صَباح / مَساء الأمل وَ التجدد
زَمان لما كنت أدون داخل المُنتدى كان التَدوين تدوين سَطحي .
أما الآن أحس لازم أتَخلص من سالفة التَدوين المُباشر الغير مُخطط له , لكن مثل ما يبدو لي إنه أصبح عاده لَدي
أمس تقريباً بالليل كَتبت تدوينه عن القطط وَ للآن لم ترى النُور .
سَبق وَ شاركتكم بكلمة عن عام ٢٠١٢ وَ ٢٠١٣ وَ ٢٠١٤
وَ ما كنت راح أنزل شيء بَخصوص ٢٠١٥ , لكن كثير طالبوا بهالشيء مو بس كذا !!
إنصدمت دخلت تويتر ولقيت الناس يتناقلون خطط وَ أمال أشخاص آخرين كَحافز لهم , ماعندي مُشكله مرات الكلمات المُحفزه لها وَقعها ..
لكن حلو لما تَصدر هالكلمات من ناس ناجحين مُش مُنظرين , إللي ضَحكني دخلت صفحة واحد وَ أنا أتوقعه غير مُتمرس عالكَتابه
كان يَطبل بقوانين تطوير الذات وَ التفاؤول وَ الأمل وَ يَسرد إنجازاته الوَهميه وَ ختم تَدوينته بجمل مَثل : أرجوكم أدعموني
وَ أتمنى مجهودي مايضيع سدى وَ تقرون هالكلام , و ياليت اللي قرأ تدوينتي يضيف تعليق يأكد لي القراءة
[ ما عَليه هل أنتَ شخص مؤهل لبث الأمل وَ إنت تستجدي العَطف .. كيف تتكلم عن النجاح وَ إنت بنفسك مو ناجح ] ..
مَره صَديقه لي بالآنستا وَ أكيد هي عارفه نَفسها , سألتني : وَش رايك بُكتب تطوير الذات ؟!
عَندي تَحليلين ..
إما يكون كاتبها تاجر وَ ذكي يعرف يستميل القلوب وَ يستقطب أشخاص عندهم حاله نفسية أو شعورية مُعينه
دائماً تجارة الأمل أكبر تجارة رابحه
[ إسمحوا لي هي نظرة شَخصية مالها علاقة بأي دراسة أو تحليل عَلمي .. إنما مُلاحظات شَخصية ] ..
وَ أعتذر سلفاً من مُحبين هالإتجاه , وَ أعرف كثير من صديقاتي ينفقون ثروات على حضور دورات تدريبيه للتحسين من الذات
التَحليل الآخر أن من قام بكتابتها شَخص يُعاني من الإكتئاب وَ هو محتاج ينتشل نفسه من الحاله وَ يحاول يساعد نفسه بهالطريقه
يشعر بالرضا عن ذاته , وَ خير مثال : ديل كارنيجي المؤلف صاحب أفضل كُتب بتطوير الذات وَ منها
• دع القلق وَ ابدأ الحياة
• كيف تكسب الأصدقاء وَ تؤثر في الناس.
• إكتشف القائد الذي بداخلك – فن القيادة في العمل
• فن الخطابة.
• فن التعامل مع الناس.
• كيف تكسب النجاح – التفوق وَ الثروة في حياتك
يُقال إنه تَوفى بمرض السرطان وَ لكن يُشاع بالأوساط أنه أنهى حياته بَنفسه مُنتحراً ..
رُبما تعب وَ ماقدر يقاوم المَرض الله أعلم , لكن هذا إن دل على شيء يَدل على إن الظروف القاهره أحياناً صعب تَخطيها بسهوله
وَ أن الحالات الإكتئابيه مرات تكون خلل جسماني مالها علاقه بالنَفسية .
كُتب تطوير الذات ما أنحطت إلا لتطوير أرصدتهم بالبَنوك , كيف تصبح مليونيراً , كيف تكسب أصدقاء , كيف تحتل العالم , كيف تسيطر عالعالم ؟!
ماشفنا أحد من المُسيطرين عالعالم نَزلوا كتاب بهالمَجال , لأن لو يَملك السَر صدقوني ماراح يَشاركه مَع أحد
وَ بالمُناسبة راح أذكر لُكم قصه طريفه عن هالشيء وَ بالنسبة لي هُو الأكثر نزاهة بالرُغم مَن مَكره
القانون لا يَحمي المُغفلين ~
هالجَمله كانت رد القاضي بالمَحكمه على شَريحه تم خداعها مَن قبل شَخص واحد
وقيلت كنوع من السُخرية أن القانون لا يحمي المُغفلبن ..فخلونا نَعرف السبب
يُقال أن أحد الفقراء بأمريكا فكر فكرة جهنمية حتى يتخلص من فقره , فوضع إعلان بالصُحف الأمريكية مفاده
[ إن أردت أن تكون ثرياً فأرسل دولاراً واحد فقط على صندوق بريد رقم …… وَسوف تكون ثرياً ]
طبعاً الجُمله رنانه وَ المبلغ زَهيد فتدافع الملايين من الناس وَ إنهالت الدولارات بصندوق بريد الرجل على أمل أن يكونوا أثرياء
بعد فترة من الزَمن حصل الفقير على مُراده وَ أصبح من أكبر الأثرياء , وَ بعد ما حصد الملايين حط إعلان بالبنط العريض
[ هكذا تصبح ثرياً ] .. وَ يقصد إنه سو فكره مثل فكرتي وَ عطاهم دَرس
طبعاً رفعوا قضيه عليه إحتجاجاً وَ جاهم رد المَحكمه الساخر القانون لا يحمي المُغفلين ..
بالنسبة لي الكُتب إللي توعد بالثراء وَ السعادة كلها نَفس الشغله , اللهم هذول حطوها بطريقه غير مُباشره
طبعاً مع تويتر وَ الفيس بوك كثروا هالعينات فصار الهدف زوار أكثر وَ ربح أكبر بدون ما يكلفهم أي مبلغ , يقرأ له كتاب كتابين وَ يستنسخ مَنه , هذي هي الحياه , الكُل صار يستغل ضُعف وَ حاجة الناس
بَتقولين لي مُستحيل أكيد لها فائدة !
السؤال : إنتِ وش تغير فيك من يوم ما قريتي الكتاب ؟!
مُجرد تخدير مؤقت
بتقولون وَش علاقة هالكلام بالسَنه الجَديده ؟!
لان ما أبي أحد ينتظر نجاحات أحد , يعني وش بيفديكم لو طلعت المَريخ وَ لا صرت أحصد الملايين
وَ لا شيء بس بتتحسرون على أنفسكم , خررررطي أغلب المتفلسفين مَكانك سَر وَ الناجحين ما راح يَتكلمون
فلا تنتظرون أحد يحفزكم , إذا النَيه ماصدرت من داخلك ما راح ينجحك لا كَتاب وَ لا غيره
مافي أحد يتغير للأفضل إلا إذا كان ورآه دافع داخلي , فيه عوامل مُساعده مثل محبة إللي حَولك لكن إنت ماراح تتغير إلا إذا فعلاً نويت
لو نوى غيرك يساعدك وَ يحسنك وَ إنت مُش مقتنع ماراح تتَغير وَ لا راح تتحسن
على سبيل المثال : كثير أهالي يدفعون لبناتهم للإشتراك بـ مراكز الدايت , وَ يساعدونهم وَ يحفزونهم
وَ يسفرونهم وَ يحققون لهم كل طلباتهم بس البنت ما تبي تنحف هي ما تَشوف نفسها سَمينه أو عندها مُشكله هي سعيده بنفسها
فمهماً حاولوا ماراح تتغير إلا إذا وقفت قدام المراية وَ أدركت إنها فعلياً بمرحلة خَطر .. وَ قيسوا عليها
حتى الناس إللي ما عندهم هالمَشكله مثل الأغلبيه عندنا فيها كَرش وَ إن كانت تختفي بالملابس
آوكيه عارفين إن فيه ناس رَشيقين وَ عارفين فيه ناس بطنهم فلات وَ مسطحه , وَ بيقولون لك إيه بنسوي تخفيف
بس هُم بينهم وَ بين نفسهم شايفين إن هالشيء ماهو هالمُشكله وَ أصلاً الأغلب على هالحَال بيسوي هو شيء مُختلف عن الأغلبيه
بتعب وَ بعناء وَ حرمان ما يبي , مافي أحد شايف إن عنده مُصيبه و بيسكت عنها إلا المَهبول
صَح مُمكن تقرين كتاب أو مقال يَحفزك , فيه أشخاص ينشرون السعادة وَ الأمل وَ التفاؤول
مُمكن أشخاص مَريحين أو يشبهونك بالطباع أو بالظروف يقدمون لك العزاء بشكل أو بآخر , لكن الغلط هو الإدعاء أن كتاب أو مقال غير حياة شخص بالمُجمل
فهو مَحض إدعاء وَ أضغاث أحلام , مرات التفاؤول الزايد عن الحد سذاجة وَ غباء , وَ بنفس الوقت الإكتئاب مَرض
الواقعية مَطلوبة , وَ إعتقاد إن جميع الظروف راح تُقهر !! فيه ظروف ما تُقهر تقهرك فلا تطلبون من الجميع التكيف بَمثل تكيفكم , الصبر وَ التخطي وَ التحمل هذي قُدرات , وَ الحياه فيها الحُلو وَ المُر
مُعادلة الحياه ،’
هالمُعادله طَريفه تَنقل لك واقع الحياه ببساطه تعرفون عاد حركات الغَرب
وَ أخيراً قوله تَعالي ( لَقَدْ خَلَقْنَا الْإِنْسَانَ فِي كَبَدٍ )
لا أدعوكم للإكتئاب إنما للَواقعية ..
طَموحي وَ آمالي لـ 2015م ؟!
هالسَنه فعلاً ما كان يَعني لي هالعام بدخلته إلا مُجرد رَقم ..
أتوقع النجاحات ما راح تنتظر شهر مُعين تبدأ منه راح تبدأ متى إنت ما قررت تنهض بعزيمتك ..
أنا من الأشخاص إللي دايم أحدد لي أوقات ذَهنيه , يعني فرضاً أقول بقلبي ماهو تَدوين على وَرق ما راح يَجي 2016م إلا وَ أنا مَحققه هالشيء
لحد الآن مافي شيء حددته ببالي ما حَققته لأن كل اللي طَلبته واقعي أو مَدروس , وَ فيه شغلات ما قدرت عليها لأن ما تَعتمد علي تَعتمد على أسرتي , أو شَغلات مالي يَد بها مو شيء لو سَعيت له راح يَتحقق فيه شَغلات بيد الله بالرُغم عَملت لأجلها بس ما الله كَتب ..
حالياً عالمُستوى البسيط أبي أثبت مَكانتي بعالم التَدوين وَ بديت هالخَطوه وَ راح تَشوفون بالأيام القادمه راح يَكون لي أثر فعلي وَ إن كان بسيط بمُساعدة الآخرين
يَمكن فيه كثير شَغلات أدون عنها ما تَكون بمُتناول الجَميع , هالمَره وَدي أقدم شيء من المُتاح لي للآخرين ..
ما يَهمني إذا هُم يَحبوني أو ما يَحبوني , لئيمين مَعي أو غير لئيمين .. أنا مُؤمنه بمبدأ أسعد تُسعد .
بَقولكم شَغله مُمكن تَفرح أشخاص بالثانوية العامه بالأختبار النهائي لمادة التعبير عطوني أتوقع 18 مَن 30 المُهم العلامة النهائية كانت 75
بدل ما تصير نسبتي 98٪ صارت 95 ٪ , خسفوني شَر خسفه بالإختبار رُبما عَبرت لهم بشيء خارج عن المألوف وَ طيروني , بالرغم أذكر إن الإختبار كان إختياري بين الطبيعه وَ بين شيء ثاني
وَ أنا إخترت الطبيعه هههههههههههه شكل اللي قَرت تعبيري قالت وَش هالهياط كل هالأماكن شَفتيها , لليوم أسأل عن سبب هذيك العلامه المُجحفه ..
المُهم لو تَرددت بسبب هذيك العلامه وَ قلت أنا مالي قَبول وَ لا أقدر أكتب ما كان اليوم أتفلسف وَ عندي مُدونة وَ تقرون لي بَعد , بالرُغم إني مَطبعه ببقية المَواد وَ لو ما أشوف العلامات كامله يَجيني نَوع من الأحباط يمكن عشان كذا مازالت هالعلامة بَقلبي ..
لُربما كلماتكم كانت الدافع لَي , فلا تَحبطون يَمكن مُحيطكم ما يشوف مواهبكم لَكن إلا ما تَجدون شَخص يتبناها أو فئة تؤمن بَكم , أو ما بَعد وجدت الفَرصه الملائمة للظهور
أنا مؤمنة إن الإبداع ينبع من الداخل وَ يدعم هالإبداع العَلم وَ آخر شيء هو تحفيز إللي حَولك
ما أحب أبداً أتدخل بميول أحد حتى لو كان هالمُيول الآخرين يشوفونه غباء أو غير مُربح مادياً كل واحد من حقه يختار شَغفه
أحياناً الشَغف يتملك الشخص ما يَفكر هل هالشيء راح يدر لي أرباح أو لأ
وَ دائماً وَ أبداًً حلو الشَخص يكون نفسه وَ يحقق حلمه مو يَحقق حلم الآخرين فيه
وَ لا طُموح الآخرين به , أنا شَخص خلقت بأحلامي وَ أفكاري مُش بأمنيات الآخرين بَي ..
لي كَيان مُستقل , لي نَظره مُستقله , خُلقت لأعيش حياتي مُش حياة شَخص آخر .
زَمان أذكر اول ما طَلعت هبة ستار أكاديمي , برامج الريل تَي في
الكل إنتقد وَ قال خيرررر أعرض عيالي للشهرة وَ إنتقادات الناس وَ الجرح , كنت وَقتها أقول لأهلي إحمدوا ربكم ما عَندي صوت حلو وَ لا كان طلعت
ما كنت أشوف به مُشكله , وَ كانوا الناس يقولون لي : إنتِ مهبوله وَ الريل تي في فيه فَضح للحياه الخاصه وَ وَ وَ وَ
الآن ماشاء الله أشوف كل واحد صار يَسوي نفسه مَشهور وَ التويتر أو السناب شات أو الآنستا ما يَختلف عن ماكان يعرض بالريل تَي في
الكل صار يَدور الشهره حتى لو كان يشحذها شحاذه , زَي اللي يشحذون لايك وَ فولو وَ وَ وَ .. فقط إختلف الزَمن
حتى صاروا ناس محداً يعرف عنهم شيء يَجون يرمون حسابهم بالسناب شات بَحسابك عَشان الناس يَشوفونهم , مَرض الإنتشار وَ الشُهره إستفحل بالبَشر
عَشان كذا ما عَندي إستعداد أغير نَقطه من بَحر طموحي وَ أحلامي حسب ما يتلائم مَع البشر
اليوم هالشيء مَهماً كان مُختلف الكل عَليه بَيجي يوم يدورون عليه لووووووووول أدري راعيين القَمع وَ حرمان الناس ما يَحبون كلامي
بس هُم بأنفسهم بعد وقت تتغير أفكارهم لان هذا جَزء من التطور البَشري ..
دَوروا على أحلامكم , وَ لا تخلون أحد يحطمها لَكم بأي حَجة كانت
طالما إنتِ مقتنعه بها وَ شايفه بها سَلوتك حَققيها , مَحيطك راح يثور مَبدئياً بس مصير هالهيجان يهدأ
[ أحس بدأ كلامي يَصير خَطر خاصه على المُراهقين .. لكن آتمنى تَدرسون طموحكم صَح وَ تكونون أيضاً واقعيين وَ عقلانيين ] .
بالرُغم عُمر الحلم وَ لا الطموح كان له حَدود .
الإبداع ماله حَدود ~
مَره مُعلمة الفنيه تَقولي إرسمي بَس لا تَشطحين , قلت لها صَعب أحد يقيد الفنان
تبيني أرسم زَي المَدرسة ما تَطلب وَ كان عنوان الرسم رَسم حُر , شلون تبي شَخص يبدع وَ إنت تَقيده بحدود !! خلاص تعال أرسم بداله
مافي حَدود للإبداع , وَ لا حتى فيه قوانين تَحكم هالإبداع , لو قَيدنا كل شيء ما كان فيه عُلماء إضطروا يتجاوزون الخطوط الحَمراء مَن أجل الإكتشافات
دايم يَدور بذَهني شلون دافنشي قَدر يرسم رحم المرأة قبل زَمن الأشعة الصَوتيه وَ طقتها
شَكله شَرح له كم واحد على كيف كيفه من ثُم قام يَرسم , يعني لا تَنتظر من المُبدع يَمشي عالسَيف سايد ما راح يَبدع وَ هو ينزلك الدراج
فعيلكم بالصَدمات وَ التقبل ..
كثير من العُلماء يقولون تمت تَجربة هالإختبار عالحيوانات وَ لكن بالحقيقة وَ الواقع كثير مَنهم أجرم بحق الإنسانية لأجل الإنسانية بالنَهايه
ياما خطفوا مَجهولين هَويه لأجل تَحقيق إنجازاتهم العَلميه أو إستغلوا المَفقودين أو اللي مالهم أحد يسأل عنهم بسبيل هالبَحوث العَلمية
كَثير من النَجاحات حُققت عَندما تخلى الكثير عن النَزاهه
[ الآن مو تخلطون الحابل بالنابل وَ تروحون تبتلون بَعمركم بس إللي أبي أقوله الإبداع لا يُقنن ] ..
حنا مُمكن نشوف جانب النَجاح لكن ما نَشوف الجوانب الأخرى , ما نَشوف التنازلات اللي مُمكن تُقدم لأجل هالنَجاح
أو ما نَشوف الناس إللي سَحقوا من أجل صعود هالناجح , فيه كثير ناس بتاريخنا مُمجدين وَ يطلق عليهم أبطال وَ هم بنظر أخرين مُجرمين ..
حَقق أحلامك بدون ما تَخسر أحبابك وَ بدون ما تخسر نفسك وَ قيمك وَ مبادئك
لا تطلعين على حَساب أحد , بالنهايه ما يَصح إلا الصحيح ..
أنتِ قدوه لي !!
كَثير يقولونها لَي تحسبون ما أحس بالفَرح , ما أصلاً الناس يتناطحون بهالعالم وَ الدنيا قايمه وَ قاعده لأجل السُلطه وَ القياده
كل واحد يَحب يَكون قَدوه لَكن أنا ما أجد نفسي قدوه صالحه وَ لا أجد بأي من البَشر قدوة صالحة لَي وَ أستثنوا لي الأنبياء وَ الصالحين لأنهم أنبياء يَعني ما يُقارنون بالبَشر
كلنا بنا جَوانب سيئة وَ لا ما كان كنا بَشر كان صُنفنا ملائكة وَ ماكانت هذه الدنيا إمتحان وَ إختبار لنا
لكن بكل شَخص فيه جوانب إيجابيه لرُبما تنال على إستحسانا , وَ كلنا بناء من السيئات الكثير وَ نحاول نلمع صورتنا وَ نظهر بأفضل صَوره للعالم
بالرُغم عندي من السيئات الكثير وَ أفصح عنها مُش من مبدأ نرجسية بس أنا ضَد أني أكون على غير طبيعتي
[ مو تتخيلوني نوال السَعداوي أقصد طبيعة مَشاعري وَ أحاسيسي وَ سلوكياتي ] ..
أنا تَقشرت كالمَوزه ~
ههههه أكيد جاء ببالكم تقشير البشره أعرفكم تَحبون البياض لوووول
اللي يذكر العام قلت لكم بأخر يوم برَمضان طرأ علي تغير , من هذيك السنه لليَوم وَ أنا في رَحلة للغوص داخل ذاتي
يمكن المتابعين الدقيقين لي بيقولون لي ما تَغيرتي لأن حتى يمكن فيه كلام كثير بهالتَدوينه سبق وَ قلته مما يَدل إني متمسكه بكثير من أرائي
وَ إني واضحه وَ إن كلامي ما يتشكل مَرتين , دايم تغيري ثابت ما نقدر نقول تغير كثر ما هُو تطور
وَ لاحظوا قلت كلمة تقشر مما يعني إن اللب مَوجود لكن إنزاح عني كثير من الطبقات الخارجية وَ صار يَظهر الجَوهر
مُو بالضروره جَوهري ألماسي لاَمع مُمكن أكون حَديده مصديه
بَس راضية عَن نفسي عالأقل هذا أنا وَ وصلت لقناعة وَ راحة بال وَ تصالح مَع ذاتي
بَجد بَجد ما أنظر للخلف وَ إذا سويت ديليت بحياتي عُمري ما أدور له بسلة المُهملات مُمكن أسوي فورمات لحياتي
ولا أرجع أسترجع القَديم حتى لو كان جَيد هالقديم بس مرات الشيء يَتغير وَ إنت تتغير وَ صعب ترجع للوراء
أعيش لحظتي الحاليه مَع قناعاتي مَع أحلامي وَ أتطلع للمُستقبل ..
لا تَتوقعون إني مريت بَسنه حَزينه بالعكس سنة ٢٠١٤ كانت سنة بارده جداً بالرُغم إني كَونت الأساس
وَ كان فيه شغلات جديده بحياتي وَ شغلات سعيدة , وَ شغلات رتيبه تسبب المَلل وَ الحزن بس ماكان فيه حدث حَزين
بعام ٢٠١٣ صَح صارحتكم باحداث مؤلمة واجهتني , أحياناً الجمود بحد ذاته بالنسبة لي تَوقف كأنها سنة إنتظار
أتأمل عام ٢٠١٥ يَكون غير , مدري كيف بيكون غير لكن أنا مؤمنه بالعَمل وَ المثابرة هذا هو المُفتاح للنجاح
مُش مؤمنة بالتواكل وَ لا مؤمنة إن فيه شَخص راح يحقق أحلامي
أنا لَوحدي بَحقق أحلام ذاتي ..
وَش أمنياتك حتى لو بَسيطه ؟!
