مَساء /صباح الأناقة وَ الشياكة
أَول موضوع فاشوني أَكتبه بمُدونتي وَ راح يكون مَثل النُبذة العامه وَ الخطوط العريضة لموضة ربيع وَ صيف ٢٠١٥م
دائماً تقولون لَي نبي مَواضيع فاشونية , أنا أفضل تصوير المُقتنيات الشَخصية أفضل من تجميع صَور من الإنترنت
طبعاً هالشيء صَعب لأن حتى لو شَريت ما راح يَناسبني أو يَعجبني من المَوضه سَوى ٢٠٪ , غير كذا يَبيله مَيزانية ضَخمه
وَ أخيراً لو أنا بلندن وَ لا نيويورك أو ميلانو أو باريس , كان بَقدر أشتري المَوضه أول ما تَنزل , بَس أنا بالرياض ..
أزياء ربيع وَ صيف ٢٠١٥ مَفروض تنزل بالسوق على شَهر مارس [ شهر ٣ ] , وَ عروض الأزياء تسبقها بوقت حتى الكل يكون مُتلهف لها
وَ بالسعودية تنزل لنا على شَهر ٦ أو ٧ وَ مو كل شيء بَعض الشغلات , وَ بعض الشغلات تنزل على شهر ٤ أو ٥
مِن المعروف إن أي موضه تنزل بالسوق تستمر لـ 4 سنوات يعني تبدأ بالسنه الأولى على شكل خفيف ثُم توصل للذروة على آخر الأربع سنوات ، لكن حسيت بالفتره الأخيره زاد التسارع أكثر من قبل فصارت تنزل خطوط عريضه بشكل سريع وَ تختفي بنفس السرعه
أذكر مرة قريت تقرير مفاده يقول : إن الناس المتتبعين للفاشن هم أكثر ناس فاشلين بإختيار ملابسهم هههههههه مدري عن مدى صحة هالمقولة ، بس فعلاً مجانين الموضه دائماً يحورفون وَ يجرون ورى الموضه وَ ينسون مدى مناسبتها لهم
شخصياً مو كثير شغوفة بتتبع جديد الموضه أو القراءة عنها ، لكن أعتبر ملاحظتي شديدة ، كثير أزور صفحات المصممين عشان أشتري الجديد ، وَ مع تصفحي ألاحظ الخطوط العريضه عند كل واحد وَ منها أكون كونت فَكرة عن الشغلات الدارجة
My Style | سَتايلي
مو كثير كلاسيكيه باللبس ، أحب الألوان ، وَ مو صحبه مع الألوان الغامقة مثل الأسود وَ البني وَ الكحلي ، أميل للألوان الفاتحه وَ أعشق اللون الأبيض ، وَ أحب بعض الألوان الفاقعه مثل الأصفر وَ البرتقالي وَ الأخضر
ماحب زحمة الألوان وَ النقوش الكثيرة أميل للملابس إللي مافيها تطبيعات أو نقوش ، يهمني اللعب في الخامات وَ القصات ، مو كثير مصروعه يعني مو متطرفه فيما يتعلق بالملابس ، بس أميل للتطرف في تسريحات الشعر إختيار الشوزات وَ الأكسسوارات وَ الشنط وَ الأظافر ..
ما أميل إلى فَتحات الصدر الدائرية وَ لا أحب نفسي بها كَثير , مُمكن فتحتة مُربعه أو مثلثه إيه غَيره مُش أوي أوي
إلا إذا الفتحه دائرية عالية أوكيه , بس فتحة دائرية واسعة ما تَعجبني وَ ولا مَره عجبتني أقصد على جَسمي
مُؤمنة إن الجَسم المُميز بغض النظر عن الوَزن هو إللي يَخلي لبسك يَتقولب بشكل خاص , فَيه كثير يلبسون ماركات عالمية راقية
بَس عادي ما كأنها لَبست شيء , وَ فيه ناس بسيطين يلبسون شَغلات عادية وَ يطلع بهم الشيء وآآآآو , يعني جَسمهم لبيس مَثلاً هيفاء وَهبي جسمها لبيس
بالرُغم مربرب وَ بالرغم فيه مَوديل أطول وَ أنحف مَنها وَ أصغر مَنها لكن اللبس يَطلع فيها غير شَكل , طبعاً من مَنظوري الشَخصي ..
مايا دياب فاشينيستا بَحق وَ حقيقي, العربية الوَحيدة إللي شَفتها تلبس عالمَوضه قبل لا تَنتشر وَ الكل يضحك عليها وَ عقب سَنه يسوون مثل إللي سَوته
هذا هُو الشَخص الفاشينيستا إللي كَل ما نَشوف عنده شيء ننتقده وَ عقب نقلده ..
مُلاحظاتي ،’
إاللي لاحظته بموضة 2015 م هو الزحمة دارج كل شي زحمه في الملابس أو الشوزات أيضاً طاغي إسلوب الشارع في الموضه ..
وَ حوضح أكثر بالصَور القادمة كل سَتايل راح يكون دراج بهالمَوسمين , أغلب الصَور من عروض الأزياء إللي تَمت بأسابيع المَوضه بعواصم المَوضه
[ يَعني مو بالضرورة تصيرون تلبسون مَثلها تَماماً , لكن هذي هي الخَطوط العريضة وَ أثناء العرض يبالغون بإبرازها ] ..
Don’t do it | ما تِعمليهاش
لاحظوا فوق لما قلت إني ماأحب الزَحمة وَ لا النقوش وَ لا التطبيعات , طيب إذا المَوضه درجت بهالشكل هل ماراح ألبسها
بالعَكس راح ألبسها وَ بتلقون نفسكم تلقائياً منجذبين لها بدون ما تَحسون بالرُغم إنكم قَبل ما تَحبونها , لكن لو أخذتها ماراح أخذ شيء يلامس وَجهي
مُمكن بنطلون أو تَنوره أو شنطه أو إيشارب , أو شوز .. يعني بَمشي على خَطوط الموضه بما يتوافق مَع ميولي وَ ذوقي ..
وَ كثير شغلات أول ما تَطلع مَوضه مُمكن ما نَتقبلها وَ المُتطرفين بتلقونهم يهاجمون وَع ! وَ وش هالهبل
وَ مع الوقت بدون مايحسون ينغسل مَخهم وَ هم بأنفسهم يقتنون الشيء إللي كانوا محاربينه , عَشان كذا إذا إنتِ شخصية أرائك غير ثابته
وَ مالك رأي مُستقل , تَجنبي تصرحين بذوقك وَ عقب تغيرينه عَشان لا تَكونين أضحوكه بهالمُجتمع .
[ طَبعاً كلنا أذواقنا مُتغيره وَ تتغير لكن التطرف الشَديد وَ لما تستهترين بشدة وَ عقب تطبقين نفس اللي أنتقدتيه تذكري فيه ناس بيكونون شَداد عليك وَ بيحفظونا لك ]
مافيها شيء لما تعتذرين على رأي سابق صرحتي به وَ تقولين وَ الله تغير فَكري الناس راح يَحترمونك ..
أنا طُول عُمري أتذكر موقف الفنانة أحلام من لبس الماركات كانت تنتقد الفنانات , وَ حاولت أدور المَقطع باليوتيوب ياليت إللي تَحصله تضيفه بالردود
لأن جد جد هذي المسخرة بعينها , مَعناه هالرأي مانَبع من قَناعة شخصية , إنما نبع من حُب لمنع الآخر
سُبحان الله الفنانة أحلام الشامسي كانت تلبس من كُبرى القصير دراعات وَ فجأة صارت تلبس من تُوم فورد , مو حرام تلبسين وَ هنيئاً لك
بس العيب هو إنتقادك للي كانوا يَلبسون وَ بشده , كثير زَي أحلام نواجهم بالحياه بليز لا تَصيرون نفس هالعينه
ما تَدرون يَمكن ربي يغنيكم ؟! يَمكن أنتِ بنفسك حياتك تتغير وَ مُجتمعك يتغير وَ يصير مُجتمع مَخملي وَ تضطرين تجارين مُجتمعك
لا تَحكمون على أحد بَمنظوركم الأن , أو بظروفكم الحالية .. دائماً قولوا لو هالشيء راح يَتوفر لكم هَديه هل راح ترفضونه ؟!
ما أتوقع وَحده تجيها ساعة رولكس مُرصعة بالألماس بتقول ووووع إسراف وَ بطره ما أبيها
إلا بتاخذها بُكل فَرح وَ سرور وَ هي مَتشققه بعد , لذلك الواحد يهذب نفسه وَ عليه من نفسه ..
وَ أنا لاحظت بحياتي إنه من عاب أبتلى , مافي أحد أنتقد شَخص مو بَغية التطوير لا إنتقاد بغية الإنتقاص أو التذمر سُبحان الله ما تَعدي السنه
إلا وهو مَسوي نفس إللي إنتقده , بَجد شفتها بصديقاتي , بأخواني , بأقرب الناس لي , وَ بأبعد الناس ..
وَ مع شبكات التواصل الإجتماعي صار الشيء مَحفوظ لك , ما تَقدر تتنحش من أرائك فيه ناس يَصورونها
وَ فيه ناس يذكرونك بها وَقت ما تنكرها ..
يوماً ما بفرد لها تَدوينه بقسم ثرثرة وَ بحكيلكم وَش الشَغلات إللي صارت لي بحياتي وَ ناس وَقفوا بطريقي بأفكاري وَ لبسي
وَ عقب سنين تبنوا نَفس الأفكار , طبعاً أكيد ما سَكتت وَ أحرجتهم قدام العالم لأن كان إنتقادهم قَدام العالم , نشبت لهم عَظمه عرضيه بالحَلق
وَ إستخدمت إسلوب الطنازه , عَشان ينلسعون وَ لا يكررونها ..
أنا عَندي قناعه أكثر الأشخاص مُحاربه للشيء هُم أكثرهم رغبة بَه , وَ الزمن دُوم يثبت هالنَظرية بس عطوهم فَرصه ينسون إنتقادهم راح يَسونه .
تَوضيح ~
أنتبهوا للترقيم بَكل صَورة , المَوضوع جداً طويل وَ حاولت أختصره قَد ما أقدر
طَلعت لكم فقط ٢٤ مَوضه دارجة بينما هُو أكثر مُمكن نوصل لـ ٧٠ موضة دارجة , لكن بعضها مكرر من العام وَ البعض غير ملائم لأجوائنا
مثل قصات البالطوا وَ الجاكيتات صَح مُهمه لكن مو للجَميع , أجوائنا تغلبها الحَرارة ..
بَكل قالب لَكل صورة حطيت سَتايل , أختبروا أنفسكم قبل لا تَقرون تعليقي ..
هل فهمتوا الموضة من خلال الصَور وَ لا من خلال تَوضيحي ؟
١- الجينقام ستايل , عبارة عن قَماش قطن يشبه الكاروهات لكن أكثر إنتظام وَ غالباً يعتمد على لون فاتح مثلاً الأبيض أو البيج وَ لون أخر أغمق مَنه سواء أغمق منه بشوي أو بَكثير , شفتوا شَلون مو كل شيء مَخطط بالطول وَ العرض يعني كاروهات لأ , كل طريقة تخطيط لها إسم مُعين بالمَوضة
مَن المشاهير إللي أشتهروا بهاللوك هي بارجيت باردو وَ خص نص باللون البنك
دارج سواء كشنطه , كشَوز , كفستان , كبالطوا , كبنطلون , كتنورة ,كقميص , كبدلة , بلون أسود أو بلون غامق , أو بلون فاتح كله دارج
وَ نزل العام بنفس هالستايل بَعام ٢٠١٤ بعروض أزياء بالمان وَ كان بعدة مُوديلات بسيطة لكن ماكانت بقوة ظهورها مثل هالمَوسم
هالسنة شفناها أكثر شيء عند المٌصممة Diane von Furstenberg وَ Altuzarra وَ Bottega Veneta وَ Oscar de la Renta
٢- المخطط له دارج من سنتين أيضاً , لكن هالسنة درج بشكل أكثر وضوح , وَ صار تطقيم كامل مُمكن البلوزة مخططه بالعرض وَ التنورة بالطَول وَ هكذا , وَ مُمكن طقم كامل مخطط مافي أي مُشكلة , وَ أكثر شيء دارج المخطط بالأبيض وَ الأسود وَ يليه المخطط بالكحلي وَ الأبيض وَ من ثٌم تأتي بقية الألوان
أنتشر هالستايل عند Chanel ركزوا حتى البوت مخطط , وَ برضو عند Altuzarra ركزوا بأخر تنورة عاليسار بالرقم ٢ , من كثر ما هالتنورة جازت للفاشنيستا من الأن كثير مواقع عالمية وفرتها للشَغوفين بالأناقة ..
٣- الربطة عالخَصر على جنب , موضة إنك تربطين سواء حزام على جنب مثل مو موجود بالبالطوا أو قَماش , وَ ركزوا على أول صورة برقم ٣ لاحظوا شلون جمعت أكثر خط موضة بستايل واحد , فَكروا قبل لا تَقرون وَ شوفوا وَش جمعت ؟! ..
