صَباح / مَساء الأنتكه
أخباركم يـ الحُب ..
صراحة بعض الإختراعات التجميلية مدري مين يخترعها وَ وش كان يفكر يوم أخترعها ؟
جد مرات حتى لو هالشيء ذا فعالية بس أشوف فكرته مُزعجه نفسياً ، على سبيل المثال: هذاك الشيء إللي ينفخ البرطم ، وَ الغريب في الموضوع رغم قساوته له سوق
من المنتجات إللي ماهضمت فكرتها هي ماسكارا الألياف ، تصدقون لها عندي من رمضان إللي فات وَ إكتشفت حتى إني ما جربت أفتحها من الباكيت وَ لا أعرف شكلها ، وَ كل يوم أفتح الدرج أقول بجربها هاليومين ، وَ عدت ما يقارب السنة وَ ماجربتها لين جاء اليوم إللي قلت ما بدهاش راحت موضوتها وَ ماجربناها .
[ وَ حتى تكونون بالصَورة إللي مَعي الإصدار الأول لأن طلعوا مَنها إصدار ثاني ، هههههههه خاست عَندي ]
Divaderme Lash Extender
ديفاديرم لاش إكستيندر ماسكارا الألياف لتطويل و تكثيف الرموش
وش هي ماسكارا الألياف ؟ وَ السؤال الأهم هل فعلاً هي فاعلة بتطويل وَ تكثيف الرموش ؟
ماسكارا الألياف أصدرتها من فترة أكثر من شركة تجميل سواء ماركات مشهورة أو مغمورة ، وَ تجي بعدة أشكال
بعض الماركات تجيك بعلبة مثل حافظة أو بيت النظارات ( فيها عبوتين وَحدة عبارة عن ماسكارا عادية وَ ماسكارا ثانية فيها الألياف )
الألياف بالضبط شكلها كأنها شعر صغير شفتوا كيف بعد حلاقة شعر الجسم كيف ينزل شعيرات صغيرة ، شبيهه به ، لكن ناعمة مرة
هالألياف متناهية في الصغر وَ مصنوعة من الحرير الصناعي أو الحرير وَ النايلون
ميزتها : إنها خفيفة وَ ناعمة وَ تلزق على طول مع أي شيء ندي أو لزج
طبعاً هالألياف توعدك بكثافة وَ طول تغنيك عن تركيب الرموش الصناعية ..
صَورة واضحة لمظهر الألياف ..
مُنتجنا اليوم صَناعة أمريكية لأن لقيت نفس المُنتج لكن إيطالي ، لكن حَسب مَوقعهم الرسمي إن المُنتج من شمال ميامي بولاية فلوريدا
سعره : حَول ٢٤ دَولار
سعره ما يَعتبر رخيص لأن ماسكارا الفايبر لوحدها ما تَنفع ، يعني يبيلك ماسكارا عادية
[ ضَحكوني البَعض كتبوا كإعلان ودائعاً للماسكارا العادية ، ههههههههههه شَلون وَداعاً وَ إنتِ بحاجتها لتثبيت الألياف ] ..
مَواصفات المُنتج ،’
• خالي من البارابين
• خالي من الغلوتين
• تمت الموافقة عليه من قبل أطباء العيون
• تمت الموافقة عليه من قبل أطباء الجلدية
• لا يسبب أي رد فعل عكسي
• 80 ٪ فايبر ( ألياف ) وَ 20٪ أعشاب لتغذية الرمش
طريقة الإستخدام ~
طبعاً كل ماركة لها طريقة إستخدام حسب مكونات المنتج وَ الماسكارا إللي جاية مع الألياف ، بما إن المنتج إللي معي مُجرد ألياف وَ لك مطلق الحرية بإستخدام أي ماسكارا ، إستخدمتها مع ماسكارا HR ( كتبت مَوضوعها عَنها ، للإطلاع إضغطي هُنا )
ـ أول شي مدي الماسكارا ، عن نفسي ما أستغنى عن عقص الرموش قبل الماسكارا
ـ قبل لا تنشف الماسكارا على طول شيلي الألياف وَ إنفضيها شوي على منديل عشان ما توسخ وَ لا تتناثر على جفونك .
ـ مدي الماسكارا ، الأفضل تبعدينها على الجذور وَ تكونين حريصة ما تدخل داخل العين ، يعني حاولي تمدينها من منتصف الرموش وَ الأطراف ، أفضل إستخدمها كأنها ماسكارا بس عن طريق الضربات مش المد .
ـ مدي طبقة ثانية من الماسكارا
ـ ممكن تكررين الحركة أكثر من مرة لين توصلين للكثافة إللي تبينها ، عن نفسي إكتفيت بخطوتين ماسكارا وَ خطوة ألياف ، بس اهم شي لما تحطون طبقات ركزوا على أطراف الرموش هي إللي تعطي الإفكت .
هل كثفت الرموش ؟
يس …. يس ، ماكذبوا الرموش كثيف وَ سوداء وَ طويلة ، أول ماحطيت كم ضربه من الألياف بين أن الرموش أكثر سواد وَ أكثر كثافة ،وَ بين هالشيء أكثر مع مد طبقة ثانية من الماسكارا
رأيي عَن المُنتج ~
ماحبيتها صراحة ، صح إنها تكثف وَ تعطي طول وَ سواد للرموش ، لكن أحسها ثقيلة على العين ، غير إن شكلها مزعج ، مو الشكل إللي أفضله تعطي مظهر ارجل العنكبوت إللي أكرهه ، طبعاً لو حطيتيها بنعومه ماراح تعطي هالمظهر بس كثر الطبقات يعطي شكل كأنه وسخ .
أيضاً أحسها توسخ الماسكارا ، يعني إذا بستخدمها بخصص ماسكارا لها ، وَ أفضل الماسكارا إللي معها تكون خفيفه وَ ناعمه عشان ماتتكتل مع الألياف ، لذلك الماركات إللي تضيف ماسكارا خاصة بها ممكن تكون قوام الماسكارا مناسبة للألياف ، مادري ماجربت إلا هالنوع ، بس ممكن تكون إضافة ماسكارا معها شي إيجابي وَ ممكن يكون سلبي ، لأن كل وحده فينا تحب ماسكارا معينة
عيبها أيضاً ممكن تدخل بالعين ، ماجربتها مع عدسات ، بس أتوقع بتكون مؤذية ، لأن مهماً تكونين حريصة إلا ماتتناثر ، عموماً الألياف ناعمه صح إذا دخلت العين مزعجه بس مو حادة مثل الشعر ، الشعر يكون جارح وَ ماتستحملينه ، لكن برضوا نقول ليه الأذيه وَ التعذيب
بالإضافة انها ممكن توسخ تحت العين ، بس مو شي صعب معه فرشة للتنظيف ، وَ سهل إنك تنثرينها ، بس يفضل تستخدمين بودرة لأن ممكن تلزق بالأساس إذا كان رطب
شخصياً لو بتعنى وَ بتعذب أفضل إستخدام الرموش الصناعية ، مظهرها أحسن ، عاد هم يقولون إنها أفضل من الرموش الصناعية ، لأنها أرخص ، أيضاً الصمغ مع الرموش الصناعية ممكن يسبب إلتهاب بالجفون أو يضعف شعر الرموش ، هذا بالإضافة إنهم يدعون ان المنتج أساساً فيه مواد علاجية وَ مغذية للرموش
المُنتج برأيي كفكرة ألياف بيكون مُناسب لشعر الحواجب أكثر ، وَ عندهم مُنتج من نفس الشركة لشعر الحاجب
الحُكم الدَيني ،’
الرموش الصناعية زَي مافهمت من الشيوخ إنها حَرام وَ نفس الشيء قريت لشيخ يقول برضوا إن الماسكارا الألياف حرام
يعني إللي بتفكر إنها بتروح من حَرام لحرام ثاني فَتلغي الفكرة ، قلت هالكَلام إبراءً للذمة عَشان لا تَجي وحدة تقول عالأقل هذي حَلال كلهم برأي الشيوخ غير مُجازين
[ أحس إني فَتحت لنفسي باب من البربرة ، لَكن ماعَليه وَجب التَنويه للأمانة ] ..
