأنفسكم
وَ أتصلوا عالمَكان إللي يَوفر لكم المُنتج قبل ما تَروحون لأن مو دائماً المَعلومات تكون سليمة بالمواقع أو مُحدثة
وصف الماسك ~
• جل منعش وَ مطهر وَ منقي يعيد حيوية البشرة
• يساعد على تنقية المسام
• يجدد البشرة وَ يرطبها وَ يزيل علامات التعب
• يكسب البشرة مرونة وَ يحد من ظهور الخطوط الدقيقة
• يزيل إحتقان البشرة
يناسب جميع أنواع البشرة خاصة البشرة المُعرضة للتصبغ وَ الحبوب
المكون الفعال ،’
بيروكسيد الهيدروجين / مطهر للجلد وَ مجدد لخلايا البشرة
جلسرين / مرطب
طريقة الاستخدام ~
تمد طبقة رقيقة من الماسك على بشرة نظيفة وَ يترك لعشر دقائق ، ممكن تدليك البشرة بالماسك في الدقائق الأولى من عمل الماسك ، يراعي تجنب منطقة حول العين وَ الحواجب وَ منابت الشعر لأنه يحتوي على بيروكسيد الهيدروجين إللي ممكن يصبغ شعركم وَ يفتحه
ممكن إستخدامه بعد يوم طويل مرهق ، أو بعد رحلة سفر طويلة ، أو قبل الماكياج أو قبل النوم
مرات الإستخدام : من مرة إلى مرتين إسبوعياً
رأيي عنه ،’
شريته لسبب واحد لأني قريت على وصف المنتج إنه يشيل الإحتقان ، عاد أنا من النوع اللي أحياناً أعاني من إحتقان الوجه وَ أعتقد هالشيء مرتبط عندي بالسهر وَ الله أعلم
وَ طبعاً كعادتي دائماً أختار النوع المنقي لأنه أنسب شيء لبشرتي الدُهنية
بس عشان أوضح شغلة أكيد كثير خطر على باله لما يقرأ كلمة أوكسجين ، إنه أوف شيء غريب واو
المقصود بالاكسجين هو : بيروكسيد الهيدروجين H2O2
عند مده على البشرة يتفاعل أو يتآكسد فيطلق مع هالتفاعل الأوكسجين إللي يخلي ذرات الماء تخترق البشرة ، أيضاً هالتفاعل البسيط يولد رغوة بسيطة هالرغوة راح تزيل الجلد الميت وَ بالتالي راح تنقي المسام
طبعا معروف البيروكسيد بتفتيح الشعر وَ يمكن كثير منكم جربه ،عموماً مو هو محور حديثنا بس الإستخدام الأشهر للبيروكسيد هو بتعقيم الجروح البسيطة وَ لو لاحظتوا شلون يتفاعل مع الدم وَ يسوي رغوة راح تفهمون تكنيك عمله .
[ وَ تقدرون تسون بحث وَ تشوفون شلون طريقة تفاعله بالمُهتمين بهالجانب ] ..
– شلون يزيل البيروكسيد الإحتقان ؟!
البعض يعتقد إنه يبيض هو فعلاً مايفتح البشرة بشكل مباشر لكن كونه منقي وَ يطهر وَ يقشر راح يساعد مع الوقت على هالشيء ، لكن الشغلة إللي تتعلق بالإحتقان لإنه يساعد على تضييق الأوعية الدموية بالتالي يخفف الإحمرار وَ الإحتقان
حبيت المنتج لأنه مُنعش وَ مبرد ، وَ فعلاً يطفي الإحمرار وَ تحسين بنعومه بعده ، غالباً أستخدمه قبل النوم ماسبق وَ جربته قبل الماكياج ، ينقي البشرة بدون مايجففها ، لكن ماحسيت إن مفعوله مُميز أو واو ، جيد بس مُش بيرفكت ، ما أعتقد بشتريه مره ثانية ..
عيب المنتج فيه نسبة كحول أيضاً يحتوي على ميثيل الباربين ، سعره ممكن يكون غالي على مكوناته
– هل يستحق الشَراء ؟!
لا ما يستحق الشراء مهماً كان مَفعوله جيد ، فيه بدائل كثيره له
برضو فيه كريمات أوكسجين قد تعطيك مَفعول الماسك بشكل أفضل من ماسك لمُجرد 10 دقائق
– شلون ريحته وَ ملمسه وَ إحساسه ؟!
ريحته وَ ملمسه ناعمين جداً وَ حتى شكله يوحي بالبرودة وَ النقاء وَ ماله لون شفاف جل
لكن الإحساس نفس إحساس الجليسرين بدون الإحساس الدُهني المرافق للجليسرين ، شفتوا لما يمر هواء وَ فيكم جليسرين
تحسون بمثل الحرارة الغريبة ، ما أقدر أوصف هالشعور بس هو كذا إحساس مُنعش وَ لكن غير ظريف
– يعني نكنسل عليه بالمَره ؟!
مُش كنسل ، لكن تكمله للمجموعة ما عَمري حطيته تخيلوا ضمن روتين عناية أو حتى مع خطوات تنظيف البشرة
أحطه بشكل مُستقل مرة بالإسبوع عالطاير ، لأنه مُجرد 10 دقائق أستسهل إستخدامه
مُلاحظة ،’
فيه بنت مره قالت لي جربت غسول الأوكسجين وَ ماوجدت منه أي فائدة
دائماً أقروا وصف المُنتجات ، مثل هالمُنتج مافيه هالشيء الواو لا بتركيبته وَ لا حتى بالخواص كثير شغلات تزيل الإحتقان من البشرة فإنتوا مُستحيل تعتمدون فقط على غسول للبشرة أو ماسك حتى تحققين معادلة البشرة المثالية
حالياً أجرب جهاز PMD ، وَ أقرأ ردود البنات فيه إللي طَلعه السما وَ فيه إللي خسف به الأرض
شفتوا لو معكم هالجهاز وَ معكم جهاز لونا لتنظيف البشرة وَ حتى معكم مليون مُنتج وآآآو ، النتائج بتختلف بين شَخص لشخص
أهم شيء إنتِم توقعاتكم خلوها دائماً مَنطقية ، يعني بتشترين غسول لحب الشباب وَ بتنتظرين إنه يزيل حب الشباب ؟!
شيء طبيعي لأ ، لأن الغسول يحتاج تونر ، يحتاج كريم ، يحتاج وَ يحتاج ..
حتى لو كل يوم مَنقعه بالعيادة وَ جسمك من النوع إللي يتأثر بالأكل ، مصير هالأكل بسمومه يطلع بَوجهك
فيه ناس ماشاء الله ، مُهملين، ما يتحممون ، وَ لا يغسلون وجههم وَ لا ياكلون أكل صَحي ، وَ منقعين بمطاعم الفاست فَود
وَ بشرتهم تلق لق ، طبعاً هالشاكلة لو إهتمت بتصير بشرتهم مرايا ، لكن مع ذلك وَ مع هالإهمال الله كاتب إن بشرتهم تصير بهالشَكل
فإنتِ عاملي بشرتك كشيء خاص بك إنتِ ، التغيرات إللي تمر بها بشرتك إنتِ وحدك تعرفينها
قبل الدورة بتكونين فاهمة وَشلون بشرتك تفرز حبوب ، فيه بنات إذا ماتطلع لهم حبة أو حبتين بالوجه قبل الدورة إستحالة
وَ فيه بنات لأ ، يعني إسمعي صَوت جسمك !! ..
