صَباح / مَساء البراءة
وَش رآيكم بالعَنوان
وَش تتوقعون يآ تَرى .. بيكون المُحتوى
يالله بَكشف لكم جانب أسَود من مآضي وَ طفولتي
إللي ذَكرني بهالمآضي البريء وَ الساحق .. هُو أبوي الله يَطولي بعَمره
من كَم يوم يَقولي كَلمتي مَيمي ؟! ..
قلت له : جب رقَمهآ من أبوهآ بَكلمهآ ..
مَين مَيمي ؟!
ميمي هذي تَصير بنت صَديق أبوي إللي حالياً عايشه بالشَرقيه
هَالميمي تشاركت أنا وَياها أحد الإجازات الصَيفيه بَمنزلنآ بالرياض .. إللي ما أذكر من هالإجازه سَوى العَض وَ شد الشَعر وَ خرمشة الأظافر
ما أدري وَش إللي أصابنا بَهذيك الإجازه كَنت أنا بأولى أبتدائي وَ مَيمي بثاني إبتدائي
وَ الله كَنآ قَطوه وَ فآر .. حَروب أنا وَهي
الزَبده قبل لازم تعرفون نبذه صَغيره عن أَمي وَ أبوي ..
إللي كانوآ يحبون يهدون قرايبهم وَ بالأخص بنات عَمي وَ عمتي .. يهدونهم أي شيء حَنا نَشتريه
يعني لو بيشترون لي فَستان بيشترون لبنت عَمي وَ عمتي كلنآ بنكون طقم
وَ أختكم بالله تَحب التَميز من هَي صَغيره .. ولا ترضيهآ سالفة التَطقيم
أمي كانت تَقول لي : لا تَصيرين غيوره عَيب , أنتِ بمكان وَهم بَمكان
مَين يَشوف مَين ؟! ..
أقولهآ لأ أنا ما أحب ألبس زَي الناس
وَ هآآآآآتك يا دَموع
طبعاً يسكتوني أنهم يَشترون لي شيء مُميز ثاني بَس مازالت سالفة التَطقيم مَستفزتني
أحس كأننا زَي الناس الأغبياء ..
الزُبده بَعد تحذيرات وَ تحذيرات وَ دوووخه
[ كَنت أدوخ من القَهر ] ..
قرروآ أنهم يتعبون نفسهم شَوي ويَدورون بالسَوق مُوديل يَختلف عَني ..
أو أنهم يشترون مَن ورآآآآآآي بدون ما أدري , شيء أكشف أنهم شرولهم نَفسه
وَ شيء يَمر عَلي , وَ فيه مُحاولات منهم يآخذون بعقلي حلاوه وَ يقولون لي : وَش رآيك يا حَبوبه تشترين لبنات عَمك مَثلك ؟! يالله أختاري لَهم
[ بَكس ورى بَكس .. مَنب حبوبه آبي شيء لي لَوحدي ] ..
نفسيتي بالضَبط كانت زي هالمَكسر إللي فَوق مَع بقس العَين
وَش علاقة مَيمي بسالفتنآ !!
تعرفون زَمان السَوق وآآآحد لو شرينا شيء بنلقى كَثير لآبسين مَثلنآ
تفاجأت بفستان عَند مَيمي نفس فستاني , اللهم فستاني أبيض وَ فستانهآ ليَموني ..
طبعاً يوم شَفته أنَهرت أنهيار مَهوب طبيعي
وَ رحت قلت لأمي وَ أبوي أنتم نصابين
خَدعتوني يا غَشاشين , ليش تلبسون بنات الناس زَيي ليش ليش !!
[ سَويت لهم درآما خليجيه] ..
قالوآ يابنت الحلال أبوهآ أشترى لهآ أبوهآ أبوهآ
طبعاً ما صَدقت لأن دايم أهلي يلعبون علي , فَحلفت أني بقص فستانهآ بالمَقص
أمي قالت : يالله رَوحي بَس ..