مَقطع فيديو ،’
هذا طبعاً للإصدار الأحدث وَ لا يغركم المَوديل مافيها رموش
https://www.youtube.com/watch?v=H_FtF1Lm1GE
وَ هنا مع دكتور أوز
https://www.youtube.com/watch?v=GVcFDqeAdVI
أسئلة ،’
– هل تستحق الإقتناء ؟!
لا أبداً ما حبيتها ، وَ لا أحسها تَعطي شكل جَميل بس تكثف ما كَذبوا ، أنا خلقة رموشي توَصل لحواجبي ، مَع هالماسكارا رموشي تجاوزت حواجبي وَ صار شكلها قبيح كرهتني بَنفسي ، حسيت نفسي إيفسون ( إللي يتابع تلك حياتي بيعرف رموش إيفسون ) يعني زي رموش البعارين بالضبط
– الرموش الصناعية أو ماسكارا الألياف ؟!
شخصياً ما أفضل لا ذي وَ لا ذي بالأيام العادية ..
لكن ببعض المُناسبات أكيد الرموش الصناعية ، شتان بين مظهر الرموش الصناعية وَ بين ماسكارا الألياف
صراحة ما تَعطي مَظهر طبيعي أبداً
– هل عملية أثناء الإزالة ؟!
نعم سهلة أثناء الإزالة ، مرة أزلتها بالمنشفة الوردية ( للإطلاع إضغطي هُنا )
وَ مرة أزلتها بُمزيل بايوديرما الوردي ( للإطلاع إضغطي هُنا )
كان من المُفترض تكون تَدوينة اليوم رياضية ، لَكن حبيت أباعد أكثر بين التَدوينات الرياضية وَ الطويلة
حتى يتسنى لي الرد عليكم ، فالأفضل أطرح تَدوينة بسيطة ، تَمكني الإجابة على الجَميع بتَدويناتي السابقة من ثُم إستئناف الطرح
دُمتم بَحب
القلوب عند بعضها دخلت اقول من زمان عن المدونه الا الكومنت لايف ياحظي ياللا حماس راجعه
ههههههههه رَشو ، لا مو من زمان عن المُدونة إلا قولي صَرنا نحس بالبَعد بسرعة
من زمااان عَنكم ( بتبكي مو ملحقتكم ) ..
انا لو مادخل المدونة باليوم عشر اعتبر نفسي من زمان عنها … واحنا اكثر عاد اليوم سوالف غير شكل جد جد هيصنا
ههههههههههه برجع أقرأ لك الفنجان لوووووول ..شفته عالطاير
انا مستخدمتها جدا جدا سيئه ‘
للإنصاف غير ملائمة ..
يا مساء الجمال سوس ..
فاتحه المدونة من الفون ، وأنا بالعادة دايما افتحه من اللاب ، لكن لابي ألتبسه جني الظاهر لووووول ، تظهرلي الشاشه الزرقا ( فيس يصيح ) ..
لي باك للتدوينة إن شاء الله ( قلوب )
هلا هلا بالطَش وَ الرش ..
أكيد عَندك إضافة غير شَكل
مع أنُ مر وقت تقريبًا طويل على هالتدوينة ، لكن كان لابُد أنيْ أكتب تعليق ..
والله يا سوس ماسكارا الألياف ولا مره استهوتني ، مابحبّهاش ، أحسها حوسه ودنيا
و ما أعرف كيف : / هذا شعوري ..
حتى اذكر في مره من المرات أختي سألتني عن ماسكار الألياف ، لكنّي ما
خليتها تتحمس لها هههه ، عمومـًا هذي مشكلتي مع مُنتجات الألياف ، لو سمعتي عن مُنتج
أسمه toppik الخاص في الشعر ، هالبودرة في منها لونين ( الأسود والبني ) ، يوعد هالمُنتج
بمنح الشعر الخفيف والرقيق أكثر كثافة ، والأماكن إللي فيها فراغات تتعبى .. طبعاً يُرش على أماكن
الفراغات ألين ما تتعبى ، و مكتوب أنه ما يتزحزح بسب الهوا أو العرق …. ألخ ،
لكنه يُزال بسهولة بالشامبو ..
طبعًا اختصرت كلامي لأنه مُش موضوعنا ، لكن الشي بالشي يّذكر ..
عمومًا ما فكرت قبل استخدم ماسكارا الألياف ، وإذا فكرت ولو بنسبة 1% فكلامج عنها خلاني اكنسل لووول .
صباح ألورد يا ورد
ما ادري حسيتها لويه وشغلانه
انا أحب الرموش الصناعية في المناسبات
طبعا
فأشوف ان هالماسكرا مب عمليه ولا شي ضروري
الله يسعدك احس ناخذ من وقتك كثير ومجهود أكبر
الله يعطيج كل الي تتمنينه
لا أبداً أكيد أسَتمتع بهالأرواح الطَيبة وَ أنتِ أولهم ..
وَ الله أتفق مَعك ١٠٠٪ ، لَويه كلمة مُعبرة فعلاً لويه
آمين وَ لك بالمَثل
يسلم قلبك عالتدوينة ❤️
عاد اليوم كنت اتصفح مدونتك ابغى اشتري ماسكارا وطحت على الماسكارا من لانكوم شكلي بجربها .. حمستيني لتدوينة الرياضة ❤️ ووو العيد جاي وكذا عادي تعطينا طريقتك في الحمام المغربي من الحين نجرب وبعد وش رايك بشدوهات انقلوت جربتيهم ولا لا ؟
يآهلا بَك ، إن شاء الله ..
وَ الحمام المغربي أتوقع كله طَريقته وَحده يعتمد عالفَرك وَ اليدين وَ الأهم ما تَحرقين بَشرتك ..
