صباح / مساء الأشَواق
آخر 3 أيام كنت بإجازة وَ غالباً لما أكون بإجازة أو لما أكون مشغولة بالترفيه عن نفسي فعلياً آنسى شي إسمه إنترنت عن غير قصد ،
أستثقل أدخل الإيميل أيضاً أستثقل أدخل شبكات التواصل الإجتماعي سواء آنستقرام تويتر ، وَ بما فيهم اليوتيوب وَ البلوق وَ الواتس آب، وَ ما أحب أتصفح الإنترنت بالمُجمل وَ أهجر أغلب التكنولوجيا بما فيهم التلفزيون ( نفسية )
أعتقد هالشي واضح فيني بما إني أغط فترات طويلة بين الفينة وَ الفينة ، اليوم لما رجعت لمجتمعي الإفتراضي بعد وابل من التنبيهات لبنات عزيزات علي بهالمجتمع حابيين يتطمنون علي وخافوا يكون أصابني مكروه ، خمسه آموااااح لكم
خطر ببالي هالموضوعِ ~
– هل شبكات التواصل الإجتماعي تعبر عن حقيقتنا ؟
– هل الحياة المثالية إللي نشوفها ببعض البروفايلات حقيقة أم إدعاء ؟
– ما مدى التشابه بين شخصياتنا الحقيقية وَ شخصياتنا بالنت ؟
– مامدى مشاركتك لحظاتك السعيدة أو الحزينة في هذه الشبكات ؟
كل هالأسئلة برد عليها وَ ياحبذا لو تردون عليها أنتم بعد ..
لا يخفى على الجميع غزو شبكات التواصل الإجتماعي لكل بيت خاصة مع ظهور الأجهزة الكفية أصبحت موبايلاتنا ماتفارق آيادينا وَ كأنها أصبع سادس وَ نصيب الأسد لتصفحنا هي شبكات التواصل ..
طبعاً فيه من الناس إللي محافظ على إتزانة وَ يعرف يوازن بين علاقاته في الحقيقة وَ علاقاته الإفتراضية ..
وَ فيه من الناس إللي أشوفه أصبح مثل الزومبي أو خل نقول الحاضر الغائب حتى وَ الأشخاص الحقيقين حوله مهمشهم وَ متواصل مع الأشخاص الإفتراضيين للأسف هالشريحة من فترة كانت مقتصرة عالمراهقين الحين حتى الكبار تحولوا زومبي ، آخر مرة شفت خالي وَ هو أكبر أخوالي عمره بمنتصف الستين أو أخرها ، بنص الجلسة كان معنا وَ النص الثاني مع الواتس آب
دخول النت بحد ذاته لكل بيت أوجد ثَورة بحياتنا خاصة المجتمعات المغلقة أمثالنا ، وَ دخول شبكات التواصل أوجدت ثَورة أخرى ، بالرغم من تحفظ الناس بالعالم العربي على حياتهم وَ خوفهم من العين وَ الحسد إللي ظل مُسيطر فترة طويلة على تفكير الأشخاص يمكن لين عام 2000 ..
وش السبب إللي خلى هالمجتمع يتخلى عن هالأفكار في فترة قياسية ؟
هل هو إغراء مُشاركة الناس تفاصيل حياتنا ؟ هل هو الرغبة في تكوين أصدقاء جدد أو بالأصح تجميع فولورز ؟
أم هل هو الرغبة بالربح من هالشبكات ؟ بما أن البعض كون أرباح لايستهان بها وَ أصبحت بعض الحسابات أشبه بقنوات ربحية
بغض النظر عن السبب هو واقع نعيشة أتفهم أدمان الحسابات الربحية لهالشبكات ، إدمانهم راح يفسر عمل متخذينة كوظيفة لهم ، أتفهم أيضاً هوس المراهقين ..
بس إللي أستغربة الحسابات إللي لناس ناضجين ، ماتتجاوز 500 متابع أو ألف متابع وَ عدد صورهم تتجاوز 3 آلاف ، وَ تنزل يومياً أكثر من 6 صور تعرض كل تفاصيل حياتها وَ محد حولها وَ لا يتفاعل معها حتى 25 شخص
ليش؟
هل هم ناس غير إجتماعيين وَ هل كونهم يسولفون للغُرب = الأغراب يعوض النقص الإجتماعي عندهم ، أو هم ناس يحلمون بحياة مثالية وَ يعرضون أفضل ما في حياتهم عشان يقولون إحنا واو وَ يحسسون نفسهم إنهم واو أو يقهرون ناس هم بالأساس موجودين بحياتهم الخاصة ، وَ لا الدعوة مع الخيل ياشقراء
حقيقة ما أعرف السبب وَ لا لي الحق أحلل شخصية أحد لأن كل إنسان حر بحياته وَ يسوي إللي يعجبة ، لكن إللي أعرفه إن كل كلمة تكتبتها بعالم النت أو صورة تنزلها أنت محاسب عليها وَ أصبحت موثقة وَ مافيها تراجع حتى لو حذفتها بتظل موجودة بذاكرة البعض وَ لو عندك أعداء بيسجلونها لك .
هوس المشاركة قد تدينك أحياناً ~
مرت علي قصص لبعض الناس تتعلق بهوسهم بالمشاركة صراحة مدري وش أقول عنهم مُتخلفين أو أغبياء أو مو بشر .
• مرة وحدة بالفيس بوك مصورة مبلغ مالي كبير نسبياً ( ربطات فلوس ناسيه بالضبط كم يمكن 40 ألف دولار )
وَ كتبت إنها ببيت جدتها على ما أعتقد أو فلوس جدتها وَ الغبية حاطة اللوكيشن ( خريطة الموقع)
طبعاً بأقل من ساعة سطوا جماعة على البيت وَ الغريب إنهم مالقوا الفلوس إللي كانت تهايط فيها البنت فسرقوا الأجهزة وَ الشغلات الثمينة ببيت الجدة ، لابوك لابو جدك يالغبية المهايطية وَرطتي الضعيفة
• وفيه قصة عرضوها بالأخبار لمُراهق قتل زميل له في الدراسة الظاهر تهاوش معه وَ ضربه على راسة ، وَ الوقح أو الغبي بمعنى أصح تصور مع جثة زميله وَ عرضها بالسناب شات ، وَ شافتها خالة القاتل وَ بلغت عليه الشرطة ( بالله هذول بشر وَ لا وحوش )
جد جد وَش صار في الناس وَش هالوحشية ؟
أذكر قبل 3 سنوات أو سنيتن قريت مَقالة عن تبلد مشاعر الناس ببريطانيا وعدم تقديمهم يد المساعدة لمحتاج
يقال إن كاميرا المراقبة بأحد الخطوط السريعة ببريطانيا سجلت حادث سير ، طلب فيه المُصاب المساعدة من الماره ، للأسف محد ساعده وَمات في الطريق ، ما أذكر الحادث بالضبط يمكن حادث إحتراق سيارة أو شيء من هالقبيل ، المشكله مو هنا ، المشكلة إن كل إللي مروا صوروه وَسحبوا عليه ، لدرجة إن الشرطة قاموا بتعقب لوحات السيارة إللي صوروا على أمل أن يتم مقاضاتهم
عاد آقصى شيء إحنا نَسوية نكتب بأنستقرامنا يالله اليوم جايينا ناس لزقة ههههههه وَ نصور شلة الأكواب وَ الحلى حقنا ، وَ عاد لو صادف شافوا الصورة بيزعلون علينا لووووول
مامدى التشابه بين شخصياتنا الحقيقية وَ شخصياتنا بالنت ؟
شخصياً حياتي تشبه آنستقرامي بشي واحد ، وَ هو ميلي للخصوصية ، بطبيعتي ما أحب أتكلم عن حياتي الخاصة وَ لا عن تفاصيل حياتي فكثير من إللي أعرفهم مايعرفون مثلاً إن عندي حيوان أليف مع إنهم يدخلون بيتنا ، كثير ما يعرفون شَكل غرفتي وَ لا حَتى شكل صالة البيت
70 ٪ من الناس إللي أعرفهم معرفتي بَهم سطحية ما أحبهم يخترقون مجالي وَ لا أخترق مجالهم أشوفهم بجمعاتنا وَ ننشئ حديث وَ نضحك وَ نسولف في نطاق المناسبة ، لكن مأبي أتعرف عليهم أكثر وَ لا أطور علاقتي بهم ما أبي أزورهم وَ لا يزوروني مع إنه مُمكن نقعد بسفرة طعام وحدة يجمعنا عيش وَ ملح عند أصدقاء مشتركين
وَ مع إني أنبسط معهم لكن أدرك إن علاقتي بهم جميلة ضمن هالحد وَ هالإطار لا أكثر وَ لا أقل وَ البعض من هالناس يعتقد إني البنت المغرورة السطحية إللي تحب الماكياج وَ الماركات وبس .
وَ الحقيقة هذا هُو كلامي معهم لأنهم سطحيين أتكلم معهم بما يعقلون لأن أي حديث معهم راح يحسبوني أتفلسف معهم
وَ لذلك أنا مابي أطور علاقتي معهم لأنهم على قولة المصريين مايلزمونيش وَ لا راح يضيفون لي شيء .
يبقى الـ 20% من العلاقات ، 10% منها علاقات كانت أقرب لصداقات أعتبرها بردت مع الزمن وَ البقاء بها مجرد مجاملة إكراماً للأيام الماضية الجميلة وَ أصبحت أشبه بعلاقات الأقارب ، وَ 10% علاقات قريبة وَ مع قربها إلا إني راسمة خطوط حمراء ممنوع أحد يتجاوزها 2% منهم فقط قَراب مني بدون خطوط حمراء وَ مع ذلك أنا ماقربتهم إلا لأنهم محترمين خصوصيتي ههههه صار لغز
وَ أخر ١٠ ٪ ناس قَطعت علاقتي بَهم نَهائياً
بالحياة الإفتراضية إن صح التعبير أشارك كثير من الخصوصيات إللي تتعلق بالمشاعر أو التجارب لهدف ما أو لخدمة فكرة أو مشاركة تجربة ، كل شي كتبته عني حقيقي وَ إللي ما أبي أشاركه بإختصار أحتفظ فيه لنفسي وَ هالشيء سهل بما إني بلوقر مُحور حديثي دائماً عن المنتجات .
يعني آنستقرامي وَ حسابي بالتويتر مو أساسة يومياتي إنما تدويناتي مع إن بعض التدونيات تحمل داخلها كثير من الأمور الخاصة إللي أحياناً ما أشاركها مع الناس إللي أعرفهم شخصياً ( إزدواجية )
بالرغم من تحفظي سواء بالنت او بالحياة إلا إن بعض الناس إللي أعرفهم بالحياة الشخصية عرفوني من آنستقرامي وَ مدونتي يقولون عرفناك من كلامك وَ من فلسفتك سبحان الله نفس اسلوبك كأنا نشوفك تتكلمين قبالنا ، مع إن نفس هالناس دايم ينقدون علي يقولون على إنك عفوية إلا إنك غامضة
في حال خطر ببالكم ليه أنا غامضة بالحياة وَ ما أحب أتكلم عن حياتي ؟
يمكن تأثرت بأخوي الكبير من هالناحية يدعي للكل إنه منفتح وَ صديق وَ فعلياً هو يسمع منهم لكن مايعلمهم شيء ، فَيخيل لهم إنه صديق الكل بينما واحد منهم صديقة فقط .
هالطريقة أريح طريق للدماغ خاصة للحريم مجرد ما يعرفون الناس تفاصيل كثيرة عنك يبدون يقارنون حياتك بحياتهم وَ تبدأ الغيرة وَ قلة الحياء ، لذلك أحب أكون سطحية مع الجميع وَ فقط أقّرب الأشخاص إللي أثق فيهم وَ أفديهم بروحي وَ باقي الناس مايهموني .
أيضاً كثير من المواقف وَ المشاعر حلو الواحد يحتفظ فيها لنفسة لأنه لو بيوم من الأيام قالها لأحد راح يظل يذكره فيه ، على سبيل المثال : لو يوم صار بيني وَ بين وحدة مشكلة وَ تزاعلنا ، وَ قمت مثلا قلت لـ س من الناس هالمشكلة ، طبيعي بترجع تسألني هاه تصالحتوا وَ لا بعد ، وَ لا بتحاول تتدخل تصلح بينا أو على الاقل بتقولي مايجوز في الشرع أعمالك معلقه …. وَ الخ من هالكلام ، مو بالضرروة تكون ملقوفة ممكن إنسانه خايفه عليك وَ تبيلك الخير
مع العلم إني مع الناس إللي أحبهم و أثق فيهم مثل الكتاب المفتوح كل شي أقوله حتى نيتي لكن أخبي شغلات عليهم لأني أخاف على مشاعرهم .
مثلاً مرة أخوي الصغير كان يتدرب وَ قتها على السواقة وَ كنت معه أنا وَ أختي وَ صار معنا حادث بس خفيف لكن الخطأ كان على أخوي ، لملمنا الموضوع بدون لا نقول لأحد أعرفهم أهلي يقلقون .
طيب بيخطر ببالك ليش انت غامضة بالنت بعد ؟
ههههه السبب بسيط لأن أخاف الناس إللي يعرفوني بالحياة يعرفوني وَ يخربون حريتي الفكرية وَ متنفسي بالعالم الإفتراضي لأن الكتابة بالنت أعّدها هواية تسعدني وَ على فكرة تم إختراق هالخصوصية يعني صار كثير يعرفوني ( فهمتوا شيء )
وَ فيه أمور مالها علاقة بالغموض إنما مرتبطة بالميول على سبيل المثال : تطبيق الآنستقرام تطبيق اشتهر بالبداية انه لليوميات ، عاد ماشاء الله وَش قولكم عن يومياتنا بالسعودية ؟ نصها أكواب قهوة ، صور أطفال ، أكل ، أكل ، أكل ، أكل ، أكياس ماركة ، مطعم ، أكل ، أكل أو شنطة ماركة فوق الطاولة وَ أكل ههههههههههه
عن نفسي ماتستهويني هالصور ، هذا غير إني أول ماشوف الأكل مستحيل أنتظر ثواني عشان آخذ صورة تذكارية له ، مع إني أكوله نوعاً ما وَ الحمدلله ناكل كل مالذ وَ طاب وَ سفرة طعامنا كاملة وَ مرتبه بس مدري مالي خلق أصورها ، وَ بالمطعم نفس الشي تفكيري منصب آكل ثم آكل ممكن بعدين أصور الحلى لوووول
أيضاً من الشغلات إللي تعيقني عن تصوير اليوميات العَفوية ( بدون فلاش وَ كاميرا إحترافية ) هي إضاءة البيت ،تراي وطواط من جد كل أنوار البيت خافته ما نحب الأنوار القوية لذلك يجي ببالي أحياناً أصور شيء بالصالة أكتشفت إنه مايبان هههههه ظلام ، فَتلقوني أخذ الشي لغرفتي وأصوره بما إنها الغُرفة الوحيدة إللي مركبتلها أنوار قوية عشان الماكياج ( أمحق يوميات )
بعد من الشغلات إللي تعيقني ما أحب أصور وَ فيه جماعة مُحترمة حولي أحياناً اصور وَ لا أحب أطقطق على النت وَ أنا مجتمعه مع أشخاص حقيقيين لاحقة عليه ، لذلك دائماً تواجدي لما أكون لحالي تواجدي بموعد البومات
هذا ناهيك عن إني أحب أعيش حياتي بتفاصيلها بعيوني المُجردة مو من خلف عدسة الكاميرا وَ لا أحب أخرب جَمال اللحظة بتصويرها ، مرات لما أصور الأكل ألاحظ تنسد شهيتي عن الأكل لدرجة إني افقد متعة التذوق ما أخفيكم إنه فيه لذة في مشاركة اليوميات بس لاتضاهي لذة مشاركة الأكل مع أشخاص حقيقين وَ إنشاء أحاديث معهم على سفرة وحدة .
وَ بالأخير صح بالنهاية أنا عندي عَدد مُتابعين لابأس به بس مو كلهم أصحابي وَ لا كلهم يحبوني وَ لا الكل يتمنى لي الخير فيه ناس تنتظر علي الزلة
ما مدى التشابه بين شخصيتي الحقيقة وَ شخصيتي بالنت ؟
الإنسان بطبعة يميل للتركيز على الجوانب الإيجابية منه وَ فيه ناس بالأصل معميين يشوفون كل شي فيهم بيرفكت وَ يحط كل عيوبه بالناس وَ كأن هو واحد من الملائكة ، أعتقد وَ الله أعلم إني أشبه نفسي من ناحية الطباع ، يعني نفس الإندفاع وَ الحماس ، وَ العصبية ، لكن إنتم ماتسمعون صوتي
وَ لا تشوفون شكلي يعني يظل لتصوركم الدور الأكبر في فهم شخصيتي ، صعب تفهم أحد من مجرد كتابة ، لكن أشوف إن جانب كبير مو مبين بالعالم الإفتراضي ، يعني أعتقد الكثير رسم صورة لي إني عاقلة ، بينما أنا بالحياة مجنونة وَ طفلة أحياناً وَ متوحشة مرات ، بالحياة مرحة وَ كلي طاقة
حركتي سريعة يعني من الناس إللي مَبين متحمسين وَ نشيطين ، بالحياة إجتماعية وَ أحب أدير حوارات بينما بالنت مو مبين هالشيء
بالنت مبين أكبر إهتمامي هو العناية بالشكل وَ الجمال بينما بالحياة أهتم أتعلم أمور كثيرة بعيد كل البُعد عن التجميل
حياتي مو ملك لي لحالي إللي أعرضه مُفترض ما يخصني فقط لا أكثر وَ لا أقل مالي حق أصور عيال أخواني ، عيال أصحاب العيلة ، أذكر فيه بنات يقولون لي بالانستقرام أحسك وَحيدة مثل الأجانب إللي عايشين مع قطاويهم هههههههههه ، مع العلم المَرة إللي جلست فيها بالبيت لَوحدي كُلياً ما تتجاوز ٣ مَرات بحياتي كُلها ، يعني محداً بالبيت إلا أنا
وَ لا أقصد فيها العَمالة المَنزلية ، أقصد أفراد أُسرتي ، الحمدلله نَحن أسرة أغلب أفرادها مُترابط ..
وَ أنا أحيي أخوي الكَبير بالرُغم إنه رَجل ، دايم يسأل وَين فلان ، نام ، قام ، صَحى .. وَش نظامه اليوم ؟!
مافي شيء عَندنا أنام القَيلولة وَ أسحب على أهَلي وَ لا أنام ١٢ ساعة .. دايم ببالهم السؤال وَينها ؟!
بروتوكول الغداء مُمكن يتأجل لو أحد تأخر بشغله بس لازم نجتمع عالغداء ، ما عَندنا نظام كل واحد يتغدى لَوحده
وَ لا عندنا نظام بحط أكلك بالمَيكرويف وَ سخنه بَعدين ، حَتى عشانا سوآ غالباً ، لكن هو أكثر شيء نَخالف فيه لأن مُمكن واحد يتعشى مَع أصحابه
لكن فيه بينا ألو ما نَسفه بَعض ، لو أنا وَ أختي تَعشينا برآ مُمكن نجيب لأهل البيت من إللي أكلناه وَ بالمَثل نفس الشيء أخواني
وَ لو أحد أكل آيسكريم بيجيب لأهل البَيت آيسكريم ، حتى الأفراد ببيتنا إللي عايشين ببيوت مُستقلة مع أسرهم إذا ذاقوا شيء جَديد يجيبونه لنا .
لما أسَخن وَ لا أمرض ما أتغدى مَعهم ، يَحرجني أبوي لما يَجي للغرفة يقول هآآآه صَرتي أحسن ، وَ كأنه يقول يالله تَعالي تَغدي
أستحي حَتى لو كنت مَريضة وَ حالتي تَسمح إني أقوم ، وَ الله أقوم وَ أجلس عَندهم وَ هم ياكلون أحس إني أشفى بَسرعة مما لو إنعزلت وَ جلست بغرفتي لَوحدي
تصدقون فيه فترة كنت أحب أصور بعض المشتريات لاحظت المنتجات إللي صورتها وَ عرضتها بانستقرامي كرهتها هههههه جد طاحت من عيني حسيت إنها قديمة وَ كل الناس شافوها وَ ماصرت أحس بمتعة اللبس الجديد وَ كأني البس لبس قديم ( قلتلكم نفسية ) وَ فيه شغلات نَسيت إني إشتريتها لأن ما إستمتعت بلحظة شرائها ، إستمتعت بلحظة تَصويرها لووووووووول
أذكر قبل فترة بالانستقرام أشتهر هاشتاق عشرين حقيقة عنك .
كتبت 20 حقيقة ، وَ ذكرت أغلب الشغلات إللي كثير من الناس مايعرفونها عني ، الغريب في الموضوع إن كثير بنت هاجموني مع إرفاق كلامهم بكلمة ( انفولو) ،لأن أغلب الشغلات إللي ذكرتها هي سلبياتي بالأضافة للأشياء إللي أكرها لأن اغلب الشغلات اللي أحبها يعرفونها .
يعني أعتقد الناس يحبون المنافقين وَ يحبون الناس إللي يدعون الفضيلة عموماً ما ألومهم قد يكون الآنستقرام مو مجال للحديث بإسهاب فمحاولتي لإختصار الكلام كان سبب بسوء الفهم الحاصل وَ الله أعلم ( نحاول نلقى عذر لبعض النفسيات )
وَ البعض قالي خالف تعرف ، يعني قالوا إنك تدعين التميز بذكر السلبيات ، معقوله !!
عاد ألحين كل تطبيق صار أطين من إللي قبله طلعت تطبيقات مثل السناب شات إللي بعض الناس مابقوا شيء وَحطوه فيه بحجة إن المقاطع وَ الصور راح تختفي ، هذا غير التطبيقات إللي غصب تحط لك قائمة أصدقائك بالتليفون أو تحط اللوكيشن بدون ما تدري ، عُموماً إذا اليوم إنت ما تَهتم بُكرة يَمكن تَهتم وَ مُمكن تنشهر وَ اليوم إنت صَغير وَ عقليتك مُختلفة بُكرة تكبر وَ يصير عندك غيال وَ يحاجونك ، الناس ما ينسون ..
مُمكن اليوم إنتِ إنسانة عادية مُمكن بكره تتزوجين سفير ، أمير ، مَلك … إلخ
[ ماضيك التافه راح يَلاحقك ، الناس ماراح يحكمون على عُمرك وقتها ، راح يَحكمون على ماضيك فقط .. بغض النظر عن ظروفك وَ حالتك النفسية ، الناس يحبون يدورون الفضايح وَ عدم الكمال بحياة الآخرين ،هالشيء يحسسهم إنهم كاملين وَ إنهم طبيعين وَ ماينقصهم شيء ]
هل الحياة المثالية إللي نشوفها ببعض البروفايلات حقيقة أم إدعاء ؟
شخصياً ماشوف ملفي يعكس حياتي أبداً ، يعني أنا أكبر من أن أكون علبة شادو أو أصبع روج أو كُوب قَهوة ، ببروفايلي القديم كنت عادي ممكن أصور ساندويش بيض ، فلافل، شاورما ،كبسه وَ بعد أصور مطاعم حليلة ان كنت رايقة ، عموماً بالمجمل أنا من أنصار مشاركة التجارب سواء الانسانية أو الجمالية أو التقنية أو أي تجربة كانت حتى لو تجارب عن مطاعم تضل تجارب بس الأهم تكون تجارب صادقة حتى لو الغرض ربحي منها ، بس أهم شي يكون الانسان عنده أمانة وَ نقد سليم بعيد عن الترويج الكاذب . وَ لا ضير من عرض اليوميات بدون أكاذيب أو بغية الهياط أو تحسير الناس .
لكن أغلب إللي أشوفه في الملفات العربية بالذات الخليجية وَ تحديداً السعودية ، فيها كميات هياط بشكل مقزز ، وَ راسمين لنفسهم حياة بالآنستقرام وهمية
مثلاً شخصياً أعرف وحدة طقها زوجها لدرجة من قوة الكدمات غابت أكثر من شهر عن المجتمع ، وَمع ذلك مصرة بالعالم الافتراضي تدعي إنها واي حياتي حبيبي
وَ أعرف وحدة بليلة زواجها قالت لأمها مو شغلك كلي ز…. المشكلة قالتها قدامي يعني حتى ما أحترمت برستيجها وَ لا أحترمتني ، وَ التناقض كاتبه بالواتس أب حياتي وَ دنيتي أمي وَ هي بالحياة معطيتها الخامس
وَ فيه وحده أعرفها قبل شبكات التواصل كانت أغلى ماركة تشتريها ستراديفاريوس وَ بيرشكا ، وَ المطاعم ماتدل دربها حتى مطعم مثل الطازج ما تعرف وَين أراضيه مع إن حالتهم المادية ممتازه جداً جداً ،ما أدري هل لأنها بخيلة أو لأنها ماتعرف عن وجود هالشغلات بالحياة أو لأنه مو إهتمامها ، بعد شبكات التواصل
ماخلت مطعم ما زارته وَ لا بلد ما سافرته ولا ماركه هاي اند ماشرتها ، وَ كل هالشي بس عشان تهايط في هالشبكات وَ التغير كله ذا بأقل من سنتين راح نلقى لها العذر وَ نقول إن شبكات التواصل فتحت مداركها لشغلات يمكن ماكانت تعرف عن وجودها
كونك تسافر بس عشان تحط الحالة بالواتس اب to any where وَ تحط رمز الطيارة ، هذا يدل على إنك انسان مثير للشفقة ، كونك تطلع من البيت و تروح مطعم بس لأنك تبي تصوره يدل على إنك انسان مثير للشفقة ، كونك تسوي عزيمه وَش كبرها بس عشان تصور بهالشبكات الاجتماعية أيضاً إنت إنسان تحتاج علاج عاجل
إللي يصور يومياته وَ ينزل صور المطاعم الفارهة وَ الورود وَ الأحياء الواو إللي واضح إنها دخيلة ببعض البروفايلات ،مفترض يكون منطقي وَ يصور كيس الهرم إللي نص لبس بيته منه ، وَ لا يصور محلات طيبة وَ يقول شوبينق تايم ، مفترض يصور خبز التميس وَ سندويش الفلافل ، مفترض يصور الجريش وَ الكبسة ، محلات المندي عليها زحمة وَ محلات الفلافل وَ الشاورما وَ لاتميس بالطوابير ، عاد لاتقولون كل الشعب مايروح اإلا مطاعم فايف ستار ، طبعاً مو الكل فيه ناس مايرتادون هالمحلات لكن من المعروف إن شبكات التواصل تعلق بها الطبقة المتوسطه أكثر من غيرها من الطبقات
تدرون متى أعرف إن هالملف صاحبه محدث نعمة أو مدعي للحياة الفارهة ، لما يشتري شي غالي ، تلقينه ياخذ 10 زوايا للصورة من فوق وَ تحت وَ جنب وَ مره فوق السرير وَ مره فوق الطاولة .
أيضاً بعض المُدعين إللي يلقطون صورة مثلأً نقول شرت شانيل ، ترجع تعيد نفس الصورة بعد شهرين ، ترى حبيبتي حافظين العفطه إللي بالكيس ، ودي مرات أقول لهالبنات ترى الصورة مكررة عارفين إنك مَحتفظه بالأكياس ترى ندري إنك مَهايطية بس مخلينك تعيشين الحلم
وَ الهياط الجديد الكل ماشاء الله صار يسوي رياضة ، وَ تلقين بعض البنات ماتعرف من الرياضة إلا سنكرز الرياضة وَ على أساس أنا البنت الفيتنس وَ خروا عني ، وَ الغريب إن السعودية وَ الكويت على قائمة أكثر البلدان سمنة ، ترى أقولكم من الحين 90 % بالمية من الناس العرب إللي تكلموا عن الرياضه كذابين ، وَ أقولها عن ثقة لأني قريت لهم كل إللي كابتينه مايدخل العقل واضح إنهم ناقلين كلامهم من مُدربين رياضيين يبنون عضل ، يعني هي شغله تجيب فولورز لأ أقل وَ لا اكثر ، صح وَ بعض الناس إللي تكلموا عن الرياضة وَ خص نص عن السكوات ، لسبب الإغراء فقط لأن المقاطع تعرض بشكل أبعد مايكون عن الرياضه الغرض شوفوا الشنطة ، وَهالشي يجيب فولو ، يعني تقدرون تقولون محاولات مثيرة للشفقة لجلب الفولورز
وَ عفكرة أنا إكتشفت إن الناس يَحبون إللي يَهايط عليهم ، وَ بنفس الوقت يقولون : الملف يَجيب الغبنة ؟!
طيب إنتم إللي صَنعتوا الشخص المَهايطي ، لأن لو صَورنا ساندويش بيض ، بتقولون : مآآآآتوا فيه أحد ياكل بَيض .
يعني المُتابعين يَتحملون جَزء من المسؤولية وَ هم إللي يَخلون صاحب الحساب يَتجه للشغلات إللي آنتوا تَحبونها
أنا شَخصياً أحب الصَور إللي فيها حياة لايف ستيل ، وَ صعب تَطبيقه بُمجتمعنا يَعني زَي بروفايلات الأجانب أفكار بَسيطة بس بأرواح
ما أنكر أحب أصور نفسي مَع ليون ، بس لو نَزلت صَور بهالشكل نَصها بيكون سَخط وَ سب وَ لعن بالرغم تتبعون ناس يقدمون نَفس الشيء
بس أهم شيء ما يَكون أنا ، أنا أكثر صَورة ببروفايلي مآخذة لايكات صَورة تربيعة لي مَع أظافري
( إللي تَحبونه شيء وَ إللي تأمنون فيه شيء ثاني ، هالتناقض إللي مافَهمته بَمجتمعنا وَ لا راح أفهمه وَ لا آبي آفهمه )
دايم أفكر أسوي لي حَساب شَخصي وَ أنشهر فيه بَس ما أتكلم بالعَربي ، لأن العرب يحاربوني وَ يقاصصوني لأني عربية وَ مُسلمة
لكن ما عَندهم مُشكلة يتابعون حسابات تقدم نفس إللي بَقدمه لكن لأنها أجنبية عادي وَ كأن الحياة مُحرمة عَلينا
بتقولون دين وَ مادين ، الدين لرب العالمين فحاكمي إختياراتك مُسبقاً وَ حاكمي تَشجعيك ، صاحب المَبدأ هُو ضَد صور النساء بالمُطلق
فما نلقاه يَتبع لا كَيم كاردشيان وَ لا شلة اللا مَوهبة ..
ليش أعرض الجانب الإيجابي ؟!
شخصياً ما أحب أعرض أي جانب سَلبي ، لأن ما نَنسى لنا أشخاص يَحبونا يَزعلون بزعلنا ، يتعبون بَمرضنا
إنت مَن حبك لَهم ما تَبي تكدر خاطرهم أو ما تَبيهم يحملون هَمك ، فلو طَرحت شيء حَزين راح تَردني رسايل المَواساة
وَ إتصالات فَبضطر أرد عليها وَ هالشيء ماراح يَخليني أعيش حَزني ، بنشغل بإزالة أحزانهم .. فأنا أفضل السكوت ..
بحالة المَرض بنشغل بإستلام الوَرد وَ بتوصيف السواويق مَكان البيت ، فأبطل من المَوضوع كَله
بحال كَتبت حالة بالوآتس آب : عَطول يقولون لي سَلامات شَكله الحُب !!
أقول : وَ الله كلمة عَجبتني وَ أساساً مُقتبسة من أغنية ..
فيه صَورة بالآنستا نَزلتها بوقت كَنت زَعلانة فيه من قلبي ، كل التعليقات تحتها سَعآآآآآدة
هههههههههه كَنت أشوفها أقول لأختي : هههههههههه الناس مو دآريين عَن حالي الصَدقي وَ متخيلين سَعادتي
لدرجة فيه ناس يقولون شَكلك فَرحانة هاليَوم ، مَو كل شيء ينزل بَوقته صَح
المُهم للآن لما أشوف هالصَورة قلبي يَنكسر ، فنادراً ما أنزل لصَوري وَ لا مُغرمة ببروفايلي حَتى وَ لا يعبر عني وَ لا عَن حياتي
إنه بُمنتهى السَطحية للآمانة ، أكتب فَيه أستشف مَنه عقليات الآخرين ، وَ أستفز مَرات ما أنكر وَ أكتب بَطريقة تناسب الجَميع
خاصة إن الآنستا أغلبه مُراهقين ، لكن آرائي داخل التَدوينات هي إللي تَعبر عَني
وَ أخيراً المشاعر السَلبية بنظري لو كُتبت ، أحس تَعيشك الحالة فترة أطول ، حَتى لو شاركتها الآخرين
راح يَذكرونك بَها ، فأنا أفضل النَسيان وَ عدم التَطرق لها عشان ما تَجي ببالي ، وَ فعلاً فيه أشخاص توترت علاقتي بَهم
صَديت ، حَتى لو أشوفهم بَمكان عيوني ما تَلقط هيئتهم كأنهم أشباح ، أنا من النَوع إللي ما أبحث عن الماضي وَ لا أحربش بعلاقاتي بأشخاص مَلغيين بالنَسبة لي
حتى بالآنستا فيه ناس أرواحهم ما تتلائم مَعي ، ترى مو بالغَصب المَحبة ، المَحبة وَ القبول من الله ، مُمكن تَكون إنت إنسان صالح بَس ما تَعجبني
العيب مو بهالأشخاص ، العَيب بعدم التَوافق ، هالشيء ما يَسيء لهم وَ لا يسيء لي لكن آرض الله واسعة مو شرط إنت تصير صَديقي وَ لا شرط أصير أنا صَديقتك
أهم شيء تَفكني من شَرك
الهبة الجديدة ( المُصلح الإجتماعي ) ~
تمثيل دور المصلح الأجتماعي مثل مالفنانين العرب قلبوا الكل يتكلم عن السياسة ، هوامير شبكات التواصل صاروا مصلحين إجتماعيين أو مُناصرين لحقوق المرأة ، تلقين فاشونيستا ماتعرف تركب جملتين على بعض شغالة تتفلسف بالمجتمع وَ قلبت كوميديان ، حبيبتي ندري إنك مشهورة وَ حليلة لكن تركتي الفاشن
وَ مسكتي منبر الأصلاح الاجتماعي أو دور جيم كاري بحسابك ترى مصخت وَ الله ماتضحكين وَ كلامك ماغير تضحكين فيه على عقول المبزرة اللي يتبعونك وَ قاعدين يصفقون لك
أي مشهور في هالشبكات صار إما يلعب دور فوزية الدريع ، جيم كاري ، أو طارق الحبيب ، مافي مشكلة لو أبدينا رأينا في أحداث صايرة بالمجتمع ، وَ لا فيه مشكلة لو نكتنا حبتين ، أو نشرنا شغلات تبث الأمل بقلوب الناس ، المشكلة ننسى هويتنا الخاصه وَ نجرى ورى هالشغلات وَ نخليها مهنتنا
أوكي انا مثلا قاعدة اكتب شغلات عن المجتمع مثل هالموضوع هي مجرد وجهة نظر نشاركها وَ ندير حوار جماعي ، لكن ماأنصب نفسي ناصح للناس وَ لا أنتقد بأسلوب الوصي طبيعي ، لكن يظل الأساس هو الجمال مو أنحرف تماماً عن أساس الحساب أو فكرة المدونة
وأخيراً كونك سلكت طريق مشاركة الناس جزء من حياتك وَ كونت شهرة ، لابد تتحمل ضريبة هذي الشهرة .
بأمريكا وَ البلدان المتطورة لما واحد يرشح نفسة للإنتخابات ، تلقون المنافسين يغوصون في حياته الخاصه وَ يحاولون يطلعون بلاوية عشان يسقطونه ، فالمسكين يعتقد إن ماعنده مشاكل وَ حياته نظيفة تلقين المنافسين يطلعون مكالمات إباحية لزوجته مع مراهق ، وصور لبنته وَ هي تتخدر ، هو نفسه مايعرف هالتفاصيل عن حياته .
الغريب في الموضوع إن كثير من الناس عندهم فضايح بس أي إنسان تحت الأضواء يحكمون عليه بالسلب إذا عنده فضيحه ، مثل الخيانة الشهيرة لبيل كلينتون مع مونيكا مانساها الناس هل لأنهم مجتمع فضيلة ؟ أكيد لا لأنهم يحبون يشوفون الرموز أشبه بالملائكة
لذلك أي شهرة بأي مجال راح تلقون منافسين يحاولون يسقطونك ..