جمعت الجينقام , جَمعت الربطة عالخصر وَ على جنب , دمجت بين الأبيض وَ الأسود , وَ فيه نقطة راح نتكلم عنها وَهو الدانتيل الأبيض بشكل أكثر حداثة , وَ أخيراً الصندل نفسه عالمَوضة وَ ربطة الصندل عالكاحل وَ فوق هذا كله النقشه جينقام باللون الأبيض وَ الأسود قمة الشياكة
طبعاً هالموديل أخت كيم كاردشيان , كيندال جينر
٤- الأقمشة الشفافه , طبعاً أول موديل برقم أربعة من اليَمين خُقاقي .. لاحظوا القميص شفاف وَ التنورة برضو شفافه لون التنورة مُميز جاز لي بالحَيل , المَوديل الثاني وَ الثالث سبق وَ درج بعام ٢٠١٢ تقريباً ولبسته ميريام فارس وَ مايا دياب وَ حتى كيم كاردشيان يكون شورت وَ فوقه مثل التَنورة الشفافه , الأن درج بأكثر تَحرراً وَ صار الشورت شَبه كلوت وَ أخر موديل بالصورة رقم أربعة اللبس صَح غليظ وَ ساتر وَ مع ذلك لبست فوقه قطعه شفافه وَ ركزوا برضو القطع أغلبها جينقام
٥- مَوديل المريله , تذكرون قبل سنتين برضو طلعت موضة الجاكيتات وَ الفساتين بنفخه .. هذيك كانت موضة جَميلة جداً وَ مقبوله
بالرغم بعض الديزاينات مَنها كانت مُضحكه , لكن ما تَوصل أنه نتقبل مُوديل المريله ما حبيته
٦- موضة الهلاهيل , الشغلات المشرشره وَ مثل الزغب تقريباً ٨٠ ٪ من أزياء إيلي صَعب بهالشكل , وَ لكن بطريقة راقية جداً وَلفها إيلي صَعب خاصة بفساتين السهرة حبيتها مُمكن ألبسها , خاصة أول تنورة بالصورة رقم ٦ باللبس الأبيض أعجبتني , دارجة كشنطه وَ كشوز وَ تنورة وَ … إلخ .. بالصورة الموديل الثاني الأحمر وَ الثالث مُستحيل ألبس بهالطريقة تعطي مظهر هندي أحَمر أو كأنه طرف سَتاره , عُموماً حتى ملابس الغرب الأمريكي دارجة وَ مَوضه
٧ – البطن المَفتوحه , خاصة لو من نفس خامة القَماش شفناها على بيونسيه وَ كيم كاردشيان وَ كلوي كاردشيان وَ العيله كلها أستلفت نفس الفستان الأبيض من كيم كاردشيان يمكن تذكرونه كان فستان أبيض برقبه عاليه هذا قمة المَوضة ..
طبعاً برضو ميريام فارس لها أكثر من سنتين مَعلقه عليه , مايا دياب وَ نايا .. إلخ
لكن هُو موضة تقريباً شبه منتهيه لكن راح تبرز هالسنه بقوة وَ أتوقع بتختفي .. وَ يبيلها وَحده تشتغل على بطنها صَح
وَ بكلا الأحوال التنانير أغلبها هاي وَيست فما بينت عيوب الكَرش , المُهم أصلاً حرام لوووووول يعني ريحوا نفسكم
٨ – اللون الأبيض , موضة اللون الأبيض خاصه بالفساتين وَ البدل , وَ يغلب عليها أكثر شيء القماش المخرم وَ الدانتيل بنقشات غير مألوفه , وَ الشفاف , وَ لو ركزتوا بكل مَوديل بتلقون المَوضه تجسدت بكل قطعه
٩- اللون الأصفر , طبعاً أخونا بالله موسكينو إنجن وَ خرب اللون الأصفر بديزاينات ماكدونالدز وَ سبونج بوب , حسبي الله عليه كرهت الماركة كل أبوها , ما أدري كم دافع له ماكدونالدز عشان يكون موسكينو لوحة إعلانية له , صرت أسمع إسم موسكينو أشم ريحة بطاطس مقلي
١٠ – قماش الجينز دارج , وَ شفناه قبل سنتين كان دارج بشكل خفيف على قمصان الجينز وَ الأفرول , لكن هالسنة بتلاقونه جاكيت جينز , قميص , تنانير , فساتين , بالطو , كل شيء حتى تطقيم جينز على جينز دارج , بالرغم كان التطقيم على بعض جريمة من جرائم الفاشن الأن مَسموح
[ على كيف أمهم يَرقصونا ] ..
حتى كريستيان لبوتيان طلع شَوز جينز وَ ماعجبني شخصياً لون الجينز غَبي , مو مثل موديلات الجينز إللي طلعها بعام ٢٠١٠ هذيك جداً مُميزه
وَ أكثر شيء لاحظت هاللوك بعروض أزياء DKNY , وَ بالكل طبعاً لكن مو بكثر DKNY
١١- المنقش بمقاسات كبيرة سواء زهور أو حيوانات , بالعام الماضي كان النقش صغير وَ زهور ريفيه أو تطبيعات نمر أو زيبرا .. إلخ , الأن لأ ورد بشكل كبير أو تنين , سلحفاة , زواحف , ضفدع , نسور .. إلخ طبعات كبيره مش طبعات جلد
١٢- الرقبة العاليه , صَح الجو راح يكون صيفي وَ ربيعي وَ مع ذلك دارجة الياقه العاليه و تتنوع إما على شكل دانتيل , أو نفس ياقة القميص لكن بشكل عالي جداً , مثل مانشوف بالموديل القبل الأخير بالصورة رقم ١٢ من دولتشي أند غابانا
١٣- الستايل الرياضي وَ خص نص ديزاين Polo , بتلاحظونه كفستان , وَ بلوزة وَ بالطو وَ قميص , حتى الشوزات الرياضية صارت عادي لو بتلبسينها مَع فستان شيك أو تنورة شيك , بالرُغم كانت تُعد من جرائم المَوضه .. صح بالسعودية البنات يروحون الأسواق بشوزات رياضية وَ أقصد شوز ركض مو شوز سبور عادي , يالله الأن أنبسطوا المَوضوع سار رائج وَ لا أحد راح ينتقدكم , بالرُغم تُعد جريمه مَع العباه
١٤ – إختفاء الكتافيات وَ الكتف البارز وَ ظهور الأكتاف الناعمة أو الون شولدر ( الكتف الواحد ) أو الأوت شولدر ( الكتفين النازله ) .. وَ كل مابينتي عظمة الكتف كل ما كان المَوضوع أفضل وَ أفضل , وَ موضة تلبسين كم وَ كم لأ , حتى بشتاء ٢٠١٤ كان فيه لمحه بسيطه من هالستايل وَ ظهرت جاكيتات بكتف واحد , وَ كان الكتف الثاني شبه مَقطوع لوووول
١٥ – الشيرت دريس ، الفستان القميص أو القميص على شَكل فستان , واضحه الصورة
١٦ – الشمواه الملون , بما أنه ببلدنا الأجواء ساخنة ما أتوقع يدرج لكن مُمكن تكون كشنط وَ شوزات
هالقسم مُخصص للأحذية للأسف مُخيبه للأمال وَ ما أتوقع راح أتبع مَنها إلا ٢٠ ٪ بس بحاول قدر المُستطاع أتقبلها ..
المَوضة بشكل عام الفلات وَ الشوزات البلوكه
أخ قَلبي عَورني , يالله أفرحوا .. طبعاً الموضة أكبر بكثير من هالصَور لكن أختصرت قَد ما أقدر , بالعربي كل شيء رائج بالشوزات ألبسوا هالمره وَ ماعليكم من أحد .. وَ أكرر شوزات الرياضة دارجة وَ بقوة ماذكرتها لأن مَوجودة من العام سواء عند كريستيان ديور وَ شانيل وَ جيوسب زانوتي وَ هالسنة توم فورد دخل مَعهم طلع شوزات ذهبي وَ فضي ألوان ميتاليكيه
١٧- الربطه بالشوزات , سواء كعب أو فلات .. الربطة نحيفه أو عريضه , لنص الساق أو لفوق الركبة أو لعند الكاحل .. المُهم أربطي قَد ما تَقدرين , إللي عَندها وَقت تضيع حياتها وَهي تربط شَوزها
١٨- شوزات حرف T أحبها أنعم من الصَور إللي معروضه لكن مَوجوده عند كل المُصممين وَ على راسهم جيوسب زانوتي وَ برضو كريستيان لبوتيان بس من كرستيان ما أعجبتني
١٩- شوزات أبو أصبع , راح تَرجع بالرُغم أنقرضت لفترة , طلوا على صنادل توم فورد عن جَد نزل صندل بقمة النَعومة أشوفه مَكسب لكل وَحده تقتنيه
٢٠ – الفلات وَ الصنادل تكتسح الساحة , الفلات بشكل رجولي , وَ الفلات بالشكل الأغريقي وَ حتى الصندل بالشكل القديم وَ الصندل البلوكه كل شيء يقول أهلاً وَ سهلاً بهالموسمين
الشنط , هالجَزء مَخصص للشَنط وَ لا أنكر إنهم أذهلوني خص نص فندي إللي ماكَنت أفكر فيه هالكَثر
لكن ما أنكر بَدع هالسنه وَ لا تستبعدون تلقوني شَريت من عَنده شيء بجد بجد عروض الأزياء كانت مُبهره فيما يتعلق بحقائب فندي
الشنط الخوص راح تكون دارجة وَ الفرو وَ الشمواه وَ أي شيء حَياكه
٢١ – أنك تحملين أكثر من شَنطتين بآن واحد , أو شنطه جوا شنطه أو شنطه معلقه عليها مَحفظه أو ميني شَنطه , بصراحه حَبيتها لكن مَيزانية , وَ طبعاً لا تنسون مَخلوق فندي اللي صَرعنا بسعره برضو دارج هالمره بألوان أكثر من العام الماضي مَع دَمية كارل لجرفيلد [ كارليتو – Karlito ] , عَشفتها جداً جداً
٢٢ – الكلتش مسكته منه وَ فيه , دارج المَسكه تكون منه وَفيه بوسط الكلتش نفسه وَ درج من زَمان عند فلنتينو وَ هالسنه بتلاقونه عند كثير مُصممين من ضمنهم فندي
٢٣ – شنطة الظهر وَ دارجه , كثير بنات سألوني إذا عادي يلبسونها وَ هل أعمارهم تَسمح ؟! طبعاً تسمح لكن لو المُجتمع فهم المَوضه وَ لو مافهم المَوضه راح يضحك عليك , وَ طبعاً أكيد ستايلك وَ المكان لازم يَسمح لكن لو لاحظتوا إن ملابس السبور دارجه طَبيعي راح يدرج معها شنطة الظهر , وَ موسكينو طلع مَجموعة الباربي من ضمنها شنط الظهر , وَ أيضاً فلنتينو شنط الظهر مَنه كانت جداً رائعة
٢٤ – شنطة السله , الشنطه بشكل سله دارجة
أخيراً هذي الخطوط البارزه جداً ولا برضو كثير شنط دارجه الشنطة على شكل صندوق , الشنطه المدورة , وَ الميني شَنطه جداً جداً دارجة بتلاقونها برضو بفندي وَ دولتشي أند غابانا وَ فويتون , وَ أيضاً شنطة الدكتور وَ برضو دارجه عند لوي فويتون من سنين وَ دولتشي أند غابانا وَ دارجه برضو الشنط بالاحجام المَهوله , لكن مو شيء جَديد لكن دارج ..
وَ تبقى المَوضه الكلاسيكية إللي دائماً وَ أبداً مَوجودة ..
يَبقى عَندي سؤالين ~
• هل حبيتوا موضة ربيع وَ صيف 2015 ؟!
• وَش اكثر شيء حبيتوه بَموضة ربيع وَ صيف 2015 ؟! وَ وش الشغلات إللي ما تتخيلون إنكم راح تتبعونها كَموضة ؟!
لَمحبين السَرقة مَوقعي مَحمي بَموجب الحَقوق الفكرية وَ تقدرون تطلعون على سياسة الإستخدام وَ النشر
[ هُنا ]
دُمتم بَحب
الله يعطيك العافيه
يعافيك يا عَيني ..
مبدعه كالعااااادة… مشوقة مدونتك للقراءة..
تَواجدك مَنورني عزيزتي ..
حبيت كثيييييير بصراحه اغلب الصور من فساتين وشوز وشنط ب استثناء القليل بس الكاروهات حاجه جميله جدااااااااا احس بنعومتها وكلاسيكيتها يبي لها مكياج ناعم وشعر كلاسيكي واو روعه روعه
ماشاء الله عليك شَكلك تخيلتي اللوك بالكامل ..
أنا ليش نَزلت هالمَوضوع ؟! حتى أقدر أطرح بقية التفاصيل وَ يكون نَزلنا الأساس لهالمَوسمين ..
روعهه يعطيك العافيه حبيبتي
شكراً جزيلاً ع الموضوع الجميل
بالنسبه لي اعجبني جزء الملابس ويمكن ألبس منها بس ما حبيت حركة الجينز على جينز احس شكلها غلط
العَفو يا عَيني ..
مرات المَوضه أول ما تَنزل ننفر مَنها , لكن مَرات تتطبق بطريقه مُعينه من أشخاص مُعينين تَركز بالذهن ..
وَ تعجبنا , انا مَثلك ما أحب .. ممكن ألبس جينز غامق عَلى جينز فاتح أو جينز لونه زيتي مَع قميص جينز لونه سَماوي
مُمكن لكن ما أفضل .. يالله خلينا نشوف نهاية المَوسم هل بتتغير أرائنا أو لأ ..
عشان كذا حبيت أشوف ذوقكم ..
بدايةً أسعدني جداً وجودك
كنت أتصفح المدونة هالوقت وفعلاً اشتقت لك ولثرثرتك الجميلة
شغل كبير ومجهود جبار هالتدوينة والمدونة بشكل عام
صراحه أعترف اني مُغرمة بسوالفك أكثر من التدوينات الجمالية وهذا ما يقلل من إخلاصك ووصفك الدقيق
لذلك ننتظر تدوينة بخصوص ردة فعل الناس عن اختلافك باللبس أو أي شيء آخر
ممم من سوالفك تذكرت شيء فيه أشخاص معينة حولي تتقبل لبس معين من ناس معينة بس لو لبست شيء يشبهه ممكن يقومون الدنيا علي
احس كثرت قرقرتي
طبعاً حبيت موضة الربطة عالخصر والآوت شولدر
حَبيبتي وَ الله .. وَ أنا أسعد بوجود إنسانه مَثلك بَمحيطي ..
بالعَكس حسيت كلامك إطراء لَي ..