بخصوص شدوهات أنقلوت الماركة كلها مُمتازة لكن للأمانة ما جَربت منهم أغراض إلا حديثاً وَ ماكان من ضَمنهم الشَدوهات وَ لا المناكير
نورتيني يا رَيناد
ويدوم الحمآس
آنا آستخدمت مآركه ثانيه استخدام واحد فقط وفي الدرج
المساكرا حبيتها كفكرة بس الشي المزعج فيها ان تنزل تحت العين فأحس مظهر العين غير نظيف
يَسلم لي الدَقيق ياناس ..
صَح زي ما تَفضلتي ما تَعطي هالمظهر الفريش وَ ثقيلة عالعَين
حبيبي توسة يعطيك العافية 🙂 ، ارجعي لنا للعناية من زمان والله 🙁
يَعافي قَلبك ..
آبشري ما تَدرين مخبيه لكم يَمكن شيء يَساعدكم بغضون شَهر ..
القادم أجَمل بإذن الله
آبشري ما تَدرين مخبيه لكم يَمكن شيء يَساعدكم بغضون شَهر ..
القادم أجَمل بإذن الله
تكفين تكفين ياأرتوس انتظر هالموضوع لاتخلينه يمكن بس 🙁 والله لي كم سنه أهتم بس من تخبط في تخبط
ودي بشي يساعدني واشوف نتيجه سريعه وأنا لسا ف هالسن
صباح الشوق
من ساعه ماسكه يدي
اثاريك بطيئه بالكتابه هههههههههه
حاليا حاطه ماسك جوز الهند
يلا بستمتع بقراءة المدونه بس حبيت ارسلك لانك وحشاني لي فتره ما ثرثرة بتدويناتك
عضه وَ عضه وَ عضه [ بنتقم مَنك الآن هههههه ] ..
وَين بطيئة بالكَتابة جربي تَكتبين تَدوينة وَ تصورين وَ تصممين وَ تقرين المُكونات وَ بشريني
طيب يالله خلصي قراءة وَ أغسلي شعرك وَ بعدين تعالي رَدي علي وَ قوليلي رأيك
مالي دَخل أمَون ..
يسعد ايامك
من شفت الرقم بالعنوان ايقنت انها ماجازت لك
حسيتها ثقيله ومزعجه
مااحب الرموش الصناعيه ولا غيرها
اما من ناحية الافتاء في كل مشغل تلاقي مفتيه ويحللون ويحرمون بكيفهم
ليش بعد كم تدوينه رياضيه تكون تدوينه استسفسارات رياضيه الاسئله كثيره والردود بتاخذ وقت منك ومايمديك تلحقي
هههههههههههههه وَ أيامك ، الرقم هُم قايلينه بس صادقين ترى ..
بخصوص الردود لا يا بَعدي أفضل تحت كل مَوضوع إستفساراته ، لأن لو قلت إستفسارات رياضية راح تَجيني إستفسارات رياضية لا عَلم لي بها
فالأفضل تَجي الإستفسارات بالشيء إللي فاهمته ١٠٠٪ ، لأن بالنهاية أنا ماعندي دبلوم بهالمَجال ..
بااااك …
يعطيك العافيه على المعلومه امكن لوشفت الدكتور اوز يمدحها وماشفت مدونتك بتحمس لها الحمدلله اني ماشفت د. اوز …
وصلتني اليوم ماسكرا تارت اسمها جيفتيد جربتها اول طبقتين ع السريع منظرها حلو تفرق الرموش عن بعضها بس يبي لي بعد امخمخ عليها بجرب بعاكفه الرموش وبشوف النتيجه …
ويسلمو حبيبتي ع الكرم اللا محدود …
أحلى بَاك يالغالية ..
ههههههههههههههههههه وَ الله إنتِ عاد مُتهورة وَ راعية شَوبينق من قلب القَلب ..
وَ بجرب ماسكارا تارت ترى مَمدوحه ، أصلاً فيه شيء عند تارت مَهوب مَمدوح !! ..يكفي موادها ما تأثر عالجسم ..
نورتيني يا قَلب قلبي ، وَ عفكرة ترى جمال رَوحك طاغي مابالك لو أجَتمعوا الإثنين ، إسم الله
اهلًا آرتوس
مجرد فكرة ان الالياف هذي ممكن تدخل عيني خلااااص ألغيت الفكرة تماماً
لآني فعلياً ما أتحمل أبدا إنّو شيء داخل عيني
ماتحمستلها بصراحة ولا أفكر اجربها
سؤال بسيط .. ودي بمسكرا تكثف !! ابغااا كثافة لأن رموشي طويله
بس ابي كثافة .. وأسفه ع الإزعاج
ههههههه ما تَنلامين من إلغاء الفكرة ..
أكثر ماسكارا شفتها تكثف هي ماسكارا هيلينا روبنشاين التايقر
للأسف أنا مَتعلقة بهيلينا فتلقيني أقول هيلينا هيلينا ههههههههههه بس لو حبيتي تشترين أي ماسكارا من هنا دوري إللي مَكتوب عليها فوليوم
وماسكارا جيفينشي الكروية برضو مُمتازة عن نفسي حَبيتها جداً
صَباح / مَساء الجمال اولا
بخصوص ماسكرا اليوم انا سبق وسمعت عنها قبل سنة بس ماتشجعت لها ابدا يمكن لاني مافهمت فكرتها بالاساس او عشانها ماشتهرت احمد ربي اني ماشريتها صراحة حسيتها بتحوس الرموش ع الفاضي وكالعادة مدامه منتج امريكي فاكيد ان التسويق حقه كبير والمنتج اقدر اقول انه خربوطي خخ
يآهلا بَك ..
وَ الله المُنتج يمكن يكون ناجح ، حرام رحمت صاحبة البراند نَفسه
لكن غير عَملي الواحد مرات يادوب يلاقي وَقت يحط ماسكارا بجلس أنا وَ الألياف !! ..
يمكن الصغيرات إللي مره ما يَحطون ميك أب وَ لا رموش يتحمسون لها لأنهم مَمنوعين من المُبالغة
يسعدلي قلبـك ي شيخه $$$
هههههههههههههههههههههههه وشبهن رموش البعارين شزينهن عاد الا إيفسون جميلة الجميلات بنت الغاليه نورهان مارضى $=
والله ياسوس من الاسم مااقتنعت فيها توقعت ماتجوز لك .. حتى شكلها مايشجع انك تجربين بعد منظرها على المنديل ..
هقوتك حقت حواجت افضل ؟! او يطلع شكلها مزعج ؟!
ههههههههههههههههه تَوقعت يفز قلبك مَع إيفسون ..
وَ ماجربت حق الحواجب ، بس إلا مُمكن تكون فضيعه للي خامة حواجبهم خفيفة جداً ..
تضل التجربة خير بُرهان
صباح الخير يَ مال الخير ..
تسلم إيدك والله عَ التدوينة و متشوقين للتدوينة الرياضية ..
