صَباح / مَساء الحُب
| أَنتَ كَالكَلبِ في حِفاظِكَ لِلوُد | وَكَالتَيسِ في قِراعِ الخُطوبِ |
| أَنتَ كَالدَلوِ لا عَدِمناكَ دَلواً | مِن كِبارِ الدِلا كَثيرَ الذَنوبِ |
هالقَصيدة قصيدة علي بن الجهم ، لا تَغشون وَ قولولي هَي مدح وَ لا ذم ؟!
الجواب بتلاقونه : بآخر التَدوينة بس أبيكم تفكرون وَ لا تستعينون بأحد رجاءً
بداية أنا مو من الناس الخبيرة بالإتيكيت = يعني لا أمَلك شهادة بهالمَجال
لكن معاشرة ناس كثير بمختلف الجنسيات تكون لك فكرة عامة عن الأدب العامه العالمية ، لكن يظل لكل بلد عاداته وَ الاتيكيت الخاص بهالبلد ، لذلك عندي قاعدة عامة أحب أطبقها بحياتي وَ هي : مثل ما أحب الناس يعاملوني أعاملهم
( في حالات خاصة أرد فيها الصاع صاعين مو بريئة دائماً ).
يعني قبل أي زيارة أو واجب أو هدية أو زيارة لمريض … الخ من الشغلات الإجتماعية ، أحب أحط نفسي مكان إللي بزوره أو بهديه .
مَوضوع اليوم مُو جديد سبق وَ طرحته بعام 2013م موضوع عن إيتكيت الهدايا وَ ماكان ذاك الموضوع الكبير ، لكن بما إنكم طلبتوا أعيد طرح الموضوع فحبيت أعيده بروح ثانية وَ بتفاصيل مختلفة
الموضوع بيكون فضفضة وَ ثرثرة أكثر مما يَكون نَقاط وَ قواعد عن إتيكيت الهدايا ، لأن مثل ماقلتلكم أنا مو خبيرة لكن أعرف بعض النقاط وَ مازال فيه تفاصيل أجهل كيف الواحد يتعامل معها ، يعني خلونا نتعلم من بعض وَ نفيد بعض .
كعادتي قبل طرح أي موضوع في المدونة أنزل صورة بالأنستا تحمل فحوى التدوينة فكانت الصورة هي إللي تشوفونها فوق ، الصور بالأنستا ماتعبر عن المضمون ..
وَ كتبت الآتي :
الهدية من الشغلات اللي مفترض تجلب لنا السعادة .
لكن مرات تجيك هدية أقل مايقال عنها وقاحة أو أقرب للإهانه .
ومرات تجيك هدية ودك تقول لمهديها عسى ماكلفت على نفسك ، لو وفرت هديتك أبرك .
عاد لاتقولون الهدية حلوه وش ماكانت !!
.
.
السؤال :
هل جتكم هدايا من هالنوع ؟ ووش كانت ؟
طَبعاً نسبة من الرَدود كانت أهم شيء أنهم تَذكروني ما يَهم السعر ، وَ توجههم راح مو شرط الهَدية تَكون غالية
وَ إللي كان ناقم علي وَ تلفظ بألفاظ تُشابه أخلاقه ، بالرُغم ما كتبت شيء يَدل على إن الهَدية لازم تَكون غالية قَطعياً
وَ إللي قال المَاديات مُش مُهمة أبداً ، وَ إللي إدعى المَثالية ، ترى مُمكن الهَدية تكون غالية وَ وقحة ليش تفكير الناس مَحصور بين الغالي وَ الرخيص
إذا أنتم حسيتوا من نفسكم إن الهدية الرخيصة غير جيدة وَ عبرتوا عنها بأنفسكم أنا غير مُلامة عن ضيق أفقكم
العَجيب بالأمر أنه قبل ١١ أسبوع بالتمام وَ الكمال طَرحت بوست آخر بالأنستا وَ كان فَحوى البوست :
وش أفضل هدية جتكم ؟ وَ من مين كانت ؟
وَ وش الهدية إللي تتمنونها ؟! ..
ما نبي نقرأ ردود قنوعة مثل : الصحة ، الرضى .. نبي شيء طماع مادياً أو مَعنوياً
الكثير رَد بجملة : جبتها ع الجرح وَ كأنك مادريت
وَ إللي قالت : لنا الله
وَ إللي قالت : محداً أهداني هدية تستحق الذكر ، وَ إللي ذكروا شَغلات بآلاف الألوف وَ إللي تبي هدية سفرة ، وَ إللي تبي ألماس
لاحظوا طلبت مادياً وَ معنوياً ، يمكن جزء بسيط إللي ذكروا شغلات بسيطة بس كان لها وَقع بنفسهم ( مثل مصحف ، بنتي حبيت إللي قالت هالشيء ، صداقة شخص عزيز )
بينما لما سألت الكل كان مُتذمر من هَدايآه وَ مصدوم من هداياه ، وَ الأغلب رشح أفضل هدية آيفون ، أيباد ، كاميرا إحترافية ، ذهب
[ هذي تكررت بكثرة ] ..
السؤال : ليش كَنتم ماديين ؟! وَ فجأة تغيرت الأراء !! بالرُغم بالحالتين أنا ما ذكرت شيء مُسيء قطعياً
ليش البَعض إدعى المَثالية بالصَورة أعلآه ، هل لأني صَورت تيفاني وَ لبوتيان خلاص خُيل لَكم إني أقصد الهَدية الغالية ؟!
هل أرائكم تَعاني من التَقلص وَ التمدد حسب الصَورة ؟! وَ تتغير مَواقفكم حسب الشخص إللي طَرح الصورة ؟!
إذا الإنسان ما كان راعي مَوقف ثابت بكل مَكان وَ زمان ، بيكون شخص برمائي أرائه مَهزوزة
هل من المُفترض أحاكم الآخرين على سَوء الظن ، أم أعتبر أن الناس مُختلفين بَقدراتهم العَقلية وَ فهمهم للأمور ..
وَ للجذب لابُد إني أصَور صَورة مَعروف بالإجماع إنها هَدية تغري الشابات ( خاصة بوكسات تَيفاني ) ..يعني أنا غَير مُلامة على إختيار صَورة جَيدة للعَرض
لكن المُمتعضين نفسياً هُم المُلامين على نَواياهم ..
جَميع صَوري وَ تَعليقاتي أختارها بَعناية أثناء كَتابة بوست ما ، أنا دايم أحب أكتب شيء أستشف به عَقليات الآخرين ، نَفسياتهم ، شَلون يفكرون ،وَ دائماً ما أجَد ضالتي ، طبعاً الرَدود لا تُمثل رأي الأغلبية بالتأكيد لكن تَعبر عن عينات كثيرة بَمجتمعنا عالأكيد ..
وَ لا يُحكم على الكتاب من عَنوانه ، هذا إسمه سَطحية تامة وَ ترى مَرتين أسوي هالحَركة مَعكم مَرة بهالمَوضوع ( أضغطي هُنا )
وَ هالمَرة وَ الناس ما زالت تَشتط على شَغلات تافهة وَ مُجرد أراء ، وَ الأدهى أراء نسجوها من وَحي خيالهم وَ توقعات إحتملوها الكاتب غَير مسؤول عنها
نَرجع لمَحور حديثنا وَ هو الهدايا
بالنَسبة لي الهدية تَمر بـ ٤ مراحل ~
• مرحلة إختيار الهدية وَ تغليفها
• مرحلة تقديم الهَدية
• مرحلة إستلام الهدية وَ إنطباعي عنها
• مرحلة إنطباع الأخرين عن الهدية
قصة حدثت لي ،’
بأحد المَرات قررت أهدي وَحدة من براند مُعين ، فرحت وَ أشتريت الغرض .
وَ قلت للبائع : هل مُمكن بعد ما تفتح الهَدية تستبدلها ؟!
قالي : نَعم تبرز الفاتورة وَ راح نبدلها لهآ
قلت له : أكيد لأ ما آبي الفاتورة لأنها هَدية
فقالي : خذي هالكود نَمبر وَ عطيه إياها مُجرد ما تَعطيني إياه بيكون لها كامل الصلاحية بإسترجاعه وَ عطاني أتوقع ٥٠ يوم للإستبدال
المُهم سلمت البنت الهَدية وَ أتصلت علي تَشكرني ، وَ ماقصرت بشكري
وَ عدت الأيام ، وَ أرجع المَحل بعد شَهر ونص وَ أشتري هَدية ثانية ..
المُهم البائع قالي : الظاهر صَديقاتك كثير ..مَحظوظين على هالهدايا
بس مُمكن أقولك شَغلة !!
قلت له : تفضل ( وَ لسان حالي يَقول وَش يبي يقول !! ) ..
قالي : ترى مو كل الناس يستاهلون الهَدية
طَبعاً إعتفس وَجهي وَش هالأسلوب وَ فهم من نَظرتي كأني أقوله مالك دَخل ، خير يا طير
قال : عفكرة مُش تطفل بس تتذكرين المرة الماضية يلي أخذتي من المحل هَدية وَ طلبتي الكود
قلت : إيه أذكر
قال : شكله ما عجبتها الهَدية وَ رجعت عالمَحل تسأل عن السَعر وَ تدور بديل عن هالغرض وَ بأسلوب غير حضاري
قلت : إيه هي قالت لي إنها بترجعها ( وَش أقول !! ) ، قال : ترى أخذت هالغرض إللي قدامك هو إللي عجبها وَ جلست تطلب تخفيض وَ إحنا ماعندنا تخفيضات وَ وَ وَ وَ
وَ قالي إنه هالمرة لو أخذت هدية صعب يقدم لي خَدمة مثل المرة إللي فاتت ، قلت له : مُش مُشكلة ..
قال : للأسف صديقتك أحرجتنا مَع المُدير وَ لانك زَبونة لنا داريناها ، وَ حنا ما نقدم هالخدمات
[ مرة وَجهي صار ألوان ، وَ أنا طول عُمري سنين أخذ من البوتيك بَحياتي محداً قالي هالشيء .. وَ أنا أشوف أصحابك يعبرون عنك ]
سُبحان الله صَدق البائع البنت الأولى ماكانت تستحق الهَدية
وَ البنت الثانية برضو ماكانت تستحق الهدية إللي كَنت رايحة أجهز لها
حَكيم يااااشيخ لووووووول ، لكن فعلاً تعلمت ما أهدي مَين ماكان
عُموماً أنا مازَعلت إنها رجعت الهَدية ، بس تَمنيت لو قالت لي ، لكن بفترض حُسن النَية إنها ما تَبي تجرح مَشاعري بالرغم إللي جَبته شيء كلاسيكي وَ البراند ماينزل إلا كولكشنات مَحدودة ، وَ كل البراند كلاسيكي وَ هي ذوقها كلاسيك
النَقطة إللي زَعلتني ، إنه نفس الموظف أشر لي على بضاعة وَ قالي إنها أخذت هالشغلة
نفس هالشغلة ، هَي موريتني بعد تقريباً أسبوعين من هديتي إنها إشترتها وَ إنها تحب التغيير وَ إنها فاااشن وَ محداً قدها
[ يعني مَعقولة أحداً يهايط عليك بَهديتك ؟! لكن سبحان الله حبل الكَذب قصير ، وَ ترى دايم كنت أشوف حركات لكن أقول بحسن الظن ] ..
وَ الغريب إن كل صديقاتي كانوا يقولون لي إنتبهي ، إنتبهي مَنها لكن مَدري كانت لي نَظرة بوقتها حالمة لَربما ، وَ صغر السن له دَوره
بالنهاية نحن بشر ، وَ مشاعرنا وَ أحاسيسنا صَعب نتحكم بها ، وَ بنفس الوقت أرواحنا أرواح غير ملائكية
نَزعل ، وَ نغلط ، وَ ننفعل وَ يحز بالخاطر فلذلك الواحد يحاسب على تَصرفاته وَ ما بالقلب يَضل بالقلب
وَ صح إني ماقلت للبنت شيء وَ لا لمحت لها ، لكن سَجلت موقف وَ سجلت نقطة سوداء بصفحتها
أنا للأسف ذاكرتي العاطفية قَوية بزيادة ، حتى قوتها تأذيني لأن لو شَخص واحد غلط عندي مَقدرة على إسترجاع المَلف الأسود كله
وَ بالمَثل لو أحد أسعدني راح أسترجع الملف الأبيض بالكامل ، مَنب جَحود بس ما أنسى وَ ليتني آنسى
مرحلة : إختيار الهَدية وَ تغليفها ،’
سألتوني قبل : عَطينا أفكار للهدايا وَ طرق تقديمها وَ تغليفها ؟!
أكيد يَعحبني لما تسألوني عن الهدايا وَ عن رأيي وَ عن أفكاري هذا نوع من الإطراء
عُمري ما حَسيت بسؤالكم لي نَوع من الإستغلال ( عَشان فيه بنات قالوا لي أمس إنه خلاص ما نَبي نستغلك )
صدقوني الأسئلة المُكررة مُملة خاصة لما الواحد يكون كاتبها ، لكن من قلبي أجاوب لما يكون شيء جَديد
لأن عارفة إن إللي سألتني مُتابعة جيدة ، أنا تَدمع عيوني لما أشوف وَحدة حافظة كلامي وَ حافظة ردودي
هذا أكبر إطراء لما أحس إني سَويت بصمة بقلوبكم
لكن المُشكلة إللي راح أقع بَها ، هل لو عرضت الهدايا راح أزعج أصحاب الهَدايا أنفسهم
وَ تعرفوني أنا ما أحب أجَمع صور من الإنترنت ، فهل هُناك سَبيل لعرض الهدايا بدون ما تنتهك خَصوصية أحد ؟!
بُمجرد الهَدية ما تنتقل من يَدي ليد صاحبها أحَس مُشكلة إني أعرضها ، مُمكن أصور مرحلة تَغليفها مُش أكثر وَ خاصة لو صاحبها كان مَرن
وَ ثقتي به وَ حَسن ظنه كبيرة ، وَ مُمكن أصور التغليف من برآ وَ راعيها ما يكون بباله إنه هُو المَنهدي وَ أنزلها عالآنستا
وَ يقعد يحزر مع الناس لَمين ؟! .. لمَين .. ؟! وَ أخرتها يعرف إنه له
لأن أتوقع مُجرد ما أذكر أحد بأنستقرامي واضح إني أحبه ما بذكره من فراغ
الزُبدة إللي عَندها طريقة أو إقتراح الله يَحييها بخصوص عرض الهَدايا
لأن صَعب أشتري هَدية فاضية وَ أغلفها ، الغلاف مرات قيمته نص قيمة الهَدية ..
أكثر سؤال يَوصلني وَش نهدي الحُب ( زوج ، أو خطيب ) ؟
عاد ماشاء الله البنات يقولون أهديه بوك ، عطر
أنا أكتشفت إنه الرجال ذوقهم غريب مرة أهديت أخوي عَطر عَجبه وَ لكن خلاه بالصالة أبو شَهرين ، المُهم طَفشت منه قلت له خلاص عَطيه صديقك
وَ أنا بجيب لك عَطر ثاني ( طبعاً الوضع ميانة بيني وَ بين أخواني هي مَهب هدية كثر روحة سَوق وَ أشتهيته وَ مديته له )
ضَحك وَ قال وَ الله !! ما بتزعلين .. قلت له شَوفته قدام وَجهي تزعل أكثر عطيه صَديقك
أما أبوي زَي الأطفال يَحب الهدايا ، مَرة واحد أهداه غترة طرفها مَقلم وَ عليها نَقش
المُهم أبوي فَرحان فيها وَ لكن أنا دَمي يفوووور ، فَمرة كنا رايحين مَطعم وَ لابسها وَ يهم بالنَزول من المَنزل
قلت له : وَ الله ما تَنزل ، قلت له إنزل لوَحدك بَس معاي لا تَلبسها
قالي : وَ الله مَهب حلوة !! , قلت له ما أدري إللي أهداك وَين راح مَخه
ستايلها جينجهم عالمَوضة بس مرة مو ستايل على أبوي ، أبوي رَزة ما تنفع له
تنفع لعبدالله بالخَير ، المُهم طول الطريق فاطسين ضَحك وَ أكيد غيرها
ولو إني جاملت أول ما شَفت الهدية ، بس بَعدين ما تَحملت خاصة إن المَوضوع له علاقة بالبرستيج
جاملهم مَرة ، مَرتين وَ روح بها عَندهم بس لا تبالغ ، هيبة الرَجل هيبة ما تحتمل الغَلط
بيقولون وَش : يا يتشبب أو زَوجته ماتت وَ بناته ما شآفوه العيبة بعدين ترجع لنا كلنا
وَ مرة إكتشفت إن فيه رجال يحبون الدباديب ، يعني ما تَقدر تحدد هدية مُعينة ..
أنا أحس إني فاشلة بإختيار هدايا الرجال ، خاصة إنهم مايصرحون وَ كثير شَغلات ما يحبونها
أنا أشَوف أخوي لما تَجيه هدايا يَرميها وَ الله بسيارة ، أدخل سيارته ألقى دَبدوب ، شكولاته ، جَوال
مرات أقوله يا حَسرتها إللي هَدتك ، وَ يا شَقى عَمرها أهدت الشَخص الغلط
[ يقولي أنا مؤدب ، أصحابي هههههههههه ما ظَنتي أصحابك يَهدونك دَب بس نَحسن الظن وَ لو إن قَلبي مو مطاوعني ]
لكن لا ننَسى إن الرجل عَفوي أكثر من المرأة ، مُمكن تهدينه شَوكليت تقولين له وَش رايك فيها ؟!
يقولك المَحل ذاااااك إللي رحت أستلم منه هَديتي ووووع طعمها ما يَستاهل العنوة
[ تكسير الشَباب بس عفويين .. بيجاملونك بلحظتها بس بعد شهر بيقولك ] ..
فبالنهاية المَوضوع يعتمد عالشَخص نفسه ، أخوي الصغير عطيه فَلوس عَيونه تلمع تقولين لؤلؤ إسم الله عليه يحب الفلوس لووووول
عاد أنا دايم أحسسه إن مافي هَدية وَ إذا كان مَسافر بعد مايَسلم علينا وَ يودعنا أحط له الفلوس بَجيبه ، يووووووه كل دَموع الوداع تروح وَ تبدأ المَخططات براسه
لكن هُو بالعادة صَريح الشيء إللي يتمناه نكون عارفينه وَ خاصة إنه يحب الفاشن ، وَ دايم يقولي وَ الله لقيت شَوز عند هالبوتيك وَ الله لقيت جاكيت عَجبني .. طبعاً مايكون يلمح بس يسهل علينا ..
مَرة أخوي الكبير شرى لأخوي الصغير سيارة جيب ، غَثنا بالسيارة ٢٤ ساعة سيارته بالمَغسلة ، بيضت من كثر ما يَغسلها بما إن لونها أسَود
يعني أكيد هدية سيارة ما بتكون زي هدية الفلوس أحلى وَ أحلى ، لكن ما يَمنع إن الواحد يقدم ما بإمكانياته خاصة لو الشخص تفديه بروحك الماديات ما تَكون عائق
وَ مرة من الشَغلات إللي كبرتها بأبوي ، كان يقرأ جريدة الحياة وَ كان نازل فيها إعلان لمَجوهرات
فقلتها مَزح وَ لا هُوب تَلميح ، قلت له ما بيدخل ٢٠١٥ م إلا وَهالإسوارة عَندي
قالي : كم حَقها ؟! .. قلبت عَيوني قلت له كثيرررررر كذا وَ كذا
فقالي : خذي حقها ، صراحة إنبسطت وَ كثير لأن أساساً ماكانت بالحُسبان وَ لاكانت ببالي وَ لا كان فيه أي مُناسبة ..
فمو دايم التَخطيط يكون حَلو ، مرات عفوية الهدية تكون أحلى
عشان كذا الواحد يحرص يكون عنده مَيزانية مُحددة للهدايا ، طبعاً لو ظروفه تَسمح
بأوقات كثير تسمعين أحد تحبينه يشتهي شَغلة ، لكن الوقت غير مُناسب لهدية بهالحَجم فتأجلها لربما لو كانت بوقتها بَتكون أفضل
تَحديد ميزانية ~
من الشَغلات إللي أشوفها مُهمة إنه ما ترهق نفسك بهدية فوق طاقتك
هدية تكون حلوة وَ لائقة , وَ تناسب الظروف الإجتماعية لك وَ للمُتلقي ..