من فترة أشتهر صور لبعض مشاهير الأنستقرام قبل عمليات التجميل طبعاً زعلوا أصحاب الصور ، وَ كثير بنات زعلوا قالوا عيب الخوض في حياة الناس الخاصة …. الخ
صح هو عيب وَ لؤم لكن إنت السبب تحمل ضريبة هذة الشهرة بالنهاية إنت قاعد تربح الآلاف من متابعة الناس لحياتك فهالشيء ثمن زهيد مقابل ماتتقاضاه
[ أنا تضايقت جداً من الحسابات إللي نَشرت ، وَ حسيت بحرقتهم ]
على سبيل المثال مرة صورت فيديو لأظافري ، جتني مسبات طبعاً ( ٥ آلاف كَومنت سب وَ تقزز من ناس مُدعيين للإحترام وَ الفضيلة وَ بحسابهم كلمة : سبحان الله ) لكن هالشيء ما منعهم يمنشنون صديقاتهم وَ يقولون شوفي شوفي بَجمل كلها نَميمة وَ غيبة
مالي حق أقاصص الناس إللي علي أسوي بلوك للي يتطاولون وَ لو التَطاول قذف الله يَخلي القانون ، لكن أي شيء تعرضة تحمل نتايجه لاتلوم الناس أبد لوم نفسك قبل فكر مرتين قبل عرض أي صورة حتى لو كان ظاهرها مجرد يوميات ، لأن اليوميات تعكس كثير من الخصوصية وَ النفسية
بالنهاية ما أتمنى أحد يزعل من الكلام إللي قلته وَ أنا ما أقصد أحد بعينه إنما شغلة أصبحت ظاهرة وَكثير من المشاهير أصابهم الإنتفاخ وَ جنون العظمة ،وَ صاير يعتقد إن أي شي يقولة راح يلقى القبول ، لا تعقتد إن الناس إللي يصفقون لك الحين بيضلون يصفقون لك دائماً ، إنت مجرد وسيلة ترفيه للناس
ممكن تعرض مشكلة يتعاطفون معك اليوم ، بكره ينسونها وَ يتداولونها كحدث بمسلسل ، وممكن ينتقدونك وَ ينقلبون عليك هذا طبع البشر ..
مَن فترة حَصلت فضيحة لأحد المَشاهير بسوشيال مَيديا ، أحد البنات إللي أتواصل مَعهم قالت لي : شَفتي وَش صار بفلانة ؟!
قلت لها : الله يَجير إنه يَصير لي مَثل ما صار لها ، وَ تعاطفت مَن كل قلبي مع المَوضوع لان إللي صار لها هُو مُجرد فَخ وَ سوء إختيار لكن يَدينها وَ قانونياً بعد
لكن ما مَر على مَوضوعها إسبوعين وَ كنت بقع بَنفس فضيحتها ، لكن الفَرق إني تَداركت المَوضوع فَوراً وَ كان مَكيدة من شَخص حاقد
فأشكر كل إللي وَقفوا مَعي أو حاولوا يَدعموني وَراء الكواليس ( مَو كل إشاعة تُعرض حقيقة لكن لو واحد طَلع وَ قال كذبة ، ٧٠ ٪ بالمية بيقولون سَمعنا هالكلام وَ حتى لو كانت الدلالة واضحة بالبراءة محداً راح يَصدق ، لكن أنا شَخصياً أي شخص حاول يسيء لَسمعتي أو يطلع إشاعات أو يخرب علي .. فعلياً بقاضيهم بالقانون وَ بوصل فيها لأبعد مَدى وَ لو يَحترق قلب أمها عَشان أسامحها ماراح أسامحها ، وَ راح أجرها من بيتها جَر حتى لو كان تربطني بَها علاقة دَم .. راح تَنجر ، لأن إحنا نَبني سَمعتنا سَنين وَ بنفس الوقت نتنازل عن فرص وَ مبالغ مادية للمُحافظة على سَمعتنا وَ مصادقيتنا ، فما راح أسمح لأي شَخص يَدوس على طرف بيتي وَ يوسخه ، حتى لو كان بَمعرف وَهمي )
وَ الحمدلله تويتر ، الإيميلات ، وَ الآنستا كلها بَيد هيئة الإتصالات السَعودية ..
إنتِ مسموح لك تتطاول وَ تبدي وَجهة نَظرك بالقذف وَ نحنا مَسموح لنا نَتخذ الإجراء القانوني .
أتصدقون كان عندي سواليف كثير بهالموضوع بس نص الكلام كان ببالي وَ طار وَ النص حسيت إني بخرج عن النص وَ الموضوع بيكون طويل وَ ممل .
الباقي عليكم ، إللي ما كَملته كَملوه أكيد لكم وَجهة نظركم الخاصة ، وَ فيه جوانب مريتوا بَها أو لاحظتوها ما مَرت عَلي
ماتتصورين قد ايش احب ثرثرتك وبالأخص موضوع اليوم أختيارك فيه حلووو وبالنسبة للمواضيع الثرثرة هذا من اهم المواضيع الي كان ودي اقترحها عليك مثلا كيف صارت حياتنا عقب الانستقرام عقب ماصار الكل يقدر يشوف حياة غيره وأعاد صار فيه أسرار او خصوصية و سالفة تأثر الناس بالمظاهر اكثر والتكل المبالغ فيه وكيف الكل قاموا يقلدون بعض وكيف ان انستقرام اظهر سطحية الكثير سواء أفراد او مشاهير ولاتنسين اهم شيء حسابات السخرية والشماتة اة الي ألي صارت تشجع الناس ع الوقاحة وخلتهم وأعاد يستحون ولايراعون مشاعر غيرهم .
كثير خَسروا حياتهم الأساسية للآسف ..
وَ حبيت تواضع أحد الفنانات لما قالت ، إن شبكات التواصل الإجتماعية سببت للناس عَدم رضا عن حياتهم
وَ هم نفس الآشخاص إللي يصورون حياتهم البرفكشنية صاروآ يطمحون بالمَزيد وَ يعانون ، هذي مُشكلة وآقعية
وَ حسابات السخرية وَ الشماتة مُشكلتها مش صاحب الحساب وَ بس ، لما يلاقي صاحب الحساب التشجيع
شيء طبيعي راح يتَحمس بالنهاية هذا مصدر ربحي ، الخَزي وَ العيب كله لما يكون الحساب برعاية أطباء وَ مطورين للذات
قمة الخَزي وَ السطحية ، إحنا علينا كَأفراد إلغاء المُتابعة ، اليوم هالحسابات ما مَستنا بُكرة تَمسنا أو تمَس أحد العَزيزين علينا
هلا بالطش والرش والبيض المفقش
قرقرتك لها وحشه قد السماء وقطعت شغلي عشانها اصلا ايبادي جنبي كل شويتين احدث
المهم هذا تسجيل دخول سريع وبعد ماافضى راح اقراء بهدوء
بس موضوعك جداا ممتع
لي عوده
تَنوريني بَزياراتك وَ طلاتك إللي فَعلاً روحي تَعشقهآ
حَقيقة وَ ليس مُجاملة
يخلي لي روحك يارب
يااختي انتِ تنحببين بعقلك وجنونك وطفولتك الي خلف الكواليس وهالشي الي يخليني غصب اسجل دخولي واتواجد اول ماتنزل تدوينتك
الاستقرام احيانا ادخل متاخره بس مع خاصيه التنبيه ان شااء الله مايفوتني الكلام معك متعه قلبيه لي
شبكات التواصل مفروض يكون المسمى شبكات التقاطع
ماوراها الا وجع الراس ٩٠٪ هياط فشخره ع الفاضي الفاظ بذيئه ناس تشوفي حساباتهم تقولي ماشاء الله تحسي كميه عقل وادب وجمال روحي
مجرد ماتدخلي معها في نقاش تقولي يارب النجاه
اعترف اني انسانه موازنه حياتي مع النت بصفه عامه ومن سابع المستحيلات افعل النت بجوالي اذا طلعت خلاص طالعه لشغلي عند ناس اغير جو ليه اجلس ع النت ووقت فضاوتي اخذ راحتي بعد مااخلص شغلي الخاص والعام
الناس من الكبت ماقدرت تعبر بحياتها ومالقت الا شبكات التواصل ولا تنسين اغلبهم تحت عمر ١٣ مايعرفون الصح من الخطاء ويقلدون
وفيه ناس متخفيه تحت اسم وهي عشان اخذ راحتي اسب اشتم امدح مااحد درا عني لكن الله يعين الي يعيش بحياتها
استقرامي مايعرفونه الا ثلاث صديقات وكل من يطلبني اقولهم خاص والبعض يلح اقولهم اذا رجعت البيت ارسلتها تصريفه ع اني نادر مااانزل
السناب شات هالبرنامج احسه بيت مفتوح ولا فكرت احمله ابد انتهاك الخصوصيه
تدرين حبيت اسلوبك بالحياه كل شي له حدود
قولي لي يوم انكسرت رجلك ايش حطيتي حالتك بالواتس حطيتي رجل وعصا ههههههه ترا امزح امزح
وصباح سعاده
حبيت يارب النَجاة ، وَ فعلاً شكلك إنتِ إللي قلتيها لأن مَرت علي كلمة شبكات التقاطع ..
بالنسبة لي مَحملة السناب شات وَ متواصلة مَع إنسانة صاحبة شركة وَ ما تعرف مَين أنا ، كل يَوم أرد عليها وَ لا أفوت شيء من سناباتها
وَ هي إنسانة غير مَعروفة ، دلتني عليها صَديقتي وَ أضفتها لكن كلامها راح يَفيدني بَشغلي، مَرة وَحدة كانت تتكلم عن مشاهير الآنستا هي حسابها بالآنستا يمكن مافيه إلا كَم حبة
قلت لها إن حسابي فيه ١٨٠ ألف ، وَ مع ذلك إستفدت مَنك لكن ما تطرقت لأكثر من ذلك ( وَ أقدر أوطد علاقتي ) بس ما آبي ..
فسبحان الله مُو شرط يكون الشخص المَشهور هو إنسان ذا مَنفعة ، إللي شفته على العَكس تماماً ..
أكثر منفعة أخذتها من ناس أقل شُهرة ، المَشاهير ما أخذت منهم شيء إلا الهياط
يوم إنكسرت رجلي كانت علاقتي بالبيبي آكثر مُش بالوآتس ، فحطيت صورة رجلي بالبيبي لأن كان لها سالفة مُضحكة
يعني ماكان حادث أليم آبداً ، حتى الدكتور ما صَدق إن رجلي مَكسورة ، لأني كنت أضحك وَ نمت وَ تغديت بعدين رحت عند الدكتور لما شفت لونها صار أزرق بس ماكان فيه إحساس
اولا اهلا وسهلا وحي هالطله الجميله
ثانيا يالله كلامك كيف جممميل مدري احس عميق عميق جداً
انا اقولك بصراحه انا في انستقرامي مجرد متابعه لا احط صور ولا شيء والسبب مو بكيفي بصراحه يعني زوجي مانعني احط مع ان بإصراري شوي بيوافق بس مريحة دماغي
والسناب احسه يقهرني صح احب اتفرج بس انقهر ع اشياء كثير احسها تطير
يعني انا احب اصور لما اسافر اطلع اروح اجي احسها تبقى ذكرى لي بعدين ولما اشوفها ارجع لوراا
بصراحه مو عارفه اعبر ولا اقول بس بجد ماشاء الله عليك
حلو انو عندك حدود و علاقاتك مرسومة
الحمد لله ماقد تعرضت للتطفل من احد ابداً
واتمنى ما اتعرض له
وشكراً
>> كلامي من كل بستان زهره :)))
شَوفي أنا كَنت ضَد الرجال إللي يَمنعون زَوجاتهم من الآنستا لكن الآن صَرت أتفهم مَواقفهم
أنا عآيشت بنات أزواجهم مانعينهم من البيبي وَ من الوآتس آب ، يقولها : بتجلسون تتكلمون شريت وَ ماشريت وآخرتها بتنقلبون علينا
الرجال زَمان كانوا يكرهون جَمعات الحريم اللزم عشان القيل وَ القال ، وَ هذا جاب لي وَ هذا ما جاب لي
وَ لأنك زَهرة كلامك من كل بُستان زَهرة ، وَ الله يَحميك وَ يبعدك عَن التطفل
حبيت التدوينه قلتي كل شيء ودي اقوله
الله يكفينا شر بعض الناس لان جد اكتشفت ناس ظنيت انهم يجبوني وكنت اخبرهم بعض الاشياء اللي تخصني بس بالاخير طلعوا حاقدين علي ويدورون الزله ويطلعون عليك كلام ماقلتيه بس حسبي الله ونهم الوكيل
الله يآخذ حَقك منهم ، إن الله يُمهل وَ لا يُهمل .. وَ شفتها بعيني مافي أحد يأذي شَخص إلا يَطيح بشر أعماله
بحياتي ما شَفت أحد نَجى من عَقوبة الظُلم وَ لو بعد مليون سَنة ..
نَورتيني وَ الله يَريح قَلبك ..
حبيت التدرينة،، أحب تدويناتك اللي كذا
تنور فكري و جد جد تفيدني
وانا زيك في نقطة اني اذا كنت عند احد مستحيل امسك الجوال
او اصور الا فيما ندر
ومن المواقف اللي جد فاجأتني
مرة صديقاتي مسووين لي احتفال
وبس جابو الكيكة على طول الكل سكت وصاروا يصورون بجولاتهم!
طبعاً انا وجهي صار علامة تعجب كبيرة
وجلست استناهم لحد ماخلصوا تصوير وسناب بعدين كملنا 🙂
وايوه اهم شي
اني صرت مضرب المثل في العايلة حتى جدتي تقول خليكم زيها
ماشاءالله عليها ههههههه عشان ماتشوفني ماسكة جوالي وانا جالسة معهم
هههههههههههههههههههه يَعني ما قَصروآ وَ الله ..
بس ضَاعت الكثير مَن المُتعة مَع التصوير ، يالله تشفع لهم المٌفاجأة
وَ سبحان الله شَفتي إحساس جَدتك !! لأن هالتصرفات تَحسس الكبار بالتَهميش
هُم لا هُم فاهمين فلورز وَ لا كُومنت وَ مهماً شرحتي لهم ماراح يَفهمون وَ لا يستوعبون
أنا مَرة جربت أفهم وَحدة كبيرة سالفة إن عَندي مَوقع
مرة ضَحكتني ، عَزمتنا وَ قالت لي : إقفلي مَوقعك وَ تعالي ههههههههه
يآحلوها تَحسبه زي المَحل وَ اللا الدَكان وَ طول العَزيمة تَقول فيه أحد بَيفتح بَدالك
أقولها لأ هو يدير نفسه بَنفسه ، ما أستوعبت فديت قَلبها
وَ للآن تقولي نفس السالفة
تكملة:
صرت اذا طلعنا مكان وشفت اخواتي يصورون ويطولون في التصوير
اقولهم وش استفدتو!’ خلاص نزلي الجهاز واستمتعي باللحظة
لآزم يَتنبهون ، حَبيت تصرفك ..
لأن مُمكن يوماً ما نفقد هالأشخاص بنندم ، عالأقل فيه حسابات مَن ورآها فلوس بنقول يَعوضون آهاليهم بالفَلوس
بس أنا إنسانة عادية وَش بستفيد ؟!
بخسر أحبابي على حَساب ناس مَجهولين مُمكن يصيرلهم شيء بحياتهم يخليهم يختفون بدون سابق إنذار
رجعت اقرا الموضوع مرة ثانية صراحة تدوينة اليوم جدا شيقة وماتوقعت تتقدرين تتكلمين عن نقاط كثيرة مهمة بايجاز باختصار تدوينة اليوم شملت اشياء كثيرة صعب حصرها لكن ماشاء الله عليك قدرتي تصيغين التدوينة بافضل طريقة ومانكر ان فيه عقليات ماراح تفهم كل الكلام فوق مش معناه هو موب واضح او انك فشلتي بايصال الفكرة لكن فيه ناس عقولهم ماتستوعب هالكلام الكبير.
بخصوص سوالك هل شبكات التواصل الإجتماعي تعبر عنا حقيقتنا ؟ انا اشوفها ممكن تعبر بالنسبة 20 بالمية بالكثير لانه بالوسايل هذي اقدر اقول رايي بحرية اكبر وفيه ناس نفس تفكيري عكس الواقع صعب الاقي شخص يفهمني لكن بصراحة انا احب احافظ على خصوصيتي واولها رفضي اني اعظي حسابي لاخد يعرفني نادرا لان الملاقيف كثير ونيتهم شينة غير كذا اهلي يرفضون اني اظهر هويتي او تفاصيل حياتي بالرغم مرات اقدر بس ماشوف حاليا ان عندي شي يستحق اني اشاركه مغ الغير بس هذا مايمنع اني مرات اساعد غيري لو اعرف المعلومة .
(((((((( إللي أستغربة الحسابات إللي لناس ناضجين ، ماتتجاوز 500 متابع أو ألف متابع وَ عدد صورهم تتجاوز 3 آلاف ، وَ تنزل يومياً أكثر من 6 صور تعرض كل تفاصيل حياتها وَ محد حولها وَ لا يتفاعل معها حتى 25 شخص
ليش؟
هل هم ناس غير إجتماعيين وَ هل كونهم يسولفون للغُرب = الأغراب يعوض النقص الإجتماعي عندهم ، أو هم ناس يحلمون بحياة مثالية وَ يعرضون أفضل ما في حياتهم عشان يقولون إحنا واو وَ يحسسون نفسهم إنهم واو أو يقهرون ناس هم بالأساس موجودين بحياتهم الخاصة ، وَ لا الدعوة مع الخيل ياشقراء)))))
وبخصوص عينة الناس هذي انا كثير لاحظت من قرايبي الي اعرفهم كيف شخصيتهم مختلفة تماما وكيف يحاولون يعوضون نقصهم وتهميش الي حولهم لهم هذ غير الهياط بالفلورز. لكن هذا مايمنع انه تظهر جزء من شخصياتهم وعيوبهم مثل الي يتابع بعض الحسابات القذرة وهو بالواقع يدعون الدين والعقل .
وبصراحة اكثر تدوينة من كثر ماهي شيقة وكان ودي اعلق على كل نقطة ذكرتيها بس ماعاد قدرت الحق لكن لي رجعة لو قدرت .
ومدام اليوم التدوينة عن هالموضوع الدسم تراك ذكرتي يوم انك راح تتكلمين عن شعب لبنان وحبهم للحياة وجاز لي الموضوع حيييل عاد حطيع بعين الاعتبار ومن ضمن المواضيع القادمة .
ودمتي بخير ارتوستنا,,,
دآآآ كَتير عليآ ( أقريها بلحن)
وَ صراحة الآن بعد ما خَلصت إكتشفت إني نَسيت ٣ نَقاط مُهمة جداً ، لكن عادي بَضيفها بَتدوينة أُخرى
لأن الكلام دائماً لا يَنتهي ، إنما مُتجدد ..
بالَنسبة لشعب لبنان بإذن الله لو بيتم المَوضوع بحاول أنزله بطريقة ما تَزعلهم لأن دائماً الكلام يشمل الإيجابيات وَ السلبيات
وَ بما إني غير لبنانية لو تَكلمت بالشيء السَلبي ، راح أثير حَفيظتهم بس بحاول أستأذن من كَم شَخص قبل ما أتَكلم وَ بيكون مَوثق بالصَور يارب يآكريم أقدر أحقق قريباً ..
وَ فهمت مَقصدك بخصوص قرآيبك ..
صبآح الفل و الموضوع حلو يخليك تبربرين شوي ههههه، ودي كثرتي بالعكس كلامك كله واقع هالمجتمع اللي مدري وش أقول عنه أنا شخصيا ما أحب أنزل عن حياتي الشخصيه خصوصا صور أبوي لووووول لو نزلتها ممكن يلبسوني بمية تهمه أمس فكيت إنستا لوحده و إنتي تعرفي قصدي و كان معهم أبوي و كانو ٣ رجال و حرمه معهم تعالي شوفي التعليقات من القهر والله كنت برد و أسب أحترقت ناس غبيه و جاهلههه والله ماعلينا دايم نشوف هالكلام ، يوووه بعض الناس حفظو بيتنا شبر شبر من كثر مامتروه لقافه ذابحتهم يدخلون بكل وقاحه غرفتك فجأه لكن وش نقول جهل ، بنت عمتي مرآهقه مره صورت فديو ف غرفتنا و نزلته كان فيه قطوتي تلعب طبعا نزلته بالإنستا مسكتها قلت يالله أمسحيه مو من حقها لو هي مانزلته و مسحته عصبت جد أحيانا أخذ قطوي و أخبيه بغرفه و اخليه إذا جو تقول عمتي طلعيه يبون يشوفونه قلت لأ مو لعبه يهبلون فيه و صارو يزعلون مني و يسموني نفسيه ههههههههه ، حتى أحيانا عماتي و بناتهم يطلعون طلعة بحر ولا أروح أجلس بالبيت م أسمح لنفسي أروح لناس طعنو بشرفي و متحمله و ساكته لا و الأدهى يقولون لأمي يووو الطلعه بدون نوف بايخه ههههههههههههه أخخخ يالكذب ، عموما إنتي بالإنستا غير و الواتس غير لووول يعني فرفوشيه وماتوقعتك كذآ والله بس أحسك بشموآه غير بالإنستا يعني ماتنلامين الإنستا عندي صار مرآقبه مره خالتي كلمتني قالت نوف قفلي حسابك قلت نعم ؟ قالت أهل الحاره عندنا يتكلمون بيدك قلت وش أسوي خايفه ولا قصدها بيعطوني عين ككاكك قلت لا مابقفله وسحبت عليها و زعلت .. يوم فتحت حسابي وجوني فلورز ندمتتتتتتت ندمت لأني أكره الشهره عشان أب…. تعرفين ههههه ولا أبي أشتهر ولا بقدر أصورلهم هالأظافر و خلاص بس أغلبهم مصلحه عشان بس وش يطولهم ووش ووش مو كلهم طبعا بس ندمت ولا صرت أنزل
خلصت بربرتي فديت الأنامل و الموضوع حده ينن ههههه
هههههههههههههههههههه بالرُغم أبوك إنسان يٌفتخر به لكن إللي عَقله صَغير راح يَلبسك التُهم
أو إللي يبي يَقتص مَنك ، يعني راجع لأنفسهم ، وَ للأسف هالمُجتمع ماراح يَفهم الحُريات الشخصية وَ يمكن هالمُجتمع بلا هالنآس ماراح ينبسط بس يفضلون تقييم الآخرين
آآفا هذول لا يرحمون وَ لا يَخلون رحمة ربي تَنزل 🙁 مأسآة
هههههههه حَبيت حَده ينن ، وَ أكيد أنا ما أقدر أتصرف على طَبيعتي لان رآح أتحاسب عليهآ ..
حتى بالوآتس آب ، ما أقدر اتكلم كلام مُمكن ينفهم غلط غير لما يَكون الشَخص قدآمي
غير لما أكون أعرفه زَين ، لو فهمني غلط أقدر آراجعه أما بالواتس رآس مالها بَلوك وَ أنتهى كل شيء بَفهم غَلط ..
هل شبكات التواصل الإجتماعي تعبر عنا حقيقتنا ؟
بالنسبه لي لا لاني ما انزل الا كتابات او معلومه احبها ولكن لعالم الانستا بتكلم لك عن بنت اعرفها شخصيا تشوفي حسابها تقولي هالبنت حياتها واو وبالرغم تتصور بصور تسئ لوالدها وهو شيخ وهالصور صرحه تسئ له ولو يشوفها راح ينصدم للاسف ماراح انزل صور تسئ لتربيه والدي واعرضها وهي بالاصل هياط ولما تعطي احد حسابها تقول لاتخبري احد دليل انها حاسه انها تغلط ببعض الشي ولكن ربي يهدي الجميع ويبعدون عن المثاليه
المثيره بصراحه قياسا بواقعهم
هل الحياة المثالية إللي نشوفها ببعض البروفايلات حقيقة أم إدعاء ؟
البعض ادعاء والبعض حقيقه وبالنهايه اهم شي الخلق الحسن يعني ناس تفتح حسابات ونعرف ان نصها هياط ولكن لها تعامل لابق مع من يتابعها واللعض الاخرى للاسف يشوف الفلورز عبيد لازم يقولون كل شي ينزله حلو ولا بلك ي مبلك حتى او انتقد بشي بسيط
ما مدى التشابه بين شخصياتنا االحقيقية وَ شخصياتنا بالنت ؟
بصراحه انا حتي بحياتي الشخصيه مااحب امثل او ادعي المثاليه ما اعرف ما اعرف ماراح تنتهي الدنى وهالشي مو عيب العيب اللي يسوى فاهم وهو فاضي اقول ما اعرف واتعلم وهذا شي كويس فانا اشبهه نفسي بكل مكان لا امثل لا بالعالم الافتراضي ولا بحياتي لو خرجت بعيد عن محيطي
وَ مامدى مشاركتك لحظاتك السعيدة أو الحزينة في هذه الشبكات ؟
انا حزني همي مشاكلي لي لوحدي انسانه كتومه ولو بافضفض للورق مش لاي مخلوق ونفس الشي بالانستا او العالم الافتراضي ككل
بالنهايه احب اضيف حاجه بسيطه لو انا وانتِ وهي وهم وكلنا نتعامل بكلمه حلوه وحتي لو مانحب الشخص والله لنصبح شعب راقي ونحب الحياه لكن نشوف بعض العينات تكرره الشخص بحياته ايشش يمنع لو دخلت حساب واحده وعلقت بتعليق يعجبها مش ادعي واقول تهايط او او او اول شي كلمه حسنه ثاني بدخل فرح ع قلبها بدلك راح تفرح وهنا باخذ اجر ثالث شي تعرف الناس ان هالشخص كويس انا ولاه الحمد مو مدح بنفسي لكن ما تحب اجرح احد ولو ما عجبني شي افكر بنفسي لما احد بيقول كلمه حلوه افرح انبسط احب اعطي هالشعور للشخص اللي قدامي ولو كنت اجهله والله مدري حتي لو الناس اشاءت الظن وسبت يكفيني ربي عالم بنتي وثرثرت كثير
واكيد سوستي تبقين المتصدره بعرش قلبي واحبك بكل احوالك ويكفيك ربي شر من يريد من ياذيك ونتعلم منك الكثير والله وربي يجعلنا خوات دنيا واخره ودمتي بود واحب حسابك سواء كان سميث ههههههههههه او روج او ليون معك معك لو مخدرات <<<<<النحشه.
هذي هَي لما الإنسان يكون مُزدوج ، أو يَسوي شيء يَشوه صورته
أو ينزل شيء عالآنستا يضر بسمعته وَ بسمعة عيلته بالنهاية هالضرر راح يَوصل حتى للخوات فالواحد يَفكر هل إللي بَنزله يَستحق الطرح ..
هههههه حَبيت عَبيد ، أنا شَخصياً أبلك بالجَنان بحالة الإساءة المُتعمدة مو لأجل شيء
لأن الناس يزيدون ، يعني مرات فيه بنات مُحترمات يعلنون أحذف الرد لأن أخاف لما يَشوفون رد واحد يتكاثرون
وَ الحمدلله لما غَبت وَ رجعت مالقيت أي إعلان دليل إن المَوضوع عَدوى وَ الناس برضو فَهموك وَ إحترموا خَصوصيتك ..
أنا وَدي الكل يَتربح لكن برضو من حقي أحافظ على راحة الزَوار ..
بالنسبة لآخر كلمة قلتيها ، أنا عُموماً أشوف ردودك عند كثير من البنات كلها بَقمة الروعة حتى أخر مرة شفت ردك على وَحدة ببروفايلها قلتي للفلورز لو رجعتوا بتلقون إنها حاطة حسابها بالسناب شآت
فالبنت إنفعلت عليك ، لكن رجعتي رديتي عليها بَذوق وَ هالذوق خلاها تستحي وَ ترجع تعاملك بَذوق ، أنا ما أنكر إني أهتم بردود الناس حتى ببروفايلات غيري ..
حَبيبة قَلبي وَ لك بَقلبي مَعزة ما يَعلمها إلا الله ..
سُبحان الله ناس بعاد عنك مَسافةً لكن أقرب من كثير قرآب مَنك
صباح الورد والياسمين،،. الموضوع جدا رائع ومفيد خاصة ان البعض يدخل هالشبكات بدون ما يفقه شيء في إدارتها، عن نفسي، تمر علي حسابات رائعة بحق، حسب ميولي واتجاهاتي، تعجبني جدا ولكن مو بالضرورة أعبر عن إعجابي بالحساب الفلاني أو غيره، الحسابات الشخصية بشكل عام ما تستهويني كثيرًا، يعني حسابات اليوميات وتصوير البيت وتصوير الغدا والعشاء، ما أحبها لأنها ما تضيف لي أي شيء، الحسابات اللي تستهويني هي اللي تطرح الفائدة بأي مجال كان، بالنسبة لحساباتي الشخصية في شبكات التواصل ما أسعى أبدا إني أكون فيها تحت الضوء، أدخلها غالبًا للقراءة، زمان كان الفيسبوك هو القمة عندي، اتجاهي فيه كان سياسي بحت، بحكم إني أميل للسياسة من صغري، لكن اعتزلتها بشكل كبير جدا في شبكات التواصل، لا اتحدث ولا اعارض ولا شيء، فصرت ما أعير الممشاركة اهتمامات كثيرة، صداقات كوّنت في الفيسبوك أكثر شيء، لأني وجدت كتيرين يشاركوني اهتماماتي وافكاري، وبنا اني ما اسعى لنشر حساباتي فنادرًا ما اصطدم مع احد او يوصل لي تعليق سيء، العُزلة عن الناس راحة، والمجتمع غير مثقف بشكل كبير فـ اللوم ع قلة الثقافة وأسلوب التواصل مع الآخرين، الانترنت ثقافة أخذ وعطاء واحترام ونقد بنّاء، مش مهاجمة وأسلوب بذيء فظ يكرّه الناس في بعض!
أتمنى لك يوم سعيد بعيد عن ضوضاء هالعالم ❤️
كلامك يَدل على إنك مُثقفة ، بالنسبة لي أنا مَن عُشاق السياسة
لكن لا دَولنا تسمح بطرح أفكارنا كاملة ، وَ لا الناس يتقبلون الإختلافات .. خاصة إنهم يَصدقون كل ما يُعرض على بعض المَحطات التلفزيونية إللي أغلبها مَوجهه
فصرت أبطل أتكلم بهالمَواضيع حتى ما أخسر الأشخاص العزيزين عَلي، لأن غالباً ما يَحتد النقاش بهالمَوضوع ..
عُموماً إنتِ أتوقع نصحتيني إني أفتح فيس بَوك ؟! ..
وبإذن الله بتكون أحد الخَطوات القادمة يَمكن بُكره أو بَعده بَحاول أكون أكثر إحترافية بَطرحي وَ أكثر شَمولية
وَ الله يَقدرني ، أنا ما يَهمني إظهار نفسي كَشخص يَهمني الترويج لما أُقدم ..
وَ نورتيني وَ دوم تَنوريني أو بالآحرى كَتاباتك تَبعث بنفسي الكثير من التفاؤول وَ الطَمأنينة
الله يسمع منك الحمدلله انكشفوا على حقيقتهم والمشكله عشره سنين معك
اعذريني كلامي فيه تشاؤم وسلبيه مدري وش صاير لي هاالفتره
مُو مَشكلة مرات الواحد يَحب يفضفض ..
لكن الحمدلله إنهم إنكشفوآ لك مُبكراً ، أحسن من ينكشفون لك بَوقت صَعب فيه التغيير وَ التجديد
تسلم يدينك..
للأسف واكتب بحرقه اصبحت الكثير من العقول فارغه ، سطحيه ، سقيمه ،،
أختلف مع كثير سواء من العالم الافتراضي أو الواقع بس هذا مايعطيني الحق إني اسب فلان واقلل من قيمه علان ، إذا أنا على حق عمره صوتي ماراح يكون عالي وعمر أخلاقي ماتكون في الحضيض ، لكن الإنسان اللي لم يطوله الحق ولن يطوله تجدين حجه المفلس جاهزه ، سب وشتم وقذف مثل شرب الماء ..
مره بس هي اللي لازالت عالقه في ذهني ،، مره كتبت لوحده تعليق بالانستقرام عن حاجه حبيت انبه عليها ،، وتنط لي وحده كاتبه ( وش فيها يعني ، ناس تحب تعلق وتبين نفسها فاهمه وعندها نقد) ،، صاحبه الحساب نفسها ماردت ولا علقت ،، اللقافه والأعتداء على الغير ليش ،، مالكم حجه عندنا مرضى تعالجوا بس رجاءاً عقدكم خلوها بعيده عنا ، سئمنا وتعبنا ،، الناس من كثر ماهي سطحيه وعقيمه ،، تحسين نفسك مو من هالكوكب ، لاأزكي نفسي وادعي المثاليه ولكن أحاول بقدر ماأستطيع إني ماأجرح أحد أو أزعله أو انكد عليه ،والله بعض الأحيان أحب اعلق بس أخاف ولا أعلق أخاف بكلمه تجرحه أو تسبب مشكله أو يجيك رد طاير كله سب وشتم ،،
ياأرتوس الكثير في مجتمعنا يحتاج لإعاده جدوله ، وربي يحزنون ، من جد يرثى لحالهم ،، الله يهدي الجميع ،،
دمتي سعيده ،،
حَسيت بقلبك كلام كثير ، لكن أنا لاحظت إن كثير من المُتحمسين للرد أطفال
حتى كثير مَنهم عَمرهم ٩ سَنوات ، ولد صَديق أخوي مَره جاني وَ عمره ٨ سَنوات
وَ قالي سَوي لي فَولو ، طبعاً ما يعرف إن عَندي حَساب بس مَتوقع إن كل الناس عَندهم حسابات
قلت له وَش تسوي ؟! أبعرف وَش يسوي ..
فرحان أخته صغيرة مثله ترسله هآي وَ هو يرسلها هآي ، يبي مَثل الناس
وَ عنده قناة يوتيوب وَ حساب بالآنستا وَ حساب بشبكات تَواصل كثيرة إنصَدمت صراحةً ، بالرغم أبوه صارم جداً وَ محدد له ساعات اللعب
وَ مع ذلك جالس يطقطق بالآيباد وَ يتابع مقاطع باليوتيوب لكبار بالعُمر لكن تعجبه إنفعالات وَجه صاحب الحَساب ..
أنا صَرت أحاول أتفهم لأن بالنهاية نَحن بشر وَ لنا مَشاعر مُستحيل نَستوعب جَميع المُسيئين
مَرات أدخل على حَساب إللي تَطاولت علي وَ من خلال صَورها أعرف نفسيتها ، وَ الله حَزن عشانها وَ أمتنع عن الرَد
لأن لو حولت المَوضوع لمُقارنات وَ نزلت لُمستواها بقلل من قَيمتي ، وَ أكيد ماكنت كذا لكن حاولت أتعلم مَع الوقت
الآن صار إستيعابي للبشر أكبر حتى بحياتي ، وَ الدعوة بسيطة جداً
لا تحاول تغير أحد ، دخلت بالآنستا وَ ماعجبك شَخص آنفولو ما يَحتاج الشد وَ الجذب
دَخل وآحد حسابك وَ يسيء لك ، بَلوك .. ما يَحتاج التعايش بالإجبار
وَ نورتيني
صدق انا اعاني مع الناس المهووسه بالتصوير اكره اجتمع فيهم لأن يأكلونك الاكل باارد ههههههه ع بال ماتاخذ الزاوية وتضبط برد الاكل ، ولي موقف معهم وحدة سوتلي مفاجأة حفلة دوب دخلت علي وفاجأتني حتى ماانتظرت ردت فعلي الا قالت يلا يلا بنصور مدري ليه حقدت عليها وانبلمت حتى تعمدت ماأشكرها ، وأحبك ياصاحبة الثرثرة الجميلة
وَ أنا أحبك بَعد ..