– مره وَحده أرسلت لي شلون أسمع صَوت جسمي ؟
أسمع صوت جسمي هي مُجرد كناية ، يعني أقصد حسي بجسمك
لاحظي التغيرات إللي يمر بها ، حتى يمكن زَمان كتبت بعام 2013 م وَ إن شاء الله ما أكون غلطانة
إن الوحدة حتى تكرمون لما تدخل تتحمم تنتبه للتغيرات إللي بجسمها ، فيه كدمات لا سمح الله
شكل الصدر غريب ، فيه كتل بالصَدر ، فيه فطريات بالجسم مَنتشره ، لون غريب بالجلد ! لازم تشيكون
كذا تسمعون صَوت أجسامكم ، وَ مو المَقصد إن الجسم يتكلم أو يصدر أصوات المَقصد هو مُراقبة نفسك
حسيتي بيوم من الأيام فيك حكه بجلدك ، أروح أراقب أكلي وَش أكلت جديد
قابلت مين هالأيام يمكن عدوى فطرية من مكان ما ، ربما إستخدمتي حَمام عمومي ، مُستحضر غريب ما ناسبك
يعني هالتفاصيل حتى الدكتور ماراح يعرفها إلا بعد إستجوابك ، فإنتِ دائماً خلك ستيب بآي ستيب مع نفسك
حتى بتلاحظون الدكاترة دائماً يسألون أسئلة بنظرنا تافهة لكن هُم يحاولون يحصرون الأسباب
هُو صَراحة أقدر أفتح مَوضوع كامل عن شلون نسمع أصوات جسمنا لووووول
لكن ما تحتاج هالتَعقيد كله ، الإهمال وَ المشاكل ما تنفجر مرة وَحدة ، تتدرج بالظهور فحلو تكتشفين المُشكلة ببدايتهآ
وَ دُمتم بَحب
وحشني الرد بالمدونه لي عوده
وَ وحشني وَجودكم وَ الله ..
وحشتني تدويناتك ?????
اول مره اكتب عندك بس اني اتابعك بذمه وضمير ?❤
الله يوفقك ويسعدك ويسخر لك خلقه ..
عدنا
وانا اقرا حسيت باحساس الانتعاش احساس الفكس والماي البارد
تصدقين اني حاليا موجوع قلبي ع بشرتي والسبب الغده رغم اني بدات العلاج لكن مازالت المشاكل مستمره
محافظه طوال عمري قد مااقدر اكون حريصه عليها والحين اتعبتني
والشي الثاني التصبغات الوراثيه مع التقشير يروح ويرجع
بانتظار تدوينتك واكمل فضفضه فيها
قلوب لش
هلا هلااا ارتوس صباااح الخير 3> 3> عندي اختبار بعد شويا بس مني قادره اءجل قراءة المدونه =) 3> 3>
ياقَلبي إنتِ الله يوفقك بإختباراتك ..
وَ غريبة بديتوا بسرعة بالإختبارات ، يالله كلها يومين وَ تدخلون بالإجازة
لسا ماقرات بس نورتي بيتك ومطرحك ي اوووووطه
والاكيد تدوينه راهيه بالفايده ع قوله اخواننا الاماراتيين
وحشتيني
وهالماركه عرفتها منك وكذا حبيتها حتي اسمها كذا فخم وحلو
بَوجودكم وَ الله وَ بتشجيعكم وَ مَحبتكم
وَ ما الراهي إلا طَلتك طلة مَلكة ..
نَورتيني حُبي
ارتوس انتي شي جميل بالحياه ونعمه من الله اني تعرفت عليك
ماتعرفين قد ايش اثرتي بحياتي
الله يسعدك وين ماكنتي
ارسلت لك عالخاص بالانسقرام
وان شاء الله تشوفينه
إن شاء الله يَوصلني ، فيه كَثير شَغلات ماوصلتني بالرغم البنات قالوا إنهم أرسلوهآ 🙁
وَ أخجلتم تَواضعنا وَ يكفيني نَورك إنتِ وَ أختك ساره !! .. عسى الله ما أكون غلطانه
واااو اشتقت لتدويناتك الله لايحرمنا منك بخصوص الغسول مااقتنيته الى الان بس حاليا استخدم مجموعه لو كستيان الغسول رغوي وناسبني الحمدلله طبعا استخدمه مع التونر والسيروم والكريم حبيتها لان الشهر اللي فات طلع لي كم حبه ازعجتني وكان الحمدلله عامل مساعد لي هاالمجوعه للامانه جربته مع طريقتك في روتينك الاسبوعي والحمدلله الحبوب شبه اختفت فيه فصوص صغيره بس حاليا الجو مغبر ومأثر علي واتمنى مايجي العيد الا وبشرتي صافيه
يعطيك العافيه ياعسل
إن شاء الله بكتب عن غسول وَ مجموعة للعناية بالبشرة أتخيل راح تلائم النَسبة العُظمى وَ الأحلى مَوجودة بالسعودية
وَ إن شاء الله ما يجي العَيد إلا وَ بشرتك صافية وَ زيادة محققه إللي تَبينه ..
بخصوص الفصوص الصغيرة صراحة هالسنة الجو جداً سيء ما عرفنا له أبداً ، إذا إنتِ بالرياض بالأشهر الماضية حر شديد وَ غبار شديد
وَ الأن رطوبة غريبة مُثقلة بالهواء المُلوث 🙁 ، الحمدلله إن البشرة ما أحترقت وَ الله .. زين فيه جلد يكسي أجسامنا بحياتي ما مَر علي مثل هالجَو
أول سنة يكون الحر بهالشدة ، وَ الله يرحمنا برحمته
احب مثل هالتدوينآت احس بإنتعآش من مدحك للغسول
تبعه وانا خآطري اجربه سبحان الله كل مُنتج يجي فيه
شي واحد حلوو الباقي شي عآدي اتوقع انا لاحظت
هآلشي هههههههه
كل المآسكات اللي استخدمهاا اللي طرحتيها هنآ
ومرتاحه عليها ولاحضت تغيييير كثير ببشرتي الحمدلله
ولا مره اخذت جآهز بس هالمره رح اخذ لأن اكيد مفعوله
افضل
* قُبله*
صَح ، عشان كذا مو دائماً شرط تآخذين الكولكشن كامل ..
وَ مُمتاز ، أنتظري لا تآخذين هالماسك فيه ماسكات لها مَفعول أفضل بكثير
وَ لك مَليون قُبله
الحلو بمدونتك ياتوسا انك تحكين عن المنتجات الي حبيتيها وتستحق الشراء والي ماحبيتيها او عاديه وماتستحق انك تكررين شرائها ..شكرا من القلب وممتنه لوجودك وعطاءك
وَ الأحلى هُو وَجودك .. نَورتيني يالحُب كله
صباح الخير ، وإخس علي مع انو ببالي ، لكن كل عام وأنت بخير ولو إنها متأخره وعقباال الميتين سنه .. تصدقي حتى ردودنا شكلها لسا بتمارين الاحماء ههههههه ، حبيت التدوينه وحسيت بنعنششه من الصوره وشكل المنتج وكلامك .. يعطيك العافيه ونورتي ..
حاشك ما مَنك قَصور يالغالية ..
وَ إنتِ بخير حبيبتي .. آمين من بؤك لباب السما ( تبي تعيش للميتين ) ..