أنا شَخصياً أعرف وَحدة جلدة ( بخيلة وَ معروف إنها بَخيلة مُش ظروف ) عُمرها ماجات مُناسبة وَ بيدينها أي شيء ، حتى لو شَغل بيت كيكة ، تشيز كيك أي شيء
لكن سُبحان الله المُضحك إنها بيوم من الأيام كانت تبي واسطة من زوج عَمتي ، فلما راحت عندهم أخذت لُهم هَدية ( هَدية مصالح )
عَمتي دقت علينا وَ قالت : مين دَلهم على بيتنا !! تضايقت جداً منها وَ للأسف لا حَشمها هالمَوقف وَ بنفس الوقت ما أخذت مُرادها
فالواحد من المُفترض يَحسن إخلاقه ، سواء عنده مَصلحة أو ما عَنده مَصلحة , أو عالأقل خلك ذكي ، خلك دايم مَعسول عالأقل وَقتها لو طلبت الكل بيقلك لبيك
المُنافق محداً يحبه ، حتى لو جاب لك هَدية ثمينة
العلاقات الإجتماعية بشكل عام مُش سهلة ، تطلب مَنك بذل الكثير وَ تخصيص مَيزانية ما نَقدر نكذب
إحنا ما نَهدي فقط عَشان الحُب ، فيه هدايا إجتماعية مثل : الزواج ، الولادة .. إلخ وَهي تَعد مثل دَين وَ ترهق الكثير
وَ هالهدايا مو بس ترهقك مادياً ، حتى نفسياً ممكن زوج وَ زوجته يتطلقون وَ يختلفون بسبة إنت أهديت أخواتك بزواجهم وَ ما أهديت خواتي
[ وَ أنتم أكيد أخبر بهالمَشاكل الإجتماعية ] ..
يا كَم وحدة اهدت أمها وَ لا أختها وَ هي ماكلة مليون غَصة وَ غصة من زوَجها وَ تروح تقدمها وَهي مَبتسمة
محداً يدري ظَروف المُهدي ، أحياناً العائق ما يكون مادي فقط ، يكون رجل ما يَقدر الهدايا الإجتماعية وَ يقول لزوجته عادي روحي فاضية
وَ زوجته تكون من النوع إللي تربت عالعَطاء وَ من النوع إللي يَخجل ، فهو مو مَدرك اللباقة الإجتماعية إللي يفرضها المُجتمع ، حتى لو زوجته بتدفع من فلوسها يَرفض
كثير من الرجال مُتعنتين وَ العَكس صحيح فيه حريم تقول لزوجها إنت مَضيع حلال عيالك ، وَ ماسوينا شيء وَ مابنينا .. أخوانك صار عندهم قطع أراضي وَ فلل
وَ أخوك كل إجازة مصيفين بباريس ، وَ صديقك بيته قصر وَ حنا بس نَهديهم ما جَمعنا لنفسنا شيء
[ هَي متخيلة إنه هَدية أبو ٥٠٠ ريال بتسفرهم حتى ٥ آلاف ماراح تسفرهم ،تنكد عليه وَ تنكد على نفسها حياتهم ، لأن الشخص إللي تعود عالكَرم صعب يصير بخيل إلا إذا إنصدم ، يعني إتَعض بنفسه ] ..
فلذلك لو وَضعكم المادي جَيد ، خصصوا مَيزانية بسيطة للهدايا
شيء طبيعي بنهاية كل إجازة نعرف واحد من الاهل بَيتزوج صَعب نروح يدينا فاضية ، يكون ببالنا فلانة راح تَولد
أنا فرضاً أول وَحدة ما تَكون مُقربة لي تَقولي حامل ، فَوراً أكون أفر السَوق وَ أخصص مَيزانية وَ أخذ فكرة ما تَولد إلا وَ هديتها جاهزة
خاصة لو قالت لي جَنس المولود وَ موعد ولادتها بالساعة ، مُستحيل ما أكون أول وَحدة أزورها هَي بهالطريقة تقدمني على كَل أحبابها
و الأكثر صَعوبة لما يَسمون إبنهم بإسمك ، بعاداتنا وَ تقاليدنا إن السَمي يحق له مالا يَحق لغيره
زي الأجانب يقولون هذا العراب ، نَحن برضو عندنا السَمي ، لحد الآن محداً سمى على إسمي وَ لا كان تَورطت
لأن عيديته بتكون شيء وَ إنه إنولد لازم يصير له ترحيب من نَوع آخر
وَ لا ننسى برضو فيه كثير من أصحاب المَصالح ، يقولون سمينا على إسم أبوك مَفهومه هالحركات
يَعني يتلخص لنا : نختار هدية حسب ذوق الشخص ، وَ عمره ، وَ إهتمامه وَ مكانته الإجتماعية وَ مكانته بقلوبنا
وَ إمكانياتنا المادية ، وَ المناسبة [ زواج ، حفل تخرج ، ولادة ، شفاء من مرض ، ترقية وَظيفية ، إنجاز ، شراء منزل ] أو بدون مُناسبة للأشخاص المُقربين
بـ ٥٠ ريال الواحد يقدر يشتري هدية لبقة وَ أبسطها شراء كتاب مَن إهتمامات الشَخص
فيه مَليون حل وَ دبره وَ صرفة ، أحسن من شراء هدايا تنعكس عليك سلباً وَ على علاقتك بالشَخص نفسه
طبعاً هذا أحد الأمثلة
التَغليف ~
تغليف الهدايا وَ الإبتكار بتقديمها قد يكلفك نص مَيزانية الهَدية للأسف بحال غلفتيها خارجياً
فلي مُبدعة يدوياً برافو عليها ، أو إكتفي بتغليف المَحل نفسه كل المَحلات صارت تغلف حتى زارا يَغلف مَرات
بَعض الماركات الناس يحبون أكياسها أكثر من التَغليف المَتعوب عليه ، على سَبيل المثال أكياس كارتييه وَ تيفاني وَ شانيل .. إلخ
فعلاً شكلها حَلو وَ لائق ، وَ برضو تداعب الخيال بالرُغم إنه يقلل عَنصر المُفاجأة للنصف ، فإنتِ إحسبيها بشطارة مرات نَتورط تكون ميزانيتنا فرضاً ١٠٠٠ ريال ، وَ مع التغليف وَ الورد تصير الهَدية بـ ١٥٠٠ ريال إلى ٢٠٠٠ ريال ، فمن الذكاء بدل ما أجيب شيء بـ ١٠٠٠ ريال ، أجيب شيء بـ ١٥٠٠ وَ الغلاف تغليف هالبراند ، وَ فيه حتى بمحلات تغليف الهدايا الباهظة تغليف بيسك ما يتجاوز سعره ٢٥ ريال إلى ٧٠ ريال حسب الحَجم
إنتِ قيسي على حَسب إحتياجاتك وَ إمكانياتك الهَدية تحدد قيمتها مَع الغلاف ..
وَ لو كان ذكر لا تتكلفين هالكَثر بالغلاف ، وَ إذا الهَدية أيضاً رسَمية
فيه كثير يهدون هدايا ذهب طقم قيمته ١٠ آلاف ، خلاص دفعوا ميزانية يجيبونه لك بكيس مَحل الذهب
ما ينلامون صَراحة ميزانية
مَرحلة تقديم الهَدية ،’
أتوقع هي أفضل مَرحلة للشخص إللي مَتعني بالهَدية يحب يشوف عيون وَ إنطباعات إللي أهدآه
لكن شَخصياً صرت أفضل أهدي هداياي عَن بُعد ، أخلي الشَخص يفرح بها وَ ياخذ جَوه من بَعيد وَ هذا إختياري الشَخصي
خليه ياخذ راحته وَ يطلع ضروسه طبعاً هذي الهدايا إللي مَن غير مُناسبة ، أما بالمُناسبة مَضطر تقول مَبروك وَ تسلمها بيده
لكن غالباً أعتمد على محلات الوَرد أو أعتمد على المَحل نفسه ، مَرة ورطت محل قلت لهم بحط لكم هالبوكية وَ الغرض من محلكم
طبعاً وافقوا بس البنت تأخرت ٦ ساعات ، أزعجوني كل شَوي داقين علي خايفين إن الوَرد يموت
لكن حَلو لما يَدقون عليها يقولون لها : جايك هَدية ، تروح وَ ماتعرف مَن مين !!
عنصر المفاجأة بالنسبة لي يضيف جَمال للهدية
من العَيوب لما تَسلم هَدية لأحد تَقوله :
– ما تَدري شكثر تعنيت بهديتك ( عيب )
– كان وَدي أجيب لك أكثر بس الظروف صعبة ( عيب )
– تصدقين أخذت من راتبي عشان أهديك ( عيب )
– تصدقين تسلفت من خواتي لعيونك ( عيب )
– تقوله الهدية مو من قدرك أكثر بس ماكان فيه وقت وَ مزاجي ماكان رايق ( جب على قَولة الكويتين عيب )
– هدية مو من قدرك بس نعوضك المرة الجاية بأفراح ثانية ( عيب )
– أكثر هدية تكلفت فيها هديتك من حُبي لك ( عيب )
– تجيب هدية لوحدة بتخرجها وَ تقولها بزواجك بجيب لك أكبر وَ أفضل ( عيب لأن مُمكن تأمله وَ إنت ماراح تفي بَوعدك وَ إنت ما تعرف عن ظروفك )
– تهدي وتقول يا ربي تعبت وَ أنا أحاول أجيب مقاسك ( عيب ) قوليلها لما تَقولك : ماشاء الله كيف عرفتي مقاسي !!
قوليلها يووووووه ماخليت أحد ما سألته ، مُش إنتِ تطبين وَ تتكلمين ..
بالإمكان تَقولين تستاهلين أفضل وَ أكثر ، مافي هَدية بقدرك مُمكن
بس تلحقينها بكلمة بس الظروف ، أو المزاج ، أو الوقت إسكتي لا تَقولينها تكسرك الشخص داخلياً وَ تحسسك إنك كلفت عالشَخصص
لَمن تعطى الهَدية ؟
أعطي الهَدية بطيب خاطر وَ فرح وَ سرور ، وَ تذكر إن الهَدية تعبر عَن الحُب وَ الأحترام ( عشر خطوط تحت الإحترام )
تقدم بشكل لائق ترضينه لنفسك وَ لأهلك ، الهدايا بشكل أو بآخر بتعبر عن تربيتك وَ عن بيئتك وَ عن ثقافتك وَ خليها تترك إنطباع حَسن
وَ لما بتسلمين أحد هدية عطيه يداً بيد ، أعطيه مُباشرة مو تعَطينها أختها أو أمها
وَ إذا كانت عروس أنا أفضل تهدينها قبل العَرس بأيام إذا تَمون أو بعد ، أنا شَخصياً ما أفضل أعطيها الأم
مَرة صَديقتي جبت لها هَدية زَواجها بَيوم عرسها وَ كانت الكوافيرة عندها وَ عطيتها الأم
صَراحة حبيت الحركة بالبنت ، نادتني وَ فتحت الهَدية عندي بالرُغم من إنشغالها ( لكن أنا حَسيت إني أشغلتهم بنفسي فتعقلت )
هالمواقف من الأشخاص وَ تقديرهم للهدايا هي إللي تَخليك تستمر بإهدائهم ..
مين قال إن الشخص المُهدي ما يَفرح ؟! يفرح ضَعف إللي إنهدى له بالنسبة لي عالأقل
فيه ناس يقولون محداً يهدينا ؟! هل راجعوا سلوكياتهم ، ما أتوقع لو إنك شَخص مُقدر محداً راح يهتم
طبعاً أكيد بحالات كثيرة الواحد يكون بَمحيط جاف ..
الهَدايا الجماعية ،’
يعني مثلاً رايحة لأسرة وَ شايلة لهم جآتوه ( مُش هدية هدية ميني هدية )
أسلمها للي يفتح لي الباب من أهل البيت ، لأن إللي بيخيلي الشغالة تفتح لك الباب هذا من سوء الأدب
الشغالة عيب تفتح الأبواب للضيوف إلا بالمُناسبات الكبيرة بحال إنشغال أصحاب المَنزل
هذي مُش هدية للأم أو لبناتها , هي هَدية لكل العَيلة ، ولو إللي فتح لي طفل ما أسلمه الهَدية
بالنسبة للهَدية الجماعية إللي ٦ يقطون بهَدية ، ما حَشترك إلا إذا الشخص ما يَعني لي
وَ حشترك لو المُشتركين مَعي أهل بيتي ، لأن ما يهمني يروح الشكر لَمين أكثر , وَ الأكثر وَجاهة بعيلتي هُو إللي يَقدمها
بالرُغم ما أذكر إنها صارت لي ، لكن ما أحبذها ما يَطلع من وراها إلا المَشاكل
فيه ناس بيقولون : تصدقين يا فلانة أنا إللي رشحت لهم شَنطة وَ لا كانوا بيجيبون لك شوز
[ فبعيداً عن المشاكل ما أفضل ، كل واحد يجيك هديته بنفسه أحسن ما نَخسر بعض بالنهاية الطبيعة البشرية ميالة للأنانية وَ إبراز الذات ]
الحذر مَن ~
إن هَديتك تلقط ريحة البيت فرضاً تكونون ماكلين سَمك ، إن شعر قطوتك يَمس الهدية ( تصير ترى )
إن الهدية تكون مَخزنة بدولابك فترة وَ تجمع بها الغبار أو لقطت من ريحة البيت ، الحذر تهدي أكل وَتعطر العلبة تُفسد تماماً
الحذر إنك تكونين شارية هدية بس كيس الهدية مع المشوار إنشق أو تعفط ، غيري الكَيس حتى لا يظن الشخص إنك غير مُهتم
الواحد يهتم يظهر إهتمامه ، فأي شعور يعطيك إحساس بعدم المُبالاة راح يكون الشعور عَكسي فبدل ما تَعطي إنطباع جيد ، راح تعطي إنطباع سيء ، أنا أحبك أنا أحترمك معناه أنا مُهتم
مرحلة إستلام الهدية وَ إنطباعي عَنها ،’
أنا شَخصياً من الناس إللي واثقة إني أعبر جيداً سواء تعبير بالسلب بحالات غير الهَدية
أو الإيجاب بحالة الهَدية ، كل الهدايا مَضطرة إني أجامل حَتى لو ما عَجبتني لكن ما يَعني إنها تَسعدني فعلياً
من الظلم برأيي مَساواة الهَدايا ، فيه شَخص مُجتهد وَ شخص غير مُكترث لا يتساوون
لكن بإنطباعي كلهم راح أشكرهم ، بس السعادة ما تَكذبها العَيون وَ لو مَثلت ..
وَ بنفس الوقت المُبالغة بالشُكر مو حلوة , الشكر مَرة وحدة مو كل ما تَشوفه والله هديتك وَ الله هديتك
[ تحرجه ] .. لكن مُمكن ألبس إللي شرآه لي وَ أصوره ، جابت لي تَحفة أصورها بالبيت وَ أوريها
جابت كَتاب بعد ما أخلص من الكتاب أقولها فعلاً إستمتعت بالكتاب وَ اتناقش مَعها على فكرة الكتاب
أما أخذ الشغلة سَكتم بكتم قلة ذوق ، عُموماً لابد من الإتصال وَ الشُكر ..
أما أنا شَخصياً أحب أفتح الهَدية أمام الشخص نفسه ، وَ إذا شيء سهل اللبس ألبسه فَوراً
طبعاً ما أفتح الهَدية إلا بَعد ما أستئذن من صاحب الهَدية ، لان مَرات اللي مَهديك ما يبي الأخرين يقارنون أو يزعلون
أو يكون مُحرج من هَديته وَ يخاف أحد يَعلق ، أو هو بطبيعته خَجولة ما يَحب الشكر عَلاناً فلا بَد من سؤاله قبل
بعاداتنا ما يَفضلون إن الواحد يفتح الهَدية , يشوفونه عيب
أما أنا ضَد هالفكرة لأن أنا فعلياً حابة أعبر بَمشاعري وَ أحس كافي إخفاء للمَشاعر قلوبنا ضَمرت وَ تعبنا من الأقنعة
وَ كل ما الإنسان كان عَفوي بدون ما يضر الآخرين بعفويته أهلاً وَ سهلاً ..
إذا الهدية ما أنعطت لك يداً بيد الغرب يفضلون بطاقة مكتوبة باليد تَرسل لهم ..
و ثانياً المُكالمة الهاتفية ، وَ أخيراً الواتس آب أو الرسائل الإلكترونية
بحالات الزَواج وَ المُناسبات الكبيرة يسقط هالواجب ، لأنه زَحمة ..
بحالة المَرض ، واجب الشَكر يكون من إختصاص المُرافقين
مُقارنة هداياك بَهدايا الآخرين ،’
بأحد الحالات يتم إهداء هدايا جَماعية مَوحدة مثل الأعياد , وَ هدايا المعلمات للطالبات وَ هدايا الشركة لموظفينها
من العيب تَمييز أحد عن أحد ، إذا حاب تَميز أعطيه لَوحده أو يكون فيه سبب مُقنع فرضاً : ٣ الأوائل أو ناس بذلوا مَجهود
أو بالعَيد الكبار لهم عَيدية وَ الصغار لهم عيدية ، وَ إذا حاب شيء زيادة من المُفترض ما يظهر للعلن
بالهَدايا الخاصة أعتقد من المُجحف إهداء الصديق نفس هَدية الزَميل
أكيد كل شخص حسب مكانته بقلبي ، وَ مرات يكون هالشخص مقدم لي فأنت ما تَعرف سبب تَمييزي له
موقف حَدث لي ،’
مرة من المرات فيه وَحدة كانت تعرف بَهديتي لإنسانة مُعينة , وَ كانت للأسف حاطة ببالها إني راح أهديها مثلها
المُهم لما جاء وَقت هديتها ، أهديتها شيء مٌفيد وَ ثمين وَ حلو و يليق بَمستواها وَ أكثر من علاقتي بها
طبعاً فتحت الهَدية قدامي وَ هي بطبعها ما تَفتح الهَدية ، لكن تقلد صديقتي وَ إنطباعها وَ ملامحها إعتفست
صارت تفتح بَوكسات الهدايا كأنها تَدور الهدية إللي ببالها ، إنصدمت منها وَ لا قدرت ترقع وَ لا تَخبي مشاعرها
بالرغم قالت لي الله يعطيك العافية , بس قالتها بَقهر ..
طبعاً ما تَحملت بأقل من ١٥ يَوم ، رسلت لي رسالة أنفجرت الآدمية علي ، أنتِ وَ أنتِ ؟
يعني إللي مَستغربة بعقلها تَبيني أهديها هَدية مثل صَديقتي ؟! أو أي أحد من معارفي
علاقتي بها جداً سطحية وَ ملزومة بها إجتماعياً بالأحرى أسرياً وَ لا أحمل لها أي مَشاعر , أهديتها إكراماً لأسرتي
إنصدمت منها !! .. ليش تقارنين صَديقتي بك ؟!
وليته ثقافة الهدايا مَوجودة بأسرتها ، وَ ٩٩ ٪ من عيلتها محداً جاب لها هَدية بهذيك المُناسبة لدرجة حَسيت إني بالغت
وَ مع ذلك قَمطت ، هُنا المُشكلة لما واحد يحط نفسه بمحل مو مَحله يهين نفسه وَ يقلل من شأنه
كوني أنا أشتري فرضاً شوزات لبوتيان ترى مو بالضرورة أهديك شوزات لبوتيان ، عادي مُمكن أهديك شَموع حسب العلاقة
جد فيه ناس بلا ذَوق ، لا تحط نفسك بَمكان ماهوب مَكانك
مرحلة إنطباعات الآخرين عن الهدايا ،’
طبعاً العالم صار غير لبق ، مرات هدايا كثير تَعجبنا وَ ترضينا
لكن نواجه دَق بالكلام من الآخرين ، مثل : مقامك أفضل من هالهدية !!
