صَباحكم سَعادة
بَما إني اليَوم سَعيدة جداً , أَتمنى الكل يبدأ نَهاره بشكل حَلو
قررت أعَيد طرج أحد التَدوينات القَديمة لي , كتبت هالتَدوينه بعام 20-04-2011
[ كان أَول موضوع لي بشكل رَيفيو عن مُنتج واحد ] ..
وَ كون المُنتج مازلت أسَتخدمه لليوم مَعناه إنه نال على إعَجابي وَ إستحساني مَليونين بالمَية
ترآ مابقى مَنه إلا حق إستخدام واحد وَ يخلص بس مُصره أصوره قبل لا يَخلص
اللهم أضفت زَيادة الطريقة الثالثة لإستخدام المُقشر
نَرجع حق مَحور حديثنا , وَ هو مقشرنا
مقشر = سكروب = غوماج
أختلفت المُسميات وَ المعنى واحد
جميع المقشرات إما تكون كريميه أو سائله , الإختلاف معنا اليوم إن مقشرنا بودرة
وراح آخبركم ليه بودرة وَ لأي فئة مُخصصه
Buffing Grains for Face from Bobbi Brown
سَعره :
185 ريال سَعودي
العلبه صَراحه مليانه للآخر حجمها صَغنون 28 g بس تَكفيك جَداً لا تَنسون إنها بَودرة يَعني بَدون سوائل ,, تنتهي بعد 24 شَهر من تاريخ الفَتح
يعني سَنتين بالتَمام وَ الكمال
طَريقة الإستخدام ~
له طَريقتين كما وَرد بإرشادات الإستخدام للمُنتج , وَ انا أضفت الطريقة الثالثة
الطريقة الأولى :
يخلط مع الماء وَ يسنفر به الوَجه
الطريقة الثانية :
[ وَ هي الطَريقه إللي أتبعها ]
يأخذ القليل من بودرة السنفره و تُخلط مع آي غسول خاص للوجه بالمَقدار الكافي لمده عالوجه وَ الرقبه
من ثم يمسج الوجه بالسنفره بحركات دائرية خفيفه حتى يجف من ثم يغسل بالماء , لا تفركين السنفرة مَهماً كان نوعها بوجهك هذا سبب المآسي .. تراه وجه مَهوب قدر
الطريقة الثالثة :
وَ هي إللي حَبيتها وَ أعتمدتها بعد إكتشافي لمحلول البايوديرما
[ وَ هنا تكلمت عنه بَموضوع مُستقل ] ..
الطريقة نفس طريقة الغَسول , وَ جدت أنها الأفضل
يستخدم من مَرة لـ مرتين بالإسبوع
آنا قَلت لكم ليه بَودرة ؟
لآجل تتناسب مع جَميع آنواع البشرة بمُجرد إضافتك للغسول
يعني لو الغسول للبشره الدُهنيه راح يكون عندك سنفره للبشره الدهنيه
لو الغسول للبشرة الجافة راح يكون عندك سنفره للبشرة الجافه
و هكذا دَواليك
لكن غالباً السنفرات البَودرة هي الأنسب للبشرة الدهنيه
إنطباعي ~
هالسنفرة ما تلهب الوَجه وَ لا تخليه هالأحمر المُلتهب إللي كأنك أوروبية مَحروقه
لا إحمراره طَبيعي , بعد ساعه أو ساعتين يبدأ يخَف الإحمرار لأنها ماتَعتمد على قوة الفرك تعتمد عالمواد المُقشره إللي تتغلغل بالبشرة وَ تقشره
يعني تسنفر زين زين , غالباً السنفرات الناعمه آصلاً ماتزين لك شيء هذا غير تماماً
بعده تَحسين إن وَجهك فَريش و متنعنش وَ الأحلى بَقمة النعومة بعيداً عن الخَدوش , وَ اليوم الثاني بشرتك ماتفرز دهون مثل بقية السنفرات , تحسين وجهك عقبها يلمع بزود , لا هذي آبداً مافي آي رد فَعل عكسي
ماتَطرقت لنوع الغسول لآن الأمر مَتروك لكم , تبين تستخدمين غسولات بوبي براون , ماك , نيتروجينا , ديور , فيشي , إستخدمي ما بدا لك .