تحسب أنه تَهديد طفله ..
تفاجأو الصَبح بميمي تشآآآهق عند أمهآ لأن فستانهآ مقَصوص
وَ طبعاً مين قَصه : البطله آرتوس ..
يا رَبيييييه أمي سَود وَجههآ من حركتي
لأن فعلاً أهلهآ إللي شَروه مَهوب من حلال أمي وَ لا حلال أبوي
وَ لا إللي يَقهر إني ما كَنت أحب فَستاني ..
أمي عَطتني كَم ضربه بَيديني عَشان آآآتوب مَن المَقص
وَ كبرت عَيونهآ بَوجهي وَ قالت : أخس عليك أخس حَقوده
أنا كذآ فَرحتي , قَلت تستاهل
بَس الصَدق قلت لأمي : وَ الله ماقصيته لأن ما أتذكر إني قَصيته من كثر الحَقد
الظاهر وَ أنا نايمه مَشيت وَ قصيته ..
أمي قالت : أنتِ مافي غَيررررك بالدَليل إني هَددت
للأمانه ما أتذكر أني قَصيته , بَس عالأكيد أنا قَصيته ..
بس أتَوقع من كَثر ما كذبت من الخَوف وَ أنا طفله وَ قلت مَهوب أنا صَدقت أنه مَهوب آنا
الزَبده أني أحب التَمييز لو على قَطع رَقبتي
وَ مُتسلطه من زَمآآآن وَ ماتغير فيني هالشيء وَ حآآبه نفسي
وَ آهلي حآبيني , حتى مَيمي حابتني وَ حنينه مَعي حبيبه البَنت.. دايم تَقولي : تذكرين يوم قطَعتي فَستاني
آقَمط
أنا إللي لاحظته مَن يوم يَومي ما أحب أحد يفرض علي لبسي
مُمكن أتطلق بَسبب هالشيء , وَ لا مكياجي وَ لاطريقة لَبسي ..
تَعودت لو آبي شيء آخذه , يعني لو بَقول لأهلي بَخرم سَري وَ قالوآ لي لأ !!
مَعناته المَوت الحَمر , مَعناته اليَوم قبل بَكره بَسويه
[ هالشيء يدفعني للممنوع آكثر ]
عاد أستغرب لما تَجيني وَحده ماتعرفني تَقولي لبسك كذآ وَ كذآ
[ مَن آآآآنتم !! ]
تنتظر مَني شَلوت مُحتررررم لأن أكيد ماراح أتَقبل
أستَغرب من البنات إللي زَوجهآ يملي عليهآ ملابسهآ .. وَش بقى لنآ من الحيآه
أحس هَوية البنت كشختهآ مابقى إلا هَي ..
أعرف وَحده تَخيلوآ بيوم خطبتهآ مَدري ملكتهآ أبوهآ إللي أختار لهآ الفستان
مو لأنه فَهمان , على عيني وراسي لو كان مَسيو إيلي صَعب أو هَديه
لأ من طفولتهم أبوهم يشتريلهم بالدرزن وَ يلبسهم ..
هل هذا حُب أو ضَعف شَخصيه أو إستسلام ..
هل يُعقل بنت شابه فَوق الـ 25 سنه أبوهآ يختار لهآ ملابسهآ
ليته أمهآ إنما أبَوهآ !! .. شلون شخصية هالبنت بتكون بعد الزَواج أكيد متَزعزعه مُنصاعه
سؤالي لَكم / هل تتوقعون شَخصية الإنسان تبدأ من طَفولته
هل تتغير شخصيته كثير عَن طفولته على مَر السَنوآآت وَ لا يَضل بداخله دائماً نفس الشَخص
لكن مُمكن يَلبس أقنَعه ؟
وَبس هذآ ماكان لدي لهذآ اليَوم وَ على فَكرة أنا إنسانه مَنب مَثاليه إنمآ إنسانه حَقانيه
أحب آخذ حقي كامل بهالحيآه , وَ لي عيوبي وَ هفواتي وَ أخطائي ..