الماسكارا شفتها ع صديقتي مَا كانت حلوة كانت تهرهر تحت عينها وانا لما كنت اسولف معها اشغلتها كُل شوي اقولها امسحي امسحي فمن وجهة نظري ممكن تحرجك بالمناسبات وتقعد تهرهر ..
هذي الماسكارا و الماسكارا الإلكترونية ما حبيتهم ابد ، عاد مدري ايش ممكن يطورون بالماسكرا في المستقبل ..
وعندي سؤال ارتوس : اللحين لما أحط الماسكارا خط الجفن العلوي الداخلي بإيش اكحله مستحيل يضبط لازم يطبع بالسفلي جربت اكثر من نوع كحل ومن اكثر من براند بس مافيه حل ؟
صَباح المَحبة ..
فعلاً قد تعرضك للحرج بس مو بسبب الهرهرة لأن شفتها ثابته مَعي ، مُمكن العين تَحمر منها ..
وَ صدقتي ما نَدري عن المُستقبل أحس أنهبلوا بَزود ..
بخصوص سؤالك تقصدين تكحيل العين من الداخل بالجفن العلوي صَح ؟! ..
إذا بتكحلين السفلي بأبيض أتوقع إلا ما يَطبع بالجفن السفلي من الداخل .. لذلك لا بُد من التناسق ..
لكن لو جربتي أقلام وَتر بروف ماراح يتزحزح .. زي أقلام ميك أب فورإيفر الأكوا ، جربتيه ؟ أو جربتي الجل آي لاينر
الجِل لاينر جربته ما زبط ، بس بجرب الأكوا صدقتي اتوقع بتكون ثابته اذا هي نفس ثبات الليب لاينر تبعها ..
مَا قصرتي عَ رد ..
إنتِ روحي ميك أب فورايفر وَ أبري القلم زين زين وَ جربي بالأعلى لون وَ بالأسفل لون بعد ما تَبرينه بس
وَ خذي لفه بالسَوق ، إذا ما طغت الألوان ببعض فخلاص خذيه ، أما إذا طبعوا ببعض فما يَنفعون
لأن فيه عيون حاره ( مش حاسدة ) أقصد طبيعتها تدمع أو تسيح الكحل فما يمسك بها الكحل زَين
وَ آخر حل تمررين الولاعة أبو ثانيتين عالكحل يخليه ثابت جداً
مَحلاها هالطَلة ..
اشوه ..من جد اشوه انك فوق جَمالك ذكية ! اسم الله ..
العجيب بالامر المَهووسات برموش طَويلة ماهمهم نظافة الرمش وهل يوحي بمنظر اِنسيابي او لا .. !
في مَنظر للعين مُمكن يكون Dirty or
Dramatic بطريقة سكسي جذآبة.. ماسكارا الالياف لحد الان تِعطي منظر وسخ حرفياً .. !
مع اني احب الرُموش اللي خلقتها خِشنه مش نَاعمه لكن هالتِكلكع اللي تسويه هالماسكارا عآر على البراندز اللي ارتاح لهم!
فيها غباء بالاختراع وتَعقيد بالعملية .. ولازم يكون فوق بَشاعة منظر الماسكارا على الرموش “مسؤولية” وانتباه حتى لا تطيح الالياف على الوَجنات! يعني شَي بآئس للحصول على المنظر المطلوب! طبعاً اتكلم عن البراندز اللي جَربتهم .. مع ان اسعارها مُوب هينه !
سلمتي يـ ئَمر ع التَفصيل المفيد
هلا هلا وَحشتيني يا مُترفة العبارات ..
وَ الله وصفتيها بشكل مَثالي ، منظر وسخ حرفياً ..
وَ الخشونة تكون خشونه بإنسياب واحد ، هذي لأ ..
ههههههههه حبيت طريقة تعبيرك لما قَلتي بائس .. عايشة برآ صَح ؟! ..
حبيييت حلوة شكلي باخذ اللي للحواجب احب منظر الحواجب اللي الشعرات واضحه فيها
شكرا سوسو♡♡♡
ومنتظرين التدوينة الرياضية ع احر من الجمر<نششبة هههه
بس جد محتاجبن لارشاداات ف الرياضة
♡♡♡
آبشري بَعد قلبي ، إن شاء الله ما راح أتأخر بَطرحهآ بتكون يوم الأربعاء بإذن الله .. حلو تكون عالوَيكيند عَشان البنات يَهتمون
وَ إللي حابه تتسوق تَتسوق ..
قد تكون ماسكارا الحواجب مُمتازة ، لكن ما جربتها مُجرد تَصور
انا فعلا ماحبيتها .. لانها تعطي انزعاج اللي كانه داخل عينك شي خفيف … و مره نمت فيها و صحيت احس كشه داخل عيني
ههههههههههههه كشه !
بالضبط مَثل وصفك ، الحمدلله هذا رأي المُجربين لهآ ..
ياهلا ياهلا اول شي احييك ﻻنك صرتي تنزلين لنا التدوينات بدري ههههههه
ثانيا الماسكرا لي تجريه من شركه ثانيه طلبت من مندوبه اغراض وعرضتها علي واضفتها للسته يوم وصلت الا الماسكرا العاديه اللي معها مكسوره طلعت لي بدون فرشه مكسوره بداخلها رحت وشريت لها ماسكرا مخصوص قوامها خفيف مثل تحلليلك حسيت انها تناسبها
وجربتها وليتني ماجربت اول ماحطيتها انبهرت صراحه بالكثافه بس طلعت و الحمدلله كنت رايحه بيت اهلي لو غيرهم كان علووم مالك بالطويله قضيت وقتي كله انظف تحت عيني ﻻن الالياف قامت تهرهر تتحت عيني وبهذلتني ومن ذاك اليوم ماعاد جربتها وﻻ حاولت فيها
مدري اذا كانت ماسكراتها هي الانسب
طووولت
ههههه لَعيونكم نَعدل وَقتنا وَ إن شاء الله بَحاول أضبط وَقتي أكثر ..
يا بَعدي وَ الله أضفتي إضافة حلوة بالمُدونة ، صَراحة الفكرة نفسها مُزعجة وَ تكلفه عالفاضي
وَ ليت بها راحة عالرمش أو عالعَين إنما ثَقيلة فليش التَعب ؟! ..
يالله عالأقل حاولتي فَيها .. وَ خسارة إنها وَصلتك مَكسورة 🙁
وَ أبداً ما عَمري شفت ردك به طَول مُزعج ، حياك بأي إضافة يالغالية
اي صح عندي استفسار وبما انك ميك اب ارتست اتمنى تفيديني
انا عيوني واسعة وجاحظة بالضبط بالضبط نفس عيون المغنية(بلقيس فتحي) واكررره شكلهم خاطري تكون نضرتي حادة وساحرة مب مثل كشااف ههههه احب منظر عيون هيفا وهبي وبيبي عبدالمحسن
وافكر اغز جفوني ب فيلر اذا يصصير بحيث انها تصير عيوني مبطنة ويخف الجحوظ ..وابيج تعلميني شلون اتعامل معها الميكب مناحية الاياينرو الشادو !!!واذا تعرفين ميك اب ارتست ف اليوتيوب مشابة لعيني اتعلم منة افضل عجزت القي حد نفسهم والافريقيات عيونهم جاحظة حيييل ومسحوبة او مدورة مب نفسي ×_×
كثرت كﻻم عليج اعذريني
♡♡♡
هيفاء وهبي ترى فيها جَحوظ بسيط جداً جداً ، وَ أشوريا رآي عيونها جاحظه
إنتِ دوري الفنانات إللي نفس تفصيلة عَيونك وَ حاكي مَكياجهم ..