أو يسألونك وَش جاب لك خَطيبك بالعَيد ؟! أو وِش جاب لك زوجك لما وَلدتي ؟!
طبعاً لما تجاوب عليهم تَنهال عليها الأقتراحات وَ الله لو مغير ديكور بيتكم أصرف له
وَ الله لو مسفرك أزين ، لك ١٠ سنين ما طَلعتي من البلد
[ السؤال مَين إللي عَطاكم الإذن بتقييم هدايا الآخرين ؟! ] ..
هل هُم يحبونك ؟ أو يلفتون نظرك ؟ أو هُم غيرانين يبون يقللون من فَرحتك ..
وَ الله ما أكذب عليكم لما تَجيني هدايا بالأنستا ، وَ أعرضها أخاف على مَرسلة الهَدية من هالأشكال
إللي تَقول إيه مَهديتك مَصلحة !! ما أدري وَش المصلحة بإهدائي ، ليكون أنا وَزير المالية
وَ إللي تقول ما أحس الهدية عجبتك ؟ أو ما أحسها ذوقك ؟!
[ لعنبوا دارك إنتِ و أحاسيس الشكشوكة ذي ]
وَ لا وَحدة تهديك عطر تجيك وَحدة تَقولك : كيف ريحة العطر حَلوة ؟
يعني بالعقل بقولك !! ..
وَ لا لما تَجيني هَدية تقولي بكم ؟! بالعقل فيه أحد يقول بَكم ، يعني بروح أسأل إللي أهدتني بكم
وَ حتى لو أعرف بقول بكم ؟!
و لا إللي لما تَجيني هدايا هاي هيلز ، تقولي ما أحب أنا الهاي هيلز ، وَش دخلني وش تحبين
الهدية لي مَهب لك ، وَ إللي تقول : حفظت عدد شَوزاتك ؟! أحد وكلك عداد لدولابي ؟!
[ بجد أرحموا أنفسكم مَن إنكم تَحطون نفسكم بَمواقف بايخة ، مُستحيل أحد يتلفظ بهالطريقة أحس إنه إنسان سَوي فيه نقص أو تنقصه اللباقة ] ..
أنا أحب أقرأ ردود الناس ، أستشف أخلاقياتهم وَ نفسياتهم وَ أفهم من خَلاله أوضاع المُجتمع وَ إنحداره
مَواقف حصلت ،’
مرة وَحدة بالفلنتاين مَصورة وَردة وَ عطر وَ قالت هالهدية من زَوجي
الردود :
– ما عنده ذوق ذا العطر مخيس
– وين أنا مُستحيل أرضى بوردة وحدة بالفلنتاين ، وَ الله أرميها بوجهه إذا ماكان بوكيه من ٣٠٠ وَردة ما تَرضيني
– وَ إللي قال العطر قديم، كان جاب لك شيء أحدث
وَ أكيد فيه جَزء قال تتَهنين الله يخليكم لبَعض ، شهالردود
حتى لو هي فرحانة بتخلون نفسها تَشيل على هالآدمي
موقف أخر مرة وَحدة مصورة ساعة رولكس المينا أخضر
الردود :
– شكلك كبيرة بالعمر ذي هدايا العجز
– ليش أخضر كان جاب لك الصدفي ( طيب يمكن عندها الصَدفي )
– ووووين المينا الأخضر قديم أنا مَعي من ٥ سَنوات ، يالله تتهنين بها بالرُغم خسارة خلاص صارت قديمة
وَ الله هذا حال الناس بهالزَمن ، خَفوا شوي عالبَشر ..
ماعَندك كلمة حلوة ، إنكتَمي ، مُش شرط تبينين إنك السباقة وَظيفتك تَهنين فقط مُش تبدين رأيك ، وَ مش تقولين أنا عَندي أكثر
لا تتعنتون على مَواقفكم السيئة ، البعض يخونه التَعبير بسبب بيئته
لكن حان وَقت التغيير ، حلو يكون تواجدك عَطر بين الناس ، تَعلمي وَ تطوري
جواب مُقدمة التَدوينة ،’
بُمقدمة التَدوينة حطيت لكم بيتين من الشعر وَ قلت لكم مدح أو ذم
هي بالحَقيقة مَدح وَ لكن شاعرنا من بييئة صَحراوية يَفتقد لعذب الكلام ، فعبر بالمَدح لشغلات من بيئته وَ مُحيطه
طبعاً إنقالت هالأبيات بأحد مَجالس الشعر للخليفة المُتوكل ، الكل إنصدم وَ توقع إنه يلاقي عَقوبة من المَتوكل
بينما على العَكس المَتوكل فهم طبيعة الشاعر وَ أمر له بدار يقيم بها على شاطيء دجلة وَ أقام بها ٦ أشهر
وَ بعدها ألقى هالأبيات :
| عُيونُ المَها بَينَ الرُصافَةِ وَالجِسرِ | جَلَبنَ الهَوى مِن حَيثُ أَدري وَلا أَدري |
| أَعَدنَ لِيَ الشَوقَ القَديمَ وَلَم أَكُن | سَلَوتُ وَلكِن زِدنَ جَمراً عَلى جَمرِ |
| سَلِمنَ وَأَسلَمنَ القُلوبَ كَأَنَّما | تُشَكُّ بِأَطرافِ المُثَقَّفَةِ السُمرِ |
طبعاً بعد ما سَمع المتوكل أبياته قال :لقد خشيت عليه أن يذوب رقة وَ لطافة
إللي أبي أقَوله الإتيكيت وَ اللباقة تتعلم ، لو لك رَغبة بالتَعلم إللي غير علي بن الجَهم يغيرك
وَ أخيراً : هل من المُمكن تَكون الهدية وَقحة ؟!
بالتأكيد ، الإنسان عَنده دهاء وَ ذكاء وَ كثير من الناس يَستخدمون الهدايا كَسلوك للإقتصاص
خاصة لما يكون شَخص ما يَحبك وَ لكن مَجبر من زَوج أو أم أو أخ .. إلخ إنه يهديك فيضطر بإسقاط الواجب لإبراء ذمته
وَ لكن بنفس الوَقت يقلك ترى أنا ما أحب , وَ الهدية كلف
مافي شيء إسمه أهم شيء فَكر فيني ، الإنسان مُش شحاذ عواطف يبي هَدية وَ السلام
بعض الناس يكسبون جَميل على حَسابك ، مَصلحة .. إلخ
مُش كل هَدية تُفسر هَدية
وَ مع ذلك فيه ناس مَثل علي بن الجَهم ينقصهم التَعبير ، فشيء طَبيعي نلقى العَذر لهالأشخاص
خاصة لما تَكون الهدية من طفل ، كبير بالسن ، جاهل .. هو ما يَدرك حاجات المٌجتمتع وَ مُمكن يكون عايش على زَمن قديم
أو لعبوا عليه بَمحل ما .. إلخ
عَفكرة وحدة بالأنستا تقول : إنهم أهدوا زَوجة أبوهم شراريب وَشيء آخر نَسيته لكم الغرض منه كان الإنتقاص
وَ كانوا صَغار بالعَمر ، فيعني تَصير بالحياة هَدايا غير لبقة وَ وقحة لا تصيرون حالمين ، فيه ناس وَ حرام تنحط بخانة الهدية
شَخصياً ما جتني هدايا وَقحة لكن جَتني هدايا مَعيوبة وَ ناجم عن عَدم إكتراث
حتى بتقديم الهَدية ماكانت مُكترثة بتقديمها ، لكن المُحيطين حَولي إمتعضوا مَنها
فمرات هدايانا بَدل ما تَفرح تُحبط وَ تحزن وَ بدل ما تَجمع تفرق
فرضاً مال بَسيط ، لو أنا بَزواجي أخواني عطر، مُمكن أنا بَفرح فعلاً
لكن زَوجي راح يستصغرني وَ حمولتي بيقولون لي : مَعقولة أخوانك يهدونك عطر ؟
مرات الهدية ما تليق لا بَمكانة الشَخص وَ لا بمكانتك عنده وَ تخلي سبب للمُحيطين بَك يطقطقون بك
تضل فيه هدايا بَرستيج وَ وواجب إجتماعي ، وَ دين
وَ أهم قاعدة بالنسبة لي : لا تنتظر رد الهدايا ؟
محداً ينتظر مردود على هَبة وَ هبها ، عشان تقدمها بَفرح وَ لا يجز بخاطرك بيوم
هدايا لا تُهدى ~
فرشاة أسنان ،معجون أسنان ، صابون ، مزيل عرق ، ليفة
[ أي شيء يَحمل بمعناة تنظف !! إنت مو نظيف تَجنبه ]
وَ إذا صديقك يعاني من رائحة صارحه ، تقدر حتى ترسله رسالة من رقم مَجهول وَ تقوله إن ريحته مو حلوة وَ الناس يتكلمون عليك
لكن لا تَحطها بإسم هَدية , وَ هذي تعد من الهدايا الوَقحة
وَ الكولكشنات وَ العطور مو مَعهم
هَدايا تغيير التَوجه ، هذي قلة أدب ..
صديقتك مرتاحة مع وَزنها تهدينها فستان سمول تَقولين لها أتمنى أشوفك بمقاس سَمول
أو تعطينها إشتراك نادي وَهي ما تبي تَنحف وَ لا تبي تسوي سَبور
وَحدة تلبس عباية كتف تَهدينها عباية راس ( عأساس نصيحة )
هَدايا تعود لك ، يعني زوج يهدي زوَجته ذبيحة !! هذي مهب هدية إلا إذا هي طلبتها
وَ لا بمناسبة خاصة تهديها قَدور وَ لا ثلاجة ، هذي هدايا عامة مُش هدايا خاصة وَ مفنعتها على كل الأسرة
وَ أكيد تُستثنى هالأمور لما هالأشخاص يعبرون عن رغبتهم بإقتناء فرضاً مزيل عرق ما يَحسس
هنا الفَرق
وَ أخيراً الهدايا المُستخدمة لا تُهدى إلا بحالة وَحدة ، إذا أحد عَجبه شغلة فيك وَ قلت له مَقدمة
بنزلها من يَديني وَ بعطيها ، وَ تسري على أمور أخرى بحياتنا وَ تختلف ميانة الشَخص وَ هذي من عاداتنا الشَرقية
تهآدوآ تحابوآ
دُمتم بَحب
حسّيت فيها برجع بعد القراءه
صبآح الهدايا ,.
آراء الناس متفاوته جدا وكثير منهم تهمهم الماده صح شي جميل بس بعد مب شرط اذا كانت بها القيمه يعني هديه وإذا كانت بسيطه لا
خاله ابوي الله يرحمها كانت سخيه جدا وتحب تعطي كل حد يعني لو صار وحد من عيالها سافر مثلا وكان ياييب لها حنى مثلا لازم اتوزع منه لييرانها وصاحباتها اتخيلي عاد لا تغلبف وكيس عادي ايكون مجعد من كثر الاستخدام بس يدتي الله يحفظها كانت تستانس على هداياها وتعطيها اضعاف مره كانت شاريه لها جلابيه وما طلعت قياسها على طول فلانه ترى ما طلعت قياسي ان شاء الله تعيبج . بكل شفافيه
يدتي الثانيه بيوم تخرجي قالتلي تعالي طلعت لي من التجوري كم من شي عندها وعطتني الصراحه استأنست لا تغليف ولاشي المهم انها فرحت لي وكانت تبا تعطيني .،
ما انكر ان يتني هدايا حسيتها استهزاء فيني , المشكله انها أتكون من اقارب .,
أمي الصراحه اكثر وحده أتعبنا باختيار الهدايا الفر السوق فره لين تحصل شي مناسب ، وكله اتقولنا لو بتهدون حد كأنكم بتهدون نفسكم ,.
نسيتي تكتبين عن بيت الشعر ع العموم أحسه مدح
وو على فكره انتي هديه عالم النت ❤️❤️
حبيبتي كتبت عنه تلقينه قبل نهاية المدونه بشوي في مرحلة انطباعات الشخص عن الهديه
وش هالتخاطر الجميل توني افكر متى راح تنزل التدوينة عاد وقتك اليوم تمام
ي صبآح الجمال الارتوسي
قلت آدخل اشيك على المدونة ويـــــَ زين حظي الا التدوينه نازله
نقراء ولنا عوده
ارتوس حبيبتي كانه في مشكله. مره يفتح ومره ما يطهر كامل. انا انتظر هذا الموضوع من زمان. شفته ف مدونه الي ف منتدى بس كان قديم ومن دون صور. الحين لما قلتي تنزلي الموضوع نزل ومو كامل
هههههه وانا اقرا موضوعك اتذكرت موقف بااااااايخ حكته لي صديقتي. تقول بعد زواجها جت صديقتها تبارك لها وجايت لها طقم ذهب هدية. تقول ماعجبني بس ركنته بالدولاب على اساس ذكرى من صحبتي. وبعد فترة ترجع هالصديقة تبكي وتسالها عن الطقم تبغاه، اتاري زوجها كان جايبه لها وماعجبها وفجأة بعد كل هالمدة افتكره ولما عرف عملتها حلف عليها بالطلاق انها تروح تجيبه ههههه استغفرالله ماودي اضحك بس من جد كسففففة… تسلم ايديك ياقمر عالتدوينة الحلوة
يا سلام لحقت عليك و الفضل للجميلة بالانستقرام اللي قالت لي انك رجعتي نزلتيها
احنا زيكم التسمية لها بروتوكول طول بعرض اخوي الكبير تزوج و هو بالثانوي حبيبي و خلف على طول فاول ولد جاه كان بيسميه على الوالد بس الوالد الله يرحمه قال لو بتسمي على جدك اللي هو ابو البابا بافرح اكثر خاصة ان جدي كان متوفي و فعلا سمى على جدي و كانت التسماية سيارة اخوي بهذاك الوقت كان ثاني ثانوي اخر الترم الثاني لما جاه الولد الثاني سمى على الوالد و كانت الهدية أرض باسمه و سيارة جديدة طبعا الوالد كان يهديه شي يستفيد منه
رأيي بفقرة استبدال الهدية انا اشوفها صراحة قلة ذوق بقوة لان تفكير صاحبتي بشي احبه و فرفرتها و تنقينها كله هدبة بحد ذاته ممكن اغير المقاس لو طلع غلط اللون باسوءالاحوال لكن الهدية نفسها لا هذي احسها قلة ذوق علما انه لو حد سواها بهديتي اللي عطيته ما بزعل يهمني ياخذ شي عاجبه لكن انا اسويها لا و كلا ارجع اقول و الله اختيار الهدية و تنقينها باهمية الهدية لانه جهد كبير
بالنسبة لي بالمقام الاول اهدي حبا و حبا و حبا و مع كذا اهدي لناس من باب الواجب حتى بالدوام لما يجمعون قطة لهدية احد معانا يستحيل ما اشارك لان احس شي حلو ان الشخص يحس ان الكل فرحان له حتى اللي علاقته فيهم سطحية
للحق انا اهدي و بنفس الوقت اتلقى هدايا حلوة بل و تحرجني و الله عساني لا خلا و لا عدم منهم
هدايا الشباب فعلا فعلا صعبة و يمكن الفلوس افضل للاصغر سنا و هذي قاعدتي مع عيال اخواني بنات بلاش هدايا خل نعطيه كاش او نجيب شي هو يحتاجه و يبيه
من الهدايا الغالية علي هدية من ولد اخوي سمي الوالد اول سنه ابتعث فيها عمره ١٩ حبيبي رجع و جايب لنا كلنا هدايا بسيطه صح بس و الله تسوى الدنيا لاني اعرف انها كلفته لان العدد كبير غير فرة الراس و التفكير ايش اجيب لهم و غير الشحن و الطيران و القلق جاب لي حلق ناعم و تعليقته الانعم اموت عليها و لها خمس سنين و مازلت محافضة عليها و اول امس اكتشفت ان التعليقة انقطعت و حولتها الي اسواره و بحاول اصلحها و احافظ عليها من جديد ،
الف شكر ارتوس لانك تكتبين انت نعمة قلتها و اكررها انت شي حلو . احمد الله على وجودك .
الصراحه الهدايا اللي جتني بحياتي مو كثيررر بس فيه هديه من هدايا حفل تخرجي وحده من اهلي جابت ليا طقم ذهب ابيض بس ماهو ستايلي ولا لبسته وبعد فتره جلست اطالع فيه زين شكيت انه ماهو ذهب وقلت لأخواتي قالو مستحيل فلانه تهدي شي كذا قلت لهم يلاا على محل الذهب ونشوف وصدق ظني طلع فضه بس رغم الشي هاذا مقدمه حسن النيه قلت ممكن هي جاها هديه وماعجبها وأهدتني اياها
حبيبتي انتي لبقه ياكل الذوق طيب توسه اللي تطلب منك ترجعين هديتها بعد مرور شهرين عالهديه هذي كيف تتصرفين معها
كتبت التعليق بعدين طلعت آقراء فوق الا انتي كاتبه لا تردون م خلصت اللي بترد بعض يدها
والله آستحيت على وجهي ودي آرجع وامسح تعليقي بس الطفاقه على تدوينتك ههههههه
المهم هاك يدي عضيها ..
من آجممل الهدايا اللي جتني كنا في جلسه وجاء طاري العطور وقتها قمت آقول عن عطر جميل وان بخآطري آشتريه وكان وحده من قريباتي موجوده
وسمعت كلامي بعدها بفترة قصيره مرررره الا هي تجئ وتقدم الهديه لي بدون مناسبه ولما فتحتها يطلع العطر
ي الله وقتها كيف تفشلت منها
والله الناس صايرين صعبين فالتعامل >_<"
والله مو مدحا في نفس بس جديا انبسط باي شي اتذكر هدية ميلادي لعمري كان 22 اختي جابتلي دبدوب وربي صرخت صراخ ههههههههه زوجها صحي من النوم يقول ايش فية *فيس متفشل * الحين عجزت يابوكم خخخخخ اصبحت فال25
المهم والله يارتوس احتاج جدااااا
عندي تضارب تفكير ..
طبعا انا للحين ماخلصت الجامعه ومالي خلق ادرس وابي افكر بمجال بجد احبه ونفس الوقت دايم اتذكر كلامك بمامعناه : انو حلو كل وحدة تتميز بشئ هيا بجد تحبة وتبدع فية
واحب الرسم والطبخ والميك اب والعناية المقطعه ههههههه
بس مو عارفة ايش ابدع فية ومابي اسرق افكار احد لانو مو ابداع هالشي وماحب اشتغل بانضبط يعني ماحب احد فوق راسي اتنرفز
يعني مزااااااجية
ابي نصايحك ليا من فضلك بحكم خبرتك ماشاءالله ^__^
والله يارتوس ماتتصورين قد شنو احبك وربي للامانه ماحب اقولها الا بناس اثق تمام الثقة انهم مايفارقوني لما اقولها لها …
ودمتي بحب وصحة
صح ع القصيدة تذكرت دايم ابويا يقولنا عليها
هيا مدح بس الشاعر اللى قالها كان عايش فالصحراء فكان يشوفها اجمل او احسن شي ..
الحاكم امر يخذونة ع مكان اخر يعني تقدرين تقولين طبيعى احسن بعد فترة امر الحاكم يجبونة وقاله القى قصيدة ….
ناسيتها والله بس كانت فيها انهار وشي زي كذا
بس المغزى الانسان اسلوبة يتغير بحسب الطبيعة او البئية اللي حولة
… ودمتم بحب *هارت *
صباح الخير ،،
دائما طلتك مميزه ودائما أرتوس عند حسن الظن ، طرح رائع بعفويته بمصداقيته وَ عطائه ، أكاليل حبُ تعانق روحك.
بذكر لكِ موقف حصل معي شخصياً ..
أهُديت من أنسانه كنت أكن لها الكثير من الود والأحترام ولكن بعد الهديه صدمت جداً كانت الهديه مستخدمه وَ الواضح أن المنتج قديم ! حاولت أن أخلق لها الاعذار لكن للأسف لم أفسر ذلك إلا بوقاحه وأستهتار !