هذا كان سؤال أحد المتابعات لي , تصدقون فيه أحلام لي لكن صَعبه أقولها وَ غير كذا أقدر أجيبها لَنفسي بس ما أبي أقولها
لأن ما أبي أحد يَجيبها لي , وَ خاصه إنها مو صعبة المنال
أتمنى بَنهاية تَدوينتي شَفيت غليل اللي طَلبوا هالتَدوينه , وَ أتمنى أني ما أحبطكم , وَ أتمنى بَنفس الوقت إني فتحت عيونكم على اللي يتاجرون بالأمل , وَ أتمنى وَ أتمنى إن أحلامكم تتحقق وَ أنكم تسعون فعلياً إنكم تَخطون الخَطوة الأولى وَ لا تطالعون وَش سوى الغير وَ وش ما سوى الغير ..
لا تقارنون نفسكم بأحد , المقارنة بحد ذاتها هي بداية الفَشل , كلنا بفكر مُختلف وَ جينات مُختلفه وَ قدرات مُختلفه وَ طموح مُختلف , وَ دعم مُختلف فَمستحيل نَتساوى
وَ عاد أهَديكم هالمَقطع ( مَقطع مُوسيقي اللي ما يَسمع لا يَفتحه )
http://www.youtube.com/watch?v=Q_YbdT5ASvE
أتمنى لكم حياة مَديده مَثل حياة الصَبوحه , عاشت حياتها وَ لا أهتمت بَشماتة الشامتين
وَ أعداء الحياه إتشتمتوا حتى بَوفاتها وَ كأنها سَرقت سَنين من عُمرهم
[ سُحقاُ للطفيلات .. اللي شاغلهم كيف الشَخص يعيش ]
دُمتم بَحب
حبيت حبيت حبييييت التدوينة .. مافيها شي صادم بالعكس كثير من كلامك صح وواقعي وحلو .. بعد عطيتينا نبذة عن سنوات حياتك لو كانت باختصار شديد .. احس فيني كلام كثير مخربط مب عارفه شلون اقوله .. عموما شكرا ❤❤❤
يمكن ماراح اقدر اكتب اكثر من جمال مانطقتي به
صح في نااس يبيعون الامل مثلا ماقلتي بس في تااس لا لانو جدا انا اعتبرك من اللي يبعثون الامل في النفس بشكل ايجابي وولوقت طويل دايم اشوف ناجحين ينصحون بقراءة الكتب التحفيزيه
طيب انا بسالك لو جد الانسان كان مكتئب وش يسسوي الكل مو فاهمه والكل اناني انا حاليا في تضارب نفسي شديد ولا اني عارفه له مخرج وع التغيير نتاكدة من نفسي اني ابي اتغير بس محاولاتي كلها باتت بالفشل لدرجه فكرت انو اروح لاستشاريه معروفه جدا في الدول الخليجيه مادري وش ممكن اكتب بس كتبت
ارتوس .. جينا نمدح واستحينا ❤
اخيرا لقيت شخص مايهضم خرابيط تطوير الذات مثلي
قبل كم سنه شريت كتاب عن تطوير الذات واعتقد انه لنفس المؤلف اللي ذكرتيه سبحان الله 3 شهور احاول اقراه وماش ماهضمته ابد احسها طقطقه ع العالم
ومن بعدها وانا وسوالف تطوير الذات موش صوحاب
كﻻم جميل من انسانه اجمل جد من جمال الكﻻم قريته مرتين اهنيج ع تفكيرج لو الكل يفكر بهالطريقه كان شفنا ناس مميزه ونجاحات جديده وفريده كان ناس وايد اشتغلت ع نفسها اكثر واكثر وابدعو بدل مايقولون بنسوي وبنسوي وهم بمكانهم ماتحركو بس مجرد كﻻم ﻻ اكثر مافي شي بيتحقق اﻻ بتعب وجهد ومثابره جد لما كنت اشوف اللي حولي يشترون من هالكتب انا شخصياً ماقتنعت فيها ودوم كانت ع مكتب اختي بس وﻻ مره شدتني او حتى فكرت اقرا ولو صفحه منها اقولها هالكتب تنرفزني ع فكره وجد استانست لما شفت حد رايه مثلي رايي بهالكتب . الواحد لو جلس وبينه وبين نفسه عرف نقاط ضعفه وشو نقاط قوته وعرف هو بشو ممكن يبدع شو ميوله ووو وحصل الاجابه واشتغل ع نفسه ومارس اللي يحبه راح يحقق كثير اشياء وراح تكون له نظره ثانيه للدنيا مب نظرته الاولى الممله راح يحس ان للحياه طعم ثاني وطبعاً ما انكر ان حبايبك واصحابك واللي حولك راح يكون دعمهم له تأثير ايجابي عليك بس بالنهايه اعتمادك ع نفسك اهم شي ﻻتعتمد كلياً ع غيرك او ع دعمهم بشكل كلي ﻻن طريقك ماراح يكون سهل ومب الكل راح يدعمك ويوقف وياك في ناس راح تحاول تحبطك سكر اذنك عن هالناس وكمل طريقك دام انك مقتنع بصحه اللي تسويه واتمنى بهالسنه او السنين اليايه نشوف نجاحات وابداع شبابنا وبناتنا في الوطن العربي ويرفعون راسنا ♡♥♥
وتسلم ايدج ارتوس حبيبتي عالكﻻم الجميل وان شاء الله تكون سنه سعيده لج ♡♡ وسوري طولت هذره
اوفقكك بفكرة انوة الشخص طالما يمتلككك الاراده والقوة والعزيمه يقدر يحقق احلامه وان كانتت تناطححخح السحاب ….وبصراحه احي فيك حبك لنفسك ..لاني مقصرة حيل بحق نفسي لابعد حد … وربي يسعدك حبيبتي ويتحقق لك ماتبغي …وساعات ساعات بحب عمري واعشق الحياه
و اخيرا شفيتي غليلي ب اللي يتاجرون بالأمل على قولتك
حقيقه شي يستحق النقاش .. يسلم تفكيرك يا شيخه
صحيح اعترض معاك في بعض النقاط..ولكن هناك بعض النقاط اشكرك عليها جداا
كلامك ارتوس صحيح مئه بالمئه 100%
انا ارتوس كنت مبدعه من ااطفوله وكان اهلي مره يدعموني انتي مجتهده وانتي وانتي
لدرجه صرت توب التوب تعلمت انجليزي من نفسي وصلت الثانوي وانا لغتي فل الحمدلله
بدون تدخل من اي احد غير اجتهادي طبعا الدائم كنت متفائله وطموحه ونقطة التحول
كانت لما توفى ابوي تدمرت كليا جاني اكتئاب وبالقوه استجمعت نفسي عشان اخلص الثنوي بنسبه عاليه
والحمد لله جبتها وغير عدم الامان والاستقرار اللي لاحقني بعد وفاة ابوي الا ان كل ماتذكرت كلامه
ازيد جدي وعزيمتي وخلصت نفسي من الاكتئاب والتعب النفسي وقلت ماراح اخلي احد يكون مصدر الامانبحياتي الامان بداخلي واقدر اطلعه ودخلت الكليه بالطموح اللي ابغاه لكن كنت وقتها بصراع ازلي مع نفسي وحملت بعض المواد ولكن ااسنه اللي راحت بديت ارجع واقوى رسمت خطه وابحقق اشياء اكبر خلال هالسنه ذي ان شاء الله والحين انا اسعد مايكون وحتى اللي حولي حطموني بطموحي لكن ان شاء الله ماراح استسلم لين احققه وانتي بجد قدوه ارتوس تدرين ليش لانك قادره انك تحققين اللي تبغين لنفسك من دون ماتنسبين الفضل لاي احد واتمنى تحققين اللي تبغينه وان شاء الله اذا وصلت لنص الطموح اللي ابغاه راح اراسلك لان كلامك يعطي الواحد طاقه ايجابيه فضيعه تحسسه انه قادر يجتاح العالم
و بالتوفيق ي قمر …
بحد احيييك احيييك على جرائتك بالكلام وتعديتي وكسرتي كثير اشياء .. بطله بطله كلاااامك جدا مابه شي صادم قد ما كان محد يقدر يتجرئ يقوله .. استممري
التدوينه في قمة الجمال و بالعكس انا ما نسى لك مره تدوينه لما قلتي لو يقولون لي هالجدار اسود وهو ابيض اقول ايه اسود
كل التدوينتين اثرو فيني ايجابيا و انتي من الناس الي تبعث الامل والايجابيه للواحد حتى لو اختلفنا في اشياء فكريه
احبك و اقدرك كثيير
طيب تصدقين ما عندي احلام كل اللي افكر فيه هو كيف اسعد نفسي وكل تفكيري في الوقت الحالي ما قد فكرت في المستقبل
ابدعتي صراحه كلام جميل ومابه اي شيء يصدم
كل كلامك جمييييل ما شاء الله احس حركتي فيني اني انا وش بسوي بحياتي ووش الشي اللي ابيه الله يوفقني ويوفقنا اجمعيين يارب
بس اسفه المثال اللي قلتيه بالاخير ..صباح.. مثال جدا سيء
إنتِ ماخذه المَوضوع بنظره دَينيه
الفنانه صَباح أنا مو من نفس مبدئها بالحَياه , وَ لا مُتذوقه لفنها وَ لا لأسلوب حياتها
بس مين أنا عشان أقيم حياتها ؟! ما بالنهايه دخلت القبر لوحدها وَ راح تتحاسب لوحدها
وَ من المفترض أجيب لكم مَثال من الناس العاديين وَ الخطائيين , كثير سوا زي الفنانه صباح الفرق هي تَزوجت
البعض سووها وَ بدعاره , عاشت الحياه اللي تبيها بغض النظر هي صَح أو خطأ
محداً ينكر إنها كانت مهزله للفن بوقت ما , وَ كان الكل يبيها تعتزل طيب هي ما تَبي ؟!
حتى إختارت الطريقه اللي تبي تُدفن بها ,بالرُغم الكل إنتقدها لكن هذي خطواتها هَي وَ مالنا إلا نحترم رغبات الآخرين
مافي قَيود لرغبات شَخص هذي رغبته وَ حُققت رغبتها .
لليوم الناس يتشمتون بها , مافي مثال أعلى بالحياه
إحنا مَين ؟! لا أنا وَ لا أنتِ من الأنبياء وَ لا نقدر نسكن الناس منازل الجَنه وَ لا النار
وَ لا نقدر نحدد مَصيرهم , الله وحده هو أرحم الراحمين , وَ بنظري لو بطلنا نَحش فيهم يمكن أنجزنا بحياتنا
وَ يمكن ينالنا بَعض من رحمة رب العالمين , وَحطي بالحسبان إن الفنانه صباح ربما تكون إنسانه تعاني من عقد نفسيه
إنتِ ماتقدرين تحكمين عنها بدون ما تعيشين مَعها وَ لا تجربتها
وَ لو شفتي مقابلاتها بتكتشفين قديش عاشت عَقد , وَ بتكتشفين وش كثر عندها أضطرابات نفسيه وَ بنفس الوقت ساذجه
تتوقعين بوقتها مافي حُكام وَ ذو سلطه أستغلوها حطي هالأمور بالحسبان لا تحكمين على شيء وَ إنتِ ماعشتي مُعاناتهم
أكثر شيء يسيء لمُجتمعنا هو جلد الآخرين , وَ دايم نقاضي الناس
خذي الجانب الحلو بشخص واحد فقط , لو الله كشف مافي صدورنا لكل واحد طلعت ريحته مُنتنه فالحمدلله عالسَتر وَ حفظ السر وَ النوايا
كونك شَريف ما يَعني إنك تعهر الآخرين , النظيف يشوف الجانب النظيف بالناس وَ يدعي لهم بالهدايه هذا هو طريق الصواب
الواحد يكره المُنكر لكن ما يَجرم مُرتكب المُنكر ..
صباح خير مَثال للشخص إللي عاش حَياته بدون إكتراث لكلام الناس
أنا ما تَكلمت عن أم المؤمنين هنا , لأن محداً فينا بيوصل ربعها .. وَ لا هي بزمانا
تدرين ارتوس تدويناتك أثرت فيني كثير ♡
شاكرة لك هالمجهود الطيب ، تنبهيني على اشياء أنا مالقي لها بال ، و إن كان اسلوبك احياناً قصف جبهات ههههههه ، لكن أحب فيك صراحتك بحدود الأدب وثقتك بنفسك ♡يمكن ما اتفق معك ببعض الاشياء لكن زي مايقولون الاختلاف سنة كونيه ، وتبقين انتي افدتيني واقدر فيك هالجانب ♡ بالنسبة لتطوير الذات أنا بعد من عشاق هالمجال تدرين بعمري مافكرتك تفكيرك ، ممكن لأنو حبي لهالمجال أعماني ، لكن أنا أحب اربط الاشياء أحياناً واشوفها من نظره دينيه بغض النظر عن هالمجال ، بمجالات كثيره بحياتي أحاول اكون متفائله بأني ألتمس رحمة الله واختياره سبحانه يمكن هذا السبب براحة بالي معظم الاوقات ، الحمدلله الله يدومها علينا وعليك من نعمه ♡
فيه ناس أسلوبهم لطيف , بس الآن البشر تَوحشوا ماعاد ينفع فيهم إلا القصف لعل وَ عسى يحسون شَوي ..
أنا بالحياه لما أتكلم تراي كأني ماسكه عَصا لوووووول بس مع أبتسامه , أخوي دايم يقولي ما أدري ليش أحسك شرطي أو تستجوبيني
حلو ربطك للجانب الديني لأن حياتنا بالأساس دينيه , المُسلم مهماً كان عاصي
إلا مايكون فيه جانب ديني مايبعد عنه تطبع به الأساس .. الأختلاف سنه كونيه وَ على فكره مافيه مُتعه تناقش أو تتحدث مع شخص
يقولك صح صح أنت صح , المُتعه أنه نتخالف وَ نوصل لنقطه وسطيه وَ إن ما وصلنا كل واحد فينا من المفترض يحترم الآخر
تصدقين لي صديقه عزيزه على قلبي , عندها مَثلاً تصوير اليدين حرام وَ هذا هي الحقيقه بدينا ما ننكر هالشيء
وَ تخالفني كل المُخالفه لما أصور يديني وَ لا رجليني , تقولي لا ما أحبك تصورين يدك تقول أخاف عليك من الأثم
تتوقعين بزعل مَنها أو بقولها أنتِ ماتحبيني وَ لازم تكونين مثلي , بالعكس أحب خوفها علي
مرات تجلس تطبع لي بالواتس تصدع راسي لما تنزل صورة يد , أقولها طيب طيب .. أدعيلي بالهدايه وَ عشانها صرت أخفف
ما تدرين يمكن تجرني لنظرتها بعد عمر طويل .. حلو نحب كل الناس بكل أختلافاتهم
كون الشخص يقولك عن غلطك هو مش عدوك لكن الأسلوب هو اللي يحدد قبولك أو رفضك
برغم الاختلاف احببت خبايا ومحطات الالتقاء في بعض سطور ردوردك هي لا تشرح بل تلامس القلب كالتفاصيل الصغيرة ..
الى الامام
دمتي بحفظ الرحمن وتوفيقه❤️
الله يزيدك على جمال كلامك جمال وحسن اثراءك حسن ❤️
شكرا شكرا ارتوس علی كمية الواقعية والصراحة اللذيذة بمقالك ممنونة لك والله .. عاد م اكذب عليك انا من محبي هالكتب ومحبي التفاؤل والسعادة ونشر الامل .. حتی ما ابالغ لو اقولك كتاب متفائلون للكاتب عبد الكريم القصير غيرني للافضل .. لكن فعلا البعض يتاجر بالامل ..
قائمة الامنيات عدلناها والثقة بالنفس جددناها .. ممنونين لكل لحظة جمال وعطاء تهديها لنا .. 4 سنوات اتابعك ما ننحرم
كل مره اقرٱ لك شي ، انبهر من كمية الجمال اسم الله
دايم اسال نفسي ، هالبنت وش فيها عيوب ؟!
لاني جد اشوفك شي كامل ماشاء الله
جمييل تصدقين من زمان من اكثر من خمس سنين شفت برنامج فيه مدرب عن تطوير الذات وكانت له دعايات كثير تحمست له بالمرره من اول حلقه وانا مسنتره له بكل حماس انتهيت منه وانا اقول ماعنده سالفه .. وقبل ست اشهر مريت بظروف قلت لعل وعسى اقدر اغير من نفسي في هالدورات وسألتك عنها في الكومنت مره من المراريت وقلتي مامنها فايده بعدها غسلت يدي … طحت على كتاب العادات السبع واحس فيه رتب افكاري ظبط تصرفاتي بس ترا الى الان ماخلصته ولا انتهيت اقرا كمن صفحه واراجعها في نفسي واقلبها واشوف ايش محتاجته انا … المغزى احيانا تمر بالانسان ظروف يقوم يتخبط سبحان الله يكون المعلم وداهية العرب وحلال المشاكل بس يوم يجيه هالظرف تلقينه موعارف شيسوي … الايام دول …والله تعالى قال ان مع العسر يسرى … وياموزة عقبال اتقشر انا وعلى سيرة التقشير والبياض قلت اكيد انك بتعلقين هيك تعليق احس خلاص حفظتك وحفظت فصلاتك…. واقولك من هاللحين انتي افضل بلوقر على المستوى العالمي يكفي انك تميزتي بالمصداقيه والحرص وعدم التحيز والاستغلال …. انتي مثال مشرف لنا …. تصبحي على خير
إنتِ الصديقه إللي أقصدها ههههههههه شَفتي إزاي دايم ببالي ..
القرآن كله حَكم وَ مواعظ وَ فيه تطوير للذات , لكن مدري عن المُسلمين قران كامل بالمواعظ وَ الحكم وَ القصص
حتى السيرة النبويه مليانه بحسن السيرة وَ السلوك وَ التطوير بالرُغم كان بزمان غير هالزَمان وَ لكن مازالت صالحه
أنا تعرفيني مُش ناسكه وَ لا مُتزمته بس أدرك إن فيه كلمات كثيره بالقران بها عزاء لأصحاب المصائب وَ أنا شكلت لي بوقت ما حافز وَ داعم
أتمنى تتخلصين من أي مُشكله تواجهك , وَ مافي مانع من قرائتها لكن المٌشكله هو إدمانها وَ عقد الأمال بها ..
بقولك شغله فيه شخص عزيز علي , مُدمن بشكل مَجنون لهالكتب
أخرتها فَلس بمعنى فَلس وَ جات الشرطه وَ أخذته من كثر ديونه صار مايشتغل وَ طول عمره يطارد هالكُتب
لين جته بيوماً ما الضربه القاضيه وَ ديون فوق ٨ مليون , وقتها صَحصح على نفسه ..
خلته يؤمن بالعَمل والتغيير من الداخل وَ الحمدلله الآن صار مليونير بعد ما أكل تَبن لسنوات طَوال وَ ترك أخيراً هالكتب
لكن كانت نقطه سوداء بحياته
أرتوس العزيزة ,
دايما تكتبين ما يعجز اللسان عن نطقه
بتكلم وياش في نقطة الكتب , أنا تصنيفي في اقتناء الكتاب مهوب عالي ولكن أحب قرائتها
ومن بينهم كتاب السر هو قريته وحبيت فكرة إنه غير ناس من عرفوا السر بس ما أجذب عليش
كملته للنهاية وأنا أقول إنزين شنهو هو السر هههههههههههـ , يمكن تعتبر فهاوة مني اني ما اركز
بس احس اني ما اقتنعت كليا , بعد فترة جيت أقرا كتب تطوير النفس والخ
والله أقرأ بس صفحتين واصكه ابدا ما اقدر اكمله احسه شي مغشوش ع شي تافه ع شي ما اقدر اصدقه
ولا إني أعمل به .. شي خارج روتيني الانسان اني فجأة وفي يوم واحد اسوي كل شي مكتوب
سؤال عزيزتي : هل قرأت كتاب عقلك الباطن ؟ أو سمعتي عنه ؟
وهل تؤمنين أو تصدقين بالكلام المكتوب فيه ؟
أمرة قرأت شي عن الصدفية أو شي مثل ذلك تكون موجوده قريب من المخ وهي بمثابة العين
الثلثة للإنسان تبحث قليلا وصارت عندي معلومات كافية وصرت أسال أصدقاء لي عنها واعطيهم معلومات بسيطة
مجموعة استنكرت هالشي وبشدة وجدته شي تافه ومحموعة طلبت مني ان اروي المزيد ومجموعة
ع وجهه انها تصدقني وفي الداخل ع بالها اني مخبولة !
أسعد كثيرا بقراءة ثرثرتك فأكثري منها , سنه سعيدة !
سَنه سعيده لك كذلك ..
مافي مانع فيه وحده بالانستا علقت إن هالكتب ممكن تكون فائدتها تحسن من حصيلتنا اللغوية
أو تفيدكم بطريقة الحوار , شوفي طريقة كلامك الآن مُمتعه جداً وَ ممكن تكونين كاتبه رائعة بس مُش بالضرورة تكونين ناجحه وَ تحققين ما يوعدون به
القراءة بشكل عام تطور من الإنسان ..
أنا مُشكلتي ما أقرأ كثير , كل شيء أقراه يكون عَلمي بحت إما يكون فلكي أو فيزيائي أو معلومات طبيه
علم الطاقه وَ الأحجار …. إلخ أنا مش مطلعه بها وَ لا أقرأ بها , المهم وين تجدين راحتك ؟!
كيفهم اللي يقولون عنك مخبوله , بالعكس حلو النقاش ممكن تفيدني وَ ممكن أفيدك
ما أطلعت على هالكتاب , أنا مؤمنه بالدراسات العلمية المُثبته وَ اللي تم تأكيدها بالأبحاث العَلميه
لكن النظريات مش مؤمنة بها , ممكن يقصد بالعين الثالثة مثل الحاسه السادسه مش مُطلعه فما أبي أخربطك يمكن تكونين بهالمَوضوع أشطر مني
وَ أعذري جهلي هُنا
دايما كلامك حلو واوافق على اغلبه، اوافقك على ان الشخص هو اللي يبني نفسه واعجبني كلامك بهالنطاق، بس كمان لاحظت دايما تضربين المثل بااهل الفن والاشياء السطحيه اللي ماتغير شيء من اللب.