شفتي الظاهر ماراح نَشفى من الخَمول إلا لما تَخلص كل الأعياد
انا عشت في الرياض سنتين وتمنيت اعيش فيها طول عمري حبيتها وارتحت فيها لكن حاليا ساكنه في جده حر ورطوبه الله يعين الاجواء متقلبه وكمان غبار كنت حريصه وقت التقشير لان خفت احترق او تجيب نتيجه عكسيه بس خفت يجي العيد وبشرتي معدومه واضطريت استخدم المقشر
شوفي جدة صح حر وَ رطوبة لكن الترطيب بالشعرة وَ البشرة بعد عُمر راح تعرفين شَكثر فادك جَوهآ
بنات جدة حسب مُلاحظتي وَ إللي قابلتهم البشرة لونها موحد ، الجفاف الزايد يسبب تبقع بالجلد
وَ تنورينا أكيد بالرياض ..
اااي ميس يو يالحُب 3> رجعنا للتدوينات والاوقات العرقوبية الجَميلة 3> .. من شكله حسيته منعش .. لولقيته بوجهي بشتريه لكن اروح خصيصاً ماتوقع .. ماتحمست له وخصوصا ماعندي احتقان .. نورتييينا
ياااا زَينك دَنر ..( وَش أسميك !!)
أسمك نُقطة ما يَدلع
yeeessss :(((
أخيرا نزلت التدوينه.. نقرأها بتمعّن ونرجع
لآ بَك مآريا ..
صباح النور والسرور
اشتقنالك واشتقنا التدوينك
بشري كيف إجازتك ان شاء الله انبسطتي
مره أحب المسكات المنعشة تنور البشره تعطيك احساس جميل
ممكن تطرحي تدوينه ن عن بدائل لماسك
الماسك الصبار والفحم مره ناسب بشرتي متخيالي كيف من بعده يجنن يجنن الدرجه اخوي الصغير من بعد ماشفني قالي سوي نفس لي كل مناظرت نفسي بالمريه ادعي لك مره فرحت بالنتيجة
شكرا لك
أكيد بَشوفتكم زآد إنبساطي ..
وَ مره أنبسطت إن ماسك الفحم وَ الصبار ناسب بشرتك ، خلاص أبشري
إن شاء الله أطرح ماسكات مُتوفرة بالمنزل وَ بأيدي الجَميع
وَ الله يَخلي لك أخوك الصَغير ..
هلا هلا بالحب ❤️
ان شاء الله كانت اجازتك جميلة ..
و انا معك بخصوص ان الشخص يسمع صوت جسمه .
لان بنظري ان الانسان هو طبيب نفسه ..
و يعطيك الف عافية ..
منتظرة تدوينة الثرثرة بحماس ❤️??
أبشري بَعزك ..
الإنسان لو لاحظ أي تغير على نفسه حتى بيقدر يَساعد طبيبه
وَ الله يبعد عنآ كل مَرض يآرب
نَورتيني
ههههههههههههههههههه، صراحةً أعجبتني لو كتبتي تدوينة عن أصوات أجسامنا.. تحمّست شوي مع هالشيء.
تدوينة اليوم حلوة وبسيطه وسريعة وإحمائيه على قولتك
حبيت شكل المنتج فعلاً يوحي بالنقاء والبرودة
دائما وأبداً.. you are the BEST
دمتي بحب \ دمتي لنا!
ماريا يالزَينه إنتِ ..
عاد تصدقين ودي بتدوينات دَسمة ، لكن دايم أحس التَدوينات تَنظلم إذا طُرحت بفترة الإجازات ( الأعياد ، رمضان ) ..
غالباً مواضيعي عن العناية ، فالكل قبل المُناسبة يتخدر وَ حماسه يَخف ، مو مثل لما يكون فيه وَقت طَويل للإهتمآم
وَ وجودك هُو البست وَالله
صباح الحُب ..
اشتقنا والله لتدوينك , نورتي ياعيني ( قلوب)
اكيد حبك لـ اغسطس عشان شهري لوووول .. عاود حتى حنا يبي لنا احماء بالردود مثلك *
عاد تصدقين من شفته حسيت بانتعاش انه بكون واو 🙁 يجذبني كل شي لونه سماوي
و الماسكات احبها خصوصا الحين طايحه بالكوريه ماسكاتهم تجيب العافيه لاحطيتها احس بشرتي مثلهم تنبض حيويه عاد اشتهيت اقوم واحط ههههههه ,, .. هالمنتج حسيت مناسب لجونا قبل اسبوعين الحمدلله بدا يخف بدت لفحات هواء بارده ..
هههههههههههههههههههههههههههههه مَوتيني ضَحك ..
وَ منكم نَستفيد قوليلي وَش المُنتج الكوري إللي عَجبك وَ بيفيد البنات وَ راح أجربه وَ نشوف التقييمات بَشكل عآم ..
وَ شفتي الحر !! ..
صراحة حتى لو خَف خلاص أحس بشرتي ما بَتشفى مَنه إلا عُقب شهور ، جَسمي ملهط تَلهيط مَنه
مُلتهب 🙁 خاصة اليدين وَ الصدر وَ البطن ..
ياصباح الفل والياسمين ….
ياهلا وغلا بكل الحلا ??… عودا حميدا ارتوستنا الجميله …
اعجبني وصفك للمنتج ووصفك به كانه جلسرين ومرور الهوا حسيت به وحسيت بالحراره المتحرحره ومن هالوصف احسه مايناسبني .لاني مااحب ملمس الحراره بوجهي مثل لما اسوي شمع هالاحساس اكرهه. بشكل . …
وبمناسبة كلامك عن سماعانا لصوت اجسامنا دائما اسمعها منك واتعلمتها منك ومن موقف صار لي وصرت مع كل شور اتفقد نفسي …. بقولك الموقف اللي حصل لي مرة كنت مخدرة نصف تخدير يعني مصحصحه بالجزء العلوي والباقي مخدر واثناء العمليه اجتمعو كل الدكاترة على جزء من رجلي وقعدو يقلبون فيها من لقافتي برفع راسي بشوف على ويش متجمعين وشوي الا يرجعون ويطالعوني ويكلموني وارد عليهم ماارتاح بالي اول ماطلعوني لغرفتي شلت الشرشف بشوف ويش فيه طلع فخوذي كلها كدمات الهيئه انو كأنو بتصير جلطه اوشيء ولحقوني لانهم ركبو لي جهاز هزاز عشان مايتجلط الدم ومن هذاك اليوم اقيس اذا مااتحركت كثير تزيد بالمنطقه الشعيرات الدمويه واذا اتحركت وسويت رياضتي تقريبا تختفي سألت عنها الدكاترة قالو هي طبيعة جسم مالها علاج بس انا اشوف الرياضه بالنسبه لي علاج لها ….
احنا يالنساء نحتاج تفقد لاجسامنا تحت الابط تحت الثنايا الارحام تراقب افرازاتها الروائح اللي تطلع منها كل شيء اذا اكتشف ابكر صار علاجه اسهل ….
تصدقين ماودي اوقف كتابه لان بجد وحشاني
ماننحرم والله❤❤
ههههههههههههه زَين ، عَمُوماً ما يَسوى لا على السعر وَ لا على المَفعول
أوكيه حلو بس ما يستاهل العَنوة خاصة إنه مو متوفر ببلدنآ ..
وَ الله إنتِ واحشاني أكثر وَ أكثر ، رشو !! حدثتي الأيفون .. ( طبيت عرض !! ) لابوه من تَحديث قلب كَياني
بالرُغم سويت بآك أب ، يالله بعدين بَعلمك
بخصوص إللي صار لك الحَمدلله يارب ، جات سَليمة ..