ههههههه ضحكني لما قلتي بغز عيوني بفيلر ما أنصحك صَراحة ، حتى العيون المُبطنة غير مثالية ليش تغيرين من تَكوينها
وَ ماشاء الله عليك كَشاف ترى فيه كثير يمكن يحبون رسمة عيونك ، حاولي تضبطين لوكك بشكل عام مع تنسيق مُعين ماراح يبين عالشيء
مَع قصة شعر مُعينة .. إلخ ..
لاحظتي بلقيس فتحي لما قصت غرة بانقز ؟ قلل مظهر عينها الجاحظة كثير وَ أكيد لا للفواتح داخل العين
ماجربتها ولافكرت لأن مثل ماقلتي احسها تبهذل تدخل بالعين ..
ايفسون ! ههههههههه والله صاجه بس اشوفها اتشتت من منظر عيونها >
ههههههههههههههههههههه شَفتي منظر عيونها ..
وَ الحمدلله إنك ما جَربتي أو تَكلفتي
نَورتيني
كومنت من قلب الحدث ما قرآت لسا بعدين
لا صحيت يعطيك. العافيه ويسعدك ماتقصرين باي شي
تطرينه وتعطي من قلبكك
الله يوفقك ويسعدك خيتي
لاتردين على ردي عادي بس ردي لو حابه ع الاخرين
هههههههه وَ أنا أقدر أشوف لك رَد وَ لا أرد ؟!
روحي نامي يا شَيخة وَ تنوريني بأي وَقت بَعد قلبي ..
صباح الخيرات
ااااح من اول ماشفت الصوره عورتني عيني احس لو بستخدمها بقعد طول المناسبه بقلق هي دخلت بعيني او لا هههههه الله لا يشقينا يادوب عيني تتحمل العدسات
تسلمين ياقمر على كل مجهود تقدمينه ماننحرم من حسك يارب
ههههههههههههه حبيت الله لا يَشقينا
من جد أعوذ بالله ..
آمين يارب ، تسلمين لي وَ تسلم لي مَشاعرك ..
وترا الفنجان حق رشو يقول شقران قادم
بقوووووووووه ههههههههههههههه خلاص انتهينا
حللت انا ومها وقضينا
ههههههههههههههههههههه
هههههههههه أجَل ماخليتوا لي مَجال أحلل !! وَ أنا من الصَبح أجري الإتصالات عَشان أصير قارئة مُعترف بها دَولياً
تذكرت اول ماسمحت لي امي الله يرحمها استخدم مكياج فكان بودي شوب اول محل ادخلني عالم الانوثه ماخليت شي بخاطري ماجربته ومن ضمنها مسكره الالياف الحمدلله رموشي كثيفه بس الفضول وكل مره استخدمها تأذيني ياتدخل جوا العين ياتهلهل ع خدودي فاشله بجميع المقاييس .
وَ الله توقعت إنها بَتكون الحل الأول للصغيرات ..
يالله عالأقل جَربتي هالتَجربة وَ ماخليتيها بَقلبك
جربتها جدااا سيئه
قلب لك ارتوسه
لَبى قَلبك
وَ يازين من أضاف إضافته
فديتج مشكووورة ماقصرتي وزين لفتي نظري لقصة الشعر ﻻني افكر اقص جذلتي بالعيد والفواتح كنت احطها ع جفتي وبغير هالشيء
قلووووووب قلوووب من عمان لللرياض ♡♡♡♡♡
ربي يسعدك ويوفقك يااارب ويخلي لك ليون >اعشششق السنورات وايد ^_^
هلا هلا بَبنت عَمان .. نورتيني وَ الله ..
وَ دامك تَحبين السنانير لك حب زَيادة
إنتِ جربي حبه حَبه وَ بتشوفين شَلون عيونك تصير حَلوة وَ بعدين عادي ترى كثير يشوفون جمال بالعيون الجاحظه فلا تَركزين على الشيء إللي ماتحبينه فيك
أبرزي إللي تَحبينه وَ كل شيء بتكوينك بيكمل الثاني ..
يازينك اثق بتجاربك جداً ..
استكن على تدوينتك خاصه كذا باخر الليل ❤️
لي الشَرف ..
وَ أكيد يسعدني لما أعرف مَكانتي عَندكم ..
نورتيني
هلا فِيك يائلبي ..
ايه الرموش الخِشنه تجي حُوسه بس كنها نَديه تعطي العين تَحديد جذآب .. ببالي عيون واحد من قَرايبي وقاعده اوصف عيونه لووول ..
وفعلاً عَايشة برا يمكن ذكرت هالشي قبل .. فيه تدوينة جميلة لك بمناكير استي لودر لامست احاسيس قديمة لي .. تو نطيت اشوفها .. اِحتمال اكمل نَطنطه لاحقاً
الله يسعدك ايتها الفَاتنة
وَ رديت عليك أكيد بَتدوينة أستي لاودر ..
ههههههههه حسيت أصلاً لأن تكتبين بطريقة أجنبية ، صَح الكلام عَربي
بس الأسلوب .. لما أقرأ كلامك أحس أقرأ نَقد وَحده غربية ..
تَواجدك مُبهج
ارسلت قبل اكمل ردي ^_^
تحمست اجربها ع الحاجب خاصه ان حاجبي خفيف تقريبا بس لونها اسود
وحواجبي افتحهم شوي ينفع ؟
وتحمست للتدوينه الرياضيه
ﻻعدمناك ي ذوق
تَصدقين اللوس باودر يفي بالغرض ما يَحتاج تتكلفين
أخاف أقولك جربي الخاصة بالحَواجب وَ تتوهقين 🙁 ، لكن قد تَكون مُمتازة جداً
التجربة تختلف صَعب أحكم ..
ارتوس وحشتيني اكيد ما فقدتيني صارلي مدونتيني ماعلقت شي ناقصني انشغلت ويا الدراسه بس انا فقدتك
برجع اقرا المدونه بس حيبت اكون اول الناس
مدونتين *
مَين قال ما فَقدتك !!
ترى متذكرتك زَين زَين .. وَ رديت عليك بَموضوع فيشي لو مُهتمة ..
كل مُتابعيني بقلبي وَ أحاول ما أبخس أحد حَقه ، مثل ما أعطوني من وَقتهم لازم أعطيهم من وقتي ..