واضيف لكلامك، انه احيانا نؤمن بااشخاص معينين بالحياه ممكن انهم يحفزونك ويعطونك الامل واحيانا ممكن يساعدونك بااتخاذ القرارت وبكذا يتغير مجرى حياتك لانهم مؤثرين بالنهايه. وكمان لاحظت بكلامك عموما شويه حزن وذره عدم تفاؤل. بالنهايه الله يسعدك ويوفقك لما يحب ويرضاه واتمنالك النجاح وتحقيق ماتتمنين.
لان أهل الفن هم المؤثرين ليش النَكران !!
وَ هم الخطائين .. لو ضربت لك مثل بعالم يمكن ٩٠ ٪ من القراء ماراح يعرفونه ..
وَ دايم الأضواء تبهر الصغار بالسن , مشكلتكم تنظرون للموضوع نظره دينيه لازم تشوفين الشيء بتجرد
إذا موضوعي ديني صدقيني ماراح يستقطب أحد , وَ أتوقع المشايخ وَ علماء الدين أولى مَني بتقديم هالنصائح هذا مُش مجالي وَ لا مكاني
بتكلم عن أشخاص بعيدين عني ؟! ..
ماعندي حَزن وَ حتى لو عندي حَزن مش بالضروره أمثل السعاده هذي هي نظرتي من زَمان ..
بهالفتره الحاليه أمر بأجمل أيام حياتي وَ أتوقع أجمل أوقات بحياة أي بنت مُمكن تُمر بها .. لا تبحثين عن حَزني اللي بالنهايه بخيالك أكثر مما يكون هو بواقع
وَ عفكرة حطي ببالك أكثر الناس ضحكاً وَ تهريجاً هم الحزينين ..
الحياة هي الدين والدين هي الحياة، عنصرين يكملون بعض مايفترقون! الدين مش نفق ادخل له واشوف فيه الناس منه، هي تعاليم تتطبق ولك جزاءها عشان سعادتك وترتيب حياتك!
وبعدين ماقلت لك حولي موضوعك ديني ولا من هالقبيل، في ملايين الاشخاص ينضرب المثل فيهم غير هالتياريين! وحتى على قولتك لو ماناظرت من “النظرة الدينية” على قولك “تجرد” الفن يعبر عن الابتذال للانسانية لانه يشبه تخيل افلاطون الحياة جنس وعري والفن زياده مال يعني انتقل من البشرية للحيوانية. كل هذا وانا افكر بعيد عن انه حرام .. الخ واذا قصدك على الشهره وحب الناس فهذا يختلف الموضوع على تربيه الشخص نفسه وكيف نظرته لهالاشخاص.
وبالنهايه احنا قاعدين نتناقش ودي واختلاف الراي لايفسد للود قضية
خالص الشكر لك.
نحبببببببك ياارتووس❤️❤️❤️
جداً رائعه ….. وأوافقك مليون بالميه بالنسبة لموضوع تطوير الذات وأكثر شي يستفزني هالأشخاص والي بعد يستفز ان الدنيا انقلبت سوق كبير الكل يسوق لنفسه وإلا لعياله والكل يبيع وكل شي ينباع ><
،اتمنى تتحقق طموحاتك وعسى ربي يبلغك غاية أملك ومبتغاك
الكَل صار يبيع , فيه شغلات ما تخيلت إنها تنباع صارت تنباع حتى الحشيش لقيته ينباع بالآنستا
وَ دواء البواسير , وَ خلطات للبواسير 🙁 – وَ إنتِ بكرامه –
وش تبيني أقول بعد كل هالشيء , العالم صار بفوضى لكن ماينلامون الوضع الإقتصادي العالمي مُحبط
وَ آمين وَ أمانيك يارب
تحيه لشفافيتك
ما أعجبني بعض حكيك و بالنسبه لطبيعتك كأني اسمعك تقولين عساه عمره ما اعجبك هههههه
ربي يزيدك من فضله و كلي أمل انو مدونتك بتوصل للعالي لأنو اسلوبك غير عن بعض العالمين بالتدوين
موفقه *
بالرغم ما أعجبك كلامي , وَ لكن دعواتك كانت كريمه لي ..
الإختلاف شيء صَحي وَ التطابق بينا غير مُجدي وَ لا ينفع البشريه بشيء
أنا أتعلم مَنكم كذلك وَ من وجهات نَظركم ..
وَ بالطبع الإنسان لا يبحث عن رضى الجميع عنه , لأن هالشيء هو مفتاح الفشل
فيه أشخاص بمحيطي ينعدون على أصابع اليد الوحده هُم الوحيدين اللي أتأثر برضاهم وَ مع ذلك ما أسمع كلامهم
وَ لو سمعت ما كان وصلت لمكان بحياتي , نورتيني يالشَمريه
ساعات ساعات الف رحمة تنزل عليك يا صباح ، ما أذيتي أحد و أنشغلتي بالفرح و أشغلتينا معاك
تطوير الذات يظل علم بالتسبة لي و يفيد ناس كثير ما عندهم قراءات ، و احيانا كتاب كامل تطلع منه بشغلة وحدة لكن تفتح لك افاق ، اتحدث تحديدا عن ستيفن كوفي صاحب العادات السبع لانه بصراحة مؤثر خاصة في مجال العمل و عشان كذا الشركات و البنوك تدفع ميزانيات ضخمة عشان موضفينها يدخلون دورات له . و طبعا كثير منهم بالذات العرب يترجمون كتب اجنبية و يلعبون بها علينا و الاجانب فيهم حقهم ، لكن ارجع اقول لشعوب لا تقرأ و لن تقرأ يحتاجون هالكتب تفهمهم حاجات الاخرين و احترامها و احتياجاتهم و كيف يلبونها
انت انسانة شجاعة و قوية و شفافة ، لا خداع و لا مراوغة و هذا امر كبير في مجتمعاتنا حتى الرجال يجبنون على هكذا شجاعة و شفافية.
٢٠١٥ سعيدة عليك و على أحبابة و فيها ان شاء الله ٢٠١٥ انجاز و مفاجئة سعيدة و أكثر ،
شكرا على الاهداء الرايق
الوحيده اللي كنت متأكده من نظرتها لصباح هُو إنتِ ..
ونورتيني بالرغم من تعبك دايم داعمه لي , وَ عقبال قومتك بالسلامه يآرب
صَح وجهة نظرك حبيتها , حنا عندنا فُقد الإحترام للأسف وَ هالشيء بتلمسينه أكثر بشبكات التواصل الأجتماعي
حتى الناس اللي نعرفهم فقدوا أحترامهم بالواتس أب للأسف , كثير من الناس خسرتهم بسبب الواتس آب ..
بخصوص الرجل هههههههههههههههه ما بَكذب عليك يصابون بالجمود بأوقات , أو يقولون لي : إيه حلوه القوه بس خففي منها
لأن هو ماعنده إستعداد يكون بنفس قوتي وَ يبي يجاري , ما أدري لربما بيوماً ما أخسر الكثير وَ أخسر شخص حبني لكن بالنهايه بيكون هو حب شخص مو أنا
شخص تهيأ له إنه أنا ..
نورتيني يا رَفيف تَواجدك غالي على قلبي
انتي مؤثره جدا بي جدا جدا يعني ماتصورين كيف ربما أخالفك ببعض النقاط لكن تراك مسوية بداخلي قنبلة ترا مره سئلتك عن كتب لمعرفة الذات وكيف اتصالح مع نفسي ودي اقرا كثير وكثير عن النفس احس اني مااعرفني
أنا مو شاطره بهالكتب , أنا أفضل الجانب العلمي ..
لكن لو هالكتب تستهويك أقريها شوفي التعليقات البنات حسيتهم مدحوا كتاب العادات السبع أنا ماأطلعت عليه
وَ شكله عاجبهم مافي مانع أستفيد من كلامهم وَ أقراه يَمكن يعجبني , للأسف كثير من الكتب يضيع جمالها مَع التعريب
وَ تفقد حلاوة روحها وَ كلمات الغرب البسيطه , إطلعي وَ طوري ذاتك مَصيرك تكتشفين ذاتك وَ تكتشفين وَش تحبين
عالأقل بينمي عندك قوة التحليل , أقري كل شيء مافي أي مَانع
كلامك جميييل صدقيني اكثر ناس بتستفيد المراهقين
الي عنده حلم وطموح وامنيه بيسعى لتحقيقها ولو بعد حين
امنيه وحلم ودي اسويه من ١٤ سنه لكن للان ربي ماكتب
امي ابد مو راضيه مازلت احاول اقنعها وان شاء الله ترضى
لو احد غير امي وابوي كان مااهتميت لكن مؤمنه كل تاخيره فيها خير
الله يجعلها سنه كلها افراح ويبعد عنا الاحزان
الأسلوب له دَوره الأهل يلينون , وَ غالباً معارضتهم خوفاً على أبنائهم
وَ البنات ذكيات بإستعطاف الأهل وَ الموافقة على طلباتهم , بعكس الذكور دايم بتصادم ..
أنا أقنعت أبوي بشيء غير فَكره , ما توقعت بيوم من الأيام يَرضى ..قلتها بسبيل المَزاح
وَ فجأة قال آوكيه , أنصدمت لَكن فرحت لأنها جات بطريقه سهله غير مَتوقعه
كلامك عجيب ومره عطيتيني ثقة بنفسي ومااعتمد ع تحفيز احد لي مع اني وحده احب الناس اللي حولي يحفزوني واذا ماحفزوني اتحطم بس جد كلامك عجييب ومرا غيرتي شي فيني ماادري كيف اووشو بس يعني ببني لي اهداف واحققها واكون داعمة لذاتي .
كلنا نَحتاج كلمات تحفيز , لكن فيه ناس ماعندهم أحد يحفزهم
وَ فيه ناس مُحيطهم مُحبط وَ فيه ناس حولهم ناس ودهم يسحبونهم لوراء ممكن صديقه لئيمه وَ ظاهرها المحبه
لكن الباطن هو الإفساد , لذلك لا تنتظر من أحد التحفيز إنتِ ماتعرفين نوازع أحد
طبعاً الموضوع غير سودواي , لكن للأشخاص اللي ماعندهم أحد ..
مااظن فيه احد اشطر مني في الاقناع بعائلتنا
حتى اخواتي دايم يقولون انتِ تاخذي الي تبين بكلمتين
بس هالشي امي نظرتها لي اني انسانه فاضيه ولو سويته راح يصير اشياء كثيره مو بصالحي هذي نظرتها
ونظرتي لو سويته راح اوصل للقمر مو شهره بل سعاده وكل شي حلو
كاني قرقرت كثيير
المدونات وَجدت لمحبين القرقره الكثيره فَحياك الله
وَ متأكده لو أقنعتيهم بدراسة علميه وَ خطى ثابت بدون ماتضرين نفسك مُستحيل يعارضونك
أما لو المسألة شختك بختك فمن حقهم يخافون عليك , إصرارك وَ إثبات ذاتك هو الفاصل
نورتيني
كلامك جدًا جميل و أوافقك فيه
نورتيني حَبيبتي , مو بجمال حضورك
الله عليك
حمدلله كنت منتظره هالتدوينه
اشوف ان كتب تطوير الذات تعتبر بمثابة دافع وتوجيه للشخص اللي عاقد النيه بالتغيير فعليا مش حكي والسلام
طبعا لي سنوات طويلة وانا اقرا فيهم ربما زي ماقلتي يعجبن التخدير الوقتي اللي احسه بعدما اقراهم
لكن قد مااقرا واتابع واشوف فديوهات عن هالشي الا اني لحد الان ماشفت كاتب او شخص مختص بهالمجال تكلم عن شلون ندخل لهالباب ونحقق تغيير نلمسه في انفسنا لين ماايقنت ان التغيير ان مابدا من الشخص نفسه مستحيل بيأثر فيه كتاب او شخص
فيك تعطيني الخلطه السريه تبع التصالح مع الذات 🙁 ؟ اعترف ان امر التغيير صعب جدا وموعارفه كيف اتغير جديا وكيف اوصل لمرحلة السلام الذاتي والتصالح
طبعا انا مؤمنه ان الشخص كل ماكبر سنه وكل ماصارت له احداث ومواقف كل مانحسب هالشي لصالحه .. ومؤمنه ان العقبات عمرها ماكانت سبب لاعاقتنا عن الحياه وان العمر يمضي ماراح يتوقف عند حزن او ترقب عشان كذا من المفترض اننا نعيش اللحظه ع الاقل لامر فينا العمر ومر فينا شريط الحياة نتذكر اننا عشنا الحياه ما متنا وحنا على قيدها
كثرت حكي ، لكن لو ابي استشيرك بشغله يصير ؟
التطوير الذاتي أغلبه لمؤلفين غرب , حياتهم ما تشبه حياتنا , زي لما يقول للمرأة أبحثي عن عمل
أوجدي ذاتك , لا تجعلين الرجل مَحور حياتك , هذا مجتمع شرقي يقاد بطريقه شرقيه
بفعل القانون مو على كيفك , المرأة من وقت قريب تحررت من ناحية القيود الوظيفيه وَ قيود بالإختيارات البسيطه بشريك الحياه
وَ مازال الكثير مقموع , تبينها تغير حياتها من مؤلف أجنبي , لا يعرف ظروفنا وَ لا يعرف نهجنا وَ لا حتى دينه نفس دينا ..
بضرب لك مَثل بسيط بالدين : لما واحد يفقد عزيز عليه الله أوصى بالتعزيه وَ الأسلام نهى عن اللطم وَ تشقيق الثياب وَ إجترار الحزن
هذا ليش سوا الدين مش من فراغ ؟! لتحفيز الفاقد عالصبر وَ تلهمه بالأمل تخيلي هذي فوائد العزا
وَ فعلاً ناجح وَ أنا عشت هالأيام تحفزك عالصبر هذا لما يجونك أشخاص مُلهمين مش راعيين البكاء وَ العويل هذولاك يزيدون حزنك
لما يكون إنسان غارق بمحنه وَ يقرأ هالنوعيه من الكتب أكيد راح تحسن نفسيته لكن المقصد ماراح تكون سبب بنجاحه ..
متى بتتصالحين مع ذاتك ؟! طبعاً بنظري وَ أنا إنسانه بسيطه زي زيك هذي وجهة نظري فقط وَ لا أقدر أحط هراء تطوير الذات
لكن لما تبذلين كل مابوسعك لتكوني الأفضل أكيد بتوصلين لمرحلة القناعه وَ التصالح لأن خلاص سويتي كل اللي بيدك فوصلتي لأقصى درجات التطوير
والباقي ماصار بيدك الباقي هي عطايا من الله وَ هبات ما أعطاني إياها فليش أحزن نفسي على عدم أمتلاكها
كلنا نتمنى كل شيء بهالحياه , نبي نكون الاجمل وَ الأغنى وَ الأذكى وَ الأكثر شهره وَ نبي كل الناس يحبونا وَ لو علينا نبي نكون دكتور وَ مهندس
وَ عارضة أزياء وَ رائد فضاء وَ طيار نبي كل شيء هذي الطبع البشري الأناني , وَ على قولتهم مايملي عينا الا التراب نضل نحلم وَ نحلم وَ هذا نفسه سر التطور البشري
لكن نرجع لذاتنا وَ نرجع للقناعه وَ الواقعيه ..
من حقنا نحلم وَ مانكتفي وَ من حقنا نفشل وَ نتعلم من فشلنا ..وَ من حقنا نعيش الحزن مو شرط نكون بيرفكت دائماً
المشكله صار فيه ترويج لعدم التصالح مع الذات , الكل يجي يقولك بس ولو مايصير تكون كذا
السؤال: أجل أكون كيف ؟ أكون على تفصيلك أنت وَ لا على تفصيل زوجي وَ لا أبوي وَ لا أخوي ..
المشكله أنا أحزن حزن شديد علي قمعوا نفسهم وَ عاشوا نسخه لرضى الغير عشان بس كلام الناس
وَ ليتهم كسبوا أخرتهم , لا كسبوا نفسهم وَ لا كسبوا رضاهم وَ لا كسبوا أخرتهم كيف تتوقعين هالشخص راح يعيش
راح يعيش وبداخله غضب من كل شخص يكون نفسه , وحتى لو شافك تكونين نفسك بيجي بيقولك : مايصير تسوين كذا
أو بيقولك وَ لو , وَ تخيلي أشوفهم يومياً بحياتي .. وَ كل يوم بشخصيه وَ شاغلهم الناس
وَ كل يوم فيه مُحاله إنهم يوقفوني على أبسط شيء حتى على حُبي لقطوي يقولون ولو مفروض تحبين أولادك
طيب وينهم هالاولاد يلي شايلين همهم , وَ اللي يقولك طيب لو مات ؟ يعني ما أحبه عشان لو مات ما أزعل
أجل ما راح أحب أحد بهالحياه ..
طَولتي وَ طولت أكثر منك , عموماً لا تشيلين هم الإطاله ما أنفتحت المدونه للإختصار
نورتيني
انا وحده اعترف اكره اقراء كثير لاكن اي شي تكتبيه احب اقراء ه حرف حرف
كلمه كلمه انتي الوحيدة اللي كلامك يقنع احس كني قاعده معك ههههه
بالنسبه لتطوير الذات
ممكن يكون فيه فايده صغيره مره ممكن مثلا حافز للاستمرار
في الاجتهاد في شي معين يعني الهام
مرات لمن تكون نفسيتي مدمره احب اشوف كلمات تحفيز او اسمع قصه شخص نجح بعد تعب وفشل
ايوه وصح كنت اتمنى لو كتبتي عن كيف كنتي قبل وشالاشياء اللي ساعدتك تتغيرين وتكونين زي الحين ، يعني كنتِ زي الان مع تقدم واستحداث او كنتِ مختلفه عن افكارك واهتماماتك الان ؟
لاحظي قلت تقشرت , يعني نفس ما أنا
لكن صرت أكيد أقوى وَ لا تنسين الإستقلال المادي يعطي المرأة قوه
مو شرط أكون مليارديره , لكن مافي أحد يقدر يضغط علي لأجل الماده أو لأني أخذ مصروفي مَنه
طبعاً أهلي كويسين وَ بحياتهم ماقطعوا المصروف علي , لكن إحساسك النفسي إنك سيد ذاتك مُختلف ..
تصير تتكلم الند للند , وَ أحسن شيء لما أنت تسمع لهم من محبه مش من سيطره أو من خوف ..
الموضوع كبير بس مع الوقت أكيد بتعرفوني .. وَ لكن فيه شيء إنساني من داخلي تغير ..
ما بقول صرت حساسه بس صرت أدرك إن الحياه صعبه وَ فيه غيري يعيشون ظروف صعبه يحتاجون مُساعده
طبعاً مو بالضروره تكون ظروفهم ماديه , وَ مايعني هالشيء إني صرت متقشفه .. بس صرت أصر أني لازم أمد يد المساعده لأني أقوى لازم أساعد
كذا الحياه القوي مفروض وواجبه بهالدنيا يساعد الضعيف ..
ياربي يسعدك ويزيدك من فضله هذا اللي يميزك حبك لمتابعاتك وتمييزك لهم … دائما ماأسأل هذا واحنا بعدين كيف المقربيين منك … دائما ماأغبطهم الله يحفظك لهم ويحفظههم لك …
المقربين مَني شافوا ناري , وَ صدقيني كثير منهم ما يفضلون صراحتي
أو يقولون لي لا تقولين لنا الحقيقه لوووووول , وَ فيه ناس وَ خاصه كبار السن وَ يمكن هم اللي عززوا فيني شغلات كثيره
دائماً أقولهم شغلات صادمه على عمرهم , حتى أنهم من جيل غير جيلنا وَ لا حتى جيل أمي , بس دايم يقولون لي إنتِ شخص جيد من الداخل
وَ كلامك ذا قوي بس من شيء حلو بداخلك , مدري كيف يشوفوني صراحه
وَ اللي بعمر أمي دايم يحبوني ههههههههههه يقولون آرتوس بريئه بريئه هههههههههههههههههه
أما اللي بعمري حاطين لي صوره شيطانيه أكيد
بس احب فيك احترامك وتقديرك للناس حتى لو مونفس جوك او مايعجبونك وكذلك تقديرك لكبار السن ماعرف بس استشفيت هالشي من سواليفك دايما
حلو ان الشخص يصير كافي شره حتى لو هو فيه النون ومايعلمون
دايم الاحظ فئه من الناس اللي تتنقد وتعيب ع غيرها وتغتاب دايم يكونون من الفئه اللي كل شي عندهم عيب وحرام طبعا مااعمم ع الكل لكني استغرب طيب والغيبه والنميمه وظن السيء يصنف تحت ايش ؟ اشوف ان الشخص لو صارت عنده معاصي او اشياء مستنكره العقاب بيكون مقتصر ع نفسه بينما اللي يغتاب ويشتم وينقل حكي بيحمل اثمه واثم اخرين والمضحك المبكي انه مايشوف انه جالس يسوي اشياء اثمها عظيم
دايم اشوف واحتك ببنات مثلا يكون حكيهم وسواليفهم عن اللبس وانه فلانه لبسها فيه وفيه وهاتك حش وانتقاد وان فلانه عبايتها مادري كيف وكل السواليف تصير اكل في لحوم الناس وتتبع لاخطائهم ويتكلمون كأنهم منزهين والله اني اشمئز طيب فلانه لبست وتفسخت بس هي بتتحمل اثم فعايلها لكن انتي لبستي وتستري بس لسانك ماحد سلم منه وبكل مجلس تغتابين ليش ماعمرك فكرتي ان فلانه اللي نتفتيها ممكن عند الله تكون افضل منك ع الاقل هي ماعيبت عليك وفي المجالس تنشغل بنفسها وسواليفها ماتكون عن اشخاص فعلو وسووا استعجب من فئه من الناس والله
جازت لي السواليف هنا
المُخطيء بحق نفسه راح يموت وَ خطاه مَعاه وَ الله بيحاسبه على خطاه
أما حقوق الناس لا تُغتفر إلا من الشخص نفسه , وَ عندنا ماشاء الله ..