مُلاحظة لَمحبين الفرك الشَديد ،’
تدرون هالحركه تهيج المسامات وَ البثور وَ تلعب بحسبتكم
تسبب تجاعيد , تكشط الوجه
وَ زياده عليه مع الإستمرار تَصيرين سوداء بدون ماتحسين , حتى لو حسيتي إنك بيضاء يوم عن يوم فيه تخدش بالبشرة , لو أنحطت بشرتك تحت آي جهاز كشف راح تظهر لك مُتهتكه .
نَوع بشرتي ~
بشرة دهنيه
ومن الله دهنيتي خالية من الحَبوب , يعني وجهي صافي 100%
بس الإفرازات الدَهنيه كثيرة , يالله آزين شيء ماراح تتجعد بَشرتي بدري
عَيوب المُنتج ،,
• عَدم توفره بكميات كبيرة بالسَوق , لذلك كل ما أروح بوبي براون لازم أخذ لي كَم علبة إحتياط
• سعره مَهوب بمتناول الجَميع فيه كثير سَنفرات متوفرة بـ خٌمس السعر مو نصه , صح المَفعول مُختلف جذرياً , بس فيه ناس يفضلون المُنتجات الإقتصاديه فما راح يَستانسون على هالأمر
• أضيفي لسعر السَنفرة سَعر الغسول بكذا راح نَوصل لـ فوق 300 ريال وَ زود
• العلبة الزجاجية مَعطيه السَنفرة فخامة , هالشيء سبب بغلاء سَعر العلبه لوووووووووووووووووول
[ جالسة آفكر مثل الناس الإقتصاديين ]
فَهم مافكروا بهالإقتصاد , لكن لو كانت العٌلبة بلاستيكيه راح تَقل التَكلفة بأشواط , بالرُغم إنها عملية بالإستخدام لآبعد حد وَ بالنسبة لي حابه شَكل العلبة لأن الشكل بالنسبة لي أهميته تتساوى مع المَفعول
شَفتوا مافي عَيوب تَقريباً بس حاولت آطلع لَكم عَيوب عَشان محداً يلقى لي عَذروب داخل المَوضوع
وين تَحصلون هالمُنتج بالرياض ؟
تَحصلونه بالهارفي نيكلز ( بوبي براون )
بانوراما ( بوتيك بوبي براون المستقل )
مُحتويات السَنفرة ~
تحتوي على حبوب فول الآدزوكي الياباني وَ زيت الجوجبا وَ أمور مالنا فيها
من إعجابي بالمُنتج قلت آبحث آكثر وَ أعرف وش المُحتويات ,, لآنه خَفيف عالبشرة مثل ماقلت وَ مع ذلك مَفعوله خَطير
الكثير قالوا إنهم مو ذاكرين كل شيء بالمُحتويات يعني فيه أمور مخفيينها بأعتبار إنها سَر المهنه
لكن المُنتج خالي من آي عَيوب
نَصيحه ،,
لا تعقدين الأمال على مُنتج واحد , الجَمال يبيله تَعب وَ مشوار طَويل
وَ هو تَكامل , من نوم وَ تغذية وَ برنامج للعناية وَ رياضة وَ سلسلة طَويلة
فلما آقول هالمُنتج زين هالشيء مايعني إنه إكسير الحياة وَ لا يعني إنه لوحده راح يصنع المُعجزات
كل خطوة جمالية تَكمل الخطوة الآخرى
دُمتم بَحب
صباح الجمال
وانا اقرأ انك اليوم سعيدة احس كذا كأن احد يطش ورد عساك كل يوم اسعد من اللي قبله مو دبل لا تربل وترى سعادتنا من سعادتك
اممم اذكر زين كلامك عنه من ايام شمواه ماصار وجربته بس علق ببالي حسيت فيه قبل اجربه يمكن عشان كذا نسيت اشتريه
ضيفنا اللي باليمين ماله نصيب من كلامك الحلو
دائماً نزلي تدويناتك بالصباح عشان أكون من أوائل اللي يردون عموما التقشير أحسه اصعب خطوة في العناية بالوجه لانه ما يتحمل الغلط بالمرة و بالعكس حسّيت السعر جددددا حلو و مناسب مو الشي اللي يهز الميزانية بالعكس قيمته معقولة عندي بس تحفظ ع حجمه أحسه صغير و ممكن ما يكفي للاستخدام المستمر
عساك دوم سعيده يـارب .. <3
اكيد نهارنا راح يبدا حلو دام نشوفك الصباح ياحلوتي .. 🙂
اشوف سعره على حجمه يطول لفتره طويله منتاز .. و مع كل غسول يناسب البشره .. مافيه عيوب
حبيت هالمنتج .. خلاص راح اشتريه على الاكيد والسبب علبته من بعد مفعوله ههههههههههههههه ..