وَ صدقتي خاصة إن المرأة تتعرض لحمل وَ وولادة وَ تغير هَرموني ، فجأة يطلع لها شيء ما تَتوقعه ..
أنا تخيلي كنت عادي أشيل جسمي بالحلاوة وَ لا يتحسس ، لكن فجأة عقب سنين صار ما يتقبل الحلاوة وَ يتحسس
وَ لا يتقبل النتف نهائياً ( صدمة ) بالرغم ما تغير شيء لا من حياتي وَ لا من روتيني
فوقتها خلاص سمعت صوت جسمي وَ لجأت لليزر ، عشان كذا أقول للناس راقبوا نفسكم
وَ أتبعت كل أسلوب سليم سواء بمضاد حيوي أو غيره عشان ما أتحسس من الحلاوة ما كان فيه أي فائدة أو نَتيجة فجأة جسمي يقلب بنك فسفوري ليته بنك
أولع زي النَيون وَ الحمدلله إفتكينا من الحلاوة وَ سنينهآ ..
Miss u so much
❤
هلا بالروح والقلب هلا هلا بالحب هلا بالتميز اخبارك حبيبتي انا عشق مع اللون السماوي احسه نقاء حبيت تعليب المنتج صراحه روعه كفيتي ووفيتي بالوصف فعلا كلمة اكسجين مغريه جداا اعتقد الكثير اذا سمع بهالكلمه لمنتج راح يقتنيه بسرعه عفكره ارسلت لك صورة بنتي
وَ الله !! ..
سوووف أبكي وَين أرسلتيهآ .. بروح أشوفهآ ..
وَ أخجلتم تَواضعنا ..
اشتقت لتدويناتك حييييل
من بدايه شهر 11 وانا اشيك يوميا انتظر
تسلمين عالتدوينه حبيبتي
لبى الناس الوَفية
الله لا يَحرمني وَ الله
السلام عليكم
وآآآو تدوينه جديده
عساك على القوه
عاد انا بشرتي مئزمتني
فيها بثور بس موذيك القويه مرآ وخذ اجرب من ذا المنتجات لين تكدسو عندي وامي لو تدري عنهم والله ماتخليني ادخل الصيدليه يوم واحد
مرات في منتجات تزيدهم وأسال غيري يقولون هذا يمكن زيوت ومرات منتجات تقللهم بس فتره قصيره وترد حليمه لعادتها القديمه يمكن اهمال مني اعترف
عاد تدرين أنا من متابعينك الجداد لآكن اكثر شي يجذبني في بلوقك أنه في اشياء ما اشوفه بغيره من البلوقات منتجات وطرق وأحلا شي على قولتك ثرثرتك
مرات احس اني انا وياك في مجلس وقاعده اسمع كلامك كانك صديقه قديمه
بعيده عن التصنع في الحكي
الله يعطيك العافيه على التدوينه
وهذي ان شاء الله انها ايامها فضيله حطي بالك
& قلوب منا ل بكرا
جَواهر تعالي يا جَواهر بَعضك
ألحين أمك بَتزعل علينا ، شَوفي لا تَكدسين المُنتجات تدرين ليه ؟! لأن لهم مُدة صلاحية عُقب راح تنتهي صلاحيتهم
وَ لو جربتي مليون مُنتج سوا ما بتعرفين الزين من الشين ، وَ وش إللي ناسبك وَ وش إللي ما ناسبك
صَراحة أسَعدت بوجودك وَ الأحلى كلامك ، من جَد إنك كَيووووت وَ تنحبين
اشتقت لفجريآت التدوين ،لانه اكثر وقت افتح مدونتك فيه واستمتع ..
الله لايحرمنآ من هالطله ♡
من رمضان وانا بس اقتني منتجآت قوية ومفعولها فتآك للبشرة الدهنيه ،فجأه التي زون صار حساس مره وتطلع فيه حبوب بشكل غريب اعتقد الحبوب من الدهون والحر وحرارة الفرن م قصرت ف رمضان ف لحظة حسيت انها مش بشرتي ، واستمر الوضع الحبوب تخف وتروح بس احمرار مكان الحبه م يروح والشكل يحوي انها بتطلع مرة ثآنيه وصار همي منطقة التي زون والدهون ..
ليتك كتبتي وَش هالمنتجات لعل وَ عسى أقدر أفيدك ..
شوفي ياقلبي ، علي شفته وَ علي لاحظته وَ لا قصدي بذلك أقلل من شأن الدكاترة
بس الدكاترة فرضاً يوصفون الرتن أ لمدى الحياة بشكل مُتقطع خلال الإسبوع ( أوكيه هو مُمتاز ) لكن لو تحبين السنفرة ماراح يناسبك
لو تحبين الماكياج ما راح يناسبك سالفة عَطول ، لو تحبين التان ماينفع ، لو ما تعرفين تنسقين مواعيد الحمل أيضاً مو مُناسب لك ..
أنا مُو مع حتى غسل البشرة بغسول للبشرة الدهنية بشكل دائم ، أفضل التنويع خاصة للناس المُضطرين يغسلون وجههم فوق مرتين باليوم
فالشطارة إنك تعرفين توزعين كريماتك ،لا إفراط وَ لا تفريط بحيث تصير عندك مَجموعة تكمل بَعضهآ ..
وَ أسعدت بَوجودك أسماء ، دُوووم لك بَصمة
يا لهذا الصباح الرائع 🙂 أهلآ بعودتك عزيزتي كنت مستنياكي بكل حماس ، جميل جدآكونك بتقولي رأيك الحقيقي و ما تأثرتي إلى الآن بحركات التسويق إنتي من مدونات قلائل اللي صادقات أتمنى إنك تستمري دائمآ
يا هلآ بَك آلاء .. كلك ذوق يا سُكره
آمين بَدعمكم أكيد راح أسَتمر ..
السلام مره ثانيه
معليش اسحب كلامي ماكنت من المتابعين القدامه
من زمان دخلة على تدويناتك في منتدى شمواه اعتقد
وانا من اقرا تدوينه لك خلال الفتره هذي اقول ياربي انا عارفه ذا الاسلوب قد مر على من قبل اثريني قاريه لك من زمان
حتا اتذكر اول موضوع قريته شدني لثاني بعدين شدني لثالث والله عيوني قامت تعورني من كثر ما انا اقرا تدويناتك ورا بعض بدون راحه
شكرا لك على كل ذا الجهد
وعساك على القوه
سلامة عَيونك ، بصراحة حياك سواء كَنتِ قديمة مرة أو جَديدة
أرحب بالقلوب الطَيبة .. وَ النفسية الحلوة
وحشتينا يا بنت غيبتك طولت جددددا المرة هذي
بصراحة الفترة الاخيرة بديت احس انه الشركات جالسة تطلع منتجات اي كلام بس يسوقون لها تمام و يترزقون الله على حسابنا ،، من فترة طويلة ما لقيت منتج أقول عنه مبهر او احتياج ضروري ،، حتى الماسكات الطبيعية نفس الشي ،، احس كل شي صار مستهلك و متكرر و الفرق بس في اسم البراند ،، حتى حماسي لتجربة شي جديد صار معدووووم تماما ،، على فكرة ،، لما قلتي اسمعي لجسمك افتكرت طريقة التنظيف ٤٢٤ ،، على قد المديح اللي طلع لها قلت ح اجربها ،، و لما طرحتيها في مدونتك قلت يا بنت ما بدهاش ،، ما كملت ٣ ايام الا وقفتها ،، طلعت لي حبوب بشكل فظيييييييييييع و جفت بشرتي لدرجة انه صار وجهي كله قشور تبان مع الميك أب ،، على الرغم انه الطريقة جدددددا فعالة مع غيري بس كانت نتيجتها كارثية بالنسبة لي ،، و ترى من البداية كان باين انه ما ح تناسبني بس جلست اسلك ل نفسي و اخلق مبررات عشان اقنع حالي انه الطريقة ممتازة حتى لي ،، على انه من اول مرة حسّيت بشرتي احمرت جدددددددا و انشدت بعد ما نشفت وجهي ،، لو أني من اول يوم وقفتها ما كان اتفاقم الوضع للحد الشنيع اللي وصلت له ،،
أحب تدويناتك جدددا ،، دائما تنبهني على أمور جديدة ،، و على الرغم انه افتقدت تواجدك بس كنت فعلا أتمنى انه تكوني مبسوطة خلال فترة غيابك الطويلة
إيه وَ الله فعلاً مالي وَجه ..