فديييتشش والله الله يخليك
طمنتيني ارتوس خلي يارييت تخلين الفيسات يضهرن ع الاقل يعبرن عن الحاله انا احط وايد بس ما يبينون
وبعد شي ثاني صوره عرضي غ المدونه من وين ؟
وخلاص قريت ردك كلي مشكوره وحطيت بعد استفساري بمدونه الاستفسارات
هههههههههههه حبييت التشبيه برموش افسون هالانسانة لون شعرها وستايل لبستها وصوتها مزعجييين … الي شي 12 حلقة موقفة ماعم شوفو مليت منها هي وامها ههههههه بس تنزل الحلقة الاخيرة برجع
نرجع للمسكارا … كتيير سمعت عنها بس مافكرت جربها .. وكأنو الاختراعات التجميلية زاااااايدة كتيييييييييير كتييييير من فترة ؟!!
هههههه آآآآآآآآآآآآآنيييييييييييييييه .. فعلاً مُزعجة جداً ما تنلامي أصلاً مسخوها بالحلقات
وَ مثل ماقلتي مش عارفين وَش يخترعون وَ شلون يهبلون بنا وَ المشكلة وَ لا شيء ضابط مَعهم
سوس شكرااااا لك بحجم السماء شكراااا لعطائك حييبتي ما شاء الله عليك ملمه بجميع الجوانب في شي بخاطري ودي اقوله لك اعشق منك كلمة ممدوح وكلمة مجاز وكلمة عطاري واحس بالعبره اذا قريت رد لك لاحدى المتابعات تقولين لها خلينا نتباحث ياه ياسوس وش كثر انتي معطاءه ما شاء الله عليك فعلا في ناس يحتاج يقيمون لهم مدينه فاضله فعلا احس فكرة الالياف مزعجه بالنسبه لي اول مره شفت مسكرة الياف مع التاجرات على طول خطر لازم يخترعون معها مقشه هههههههه سعنونه مره
ههههههه ضَحكني ردك وَ أسعدني بَنفس الوَقت
أجل تعالي نَتباحث أنا وَ أنتِ ؟! .. أخجلتم تَواضعنا وَ تواجدك الدائم بَمدونتي وَ من أوائل الردود جداً يعني لي ..
أصلاً صرت أخجل من هالمَحبة وَ أحاول قَد المُستطاع أطرح الأفضل وَ بالوقت المُناسب ..
هههههههههههههه وَشفتي فكرتك فعلاً معها مقشه صغنونه مَره ههههههههه
ههههههه ايه فعلاً ينقالي هالامر عادة ان اسلوبي مرات يكون اجنبي “بالكلام “بس من المقربين ! معناته انتِ دقيقة الملاحظة اسم الله .. وبالعادة هالمنتجات اكتب من قلب لنفس الشركة او اواجه اللي يسوقون لها امام عيوني بالمحلات.. دام مايرجعون الفلوس اجل لازم ابدع بالصرآحة معاهم خاصة مع بنو الاَصفر لوول ..
اقدرلك اهتمامك ..
مااقول الا الله يسخرلك الصالحين اللي يقدرون اخلاصك وحرصك على العطاء وعلى التَواصل !
كونك بنت وهَقوتي موظفه ولك اهلك وعَالمك ومع ذلك عطائك بالمعلومة والوقت ماله مثيل .. فعلاً مخلصة.. محدآ بيصحلو يحكي الا هيك !
قلوب من هنا لبيتك جَميلتي
وَ الله تنفعين تَكونين ناقدة جَيدة وَ لازم تفتحين لك مُدونة أتوقع راح تكون مُدونتك مُتنفس للكثير
وَ هالشيء مو صَعب عليك ، لأن كثير من الجَهود تضيع داخل الآنستا وَ يضل مَحصور بينما بالمُدونة ما تدرين مَين مُمكن يتعرف عليك .. أو يَوصلك
أخجلتم تَواضعنآ وَ أتوقع ما حَسيتي بهالشيء وَ لمستيه إلا لأننا من نَفس الكوكب ..
واه توسه والله اتمنى نتباحث وكل يوم بعد احس الكلام المفيد والكلام المرح مايخلص تكفين خلينا نتباحث واه احس ارتحت نفسيااااا
وربي رسايل الايميل للحين ماعرفت لها توسه عيوني دمعت وربي حسيت بالتميز من قلتي خلينا نتباحث واه قلبي
ماارتحت لها ومجرد تخيلي اني حاطتها يزعجني خاصه يوم شفتها ع المنديل
واول مره اسمع فيها منك
الله يسعدك ياالغاليه
حبيت الماسك حسيت بنعومه وترطيييب
بي ان شاء الله استمر لان فوايده تشجعع وهوكل مايحتاجها شعري
المهم
الماسكارا مالي تجربه معها ابدا ولاراح اجربها
من وصفك لها ووصف البنات الي جربوها مايشجع التجربه
دمتي بحب
صباح الورد
مسكرا الالياف اول مانزلت قلت لازم اجيبها خصوصا احي انوع باستخدم
المسكارا وجربت من تو فيسد تجربه فاااااااااااشله ماعجبتني ابد ابد
صح تطول الرموش عطتني شكل ماحبه وقوام المسكارا اللي معها سيء
تتناثر وتلصق الرموش عطيتها فرصه استخدمتها بعد شهر
ونفس الحكايه ورميتها لذلك اكس ع اي ماسكارا الياف
مانبي الالياف ههههههه انا امنياتي حاطتها ع هالهلينا
ابي اخذها بس قريبا ان شاءالله لان كالعاده موب باسواقنا
دمتي بحب ❤️
ي صباح السعادة والحب
من كلامك عن الماسكرا ماحبيتها
احب الرموش الصناعية بالمناسبات فقط صراحة تغير العين ١٨٠ درجة
ارتوس ياعسل مارديتي بمدونة البرا الرياضية نحتاج ردودك ع الكل
ربي يسعدك ويوووفقك ياذوق
بصراحه ذا المسكارا اول منتج يستفزني شفتها مع قريبتي وجربتها من باب الفضول لانها كانت محتاسه مو عارفه تستخدمها مدري ماحبيتها ولا تقبلتها مع انه اي منتج مايناسبني اجربه باكثر من طريقه بس هذه بصراحه حطيتها وجلست خمس دقايق وغسلتها شكلها مستفز بقوه كانها حاطه رموش اللي بالحبه بس بشكل عشوائي وفعلا زي ماقالوا البنات تعطي منظر وسخ مافيه انسيابيه ابدا شفت اكثر من مقطع ابغى اعرف سر الاعجاب فيها بس للاسف كلها بنظري نفس النتيجه تلوع الكبد
ربي يعطيك العافيه………
جربتها مره و تعبتني جوا عيني + ان شكلها على قولتك مو حلو
فكرتها غبية و ما اقنعتني انا لو ماشفتها عند اختي ماكنت راح افكر اجربها
يعطيك العافية ارتوو
من اول مره شفتها مو داخله مزاجي ، بالنسبه لي رموشي كثيفه الا ربع وطولها حلو وسوداء بس منسدحه غالباً اذا عكفتها بس يكفي لان اتعيجز احط ماسكارا بغير المناسبات ف مش محتاجه لهالنوع لان حواجبي برضو كثيفه واصلا تصير عيني كلها سوداء رموش وعلى طول حواجب هههههههههه
نفسي اشوف ذوقك بالميك اب احس يعجبني من كلامك نفس ذوقي خصوصا لما قلتي ” مَع هالماسكارا رموشي تجاوزت حواجبي وَ صار شكلها قبيح كرهتني بَنفسي” الله عليييك من يفهم البنات هاليومين رموشهم صايره “غرّة” تعدت الحدود والافاق لووول
قلوب ملونه من هنا لبيتكم ❤❤
هالماسكارا بالذات جحيم بالنسبة لي ، جربتها قبل سنتين أو أكثر مره وحده دخلت بعيني حسست عيني ثاني يوم ومن بعدها بدأ العذاب الصجي ، ألتهبت عيني وعانيت من الألتهاب شهر يمكن .. رحت ٥ عيادات للعين كلهم يقولون فايروس وجربت خلال هالشهر قطرات عيون بشكل فضيع بعدها رحت لدكتورة مغربية الله يعطيها العافيه قالت لي عندج انسداد بالقناة الدهنية تحت العين وكتبت لي علاج شامبو جونسون أغسل كل يوم تحت عيني والحمدالله خفت ، بس صارت عيني ألحين تتحسس من كل شي بسرعة الهوا ، الغبار .. وندمت أني استخدمتها وصرت أخاف من كل أنواع الماسكارا وما استخدمها أبداً أبداً.