المُشكله وين لما حنا نعجب بشخص حتى لو لبسه خارج عن الدين بس عاجبنا ماننكر فيه شغلات حلوه
أنا متأكده لو كان بهالسوء وَ المسألة دينيه فقط ماكان حشوا بهالطريقه اللي ماتسكت , بينما لو عرفوا فلانه تحشش بيتكلمون شوفي وَ بيسكتون
تخيلي حشيش , ممنوع نظامياً ومحرم شرعاً لكن عادي مايغيضهم وَ لا يمسهم
بس لو شافوا وحده لابسه قصير آآآآآوهوه بتموت وَهم يتكلمون عليها ..
وعندهم نقطه ثانيه بالزوء وَ لا بالعافيه بنصحك , بدخل عصي بشيء مايخصني .. مافي تقبل
وَ بيستشهد لك لازم نتناصح وبنفس الوقت لازم تبطل تحش ..
جميل كلامك دايم يصحيني على اشياء كثير ما اكون منتبهه لها ومع كذا دايم تدويناتك فيها نقاط ما تعجبني وبنفس الوقت انتي الوحيده اللي تجذبني بكلامها واسلوبها ..
واختلف معك بكتب الامل والتفاؤل احيانا الا ما نلقى فيها كلام يلمس واقع من حياتنا او جمله تصحيك على نفسك واحس تعطي دفعه من الامل فهذا شي حلو بالنسبه لاشخاص محطمين من اهلهم ومجتمعهم اللي عايشين فيه، الصدق اني ما قد قريت كتاب كامل واعطاني ذاك الشعور اللي بصير انجح واحسن وحده بالعالم بس دايم تاخذني منها مقتطفات تخليني افكر واتامل بنفسي وذاتي ومنها ينتج التغيير لو شوي، بس.
بالنهايه انا وحده اتابعك من ايام شمواه وانتي انسانه جدا رائعة جدا احبك واحب كلامك لانه منطقي دائم وتتكلمين عن واقعنا بكل مصداقيه.. جدا انتي انسانه جميله واذا شفت اسمك او لمحت او تذكرت ارتوس على طول ادور عليك واقرا تدويناتك اول باول.. الله يوفقك يارب دنيا واخره
بصراحه انا ماني شايفه تدوينه انا شايفه هرج مصنف تحت الفلسفه ،بغض النظر عن انها ارائك وانتي حره فيها لكن بما انك طرحتيها للنقاش ف اشوف انك بالغتي كثير وكثير من كلامك يدل على عدم نضوجك بالشكل اللي تصورتيه عن نفسك ، شيء اخر فيما يخص الكتب بغض النظر عن ان عديد من كتب تطوير الذات ومايصب في نجاح الذات والحصول على حياة سعيده هي عباره عن تكرار ونسخ الا انه في كثير من التجارب لاشخاص ناجحين جدا مثل الشيخ محمد بن راشد او الوليد بن طلال وغير ذالك من الشخصيات المجتمعيه خاضت تجارب نجاح حقيقيه وكتبت عنها عن درايه وجداره لذالك اختلف معك فيما يخص نظرتك عن الكتب وشكراً
حَسيت من أسلوبك إنتقاص لي وَ لكن حياك الله , أولاً أنا ماصنفت نفسي بالنَضج بالنهايه أكيد ماراح أفتح مَدونه
وَ أنسخ فيها أراء العلماء بحط رأيي الشَخصي وَ تحليلي الشَخصي , بالنسبة للتدوينه ممكن تزويدني برابط أي تدوينه بيوماً قريتيها
لماذا تفتقر مدونتي حتى تكون مُجرد هرج ؟! وَ لو لاحظتي تدوينتي تحت وسم ثرثره وَ ياليت تقرين المعنى اللغوي لكلمة ثرثره , وَ الثرثره هو التافه من الكلام
بالنسبة للشيخ محمد بن راشد آل مكتوم ماراح أتكلم عنه وَ لا عن الوليد بن طلال
لكن لو كنتِ مقتنعه بالكلام اللي كتبوه طبقيه على نفسك , هل تنتظرين من شخص خلق ملياردير وَ يتكلم عن النجاح هل بيكون كلامه مَنطقي وَ سهل تطبيقه لشخص خُلق مُعدم
أنتِ جايبه لي رموز وَ تعتقدين إنك بتلجميني لما تجيبين لي أسماء أميريه وَ كبيره , أنا ما أسفه من إنجازاتهم لكن هم خلقوا بملاعق من ذهب
أحلام الشامسي تتحدث عن قصص النجاح من وين ؟! ..
وَ أحلام ثروتها تعادل ثروات دُول وَ تمتلك أبار نفط , تبين تتكلمين عن نجاح تكلمي عن أشخاص مثل ستيف جوبز , أو بيل قيتس
أما تجيبين لي ناس ماعمرهم طعموا أو ذاقوا طعم الفقر هالشيء مجحف بحق الإنسان المُعدم
إن الكتب تعجبك على عيني وَ راسي هذي نظرتك لكن حطي مُقارنه عادله ..
ماعندي مشكله إن الواحد يكتب سيرة حياته الذاتيه , أوبرا وينفري لو تكتب كتاب كيف أصبحت مليونيره أنا بشتري كتابها
لأن هي ماكتبت واحد اثنين بتكونين ناجحين , هي بتكتب قصة نجاح وَ ماننكر قصص النجاح مُحفزه لكن مو خطى إنت تتبعها
وَ سلامتك حتى لا أصل لمرحلة الجدال , أنا من أنصار النقاش لا للجدال ..
معليش مداخله انتي شريتي كتاب الوليد بن طلال !! بالعرب لاعمرك تشرين مذكرات كلها خررطي ومدح ومافيها اي فايده ماعندهم شفافيه ،، شريت كتاب الوليد وحسافه والله مخليته ستاند فالمطبخ .. ابداً مو معك في كتب جلد الذات اسميها ههههه
يابنت مابعد هالكلام كلام
الله يزيدك علم وهدايه
هههههههههه شُكراً شُكراً ..
آجمعين يارب
احييك على اسلوبك الرائع وطريقة سردك للمواضيع .. انتِ من الاشخاص اللي احس فيهم فخامة < واقصد بهالكلمة شخصك نفسه بغض النظر عن انتِ مين وبنت مين ! لكن شخصيتك جداً مؤثرة وراقية يعني احيان احس فيك تناقضات بس تناقضات فخمة ههههههه < مُصِرّة على الفخامة ! .. يعجبني الشخص الغامض اللي مو الكل يفهمه لاني احسه يخفي شي يستحق الاخفاء < اكيد فهمتي وش اقصد.. حبيت اصرارك وصراحتك لانك تعطين الشخص دافع كبير انه يستمر ويتعب على نفسه عشان بالاخير يوصل للي يبغاه ومافيه شي يجي بالسهولة .. عندي ملاحظة بسيطة جداً اتمنى تتقبلينها بصدر رحب وانا متأكدة من ذلك : رغم اسلوبك الجيد في الطرح وبلاغة تعبيرك بس ياريت تنتبهبن لبعض الاخطاء الاملائية *معليش انا من الناس اللي اتنرفز اذا شفت اخطاء املائية وخاصة لو كانت من شخص مُبدع بالكتابة مثلك " ماشاء الله "* أخيراً اتمنى لك عام مليء بالانجازات وتحقيق الامنيات ..
عجبتني كَلمة فَخمه ..وَ حلوه التناقضات الفَخمه ..
أهم شيء الفَخامه كبرتي رآسي وَ يجوز إني مُتناقضه وَ الله وارد لأن صعب أقيم نفسي ..
عادي نبهيني عالأخطاء الإملائية بعدلها , لأن أنا أكتب مُباشرة وَ مرات ما أقدر أدقق
بالله هالشيء يَزعل !! . حتى الجرايد اللي وراها مليون مُدقق وَ مصحح مليانه بالأخطاء ..
أنا أكتب إرتجالياً وَ أكون ملتزمه بتوقيت مُعين , وَ أنزل التدوينه وَ أرجع أنقح بكون مَمنونه بإرسال الأخطاء ..
صحيح الاخطاء واردة ولو لاحظتي كلامي اللي كتبته لك وانا انبهك على الاخطاء الاملائية كتبت كلمة خطأ ! ولكن انا ما اقصد بالاخطاء اللي تجي من وراء الكتابة الارتجالية كخطأ كتابي بنسيان حرف او وضع حرف مكان الآخر بحكم ان الكيبورد حروفه متقاربة وبحكم انك مُلتزمة بوقت مُعين كما ذكرتي .. اقصد الخطأ الاملائي كعدم التفريق بين التاء المربوطة والهاء المربوطة < هالشي حقيقةً سبب لي عقدة اسأل الله الخراج منها ههه .. اقولك كذا لأن لاقوة الا بالله سردك للكلمات رائع واسلوبك جداً جميل وحرام ينظلم بمثل هالاخطاء وان كان غيري كثير لا يُعيرها اهتمام ولكن اعتقد ان شريحة من الناس مثلي تهمهم .. لا أُطيل عليك < ماقصرتي والله !! .. دُمتِ بِسعادة ..
هههههههه عادي , عاد لو تعرفين إني أطبع بكيبورد مٌش عربي ..
ولا عندي نيه أعربه , وَ خلاص أبشري بحاول أدقق على هالمَوضوع ..
وَ حلو التنبيه أفادني كثيراً أخاف مع الوقت يصيبني الوَسواس أو الملل
التدقيق اللغوي صدقيني يحتاج لفرد أخر يدقق من وراي , لأن أكيد مرت عليك بوردكاست إنك شفت شلون قريت الكلمه خطأ !!
مرات الكلمة نشوف الكلمة صح مثلاً أكتبلك كلمة / شلمونة وَ شملونة بعيونك ماراح تحسينها غلط راح تقرين الصَح بذهنك
يالله المهم ماعندي غلطة الظاء وَ الضاء , من كم يوم أشوف إعلان بالتلفزيون شكلي يوم بصوره غالطين هالغلطة
هآآآآه فيه شيء غلطت فيه الآن ؟!
ههههههه يا زينك .. اول شي تبشرين بالخير يارب .. ثانياً على قولتك مصيبة حرف الضاد وحرف الظاء مصيبة نحمد الله الذي عافانا منها ونسأل الله المعافاة لمن اصابته < كأني زودتها ! .. وصدقيني نحتاج لفرد آخر ورانا يعقب على كل شي مو على التدقيق الاملائي فقط ! .. وبالنسبة للاعلان تكفين لاتصورينه مابي انقهر < وش دخلك ! .. أخيراً رداً على سؤالك بالنسبة لو فيه شي غلطتي فيه ؟ فيه غلط واحد بس هههه الضاد والظاء وليس الضاء والظاء كما تفضلتي < خلاص بصلي وانام وافكك مني هههه ..
اااه ياحبي القديم انتي والجديد ق١ تدرين والله انك نقطه تحول بحياتي .. بشغلتين الشغله الاولى انا كنت من الداخل انسانه نفس شخصيتك ومن الخارج انسانه ثانيه نفس اللي حولي لاني كنت احسب اني مجنونه لما طحت بموقعك قبل كم سنه كني وجدت كنزز ادمنتتتك تغيرت حياتي مليون درجه للافضل بكل شي من جد جد حياتي اشرقت والله ، الشغله الثانيه انا ماكنت اثق ب اي احد بسهوله كان عندي اخوات كثيييرات ومره كنت اسولف عند وحده من خواتي عن موضوع من مواضيعك طالعت فيني وقالت تعرفين ارتوس!! لو تشوفيننا كننا اول مره نعرف بعض ههه حبيتها اكثر وصارت توأم روحي بسببك جمعنا فكر واحد من جد كان اكثر مايعجبني فيك كتاباتك مو الصور او الستايل مع انه كلك عسل بس تفكيرك ذهب ووالله انه مو مجامله لكنك انسانه نادره من داخلك ومن تصالحك مع نفسك ، صراحه هاذي كانت اسعدد تدوينه لك لاني كنت احس نفسي ببكي من كلام البنات بالكومنتات بالانستا انك بتتزوجين وتتركين النت ، لما عرفت انك بتصيرين مدونه رسميه انبسسسطتلانك بتضلين معنا خبر مفررح مفررح ،مع اني ام وكبيره لكن تعلمت منك الكثير، حبيبتي انتي ربي يسعدك ويوفقك ويرحم والديك ويسعد جميع احبابك ، ويجعل امك في جنات النعيم .. انتي اختي وقدوتي ياأرتوس ق١ ق١ > قلوووب
يؤ وَ الله هالكلام كبير بَحقي , أجل ركض بسوي لي كتاب أتخيل لو فيه كثير زيك بصير مليونيره
شفتي أنواع الأستغلال على طَول بدأت , الفلوس تغير النفوس
أول شيء أهلاً بك وَ الشيء ثاني آهلاً بأختك بعد , أحب الناس اللي علاقتهم بأخواتهم حَلوه
لأن هالشيء يَمثلني وَ ما أتخيل الحياه بدَون أختي , وَ الله يخليكم لبَعض
وَ مرحب بك مَليون ألف مَره بصفحتي , وَجودك له مَكان بقلبي
الكلام الي كتبتيه يوصل للاعماق لان الاحساس والصدق شي تعودناه منج لكن هالمره لمست شي جديد ووظوح اكثر لفكرج وتأملاتج..
باختصار..ارفع لج القبعه ..
بالنسبه لكتب تطوير الذات ..اتفق معاج بجزء كبير من الي كتبتيه ممكن تكون هالكتب سبب في كآبه الشخص بدل تطويره خصوصا يوم تبدأ الكتب بأسئله تركز على نقاط الظعف او تبحث عن شي لأصلاحه وكأن الانسان الي بيقرأ الكتاب (تالف)او مكسور
اسئله مثل
هل تشعر بأنك لا تثق بنفسك؟
هل تبحث عن ذاتك؟
صارت العناوين تتشابه و اغلبها تجاري بحت
لكن ما يمنع ان في كتب تنميه ممكن الشخص يستفيد منها بدرجه كبيره ويتطور ..مثل اغلب الاشياء فالحياه عشان تستفيد منها لازم تكون ذكي ولكل شي شروطه
سواءا ..رياضه..طبخه………
مو شرط تعرف التمارين عشان يكون جسمك متناسق وصحي لابد من التطبيق الصحيح ومعرفه التمارين المناسبه لك..
اختيار هالنوع من الكتب بعنايه لان يلامس حياتنا الخاصه مو مجرد معلومات او احداث قصه..البحث عن افضل الكتب وعن حياه الكاتب ونجاحته..وتجارب الناس بعد ما قرو هالكتاب
التركيز شو الشي الي نريد تطويره او تغيره..لازم ننقد الكتاب (critical thinking)
يعني مو شرط اصدق او اطبق كل الي مكتوب في اشياء ما تناسبنا خصوصا لو الكاتب مو مسلم
وفي اشياء فعلا تقرينها وتحسين ان اكتشفتي شي جميل ومو خطأ ان نتعلم من تجارب الغير ..بالنسبه لي اعتبر ان هالنوع من الكتب هو حصاد فشل واخطاء وتجارب واستنتاجات الكاتب الي حب ان ينقل لنا اسراره ويستفيد من خبرته بهالمجال
“تعلم من أخطاء الاخرين حيث أنك لن تعيش ما يكفيك من العمر كي ترتكبها كلها بنفسك.”
.
.
انتي شخصيه فريده من نوعها تشاركين الناس تجاربج ب واعتبرج ماده دسمه في تطوير الشابات
اتمنالج ساااعاات ساااعات من الفرح..والحب واجمل الحاجات
شُكراً على رفع القبعه لي ..
صَح أتفق مَعك الكلام يحفز أي إنسان , حتى شوفي كلامك الآن لي تتوقعين إنه بيمر مَرور الكرام أو كلام عابر
قطعياً كلامك محفز لي إني أكتب وَ أكتب لأن فيه تشجيع عالكتابه , لكن هو ماراح يصنع شخص من العدم
عُموماً اي عمل فَني أو روائي يطرح الغرض أكيد بيكون بجانب منه تجاري وَ تخليد العمل الجانب المَعنوي اللي يطمح له أي كاتب
وَ هالشيء مو عيب , لكن التوجه العام كإستغلال خاصه اللي يشفون شف من هالكتب هو المُصيبه
وَ حبيت سالفة إنتقاد العمل , وهالشيء هو اللي يخلي المُجتمع يرتقي إنتِ تطرحين رأيك
وَ انا أطرح رايي وَ على أساسه ممكن غيرنا يقرأ أرائنا وَ يفكر يطرح كتاب شامل وَ يتخلص بهالكتاب من عيوب وَ المشاكل
اللي وقع بها الكاتب السابق , حالياً عندنا مُشكله بهالموضوع ما عاد فيه نقاش مثل قبل الناس مع الحروب بالعالم العربي صاروا يدورون التافه وَ الرخيص
وَ الشيء اللي يضحكهم , أكيد هالشيء راح يهز الثقافه مع الوقت ..
شاكره لك أمنياتك وَ شاكره لك أكثر مٌشاركتنا نظرتك وَ رأيك
وَ كلامك جَميل وَ يعبر عنك , حلو الإنسان يعبر عن ذاته
ارتوس تدوينك اليوم جدا محفزة
انابصراحة ماقرأت من كتب التطوير الا كتب ابراهيم الفقي الله يرحمه وفعلا تأثرت كثيير بكلامه واستفدت منها وكنت دايما اسال اخوي بحكم خبرته ايش افضل كتب التطوير لانه قارئ ممتاز وقالي نفس كلامك ان كتب التطوير ضحك ع عقول الناس .. احيانا تكون الحلول لمشاكلنا قريبة جدا بس احنا مو منتبهين لها واحيانا نحتاج للدعم المعنوي واحيانا زي ماقلتي وجود ظروف قاهرة صعب نسوي شي تجاهها ويكون الحل لها هو الصبر والدعاء وانتظار الفرج والثقة بالله عزوجل .. واتمنى لك عام جديد مليان بالانجاز والمفاجاءات السارة
الله يرحمه , إذا كتابه أثر فَيك شيء جَيد
لكن تقرينه بغية النجاح فهالشيء صَعب , إذا الرسول وَهو أكرم الخلق ماسوالنا خطه للنجاح وَ أنا متأكده إنه يملك الموهبه الكافيه اللي تحفزنا وَ تعطينا الأسس السليمه
يكفي أنه مصنف من أذكى رجال العالم من الغرب نَفسهم , مافي أحد بيرسم طريقك .
لازم إنت ترسم طريقك بنفسك , لكن مايمنع نستفيد من تجارب الآخرين وَ ممكن كتاب تقرينه يَلهمك
وَ الله يخلي لك أخوك , يمكن بسبب أطلاعه الكافي حسب مع الوقت إن الكتب بدأت تنسخ نفسها
يمكن ببداية هالمجال كان فيه ناس شغوفين وَ نزيهين بالكتابه بعدين أختلط الحابل بالنابل فصرنا صعب نفرق
اتفق بأشياء واختلف بأشياء بس الصج ماأنكره أحبج ❤️
بالعكس لاحظت التغير اللي فيك و فيج أشياء من عالم حواء ماتغيرت بس برضوا فتره الانستغرام تغيرتي بس حبيت هالتغيير أحسه للأفضل >>ماقصدي أقيمك بس أوصلج احساسي قلووووب لبيتكم ❤️❤️❤️❤️❤️
حَياك الله , بالعَكس ماشفت بكلامك شيء فيه تقييم عادي على قَلبي زَي العسل
بالآنستا مرات يكون حسب المَزاج مرات يكون أسلوبي ساخر أو فيه طقطقه , أما الشخصية الحقيقيه تظهر أكثر بالتَدوين
ليش ؟!
لأن وجهة نظر لا تهضم تصل كامله , اما تعليق بسيط بالأنستا ماراح يبين الرواسب
ممكن حتى شخص شاف رد لي هجومي فرضاً ماراح يفهم هالسبب راح يحكم علي بناء على ردة فعلي اللي هي صدرت من فعل
وَ ممكن حتى يشوفني لطيفه مع شخص ما , بيقولي وَش بينها وَبين فلانه , ممكن تطلع هالفلانه صديقتي بالحياه
مَحداً يعرف الحقيقه الكامله ولا يقدر يبني وجهة نظر كامله بناء على رد أو مجموعة ردود ..
وَ آهلاً بالتغيير , عامل السنين له دَوره يوم كنت بعالم حواء كنت مُراهقه أكيد راح أختلف
مع العمر الحجه وَ القوه تزيد وَ التجارب تصقلك وَ تصير تقدر تخاطب شريحه أكبر
اي صح ملاحظه توني استوعب كلنا كاتبين نتمنى والتمني باللغه العربيه لشيء المستحيل او تمنى الشر ، الأفضل اننا نقول ارجو > معلومه واتسابيه ههههه ارجووو لكم التوفيق .. على فكره انا قارئه نهمه من الصغر بالالتدائي لو شفت قصاصه جريده قريتها ، كتب تطوير الذات كذبه كبييره وبعضها دينياً تندرج تحت السحر مثل الاحجار وكتاب السر ومشايخ تكلموا فيه لانه مايحث على العمل فقط انك تتمنى شي ويحصل لك وفيه خزعبلات كثيره كان جزء من مكتبتي لكتب علم النفس وفيه كتب تطوير الذات ورميتها واحتفظت بالكتب الخاصه بعلم النفس البعيده عن كيف تصبح ثرياً كيف تتعامل مع الاغبياء حولك > هذا كتاب تراه هههه لانه اذا شخصيتك ضعيفه ماراح يعطيك لاكتاب ولابطيخ انك تغير تعاملك مع ناس تخافهم او تستثقلهم .. وشكراً واعتذر للاطاله
الرجاء أحس فيه نوع من التضرع وَ الخضوع , وَ التمني فيه أمل
وَ الأمنيات مرات حتى لو ماكانت واقعيه لكن تدرك إنها بمرحلة الحلم مثل أحلام اليقظه هذي تحفز عالإبداع
وَ فيه نقطه ثالثه صَعبه أقولها بتكون محبطه فعشان آتمنى
وَ أتفق معك بكتب الأحجار حتى كتب الأبراج وَ طقتها , لو نتداولها من باب الضحك وَ الترفيه ماراح تأذي أحد
وليش رميتي هالكتب !! حرام كان عطيتيها أحد بدل ما يَخسرون من جديد كفايه خساره وَحده
حلو نهمك بالقراءة شيء رائع
أنا بدأت أقرأ كتب تطوير الذات وكنت بالثانوي ، ودورات تطوير ذات نفعتني كثير وغيرت شخصيتي للأفضل الحمدلله .. حاليا ما أفكر أشتريها صح هههه بس ما أنكر إنها كانت تجربة جميلة ومثمرة .. قبلاتي
سعيده بَنجاحها مَعك ..