أعتقد وأن لم تحسن أختيار الهديه من الأفضل أن لاتهدي أحد.. طبعا البعض قد يتعاطف ويبرر ماحصل قد يكون وضعها المادي سيء وأشدد أنه لو كان ذلك فأنه لايعطيها الحق أن تقدمها بتلك الوقحه ، وبالرغم أن وضعها المادي ممتاز جداً ، عموما قد تصادف الكثير من متفقدي الذوق والأخلاق ( : أعتذر أطلت الحديث ..
ياويل ياللي علقوا وارتوسه لسى ماخلصت راح تنعضون عض 🙁 هههههههههه
فعلا الهدايافن وذوق
ناس يهدوني شي بسيط بس اسلوبهم في التغليف وتقديم الهدية تخليني مااشوف زي هداياهم
وبصراحة الهدايا محيرة خصوصا لما تكون واجب اجتماعي احتار مره واحسها تتعبني بالتفكير
مو زي لما تكون لشخص مقرب وعارفةايش يحب تلاقيني اجهزها بسرعه من غير تعب
انا انسانه احب الهدايا واقدرهامره وزوجي مايعترف بالهدايا في بداية زواجي تعبت استنى هدايا في مناسبات ومايجيب
سرت المح برضو مافي فايده هههههه تعبت من التلميح سرت اطلبها مااستناها هههههه
والحمد لله جات بنتيجةوسار يجيب من نفسه
علقت بعد ما قرات كامل موضوع شيق صراحه امس وانا اقرا بالبوست عن الردود ماصادف بحياتي احد اعطاني شي مستخدم الحمدلله وبالنهايه موضوعك جميل والانسان الجميل مايطلع منه الا كل شي جميل سواء باللفظ او بالشي المادي او حتي بحسن الظن او اساءه لذلك لو بيهدي الشخص حاجه مستخدمه بلاش منها عشان اول شي يسئ لحاله قبل المستقبل لهديته وتستاهلي سوستي اجمل هدايا الدني سواء كانت هديه معنويه او ماديه بمناسبه موضوعك اعتراف لكِ بان اجمل عدايا٢٠١٤علي معرفتي بك والله يجعلنا خوات دنيا واخره حبي واحترامي لك
عدايا=هدايا
يسعد ليلك وصباحك أرتوس، يعني مجهووود عظيم اللي قمتِ فيه، تغطية شااااملة وأكثر من رائعة، تدوينة جميلة جميلة جميلة جميلة جدًا، سبحان الله اللي قسّم العقول والأفهام ! مش كل الناس سواسية لا في الإهداء ولا في استقبال الهدية. البيئة والمحيط والثقافة كلها تحكم تصرفات الناس، مع انه بها العصر المفترض يكون الجميع ع اطلاع و ع دراية كون كل المعلومات بمتناول اليد، لكن البعض الله يهديهم يصرون على الجهل واغلاق الآذان والأفهام، يعني ما فيه أي مجهود منهم لزيادة معرفتهم واطلاعهم، التربية لها دور والعلم بالشيء هو الدور الأهم! فلا يبخل الإنسان على نفسه بأن يتعلم في جميع جوانب الحياة، الحياة تحتاج سلوكيات مهذبة منا نحو الآخرين والآخرين أيضًا لازم يكونوا مهذبين، مع إني ما يهمني كثيرا سلوكيات الناس نحوي لأنه ما أتأثر كثير، صحيح تبقى القصص في الذاكرة لكن بدون تأثير علي ولا على تصرفاتي المستقبلية، كتبت لك في الانستغرام عن هدية مضحكة وصلتني بمناسبة نجاحي في الثانوية هههههه والله اذكرها مضحكة واستحقرت الهدية وازدريتها نفسها بدون ما استحقر المُهدية، صنعت لها أعذار وتجاوزت الأمر من غير تدقيق، بالنهاية أتمنى إني أقرأ خبر إنك حزتِ جائزة أفضل مُدوّنة عربية ، تقديمك رائع وتدويناتك ثريّة، بالمناسبة قبل يومين كان ببالي كتاب لميخائيل نعيمة وفتحت سفاري عشان أنزل الكتاب لقيت صفحة مدونتك آخر صفحة واسترسل واسترسل في القراءة وأنسى ميخائيل نعيمة وأنسى الكتاب، أذّن المغرب وتذكرت اني المفترض أنزل الكتاب، فسبحان من جعل الجاذبية في طرحك وكتاباتك، بالتوفيق ياااا رب تستاهلي كل خير ع مجهوداتك الأكثر من رااااائعة..
صباح الجمال
بسم الله ع قلبك اعطيتينا اهم الاتكيت في الهدايا
فعلا في ناس هذولا احيانا ودي ادخل مخهم واشوف كيف يفكرون
جتني هديه ومبسوطه فيها ليش تنكد علي باسلوبك ورايك الي ماطلبته
الحمدلله ماقد صار معي من واقحه الهدايا لكن صارت لي مقالب
بس كان مثل العسل ع قلبي وصلتني شوكلاته ومعها شي صغنون مغلف يوم فتحته كانت ليمونه ههههه لاني انسانه مااحب الليمون وتصدقي تركتها حتى جفت واحتفظت فيها من ٦ سنوات تقريبا
الي مايقدر يهدي مو شرط هديه بمبلغ وقدره والله لو كلمتين من القلب اعتبرها هديه
في محيطي ابد مااحب افتح الهدايا قدام الشخص نفسه لان ردودهم راح تضايقه مع ان شعور فتح الهدايا شي ممتع وانبسط بفرحته
اكثر شي يضايقني بالهدايا شخص يضغط ع اهله ويكلف عليهم عشان بس يهدي لي كانت لي صديقه ظروفهم مره صعبه وكانت تكلف ع اهلها عشاني
وشخص يقرب لي لو اهديه الدنيا كلها مايرد باسلوب حلو كل مره اجرب شي يمكن يعجبه بس ماش رده يكسر الخاطر فصرت ماعاد اهدي ومو معي مع الناس كلهم مااادري هو مايعرف يعبر او شي ثاني
وتدرين اني حاليا في ورطه ولا قررت ايش اسوي صديقتي ولدت ولازم ازورها بكره ببيت اهلها المشكله ولادتها جت بسفري وبعدها كنت مضغوطه مواعيد ماامداني اطلع اجيب لها هديه محترمه والله يسهلها
مرحبا ، انا مثلك امس استغربت من بعض التعليقات وبعضها اشمئزيت منها ، و حسيت بعضهم عديمين ذوق ، اجل وحدة امس تقول ” وحدة ما أدري وشلون تجرأت واهدتني هالهدية”!!! هذي مو قلة ذوق ، ذي معليش اسمحيلي وقاحة اجل فيه احد يقول هالكلام عن احد مهدية !! مع انها ذكرت الهدية موب سيئة تماماً لكن مهيب متكلفة ..
نرجع لموضوعك ، أسوأ شي بالنسبة للهدايا اللي مهديني وهو عينه في هديته ويطريها كل شوي وفرحان بها وكل يوم يسألني عنها ، برضوا الاشخاص اللي يعدوني وهم ما يبون من ورى قلوبهم بس ملزمين بها اجتماعياً ، صحيح كلنا نهدي هدايا كفرض اجتماعي ، بس احد فعلاً ما وده يعطيك وتقرين كلافتها على نفسه في عيونه ، ودي اقول والله ودي بنفوس زينه بدون هدية ، خصوصا اذا حسيتيها دخلت نفوسهم ، خلوا علاقتنا وبلاها هالهدية ..
مرة وحدة اهدتني هدية من النوع المذكور اعلاه ^^ وانا قاعدة افتح الهدايا بالدور وترتيبها على الطاولة ، كل شوي تقول وين هديتي ؟! فتحتي هديتي ؟! للحين ما جاء دور هديتي ؟! !!!
اشغلتني مرة :@ يوم جاء دور هديتها ، وافتحها سبحان الله زلقت مني وطاحت شهقت شهقه :0 وقامت من مكانها تركض ورفعتها من الارض مع اني نازلة ارفعها بس سبقتني ههههههه قالت مااا طيححتي الا هددديتي ؟!! عاد انا وقتها رديت وقلت لها : الظاهر ان عينك فيها ؟! مع اني والله ما احب اقول هالكلام واجامل واجد ، بس حدتني ، وهديتها صارت سليمة ، تدرين وين المصيبة ؟! المصيبة انه كل ما بديت انسى ذا السالفة ذكرتني بها ، قالت تذكرين يوم تطيحين هديتي ؟! جتني التكة من هديتها ..
حبيت انك نبهتي على سالفة الرجال اللي ما يعطون الهدايا الاجتماعية اهتمام كثير ناس يقولون : زوجها ما عليه ومنعم عليه ربي بس ما يعرفون كمية المعاناة اللي قبل هدية الضعيفة ..
فيه شي بعد ما اطرقتي له كثير اللي هو الكرت ، اهتم به اكثر من التغليف ، واحب اللي يكتب لي كلام مهوب بس منمق حسب المناسبة او مأخوذ من النت ، حتى اني احبها بخط يد اللي مهديها هههههه احس بمصداقية اكثر ، وغالباً احتفض بالكروت ..
شكراً على مواضيعك الرايقة ، عرفتك من منتديات شامواه ، وزادت معرفتي لك من بديتي في الانستقرام << دمعت عيونك صح هههههههههههه ، تصبحين على خير ..
تدوينه جمييييله
استفدت منها كثيييير.
بس قاهرتني حركت إلي ترجع الهديه وتسبدلها احسها قلة ذووق
ووماأحب اهدئ احد هديه مستخدمه او مهدآه لي من قبل شخص حتى لو الشخص الي شافها اعجبته
لانها هديه والهديه ماتنهدي خخخخخ
بس جدد يمكن اهديه بنفس الشئ الي عجبه بس مااعطيه هديتي
وصراحه ماأحب ذا الأسلوب انك تنعجبي بهديه مولك تحرجي نفسسك وتحرجي الشخص المهداه له
مدري يستانس بالهديه ولا يقول لك
يعطيك العافية على التدوينة الشاملة كالعادة غالبا استصعب موضوع الهدايا خصوصا اذا شخص ما اعرفه مرة ولا اعرف ذوقه تأخذ معايا وقت حتى ألقى الهدية المناسبه بس بنفس الوقت احب اهدي انبسط لمن اشوف السعادة في عيون الشخص الي اهديته .. فعلا في ناس وقحة اذكر مرة وحدة صحبتي جابت لي بوكس وفي أشياء كيوت ومغلفته واحطه بطاقة انبسطت جدا بالهديه وفتحتها وبنت عمي موجودة معي قامت تقلب بالأغراض تقدر تجيب احسن من كذا و مرا ما حبيت ذوقها انا صار وجهي علامة استفهام طيب انا طلبت ذوقك ولا رأيك حتى تحكمين عليها مارديت بالرغم من اسلوبها المستفز بعد فترة جو خواتها الكبار يزورونا وجابوا معاهم هدايا للبيت تخيلي ان الهدايا واحد كرتونة مشقوق والثاني ملصقينه استغربت وين كلامها لمن شافت الهدية حقتي توقعت يكون عندهم ذوق واحترام اقل شي مع ذلك امي دايم تقول حتى لو جابو كذا انتي جيبي الأفضل عشان تحرجينهم بهذا الأسلوب مع ان اشوف لو بينحرجون ولا بيستحون كان من البداية ما جابوا زي كذا هدية ..
يسعدلي قلبك كثري من سوالف الإتيكيت
احسه شي مهم ويزيد البنت أنوثة و لبآقة .
ع طآري هدايا النصيحة بطريقة غير مباشرة ،
أنا حصلت جلابيه وقميص أظن واضح السبب صح ؟ لول
شكراً شكراً دآيم استفيد منك ، أحبك وفخوره فيك والله .
بوسة وحضن كبير *قلووب* .
يعطيك العافيه على مثل هالطرح اتمنى فئه كبيره استفادت منه …
كل الي ذكرتيه ارتوس مو شرط الي يبون يتعلمونه كاتيكيت ودراسه هو بالاخير ذوق اجتماعي تربينا عليه واحنا صغار لما نشوف امهاتنا وجداتنا لما يهدون ويتهادون 🙂 والجمل اللبقه والمحترمه الي تسمو عن ادب عالي واخلاق مايستصغرون فيها بعض … هم بس لو اخذوا جمله “عامل غيرك كما تحب ان يعاملوك به” اتوقع بيلقون الجواب الصحيح بتعاملاتهم.
بذكر موقفين
الاول كنت مع امي بعيد الام بسوق الذهب نختار هديه لعروس .. ربي رزقني بام اكثر انسانه تفهم بذوقي واختياراتنا تقريبا وحده نحب القطع الكلاسيك والناعمه xD وهي ماشاء الله بالستين وانا بالعشرين لكن مامنع هالشي نفهم ذوق بعض 🙂 … وقتها ناويه اخذ لها خاتم من زمان تقول تبيه وماجاءت فرصه انزل معها الا وقتها وبالصدفه بعد، لكن سبقتني كعادتها واستغلت انشغالي اختار للعروس واشترت بنفسها الخاتم 🙁 لما قلت لها ردت “عليك اسواره الفضه” xDD … بنفس الوقت قالت للبائع “ابي اساور ناعمه بناتي يعني” xD وتقولي اختاري للعروس واحترت بين قطعتين وردت خلاص اخذهم كلهم @@ “ايش اكثر وحده عجبتك بينهم” اخترت وقالت “خلاص لك تراها” … وبالمحل احلف عليها ماابغاها يعني والله عيب اروح معك اجيب لك خاتم وتستغفليني وارجع البيت باسواره منك بعيد الام عشان ياكلوني خواتي xDD … لكن بالاخير سوت الي براسها الله يخليها لي ويحفظها ويرحم اموات المسلمين ويجمعنا فيهم بالفردوس الاعلى.
الثاني زميله عزيزه قررت تبدا رياضه وقلت مناسبه كويسه اهديها شي تنتفع منه .. حددت ميزانيه والمحل الرياضي وقتها انبسطت مسوي ديسكاونت وقلت استغل الفرصه واهديتها .. لكن بالمقابل وسبحان الله من جد انتي ماتفتشين وراء احد لكن تطلع لك ماادري كيف، زميله نزلت صوره كابتشر لانستقرامها تسآلها بالقروب من وين اشترت هالاشياء؟! المصيبه بالكومنتز ذاكره انها هي الي اشترتهم 🙂 بالضبط ناس مايستحقون العنوه لكن بالاخير الهديه بمقابل مساعدتها لي ولقيت فرصه اهديها شي مفيد كشكر لاني مااحب اشكر بالكلام خاصه بمواضيع تاخذ اسابيع
في اشياء تضايقتني وبتطرق لها من جانب تصرفات اجتماعيه واخلاقيه اكثر منها اتكيت اوادب عام:
١. الshowy people … اكيد مننا الي يحب يشوف الشخص الي اهداه فرحان بهديته بس وصلت مايبقى برنامج تواصل وللاسف حتى مايتم ذكر اسم المهدي فقط للبهرجه “وصلتني هديه” 🙂
٢. الاهداء بدون مناسبه وبكل وقت ؟!؟ تفقد الهديه قيمتها .. الهدايا مو محصوره بمناسبات معينه فقط زواج او تخرج او عيد كثير مناسبات غيرها ترجع للشخص نفسه مثال الحادثه الي ذكرتها بتبدا رياضه واهديتها اشياء تستفيد منها … عندنا زميلات بالقروب كل اسبوع يتهادون ؟! بدون مناسبه ويتوقعون مني نفس الرد والاسلوب وللاسف انا مو من هالنوع مااحب الشي الي اهديه يفقد قيمته ومايتعدى يكون الا انه قطعه زياده بغرفه شخص.
٣. مو لازم اذا احد اهدانا شغله مايبقى احد مايدري عنها كذا تصير حزازيات .. اهديت زميله شي رمزي جدا بمناسبه مساعدتها لي بكتابه خطاب وشكرتني بالقروب مع انها شكرتني وجه بوجه لكن قصدها تقهر زميلاتها 🙂 .. ماادري وش اقول وقتها جد تنرفزت مااحب مثل هالتصرفات تقلل من قدر الانسان.
اح ياقليبي هههههه اول شي قبل اي شي ترى أمس اللي قلته لأنو حسيت انو تبغي تعوضينا عن التدوينه اللي طارت فشفته كرم كبير منك .. للامانه من ردود أمس احس تفهمت اكثر او عيوني فتحت اكثر للناس وانطباعاتهم عن الهدايا وأشكرك كثثثيير من جد نظرتي تغيرت وانصدمت حبتين من كلام بعض الناس ، بالنسبه لي الهديه اللي من غير مناسبة وتكون مرتبه ونظيفه هي اللي تبسط وتعجب وحلو اني بباله لووووول ترى لما اقول حلو اني بباله مو قصدي متشحتفه على اي هديه مستعمله او مغبره لا ، يعني مثلا بالمتوسط صديقتي جابتلي تشوكليت وبطاطس واللزي منه قالتلي كوليها لما يجي الفيلم الفلاني آليوم الساعة كذا على ام بي سي تو ( حركات مراهقه ) هههههه المهم مرره انبسطت من هالحركه ، اما هدايا الواجب هي اللي الواحد يمكن يتحلطم اذا كانت غير لائقه مع انو انا وعائلتي ، مانعطي الموضوع حجم بقلوبنا، هي وحده قريبتنا اي مسافر يجي من عندهم لعندنا ( احنا بجده جنب مكه ودايما المعتمرين قرايبنا يجوا عندنا )، المهم تجيب لنا معه هدايا ( واحنا كمان نردها ) فكانت دائماً ماتشيل السعر من الهدايا هذا اللي حز بخاطري بس مازعلت لاني عارفه هيه ايش وايش قلبها بس مدري هل هو قلة ثقافه مدري ، بصراحه اللي يعاتب فوق انه جاته هديه ، صراحه وجهه قوي فيه فرق لما تكون الهديه تحمل إساءه وفيه فرق لما يكون اللي إهداك ماتوفق بالذوق اللي يناسبك ،احنا مجتمعنا بسيط مايهتم بالزبرقه ههههه يعني بنفاسات معارفنا وبنفاسات اختي كثير تكون الهديه بأكياس المحل بس ما نعير الموضوع اهتمام لان اغلب مجتمعنا بسيط يشوفوا التغليف من الترف هي ثقافه بس اللي تجيب هديه مغلفه ومدلعه نقول ذي فنانه وتعلق بالمخ انها صاحبة الهدايا المأنتكه كثير مغتربين في المدينه تكون جايه من بيئه قرويه بعضهم تتعلم الفن وبعضهن لين بناتها يكبروا وهم يضبطوا الأمور يعني البيئات وثقافة الشخص تنفرض على هديته فعلى المتلقي إنه يراعي دام الهديه بحب وماتحمل إساءه ونظيفه وجديده بس ذوقها مو شي ولا بكيس المحل ليش ماننبسط فيها يعني هيه هديه مفروض انها تبسطني مو تخليني أشيل بقلبي انا ادري انه يحز بالقلب لو الهديه غير مغلقه بطريقه جميله او الكرتون قديم لانو تحسي ان الشخص مستهتر فيك بس الواحد عليه بالشخص هو وش هل هو من النوع اللي ينتقص او قلبه ابيض بس مهمل ، بالنسبه لي ما احب الهدايا الغاليه من غرب اذا احسني ما اقدر أردها احس بعبء هههههه وشئ طبيعي لما تسالي احد ايش تبغى هديه بيقول اللي ناقصه واللي يتمناه بس مو معناته اذا جاته هديه بسيطه ماهينبسط فيها .. ويعطيك العافيه يا الهي ماتوقعت موضوع الهدايا كذا بيصير ههههههه فتحتي عيوني يسلم إيدينك ، آيه وبالنسبه للبيت قد جاني قبل فتره بالواتز فعارفه الجواب بالرغم انك كتبتيه بالاخير ..
كفيتي ووفيتي ، التدوينه رائعه وتلامس الواقع بنسبه عاليه..