وَ أنا أحكيلكم هالقَصص حتى أشارككم ذَنوبي وَ أكفر عنهآ بعدم الخَجل مَنهآ
وَ ذكروني يوماً ما أحكي لكم سالفة الشَطرنج وَ الروب الأزرق وَ الممحآه ( المساحه )
وَ الأسنان
[ يَوه يَوه طلع عَندي فضايح كَثيره مَسويتهآ ]
وَ هالمَره كآآآنت الحَشه عني .. مو عن آآي أحد ثاني
دُمتم مُميزات مُتألقات
مُلاحظة / هذه التَدوينه تَم نشرهآ سابقاً بتاريخ 29-01-2014
دمتي متميزة متألقة ايضا .. ياحبني لك من وانتي صغيرة احس فيك اشيا ماتغيرت .. ❤❤
أكيد نتغير بس الأساس نفسه بآقي .. وَ أنا لليوم أحس إني داخل بيتنا طفله
وَ أتعامل على هالأساس , بس خارج المَنزل إمرأة
ارتوس كنت بسألك من فترة عن مس قدها وقدود وش اخباره ?
ياحلوك يا ارتوسه هههههههههههههههههههههه
اجل قصيتي فستان البنيه : ) !
تعجبيني و تعجبني شخصيتك و كلامك فعلا صحيح ! البنت هويتها منظرها و لبسها و طريقتها
و لو انفرض عليها معناته انمحت هالشخصيه !
أأيدك و احب تفكيرك و حبييت كثير مدونتك .. استمري <3
ههههههههههه ..
شفتي شَلون ؟! ..
طبعاً الملابس جَزء من الهويه لا تُمثل كل الهَويه , لكن لما شَخص يقمع المرأة ناحية أختياراتها البسيطه
أكيد راح تفرغ شحناتها بقمع الأخريات بهالمَجال , عشان كذا نشوف كثير بُمجتمعنا يفرضون عليك رأيهم بملابسك
باناقتك , وَ بأختياراتك ..
لو كل واحد أتيح له أختياره الخاص , ما أظن راح يتطفل على إختيار الآخرين
بالنسبه لي شخصيتي ما اختلفت كثير عن طفولتي نفس الشيء احب اسيطر ههههههههه واسوي اللي براسي ذكرتيني بقصة صارت معاي هههههههه عن فستاني كنت ما احب احد يشتري نفس فستاني واجلس ابكي الين يشترون لي غيره ههههههه بس الحمدلله خفت الحاله ذي لما كبرت بس ما اختفت
كثير حلو الموضوع وكأنج تقرين أفكاري من أمس بالليل لليوم وانا أفكر بتغيير كلي من ناحية الشكل ودي اغير أمور زوجي رافضها لمجرد الرفض والشي ها مضايقني من جي قررت استخدم معاه اسلوب المفاجئة مادري الصدمة لووووووولز فعلاً انتي صح،،، مارأي اخلي أحد يفرض علي شي مو مقتنعه فيه،،، مشكلتي ما أحب النكد (الاسباني)
شخصيتج قويه قصيتيه مره وحده ههههههههه
بس صح عليج حلو الواحد يستقل بذوقه .. اعرف لج وحده متزوجه ام عيال سنين هي وياه و زوجها من كثر ما يتدخل ويفرض ذوقه عليها
يختار حتى صبغة شعرها دايم اشقر تقطع شعرها من الصبغات .. نقول لها خلاص لاتصبغين حرام شعرج راح !
تخيلي شترد ؟ تقول شسوي يبيني شقرا !!!!
اللي حولي ثبتوني بمكاني عشان ما اكفخها >< بطت ججججبدي بردها .
يعني هي مو بس صار يتحكم بذوقها ! لأ صارت ما تقتنع الا ع كلامه !