نصيحة بنات انتبهوا من هالاشياء ومن كل شي يضر عيونكم
اهلاً اهلاً ،، تصدقين لما ششفتج قلتي ماسكارا الالياف ذكرت اختي قبل سنتين تقريبا او سنه ونص شفت مع اختي ماسكارا الياف بس كانت ثلاث مع بعض ( وحده شفافه / و حده الياف / وحده السودا العاديه ) و كانت فعلاً عجيبه كانج مركبه رموش ماتعطي المظهر اللي مو حلو بالعكس حبيتها حييل وقتها اختي استغنت عن الرموش الصناعيه ،، حاولت اتذكر الاسم بس نسيته وهي كانت وقتها شاريتها من ماليزيا عاد مدري تنباع بالكويت او لا.. لان ماعرف اسمهها ( ضيعت لون العلبه نفسها ي ذهبي ي اسود ) زهايمر
بصراحة اول مرة اسمع عن مسكرة الالياف
بس صح مظهرها مزعج خاصة مظهرها على المنشفة
احس انه كل هالالياف راح تدخل العين
تسلمي حبيبتي على كل مجهوداتك ما بتقصري
متحمسة لتدوينة الرياضة
اول مره اعلق صراحه تعجبني تدوينات واقراها بالساعات
انا رموشي طويله بس مشكلتها تطيح وفيه فراغات بيهم يعني ماتبان خط واحد .. كثير مزعجني هالشي ايش الحل برايك؟
بجد التدوينة تقطر جمال ، الحمد لله في أحد مشاركني الرأي بهاذي الماسكرا جداً سيئة ، أذكر لما إنتشرت ماسكرا الألياف الوبرية التايقر -على ماأظن كذا إسمها – كنت أول من أقتنيتها وجربتها ،للأسف كانت التجربة فاشلة بكامل المعايير دخلت بعيني وأنا عندي حساسية بالعين وهيجت لي عيني وسببت إحمرار شديد لي ، وأتعلمت من ذي التجربة إنو مو كل شيء يسبب ضجة وسمعة كبيرة يستحق المدح والثناء .
مساج ورد .،
صار لي زمان عن المدونه بس ها ما يمنع اني اطل ومتابعه التدوينات اول بأول بس مشكله المخ مشغول ..،
المنتج اللي ينفخ البرطم يذكرني بأيامنا السوده يوم كنا صغار.
نقعد نشفط بالفنجان لين يتم حوالين ازرق .،
اكثر الناس اللي هابين فيه اتشوفينهم من اول المعارضين على عمليات تكبير البرطم .، ماعلينا منهم
نتكلم ع موضوعنا الاساسي
انا اشوف ان الخليجيات رموشهم حلوه يعني ها المنتج مخصص اكثر للي ما فيهم رموش بالاساس مثل الاجانب .
نحن بعايلتنا ماشاء الله معروفين برموشنا الطويله والكثيفه
ما ادري هاي وراثه والا لانا من يهال يكحلونا باثمد << استغرب ممن الناس اللي اتقول مضر لليهال
ما احب الرموش الصناعيه عموما ما احطها ابدا اكتفي بالماسكارا بس مو دايم بعد ..
طرحج بطل ك العاده .،
يسعد قلبك ارتوس
فيه كم شي ودي اقولهم من باب الاقتراح
في سلسة الروتين
لو تبدين بالعناية بالوجه الاساسيات فيه لان العناية الغلط ممكن يبقى اثرها من حبوب وكذا ووش حل اللي بشرتهم مانت صافية ومع الغسولات وكذا طلعت لهم حبوب …… الخ
وبعد نفس الشي لموضوع المنطقة الحساسة خصوصا بعض اهالينا ما يتكلمون ابد عن هالاشياء
نقطة ثانية أشكرك جدا على تفصيلك بالمواضيع احسه مهم جدا خصوصا لشخص حُرم من هذه التوجيهات
وإذا كان فيه أحد متذمر لو مثلا أساسيات للمبتدئات او المراهقات في العناية بالجسم والميك اب
ثالث شي
لو بعتبر هالمدونة مرجع لي – مهما كان – مراح يمديك تغطين كافة الجوانب
وإن كنت متفائلة جدا بالكثير الكثير
لو مثلا بين فترة وفترة توصينا بشخصيات لها تخصص في المجال ع الانستقرام او مدونات بحيث نستفيد منهم
والإيصاء بشخص ليس بالضرورة يستلزم الموافقة على كل ما يقول ١٠٠٪
رابع شيء تدويناتك الرياضية والأكل الصحي فعلا ترا ما نعرف أي شيء عنه وعلى إنه صعب إلا أن
مجهودك كبير وواضح لكن ما تتصورين ايش التغيرات اللي بدى اللي حولي يلاحظونها من صرت اتابعك هنا واقراى المواضيع المميزة بشمواه
فيمكن تعب هو لكن كم بنت مثلي ما يعرفون الطريق الصح ويحتاجون أحد يعلمهم ويقنعهم كلامه مو خرابيط نت او تسويق تجاري
وكم مرة وانا اقرأ كلامك على بعض الأمور مرت علي عبارات استوقفتني وودي أوضح لك : مو كل الناس عندها فلوس تشتري فيه أسياسيات حياتية ، ومو كل الناس اللي عندها فلوس تشوف أنه مقنع تدفع مبالغ على أشياء زي كذا ، ما أتوقع فيه بنت عندها المادة مفتوحة وبتوصل لحد الاهمال يمكن ما تبالغ بالعناية وتتفرغ لها صح ، فخففي اللوم على البنات – مشكورة – لأنه شيء يحرق القلب .