صَدقتي وَ الله ما تَشوفين شلون أجلس أحلل المُنتج لين خلااااص مُخي يتفتت، لدرجة مرات أقول بدل ذا التَعب وَ التفحيص وَ التمحيص لو أروح أتخصص بالعقاقير أصَرف لي
ياما شَريت وَ أنا واثقة إن المُنتج قرنبع بس عشان الكل إنهبل عليه أبشوف وَش السالفة !! ..
وَ زين إنك جَربتي ماعليه أمسحيها بَوجهي ، أنا تَصدقين لما أحس بشرتي تحسست من حر ألجأ لهآ !!
وَ بقولك شغلة لكن مو معناته ترجعين لهآ ، بس حتى بالأدوية إللي من الدكاترة مثلاً الرتن أ ، كثير يسوي لهم بالشهر الأول رد فعل عكسي
وَ الدكاترة يقولون عادي إن البشرة كانت مخزنة دهون وَ جالسة تكب كل شيء لبرآ ، قد يكون هالشيء واجهك ..
وَ قد تكون الزيوت غير مُناسبة لك بتاتاً البته ، بس أرجع أقول إنها طريقة مُش علمية حتى الواحد يتعب فيها وَ يخليهآ تليق له بالغَصب
وَ الله يا قلبي ما تتَصورين شكثر يعني لي تَواجدك فعلاً كلامك دايم يضيف لي الكَثير ..
وَ أسعدت بنقلك تَجربتك
صباح الخير ارتوس?
انا شريت الغسول بعد كلامك عنه على طول
كانت في وحده تمدحه وبحثت عنه وحسيته يناسبني ، وبنفس الفتره اللي كنت اشاور نفسي فيها كتبتي عنه وحسمتي قراري ?، المهم انه يهبل من قلب فعلا ماجربت شي قبله بهالجوده، ماحمر وجهي زي الباقي واحس وجهي مرتاح مو محتقن ابدا؟!? شكل هالماركه عندها سر مع ازاله الاحتقان بعد ماسك اليوم
ارتوس عندي استفسار ، انا على كثر مااهتم واصرف على البشره وهالاشياء مافي تغيير جباار وملفت ، تحسن انا الاحظه فقط لاني عارفه بشرتي ( عموما الحمدلله مافيني مشاكل بيشرتي يعني اثار حبوب وكذا بس ابيها تصير بيرفكت ) يعني ناس من زمان ماشوفهم يعرفوني ويقولولي عرفناك ماتغيرتي انا هنااتحطم موب بس عشان بذلت جهد ؟ حلو الواحد يتحسن ويتغير تحسينه حي ، وهم ماعرفهم الااذا عرفوا بنفسهم ، وشكرا واتمنى اسمع ردك
يآهلا بَك .. وَ أنبسطت وَ الله بذكرك تَجربتك الحَمدلله ماكان مَضيعة لأموالك عالفآضي ..
بالنسبة للتتغير يمكن إنتِ ماتعرفين تتغيرين عفكرة ، يعني البشرة آوكيه الحمدلله طالما مافيها مَشاكل
بس ما تعرفين تظهرينها بالشكل الصَح ، شلون ترسمين حاجبك شلون تختارين مَكياجك هنا يفرق شخص عن شخص ..
شوفي فيه بنات أشوفهم بالمُناسبات من طريقة تأنقها أحس بشرتها مو ذاك الزَود ، أنصدم لما اشوفها بعزاء مثلاً ألقى بشرتها تلق لق
فهي ظالمة بشرتها ، إنتِ أعيدي النظر بطريقتك صَدقيني طالما زي ماقلتي ما عَندك مَشاكل ..
إختيارك للون ملابسك شلون هاللون ينعكس على وَجهك ، يعني أنا مثلاُ فيه ألوان شعر حتى لو كانت هي كلون مُستقل قبيحة
لكن لما تركب على وَجهي تصير مُميزة وَ تحليني !! هنا الشطارة ..
شوفي نانسي عجرم ما عُمرنا شفناها صابغة زي مايا دياب ، بشرة مايا دياب مغبرة مو لأنها سمراء
فيه كثير سمراوات بشرتهم حلوه هذي بشرتها باهته وَ مكتومة ، نانسي عجرم على إن بشرتها حلوه بس ما تختار أي لون
حتى إليسا ما يخاطرون وَ يلبسون أي شيء أو يصبغون أي شيء ..همهم يظهرون أنوثتهم ، مايا دياب همها تصير ستايل بغض النظر عن الجمال
أتمنى رَدي يوصلك وَ حياك الله..
اهلين اروسه
اشتقنالك حبيت كل كلمه قلتيها استمتع وانااقرأ كلماتك
بالنسبه للمسكات انا عشقي المسكات
ياريت تكتبين لنا مدونة متخصصه بمسكات الوجه
وهـ ??اشتقت لريحة المدونة?حسيت بإنتعاش مدري هو من لون الغسول والا تصويرك والا مخي ضرب ?اكثر شي يهمني بغسولات الوجه هو شعور الإنتعاش اللي يجي بعده??بالنسبة للي مهملين وبشرتهم تمام عندي مثلهم كثير ?بس خلاص الواحد اذا تعود على شغلة مستحيل يتركها بيحس شي ناقصه يوم بغيت اجازف وأهمل بشوف وش النتيجة ماتحملت كنت احس يومي ناقص المهم التدوينة حلوة وخفيفة على الروح مثل قهيوة العصرية لاعدمنا طلتك وعطاءگ ??
صباح الورد
والله اشتقنا لك ولتدويناتك من جد تعطي صباحي طعم ثاني ياعسل
صبآح الخير آرتوس
والله جد ليش موب دايم يكون الكوليكش متكامل الفعالية
أكثر شي نلاقي منتج أو منتجين من المجموعة لهم تأثيرهم والباقي تكملة عدد
بالنسبة للغسول ماهو متوفر عندنا / ف أكيد الماسك كذلك ماراح يكون متوفر للأسف
ماسك الديرمالوجيكا جبار جربته بعد مدحج له بس حتى هذا يبته وصى من دبي لأن موب متوفر عندنا كالعادة / نبي بعد ماسك ب فعاليته اذا كان موجود عندج
وانا بنتظر أكيد هالمجموعه اللي راح تكتبين عنها أن شاء الله
وحشتينا وايد وعسى ربي يزيدج من فضله ويحميج وين ما كنتي 🙂
اهلاً بـ هالطَلة اهلا.. اهلا بـ هالعَين الكحلا ! (طبعاً بصوت الصَبوحة مش رولا سعد!) لووول
لك وحشة والله ..