عطاري الإضافة إللي أضفتيها للأسف المُجتمع ظالم , مثلاً ممكن أختين يلبسون بنفس الطريقه لكن وحده المُجتمع يقبلها وَ الثانيه لأ
أعرف وَحده جسمها مربرب وَ حلو وَ لأن اللبس يطلع عليها حَلو أمها ماترضى إنها تلبس مَكشوف , بينما أختها نحيفه جداً وَ مافيها معالم أنوثه الأم ترضى للنحيفه تلبس مَكشوف
وَ مافي فارق عُمري بينهم , بس المربربه جسمها لافت وَ تلفت نَظر بالرغم إنها أحلى بَس الأم ماترضى .. وَ المُجتمع يقطعها تَقطيع
ما أدري مَتى راح يكونون الناس أكثر عَدلاً ..
وَ بالعكس حياك إنتِ وسواليفك , انا أسَتمد أفكاري من النقاش مَعكم ..
نورتيني
1و3و9و16 من الملابس حبييييييت
يا حَلوك تو أنتبه من إيميلك إنه أكثر من رد لك .. يسلم لي المَتحمس ..
أحب يكون بصفحتي بنات مَثلك يثرون أي تَدوينه
الشوزات كلها ماعدا اللي بالاخير والشنط كلها حلوه ماعدا رقم 24
تقريباً نفس ذَوقي ..
عن نفسي حبيت الموضه هالسنه متنوعه جداً جداً وسهل تلاقين فيها شي يناسبك
بس للأسف في اسواقنا ما القى جزم حلوة كذا
والفلات الي ربطته لنص الفخذ يجنن
وفي النهايه يبقى القالب غالب حتى لو يلبس خيشه
الله يعافيك
إنتِ بأي مَدينه ؟! ..
ممكن تطلبين عبر الإنترنت ما فَكرتي .. حسيتك من النَوع الشغوف بالجَديد الإنترنت راح يريحك كثير كثير فَوق ما تتصورين ..
وَ فعلاً القالب غالب لو لبس الواحد خَيشه ..
انا في الرياض
، وبالنسبه للطلب من النت ودي اجربه بس اخاف من المقاسات لأني انلسعت مره طلبت فستانين وطلعو مش ظابطين بالمره
والجزم تختلف مقاسك من ماركة لأخرى ف ماتجرأت صراحة
..
يالهوي يالهوي الموضوع خطف انفاسي لدرجة نسيت شغلي
اتفق معك بكلامك انا كمان مؤمنة من عاب ابتلئ
انا مودي على كلاسيكي لكن اكيد الموضة تخلينا نختار اشياء
نشوفها حولنا و تكرر و بالاخير نختار اللي يناسبنا
حبيت 5 موضة المريلة ههههههههه لا طبعاَ امزح
موضة احسها مو مرتب شكلي ابدا
حبيت رقم 6 الدناديش اسميها ههههههه
وشفته بأكثر من براند بس ماشفت وحدة ناسبتي او على ذوقي
على قولتك كأني من الهود الٌحمر .. لكن افضلها كتنورة احسها تعطي
شكل حلو بالحركة و مغري ـ ـ ـ > تفكير على المدى البعيد ههههههههه
الجزء الاول من الرد
مَيشو الحُب , يا رَيحة الماضي وَ ريحة الحبايب ..وجودك خَطف أنفاسي ..
وَ صح قلتيها نتأثر بالمَوضه بدون ما نَحس ..
ههههههههههههههههههه حبيت مُغري , هذا تفكير صاروخي لتالي الليل
وَ يالله ناطره الجَزء الثاني ..
يعطيك العافيه ع الموضوع حبيت اكثر شي الجينز اللي يكون ع شكل قميص وبعد حبيت اللون الأبيض وبعد الاكتاف النازله واللي ماحبيته موضة الصندل اللي ع شكل بلوك والشنطه السله ومره حبيت الشوز اللي بالصوره رقم ٢٠اللي ع اليسار وشكرا ع الموضوع زمان ماقريت عن الفاشن
أنا مَثلك ما حبيت الصندل على شَكل بلوك بس تصدقين من شَوي شفت فنانه لابسته طالع يَجنن بشكل .. يجنن حد البُكاء ..
الله يعين ماتتغير أرائنا بَعدين .. عُموماً شيء طبيعي تغير الأراء مازالت المَوضه بأولها وَ المُصممين راح يتنافسون بَخلق تصاميم مُبهره مع الوقت ..
وَ نورتيني ياعَيني , كان لردك إضافة مُمتعه
قاعده اقرأ بنص عين بس ماهان علي اشوف موضوع وما اقراه قبل انام بس برجع اقراه بكل تمعن وتركيز
….
ماراح اتكلم عن الموضوع وجمال الطرح لانه خلاص خلص الكلام
بس عندي سؤال صغيرون قلتي مره انه مفروض من عمر عشرين نبدأ نستخدم كريمات للعين والوجه وانا بعد كم شهر بصير عشرينه
ايش الماركه اللي تنصحيني اخذ منها خط عنايه كامل اقصد كريم نهار وكذا !
وانتظر موضوع الجسم بكل ما اعطاني الله من صبر
حَبيبتي وَ الله من ذوقك .. وَ حياك مَره وَ مرتين وَ ثلاث ..
العَمر كله لك .. صَح , كل الماركات مُتاحه لك بس الباقي يعتمد على مَيزانيتك وَ هل هالماركه تركيبها تلائم معك أو لأ ..
هنا الفرق كله .. هههههه وَ خلاص مَوضوع الجسم ما أظن راح يتأخر كثير ..
تدوينة جميلة مثلك الحين الناس اصبحو مهوسين بالموضة بشكل رهيب حتى لو كانت متلم شخصية الشخص اهم اني امشي على الموضة وحبيت تعليقك عن الجسم المميز اعرف بنات لو يلبسون خيشة تطلع جميلة عليهم
الناس للأسف مَهوسين بالمَوضه لكن كسياسة إستهلاك لا سياسة إنتاج وَ لا سياسة فَن وَ إحتراف وَ شغف
بكل شيء مو فقط بالمَوضه , إنتِ شايفه كيف الناس صاروا يلبسون أساور كارتييه ؟!
١٠ أساور فَوق بعض .. وَ ساعة وَ فوقها ٤ أساور تزاحمهم ..
فُقدت البساطه وَ الجمال الطبيعي .. نورتيني بإضافتك
انا ساره اللي تدور افكار مجنونه عشان يوصل ردك بقولك عن بدايتي كيف فتحت عيني عالكشخه صح كان دايم ملابسي حلوه تناسب عمري وبس لين يوم كننت بالمتوسط حضرت زواج وشفت وحده لبسها غريب جدااا تخيلي الكل وصفها انها وقحه وش ذا اللبس رغم انو اكمام طويله وفستان طويل بس كان في حركه بالقماش مجنونه بصراحه اول ماشفتها قلت بسويها تجننن الحركه غريبه كثير وملفته وبالنسبه لي اشوفها حلوه جداا طبعا استحقروني بس ماعلي من احد وسويتها طبعا ماطلعت ب إبداع هذيك الله يسعدها من جد احب هالبنت رغم اني اعرف اسمها بس بس جد جد فتحت عيني على جمال وخلت عقلي يوعى كثير خلتني ابحث وادور في الموديلات وسبقت اللي في عمري من اللي حولي صحيح بعدها تغير حالي تعرفين الباقي ارتوس بس جد جد مستحيل انسى هذيك الايام ثقه وجمال وتميز وانتي رجعتي هالشي فيني فعلااااا الله يسعدك كثر مااشوف جمال بكلماتك وبصورك وبكل شي العيون يحق لها تشوف الجمال يكفي
يا مَية وَلكم بك يا سآره .. خلاص عرفت وَين المٌشكله تطمني .. يعني إلا مايوصلك الرد ..
فَهمت إللي حَصل لك .. وَ تصدقين أوحيتي لي بَفكرة مَوضوع , بجد حبيت كلامك وَ عفويتك و برائتك .. يا حُليلك ..
وَ ياحظي بهالمَكانه إللي بقلبك لي , بَجد يا حَظي .. أحبك يا فَتاه يا نَقيه
صحيح لقافه مني
بس جد اشتهيت اعرف الحركة اللي كانت هي مسويتها بالفستان
اممم ماحبيتها كثير موضة هالسنه احسها مبهمه بلاهويه اوخطوط واضحه يعني بتعب بالاختيار من كثر الخيارات … اكثر شي ماحبيته هو ستايل الجينقام .. هذا بابنسبع للبس
بالشنط حبيت كصير اشياء بس برضووو حيره .. حبيت المهلهل وكان ستيلي بمرحله عمريه بكل شي شوز شنط وملابس .. بعد حبيت الشنك الدائريه والقلب مايل لها اكثر ويبدو انه هي اللي بيقع عليها اختياري وحبييييت الشنطه الصفيره مرفقه مع الشنطه تجنن .. بالنسبه لشوز ماحبيت شي امممم ماظنتي بمشي هالموضه فيها … بالنسبه هل فهمنا من الصور او شرحك بالصور الاولى وضحت لي الموضه من دون اقرى الشرح بس بالاخيره من الملابس ابد مافهمت الا من شرحك .. شكرا ارتوس على هالتدوينه اللي عورت راسي ههههههه وبالمناسبه اعترف لك انه في كذا مره تمنيت نتسوق سوى
لا صَدقيني بس تنزل ماراح تتعبين بالخَيارات , إنتِ لأن شفتي أزياء بالفاشن ويك ..
يكون أسلوب العرض مُبالغ به ..
وَ يا حَظي , ليش لأ مُمكن تصير وَ نتسوق سَوا ..
نورتيني مَيرو إنتِ و كلامك الحلو مَثلك
مرحبا توسه انا بيسو متابعتك بالتويتر
اول مرة اعلق بس الموضوع بجد يستحق,,,. كلاسيكيه باللبس و جدا… أميل للألوان الغامقة مثل الأسود وَ الكحلي بالقطع السفلية… وللألوان الفاتحة للبلايز
مرة العروض حبيتها خصوصا عروض فالنتينو و دولتشي اند جابانا تجننن
ايه اتوقع اتبع بعضها مثل:
الون شولدر,الربطة عالخَصر على جنب, الجينقام ستايل
وبصراحة فهمت اغلب الستايلات من شرحك اكثر من انها صور
سؤال: كيندال جينر بأي عرض الموديل حقها<<باين حبيتو.صح؟
مرة شكرا توسه تقرير جدا حلو. .استفدت منها صراحة…مرجع لي
تعليق بسيط…بس بقول شكرا…
هلا هلا بَالطش وَ الرش , عفكرة إنتِ غاليه كثير على قَلبي ..
بالنسبه لكيندال جينر من ديان فون هالماركة :Diane von Furstenberg
الموقع dvf وَ مبروك مٌقدماً .. للمَعلومية سعره حَول ٥ ألاف ريال سَعودي الفستان
مساء الخير
انا احب اتابع الموضة مو عشان امشي عليه بالزبط بس لما اتابع الموضة راح اكون عارفه ايش راح يكون غالبا دارج بالاسواق.حبيت الموضوع و توضيحك بصور اكثر , عجبتني حركة الربطة على الخصر اشوفها تحلي اللبس.اما الشغلات الي ما اتوقع راح اتبعها كموضة الملابس الجلد و اقصد كبنطلون جلد او تنورة او جاكيت بس ممكن البسه لو كان دخل في اللبس مع قماش ثاني. موضة الجينز حبيتها و لبستها كقميص جينز على بيج و اسود بس فكرة تطيقم جينز على جينز ما عجبتني.
انا غالبا اول شي اشتريه يكون الشوز او الشنطة و اطقم لبس عليهم ههههههه ما اعرف اذا وضعي طبيعي بس احبها ف تلفتني اكثر.
دائما طرحك مميز و متكامل يسعدك ربي
يا هَلا ..
معرفتك بالمَوضه يسهل لك الإختيار , وَ بتكونين عارفه سلفاً وَش الموجود وَ إللي مَش موجود ..
وَ شكلك خلبطتي , لأن الجلد غير دارج لا بالصيف وَ لا بالربيع أكيد ..
وَ عادي وَضعك طبيعي طالما هالشيء هُو إللي يلفتك وَ ماشي مَعك زَي الحلاوه , بس بالنهايه حيكون عندك شوزات وَ شنط أكثر من الملابس بهالطريقه بدون ما تَحسين ..
لأن صار مَعي نفس الشيء
وَ إضافتك وَ تواجدك أضاف روح للمُدونه
يعطيك العافية توستي ، ماننحرمش
يَعافيك يا قَلبي
الجينقام ستايل جددددا جميل و حبيته و أكيد الأقمشة الشفافة احسها تفيض أنوثة بس سبحان الله من يومي و أنا اكره قماش الجينز في غير البناطيل ،، ممكن يستهويني على غيري بس عليا أنا لا ،، باقي الأشياء أتوقع حسب القطعه ،، احيانا اكره النقوش الكبيرة بس فيه قطع مطبوعه بهالنقوش تستهويني يعني من الاخر حسب الجو العام المحيط فيني و مزااااجي الموقر
تقريباً مثلك , مُش أوي مع الجينز بغير البناطيل بَس مرات الديزاين يفرض وَجوده لو خيشه بتلبسه ..
مَره فويتون نزل شنط جينز يالله كيف كنت مَيته عليها تقريباً بعام ٢٠٠٦ طرحها جينز بطيخي وَ جينز كَحلي وَ الإثنين مَت عليهم
صَراحه صممها بطريقه جَبارة , وَ حبيت النقطه إللي تَوصلتي لها بالآخر ..
دُوم منورتني أوكاسيا , كَوني بالقرب لوجودك مَكانه بقلبي
هيفاء وهبي مربوبة بس مالها بطن لاصق في ظهرها !!! معقول الواحد اذا سوى رياضة بس البطن ينمسح ، شيف شزي pP:
عادي مش كل مربرب فيه كرش , هي مربربه نسبة الفات فيها مُتناسق جداً جداً ..