الله يسعد ايامك يا أرتوس منتج جميل وسعره معقول ، الصراحه توني ادري عن الفرك الشديد ماتوقعته يضر كذا يبيلي انتبه جزاكي الله خير انك ذكرتي هالنقطه
السلام عليكم وَ رحمة الله وَ بركاته ، يسعد صباحك آرتوستي ..
قبل بقُولك ترا حكيي كثير ، ف لو راسك مصدع أنصحك ما تقرين ^^
حبّيت كتابتك لهالتّجربة ، وَ اللي حبّيته أكثر إنه لجميع أنواع البشرة
هو صحيح إنتِ صدقتي من ناحية إنّوه مو الكل يقدر يشتريه
لكن اشوفه مناسب للأخوات اللي يحبّون ياخذون آغراض اخواتهم ف يستعلموه سوا > هذِي بالضبط أنَا ^^
ما عندي مشكلة لو كان مناسبني انا وَ إختي عادي نستخدمهم سوا لو قدرنا على السّعر مع بعض !
شسمهه إيوه وَ حبّيت بعد تدوينك الصباح ، منوّرتناا بالإنستقرام وَ هناا
وَ تخيلي نسيت بطاقتي الجامعيّة وجالسة بصالة الإنتظار وتقريباً لي ساعة ولسى ما دخلوني وَ شكلي اليوم مابدخل أبدا ، جيّتي راح تكون على الفاضي !
فرّجتي علي بهالتدّوينة الله يسعدك يالزينة ..
وَ أعتذر ..
طلعت عن سِياق التدوينة ، بس ودّي اوصّل لك كيف فرحتيني
بهالصباح وَ غيرتي روتين التدوينات ياللي بالليل وَ بكذَا راح يمديني أرد أوّل بأول هنا وَ بالإنستا ..
وَ مرّة تسلمي لناا ربي يوفّقك ويسخّر لنا وَ لك الخير وَ جميع المُسلمين ، وَ يعطيك الف عافية حبيبة قلبي ..
صباح الجمااال
انا جدا اخاف من السنفره واتجنبها لان بشرتي جافه وحساسه
بس بصراحه حمستيني اجربها خصوصا انها تناسب جميع انواع البشره بالاعتماد على الغسول المناسب
جمّلتي صباحنا سوسو..
اسعد الله روحك وروح احبابك تصدقين الحمدلله وانا قمت من النوم مبسوطه ويوم قريت مدونتك انك مبسوطه انبسطت اكثر .. العلبه روعه روعه انيقه جدااااا وذكرك للمنتج من فعاليه ومكونات ووو يحمس صراحه سووسو تصدقين احيانا كثير اذا قريت مكونات منتج نباتات وازهار يالله اتخيل اشكال الجميلات اللي يقطفون هالاعشاب وهالزهور عشان ياخذونها للمصانع سويت سالفه انا . المهم انو طرحك روعه واحبه كثير تصدقين خطوات التقشير الصحيحه هذي شي المفروض نتعلمه من سن البلوغ لانو غالبا مبدانا اللي يفرك اقوى يفتح اكثر والله اخطاء اخطاء بشعه قاعدين نرتكبها ونشجع بعض عليها المضحك المبكي يوم اتذكر بعض النصايح من جلسات البنات مهلكات مو نصائح
ياصباح الهنا .. ياصباح السعد
الله يديم عليك السعاده اليوم وبكره والعمر كله يارب وفي كل مكان وفي كل حته …
من اليوم صاحيه واشتغل بالبيت واقول ياربي فيه شيء مهم بيسير في الصبح ياربي وشو اتصلت بأمي وخلصت منها قلت في شيء ثاني اتصلت بأختي وصجيتها بدوامها وانتهيت منها وقلت خلاص خلصت الاشياء المهمه بروح انا وكالعاده فتحت الانستا اشيك قبل مأنام على اختي الانستقراميه والبلوقريه والقاها منزله قلت بس هذي هي التدوينه مااتصلت بأرتوس والله هذا احساسي اتجاهك ارتوسه ربي يسعدك اليوم ودوم وسعادتك من سعادتي …
المنتج مرره اعجبني يارب اروح والقاه هو وكريم ديور ومايسير فيني زي ذاك اليوم … طيب هذا هو نفسه اللي قلته عنه في الكومنتس امس بطرح لكم منتج يخلي بشرتك بورسلان ؟!