حبيت المُنتج ووصفك دقيق فعلاً انا كذا احس من بعض المُنتجات حرارة تجنن وتحرئص لووول
ومن وصفك عرفت انه مُشابه لمنتج عندي تاركته من فترة وكنت اكثر من استخدامه ببداية الربيع لان وقتها بَشرتي تتغير بشكل جنوني!
ريتا ماتِبلى هـ الطلة ويلا keep going ترا مِشتائين وشوقي يدعمك دائماً وابداً بس كرمال الله لا بَئا تغيبي .. خَلص ! نحنا قَضينا العمر صَد وحنين ونوى ، ولما التقينا لقينا العُمر ولى وعَبر
Hello Sweetie,
As usual a perfect post.. THanks for updating us on different products
I have tried tw products inthe past from Natura Bisse
* a moisturizer with vitamin C
* eye cream with daimond
both were average to me. Didn’t see any effects on my skin and actuall my eyes gor rush from the eye cream..
I wanted to try their fruit acid scrub cos i heard nice reviews about it but i keep forget to buy it.. lausy excuse i know..hehehehe
Thanks again dear.
Sophie
يسعد صباحك ياعسل
تدوينة حلوهـ وخفيفه وفعلاً فيها كمية معلومات جميلة
اشتقنا لهالطله
هلآ بالزين
الله من زماااان عن تدويناتك شهرين
كانها سنه :/
تكفين لاعاد تطولين علينا
ووحشتنا تدويناتك وكتاباتك
الله يووفقك
ماقريت التدوينه حبيت اسلم عليك اوول 🙂
ياهلا والله….تدرين عاد اشتقت لتدويناتك وثرثرتك ادخل في اليوم
كذا مره اشوف يمكن نزلتي بوست يبشرني انك نزلتي تدوينة
ما ودنا انك تنقطعين عنا لكن من حقك إنك ترتاحين …
بالنسبة للمنتج اعجبني وصفك له لكن ما اتوقع إني باشتريه
لكن فيه منتجات أخذتها من مدحك لها ومنتجات لازالت على القائمة
حاليا طلبت كريم كيلز انتظر يجي عشان اجربه واعلمك وش صار معي…
ياحلو لمساتك بالتصوير تجيب السعادة ربي يسعدك ❤
اطلعت الان ع الغسول وحبيته اكثر وحسيتة بيناسبني كثير
بجربة وان شاء الله ارجع للموضوع بعد التجربة واشكرك ??
الله لا يحرمنا جمال روحك ??
ياحبي لكى ولكلامك اللى ماينشبع منه حسيت المدونه قصيره مره كان نفسى أسمعك أكثر زى رشه مطر على ارض عطشانه ربي لا يحرمنا طلتك ياغاليه
الغسول مدام ماجاز لك فمارح أخذه ?
ي قلبي والله وحشتيني
كل يوم ادخل اكثر من 5 مرات اتنظر تدوينك الجميلة من أناملك الذهبية
يأطلع أقرأ الموضوع وأرجع أرد << من الحماس D:
ياهللاا بالزيين كلللله
ياهلا والله .. وحشتنا تصبيحاتك
فعلا مافي شي لحاله رح يسوي هوايل
بشرتي كانت جدا جدا تعبانة وحبوب وحالتي حالة اشتريت غسولات ولانفع معي شي لين غيّرت نظامي كامل من نوم و اكل ومنتجات علاجية ومستحضرات تجميلية .. حاليًا بشرتي فارقة عن اول بكثير صح للحين فيها حبوب وماصارت بيبي فيس لكن فرقت وفرحانة بالنتيجة ?
كل الحب ?
يازين الرجعه ??بس انقطعتي هالشهر احسوه كانوه سنه انا مدمنه تدوينتس انتي عندي غير عن البلوقر شي عجيب ????<الوصف دمار????
تدوينه رائعه وفيها معلومات جديده علي ومفيده يسلم لنا توسه انتي من النعم الي عرفتها بحياتي وغيرت فيني كثير وفتحت عقلي لامور كنت غافله او متغافله عنها ..يسسسعدك ربنا وبنتظار تدويناتك الجديده ع احر من الجمر
صباحك سعاددة > لان من المفترض ردي وقت نزول التدوينة لووول
بس عادد نمت وماحسيت بنفسي ??
ياااه شكثر مشتاقة لثرثرتك ارتوس ❤️
وحبيت كالعادة وصفك للمنتج دقيق وواضح .. عاد اول ماحطيتي صورته بالانستا قلت بس هو بشترية ، لان هالفترة وقتتي مره ضيق ف محتاجة ماسكات جاهزه ولها مفعول ، عاد حبيت شكله وتوقعته واوو 🙁
يلااا كلنااا حماس للي جاااي ❤️
ولا تحرمينا من حكيك اللي مااعتقد احد قراااه وماكمله او مل منه
❤️I love you .. and always waiting for new works
أهلا أهلا أهلا نورتي ياعسل أنتي نور السوشل ميديا غير انك نور فحياتي كمان
أممم بقول رأي المبدئي فالبدايه بوصفك الدقيق ماشاء الله توصلي كل شي فعيلا ودا اكبر سبب يخليني اقرا تدويناتك وصفك جدا جدا دقيق حبيت المنتج وماحبيت يعني ادا شفتو ممكن أشتريه ك تجربه بس زي ماقلتي فيه أحسن منو
المشكله ياتوسه احنا عندنا فالمدينه مو كل شي نلاقيه مو زي فالرياض يعني شوي الوضع يطفش صراحه في اشياء حلوة وتحمسك تشتريها بس الوضع مرة ممل الى الان احاول اني اشتري غسول DECLARE Pure Balance لانو من وصفك عجبني وش احتاجو
فضفصت شويا هههه وشكلو مع حماسك جايه تدوينات تجنن
بس بسألك توس الحين مثلا متا اقول على بشرتي انها مترفه زي ماتقولي!! ممكن في ناس تهتم بس البشرة ابد سيئه وأيش الاسياسيات اللي ممكن تكون عندي خلينا نقول على تسريحتي مثلا
موضوع لطيف بالمره وعلى فكرة تصويرك يخليني افكر اشتري المنتج حتى لو النتيجة ماش ههههههههههههه ماشاء الله طالع المنتج فتان ولونه يوحي بشيء جميل 🙁 ممكن لو القاه عندنا راح اشتريه مااتوقع من خلال وصفك انه يستاهل عناء الطلب ويلا منتظرينك متابعينك طماعين فيك لووول
اشتقنا ياحلو والله اشتقنا..
اشيك ع المدونه بشكل يومي بحثاً عن الجديد ومراجعة القديم ههههه ادمان
بشرتي حالياً محتاجه كورس جامد ينتشلها من اللي هي فيه
تعبانه ومرهقه وتحتاج تنظيف عمييق ،
بنتظر تدويناتك القادمه لعل اجد فيها مبتغاي
شكراً ارتوس
وحشتينا يالغلى
ويييللكوم باااك
و عوداً حميداً يا جمااال…
انبسطت برجعتك و عجبتني التدوينة الخفيفة, ما تحمست للمنتج مع اني غالباً اتحمس كثييير لأي منتج منك و جربت كذا منتج من منتجاتك اللي أقدر الاقيها بسهولة.