ومو كل أم تحرص بنتها على العناية ، فيه أمهات يقولون لبناتهم ماله داعي وخرابيط وتعبثين بنفسك وتندمين …….. الخ
خامسا – طرت على بالي فكرة مع كل منتج تتكلمين عن مكوناته
كيف أعرف عن المكونات وفوائدها
هل فيه مواقع معتمدة لهالشيء أو كتب ذات قيمة علمية في هذا الجانب
أو مثلا لو كان موضوع صغير يتكلم كل مرة عن مادة ايجابياتها وسلبياتها
وقبل النهاية اذكر مرة شفت سؤال عن اثر الحرق باليد وكيف راح ما ادري اذا جاوبتيه او لا
عسى ما أكون طولت
يمكن احد سبقني باللي كتبته هنا
وممكن احد يستغرب عن النقاط اللي كاتبتها ويشوف انه مالها داعي
لكن قريت انك تستفيدين من كلام البنات في افكار مواضيعك
آمل لو بجزء بسيط أكون ألهمتك بفكرة ما
السلام عليكم
حبيبتي ارتسوس احب اشكرك على كل المعلومات التي استفدت منها من جد انتي ماشاء الله موسوعة للجمال عمري ما اشتريت شيء انتي مدحتيه وندمت من ايام منتديات عالم حواء ثم انتقالنا لشمواه والى الان وانا واخواتي وصديقاتي نستفيد منك وندعيلك من قلوبنا بالنسبه لحكم تركيب الرموش اختلفو فيه العلماء بعضهم يقول يجوز وبعضها حرمها لكن انا من يوم سمعت الشيخ المغامسي وكمان الشيخ العريفي تطمنت لحكمها وما اعرف اسوي روابط بحرب وياليت تطلع تمام ومشاهدة “حكم الوصل ـ وتركيب الرموش الصناعية ـ والتشقير ـ الشيخ صالح المغامسي” على YouTube – https://youtu.be/UxNRiQ4LCtk: مشاهدة “د.العريفي حكم تركيب الرموش وعمليات التجميل ؟.” على YouTube – https://youtu.be/mEXnnN9QqSI
السسلام عليكم ارتوسسة . ارتووسة الشخصية اللي احيها واتابعها من اكثر خمس سنوات . أشكرك جززيل الشككر على اللي تقدمينه لنا . الله يجزاك من الخير اضعاف ويجعله من موازين حسناتك . بجد ماتصدقين قد ايش كلامك واهتمامك يأثر فيني . وانتي الشخص اللي ماتخلى جلسة من جلسات بنات عمي الا ونتكلم فيك وبكلامك
حببيت اسئلك عن الشعر اللي يكون تحت الجلد . بججد اعاني منه وخصوصا منطقة الركب على ان الركب عندي مو سوداء ولا حتى اسمر من لون جسمي . بس الشعر اللي تحت الجلد يقهررني . لو كان عندك خبرة او نصيحه تقدمينها لي انتظرك فيها . والله يجزاك الف الف خير
أسفه لو كان فية مكان مخصص للاسئله وسئلتك هنا♡
اولاً احب اشكرك كثيررر علي اسلوبك المرح الراقي الرفيع بصراحة انا اول مرة ارد علي بلوقرز بحيااتي بس صراحة جداً طرحك مفيد منتقى ومقنن
ثانياً
بصراحة تدوينة البرا الرياضية اذذذذهلتتني جداً
شكراً من الاعماااق الله يسعدك ياليت تتكلمين اكثرر عن انظمة الدايت لكل نوعية جسم والرجيم وانواع الرياضة وخصووص الي تشد المعدة وتظهر السكس باق يعني احلم مثل كل البنات بجسم سبعة علي ثماني علي مايقولون
حبيبتي ويعطيك الف عافية وجعلة في موازين حسناتك علي هذي الجودة ….
مرحبا..ههههههه انا نفسك توسا بس تشبيهي بأرجل الذباب جد اشوفها كذا
حتى مره شفت رموش عيار مصنوعه من أرجل الذباب هههه اقتبسوا الفكره من خيالي ..
انا أحب منظر الرموش يكون طبيعي كثيفه وطويله لكن بالحدود الطبيعي حتى لو رموش عيار بس يبان منظرها طبيعي وهذا الشي متعب ان اجرب رموش لكن تبان مبالغ فيها مااعرف السبب ممكن اشوفها نفسها ع غيري بس يبان شكلها عادي مره اشتريت رموش شركتها غير معروفه وحبيتها وبحثت عنها ثانيه ومالقيت منها اذا في نوع تعرفينه او جربتيه يبان طبيعي عرفيني عليه هههههه
آآويلي أكيد فيه ناس عاجبتهم ..
أنا ما أحب الرموش التركيبة لأن مع رموشي تَطلع آوفر ، لكن جربي رموش ليلي غاليتشي هالإنسانه يَوم عن يَوم أحترمها طبعاً عندها الآوفر وَ عندها العادي
وَ رموش هاوس أوف لاشيز بعضها خَفيف
ايوه وانا من النوع الي عيوني تلتهب من غراء الرموش تظل ليوم ثاني او يومين مورمة
كنت على وشك اشتريها
بس فكرت قبل اني اكره بعض الحلول المؤقته
لاني سبق واشتريت بينفت بور فيشنال على انه اعطاني نتيجه للمسام الا انه يضايقني جدا وتركته
عاد حسيتها من هالنوع بتعطيني نتيجه بس ماراح احبها
جربي ماسكارا جفنشي الجديده مقاربه لهيلينا روبنشتاين اتوقع جدا بتحبينها اعرف ذوقك بالرموش من شمواه ياكثر ماتهزئين عليها هههه (شطحه) ^^
ممكن تتكلمي عن ازالة شعر الوجه
سبحان الله .. من الله ماحبيت الفكره ..
ميررررسي كبيره جداً ❤️
هففف ، اكثر ماسكارا ماتقبلتها ابداً !!
انعرضت عليّ كثير اني اجربها بس ماقدرت !
احس بيدخل شي جوا عيني ..
حابه طريقة اللوس باودر او بودرة الاطفال مع طبقات من الماسكار ، اريّح نفسياً والله ونتيجة نظيفة توحي باللوك الطبيعي ..
.
.
إلهي ربي يحفظك ويسعدك *ورده*
أحس إني فَتحت لنفسي باب من البربرة ، لَكن ماعَليه وَجب التَنويه للأمانة ] ..
مت مت ضحك هههههههههههههههههههههههههههههههه
الله يسعدك
عن نفسي انا ماحبيتها مزعجه وماتعطي مظهر حلو زي ماقلتي
يعطيك العافيهه حبيبة قلبي
لا فيه انا شفت فتوى لشيخ يقول انها حلال ولا تعتبر من الوصل لانه لم يتم ايصال نهاية الشعر بشعر اخر