مايمنع بس يمكن البذره الطموحه فيك سواء قريتيها أو لأ
وَ ماننكر أنها مُحفزه , نَورتيني إنتِ وقبلاتك
السلام عليكم –
الحمدالله – الذي انعم علي – واصبحت من متابعينك ( بس الصامتين ) هذي السنه الخامسه طبعا – ثرثرتك لا تشبع شغفي – واتطلع للكثير- والجديد – انتي مصدر لتفاؤل – انسانه مشعه بالطاقه –
اول ما قرأت الفلسفه – جاءت هالايه في بالي –
: إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ[الرعد:11]؟
قرات مره عن التطوير قبل تقريبا ٧سنوات واعجبني وقلت لازم اقراء اكثر – وللاسف ماقرات – بس استمعت لحديث عن الثقه بالنفس وكان جدا رائع مع الاستاذ ياسر – ولازلت اكررها لاني استمتع بها مع الفائده – – –
يمكن نحتاج لجهد اكبر حتى نغير ما بدواخلنا لننجز اكثر _
الحمدالله كتبت كل خططي لهذي السنه ( الهجريه ) و حطيت اهداف واضحه لي – والحمدالله بديت ببعضها – وطبعا في اشياء بدايه فيها العام وانا اشتغل على نفسي بالتغير صحيح ماحققت حتى الان الا ١٠% وراح احاول قليل دائم خير من كثير منقطع –
والله يجمعنا في الدنيا و نعيم الاخره – يارب
ما عاد صَرتي من الصامتين , هذاك من الكاتبين ..
أكيد العَمل هو اللي يَغير الشعوب , وَ عفكرة ١٠ ٪ إنجاز , أهم شيء ماترجعين للوراء
١ ٪ إنجاز , إنك تحصل على نتيجه أفضل من لآ شيء
اسعد الله اوقاتك خيتو ارتوس
انا من متابعينك القديمين تعجبيني جدا
وكلامك جمييل مثل روحك …
بسصراحه تفاجاءة من كتابتك عن تطوير الذات
احسك محبطه او اشياء معينه صدمتك مهما كان كلنا نتعرض لضغوط وصدمات ومشاكل مايعلم فيها الا الله والحمدلله نتجاوزها اذ توكلنا على الله وتفاءلنا خير ودعينا بيقين … انا احضر دورات واستفدت منها كثير ابي اتغير عشان نفسي وعشان عيالي والحمدلله
تغيرتحياتي بعد ماغيرت تفكيىري بااشياء كثيره
تغيىرت حياتي بعد ماغيرت نيتي (قانون النيه )
تحسنت من جميع الجوانب بعد ماارتفع عندي الوعي
احنا باايدينا نعيش محبطين او سعيدين احنا الي نختار ولا نقدر نغير احد او نفيده اذ هو مايبي يتغير ماعقد النيه .. تعبت مع امي ابي اطلعها من دوامة الحزن اللي هي فيها مو قادره لانها ماتبي هي اختارت هالشي لنفسها.
وكثير معتقدات ومفاهيم احنا نؤمن فيها كلها غلط وغير صحيحه
مثل تفسير اية ( انا خلقنا الانسان في كبد)
احنا بمعتقدنا انه كبد يعني مشقه وتعب
والتفسير الصحيح يعني الجسم المستقيم ماله دخل بالمفهوم الي احنا فاهمينه واشياء كثيره وكثيره احنا نؤمن فيها وهيا خطا لكننا برمجنا مخنا عليها وامنا فيها
عندي حساب متواضع باللانسقرام مخصصته لنشر الوعي
ابي اطلع الناس من دوامة التشاؤم والحزن والاحباط وبث روح الامل
ونشر الايجابيه بعد ماشفت اثرها الكبير بحياتي ☔
اختي ارتوس اتمنى لك كل التوفيق والسعاده بحياتك
حياك الله , أبداً مش مُحبطه لو محبطه مابيكون عندي قدره عالتَصميم وَ التصوير وَ التدوين
لكن هذي حقيقة الحياه , الكلمات الرنانه وَ المبالغ بها هذي مُش حياتنا الواقعيه ..
الكذب عفكره سهل جداً , أقدر أقول لكم أكملت نص ديني هالسنه وَ عايشه بحالة حُب
وَ الحمدلله ربي رزقني بشَخص مثل ما آتمنى وَ وَ وَ , ما أتوقع الكل جاي يَسمع قصة حياتي أو نَجاحي
مرات ذكرك لسعادتك وَ المُبالغه بها تُحبط الآخرين , تتوقعين لو أذكر قصة حُبي وَ خطوبتي تتوقعين راح أنشر السعاده للبنات
بالعَكس يمكن أحزن كثير بنات يتمنون زَوج صالح ؟! بالرغم بالأتيكيت يقولك من الوقاحه ذكرك سعادتك أمام شخص حَزين
وَ ركزي أنا ماكتبت لتطوير ذات أحد , أنا جالسه أنتقد إنكباب الناس المُبالغ به وَ صار تطوير الذات يفتي به الجاهل وَ الغير عاقل
وَواحد مُحبط فاشل يتفلسف عالناس , هذا اللي أنا ضَده ..
أرجع أقولك هل لو ذكرت لكم من أحداث ٢٠١٤ خطوبتي هل راح يعني لكم ؟!
هل التَدوينه راح تكون مؤثرة , بتكون مُجرد أشباع فَضول لكم .. جاوبيني وَ أصدقيني القول
ماراح تضفي لي وَ لا راح تضفي لَكم سوى إشباع فضول وَ وش سوت وَ وش أهداها
إذا حابين أنشر لكم مثل هالنوع من السعاده لا تَلوموني إذا عقب فتره قلتوا تهايطين علينا بالسعاده وَ عندي إستعداد تام أصور الهدايا وَ الدلع وَ المٌشتريات
ماراح يعجبكم الوَضع وراح تحسون بنوع من التقزز
اكثر انسانه اقرا تدويناتها باهتمام وتركيز انتي حتى الردود اقراها
التعليق عندي يعلق وموراضي ينرسل
اول شي ان شاء الله هالسنه تكون احلى من كل اللي مضو
ويجعلها سنة خير لكل اللي تحبينهم
ياخي احبك واحب كلامك
مارديت اﻻ عشان هالسؤال
إنتِ وش تغير فيك من يوم ما قريتي الكتاب ؟!
ابه نعم تغيرت امور كثيرة وجوانب كثيرة.. اختار الكتاب الصح للكاتب الصح استفيد،، احضر الدورة الي مدربها بحثت عنه لشهور اذن راح استفيد،،
تطوير الذات مخدر لمن يبحث عن التخدير الوقتي ولمن اصبح عنده ادمان الدورات بدون تطوير فعلي بشخصيته..
احب كلامك احب هدوئك وحتى لمن تهاجمين احد او تناقشين احد احبك ، ارتوس قريت التدوينه والردود كمان ليا اكثر من ساعه والله بس جا على بالي سؤال ، احنا بحاجة لسماع الكلام المحفز بس ليش لو سمعت كلام حلو ومحفز من عشر أشخاص وفي نفس الوقت شخص واحد حطمني ليش يبقى اثر الانسان هذا في قلبي وتقل ثقتي بنفسي ليششش؟
مرات يكون شخص مايعنيلي شي بس ليش كذا
ياليت تعطيني رايك انا مرا احب كلامك واقتنع فيه يمكن يكون السؤال بعيد عن التدوينه بس محتاجه اجابه منك ❤️
لأن اللي عندنا كلامهم المُحطم مرات مايكون خاص فيهم
مرات يكون موجه لتحطيمك , فمستحيل النفس ترضى به ..
مُمكن أكون صديقك وَ عندي وجهة نظر إكتئابيه , مثلاً أقولك الحياه بشعه ماعاد وَدي أعيش , أو وحده متحطمه من زوجها ممكن تقول
الزواج تعاسه لا تتزوجون , هي تحكي واقع تجربتها ما أعتقد هالشيء يحطم , لكن لو جيت فرضاً وجهت كلام محطم لك مثل : يووووووه هذا عمرك ولسى ماتخرجتي خلاص مو شرط تدرسين ؟!
هذا تكسير .. فيه فرق بين الكلام الواقعي وَ التجربه الخاصه بك , وبين الكلام اللي يراد من وراه باطل
وَ أنتِ ذكيه أكيد راح تحسين عطول ..
كل سنه وانتي طيبه ويا رب تكون سنة خير عليج وعلى المسلمين
صج انا وحده ما اعرف اعبر عن اللي في خاطري ودايما قليلة الكلام بس كلامج واقعي جدا ..
انا احس الدورات ما منها فايده او يمكن فيها فايده بسيطه ، مع ان خواتي يحبون يروحون ويشوفون ان منها فايده بس انا احس ان كل واحد ابخص في نفسه .. كل واحد منا يعرف اهو في شنو ضعيف او المجال اللي يبي يطور نفسه فيه .. يعني ما احتاج اروح دوره اتقول لي شلون اطور ذاتي وانا اعرف ان في هالمجال وهالمجال .. ومثل ما قلتي ان الاحساس ينبع من الداخل ..
احبج
القلوب عند بعضها تو كنت بحسابك بالآنستا وَ الآن شَفت ردك ..
الكلمات المحفزه حلوه , لكن نقصد أنه ماراح يَوديك لمكان إنما هو يضفي شعور جيد ماراح يكون سبب بالنجاح
وَ حشتيني وَ الله , وَ سلميلي على خَواتك ..
مدري ليه احس بالغباء كل ماقريت تدويناتك
احس اني جاهلة كثير
و احيانا اتمنى اكون مكانك
مدري هل لاني اجحف نفسي دايما
واشوف كل الناس اذكى مني واجمل مني :/
مدري شقاعدة اخربط صراحة ههههخ
………..
آرتوس أتمنى لكِ كل خير والله يوفقك وينولك أكثر مما تتمنين| أحبك واحب مدونتك ❤️
ليش هالشعور ؟! مافي بكلامي شيء يَدل عالذكاء ..
يمكن توك صغيرة بالعُمر وَ ماعندك تجارب أو ماجربتي , لا تَجحفين حَق نفسك
عَطاري الجمال الجمال غير مُهم , أنا أشوف روحك أجمل يعني حنا نطبع وَ نكتب خاصه بعالم الأنترنت
جمالنا الخارجي غير مُهم آبداً , نعرفكم وَ نحب أرواحكم قبل لا نكتشف أشكالكم الخارجيه ..
نَورتيني حبيبتي
رغم اني متابعة لك من سنوات ولا مره كتبت تعليق لك لا بالمنتدى ولا انستقرام ولا غيره؛ إلا اني هالمره حسيتك قريبة مني! مو قريبة بأفكاري ومشاعري وبلا بلا بلا
لا. قريبة، من الأشياء الي اكتسبته منك بدون ما احس مثل ما نكتسب بعض الأشياء من الأشخاص حولنا- مو محصور بالتجميل-
ولا أدري وش دافعي لكتابة هالتعليق، لكن شكرًا دائمًا دائمًا.
غَريبه ليش ما تَكتبين !! شَحلاتك الآن
ما تَدرين يمكن بالحوار وَ التحاور أنا أتعلم بَعد منك وَ نستفيد ..
تخيلي كم وحده تتبعني يمكن هي تحس بتطابقها مَعي بس انا ما أعرف عن هالشبيه لي
نَورتيني
ارتوس كلامك جدا مهم و قريبتي من الناس الي بس ورا هالكتب و ان شا الله تقرا تدوينتك و تفهم ارسلت لها الرابط … وبعد اوافقك في انه الكثير صار يفقد الاحترام و بعد انا خسرت كثير بسبب الواتسب وقلة احترامهم وتعاملهم معي . تدوينتك افادتني جدا الله يوفقك ويسعدك ويرضي عليك ويحقق لك احلامك بس انا عندي سوال واعذري لقافتي انتي متخرجة من الجامعة ؟ واي تخصص .. ?? ❤
الواتساب قَتل كثير من الخَصوصيه , لكن العيب مش فيه
العيب بالمُستخدمين أنفسهم .. فيه إتيكيت عام لإستخدام شَبكات التَواصل , وَ شاكره لك مشاركة قريبتك برابط مُدونتي
كلامك جميل،وخاصة لما قلتي عن رواد تطوير الذات إنها تجارة.ماأحب أقرا في هالكتب لأنها غالبا تخدير،وأذكر من سنتين أنخدعت بعلوم الطاقه ويعدين حسيت الوضع استشارات نفسيه ولعب على العواطف..بسرعه رجعت لنفسي أن كيف صدقتهم!!
عجبتيني في نقطة الإنجازات وإنها تكون ضمن معاييرنا مو معايير الآخرين، لأن رضا الناس صعب فضلا عن المعايير اللي ماتناسبنا غالبا.عشان كذا الأهداف تكون في محيط إمكانيات ومعايير الشخص بحد ذاته،لأن الإحباط أسهل عدو للإنسان ومشاعره.
ربما أختلف معك في كثير من الأفكار لكن كثير من أفكارك تعجبني في نفس الوقت. شخصيتك الواضحه، ومبادئك الثابته صفات جميله تميز شخصيتك.نظام البنات الحين إمعات وش الدارج لازم يمشون في نفس الخط وأنت اللي لك أفكارك وشخصيتك فيك مشكلة نفسيه..طولت عليك بس موضوع التبعية كثير أمقته..
شكرا لحرفك
نَورتيني وَ الله وَ شاكره لك وَقتك اللي بذلتيه بالكتابه
أنا مُدركه إن الكتابه تاخذ كثير من وقتك , لكن يسعدني وَ يشرفني تحاوركم مَعي وَ إبدأ رأيكم عن المقاله
بالنسبة للأختلاف وَ الله شيء حَلو وَ صحي , وَ بالعكس مُمكن لو بيوم وجدتي شيء لك وجهة نظر به مُختلفه تطلعيني
مرات الإنسان ينظر للموضوع بزاويه مُختلفه , ممكن النقاش أو طرح فكرتك يخلي مدراكي تتوسع
كلنا بسلسله وَ بدوامة التطوير وَ التَغيير , وَ العفو
اكثر انسانه اقرا تدويناتها باهتمام وتركيز انتي
يا حَظي وَ الله بك يآ تَوتا وَ كان لي الشَرف بمعرفتك أكثر بالفترة الماضيه
السلام عليكم ورحمه الله وبركاته ..
الصلاه والسلام على سيدنا محمد في الاولين والاخيرن اما بعد ..
صدقيني انا مابديت هذي المقدمة عشان احسسك واحسس غيرك اني اتلحف برداء الزهد او رداء الدين ، مع انه نفسسسسسسسسسسسسسسسسسي اكون كذا ( احب الصالحين ولست مهم ) .. ولكن كنت احب اسمعها في المسلسلات التاريخيه الاسلاميه اللي اعشق اني اشوفها .. وكان لها وقع في قلبي ..
2015 ااااه اقدر اقول ان بدايته كانت قاسيه جدا جدا جدا جدا بالنسبه لي ، وبدون مبالغه حسيت انو اكثر 2 مفروض يكونوا يحبوني في حياتي خيبوا امالي ، ورجاي ، وبالرغم من هذا صامده واخذت درس من هذي التجربه ، اجل اخليها تمشي كذا بدون شئ يبرد قلبي ؟؟ لالالالا والف لا .
المهم اني حابه البدايه الجديده رغم قسوتها ، ورغم كل شئ ، ولا اندم على اي حدث يمر بحياتي ، ودايما اتذكر انو الله خلق كل شئ بسبب
وانو خلقنا لندفع بعضنا البعض ، لازم يكون فيه اهداف لهذي الاوجاع .
( انا خلقت لهدف ما في هذه الحياه ) عباره دايما اقولها بيني وبين نفسي ، دايما اسأل نفسي ايش هدف وجودي ، انا حاسه في اعماق قلبي بالهدف
لكن ما احب اصرح عنه واشوف لسا بدري اني اقوله حتى لنفسي ، لحين مايتحقق نصفه ان شاء الله اشتغل عليه ، وانا ما اربطه باحد ولكن اربطه بمشيئة الله .
اما 2014 كانت بدايتي الفعليه مع نفسي ، حطيت اهدافي وخططتي وكل شئ ابغاه من نفسي في الفتره الحاليه وجالسه اشتغل عليها ، طبعا شئ مرهق بالنسبه لي كونه شئ جديد ، بس صامدون ههههههه واتمنى اني احقق ولو نصف ما كتبته لنفسي ، اغلبها طموحات عاديه ، مافيه ذاك الشئ الكبير ، لكن احساس الانجاز مخدر طبيعي لحياه اي انسان ، اتعب اذا ما حققت انجاز في حياتي ، من بعد الدراسه ، انغلقت على نفسي ، اقصد ايام المدرسه ، وحسيت بكااابه ، لان الانجازات وجداول الواجبات توقفت وانا شخص يحب ينجز ، دراستي الجامعيه ما اعطتني هذا الشعور ، فاحاول اني اسوي لنفسي نهج جديد يارب اني استمر ، رغم اني ازحمت الطلبات على نفسي ههههههههههه ، وابغا اتعلم كل شئ وهذا شئ فيني مو حلو لانو يخليني ما اكمل ولا شئ بس احاول واحاول وراح اوصل ان شاء الله ..
اما بالنسبه لكتب تطوبر الذات ، ما اكذب انا من اول عشاق هذه الكتب ، بس زي ماقلتي للاطلاع والاستفاده وتوسيع المدارك ، ومافيه اي كتاب ممكن يغيرك غير القران ، وحتى القران اذا ما استسلمت لافكاره بارادتك مراح يأثر ، (( ان الله لايغير مابقوم حتى يغيروا ما بأنفسهم )) واشوف انو لابد انو فيه شئ مخفي في السطور
نتعلم منه ، دايما ( احلل شخصيات الناس ) وهذا شئ فطري فيني ، احس اني اتقمصهم وافهمهم ، رغم انكار الناس انو مستحيل احد يفهم اللي في صدرك
انا هنا ما احاكي الله ولا اعلم مافي الصدور لكن احس بالشخص اللي قدامي ايش يبغى بالضبط من ناحيه تطلعاته للاخرين ، وهذا الشئ اللي قادني انقياد لدراسه علم النفس مع اني ولا فكرت 1 % اني ادخل هالتخصص ، كانو صحباتي دايما يقولوا علم النفس يناسبك ، لاني كنت افصفصهم هههههههههههه .
سبحان الله مواهب ، وبعص الاحيان تكون شئ قاسي علي ، لاني اعرف نفسيه واطباع اللي احبهم اتجاهي ..
وهذا اللي يخليني استشف تفكير كتاب الكتب واحاول استفيد من تجاربهم ، مجرد توسيع العقل بالقراءه يعطيك قوه لتغيير ذاتك تجي من داخلك وانت لا تعلم مصدرها .
اما عن كلامك عن الطموحات وعدم التدخل في الاخرين وحد الابداع فوجهة نظرك صحيحه 100 % ليش تقولي انك بديتي بتأثير خطر في المراهقين ،
صار عيب اللحين نقول خليك كما انت ؟؟!!
وهذا الكلام مو عندك هذا كلام الفطره الانسانيه الصحيح ،قال الله تعالى: {وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاء كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءتْ مُرْتَفَقًا}سورة الكهف الآية 29.
الشاهد من شاء ان يؤمن فاليؤمن ومن شاء الكفر فاليكفر لكن يتحمل عقبات خياراته في الحياه ، الله اعطانا هالحق فليش نعطي الاخرين التصرف في شئ الله اعطانا اياه في المقام الاول وهو الحريه ، وفعل مانريد ان كان خيرنا في الايمان به وهو جل مايستحقه سبحانه ان نؤمن به ونعبده ، فمابالك بالاشياء الاخرى التافهه ؟؟
خلاص وقفوا يابشر ارحمونا لا تأخذوا دور الله ، الله هو المحاااااااااااسب لنا ولستم انتم ..
صدقيني لمن حطيتي جزئيه صباح كنت عارفه ايش رايح يجيك ، وراح يعاملونك كأنك انتي اللي ارغمتيها انها تسلك هذا الطريق وبيبدأون يتجسدون في دور الالهه ويبدأوا محاسبه لها (( يحسبون انهم في ذالك يحسنون صنعا )) وانهم يأمرون بالمعروف وينهون عن المنكر ..
ونسوا ان الرسول الكريم نهي حتى عن ذالك ..
( فذكر إنما أنت مذكر ( 21 ) لست عليهم بمسيطر ( 22 ) إلا من تولى وكفر ( 23 ) فيعذبه الله العذاب الأكبر ( 24 ) إن إلينا إيابهم ( 25 ) ثم إن علينا حسابهم ( 26 ) )
احنا نذكر فقط ولا نحاسب الله يحاسب ، والناس ماتجي تذكرك في تعديل سلوك قبل مايصير الغلط .. لالالالالالالالالا تنتظر الزله وبعدين تقولك غلط ..
سؤال يطرح نفسه … قد فيه وحده او واحد علم ولده الصح قبل لا يغلط ؟؟؟
لا .. ننتظر منهم يغلطون عشان نقول لهم لا يابابا هذا غلط ..
هذا الشئ تعلمته في علم النفس التربوي لازم نوضح الخطأ والصح او بالاحرى لازم نعلمهم ايش المطلوب وايش الصح عشان يتقون العقاب ..
وهنا يجي دورنا لازم نعلم اللي حوالينا باللي نبغاه منهم وباللي مطلوب من الحياه بجسيده فينا اولا ونترك لهم الخيار وحسابهم الى الله .. سيره الرسول كلها عليه الصلاه والسلام ما قدر جبر احد على شئ بتاتا البته .. واتحدى اذا فيه احد يقول غير كذا .
ما ابغا اتفلسف عليك عندياتفكار و محاور كثيره هجمت علي وانا اكتب لك ..
بس الزبده منهجك في الحياه ومنهجي ومنهج اي احد يظل قاصر … وافضل كتاب لتعلم كل شئ منه وهو القران فقط ..