غير كذا بنيتها العظميه وَ العضليه مُستحيل تعطيها مظهر النحف الشَديد حتى لو تبي , وَ تراها رياضية جداً
لكن العُمر يخلي الوحده تكتسب وزن بمناطق وَ ماتقدر تسيطر عليها , خاصه إن هيفاء ماكانت رياضيه ببداية شبابها
8/ اللون الابيض له سحره الخآص
9/ هههههههه فعلا تصاميم موسكينو تفشل المصيبة اللي فرحانة
شرت مثل هالتصاميم و مبسوطة عليها مثل حليمة بولند على انا غاسله يدي
منها من زمان
بالنسبة لتطقيم الجنز ماحبيته و احسه مزعج للعين و مافي شكل او موديل
الا الان حسيته مناسب خصوصا ان الجينز كبنطلون فاتح يوضح العيوب
13/ لو عندي مشوار و اعرف اني بلف و ادور كثير من اخرها البس رياضي
ههههههه يلا جت فرصتنا نكون عالموضة :p
موديلات الون شولدر اشوفها تعطي نعومة و انوثة
لاحظت قصة الفلات بشكل رجولي انتشرات عندنا في برادا منزل
وكمان براند ثاني نسيت اسمه
حبيت فكرة فنديشنطة بشنطة و شنط الظهر مفيدة بنات الجامعة و تناسب
مع الملابس الرياضية خصوصا اغلب البنات احسهم متوجهين لنمط الرياضي
انا اشوف الموضة بهالسنة اكثر تنوع يعني الواحد يأخذ اللي يناسبه
حتى 2014 نفس الفكرة اقصد في تعدد خيارات مقارنة بالسنوات السابقة
كان الموضة تنحصر على شغلة معينة و قد لاتناسب الجميع
اشوف ان المجتمع انفتح و صار اكثر ذكاء باختيار اللي يناسبه و ليس
شريطة ان كون متوافقة مع الموضة و هذا مبدئي ..
و يسلم اناملك على هالموجز الجميل اللي
اسعدتينا فيه و اعطيتينا فكرة .. بحيك
اللون الأبيض آآآخ جَميل جداً ..
إلا غالي وَعليه طبعة ماكدونالدز ..
شفتي مَوسكينو ؟! وَ ليته رخيص
الون شَولدر حلو وَ يعجبني بغير بَس مو ستايلي المفضل , فعلاً يعطي نعومه وَ أنوثة ..
وَ أتفق مَعك .. تقريباً الموضه كأنها تَقولك هبب على كَيفك كل شيء دارج ..
حتى شانيل شَطح , وَ أسعدني تَواجدك مَيشو خص نص إنك تعبتي نفسك بالرد مَرتين وَ كل رد يقول الزَود عندي
شكرا على التدوينه المفيده
على قد ماشفت تدوينات كثير بالموضه الا ان تدوينتك غيير وادق بكثير مهتمه بالتفاصيل وشرحتي كل صوره دائما مخلصه بتدويناتك
حبيت البعض واللي ماحبيته الشيرت دريس والستايل الرياضي
اكثر شي حبيتها فندي تفاصيله مميزه
بس عندي مشكله احب الوان البيض بس اذا لبسته ماحسه حلو علي وانا بشرتي بيضاء بالاندر تون دافي مره شريت فستان ابيض ورجعت مانسبني ابد مادري صراحه وش الغلط
كل ماشوف دمية فندي يجي بالي انتي احسها ستايلك
ودي اسالك ؟ وشرايك في شنط ديور بالتصاميم الاخيره صارت عليها هبه مبقى احد ومالبسها
العفو يا قَلبي , وَ الله إنتم تشوفوني بعين الرضآ لذلك تَحبون أي شيء مَني ..
أنا أشوف الأبيض حلو عالكَل , مُمكن مع ستايل مُعين يكون حلو بالبرونز وَ ستايل مَعين وَ صبغة شعر معينه يكون يَجنن مع البشره البيضاء
يمكن إنتِ متضايقه من شكلك بس الناس شايفينه حلو عليك , أو الفستان نفسه ماكان حَلو أو درجة الأبيض فيه مو هالدرجه الحلوه
جربي من جَديد إلا ما يَطلع عليك حَلو ..
ههههههههههه على طاري دُمية فندي أنا فندي نفسه مو صَحبه معه بس من يوم ما طَلع هالشغلات المَجنونه حَبيته
بالنسبة لشنط ديور أي ستايل تقصدين ؟! شنط ديور أنا أفضل بديور وَ شانيل ماتبعدين عن الكلاسيك .. يعني ليدي ديور سعرها ١٦ ألف وَ ٥٠٠ تقريباً .. لو بتاخذين لون كلاسيكي مايموت
مبلغ كبير وَ ضخم , إذا ماديتك فوق المُمتازه وَ إنتِ إنسانه مصروعه و فاشونيه وَ مقتدره لا ضير من شراء ألوان مُتعدد أو نقشات مُختلفه , أو شغلات حتموت خلال موسمين يعني بتعيش معك ٦ أشهر
أو سنتين بالكثير , أنا ما أفضل .. فيه ماركات أبسط منهم وَ لها إسم وَ تحللين حقها خلال المَوسم ..هذا فيما يتعلق بالصَرعه منهم
أما اللون الكلاسيكي أييد وَ بقوه , وَ أشوفه مست هاف بس لما الماده تَسمح
وَ طبعاً شيء راجع لك ..
الموضوع جميل ويعطيج العافيه وتسلم هالانامل يارب ..
بجواب ع اسألتج ،، هل حبيت المجموعه مو كلها اعحبتني اكثر شي حييته الدانتيل يمكن البس من الباقي بس ماتوقع الوانهم ماراقت لي ،، اما الجناط بصراحه التوب عندي حاليه فندي ومخصوص الميني حيل حبيتها وانا صارلي مده غرقانه بحب الجناط الميني ،، بالنسبه للهيلز غوتشي لخريف ٢٠١٥ خطييرر والوانهم عجيبه طبعاً ماذكرتيهم و هيلز شارلوت اولمبيا لخريف ٢٠١٥ عجيبه والوانهم جريئه وبسس وطبعاً من ناحية تغير نظرتي للفاشن اكيد بتتغير واللي احبه يمكن بعدين ماحبه والعكس وفيه اشياء ماكنت اتقبل اشوفها الحين عادي بس فيه اشياء الى الان ماحبها وماتغيرت نظرتي اتجاها بلكي في المستقبل تتغير
تَواجدك الدائم هَو الأجمل وَ المُبهج بالنسبه لي ..
فعلاً الشناط الميني إكتسحت الساحه وَ بقوه , وَ بصراحه ملائمه لمناسباتنا لأن حياتنا مُختلفه عن الحياه الغربيه ..
قوتشي تقريباً دايم ناعم بصنادله وَ صنادله رقيقه جداً , وَ شارلوت أولمبيا مٌش صَحبه معه بسبب مَظهر كعبه الأمامي , بس مرات ينزل شغلات أحبها
بس إنتِ تتكلمين عن الخريف ؟! ..
وَ فعلاً هالشيء يصير الواحد ذوقه يتغير , حسب إبداع المُصممين راح نتوجه ..
نورتيني وَ حبيت إضافاتك
ذوقي يشبهك بشكل عام عاد يمكن متاثره فيك
الموضه حبيتها بشكل عام
بس اللي ماعجبني الفلات ومستحيل البسها حتى لسوق البس 2سم
المهم ماهو فلات وانا حامل مالبست علشان البس الحين
المتصفح تغير بس ردي مايطلع كامل
وَ النعم فيك ههههههههه ..
ترى ببكي إلا إنتِ ليش مايبي يضبط
حاولي ما تحطين إبتسامات وَ فواصل وَ نقط وَ شوفي وَ إنسخيه قبل
عطاري الفلات ترى شَعور مُتبادل
واااااااه خطفتي انفاسانا واساسا مابقى لي نفس والله اقراء والكلمات تتسابق وارجع اعيد …
برجع اقراه على مهل … بس بجاوبك على اسئلتك
حبيتها ملمه وشامله مافي احد مايناسبه منها شيء …
افضل شيء شدني واعجبني ولفت نظري الحقائب واول صف فندي خطف لي عيوناتي السماويه توحفه انهبلت عليها ذوقي وبعد العسليه …. ودمية كارل عشقتها انا بعد مررره كيووت …
وبعدها الملابس الشيء اللي استجد علي الجينقام ستايل واعجبني، واكثر شيء يعجبني لكن ماطحت على اختيارات جيده منه اللون الابيض ..واعجبني مرره البالطو اميل للكلاسيك مع مجاراة الموضه … وعجبني من الملابس الشفاف التنورة الصفراء وقد لبست لوك مقارب لها واحسها تتقولب علي .. احب المخطط واخر مرره لبسته كان من اكثر من 12 سنه وعندي شنطه مخططه جوات شنطه شفافه شريتا العام من شارليز اند كيت كلن يمد ارجوله على قد الحافه بس والله اكل قلبي فندي …
وبعد اعجبني الشيرت دريس وستايل البطن المفتوح على فكره بعد ملاحظه توبا تلبس مفتوح بطنها ومرره حلوين اللي لبستهم خاصة التنورة البيضا وبلوزتها السوداء واعجبتني الفتحه لان الوسط هاي احسها مرره حلوهوقصة البلوز كانت مايله …..
اللي مااعجبني المنقش امكن لان لي معها تجربه فاشله …
راجعه بفصفصه مره ثانيه
رَشرش الحُب .. يالأرستقراطيه ..
فندي فعلاً بدع عاد شَوفي لما يَدمج كذا ستايل سَوا , فيه موديلات أكثر لشنط فندي قَمة الجَمال وَ العذاب
شَفتي ؟!
وَ فعلاً المخطط قبل ١٢ سنه كان دارج , ماشاء الله عليك , وَ الذكاء إنك تتأنقين على قَد إمكانياتك هذا ذكاء , عشان تَقدرين تنوعين بشكل كبير وَ سريع ..
بالنسبة لتوبا شَفتي ؟! كانت فضيعه وَ صح فيها مؤخرة هههههه بَس يعجبني إن جسمها مبروم يعني ما تَحسين فيها هُزال أو مَرض
خاصه بيوم خطوبتها من عَمر , هههههه ذكرتني فعلاً بوضعنا بالمُناسبات .
ولاحظي يوم لبست الطاقيه الصوف على شَبك , حبيتها جداً .. أصلاً يعجبني فيها بساطتها
ارتوس اتابعك واترنم بنعومة صورك وهدوء وبساطة حياتك الظاهرة ولكن لاول مرة اقراء دام الموضوع فاشوني حبيت بساطتك وسلاستك وتعليقك وطبيعتك المماثلة لطبيعتنا حبيت الجنجام ستايل والجنز والاكتاف والشراشيب نسيت اسمها الفاشوني
ياحظي على كَلامك الحلو , أسَعدتيني ..
كوني دَوماً بالقرب لأن كلامك خلاني أبتسم لا شَعورياً
حياك الله
يااهلين
على قد مالموضوع روعه وكالعاده ماجبنا شي جديد
الا اني كنت اتمنى كلما نزلت شوي اشوف صوره لك انتي
كنت اتمنى اشوف اختياراتك بتصويرك فكري فيها بليييز
اشوف الدارج فيه اشياء حلوه كثير
حبيت المخطط خصوصا بالتنوره اللي بالصوره الاخيره
والربط عالخصر حبيت
الاقمشه الشفافه اول واحد مثلك تمام اللون روعه والموديل برمته ينطق احب هالستايل
اللون الابيض وياويلي ع الابيض خصوصا عالسمر ماتقصد نفسها ابد
الوحده حلو واذا دخل معاه البيج بعد روعه بجد واذا لعبنا بالشعر والميكب بذكاء
نفسي توسوسلي اقوم اضبط نفسي بأبيض !!
الجنز بعد حلو من كم يوم شفت صوره لكيندال جينر لابسه قميص جينز من فايندرز كيبرز
حبيته كثييير بس ماعرفت اطلعه كنت حابه اشتريه
والستايل الرياضي بعد يعجبني بس هنا ماالقى شي بأسواقنا
مثل جزم Reebok احسها ناعمه وحلوه وبتكون حلوه مع ستايل مثل كذا فيس يبكي
والشنطه الاولى تنطق بكل شي
ويامحلى هالطلة
حَبيبتي وَ الله ..
مفروض وَ الله أسَويها وَ القادم يكون من تَصويري الشخصي ..
يالله قَومي ضبطي نَفسك , الكلام عن الأناقة وَ الجمال مرات يَحمسك تتأنقين وَ تجددين وَ تغيرين
دُوم منورتيني يالغاليه بَجد بجد لإطلاتك بَصمه مُميزه
تدوينه جميله كعادتك حببيت الموضوع لفتني كثير موضات هالسنه
وعشقت الشوزات الرياضيه مثل ديوور جماااال وستايل الجنجام جدا حلو
ورايق كمان اللون الاصفر مااحبه ابددد لكن حبيته هالسنه
والشوزات الاربطه مميزه دائما حبيت اما شنط فندي جد ابدع هالسنه
واشتهر المونستر تبعه واخذو فكرته باقي الماركات
يَضاهي جَمال تواجدك ..
دَيور حتى طلع كعب رياضي بَس هذا بعام ٢٠١٤ , وَ كان فعلاً مُميز ..
لكن أنا حبيت ديزاينات nike أكثر لو الشيء رياضي رَياضي , أو جوسيب زانواتي جداً راقت لي تَصاميمه
ياحبي لثرثرتك
للامانه ماقريتها كامله كل ماانسجمت وانا اقرا قطعوني
اجلتها لوقت اكون فاضيه واقرا بروقان
رغم اني مو من اهل الموضه بس احب اقراواطلع
المهم ياحلوه ودي اخذ نصيحتك في موضوع ممكن
هههههه حَياك ..
ما أدري مَين إللي قَطعك .. بس الله يَخليه
وَ إسأليني وَ إن شاء الله أجاوب عليك ما يَهمك .. نورتيني
ويخلي لك كل غالي
بارسل لك دايركت بالانستقرام
بس شلون بتعرفيني من بين الي يرسلون لك
يسعدلي صباحكك صقيقتي.. كيفكك اولا ماتصدقين قديششش فرحت بسؤالكك جعلك ماتفقدين غالي .