وياللا فوتك بعافيه …
يسعدك ربي قد ماتسعدينا3>
غيرتي فيني أشياء كثير ومفاهيم غلط صححتيها لي
صار عندي مرجع جميل اثق باختياراته .. شكرًا قد السماء
صح حبيت التدوينه …ولكن فرحت من فرحتك ربي يسعدك ابد الدهر ويحفظك من كل شي يزعلك او ما يسعدك بي ملاحظه صغيره اي غسول يعني حتي غسول ناتورا بيسيه عادي اللي سبق نزلتيه استخدمه معاه يعني وربي يسعدك ويوفقك والله والله حتي الكلمات والحروف ماترد اللي بخاطري لك لكن اصدق شي دعوات بظهر الغيب الك من اختك ودمتي بود وخير
تحمست له مره مع اني ماعندنا بوبي براون ابد
بس ان شاءالله باقرب وقت
الله يسعدك ارتوسنا
شكراً لك توستي ي ليت تكون لك تجربه مع فاونديشن شانيل الي اسمه
VITALUMIÈRE AQUA
ULTRA-LIGHT SKIN PERFECTING SUNSCREEN MAKEUP BROAD SPECTRUM SPF 15
سوي لنا ريفيو عنه ي حلوتي
ماشاء الله تبارك الله ، سوس مستانسة بهالصبح ياجعله دايم ❤ .. حبيييت حبييت اخر كلامك *لا تعقدين الأمال على مُنتج واحد , الجَمال يبيله تَعب وَ مشوار طَويل
وَ هو تَكامل , من نوم وَ تغذية وَ برنامج للعناية وَ رياضة وَ سلسلة طَويلة
فلما آقول هالمُنتج زين هالشيء مايعني إنه إكسير الحياة وَ لا يعني إنه لوحده راح يصنع المُعجزات
كل خطوة جمالية تَكمل الخطوة الآخرى*ياليت الكل يحط هالكلام قدام عيونه .. ❤❤❤❤
تسلم يدين الي كتب
مرحبا ارتوس ، حابه اسألك عن تقشير احماض الفواكه بالمنزل .. اذا عندك خلفيه ياليت تفيديني
ي الله جاز لي المقشر مررره .يسلم لي هالطرح دائم الزين ما يجي منه الا الزين
هههههههههههههههههههههههههه بس اكثر ضحكني وجه مو قدر
وللمعلوميه طلاتك الصباح له نكة خاصه وجميلهـ بعد
حبيبتي يعطيك العافيه علي التدوينه الحلوه والمنتج الاحلي من لما قريت موضك زمان اتحمستلها بس للاسف بوبي براون ماتتوفر في جده عادي تخلط مع الغسول و استخدم لونا معاها علي فكره ارتوس تاريخك رجعني لذكري حلوه في حياتي
ارتوس ي ارتوس، جميل جدا استمراريتك ع المنتج و هالشي يحمس ع التجربة.
محاكيتك كانت راعية فرك و دعك وأنت اللي غيرتي هالمفهوم تماماً، بس بعد إيش !
انا في بداية الثلاثين وأحس ببشر تي متخدشة جدا برغم ملمسها ناعم لكن به شوائب ومظهرها مخدوش جداً
الفراكشنل ليزر حل؟ او الديرمارولر او إيش بالضبط؟ ساعديني
يسلم يدك و يرحم ام ربتك
أحبك
شكراً ارتوس
ياعسى السعاده ماتفارق حياتك
حبيت المقشر بس بوبي مو متوفر من حظي اغلب التدوينات مو متوفره عندنا
صح الاسعار ماتناسب الكل بس مو معناته اهمل بشرتي
الوحده تقدر تنزل الصيدليه وبمبلغ بسيط تطلع بمقشر وغسول ووو الاهم هي طريقه الاهتمام مانحط اعذارنا ع الميزانيه
دعواتي لك
الله يعطيكي العافيه عالابدايت
اول مره اعرف ان بوبي براون عندهم مقشر بودرة
اول ما شفت الصورة قلت حمااااااااس هي تستخدم نفس مقشري من
Dermalogica – daily microfoliant وهنا الامريكان مره يمدحوه وانا استعملته بعد استشارة الاخصائية وحمسني اكثر الريفيوز اللي عليه وفعلا استعماله مع الغسول افضل من المويه ونتايجه مخمليه
اخلصه واجرب ان شاءالله بوبي براون
يارب كل ايامك سعاده
ياقلبي وربي فرحتلك
الله يوفقك
انا حابه هالمنتج من كلامج عنه و ان شاء لله قريب بيفتحون بوبي براون الخبر
بشرتي جافه بس ما يمنع اني اجربه
يعطيج العافيه ارتوسه
جمييييل جدا، فعلا التقشير لازم له انتباه وحذر وعجبني كلامك تراه وجه مو قدر هههههههههههههه تخيلت شدة الفرك وتأثيرها ع بشرة الوجه الرقيقة والحساسة… انا بشرتي عادية لكن تيجي أوقات يصيبها جفاف لذلك كله لازم له عناية لأنه الزمن بيمشي والواحد ما بيحس ع تدهور حالة البشرة، عشان هيك علينا نهتم ببشرتنا وشعرنا وأجسامنا..