واتمناها سنه حلوه وسعيده لي ولك وللك ..
بالعَكس هذي تحية حلوه وَ الله يَحييك
إنتِ حور اللي أعرفك !! يؤسفني تكون بدايتك بالعام غير سَعيده , لكن أكيد مثل ماقلتي نَكتسب دروس , وَ الضربه إللي ماتقتلك تَقويك
وَ إنسانه بمثل شخصيتك وَ أطلاعك الفكري أنا مُتأكده إنها راح تحقق الكثير , حتى بردك الحالي بالنسبه لي حافز وَ يحقق الكثير بداخلي عالأقل
كلامك كله جَميل وَ مدعم بالإثباتات وَ الحجه وَ هالشيء ملكه لا يَملكها الجَميع ..
جداً جداً أسعدتيني , الأمة بنظري راح ترتاح لما يَعم حسن الظن وَ عدم التدخل بالآخرين
كثير راح نتحسن وَ القلوب راح تتصافى , أنا لي أكثر من ١٠ سَنوات أحاول أشغل نفسي قَد ما أقدر لأن الفراغ يولد هالأفكار السوداء
يا بتبتلي بأحد يا بتهوجس بَنفسك , لذلك حتى أيام العُطل ما أحبها طبعاً عندي أسباب ثانيه بس بشكل عآم
وَ حياك الله بمحاورك وَ تفلسفي دُوم .. هالمَوقع لَكم بالأساس
ما وَضع لأفكاري فقط , أنا أطرح فكرتي وَ من حقكم تطرحون فكرتكم ..
نورتيني
روعه تدوينتك وفعلا تعبر عن شخصيتك
اتمنى لك من كل قلبي انك تخققي كل احلامك وطموحاتك
لَنا آجميعن يارب ..
نورتيني وَ الله ..
برافو ارتوس .. حبيت المدونة كثير وصفقت لا شعوري ، احييك ارتوس ❤️
والله يجعل هالسنه سنة خير عليك ❤️❤️
يووووه من قَدي , وَ صلت للتصفيق
أشكرك على هالدَعم ..
وَ عسى الله جميع أيام حياتك تَكون خير وَ سعاده
كلماتك تلامس العقل
منطقك جميل
وَ تواجدك أجمل
اولا.. أتمنى لج عام سعيد تحققين كل امانيج خلاله .. وثاني شي انا من متابعاتج القديمات جدا في شمواه بس من وراء الكواليس .. حبيتج وااااايد وادعي لج كثير .. يمكن في جزء من شخصيتج يشبهني .. عشان جذي كنتي من القلة في الشبكة العنكبوتية اللي أحب اتابعها واهتم لأي شيء تنزله . مدونتج ذي فيها أشياء لامستني مثل ما لامست واااايد بنات.. انا كنت أحب اقرأ كتب طبخ الذات ترى صج لما تقرين احد هالكتب تحسين انه قاعد يطبخ شيء بداخلج بس للاسف .. طبخ بدون بهار.!! ما أقول أني ما استفدت بالعكس استفدت لكن سرعان ما ارجع مثل ماكنت بس بتغيير جدا بسيط .. وهذا كان بالنسبة لي حلو .. في النهاية اكتشفت شي أني انا بس اللي اعرف عيوبي وانا بس اللي اقدر اغيرهاا ،،،. حبيت فقرتج
وَ أنا بعد حبيتك أكثر وَ أكثر من هالمُدونه لأن عرفتني على شَخصك , وَ بصراحه دُوم كلماتك تحفزني
حبيت تشبيهك بجملة طبخ بدون بهار , أجدتي التَعبير برأيي ..
عَليا كُوني دَوماً بالقرب , فتواجدك مُحبب للنفس
لأن أحس أني مَعك عطبيعتي وَ اتكلم مَع صديقه لي
ارتوس .. وانا أتمنى ان أكون صديقة لك .. انا قريبة دائما من أولئك الذين احبهم .. انت منهم
حُبي وَ الله .. صَديقه وَ أعز
ياعمري ياأرتوس تدرين دايم وش اقول لصديقاتي بعيش شهر عند ارتوس واخذ كورس وارجع لكم ههههه حبيت التدوينه حسيتها من قلبك لنا .. عندي مشكله كبيره بالنسبه لي انا بنت صغيره عمري 16 من كنت صغيره وانا احب اقرا كثيير اعيش بالمكتبه ساعات ومستمتعه مع هذا أحس ماعندي رأي خاص فيني على قولتهم كلمه تجيبني وكلمه توديني يعني مثلا بعد ماقريت كلامك عن كتب الذات قلت ايه والله صادقه واقتنعت هههه! وقريت رد يأيد كتب تطوير الذات وقلت ايه صادقه له فايده كبيره ): احس نفسي تايهه ماعرف أحدد لي راي وفكر ): ساعديني أرتوس اكره هالشي فيني مره.
وَ الله ياليت , ماعَندي مُشكله بس أهلك راح يذبحوني [ بدأت تصدق نفسها ] ..
وَ ياعمري إنتِ خفت لما قلتي عَمرك , تَوك صغيره بالرغم فيه ناس من عمرهم ٥ سنوات عندهم رأي مُستقل
بس عادي إنتِ مابعد أكتشفتي نفسك وَ أحس اللي مثلك سهل يتطورون هم شخصيات غير متعنته مفتوحه عالجَميع
ما أشوف فيه مُشكله , مُشكله الناس اللي راسهم يابس على فكره وَ يشوفون نفسهم هُم وَ رأيهم الصح
وَ للأسف أغلبيتنا نميل لهالشكل .. حبه حَبه وَ بتوصلين لقناعاتك ..
وَ كلمه توديك وَ كلمه تجيبك وَ قلبك نظيف أحسن ما تَكونين أم شَرين
ارتوس ي كمية الجمال اللي بكلامك
دخلت مدونتك و انا مكتئبه جديا بداية كل سنة احاول انجز شيء بس
للاسف تروح هباءً .. بس بإذن الله راح انجز هالسنة اشياء كلامك يجيب للشخص دفعة ايجابية
شكرا شكرا لك ي بنت الاراتيس و اي لوف يو ❤❤
هلا هلا , دام قلتي بنت الآراتيس فأنتِ تعرفيني مَن زمان ..
أنا متأكده إنك راح تنجزين وَ إن شاء الله تجين السنه الجايه وَ تقولين لي أنجزت بكون جداً سعيده
السلام عليكم..
اكسبلور مفيد احياناً،يخلي الشخص ممكن يحصل حسابات مميزة،جذبتني الصورة الا تتكلمين فيها عن المدونة وقلت خل ادخل،،
كلام مُقنع و خارج من عقل ليس بسطحي أبداً،بالأحرى عقل “مُثقف”..
لكل شخص وجهة نظره،وكنت مثلش غير مقتنعة بكتب تطوير الذات وحضرت دورات وقرأت كتب وتابعت على اليوتيوب،الكلام دائما نفس الشي حتى الكلمات تحسين ان اتفقوا على اختيارها ،لكن كل هالكلام ما ممكن ان يؤثر في الشخص اذا ماكان عنده رغبة نابعة من الداخل،الا يحرك الانسان العزيمة مو الكلام..
.
الله يوفقش ويعطيش على قد نيتش ويحقق الا في بالش اذا كان خير ان شاء الله
أولاً أهلاً وَ سهلاً بك , صراحة ما توقعت إن صَوري تطلع أكسبلور لأن عندي خلل بحسابي له أكثر من ٣ أشهر
لكن أسعدني كلامك وَ تواجدك , يعني سبحان الله أنتِ ماتعرفيني وَ هذا أول إنطباع لك عَني وَ راقت لك
حبيت وَ مُمتنه لتعليقك , صَح أنبسط بالناس الدائمين مَعي
وَ لكن يسعدني تواجد أشخاص جُدد , وَ حلو لما أتناقش معهم وَ اتحاور
نورتيني مَليون مَره
استمتعت بكل حرف كتبتيه و كل ما افضى ارجع اقرأ نفس مواضيعك مره ومرتبن وثلاث ما ينمل منها ماشاء الله الله يرزقني نص رقُيك ونضوجك استمري ❤️
ياحظَي بكم وَ الله ..
متأكده بك من الزَين الكثير ..
بالنسبة لموضوع ” تطوير الذات ” اخوي من محبين هالاشخاص فدايم هو اللي يدفعني اقراها او اسمعها او اشاهدها الخ تقريبا ٣ سنوات وانا اخوض فيها فقط للدعم النفسي وزيادة الامل ولكن مثل ماقلتي كونها تغيرك لتنجحي ابدا، ماشفت شي انما” عشان ما انكر الجميل ” بس رفعت روحي المعنوية واوضحتلي الشخص اللي انا عليه ” جوهري ” من خلال المقارنة -الشخص هذا ليس انا- في ذاك الوقت فقط مثل ماقلتي مخدر مؤقت..
الاغلب اني كنت ابحث في المجال هذا عن شخص ذهب و غير موجود الان، ” لعبت على نفسي بها يعني ” لما وجدت ضالتي اكتشفت اني كنت ” موهومة ” على الاقل الان عرفت كيف اختار نوع المعلومات اللي تهمني ..
اختي الوحيدة عمرها ١٤ سنة قبل لا ابدا اقرا تدوينتك سالتها اذا تبي تسمع فقريتها بصوت عالي .. هههههههه بعد شوي حسيت انك عيشتيها جو الا يجي الكلام اللي بين القوسين [ احس بدا كلامي يصير خطر على المراهقين …. الخ ] تنفست الصعداء الحمدلله انك تهتمي بها الفئة ..
اتمنى لك سنة مليئة بالامال وتحقق الطموحات والمفاجات المسعدة
وفقك الله لما يحب ويرضى
أنتِ تقرونها من باب التَنميه , مو من باب التعلق أو عَقد الأمال بها
أنا متأكده إن جَوهرك الحقيفي بهالكتب أو بدونها مُمتاز , لأنك جَيده هالكتب نفعتك يعني داخلك جَيد
وَ نهايتك هُو العلم وَ المعرفه تعلمتي مَنها وَ وصلتي لقناعات وَ عرفتي شلون تقتنين المُناسبات وَ الملائم لك ..
يازَينك حبيت علاقتك مَع أختك , الله يخليكم لبعض , حلو مشاركتك لها بعض تفاصيل يَومك
طبعاً بعض كلامي مُمكن يكون خطر ليش ؟! لو طفله صغيره فهمت كلامي أنه سو اللي يعجبك وَ تحدى أهلك وَ اعصيهم
هنا راح أقع بالخطر , فلاحظي قلت حقق أحلامك بدون ماتخسر أحد .. إلخ من هالكلام ..
تَمنياتي لك بأيام حَلوه بحلاوة حَضورك
أول تدوينة لك أقرأها، أكثر موقف لفتني موقف درجتك في التعبير سبحان الله. اممم، بعلق على نقطة “احلم بواقعية” الأحلام لو مافيها شي من البعد والصعوبة تصير ماتشفي، ماتحس وقتها إنك أنجزت، أما عن الأشياء اللي مالنا يد فيها، ليش فقدتي الأمل فيها بسهولة؟ عندي قناعة إن “وإن يردك بخير فلا رادّ لفضله” تدبير الله لحياتنا يخلي فيها نقاط تحول ماتوقعناها، إذا ماقربتنا من أشياء نحبها تقربنا من أشياء أكثر جمال! عندي كثير أمنيات بيد الله مالي فيها حول ولا قوة لكني أحبها ودايما أتخيلها تتحقق لأن الله كريم بشكل فوق تصوري، هذا الأمل يخليك منتعشة دايم ومتوقعة خير. أما عن كتب تطوير الذات جدا أوافقك إنها تجارة وشغلة مادية بس، بس ممكن نقرأ فيها زي الكتب اللي تعلمنا تنظيم الوقت أو حاجات تفيدنا، لكن الكتب اللي كل محتواها بيع آمال هذي من كثرتها كرهناها بدون مانقرأها حتى. تدوينتك جميلة أتمنى لك عام حافل بأشياء حلوة وأمنيات عظيمة محققة ❤️❤️
بالنسبة للدرجه لرُبما كلامي ما لائم المُصححه وكان شاطح مَدري عنها ..
الحلم أكيد مابيكون واقعي لكن لو حاب يتحقق لازم يكون واقعي , يعني لو حلمت أنا أفتح مخبز بأحد ضواحي باريس وَ أنا حتى ماعندي لغه فرنسيه
وَ أبي أفتحه بعام ٢٠١٦ ما أتوقع هذا حلم واقعي وراح يُحقق خلال العام ممكن يحقق خلال عدة سنوات بس مُش مستحيل , الَحلم يعطيك الأمل وَ لكن الحلم المُبالغ به يعطيك الإكتئاب بحد ذاته
لو عندك شخص أعمى أكيد بيكون حلمه يستعيد نَظره , وَ كل شيء بحياتنا بيد الله عفكرة مافي شيء مو بيد الله ..
لكن حلمه ضرب من الخيال هل بيجلس يعلق كل حياته على هالحُلم , راح يَدمر حياته وَهو يدور , وَ قيسي عليها كثير من أصحاب الإعاقة
عقيم ماعنده أولاد , مريض مَرض مُزن ماله علاج مثل مرضى : التصلب اللويحي هل الواحد بيعيشه على هالأمال
حلو يعلمه التَكيف , مثلاً مرضى الأعاقة فيه أبحاث توعدهم بأمل العلاج وَ فيه حالات قَدروا يعالجونها بس بعناء وَ العلاج غير مُتاح للجميع لأنه مازال بطور البحث العلمي
صَدقيني أي حلم أنا أقدر عليه بَحققه , بس فيه أحلام تحكمها قوانين الدُول وَ فهمك كفايه
وَ فيه شغلات لا يشتريها لا المال وَ العلم هي هبات من رب العالمين , راح تزهق روحك وَ أنت تجبر عمرك عليها ..
مثلاً أنا أمي متوفيه نفسي أقابلها تخيلي يَكون عندي هالحلم ؟! ودي أقابلها بالحياه
صدقيني بكون مَجنونه لو ماتخليت عن هالفكره بحياة الدَنيا ..
أنا ما أحب الخيالات لكل إنسان قٌدرات مُحدده لو ضغط على نفسه راح ينفجر ..
تَمنياتي لك بأيام حَلوه تَشبه حلاوة رَدك وَ روحك
يا مية هلا بالحب والله تعرفين الحال من مثله ما احس بتغير الا تغيير رقم وصرنا 2015 …حتى الا من كمن يوم افكر
بسنة2014 ما كانت حلو ولا كانت سيئة كانت عادية بس نفسيا كنت تعبانةواحس ساعات اني عطيت اشياء اكثر من حقها
وبين حرب اني دايم اخذ حقي كامل وما اسكت عن حد وبينما دايم امي تقولي لازم تطوفين وتطنشين أو حرب ما اعرف سببها لكن الحمدلله افتكييت
انتي سبب لمصالحتي لذاتي ومرات حرب مع ذاتي للافضل مشكلتي ف الحياة دايما اوصل لنصف الطريق وان شاء الله اغير هالشي هالسنة .. انتي سبب في تطوري وتغيري انتي ملهمتي والله تعرفين يوم اشوف البنات يقولون لج انتي قدوتنا
اقول والله انا اعتبر ارتوس نفس الشي ولو تقولين محد كامل وانتي مب قدوة حد بس لا قدوتي غصب هههه لان كلشي منج حلو احبج بكل
حالاتج احب كل كلمة تكتبينها للعلم مع انه صعب التاثير فيني وما اقتنعت بكلام اي حد بالذات هذي كتب الذات وهذي الخرابيط بس انتي غير لان كل كلمه تقولينها صح وعن تجربة
و الكلام اللي تقولين عنه ثرثر انا اشوفه دردر وبقولها مره ثانية متندمه اني ما عرفتج من زمان ابد ما اتخيل حياتي بدونج لا خلاني ربي منج
ومعاااج ان شاء الله ف كل خطوة بتطورج فخورة بج ارتوس همسه صغننة ادري انه هذي قناعات بس انا احبج ولازم اقولج بما انج يبتي طاري الموضوع احب ذوقج ف الاغاني بسس والله يحز فخاطري انج انسانة احبها وتاثمين وما شاء الله اكييد كثير يدخلون ويسمعونها لو اني قريت ردج وانتي تقولين الاغاني مب حرام بس والله احبج لاتحطين حتى اني ماكملت الاغنية عشان انج تاثمين ادري انها قناعات وحتى انا اسمع بس غيير يوم تتحملين وزر البقية عسى الله يهدينا ويهديج
وترااا الكلام منقع ومب مرتب بس يعبر عن اللي ف خاطري لاني ف مكان اضاءته زفتت
ماتصدقين أرتوس قد ايش ناس بثوا الحزن فيني اني غير قادرة على النجاح إطلاقآ وماراح استمر وأنجح لكن الحمدلله كانت سنة إنجاز ونجاح ومصّره
اني أتقدم أكثر .. متابعه لك على طول واتمنى لك السعاده والرضا
حبيت جزء إن فيه أشياء أصلاً مو بيدك ، وأشياء حتى يوم سعيت لها ما ضبطت مع إن سلكت الأمور بس بالأخير ربي ماراد وحمدالله أشياء تيسرت وأعطت نتائج مثل ما تمنيت الحمدالله.
ترا فجأة صرت أتكلم عن عام ٢٠١٤.
أكثر نقطة لفتتني وحسيت تهمني
تحقيق أماني لكن أشخاص يهمونك جداً جداً جداً ماراح يرضون فيها وبيرون إنك تعديتِ اللائق اجتماعياً وإنه بيضرك 🙁 بس يهمك جداً.
في هذي المواقف الواحد كيف يحسبها ؟
١- علي وعلى أعدائي واللي يصير يصير ( اوكي بفرح بس فرحتي ناقصة بيزعلون 🙁
٢- الله وأكبر موب لازم والواحد ما يدري وين الخيرة فيه ( أوكي برضيهم بس نفسي تحس اني ج ب ا ن ة 🙁
انا متابعتك من زمان .. واعشقك طريقتك تعاملك مع المتابعين ونظرتك للحياة ..
انا كل سنه انزي اني اتغير طبعا هالقرار يتعلق بانفصالي لان لو حصل انا ؤاح اتغير .. كثير الزواج اثر علي وعلى نفسيتي مع انه المفروض يكون العكس .. يمكن طيبتي واني اسكت عن حقي هو أكبر خطا ممكن اي شخص يرتكبه بحق نفسه ..
طبعا اناومن النوع الساكت الي ما اشكي لأحد لكن هنا ومع كلامك وكمان محد يعرفني استرسلت
لو حابه مَحداً يعرفك أكثر سَجلي بَدون أسم أو بأسم وَهمي وَ خذي راحتك
بالنسبة للأنفصال رُبما عَدم توافق وَ ربما هالشخص ما يستحقك ما أكتشف مَعدنك الفعلي وَ الحقيقي
مافيها مُشكلة وَ لا تشيلين ببالك إن المَوضوع مَصيري , صح كل بنت تتمنى علاقتها الزَوجية تنجح لكن هذي مُش أخر الحياه
وَ لازم تبدأين وَ تثقين بنفسك
أرتوس يا أرتوس ..
أنا تعرفت حديثاً من الانستقرام ..
حبيت فيك تميز طرحك.. ودقة ملاحظتك لتفاصيل التفاصيل ..وثقتك بنفسك..وآراءك الثابته حول الأمور..سواء كنت معها أو ضدها يعجبني أن لك نظرة مميزة تؤمنين بها ..لأني مللت تناسخ الآراء ..
استفدت منك الكثييير في مجال الجمال والإهتمام ..
فشكراً جزيلاً لك بحجم المجرة الكونية ..
رغم أني في كل مرةً أنتفع منك أدعو لك بالخير ..إلا أنني عادةً متابعة صامتة لك ..
لكن في هذه التدوينة أحببت أن (أبربر) لك عني حولك..
وأشكرك..وأمتن لك..وأتمنى لك عاماً جميلاً مليء بالتميز والنجاح..
ومتأكدة ستكونين كذلك لأنك تعرفين وصفته ..
كل الحب لك
حَبيت كلامك وَ برضو أنا بنعمه إني عرفت أمثالك وَ إن كان حَديثاً ..
الأهم بالنسبة لي هو أني أستقطب الناس الجَيدين , وَ لا من السَهل يكون حسابي مليء بأشخاص ما يتلائمون مَعي فكرياً
وَ يكون تفكيرهم سَطحي , وَ دعواتك كافيه لَي
ما يَعني أن حضورك ماله وَقع بنفسي , إنما أثرى صَفحتي وَ كلماتك رائعة وَ رنانه لها صَدى بقلبي
نَورتيني
*تعرفت عليك
هو انا ماهممي كثير انها تنجح او لا لكن تعلقي باطفاله رغم ان امهم رمتهم ولا اهتمت فيهم هو الي مسبب لي اكبر هم .. وبالنفس الوقت تعاملهم ونظرتهم لي كل مايكبروا اقول مايستاهلوا اني اسوي بنفسي كذا
سوري رجعت لكن اتمنى اسوي هالشي وارتاح جدا مسبب لي ازمة
تألمك لأنك إنسانه جَيده , لو غيرك ما بتهتم بشيء من غير صَلبها
أتوقع حان الوَقت تفكرين بمصلحتك قبل لا تَخسرين الوقت , مرات الوقت ما يكون بصالحنا
وَ أستشيري شَخص مُقرب لك يحبك وَ يتمنى لك الخير وَ بنفس الوقت يملك من الحكمه وَ العقل الكثير
حتى وَجهة نظره تكون شَبه منصفه لك وَ لحياتك
وَ ماعندك مُشكله الصفحه لك فضفضي على رآحتك
تدوينه جميله وراقيه ك جمالك ..
اوافقك الراي انه تكون لك حياتك الخاصه لانه لوعرضتي
شي من حياتك ماحتسلمي من الناس وتعليقاتهم ههه
جزاك الله خيرا استفدت منك كتيرا
النور نورك يا أرتوس ..
سعيدة لأن أول تعليق لي ذو أثر طيب لقلبك الجميل ..