ثاني حبيت بعض الشغلات بطن مفتوح ..القصير وربطه الخصر وبعض الشوزات بس يختي عندي عقده منذو الصغر …
احب البس شي محد يلبسه بس يكون لي حتي لو شريت شي ولقيت احد لابس مثلي اتضايق حتب احيان اقول للي حولي ودي لي مصنع خاص فيني يسوي لي شي محد يلبسه هههههههههههههههههه عاد يضحكون علي بس كذا انا احب اكون متميزة بكل شي . وعااد تسلمين ارتوس الغاليه ع هالتدوينه وعسي كفوفك واصابعك الجميله ماتمسها النار حبي لك وتقديري لككك ..
ياهَلا بَسهام وَ لو إنتِ بالبال وَ بالقلب ,زَي لما أغيب تسألون عَني من واجبي أسأل عنكم
وَ التويتر مو مَقصر مسهل علي التَواصل معكم ..
عطاري التَميز , أتوقع كل نساء الأرض يَتمنون هالشيء .. بس الأن التوجه شَوي أختلف صار الكل يتنافس يقتني أثمن المُقتنيات وَ كل واحد يَقلد الثاني ..
وَ آمين يارب وَ ياك
مرحباأرتوس
أتحمست مره للموضوع ومافي تدوينه ماشدت انتباهي بس بجي أرد أتردد كثير يمكن تستغربين وش عندي بس في شي مومريحني قبل سنتين كذا أو أقل حصل تتش بيني وبينك أعتقد بتويتر كلام وكذا صحيح ماقصرتي علي واعطيتيني علقه ماأنساها بس فيه شي منكد علي أحس قاعده أستفيد منك وأنا ماأستاهل
أنا متابعتك من زمان من أيام شمواه بس مو مشتركه ولا لي مواضيع وتابعتك انستقرام ع الحسابين القديم والجديد والحين سجلت بالمدونه وكثير بنات لما بيكونو جدد انستقرام باعطيهم حسابك أول شي كأفضل حساب حلو بس مو مرتاحه من جوا ماأقدر أكتب كلام زياده بس جد والله مضايقني هالشي
ياهَلا بَك ..
يؤ يؤ .. وَش دعوه !! .. أجل أكيد كثير مَثلك ..
شَوفي أنا بالغالب أرد بَعفوية , يَعني من النوع إللي إذا شيء ماعَجبني أتناقش .. بس ما أحط ببالي
صَح إن ذاكرتي قَوية بالأشخاص إللي تَطاولوا عَلي , بس فيه شغلات ما تُعد تطاول وَ عادي مَثل الأخوات إللي يتناقرون
إذا أختك من دمك وَ لحمك تتناقرين مَعها , أكيد ماتكرهينها أبداً .. بس عادي إختلاف بَوجهات النظر
وَ أنا بعد أدري إن مَيولي بأمور كثيره مُختلفه عن الكثير , وَ من النوع إللي أصرح ..
وَ كثير يجدون مثل أفكاري فيها مُحاربه لهم وَ ماتجوز لهم , فبالنهايه يتعارضون مَعي وَ بشده يحسون بهالوقت إنهم لازم يصوبوني وَ لازم أصير مَثلهم
وَ أنا بعد لي قناعتي إللي مُستحيل أحد يَقودني , ترى هآ جالسه أوضح لك
حَمستيني أعرف وَش دار بيني وَ بينك .. عَندك تويتر وَ عندك المَدونه أفضي بما بداخلك وَ زيلي هالإحساس ..
أي شيء كَتبته فيه مَنفعه لأحد قَصدي به تكون المَنفعه عامه .. وَ حياك عطول
ياللجمال الآخاذ .. يسعدلي صباح الزين كله ..
بالنسبة لي حبيت حبيت أجزاء كثيرة من موضة هالسنة
بس بطلع عن الموضوع شوي
صرت أحس هالفترة الناس ماعاد عندها ذوق محدد
ممكن تكون تكره هالشي بشدة لكن تشوف أحد تميل له أو من المشاهير حابها فتطيح عليها بعنف ( هذا حالي إذا شفتك مقتنية شي ، لكن الفرق إنك الذوق كله ف الواحد يحب كل شي فيك وعنك وعلى ذوقك غصصب ومحد يلومه )
و القالب فعلاً هو المقياس أولاً و أخيراً
يؤ مَين قَدي بهالكلام , عاد كلامك بَي أكيد راح يَسعدني
بس أنا متأكده إن لكل وَحده هويه خاصه , يعني حَتى لو عجبك شيء عَندي ماراح تَكونين كُوبي بيست
خاصه إني ما أعرض كَل شيء ..
يا حَلوك يا إثار , يا بَختي بالبنات إللي مَثلك إنتم إللي مَكبرين راسي .. شفتوا لا تَدلعت عقب إنتم السبب
مَنورتني عَطول
حقيقي انبسطت ..
المصممين مراعين ذوقي هههههههههههه ..
كثير أشياء جذبتني وخاصة إنها تطابق الستايل اللي أحبه ..
عجزت انام لما خلصت وكنت جداً مستمتعه وراح ارجع اقراء الموضوع ان شاءالله ومتأكده اني بقراه بنفس المتعه وكني لااول مره اقراه مو لان كان فيني نوم لا لاني كنت مركزه جداً باالقراءه بس لان جدا عندك قدره عجيبه ماشاءالله اني اقرا تدويناتك اكثر من مره ولا احس باالملل
بس عاد الا المشرشر ليه مايعجبك لما البسه لبعلي العزيز مع كعب واهز له يروح فيها
بس طبعاً ماالبسه مثل الطريقه اللي شبهتيه فيها كنه طرف ستاره لا البس مشرشر بادي من الخواصر
راح ارجع ارد ان شاءالله على وش اعجبني لان الحين فيني نوم
ياحبي للقرق كل هذا وانا فيني نوم
الله يوفقك ويسعدك يارب
هههههههههههههه ترى أعذروا جَهلي بسوالف المَتزوجات , ثاني رَد يوضح لي فوائد المشرشر
ههههههههههههه وَ يازينك إنتِ و إستهبالك .. حياك بكل حالاتك ..
وَ عفكرة التَدوينات الطويله أنا بنفسي لما أرجع أراجعها تاخذ مَني أبو نَص ساعة , فبرافو وَ الله إن عندكم قَدرة على قراءة تعليقاتي
ما أقول إلا إني مَحظوظه بمتابعيني .. صَح المُدونه ماصار لها ٩ أسابيع من يوم التَدشين وَ مع ذلك الردود إللي بها وَ تفاعلكم يَشوق
يَخليني أحرص على الطرح المُتجدد ..
طلع السطر الرابع من كلمتي (الا)كني انافخ ع فكره كنت حاطه فيس يبين اني استهبل بس طار وطير معه كلام
يعطيكي العافيه.. موضوع شامل ومتكامل..
حبيت الجينجام ستايل اكتر شي..
الجينز ما بقدر البس اكتر من قطعة جينز مع بعض.. ما اعرف اذا حيتغير تفكيري.
الشوزات ربي يكرمكم.. حبيت ال T شوز
الشنط بميل لل كلتشات او سكل الشنطة الكلاسيك
الحزام او الربطة علخصر تعجبني وتناسب جسمي..
حبيت جدا هالنوع من التدوينات..
ودي
يَعافي قَلبك وَ حبيت تفصيلك لذوقك
لأن تقريباً حسيت أغلب إللي إخترتيه هو إللي أغلبنا راح يَختاره وَ شكله حلو وَ منطقي ..
نورتيني
حبّيبت الموضوع وَ شيء قريته وَ شيء لَآ .. لكن الآن بطريقي للجامعة ^^
مو قادرة أركز ،،
مآحبّيت أخرج بدون ما أعلق !
وَ لي عودة يآ جمميلة ..
الله يَوفقك يارَب بدراستك ..
لي الفَخر إني أخذت جَزء من وقتك الصباحي ..
يوووه يا ارتوس دائماً اشوفك أميره من أميرات الف ليله وليله
انخلقتي عشان تكوني مميزه ومختلفه عن الجميع
تقريباً حلوه موضة 2015
اكثر شي حبيته فيها بالنسبه للملابس الالون والاوت شولدر
مع انه كان دارج بكثره قبل 10 سنين بالفساتين واشوفه
بس صارت عندي بلوزه أوت شولدر وحبيت شكلها علي وان شاءالله ألقى فستان بهالموسم حلو بالأسواق يكون الون
وبعد حبيت الاقمشة الشفافه ي الله تأسرني بقووووه << فيس يوّن ون
مجرد المح شي شفاف بزحمة السوق اروووح اركض عنده كأني توم لما يركض ورى جيري خخخخخ
يارب تنزل الموديلات جد راقيه مو شي اي كلام اهم شي شفاف وباقي الموديل مو حلو او جودة القطعه مو ذاك الزود !
اعجبني اللون الأبيض احب الكلاسيكية بالالوان هو والاسود عشششق عندي بس رغم حبي للاسود ما افضل البسه بفساتين افضل البسه قميص او بلوزه
لاني اكسره بالوان ثانيه فاتحه مثل البيج او الأبيض
فيه مره أنجبرت عليه بحفله دورت بالأسواق ليما ارتفع ضغطي مالقيت شي دخل مزاجي وفجئه طاحت عيوني على فستان اسود حسيته راقي ينفع لحفلات بس انه اسود خام كامل وهذا اللي ما احبه هههههههه
قلت لو اييييييش ما اخذك لا تحاول !
وزي التحدي رحت مترت المحلات وطلعت من السوق رحت أدور بغير مول
اخر شي رجعت له مهزومه XD
وطول الحفله احس مو طايقة نفسي حسّيت انه يعطيني مظهر اكبر
اللي ماحبيته ستايل التطبيعات الكبيره وستايل المريله اكثر شي كرهته هم وأحس ستايل المريله نسخه مطوره من قصة البيبلوم اللي عن جد ماحبيتهاولا فكرت البسها رغم اجتياحها للاسواق وحب الناس لها
هذي الستايلات اللي مااتوقع البسها وعسى الله يثبتني هههههههههه
الشنط حبيت الكلتش اللي مسكته منه وفيه والشنطة الدميه تجنننننن ودي افعصها مدري ليه ذكرتني بليون XD
ماحبيت الشنط الخوص والحياكه ابد ولا شنطة السله
ونفس الشي اسأل الله الثبات هههههههه
والشوزات مادخلت مزاجي باستثناء حرف T من زمان احبها بس مو بطريقة هالكعب ولا بهالعفاشه احس هالستايل انخلق عشان يكون رقيق
والشوزات التربيط مو قادره احدد موقفي منها انتشرت ايام ثورة الكليبات والاغاني ببدايات الألفين ووقتها حبيت الستايل بس الحين مدري
يمكن اقتنع فيها مع الأيام
ويا جمالك يا ارتوس
فَيس كله دَموع من الفَرحه بكلامك وَ تواجدك إللي دايم تَبهريني به
ترى خلاص تَعودت على وَجودك وَ إذا ماشفتك بيصير عَندي نَقص عاطفي ..
أتوقع أكتافك ناعمه عَشان كذا حبيتي الآوت شولدر عليك .. وَ تقريباً بعام ٢٠٠٨ وَ ٢٠٠٩ مَوضة الون شولدر كانت طاغيه بَشكل جبار ..
هههههههه ضَحكتيني يوم قلتي فَيس يون وَن ههههههه الله يَسعدك
فعلاً نَتمنى السَوق يلبي إحتياجاتنا , خاصه إن المَوضوع عن الملابس يعني الشراء عبر الإنترنت بيكون شَوي صَعب
عطاري فستانك الأسود , مَفروض كل بنت يكون عندها فستان أسود قابل للتشكيل ,لوقت الأزمات وَ الزنقات
الفستان الأسود مَست هاف , عاد الشطارة بعدين تلبسين معه شَوز أحمر , شوز غير لَون , كلتش بلون مُعين .. وَ هكذا ..
ههههههههه أجل وَدك تفصعينه , يا حَبي لك
ههههههههههه من جد نسأل الله الثبات , حتى أنا ما أحب الخوص وَ لا السله وَ لا الحياكه
جاز لي رَدك , وَ أضاف على فكرة تكلمتي من قلب قلبك ..
مرات الردود تلفت نظرك لمواضيع قادمة , بَجد فيه ردودك تَضحك وَ تونسك
هههههههه انا مسنتره عندك بالمدونه والانستقرام وشمواه كل يوووووم لازم أفتش بمواضيعك بالمنتدى واليوم اخر شي فتحت موضوع مقشر الليمون من البودي شوب
وكلامك والله فرحني واحطه وسام على صدري منننن قدي بس <<< فيس ميت من الحيا
يالغاليه ربي يبعد عنك كل شر ويخلي اهلك واحبابك ويطول بعمر باباك يارب
تدوينتك كالعاده جممميله جدا
يعجبني اسلوبك كثثير
اللي لفتني وحسيت اني ممكن البسه ويناسبني
اللون الابيض
اللون الاصفر جممميل جدا بعد ومن الواني المفضله
الاقمشه مالفتني شيء منها كثير بس احس الاقمشة الشفافع
جممميله بس بحدود طبعاً
الشوزات اعجبتني اللي بربطة كثثثثير ويمكن الشيء الوحيد اللي ممكن البسه منها لا البلوكة ولا ابو اصبع ‘
الشنط نقطة ضعفي جدا جمممميله الميني اعشقها
وفكرة الشمطتين بعد حلوووة
الكلتشات مررريحه جدا بهالحركة
دايم مميزه ارتوس
يا حَظي وَ يعجبني تَواجدك أكثر ..
وَ الشنط ما أدري ليه نقطة ضَعفنا أجَمعين , أنا بهالمَوضوع أكثر شيء قلبي نَط يوم شافه الشَنط
وَ أسعدت بطرح ذوقك وَ كلامك ..