حبيت اعقب على كلامك بإنك انسانه ذاكرتك تجاه الاساءه قويه ، متفهمه لكلامك جدا .. عدم نسيانك مايعني إنك حقوده وذات قلب أسود ولكن إن دل على شيء ، يدل على إنك إنسانه شفافه ، حساسه ، تسعد بإحترام الأخرين لها لإنك بالمقابل تقدمين لهم الأحترام ، والمحترم يرجي من غيره الأحترام كما هو عليه في تعامله مع الناس ،،
رغم كثره سلبيات بعض البشر في مجتمعنا ، وعدم لباقتهم وسوء تصرفهم وصنيعهم ، إلا أن هناك أشخاص يحملون من الآدب والخلق الجم الشيء الكثير كما لو إنك في المدينه الفاضله التي لطالما حلم بها افلاطون..
دمتي سعيده ..
أهلا أرتوس ❤
بالنسبة لي الهدايا نوعين.
النوع الأول، هدايا اجتماعية مجبورة أقدمها، سواء لشخص أحبه أو لشخص أكرهه، أو لشخص عادي عندي لا أحبه ولا أكرهه.
وطبعا هدية الشخص اللي أحبه تفرق فرق السماد عن الأرض عن الشخص اللي أكرهه، الشخص اللي أكرهه أكيد بأشتري له شي زين ومحترم ويواجه، بس مستحيييل أواسيه بشحص أحبه، اللي أحبهم أتععععععععب وأنا أدور هدية لما أحس اني لقيت أحسسسن شي معجبني وأحسن شي يناسب هالشخص، ثم أتعب بالتغليف، والبطاقة أكتب كلام من قلللب، والشخص اللي أحبه أصير متلهفة وسعيدة وأنا أقدم له الهدية، بس الشخص اللي أكرهه أقدم له بدون اهتمام، طبعا أبتسم وأقدمها باحترام ودفئ “مزيف” لكن مافيه مشاعر، والبطاقة أكتب فيها كلام رسمي جدا، يعني ما أتعب نفسي أبدا.
وفيه الأشخاص العاديين اللي ما أحبهم ولا أكرههم، هذولي أدور لهم شي زين، ما أتعب فيه كثير، لكن البطاقة أكتب كلام أفضل من الكلام اللي للأشخاص اللي أكرههم، كلام فيه دفئ، وصدق، وأقدمها بشوووي حماس ، غير عن اللي أكرههم.
النوع الثاني، الهديا العفوية، أو الهدايا اللي بدون مناسبات، وهذي خااااصة بالأشخاص اللي أحبهم بس، قريباتي، صديقاتي وكذا، وهذي الهدية على عكس الهدايا الاجتماعية، مو شرط تكون غالية.
يعني مثلا الترم الماضي، رحت لمكتبة جرير ولقيت بوكمارك (فاصلة كتاب) بصور فوتوغرافية حلوة وجودتها عالية، ولقيت بوكمارك فيها صورة باندا، وصديقتي تعشق شي اسمه باندا، فشريتها لها، كانت مرة رخيصة بعشرة إلى عشرين ريال، ماغلفتها ولا شي.
صديقتي يوم قدمتها لها تشقققت من الوناسة و وعيونها صارت تللللمع ❤
وقالت لي بعدين انها علقتها فوق مكتبها، كل ماقعدت تدرس تصير عند راسها، وتتذكرني دايما ❤
مرات أشتري هدية كتاب بسيط، مثلا أدري صديقتي تحب هالنوع من الكتب أو تحب هالكاتب الفلاني، فأدور أحد نفس أسلوب الكاتب اللي تحبه وأشتري لها، أو مثلا روج أعجبني وأحسه بيناسب لها، أو مثلا من فترة بسيطة أعجبني دفتر من النت مرررة، وقلت هذا بيعجب فلانة “وحدة من صديقاتي يعني” وشريته لها ومرة انبسطت عليه
ومثلا كريم بشرة للوجه حبيته وأبيها تجربه، أو حتى كريم رجلين، كذا هداياي للناس اللي أحبهم، هداياي العفوية أقصد، ممكن تصير غالية أو رخيصة وتافهة وتنذهلين من بساطتها، لكنها بالنسبة لي شي مهم، وياحبيلهم صديقاتي مايخيبون أملي دايما تعجبهم هداياي و وهم مايعرفون يمثلون خخخ فأقدر أقول لو ما أعجبهم شي.
يعني الهدايا العفوية، أحيانا تصير غالية أحيانا رخيصة، وأحيانا أغلفها أحيانا لا.
من ضمن الهدايا العفوية، هدايا السفر لصديقاتي، وقريباتي اللي أحبهم، ما أشتري للجميع طبعا، رايقة لهم، بس أشتري لأحبابي، صديقاتي وكم قريبة.
يووه يا أرتوس جد ماتستحي هالبنت اللي ماأعجبتها هديتك وكانت تقارن نفسها بصديقتك، بالله وش قلتي لها يوم انفجرت بعد أسبوعين؟
لقافة خخخ بس قولي رديتي عليها وسكتيها ولا لا، أنا وهو أنا مالي دخل احتريت وانقهرت منها.
تدوينة جميلة كالعادة.
ياختي كثري من ثرثرتك مرة أحبها ❤ـــ❤
حسافة مارديت على تدوينتك الماضية الا بعد مانزلتي تدوينة جديدة 🙁
الله الله جيتي ع الجرح .. كنت حاطه خلفيه لجوالي ابيات الشافعي ..وإن كثرت عيوبك بالبرايا .. وسرك ان يكون لها غطاء //تستر بالسخاء فكل عيب .. يغطيه كما قيل السخاء ..
وهالشي فعلاً انا ماشيه عليه لكن انا مليون مره اهدي واحس اني انبسسسط في فتره من حياتي بعدت عن اللي حولي ولما راحت الازمه رجعت وكنت اي مبلغ اجمعه اهدي اي احد له معزه ف قلبي .. حتى زوجي يقول اعرف كل فلوسك تروح هدايا مع انها اشياء بسييطه لكن لها اثر .. مثلاً ابوي عنده مزرعه ودائماً فيها وكل فتره والثانيه منجرح فرحت اشتريت شنطه صغنونه ورحت الصيدليه تقضيت كل شي ممكن احطه بالشنطه مطهرات مسكن لزق ووو ورتبتها بشكل انيق واهديتها ابوي الله يسعده من فرحته بغيت ابكي وحاطها بدرج السياره .. حلو الابتكار فالهدايا .. واحلاها للوالدين .. كلامك جمييل وترى في نقطه انه البعض يزعل وكذا لو قلتله قدرك ارفع ، انا احس انه يختلفون ناس لو تكفخه وتعطيه هديه ينبسسط ويفرح .. عاد الاهل والاخوان والاخوات هداياهم احس تكون من القلب .. عندي صديقه كل مازورها اجيب هديه لو صواني حلى وهالشي من امي تعلمته الله يسعدها .. جد موضوع مهم ويغير علاقات واخلاق الهديه لها مفعول السحر في نفوس الناس .. عاد ودي اصير اختك ارتوس والله احبببك واحب اختك حتى اخوانك احسهم اخواني هههههه ترى موب طمع بالهدايا لكن ياحظهم فيك .. مشكووره ع الموضوع الجميييل ❤️❤️❤️❤️
درر درر يابنت الاراتيس ….
كلك لباقه وذوق واتيكت ودي اقولك كثري من هالمواضيع بس تبين الصدق من كل شي كثري مدري حسيت اني اطلب من حلواني هههههه ماننحرم من هالحلو والله…
مطلع القصيده توقعتها مدح وذم في آن واحد لكن طلع مدح وجدا اجدتي التعبير والتقريب والتشبيه اعطيتيه حقه اعجبني جدا خاصة اني احب الادبيات واحاول افهم لها مع انه مو اختصاصي …
اختلاف ارآء المتابعات من بوست لبوست اتوقع انهم ينخمون لمن يشوفون الصورة وترا الاغلب يحكي واقعه هم في البدايه قالو اللي يتمنو وفي النهايه اهم شيء ينذكرو اختصرتها لك هههههه … هذا حال اغلب بناتنا مهزوزات وغير محسسات ان لهم مكانه بين اهاليهم واكثر مايفرحهم الهدايا وانتي جيتي ع الوتر الحساس المفروض نكون اكثر امه تهدي بعضها رسولنا وصانا تهادو تحابو …الهديه تعزز مكانة الشخص اسريا واجتماعيا تحسسه انه محبوب ومرغوب ويستحق استعجب من اليعض معطيها الخامس …
هدايا المصالح ياكثرها والله يكفينا شرها وانا شخصيا مااحبها اخاف تدخل في الرشوة والعلوم الشينه ..
هدايا الحب الحمد لله الحب مسهل لي يمووت في الساعات ويحب يكشخ كل يوم بساعه واحيانا اضيف معها كبك وقلم وعلى قولتك العطر اتذكره وانا بالسوق اذا رجعت فرحته فيه بس الحمد لله يحب ذوقي بالعطور خاصة انه دايم يخلص عطوري زوجي مايحب العطورات الرجاليه يحب النسائيه يقول من الغبي اللي قسم نسا ورجال <<<<<حسيتها تواليت هههههه كنت استغرب بعدين صرت مثله جد اغلب الرجاليه قويه ومزعجه واكيد مانختلف فيه عطورات رجاليه جيده<<<<مو كني طلعت برا الموضوع ….
نرجع..
هدايا الجماعيه ماقد صارت لي بس دايم تصير لزوجي مررة حضر زواج اخو خويه وكانو اللي بالعمل معاه كلهم مجتمعين فقالو القطه من 100 ريال وهم اربعين رجال يقول زوجي فتحت عيوني قلت نمد ميه قالو اربعة الاف ولاخو خوينا كفايه قال بس من اربعين رجال ياعالم ماهي قطة فطور حتى الفطور اغلى هههههه …
المواقف اللي صارت لك صراحه تصدم منهي عديمة الذوق ذي اللي تروح تبدل شيء اختارته ارتوس بنفسها بصراحه قليلة ذوق بقووة ولا الثانيه ماابي اعلق عليها بس عليهم حركاات الحمد لله الذي عافانا …
ايش الجمااال دده يسلم بوئك وتسلم اناملك علي هالكتابه والكلام الجميل درررررر دررررر كل اللي كتبتيه __انا احب اهدي احب افرح اي شخص حتئ لو مردها لي ياكثرر الاشخاص اللي اهديتهم ولا ردوها لي بس ارجع واهديهم من الاتكيت والادب وحب اني اشوفهم مبسوطين
سبحان الله من زمااان مو داخله شمواه واليوم دخلت ادور تمارين اليوقا هههه وشفت موضوعك بالبنر ولما قريته عجبني ورديت وكل ذا ع بالي انه له شهر نازل تو ادري انه من امس يالله فرحاااااانه ههههه ، شسمه انا عندي مشكله زوجي الوحيد مااعرف وش اهديه:( جد عمري ماهديته مره جبت عطر وهو قال لاتتعبين نفسك عندي ومره جبتله كبكات وعجبته بس ودي اشوف يشهق والا يفرح قلتله ماراح اجيب لك الا هديه تدوخ عندها ومن وقتها ماعاد اهديته هههههه ، ينطبق عليه اللي مزاجه عام كل شي عادي عنده ، اللي عنده ماله داعي اجيبه واللي مو عنده مايلزمه .. ساعدوني وش اهديه ، اصلن مايحب شي < طردوني ماعرف انهي الكومنت 🙁
صباح الجمال والحكي اللي يبرد القلب
اول تعليق لي وان شاء الله م يكون الأخير
فعلا فيه هدايا رغم بساطتها الا انه كل م أشوفها ابتسم وادعي لاصحابها
وفيه هدايا متكلف فيها الا أني ما استسيغها من كثر مِنّة أصحابها ودي انهم م أهدوني “والله انهلكت وانا اجهزها”، “اختي لما شاورتها بهديتك قالت مره غاليه والهديه مو بقيمتها” فعلا كرهت الهديه رغم انها جميله
اما نوعية اللي يهدي وينتظر الهديه ترجع له يبط تسببدي بططط والا لما يلمح بالحكي تراني اهديتك لازم ترد لي الهديه؟ ااخ بس..
مره اذكر صار لي موقف مع انسانه كانت عزيزه علي، أهديتها عطر وهي تدري انه من احب العطورات لقلبي وكانت دائماً تقول انها ودها تجربه ف مره وانا رايحه اشتري لي تذكرتها وقررت أني اهديه اياها ولا كان فيه مناسبه، صح انها شكرتني بس ليتها اكتفت بالشكر، عقبت كلامها ب معليها ريحته مب شينه شكلي بخليه للحمام
يالله كان أشين موقف مر علي، وابجح رد انقال لي ، نقول اختلاف اذواق وما عجبها بس لازم الانسان ينتقي ردوده
ف احيان الهدايا تكشف لك معادن ناس وبجاحة ناس منتي مضطره تتحملين بجاحتهم ع حساب نفسك، وأحيان تعرفك ع ناس تقولين وينهم عني من زمان
تدوينه تشكرين عليها، غطيتي كل جوانب الهديه استمتعت وانا اقرأها يعطيك الف عافيه
موضوع مره مهم حتى بغيت أسوي منشن لناس خخخخ
بالبدايه كنت أتكلف بالهديه لكل الناس بس بعد زواجي ولما جو الناس يهدوني اكتشفتهم على حقيقتهم مع ان ماعندهم قاصر بس ماتكلفو أبد بالهديه فاتخذت قاعده اللي يتعنى لي اتعنا له
اذكر مره بعد نفاسي بولدي جتني وحده تزورني وجايبه هديه عباره عن ملابس للبيبي وكانت طريقه تقديمها مره خايسه حاطتها بكيس عادي بدون تغليف ولا شي كيسه محل جوالات
ماعجبتني الحركه لو جايبه حلى وقهوه اصرف حسيت كأنها تتصدق علي
تصدقي لما قريت هالتدوينة اكتشفت انه استمتع بهروجك اكثر من متعتي بالريفيوهات الخاصة بالمنتجات ،، الريفيو لك أسلوبك و بصمتك الخاصة فيه ،، بس في عالمنا العربي نفتقد و بشدة لاشياء تتعدى حدود المنتجات ،، عندنا نقص في اللباقة و في المشاعر و في طريقة التعامل مع الاخر ،، و لحد الان إنتي الوحيدة اللي اقرأ لها و أستلذ بكلماتها العفوية ،، اما مسالة الهدايا فليش نكذب على بعض مين ما يتمنى انه ينهدى الزين و الغالي ؟! يعني بالله اقدر أقارن فرحتي بقطعة مجوهرات بفرحتي بوردة !! علما باني اعششششق الورد بس الصدق يتقال ،، لكن في نفس الوقت أنا ممكن افرح بحبة شوكليت من شخص احبه اكثر من فرحتي باغلاها هدية جايتني من شخص نيته سيئة او بس حابب يتفشخر ،، يعني الشغلة فيها كذا عامل يحدد مكانة الهدية ،، أفتكر ع فرحي جاتني هدايا كثير و من كل شي تتخيليه بس الهدية الأحب و اللي لسى افتكرها كانت بوكيه ورد !!!!! بس اللي أرسلته مكانتها عندي غير و مو عايشة في نفس المدينة و ظروفها الاسرية صعبة و اعرف كويس انه لو بيدها تهديني الكون ما تقصر ،، ما اقدر أنكر انه كان فيه هدايا أغلى لكن اعرف انه المجهود اللي بذلته هالبنت عشان توصل لي ورد يفوق الجميع ,, و اللي يقول ما فيه هدية وقحة يمكن نيته طيبة زيادة ،، يعني أنا ما اتخيل اروح لناس مستواهم المادي سيّء في مناسبة مثل فرح و اهديهم بالشيء الفلاني مو لأنهم ما يستأهلوا بس لانه ثقافتنا تفرض انه الهدية يردوها بنفس المستوى او أحسن ،، أنا كذا أسبب لهم حرج و احيانا عبء مالي غير اللي أصلا يتكلف عشان يوريك ان الله منعم عليه ،، و في نفس الوقت مو معناته ح اهدي شيء سيّء او دون المستوى لانه في النهاية الهدية تعبر عن اللي مهديها لكن سددوا و قاربوا ،، الشيء الوحيد اللي أتمنى ينتشر عندنا موضوع فتح الهدايا قدام أصحابها ،، احس الشيء الوحيد اللي يرجع للمهدي هو نظرة الفرح في عيون اللي اهدى له ،، أحب شعور السعادة اللي يحسسك برغبة في انه تعطي اكثر و انه ذوقك مقدر
أكثر رد قريب للي ابي اقوله شكرا قلتي اللي ب خاطري 3>
بالنسبه للموضوع وانا اقرأ براسي اشياء كثيرة بس الحين طارت xd
صايره مااعرف اعبر أو بالأصح مالي مزاج مع اني ايام المنتديات كنت أكتب معلقات لول
شكرا من القلب توسه 3>
وااي حبيبتي يا طيب قلبك والله حسيتك بتقطري طيبه
السلام عليكم ورحمة الله وبركاته
اول شي شكرا ارتوسه على الكلام الحلو والمفيد
اعترف اني كثير اشياء اغفل عنها والاقيك منبهه عليها وافرح من جد واقول بقلبي يا حبيل ذي البنت
انا انسانه اعشق الهدايا وخصوصا الفاشن والتكنلوجيا مثل اي بنت. وبعد الزواج صرت احب هدايا من اهلي لاولادي بعد
السلام عليكم ورحمة الله وبركاته
اول شي شكرا ارتوسه على الكلام الحلو والمفيد
اعترف اني كثير اشياء اغفل عنها والاقيك منبهه عليها وافرح من جد واقول بقلبي يا حبيل ذي البنت
انا انسانه اعشق الهدايا وخصوصا الفاشن والتكنلوجيا مثل اي بنت. وبعد الزواج صرت احب هدايا من اهلي لاولادي بعد
الله يخليك لنا
بجد كل يوم احبك اكثر
الله يوفقك ويسعدك
زوجي هداياه حلوه بس للاسف طريقه التقديم تقهر يمكن انا خياليه شوي مدري بس يعطيني اياه بكل برود
بس ارحمه احسه يستحي ومايعرف
كيف اوعيه لهذي النقطه
تدوينه تقطر نقاء ورقي وجمال يا ارتوس
فعلاً الهديه لها وقع خاص بالنفس
وفرحة المُهدي تفوق اضعاف فرحة المُهدى له
لاني وقتها بكون اعطي من قلبي مو واجب او مجرد مجامله
حابة فكرة ان كل مازاد حبي الى شخص معين اهديه هديه اثمن تعبر عن مدى غلاوته بقلبي
وهذا مو معناه ان الاشخاص اللي مالهم ذاك الحب والعمق بقلبي لو بجي اهديهم اهديهم هدايا اي كلام او اهديهم اخس شي بالدنيا او اعطي شي مااتقبل اشتريه لنفسي !
لازم فيه اهتمام بالهديه وباختيارها وتقديمها بس كقيمة يختلف الموضوع
مو بخل بس كل شخص له مكانته الصحيحه اللي يستحقها و الهدايا لا ارادياً تثبت مكانة كل شخص حتى حنا انفسنا كمُهدين اول مانفكر نهدي احد معين احس ضروري بيتبادر الى اذهانا مدى بساطة الهديه او تكلفها
مثلاً وحده لها حب ومكانه خاصه بقلبك و فكرتي تهدينها ووقع الاختيار على ساعة رولكس او اخر ايفون نازل كمثال
وبنفس الوقت فكرتي تهدين احد ثاني علاقتك فيه سطحيه او ماله ذاك الغلا بالقلب ., عني ماراح افكر بالرولكس ولا الايفون كهديه له
ممكن اهديها ساعة امممم من سوارفسكي او دكني مثلاً او اكسسوار من نفس البراند هذا
ولو كان عندي جهازين واحد منهم ايفون والثاني سامسونج وخيروني اهديهم لشخصين احد احبه و اميل له والثاني لامجرد علاقه سطحيه او ماله ذيك المكانه رح اهدي الايفون للشخص اللي حبه اكل قلبي ههههههه والشخص الثاني رح اقدم له السامسونج حتى وان كانوا الجهازين بنفس القيمه او حتى وان كان السامسونج اغلى
لاني شخصياً افضل الايفون
تعرفين
قبل كم يوم دخلت محل عطور وجلست اقش
اخذت شغلات كثيره
ولما جيت للكاشير حاسبني واحد ذوق
قال استأذن منك شوي !