هذآ هُووو ، تصدقين أنا أحب أسوي ريفيو صَغير عن التجارب الصغيرة يعني فرضاً نهكة دوناتز جَديدة
بيتزا جَديدة وَ الله يا كثر ما جَربت لكن دايم التجارب فاشلة ، فلما أذوقها وَ ماتعجبني فطبيعي ما بقدر آصورها لأنها مَقضومة
وَ بنفس الوقت ما بقدر أرجع أشتريها لأنها ما عَجبتني ، فأقول لأختي : آآآآوف خسارة ليتني صَورتها فصارت الآن تقولي يالله صَوريها بنتظرك
أقولها لآآآآ مالي خَلق تضيع علي مُتعة الحياة الطَبيعية 🙁
أنا أشوف مَوقفك طَبيعي وَ الله ، الآكل بَرد
تذكرت شَغلة مرة إنعزمت ببيت وَحدة وَهي تحب التصوير ، عَشان أجاملها وَ أفرحها إدعيت إني أصور
عأساس إني بَعرضه لصاحباتي ، لكن بالحقيقة أنا ما عَرضته لأحد بس حبيت أفرحها بتصويري ( يعني يا كثر ما نَجامل )
صباح النور والسرور …
حسيتك كارهه الانستا مرره … بقولك حسابك جميل وممتع ومفيد واحسه يعبر عنك امكن 10% شفتي عشرة بس ومسعدتنا كيف لو ميه بالميه انا مأنكر كل انسان وله سلبياته وايجابياته وكل انسان مو معصوم من الخطا وبالعكس اشوفك متواضعه جدا وعفويه وماننسى انك حقانيه درجه اولى وهذا بس من خلال ردودك عرفته … تصدقين عااد كلامك اللي كتبتيه عن التويتر والانستا والواتس اب حاسه فيه وانا مو من المشاهير انا عاديه وصراحه مااحرص على الشهره الا ماابيها احرص ع المتابعه الجيده و العلاقات الجميله ومو كل من هب ودب بعد …
من يومين اضفت بسنابي سندس القطان انا احبها من الانستا ولمن اضفتها بالسناب حبيتها اكثر واكثر وصدق احساسي اتجاهها جدا عفويه ودمها خفيف وشخصيتها جميله يعني ممكن الكتابه بعض العقول المريضه تقرأها بطريقه مريضه مثلهم وتسيء الفهم وبعد حتى لو صورتي نفسك مثلا بالسناب ومالى ذلك بيجي من بيعطيك تعليقات سخيفه وهذا حصل لسندس اسئله وقحه توجهت لها وتلقف في الخصوصياات الى ابعد حد( هذا الشيء انا ماسمعته هي صرحت به بسناباتها ) بس ردها كان وافي وكافي لهم وكبرت بعيني …. فمداخلتي هذي لها سؤال سبب عدم نشرك للسناب حقك هو انه عدم حفظ الحقوق مثل غيره من البرامج انتي حرة بالجواب تردين او لا …
انا مقلة جدا بالتصوير وواضح بحسابي ولو مابلكوني كم مرة الانستا قلت يمكن لاهم يعتبروني من الحسابات الوهميه لاني ماانزل صور انا فهمت نفسي مااحد قالي هالشي من راسي المهم نزلت والله تبين الصراحه احترت شنزل كل صوري خربوطيه وانا مو همي اجذب متابعين بس اللي يهمني اللي يدخل حسابي يلقاله شيء مرتب مايقول يوه شذا الحوسه لانه بالنهايه حسابي دليل يمثلني بنسبه معينه على قولتك امكن 5% مو كثير …شيء ثاني التويتر هجرته لانه بوقت من الاوقات حسيته بينفجر فهجرته احيانا اتذكرك اروح اشيك عليه بس حسابك واطلع وكذالك الواتس اب من يوم عرفت نفسي حالتي وحده امكن اغير بالصور غير كذا كم مره ابي احذفه بس لي اسباب مصبرتني عليه مااحب اكون من اللي يعلنون للناس ترانا في المكان الفلاني زرنا الفلانيه وماالى ذالك … وبس
ياحلو السوالف معك دائما لها هدف ومتعه جميله ..
ماننحرم منك ياقمرهم …
صَباح الحُب
لا بالعَكس حرآم الأنستا وَ البنات إللي فيه مَصدر سَعادتي وَ لا أنكر إنه باغلب البَوستات إلا ما يَجيني رَد يضحكني أو يَخليني آبتسم
أنا قرفانة فقط من تعلق الناس بهالشَبكات ، من قريب كنت أكلم شَخص بالمَوبايل فجأة الشخص بدأ يَسب شخص آخر
قلت له وَش فيك ؟! قالي الحيوان إللي قدامي مَنشغل بالتصوير بالسناب شآت وَ هو يسوق كآن بيسبب لي حآدث
[ يعني حتى أمنا وَ سلامتنا صارت مُهددة مع إنشغال الناس بهالتواصل وحدة بأحد التعليقات قالت لي هذي شبكات تقاطع مُش تواصل وَ صدقت ] ..
وَ أنا مثلك ما أحرص على الشُهرة وَ لا أبحث عنها وَ كاتبة بتويتر أنا إنسانة عآدية وَ أتمنى أضل بهالمَكان ، حتى الإيفنتات آرفض ٩٠ ٪
إلا مؤتمر وآحد حبيت طَريقة الدَعوة إللي وَصلتني وَ كانت دَعوة فكرية وَ حتى لما دَعوني ما دَعوني إني آرتوس السطحية فإنبسطت طريقة الدَعوة لهآ دَورها
أما أحضري هالإيفنت وَ قولي هآآآي وَ قولي تَجمع المشآهير مآ آبي ليه أنافق مُجتمع لأنهم مَشاهير ، وَ فيه دَعوة سيئة وَصلتني قالولي دَعوة من مشهور مَجهول
صراحة أكثر دَعوة صادمة بالنسبة لي ، كيف شخص يدعيك بدون ما يَعرف عن نفسه ، كأن الإنسان بيركض وَ راء العزايم أو وراء وجبة مجانية وَ بيرمي نفسه وَ سمعته وَ سلامته
ما يَحدث الآن قَمة بالقرف وَ الرخص وَ السفاهة ، وَ شخص متربي وَ أهله تعبانين عليه مُستحيل يلبي مثل هالدَعوات
بالنسبة للسناب أمممم مُش مَهوسة بالسناب وَ حفظ الحقوق أكيد لأ ، لأن السناب حياة لكن لا تُقتال مَن حيث تُقتل
يعني راح أظهر سخافتي بالسناب ، أنا برأيي الكَويتيات نَجحوا بالسناب لأنهم يطلعون بهيئتهم الحقيقة وَ لو أنا طَلعت وَش بطلع صَوتي وَ لا يدي ؟! مُش ناجحة مَعي الفكرة
ناهيك عن الآرباح الطائلة إللي يتقاضونها على كل إعلان إحسبي كل إيفنت تحضره ١١ آلف ( تكون ضيفة الشرف )
كل إعلان تَسويه تربح فيه ٥ آلاف ريال سعودي وَ الشركات تحسب لها عدد المُشاهدات بالسناب شآت
يعني هُو مَصدر ربحي بحت ، محداً بيتعلق بشيء ما مَنه خير وَ لا أحد بينتهك خَصوصيته لأنه يبي يكون قريب من الناس
بالسَعودية البلوقرز مَساكين ، حَدهم حدهم نعلن لشغالات زَي مايصير مَعي وَ السعر معروف بخس وَ لا يُقارن بأسعار البلوقرز الكَويتيات ..
الناس لهم الظاهر بشبكات التواصل الإجتماعي ، لكن ورى هالمَوضوع خبايا وَ حروب وَ إللي اليوم طالعين فرحانين و صَديقات بَكره يتخاصمون و يكبون عشى بَعض
لا تصدقين أي شيء يُعرض ، وَ ترى أتكلم بَشكل عام ، لأن سندس القطان عَزيزة وَ غالية ..
وَ عفكرة السناب شات أسهل وَسيلة لبعض الأثرياء لتلقيط البنات وَ التواصل مَعهم المَوضوع كبير وَ يتعرض لشرف ناس وَ لا آبي أخوض فيه
لكن مو كل شيء نظيف نشوفه فيه آيادي قذرة تدير شَغلات كثيرة ، حتى شركات موجودة عندنا ، تنازل وَ نعطيك كثير شغلات تغطية
ارتوس لفتني تو انك بتردين على استفسارات بشهر الريل ماعندي استفسار لكن مشكله وابغى حل منك لها
انا في طفولتي كنت من الاطفال الي يعرفو يديرو حوار ويتكلمو بطلاقه لحد سن المراهقه اما الان اتررد كثير قبل اتكلم واد تجمست فالبدايه اتحطم ولا اقدر اكمل الموضوع ع النحو المنبغى له احيان عندي كلام كثير بس ما اعرف اقوله اخاف من رده فعل الناس المحطمه او ما اقوله ب اسلوب حلو كثير صديقات لي ماتواصلت معهم بسبه انو ماعندي شي احكيه مع ان عندي الكثير لكن اتردد واخاف هالشي فيروح كل الكلام من عندي واسكت ، كنت افتح حوارات الحين لاتجرات وبديتها ماقدرت انهيها قلب ثقتي بنفسي اهلي والمفترض اقرب الناس لي نادر ما افتح موضوع مع احد منهم واتكلم اخاف من رده فعلهم او ما اعرف كيف احكي تصدقي تمر شهور كثير يكون الكلام بيني وبينهم عباره عن سؤال ورد جواب اخاف ما اقول الشي الصح ،كثير ما اقدر اقول ل احد الا مشكلتي ما اعرف وش اقول اصلا وش الحوار الصح الي افتحه مره اسفه ان هالشي متعبني كثير بهالمكان لانن مناسب فياليت تردين علي بالاستفسارات الخاصه لشهر ابريل ارجوك ولك دعوه مني
وعلي فكره نزل برنامج جديد مشابهه لفكره الانستا ويعطيك تصوير الفيديو ٣٠ثانيه والكل هاب فيه شكله بيطيح سوق الانستا
إيه شَفت البنات مَحملينه ، عآد ليش لأ !! ..
بس تعبت وَ الله من توزيع نفسي بهالشَبكات
صباح الخير ياوجه الخير .. مابغيتي تنزلينها احس راسي انتفخ من المذاكره ابي اضيع وقتي بشي يونس وثرثرتك الواحد يستمتع فيها ..
بذي تعجبيني والله وقت الاجازه حلو الواحد يبعد شوي عن النت ، لانه يلهي ..
ههههههههههههههههههه انا لو علي احذف كل حسابي تحول بلع و بزران ‘ مع آني م احبهم حيل ههههههههههه تناقض عجيب لامسكت كآم ، اخاف افتح جديد ويروح وقت الانتسٓا ..
صرت اتابع الحسابات الاجنبيه اكثر والسبب كميةة التصنع والتفاهه بحساباتهم ..
هههههههههههههههههههههه آخ سالفة هيآط اعرف واجد بالانتسٓا والواتس غغير البنت المدلله ، امها وابوها اخوانها سعادتها ، هي كل يوم متذابحه معهم يعني استحي من اللي يعرفونك اكذبي بهالشي برنامج ماحنا فيه .. والحين البيوت صارت مكشوفه كل شي نعرفه عنهم مافيه خصوصيه .. والله ارحم بعضهم على تصرفاتهم اللي بكرا بتظل بالماضي معياره لهم !
–
للامانه تعجبيني بخصوصتك ما احد يعرفك من قرايبك هذا اللي فقدته اني علمت اللي حولي بحسآبي سبب لي مشاكل منهم .. حتى لو يقربون لك ماودك تعطينهم احسن شي شخصينك بالانتسقرام وتويتر مجهوله .. قطعت علاقات واجد بناس وصارت بارده حتى كنت اجاملهم الحين اقطها بالوجه هذا بسبب النت ههههههههههههه ..
ليتك مكمله سوالفك ماينمل منها
يا بَعدي ، يآآآل فَرحتي ..
ترى تو أدري إن عندك إختبارات ، وَ ترى أنتظر حلقة إيفسون سببوآ لي الغبنة بذا المسلسل إللي كله مأساوي
ههههههههه أما سالفة هالبنية ضَحكتني ، يآآزينك ، وَ فعلاً البيوت صارت مَكشوفة بجد العالم صآر واحد
بالعَكس قرايبي هُم إللي يَعرفوني ، وَ للأسف بدل مايصيرون أصدقائي صآروا أعدائي وَ تهديد المحاكم لَجزء مَنهم
وَ أساساً الأذية ما تَجي إلا من الشخص إللي يقارن حياتك بَحياته ، لكن إنسانة مَثلك ما أتوقع مَنها أذية حتى لو عرفتني بإسمي الكامل
عَموماً إنتي تَعرفينه ، البَشر تطفل أصبح عَجيب
سوري ذكرت كلامك عن شخصية اخوك الكبير اناجدا يعجبني هالتعامل اتأذى نفسيا من الناس الللي تمشي وتتكلم بخصوصياتهاواسرارها مع الكل وكأن الكل يحبهم او حتى اظهرو لي حبهم اسميها سذاجه ولاتلوم مايجيك بعدها … فأشوف الكتمان افضل حل ومافي احلى من الكتمان على الاقل مايمسك عليك زله اسمع لهم انصحهم اذا تلقفو واسألو هل عايشت هالشيء افضل اجاوب جواب عام مافيه قصه وتفاصيل …
كلامك صح مية فالمية في نقطة الي يعيش فالافتراضي عكس الواقع
قريبتي كل كلامها في البرامج
عن زوجها وعيالها وحبها لهم وعن تصالحها مع نفسها وعن حبها للخير وكرها للنفاق
وهي على الواقع عكس تماما
فالمجلس حش في زوجها واهله وانواع الهواش والتهزيء لعيالها ومتذمرة وتكره صلة الرحم
هالاشكال تجربك تكون صنم فوسائل التواصل
الله يَعينها على نَفسها لأن بكذا هي بتنقل صَورة سيئة عن نفسها لأقرب الناس لها وَ هو أنتم
تكسب الخارج على حساب الداخل ،،
فعلاً ، وَ أتمنى ما تَكونين صَنم لأن أكيد لكل شَخص رأيه بالحياة وَ مايستحق تكونين صَنم لأجلها
تسلم الايادي ع هاللتدوينة طالعة من قلب
السوشيال ميديا هي هبة وموضة وبتروح والله يستر من اللي جاي ومصير الناس بتطفش بس بعد شو
(فيه استشارة صغيرونة بشتري ماسكرة هيلينا
اي وحدة ترشح لي منهم بما انك من عشاقها )
والله لا يحرمنا من هالطلة
فعلاً حتروح بس أهم شيء لما تَروح ما تَكون على حَساب مُستقبلنا وَ حياتنا ..
بالنسبة لماسكارا هيلينا روبنشتاين الأفضل التايقر ( لاش كوين ) بس للمعلومية وَحدة أرسلت لي وقالت إن المُنتج يهودي
وَ يدعم إسرائيل بشكل مُباشر لذلك غير مُتوفر بالخليج ، شخصياً ما بحثت أو تأكدت
لكن ماعلى الرَسول إلى البلاغ ..
تجبرك*
سوسو انتي عسل وانا والله العظيم احبك في الله الله يسعدك فحياتك ويبعد عنك كل مكروه ،،، صدقيني احسن شي سويتيه انك بعدتي حياتك الخاصه عن شبكات التواصل الاجتماعي صح احنا نتمنى نكون قريبيين منك اكثر بس لاننا نحبك من صالحك انك ماتحطي حياتك وخصوصياتك
آمين يا قلبي إنتِ ، وَ تسلم لي هالمَحبة مافي أحسن من قرآة مثل هالرَدود الإيجابية
تصدقين مثلك في شغلة أن التصوير يخرب اللحظات .. قبل ماافتح حساب بالسناب وقبل مااخذ الايفون كنت ما أصور أبد وكنت أستمتع متعة عظيمه حتى لو كانت تمشيه بالسياره .. الحين حتى التمشيه نصور الطريق والنوافذ والشجر والورد !! أبي أرجع مثل قبل بس أقول صوره وحده ماتأثر بأتحسف اذا ماصورت الشكل حلو وصوره تجر صورة وهكذا .. وأساسا أهلنا تعودوا بمجرد مايشوفون منظر حلو سواء اكل او منظر طبيعي يقولون صوروا بسرعه لاتفوتكم .. الله يجمّل لحظاتنا لو كانت أبسط بسيطه .. شكرا سوس ماننحرم منك ولا من كلامك .
/
اباطلبك طلب .. كلامك يبرد القلب فحاولي تتكلمين عن الناس الحين وشلون حالهم كلهم طقم وردود قصيره ونقطه ومشاعر شحيحه يعني تخيلي لاني كريمه فالتعبير عن مشاعري يتجنبوني يعني اكتب رد شطوله القى ٣ كلمات تغيّر العالم والله! حتى اشوف ردودهم قبل فرق .. من حماسهم كانوا يكررون الحروف والرد كم سطر.. يحسسوني اني ثرثاره .. خذت راحتي معليش أعتذر.
إنتِ مثلتي الواقع بَكلامك صَورة تجر صَورة 🙁 وَ ترى كلنا نعاني من نفس هالشيء
وَ نحاول إننا ما ننَجر وَ مسموح لما يَكون الشيء هَبة جديدة ، أنا أحيي أخوي الصغير أفضل مني بالرُغم إنه صغير لكن مُش مُتعلق بشبكات التواصل الإجتماعي
بالرُغم إنه يدرس برآ وَ مجال التصوير كبير وَ أصدقائه كثير وَ تعرفين شلون الحياة برآ وَ مع ذلك حسابه فقط للأصدقاء وَ محدودين ..
وَ صدقتي بخصوص آهالينا فعلاً تعودودآ قلتيها ، كلامك جداً لامس قلبي ..
فهمت إحساسك بخصوص المَشاعر ، لأن مُش فاضيين يعبرون وَراهم سوشيال مَيديا هههههههه دُعابة
بس الناس بَعدوآ عن الناس ، كل شيء زمان كان له طَعم و يقولون زَمن الطيبين ، كل شيء مثل ماهو حَنا إللي توجهاتنا إخلتفت فقط وَ محداً صار عنده وقت للآخر
أنا اتخذ موقف المتفرج في أغلب الأحيان ومثل ماقلتي الغالبيه مراهقين وصغار في السن ، أنا بعيده عن دوشه السوشل ميديا ولكن تعليقاتهم على بعض تألمني عليهم ،
ولأن للأسف مجتمعنا ماعنده ثقافه الحوار ، الرأي والرأي الآخر ، الأختلاف في الرأي لايفسد في الود قضيه ،،
كمثال أنا إنسانه في السياسه ثمله لاأفيق من كثر عشقي لها ، من شده عشقي تجديني في الغالب اقرأ كل تعليق يختص بموضوع عنها ،أحب اناقش ، أخذ وأعطي ،ساعات طوال تروح وأنا اتابع موقف سياسي وأحلله ، كنت حابه أفتح لي مدونه سياسيه بحته وأفكاري كلها لاتتناسب مع طبيعه هالمجتمع ومدى تقبله لما سوف أكتبه ماراح يعجبهم ، في أشخاص يحبوني ، يخافون علي ، كثير من الأمور تتجاوز الخطوط الحمراء ، لما اتكلم الكل من حولي ، أرجوك اسكتي ، غيري الموضوع ، ماتخافين ، حقي أمارس الشيء اللي أحبه وأشوف نفسي فيه ،، ولكن خايفه اتعب احبابي باللي راح اسويه ، من جهه أنا حابه انصفهم وانصف نفسي باللي أحبه ، بدون ماأخوفهم علي ،، أتمنى يجي يوم مايكون للحريه سقف ،
أنا أؤمن أن المناضله والسعي وراء الحلم بلا كلل ولا ملل راح يحققه قريبا كان أو بعيد ،،
المعذره ادوشتك بثرثرتي ياعسل ،،
نَورتيني بالعَكس
بالنسبة للحُرية للأسف بتكون حُلم بكل زَمن لن تتحقق ، هَذي سُنة الحياة
سطوة الكبير علي أصغر مَنه ، دائماً الحُريات ما تُهدد شَخص ما
إنظري للُحريات البسيطة بتلاقين أعداء بإنتظارك ما بالك بأمور حَساسة
وَ حتى لو ما حاكموك بَحجة هالحَرية ، رآح يلفقون لك قَضية فالأفضل الواحد يَريح نفسه
وَ يحاول يَعيش حَريته بين الأشخاص إللي يَحبهم وَ يمارس الحرية المَسموحة ، حتى بأمريكا مافي حَرية لكن أكيد مُو مثلنا
إحنا كل مَكان ضَدك حتى الآفراد ، مُجرد ما يَسمعون إنك تطالب بحريتك حتى لو ما يَعرفون وَش القضية راح يقَمعونك لأن هُم مَقموعين
هههههههههههههههه آيه كلن يطقطق علي ، اخوي صغير يقول تعالي اذكر لك <= يالدنيا بس
تذكرين يوم اقولك انتظر خبر يصير ماصار كان القبول مع اني فقدت املي فيهم طاف ١٥ على قبول فجاءه انصدمت انهم قبولني لو انه متاخر وتراكم علي كل شي بس الحمدالله ..
بس للحين مابدت راح تبدا بشهر ٧ بس لان مادتين احاول اخلصها واجيب معدل كويس وانتظم !
للحين تابعين انا طوفت يمكن ٤ حلقات طمرت لـ ٣٠ اتوقع هي اخر وحده !! مافهمت ليش بهار تركتهم يبي لك تقولين لي بتويتر هههههههه … الحين طايح بمارال مدري شفتيه ولالا !!
ماكذبو لاقالوا القرايب عقارب ، انا فتح عيني النت بعضهم اهل المصيبه , ما اقول غير حسبي الله عليهم
حبيبة روحي ، انتِ , اللي يعرفك مستحيل يأذيك
وَ ألف ألف مَبروك على هالقَبول ، أجل الصغيرون صآر يطقطق عليك !! من جد الله يالدَنيآ ..
بالنسبة لبهار تركتهم لأن سمعت العمه وَ حبيب العَمة يتكلم عن نقل جثة الجَد فعرفت نص الحقيقة بس ما تعرف إن حسرات أمها
هبلة مَوقفها ما يَشبههآ ، خاصة مع آتاش .
هههههههههه شَكل بقلبك الكثير ، هذا يبيله جَلسة بَمكان سَري
يَــ الله كم انتِ عفوية! كلامك من قلب واحس وليد اللحظة بشفافيته لكن ذو افكار مترسبة جاتك من تجارب ..
كلامك متشعب ومُسلي والاهم صح ! ولك انتِ صح الصح ! اسم الله عليك
اكو فقرات بكلامك ضَحكتني واستشفيت تشابه قوي بينا او قد يكون تشابه بين كل المنطقيين ! خَاصة بخصوص التصوير والتقليل بالتصوير لاننا ( نبي نحتفظ بجمال اللحظة لنا او مانبي تصوير حتى مايفقد الشي او اللحظة الرونق اللي يميزها) ..
بس عآد على قل معرفتي فيك الا انه مبين ان لك بآع طويل وجميل تخلله تجارب قَوتك وعلمتك..
على فِكرة … كلامك فَطسني ضحك بخصوص جيم كاري وفوزية الدريع لووول، تذكرت نفسي البعض يظن اني دكتورة او اني على علاقة حب مع علم النفس والاجتماع وجنون تطوير الذات! والحَقيقة انه امر لا يتعدى افكار وقناعات بالحَياة ..
وبما يَخص السَب وغيرة ( متفهمة رأيك ومايحس بهالشي الا اللي يعطي من قلب وبإخلاص)
واَصحاب الحِسابات المُمله ذات الصور اللي لا تتعدى صور ماركات واكل مايعجبني فيهم شي لكن يلفتني النشاط ! نشاطي بحياتي الواقعية خلاني كسولة مرآت هنا مثل تأجيل اسوي مدونة او ارد على بنات .. لكن فعلاً انتِ بحتي بالسر ! اللي هو سعادتي برا هالعالم الافتراضي تخليني اكبر مُسوفة! بس اخجل ابوح بهالامر حتى مااكون سطحية لمن ينتظر شي مني هنا ..
يختي انتِ .. فَنانة .. ارتاح بمدونات وحسابات ناس صادقيين مثلك، كلامك straight to the point!
سَلمتي يـ السنافية..
حبيت صَح الصَح ، خاصه إنه مُو أي صَح لأن أثق بنظرتك ..
وَ ترى سَبق ووحده من البنات ذكرت هالتشآبه بَينا ، حبيته
ههههههههههههههههههه حبيت نظرة الآخرين لك وَ الأحلى هُو إتزانك لأن لو وحدة غيرك بتنجرف مَع المَوضة ..
صَح وَ خمولنا هُو بسبب وَجود حياة حقيقة وَاقعية وَ كاملة ، ما يَعني إنه مُمانعين أي صادقة أو علاقة من الخارج
لكن الإكتفاء الذاتي وَ بمن حَولك ، العواطف مُشبعة ما تَخليك تبحث بالخارج وَ حتى الإعجاب مُشبع بالحياة ما تَدور إعجاب وَهمي
وَ عفكرة هالمَوضوع بالنسبة لي مُؤثر حتى بعلاقتك مَع الحبيب يعني لو بتَكلم بَطول
لكن ما تخليك هالأمور تنجرفين لإيجاد حتى الحُب وَ تجربته مَع مين ما كان ، أنا أستغرب حتى وجود بنات بُمجتمعات مُحافظة وَ مع ذلك
مُتعددة العلاقات وَ مكونة علاقات مَع ناس غُرب مُش بَمحيطهم ، هذا يدل على البَحث المُستمر ، وَ غير علاقات الخيانة
بتشعب بالمَوضوع لكن لو الأهل أدركوا أهمية الإشباع العاطفي أتوقع كان تَجنبوا كثير من مشاكل الأبناء
تَنوريني وَ تسلم كَلمة آكو مَنك لها طَعم آخر
شفت مره كاريكاتير للمبدع عبدالله جابر لايقونات مواقعلتواصل وهي تدخل من تحت البيت عجبتني
وبعد كاركاتور ثاني والاايقونات نفسها من سناب وانستقرام قاعدين يتكلمون ان اهل البيت مو فيه وعندهم سياره حلوه ومقتنيات ثمينه
يعني وينكم ياحراميه تعالو اهل هالبيت سافرو وتعرفون مقتنياتهم من حساباتهم لاتفوتون الفرصه وفعلا ترى حصلت حالات سرقه بهالخصوص
اول كانو يقولون تعرفون اسرار البيوت من صغارها وفعلاً حتى مع التطور الصغار هم الي يكشفون اسرار البيت بقلة ادراكهم للي يصورونه خاصه السناب
الكلام بجد يطول بخصوص هالموضوع عاد توني قايمه من قيلولتي الليليه وبوجهي على تدوينتك الجميله فالعقل مجيم شوي
فعلاً هو وسيلة للتطفل وَ وسيلة للحرآمية ، كل ما عَلى الحرامي يترقب الإجازات بَس ..
وَ زمان مين يسرقك ؟ إللي يعرفك الجيران أو قريب ..أما الآن المُتابعين لك هُم أصدقاء هههههه نفسه نفسه
وَ نورتيني بهالتَصبيحة الصَباحية
سبحان الله في هالتدوينة حسّيت مزاجك قلب مية مرة وإنتي تكتبيها او انه اتهيء لي كذا الله اعلم ،، حبيت فكرة التدوينة هذي ،، لانه قبل فترة انفتح نقاش على وحدة من قروبات الواتس وانا بطبيعتي و بطبيعة حياتي مقلة جدددددا في التواصل الاجتماعي فمعظم اللي يعرفوني مكونين صورة ذهنية عني بناءا على شكلي و طريقة كلامي بس ،، لما انفتح النقاش و كان في موضوع ديني ما تتخيلي كمية الهجوم اللي جاني ،، مش لان كلامي غلط بشهادة الأشخاص اللي كانوا يتناقشوا معاي و إنما بس لانه وجهة نظري مخالفة للاتجاه السائد ،، على تكة كانوا ح يطلعوني الكافرة اللي ما تخاف ربها ،، اكذب عليك لو قلت لك ممكن ارجع أتكلم عن وجهة نظري الدينية معاهم علما بانه أنا فعليا من خلفية دينية قوية ،، و مش عشان خايفة من الجدال ،، لكن لانه اللي ح يناذي في هالموضوع هم اسرتي ،، الكل يقول كيف تقولي كذا و اهلك و وضعكم و زوجك ،،،،، الخ ،، الانستقرام نفس الشي ،، حسابي فيه بس عشان صاحباتي و اهلي ياخذوا فكرة بسيطة أنا كيف عايشة لكن ما فيه اي صورة لنفسي او لزوجي او لأطفالي ،، حتى أماكن كثيرة أزورها ما اصورها من مبدأ انه ما عندي وقت انزل صور ،، حتى الصور نفسها التقاطها عفوية و ما فيها اكتراث لا بزاوية التصوير و لا بالإضاءة و لا باي شي ،، و مبسوطة بهالشي ،، بس ترى جاني تعليق من وحدة تقول لي احس كانك في السعودية وراك ما تصورين و لا تخافين من العين !! طيب أنا مو هاوية تصوير و لا وسائل تواصل اجتماعي ولاني ملزمة اوريكم كل شي ،، المهم من القرقر الكثير هذا كله ،، من الانستقرام و المنتدى و المدونة إنتي حلوة زي ما إنتي ،، بالعكس أحب هالنوع من الشخصيات اللي ما اقدر أقول هيه طيبة او شريرة ،، عصبية او هادية ،، احيانا ينكتب لك تعليق أقول بس الله يعين اللي كتبت ح ينغسل شراعها ،، الاقيك رادة بروقان أهل الارض ،، و احيانا العكس ،، بصراحة شخصيتك احلى بكثير من شخصية البنت اللي تجيك ماسكة شوكة ابليس اربعه و عشرين ساعه او اللي مسوية نفسها ملاك الله في الارض ،، في النهاية حلو أني احس انه اتعامل مع بشر له جوانب حلوة و بطالة و يسوي خير و يسوي شر ،، احس كذا انه فيه روح غير لهالشخص مو بس نسخة مكررة من غيره ،، و ارجع أقول لك ،، هروجك ما ينشبع منها ،، سوي لك برنامج توك شو والله بتبدعي ؛)
هههههههه برامج التوك شو من الهبات برضو ( بتذبحيني )
وَ الله كنت زَمان أحب أبين وَجهة نظري مُمكن إللي يقرأ يفكر إني مَعصبة لكن لو زي ماقلت كان المَوضوع بالصوت وَ الصورة راح يبين إني أضَحك بسخرية
لكن الإنطباعات ما تُنعكس بالكتابة أبداً ، مع الوقت إكتشفت إني أبذل مَجهود هباء ، إللي داخل مَكون فكرة غلط أو هو حاب يفهمني غلط فلو أفرش له الأرض وَرد
برضو رآح يقلي تعمدتي تَحطين الشَوك عشان تَجرحينا ، فخلاص خليت كل شخص براحته وَ صرت أعبر بالمُدونة لأن عارفة إللي داخل المُدونة هُو داخل يبحث عن الكتابة
مُش مُجرد صَورة ، يعني للأمانة إللي بيقرأ بيكون إنسان مُحب للقرآءة أو مستهدف يقرأ لي ..
بالنسبة للمُود كيف بين إنه يَختلف ، لأن أنا إنسانة مَزاجية فلما أكتب أستحضر الحالة هذا تَفسيري
وَ بنفس الوقت أنا أكتب مُباشرة يعني بدون تدقيق أنزل الصورة بالآنستا وَ عقب أبدأ أكتب ، فما يَمنع إني أتشتت أنا بالنهاية مُش كاتبة مُحترفة
أنا إنسانة إرتجالية وَ هاوية أحب أشارك الآخرين مواقف وَ أحداث
بالنسبة للمَوقف إللي حَصلك للأسف كَمية هالهجوم ، لأن مرات الهجوم مايَخليك تَوضح وجهة نظرك الكاملة خاصة لو أشخاص يعرفونك
مهماً إختلفتي معهم دَينياً مفرضون يحسنون الظن وَ يعطونك فُرصة ، للأسف مُجتمعنا دائماً يحب يلعب دُور الوَصي وَ كأنهم ملائكة
ما يَحبون الشخص العَفوي أو الصريح أو الصادق ، ما يَتقبلونه هالكثر ، وَ أنا عفكرة سبق وَ اطلعت على تَدويناتك بَشمواه كنت أشوف بها الكثير من التَحفظ وَ إحترمته فيك
وَ بنفس الوقت ما تَوقعت إني رآح أجدك بُمدونتي ، فما أنكر إن هالشيء آسَعدني
لأن بالنهاية لك فَكر خآص ، مُمكن نجلس مع بعض بجلسة يَطول بها النقاش حتى لو المَوضوع به مُعارضة لكن بيكون مُمتع
لأن كل وحدة فينا بتحتفظ بآداب الحَوار ، دائماً الإختلاف بالرأي لا يَفسد للود قضية بس لما يكون الشخص إللي يناقشك صافي النَية
وَ يكون يبحث عن النَقاش وَ الحوار ، لأن البعض يبحث عن الجدال وَ الإقتصاص ..
نَورتيني
يالله ذكرتيني بوحده تقرب لي نادر تصور واذا صورت تصور لك ماراكات اغلب شي ووحده معها كانت شاريه شنطه ماركه وتخيلي بكل صوره بسناب تشوفينها رازه الشنطه هههههههه يعني غصب غصب بتقولين تتفشخر ، والله انا وخواتي كرهنا الشنطه من كثر ماشفناها
ههههههههههه مُشكلة ، لما الإنسان تكون قيمته قَيمة إللي يلبسه
مَعناته إنه مُفرغ تَماماً
لأول مرة أرد على تدوينة لك ، مع اني متابعة مستمرة
عموماً كل ما قلتيه للاسف صحيح
أصبحنا مرضى هالمواقع
اثرت حتى على علاقاتنا بالواقع
و اصبحت تطلعاتنا فوق مستوى امكانياتنا
و نسينا المثل ( مد رجولك على قد لحافك)
الله يكفينا الشر و يكفيك شر الخلق
دُمتي كما تحبي
تَنوريني يآ قَلبي ..
شَبكات التواصل الإجتماعي سببت للكثير عَدم رضى عن وآقعهم للآسف 🙁
مين رآح يفهم المُراهق إن الحياة فيها الحَلو وَ المُر ؟! وَ إن ما ينقل سَوى جَزء بسيط من الحياة
ماراح يَفهم وَ راح يأذيك ، شبكات التواصل وصلتنا لُربما بَعمر النضج بس وصلت كثيرين بَعمر صغير
صباحك ورد وايامك سعاده وحب
انا عدتها للمره المليون ماعندي انستقرام ومرتاحه هالشي بهواي احب
الخصوصيه جدا جدا بحياتي في ناس للان كل ماشافوني سويلنا فلو هذا حسابنا وانا اضحك اقولهم ماعندي ولاافكر يقولون لي حلو تصورين لي طلعاتج اكلكم هههههه اهنيهم ع الوعي الا قلة الوعي
انا اتابع البعض الي حسابه مفتوح من قوقل
وفي ناس يكوهوني بالانستقرام باءذني وشوف عيني طلعت راحت جت هايطت قالوا حظها مو حنا اااااع هالشي ماحبه المقارنات واطالع غيري
الحمدالله على مااانا فيه الاكل وتصويره ماعندي هالهوس
حتى بجوالي واكره ازور احد وينحط الاكل ويلتمون الناس ع الاكل كنهم صحفيين وهات ياتصوير ويبرد الاكل وانا تنسد نفسي
موضوعج توعوي الله ينور عليج زي ماتنورينا
موضوعج وانتي ارتوس من زمان من معرفتي لج حياتج غامضه هالصفه احبها واطبقها مو معناه صورتي شي قالوا اوووو هذي كذا وشخصيتها كذا
انا اتابعج واحبج ولج اثر بحياتي من بدايته ايجابي ولله الحمد
يكفي حبج الخير للغير ولو ربع ربع الناس زيج الدنيا بتكون بخير
انا ههههه ماكتبلج ياا توي اصحى من النوم او سهرانه
مرات اراجع ماكتبت القى انواع الخربطه صرت مارااجع ههههه
دمتي بخيرر وحب وجمال كجمال روحج ❤️
هههههههههههههههه صَباحك نُور وَ سعادة
فعلاً هالشيء وَ التحلطم ، إللي تَقولك سبحان من وَزع الأرزاق وَ تتحلطم ..
أو إللي تقول أنا نفسي بهالشيء إللي مَعك ، أكيد هالشيء يَمنع تَصور مو خوفاً من الحسد لأن أنا ما أخاف من الحَسد واثقة بربي وَ بتحصيني
لكن مآ أبي أضايق أحد ، وَ مرات بشكل آو بآخر حتى لو بدون قصد نضايق الأخرين مو بيدنا ..
وَ أنا أحبج وَ أحب تواجدك ، حياك إنتِ وَ الخربطة
نورك يَغطي وَ يصلح الخطأ .. وَ أحلى شيء إن أنا مَثل ما أنا بَعيونك
الله يبـارك فيك حُبي ..
اخيرا مابغت تسمع شي من الحقيقه عذاب بعذاب هههههههههههه ، بس كنها تركت اتـاش ؟! فسخو الخطوبه ،
ياخوفي بس يقلبونها ويحبها اسماعيل ما استبعد ، ودي اشوف ايفسون بالسجون هي نورهان حققققيره مثل الحيه تقلب ..
هههههههههههههههههههه كثير قليلـه ، تراني حيل كتومه بس لو انفجرت احس اني نورهـان 🙁
ههههههههههههههههههههههههههه أجل بتتحولين لنورهان ..