وَ تميزي نابع من تَميز رواد الموقع
الله يوفقك ياعمري إنتي ياسعادتي إنتي ملهمتي وانجنيت يوم قريت اني اوحيت لك بفكره يا رب اكون مصدر إلهام ومساعده وخير لك حبيبتي إنتي جميله والله ونقيه تصدقين من كثر مااقرا لك وافكر بكل حرف انتي كتبتيه تخيلي صرت متخيله شكلك وكل تدوينه ارجع اقراها او صوره اشوفها اقول ارتوس كانت جالسه هنا وهذي كانت قبلها تضحك وهذي كانت كذا وكذا خلاص وانبسط بهالافكار انا دايم اكتب لك رد على تدويناتك بس اذا جيتي ارسل التعليق يجيني ألبريد خطا احاول كذا مره وبعدها امسح التعليق وارجع ادون المصطلحات الجديده علي بتدوينتك او بتعليقك المهم اني مبسوطه بتفاصيلي السعيده معاك من يوم ماعرفتك لليوم وإن شاء الله العمر كله
تصدقين مو بس تخيلت المكياج والشعر على الاستايلات اللي عجبتني حتى تخيلت انو هالنعومه كلها يبي لها نظافه وإهتمام احس هالموديلات بذات تقول لنا اناعمه وخفيفه يعني بلاويكم ماراح اخبيها يعني تضبطو القالب غالب واكيد انا اول المقصودين هههههههه لا جد هذي خلاص احسها خط احمر ياتطلعك قمر بكل شي من نظاره وجمال إهتمام او بيكوون مجرد لبستي موضه وبس ماعطاك روح الموضه
الحمدلله إنك عرفتي المشكله حقت وصول الرساله انبسطت كثير الحمدلله دااايم السعاده هي اللي تتفوق بالاخير وجمال التدوينه يبي لها عشريين مره تقرينها وتحفظينها وتفهمينها لانو احيانا خطوط الموضه تكون جولنا وقريبه منا بس مانصدق لانو نقول الغالي وش جابه هاﻻاسواق البسيطه بس بذكاء الشخص واللهم لك الحمد الله عطانا نعمه انو العين لماحت تعرفك بهالاشياء وتذكرك اذا نسيتي واحيانا العين تكون دلوعه ياحبي لدلعها يوم تصر عليم بشي وتخليك تشوفينه مره وعشر لين ماتقنعك بجمال الشي اللي حولك مابي اقول بالاخير لانو هالكلمه لهالمواضيع الجميله احسها تجرحها بس بقولها خايفه الموقع يبلكني يقول ذي كلامها كثير ايون نرجع للكلمه بالاخير إن شاء الله تكوون سنة خير وسعاده وحب وتفااااااااااااااااااهم وإحترام وتقارب للجميع
لتصحيح العين لماحه
مقهوره ماخلص كلامي لا واحس اني مختصره ههههههههه بس يلا مع السلامه
ي حلاتك وحلاة طرحك. ،، أنا مو راعية موضه ولا ماركات عالميه ووضعي الإجتماعي جدا بسيط لكن موضوع موضه ولك انت ماقدر مادخله ، أدري اني بستفيد بأي شكل من الأشكال
عجبني انو الدانتيل الأبيض دارج وبقوه وربطة الخصر المايله وال T شوز والستايل الرياضي لأنه عملي بالنسبه لي ♡
حكاية الرسمات والطبعات ماش أحس نادر تجي بشكل ناعم ويعجبني
نادراً ما اعلق لكن دائما ممتنه لك لأنك رفعتي وعيي لحاقات كتيره قدا ♡♡
لا لا الحمد لله فيني رجا..
اولا حبيت فكرة الاختبار دايم سويها
ثانيا اشياء كثيره كانت عاجبتني وطلعت دارجه والحمد لله.. مثل
الجينز.. اللون الأبيض.. الآوت شولدرز..
اللي ماحبيته الصراحه الجنقام ستايل والمقلم
لاحظت ان الموضه مايله ع النعومه بس كان النعال البلوك شذت شوي /:
تبارك الله على ذوقك ويعطيك الف عافية
ماشاءالله عليكي مسكتي الموضوع و لملمتيه من كل جوانبه،، يعطيكي الف عافية ارتوس،،
صراحةً،، فتحتي أفقي لاشياء انا ما كنت أفكر فيها بالطريقة ديه. انتي فعلا موهوبة و اُسلوب البحث عندك جميل جدا و طريقة شرحك سلسة و ذكية
انا شخصيا أميل للكلاسيكية بس احب اشطح بين فترة و التانية بالالوان لانه الالوان عشق لا ينتهي
ايه اقصد خريف ٢٠١٥ حبيت الهيلز بصراحه اكثر من الربيع والصيف بالنسبه لسنة ٢٠١٥
يازين هالمواضيع احس الموضه والخلاقين على قول امي تسطلني فمابالك اذا ارتوس تكلمت عنها
عاد احلى شي موضه الاصفر احب هاللون جدااا
بعض القطع اعجبتني مثل القميص الشفاف مع التنوره الشفافه كثير عجبتني لكن ممكن البسها بطريقه ثانيه .. انا مش فاشونيه ولااسعى اني اكون كذللك ، ذوقي كلاسيكي .. استمتعت جدا بقراءة عالموضوع في مدونتك مثل كل مره .. سردك ممتع
مرحباً.. تدوينة انتظرتها من زماااان .. وجات على ذوقي حببت بعض القطع مثل التنوره التول الصفرا مع بلوزتها، التنوره البيضا الشفافه .. والفستان الرمادي ابو هاي نك .. امممم انا عن نفسي أحب اشوف الجديد لكن في النهاية انا اصنع الموضه الخاصة فيني .. يمكن لان اللبس يطّلع حلو علي وهذا فضل من ربي سبحانه .. واكيد كاريزما الشخص تعطي انعكاس مباشر للطرف الاخر في تقبل او النفور من اللي قدّامه .. البنات ماقصرو اثروا الموضوع واكيد انتي لج قبله كبيره وفي انتظار الجديد
مرحبا
حبيت الموضوع
هل حبيتوا موضة ربيع وَ صيف 2015 ؟!
فيه اشياء جميلة جدا
الربطة على الخصر حبيت الي على كيندال جمييل جمييل جمييل كله
وَش اكثر شيء حبيتوه بَموضة ربيع وَ صيف 2015 ؟!
حبيت الرقبة العالية والستايل الرياضي وظهور الكتف
شوزات حرف التي وشوزات ابو اصبع بعضها تكون حلوه
الشنط الي ثنتين بوقت واحد اعجتني مررررررررره وشنط الظهر كمان
وَ وش الشغلات إللي ما تتخيلون إنكم راح تتبعونها كَموضة ؟!
انا ماحب اقول ماراح اسويها لان ممكن تجبني بشكل او باخر والبسها خاصه انها موضه
بس الي من ضمنها احس مستحيل البسها البطن المفتوحة مع انو احبها الي كذا بس عيب يعني :$
والمريلة
يعطيك العافية
مساء الورد ♡
موضوع قوي ماشاء الله ومجهود واضح يعطيك العافيه أنا اميل للكلاسيك في الملابس ستايلي قريب من الصورتين 8و9وأتكلف في المجوهرات والشوز وأحب الذهب وأعشق الساعات جداً أكثر شئ اخسر عليها لدرجه كل افراد عائلتي اهديتهم ساعات وفخوره انه كل واحد منهم عنده ساعه من عندي مدري ايش أحس هههههههههههههههه والالوان ماعندي لون معين بس أميل للفواتح أكثر من الغوامق واللون الأبيض يجملني أحبه علي ولاحظت لما البسه يجيني اطراء انه محلوه او مفتحه او فيك شي حلو تكررت لما البس أبيض فحبيته الشنط أحب فندي أكثر شئ اللي ماحبها ماحب الصوف ولا الريش ولا الهلاهيل والجينز أحبه في البلاطين فقط غيره مايطلع حلو عليه عموما ماحب اللبس اللي خامته ثقيله افضل يكون خفيف لانه سبحان الله طبيعه جسمي حار في الصيف والشتاء
معليش إذا فيه أخطاء املايه لاتي اكتب بالجوال واحس الكلام يخش في بعضه
وافضحي فضحاه كتبت البلاطين بدل البناطيل هههههههههههههههه تذكرت لما كنت صغيره كنت أقول للبلوزه بليزه ههههههههههه استري ماواجهتي تكفين لا واضح إهتمامي بالموضه وين اودي وجهي من العرب هههههههههههههههه
ماشالله كفيتي ووفيتي،، الدانتيل احببه احببه قديم ولاجديد حسيت ستايل كيندال جمع لي كل شي احبه
يالله كتبت تعليق بطولي وطار
ياهلا بالقلب … اذا انا استقراطيه شتكونين انتي اعجز عن وصفك …
وصادقة اللي عجبني لمن يدمجون كذا شغله سوا بتطلع غريبه ويطلع فيها ذوقك وتميزك حطيت شنطهم في بالي…
اما توبا مسطلتني ياختي اسنانها مو منتظمه وخشمها موب البيرفكت بس فيها جاذبيه غير طبيعيه احس طولها وطول رقبتها مميزين وشعرها يدوووخ وفيها كمية براءة وبساطه مع رقي احبها واحب اكثر شيء جاذبيتها وعلى قولتك جسمها مبروم ورياضيه مبين عليها والا هاذي شكل وحد جايبه توؤام الله يحفظها …يالله انتبهتي للطاقيه والشبك كان قمه في الذوق واعجبني الجاكيت الابيض دوخني يوم عزمها بالمطعم ولا جاها وتسريحة شعرها كانت ولا احلى …
اما ستايلك اعجبني حاسه اني اعرفه من قبل لاتقولين …
ضحكوني البنات بسالفة المشرشر والمهلهل هههههههههه جاري التجربه وبنشوف النتايج وياويلكم لو وهقتوووني هههههه
يس حبيت الموضة هالسيزن مررا . اكثر شي عجبني اممم الجينغام والمخطط والهلاهيل واللون الابيض احبه مره بس ما اشتريه بالعادة شكلي الحين ببدا اقشقش منه لوول والجينز حبيته وشوزات حرف التي مرره كيوت وبالنسبة للشنط توي شارية شنطة ميني لأني صغيرة وكذا الحمدلله طلعت موضة لووول بس ستايلي عموما نفسه كل سنه واحبه لكن ممكن اغير واتبع الموضة بالتفاصيل الصغيرة . شكرااا مرة حبيت التدوينة وننتظر تدوينه قسم ثرثرة
أهم شيء تَحبين نفسك وَ ستايلك , هذا هُو الأهم ..
وَ حبيت تعبيرك وَ تواجدك , نورتيني
احلى شي بموضة 2015 ان اغلب القطع متوفرة عندي من اول ؛ حظي زين
دَليل سابقه عَصرك بالأناقه ..
نورتيني
امممم بصراحة ماعجبتني انا ذوقي صعب جدا وهالشي يتعبني كثير دايما اتخيل موديلات في بالي وادور عليها في النت وفي الاسواق نادرا ما القى الشي اللي يرضيني في النت اما الاسواق عندنا الله يخلف كل المحلات مكررة .. يعطيك العافية ارتوس وسلمت ايدينك ع المجهود الكبير ربي يسعدك
تسلمين لي على هالدَعوات الحلوه مَثلك وَ مثل وَجودك
مره مُتعب الذوق الصَعب , أنا بفترة من الفترات كان ما يَعجبني أي شيء لدرجة كان دولاب مَلابسي نصه فاضي ..
وَ من يوم ماصرت أشتري من الإنترنت ريحت نفسي كثير وَ صرت أشتري من البراندات إللي تَعجبني منها أتمَيز وَ منها ألبس الشيء على وَقته
شكراً لك على هالموضوع الجميل بصراحة يوم شفتك نزلتي مدونة عن الفاشن انبسطت كثير لانك تجيبين زبدة الموضوع فيه
العَفو , وَ سعيده إن المَوضوع أعجبك ..
عفكرة كنت بتكلم به بفلسفه أكثر لكن قلت بقلبي لازم أنزل مواضيع ألف باء فاشن ..
لكن بحكم الوقت أضطريت أنزل هالتَدوينه
البطن المفتوح عشقي بس للاسف مافيه بطن يساعد ولو لي جسم يساعد كان لبسته عشان نفسي باالبيت لان كثير تطيح عيوني على البلايز القصيره
باالنسبه للجينز كتنوره مااحسه حلو ابداً خاصه اني ماالبس تنوره قصيره مع اني ايام المتوسط فيه معلمه تشكل بتنانير الجينز ومرررره كنت معجبه فيها ههههههه
الجينز راح البسه كقميص للجامعه
وبنطلون باالبيت
النقوش ما خلت مزاجي بس ممكن البسها لو بلاقي قطعه على ذوقي
الرقبه العاليه حلوه بس باالنسبه لي ماتلبسها الا وحده رقبتها طويله او رشيقه
الستايل الرياضي ماراح يناسبني لاني البس تنانير طويله وماالبس بناطيل
الكتف الواحد او الكتفين النازله مررررره يعجبوني بس مايناسبون جسمي
باالنسبه للشنط بتبع منها شنطه على الظهر بس راح تكون للجامعه فقط
اما باالنسبه اني اخذ شنطه معلقه عليها شنطه مني او محفظه او دميه مااتوقع بس اول شنطتين من اليمين ممكن يغيرون رأي
الكلتش مسكته منه وفيه حلوه
حبيت بموضه٢٠١٥تنوعها بس للامانه ماتنفع لي انا شخصياً
باالنهايه انا لو جسمي يساعدني بلبس من الموضه الشفاف والبطن المفتوح ببيتي
للامانه ماالبس ع الموضه الا شي يليق فيني ومحتررررمه دبابتي جداً هههههه
دبابتي =سمنتي
الحمد لله الحمد لله انك موجوده بعالم البلوقرز
انتي الوحيده اللي من قلب تعطي المعلومه بشكل متكامل ويخدم الشخص البصري واللي يحب يقرأ ع عكس غيرك من دون تقليل بجهودهم بس انتي out of this world هذي الحسنه الوحيده بالعذراويين ههههههههه أنا دلو وحنا مانتفق كثير من تجربه شخصيه مع أخوي وهو عذراء من قلب (تذكرت نظرات التزري اللي يعطينيها رغم اني اخته الكبيره )
بالنسبه للفاشن هالسنه المخطط اول واحد ذكرت حصه التفصيل يوم شفته وفستان طفله هههههههه بس حبييييييته التوب اللي مع اللون الاصفر لو لقيته لبسته
الجينز حلو حلو جربيه وبعدها احكمي
انا ممكن البس كل اللي عرضتيه بصراحه حتى المريله لو لقيت واحد يناسب طولي
الشوزات :
البوت المربط لون نيود بيطلع وااااااو اما ابو اصبع نو نو حتى شوفيه ع المودلز كيف اصابيعهم صايره not attractive at all الشنط حلو والحلو ان متوفره بكل مكان ناويه على السله بتطلع للصيف بيرفكت
الون شولدر سويته بالعيد اللي طاف وكان طرف واحد نازل ومربط على الذراع طلع مره حلو واليجنت
بليييييييييز كثري من الفاشن بلوقز فيه شح في هالجانب
رائع رائع وائع تدوينه جدا جنيله استمعت كثير وانا اقراها كالعاده استكتع بسردج وكتاباتج للبلوق
حبيت الجينقام انا من عشاقه من زمان
وحبيت تطرقج لتغير الستايل والاذواق فعلا ياكثر ما كنا نضحك على شي وسويناه خصوصا عندنا بالكويت كنا نضحك على طريقة حجاب المصريات بانهم يطلعون الحلق والتذن وجاءت فتره من ينوات وصارت موضه كاسحه للاسف
بكتب ردي من سفاري وان شالله يمشي الحال هالمره
كالعاده ماييطلع كل كلامي
الموضوع غايه في الروعه
حبيته كثيرررر .