قلت له خذ راحتك
جا وجايب معاه كيس اعطاني اياه وبعدين اخذ الفلوس وحاسبني
انا عرفت انها هدايا عينات واشياء خربوطيه بس لما رجعت البيت وفتحت الكيس حبيييت الاشياء اللي حطها
كان حاط مراية من لانكوم ستيل وشنطة صغيره ومناكير شانيل
وقال نورتينا
تصدقين ؟
وربي فرحت وطرت بالهدايا اكثر من الاشياء اللي قشيتها رغم ان فيه من ضمن المشتريات مناكير وعندي بالبيت مرايات وشنط مكياج
اولاً حتى وان طلعت بمبلغ وقدره من اي مكان ماهم ملزومين بالهدايا
وان اهدوني مو شرط يكونون سخيين معي بهالشكل !
حبيت انهم قدروني ولما حبوا يهدوني اهدوني بكرم و عارفه ان الرجال ما اعطاني من حر ماله
وادري ان هذي الهدايا تجيبها البراندات للزباين
بس الذوق باختيار الهديه وبتقديمها هذا يعتمد على الشخص نفسه وتفكيره
كان بامكانه يعطيني اشياء خربوطيه منتهيه صلاحيتها
بس هو ماسوى كذا .. .. ( كأنها خقت؟ ) XD
هالمحل انا اتعامل معاهم ومن زمان ما اخذ العطورات والمكياج الا منهم
وبعض المرات اطلع بدون هديه وما احب اطالب بهالشي على فكره
وتقوم الموظفه تحاسبني وتعطيني كم عينه لكريم مغبرين والكتابه متقشره من العينه
وواضح انها قديمه ., اتقزز استخدمها وعلى طول ارميها بالزباله تكرمين
دايم ارد و اقول لو ما حطتهم بالكيس احسن .. كأنها مغصوبه !
و مو بس كذا حتى كلمة شرفتينا ماافيه
بس نرجع ونقول الايتكيت في التعامل والعطاء يعتمد ع الشخص نفسه
في ناس تفتقره بقوه حتى وان كانوا مقتدرين
وحتى وان كان الاهداء مو من حر مالهم زي ماصار في المحل وشتان بين تعامل وعطاء الشخصين اللي ذكرتهم
محتاجين توعيه اكثر واكثر بخصوص ثقافة الهدايا وثقافة التعامل بنفس الوقت
تبقين يا ارتوس معلمه وسبّاقه بالرقي
جد جد حبيت موضوع التدوينه
السلام عليكم،
ماكنت ابغى أرد لأن احس الردود ماشاءالله كثيرة، بس قلت عيب اقرأ وما أرد. جدًا جميلة فكرة الموضوع لأن الناس محتاجة توعية بموضوع الهدايا، ولو أنه common sense, بس فيه ناس احس زي الشاعر هذا أهلهم ماعلموهم وماتربوا ع اللباقية وباعذرهم، بس مثل ماقلتي بيصير نوع من الصدمة او اني حطيت نقطة سودا بملفهم وانا مثلك ما تتفرمت عندي الملفات ع طول استرجع. شكرًا آرتوس، مدونتك هذي هدية،
كل الحب ♥.
صباح الكسل الاجازه اللي راحت لعبت في حسبتنا 🙁
لكن نشطني الموضوع شوي بالنسبه لعقليات البشر انا خلاص مدري ايش اسوي والله مالهم حل احياناً ما تبغين تنزلين نفسك لمستواهم واذا سكتي زودوها 😐
احب اهدي وصح ماهي هدايا هدايا حاجات بسيطه من فتره لفتره ..
واهديتك وانتي ما تدرين بعد !
اعتمرت في الاجازه والله ما نسيتك من الدعاء انتي وامك هديه بس من نوع ثاني ❤️❤️❤️❤️
توي أدري منزلته بدري الموضوع و أنا آستنى و نمت مآعليه ، أستمتعت صرآحه الموضوع صرآحه جا بوقته ، مرت علي فتره صرت أهدي صحباتي بس كآنو يردون لي ياها بهديه صرآحه مدري وش أقول لو إنهم مهدين لي ورد أزين وحده أهدتني سلسله تيفاني تقليد طبعا ماتنلبسسس و أكره ماعندي اللي يهدون تقليد مو شرط الأصلي بس تقليد لأ طبعا جاملتها و حطيتها بالإنستا طبعا ماكتبت شي بس حطيت قطوي معها هههههههه ، يوم ميلادي سوولي مفاجأه طبعا ولا هديه عجبتني صرآحه إلا ثنتين مع إن وحده منهم مو غاليه و حتى التغليف بسيييط بس كلامها كان يجنن كتبتلي كلام بكاني صرآحه ، وحده أهدتني ساعه من أبو شنب ذي اللي هبو بها طبعا عطتني كذآ بعلبتها بدون كيس حسيتني مو مهمه صرآحه ، صح مانستنى الهديه بس إذا كان شخص غاااالي تعرفين قصدي ههههه و ماجبلك بيوم ميلادك تزعلييين و أنا زعلت مآعلينا أنا أشوف البساطه مهي عيببب بالعكس ، مره أهديت بنات خالتي و كانو ٣ و تكلفت صرآحه و خالتي زعلت ليه تعدينهم و أنا لأ طبعا أهل أمي صرآحه مهم حقين هدايا و أكره أهديهم أفضل أعطيهم فلوس لإنهم يذمون مره أمي أهدتهم عطور و كان من ضمن العطور عطر مس ديور طبعا ريحته خيال جت خالتي ماعجبها أنا قلت لأمي تستاهلين كم مره أقلك دهن عود و يخب أنقهرت والله حتى خلت أمي ولا شي راحو ف يومها عند حريم و جت وحده تكلمت عنه قالت خالتي يوووه ماعجبني و أمي جمبها تقول حزت بخاطري في ناس ماتستاهل صرآحه ، قبل فتره أمي أشترت لعماتي هديه طبعا كانت ناويه تعزمهم لإنهم جايين زياره و تعطيهم بنفس الوقت طبعا مامداهم و كانو مسافرين بكرا أمي توهقت فقالت بعطيها لبنت عمتك جتني آخر الليل تودعني يوم عطتها قالت و أنا وين هديتي ؟؟ طبعا كان كلامها وقححح أنا تنرفزت قلت ماتستاهلين أمي رقعتلي قالت أبشري المره الجآيه و جالسه تطالع بالهدايا سألت أمي وشهي بوقاحه قالت أمي عطور قالت كووويس بآخذ واحد تخيلي المهم مع إن عماتي لو تشوفين هداياهم تقولين حرآم تردينها بهدايا زي كذا هداياهم عطور من أبو ١٠ و التغليف إذا ماخاب ظني إنه ب٥ ريال صرآحه دايم بالزباله ،، عفكره الشعر باين إنه مدح من أمس قلت مدح وآضح ف أنا ماصرت أهدي إي أحد إلا اللي يستاهل و أحبه لأن البعض صرآحه يتشرطونن يبون شي وآو و هما هداياهم ودك ترمينها بأقرب زباله لووول أحبش
موضووع جميييل نفس جمال روحك ;).
عجبني كلامك ارتوس في الصميم صراحه ،،وفعلا احنا للأسف مجتمع فيه اللقافه لانه مو من حق اي شخص يعلق عالهدايا اللي تجينا اويقيمها
وانا بصراحه اعاني لما اجي اقدم هديه لأي شخص لاني احسها تعبر عني وعن شخصيتي
واحس الكل دايما ينتظر الهدايا اللي اقدمها لاني مااهدي اي شي واحب اهدي اشياء تكون في المقام الاول ذوووق وذات قيمه ماتكون رخيصه
وفي الاخير احبك ارتوس واحب شخصيتك واحرص دايما على متابعتك رغم ضيق وقتي ….
تسلمين استفدت جدا جدا جدا من هالنوع من الاتيكيت بالذات لأن هالفترة تقدرين تقولين بديت اصير شابة وموضوع الهدايا كثر عندي . تصدقين عاد فيه اشياء كنت اسويها بعفوووية طلعت من الاتيكيت لووول زي لما افتح الهدية واني اشكرها بيوم الهدية وما اشكرها كل يوم واحرجها واهتم انه مايكون فيه شي معفط او محيوس .. تعلمت اشياء كثيرة .عاد تصدقين انا من النوع اللي اذا رحت اي بيت حتا لو اقاربي احب اخذ معي شي لو كرتون كرسبي كريم المهم ماروح فاضية وابوي احيانا يعطيني وجه واحينا لا .هم يحسون انه عادي نروح كذا فاضين .. وجهات نظر.. بس جد احس لازم الواحد يخصص ميزانية لو حصل شي فجأة يكون تقدرين تشترين هدية وانتي مرتاحة . شكرا ارتوس واضيعك دايم مميزة وع الجرح
موضوع جميل كجمالك توسا ..
حبيت نصايحك فيه و بإذن الله بأخذها بالاعتبار دايماً .. ربي يسعدك ..
بالنسبة لي لما أحب أهدي أحد ما .. أفضل أعرف وش نفسه فيه عشان أجيبه له .. حتى لو كان رخيص ..
في مرة من المرات كنت أسولف مع صديقتي .. كانت تسولف عن عشقها للجوارب و أشكالها الحديثة .. بعد كم شهر سافرت و لقيت محل جميل ياباني فيه أنواع مختلفة من الجوارب الجميلة و في نفس الوقت رخيصة بحيث ما كلفني الواحد ولا 10 ريال و حطيتها بعلبة مرتبة .. بس فرحتها فيها كانت كبيرة ..
و بالنسبة للهدايا اللي جتني كانت هدية من صديقتي قبل كم شهر بمناسبة تخرجي .. كانت عبارة عن عقد ثمين و كرتون كتكات .. طبعا فرحتي بالكتكات لا تضاهى لأني دايما أوصيها تشتريه لي من الكافيتريا و وقت الهدية راعت الشيء اللي أنا أفضله ..
و أخيرا موقف تمنيت أدعس أخوي بسبته .. كان قبل أسبوع .. لأني بعد تخرجي انقبلت في نفس الكلية اللي هو يدرس فيها .. فكنت فرحانة و كنت أتمشى في سوق نايف في دبي مع أمي .. و مريت على محل شنط على الظهر .. لفتتني شنطة ظهر سوداء و جيوبها كثيرة و هو يحب هذا النوع ..
رحت شريت ثنتين لي و له و ما كلفتني إلا تقريبا 110ريالات .. لما جيت للبيت أوريه الشنطة مد بوزه و قالي أنا ما أحب الأشياء الرخيصة .. أنا إما تكون شنطتي ماركة زي أديداس و نايك و إلا ما أفشل نفسي ..
طبعا مديت بوزي و زعلت وما فيه أحد في البيت ما وريته الشنطة و يقول لي حلوة و مرتبة و أهم شيء تكررف معك .. بس قاتل الله الدلال خذتها مني أمي و قالت أبعطيها أحد يفرح فيها أكثر من أخوك البطران .. مع العلم إنه التسلب عمره 21 بس ما هنا ذووق ..
هذه أهم و أبرز المواقف اللي صارت لي مع الهدايا و لو بنبش أكثر بيطلع لي أكثر ..
دمت بحب ..
استمتعت وانا اقرأها .. بوسه كبيره وقلوب لك ❤️ ، ماشاءالله البنات ردودهم كافيه قالوا كل شي مابي اطول بتعليق .. بس كثري من سوالف الإتيكيت ، و آحبتس
حبيت حبيت ، يستحق الانتظار و تشبهي نفسك
يا زينك :*
توس طوى على بالي موضوع متمنية تتطرقي له .. أتيكيت و بروتوكول الشوفة و العلاقة وقت الخطوبة و ليلة الدخلة
انا احتار شسوي بشعري.. بمكياجي امسحه و الااخليه، أنام فيه وإلا من الإرهاق أقوم امسحه ، طيب شألبس، معقولة قميص نوم من اول ليلة 🙁
البس هيلا او مابينفع خصوصا القصيرة.. الخ من ذي الأمور
جائعين على موسم عرائس و هالتدوينة بتفيدنا “تقردنك”
حمامة بيضا تبوسك ي نقية
حبيت الموضوع جدًا و بالذات بالفترة الاخيرة صاروا الناس عندهم وعي أكبر بالهدايا و الاهداء عمومًا
بصراحه استغربت نقطه ان فيه هدايا وقحه ! يعني ما قد مريت فيها و غالبًا ما ارهق نفسي بالتفكير بنية الاشخاص و ليش اهدوني و و و
غير اتيكيت الهدايا يا ليت يكون فيه تركيز اكبر على اللي مُهدى الهدية ، هذي اللي جد المس فيها الوقاحه و قلة الادب !!
يعني يا كثر ما اسمع فيه ناس ما ادري شلون ما يستحون يهدونك كذا .. قللللة ادب و قممة الوقاحه يعني حتى لو ما اعجبتك اسكتي و خلاص لازم تروحين تنقدين و تعيبين يا قليلة الخاتمه !!
و تسعدني كل الهدايا مهما كانت قيمتها بس اكيد سعادتي تتفاوت من هديه لهديه ، يعني اذا فيه شي من اهتماماتي و ميولي اكيد بانبسط فيه اكثر من الهدايا التقليدية
و مؤخرًا الشفافيه صارت اكبر بكثير من اول ، يعني الصديقات اول يعتمدون ع التلميح و الدق
لكن اللحين صار فيه وضوح و صراحه يعني تقولك انها تفضل الكاش اكثر و هي تتصرف فيه ، او تسمي لك اللي تبغاه
و تعجبني الهدايا اللي بدون مناسبه ، غالبا تكون من الصاحبات ، يعني سافرت و ذكرتك بشي و لو رممزي .. جدددا انبسط
و صح اكثر شي يحيرني و يخليني افكر عشرات المرات هي هدايا الرجال ، لان غالبا ما اهدي اي رجال انما ابوي و اخواني يعني ناس جدا قريبين مني و ما ابي اهديهم اي هديه تقليديه ، مع ذلك تلقين نفسك مضطرة ترجعين لها لانهم مو واضحين من هالناحيه
و اكثر الهدايا اللي انبسط فيها لما تكون مفاجأه ، ارسلها لي للبيت ، ادخل احصلها بالغرفه كذا ، مو يمدها لي استحي و انلخم مدري ايش اقول لو كانت مفاجأه يعني
اما لو مناسبه ف بتكونين متوقعه هالشي
وراي شغغغغل البيت بس ماقدرت اطلع من كلامك وماخلص التدوينه وما ارد
تصدقي اول مرة عرفتك وحده صورت الشاشه حقت الهديه وارسلتها واتس ويوم قريت كلامك قلت هذي المفروض محد يهديها شكلها ماتقدر الهدايا؟؟
في هديه ينقال عنها وقحه !!!!
بس دخلت حسابك وقريت التعليقات وقريت مدونتك واتضحت لي الصورة
الصراحه احسني من اللي يدعون المثاليه خخخخخخ مع اني لست كذلك
اتفاجات ان الاغلب قيمو الهدية من سعرها
اللي قالو من محلات يابلاش.. والا اللي قالت ساعه شينه من ابو خمسميه
والا اللي ……. الصراحه تفاجات وكتبت ردي الفلسفي
ليس ادعاء مثاليه ولكن عما يعبر عني
مجتمع عن مجتمع يختلف
مثلا صاحبه الساعه ممكن ماتشتري الا من ساعات الالوف المؤلفه
وعني لو احد يهديني ساعه بخمسميه بتصير عيوني كذا
هيلا= هيلز
جائعين=جايين
سوري 🙁
انا انسانه حيل اهتم بالهدايا اذا في احد اهديه
و اهتم بأدق أدق تفاصيلها , بالمقابل بعمري ما انتظرت من أحد رد الهديه ..
في هدايا جد اسعدتني و في هدايا خلت ع راسي استفهامات ؟!
زميله اهدتني سلسال تيفاني تقليد وملبوس منهري , و الكيس تبعه متقطعه وحالتها حاله ..
يعني ما فرحت فيها اكيد و ما فهمت هي ليش اهدتني شي جذي ؟
كان بإمكانها ما تهدي والله مو إجباري لأن هديتها ما ينفع حتى تجاملني فيها ,
أو تجيب شي بسسسيط ونظيف مرتب !
عموما الهدايا تعبر عن ذوق الشخص و جد في ناس لازم نفهم انهم ما ينهدون مو كل شخص ينهدى !
شكراً أرتوسه لجمال طرحج ومواضيعج اللي غالبا ماتخليني أسترسل بقرائتها بدون توقف3> 3>
كفيتي ووفيتي ❤️
صباآح الخير =)
تسلمين ي تووسه ع التدوينه ,
آنتظرتك ذيك الليله و جاآني النوم و نعست ونمت وإنتي ماآكتبتيها =|
واليوم فاآضيه وو الحمدلله تاآبعتها , لأني أحب آقرأ تدويناآتك برواقه =)
التدوينه رووعه وآنتظرت هالموضوع من زماآن ,
قبل زممممن آهديت هديه ملخبطه و اللحين لماآ أفكر فيهاآ ودي آرجع أعتذر من اللي أعطيتها الهديه =(
لماآ آقرأ التعليقات يقولون وقحه آو آو آو أحزن آحس هالكلمه جاآتني من قبل ههههههه
بس الحمدلله اللحين آهتم بالهديه وترتيبهاآ , آحب أرتبها كاآني بهديها لنفسي =)
.
.
آنا أحب الهديه لو آحد أهداني آخذ لي ساآعااات وآنا مبسوطه من هالهديه
و آفضل وأحسن هديه جاآتني من أخوي جاآب لي ألوان و صحن خلط الألوان و فرش رسم
يوووووووووه طرت من الفرحه , لأن الهديه جاآت فجاآءه و آشياء آنا للرسم شي آنا أحبه
الهديه ف كيس عاآدي , بس هذاآ مامنعني إني آفرح بالهديه =) .. ربي يخليه ويحفظه :قلب:
.
.
شُكراً توسه مره ثاآنيه ,
الله يجزاآك خير ويرفع قدرك ويجمعك باآحبابك ف الفردوس الآعلى :قلب:
كتبت رد قبل هذا ويبدو انه طار:(
تدوينة جميلة جدا كعادتك
والله اننا بحاجة لهالثرثرة الحلوة
مرات أنقهر من بعض التصرفات وما أحب أتكلم لكن لما أشوف بالنت ناس كثير يستاءون مما أستاء منه ويلاقون نفس التصرفات أطمئن اني مو موسوسة 🙂
فيه حاجة تلفت نظري بمجتمعي أحيانا مثل عدم التفريق بين الهدية والصدقة، لا تستغربون لكن فيه ناس بخلاء يستكثرون الهدية على الغني، يعني لما تكون وحدة من قريباتهم غنية وتسكن بيت مثلا مايهدونها ولما تسكن أختها المحتاجة شوي بيت يسارعون لإهدائها من باب الرحمة ويصرحون بهذا بينهم بعيدا عنها! طيب كذا أنتم كسرتوا قلب الأختين، الغنية تحتاج الهدية كرمز محبة وتجاهلتوها، والأقل ماديا لاحظت انكم استقصدتوها بالهدايا وهذا فيه حط غير مباشر من قدرها وقدر زوجها! طيب اهدوا الجميع أو اتركوا الجميع عيب كذا
ومرة أصدقاء زوجي تصرفوا بنفس الطريقة، أهدوا واحد من الشلة بمناسبة بيته هدية معتبرة، وسكن صديقهم الثاني بنفس الفترة وما أهدوه باعتباره غني!! جد عالم غريبة!