قوو اهيد يا جميلة
اسمحيلي ع القطاعة يا ارتوس صرت فترة متابعة بصمت
واحاول بين فترة وفترة اشوف المدونة ..المهم كنت مشغولة بشي والحمدلله
تحقق حلمي .. بوصفج للمنتج ف خاطري اجربه بس احس بعدني ابا اجرب اشيائ اساسية
..جربت غسولهم اللي قلتي عنه حسيت بقرف بسيييييييط وانا عارفة السبب لاني ما كملت وخذت معاه كريم
مناسب للوجه ..بعدنا ف قيد تجربة منتجات …صدق صدق ولهنا ع موا
اشتقنا لتدويناتك والله ..
حبيييت شكله يحسسك بالنظافة جدا ، بس بالنسبة لمفعوله ما حمسني خصوصا انا مو من النوع اللي بشرتي تصير مرات محقونة بس بنفس الوقت بشرتي
تجيها فترات تصير فيها تصبغات بس مع شرب الموية الحمدلله خفت كثييير بس عندي مشكلة الهالات من بعد النظارة صار لي فترة ولا راحت !!
مرة نفسي اجرب الغسول اللي اول تلكمتي عنه لو انه هنا كان الموضوع سهل بس بالطلب لا بستنى اذا سافرت ويارب اجربه
شكرا ارتوس عالتدوينة مره حبيتها
ولكم باك توسه التدوينه جدا حلوه والاحلى انها منك الله لا يحرمنا من طلتك
ياهلا ياهلا !! ماسدئتش عنيّا لما شفت البوست بالانستا ! اشتقنا والله عوداً حميداً ❤❤❤
وصف الماسك ~
• جل منعش وَ مطهر وَ منقي يعيد حيوية البشرة
• يساعد على تنقية المسام
• يجدد البشرة وَ يرطبها وَ يزيل علامات التعب
• يكسب البشرة مرونة وَ يحد من ظهور الخطوط الدقيقة
• يزيل إحتقان البشرة
المشاكل المذكورة بالوصف جميعها موجودة ببشرتي وحسيت ان هالماسك هو الحل بس بعد ماقريت رأيك هونت .. بشرتي مادري شلون اوصفها وهالايام محتقن وجهي وحولين الأنف حكة والذقن محمّر وحكة بعد ! هذا غير الحبوب الي كل ماقلنا الحمدلله قربنا نخلص طلع بدالها عشر 🙁 مع اني اهتم ومرتين باليوم غسول وارطب بزيت الارجان ومرات زين جوز الهند ووجهي مبلول ،وبخاخ به موية الورد ، وأسوي كل شي عشان اسعدها بس مايبين بعينها خخخ ..
زمان لما ماكنت اهتم وكنت ارطبها بكريم يدين (مجرمه :$) وماجبت خبرها كان نادر يطلع لي حبوب ، صحيح بشرتي ناعمه ولما المسها احس باين فيها الترطيب بس الحبوب والبهتان و الحكة ماادري وش سببها مو معقول يكون جفاف ! والله تعبت نفسياً 🙁 الله يصلح الحال ❤
الكلام أعلاه مجرد فضفضه نعتذر على النكديه :$.. والمفروض نحتفل برجعتك ❤:)
واشتقت لثرثرتك أكثر شي ولـ ليون ابو عيون قتّاله !
أرتووووس ❤❤❤
أهلين وان شاء الله انبسطتي بإجازتك يااارب ❤
مرررة طولتي علينا، تخيلي كل يوم أدخل أشيك على مدونتك، وكذا مرة باليوم، وخصوصا الفجر والصباح
بس اليوم شيكت مرة وحدة بالفجر، ومالقيت شي، وماعد دخلت بالصبح، دخلت الحين وتفاجأت ان فيه تدوينة جديدة ❤
الا ارتوس، عادي أسألك عن شي؟
بس المشكلة هذا المكان مو مناسب
أبشرك تخرجت الترم الماضي الحمدلله ❤ عادة أسبوعين بعد التخرج ثم نبدأ التدريب بالمستشفى، سنة الامتياز internship year
عادة أسبوعين ثم نبدأ الانترنشيب، لكن على حظنا هالسنة ماراح نبدأ الا متأخر، ماراح أبدأ الا بعد مايخلص الفصل الأول 🙁
يلا معليش قدر الله وماشاء فعل، اجازة اجبارية ههههه
المهم قررت أفتح مدونة، هو أنا من أكثر من ٦ سنوات وأنا أبي أفتح لي مدونة، لكن دايما اؤجل الموضوع، لما تخرجت ومرت أكثر من ست سنين خخخ يااربيه عندي مشكلة فضيعة مع التأجيل :/
المهم بما اني بأقعد ترم كامل بدون شغل ولا مشغلة قلت خلاااص يالعنود بلا تأجيل وهبال افتحي لك مدونة الحين.
جبت لي دفتر وكتبت كل شي أبيه، الأقسام، وتصميم المدونة، وتعريف عن نفسي، وأفكار لتدوينات مستقبلية، والخ، حتى بديت أكتب أول تدوينة لي
لكن مابعد فتحت لي مدونة، مدري وش أختار وورد بريس ولا بلوق سبوت “أو بلوقر”
محتاااارة بينهم، عندي الووردبريس أجمل، وأفضل بشكل عام، دايما أقارن بين المدونات اللي أشوفها بالووردبريس والبلوق سبوت، ودايما تعجبني الووردبريس أكثر، لكن لاحظت ان العرب يحبون البلوق سبوت أكثر، سألت وحدة من صديقاتي ليه، قالت لأنه أسهل باللغة العربية، مدري وشلون أشرح، يعني arabic-friendly مو على اللغة، لكن على الكتابة باللغة العربية البلوق سبوت أفضل..
هو أنا عندي مدونة بالوورد بريس “مو مدونة خاصة فيني لكن مدونة متعلقة بالجامعة لكن أنا المسؤولة عنها وكل شي” وفيها عيب، ان الكتابة باللغة العربية فيها مشكلة، يعني مثلا لما أخلص من الجملة وأحط نقطة، النقطة تصير في بداية السطر بدال نهاية السطر!
يوم قلت لصديقتي عن هالشي قالت ايه هذي هي المشكلة، عشان كذا العرب يحبون البلوق سبوت أكثر.
أنتي وش رأيك وش أفضل؟
ووش تستخدمين أنتي؟
عندك اقتراح لمشكلتي مع الكتابة، ان النقطة تصير بالبداية بدال النهاية؟
وفيه أشياء ثانية أبي أسألك عنها، لكن هذا مو مكان مناسب، حتى سؤالي اللي طرحته عليك غير مناسب هنا، بس وش أسوي، مدري وين أتواصل معك غير هنا، وماودي أكتب سؤالي في تدوينة الأسئلة الشهرية، ودي تواصل خاص وكذا أفضل.
وبس.