إيه عَطت أتاش الخاتم وَ قالت له تَوكل على الله ، مَسخت وَ شكل إسماعيل بيحبها أو آتاش شَكله بيموت وَ عقب بتحب إسماعيل
وَ بتجيب بيبي بتسميه آتاش ( تَخيلات لوووول ) حسافة تعبنا مرمطونا كَم حلقة وَ صرت أتابع الحلقات باللف
بس صدق صدق ارتوس انا شخصياً صرت اقارن ومتفاجئه من نفسي لاني قويه وضد التيار دايم بس صايره منخرطه مع الناس بهبلهم وانا الي ماكانو يعجبوني وانا واعيه ان هالشي غلط بس مقدر اعالج نفسي من هالمرض بعد ماكنت شعلة نشاط وفيني حيويه صايره كمية احباط وحلطمه مهما كان احنا بشر انا نظرتي لك ماراح تتجاوز إطار صورتك ماقلنا يشاركونا همومهم ويفضفون وماحب الي يقولون ترى عندهم هموم واحزان اقول بنفسي طيب حتى هذي مقارنه يعني ماراح اشعر بشعور افضل الا لو عرفت ان غيري مهموم بحقر نفسي مابي هالشي فعايشه صراع لدرجه قفلت السناب بما ان الفايده فيه لاتذكر وناويه ع الانستقرام بس المشكله فيه فوائد بالهبل ومشكلتي حتى لو ألغيت متابعه اضل ابحث واشوف الحاله صعبه وحاسه ان هالشي ياثر بحياتي اول كنت اشغل وقتي بمفيد الحين اشغله بالتايم لاين بهالمواقع حتى لياقتي بالقراءه قلت اول اقرأ كتاب بيوم واحد وبكامل انسجامي الحين بدأ عقلي ومفرداتي وحتى تصفيفي للحكي يضمحل مدري انا الحين وش وضعي اشكي ولا اضيف للتدوينه او ادور حل بس ادري انك تخزنين مثل هالنقاط ويوما ما بتدونين عشان كذا برسله على اي حال ،،، ومبين اني صحصحت لول
بالعَكس إللي قلتيه كلام مُفيد ..وَ هي نقطة كنت بقولها عَن نفسي
أقولك شيء وَ حقيقي وَ بالرغم لو قلته للناس لُربما أفقد كثير من المُتصفحين بس أنا ما أستفدت شيء من شبكات التواصل الإجتماعي مَن الناحية العَلمية وَ الثقافية
بالرغم فيه كثير حسابات مُفيدة لكن هي بنفسها مَنسوخة يعني المَعلومة غير أصيلة وَ لا كاملة وَ محدودة ، وَ يدخل فيها الترويج … إلخ
اليوم وَحدة من البنات أرسلت لي بالواتس آب مَوضوع قديم لي جداً وَ أنا أعده سَخيف
ما أنكر لو أقولك دَمعت عيني لحالي ، مَعقولة كنت بتغطية برنامج تلفزيوني أملك من المُفردات وَ العبارات وَ التنميق
وَ التوزيع وَ الحبكة أفضل من الآن رَغم التَمرس ؟! وَ موضوعي له ٤ سَنوات
٤ سَنوات دخلت علينا شبكات التواصل أفقدتنا إنسانيتنا وَ سلبت مَنا إستثمار الوَقت وَ تمنية المواهب
الناس فرحانين على خيبتهم ، ما إستفدنا شيء غير نلاحق فلانة وَ علانة فلانة وَ علانة تربح وَ يكبر رَصيدها
إنتِ !! تقارنين ، تضيعين وَقتك وَ الفايدة إللي تطلعين بها هَي فائدة الشراء وَ الإستهلاك
حتى بمتابعة مَلف زيي ؟! فيه تشجيع عالشراء وَ الإستهلاك
فلذلك أحاول بكل تَدويناتي أقول يستحق أو ما يَستحق ، حتى فيه بنات يضحكون يقولون لي كلمة ماراح تموتين لو ماشريتيه
لازم الناس يَتسوعبون إن شبكات التواصل الإجتماعي غير حقيقة وَ إن فائدتها بسيطة وَ إن وجد من يقدم المُفيد
يضيع بين الكم الهائل من التافهين وَ غير كذا لما الواحد صار يشوف مَعلومة صار يَصورها وَ يقول برجع لها بَعدين
لأنه مَشغول بتحديث التايم لآين
صباح الورد دام إننا حزّة صباح 🙂
دائماً مدونتك أدخلها من فترة لفترة وخاصة قبل النوم .. عاد وقتها أكون بس يادوب اقرأ وكلمتين على بعض ما ينفع أكتبها هنا مثل الانستا او تويتر .. خاصة إن مواضيعك دائماً مطولة وتتعبين عليها وخاصة المواضيع اللي تناقشين فيها قضايا اجتماعية
راح أرد على اسئلتك اللي طرحتيها بأول الموضوع لأنك طلبتي نشاركك رأينا 🙂
————
– هل شبكات التواصل الإجتماعي تعبر عن حقيقتنا ؟
بالنسبة لي من 60% إلى 70% تعبر عنها .. لأن مهما كنت عفوية فلابد من التلوين والتجمل وإخفاء بعض الأشياء
– هل الحياة المثالية إللي نشوفها ببعض البروفايلات حقيقة أم إدعاء ؟
لا أبداً .. في كثير أشخاص أعرفهم معرفة شخصية بالحقيقة حياتهم دمار وبالنت مافي مثلهم .. ويمكن حتى أنا تجيني أوقات أدعي المثالية وأنا من جنبها خاصة في علاقتي مع أهلي وصديقاتي واللي بدأت تتأثر بسبب وقوعي في فخ هالعالم الافتراضي
– ما مدى التشابه بين شخصياتنا الحقيقية وَ شخصياتنا بالنت ؟
في ناس يقدرون يضعون أنفسهم بكل وضوح وإن كان في أشياء لازم ما تبان .. عن نفسي في تشابه بين شخصيتي الحقيقية وبالنت .. بس مثل ماقلتلك فوق أحياناً أدعي والاعتراف بالحق فضيلة
– مامدى مشاركتك لحظاتك السعيدة أو الحزينة في هذه الشبكات ؟
احب أشارك لحظاتي السعيدة بالشبكات أكثر من لحظاتي الحزينة .. أو بالاصح ممكن اشارك غضبي وبعض من المواقف السلبية اللي تمر علي سواء بعملي أو الحياة العادية .. لكن لحظاتي الحزينة أحس انها ملك خاص فيني .. حتى أخواتي ما اشاركهم كل حزن بداخلي فما بالك لو كتبت بالشبكات بيجون كلهم يسألوني اشفيك لووول
———–
الآن بعد ما خلصت اجاباتي أحس ما عاد اعرف اقول شي هههههه .. بس حاجة وحدة طالبتها منك وإن كان لا أملك الحق في الطلب خاصة إني ماقد سبق ورديت على مواضيعك هنا .. وإنما اكتفي بالابتسام والدعاء لك بداخلي ودعمك روحياً عن طريق التخاطر << اللحين ادري اني مسختها جد هههههه … بس والله العظيم انا اؤمن إن مشاعر الشخص وما يجول بداخله قد يصل للطرف الثاني ولو عن طريق الاحساس أو حتى ان في جنود مجهولين من وراء حُجب يدعمونا لووول
شفتي هههههه تو اكتشف اني ماكتبت طلبي بعد هالمعلقة كلها .. المهم ياريت والله تكثرين من تدويناتك الفلسفية هاذي .. وترى ما اقول فلسفة كسخرية والله يشهد علي .. إنما فعلاً استمتع بقراءة فلسفتك الحياتية .. فيها إلهام .. فيها شي من روحك وفكرك وكل شي فيك
عموماً اتوقع كلامي مو مترابط بس بعذري بعد الفجر اعتبر ساعتي البيولوجية تناديني وتقولي هيا تعالي نامي يكفيك :p
كُوني دائماً كأنتِ ()
سُبحان الله رديتي عن الأسئلة بَكل شفافية وَ يمكن ظلمتي نفسك ، أنا من أكثر الناس إللي شَفتهم بشبكات التواصل الإجتماعي صادقين وَ عفويين هُو إنتِ
وَ عنودي بكثير بكلامها عَفوية عالأقل مَعي ، يعني يَهمني بالأشخاص لما يَعبرون مَعك يكونون صآدقين ، وَ فعلاً فيه ناس التواصل مَعهم مُريح وَ مُثري فيه شَد وَ جذب
بالآنستا إللي آحسه شَخصياً إن كل وآحد مفكر إنه مَلك بَحسابه , خُذو إللي طَرحه وَ يالله أمدحوني أو باركوا لي
أو ترى بَطرح بس مابرد عليكم ، فشلون صارت شَبكات تَواصل وَ إنت حاط نفسك ببرج عاجي ؟! لازم تتواصل حتى الفنانات يتواصلون مَع الجَمهور
إما كان بنفس البَوست يطرحون بوست ثاني يَوضحون وَجهة نظرهم ، بس إنت فقط تنزل صَورة وَ لا ترد على أحد وَ لا تتفاعل مَع الناس
هذا إسمه غَرور ، وَ طبعاً حسابات فَوق ٥٠٠ ألف مَعذورين لكن أنا حسابي فيه ١٨٠ ألف تقريباً وَ أحس إني ألحق على ٥٠ ٪ من الردود ببداية الطَرح عالأقل بالساعة الآولى
بالنَسبة لطلبك بَعتبره إطراء مَنك وَ ليس طلب ، لأنك إنتِ إنسانة قارئة وَ أكيد تَملكين وَجهة نظر خآصة
بكلا الآحوال مُو بالضرورة يكون لك رَد بكل بَوستاتي ، يَكفي إنك قريتيها أو إستَمتعي بهآ
بَوستاتي ترى يقرآها مَرات آلفين شَخص باليوم الوآحد ، لو تَم مُطالبتهم جميعاً بالرد يَمكن ما بَقدر ألحق عالردود
فالرَدود بهالمَستوى الطبيعي مَقبول جداً ، وَ لا أنكر إني أطمح إني أقفل آلف رد عالبوست الوآحد حالياً وصلت لـ ٣٠٠ بَدون رد مَني
( مازال عندي نفس شغف المُنتديات ) ..
وَ نورتيني
هههههههههههههههههههه اذا مات يعني بمثل بمسلسل ثاني .. والله الاتراك مثل ابو هنود يمكن يرجع لهـا ..
يمكن تسميه الياس ههههههههههههههه ، سليما تصكه المسكين قضاها تجلط بهالمسلسل ودموع ..
انا صرت اتابع مارال بس عشان تنفتح نفسي على جمالها وعفويتها ، مافيه مسلسل يستاهل كلها انتقام ، بس هالشويب مهيمد مخليني صامده هههههههههه شكل اخرتها بحب شايب واتزوجه< قلبت موضوع سوالف
ههههه أجل مَهميد !! ههههههههههههههههههه
شوفي لو تسميه إلياس أنا بَنتحر ،، مرات أقول لو يموت وَ يفكنا أحسن ذبحنا بقلبه إللي كل شوي يتحجج به
بصراحه حُبه لها ناقص وَ فيه تدليس وَ خداع ، بس ما أنكر أرحمه ضعيف الشخصية
ياللله مو متخيله قد كلامك عميييييق اذكر قبل سنه بنفس هالوقت تقريبا كنا نسولف انا وصديقتي انو اكثر وحده نجحت في فصل حياتها الطبيعيه عن العالم الافتراضي هي آرتوس طبعا شي مو بالسهل لكن احييك بصراحه هالتدوينه لامست قلببي كثيير لأني كنت مثل وضع خالك وللأمانه فقدت المتعه بالجمعات والمناسبات لحد مالحقت على عمري و صرت افصل بين حياتي الطبيعيه واعيش كل لحظه واستمتع فيها وانسى ان عندي جوال باختصار عالم السوشيل ميديا عالم مخييف والسناب تشات هذا الهبه الجديده ارتوس عندي انسانه مشهوره بالانستقرام وتصور حيتاتها سناب تشات من تصبح الى ماتنام شي مخيف جداا وبكل تفصيله تشاركها متابعينها رغم انها ام وعندها بيت واهتمامات كل شغله بالحياه يبي لها شويه عقل واتزان على فكره حسيت هالبرنامج شخصيتك storehouse ويليق فيك كثيييير خصصا لو اطلقتي آرتوس الاجنبيه
حَمستيني عالسَتور هآوس ، شَوفي كلنا ننجرف لكن إللي يَحبونا يَنبهونآ
أنا مَرة تغيرت بَشغلة ، أختي نَبهتني وَ السبب إن أخوي الكبير فوق مَخاوف أختي نبهها عَلي
فمهماً إنجرفت مفروض إللي يَحبونك يَنبهونك مُش يعاتبونك أو يَقاصصونك ، وَ النت إدمان لما تَبعد عنه تنسآه وَ تشفى مَنه
بس لما تقرب مَنه شَوي يشتغل فيك الحَماس وَ تضيع سنة وَ سنتين من حياتك بدون بتحس
المُصيبة الآن حنا بنات ، لكن لو إستمر هالهَوس لين مانصير أمهات وَ ننقله لعيالنا وَ أطفالي يَشوفوني مَخدرة مع هالوسائل
وَ زوجي برضو شيء طبيعي راح يبحث على آدمية غيري حتى لو كانت ترضي رغباته بالسوشيال مَيديا ، وَ مُمكن أخسر أطفالي وَ مُتابعتهم بسبب إنشغالي بقروب .. إلخ
مَرات نسحب من نومنا عَشان هالتَواصل ، وَ مرات نستغنى عن كشخة مُعينة لنا لأن ضعينا جزء من وقتها بشبكات التَواصل
وَ حمستيني على storshouse شَكله رآح يَضرب , وَ مانقول غير الله يبث بداخلنا التَوازن كل شَخص ممكن ينجرف
وَ حزنت على هالإنسانة ، يعني اليَوم تشاركهم هي وَسيلة ترفيهية .. المُصيبة لو هي تَعلقت بهالتواصل
لأن كل شيء مصيره ينتهي ، الخوف ينتهي بعد ما يَفسد حياتنا وَ يخلينا مثل العَلكة بألسنة الناس
كتبت كلام كثير وطار ..
بس بعيده 🙂
اول مرة ارد على وحدة من ثرثراتك مثل ماتحبين تسمينها لكن اذا سمحتي لي ماراح اكتب النقاط اللي اتفقت فيها معك والا ماراح اضيف شيء .. اغلب الردود كانت متفقة بالطرح ..
اول شيء ارتوس اعتقد انت من اكثر الاشخاص اللي تؤمن بمبدا اختلاف الطبيعة البشرية ..
والانسان غالبا طبيعته عاطفي خصوصا النساء .. علشان كذا الاغلب كتب لك فقط اللي اتفق معك فيه و تجاهل قاصدا او بدون قصد النقاط اللي مااعجبته وقد يكون البعض اعجب بالكلام بالمجمل..
علشان كذا قريت التدوينة مرتين مرة بطريقتي المعتادة لما اقرا لشخص اثق فيه ومرة ثانية وثالثة بطريقتي انا .. ادري انك مو ملزومة بطريقتي بفهم او التعاطي مع حديثك لكن ثرثرة نسائية.. خليني اتخلص من المقدمة وادخل بالاشياء اللي مش ماعجبتني بتدوينتك لكن كان لي راي فيها .. بدون ما ابرر لتصرفات المدونين او اصحاب اليوميات لكن راي فقط
تصوير الاشياء الحلوة والغالية والاماكن الفايف ستارز وهالاشياء .. الانسان بطبيعته يحب الجمال فطبيعي بيحتفظ بالاشياء الحلوة سواء كان محدث نعمة او صاحب ملعقة بفمه من ذهب من كان صغير .. طريقة النشر تختلف اذا كان هالشخص يبي يقاهر او هو فقط يوثق لحظاته الاجمل .. بدون ذكر اسماء حسابات لكن فيه حسابين كل الثنتين ينزلون صور بمستوى واحد من الرفاهية لكن الاغلب اتفق على ان وحدة تبي تقاهر والثانية فقط تشاركنا لحظاتها ” الاجمل” مااحد سأل هالثنتين عن شيء وايش مقصدهم لكن الصور تحكي احيانا اكثر من التعليق اللي يجي تحت الصورة ..بالنسبة ان الاغلب صاير يهايط بالرياضة انا شفتها بطريقة ثانية .. الناس صار عندها وعي بأهمية الرياضة و صار الاغلب يمارس لو نوع بسيط لانه حس انها سهلة .. حتى لو كان اللي يقدم المعلومات قدمها غلط لكن ليش اغيب عقلي واتبع كلامه بدون ماابحث ..انا مثلا قريت مرة انه اكبر غلط سويتيه بحياتك يوم شريتي السيكل الرياضي اوبتراك .. مع اني انا شريته بعد كلامك و استفدت منه وماتعبت ابدا .. ماغيبت عقلي وقلت ايه ارتوس قالت ومشيت على كلامك بحثت وقريت وسألت و استشرت والاغلب اشار انه بحاجة انا للسيكل واستفدت منه.. حتى وان دلت الارقام على ان السمنة اعلى بالكويت و السعودية لكن على الاقل صار شوية وعي وخلي الرياضة تصير موضة وهياط علشان هالعالم المترصصة ببيوتها تتحرك شوي .. مثل يوم صارت هبة الكتب والقراءة .. انا من الاشخاص اللي كنت زمان مرة اقرا و الناس ماتحتار وش تهديني لانهم مجرد مايجيبون لي كتاب اطير من الفرحة .. واهملت القراءة وجت هبة العالم بالقراءة وتحمست شوي ورجعت اقرا ..احس اني طولت بس بكمل اخر نقطتين على السريع .. الحساب الاجنبي و العربي .. انا اتابع الشيئين ممكن اقول لك العربي كثيره التايه بدون هدف حقيقي مفيد والاجنبي ابرزه المفيد ..
فيه حسابات اجنبية ابو الحسابات العربية بالجنة عندهم ..
النقطة الاخيرة ان اغلب المشاهير صاروا ينصبون انفسهم مصلحين و يحلون قضايا بعيدين كل البعد عن اصل دخولهم لهالعالم الافتراضي .. انا اشوف فيه كلام مفيد عند البعض و اشوف ان وجودهم مهم هالعينات .. ليش لاني بصير افهم اكثر كل طبيعة وشلون تفكر وشلون تتجاوب .. صدق استفدت من كل اللي اضفتهم بالسناب او الانستقرام او التويتر صحيح مايطولون عندي بس اختصروا علي وقت وجهد طويل علشان اتعرف على عينات ونفسيات اكثر بالمجتمع ..
بس وان شاء الله مااكون طولت وسلامتك 🙂
ما أشوف فيه إختلاف بَوجهات النظر ، بالنسبة للهياط بالرياضة على عيني وَ راسي
لكن المُشكلة لما أنصب نفسي خبير لياقة وَ الناس يتشيروني وَ أنا ما عندي إلا الضَعوي ، هنا المُصيبة وَ التدليس
هياط بالرياضة وَ فرح مُجرد صَورة بسلامتهم ، لكن التدليس وَ إنك تنصب نفسك خبير هذي مُشكلة وَ عفكرة الكسل إجتاح العالم كله
حتى أستراليا المَشهورة بنسبة الرياضيين عندهم زادت نَسبة السُمنة ، وَ الناس يعرفون أهمية الرياضة لكن مُخدرين
إذا جبتي لي بنت وحدة بالسعودية بيدينا عضل وَ بمعدتها عضل آبشري بمسح هالكلام ، وَ الآدهى وَ الأمر المُدربات الرياضيات بالنوادي الرياضية بالرياض أجسامهم مُترهلة
وَ كروشهم قدامهم ، ماشفت إلا وحدة رياضية بجدة وَ البنت سعودية فعلاً رياضية وَ عفكرة عندها حساب بالآنستا وَ اليوتيوب وَهي مدربة رياضية ماعمري شفت آحد جاب طاريها
لأن ما يعرفون عَنها ، جالسين يسرقون معلومات من شخص كويتي مَشهور ، أو مُدرب رياضي بحريني وَ إللي ينطبق على الذكور ما ينطبق عالنساء ..
بالنسبة للآوربترآك هُو مضر لانه غير مُتوازن ، يعني جهاز رياضي ركيك العيب بالشركة المُصنعة وَ ليس بالجهاز نَفسة
يعني أكيد مازال جسمك يحتاج جهاز كروس لكن مو بالضرورة نفس هالجهاز وَ لو جربتي غيره بتفهمين كلامي , وَ أنا أقصد لو جربتي غيره من الأجهزة الإحترافية
مشكلة الأجهزة الرياضية ما تظهر بلاويهآ إلا بعد ما يقع الفاس بالرآس ، لكن بالنهاية أنا ما مَنعت أحد من شرائه أنا نقلت تَجربتي
وَ مازلت أنصح الناس بعدم إقتناءة جهاز سعره مايتجاوز ألف ريال وَش بيطلع مَنه ؟!
بالنسبة لجمال الصور مين قال الجَمال بشغلات الفايف سَتار ؟! اللابستر شكله بَشع !! بس بذهن الكثير إنه غالي وَ لذيذ وَ نادر
وَ السوشي كذلك ، وَ التميس شكله ألذ وَ جميل ، السمبوسة رخيصة وَ تفتح النفس بالإمكان نصنع أي شيء جَميل من أي شيء بسيط
لكن فكرنا إن الجَمال يكمن بالثمين هذي مشكلة بَحد ذآتهآ ، وَ على فكرة إللي يعرف الثَمين يعرف الشخص المَهايط ..
لأن مرات كثير شغلات أصورها ثمينة محداً يعرف من وين ؟! وَ لا أحد ينقد عليها لأنهم ما يَعرفونها ..
مُمكن أصور حامل شَموع سعره أغلى من شَوز لبوتيان وَ لكن لأن أغلب الناس بُسطاء ما يعرفون عن هالشَمعدان وَ لا يمتعضون مَنه
بس رآح يمتعضون للشنطة الماركة وَ …. إلخ
بالعَكس من المفترض أنا أشجع تصوير الهياط لأنه شيء قادرة عليه ، لكن التسطح زاد بالمُجتمع وَ التركيز عالمظاهر أفقدنا جوهرنا الإنساني
أنا ما شفت أي إختلاف بكلامك سَوى إنك أضفتي وَجهك نظرك
انت شكلك فهمتي اني مختلفة معك بالطرح بقولي الاختلاف طبيعة بشرية وانت تؤمنين فيها .. اقصد بالاختلاف الناس عموما انا اشوف شيء مايعجبني وانت ممكن تشوفينه حلو هم يشوفون انه عادي يصورون كل لحظة بحياتهم بس فيه ناس ماتحب .. مو اني اختلفت معاك .. وماراح تلاقين بنات بجسم مشدود لاننا لسى بالبداية .. انا اقول على الاقل صار فيه شوية حركة مو شرط انهم يكونون بيرفكت .. اول كنت اروح مرات امشي مع امي بالممشى كان قليل اللي يمشون بس اللحين صار فيه ناس اكثر .. و لاتمسحين كلامك عن الرياضة و لا شيء لانه انت تكلمتي من زاوية وانا تكلمت من زاوية ثانية للموضوع.. والجمال ماكان ابدا بالاشياء الغالية بس مثل ماقلتي الناس صارت سطحية ..
وانا مااختلفت معاك بالمضمون لكن حاولت اشوف الاشياء من زاوية ثانية مختلفة .. السطحية و الهياط فعلا شيء اجتاح مجتمعنا بشكل سريع والدليل شوفي سفرة الاكل حقت الاغلب قبل وبعد الانستقرام ..و مازلت اقول حبيت في مواقع التواصل اشياء كثيرة مثل ماكرهت اشياء كثيرة فيها
لا ليس لأنهم بالبداية مافي جَسم مَشدود لأن التَكنيك غلط فما راح يَنشد ، وَ لأنهم يتبعون كل من هَب وَدب
وَ لأن النظريات مَغلوطة ، فَممكن الواحد بدل ما يوصل يرجع لورآ فيه ٣ مَفاهيم عندنا مو بس عن الرياضة عن كثير شغلات غلط
وبعدين الأغلبية عندهم الرياضة لمرحلة مؤقتة ، زواج .. مُناسبة ، خَطوبة بعدين بآي بآي
وَ حتى لو شافوا وَحدة عٌمرها ٥٠ سنة وَ بتسوي رياضة بيقولون لها وَيييييين ؟! لازم المَفهوم الفكري يتغير إن هالرياضة إسلوب حياة
وَ ليست فقط من أجل الشكل الخارجي ،وَ ترى أغلب المُتعلقات بالرياضة صاحبات وَزن ثقيل ، لكن نحيفة تَسوي رياضة وَ تهتم بالغذاء نادراً جداً يمكن إللي قابلتهم ثنتين
بشبكات التواصل الإجتماعي تَعرفت على ناس لو عَشت مليون سَنة ماكان تعرفت عليهم
وَ هُم من نُخبة النُخبة
ياربي ياكثر ماأفرح بكلامك وبتفكيرك مره يعجبني واحب ارجع اقراه من جديد واوزع الرابط بعد و اصف لهم مدح عشان يتشوقون يفتحونه بعد هههههههههههههههه يختي ماأقدر لا شفت شي حسيته مفيد لازم نشر مع اني اعتقد الكل عرفك بس مايضر ارجع اوزع الروابط اللي تعجبني ..
كلامك ذكرني بمواقف كثيرررره ماكنت منتبهه لها او منتبهه بس حسيتها مو عند الجميع , جد مواقع التواصل غيرت كثير بس أسوأ شي ان الناس ماعاد ترضى بحياتها وفيه من يطالع رزق غيره صدق احيان احس اني انجرف مع هالناس بعدين احاول اوقف واتفكر باللي عندي واحمد ربي ما ودي يجي يوم واكون جاحده للنعمه وعيني على غيري , احس بكون مثيره للشفقه والناس تنفر مني -_-
واحاول دايم ابيّن هالفكره للناس اللي حولي احيان يتجاوبون واحيان لا .. وبما ان كل شي صار هبات جاء وقت كنت احس لازم اشتري نيكد لازم يكون عندي ماك بس بعدين حسيته لا انا اشوف وش احتاج مو مع الخيل ياشقراء اتحرك بدون عقل او احمّل نفسي فوق طاقتها عشان امشي على الموجه الجديده والحمدلله كيذا اريح .. وحسابات الرياضه والرشاقه اللي تروج للسكوات اكثر شي تغبني 🙁 اوكي هو تمرين مهم بس عاد لا تقتصرون كل شي عليه وانقهر اذا احد قال لي تسوين سكوات ؟ واذا مثلا قلت على حسب الفيديو اللي بالبرنامج يحسسوني اني خربوطيه وان ماعندي سالفه , الثقافه الكردشيانيه شوهت المفهوم له
والله بقلبي كلام كثير واحسني طولتها بعد :$ ربي مايحرمنا منك يختي وعن نفسي احب السلبي فيك والايجابي ماهو مبالغه بس الحب من الله <3 <3
يآ بَختي بَإنسانة مَثلك .. قَلوب لك يا حبيبتي
كثير مُو راضي بحياته ، لكن هالأشخاص هُم موجودين بالحياة بس ماكانوا يتخيلون إن فيه ناس عايشين بهالطريقة
أو كانوا يقولون إيه بس سافروا ، بس آكلوا ، ما يَتوقعون إن حياتهم من كل النواحي مَدلعة هالشيء سبب لهم إحباط وَ سبب لهم عَنف بشبكات التواصل
وَ حتى سبب لهم بين بعضهم يستخفون بهالإنسان وَ يقلدونه وَ يضحكون عليه ..
وَ ياعيني عالناس الفَهيمة ، فعلاً مو شرط يكون عندي مثل فلآن أتصرف على حَسب إحتياجاتي فقط
وَ ترى أنا مَحظوظة بَوجودك بحياتي ، بالرَغم إنك فَطفوطه بس عقلك يَوزن بلد
احييك وهذي ماهي اول تدوينه احس انوا بيننا شبه بالتفكير <يافرحتها
انا مريحه راسي ومالي اي حسابات بالشبكات ذي
وصفتي كثير ناس بالمجتمع بنفس نظرتي لهم
اما الخصوصيه فهي عندي مقدسه نحشت مني الكثير هههه
لبى الثرثره بس
زَينك وَ الله ..
طالما مالك حساب وَ متواجدة عندي فأنا أقدر لك هالشيء ، تنوريني بكل أوقاتك
مايمنع اني اتصفح حسابك بالانستقرام حتى لو ماعندي حساب *_^
قبل كان نفسي اسجل عشان اتواصل معك والحمدلله المدونه وصلتني لك
سَعيدة بمثل هالتَواصل ، وَ أحيي الناس الصآمدين إللي ما إنجرفوآ
وَ أحيي بك حُبك للتواصل مَعي .. كلي فَخر
اوافقك بشده
يآهلا بَك يا لَمياء ، عاد لا يَخفى للجَميع دَورك بالمُجتمع
توسه كتبت قبل اقرا التدوينهاخاف تروحين تنامين
وَين كتبتي ؟!
رديت على الردود إللي وَصلتني
اهئ مشغوله اليوم عقليا وبدنيا وانا احب اقعد على تدويناتك وارد عليها وانا مروررقه ، بكره برد أحس عندي قرقر كثير بس ان شاء الله ما اصحى والاقي القرقر راح ، بس مبدئيا التدوينه عميييييقه وجميلة ..
ما ننحرمش
جيت هههههه ، مدري ليش حسّيت نفسي نفس اللي يجري عشان يلحق الباص ويطيح شي منه وحاله ،المهم اول شي فعلا الاجازات اللي تكون خاليه من النت شي مريح انا يوم اروح عند جدتي ام امي لا نت لا تلفزيون حياة عالفطره شعووور جدا جميل ( ترى أسهبت بالكلام نسيت نفسي ورجعت مسحته ههههه ) ،أنا طبعا خامله في الانستقرام وبغيبوبه بالسناب ومتوفيه ببقية المواقع ، بس أنا أعرف نفسي مآأحب اظهر شي أنا ماني عليه احس إني كذابه ، الاختلاف فقط في الجرأه يعني بالانستا ممكن اتناقر مع أحد بينما الواقع العَبره ماتخليني أقول كلمتين على بعض ، المجاملة يعني بحياتي ما اتغزل لووول استحي او ماني متعوده بس بالانستا اقول كلام حلو ، بس هذي الاختلافات ، شفت احد اعرفه بالحياه على المواقع بصراحه استغربت ماهو تزييف إنما تلمييع وبصراحه ما انصدمت لأَنِّي قريبه منهم واعرف تفكيرهم ، سالفة ان الشهره له ضريبة ، في شخص حسابه بالمليون بالانستا انا كنت أتابعه وهو لسا يصعد في سلم النجاح علق تعليقيين عنصريه بالرغم له فيديو يدعوا الناس الى انهم يعاملوا العماله معامله حسنه في ناس صفقوا له وناس ردت عليه ومن بينهم انا وبسرعة مسحهم ما امدى الموضوع يكبر يومها خلاص اشمئزيت منه صحيح اشوف فيديواته احيانا لأنه يضحك بس داخليا مشمئزة منه وخلاص عرفت انها بربره لإصلاح المجتمع فقط لإثارة الإعجاب ، لو أحد حق شر واخذ لهالتعليق كابتشر كان بيسويله فضيحه وبيكرههً هالجنسيه فيه ، وصدق والله ملينا من الناس مسوين مصلحيين ، بالنسبه لي احس الشهره مسؤوليه وناس وراك تنتظرك كأنه ارتباط مآأحب هالشعور أبدا ويمكن اللي عززه إني آخر العنقود وآخر العنقود هو بجهه والمسوؤليه بجهه ، أنا معاك ان مافي شي يظهر بالمجتمع الا لأنه له مصفقين فيستاهلوا سووا انفلوا وراح تمييت هالشي !! بصراحه أنا اعترف إني كنت من الناس اللي فكرت بداخلي يعني مو تعليق كتبته ، عن العشرين حقيقه حقتك قلت ليش كلها اكره اكره اكره ههههههههه بعدين قلت والله ذي البنت تعرف كيف تتميز لوووول انت تذكريني بقريبتي هي اصغر مني بسنتين فريندلي وودوده ومع اي احد تقابله تلاقي نفسك تبريري لها وهي مايطلع منها كلمه وبطلت اتكلم حق عناد ههههه ، بس يوم بيتت عندي قالتلي كلام ماتوقعت بيوم تقوله عرفت ساعتها إن الضغط من أمها طبعتهم على طبع غير جيد .. كل شي تسألي عنه إجابته مدري ، أمهم تخاف من العين بشكل فضيع ، مره كنت مع اخوي وقلتله ليش لما نشوف شاميه تأرقل بالحديقه نطالعها عادي بينما لو خليجيه نطالعها انو كيف عيب ، ليش لما نشوف لبنانيه مثلا حاطه الطرحه على رقبتها وفل ميكب محد يقرب منها لانو يشوفوا تصرفاتها تصرفات انسانه محترمه ، بينما لو سعوديه كاشفه الوجه وحركتها ومشيتها زي اللبنانيه مابيخلوها في حالها ، وصلت لاستنتاج معين واعتقد الأغلب يعرفه بتكلم عن نقطة الحجاب مثلا لما تكوني بدوله فيها حرية الحجاب وانت اخترتي تتحجبي فهنا ينظروا لك بنظرة الاحترام لأنك اخترتي الشي الصح واذا ماتحجبتي فعادي لأنو من البدايه كنت مخيره ، لكن لما تكوني ببلد وعادات وتقاليد تفرض الحجاب ومافي خيار غيره وانت ترفضيه فهنا كلام ثاني وعلوم وتعتبري اخترقتي العادات وطريقة تربيتك تختلف عن تربية ببقية الشعب طبعا تكون تربيتك هي التربيه السيئه بينما هو التربيه الصحيحه وقيسي حتى عالاجنبيات تلاقيها بطنها باين صدرها باين فخذوها باينه تلاقيهم الله عالجسم جمال لأنهم مايشوفوا انها اخترقت او غردت خارج سرب طريقة حياتهم ، ويعطيك الف الف عافيه على هالتدوينه العميقه الجميلة ..
إذا هذا إسهاب آهلاً به ، حبيت تعبيرك أنا خاملة بالأنستا وَ بغيبوبة بالسناب وَ متوفية ببقية المَواقع
شَكلي عرفت هالمَشهور ، عُموماً أنا سبق وَ تبعت أحد المَشاهير وَ كنت مَتحمسه معه لكن بعد فترة وَسوست من حركاته
حسيته يَحب يلمس الحريم إللي كان يَلتقي فيهم يَعني عينه حآره ، ربما ظلمته لكن نفسي تَقززت منه يعني هو يعطينا صَح نظرة براءة بمقاطعه
لكن حركاته مُو طبيعية ، بكلا الأحوال صاروا البنات ما يَحاسبون مين يلمسهم ، شلون هالرجال يتَكلم معهم لكل شيء حَدود بغض النظر عن الحجاب
ممكن وَحدة تكون مُحجبة لكن مُش عفيفة ، العَفة ما تَتوفر بالكل .. الموضوع يطول ..
بخصوص النَظرة ، أنا تناقشت مَع كثير لكن هي مُش مثل ماتخيلتيها إنتِ ..هي نظرة مُتأصلة بالتربية
فيه شباب سعوديين عادي يتزوجون وَحدة غير سعودية لها علاقات جنسية مع شباب وَ خلاص تبي تتزوجه
بينما مُستحيل يتزوج سعودية تم إغتصابها ( طيب وَش ذنب هالسعودية المُغتصبة ؟ ) ..
مُستحيل يتزوج سعودية مطلقة وَهو ماسبق له الزواج ، لكن عادي يتزوج وَحدة أمريكية عندها وَلد غير شرعي
وَين الأخلاق ؟! وَ وين الإنصاف ..
مابالك الآن الكل صار يهجر البنت السعودية وَ يدور له من الدول المُجاورة ، بالرغم لو ركز بيلاقي إللي بالخارج مَوجود بالبلد لو خلت لخربت ..
وَ ترى عادي مُمكن إنتِ تطلعين يدينك ينتفونك وَ يحتقرونك ، وَ لكن بنفس الوقت يتابعون مُمثلة سعودية وَ دايم بجلسات وَ سهرات سٌكر مع رجال
وَ يصفقون لها ، لكن يدينك إنتِ إللي طلعت يقيمونك عليها ، الناس طلعوا القمر وَ هذول يدينك وَ رجولك وَ وَ وَ ..
وَ نفس هالناس لو سويت لهم فَولو بيفرحون بصداقتك ..عجيبين عُموماً ما أحاول أفهمهم لأن ما أحرص عليهم ..
نورتيني يا رشو ، دائماً لك بصمة بكل تَدويناتي ..