الحاجة الثانية الشخص اللي يهدي من باب الرياء وليس المحبة أو الذوق على الأقل، وهذا أعرفه من كلامه، كثير يذكر هداياه للناس ويعقبها بكلمة مثل: “أنا أحب أفرح الناس” أو ” أنا اللي بيدي مهو لي(كناية عن شدة الكرم)” أو “أنا راتبي مايجلس معي من كثر ما أحب العطاء” عيب!! أعط وأنت ساكت، مرات ما أستطعم الهدية من هالأشخاص لأني عارفة انه بيندم على تضييع ماله، غير انه يلمح دائما ان الهدية المفروض تعلن على الملأ دائما وأبدا، يعني واضح انه يدور من وراها مدح وسمعة
الأمر الثالث والأخير، قطيات زميلات العمل والدراسة، مرات يكثرون من اقتراحات الهدايا عشان فلانة ولدت وفلانة رجعت من إجازة وفلانة مدري ايش وتكثر القطيات وتكون أحيانا مكلفة، أنا عن نفسي لا أمانع لكن مستحيل أقترحها لسبب واحد: اني أخشى ان بعض أفراد المجموعة مزنوق ماديا وأتسبب بإحراجه خصوصا أن النبي صلى الله عليه وسلم يقول “لايحل مال امرئ مسلم إلا بطيب نفس منه” وفي الأثر “ما أُخذ بسيف الحياء فهو حرام”، أما لو اقترحها غيري فماعندي مانع أبدا وأول من يدفع أنا عشان ما أحرج اللي يجمع القطية خخخخ
الهدية رقي وذوق وإحساس ونية صادقة قبل أن تكون أي شيء آخر، وكما قال صلى الله عليه وسلم “تهادوا تحابوا” لكن هالثلاث سلبيات هي اللي حبيت ألفت النظر لها وماقلتها إلا لأني لمست فائدة تبادل الخبرات الاجتماعية عن طريق الأسماء المستعارة لأننا نقدر نعبر دون خجل، شكرا أرتوس.
يعطيك الف عافيه ارتوس موضوع شاااامل و فتحتي عيوني ع اشياء كانت علامة استفهام بالنسبه لي…
جميييل موضوعك حبيته الصراحه
طبعاً مافيه احد مايفرح بالهديه
انا احب اني اهدي اكثر من ان احد يهدين
السلام عليكم
اختي ارتوس بقلك موقف ابي رايك فيه لاهنتي
انا من الناس اللي تقدري تقولي ابالغ في التقدير وحفظ الجميل!! ماعرف هل يصح قول ذلك عن نفسي !
اختي من امي اكبر مني بسنين كثيرة وعيالها قريبين من سني تقدري تقولي انا يدها اليمين او السوبر مان تبعها
دائما تحت الخدمة والطلب وعادة يكون فوق طاقتي واحتمالي لاني اعزها + اتعاطف معاها ولانها فالنهاية اختي واحاول اذكر نفسي فكل مرة بكل شي جميل قد سوتلي هو عشان اضغط ع حالي واسوي اللي تبغاه من اهتمام ب عيالها بشكل كامل من مرافقتهم تحت طلبها ف اي وقت حتى لو كنت نايمة والى اخره من اخذها من اغراضي وانا ما ابي والخ يعني بالاصح تربيت على انكار الذات
تمام
المهم الزبدة كبرت وبدات افهم واحط حدود لللمسموح بالنسبالي والممنوع لانو استهلكت اوقاتي وطاقتي وكل شي وتعلم اقول لا تقريبا ولا اسمحلها تتحكم بحياتي واوقات فراغي..
وبدات الموضوع بطريقة تدريجية برفض طلبات هنا وهناك !هنا هي اتصدمت وصار مو عاجبها
وبيوم جات سيرة العيدية وكذا فعلقت يومها من باب التقدير انو هي وزوجها اكثر ناس ملتزمين باعطائنا العيدية ودايم يفرحونا طبعا رايت تعابير على وجهها فهمت انو حتسحب دا الموضوع وفعلا من يومها مايدونا عيدية !! ماهمني اذا اعطتنا او لا لانو القيمة فعلا رمزية ومجرد تفريح لا اكثر
ولكن حسيت بقلة ذوقها صراحة وانو كيف قارنت كل شي فعلتو عشانها بعيدية لا تتجاوز الخمسين ريال !وانو وحدة ب وحدة ,الصراحة ندمانة فعلا على كل اللي قدمته لها المفترض اذا كان دا الشي لله فقط كنت محا اندم ولكن كنت اسوي من حب ومن (تمسكنها) ووعظ امي انو لازم نكون سند لبعض والخ .
ادري بينقال عيب هذا الكلام انتم خوات ولكن الاصح انا كنت اخت لها اكثر منها رغم انها الاكبر .
انا اعرف نوعية اختك واشوف تصرفك سليم
كل شي بالحياة له حدود
لان الشخص له استطاعه مايقدر يجامل دوووم
والله حبيت الموضوع ،، يعطييج العافية حبيبتي ،، نحن في مجتمعي تنقصنا ثقافة الهدايا ،، وأغلبهم يبخلون بالعطاء والاهداء ويستخسرون على بعض للأسف ،، انتي تهدين وتعبين نفسج وتشترين وتكونين مستانسة وقت الإهداء بس حتى كلمة شكر ماتحصلينها ،، ماشي ردة فعل أبدااا ،، ولا يفتكرون فيج ،، انا وايد أشوف هالأشكال لدرجة خلاص قررت إني أهدي اللي لهم معزة في قلبي فقط ،، أما الباقيين اللي صار لي مواقف معهم خلاص ،، انتهى زمن الدلع والمجاملات بالنسبة لي ،، وبديت أطبق قانون العين بالعين والسن بالسن ،، حسيت انه جذه أريح لي والله وأوفر بعد ههههههه ،، وصلنا 2015 وفيه ناس تشحذ هداياهم وتنتظرها وتعق عليج نغزات بهالخصوص ،، عييب والله عيب ،، استغلال مصالح بخل وقاحة طمع شو أختصر هذا كله ،، اففف
وفيه نقطه نسيت أكتبها بعد ،، الهدية تفضح صاحبها من خلال طريقة تقديمها أو تغليفها أو حتى قيمتها المادية ،، يعني تعطيج صورة موضحة عن مشاعر صاحبها ،، والله أنا من أشوف الهدايا أقدر أحلل شخصية الشخص المهدي ،، فيه هدايا تعبر عن حب واهتمام وهذي أجملها وأروعها بعض النظر عن قيمتها المادية ،، وفيه هدايا تعبر عن كره وعدم اكتراث وكأن الشخص مجبور ومغصوب يهدي ،، وفيه هدايا تعبر عن حسن نية بس التقديم كان عشوائي ،، وغيره الكثير المثير !
ارتوس كلامج وانتي لنا احلى هديه والله من كل قلبي❤️
من امس الى اليوم وانا اقرا موضوعج عدته كم مره انسانه رقي ذووق
تبارك الله الله لايضرج ويتمم ربي عليج هالنعم ويدوومها يارب
ع فكره انا ماعندي والله انستقرام ومحد يصدق حتى هلي ان ماعندي
وودي لو عندي عشان اشاركج انا اتابعج فيه من عمي الشيخ قوقل
لان حسابج مفتوح ههههه لاتقفلينه بليززز ههههه
الهدايا
في ناس لهم بصمه عندي بذوقهم ورقيهم واخلاقهم لماعطوني
الهديه قبل جمال الهديه نفسها
اول ماحملت ببنتي الجوهره ع اخر شهر اعجبتني ملابس بنوتات
من كذا محل وهي للعلم تصلح من سنه واقل بشوي فماشريتهم
بنفاسي جتني الملابس اللي شفتها وكانت بخاطري مافرحني الملابس بس
تغليف. اعطتني مبلغ يمكن اقول ماستاهل ماعمري حتى بالغت بوصلها
صارت لها مناسبه ويفترض اني اروح لها وماقدرت وعدت الايام وماعاد لهاطعم
ولدت الى بنتي الثالثه وهي تهديني وانا قصرت بحقها غصب عني الى هاليوم هالانسانه احسه اخجلتني بذووقها برقيها اللي مثلج ومثلها قلييييل
طبعا هالانسانه مابنساها قريبا راح اهديها هديه لشخصها
العبره في ناس الهدايا عندهم رد وسلف وناس قممه بالذووق
الله لايحرمنا من عطائج وهو اروع هديه ولا من الناس الذوق❤️
يسعد اوقاتك يابسه ،
اول شي اجابتي ع الابيات مدح طبعاً واضحه يمكن طبيعتي الصحراويه تفاهمت معه لوووول
اتكيت الهدايا تدرين عاد ودي لو بدال مايعلمونا بالاقتصاد اشياء مخيسه وخرابيط ماحبها لو كان هالحصه يعلمونا فيها الاتيكيت كان صرنا مجتمع لبق
يالله قد ايش اكره حصص الاقتصاد من كثر ماهي ممله ، معروف عني ان اللي بيدي للي جنبي احب اعطي بدون سبب يمكن لو اقولك في مناسبات مايكون معترف فيها عندنا بس انا اجيب فيها هدايا تقولين مهبوله بس والله كذا احب مايهمني شنو الهديه اللي تجيني اهم شي التغليف يكون متعه عشان كذا يمكن فيني شي سيء يعني اذا الهديه مو لزواج او تخرج وهذا خاص باللي قريب مني بس ما اهتم وش تكون مره كنت ماره محل اكواب احبه وتذكرت تخرج بناتنا مجموعه من الثانويه ف خذت لهم كلهم اكواب يعني ٥ بنات ماكان فيني افكر وخصوصاً هالعمر ماعرف شنو يحبون خواتي يقولون مره خايسه حركتك هههههههههه بس عن نفسي شفت انها كيوت وكانت ع قد اللي معي اهم شي التغليف كان حلو ويونس ، وبموقف بعد كان فيه واحد خدمني بموقف كنت جايه احضر زواج بالرياض ونسيت فساني ف توهقت ومن كم مكالمه طلع فلان حيجي الرياض اليوم وهيك فطلبت منه يجيب فستاني معه وماقصر رحت شريت له عطر من باريس غاليري لان يغلفون وتغليفهم مرتب مع اني وقتها متردده وخايفه انفهم غلط ووو بس شفت انه عيب ما اقول شكراً بطريقتي وخصوصاً اني قطعياً مابينا تواصل ولا اعرفه ف حتى السواق يقولي لما اعطيته الكيس جلس يطالع فيني وقال هذا اعطيه من ؟ ههههههههههه ، بربرتي كثير ك العاده بس المقابل هل هالناس يهدوني ؟ بحياتي كلها يمكن ٥ مرات جتني هدايا فقط وماعمري انتظرت من احد ولا قلت فلانه اهديتها هنا وهنا وهنا وهي ماهدتني لا عادي بس مره وحده فكت اسواره من يدها لما بشرتها بشي ولبستني اياها يالله شقد انبسطت الحركة عفويه بس مره حبيتها واحرجتني وبس والله ياحلى هدية انرنتيه انتي
كتبت بدليات ع قول الكوتيين بس اتوقع فهمتي فستاني # انترنتيه #
انا مو مرة بهدايا الواجب كزواج وغيره لان بعرف عائلتنا السنقل ماتهدي بالمناسبات يكفي والدتها عنها الله يعوض أمي بس أنا اهدي العزيزين علي وأحرص عليهم وبشكل خاص صديقاتي أحب أهديهم ذهب بمناسباتهم الخاصه كزواج وولادة رغم انه ميزانيتي مكافأة الجامعه بس من حبي لهم اعطيهم مره بوحده من اجازات الصيف كان زواج صديقتي وتعتبر من الاهل وزواج بنت عمي انا اهديت صديقتي وبنت عمي امي اهدتها الله لا يوريك صارت سالفه وزعل للأسف هم يشوفونها واجب ولزم آهديها أنا ما أهتم فيها كثير و المفروض تراعي ان انا طالبه حيلتي الف ريال ماراح اضيعها في مجامله انسانه لئيمه وهي تعرف نفسها أُف تذكرت الاجازه ذيك كانت نكد
الخلاصه أهدي من أحب وأغلي اذا ميزانيتي على القد واذا مبحبه أهدي مجامله اجتماعيه وبصراحه أهدي الناس على مقامهم عشان ماتصير تتوقع مني سوارة كارتيير بكل مناسبه وهي حتى عقد ذهب عيار ١٨ ايطالي مو قادره عليه فلسفتي غلط ممكن بس أنا مرتاحه عليها طبعاً مع الاهل والجماعه لأن هذا اللي يمشي معهم
و فيه اجمل من كلامك و شرحك الوافي ، الحمد لله حسيت نفسي اتيكيت
مرة صارت لصاحبتي مناسبة و كان بخاطرها شيء و منهارة تبيه و مو موجود باسواقنا ، فاول ما جاء وقت المناسبة اشتريته لها بدون تفكير و ما تتخيلين فرحتها كيف
و فعلا من ناحية اذا اخذت براند يكفي الكيسة و البوكس ، اهديت صديقتي الثانية سلسال من تيفاني و اكتفيت بربطتهم للشريطة ع البوكس و الكيس و طلع مثل ذوقها بالضبط
العجيب بالناس اللي يطلب الهدية !!
وحدة موظفة من سنتين و لسى تقول باقي ما اهديتيني و ترا انتظرها و كل فترة تقول لي شيء تبيه و بخاطرها ، عاد انا مزاجية للاسف كذا تنسد نفسي و لا اهديها مو بخل لكن ما احب هالنظام حلاة الشيء يجي من طيب خاطر ❤
طبعاً ما انسى هدية بنت عمتي و بدون مناسبة لما شافت خاطري بحلق و بشتريه سبقتني و جابته لي
ارتوس ممكن تعليقك ع هالبنت دايما تقول انو الهدية تعنيها كيف ما كانت ، و مرة تحكي عن هدية و صلتها قالت جابت لي خرابيط ما تتقدم ، سبق و اهديتها هدية عليها القيمة
ماني عارفة هل هي تهمها الهدية و كلامها مجرد شيء تقوله او تهمها الهدية لو بسيطة !!
انا من متابعاتك بالانستقرام واول مره ادخل البلوق من جد راقيه بطريقة تفكيرك
وطرحك للموضوع جد جميل ، انا ما احب القراءه كثير مع ذلك قريت كل الموضوع ، بكل بساطه انتي كاتبة مميزه
صباح الخير ارتوس❤️
سبحان الله كان نفسي اكتب موضوع عن الهدايا بس ماقصرتي كفيتي ووفيتي..
انا انسانه افرح باي شي بسيط لو شوكلت بس لكل مقام مقال،يعني تنوعت الهدايا اللي وصلتني في حياتي(لاب توبات،جوالات،اكواب،دباديب،عطور،شموع،مصحف❤️سجاده صلاه،كيك،ورد،أطقم ذهب والماسات،تيشيرت،شروال
فعلا اوفقك في كلامك ارتوس
طيب كيف تتصرفون مع الناس اللي دايم تهديهم بكل مره هديه حلوه وفخمه وتغليف حلو
وهما يهدوك هدايا اي كلام وماهي مغلفه وحتي السعر مايشلونه ومن تخفيضات؟ ههههههه
في شغلة م حكيتي عنها ولكن نفسي اعرف رايك فيهاا
كيف بتتعاملي بموقف لو انتي اهديتي شخص
هديه متعوب عليهاا و بعد فترة اهداك شيء جداً مهمل و رخيص
مع انه يقدر يجيب شيء اغلا بس واضح انو اهداك لرفع العتب فقط بدون اي اهتمام مرد شلفقة ..’
كيف بتتعاملي مع هالشخص فيما بعد !
هل بتهدينه شيء مشابه ل هديه او بتكوني طيبه بزيادة وترجعي تتكلفي عشانه من جديد !!
السلام عليكم
انا ابدا مش ضد تفهيم وايضاح لبعض الناس بعض المفاهيم او شوية اتكيت وغيرو وغيراتو
لكن مرات بتنصدمي فعلا تشرحي وتفهمي مين ولا مين
وعشان انا شخصيا مش سلبية بعد أي حلسة حوار مع أي شخص دائما بدعي ربي انها تفيد XD
ولذلك والله ادعي من كل قلبي انو الرقة والعضاء الي بتعطي بمدوناتك يفيد الناس
انتي من اكثر المدونات الي بيهتموا بالتفاصيل احيكي الصراحة
بحب اهتمامك بادق التفاصيل وايضاح بعض المفاهيم حتى لو صغيرة للجميع
الله يوفقك دنيا واخرة ^^
صار موقف مره لوحدة من قريباتي كانت عروسه و اهدتها وحده برضو من قرايبنا ( شورتات ) بالنظر الواحد يشوفها يعرف انها لطفلة بعمر ٨ سنوات ماهي لوحده تجاوزت ال ٢٣ سنه !! الهدية كانت مره عيب حتى كانت حاطتها بكيس بلاستك مكتوب عليه اهلاً و سهلاً
كيف اقدر اطلع كلامي كامل ! 🙁
حكيمة ي ارتوس جد حكيمة ..
كلامك يدل علی وعي وثقة اعتبر مدونتك هذه
تغذية فكرية وتوعية ب اشياء كثير حنا
غافلين عنها .. دمتي ❤
حبيت التدوينية
بالنسبة لهدايا الواجب زي لما تولد وحدة ويجيبوا لولدها
المشاية ذيك حقت سنتر بوينت وتلاقي عندها يمكن ١٠ مشايات هدية مستهلكة وتأدية واجب فقط
بس لما تفكر كويس بشي محتاجة ومحد بيجيبه له
شخصيا بهدي اللي جايبه بيبي هدية حق طفل بعد السنه
يقدر يستخدمها لان بتكون مفيدة ومحد راح يهديها لما يكبر ولدها 🙂
انا تجيني هدايا كثير أشياء احتاجة من اهلي ومن صديقتي المقربة احيانا بس ما تكون مغلفة الا في العيد ههه
وكذلك انا لما أهدي احد قريب مني من اسرتي او صديقتي المقربة شي بسيط ما أغلفة بس بصراحة احس نفس الهدية لو جتني مغلفة بحسها أفضل وأجمل وأفرح فيها اكثر
أنتي من الأشخاص الي ماودي يخلص حكيك.. ماشاء الله أحيانا أحس أني أقرا كتاب حتى ب تعبيرك راقيه جدا وأسلوبك ياخذ عقلي !
والفترة الأخيرة فيه شي جدا يقهر بعطيها هدية عشان تهديني ف هالمناسبة والعكس !
يعني أعرف وحده رايحه لوحدة تقرب لها مره وماكلفت نفسها تجيب هدية مع انها تقدر بس عذرها أنا معدني جايبه أطفال ليش أكلف ع نفسي واجيب لها !!
على طاري الهدايا أذكر القصة اللي أهدت وحدة هدية بمناسبة جالها مولودها و بعد سنوات الهدية رجعت لها لما ولدت الهدية قاعدة تدور من مولود لمولود هههههههههههههه أعترف ان ثقافة الهدايا ببيتا متوسطة يعني من وقت لوقت نادر نهدي بعض اشياء ثمينة يعني لكن ممكن لاننا لسى ما كوننا دخلنا الخاص ربما و أذكر موقف لسى ببالي مع انه تافهه لكن قد ايش عورني و اثر فيني ايام الثانوي انا الان متخرجة من الجامعة المهم ايام الثانوي اهديت صديقتي هدية بمناسبة اني سافرت دبي كانت اول مرة اسافر برا المملكة و اذكر قد ايش تعبت و انا اختارها و التغليف و الله و انا اكتب استرجعت فرفرتي بالمحل المهم غلفتها و تورطت بالكيس ما لقيت كيس عندهم لاني غلفتها بنفس المحل اللي اشتريت الهدية منه و ما عندهم اكياس و رجعت السعودية و خلاص باداوم اليوم الثاني و ما عندي و لا كيس مناسب اضطريت اروح لمكتبة قرطاسية جنب بيتنا مشي بعيدة نوعا ما و اشتريت كيس بسيط و اهديتها بعدها بكم يوم و احنا طالعين عالبيت و اشوف بيدها كيس الهدية و داخله اغراض و كتب و مشقوق مع الجنب ما تتخيلين قد ايش ضاق صدري يعني مهما كان مو قدامي و بيتكم كله ما فيه الا هالكيس ما علقت طبعا بس لما قريت موضوعك على طول جا ببالي هالموقف
الهدايا شيء جميل …
و انا من الناس اللي احب اقدم هديه
و تكون هالهديه حلوه و اتعب فيهااا
لكن بعض الناس يستخسرون فيك الهديه …
فلم تكون لك المناسبه ما يهدونك
ولما تكون لهم يبون هديه .. معصي
فمثلا لما تخرجت ما هدتني عادي
لكن لما هي تخرجت ما اهديت لها
انا احب اعطي الشخص بالمثل !!!