وبحاول اواكب الموضه مع اني حامل .
بس حبيت فكرة تجميع الموضه بهالصور
اقدر لك جهدك كثير وتعبك واضح
الف شكر
عندي سوال الشوزات رقم ١٩اول وحده يمين حبيتها مرررريحه للحامل .
تعرفي وين احصل هالموديل او وش يسمى حتى ابحث عنه .
مره خاطري بشي زي كذا مريح و مو فلات .
حبيت كل جزئية كتبتيها خاصة ستايلك الخاص بدون مجاملة انتي من الناس اللي احب اقرأ سوالفهم وتفاصيل عن حياتهم لانك الوحيدة من ايام المنتديات تعطينا بدون مقابل يمكن هالشيء طبع تصور جميل عنك عشان كذا عندي فضول اعرف اكثر واكثر … تدرين انا كنت من الناس اللي تحب تنقد على غيرها انتي خلتني أتخلص من هالعادة السيئة من خلال تدويناتك وتعليقاتك بانستقرام ، كنت لما اقرأ لك اقول فعلاً انا شكو بالناس الحلووو بقول عليه حلو واللي مايعجبني التزم الصمت .. تذكرين لما نزلتي صور اظافرك وجاك هجوم قوي من الفلورز انا كنت مع الفئة اللي ماتحب الاظافر طويلة هالكثر لكن منك تعلمت ماكتب ردود سلبية او اجرح شخص فعلقت على جمال لون المناكير وتركت الاظافر فعلاً انا شكو باظافرك هههه كل وحدة تطول أظافرها بالشكل اللي تشوفه مناسب لها .. مرة لفتني تعليق لك بانستقرام على وحدة ، قلتي انك تقدري تعرفي الناس من طريقة أكلهم وتقديمهم للاكل الاناني والبخيل والطماع ومادري شو الباقي نسيت بس مافصلتي فييه بس تكلمتي عن الاناني بالتفصيل خصصي لنا تدوينة عنها هههههههه والله احنا طماعين بس شنو نسوي نحب سواليفك .. انا كثير شطحت ههههههه في الختام يعطيك الف عافية ويسعدك يارب لك مني دعوات كثير كثير والداتك الله يرحمها اللي جابت لنا بنوته راقية مثلك
Really u r amazing girl ,,ur opinions like mine
حبيت الموضه الدارجه واللوكات لكن احس انه صعب تطبيقها بالعالم العربي وبالذات عندنا لانها ماتلبأ لأي شخص ،،عكس الموضه في السنيين اللي راحت كانت نوعا ما تقليديه وقريبه منا ….
الموضوع المنتظرررر من زمااان عن تعليقك بالفاشن ..
اشتقنااا لذوقك وجمالك
ايه الشنط جمييله والجزم احبها اكثر غير اللي عرضتيها زي صندل توم فورد اللي قلتيه يجننن! ودي افتح محل جزم من حبي لها سواء هيلز او فلات .. بس اميل للهيلز اكثر لاني قصيره
و الابيض فاتن بس ما صادفت ولا مره فستان سهره ابيض وناسبني واعجبني شكله
آرتووس ودي اعرف ستايلك بالشعر كيف ؟ بالمناسبات ، الزواجات ..
و تحبين طريقة التمسيس بالمناسبات ؟ مثلا كعكع ممسمس *ممشط من قلب* هههه .. احسك مستحيل تسوينه ، تحبين تفكينه وتجعدينه بس او مع تسريحه ..
واللي شعرها بوي (بالزواج) تحسين مهما سوت ما لها طله مميزه ؟؟
رووووعة .. يعطيكي الف عافية اروتس .. انا زوقي كلاسيكي وبتحول للجنون بحدود .. وبحب التصاميم الانثوية اللي بتضيف الي متل ما انا راح اضيفلها .. ما بتقبل الجنون المبالغ خصوصي انو عايشة ببيئة متلي متل اغلب الناس فيها الزغير والكبير والمتابع للموضة واللي لا .. فممكن اخد جزء من موضة واحولو عزوقي وممكن ما يناسبني ابدا !!!
حبيت موضة الالوان جدا جدا بللزات اني من عشاق الابيض والاصفر بالصيف .. فكانت هي ابموضة عمزاجي تماما .. حبيت موضة الهلاهيل عند ايلي صعب وما تقبلتها عند غيرو .. مع اني ما بحب الهلاهيل من قبل ابدا بس الي صعب الو لمسة بتغير تفكيري تماما ..
موضة البرينتد بالزات عشكل ورود حبيتها جدا جدا جدا بالزات عند زهير مراد ورالف اند ريسو .. اساسا الي صعب وزهير مراد ورالف ارد ريسو اكتر 3 تناسبت تصاميمهم مع زوقي هالسنة .. انثوية ومش مبالغة وبتنقط جمال ♥♥ ..
موضة الون شولدر والكتفين الساحلين حبيييييييتهم جدا جدا .. واولريدي عندي كزا قطعة هيك !!
اخر شي موضة الشناتي والشوزات كانت مخيبة للامال بالنسبة الي .. خصوصا اني من فانز الكعوب ومش مغرمة فلاتات .. شوز حرف T حبيتو واولريدي من قبل فحلو انو موجود من ضمن موضة هالسنة .. اما موضة الشناتي فما حبيت ابدااا !!!
بعشق تدويناتك عالازياء .. دايما بتضيفلي انا شخصيا وبعجبني ووقك وكيف انك بتفوتي بالتفاصيل .. وهاد الشي بشبع فضولي
مبدعة ♥
حبيتها جداا جدا وخاصة عرض رالف اند روسو وجورج حبيقه وايلي صعب )’: اسرتني
اما اللي مستحيل اتبعها تنانير الجينز الطويله نو وي ممكن بنسل سكيرت .. اما سالفة تغيير الاراء امي العزيزه كنت مستحيل اخليها تلبس ترتر وانشب لها واكرهها فيه وعاد امي تحب البرقه وانا نشبت لها ولما رجعت موضة الترتر شريت فستان اسود كله ترتر والله لا يوريك هههههههههه صارت كل ماشافت صورة ولا لوك وقالت وش رايك وقلت مو حلو ولا ما اعجبني تقول ايه خليه يلحق الترتر حسيت اني احرمتها احد متعها فالحياه .. والله تأدبت هههههه زين انها امي مو احد ثاني .. بس احيانا يكون فيه تريند ما تعجبني واكرها بس اشوف وحده مطبقتها بطريقة ابسط تحببني فيها .. وتدوينه جميله اوي ربي يسعدك <333
الله يسعدك يا توسه على كثر ما تسعديني بتدويناتك جداً روعه
أول شي تأملت الصور وحاولت أحدد إش الدارج ونفسها تكلمتي عنها
حددت اكتر شي عجبني الأبيض الي ع كندال حبيت كل تفاصيله النقش الألوان الاستايل الناعم وقريب ع كلاسيك إلا فكرة الربطة ع الجمب ماحبيتها
برقم 14
الفستان الأصفر باليمين دا الأقرب لذوقي قصا بسيطة ويبرز القامة ويعطي إيحاء إنك طويلة خخخ
و الفستان الابيض ع اليسار حبيت فكرة القصةلأن مو مكشوف تماما ولا مغطى تماما حلو للنحيفة وخاصة الي ماعندها صدر خخخخ
الشي الي مستحيل أتقبله فكرة الكتف المكشوف على طريقة ثاني لبس بصورة رقم 14 مع انو دارج من قبل بس أبدا مايناسبني وقليل الي يعجبني عليهم
الشنط حبيت فكرة شنطتين ميني وكبيرة وخاصة الدمية من يوم كان يروجلها وأنا حابتها
تسلمي ارتوس ع التلخيص والأداء بذمة
مبدعة وملفتة كالعادة
هاي ارتوس بحبك موت انتي راقيه بكل ماتحمل الكلمة من معنى بس ياليت تصورين لنا بعض لوكاتك
بخصوص موضة هالسنه فعلا ابدع فندي بالشنط مجنونه وحلوة وانيقه
وحلوا ان بالسنوات الاخيرة تغيرت النظرة لجمال الجسم وماعاد شفنا هياكل عظمية متحركة على منصات العرض
صراحة ماحبيت شي
احس رجعوا ٢٠سنة ورى
احب الشيء المبتكر ع نعومة بدون دفاشة
اللي عجبني من الصور طبعا فستان كيندال
لا تَتسرعين .. بس حلو حطي رأيك عَشان تشوفين يتغير أو لأ ؟! ..
وَ الموضه مازالت ناعمه , الذَكاء شلون تَولفينهآ
بصراحه آنسانه متآلقه دايم بالفعل مرات الموضه تنتج شيء وانتقده ..بعدين احس آني آتقبلته بس بديت اغير هالطبع لانه شين طبعا مو اتقبل اي شيء بس اول شيء اتآكد من انه فعلاً مايناسبني /النقطه اللي اعجبتني سالفه الجسم اللبيس فعلاً في ناس بسطاء ويلبسون من ماركات ععاديه تطلع بيرفكت بس تهقين وش السر ؟
السر الذَوق مَع جمال العظم وَ عفكرة أنا ما أقصد فقط اللبس الماركات العادية , بس فيه شخصين يلبسون من ماركة وآآآو
وَ واحد حلو وَ وواحد عادي , أتوقع السر الأساسي بالعَظم ..
أنا أركز على جَمال العظم يَمكن أكثر من جَمال الوَجه ..
عجبني الطرح اكيييييييييد
تدرين كل الموضه علي بعضها زكرني رباب عطوة”النعيمي”
نفسه رغم انها مصوره البرنامج من قبل سنه
ياهلا بَك ..
صَراحه ماعندي خلفيه عن رباب عطوة النعيمي ؟! كأنها يوتيوبر !! ..
الصيف اللي فات كان عندي قميص بتخطيطة الجينقام بالأبيض والكحلي ولبست معاه تنورة بيج بقصة رسمية
بالنسبة للسؤالين ^_
بشكل عام حبيتها وبقوة تغلب عليها الغرابة والنعومة بنفس الوقت
الشي اللي ما أعجبني موديل المريلة معليييش يعني ههههههههه وكمان نقشة الجينقام بلون البنك أو الأزرق الفاتح مدري حسيتها سفرة أو ستارة مطبخ والجزمة البلكة ماعجبتني وسالفة الفلات مادخلت مزاجي مرة بس أتوقع بتدخل غصب عني ^^
مرررة شكراً أرتوس كنت أنتظر هالتدوينه من بداية عروض الموضة حبيلك الله يخليك لنا ^_^
ماشاء الله عليك يَعني كنتِ سابقة للموضه قبل بَوقت ..
وَ فعلاً شبيهه بالسفرة تماماً .. لكن بالنهايه كله يَعتمد على ذكاء المُصممين بدمج الخامات وَ ملائمتها مَع طلبات الجَمهور ..
وَ أنبسطت إن التَدوينه جازت لك .. أسعدت بَوجودك
لاحظت الدانتيل مازال شكله شي بيسك مايقدم
الفساتين الجينقام عجبني فقط الاسود والابيض
وتقبلت اني اقتنيه كفستان او تنوره فقط
والربطة على جنب عجيبه مره عجبتني
ومره عجبني ان الموضه اصفر احب هاللون بس ما ألقى اللي ببالي
ابدا ..الحين ان شاء الله بلقى مادامه موضه
الجينز عجزت اتقبله لا كجاكيت ولا فستان ولا تنوره بس بنطلون
والستايل الرياضي جمييييييل مره عجبني في الفستانين والبلايز ان شاء الله
اقتني منه
شكرا ارتوس موضوعك جميل وجاء بوقته بما اني اتقضى حالياً
الله يعطيك العافيه على هالجهد
فَعلاً الجينزات أشوفها أحلى كبنطلون , يمكن لان أميل للبَناطيل أكثر
وَ العفو يا قَلبي , أسعدت بطلتك وَ تفصيلك للوكات
كالعاده نشوف اول ما تنزل موضه ما نحسب انها غريبه بالرغم عجبني كذا شي من الي طرحتيه ياارتوس
الي جذبني اكثر من الطرح ردك لكل بنت بشكل دقيق بدون اي اختصار
اول ما عرفت الاكاونت ازعجت اختي الا ابيها تشوف مواضيعك ودقتك في كل شي
انتي فعلا نادره جداا
اتمنئ وصل لك الي ابغا اقوله والي بخاطري
حبيت موضة الشوزات اكثر شي اولاً لان بتكرهيني لاعلمتك اني من حقين سبورت ركض وعبايه لووول وثانياً اعجبوني الفلاتات احبهم ياخي الهلز عجزت اتمصرع فيهم ماش ماقدر اجلس وقت طويل ، الشناط فندي تقطع قلبي عليها من اول ماشفتها انستا حبيتتتها اكثر شي ابيه من هالاين وبس
ما شاء الله شغل متعوب عليه ، يعطيج العافية حبيبتي ، اكثر شي حبيته اقمصة وجاكيتات الجينز والشنط الكبيرة اللي فوقها شنط صغيرة وشنطة الظهر .. -_-
• هل حبيتوا موضة ربيع وَ صيف 2015 ؟!