مع حبي وتقديري لتميزك
تعرفين انه احلى قسم عندي هو الثرثرة بس اتفق واختلف معاك في فلسفتك بنفس الوقت او يمكن هذا الشئ ناتج عن تضاربات الأفكار في عقلي يمكن لأنك تغيري وجهة نظري لشئ معين او افهمه بوضوح اكثر وشئ حلو انه الثرثرة كانت من بداية السنة عشان نصحح و نرتب افكارنا صح ونحقق اهدافنا بس عندي تعقيب على نقطة لما قلتي لاتقارنوا نفسكم بأحد انا من الناس اللي أقارن نفسي بغيري مثلا صحباتي عشان يصير عندي حافز و أكون افضل منهم بس بعد التدوينة مدري هذا الشئ صح او خطأ وكمان شي ثاني لما قلتي حققوا أحلامكم مو احلام غيركم اشوفه شي مررررررره صعب خصوصا اذا كان الرفض من الوالدين و تكوني انتي الكبيرة يعني في وجه المدفع ويكون شي جديد عليهم على قد مااحاول أحسه شي صعب الا اذا تغيرت الظروف
شكرا شكرًا لك من اعماق قلبي ❤️❤️
اليوم كان عندي اختبار لمادة القيادة والأبتكار مادة جدأ ممتعة وتدوينك بهذآ الوقت لنفس الموضوع اسعدتني جدآ
أحيان يكون لدى نفس نظرتك لبعض الأمور بس ماتكون لدي ثقة كافيه بأن رأيي صائب وصحيح بس لما اعرف رأيك بنفس المرضوع تجيني ثقة بحالي وبمنطق تفكيري “جمااااالك ياتوسة وجمال فكرك أصبح مصدر الهام لى و للكثير”
تعقيبأ على منظورك لكتب تطوير الذات فعلآ ارى بأن كتب ودورات تطوير الذات اصبحت تجارة والكثير
بين عشية وضحاها اصبح يمتهن التدريب لمجرد حصولة على بعض الدورات
صادفت قبل فترة فى أحد الجامعات الخاصة والمرموقه محلل رياضي شهير اعتزل التحليل الرياضي
واتجه لتدريب فى هذآ المنطلق واستعجبت حينها كيف لجامعة لها مكانتها تسمح له بعقد ورش لتدريب طالبتها
لمجرد شهرته فقط
اصبح الأمر مثلة مثل من يفتح مطعم شاورما وما مشي الحال وغير نشاطة وخلاه مطعم فلافل *_^
المشكله الكبرى للأسف برغم كثرة التخصصات والمجالات والفرص الأبداعيه وبرغم الأنفتاح الذي نعيشه وتقبل المجتمع
لأمور كانت ممنوعه سابقآ إلا أن الكثير يريد إن يمشي بنفس التيار لمجرد محاكاة الآخرين وصل بنا الحال لتخبط
لدرجة الكثير لم يعد يعلم ماهيه ميولة وماهي رغابته وقدراتة وامكانياته وماذا يرد هو من الحياة٠٠؟
ادري طولت ياتوس بس لا تلوميني تدويناتك دائمآ تجبرني على التعبير عما فى داخلى
بلا مبالغة اقوول لك “انتي أجمل مدرسة لتطوير الذات يكفى بأن يكوون عطائك بدون اي مقابل”
ارتوس حابة اطلب منك تدوينة كثير مايجي فى بالي اقراء اسطرك وفلسفتك بهذآ الموضوع
“العمر الفسيولوجي”
مايخفى عليك سعى و ولع المرأة على المحافظه على صباها وشبوبيتها
حتى نجد الكثير بعد سن 25 لا تذكر سنها الحقيقي
اصبح العمر الزمنى حتى كثير نسمع البعض يقول بسرعة كبرنا
ومع ذلك سرنا نشوف سيدات بقمة جمالهم ومعاهم بناتهم صبايا بطولهم ماشاء الله واا يبين عليها العمر الزمني
لم يعد يلاحظ العمر مثل السابق على الكثير من نساء هذآ الجيل
خصوصآ مع زيادة الوعي وممارسة الرياضة وتطور عالم التجميل
هل بنظرك اصبح العمر الفسيولوجي اهم من العمر الزمني؟
اتمنى قرأة فلسفتك فى هذآ الموضوع من جميع نواحية
اخيرآ اتمنى بأن تكون سنة 2015 سنة جميلة تلائم جميع تطلعاتك وآمالك
قبلاتي لك
تدوينه جميله جدا ،،استمتع جدا وانا اقرئ لك ،،كنت مقتنعه بكتب تطوير الذات بس اقنعتيني جداً بكلامك بذات انها كانت موقته بالنسبة ليه ما أنكر هالشي ،،يمكن شخصيه وحيده مرت عليه دخلت دورات واستمرت واتغيرت للافضل بس الي غيرها اكثر( القراءه) صارت البنت مطلعه بشكل كبير وهو هذا التغير بنظري ،، دايم الناس تنتقدني بأفكاري بس مقتنعه فيها بشكل كبير ،،اتمني بس أني أحقق أحلامي ،، ومايقفون عائق امام أحلامي
معاك من ايام شمواه ،، بس كان قليل مواضيعي وردوي ،، اتمني لك النجاح والسعاده من كل قلبي .
اٌحبطت جدا من تدوينتك مع هذا الفجر ,,
كل مره احبك اكثر و اكثر ياااأرتوس
انني الوحيدة اللي اتأثر بكلامها وأحب كل شي فيك
تدوينتك هاذي بالنسبة لي اطلق من مليون كتاب تطوير الذات
بعد التدوينه هاذي حبيت احكي لك عن عمي اللي كان مدمن كتب تطوير الذات
والعقل الباطن وعلم البارادايم وأشياء غريبه غريبه يعلمني ياها لدرجة وصل لمرحلة
من بعدها حسيت انه بدا يخرف ، يعني صار يحمل مقاطع صوتيه من مواقع اجنبيه
لان هو كان يقرأ لكتب اجنبيه
هاذي المقاطع يحملها بفلوس طبعا ولما تشغليها تشتغل بس بدون صوت
كنت أقول له عمي هاذي خرافات الشريط فاضي
يقول المقطع شغال وهاذا الرسائل في المقاطع ماتوصلك ولا تسمعيها ،
هيا توصل لعقلك الباطن ويسمعها عقلك الباطن وعن طريقه تبدأ تتغيرين للأفضل
ما أدري اذا سمعتي فيها او احد سمع عنها اذكر من أسمائها السبتيمنن زي ماكنت أسمعها منه
بس صراحه أنا كنت جداً مو مقتنعه بهالخزعبلات بس كنت امشيها له
لدرجة انه كان يشغلها لزوجته وأولاده حتى وقت النوم بسماعات
بس كل اللي حابه اقوله لك ان عمي الحين مريض نفسي وتعب علينا من سنه تقريبا
ترك زوجته وأولاده طلقها من غير اي سبب وما عنده اي أسباب مقنعه للطلاق
ونسي أولاده والناس كلها كرهته والحين تركنا وعاش لحاله ومقتنع بنفسه وبقراراته
وما حصلنا اي حل لحالته وااسفه طولت عليك
بس تدوينتك هاذي ذكرتني فيه لان كنت عايشه معاهم في عماره
وحده وكان جداً عزيز على قلبي
وكنت عارفه كل تقلباته بدايتها الكتب النفسية وتطوير الذات
يا مساء/ صباح الجمال والتفاؤل
كل عام وانتي اجمل وارقى من العام اللي قبله …
كعادتك مبدعه ومقنعه ومتفائلة
ومو من عادتي اني اعلق على اي تدويناتك لكن اعترف فاض صبري وماقدرت امسك نفسي
وما اعلق على جمال حرفك وجمال روحك ,
يمكن من اول ما بدأتي التدوين كنت متابعة لك حرف حرف
ومستمتعة بكل حاجه تكتبينها
لكن هذي المره الأولى اللي احس ان الموضوع شدني معنويا وجسديا لدرجه ضميت الاب توب وقعدت ابوس فيه
اول شي احب اعلق على كتب تطوير الذات ..
انا اشوفها بالنسبه لي دمرت ذاتي وطوال ما انا اقراها احس بنقص لان الكمال باللي يقوله الكتاب فقط .
تطوير الذات صعب ولازم الشخص يجاهد عشان يطور نفسه ,
ولو كانت الكتب لها منفعه كان كل من قرأ كتاب حس بالتطور
المنفعه الوحيده اللي اكتسبتها من كتب تطوير الذات هو حب الاستطلاع والمعرفه
ف زي ماقلتي نحن مو بحاجه كتب تقنعنا نطور نفسنا
المسأله مسأله قناعه داخليه من جوات عقلك وقلبك .
وثانيا ..
بالنسبه للصبوحه الشحرورة بعيدا عن الدين لازم نعترف انها شخص حارب عشان يكسب محبة الناس لحد مانجح
ولو هي ماكانت عايشه حياتها طول بعرض كان محد عرف عنها ولا جاب خبرها
بس الكفاح والجهاد اللي فيها لفت الكل عليها وخلاها عايشه بقلوبهم حتى بعد وفاتها لانها حققت حلمها مهما كان
مو صعب الواحد يحقق حلمه الصعب انك تعرف ايش حلمك ؟ ايش غايتك وهدفك بالحياة ؟
انا مثلا بيوم من الايام حلمي كان اصير محامية ؟
بس مع مرور الوقت اكتشفت ان هذا مو حلمي ! عشت بدوامه لمجرد انه ما اعرف ايش حلمي .
اسوأ فترات حياتي كانت , كنت على وشك التخرج من الثانوية وانا مادري ايش ابي
قرأت كتب تساعدني استعنت بأراء اشخاص ثقه وكل هذا ما ساعدني بالعكس تهت اكثر
بالنهاية عرفت ايش حلمي بلحظه !
عرفت ان حلمي يبي له كفاح وزدت حماس واخيرا عرفت حلمي درست ادارة اعمال وانا على وشك التخرج اللحين
للحين ماوصلت لحلمي لاني بالطريق لتحقيقه ..
عرفت ان حلم المحاماة ما كان حلمي كان حلم اهلي , لكن ماخليت احد يجبرني على شي انا ما ابيه
بالعكس نسيتهم المحاماة وحببتهم بأدراة الاعمال لاني اشتغلت على نفسي فيه وحبوه من خلالي
زي اسمي مثلا من يوم كنت صغيره كانوا بالمدرسة يقولون لي اسمك مو لايق عليك شلون اسمك سمراء وانتي بشرتك بيضاء وخوالي وعمامي لاموا اهلي على اسمي حرام بتعقدون البنت بتسمونها اسم مايليق فيها لكن امي وابوي كانوا مقتنعين ان الاسم لابق علي
كبرت وانا اعشق اسمي واعشق التضاد فيه مع شكلي لحد ماصار الكل يتقبله
ماسمحت لهم يحطموني بالعكس زادوني حب فيه .
واخيرا ..
احب اتكلم شوي عنك ..
انتي بكل ماتحمله الكلمة من معنى آسره ….
تعبت وانا احاول ارتب حروفي بس جد والله انتي من الاشخاص لهم فضل كبير بعد الله طبعا بتغيير نمط حياة كثير اعرفهم
وانا وحده منهم غالبا اتفق معك بكل شي تقولينه
قبل كنت دايم اقول يازينها ارتوس ب ليش التخفي يعني ليش ماتبين مين هي
هي مو قاعده تسوي شي غلط بالعكس استفادوا كثير منها
لكن اللحين بديت اشوف هالشي من منظور ايجابي واحب سالفة التخفي هذي واحسها معطيتك ميزه واقول اريح لك انتي متخفية
ماتسلمي من الهجوم ف كيف لو كنتي مكشوفه كان تقوم عليك الحرب العالمية الثالثه .
وبس يازينك واستمري ولاتوقفي ولاتحرمينا من ابداع حروفك ويالله عقبال ما اقرأ كتاب من تأليفك 3>
تدوينه رائعة، رغم أني اختلف معاج في جمن نقطه واتفق معاج في كثير وطبعا هاللي يميز التدوينه الناجحة، النقطة اللي تكلمتي فيها عن مؤلفين كتب مقالات تطوير الذات اتفق معاج أن همهم الربح المادي ويااااكثر الكتب اللي ماتطلعين منها بأي فايدة كل سنه أخصص وقت لاكتشاف عالم كايزن اللي هو تحسين وتطوير الذات، كلها ع بعضها سرها واحد ( وعلى نياتكم ترزقون) خلكم مؤمنين بشغله المطلعه بأمور دينها وقصص الانبياء راح اتعرف أن كل كلمه انقالت في كتب تطوير الذات منبثقة منه بشكل أو بآخر، انا وحده من الناس قبل ثلاث سنين وصلت لحالة اكتئاب وعدم الرضا وطبعاً الثقه صفر قلبي كان مليان ع الآخر للأمانة رحت لمراكز العلاج النفسي ومافي فايدة فاقترحت علي صديقتي أحضر محاضرات أستاذة خليجية معروفه بعلوم كايزن وحضرت مثل هالمحاضراات والجلسات مع مختصين كثار وكنت أتابع محاضرات وبرامج عمرو خالد واااااايد له أثر كبير قدرت أفهم شو يعني صك اذنك، لا تهتمين، النجاح، التفاؤل كيف اسوي كنترول ع حياتي إلخ إلخ ولله الحمد وضعي واااااايد أحسن، يعني في أمور لازم الشخص يخطط لها ويحط أهدافه مع فترة زمنية وتكون واقعيه، ع الأقل اطلع عقب سنه بحصيله إنجازات افتخر فيها وتفرحني، انا مع الإنسان اللي يبحث عن أشخاص ثقه يوجهووونه صح للطرق اللي تأهلهم لتطوير نفسهم وحياتهم خصوصا إن مع التقنيات الحديثة والسوشيال ميديا طلع في كثير أشخاص معاقين أخلاقيا وفكريا ونفسيا، وسنه سعيدة ع الجميع ويااااارب اتكونون كلكم بصحة وسلامه ويحفظ لكم كل غالي
الفنانه صباح عاد انا وايد احب هالاغنيه
السلام عليكم يا ارتووسة
ان شاء الله تكون سنة خير عليكي وعلي جميع المتابعين
وماشاء الله تعبت وانا اقرأ الردود بس تعب بمتعة،ما عليه طبعا هذي أول مرة أعلق علي شي لك بس جذبني الموضوع مررة أنا صارلي قرابة السنة أتابعك تعرفت عليك من اختي وبعدها صرت اقرا واقرا واتعمق وصرت ادور علي كل شي لك وتقريبا انتي كنتي مثل الباب وانفتح علي وبعدها صرت اتعمق بالحبث وصرت احاول اغير نفسي للافضل سواً في طريقة اللبس او الشعر او تماريني الرياضية ، وبكلامك عن كتب تغير الذات انا جاتني فترة من الفترات كنت أقرأ لأبراهيم الفقي وكانت عاجبتني السالفة بس ما مر علي وقت طويل وانا اقراها بس لسة فيني هالشغف ، بس اللي اقوي منه حبي للروايات ، وبموضوعك عن الناس وطريقتهم بالحياة انا تقريبا من سنة او نص بديت اوعي علي نفسي واعرف اللي انا احبه واللي ما احبه وصرت ابعد كل البعد عن حياة الناس واحاول انشغل بنفسي اصلا هالشي من وانا صغيرة فيني وانا اكره تناقل الاخبار او ان شخص يسألني عن شخص أخر بحكم انه يشبع فضوله ، وحاجة حلوة ان الواحد يوعي علي نفسه ويفكر بطريقة مستقلة بعيداً عن الأخرين وأتمني اني اوصل للستوي هذا لاني انا من النوعية الحساسة جدا وأهتم لأراء الأخرين وأكره الناس المتسلطة اللي تحب رأيها بس اللي يمشي اصلا اتجتب النقاش معهم لاني انا مؤمنة بأختلاف الرأي، وعلي قولتهم انا من الناس اللي لا تهش ولا تنش وماخذة هالصفات من ابوي وامي الله يرحمها بس صدق تعقدت منها مرة لأنها ابدا ما تنفع في هالزمن ، تعجبني الناس اللي علاقتها بأهلها كويسة وأتمني أكون منهم ، عاد تصدقين صدق بحياتي ما تحمست اشوف شخص كثر ماني متحمسة أشوفك مثل ما قالت وحدة من البنات في التعليقات ودي أجي أجلس معك شهر أو يومين تكفيني كذا أحسك وااو ومن الناس اللي احب أسمع لنقاشتها لأن انا فيني منك شوي من ناحية الاثبات العلمية وأكره الخرافات ان شاء الله ربي يكتب لي لقاكي بيوم ما ، وأخيرا وليس أخرا ان شاء الله تكون سنة حلوة وسنة تحقيق الاحلام والوصول للأهداف لي ولجميع المسلمين ان شاء الله ، في أمان الله
أحب فيك الصدق مع الذات والواقعية والصدق مع الآخرين تدوينه جميله دعواتي لك بالتوفيق وان يتحقق لك كل ماتريدين
اتفق معاك بسالفه الكتب والاستغلال العظيم وقيسي عليها كتب كثيره مثلا بطلت اقرأ كتب كيف تتعاملين مع أصدقائك كيف تتعامل مع زوجك …الخ احسها تحط كل الناس بقوالب متشابهه وكأن تغكيرنا واحد .بس ماانكر ان اكثر كتاب حفزني وغير شخصيتي قوه عقلك الباطن يمكن لاني قريته وانا مستعده اتغير
أَتوقع أنتِ باطنك مُتطور وَ قابل للتحليل وَ التفكر لذلك مَشت مَعك
يعني الأساس الجيد وَ الفاعل فيك فيك بالكتاب وَ لا بَدونه , اللهم عَطاك هالشحنه الإيجابيه
وَ لأنها فيك فَهي مُستمره , مُجرد وَجهة نظر
❤️
ارتوس الجميلة
بما انو دخلنا 2015 حبيت اشكرك على مجهودك الجبار معنا > متعبينك والله :))
لان بجد استفدت كثير منك ومو بس انا من العايلة امي وخواتي كمان
وخاصة امي دايم تدعي لك <3 <3 اذا تبين طبعا :$
– تنظيم الوقت
– نظام غذائي لتحسين البشرة ( الشيئين ذي اذا مجربتها بس ولاتهوني اكتبي عنها
– مكرونه بشميل هههههههههههههههههههههههههههههههههههههههههههههههههههههههههههههههههههه ذي سالفتها سالفه
شفتك بدونتك الاولى مو ثرثرة انثوية الي قبلها مساحة لكل ماحب منزل صورتها وقلتي بتزلين طريقتها
بس مالقيتها ومن ذاك اليوم ابغى اقولك وانسى
وبس والله وشكراا اخيرا <3 <3 <3 <33333333333333
الله يَخلي لك أمك وَ خواتك وَ لازم تشكرين أمك بالنيابه عَني , لأنها تتابعني مَين قَدي
شيء حلو أوصل لجميع الأعمار وَ العقول …
تنظيم الوقت أنا للأسف مُش منظم وَقتي يرجع الشيء لَمزاجيتي بَس عندنا أنظمة عَسكرية بالبيت يمكن هي ممشيتني زَي الألف
وَ مكرونة البشاميل تَصدقين نَزلتها بشمواه بس شكل طارت الصَور أبشري بَنزلها وَ النظام الغذائي خلينا ندخل بالصيف أفضل بالشتاء كلنا نبي السمن وَ الزبدة
العَفو يا جَميله
تبشرين بالجنة يارب <3333333333
ارتوس الجميلة
بما انو دخلنا 2015 حبيت اشكرك على مجهودك الجبار معنا > متعبينك والله :))
لان بجد استفدت كثير منك ومو بس انا من العايلة امي وخواتي كمان
وخاصة امي دايم تدعي لك <3 <3
بطلع عن محور حديثي واطلبك حاجات تكتبين عنها اذا تبين طبعا :$
– تنظيم الوقت
– نظام غذائي لتحسين البشرة ( الشيئين ذي اذا مجربتها بس ولاتهوني اكتبي عنها
– مكرونه بشميل هههههههههههههههههههههههههههههههههههههههههههههههههههههههههههههههههههه ذي سالفتها سالفه
شفتك بدونتك الاولى مو ثرثرة انثوية الي قبلها مساحة لكل ماحب منزل صورتها وقلتي بتزلين طريقتها
بس مالقيتها ومن ذاك اليوم ابغى اقولك وانسى
وبس والله وشكراا اخيرا <3 <3 <3 <33333333333333
(التعليق الي فوق احذفيه خطأ )
اهلاً بآرتوس
كلام جميل و واضح جداً تصالحك مع نفسك وهالشي معطيك شعور بأنك مو محتاجة شخص يسعدك و الشيء الوحيد اللي راح يسعدك هو انتِ متى أردتي .
و أتفق معك بأن التغيير ينبع من داخل الانسان ذاته ومهما قرأ و قرأ و بداخله مشاكل و بُعد عن ربه ماراح يتطور و يفلح .
و من ناحية التغيير هو فعلاً يبدأ اذا انت فعلاً عرفت مشكلتك ايش بالضبط ؛ عندها تبدأ تشتغل عليها و اول شيء تتجه له هو القرآن الكريم فهو يخاطب جميع العقول على حد سواء وفيه من الحكم و الارشادات والنصائح والحلول مما سيجعل حياتك جنّة و الاجمل انه يتخلله الروحانية والطمأنينة التي ستسكن روحك وستنعكس على مظهرك و سلوكك .
و أؤيدك بنقطة ان لا مجال للمستحيل مادامت العزيمة والقناعة موجودة و الظاهرة الغريبة اليوم تُحارب ثم تُقلّد غداً !
لكن من ناحية كتب تطوير الذات فأنا محايدة هنا ؛ لا نستطيع ان نعمم فالتعميم لغة الجهلاء ؛ فلا نقول ” جميع ” مؤلفي كتب تطوير الذات هدفهم مادي و انهم لو وجدوا السعادة لاحتفظوا بأسبابهم لأنفسهم !