ههههههههههههههه واضح عليك العناد من الصغر بس ماحبيت هالشيء يعني احيانا نتنازل عن اشياء لاجل نرضي والدينا مو معناته ضعف بالشخصية بالعكس يعتبر من البر
وي عالم سبحانه تقولين ظستحيل اطيع زوجي باللبس او مدري ايش احيانا لما تحبين شخص تسوين الاشياء اللي تسعده بدون ماتحسين هي موسالفة عناد او تحدي قد ماهي حب ومعزة وبر ..
أكيد من البر طاعة الوالدين , لكن من غير المُنصف برأيي إن أبوي إللي يتعب وَ يشقى
وَ أخرتها أتساوي مع بنات الناس ؟! .. برضو هم راح يكونون مدللين من أبائهم فكانت لي وجهة نظر وَ لليوم أشوف إن اللي سَويته مُنصف من ناحيتي ..
طبعاً مُنصف بحال كان أهلي إللي أشتروا لها الفستان , هَي ضحيه وَ لكن أشوف الأهل غلطانين
إنهم يظهرون هالشيء لأبنائهم , أهلي ماهم ملائكه وَ بالنسبه لقرايبي يَشوفون أهلي حاجه ماحصلتش لأنهم هم المٌستفيدين ..
لكن أنا كطفله ماراح أفكر بالخير , راح أفكر فقط بحب التملك وَ الأنانيه ..[ نتكلم عن مرحلة الطفوله ] ..
بالنسبه للأزواج أو غيرهم بالتأكيد الشيء إللي يحبه راح أحبه من باب التأثر , بس مش معقوله أطمس شخصيتي لأجل سواد عيون أحد
إذا هو ألغى شخصيتي من الواجب أيضاً يلغي شخصيته من باب الحُب , ولا الحُب من طرف واحد ؟! ..
الحياه مَجموعة تنازلات وَ أنا ما أتكلم عن مرحلة الحُب , إنما أتكلم عن مرحلة فرض السياده وَ السلطه ..
وَ فعلاً ممكن أطلق أي رجل يتحكم حتى بطريقة حجابي وَ هو حجاب ..
ديني وَ حياتي وَ ممارساتي بالحياه مُلك لي لوحدي , وَ الحمدلله الكل يعرف إن لي حدود مُستحيل شخص يتجاوزها
وَ الخنوع الدراج بين النساء هو اللي خلى كل من هب وَ دب يتحكم بها , اليوم زوجها , بكره حماتها
بعده أخوات زَوجها , بعده صديقة أختها وَ هكذا دَواليك , لو كل إنسان يحترم هوية كل شخص وَ يحبه لذاته أنا متأكده راح يتقبل كل شيء هُو يحبه ..
سالفة تغيير الأشخاص من وجهة نظري معناته نحن لا نتلائم , من المفترض كل شخص يبحث على نصفه الآخر
مش يدور نص وَ يبي هالنَص يتلائم مَعه ..
أنا أعتبر نفسي إنسانه مُندفعه على الحياه صَعبه أرتبط بشخص خامل وَ يجبرني على خَموله أو هدوئه , لازم شخص فيه نفس الجنان إللي عندي
إن شاء الله وصلت لك الفكره , وَ أسعدت أيضاً بالحوار معك
هههههههههههههههههه حبي لك
مُش ئدي ..
كلامك مقنع وكل اللي قلتيه والله صح …
بس انا اقصد انه مو كل شيء احيانا نسويه على مزاجنا احيانا صدق يكون مع اهالينا حق لما يتدخلون بلبسنا او شيء يخصنا لهم وجهة نظر وخبرة بالحياة اعمق منا هالشيء مايطمس من شخصياتنا ولا ياثر علينا بالعكس انا معاك انه يكون الواحد له كيانه وشخصيته …
وانا قصدي مو طمس لشخصياتنا بالعكس اكيد يبغون لك الشيء الزين ماقول اسمعي لهم بكل شيء بس خوذي الشيء الايجابي وسويه لانه احيانا الشخص مايشوف ا خطأه بقد مالي حوله يشوفونه …
اما عن البنت اللي ابوها اختار فستانها ابد ماحبيت الفكرة صراحة خاصة هاليوم يومها ويظل له ذكرى خاصةة يفترض هي اللي تختار ♡_♡
وحبيت النقاش معاك ودمتي بحفظ ربي ♡♡
أمممم حَسب ما تَعود الشَخص ..