تسلم يدج على الموضوع .. حبيت منها بعض الاشياء لكن بشكل عام ذوقي يميل للكلاسك احسه سيف سايد ف مرتاحه مع ذوقي غير ان اعرف شالملابس اللي تناسبني واللي لا .. فغالبا اللي مايعجبني مايعجبني علي لكن يكون حلو غيري
وَش اكثر شيء حبيتوه بَموضة ربيع وَ صيف 2015 ؟!
اللي حبيتها الربطه عل جمب و والتنانير المخططه،مسكت ال كلتش
البطن المفتوحه ( فيس ميت صياح)
وَ وش الشغلات إللي ما تتخيلون إنكم راح تتبعونها كَموضة ؟!
شوزات بو صبع ، شيرت دريس ، والمريله
بما اني مهووسه بالشنط فهي أكثر حاجه عجبتني و كالعاده فندي يبدع ..
حبييت موضه هالسنه كثير. وخاصه التنوره المخططه تخطيطات مايله جمييله مرره..
حركه الربطه اللي على جنب تجنن وتحلوي اللبس مرره..
حبيت بعد الاقمشه الشفافه والهلاهيل مدري ايش اسمها جمييلين بس احس يحتاج لها ذكاء باللبس وتوقعي اللي رجّع هالموضه هو متسابق في بروجكت رن وي اسمه “Sean Kelly” شوفي فستانه الازرق على هايدي كلوم.
ال crop tops من اول ماشفتها على كيم وهي عاجبتني مرره بس للاسف احس مستحيل اجازف والبسها الا اذا كانت تظهر البطن بشي خفيف يعني لمحه.
الدانتيل والملابس المنقشه والاوت شولدرز هذي عشقي من زماان.
كارليتو اللي تتعلق بالشنط هذي مااحبييتها ابد احس الناس بعد ٢٠ سنه بيضحكون على هبتهم هذي. والشنط السله ماتخيل شكلها عندنا ابد مع عبايه!
عموما قاعدتي بالحياه وخاصه بالفاشن والموضه بشكل عام “less is more” ماحب نظام الاكسسوار الثقيل على اقمشه ثقيله على الوان كثيره!! احب اللوك بشكل عام بسيط وناعم الا قطعه وحده تلفت الانتباه.
واخر شي مررره شكررا على هالموضوع واضح تعبتي علييه كثير وخذ منك وقت الله يعطيك العافيه
فيه اشياء حبيتها بخطوط الموضه وفيه اشياء ماحبيتها
انا من الناس اللي انتقدت شيء وللأسف سوته
لكن احمد ربي انو كانت بيني وبين نفسي
ههههههه ولا كان يوم لبستها هلا هلا بنقد
لكن تعلمت نقطه من يعد نقد اللي نقدت وسويته
انو ماسبق راي بنقد اشوفه أقلبه يمين شمال اخلي فتره عليه يمكن اتقبله يمكن لا
بعدها احكم والمهم انو مانقد احد بوجه لأنو سويت شيء مره كاستايل وجانى نقد
بعد فتره نفس ههههههه والله قمت اضحك نفس الشيء اللي كنت لابسته نفس اللون ومن نفس المحل ونفس الحركه
طيب غيري يابنت الحلال مو كو بي بست كنت وقتها استحي وخجوله انو ادقها بالهرجه لكن مع الأيام تربيت
اتمنا منك شيء ابي ستايلك انتي على قد ما انا متابعتك من سنين ماعرف عنك الا الاشياء اللي تبين تبينينها
او تخبرينا عنها نفسي تحطين يوم موضوع من أسلوبك ستايلك حاص فيك هههه احس عقدت الشرح يعني من دولابك تنسيق اشياء
كذا قد درجتي مره بالمنتدى ماعرف من كم سنه فساتين ليت ترجعينها وبس
مو مرة حبيت الموضة هالفصل يمكن عشانهم ما أدرجو كثير ألوان خصوصا بعد ما ذبحونا بالنيودز في الشتا بس اصفر مايشبعني
كتبت رد طويل ليش بس طلع سطرين
المودل السودا -ص ر 15-
جمالها ي عالم .. لونها يجذب محظوظين الافارقة والله .
أوك نرجع للموضوع ف البداية مرا م اتحمست مو لاني مو جنب الفاشن بس لأنو خلاص عرفت نفسي و عارفة ستايلي تمام لدرجة م التفت ايش الجديد دايماً استوحي لوكاتي ب جمادات او اي شيء مو بشري لول
لما قولتي انو ح تكون تدوينة طويلة فرحت م امدا الا خلصت .. لييه كدا ي أبلتي هه
اغلب اللي عرضتي قيد لبستو من كم شهر هه اخرو الجينقام ستايل بس بشكل مبسط مو قطعة كاملة عيني دحين ع فستان بدي الطريقة او تنورة زي الجميلة بارجيت ممكن مع كرب توب و شوز رياضي .. ي سلام
احس و انا اقرأ الموضوع طلعت مليون تنسيق لول و مو من الصور كلو من كلامك و ردود الجميلات متابعاتك
اللون الابيض .. تصدقي م عمري لبست ابيض بشكل كامل مع انو كان عاجبني من سنتين بس م حصل واخدت قطع ب ابيض – اهه وقفة نفسي اصبغ شعري ابيض بدأنا غرابة يلا نستني التركواز يطلع و نجرب مع اني عارفة انو ح يطلع رمادي-
وقفة طويلة نرجع لمحور ثرثرتي حبيت الاصفر و معاك مع موسكينو و اللي قهرني اكتر لما شفتها قدام عيني حتى ف الحقيقة شكلها اهبل و انا اللي ستايلي بكبرو اهبل و غريب
اكتشفت دحين وانا المح ملابسي المرتبة بعناية امامي لول انو امس ف طلعتي لبيت صاحبتي جمعت خطين
1و 11
شكلي فاشينيستا وانا م ادري هه
حبيييييييت ثاني واحد من اليمين ف صورة رقم 5
اهه ي قلبي كلو ع بعضو جميل بزيادة و الشوكر اللي ف رقبتها
اكتر حاجة متحمسة ليها هي الرقبة العالية .. خصوصاً انو نفسي ادمجها بالستايل الرياضي و الفكتوري يمكن برضو ال 90’s
-is’t obvious that i’m a teenager lol-
حبيت برضو موديل المريلة .. لساتني متنحة ف جمال اللوك ف ص ر 5
كلامك ف ص ر 7 هههههههههههههههههههههههههههههههههههههههههههههههههههههههههههههههههههههههههههههههههههههههههههههههه أصلاً حرام .. ي لله شو دمك خفيف
دا الموديل م يحتاج اتكلم عنو كتير حلو بمعنى الكلمة جربتو كاجوال نفسي اجربو ف مناسبة و لو يكون بلون ابيض و شوز رياضي لا أناا متت و أنا بس اتخيل هه ع الأقل اريح امي من ناحية الدبابات اللي البسها هههههههههههههههه
16 و 14 جذبتني
17 اههه ي أحشائي اولت امس طحت ع هيلز بدا التصميم و دخت عندو م امداني اروح انادي امي تجيء تشوفو الا قفل المحل ملاتلبرتالتلعناناتلااباغعتاعاهاماانت م جات حتى 11 سلامات ابو نظام اسواقنا
عموماً الشوزات كلها عجبتني .. اتذكر قبل سنة و نص اوري صاحباتي اخر وحدة ص ر 20 و يضحكو علي انو تبي تلبسي دبابة انتي
– أنـا نفسسي اكون دبابة يركبوها و يجاهدو لووووووووووووول –
23 احس عندي كولكشن يكفي بلد هه
• هل حبيتوا موضة ربيع وَ صيف 2015 ؟! متوقعة م احس صار للموضة بصمة .. او بالنسبة ليا ع الاقل صارت تلفتني ملابس الناس العادية او البلوقرز وقليلين كمن اغلبهم صارو يقلدو بعض حتى الاجانب اففف م يخلو الواحد يتهنى بالكينونية هه
• وَش اكثر شيء حبيتوه بَموضة ربيع وَ صيف 2015 ؟! وَ وش الشغلات إللي ما تتخيلون إنكم راح تتبعونها كَموضة ؟! اعتقدت بربرت بزيادة فوق
أبله ارتوس افتكر زمان ف واحد من مواضيعك كنت توصفي ستايلك بالصارع و الروكي و انا خلاص كانو لقيت ماي وومن كرش بس لما شفت ملابس امم لايك وتت ذسسز سو وت آلل حريم وددد وير لول
بس دحين احسك صرتي بزيادة ف لسيف سايد يعني انا صح م شفت تنسيقاتك ك كل بس كانو احساس يمكن غلط برضو .. احلى شيء انو الواحد يعبر عن نفسو زي م يبا .. ولا احب الموضة لانو استهلكت بزيادة هه صارت كل الناس تلبس زي بعض و قلة الشغوفين بيها حتى المصممين بنفسهم فرق من لما طلعو و دحين .. حاسة م ح القى اللي ح يعجبني و لا ح تنزل دي عندنا الا بعد فترة يمكن هنا ف الحجاز تنزل لنا بسرعة بس برضو .. ف حاجة حلوة اسمها اون لاين شوبينق هه
ع أساس ادخل مدونتك اقرأ تدوينتك عن كريم كلينيك و استنى تجيء 4 و اقوم اسوي رياضتي صارت قريب ال 7 دحين لول نو كنترول ان ماي سللف اتز لايك يور ا درق
– i am in love with the coco –
lol
الموضوع جميل وشدني بقوة عشان كذا اول مره اعلق مع انو متابعتك من زماان ع الانستقرام والمدونه ..
من عشاق الموضه واحب كل شي جديد بنفس الوقت ما احب الزحمه بس لازم يكون الشي ملفت وراقي ، من الاشياء اللي عجبتني بهالموسم واكيد راح اتبعها اللي هي الاطلالة الكاملة باللون الابيض مع اضافتة شوز او باق وايشارب الخ… ليكسر اللون ، البطن المكشوف والستايل الرياضي مع بعض جد تحفه ومريح بنفس الوقت ، البنطال الواسع والقصير شوي فوق الكاحل ، موضة الهلاهيل او (الهدب ) وجد جمييييلة لمی تكون بفستان سهرة ، بالنسبة للشوز من الان بشتري فلات وصنادل شكلهم جميل ومريحين ، وايضا الكعب العالي بالربطة للكاحل او نص الساق واخيرااا الباق حبيت الشنطة الميني كميدالية ، فندي ، وايضا دمية كارليتو .. وبس
جد شكرا ارتوس انت الايدول تبعي
موضوع جميل كجمال ذائقتك
أتمنى يكون مثله للميك اب
دمت متألقه
فعلا شنط فندي ابدااااااع هالسنه ..قبل مستحيل تعجبني شنطه عنده ….
الاحظ تعدد الموضه وتنوعها قبل قبل يكتفون بشغله او ثنتين وكل الناس تصير نسخه من بعض …طبعا انامستحييييل البس شي كل الناس هبو فيه..
ماشاء الله حبيت البعض والبعض ماحبيت ما اتخيل نفسي لابستهم
عاد انا احب بعض الأوقات اغير باللوك والبس اشيا غريبه بس عندنا ناس همها تنتقد ويكرهونج بعيشتج
ينتقدون لما يخلونج تتركين هالموضه وبعدها بكم شهر او سنه بالكثير تشوفينهم صاروا يلبسون نفس الشي
ارتوسه خاطري استشيرك معجبتني شنطتين نفس النقشه بس وحده صغيره والثانيه كبيره اسود…
ايش رايك ايش اختار الكبيره ما اعرف حجمها بالضبط بس اعجبتني كثير من فرزاتشي كلهم
بس احيانا احس الحجم الكبير مو حلو معاي احس كبير علي انا متزوجة بحول ٢٤ بس يمكن لاني نحيفه شوي فاحس كبيره يعجبني حجم شنط ديور
هذي اكبر شوي….
احس الصغيره عمليه اكثر بحكم النقل لما اسلم لاني بعيده وكل ناس بديره
المهم انا اميل للصغيره السوداء ايش رايك اللي مطرزه
طولت عليك سوري بس تعرفي هذي الميزانيه يبغالها قناعه تااامه
وراح نشتائللللك كومايات والله
يعطيك الف الف الف عافيه
وجعل هاليدين بالجنة يارب اكثر شي معذبني شنط فندي ودميه فندي بس بالغوا بسعرها الدميه واكثر شي ماعجبني ستايل المريله يضحك معليش
ماشاء الله كالعادة قد التوقعات واكبر كمان لمن شفت الموضوع اتحمست جدا لانك تحرصي انك تكوني شاملة وتفصيلية وواضحة حبيت دا الشي التفاصيل الصغيرة اللي تفرق قلتيها واللي مالها داعي وماتناسبنها بعدتيها المهم عجبتني اشياء في الموضة واشياء لا بس اغلب لبسي السنة دي ابيض دانتيل ونقشات ناعمة خفيفة مو زحمة مرة اشياء شبه شفافة واكيد طبعا موضة الاكتاف جدا اعجبتني احب قصات الكتف الناااعمة الصنادل والشوزات ماعجبتني مرة اممم حبيت حزام الخصر او الوسط ابو ربطة ع الجنب خصوصا ع الفساتين ووووبسشكرا لك طرحك كان ممتع جدا ومفيد شكرا من القلب
يسعدك ربي ويعافيهم ويجزاك عنا كل خير
موضة اللون الأصفر رقم ٩
الفستان الثاني من اليمين ،،الفاتح،،
من وين؟ اي براند
كثير عجيني من اول مرة قرأت موضوعك حفظت صورته
والحين عندي مناسبة وذكرته
وعيدك مبارك يا أنيقة