مشكورة أرتوس وترى أنتظر تدوينة الثرثرة على أحر من الجمر ❤
السلام عليكم
مشكوره ويعطيك العافيه على التدوينه
ومشكوره على الجهد اللي تبذلينه
وأنا متابعاتك من يوم ماكان لك مدونه ومواضيعك بشامواه
ويوم شفت عدد الزيارات ماشاء الله 15 مليون قلت لازم أكتب تعليق ماني حابه أكون من الاصنام ههههه بس
ترى اعلق بالانستا لكن هنا مو كثير
ارتوسه وحشتينا ، احبك ? والله جايه عشان اقول هالكلمه بس ☺️ والتدوينه جميله من زمان خاطري بالغسول تبعه وان شاء الله اخذه والماسك اممم يمكن اجربه لان عندي مشكله الاحتقان ويمكن من المشاكل الرئيسيه عندي ، طيب ارتوسه اعطينا ماسكات افضل منه بخصوص هالمشكله ، اللي جربته ونفعني هو مش ماسك لا كريم من ماركه ديرماسول اسمه كولد كريم بس هذا اللي جربته ? وانتظر التدوينه الجايه بفارغ الصبر ، لاتطولي علينا
مرحبا ي حبايب ،، ي حبايب مرحبا ،، نورتونا ي حبايب
طفوا نور الكهربااا ،،
كالعادة قرآتكِ سعادة ،،
الرب يحفظ خُطاك ?
نورٌ أبعثهُ لِـ يستقرّ بين راحتيك ☀️?
ي صبٱح الجمآل والشؤق لتدويناتك
والله صرنا نفقد تدويناتك وكلامك
انا. ابي ماسك يعطي نضاره وحياه للبشرتي مفكره اشتري الغسول اخر مره لما سافرت كنت ناويه عليه بس حصل موقف عند باب المحل خلاني انسئ الغسول هههههههههه وطلعت من السوق ولا شريت يله ان شاءالله بالسفره الجايه وبالنسبه لإجازتك آنبسطي ومنتظرينك ان شاءالله بكل حب
Hi bella <3 its been a long time. I miss u so much
I dont like the masques on my face ! it bothher me
Thank u for all <3 u r the best blogger
( im too bad in english lol )
Je t'adore <3
اخيييييرررررااا 🙁
ان شاء الله يكون الانقطاع ذا الحلقه الاخيره من عرقوب :/
وحشتينا كثير ❤️..
welcoooooome back .. we missed you so so much
يمكن أنا أكثر وحده تعبت بشرتي بعد السفر لأني يوميا ماكياج و أجلس فيه ١٢ ساعه لاتنصدمين تعب و إرهاق و مايمديني أهتم فيها بعناية تعب مو صآحي ، وحشني التدوين هالكم يوم مقفلة جوالي كم يوم أبي أسترخي ? المهم وحشتيني أوي أوي و عجبني شكل المنتج يسرسح ع القلب شكله
لج وحشة كبييييييرة .. عودا حميدة
اشتقنالج واشتقنا لمواضيعج الحلوة
يعطيج الف عافيه
وأخيراً .. الحمدلله ..
واحشتنا ..
تحمسست اني اجرب أي غسول الياالي تكون بالأكسجين ..
يعطيك العافية ..
حبيبية ائلبي اشتقتلك وربي واشتقت لهالصفحه قد مان التدوينه صوغننه الا اني فرحت برجعتك توقعت غيبتك بتطوول عن التدوين … احب الماسكات الي كذا منظفه ومنقيه تذكرت ماسك الاسبرين الي تكلمتي عنه زمان جا ببالي ع طول لمن قريت هالتدوينه
عوده حميده مره ثانيه ومبسوطه برجعة كتاباتك عساني مانحررم يارب
اششششششششششششتقتلك قد الدنيا
حبيت اسمعوا صوت جسسمكم ههههههههههههههههههههههههههه الله يسعدها اللي سالتك
عودا حميداً
بالفعل اشتقت لتدويناتك
قراءتها متعه وعالم اخر من الالهام
جزيت خيرا على مجهودك وعطائك لنا
طلوا حبابنا طلوا ……. يازين هالطله والله هلا بالحب هلا ب العشق ما بغينا طولتي علينا فديتك يا شيخه. .
مالي كلام فوق كلامك والمنتج غالي مقارنه باللي قلتيه وعدم استحقاقيته بنظرك وانت معلم واحنا منك نتعلم <<<لازم نحشرها هههههه
أحبك
ياهلا ياهلا
والله جد اشتقت لك برمضان كنت دايم طايحه بمدونتك يوم اختفيتي اختفيت هههههه
و اليوم اطل عليك من بعيد و الوح اليك
هههههههه
المهم انا وحده بشرتي دايم زعلانه يعني ماترضى ابد مهما دلعتها رضاها يوم او يومين و يطلع حبه < يبيلي اتزوج عليها هههههه
صحيح مافي تصبغات بس فيه حبه وانا ماحب الحبوب
فـ عيني ع المنتج الي تكلمتي عنه بإذن الله اجربو
يعطيك العافيه يارتوس
حبيت مقولة اسمعي صوت جسمج مادري ليش جا ف بالي سبا ومساج وموسيقى وكذااا ، مجموعة الاكسجين دورت عليها ف باريس غاليري وكله اوت اف ستوك ماغير كوليكشن الجسم الاقيه بخصوص الماسكات ف الآونه الأخيره قاعده استخدم ماسكات فارم هاوس الأمريكيه فعلا جميله وعلاجيه
ي هلا ي هلا بالطلة وحششتنا تدويناتك ..
كنت ادخل المدونه اثنا فترك اجازتك لانو استمتع فيها و كمان اخذ بعض المواضيع واطبقها 3>
عموما احس بشرتك شبيه لبشرتي دهنيه ومن شرحتي وصف الماسك حسبت بالانتعاش بوجهي
ههههههههههههههههههههه ضحكتني اللي قالت وشلون اسمع صوت جسمي
تدوينتين روعه بصراحه مااشبعتينا لووول تدرين احنا طماعين بس عالاقل ارضيتي جزء منا بالنسبه لبراند هالماسك للاسف موموجود عندنا بالصيدليات الكبيره بس قالولي في بعض الصيدليات التابعه للعيادات
أتوقع بتلاقينه لأن صَديقتي بالكويت مَحصلته عُموماً غسولهم أعطيهم ١٠ عَلى ١٠ بالفَضاعة
بس أرجع أقول مُو كل شيء ..
حبيت جزئية اسمعي صوت جسمك
انا لو افكر اسمع لجسمي انصمخ ? جسمي وبشرتي حساسين بشكل رعيب. يعني مرات احاول اتجاهل حساسية جسمي عشان ارضي غروري باستخدام بعض المنتجات .. اغلب الاحيان تنعكس علي بالسلب بس مرات الحمدالله تسلم
ههههههههه تُوتا .. مَوتيني ضَحك ..
عفكرة أختي مَثلك ، جسمها ما يَعاني من حساسية لكن حساس بَشكل
حتى لو أحد مسك يدينها من الذراع بقوة تَزعل ، اليوم الثاني يَبصم ..
لا ترضين غرورك على حساب جَسمك ..
اول شي حابه اقول اشتقت حيييييل لطلتك بالاسنتا ومواضيعك البيرفكت
صرتي حاجه اساسيه بالنسبه لي ..
ثانيا ريفيو جميل الحلو فيه فايدته كمنعش ومدت الاستخدام البسيطه تحمس ماياخذ وقت ..
يعطيك العافيه قلوب من هنا لعندك.
مشكورة على كل شي تقدمينه لنا وكل معلومة تكتبينها ،، صدق استفيد منج واايد ،، يعطيج العافية حبيبتي أرتوس
تدوينه لطيفه خفيفه جميله وومتعه والصراحه شكل الماسك ووصفه يشجع بالرغم قلتي مايستحق هههههه
المهم هالتدوينه غريبه ولذيذه الصراحه لان كميه ردودك والمعلومات الدسمه في الكومنت منك ومن الصبايا اجمل واروع بكثير من التدوينه ❤️❤️❤️??
استمري يابرنسيس??♥️