تصدقين أنا ضد كلمة أهلك يعرفون الأفضل لك , مو بالضروره
مرات الأهل تجاربهم قَديمه , وَ مبنيه على ثقافه خاطئه ..
يعني لو فرضاً جدتك تَقولك وَش تبين بالإستشوار يَقطع الشعر , الله يرحم زمان حنا كنا نحني هالشعور وَ أنتم الأن صبغ وَ أستشوار وَ وَ ..
نظرتها غَلط , وَ كذلك الأمهات وَ الأباء مرات ينقلون لك تجاربهم الخاطئه بناء على تجربه سيئه عاشوها يحرمونك من تجربتك الجديده
اللتي قد تكون مُختلفه ..
بالنسبه للتدخل بلبسنا وَش هالوجة نظر الخارقه إللي يَشوفونها الأهالي ؟!
كلها نابعه عن تسلط وَ تصرف بكيان أبنائهم , كون الواحد خلف وَ ربى مو معناه أمتلك الأشخاص ..
أنا أعيش بين مراهقات مَقموعات وَ مقهورات وَ يصيبهم الحسد من صديقاتهم بسبب المتاح وَ الغير متاح لهم ..
ضَد وَ ضد وَ ضد … خلوا عيالكم يعيشون مراهقتهم وَ أكيد لكل بيئه حدود للمسموح وَ غير المسموح
لكن فيه أمهات معيشين بناتهم بزمن الغابرين بينما بيئتها غير كل ماتنزل تشوف البنات متهنيين وَ عايشين
هل تتوقعين راح تكون سويه ؟! راح تحس بالقهر بداخلها ..
هههههههه حبيت النقاش أكثر معك , طلعتي العفريت إللي بداخلي..
كنت زَمان أظن إن التقييد قد يفيد البعض , بس عكثر ما بنات حكولي حياتهم وَ عايشت أحاسيسهم أكتشفت إنه حلو لو يعطون عيالهم الثقه
وَ مساحه من الحريه البسيطه اللتي قد لا تضر ..
هههههههههههه يبيلك تعوضين هالميمي بفستان ليموني
صحيح كلامك واحس عناد الطفل وتمسكه بارائه من هو صغير ومجاراة اهله لافكاره هالاشياء من العوامل اللي تصقل شخصية الشخص لا كبر اقل شيء يعرف هو ايش يبي بالضبط
تصرفاتنا واحنا صغار وردات فعل اهالينا من رايي هي انعكاس لشخصياتنا مستقبلاً
عندي فكرة شرايك مثلا تكون فيه تدوينه عن بعض اسئلتنا وتجاوبين ع اللي يناسبك منها ؟
طبعا هنا مااقصد اسئلة شخصيه ولا اسئلة عن منتج وغيره بس شيء اقرب ماله للسواليف والنقاش بدون مايخترق خصوصيتك اكيد
مستعجله وانا اكتب ردي والصياغه يمكن مش مفهومه *
أكيد , أنا أعرف بنت وَهي صديقه لي ماهي بهالجَمال
لكن عندها ثقه كبيره وَ عاليه بنفسها لأبعد حد , عرفتها من الأبتدائي للمتوسط وَ الثانوي ..
وَ لين التخرج وَهي واثقه بنفسها وَ كل هالشيء يرجع لدور أمها وَ أبوها , بصراحه من كثر ما كانوا سلسين بالتعامل
أرتكتب البنت بعض الأخطاء لكن تَعلمت , بغض النظر عن الأخطاء البنت من داخل نظيفه جداً جداً ..