شكرااا يا جميلة
مره تحمست لتجربته مو لشي مميز فيه
بس احب اجرب المقشرات لان بشرتي بالسابق دهنيه الان التي زون جفاااف
مارراح اقطع ماصدقت لقيتك
دمتي رمز للحب والعطاء
السلام عليكم ♡
كيف حالك ارتوس ؟ ان شاء الله تمام .
اول شيء من قققلب شكرا ع اهتمامك بالتدوينات انتي اهم عامل في اني لو تكسليت و تركت العناية ارجع لها من كلامك :$ شكرا قد الدنيا :$
بالنسبة للسكروب حيييل حبيته و ان شاء الله اشترية قريب ، خصوصا انه بشرتي مثلك دهنيه .
امم ارتوس حبيت اسألك ع الفرك :$ ، انا وجهي فيه حبوب و اذا حطيت سكروب يكون فيه حبيبات ف افرك ع شكل دوائر بس مو بزيادة ، واذا فركت تنقشع الحبوب 🙂 وهذا مو زين و اذا ما فركت ما تتنضف بشرتي 🙁 .
انا احاول قد ما اقدر ما اجي عند الحبوب بس كذا فجأه لمن اخلص اشوف كم حبة صايره مأساه 🙂
اممم فاكيد بشتري هذا اتوقع انه كثير بيناسبني
شكرا قد الدنيا يا جميلة :$
يمال الجنة 🙂
ياعساها السعاده دوم معاك يا آرتوس ماتفارقك وجعل الضحكه ماتفارق محياك
هذا بوبي براون على قد ما اسمع انه حلو الا إني ولا مره جربت من عندهم شي و ماقد شفته بالشرقية
عاد ليته يفتح عندنا ويتوزعون الناس بين ماك وبينه بدل هالهجوم الكاسح اللي كبر راس ماك >> حاقده خخخخ
اللي اعرفه انه موجود بالبحرين وان شاءالله ناويه عالمقشر حابته بما انه بودرة
بس للحين محتاره بينه وبين مقشر الانزيمات CosMedix
احس الانزيمات مفعوله اقوى وبوبي براون اخف منه بس ما اعرف
جد ودي بنصيحتك بهالخصوص لان انتي الوحيدة اللي استخدمتي الاثنين وتعرفين الفرق بينهم بالتمام
وتسلمين يا سراجي ربي يبعد عنك كل شر و اذى
يسعد أوقاتك يارب
الله يعطيك الف عافيه تدوانيتك من قلب تجي عن أشيااء مفيده ومطلوبه
بعكس بعض التدوينات يوم اخلص قراءه اكتشف مااستفدت شيء
بالنسله للمنتج عندي أحساس لو أجرب هالمنتج بتزبط معي بس بوبي بروان صعب الوصول لها
مدري عندي اعتقاد أنو المقشر الكريمي غالبا نتيجته وقتيه
وحاجه دايم تذكرينها انو الفرك مو زين
انا مرات ادهر بالتنظيف بعد الاجواء الحلوه غبار وما اللى ءلك
سلمت أناملك ع هالفوايد وينعمها ربي بنعيم الجنة ..
اعتمدي أخر عبارة كتوقيع لكل تدويناتك ,, لها صدى جميل وتثبت للجميلات قيم جمالية جميلة ..
دمت متألقة فريدة من نوعك ..