بصراحه يوم رجعت اقرأ كلامي قلت يوووه بتفهمه ارتوس ملخبط ،ههههه بس من كثر ثقتي بذكائك احسني اقدر اكتب طلاسم وبتفهمي علي ، وترى صدق زمان كان عندي مفردات رجعت للمنتدى القديم اللي كنت ادخله بعمر ١٨وقلت معقول ذَا كلامي كنت اقرأ روايات عشان كذا دحين والله احيانا اقعد أفكر كيف اصوغ الجمله وأحيانا اكتفي بلايك،المهم ايوه انا مو قصدي ان الحجاب دليل عفة المرأه بس قصدي يعاملوا اي امرأه من جنسيه اخرى على حسب تعاملها بينما هنا يعاملوها على حسب حجابها ، عندك أنا يوم اتنقب محد يقربلي بينما لما اتلثم ألاقي محاولات للمضايقه مع اني نفس أسلوبي نفسي مشيتي نفس حركاتي ، هو فعلا متأصل بالتربيه ، وشئ مربك ومستفز بس انا اشوف بعض الأسباب واضحه جليه لتصرفاتهم مثلا ايديني اذا أظهرتها ونتفوني وذيك صفقوا لها يعتمد على كذا حاله لو هي تظهر وجهها وانا لا بينتفوني لأن عندهم كيف اقولها زي الحقد لحركة اطلع اي شي من جسمي الا وجهي يعني خوف من المجتمع اكثر من الله هالشي بالتالي بيطالعوني بنظرة الاحتقار بينما هي بالمفتشي وقدام الكل ومو خايفه ، وكمان لما يشعروا انهم يقدروا يوصلوا لها بيجاملوا لعل وعسى ترضى عليه اما الثانيه اللي تسوي بمثل شوق ولا تذوق بيهجموا عليها ثالثا اللي تتعرى بينما بعقلها فكر ماينتقدوها زي اللي تتعرى وهي مابمخها شي شوفي ايما شاه واتوقع تعرفيها وانت تعرفي قصدي مو بس لبسها واشياء ثانيه اكبر من كذا مختلفه فيها عننا بس بالرغم من كدا كلمات التشجيع تنهال عليها، وإذا فرح بفلو مني لأَنِّي شخص أشغلت تفكيره سواء بسلب او إيجاب ، يمكن يكون تفسيري سخيف او سطحي بالنسبه لهالمشكله اللي مأرقه مجتمع كامل بس اشعر انها ولو جزء بسيط من الأسباب .. بقولكً حته صغيرونه بالدايركت وإن شاء الله ما أكون اضجرتكً بكلامي خمسه مواه ههههههه ..
يا زَينك ، لأ فيه حَساب وَحدة أجنبية تَظهر جسمها وَ لا تظهر وَجهها من أفضل حَسابات الفاشن ..
متى الناس راح ينتفونك ؟! لما يعرفون تفاصيل عنك تبدأ المُقارنة ـ لما تعرض فكرك وَ تتحدى شوفي بصورة الهدايا ..
تيفاني مشهور عند الأجانب وَ العرب ، وَ الصورة مفروض تجيب مُعدل لايكات عآلي ..بس لأنها عَند أرتوس وَ أرتوس تعرض فَكر فالإستفزاز مُختلف ..
تصير المَوضوع مَوضوع مُقارنات ، لأن فيه إعتقاد إني أعرفك .. بس لو حساب كامل مَفتوح سعآدة الوضع مُختلف ( وَ سبحان الله أخر شيء إكتشفت إنك كتبتي نفس النقطة لأن أنا أرد نقطة نَقطة )
أتوقع إننا فآهمين بَعض ١٠٠٪ ، وَ للأسف ما أعرف إيما شاه
بالعَكس ما أضجرتيني آبداً أبداً ، إلا إكتشفت فيه إنسان يفكر بَشكل مُتفرد
الله قد ايش كلامك يجيب العافية
صدق فيه ناس اشوفهم غير ف الحياة الحقيقية والافتراضية باختصار منافقين على نفسهم وانا مومرة متفاعلة في السوشال ميديا احب اتكلم مع الناس وجهاً لوجه لدرجة وحدة من قريباتي قالتلي مااحس اني اعرفك في البي بي ام تصيرين انسانة غير بما اني مرجوجة حبتين غير كذا احس اني انطوائية يعني حدي اللي اعرفهم حاولت اكون صداقات مع اشخاص سواء في الحياة الحقيقية او الافتراضية بس فشلت صراحة أنا إنسانة أكره التصنع أو أكون غير عن نفسي ، جاتني فترة اول مادخلت الانستا حسيت فيها إن كل الناس يمتلكون كل شي بينما أنا لا صح هذي الفكرة غلط بس اثرت فيني صرت اكره كل شي صرت اقارن نفسي بغيري بينما أنا الحمدلله كل شي عندي واهلي يوفرون لي كل اللي ابغاه “ولو بعد حين” بس الحمدلله تخلصت من هذا الشي لأنه بجد يتعب نفسية الواحد ..
في النهاية حابة أقولك يا ارتوس اني استفدت منك كثيير ثرثرتك وعفويتك ببساطة تخلي الواحد يرتاح لك ، وأغلب تدويناتك قرأتها أكثر من مرة غير اللي تكتبيه عن الجمال وكذا استفدت
احسك باختصار “اكثر انسانة تبعث في روحي الامل ”
الله يسعدك ضعف مااسعدتيني ويرزقك راحة البال..❤❤
يا حَظي بهالإرتياح إللي تَحسونه وَيآآي ..
وَ عطيتيني أكثر من حَجمي ، وَ إن شاء الله أكون عَند حسن الظن ..
آمين يآرب وَ لك بالمَثل
زينك والله .. ورأيي فيك مااقوله الا بصدق ..
اللي مثلك فارض نفسه ومحداً بصحلو يئول العكس .. لووول بحس حالي بلشت صير من المُتملقات!
بس انا لما اشوف الاخلاص بالعَطاء ارتاح ، لما احس بنات جيلي طَبيعيات ( فيهم انسانية اتطمن) .. تلاقيني عفوية بمدحي وغيري ممكن يلومني بس انا اتذوق الجمال بالشكل والروح ولذة الحَياة.. مثلاً..احتمال بنت مَغرورة مكشرة ماتقول حتى السلام لو دخلت الغرفة! لكن عطرها يعجبني فَـ تلاقيني لازم ابدي اعجابي واسألها! اكره الكِتمان مش طبعي بنوب.. فما بالك بروح جَميلة متلك؟
فَائدة بنات هالجيل من المِصداقية والإخلاص قليلة جداً خاصة بهالوسائل.. فـ مااصدق على الله القى بنات طَبيعيات واعبر عن اِعجابي ، وبما يخصك انتِ من المؤكد لك بآع طويل لكن انا من المقصرين بالبحث وانتِ ادرى بالسبب ( سَعادة وانغماس بالعالم الواقعي)
لكن اَشوف النَشاط فيك وبغيرك ولازم افصح عن اِعجابي !وقليل بحق نشاطكم( بس اِيمت بدها الناس تَعترف مَبعرف!)
جمآل عَفويتك يحتل روآقي اطول احتلآل واجمل احتلآل..
حآشاك بالعَكس إنتِ دوم تثبتين نفسك بذوقك وَ ارائك الخاصة سواء بأفلام أو مُمثلين
ترآي مو من النَوع إللي آنسى مُتابعيني ، أنا أستفيد وَ أستمتع بهالتَواصل ..
ههههههه حَسيت إنا نَتشابه ، كثير من الناس يَقولون لي : ليش قلتي لهآ ؟! الأن بتاخذ مقلب بنفسها
طيب هي بكلامي أو بَدون كلامي ماخذه مَقلب سَلفاً ، اللهم أنا أكَدت الحقيقة إللي بهآ وَ دائماً الجمال يفرض وَجوده
سواء جمال الشكل ، جمال الأخلاق وَ الروح ، جمال العَمل حتى لو ما عَبرت بلسانك أو بَكتاباتك العيون تَكشفك وَ تظهر هالجانب بك ..
أخجلتيني يآ شَآي وَ كان لي الشرف بَمعرفتك بهالأشهر يعني أعتبر ٢٠١٥ فاتحة خَير علي ..
نورتيني
صح كلامك جميل وفي محل
أعتقد كلامك ما ظَهر كاملاً ، لكن نورتيني
يعطيك العافيه,,,, تدوينتك كعادتك متالقه
وفعلا صرت اشوف النوعيات بكثره بجميع مواقع التواصل ياليت لو الكثيرر الكثير يقرأ تدوينتك لعل وعسى يحسون لو شوي على انفسهم
دمتي بحب ….
كلمة الكثير الكَثير عبرت عن الكَثير
دُمتي ..
اه بس لو فيه منك ارتوسات كثيرات ❤️❤️❤️❤️
الواحد ما يدري ايش يسوي يحسبون اللي ما يصور ويوثق كل شيء ما يروح ولا يجي ولا يسافر 😐
ولا انا ما يقهرني الا اللي تجي تهايط وشفتي اللي نزلته و و وانا لابغيت اهايط عليها عرفت كيف اكسر راسها بس ما ابغى انزل نفسي لمستواها ومستوى الانحطاط في سوالفها وكلامها !
مالنا الا نسلك لهم ونعطيهم جوهم ولو جلسنا نتكلم من هنا لبكره ما بنخلص منهم ومن حركاتهم 🙁 !
على قولتك لكل واحد وجهه نظر واللي اشوفه صح ممكن غيري يشوفه خطأ والعكس ❤️❤️
لو فيه آرتوسات كثيرات بيخرب تَوازن العالم ، بيصير فيه مُتفلسفات كَثيرآت ..
عَليك نُور قلتي كلمة جداً كبيرة ( ما آبي أنزل لَمستوآها ) وَ عفارم عليك .. كبرتي عقلك وَ رفعتي شأنك
نَورتيني بإضافتك وَ وجهة نَظرك
صباآح الخير
شبكات التواصل الاحتماعي , الصراحه انا أحب التصوير ف كان ها سبب تواجدي بالانستغرام قبله بفلكر ، وعشقي تصوير الأطفال بس طبعا ما أحط منها لمنع انتهاك الخصوصيه غير اني ما أحب ان آي صوره تنتشر بالغلط صح ما عندي كثير متابعين بس واحد منهم يسوي فرق ،
ف 99 % من صوري هي تطوير فقط وتجربه تكوينات واعدادات يديده .
اذا تكلمنا عن الحياه الواقعيه انا كتوومه جدا وعندي مليون خط احمر يتساقط تدريجيا على حسب قرب الشخص بس بطبيعه نفسي ان مستحيل أشل الحدود من اي شخص كان قربه مني ولا حد بالعالم ,
اذكر ف فتره خطوبتي كنت أقول لريلي ان في حدود وخط احمر ما أحب حد يتعداه معاي ، شسوي ما أحب حد ينغش فيني ، أتوقع يرجع لأَنِّي البجر ،
اعرف ناس صارو يهدون هدايا بس من دخلو عالم الانستقرام يمكن ها الشي حلو ويمكن الهدف صورو هدايانا ف الاعمال بالنيات .
الصراحه انا من الناس اللي ما اتهمني الكماليات وايد . يعني مب لدرجه اني اذا ما شريت من ها البراند بحس بالنقص أصلا أبدا ما أفكر فيه مع انه ذوقي جدا صعب واتعب لين احصل شي بنفس الوقت شي مناسب لي وما يرهق ميزانيتي ، صارو الناس يشترو عشان يصورو انا هاي كلاس يا جماعه ما اشتري الا من ها المكان .,
السناب شات بس لاهلي واصحابي المقربين ,. فكرت اضيف ناس وهيك اصدموني بكميه الهياط ع قولتكم ، ما ادري ما حبيت ابدا دام انه الصوت دخل بالموضوع ف اكيد النبره تفهم اكثر من الكتابه ف ريحت راسي ودليت على طول .
ردي متاخر بس قلت لا انحس بالجماعه وما تردين عليهم أحب اقرى الردود
وكل ما حجزت اول رد يصير الموضوع بلا ردود للاسف ،
تمسين على خير ❤️
مَساء الخير ، بالتأكيد وآحد منهم يسوي فَرق ..
وَ الفليكر أنا أشوفه أفضل لمُحترفين التَصوير ..
وَ حلو تعاملك مَع زوجك بفترة الخطوبة ، بالعَكس إنتِ واضحة وَ عطيتيه تَصور عنك لا غشيتيه وَ لادلستي عليه
أنا تصدقين الآن البنات يعطوني نصايح لما يَكلمك خليك نآعمة ، لما مَدري شَنو يزوركم تَعطري بالعَطر الفلاني ..
وَ صدقيني لو تعطرت بعطورهم إللي هي صَح حلوة بس ما تَناسب ذوقه إللي عأساس لو شَمه بينهار من الحُب
[ وَ أكيد تعرفين هالقصص وَ النصائح إللي أستغرب بنات من الجيل الحَديث ما زَالوا مُؤمنين بهآ ] ..
وَ بالنسبة لي الغَموض مع الرجل يخليك مُتجددة مُو مع الرجل فقط حتى مع الناس
يصيرون مُتشوقين لك أكثر مَما لو حرقتي كل أوراقك ..
إيه للأسف فيه كَم مَوضوع ما قدرت أسيطر عليه وَ أرد وَ لكن لأجل عيونك برَد على كل ردود عالمَوضوع
أصلاً يشرفني تواجدك بصفحتي وَ ترى آدرك إنك تقرين الرَدود عَدل لأن بآخر مرة شفت لك رَد على أحد البنات إستانست وآآآآآيد ..
شَوفي أحد صديقاتي المُقربات وَ الله مَعي ستيب بآي سَتيب
للأمانة هي من القلة القليلة إللي شَفتها ما تَملك الشيء إللي مَعي لكن تفرح لي يَمكن أكثر من فرحي لنفسي ..
مرة من المَرات شريت شيء وَ خبيت عنها حَتى ما أزعلها ، بالعَكس آرسلت لي وَ قالت عآدي وَريني مُشترياتك صَح ما مَعي
بس أفرح ، لَدرجة مرآت تَجمع لي حَديث المَوضة وَ تقولي شَوفي إشتري ذآ بيليق عليك ..
صَديقتي ليست مَلاك مع الآخرين لكن مَلاك مَعي
نَورتيني يا قلبي إنتِ
قريت كل الردود , اقدر أقول شكرًا جزيلا ❤️❤️
نصايح الخطوبه وبعدها نصايح الزواج وبعدها نصايح الحمل والولاده ،
اكره شي الواحد يتصرف بغير طبيعته لانه يعتبر غش وفوق كل هذا التعب من التصنع وبعد كم شهر اول شي بينقال ما كنتي جي قبل
حتى بالنسبه للهدايا الكثير الي مقتدر ويقدر يستمر بعد الزواج ما عليه بس مب اول ما يتزوجون ينسون كل شي
اشوف ان فتره الخطوبه لمعرفه مدى التوافق الفكري بين الشخصين مب للغزل والتميع ووو هذا بعدين كثير ناس بحياتي انصدموا بازواجهم بعد الزواج ..،
واعرف زوجين من قرايبي ابدا مش متوافقين فكريا كل واحد بصوب ف كل يوم مشكله ، المشكله ان سوء التفاهم حصل ان كل واحد يفهم على حسب تفكيره .,
هههه العطور اهم شي ما يعرفون ان الناس اذواق ريلي مدمن عطور ومع ذالك اذواقنا تختلف بس عشان خاطره يوم أكون عنده يا ما أحط عطورات بالمره او يكون شي مشترك بينا طبعا ما أتكون نصيحه اكثر من تجربه الواحد يعيشها.،
ولاني مدمنه قراءه اكتشف سطحيه الكثير بإسداء النصائح صح ما أحب أكون دائماً ابو العريف لا أتنازل شويات ,.
طلعت من نطاق الموضوع،،.!
بالنسبه لصديقتج الله يخليكم لبعض اولا ، هذا مبدأ القناعه والتصالح مع الذات .، يا ليت كل الناس مثلها
تذكرت شي اخير
وحده من هوامير الانستقرام فتحت لها سناب ضفتها بس اللي استغربت منه انها تروج لحساب زوجها ضيفوه وهيك اذا كتبت حسابه بالانستا أقول معقول لانه يعتبر رسمي اكثر من السناب ,
بعد فتره تتكلم واتقول البنات يرسلون لزوجي صورهم وفي وحده ما ترسل صورها بس تتكلم فكرنا نخطبها لاخوي ,. !!!!
كان فوق راسي اكبر علامه استفهام لان وصلو الناس لها الدرجه عفوا يعني ،.
قرقرت وايد ..
دمت بخير يا عسل ❤️
بالنَسبة للتصنع للأسف فيه ناس يقولون نَحن نحب غير المُتصنعين لكن للأسف ما يَقدرون يتحملون العَفويين
لأن بداخلهم شَخص مُتصنع ..
إذا شخص غير مُتلائمة أنتِ معه ، أفضل تتركينه بدون جَرح وَ بتراضي أفضل ما تنتقل المَرحلة لمرحلة ( التمثيل بالزواج )
وللأسف وضع قرايبك صَعب جداً ، اساساً نادراً جداً الإنسان يلاقي توأم رَوحه الكَنز المَفقود ..
بالنسبة للسناب بالنسبة لي مؤذي ، وَ بيجي من يتضرر منه يَوم .
مُمكن صاحب السناب لأ ، يعني إنتِ تخيلي زَوجك لو كان مَتعلق بيوميات فآشونيستا ..
لكن لأن كثير من البنات أزواجهم مُش مُهتمين بالتَكنولوجيا ، لكن لو وجد من هُو مُدمن للتكنولوجيا ما أتوقع الزوجة بتتحمل تعلق زَوجها بهالفاشونيستا
راح تتعذب ، وَ قتها عاد نبي نَشوف مَوقفها من شبكات التواصل ..
وَ أعرف شخصياً كثير بنات مُتعلقات بسنابات هوامير بالحياة ، تَقول برسله بيوماً ما صَورتي يمكن يتزوجني
فلي صآير تَلقيط رَزق ..
دَمتم بَحب
” العيب مو بهالأشخاص ، العَيب بعدم التَوافق ، هالشيء ما يَسيء لهم وَ لا يسيء لي لكن آرض الله واسعة مو شرط إنت تصير صَديقي ”
خطيبي او بنت عمتي او خالتي او او من الاشخاص اللي يلومونك الناس لعدم قربك لهم .. كلهم مافيهم عيوب لكن مافيه بيننا توافق يدفعنا ﻻننا نكون قراب جدا من بعض .. فعلا اتمنى الاغلبيه يقتنعون بهالكلام
،،
حبيت التدوينه كااامله واستمتعت بالفلسفه جدا .. اهنيك على اجتماع الالوان عندك .. لون الوعي بالاضافه الى لون الجنون والمرح ..
اول مره احس اننا نتشابه في خاصية “الاستطراد” .. عندي استفسار بهالخصوص ﻻنه يتعبني .. “” اذا كنت انت صحيح تستطردين بالكلام مو تهيأ لي””
اللي حواليني يتضايقون من استطرادي للمواضيع المتكرر وهالشيء غصب عني ومو عارفه له طريقه اشيل هالخاصيه فيني .. هل حسيتي بهالشعور من قبل ؟ هل تتوقعين ان التدوين المستمر يخفف من هالاستطراد للافكار ويساعدك ماتتشعبين يمين ويسار وانت في سرد موضوع واحد وفكره وحده؟
هههههه لكن أختلف مَعك بخصوص الخطيب إذا مافي تَوافق لا تَرتبطون
خاصة إني مو مَع مبدأ الزَواج العمياني أو بَمجرد التنسيق الخارجي من قبل الأهل .. إذا مافي لُغة حُوار أو عالأقل إنجذاب يحسسكم بعدم الرغبة بالإبتعاد
ما أشوف له داعي الإرتباط كُلياً ، خَطيب بالنسبة لي يَعني حُب ، حُب يَعني شَغف ، شَغف يعني رَغبة بالإلتصاق وَ اللآ مَلل ..
بالنسبة للإستطراد وَ الله إستطرادي بَرغبة من مُتابعيني ، لأن سَبق كتبت تَدوينة شَبه مُختصرة بالرُغم طَويلة
قالوآ لي حسافة قصيرة أو علقوآ إنهم ما تَمنوا إنها تَخلص وَ حسوآ إنها مُقتطعة وَ طالبوا بالإطالة، فأنا ألبي رَغبتهم .. بالنهاية لو هالإستطراد مُزعج ما أتوقع بتلاقين أحد عَنده إستعداد يقرأ هالهَذرة
بالنسبة للَي حَولك وَ تضايقهم ، يَعتمد عليك وَ يعتمد عليهم ..
يعني لو الشخص راح يستطرد لي بَموضوع أنا أعرفه أو ما يَهمني شيء طَبيعي بقول يا ليت لو يَسكت يختلف المَوضوع لما يَكون تدوينة ثرثرة الناس داخلين بأنفسهم وَ بأياديهم
حتى يتشاركون مَعك بوجهة نظر مآ أو يختلفون المُهم فيه نَوع من النقاش و المُشاركة ، أما بالحياة الأوضاع بتكون مُختلفة لأنه من المُمكن يكون كلامك الإستطرادي جَبراً لهم
يعني هالإنسان مُش مُهتم بفكرك ، أو إنت إسلوبك مُمل ، أو هالشخص إنت جالس تستطرد بشيء بغير إهتمامه ..
وَ لا تنسين كثير من الناس لا يملكون حُسن الإنصات ..
بالنسبة للتَدوين ماعَندي فكرة إذا راح يَساعدك أو لأ ، لكن لو تحسين إنه مُمكن يساعدك ليش لأ ؟
صح كلامك الخطيب اذا مافيه توافق او انسجام ماينفع نكمل مع بعض وهذا كان سبب تسميتي له بخطيب .. ﻻنه من البدايه اذا مافيه قبول فالافضل افصح عن عدم القبول هذا..
بالنسبه للاستطراد انا اتمنى لو استطرادي مثل استطرادك ﻻنه ممتع مع العلم مااقدر اقيم نفسي او اعطي وصف لاستطرادي .. وفعليا مو قادره احدد نسب لفروع المشكله .. كم بالميه اسلوبي ممل وكم بالميه الطرف الاخر غير منصت وكم وكم وو .. لكن اعتقد فيه اشكاليه عندي اضافيه هي اني منصته جيده .. احب اسمع فلربما انا اطالب البعض بنفس الانصات وهو مو قادر عليه .. ممكن يكون الحل بتدوين الافكار اللي احب اسهب فيها بنوته عشان اختصر على الاخر سماعها ..
من فتره طلبت منك تكونين كريمه معانا بالتدوينات .. ياليت تعطينا من وقتك اكثر ﻻني جد افتح المدونه اربع خمس مرات في اليوم على اقل تقدير عشان اقرا لك شيء جديد ورؤيه جديده ..
مَا تَدرين يَمكن إستطرادك مُمتع لكن أنا حَللت بشكل عآم ..
بقولك شيء ، فيه ناس مُمكن يروحون عند دكتور عشان مُشكلة يعاني مَنها لنفترض حرقة بالمَعدة
بالرغم إنه مريض وَ يبحث عن العلاج ، ما يَسمع كل كلام الدَكتور يآخذ جزء من الحديث وَ يعمل به
وَ هذا وَ هو مُحتاج ، نفتقد نحن لثقافة الإسَتماع ..
وَ انا جربتها بالآنستا ٥٠٪ أكتب الجواب بنفس الكَومنت ، بتلاقين كثير سألوا عن شيء لو قروآ كان لقوآ الجواب
لا مرة وَ لا مرتين وَ لا ثلاث ، يعني أبسط شيء مُمكن أصور صورة كتكات وَ أكتب أكثر شَوكلاته أحبها الكتكات
يعني بنقول كلام بسيط ، بتلاقين الناس يقولون : وش إللي تآكلينه ؟!
٤٠ رد الجواب : كتكات وَ ١٠٠ رد : وَش تآكلين ؟
طيب وَ الكومنت !! ..
لا تَشغلين بالك بهالمَوضوع مع الوَقت بتلقين له حَل ، وَ إن شاء الله أكثف تَدويناتي بس حالياً مشغولة بشيء رُبما يَخدم بعض تَدويناتي
هل شبكات التواصل الإجتماعي تعبر عن حقيقتنا ؟
من وجهة نظري تعبر عن جزء مننا و يختلف هذا الجزء من شخص للآخر كل واحد و حسب مشاركته عن حياته الخاصه و شخصيته و تختلف المشاركه لو كانت صوره عن لو كانت فيديو و غيره .
– هل الحياة المثالية إللي نشوفها ببعض البروفايلات حقيقة أم إدعاء ؟
في حياة كل منا لحظات مثاليه حقيقيه و لحظات نضطر ندعي فيها عشان تمر و اشوف ان نفس الشي في السوشيال ميديا
– ما مدى التشابه بين شخصياتنا الحقيقية وَ شخصياتنا بالنت ؟
ما اقدر اجاوب عن هالسؤال لأني ما اعرف وش وجهة نظر الناس عني بالذات ان تواصلي في السوشيال ميديا ما يتعدى دائرتي الاصليه و الباقيين كل اللي بيننا احترام متبادل فقط .
– مامدى مشاركتك لحظاتك السعيدة أو الحزينة في هذه الشبكات ؟
عندي فوق ال 200 صوره خلال سنه و شي يعني معدل المشاركه عندي ضعيف مو عشان انا ما احب اشارك لأ بالعكس لأني اشوف ان تصويري ما حصل فيه اي تطوير و في نفس الوقت مو دايما اعرف اعبر عن نفسي بالكلام ف حتى لو عندي صوره سعيده و ابغى اعبر عنها يضيع التعبير لقلة مفرداتي و لأن تعبيري ضعيف ف يروح جمال اللحظه , اما بالنسبه للحظات الحزينه فأنا احب احتفظ فيها لنفسي عشان لا اكئب كل مره اشوف الصوره و اساسا انا بطبعي كتومه .
شكراً لك ارتوس على المدونه الجميله و المجهود اللي تبذليه واضح جداً ,, استمري
ما أعتقد إنك مُدمنة سَوشيال مَيديآ ، ٢٠٠ صَورة خلال سَنة مُعتدل برأيي
وَ أعتقد إنك مُفرادتك قليلة ، لأن دائماً ما تَكتبين لي أروع العبارات وَ تعبرين بكل بساطة وَ شفافية ..
ربما ما إكتشفتي نفسك فقط ..
العَفو لك يآ جَميلتي دُوم تَنوريني
تسلميلي انتي وحكياتك شو بحبن ♡♡♡ ياريت كتير ناس حولينا عندها لو ذرة من طريقة تفكيرك ونظرتك للامور لانو فعلا هي الحياة السخيفة يلي الكل عم يركد وراها صارت تأثر علينا بكتييير مواقف
الناس صارت تفكر انو هي السعادة الشهرة والماركات والمطاعم الفخمة والسفرات والاصدقاء الكتيرين الوهميين يلي بمسحو جوخ على كيفن
حتى مفهوم السعادة بالحياة تغيير لكتيرين ويلي مو قادر يوصل لهي الشغلات صار يفكر انو هو مش سعييد بحياتو وناقصو كتيير وبعض المراهقين للاسف بلومو اهلن ليش ماوفرتولنا هالشغلات وفي وحده مرة دمعت عينها بجمعة وهي بتحكي ردة فعل ابنها لما طلب شي شافو مع اصحابو واهلو ماقدرو يوفروه
هالبرامج بحسها سرقت من الاطفال والمراهقين برائتن وحياتن يلي المفروض يكونو هلئ عم يعيشوها بغير طريقة والسبب للاسف اهلن صرتي تشوفي يلي بصف اول ابتدائي عندو جوال واي باد ولاب توب وحساب انستغرام وسناب وشغلات انا بشوفها بكييير عليهن
عيشو طفولتكن وايامكن يلي مابتتكرر انا مو ضد انو الطفل يكون عندو اي باد بس ضد طريقة استخدامو
غلط مراهقين تكون هالبرامج بين اديهن وصار سهل للاسف للكل الوصول لهالشغلات
مرة عم دور على شغلة بهاشتاق كنت عم اعمل موضوع بحث ومحتاجة صور قلت بشوف الانستغرام فيه ناس بتنزل صور مو شخصية مجمعة من النت ممكن تفيدني
المهم بين الصور طلعلي شخص منزل وبكلللل وقاحة مقطع اباحي صرررريح والخبيث منزلو بهاشتاق عادي ليطلع للكل يعني صار ممكن تكتبي بحث بكلمة حلويات ويطلع هيك اشياء مقرفة
طيب والمراهيقين شو وضعن لو شافو هيك قصص وكانت متاحة بكل سهولة الن
اكيد التربية والاهل وكتير قصص الها تأثير بس ازا شي متاح وسهل قدامن اكيد رح يلحقوه خصوصا انن بفترة عم يكتشفو هالحياة شو فيها وعندن فضول ورغبة اتجاه هالقصص وهالشي مو بايدن
بس توفرها وغياب مراقبة الاهل عم يطلع بلااااااااوي
حسيت حالي جبت شغلات من الشرق وشغلات من الغرب بس فعلا كلوو بالاخر مترابط ببعضو وبيرجع لنفس السببب
الشغلات يلي بتنحكى عن موضوع اليوم كتييييرة
ازا بدي احكي كل المواقف يلي مريت فيها او شفتها بسبب هالبرامج والصور لبكرة مابخلص في بيووووت خربت بسببها وناس انظلمت وناس انعطت قيمة اكتر ما بتستاهل للاسف
والسؤال يلي بيخطر ببالي بس شوفن انو على شوووووو ياناااس
مبسوطين انتو هيك؟!سعيدين؟! هي مفهوم الحياة والاسرة عنكن صور ومجاكرات وكزب
بتعرفي احيانا بحب اتزكر ايام عشتها وانا مراهقة وزغيرة بين اهلي وعيلتي خصوصا بالصيفيات يلي نسافر فيها وتحديدا على سوريا بتخييل الراحة والفرحة يلي عشتها بهديك الايام مستحيل تتكرر بحياتي خصوصا لاماكن راحت مع يلي عم يصير وبتمنى لو عندي صور لكل هي اللحظات لانو نادرا كنا نتزكر بهديك الايام نصور بالكاميرا كنا ننبسط ونضحك ونعيش اللحظة كاملة واساسا كانت الجولات ببدايتها بس برجع لما بتزكر بعض التفاصيل بحسها احلى من لو كان عندي الها صورة بكفي الصورة تكون بذاكرتي
طولت كتيير والحكي مابيخلص خصوصا معك سوسوو ♡♡♡
بالزَبط حكيتيها الحياة السخيفة تأثر علينا الواحد صآر يركض لأجل المَظاهر
أنا وَ الله ما بتفرق عَندي ، إنسان مَعو مَليون وَ لا مآمعو فَرنك كلهم وآحد وَ بهتم يلي بتابعوآ نفسيتوآ مَنيحة أو لأ
بحب رآقب هالشخص كيف تَصرفوآ مع الآخرين ما بَنكر مرات بينسم بَدني من بعض الناس ..
بالنسبة للأطفال خَصوصاً قبل المُراهقين لأن مصير هالأطفال يكبروآ وَ يصيروآ مُراهقين وَ الله ما أعرف كيف مُمكن أتعامل مَع طفلي
عن جد الأهل يعانون الآمرين بغض النظر عن تَوفر المادة حتى لو المادة مُتوفرة المُصيبة هَي إنك ما تأصل المادية بأولادك ..
ههههههه حبيت مَوقفك من هالشَخص ، الهاشتاقات للأسف إنعَدمت بسبب الجَهلة ، وَ عفكرة فيه كذا حساب تَبعني إباحي
عادي عَطول بلوك وَ أعملي تبليغ للآنستا راح يتجاوبوآ مَعك فوراً ..
بلساني كَلام لكن ما يَنفع عالعام ، ينفع نَحكي فيه بين بَعض وَ كلامك وَ الله درر وَ أضاف الكثير للتَدوينة
بخصوص الأيام القَديمة يلي عَشتيهآ ، عفكرة أنا للآن أحن لأيام المُتوسط خصوصاً ٣ مُتوسط تحديداً عشت أيام حُلوة وَ عذبة وَ كلها فرح في فَرح
وَ حرية وَ جنااااان مُستحيل أنسآها بَيوم
وَ خذي رآحتك آآآد ما بَدك
مساء الخير يا توسة ( وردة بيضاء )
عن نفسي احب اشارككم بعض المواقف اللي تصير معاي بعضها اصورها قبل وبعدين احكيها و بعضها تكون وليدة اللحظة .. و اختار اللي ابغاه ينعرض مو كل شي احطه ..
اما من ناحية ثانية اكثر الصور اللي ببروفايلي وانا في البيت من النادر اصور وانا برى سواء عند ناس او بمطعم او بأي مكان افضل اني اترك الجوال و اجلس مع البنات ..
وهل شخصيتي متطابقة مع الواقع اممممم في الطبيعة انا اهدا و مع اﻷقرب اكون مجنونة .. لكن بصفة عامة احب افتح مواضيع و اسولف ويعجببببني اناقش و اسمع آراء استمتع واحلى طلعة بالنسبة لي لما ارجع وانا عطشانة من كثر الكلام ههههههههههههه طبعا بعيدا عن الحش كلهاااا مواضيع فلسفية عاد احيانا يتحملوني واحيانا يقولو خلاص بطلي فلسفة هههههههههههههههههه
و انتي جميلة والله بكل مكان من شمواه الى الواتس آب ..
احبك يا توسة
هلا بالطَش وَ الرش وَ الزين كله
وَ البياض وَ النقاء يُشابهك يا جَميلتي ..
هههههه ترى حسيت إني من الأقرب لأن أنا ما عَمري شفتك هادية ، أشوفك طَفلة وَ مجنونة ( يعني بروح طَفولية عَذبة ) ..
أنا نَفس شعورك أعشق جلسات النَقاش وَ الكلام وَ الأراء أفضل بكثيررررررررر من الإجتماعات الرَسمية ..
وَ أتوقع لأنك قارئة يكون فيه مَجال كبير للفلسفة ، وَ الله شهيتيني بَجلسة مَعك أكيد بتكون مُميزة وَ لا تُمل ..
وَ يآحظي وَ أنا بَعد أحبك يا بَشورتي
يسسعدلي مسسساج سُوس ،،
بعلق ع كذا نقطه ، اولاً بخصوص هل السوشال ميديا تعبر عنا ؟! عن نفسي لا لانو اساساً حسابي بالانستا برايفت وضايفه بس فرنداتي ولا بعد مو كلهم ،، التويتر ماعندي والسناب عاجبني وبعد مو ضايفه حداً غريب ،، الوتس اب اتواصل فيه والى الان عاجبني . يعني تقدرين تقولين اقدر الحياه الخاصه واللي محدا يتدخل فيها ،، غالباً حتى مااعلق او انتقد حسابات بالانستا لانو بداخلي اقدر الخصوصيه يعني حتى لو عرضوها لنا مايحق لنا نعلق بانتقاد لان يمكن هم يشوفونا جزء من حياتهم فليش نتقدهم ونجرحهم ،، اما بالنسبه انو يعرضون حياتهم الشخصيه صراحه ماشفت احد عرض حياته الشخصيه يعني يعروضن المطاعم او الاسواق او السفرات هذا بالنسبه لي مااشوفه شي اخترق خصوصيتهم ،، صح لو يعرضون سوالفهم مع اهلهم او موافقهم او دوامهم شنو يصير فيه او مشاكلهم اللي بحياتهم … الخ بالنسبه لي هذي هي الخصوصيه .. اما عن الهياط ساعات اقول عادي يعرضون اللي شروه من باب الوناسه وساعات اقول هياط وحديثي نعمه هههههههه يعني مدري شقول ماودي ادخل بنياتهم يمكن قصدهم مشاركتنا بمشترياتهم وبنفس الوقت مو كل اللي بالانستا حديثي نعمه بعضهم من خلق ع الدنيا وهو منعم عليه ،، اما بالنسبه هل الاشخاص حياتهم بالسوشال ميديا نفسها برا السوشال ميديا ،، يعني مااقدر ارد لان بصراحه ماتعرفت ع احد من السوشال ميديا عشان اعرف اذا هو نفسه او لا .. بس عن نفسي انا بالانستا ماا انزل الا صور ينقال عنها صور متعوب عليها ههههههه واحط تحتها بيت شعر او مقوله اعجبتني مع انو مو ضايفه الا اللي اعرفهم ،، اما بالنسبه لغزو اللي صار بجد حييييل مضايقني يعني لما اقعد مع اهلي والله كلهم فونات وخصوصاً بيتنا اغلبه مراهقين فصعب تسيطرين عليهم و خواني الكبار متزوجين كل واحد لاهي بحياته ،، وامي وابوي طبيعتهم مايتدخلون فينا يعني باختصار كانهم يقولون هذي حياتك عيش فيها بكيفك يعني ما شاء الله انتم تجتمعون ع الغدا ولازم كلكم موجودين احنا العكس عادي مااتتغدا معنانا لان بحكم دواماتنا اللي بالجامعه واللي مايطلع من دوامه الا الساعه ٣ او اللي بالداخليه يعني معروف دوامهم مخربط ،، وبالنهايه طولت حيييل ماودج تعطيني مجال اتكلم هههههههه بس ع فكره انا لما اكون مستانسه اقط الفون ولما اطلع تسوق ماخذ فوني متحب اخرب متعة التسوق و بعد الاكل بالمطعم اول بالبيت بعد ماحب اصوره لان فعلاً تنسد شهيتي ،، غالبً صوري اذا بصور قهوه تركيه او عربيه و احب اضيف شغله الحساب الوحيد اللي اعلقه عليه انتي بسسس لانج تسمحين لنا انو اقول رايي
حَبيت تفصيلك وَ تدقيقك ..