انا وحدة ما تغيرت و لافهمت الحياة و لاعرفت كيف احدد اهدافي من بعد الله الا بعد كتب تطوير الذات ! و مو أي مؤلف ، في مؤلفين لهم وزنهم و معروفين بأنهم صادقين وهم بنفسهم عرفوا كيف ينتشلون نفسهم من الظلام الى النور و خاصة اذا صار مسلم ! فما هو عيب لا نقل تجربته بهدف يفيد غيره و بهدف المادة ، الانسان مجبول على حب ذاته وحب المال و هذي فطرة البشر لا احد ينكرها ! اذا فكرت بهالمنطق معناتها راح اقول كتب التاريخ وتعلم اللغات (ممكن يكون جاهل باللغة وهدفه مادي ) و المعلومات والروايات والعلم بشكل عام اهدافهم مادية ليه اخسر ميزانية عليهم ؟
لكن اذا صرت مهتمة وحاسة اني محتاجة لهالكتاب ماراح افكر اصلاً بيكون همي اقتنيه .
ف مستحيل راح اصدق شخص يتكلم عن الرشاقة وهو بدين و وحدة تتكلم عن الجمال وهي مهملة و شخص يتكلم عن الرياضيات وهو فاشل بالضرب و شخص يتكلم عن تطوير الذات وحياته فاشلة الخ!
و شخصياً لما قررت اتغير قبل ٦ سنوات تقريباً اتجهت لربي حافظت على واجباتي الدينية و ادمنت القرآن ثم اتجهت لكتب التطوير الذات تمعنت بالكتّاب و بحثت عن افضلهم و اتجهت لكتب احتاجها مو أي كتاب اشيله و انا اصلا مو مهتمة اغير هالشي فيني ؛ و بديت اقرا و اسجل يوميا ايش استفدت من الجزئية وتغيرت حياتي ١٨٠٪ انقلبت حياتي جنة ولله الحمد
تصالحت مع نفسي و مع اللي حولي وبديت اتفهّم واقعي ، وصرت قوية و واقعيّة و لا اتقبل المقارنة ابداً لكل شخص ذاته اللي يحبها ويدللها بطريقته و بديت انشر هالشي واشاركه مع مجتمعي و كثييييير ناس تأثروا وتغيروا الحمدلله ❤️
يعني زبدة الكلام ، اصحاب كتب تطوير الذات الغالب ممكن يكون هدفه مادي والكاتب خاوي و مريض ذاتياً و البعض الاخر هو متصالح مع نفسه و يريد العالم اجمع بأن يشاركوه احساس الاستقلالية و حلاوة الحياة ؛ اما نحن كقارئين وظيفتنا هي : اما نكون جادّين بالتغيير ونحدد اهدافنا و نبدا نطبّق ونعمل و نستفيد موقنين بأن الله سيعيننا ، او نكون امّعات لا نفقه مانقرأ و نفكر بأن مجرد اقتناء الكتاب بلا العمل بما فيه سيقلب حياتنا رأساً على عقب و نخسر المال والجهد والوقت بلا هدف فيكون اقنتاء مثل هذه الكتب من باب الهوس فقط .
و أخيراً شكراً على جمال طرحك و الله يجعل هالسنة سنة خير و تحقيق امنيات و صحة وعافية ❤️❤️
و اي نسيت اذكر نقطة ترا حتى القرآن لا صار القلب
مريض و كله غل وحسد و حب الاهواء فمستحيل راح
يتغير الانسان او يتدبره حق تدبر ” افلا يتدبرون القرآن
ام على قلوب اقفالها ”
وطبعاً لا مجال للمقارنة بين كتاب الله عزوجل وكتاب
بشري لا حول له و لاقوة
لكن اضرب مثل بأن أي كتاب بهالعالم
يعتمد على تقبّل القارئ و ردّة فعله
لا خص لها بالكاتب .
صباح الورد آرتوس ..
مقالتك أجمل بداية ممكن يبدأ فيها الشخص مشواره مع هالعام
يؤ هذا أكبر أطراء لَي
جزاك الله من خيري الدنيا والاخره
متابعه لك من سنة ٢٠١٠
عقليتك رائعه مُتحرره
اغلب تفاصيلك غربيه
مواقف منك كثير اقراها توجع قلبي
ولكن لكل منا منظور
@@
بمناسبة ٢٠١٥؟
اهداء بسيط لاتنحني للظروف
كانت سيئه او ايجابيه
العوده بعد الانحناء صعبه مؤلمه
سَلامة قَلبك من الوَجع بَعتبر هالوَجع خَوفاً علي وَ لو أني مَافهمت سَببه
لكن صَدقيني الله مَتكفل بَعبآده وَ شاكرة لك تواصلك مَعي
نَورتيني
الله يدخل السعادة في كل حياتك زي مابتسعدينا بكلماتك الي تعشعش في قلوبنا
وَياك يآرب .. فديت قلبك
دخلت شمواه شوفت اعلان مدونتك… قولت وأخيرًا عملت مدونه ..بجد مواضيعك تستاهل مدونه .. حتكون شيء ممتع حتذكر أدخلها من فترة لفترة … مش حضمن متابعه مستمره ..بس زي ما اسمك راسخ بذاكرتي مدونتك حترسخ .. وماتحتاج لاشتراك او اضافة للمفضله لان خلاص حفظت اسم الدومين أرتوس شيك .. تعرفي قبل فتره فتحت حساب بالانستقرام حساب ثاني بخصصه لمتابعة الديكور .. بما اننا بمرحلة تأثيث ..الخ … فاخترت اسم وايت شيك .. بس طبعاً محجوز .. ذاتس واي يور دومين ايزي تو ريممبر فور مي.
مين صباح دي ؟!! ..لثانيه جاني فضول أعرف وبالثانيه الي بعدها قررت أني غير مهتمه … همم أنا دائماً أحس حالي بعالم ثاني عن الناس وآخر من يعلم .. مرات أفكر أحاول أجاري الوضع واهتمامات الناس … بس للآن مقتنعه أنه ما أبغى أهتم غير بالشيء الي يهمني ويستهويني ..
ايش استقدت من “تطوير الذات ” … استفدت منه انه حولت أحلامي الى أهداف …بالنسيه لي في فرق مابين المصطلحين , بداية نحن نحلم وحنضل طول عمرنا نحلم مافيه شيء يمنعنا من الحلم .. بس نحن نحتاج اننا ناخذ حلم أو أكثر من هذي الأحلام ونحولها لهدف ..أرتوس انتي تكلمتي عن الواقعيه ..وهذا أول الأشياء الي تعلمتها بتطوير الذات انه اوكي عندك حلم كبير وماحد يمنعك من انك تحلم بس تبي جد تحقق حلمك فضع خلم واقعي وحدد مده زمنيه لتحقيقه .. نحول الحلم لهدف لما نبدأ نشرحه ونستوعب كل تفاصيله لازم ما يضل مبهم وغامض لانه الحلم ممكن بلحظة اكتئاب بحياتنا نفقد الأمل فيه .. لكن الهدف هو شي واضح محدد بزمن وممن اذا كان كبير وياخذ وقت للوصول له فيكون عندنا أهداف أصغر وبمده زمنيه أقل والأهداف الصغيره بالحياة جدًا ضرورية تسهل علينا الوصول للهدف الأكبر وبرضوا حتى ما نفقد ايماننا بهدفنا او تشغلنا الدنيا عنه ونبدأ نسوف ونتكاسل ..ولما نحقق واحد من الأهداف الصغيرة هذا يدينا حافز قوي للهدف الي بعده.
تعلمت أحدد مبادئي وقيمي … لانها هي الشيء الوحيد الي حسمحلها تحكم على قرارتي …موب كلام الناس أو أي تأثير خارجي … وهي الاساس الي حبني عليها كل شيء ..فلازم ندي هذا الشيء وقته لتفكير فيه .. وبهذي النقطه مهم يكون الكاتب أو المدرب “مسلم” لان ديني حيأثر ع قيمي .
بخصوص بياعين الكلام وتجارة الكتب … فكلامك ع القانون لا يحمي المغفلين ينطبق هنا , لانه بالاساس كتاب واحد الى اثنين جيد يكفي وحضور دوره وحده جيده تكفي .. هنا تكون تعلمت المطلوب تعلمت مبدء “ادارة الذات ” وانتهى الموضوع ..
هي مجرد أدواة للالهام ..ع مبدأ أديسون 1% الهام و99% الباقيه هي جهدنا ..هي مجرد الشيء السهل من الطريق لنجاح “انك تقرأ كتاب” ” انك تحضر دورة ” بعد كذا الـ99% الشيء الصعب والمجهد انك تشرع بالتنفيذ.
شوفي انا حضرت لقاء اسبوعي لمدة 3 شهور وكانت دورة غير رسمية وفقط دفعنا 50 ريال رسوم القاعه .. بالنسبة لي كانت دورة تطوير ذات جيدة وما احتجت لغيرها ..مم في فتره مريت ببداية مرحلة اكتئاب بس الحمدلله ربي أنقذني منها .. أتذكر أختي كانت تنصحني بكلام كثير بس ما فادني بحاجه .. وفقط عباره وحده من المدربه مع قصص و أمثله والقاء جيد رسخت ببالي لاقتناعي بيها وساعدتني في الوقت الصعب الي مريت فيه وأنقذتني من أن أدخل في أزمة الاكتئاب .. كانت عبارتها “لا راحة مع الراحه ” وهي كانت ملخص لكلام ونصائح اختي بس من المدربه كانت فعاله أثر ..
وعندي كتاب لكاتب مسلم عربي مايتجاوز سعره 15 ريال اسمه “دليل الشباب العربي لنجاح لأكرم رضا”وكان كتاب جيد ..كتاب دسم من الكتب الي تجلسي عمرك كله تقرأيه لوول .. لانه مجرد أداء لكيف ؟ وانتي الي حتشتغلي ع نفسك وتتعبي ..والمغفل فقط هو الي يعتقد انه فقط القراءة والدورات حتقق النجاح …
عندي كتب تطوير ات أخرى لانه اذا حبيت أقرأ أجد كل شيء ممل الا مواضيع تطوير الذات أستلطفها وع قولتك هي طريقة لتحسين طريقتك بالتعبير عن رأيك ^^
اختصارًا .. المنتج السيء والناس الي هالمنتج مصدر رزقهم ويسوقوا له موجودين في كل مجال مو بس في مجال “ادارة الذات” .. حتى بمجال الجمال بما انك مهته بيه فأكيد مر عليك كيف يستغفلوا الناس .. فلأنهم موجودين بمجال ادارة الذات فهذا مايجعل منه سيء.
انا حسيتك قصفتي جبهة ادارة الذات بالتدوينه بس لما قرأت تعليقاتك وبقية تعليقات البنات فهمت عليك ولاني كما ذكرت بمقدمتي بعيده عن اهتمامات الناس وأوضاعهم فأعتقد انه الي كتبتيه شيء جيد .
أنا للآمانه رغم أتابعك ع شمواه من فترة طويلة بس مو بشكل مستمر أنقطع كثير ثم ارجع أقرأ مواضيعك..انما اليوم لما فتحت مدونتك حسيت كذا وكأنه كونت أقرأ لأرتوس بمجال ضيق وسطحي ودحين بمجال أوسع وأكثر عمقاً … وصراحة حبيتك أكثر هنا .
سعيده انه بدأتي التدوين .. وأتمنى يسمح لك وقتك وتفتحي ع اليوتيوب قناة لمدونتك .
والله يكتبلنا الخير في كل ما هو قادم بحياتنا ^^
(((((((((( مُش مؤمنة بالتواكل وَ لا مؤمنة إن فيه شَخص راح يحقق أحلامي
أنا لَوحدي بَحقق أحلام ذاتي ..))))))))))))) ما شاء الله عليك هذه الجملة لحالها تحتاج تدوين اجزاء عنها … فعلا كل انسان يهتم بنفسه وماينفع انتظر فلان ولا ابوي ولا زوجي يسعدني ويحقق احلامي كل شخص في هالدنيا عنده اللي كافيه ومشغله محد فاضي لأحد ثاني ،،،، اسعد نفسك بنفسك حقق احلامك بنفسك
في كل مكان و زمان تظل روحك الجميلة هي المسيطرة، وحشتيني موووووت يال غالية
🙂
ههههههه شَتوره يا هَلا بك من زمان عنك
بالرُغم مسموس وَ صلت لي سَلامك , يو تو لك وَ حشه وَ الله
مُش مؤمنة بالتواكل وَ لا مؤمنة إن فيه شَخص راح يحقق أحلامي
أنا لَوحدي بَحقق أحلام ذاتي ..
اتوقع هذا اللي كنت ابحث عنه راح اعمل واجتهد وابحث ’ شكرا لك من القلب للقلب
موفقه
مَوفقه يارب بَتحقيق نَجاحاتك وَ سعيده بَتواجدك
نورتيني
السلام عليكم صراحه انتي داائما تجذبيني من ناحيهه فكرك وطموحك وعل فكره انا انسانه طموحه بس الي حولي محبطين. مع ذللك افكر بالمستقبل كثيرر. متابعتك من2010 ايام المنتدى احب اقراا تدويناتك الي بشمواهه عموما فيه مواضيع اثرت فيني موضوعك اقنتعت فيه جداا. اول مرهه أعلق في المدونه شكراا قد السما
وَ عليك السلام وَ رحمة الله وبركاته ..
مُمتاز فكري بالمُستقبل بشرط مو تفكرين بَدون عَمل عشان تحققين لو جَزء بسيط من أحلامك ..
وَ المُحبطين حاولي تتغاضين عن إحباطهم , صَدقيني اول ما يَشوفون جَزء بسيط من إبداعك راح يشجعونك
لأن كل شخص يحب يكون سبب بنجاح أحد وَ يقوله أنا دَعمتك , انا ساعدتك
وَ يا مية هلا بَك , سعيده بوجود مُتابعين مُخلصين لي بَجد بَجد نورتيني
يااه يا أرتوس! تمثليني بقوّة!
فعلًا؛ ينرفزوني الناس اللي يبغون ينجحون بناءً على معايير الآخرين!
حياتك لك، أحلامك لك، هواياتك لك. لا تسمح لغيرك يختار لك نمط حياتك!
أنت لك شخصيتك بنقاط قوتها، وضعفها! لا تحاول تتقمص شخصية غيرك.
شكرًا أرتوس، شكرًا! 3>.
مدونة جميلة جدا
الله يوفقك
انا عام ٢٠١٨ او ٢٠١٩
بكون اسعد انسانه ان شاءالله اذا ربي اطال بعمري لذاك الوقت راح اعلمك سبب سعادتي مع انه شي بسيط بس يعني لي الكثير
—
عُمر النجوم م انطفى ضيها بالسما
لكن بس تشرق شمسها حتى ضلها م ينلقى ..
هذا اللي دار بداخلي وقت قريت كلامك واللي بعثلي
أمل جديد لحُلمي ب الكتابه و بصدق عمري م استمتت
وانا اقرأ كثر هالمره و مَ تمنيت ابد اكتفي بكلامك ع هالق
د اللي صدق -مرا قصير- …
* حبيت الصدفه اللي جمتني بمدونتك .
السلام عليكم ….كيف حالك أختي
أولا أعرفك على نفسي أنا سارة 22سنة من الجزائر….متابعة لمدونتك و منتدى شمواه
أريد أن أسئلك عن نوع الكتب لي تقرأينها أو أنك معادية للقراءة و المطالعة ؟؟؟ ال
أنا من أشد المعجبات بأحمد الشقيري و هو دائما ينصح بالكتب و خاصة كتاب العادات السبع للناس الأكثر فعالية ل ستيفن كوفي
حتى أنو يشكره في كتابه
أنت وش نوع الكتب لي تحبينها ؟؟؟؟
روايات مثلا ؟؟؟؟ الروايات أيضا هي أحداث من نسج الخيال فقط ؟؟؟؟
و أنا أدرس في مجال علوم الأحيان يعني مستحيل في جامعة علم أحياء و في وقت الفراغ علم أحياء ؟؟؟
مثلا الشعر ما أحبه و خاصة الشعر القديم ما أفهمه أصلا
و على فكرة أنا من بيت ملايين يلي أثر فيهم أحمد بعمق
تقبلي مروري المتواضع
مابياخذ الحي قدوة الا الجاهل لانه ماتدرون في اي لحظة ممكن يتغير انما الأموات من يكونوا في محل القدوة
انما مثلي ومثل الدنيا الا كمثل رجل استظل تحت شجرة ثم راح وتركها للحظة فكروا فيها مايعني الا نبني هذه الحياة انما لتكن احلامنا هي الخيط الذي يوصلنا الى الجنة لا اعلم كيف تتكلمي عن استار اكاديمي وكأنكي تقولي للناس اللي عنده موهبة عادي يروح ويعرضها عندهم
بالأخير اعتذر اذا اسأتلك بكلامي (كنتم خير امة اخرجت للناس تأمرون بالمعروف وتنهون عن المنكر) لن نكون خير امة الا بالامر بالمعروف والنهي عن المنكر
أسأل الله أن يحقق أمانيك وينولك مطلبك قادر يا كريم شكرا جزيلا
كلامك جميل و اتفق معك جدا على ان التغيير و التطور يكون بالعمل
بالنسبه لكتب تطوير الذات اختلف معاك
اعتقد انه يعتمد على مضمون الكتاب ومرحلة الشخص اللي يقراءه و المؤلف احيانا
“السؤال : إنتِ وش تغير فيك من يوم ما قريتي الكتاب ؟!”
قراءة كتاب اسمه لاتكن لطيفا اكثر من اللازم
اكشفت اني مع الاسف لطيفه اكثثثثر من اللازم او بسيطه او ساذجه خخخخ
هو يعطي مثل الخطوات للتصرف في مواقف مختلفه اظن اني بستفيد منها
في مواقف فيي الحياه تمر علي مااعرف اتصرف فيها يمكن تكون بالنسبه لشخص ثاني بديهيه
مثل لما تتكلم معي زميلتي بطريقه جدااااا فظه عن شئ صار و انا مالي علاقه مباشره
استغرب مااعرف كيف ارد افكر ليش هي معصبه علي و هذا غلط المفروض اعمل رد فعل و اقولها مثلا انوا اسلوبك ماعجبني او انا ما أرضى احد يكلمني بهذه الطريقه او اي شئ مناسب
او لما تمر علي حالات اكون شديده على نفسي وما اسامحها و ابي الاشياء تكون بيرفيكت
المهم ان الشخص ما يكتفي بالقراءه المفروض يطبق اللي يقراءه
الي استشفيته من كلامك انك تنقدي تطوير الذات وانتي ماتعمقتي فيه اخذتي فكره عنه من ناس خطا نفروك منه
انا تطوير الذات هذا لذيذ بالنسبه لي لاني كنت مسكينه والان قويه
اقرا واطبق اتماسك اقوي نفسي لحد ماالان صرت فاهمه نفسي
ممكن اكون كنت جاهله او غبيه او مغيبه لكني قرات كتب تطوير الذات وشاهدت محاضرات عاليوتيوب للجميل ابراهيم الفقي الله يرحمه طبعا استفدت كثير
وفيه ناس كغثاء السيل زياده عدد وبس وفيه ناس لا ماشالله تستفيدي منهم
طبعا الكتب الي تستهويني الي هي عن علم النفس واداره الوقت وتحديد الاهداف
اما الاحجار ومدري شو هذي اعتبرها خزعبلات
وكل واحد وقناعاته
صراحه انصدمت ان فيه احد مايحب كتب تطوير الذات
لكن بليززز عشاني لاتكوني قاسيه فيحكمك عليهم لاني احبك واحب ذا المجال هههه فيس يبكي صحيح اني شخص جديد ع مدونتك لكني شخص يحتذي بك من سنوات
هالكلام سَبب لي صدمَة عشان أكون صريحه
لأنني من قوم هؤلاء الكُتب،
أذكر أول كتاب إشتريته في حياتي
كان لديل ولم أكمِله بسبب خبر إنتحارِه..
كان وقع الخبر على عقلي أن أوقفت القراءة
كما يقال حدِث العاقِل بما يعقل!
كلامك فعلاً
جعلني أقِف..
فعِلا ماذا فعلتُ بعد هؤلاء الكُتب والمحاضرات
والعِبارات والإقتباسات؟!
لا شئ.
لازلتُ أقف كما لو أنني رجعِتُ ٨ سنينَ وراء
قبل الجامعِة و قبل البطالة التي تفشَت في دَمي
أسألني؟ ماحُلمي؟
وجود الموهبة لاتعني أبداً أنها الحُلم الذي أقف لأجله
ووجود شهادةً بيدي لا تعني أنني مقتنعِة بِما درست
أفقتيني بمُسمى تُجار الأمل ! كيف غفيتُ عن ذلك؟
تحركنِي كلمة وأنا ساكنة بواقعي،
ربما لشغف القراءة .. أو ربما لأنها حُقنة مُخدرة لموضع الألَم!
يأتي ببالي الآن أنني كتبت في مدونة لي بإحدى المواقع
أن هنالك أناسٌ وعددتهم غيروا مجرى حياتي
وبدوت أنني أجِزمُ على كلامي! والآن فعِلاً يبدوا أنه محِض كلام
لا أنكِر أنهم فتحوا آفاق جديدة في منظومَة تفكيري
ووضعوا النقاط على الكثير من الحروف
ولازلِتُ مدينةٌ لهم بذلك،
ولكنني مدركةٌ الآن أن تلك الكتب لم تفعل شيئاً من الناحية العملية.. وهذا أمرٌ خطير
فما قيمَة المعلومة إن لم تمشي على أرض الواقع!
تدوينتكِ هذه أقفُ عندها .. وسأعيدُ حساباتِي بإذن الله.
..
شُكراً لكِ أرتوس
لا أجدني أجيد الكلام ولكنكِ تجعلينني أردُ خائبةً لا أصيغ مشاعري قبال ماتقدمينه لنا
فاأغلب الأمر أعزف عن الكلام وأردُ أحرفي..
ماتفعلينه هنا في موقعكِ .. المنتدى .. مواقع التواصل الإجتماعي
أمرٌ أغبطكِ عليه لبالغ الأجر وحسن النيّة فيه
ورحمَ الله أمٍ تخلدَت في أذهاننا بفلذةَ كبدةٍ مِثلكِ..
أسأل الله أن يعطيكِ ويرزقكِ مايشتهِيه قلبكِ ويرغبهُ عقلك.
🙂
جزاج الله خيير