ارتوس لازم لازم اصورلك الاشياء اللي تكتبينها كلها اشتريتهاا 🙂
الله يعطيك العافيه والله مآجربت حاجه كتبتيها وندم عليها صرت لمن احتار بحاجه اجي وافتح المدونه واقرأ اذا كاتبه عنه شيء
آنتي انسانه مافي ززيك 🙂 والله باين كيف انتي انسانه صافيه وطيبه ماشاء الله .. الله يحفظك يارب ،ويرحك ام جابتك 🙂
ما ادري ايش اكتب احس ما يعطيك حقك .. بس ما لنا الا الدعاء .. 🙂
يعطيك العافيه –
تصدقين كنت اقراء عنها قبل تنزلينها بالانستقرام كنت حاطتها ببالي لاني ما لقيت مقشر ارتحت له مع
اني استخدم حاليا تبع لوكستيان جدا جميل حبيباته صغيرونه وناعمه علي البشره
بشرتي مختلطه علي جافه لذالك ادور شي ناعم ويفي بالغرض –
ححبداء كورس عناية جديد لبشرتي لان احس فيها شي غلط ماكو نظاره و اكيد بجرب هالسنفره الفخمه وتشكرات يا ابطل بلوقر .
سلام ارتوس ياريت تكلميني عن افضل فراشي المك أب من حيث الجودة والاستخدام
شكرا قد السما أرتوس..
ممخمخة على مدونتك من الصبح .. شكرا لكل المعلومات و لمجودك ولجمالك وحرصة على العقل قبل المظهر ..
أحبك
العَفو حبيبتي ..
وَ أسعدت على مَخمختك بالمُدونة , نَورتيني
ارتوس هذا مآ يعتبر مقشر يشيل الآثار والحفر اللي بالوجه؟
كنت استخدمه من فترة .. كل ما يخلص اشتري غيره .. البائعه مرة قالت لي انو هو سر جمال بشرتك ما هيك؟ قلت لها يمكن ههههههه مع اني مو كتير راضية على بشرتي لانها دهنية .. ميرسي كتير الك حبيبتي .. عن جد افضل الشي عم تحكي عنه وتفيدينا .. وكتير بتمنى لو عندي وقت ليكون فيي اعمل مدونة افيد الناس .. ان شاء الله بيوم اقدر اسوي هالشي .. Love You
يوووه انا من النوع اللي يحك بشرته حك ههههههه مدري احساس اني كل مافرك كل مانظفت اكثر من تجربتي اكثر سنفره عشقتها وفعلا نتيجتها فوريه سنفره الفحم من لاش بعدها احس وجهي منعش ونظيف . بالنسبه لبوبي براون باذن الله لازم اجربها خصوصا من انج ذكرتيها بمنتدى شامواه فاكييد بتكون بيرفكت . ارتوس انا احاول اعود نفسي اني التزم بالعنايه وكل الحلول اللي كتبتيها احاول التزم فيها بس مزاجيتي صعبه ماتخليني التزم مافيه حل ثاني مو بس بالعنايه باشياء واجد ماني قادره استمر نوعي ملول جدا
الله يسعدك يارب و يفرح قلبك على قد ما كنت محتاجه هالتدوينه اجلت قرأتها للاسف لاني بيني و بين نفسي قلت اكيد انها سنفره للبشره الدهنيه و انا بشرتي جافه
عبارة مناسب لجميع انواع البشرة طيرتني من الفرح خصوصا اني اثق برأيك حبك لهالمنتج يحمسني لتجربته
اتمنى تطرحي موضوع المقشرات الاحماض و عن منتاجات كودلي الفرنسية
مساء الخيرات… تسلم يمينك ياجميله على هالمجهود الجبار بنشر المعلومات الصحيحة بين الناس…. الحمد لله اشتريت هالمنتج من فتره وارتحت كثييير باستخدامه وحسيت اني بديت ادلع بشرتي شوي… المنتج صح صغير بس فيه بركه الصراحه.. وقلوووووب من القصيم لبيتكم…والله يغفر لتس ووالديتس ???
مدونتك بسم الله عليك مرررره جميله لي كم يوم ادخل مدونتك واقرى ما مليت ابدا اصبح على مدونتك وامسي عليها صراحة العنوان لفتني لانك كاتبه ( افضل ) مع اني قريت لك كم مدونه تقولين مافيه شي اسمه افضل بس يوم قريت المدونه فهمت ليش والله يوفقك ويسعدك ??
يا جمااااالك