وَ ترى لو فيه مَثلك بالحياة كثير كانت الحياة بتكون بَقمة الفرح وَ البساطة ، لكن ليس الجَميع بنظرتك الراقية
أنتِ ببساطة تعيشين اللحظة وَ ماعليك من الآخرين ، ضايقوك سَكتي أعجبوك أبديتي رأيك بالإعجاب ..
الرُقي لا يَملكه الجَميع ، وَ تمنيت لو أعرف إنتِ من أي بَلد تحديداً لفتني هالرُقي ..
وَ سعيدة أكيد بتواجدك بينا ، وَ رايك مُهم وَ مُهم جداً جداً ..
نفتقر لأشخاص يملكون نفس السلام الداخلي إللي تَملكينه
اقصد دوام الجامعه مثلي كلاساتي الظهر ومارد الا حزه اذان المغرب
بالتأكيد الوَضع بالنسبة لك مُختلف مُتفهمة تَماماً ..
مسساآء الخير ,
يّ زين سواآلفك , كُل مرره تنقزين ع سالفه من الحياه الإفتراضيه لين القانون والمحاكم ههههه
آنا مماآعندي إنستقراآم ولا غيره من البراآمج اللي طالعه هالوقت ,
إلاا الواتس هو برناآمجي و السوالف مع آخواني , ولو طلعت براآ البيت ماآخذ معي إلا جوال الإتصال
و أكرره شي عندي اللي يكون عند آمه و آبوه و يطقطق ف الجوال >___<
ولو إني كُنت ماآطلع إلا بجهازي ولو شفت شي آعجبني أقعد أصور ,
إلا إني بعدين قلت بلا خبال , إنتي اللحين تصورين و جمال اللحظه و حماسها راآح و مستحيل أحد يحس بشعورك آو جمال الشي اللي إنتي آخذتي له من صوره !!!!! فـ صرت أعيش اللحظه اللي آنا فيهاآ وغيري ربي يرزقهم بلحظه حلوه يعيشون جمالها =)
والصور اللي آصورها وأحطها ف الصوره الشخصيه للواآتس آغلبها عاآديه و صور أعمالي , رسم كروشيه بحر .. إلخ
ولو صورت هديه جاآتني , سفر , حفله .. بس حتى أحتفظ بهاآ للذكرى مو أستعرض بها قدام خلق الله
.
.
.
ربي يخليك ي تووسه و يجزاآك خير ويحفظ لك آهلك .
هههههههههههههههههههه .. حبيبتي
شَفتي سالفة التنَقز ، هذا يَعود للنشاط وَ الحماس ..
وَ الله إستانست بوصلك لي بَدون آنستا هالشيء يَدل إن ما زَال فيه ناس مُهتمين بالقراءة وَ المُدونات
لأن المَوضوع بدأ يَنقرض نَسبياً ..
أحييك على إهتمامك بوآلديك وَ الله يرزقك بَرهم
وَ اسعدت بحظورك جداً يا أسماء
تسلم يد الي كتب
حَبيبتي
مرحبا
يعطيج العافية مواضيع جدا جميلة
بالنسبة لموضوعج عن ارواج كلر بوب حبيت افولج انه
فيه ماركة ايسنس essence جميلة ارواجهم و رخيصة
أتمنى تجربينها و تجربين كذا شي من عندهم و تخبرينا رايج
متواجدة في صيدلية وايتس
صدق خاطري اعرف رايج في هالماركة و خاطري تجربينها
بانتظارك
آوكيه ليش لأ آجربهآ
وَ مشكورة لإضافتك يا بَعدي
أول تعليق لي في هذه المدونة الجميلة
*قلوب*
يازينك ويازين كلامك , عجبني
مواقع التواصل الإجتماعي ممكن تكون إبتلاء خصوصا للمشاهير لان زي ماقلتي اذا اشتهر الواحد الناس حبوا ينبشون من وراه , وأحيانا المشهور نفسه يكون ثقيل دم كل شوي طالع بوجهك ويتكلم فخلاص نكون حنا ملينا منه لان خلاص فقد غموضه , وعلى فكره مع اني جد احب اعرف عنك الكثير بس مره تعجبيني انك حاطه حدود بالنت
ببالي كلام كثير بس ياربي التعبير زفت لوول
وبالتوفيق ارتوسة
حَياك وَ إن شاء الله ما يَكون آخر تَعليق ..
وَ عفكرة ما بَعمري لمت أحد على حَبه للمَعرفة وَ لرُبما يوم يحين الوَقت المُناسب أطلع للناس بشيء فعلاً يستحق الظهور وَ لا أكون مُجرد فُقاعة تَنتهي
أو مَجرد ( هَبه ) .. سَعيدة جداً بتواصلي وَياك
نَورتيني
– هل شبكات التواصل الإجتماعي تعبر عن حقيقتنا ؟
ابدا ماتعبر عنها بس هيا بجد غيرت اشيا كثيرة زي مثلا علاقتنا الرسمية مع اخواني صارت نوعاما احسن
– هل الحياة المثالية إللي نشوفها ببعض البروفايلات حقيقة أم إدعاء ؟
امم يختلف زي الواتي اب ابدا مااظهر فية حقيقتي لاني اي شخص عندة رقمك بيشوفك حالتك وحتي لو اناي ماتدرين ذا الشخص عندوا رقمك .. بس البي بي ام حياتي اعشقة احط خبالي فية وكل اللي فية اخواتي وكم وحدة من صديقاتي واعرف خبالهم وكلنا علينا حركات ..
– ما مدى التشابه بين شخصياتنا الحقيقية وَ شخصياتنا بالنت ؟ابدا مالقي زي شخصيتي كاملة لو لقيت القى اجزاء من شخصيتي والاصح مافي تشابه بشري كما بصمات الاصابع الافية اختلاف ..
– مامدى مشاركتك لحظاتك السعيدة أو الحزينة في هذه الشبكات ؟
الانتسا مجرد لحظات عجبتني وحبيت اخليها كذكريات لما ارجعلها اشوفها لاني انسانة احب الذكريات جدا وممكن احيان يضرب مخي او اكون مقهورة او معصبة تلقيني احط تعبير عن كلام ودي اقوله اقولة وبعد فترة ارجع اقراءة واضحك وقبل كنت اكتب هالكلام وانا ابكي ماعرف بس يحسسني بشعور افضل لما ارجع اقراءها اضحك يمكن احسني كبرت عقلت ماعرف بس احسني اتغير ..
بالتويتر جدا مختلفة اصلن بالتويتر اكون عالم اخر زي الكيبوب واخبارهم او مقتطفات كلمات تعجبني فقط ولا ادخله الا فالسنة مرات تنعد ع الاصابع ..
اكثر انحصاري ع الانستا بس جديا افكر اخففف لانو احسني حاتجنن بدون جوالي ف لازم اسوي توازن دراستي مرة هاملتها <اكلمت كثيررر مرة
لا كَل شيء إلا الدراسة ، الدراسة هَي مُستقبلك
بالنهاية كلنا بَيجي يوم بنروح وَ أنتِ ركزي على درآستك وَ ووقفي هالإدمان أو سَيطري عليه ..
نَورتيني بالرَد بس مُلاحظة بخصوص تشابه شخصياتنا الحقيقية وَ شخصياتنا بالنت
أنا أقصد ذاتك بالنت وَ خآرجها وَ ليس هل وَجدتي شبيه لك ..
طول ماأنا اقرأ الموضوع و التعليقات متشوقة أصل للنهاية عشان اكتب هالكلمتين ببالي
للأسف مآظهرت هالكَملتين 🙁
يا خَوفي تَكون كلمات شَرسة ، بكلا الأحوال نَورتيني
ياحبي لك
كثري من ذي المواضيع تعجبني
يعجبني فيك ثباتك على مبادئك مهما كان
الانسان الصح في حياته خطوط عريضة مايغيرها بس عشان فلان وعلان سوا كذا خلاص لازم اقلده؟؟
انا عن نفسي نزلت التويتر من فتره طويله و زوجي اللي نزله يقول لي فيه حسابات بتعجبك المهم حذفته وحذفت حسابي لاني توحمت عليه ههههههه كنت في فترة وحم و خلاص كرهت طريقته ولا نزلته مره ثانيه.. الانستغرام ماكنت افكر انزله و مانزلته الا عشان حسابك بس
التويتر زَماااان كان فيه كل من هَب وَدب ، الآن صَرت أشوفه به كثير من الأشخاص الجَديين
وَ فرصة للتواصل مع المُثقفين وَ الكُتاب فَرصة فَوق الرائعة ، أنا أتفق مَع زوجك لو تابعتي أشخاص جَيدين رآح تَحبينه
أنا إللي عَندي بتويتر أحبهم حُب خاص ، أحسهم خَواتي
وَ ترى مَحظوظة بالكَلام إللي قلتيه ..
لاني فقدتك في شمواه وقلت خلاص مابدهاش .. عالانستغرام.. ولما حفظت مدونتك عندي حذفت الانستغرام ههههههه.. سبحان الله خلاص حسيت اني تشبعت من صور المهايط و التبعيه و التقليد وحسيت معظم الحسابات تتشاااابه الواحد يجيه كتمه .. عاد انا اخذت المفيد وطلعت هههههه
الحين حولت على بينترست وحاسه انه البرنامج اللي بيفيدني صح ويناسبني .. انا ما احب اليوميات و التكرار .. طبعا السناب و ذي الاشياء ماظن انزلها .. على الاقل حاليا ًً .. لان مادري يمكن تتغير نظرتي بعدين..من بعد ماقريت كلامك في الموضه اعتقد مره تقولين لاتنتقدون الشي بزياده ماتدرون يمكن يحي يوم وتسوونه .. فصرت فعلا ما ابالغ في انتقادي.. وبس احس اني كثرت هذره .. ويعطيك العافيه يا عسل
ههههههه يَعني الآن فَقدت تواجدك بالآنستا ما تَنلامين وَ الله ..
وَ أتفق مَعك بخصوص البنترست برنامج آكثر من رائع وَ أغلبه فَوائد وَ معرفة ..
هههههه مَثلك بخصوص السناب شَآت ما أنكر عَندي حساب لكن مُش مهتمه بطرح شيء به ، لكن مُهتمة ١٠٠٪ بالرد على صَديقاتي به
مُستحيل ما أعلق عليهم لأن ما أضفت إلا الأشخاص إللي أحبهم من قلبي وَ لا مُتكلفة معهم أو هُم مُتكلفين ..
وَ زين إنتِ وَ هذرتك
تصدقي تو عرفتك من اسبوع ..وصرت متعلقه بتدويناتك ..رغم انها ترفع ظغطي احيانا ولكنها تمس اشياء بداخلي وعشان كذا ارتفع ظغطي..
ههههههههه
شوفي حبيبتي بخصوص انو فعلا الانسان يتحمل نتيجه مايحطه..
صراحه حسابي تجاري وفيه صور نشلء وكثييير ماتجيني ملاحظات ولاعمري حذفتها او بلكت اصحابها..
وحاليا انوي تغير حسابي وتضليل اجساد النساء ..
الشي اللي يقهرني بانستا هو عدم تقبل النصيحه من الغير
نحن كمجتمع مسلم لدينا قواعد نثبت عليها منها االنصيحه
مهما هايط الشخص بحسابه هذا شيء لايعنيني ولاعنري فكرت فيه.
لكت التعليقات هي ماتجيب لي الزعل
إسبوع بَس !! وَ الله ياحظي يعني إنتِ مُتابعة فوق الجَيدة
مو شيء عادي شَخص توه تعرف عليك ، يصير عنده بآل يدخل المُدونة
بالنسبة لي ما أحب النَصيحة أبداً أبداً ، أرفض مَبدأ الوصاية
البشر إتجاههم بالنصيحة فقط دَيني بينما من المُفترض العلم وَ المعرفة ما يَكون مُقتصر على الدَين
وَ يا كثر الناس إللي نَصحوا وَ كانوا مثال سيء للنصيحة ..
كثير من الأشخاص أنا ما أثق بنواياههم لنُصحي ، مو كل شخص يَنصحك صآدق
وَ إللي واجهتهم بَحياتي فَوق ٨٠ ٪ ينصحون وَ بعد سنة نفس إللي نَصحوني به سوووه
النصيحة إذا غير مَقبولة مَنك الأفضل تخليها بَقلبك ، لأنها غير مَقبولة برأيي مو كل شَخص قلبك يتقبل مَنه يوَجهك
لو هُو شاطر لازم يتصف بمواصفات الناصح وَ هو طولة البال وَ الحُلم
لكن أغلب الناصحين نصيحتهم بين قَوسين ( بأسلوب هَمجي ) وَ طبيعي لو نصحوك ما راح تتقبل
وَ إذا ما تقبلت طآآآخ طَيخ على رآسك ..
بالنسبة لتضليل أجساد النساء أنا مُش مَعه .. ما أتوقع الناس مَثل البهايم وَ غرائزهم بهالشكل
صَح طلعنا عن مَحور الحديث ، لكن لولأ وَجود الكثير من الناس إللي نظر المُتزمتين عاصيين ما كان تَعلمنا
تقدرين تنكرين إن مقاطع البنات الكاشفات وَ إللي يسوون مَيك آب ما فادوك ؟! يمكن فادوك أكثر من حساب وَحدة مُسلمة مؤدبة
يعني الإنسان الذكي يآخذ منفعته من الشَخص وَ ماعليه بتوجه هالشَخص الديني
الدين لرب العالمين وَ ليس لك أنت
وَ صلنا لعام ٢٠١٥ وَ حنا ناكل بعض بسبب هالفروقات الدَينية ..
ياحبي لك ..
فعلا اكره الوصايه .. وقلتلك ما انصح يعنني اللي ماعندي ذنوب..
بالعكس ياكثر اخطاءي وربي يغفرها لي.
ولكني انصح من مبدا انه واجب ديني علي وهالشي مذكور بالقران ماله علاقه بالسنه او التاريخ اللي وصلنا له اللي وصلنا لها..
الشي اللي اقتنعت فيه هو اني ما انصح على العام ليس بسبب الهجوم.. ولكن فعلا حسيتها مهي حلوة يجي واحد ينصحك قدام الناس ..
) وذكر فان الذكرى تنفع المؤمنين)
وعلى فكرة في ناس تنصحني ولكني عارفه نصحهم لي مو حب فيني
بس زي مايقولون يبون ينسكون الزلة.
اما اجساد النساء فانا بحثت كثير حول هالموضوع وشفت كثير فتاوى ومابي اخذ بذمتي شي يعني كلها غمشه على الصورة..
يمكن هالشي قناعه لاني حقيقه احب اللي يوجهني لاخطاءي اكثر من اللي يصفق لي..
احيانا ينصحني زوجي باشياء احبها وعارفه انها حرام واحاول ابرر بس يقول لي كلمه جميله وهي. ( لاتاخذك العزة بالاثم)
لايروح بالك انه ملتحي ومقصر ثوبه..
حَتى لو كان مُلتحي وَ مقصر ثوبه هذي حُرية شَخصية
لا بُد من تقبل جَميع أفراد المُجتمع ..
فَهمت مبدأك تَماماً ، بالعَكس أشوَف إنك إنسانة مَرنة ..
نورتيني
حابة اضيف نقطه تذكرتها ..
لاحظت ان اصحاب الحسابات الكبيره هم اصحاب الماركات واللي ربي منعم عليهم..
نفسي الاقي وحده ماتستحي تصور كيسه الهرم. على قولتك ..
والاقي متابعينها كثيير
لعلا اعدت قارة تدوينتك.. نحن من يشجع الهياط ..
بمجرد مانشوف اغراض رخيصه مانعمل فولو .
يالله است عبت حجم هالمصيبه الفكريه اللي يعيشها الاغلب منا..
وكلني متفااااءله ان هالفكر رلح ينقرض ان شاء الله. وتكون نظرتنا للحياة اعمق
طبعاً مو شرط الكل يشتري من الهَرم ، لكن قلتيها بلسانك
أنت فَقير أنا لا أريد تتبعك ، أنت ثَري أنا سأقوم بمُتابعتك .. الآخرين هُم من يُحددون الإتجآه
وَ بأنفسهم يَشتكون .. الحَمدلله فَهمتي الفكرة إللي آبيهآ
علي قد حبي لتدويناتك الجماليه الا اني اعشق ثرثرتك اكثر
انااكثر شي اتفق معاج فيه انه مشاهير السوشال ميديا صارو منصحات السناب بالذات ورانا شخصيات كنا نحترمهم بلانستقرام وصار العكس وهم في ناس مستثقلين دمهم وطلعو حبوبين
في ناس ماتحمل اسلوبهم طول الوقت زف وهواش وكيفي اكاونتي اللي موعاجبه انفولو!!!! لااحترام ولاتقدير اصلا اهي لو موهالفلورز جان محد دري عنها لو مو هالفلورز ماقدمت استقالتها واعتاشت علي السوشال ميديا وفوق هذا تستحقر الناس ياربي بقلبي كلام علي هالفئه بس نسكت احسن لو بتكلم ماخلص
للأسف كَتبت لك رَد طويل 🙁 وَ بدل إرسال سَويت تحديث ..
وَ أنا أعشق تواجدك ككل ، ما أخفيك تَحمست أعرف مَن تقصدين ، نَعم الكثير إستغنى عن وَظيفته لأجل السوشيال مَيديا
وَ أحترم شَخصية مُحددة أنا أقدرها جداً لليوم ما زالت تَداوم وَ خطها غير عن خَط بقية البلوقرز وَ الفاشونيستا ، ليش هي كذا ؟!
لأنها مؤمنة بمبدأ العَمل ، واثقة إن عندها مَوهبة ( سندس القطان ) غير عن أي شَخص .. أنا ما أنزهها أو أضعها ببرج عاجي بس هذا إحساسي الحالي عَنها ..
وَ نحن نحكم على الظواهر ، وَ مع تعاملي مع حنان القطان أيضاً ما شَفت منها إلا كل خير وَ بقمة الرُقي
حنان النجادة بروفيشنال وَ تبحث عن العَمل وَ النجاح وَ ماسكة خط الآرتست بمَجالها ما شَفناها بغير آرتست من خلال حَساباتهم
المُصيبة الكبيرة بالكويت عينات مثل سماح غندوره يَعني حرام تَنحسب عالكَويت وَ غيرها الكثير
ياجممالك وجمال أحرفك .. أخيرآ لقيت احد يوافقني الرأي
ماحب أنشر تفاصيل حياتي لنفس الاسباب اللي ذكرتيها
تلقيت نقد هائل ليه ماتصورين ؟ مانزلتي شي ؟ الظاهر ماتطلعين ؟
الله أكبر عليكم اللحين حكمتو اللي ماتصور مب عايشه واللي بروفايلها ملليان
صور هي سعيده وياحظها ..
سلمت اناملك ع هالكلام والله يسعدك ارتوس ♡
شَوفي أعرف إنسانة مآلتي مليارديرة بالآنستا وَ مهب إنسانة عادية
عدد مُتابعينها قليل جَداً ، بعض الناس يعلقون عليها وَ ينصحونها بَشغلات ظناً منها إنها ما تَعرف
البنت وَ الله ثم وَ الله أنا أهايط أكثر مَنها ، بس هَي لأنها بَنت نعمة مو حاسة إنها مَرتاحة عبالها كل الناس مَعهم مَثلهآ
فما تَركز على تَصوير آي شيء
نَورتيني يا حَبيبتي إنتِ
–
سجدة شكر لوجودك بهالعالم,,
أمس طريتي على بالي , كيف تنظمين وقتك..
خصوصاَ كون عندك مدونة أحس تحتاج وَقت مب هين من يومك..
كأنك دريتي وجاوبتيني بصيغه غير مباشره <3
قبل كم يوم كان بخَاطري أرجع اقرأ بمدونتك القديمه بشمواه ,
اختلف اسلوبك بشكل طفيف بالكتابه لكن جوهرك نفسه
شد انتباهي صراحه , أن في احد متمسك بشخصه لوقت طويل
رغم ان الحسابات الاجتماعيه هذه الأيام تكوّن نسخ , تغيير أراء !
كنت اتمنى تصرحين عن اسمك :$ , وتعرفينا أكثر على ذاتك
عشان كذا أحب فلسفتك | ثرثرتك ..
لكني أجهل تماماً عن التهديد , مُتصييدين الزلّات ..
فخوره فيك <3
* أتمنى لو يوم يحصلّي أسولف معك :$
حَبيبتي جٍيم تواجدك وَ كلماتك أبهرتني وَ ما أنكر كلامك يَدغدغ غُدد حُب الذات
الإنسان لا بُد يتطور وَ هذا هو التغيير إللي مفترض يَصيبه وَ حلو الإنسان لو كان على خطأ يعدل خطآه نَحن مُش ملائكة
إللي يقولك أنا ما أتغير معناه هو شخص غير قابل للتَطوير ، عَندي موضوع قديم جداً يمكن كتبته بعام ٢٠٠٦ إذا مو غلطانة لو قريتيه راح تضحكين
صَح مثل ما أنا ، لكنه كان طَفولي جداً ، التجارب وَ العُمر وَ الناس إللي تلتقيهم أكيد راح يأثرون بك بشكل آو بآخر
نَورتيني يا قلبي ، وَ ماتدرين لرُبما نَجتمع بيوماً ما
العالم صَغير
يعجبني اسلوبك في السرد وأخلاقك ما شاء الله
يآ حَظي .. الله لا يَغير علينآ
موضوعك في الصميم .. بس عجزت اعرف صنفي من الناس يعني انا انسانة بسيطة اصور الاشياء الحلوة والكويسة بس ما احس انه هياط يعني كم مرة رحت لماركات وكوفيات غالية ولا اصور .. وانا مثلك وقت مايجي الاكل انسى شي اسمه تصوييير وحتى لو تذكرت ما اصور مادري ليش . ودي استمتع بالأكل وغير كذا ادري خواتي وبنات خالاتي مارح يقصرون بالتصوير فآخذ الصور منهم بعدين ونااادرا ما انزل هالصور . اصور مكان حلو طبيعة حلوة مسبح منعش تنسيق ملابس مشتريات وزي كذا لا يوميات ولا خصوصيات .. تصدقين كثيييير يقولون لي اني ع السوشيال ميديا غير غير غير يعني لو مو انا معطيتهم يوزري ماعرفوني مادري ليش مابي اطول ماعندي شي مهم اقوله لووول بس كل مرة كل تدوينة لك كل بوست بالانستقرام اكتشف فيك شي يحببني فيك اكثر . مجرد متابعتي لك نعمة احمد الله عليها
وَ كلامك برضو نَعمة ، تعتقدين كلامك عادي !!
نهائياً .. له وَقعه بَنفسي ، يا حبيبتي عندك شيء أو ما عَندك شيء عَبري عن ما بداخلك يَمكن تكتشفين نفسك بزاوية مُعينة
عادي إنتِ إنسانة عادية أشَوفك مُعتدله
نَورتيني يا أسَماء
هلا الغالية ..
أحب أشكرج لأنج شاركتينا شي من ثرثرتج
حبيت كلامج وااااايد ..
راقت لي النقاط اللي طرحتيها .. وأسلوب الطرح راق لي أكثر ..♡
بس ليش يوم تتعمقين في وصف أمر عنج شخصيا وتقولين تفاصيله .. تنهين كلامج بكلمة {نفسية} !!!!
بالعكس يا زينج ويا حلاتج إنتي وفلسفتج فالحياة .. زي العسل فديتج
ما أنكر لما قريت رَدك إبتسمت
لرُبما كلمة نَفسية ( تَكف آذى عَني ) ..
حتى لا يُنظر لي برضو بنفس الوقت مع تكرار كلمة أنا أنا أنا كأني أمَجد بنفسي
فراح يقولون الآنا الأعلى شديد بينما أنا محتاجة لكلمة أنا للتعبير عن ذاتي ، فكلمة نَفسية تَكسرهآ
وَ أكيد كثير يبحثون عن المثالية ، عُموماً إنبسطت بوجودك وَ للآن كلامك مأثر بَي من ناحية الإبتسامة
يازينك وزين سوالفك ارتوس نبا ثرثرة اكثر بليز مرة اعشق مواضيع ثرثتك ممتعة ممتعة ممتعة حقيقي استمتعت دمت بحب 🙂
ههههههههههههه ردك ضَحكني بَس ما أقول غير ياليت الكل يَشوف رَدك
يا حلو كلامج والله
صج الواحد يحمد الله لين حس ان في الدنيا ناس عندها مبادئ
قلة لين اكلمهم عن المبادئ في كل البرامج يطالعوني بنظرات ان اشفيج الناس كلها ترى تحط وتكتب وتهايط عادي ترا محد مفتكر في احد
احس التطفل والغيره زادت من قال محد مفتكر في احد
ابدا الانسان ما يحب يعرض كل تفاضيل حياته بس يعرضون جانب واحد الا وهو السعاده الي اكثر الناس الحين مفتقدينها ويحاولون ينبشون عنها في البرامج يدورون ذاتهم واشياء تشبههم يثبتونها
كل البنات ما شاء الله علقو وكفو ووفو
الله يعطيج الصحه والعافيه ارتوس الاراتيسي ويسلم ربي يدينج ونبع افكارج
يآهلا بَك يا فاطمة مسيفر وَ النعم بَمن ربآك
بالعَكس الغيرة زادت عن قبل أضعاف مُضاعفة وَ صار الواحد ما يَستحي يعبر عن هالغيرة
حتى لو عبر بَكلمة مثل : بيجي يَوم تختفي هالنَعمة مَنك وَ كثير أشوف مثل هالكلمات بكثير من الحَسابات
وَ آتمنى ما تَفقد منا إنسانيتنا وَ حُبنا لبعض وَ تواصلنا ، أنا واثقة إن فيه بمُجتمعنا ناس آخيار وَ يوازون أفضل المُجتمعات
لكن بحاجة للوَعي قليلاً ، وَ فيه ناس واعيين لكن مالآقوآ أحد يدعم أفكارهم فصاروآ مَع الجانب الآخر
الله لا يَحرمني طلتك وَ لا ذوقك
هلا تدوينة ولا اروع…
انا علاقتي بالانستجرام كانت قوية بس الحين لا.. يمكن ادخل اشيك كم حساب و اطلع حتى صور صرت ما انزل…
بالبداية كنت استفيد منه الحين صرت اشوفه كله هياط و ماركات و سفرات و مطاعم… يعني الحسابات اللي ممكن تفيدك قليله و ما ماخذة حقها بعد..
الشي الثاني انا اعرض 10% ن حياتي الشخصية في المواقع بس الناس تفكر انه حياتي كلها كذا.. اذا نزلت اكله قالوا دبة.. و اذا صورت مطعم قالوا ما تجلس بالبيت و اذا صورت غرفتي قالوا اهلها ما يطلعوها.. يعني كل شخص يحلل على كيفه طيب هذه ما حياتي الكاملة هذا جزء بسيط منها و الجزء اللي انا حابة ابينه للناس ..
و اكثر شي يستفزني الناس المنافقة اللي ذكرتيهم كثييير صارتلي اخوات متضاربات قدامي وفي سناب شات الله لا يحرمني منك اختي.. و هي اخر مرة مكلمة اختها قبل شهر بسبب روج.. او اللي تشتريلها لها هدايا غالية و تكتب ربي لا يحرمني منك زوجي و المشكلة انه احنا نشوفها لما تشتري… الله يجيرنا من هالاشكال..
و للاسف يمكن نحن ساعدنا انه نرفع ناس في السوشيال ميديا وهي ما تستاهل المكانة فقط لانها تهايط او تشتري من الماركة الفلانية او حسابها في بنك كبير و ما نظرنا للفائدة اللي يقدمها لنا الحساب..
دمتي حبيبتي و ربي يرزقك كل اللي تتمنيه
فيه حَساب من سجلت بالآنستا وَعدد مُتابعينه لليوم بنفس العَدد بالرُغم حساب حقيقي وَ معلومة فَريدة لكن مافي أحد يرد عليها
وَ هي إنسانة مُثقفة وَ أخصائية بهالمُجتمع ، بالعَكس آلقي عندها ردود مَثل طفشتينا طبيعي هي حساب عَلمي
وَ نفس اللي حَصلك يَحصلي ، شكلك دُبة لين طَلعت جَزء مني بدأت الصَدمة وَش تسوين عشان تآكلين وَ ما تَسمنين
وَ إللي أعوذ بالله ببطنك دُود عشان كذا ما تَسمنين وَ وَ وَ وَ ، عندهم خيالات خَصبة قادرة على وضع سيناريو لفيلم خيالي
كلنا نَساهم ، مو شرط كل حَساب يقدم فائدة الإنسان برضو يحب الناس إللي يبسطونه
لكن العجيب بالناس إللي يتبعون شَخص وَ هم كارهين له ، أو هالشخص يسبب لهم مَشاعر سلبية
أو طول ما هُم متابعين هالشخص حاسين بالنَقص ، خلاص أي شيء يضايقني ما يَلزمني
فيه ناس لما ما تَكون تتبعهم تحس إن عَندهم شيء يستحق المُتابعة ، بُمجرد ما تصير مُتابع يَومي لهم تَنصدم
وبالنهاية إنت مُضطر تتبع بعض الأشخاص مُجاملة شئت أم أبيت خاصة لو علاقتك بها شَخصية على أرض الواقع وَ هو طيب لكن مو من نفس مَيولك
لأجل ما تَجرحه بتتبعه
وَ آمين الله يحقق لك آمانيك ، نَورتيني
مساء الخير ياوجه الخير .. عودا حميدا
يازين ثرثرتك والله هالثرثرة إثرااء بحد ذاته
قريتها مرتين مع الردود ههههه
هل شبكات التواصل تعبر عن حقيقتنا ؟ اشوف يختلف حسب كل شخص ، فيه اشخاص فعلا تعبر عنهم تكب كل عفشها الله يهديها مثلا بانستقرامها بدل مايكون مجرد مشاركة يومياتها يكون حتى مكان فضفضه لمشاعرها وبكل وضووووح .. والبعض زي ماقلتي هياط بس اشوف مايتبع هالناس الا هاوين الهياط يعني ماننكر بعضنا ضد هالفشخره بس ودنا نشوف وش عندهم وش ماعندهم مو بالضروره نسوي زيهم
تكلمتي عن الاكتفاء الذاتي وبمن حولك ، وان العواطف المشبعة تبحث بالخارج و حتى الاعجاب مشبع بالحياة ماتدور اعجاب وهمي
وان الموضوع بالنسبة لك مؤثر حتى بالعلاقة مع الحبيب
وماتخليك هالامور تنجرفين لايجاد حتى الحب وتجربته مع مين ما كان ، صدقتتتتي بكل كلمه قلتيها و قلتي هذا يدلّ على البحث المستمر
فعلًا كلامك عين العقل .. تكلمي بهالجانب بإسهاب احسه جدًا جدًا مهم
وعلى فكره ودي تقولين متى بيفضى الدايركت بخاطري اشياء بقولها لككك
ويعطيك الف عافيه ياقلبي
آوف مَرتين ، وَ الله أنا مَحظوظة بَكم ..
١٠٠٪ نظرتك سَليمة
ما أنكر إنك فعلاً أبهرتيني لما أكتشفت إنك مُهتمة لقراءة مابين السَطور ، أحييك يا قارئتي المُخلصة
بالنسبة لو تكلمت بهالجانب راح أدين نفسي ببَعض المواقف وَ طريقة تصرفي مَع الآخرين ..
الدايركت وَ الله فضيته الحمدلله بس فيه رسايل ما أدري ليه ما تَوصلني اليوم رديت على ١٥ رسالة جديدة وَ ٥ قديمة بالضبط
يعني دليل إنه يَوصلني وَ شغال ، تنوريني بأي وَقت
انا البرنامج اللي احس النآس استخدمتة بشكل مبالغ فية ايضاً سبب مشاكل كثير ، السناب شات ، لان الاغلب اذا مو الكل من يقوم من النوم لين ينام وهو يصور جد استغرب
حتى اذكر وحده متابعتها معروفة ، زوجها مسوي لها حفلة عيد زواجهم وطول ماهم جالسين وهي فاتحة الكاميرا وتصور وتتكلم وتضحك مع متابعينها وانا وجهي
بالرغم شكل كلامك كآن يَحمس ..
فراغ ، مافي إشباع وَش يحدك تترك الناس إللي تَعنوآ على شانك وَ إنت شَوفوآ يا بَنات شَوفوآ يا ناس
هباله وَ لا جَنان ، آول كنا نَشتكي من صَورة الآن ٢٤ ساعة ماسكين جَوالاتهم مَخدرين الناس يمشون بالشوآرع وَ كلاً يفكر إنه مَشهور
إذا لهدرجة متعذب إطلع على شاشات التلفزيون وَ ريحنا من هالعلة إللي فيك
طارر نص كلامي
المهم اتفق معك بكل كلمة
ترجمتي كلامي ،،
فعلا فعلا الحاله الان مُزريه .. بغض النظر عن كل شخص واستخدَامه للانترنت ، لكن الفشخره زادت عن حدها ..
عموما حسابات الفشخره وماتدري وين ربي حاطها فقط تشتري لاجل تتفشخر انفولو بدون غثه نفس لوول ، شخصياً عندي صديقه من هوامير الانستقرام ، ونقاشاتها تقولي البنت مدركه كل شيء ، لكن الصدمه في الواقع ! جد كلمتين م تركبها على بعض ، واكره الفلسفه بدون عِلم مجرد شوفوني انا مثقفه ، الهياط وتحته الفين خط لوول ، عاد سوي حسابك الاجنبي وارسلي لنا نتابعك وتصوري مع ليون ,,
مُجرد ما أتصور مع ليون راح تَعرفوني
أو بيقولون لي شَوفي هذي أجنبية أحسن مَنك ، عالأقل ما تَهايط لوووووووووول ..
نَورتيني ، وَ لا أنكر حَمستيني أعرف مَين صَديقتك إنتِ ٣ رد أتوقع بهالشَكل ..
بالنسبة للنقاشات عآدي مُمكن الإنسان يسرق نَقاش ، لكن لما تَطول تتكلم مَعاه تكتشف إنه مُفرغ
مثل مافي شَيوخ يدفعون لناس عاديين وَ يآخذون أشعار ، فيه هوامير مفرغين يآخذون كلامهم من ناس مَغمورين وَ هيييييه
مَع الوَقت تكتشف إن مآعنده شيء
فعلا عقول فارغه اكبر همها الشهره والكااش لوول ،، قليل جدا ينعدو على الاصابع اللي همهم نَشر الوعي والافاده مو متابعين وفلوس .. انتي اولهم وقليل حبتين اللي مثلك ، الله يخليك لنا
يوووه عَطيتيني أكبر من حَجمي ، أنا أتوقع إنه لو ما كان عَندي مُدونة وَ كتابات ، ماكان سَجلت بالآنستا
أما تَويتر فعندي مُعرفي الخاص بأسمي الحقيقي أرتاح فيه أكثر
بوسات لين عندك
تسلم لم لي هالبُوسات
ياحبيلك دايم اقرا لك بإخلاص من ايام شمواه بس اني صامته .. اكتفي اني ادعي لك من صماصيم قلبببي جنم ههههههههههههه ..
ههههه حَبيت جَنم ..
وَ أعشق المُخلصين وَ تكفيني دَعواتهم ..
وَ أكيد أسعد أكثر وَ أكثر بإضافاتهم
يا حبي لك يا سوس ،،
بجد انبسط على تدويناتك و أنك رجعتي تكتبين زي أيام شمواه لأن من يوم انتشرت مواقع التواصل الإجتماعي و الناس خفّت دخولها للمنتديات .
أنا مش من هواة التدوين و المواقع هذي كثير أذكر أول ما تخرجت من الجامعة 2011 سويت لي حساب في تويتر كان الهدف منه أني أتابع أخبار الفنانين اللي أحبهم و أشوف متى تنزل الأغاني و الألبومات الجديدة أو الأفلام و أول شخص سويت له follow كان jared leto 😛 بعدها سويت حساب انستجرام كنت احط فيه صور مرة بسيطة من الأشياء حولي استمريت فيه سنة تقريبا بعدين بديت أكرهه و حذفت الحساب و التطبيق بكبره و مريحه راسي منه الحين D:
حاليا مستمرة فقط على التويتر اتابع فيه اخبار الوظائف و شغلات تعليمية و شوي من اخبار المجتمع الخرا :$ و طبعا فنانيني المفضلين و اكتب فيه خرابيط اللي تيجي ببالي و سناب شات لخواتي و صديقاتي المقربات فقط غير كذا ما عندي حسابات.