لكن عموما اقدر الهدايا و احب المفاجئه فيها
يعني لو الهديه بسيطه لكنها جتني مفاجئه استانس عليها
حتى لو باكيت ورد و يدق محل يقول لك هديه تعالي خوذيها
ههههههههههههههههههههههههههههه لكن ما عمرها صارت -_____-
و الهديه بالنسبه لي تخسر قيمتها اذا قلت ابي انا هديه !!!
ربي يعطيك العافيه …ما قصرتي
و فعلا انا ما احب اهدي احد نفس الهديه الا اذا ما يعني لي
او عشان علاقة اجتماعية …
الله يسسعدك قد ماتسعدينا عنجد استانس يوم اقرأ مدونتك انتي ذوقك ..
بدعتي بالطرح .. صراحه اقرأ بدون ملل واحس اني مستمتعه ولا ابي يخلص نحبكك ♡
الموووضوووع جى ف وقته
استمتعت
ان شاء الله احصل فرص امر ع كل التدوينات
طبعا وطبعا وستمية طبعا نحب الغالي … لكن الهدية الي تتوافق وميولي ومااحب ومااحتاج تجلس في ذاكرتي ماتنمحي .. ايام خطبتي جب لي زوجي ساعة ثمينة تحففففة بجد ومعاها سنارات تريكو وصوف ماكلف عشرين ريال يمكن اثرت فيني هاللفتة لانه يدري أحبهارغم ان الحماس والعيون الي صارت قلوب كلها عند الساعه ههههه .. أيام جهازي صاحباتي اختاروا تكون هداياهم اشياء احتاجها وناقصتني بالجهاز ،، بجد بعضها تفرح وتفك أزمة…
يا جمال تدويناتج يا آرتوس
سبحان الله قريتها فاليوم اللي رايحة اشتري فيه هدية لصديقتي بمناسبة زواجها
عاد انا دايم تواجهني مشكلة في اختيار الهدايا
يوه فيه ناس كثير وقحين في اهداء الهدايا
طيب ارتوس بقولك فيه شي نسيتي تتكلمين عنه او يمكن هو انتي ماتشوفينه من الأدب
او الاتكيت طبعا مهمها حاولت في انا اشوفك بيرفكت يعني انا اتعلَّم منك
حلمي بقولك مثال انتي ارتوس أهديتي بنت من أهلك قبل زواجها يوم العرس يعني
طقم ذهب اوك ومرت السنوات وتزوجتي وفلانه اللي من جماعتك
لا حضرت عرسك ولا حتى أهدتك
سوالي هو هل من الاتيكيت والمفروض انه اذا احد اهداك انه لازم ترجعين الهديه
مو نفس الهديه بس لازم هديه
وش ممكن نقول عن هالشخص
والله الموضوع رافع ضغطي يأكل ويشرب معاي
موضوع جمييل وبالنسبه لي جديد
نورتيني في بعض النقاط جزاك الله خير
من المواقف اللي تقهر بموضوع الهدايا
الهدايا اللي جبتها للزوجي للاسف كلها تضيع لي ماادري والقهر اخر هديه خاتم محفور فيه حرفي وحرفه مامر نص يوم الاهو ضايع..والمشكله مااتوب ومازلت اهدي له (وجه معصب)
صباح الفل والورد
يازين هالصباح وانا الف بمدونتك
وحبيت هالموضوع يمكن لان ميولي للهدايا وتغليفها اواحب اقرا بالنت واشوف اشكال الهدايا
التدوينةبالمجمل حلوةوتمس الواقع بحذافيرها
عني فمحيطي ولله الحمد للان ما اشوف فيه تكلف اقلها من جهتي يعني شي عادي لو ادخل بيت احد جديد او ازور والد او مريض وحامله معي صحن معمول اوحلا او بوكيه ورد لان لو لو لو اضطرو يردوها لي مابتكون مكلفه لهم
بالنسبه للعائله اذا جا مولود جديد تكون الهدية من الولد عن بيتنا كله مع بوكيه ورد
ومحيطي منتشر انو مو مشكلة لو ماقدر يرد المهدي للهادي بمناسبة مشابهه هدية لان بنضرنا الزيارة او الاتصال او الرساله تكفي ونعذر الشخص يمكن في ضروف مانعته ونشكرة
جيت للهدايا الي اهديها ههههههههه
معروفة بين صديقاتي وعائلتي احب اهدي الاشيا الغريبه هههههه او ادور شي مبتكر ههه
لما حسيت انهم تقبلو فكرة هداياي المجنونه وانهم يستنوها من فترة لفترة عيد ميلاد ولادة للكلوز من صديقاتي او اهلي عيد الام اجلس اعصر مخي لاطلع فكرة جديده ولله الحمد متقبلينها ومايزعلون منها لان اعرف بتجيهم هدايا المتعارف عليها عطر ساعة وووو فانا ادور الشي الجديد
فعيد الام مثلا اشوف خدمات بصالون ويكون الخدمة فيه خفيفة وسريعة ونظيفة ومرتبةواسويها بكج واهديها
مثلا صديقتي تحب شبس معين بعيد ميلادها جبت مجموعة منه وحطيته بعلبة هدايا ومعاه ورد
او الثانية تحب القهوة والمشروبات الساخنة صممت لها كاركتير يعبر عن جنونها بهالشي وطبعته على كوب وشريت انواع كثيرمن القهوة والشاي وسكر وغلاية ودلة وكذا شغله تخص القهوة والشاي وبعلبة هدايا
انبسطت فيها كثير وجددت ركن القهوه الي بمطبخها
اودمية تناسب اجواء الي اهديها لها
بالمقابل حتى الي يهديني يعرف ان اي شي بسيط يسعدني وحلو انه ذكرني حتى لو كان اكسسوار تقليد
والحمد لله ماقدكان هالشي يرمز لمنقصةودائما ابين له ان شكرا للفته الحلوة
ممكن استنقص الهدية واحس مش بمهانه انما ليه من الاساس تهديني عرفتي شلون اقصد يعني الهدية كاساس وفكرة مش الهدية عينا كون الشخص لا يعاملني باحترام اوتقدير او يستنقصني ويتقصى ان يوجه لي كلام مش حلو بعدين يجيب لي هديةحتى وان كان من اقاربي واهلي
هنا ما احب الهديةمنه لان توصلني رساله ترا انا اهديك واحمدي ربك
بالنسبة للي يجلس يعيب الهدايا وانتغليفها مش حلو وتقليد وريحتها مش طيبة
اقول لية الاستنقاص دا خذوها بلطف واشكررو الي اهداكم اياها وكونو احسن منه
سوري طولت عليك ^_^
يسعد صباحك/مساءك
تسلم يدينك على الطرح الجميل .
الهدايا قد مانحبها ولها تاثير كبير بالنفس نهتم بتفاصيلها وطرحك كفى ووفى زي مايقولو ياليت لو كثير يقرونه ويتطبق شي بسيط منه لان فعلا الهدايا لها تاثيرها القوي سواء ايجابي او سلبي .
وانا شخصيا مااهتم بقيمه الهديه ابدا لان احس ذوقيا مو حلو انتظر الغالي فقط احتراما لان الشخص تعنى واهتم وفكر ايش يجيب وراح بنيه يشتري لي هديه شي جميل. ( خاصة هديه من غير مناسبه لو كانت بسيطه جدا بتكون كبير تاثيرها بالقلب جداا )
لكن فعلا يحز بخاطرك احيانا تكلفين نفسك بهديه شخص وماتقبلين تمدين له هديه اقل من المتوسط مو لذاته بس لانها تمثلك كمان ،ولما تجي لك مناسبه تجيك هديه من الشخص تصدمك تحسسك بقل الاهتمام وان الهديه تادية واجب مو اكثر ! والمصيبه تكون اقل من مستواه بكثير .مثلا بمناسبه لك تجيك قزازه عطر اصغر حجم حتى بدون تغليف !! ( موش من باب اهديتك انتظر تردها لكن احترمتك و اهتميت واجب عليك رد الاحترام فقط حتى ان كان بالحضور فقط )
* شكرا لك ارتوس نصايحك وبذل جهودك حتى تفيدين الناس هدايا بوزنها ذهب جزاك الله الف خير وان شاءالله دايما نشوفك ب افضل حال ( اعذريني ع الاطاله بس تحمست مع الموضوع ).
استمتعتتت جداً بالقراءه وعندي هرجه كثير وانتقادات لكن غلبني نوم ههههه
بكره اطلع اللي بقلبي ان شاءالله
السلام عليكم و رحمة الله و بركاتة
باختصار
انا حابه اعطي وحده باقة ورد لانها كانت مريضة
كسر تحديدا في رقبتها و لحمد لله تعافت .
فكرة في الورد لما له وقع جميل على قلبي و شوكليت
وش رايك
و ايش افضل طريقة لتقديم
لان ولا طريقة شفتها اعجبتني
فكرت اهديها شيء مع الورد و الشوكليت
لكن انا علاقتي فيها ما تعدت كذا 4 شهور
ولا شفتها الا قليل و اغلب تواصلنا بالبرامج التواصل الاجتماعي
( تصير صديقة صديقتي ) 🙂
المهم
ايش رايك ؟ كيف اقدم الورد و افضل شوكليت و كيف اقدمه ؟
سالتك لاني اثق في ذوقك
و مشكلتي مافي شي يعجبني :,(
مرحبا .. حقيقي البوست راقي مثل صاحبته …..
لنا مواقف كثيرة مع الهدايا …. من فترة وحدة جابت لي هدية زي الدبدوب ولما فتحت الكيس لقيت فيه شعرتين .. المهم اني قفلت الكيس ومعد فتحته .. وما حبيت الحركة حتى لو كانت عفوية منها ..
موقف اخر ندمت عليه .. جاتني هدية وما ناسبتني مرة .. فرجعت اهديتها لشخص ثاني وندمت لاني حسيت الحركة بايخة مرة وكان المفروض اقبلها واحتفظ فيها مهما كانت ..
حركة اني اذا باهدي وحدة لازم اهدي الباقين كلهم .. كمان ما احبها .. ممكن اخذها على جنب واعطيتها بس ما اساويها بغيرها عشان ما تفقد احساسها بتميزها عندي
اخيرا .. الهدية اللي من القلب بتوصل للقلب
صباحو سوس.. ياكثر حبك بقلبي من كثر ماحبك كل العااايله تعرفك مني اناا ! ومن كثر ماسولف ارتوس قالت وارتوس تقول هذا شين واقولهمم كتاباتك .
مدري ويني عن الموضوع من زماان حسيت بغصه وانااقرااه تذكرت مووقف صارلي .. بنت صديقه امي اهدتني وليتها ماهدتني صراحه عذبتني بهديتهاا! هي اهدتني بحكم الي صاار بينا لان جت فتره قبل زواجي وتعرفنا ع بعض وضحك وسوالف وجعات ، وقبل كم يوم من زواجي جابت الهديه عجبتني صراحه فرحت فيهاا بس تخيلي امها قالت لامي والله ان بنتي تعذبت عشان تهديها صاحت عند ابووها لين وداها سووق !! تخيلي شككلي لمن قالت لي امي هالكلاممم راحت فرحتي بالهديه وتمنيتهاا ماجتنيي امها انسانه ماديه واذ اهدت شخص تنتظررر منها يرجعها باقرب مناسبه … عاد امي تعرفها وتعرف طبعها قالت لي اذ تخرجت جيبي هديه لبنتهاا .. المشكله والي يبيكي اني معاد قد واجهتتتا عقب ذيك الايام والئ يومك ذا اذ جابت طاريها امي اقول متئ اقابلها واهديهاا سبببت لي غصه !
ليت كل الناس تقرأ موضوعك
المهم أنا انسانة احب الورد -زي اي بنت- لكن أفضل انه يكون مرافق للهدية الأصلية
لي سنتين متزوجه وزوجي مايهزيني الا وردة حمرا جوري مغلفة التغليف القديم وتحت ملفوفة بشريطة حمرا
فلما يقدمها لي مالي الا ابتسم واشكره
قلت مالك الا تعلمينه بطريقة غير مباشرة بس انه يقدر يفهمها
صرت لما تصير مناسبة لوحده او باهدي اي احد اخذه معي واستشيره واكون من قبل لما احنا في البيت اوريه كيف نفسي اعمل البوكيه وحاجات زي كذا <>
سويت ذي الحركة حدود ٤ مرات قلت خلاص أكيد ثبتت
حملت وولدت وايش اهداني !! ٤ وردات ملونه في ورق التغليف القديم وملفوف بشريطة وردية كبيييييرة ( وأنا جايبة ولد ) والورد مرشوش لمع مع انه يعرف اني اكره الورد اللي يرشوه
المهم اني ليلتها م نمت من الصياح وخفت يجيني اكتئاب ما بعد الولادة.
بس في النهاية عوضني بس المشكلة أنا اللي اخترت او بالأصح اشترطت الهدية
..
ما اطالب احد يحكم علي أو عليه بس قصة وتسلوا عليها
تصدقين ارتوس انا قريت هاذي التدوينة من قبل لكن رجعت قريتها الحين لان صارلي موقف مو حلو من أسبوع وحبيت اذكره انا عندي صديقتين احبهم اكثر من باقي صديقاتي واحب اهديهم من دون مناسبات وبمناسبات وعلى حسب ظروفي بس في طبع في اهلي اكرهه وما احبه ابد وياليت يتفهمون موقفي لا يعني اهلي عندهم انك اذا اهديت احد هدية لازم يردها لك ولازم واذا ما اهداك خلاص لاتهديه مرة ثانية انا ما احب كذا احب اهديهم حتى اذا ما اهدوني مثل عيد ميلاد صديقتي الأسبوع الجاي وانا ظروفي ماتسمح اني اهدي في أي وقت المهم اهديتها قبل عيد ميلادها باسبوعين وقلت منها بعد ان تكون هديتي مميزة وتصير فرحتها اكثر المهم اهديتها إياها وحطتها عالانستغرام وشكرتني من قلب انا فرحت لفرحتها قالت امي بس عاد هي صارت ماتهديك لاتهدينها وفي نفس الوقت لما حطت صديقتي الهدية تخيلي قلة الادب صديقتي الثانية قامت تعاتب اني انا بيتنا جنب بيت فلانة ليه ماهديتيني طيب وش هالقلة الذوق انا ما احب هالنوع من الهدايا اللي تكون مفروضة علي احب اهدي باختياري وبقناعتي وبنت خالتي نفس الشي هي تدرس وماعندها مصروف وما تطلع السوق كثير وانا احب اهديها كل ماصارت لي فرصة هذاك اليوم امي تعاتب هاذي انتي تهدينها وهي ولا مرة اهدتك وامها ماتقول نهدي فلانة لانها تهديك طيب أمها وش دخلها البينت اذا بتهديني من فلوسها و من فلوس أمها هاذي النقطة قاهرتني كثير ومو عاررفة كيف اتصرف معاهم
أدري اني متأخره بالرد بس حبيت الموضوع وحبيت أقول لكم على موقف صار لي.
يوم ميلادي كان شهر معين في 2014 وصديقتي المقربه والاولى في حياتي لا حس ولا خبر وانا فكرت عادي ماقدرت تهديني شي ومش مشكله معي ابدا. بعد شهر الا اختي تسالني صاحبتك أعطتج الهدايا ولا؟! انا انصدمت انها راحت واشترت وكمان سالت اختي واختارت هدايا ولشهر انا ماشفت شي. طبعا فكرت ان هيا طلبت شي ويمكن ما وصل. تخيلو شهر واثنين وثلاثه ماااااافي شي وطبعا طنشت ونسيت.بعدها ب 5 أشهر صاحبتي تكلمني تقولي يا فلانه خلينا نطلع نتعشا لان انا اشتريت لك اعراض من فترة وأختها اصغر منها قالت لها عيب عليكي اعطي البنت الهدايا (اختها اللي تقول لها اما صاحبتي الروح بالروح مادري شو صار عليها اشوفها اقل الشي مره بالاسبوع ما قدرت تجيب لي الهدايا).
انا طبعا الموقف صدمني وهيا تفكيرها ان نطلع نتعشا في مكان راقي واعطيها الهدايا. انا من الصدمه قلت لها خلاص نتقابل لما انا وانتي نكون فاضين ومن يومها سويت لها اكبر طاف. يوم ميلادها صادف الشهر اللي بعده من التطنيش وبالصراحه ماكنت ناويه اسوي لها شي بس بعدين رحت وارسلت لها كيكه على شغلها وبليل طلعنا نتعشى في مطعم راقي وقبل لا اروح المطعم مريت محل معروف خذت لها محفظه ورحنا وتعشينا واهديتها وخلص اليوم على خير والحمدلله.
بعد يوم ميلادها شكلها استحت من اللي صار وقالت لي مري علي عشان اعطيج اغراض وانا عرفت انهم هدايا ميلادي, بالصراحه والله العظيم تمنيت انها ما اعطتني شي ولا ان الهدايا اتكون معاها بالبيت أكثر من 6 اشهر من 2014 ل 2015 ودايما اشوفها ولا هان عليها أتسرع الشي وكمان الناس عارفين ان الهدايا بالبيت. انا عشان ما اكبر الموقف رحت في نفس اليوم لما طلبتني (انا اللي رحت مش هيا اللي جاتني) رحت وخذت الهدايا.
رجعت البيت وفتحت البوكس الا اشوف يمكن فوق الثمن هدايا ( نطاره وجزمه ومكياج ومحفظه وكذا شي وكله ماركات معروفه وغيره مع باقه ورد) طبعا الهدايا كانت واو بس الصراحه شفتهم ولا حسيت بأي فرحه. حسيت انها لو ما اهدتني شي وانا فكرت انها ماكانت تقدر تجيب لي شي احسن من ان كل هالهدايا تكون عندها بالاشهر وهيا بارده.
يمكن وقت الهديه كمان لازم يدخل بأداب الاتكيت بس المفروض اذا شخص غالي وعزيز عليك يعرف هالشي.
تحياتي
على فكره لهذا اليوم مالبست ولا استخدمت شي من الهدايا.
الله يسعدك على مواضيعك المرتبه دي .. لفتي انتباهي لنقاط كنت غافله عنها ..
على سيرة الهديه الوقحه, افتكر بيوم فرحي جتني هديه من وحده الله يصلحها سلمتني الهديه بيدي و قالت لي عشان ماتقولي ما هديتيني !! وخرجت. ما عرفت ايش ارد وقتها قعدت لحظه متنحه و المشكله كنت بتصور وقتها قدام مصورتي, انحرجت جدا و ابتسمت و كملت تصوير. مستغربه من تصرفها عمري ما طلبت هديه ولا لمحت ولا اي شي. كأنها مجبوره وتكليف عليها. كان افضل تجي وتسلم و تروح من غير هديه ولا ترمي كلام زي كده ! ما ادري الناس كيف تفكر و ايش تحس وما ادري ايش ظروفها, بس لو كان فيها كلافه ماديه عليكي لاتهدي !! و امسكي فلوسك و روقي ولا انك تهدي و تجي بشرك و ترمي كلام يزعل و يحز بالخاطر !!
ميرسسي على مواضيع هيك حلوه 3>
مشكوره ما قصرتي
واتمنى لك التوفيق
زوجة عمي بيوم زواجي جابت لي كيس هدية وداخله علبة ذهب مغلفة ولمن فتحت الهدية لقيتها حاطة طقم اكسسوار ملون حتى شكله قبيح طبعا انا الى اليوم بعد سنوات مااقدر انساها ودايما افكر اقول ممكن تكون كانت حاطة طقم ذهب ومحل التغليف سرقها؟؟ ولاهي لئيمة!! وش تتوقعون ؟؟ وكيف ممكن تتصرفون لو كنتوا مكاني!
وضروري أن الهدية تكون مناسبة للحالة المادية للشخص الي بيستلم الهديه.
لأن لو بشتري ألماس وأهديه وحده مادتيها محدوده بيكون ضغط نفسي عليها جداً إذا جت تهديني لمناسبة عندي، وبتصير تشيل هم الهدايا بينا وهالشي أبداً المفروض مايكون موجود.
وَالله إنك أجمل هدايا القدر ??