أجاوب على أسألتك:
* هل شبكات التواصل الإجتماعي تعبر عن حقيقتنا ؟
ممكن أنها تعبر عن جزء منا أكيد ما راح تكون صورة حقيقية كاملة عن الشخص أو العكس ممكن تكون صورة مزيفة الواحد حاب يعيشها ع الواقع بس طبعا ما يقدر.
أعرف وحدة كانت زميلة لي في العمل دائما كلامها عن تويتر و كيف أنها تتابع أكثر الناس تفتح و “عقلانية” و أنها عندها عدد فولورز كبير شوي و الناس تتابعها عشان طرحها الجريء بس ما كانت تقول لي عن أيش تتكلم أو اسم معرفها و دايما ع هالسيرة لين ما كشفت حسابها بطرقي (التجسسية الخاصة D: هههه ما أحب احد يستفزني يقول ما تقدرين أو ماراح تعرفين 😛 )
وكان تحت أسم “ملحدة” و حاطة أسم بنت و أسم عائلة مزيف لها و معلومات عنها كلها كذب و الناس مصدقة أنه اسمها الحقيقي و خايفين عليها يقولون لو أحد يعرف مكانك بتروحين فيها لأنك تكتبين باسمك الحقيقي لووول و هي نصابة.
واجهتها بالحساب بعد فترة لما رجعت تهايط علي قلت لها ترا اعرف حسابك قالت اتحداك و طلعته لها لو تشوفين وجهها وقته ألوان من الصدمة بعدين مع الوقت حذفته و لا جابت لي سيرة ههههه .
مع أن أهلها جداً متشددين و حياتها الواقعية غييير عن اللي قاعدة تدعيها بتويتر ، هذا دليل أن مو كل الحسابات بأسماء صريحة حقيقية و من بعدها و أنا ماخذه درس ما أصدق أي أحد 🙂
*هل الحياة المثالية إللي نشوفها ببعض البروفايلات حقيقة أم إدعاء ؟
القيليل تحسين حقيقة و الغالب زي ما قلتي هيااط .
*ما مدى التشابه بين شخصياتنا الحقيقية وَ شخصياتنا بالنت ؟
بالنسبة لي شخصيتي بتويتر تعبر عن جزء مني من أهتماماتي أكيد ما تعبر عن حقيقتي الكاملة.
*مامدى مشاركتك لحظاتك السعيدة أو الحزينة في هذه الشبكات ؟
أكتب أكثر اذا كنت متضايقة :$ لاحظت هالشي أقعد اتحلطم واجد أما اذا كنت مبسوطة ممكن أحط اغنية أو مقطع يضحك شي زي كذا.
و سلامتك 🙂
P.S: ع فكرة ترا أنا مرة أحب مدونتك وكتاباتك هنا و بشمواه و كل موضوع بالحياة كتبتيه قريته :$ (هذا أنا من الناس اللي قلتي عنهم ما ينسون الماضي ^^ ) لا توقفين أبد و شكرا جداً على كل شي تقدمينه يا جميلة.
حَبيت الهَدوء إللي إنتِ به ..
يوووه يا كثر المُلحدين المُنتشرين وَ برضو هبة الإلحاد الجديدة تُعد مُشكلة ، الإلحاد وَ الليبرالية وَ وَ وَ وهي غالباً أفكار فساد مو طالعة لأن الإنسان كان عالم وَ بحث وَ فقد إمانه
أغلبهم عاجبهم الإلحاد لأن راح يفتح لهم طريق الحُرية ، بينما أغلب المُلحدين الحقيقيين مُستترين وَ لو ركزتي زين عليهم بتكتشفين إنهم مُلحدين
صراحة كشفك لهالحقيقة أثرى تَدوينتي ، وَ أي شخص يحط أحد براسه أكيد رآح يجيبه ..
وَ سعيدة أكثر إنك مُتواجدة بعالمي الإفتراضي ، نَورتيني
انا كويتيه
وَ النعم وَ الله
كنت متأكّدة إن هذا بيكون ردّج بخصوص كلمة {نفسيّة} ..
وهذي بتكون ملامحج “الإبتسامة” وإنتي تقرين تَعليقي
بطَلة إنتي على فكرة !!
.
.
زي العسسسل
سَعيدة بتَواجدك وَ بإهتمامك للرجوع وَ قراءة الرَد
نورتيني ، وَ إنتِ أكثر نباهةً مني
وأنا أسعد فديتج ..
عزيزتي ارتوس ، عندي بعض النقاط تمنياتي تتقبلينها بصدر منشرح 🙂
حسّيت ببعض من التناقض في موضوعك ، لا الي تأييدي مواقع التواصل ولا الي راح تتركين و منها تستفيدين !! مدري يمكن لكثره السطور التبس علي ؟
.. و انت تفضلين الشخصية الغامضة والحقيقة إنتي مو غامضه
طبقتي شروط العالم الافتراضي مثل آلاف الأشخاص و هذا مو يخليك شخصية غامضة شي طبيعي ما تقولين مكان عملك ، اسمك الكامل .. شي عادي
لم اشاهد شخص غامض يخبر الآخرين انه غامض !!
إنتي عفويه و نعرف عنك كثير .. المنتجات الموجودة بتسريحتك ، محبتك الأشياء الصاخبة ، وفاة والدتك الله يرحمها ، أحذيته لوبوتان ، عدد اخوانك ، فضفضتك بمسمى ثرثرة لا يفعلها شخص غامض ،تسريحة شعرك المفضله الخ
انستقرامك و مدونتك و تويترك .. علبة شدو ، قطو ، أظافر !! مثلك مثل الي حساباتهم اكل و أكواب قهوة ؟ مالفرق ؟
غضبك ع المجتمع .. نتفق معك ببعض الأشياء لكن لكل فعل ردت فعل ، نعالج بهذي ألطريقه (أميتوا الباطل بالسكوت عنه ) 🙂
و بخصوص الي سبت أظافرك و في بروفايلها كاتبه سبحان الله !!
انا اشوف الي يكتب كذا مو شرط يكون كامل او انه في صومعته يعبد ربي أو انه معصوم عن الخطأ ؟! يعني اذا تبينها تسب و إخلاق تبينها تضل ع نفس حالها او اذا اخلاق تبينها تضل ع أخلاقها الى ان يبعثها ربي ؟ المفروض ما نصنف الناس ع هواء النفس
اكتفي .. كثرة الكلام ينسي بعضه بعضاً
أبداً حياك الله ، أكيد أتقبل أراء الجَميع ..
أتوقع ألتبس عليك لأن أنا من المٌستفيدين من الآنستا ، وَ مع ذلك عدد صوري قليل جداً بالرٌغم مفروض أكون مَهووسة فلورز لأن بالنهاية هذي شُهرة
وَ إذا كنتِ تتابعيني زَين ماراح تلقين إني تبادلت مَع أحد لجلب المَزيد من المُتابعين ، وَ بنفس الوقت أنا عَندي إعلانات بالآنستا فأنا مُتربحة وَ بنفس الوَقت عندي مُدونة
الآنستا يفيدني بَإشهار مُدونتي وَين المُشكلة ؟! أنا من المُستفيدين ، لكن المأساة تَقع على الضَحايا إللي نحن نَستفيد مَنهم ..
وَ عفكرة بالإمكان أعلن بعدد أكبر من الإعلانات المَطروحة لكن بَشرط أدلس عليكم ، تتوقعين ماتَجيني إعلانات وَ أقوم برفضها
حتى المتاجر إللي تبيع تقليد رولكس وَ كآرتييه … إلخ رافضة الإعلان عنها بتاتاً البتة وَ ردودي عليهم بالرفض تَشهد عليها تَعليقاتي دآخل البوستات
وَ أصحابها يَشهدون علي ، أنا مُش مُستميته بالإعلان إذا الصفقة رابحة وَ ما تإذي أحد وَ صيغة الإعلان مَقبولة أهلاً وَ سهلاً بكون ( غبية إذا رفضت ) ..
هل المٌنتجات المَوجودة على تسريحتي تخليك تعرفيني بالحَياة !! هل كل ماهو موجود بتسريحتي يُعبر عن كل ماهو مَوجود عَندي ؟
ما أصور إلا إللي أبيه يَطلع ، هل بيوم شَفتي عَطوري مَثلاً !! أكثر من ٣ عَطور ما عَرضت ..
هل أنا الوحيدة إللي والدتها تَوفت ؟! .. هل أنا الوحيدة إللي أملك أحذية لوبوتان ( ما أتوقع معرض لوبوتان فتح أبوابه لعيوني بالرياض )
هل عدد أخواني المذكور هو عدد اخواني الأحياء وَ الأموات وَ لا فقط الأحياء ؟! ، القطو لست الوَحيدة اللي أملك قَطط ..
وَ أخيراً وَ الأهم جنسيتي وَ دراستي هل تَجزمين إني سَعودية ؟! أكثر من ١٠٠ رَد وصلني عن تشكك الآخرين عن هويتي وَ بلدي ..
مُمكن أكون لبنانية وَ ممكن أكون سورية وَ ممكن أكون يمنية وَ ممكن أكون صومالية وَ ممكن أكون كويتية ، ممكن أكون عُمانية ..
( إذا قدرتي تَجزمين مَين أنا بالتأكيد كان عَرفتي أنا واضحة بالتأكيد لكن لا أظهر إلا ما أريد إظهاره لَكم وَ هنا الذكاء .. من الغباء تكون بعيد عن الناس بشكل سقيم )
للعلم وَ لا رقم من أرقام جوالي بأسمي .. وَ لا أتعامل حَتى بحسابي البنكي الشخصي بالتعاملات التَجارية ..
أنا حسيتك زَعلانة ، هل حسابي هباءً منثورا ، صَدقيني بعالم الإنترنت لو حسابي مالفتك وَ لا أفادك ماكان دَخلتي المَدونة وَ علقتي
لأن كلنا نعرف إن فيه أكثر من مَليون مُدونة وَ مع ذلك مُدونتي تَحظي بهالشعبية الكبيرة بأقل من أربع أشهر ، هل حسابي يتشابه مَع حساب الأكواب !!
بالعَكس مُمكن كصورة جَمالية هُم يملكونها ، لكن كقيمة وَ فائدة أكثر من معرفة أكواب رويال آلبرت للبعض ما أتوقع ، وَ أتوقع إنك ما رَكزتي تماماً بفحوى التَدوينة ..
وَ أنا بنفس الوقت ما نَزهت نفسي قلت إن حَسابي سَطحي لا يُمثلني بالواقع ، لكن بالنهاية أنا مُنتفعة وَإنتِ شكلك بس زعلانة على الأكواب بينما ذكرت أصبع روج وَ علبة شَدو
أشوف إنك ما قرأتي التَدوينة زَين وَ أحببتي ظَلمي أو البحث عن حُجة ، لم أُنزه نَفسي .. أنا بالعَكس أشفق علي ما يَنتفعون وَ معذبين نفسهم وَ محداً حولهم ..
بالنسبة لسُبحان الله ، لم تكون إنسان تغلف نفسك بكلمات الله ، أعتقد من الواجب إحترآمها ..
يعني مُستحيل أكتب سبحان الله وَ أنا أطرح صور نساء عاريات بيكون نفاق بحت ، بس عادي فيه ناس يجوز لهم هالنفاق الإجتماعي ..
وَ لم أصنف أحداً على أهواء النفس قَطعياً .. أنا مالي يَوم بالإنترنت وَ لا أحكم عبثاً .. يعني إللي نيتها مَضروبة تبين من طريقة الكلام ..
يعني مثلاً تفسير بسيط إلحاقك لهالإبتسامة 🙂 بردك علي تحاول تظهر مَظهر السلام وَ البراءة
بينما ما حَسيت إن ردك بريء ( شوفي كَم أنا صَريحة ) .. بالرُغم أنك مُمتعضة مما بعالم الإنترنت بس مركزة على تسريحتي وَ قطوي وَ عدد أخواني وَ أحذية لوبوتان
ما تَشوفينه قَمة التسطح أن لا يؤخذ من التَدوينة سوى توآفه الأمور
حياك الله برَدودك .. بس تمنيت لو لم تلتبس عليك الأمور لكثرة السَطور .. لأن ما شَفت أي إضافة ذات قَيمة أو جَدوى
الله يحييك قلبي 🙂 ق1 ، يسعدني اهتمامك ب مشاركتي البسيطه
ابد يعزيزتي اتابعك من زمان مو من الانستقرام من التويتر تحديدا و اتمنى لك التوفيق اليوم قبل بكره
وادعي لوالدتك مع اني ما افضل اذكر هذا الشي..
(استنتاجي بموضوعك ) حسيتك تدخلين كثير في نوايا الغير بمصطلح نفاق اجتماعي
وهذا انسان مثير للشفقة هذا يحتاج علاج ..و غيره
محد يعرف النفوس او يحكم هذا شخص كويس او لا ، ولا احد راح يحاسب احد ، مثلك ومثلي ما نفضل اي شخص يحكم علينا
حبيت تركزين ع هذي النقطه .. إلا اذا كنتي تعانين من مشكله بسبب المجتمع او بيدك مفاتيح الغيب (حلو كذا كيفني و انا ادخل بنيتك) ؟
ضربي للمثال اصبع روج و قطو…الي فهمتي بطريقه خاطئة: هو ان اوصل لك انك مو غامضة بالعكس صريحة و عفويه في العالم الافتراضي .. من اي بلوجر اخرى لانعرف عنها إلا منتجاتها وكتبها وتنسيقاتها.. (هذا حكمي عليك من سنين)
وهذا الي جعل البعض يعرفون من انتي أقتباس : وَ على فكرة تم إختراق هالخصوصية يعني صار كثير يعرفوني ( فهمتوا شيء ) ، لو انك غامضة محد عرف ان اسمك الوهمي ارتوس وان عندك بلوجر الخ ، اقرئي عن الشخصية الغامضة
واستنتاجك بخصوص اني ممتعضة ! حبيبتي انا اكبر من اني احس بالنقص علشان كم مكياج و كم جزمه (تكرمين)
إذا كان حكمك وتصنيفك للناس بهذا الطريقة المثيرة للسخرية الله يكملك بالعقلَ ..
أقتباس : (وَ لم أصنف أحداً على أهواء النفس قَطعياً .. أنا مالي يَوم بالإنترنت وَ لا أحكم عبثاً .. يعني إللي نيتها مَضروبة تبين من طريقة الكلام ..)
عذرا اتوقع شخصيتك مضروبه هل هذا وسواس ام نرجسية ؟ نصيحة منها يكون ردي ذا قيمه و جدوى , *خليك مرنة * انتي مو دايم صحَ و مو دايم غلط .. أيضا .. انا مالي يوم بمعرفتك ضحكت معك و بكيت لك واعرف انك ما تتقبلين النصح البته و كثير الانتقاد و تسعين نحو الكمالية
اذا كان يهمك سبب اهتمامي : هو يكون في شخصية ارتوس و مواضيع النقاش وأن شطحت مواضيع الشعر فقط ..
واذا كان و الله شعار 🙂 بيحكم علي اني سيئة او جيدة بطريقة ارتوس (يحتاج علاج عاجل) بطريقتي (لاتخلين ايقونه تدخلك في النوايا) عذراً هل فتحتي قلبي و رأيتي! هذا غباء منك
للفائدة : جاء في بالي حديث ..
أن رسول الله – صلى الله عليه وسلم – بعث خيلا إلى فدك فأغاروا عليهم ، وكان مرداس الفدكي قد خرج من الليل وقال لأصحابه أني لاحق بمحمد وأصحابه فبصر به رجل فحمل عليه فقال إني مؤمن فقتله
فقال النبي – صلى الله عليه – وسلم : هلا شققت عن قلبه : قال فقال أنس : إن قاتل مرداس مات فدفنوه فأصبح فوق القبر فأعادوه فأصبح فوق القبر مرارا فذكروا ذلك للنبي
– صلى الله عليه وسلم – فأمر أن يطرح في واد بين جبلين ثم قال : إن الأرض لتقبل من هو شر منه ولكن الله وعظكم ” .
وشكرا على وقتك ق1
أنا أشاركك بصفة الاختفاء لكن بجزء بسيط هههههههههههههههه
لكن واتساب لا تعودت …
بس من الفراغ ارجع بين فتره و أخرى
و احيانا مع الحزن بعد اختفي ههههههههههههههههههههه
وفعلا …. شخصيتك الافتراضية …
احسك عاقله و تحبين توزنين الاشياء
واحبانا احسك لا ههههههههههههههه
أنا عموما احب الناس اللي فيهم نوع من الجنون …
و فعلا اكره تصوير الاطفال احس شيء يخص الغير اكثر مني أنا
الله اككثر شيء عجبني العشرين حقيقه لكن فعلا السعودين يحبون اللي ينافق عليهم
و يحبون المثالثه الزايده طيب ليه حنا بشر !!!
البعض قالي خالف تعرف ، يعني قالوا إنك تدعين التميز بذكر السلبيات ، معقوله !!
هههههههههههههههههههههههههههههههههههههههههههههههههههههههه
الصراحة ما يرضيهم شيء
لو مدحتي قالو موب ملاك
و اذا الواحد ذكر سلبياته مع الرضى فيها بعد ما عجبهم !!!!
استمتعت بثرثرتك … ربي يسعدككك
و فعلا انا من تابعتك اعرفك انسانه تحبين الخصوصية
و شيء جميل … انا ما يهمني حياتك كثر ما يهمني ايش تقدمين
يسعد لي مسائككك
أنا عَندي كذآ رَقم بالوآتس آب .. لذلك مآخذه رآحتي نسبياً ..
لكن مرآت ما أقدر ألحق على الكُل ..
بالنسبة لتصوير الأطفال البعض صورهم بجَزء من الإستغلال ، وآضح الطفل طَفشان لكن يَتم تصويره لأن الأطفال مافي أحد يَحقد عليهم
يجيبون فلورز وَ لايكآت ..
وَ سعيدة أكثر بإهَتمامك بما أقُدم ، نَورتيني
والله صاااادقه
في نقطه شدتني لمن حكيتي عيشوا اللحظه مع الاشخاص الحقيقين قبل لايحصل مكروة وتفقدوهم على حساب الافتراضيين ،،
انا تغيرت بعد وفاة والدي قبل شهرين ..الله يرحمه ..
واعترف كنت من الناس المهايطيه اللي تحب تبرز افضل ماعندها من مشتريات و طلعات و و و ..الخ
لدرجه اني كرهت حسابي هذا وفتحت واحد خاص اتابع فيه ومااحد يتابعني زيرو الفلورز ..
بالاحرى عملت خروج من الاولاني !!
كأن نفسي ملت من هالتيار اللي الكل ماشي فيه والحمدلله تخلصت من هالعقده هههههه ((الهياط على غير سنع))
دمتي قريبة من القلب كتابةً وتصويراً ،،
تدرين ياأم ليون ،، على الرغم من متابعتي لج من سنين من أيام منتدى شمواه كنت أدخل أقرا مواضيعج وأطلع بدون تسجيل لانه أسلوبج كان ولازال مختلف ومتميز عن الغير،، فعلى الرغم من ذلك إلا أنج نجحتي نجاح باهر في إخفاء خصوصيتج ،، يعني انا للحين اسمج وعمرج ماعرفه ،، فيه شوية أمور تكلمتي فيها عن نفسج أغلب متابعينج يعرفونها بس هيه أمور سطحية وممكن تصير لأغلب الناس ،، حتى مشاعرج شاركتينا بالتفصيل ،، بس هذي مشاعر طبيعية أيضا تحصل لاأغلب البشر ،، انا لو حد سألني عنج ،، يمكن اللي بقوله عنج يختصر في عناوين مثل ( لابوتين ،، ليون ،، شعر مجعد ،، مخالب ،، رياضة ،، المرحومة الوالدة ،، نظافة ،، سريعة ،، أختج ،، ماركات ،، مكياج ،، طباخة ،، سنعة ،، خدومة ،، دقيقة جدااا جدااا وهذي أحلى صفة بالنسبة لي ،، إلخ )
يعني انا ولامرة صادف اني قريت تعليق كاتب عنج اسمج او معلومة حقيقية عنج ! فعلا برافووو علييج
في بداية معرفتي فيج كنت متشوقة اني أعرف منو انتي منو هذي اللي تكتب من ورا الشاشة هالمعلومات الباهرة المفيدة ،، معلوماتج ماشاءالله ماقريت مثلها حتى عند الأطباء والله ،، أحسج تكتبين بضمير وتفصيل جميل وواضح ونا حبيت هالشي فيج ،،
لكن الحين زالت عني هالرغبة في شوفتج مو لانه صعب ،، لاني في قرارة نفسي مابي أخرب الهيئة الجميلة اللي رسمتها فبالي عنج ،، خلاص خليج أرتوس ( أم ليون ) الفتاة السعودية ذات الأثر الأكبر في حياتي ❤️
كلامك صحيح 100% .
المشكلة في مواقع التواصل أن الناس مو قاعده تعي وتتدارك نفسها بالعكس كلما وتزيد سوء وهياط .
والناس قاعده تطلع عقدها النفسية و حرتها في شبكات التواصل , تشوفين كلام بذيء ما ينقرى من ناس كنتي تتوقعين انهم ناس راقية .
بالنسبة لي اشوف اغلب الشخصيات الي تطلع بشبكات التواصل مزييفة , يدعون شخصيات غير شخصياتهم ويمثلون حالات هم مو فيها .
وعشان كذا انا ما اثق بعلاقات النت ابدا ولا احب اشكل اي علاقة عن طريق النت .
لاني ابصم بالعشرة انها انسانه مختلفة كليًا عن الي اشوفه في مواقع التواصل .
سوري اذا طولت عليك بس عجبني الموضوع و كلامك حمسني اكتب وكذا :$
شكرًا لانك من الناس العاقلة الي ما اثرت عليها هالاشياء ()
مافي شي جديد يا ارتوس كالعادة جمال على جمال ..
انا بصراحة اسمع الناس بكل مكان وبكل جلسة يرددون كلمة (الانستا مافيه خصوصية, السناب شات مافيه خصوصية , التويتر وووو …. الخ) مثل الببغاوات و زعلانين ويحسسونك انهم مجبورين يسايرون هالتقنية وهم يمارسون أشياء يفضحون فيها خصوصيتهم, انا
ماني ضد مسايرة التقنية بشرط تكون هالمسايرة بالشكل اللي يخليني انا اللي اتحكم فيها مو هي تتحكم فيني , او بشكل عملي اكثر اقصد اني اهتم للتقنية واهتم اني اتعلم وادخل أي برنامج جديد او اي شبكة تواصل جديدة مش لأني مهووسة بالتقنية بالعكس مو كثير تشدني
يعني يكفيني كم تطبيق وبس لو مارست هالشي عن اهتمام او هواية لكن اللي يهمني هو اني اكون مواكبتها ومتعرفة عليها وعلى ايجابياتها وسلبياتها وطريقة وحدود التعامل معها حتى أكون قريبة من ابني(عندي طفل واحد ) وأبنائي مستقبلا ومن اهتماماتهم بمعنى اكون اب تو ديت هههه حتى يكون عندي افق ذهني اوسع في التربية , مايجلطني الا لما اسمع ام تقول مايهمني تويتر مثلا ولااعرف له تبرر جهلها بقلة الاهتمام ! لا حبيبتي ضروري يهمك طالما انتِ مسؤولة عن بني آدمين خلفتيهم لهالحياة فأنتِ مجبورة تتعلمين .
موضوع الحرية الشخصية كثير يرددون هالجملة بدون وعي و يحسبون أن الحرية الشخصية تشمل التعدي والسب والقذف بحجة انك انتِ فاتحة حسابك وتحملي مايجيك ! لأخطأ حبيبتي لو قسنا هالمبدأ على حياتنا الواقعية مثل اللي تدخل عليك ببيتك وتسبك وتغلط عليك وبعدين تقول لك معليش والله انتِ فاتحة بيتك واستقبلتيني ف تحملي! إذن نفهم من كل هالسالفة أنها آمنت بمبدأ يدينها ويقلل من قيمتها و انها ماتستحق أن احد يستقبلها بأي مكان لا واقعي ولا افتراضي , والا سالفة دخول بيوت الناس وتصوير اشياءهم واطفالهم وعشاهم وغداهم وضيافاتهم ونشرها أن شا الله ماعندك الا متابع واحد مالك حق تصور اساسا بدون استئذان عدا عن كونك تنشر, عمر الحرية الشخصية ماكانت بهالشكل المؤذي لحريات الآخرين ,
أو مرات تزورين احد مافي ذيك الميانة يعني و اذا حيتك ع العشاء تقول لك لحظة لحظة يله صوري! نعمممم!!! عيب عيييييب هذا الشي يعطيني ايحاء بأنك تعبانة على هالسفرة جسديا والا
ماديا وانها لحظات لاتتكرر فصوّري بسرعة للتاريخ هههههه, مو مشكلة افرحي بحالك وبمجهودك وصوريه انتِ لكن بعيد عن نظري وبعيد عن شعوري ..
احنا مجتمعات ندّعي الخصوصية والمحافظة , هذا بنظري هو النفاقو شبكات التواصل بالذات الانستا فضحت أننا مدّعين وأن هالخصوصية مفروضة علينا وأي مجال يفتح لنا أننا نتحرر من هالقيود رح ندخله ونصير هوامير فيه كمان , ممكن اللي يسافرون زمان برا
شافوا واكتشفوا هالشي من زمان لكن الحين صار الموضوع واضح للجميع من كل الطبقات , ماعندي مشكلة عيش حياتك زي ماتحب بس مو تهبب بكل مكان وتجي تتفلسف علي انو الحمد لله على بيئتنا ههههه , شغلة ثانية المرأة المتزوجة اللي تنزل صور غرفة نومها وتقول حرية شخصية! طيب ياام حرية انتِ استأذنتي شريكك تنشرين هالصورة والا لا!؟
بس تصدقين أن أحس أن مجتمعاتنا مهووسة بفكرة ” أقهرهم ” تصور عشان تقهر ناس حولها , بصراحة أنا اشوفه نقص وقلة نضج انتِ تقهرينهم معناته انتِ تنقهرين منهم من شيء معين خلاص بطلوا افكار وحركات الجواري , سيدة تجاوزت الثلاثين من عمرها يفترض بها وصلت عمر النضج التام وتركت فكرة المقارنات وقاهر ومقهور للمراهقات ..
وموضوع الربح من خلال الاعلانات انا اشوف أن الموضوع استثمار لحياة شخصية مقابل ماديات بالذات الحسابات اللي تنشر ماهب ودب وحتى لتجار نصابين احيانا !
أنا ثرثرت كثير ( لاومختصرة بعد هههههه) بس تدوينتك حمستني والحديث حول موضوعها ذو شجون كيف اذا كانت رؤية هالموضوع من عقلية شخص مثلك ..الله يسعدك ارتوس وشكرا على كل شي تقدمينه
ماهذا الكلام ياتستس ! ابدعتي صراحة
كلامك وتدويناتك تأثر فيني بشكل كبير حتى الاسئلة اللي انطرح في الانستغرام تخليني افكر في حياتي ، القي نظرة عليها ، افكر كيف اصلحها ، اوقات كثير صراحة ماالقى لاتفه الاسئلة جواب واكتشف اني مااكترث باشياء ضرورية
عاد خليني أتكلم لك عن تجربتي بالسوشال ميديا،، بالمسبة للانستقرام سجلت به وانا متحمسة وعاجبني المهم الحين عاد طفيت مرات تعجبني صور الناس الفشخرة ومرات تعجبني صور الناس العادية المرتبة وارتاح لها ، وعالعموم ماأشوف أن الإنستقرام يطلع حقيقة الشخص أو بالأصح خلينا نقول حالته المادية ومع ذلك أشوف أن الإنستقرام مره أفاد الناس من ناحية انه يعرفون وش الجديد وش الي مو جديد لاحظت من بعد الإنستقرام كثرت بمنطقتي محلات الحلويات والقهوة لوول وممكن اللبس بعد ، أما تويتر هو أول موقع إجتماعي سجلت به خذيت فترة على بال ماتعودت عليه وبعدها اكتشفت الحقوقين وهالشلة هذولا بالبداية ماتقبلتهم وبعدها انجرفت والمشكلة كنت صغيرة ممكن ١٦-١٧ يعني ماعندي ماعند جدتي خلوني أكره السعودية بكبرها من كلامهم حتى مو بس سعوديين أحياناً حتى العرب الثانيين يتدخلون على أساس مصلحين والصدق الحين أشوفه خبث مو عشان إصلاح وكذا المهم مريت بمراحل وبعدها ماارتحت بحسابي رحت قفلته وبديت بداية جديدة والحين صرت أتابع ناس عاديين وفلورزهم مو كثير أو الي يحبون الأفلام وهالأشياء هذول واحرص بعد على الحساب الي فيه فايدة بعيداً عن السياسة والدين ، وأشوف أن التويتر هو البرنامج المفيد تقدرين تفيدين الناس وأحياناً تتحلطمين وبالنسبة لي على هالمراحل الي مريت فيها إلا أن أحس غيرني وخلاني متزنة مو بس هو الدخول بعالم النت عموماً ، وإلى الآن ماأشوف تغريداتي تعبر عن نفسي احياناً اكتب تغريدات تدل على أني ماخذه الموضوع أكبر من حجمه وأنا بالواقع عادي عندي واحياناً تدل على اني متضايقة وأنا بالواقع قاعدة أضحك ، ومو بس أنا كثير مثلي ،،،
عالعموم أبداً ما أشوف مواقع التواصل تعبر عنا ممكن تعبر عننا بشي بسيط مثلاً ٣٠٪ او أكثر
وبس شكراً على هالتدوينة ،وأن شاء الله يكون كلامي مفيد
ارتوس مساء الخير 🙂
ارسلتلك دايركت مسج ..
صراحه في كثير في الحقيقه ساكتين وخجولين لاكن بمواقع التواصل تهرج تهرج لدرجه تقول لي انا دقت علي فلانه ولا رديت عليها ورحت اكلمها بالواتس انا عن نفسي اعشق الانترنت عموما ليش؟! لان اول ما افقه من هذي الحياه الا القليل بالفتره ذي اصبحت افقه الشي الكثير مشاء الله حسيت انه استفدت منه كثير بكل جوانب الحياه
حسابي بالانستا وظيفته خدمية فقط بمعنى اتابع حسابات محلات وانتيريور ديزاين وفاشن فقط مافي ولا اي صوره أنا اولد فاشن بهالموضوع مااحب اشارك حياتي مع اي احد حتى مع أهلي مو مهووسه اوريهم المكان اللي أنا فيه حالياً ممكن اذا شريت شي و كنت محتاجه رأيهم أوريهم غير كذا لا أحب خصوصيتي بشكل كبير لأن صارت لي مواقف كانت راح تجر الويلات على سمعتي وخلتني أسكت وأتكتم على حياتي وأكتفي ب الحمد لله تمام لين يمل الشخص اللي يسأل و مو لأنه فرد من عائلتي راح أقول له كل شي الثقه تُكتسب ماتتوقع بيوم انها مضمونه لك لانك أخوي أو أختي من تجربه شينه والحمد لله مبسوطه بحياتي لما بديت اتحكم باللي ممكن يعرفونه اللي حولي لأن الحسد آفه بمجتمعي القديس الكل ناصح والكل ولي وتقي والقلب اسود الاكيد حامت كبدي والغربه مو كربه الا فُرجه
ودايم أقول اللي سمح للناس يدخلون على حياته لو من نافذه صغيره يتحمل الفضول والاقتحام على اموره الخاصه ذكرياتك خلها لك
بدي اعده طوووووووويله لاقرا جمال هالشخصيه
وحاليا راسي صداااع
مابحب الا كون ريلاكس لحس وافهم كل كمة منك احيانا بقرا تدوينه علسريع ومابكون بالمود !!! بكتشف اني رجعت عيد قرائته تاني يوم لاتنعم بكلماتك
صباح الخيرات ياعيني
تدوينه في الصميم وكلام عين العقل
بجد اصبح الناس متناقضين ما بين حياتهم الواقعيه و حياتهم بعالم التواصل الاجتماعي
من باب تجربه في السناب وحدة طلبت سنابي ولانها قريبه لي و اعزها اعطيتها ياه
وبعد فتره اكتشفت بس تبي تشوف حياتي مع ان سنابي شخصي جدا ولا اعطي احد ولا فيه ذاك الزود
بس حب التطفل خلها بعيني صغيره و عديمة ذوق
يعني تبين تشوفين حياتي عادي قولي اشوف حياتك مو تقولين خلينا نتشارك >>>> غبنه
معليش طولت عليك
اخر شي بقولك ياااا جمااالك كل الي قلتيه ودي اقووله
هل شبكات التواصل الإجتماعي تعبر عن حقيقتنا ؟
بحسابي الاول نوعا ما بعدها عرفت انو ناس عرفوني شخصيا فتضايقت بسم الله ما اعرف وشلون هالناس ينبشون فاضطريت اتركه وفتحت ثاني سطحي للترفيه وقليل من اليوميات
– هل الحياة المثالية إللي نشوفها ببعض البروفايلات حقيقة أم إدعاء ؟
عني ما اصدق كل ما اشوف وصارت ثقتي صفر بالمجتمع الافتراضي لكثر سرقات الصور والهياط
– ما مدى التشابه بين شخصياتنا الحقيقية وَ شخصياتنا بالنت ؟
على حسب مراقبه الناس لك
– مامدى مشاركتك لحظاتك السعيدة أو الحزينة في هذه الشبكات ؟
السعيده فقط اشاركها
شبكات التواصل صارت نقمه انا مثلك ما احب الجوال بيدي وانا بين اهلي او مع ناس احسه من قله الاحترام واتنرفز لمن الي جالس معك مسفهك وداخل جو مع الجوال
والله درر
ماعندي تعليق الا انو
شاكرة ربي انك بحياتي
والهي مايحرمني منك
مابقيتوا لي شي اقوله بجد!! عاد انا احب الهرج ،، مااحب اليوميات ابدا ولااصور الا الشي الجميل او المضحك ،، من وجهة نظري ،، وطبخي
ارتووووسه عساك دوم سالمه … اتمنى تشوفين الدايركت مسج .. مُهم
استمتعت بقراءه كل حرف، فعلا كلامك الصميم
وفيه اشياء كثير اشترك معك فيها من ناحيه اني احب استمتع في اللحظه وتفوتني كثير من اللقطات،،، وحتى لو صورتها احب احتفظ بكثير منها لنفسي
،
وفعلا السناب شات والانستقرام غيروا الناس وبصراحه فيه ناس من كثر ما تأثروا فيها صاروا عايشين فيها وفقدناهم وممكن تغيرت نظرتنا لهم بقد ايش هم سطحيين
،
قبل فتره بسيطه لو شفتي وحده رايحه لمناسبه تصور حبه شوكولاته والا حلى انتقدتيها وممكن نقول عليها (مشفوحه او وش ذا الي ماقد شافت عيشه) الحين صار التصوير بالنسبه لها مبرر عشان السناب والانستقرام وانا مازلت اشوفه قله ذوق انك تنطين في نص المجلس وتصورين الصينيه،،، او في وسط الجلسه تسوي وضعيات تصوير وتصور “سيلفي”
،
من الناس الي افتقدتهم بصراحه اخوات زوجي
كنت استمتع بالجلسه معهم ونتطاق ع السوالف ونضحك من قلب
في السنتين الاخيره صرنا صمممت ماتسمعين الا تشك تشك
صاروا يتفننون في شكل الحلويات (للتصوير)
ونطلع لكوفي نغير جو (تصوير اكواب كوفي وحلويات)
نسافر كل وحده معها شاحن متنقل عشان تصور كل لحظه وكل مشهد، اشوف الصوره في السناب مع تعليقها في قمه السعاده والاستمتاع بس ما اشوفه في الواقع!
واعرف ان بعضهم يتابعونك ويحبونك ان شاء الله يتأثرون بكلامك لاني بجد اشتقت لهم،،
وموضوع انك تحبين تكونين غامضه ومجهوله بصرراحه جدا مستمتعه فيه مع اني مرات يجيني فضول اعرف ع الاقل اسمك خصوصا اني اتابعك من ايام شامواه لكن انتظر اليوم الي تفصحين فيه عن نفسك لان مستحيل وحده تكون بفكرك وتدويناتك وشخصيتك المميزه تبقى مجهوله، فقاعده انتظر الحلقه الاخيره من الجزء الاول
و ي صباحك
أبله ارتوس
و انصدمنا للمرة الثانية هه
انا صراحة م القط ابداً نوايا البشر الحقيقية للآسف .. م ح اقولك اتأذيت او انصدمت صدمة عمري من دا الشيء بالعكس مرتاحة ع التطنيش و مأخدة الوضع بروح رياضية عالية الحمدلله
بالنسبة للسوشال ميديا ف زي م قلتلك قبل جوي فيس بوك ههه دخلت باقي المواقع عشان صاحباتي حتى قرايبي م اديهم حسابي و اقولها لهم يعني أنا قدامكم ايش تبوبي من ورا دي المواقع يعني صاحباتي مو دايم عندي و دي المواقع تحسسني انهم معايا دايماً ..تصدقي م كنت حابة الوضع لما فتحتي اكاونت ف الانستا اكتر شيء كان مضايقني الناس و تعليقاتهم خفت يتدخلو بزيادة ف حياتك و تتأذي منهم .. كنت ادي لايك و اشقح سريع التعليقات م ابا اقرأ شيء يسم بدني و لا اعلق و فترة عملتلك انفولو – سامحيني- وقتها كانت التعليقات مرة تنرفز احيك ع صبرك م شاء الله و برضو كنت متخوفة تسيري سطحية و بس تنشغلي تصوري اي شيء و تنسي هدفك الاساسي .. عموماً نرع لمحور الصدمة- الثانية بعد الحكحكة هههههههه- هرجة الهياط انا ويني عنهم دول العالم اللي تهايط هههههههههههه شكلي مني ضايفتهم اما المواقف اللي قلتيها و للي قالوها الابلات ف الردود – ي خي احب اقرأ الردود بعد التدوينة و ردك ع كل وحدة – صدمتني اكتر ي هوه ايش ح تستفيدو يعني منتي مرتاحة باللي عندك م ح ترتاحي ابداً والله مدري ايش اقول ع الوضع دا .. حدي اتضايق من ردود العالم ع بعض ههه م قط ركزت بالهياط ع قولك احسني عايشة ف عالمي الخاص او غافلة عن اللي بيسير .. من ناحية الهياط ب ملابس الهاي براندز و كدا .. انا ع حبي للرستكة و التكشخ اغلب وقتي جالسة بقميص الجاوا – الروز- م ادري اذا تعرفي ولا و عادي ي ما نشرت كولشناتي ف السناب عند صاحباتي هههههههههه و الوضع ايزي ي حبي لو يبرد ع القلب و خفيف ف اللبس مريح الله يرحم كان يتباع ب 5 ريال دحينا صار ب 35 ريال ههههههههههههههه ف ضحكني تعليقك ع محل الهرم هوا نفسو اللي ف جدة دايماً نمر من عندو لمباتو تجيب الصمرقع تقولي يبيع قميص الجاوا هههههههه يبالي اشقر عليه اذا كدا هههههه
عموماً التدوينة كانت حلوة حبيتها ووضحتلي حاجات م كنت مركزة عليها .. الا ع طاري الرياضة اه ي قلبي اذا مدربتي بنفسها مي سامحتلي اربي عضل و هي مدربة كيف راعيات القعور و الكورسيه اللي كل همهم تطلع زي كيم .. المشكلة جسمها يجيب الهم مو حلو ابداً .. حتى صاحباتي لما اشجعهم يسو رياضة يطلبو تمارين للقعر و الصدر و ليتهم يلتزمو هه تعب ع الفاضي .. دخيلك ابله اذا سمحتلك المدربة اللي ذكرتيها واحد من ردودك انو تديني حسابها ي ليت والله نفسي مرا استفيد زيادة من ناس خبرة و ترى من ايام مدونتك ف شمواه و انا استنى تدوينة عن الرياضة .. تدوينة تبرد القلب – م تلمح انها تكون طويلة – هه
اوك اجاوب ع الاسئلة ع قد م اقدر
هل شبكات التواصل الإجتماعي تعبر عن حقيقتنا ؟
عن نفسي لا انا ف حياتي الحقيقية كل شخص ف حياتي يعرفني بشكل مو نفاق مني او شيء بس عني قناعة انو كل شخص يطلع مني جزء م اقدر اطلعو عند احد تاني فما بالك ب السوشال ميديا اللي انا مني اكتف عليها و قليل اصلاً اكون ع جوالي بس ارد ع اللي يكلمني و اشوف سنابات صاحباتي و ارد و ادي لايكات ف الانستا حتى م اشحنو الا مرة ف اليوم هههههههههههه و دايم اشحنو ف النادي ههههههههههههههه صارو حقين الاستقبال متعودين انا اللي اجيء اشحن جوالي عندهم هههه ي كسيفتي .. لكن ك مجنمع ف نبطي ع قولهم نكون ع حقيقتنا و ان كان ظاهر شيء فللاسف اغلبو سلبي م ارتاح اوصفو حقيقية نتشرف بظهورها
– هل الحياة المثالية إللي نشوفها ببعض البروفايلات حقيقة أم إدعاء ؟
مدري عنهم والله
– ما مدى التشابه بين شخصياتنا الحقيقية وَ شخصياتنا بالنت ؟
مدري برضو هههههههههههه فرقت يعني مو انا أساسا مسؤولة عن اللي يبدر مني ان كان ف الحقيقة او النت – الحرية المزيفة –
– مامدى مشاركتك لحظاتك السعيدة أو الحزينة في هذه الشبكات ؟
1 % يعني للغراب اللي م اعرفهم معرفة شخصية يمكن اقل .. بين صاحباتي ف نسبة جيدة جد مرا مني اكتتف من دي الناحية حدي ف النت ابحث و اقرأ م احب اتواصل داك التواصل احب لما اتكلم مع احد يكون قدامي اريح بكتيير
اوقف هنا طولت و بيت اخورها ع قولة الكويتين ههه حبايبنا جد البلوقرز الكويتيات كتاكيت و مرا م شاء الله مستفيدين و مرتاحين ع الوضع اكتر من السعوديات
كنت ابا اعلق حاجات اكتر بس ماش الافكار تضرب ف بعض من كترها ههه ان شاء الله م كان ري تافه
و يسعدكك اللهي استمتعت اقرألك كالعادة
استمتع بقراءة ثرثرتك جدا
سبحان الله من يومين قاعده افكر انه كثير اشغلتنا هالاشياء عن حياتنا و انفسنا والبعض صار ما يقدر يبغد يوم واحد وقعدت اتذكر ايامنا بالنوكيا و المنتديات و الاشياء البسيطه
الأهم من هذا كله انه الانسان يقدر يوازن وياخذ الفايده من كل شي ويفيد غيره بنفس الوقت
سابقا كنت لازم قبل كل وجبه اصور بعد كل شوبينج اصور مو شرط انزل الصور بمكان بس مادري وش الهدف بس الحين مثل ما قلتي الشي صار يفقد متعته وصرت احاول اعيش اللحظه مع اللي حولي ولاحقين ع مواقع الشوسال ميديا
الموضوع جدا جمييل استمتعت وانا اقرا كأني اواجه نفسي بأشياء سويتها قبل أو قاعده اسويها
تسلم يمينك عزيزتي ومنتظرين مدوناتك الشيقه
أنا من الناس اللي اعرف انو عيوبي كثيره لكن مع ذلك فيني صفه احبها كثير كثير فيني
هالصفه (قل خيرا او اصمت) مايجيني قلب اسب وحده او اطقطق على احد
واستغرب كثير لما اشوف ناس تحش وتسب وتطقطق بكل برود قلب واحيانا كلام يجرح
طيب ليه؟
احيانا حتى لما يكون الشخص فعلا غلطان , خصوصا في الحسابات اللي تنزل قصص او مشاكل , ما يجيني قلب اسب ,يمكن انصحه او اعلمه غلطه, بس اسبه واشنع عليه فعلته واحسسه انه ولا شي ما اقدر اسويها!
حتى الصور مثلا اللي فيها طقطقه عالستايل ,وهو فعلا يكون ستايل قديم ومو حلو ويكونون اصحاب الصورة مجهولين يعني ما نعرفهم ولا رح يقرون كلامنا, ومع ذلك ما اقدر اطقطق او اضحك عليهم!
هل لأني طيبة بزياده (زي مايقولون لي وكأنها صفة سلبيه)
او لأني انعضيت وجاني دق كثير من بشر فيهم هالصفات, خصوصا في نشأتي ومراهقتي, مما خلاني اكره الصفه كره العمى لأني ذقت وجربت
لأن فعلا الانسان لازم يجرب عشان يتعلم خصوصا لو انسانيته ماتدله على الصح من غير مايجرب
بالنسبه للخصوصيه انا بعد اكره جدا احد يقتحم خصوصيتي
حساباتي اذا حسيت اني انشهرت او تعدى الفولورز 300 اقوم اقفل الحساب وافتح جديد لوووول<على اساس 300 كثير مره ههههههههههه بس بالنسبه لي احسها مره كثير صراحه
مادري ليه ما احب اني اكون تحت الانظار يمكن لأني احس بالمسؤوليه ولازم اقدم شي مفيد وحلو الله اعلم
بس حاليا بحسابي الجديد أحاول انزل صور (اللي يعجبني مو اللي يعجب الناس) بس بخليها بعيده جدا عن حياتي الخاصه او حتى عن بيتنا
لدرجة افكر اسوي لي زاويه في غرفتي كأستديو اصير اصور فيها لأني ما ابي اصور سريري او غرفتي او او احس انها خلاص مو لي لو صورتها ههههه
وكثرة البرامج نقمه مو نعمه
المفروض كثرة البرامج تكون زي الخيارات المتاحه اللي ترتاحين لها , يعني تستلمين برنامج او اثنين حبيتيه وتستمرين فيه
اما احنا لا حتى البرامج يعتبرونها موضه ! طلع برنامج جديد سحبو عليه وراحو له
ويقولون ماتو اللي يستخدمون تويتر لما راحو للأنستقرام!
ولما طلعو للسناب صارو يقولون ماتو اللي يستخدمون توتير! الحين وش هالزحمه اراكض ورا البرامج ليه؟
المفترض البرامج استخدمها لأني ارتاح فيها!
ولحد اليوم ما استخدمت برامج بشكل حقيقي يعني اهتميت فيهم الا التويتر والانستقرام والباقي ساحبه عليهم فقط جربتهم مجرد تجربه وحذفتهم
خصوصا السناب هو برنامج انا اعتبره لليوميات اللي بتنتهي بس ماينفع الواحد يقدم فيه شي مفيد لأنه بيطير ومارح احد يستفيد منه شي
والمفترض يكون للمعارف مو للكل يشوف خصوصياتك ووش تسوي
يعني انا بالله وش دخل امي في اني اعرف انك طالع من الدوام ورايح مدري وين؟ مين قال ان الناس مهتمه تعرف؟ واذا فعلا فيه ناس مهتمه تعرف احب اسألهم بالله عليكم وش هالفضاوة؟ ههههههههههه
شخصيا اكثر شي احب اني اسويه في حسابي اني اساعد الناس انسانيا
لأني مو شغوفه لا بالميك اب ولا بالماركات او الفاشن ,صح احبهم بس اعترف ماعندي الخبره الطويله اللي تخولني اتكلم فيهم كمحترفه
بس شغوفه بالأخلاقيات والانسانيه وايجاد السعادة الذاتيه اللي ماتتعلق بأي شي خارجي ومؤمنه فيها , رغم اني مو مثاليه ويمكن اكثر وحده فيها عيوب بس احب هالمواضيع ,بس اخاف لو سويتها يجيني انتقاد اني اسوي نفسي مثلا!
احيانا افكر اني اسوي لي اخويه او مجتمع خاص مايدخل فيه اعضاء الا بشروط,طبعا تكون اولا بالعالم الافتراضي ثم ننتقل للواقع
ومن اكبر شروطها (الصدق)
أعضاءه لازم من صفاتهم يحبون الخير وينصرون المظلوم لووول حسيت اني متأثره بالانمي
اعضاءة لازم يبحثون عن المثاليه الداخليه والخارجيه,يساعدون بعض والناس ويحبون بعض زي مايحبون انفسهم
ولازم تكون قلوبهم نظيفه
ولازم يكونون قد عانوا في حياتهم لأن عندي نظرية ان الخير والرحمه تنبع من رحم المعاناة
طبعا مو كل اللي يعانون يصيرون رحماء بغيرهم بالعكس
اعرف نموذج اخوان عاشوا بنفس الظروف السيئه وواحد منهم كل ماعصرته الحياة كل مازاد طيبه زي البخور اللي كلما حرقيته زاد طيبا
والثاني صار اعوذ بالله اناني وحقود وكأن فيه غضب عالعالم
هالأثنين عاشو نفسي الوضع ونفس الظروف واللي اختلف بينهم هو الاختيار
اختيار كل شخص فيهم
لذلك النوع الأول هو اللي اتمناهم يكونون حولي لأنهم رح يكونون اكثر حساسيه للناس ورحمانيه
بس عارفه اني قاعده احلم 🙂
وهالمجتمع مجرد خيال ويمكن يشوفه البعض حلم سخيف , اما انا اشوفه حلم جميل واعيش فيه وين المشكله في اني احلم؟
وحتى حلمي هذا مو لأني مو لاقيه احد حولي كذا
بس لأني احلم بمجتمع جميل ووردي وهذي كانت فكرتي عن المجتمع في طفولتي وكلنا اتوقع كنا كذا بطفولتنا, الا اني كبرت وانصدمت من كمية الشر والغدر والنفاق في البشر والحين ابتعدت عن الكل ومو مالي عيني الا اهلي
انا بنظري حتى الناس السيئين المفروض نرحمهم
هم ماصارو بهالسوء الا لنقص في انفسهم واحترامهم لذواتهم, وهالشي يستحق الشفقه والرحمه مو الشماته
اسعدتني تدوينتك ولو اترك نفسي اتكلم بنسى نفسي بس بكتفي بهالقدر
شكرا لك
كلامك لذيذ وَ جميل وَ مُشوق
فعلاً لا قآلوا كلام لذيذ .. يعني ما أحس فيه أي نَوع ن المَلل
رآق لي جداً ، تحمست ترى اعرف مَين أنتِ بالآنستا !!
بالرغم إني مَشغولة أضبط التَدوينة ، لكن كلامك مآ مَنعني إني آرد عليك ..
وَ حلمك فعلاً جميل ( حتة إنصر المَظلوم صارت شيء نآدر )
نَورتيني وَ إنتِ إسم على مُسمى
يالله موضوع يفش الخلق “مدري ليش تذكرت الرسام كهرمان رسم صور تشرح هالوضع المُزري :)) ”
هو من ناحية مواقع التواصل الإجتماعي انا مسجله بالإنستقرام بس و عشان اتابع و حسابي برايفت حتى صديقاتي مستغربين مني .
خصوصاً إني بالجامعة مع كل بنات قسمي و عندي شلة بكل قسم و انط من مكان لمكان ,
و اصلن و بكل صراحة اطفش فلازم الواحد يغير حتى بالوجيه اللي يشوفها , لاتفهموني غلط اللي اقصده بنات قسمي متقسمين اقسام فيه بنات اجلس معهم عشان جلستهم تونس و مجانين و يضحكون و الثانين شاطرين فلازم اكون معهم استفيد منهم و يستفيدون مني و فيه كم بنت معاي من الثانوي لازم نجاملهم و هكذا
بس اللي معي حيل وحدة بس هي اللي تجيني بالبيت و أجيها لأنها أكثر وحدة متحملتني و فاهمتني خصوصاً إني إنسانة أسحب ما اتصل ولا اسأل إلا من عيد لعيد و بالمناسبات و فيه بنات الشكوى لله على قولتك مجامله أطلع معهم و من سنه لسنه “و ايه ترى يسموني صنم :)؟ “, و بالنسبة للخصوصية أكثر شيء ييجلطني بالبنت لما تجي كتاب مفتوح كلن يدري عنها زي وحده معي بقسمي متزوجة تجي تشكي لي طيب ليه ليه من جد ليه !!! فيه الله يسمعنا “و مافيه أحسن من رب العالمين” ليش الشكاوي ليش الدراما صراحة معليش دراما, تبين تشكين روحي صلي ركعتين ابرك لك ليش تعلميني شقال لك ولا خواته و امه مابي اعرف هو انا ناقصة هم من الدراسة و المشاريع و الواجبات ما اقول غير الشكوى لله .
و العلاقات دايم اقولها بالنهاية راح تكونين بالقبر لحالك حتى اهلك مو معك مو لازم تكسبين محبة الكل و دورك بالحياة أكبر من انك تكسبين نااس ما يجي من وراهم غير وجع الراس على قولة ابوي “ابعد عن الناس يرتاح القلب و الراس”
و عن نفسي و عن كل قناعة مافيه صديق انا شايفه كذا , انا صديقة نفسي و ما عندي اي مشكلة لو اصير لحالي اهم شيء لاب توبي عندي و اتابع افلام و كتبي عندي اقرأ و اتثقف و قهوتي اشربها كل يوم و الحمدلله , أكيد ما قلت هالكلام من فراغ لأني جربت و عاشرت ناس كثير و فيه بنت كنت معها 12 سنة و اللحين ما بيننا إلا السلام .
اما اللي صاير بالأنستقرام ايه زودوها حبتين , شوفي هو ما اكذب عليك كلنا نحب الماركات ليش الكذب و انا اولهم يارباه ما انسى فرحتي يوم جبت شنطة من كوتش وقتها شفت وحدة من جدة مصوره الأسعار قسم بالله انصدمت يعني اسعاره معقولة عشان كذا انا حاقدة على الكذابات اللي بالنت والله والله اذكر قريت رد وحده بمنتدى كاتبه أنو أقل سعر بدكني 3000 يعنني انا اللي فاهمه بالماركات و كلن تكذب على الثانية !
و الناس اللي تدخل اكاونتات المشاهير و تسب او حتى تنصح بإسلوب مثل وجهها ما أقول إلا الله يشفيهم من الواضح إنهم ناس معقدون و معنفون ببيوتهم :))! و مره انتِ كتبتي شيء عجبني إن النصيحة مو بس بالدين تقدر الوحده تنصح صديقتها بكريم جربته او تشوف صديقتها شعرها خفيف و تنصحها بحبوب للشعر 🙂 .
اول مره اشارك بموضوع لك بس من كل قلبي عجبني الموضوع ولو ان كلامي مو مرتب معليش بس شيء داخلي غصب عني انفجر و الكلام كثير بس هذا اللي طلع معي .
و انتِ إنسانة حقيقية و استمري بإستفزازك للزول اللي عايش داخلي و داخل بنات كثير لا تخافين بنكرهك وقتها و بنحبك و ندعيلك بعدين .
و شكراً
صباح/مساء الخيير
اولااعترفلك انا من الاصنام الموجودات عندك بالانستا :))
ومن متابعاتك بشامواه وتويتر
ثانيا تدويتنك هذي بالنسبه لي اعتبرها تدوينه الماسية لانك قلتي كلللللللل شي بقلبي حسيت انه انا اللي قاعدة اتكلم
فعلا انه هالوسائل اظهرت الناس على حقيقتهم (((((( وسائل التواصل المجاعي ))))))) مجاعة لحب الظهور مجاعة للتشمت بالاخرين مجاعه للتنفيس عن مكنونهم الداخلي باي شكل وباي اسلوب وردود سطحية سخيفة والمصيبه مايتركون احد في حالة
لدرجه انه مرة في حساب دكتور تجميل انتقدت شلغة بنتيجة عمليه مسويها الله لااااااااااايوريك جاني قصف من كل جهه والمصيبه الدكتور نفسه مارد علي .
والامر من هذا كله انه الناس القريبين مني انصدمت انه كان على بالي اعرفهم زيين بس اكتشفت انه ماعرفهم عدل وتمنيت اني ماعرفتهم ابد من بعد وسائل التواصل عقلياته ماادري شلون صايرة حسييييت اني غريبه بالهدنيا مافيه احد يشبهني
ملييييييييييييتتتتت من عقليات الناس السطحيه لدرجة انه قطعت علاقتي بالناس كملهم قريب وبعيد وصارلي على هالحالة ثلاث سنين عجزت اتحمل واتاقلم مع هالبشر
وقلت بس مافيه اللا اني ادور صديقاتي ايام المتوسط والثانوي وفعلا تواصلت مع كم وحدة ويااااااااااااليتني مالقيتهم محتفظات بعقليات بنات المتوسط وماوراهم اللا الهياط اللي يخننننننق
وطبعا شطبت عليهن
وحاليا اعيش حياتييي بدون قرايب وبدون صديقات ……..مانكر اني احن للجمعات واشتاق للناس لاكن من اتذكر الهياط والنغزات والنفاق …. اتعوذ من الشيطان
واروح اتامل وجوه اطفالي وبرائتهم (( الله لايحرمك منها ))) احس بسعادة وطهارة للروح مابعدها طهاره
وقاعدة اشغل نفسي حاليا بتجارة اتمنى من الله انه يوفقني فيها
كلمه اخييرة
قبل تدوينك كنت احس بالوحدة كنت احس انه مافيه احد يشبهني ليه مختلفة عن الناس ماادري
وبعد التدوينه حسيت انك تشبهييني كثير صرتي امنيه من امنياتي بالحياة اني اتعرف عليك محتاجة اتعامل مع عقليات نظيفة
وعسى ربي يوفقك ياارتوس وين ماتروحين ويبعد عن الشر
قرات المدونه مره واثنين فعلا الناس صايره تهتم بالمظاهر مو شرط البس اسوره كارتير ولاساعه رولكس عشان ابين لكم ان حياتي حلوه وانا مبسوطه فيها او اصور خطوات تسوقي والماركات الي اخذ منها برضه عشان انال استحسانكم احنا اكبر من مجرد اكياس نضهرها او مجوهرات نلبسها ونرز صورها اعرف بنات يتمنو يمتلكو شي من الاسما المذكوره فوق بس عشان يصوروها ويضهرورها يهايطو فيها اذا صح القول وتكتب عليها شكرا يااغلي الناس وهي باكيه ومتلعوزه الف مره عشان تمتلك هالشي افكاري متلخبطه وكلامي كذالك بس وصلنا لدرجه وحشه من الهياط وشوفو ايش عندي وشوفي ايش هداياي
تستاهلين بوسة عالراس وضمة من القلب على هالكلام!
انا دايما اقرأ لج.. واتابعج بصمت.. مادري ليش..
لكن اليوم كأنج قريتي اللي في قلبي ومخي.. من اسبوعين وانا افكر بالتفاهة اللي الناس عايشة فيه وانه لازم حد يتكلم عن هالموضوع ! للاسف صار المجتمع يشجع الانسان السطحي الاناني والمدعي للمثالية!
ما ابي اعيد نفس كلامج لأنه فعلا طلعتي كل اللي بخاطري..
اتمنى لو كل اللي بالانستقرام وغيره يقرونه بس!
في بالي كلام كثير لكن ماني عارفه اعبر غير اني بنتي الله يهديها شوشتني نومها صعب وكل شوي تقوم واروح لها مافي مجال للروقان 🙁
حتى التدوينه حاولت قد ما اقدر اقراها كلها :'(
.
المهم احس كلمالنا يا ارتوس .. نعرفك اكثر ونفهمك اكثر ونحبك اكثر واكثر ..
بس تعالي بسالك صح مرت عليك فتره بسييييطه بالانستقرام على ايام الحساب الاول .. وكنت تكادين تنجرفين ورا السطحيه والشهره هههه 😀
لان اذكر كنا انا واختي نتابعك وكنا نقول ايش فيها صارت كذا !
.
المهم .. بالنسبه لصور الانستقرام انا طبعا ماعندي الا حساب تجاري .. لكن من زمان كنت اصور صور مو مهايطيه بس صور احبها لمواقف او شي وكنت اقول ياليت ان في شي يخلينا اقدر اشارك هالصور مع احد .. بس لما طلع الانستقرام ماصرت اصور .. لان على قولك الناس بتقول ماتوا اللي كذا او بينظرون بنظره دونيه بشفقه .. لان التصوير حاليا صار لازم كاميرا احترافيه وماركات وهاي كلاس !
.
المهم .. كنت احب حسابك لما كان متنوع اكثر بين صور اكل وصور عاديه وبوستات مفيده ..
صور الاكل مو سطحيه بالعكس ممكن نستفيد منها
اذكر نزلتي مره صورة سمبوسه ..
للحين ارتب سمبوستي بنفس طريقتك 🙂
.
بالنسبه لمشهورين الانستقرام ..
بالفعل احنا اللي رفعنا لهم .. بالذات والاخص اللي على قولك حديثين نعمه ..
وبتكلم في هالنقطه عن شي ..
بعض الحسابات المشهوره بعضها اللي استفدنا منه وبعضها اللي انشهر عشان تصويرهم حلو .. وبعضها مادري على ايش!
العجيب .. ان هالحسابات ترفض الاعلانات في حسابهم ومن حقهم لكن المضحك ان احنا ماعرفناهم الا من اعلانهم لانفسهم في بداياتهم في حساب ثاني !
وبعض الحسابات المشهوره صارت تستغل شهرتها في الاعلانات .. وهالشي حقهم وحلو لنا ك تاجرات لكن يقهرني اذا جت وحده ووسوت لايك على نص الحساب .. او ارسلت لي طلب خاص بالاعلان !
وفوقها تدخلين حسابها وتلاقينها كاتبه التاجرات عندنا شجعات !
اليوم اقرا تدوينتك عن الكنتور .. واقول لاختي تخيلي التاجره قالت لها خذي اللي تبين وما اخذت الا منتج واحد هذا وانتي ارتوس .. وشوفي قد ايش استفدنا منك .. يعني ما اخذتي شهره لا على قهوه ولا على جزمة شانيل !
.
اخر شي ..
حسابك الا جنبي المستقبلي ..
لا يا ارتوس لا :'(
.
ما اكذب عليك كل صوره كانت فيها يدك وصورتك اللي متربعه وصورتك بالجينز والكعب من حسابك الاول ..
كلها استمتعت فيها وطالعتها ١٠٠ مره ..
مره حسره ومره غبط لك ومره تمني اني اكون مثلك .. ومره لانها كانت حلوه ..
فهي متعه لي .. وممكن البنات كلهم بيشجعونك تسوينها لانها متعه لنا ..
لكن لا ولا ..
لانك مسلمه .. ولديننا خطوط ..
ايوه اشوف هالصور في حسابات اجنبيه واتابعها وبعضهم استفيد منهم في بعض الاشياءوبعضهم اتسلى عليهم واشوف عالم وحياه تختلف عن حياتنا لكن بالنهايه هم حياتهم كذا وماعندها دين يقولها لا .. فبطالعها بدون تحسر عليها..
.
لكن انتي .. لا قلبي بيعورني عليك وبكون انانيه لاني سعيت لمتعة نفسي على حسابك !
يآهلا بَك كلامك جَداً جميل
وَ حبيت الإنتقادات قَبل المَدح وَ يوم قلتي لا يا أرتوس لا ، حسيتها من قلب صادق
مو شَخص بس جالس يَنظر ..
لكن قبل الله يأجرك على تربيتك لبنتك ، أكيد إنتِ أم صَالحة وَ الله يخليها لك وَ تشوفينها أحسن بَنت
بالنسبة لما قلتي بدأتي تَنجرفين ، لا المَوضوع مُش إنجراف كثر ما ألبي طلبات الناس .. وَ للأسف مازالوا يَطالبون بهالشغلات
أحاول أنزل شغلات بسيطة ما يَطقون لها لايك وَ اللايك يَساعدك عالَوصول ، تضطرين تصورين هياط وَ تفاهه لأنها تَوصلك
يوماً ما بَتكلم عن هالشيء ، أنا مُضطرة أبرز هالشَغلات
إنتِ بحياتك شَفتي بنت بالأنستا على قَدها وَ الناس يَتبعونها !!
هل يَتبعون الناس الكَويسين وَ المُفيدين !! للأسف لأ يَتبعون إللي عَندهم فلوس فقط ..
وَ ترى لو هايطت أكثر بَوصل وَ من حَقي أوصل ، لأن على قَد ما أتعب حسابي الأقل إنتشاراً على فوائده
الفائدة الكل يَقول لا ما بَطق لايك عشان قريباتي ما يَدرون ، وَ كثير قالوها لَي
لكن لما يكون الشيء تفاهه عادي يَنطق اللآيك لأنها بالنَهاية تَفاهة ..
بالنَسبة للعرض أول مَوضوع بمدونتي بشمواه كان شوز كريستيان لبوتيان وَ قبل لا أفتح حسابي بالآنستا
وَ قبل حتى لا ينشهر الشَوز عندنا بالعالم العربي ، أنا أحب أصَور المُقتنيات وَ خاصة الشغلات إللي أحبها مَثل شوزات لبوتيان
لكن حسيت الناس يحبون هالشغلات لكن يتحسرون ، فصرت أحاول ما أصَورها وَ لا أنا فعلياً أحبها
مو كل الناس يفرحون ، فيه ناس يقارنون وَ أنا ما أبي أأذي أحد
لكن الطامة الكُبرى لما إنتِ تكونين ما تَهايطين وَ إللي راعيتيهم يتبعون المَهايطيين فليش أسوي خاطر لُهم وَ هم مُش مُكترثين !!
فالأفضل الواحد يَعيش على طَبيعته بالنهاية الله وزع الأرزاق وَ هو أرحم بالناس مَني ..
لكن الأهم لما الواحد يَصور شيء ، لا يَجي يكتب ما أدري كيف إنتم عايشين
أو إللي ما عَنده نفس غرضي مَو ستايل آو مَو عايش ، بالعَكس أنا كثر شغلات مَغلوطة حاولت أصححها بالفاشن
مثل سالفة إن شوزات كرستيان لبوتيان لأنها ماركة مُريحة ، قلت إنها غير مُريحة أبداً وَ مؤلمة ..
الحَديث ذو شَجون ..
وَ مثل ما قلت إن حسابي بالآنستا ما يَعبر عَني .. تبين تعرفين آرتوس الحقيقية شَوفيها أكثر بين الحروف وَ الكلمات وَ ليس الصَور
وَ بالنهاية للأسف أنا مَجالي تَجميلي وَ ذكر تَجارب وَ مُنتجات ، فُمستحيل محداً يتأذى من كتاباتي أو من صَوري
الذكية فقط إللي راح تَعرف إنه مو شرط تَمتلك كل إللي عَندي ، أنا هَدفي آخر بالمُشاركة ..
التباهي على فَكرة أرخص بكثير وَ أسهل من التَعب وَ سرد المَواضيع
نَورتيني وَ أسعدت بَتواجدك
صراحة انا كنت من المتابعين بصمت بس بعد م قرأت لك كذا تدوينه صراحه مقدر م اكتب تعليق , كلامك جميل خلاني حتى افكر بنفسي وبعلاقتي بالانستقرام والسناب شات , اغلب الي قلتيه صحيييح اغلب الناس صارت تدور على الحياه الزمرديهه بمواقع التواصل , في منهم الي يهرب من حياتو الواقعيه لحياه وهميه مهما عمل محتصير حقيقه دام هو بالاصل حاطط رجل على رجل ومو قاعد يسعى لها , الواحد اذا يحلم بنمط حياه معين لازم يحط له هالنمط هدف ويسعى لتحقيقو بدل م يعيشها بشكل وهمي وكانو ناسي انو لو جا احد وهكر حسابو هالحياه راح تنتهي ! اذكر البلوقر نهى نبيل قالت بنفسها ع السناب انها تعرض للناس الشي الي تبغاهم يشوفوه بس في حاجات كثير م يعرفوها ! صراحه بعد السناب شات حاجات قليله ان كان للمشاهير او للمقربين مننا م صارت تنعرف ! في ناس كثير كل دقيقة وكل لحظه منشوره للعالم ! صحبتي لنا مع بعض تقريبا 10 سنين او 9 ! وللان اشوف بالسناب حاجات عنها طول هالفتره م عرفتها مع انها قريبه مني زي اخواتي ! م ندري متى حتنتهي موضة شبكات التواصل الاجتماعي !ومتى الناس فعلا بترجع لطبيعتها الي كانت عليها ! مع اني اتوقع هالشي مستحيل ! بالاخير ابا اقولك انو شخصيتك جميله قويه وغامضة وثرثرتك احلى , دمتي بودّ ..
حبيييييييييت حبيييت حبيييت كل حرف كتبتيه
كلامك هذا اللي دايم اقوله بيني وبين نفسي
انا اكرهه اخلي حياتي الشخصي مفتوحه للناس سواء من اهلي او ناس ماعرفهم
فدايم يقولون لي بعض من اهلي انتي نفسيه انتي فيك التوحد لاني م تبع صور وقروبات واتس آب
قبل كان عندري مليون قروب اهل امي اهل ابوي بنات خالاتي ووووو وغيرها طبعا بعدها اخترب الجوال
ارتحت فيها رااحه مو طبيعيه من هنا عرفت الناس اللي صدق تحبك وتسأل عنك
بعد م شريت الجوال الجديد وحملت الواتس طلعت من كل القروبات الا قروب الجامعه
ارتحت من اللي يعاتبون ليه م تردين و ليه وليه ف علاقتي معهم نفسك اجلس معهم سوالف واكل وووو بس
بس م يكونون بعيد كل البعد عنالخطوط الحمرا اللي حاطتها بحياتي
وب النسبه للمثاليه بشبكات التواصل و المقالات المليئه ب المثاليه
و الاشخاص نفسهم يدعون المثاليه بعالمهم الافتراضي ولاكن ب الواقع اختلاف وتناقض كلي
وهالاشخاص من اهلي واقول بنفسي وين الكلام والمثاليه اللي يدعونها
احس صارت حياة البعض كلها مزيفه
احس الكلام خربوطي , بس تدويتك لآمست القلب وياليت الاغلب يحبوب يطلعون ويكتشفون ولا ينخدعون بكميت الصور والهياط .
واكثري من ثرثرتك ..
كثير يقولون اصور كل شي عشان ذكرى .. بس لو تسألهم فلان وفلان وش حالهم واكلو زين ولا محد اكل
جنبه هالاكله ولا م ذاقها م درى عنه لاهي يصور !
بنات اعرفهم اذا فترة مرت م فتحت اي ابلكيشن تواصل اجتماعي صارو يقولون نفسي اعيش معك اشوف وش تسوين
وساحبه علينا عندي اهل عندي اشخاص اقابلهم مو حلو امسك جوالي عشانكم واللي جالسين قدامي مفروض احترامهم
يمكن م له شغل بس بصراحه فكرت فيها كل بنت بتتزوج اتخيل نفسي بعدين مو دايما بكون ف البيت ف خليني اعيش اجواء
مثلا الصباح للمدرسه وحوستها ب الظهر والليل واغلب الاوقات اللمه العائليه اللي تعطي الشخص طاقه وراحه وامان
من صغيرهم يتعلم المنطق من اللي اكبر منه لكبيرهم اللي يحسس الباقي ب الحنان
حبيت كلامكك واحس اني كل يومم بجي عندك اخخختي كككثير تتكلم عنك ىتقول لي بتموتين عليها بس كنت اتكاسل وكذا ههههههه
جججد حبييت كلامكك الله يسعدكك
ماشاء الله موضوع حلو وممتع وكلامك فيه صحيح 100/100
امم بس حبيت اقول شغله ، ممكن الواحد يصور لحظة حلوه
او شيء عشان لما يمر عليها زمن يشوفها ويتذكرها يعني يصورها ك ذكرى جميله
مش ك فشخره او كشخه يعني عادي ك ذكرى لو كان شيء جميل ومايتكرر
والله يسعدك يارب ..
I agree with you in every word
الانستغرام من البرامج اللي كاان لها صدى كبير بين الناس وكثير ناس صابتهم حاله نفسيه والشعور بعدم رضا عن عيشتهم واللي طلعت المطوّع اللي بداخلها بداية الانستغرام شفته انه اوكي وفاني بس عقب فعلا صار المهايط حتى بالمطاعم وكأن هالعالم من كوكب ثاني هالبرامج المفروض تسجيل للحظات سعيده افكار مواهب اماكن سياحية ،، اتعرفين انا مايستفزني غير مشاهير الانستا فقاعات الصابون اللي انشهروا بدون سبب لا ويصير منتدى مشاهير الانستغرام في دبي وندوة وتغطيات come on شو التأثير اللي عملوه واللى شو نفعوا البشريه انواع التفاهه والتهريج عموما انا تركت الانستغرام لأن ماصار يظيف لي شي ماغير اتابعج مع جم وحده من اللي فعلا استفيد فكريا وجماليا منهم
قريت كل حرف بتمعن وكلي انتباه حاول خيالي يسرح ويفسر الشخصيه اللي تكتب بلسان حالها وحال المجتمع الا أني لقيت نفسي اسرح في تفاصيلي (كلنا كالقمر له جانب مخفي) بلاش مظلم الحين يشكون ورآنا بلااااوي وأيام سوداء ههههههههههه
سبحان الله كلن له شخصيته وأسلوبه في الحياه تبدا من قومته الصبح وروتينه اليومي الى ان يضع راْسه عالمخده !!! بعيدا عن فلسفتي الزايده والتمعن وفهم سلوكيات البشر لان لا احد خصه بأحد عاجبك اهلًا وسهلا موب عاجبك غيري بيعجبك (كل واحد بينام عالجانب اللي بيريحوا)