دايم تضحك , تمدح , ماتحسد , ما تأذي أحد , ماعمري شفتها تتكلم على أحد ..
بجد بجد هَمها نفسها بس وَ معجبه بنفسها وَ فرحانه ما شفت أجمل من تصالحها مع ذاتها
بالنسبه لأسئلتكم أطرحها هنا وَ لا بالأنستا ؟
ايه هذا اللي قصدته حتى هالنوعيه من الناس جمالهم الداخلي ينعكس على خارجهم الا ماتلاقينها محبوبه ببساطه لانها انشغلت بنفسها وماشقت بالاخرين
لا هنا احسن وارتب وحتى تكون مرجع لنا
بس مثلا اشوف انه تنطرح الاسئله هنا او بالانستا وانتي تردين عليهم ببوست واحد بعد ماتنقين منهم اللي يناسبك ويستحق الاجابه
فعلاً كلامك سليم ..
آوكيه فهمت عليك .. بشوف أفضل وسيله وَ تكون عمليه وَ سهله للرجوع بَمثل هالطرح
تسلمين لي يا بَعدي إنتِ ..
مرت علي سنين كان بابا هو اللي يشتري لي كنت أكره أهلي بسبب هذه التصرفات وماكنت مقتنعة والجميع ينظر لي كعاهة والكل رافع في وجهي سلاح الانتقام ﻷني نويت أكسر هذه العادة الغبية لكني عجزت وكنت آخذ الشيء اللي مو مقتنعة فيه ﻷني مضطرة فألبس على استحياء ويظهر على وجهي ومشيتي عدم الثقةبالنفس وأخيرا جاء اللي كسر كل شي رفضت أني أعيد ورفضت أروح زواج أحد الأقارب المقربين وكانت هذه مؤشرات خطرة جدا في العائلة فأحدثت ثورة لكنها لم تنجح نجاح كامل ﻷن داخلي مهزوز ولا أعرف الاختيار على أي أساس فكنت أدعي الله إني أعرف أختار ونورني الله بصديقات علموني أتعلمت … عارفة اش القهر إنك تضطري ترفعي صوتك على أهلك وتعقيهم عشان حق لك والقهر الثاني إن كل الإرهاق النفسي اللي بذلتيه جعل الكل يحترمك يعني خرج أسوأ مافيكي عليهم .. نظرت أهلي لي مختلفة عن زمان سارت نظرة احترام وإعجاب .. أنا ما أبغى البنات يسلكو طريقي عشان النجاح والبر حليفان لكن تتفاهم مع أمها وتتغنج عليها وتقولها ترضي إنو البنات يكونوا أحلى مني وإن شاء الله حتسلك معاها .. أنا دفعت ثمن عقوقي غال ومازلت أدفعه فانتبهوا من دا الموضوع بنات .. أبو الأناقة على أبوها إذا كانت حتنزل دمعة من أمك ♡.. رب ارحمهما كما ربياني صغيرا ●★
أنا متأسفه من إللي حَصل لك ..
المَوضوع مو موضوع أناقه , إنما موضوع كيان مُستقل ..
إنتَ اليوم تتحكم بملابسي , بكره راح تتحكم بمجال دراستي , بعده بشريك حَياتي
وَ من ثم شريك هالحياه يستلم الدَفه من بعد الوالدين وَ تبدأ سلسة التَسلط اللتي لا تَنتهي ..
فلازم كل شخص يفرق بين العقوق وَ بين الحقوق .. فيه شيء متشربينه الناس خطأ إن أي رفض هو عَقوق
فيه إسلوب وَ فيه حَوار وَ فيه تفاهم وَ فيه مثل ماقلتي تتغنج على أهلها للوصول لمبتغاها..
الإنسان ما خُلق تَبيع بلا عَقل , ربي أمرنا بالتأمل وَ التفكر
وَ لا خُلق لتحقيق رغبات الآخرين , كثير من الأهالي يستغلون أولادهم لتحقيق أحلامهم ..
لو كان طلب حقك من الأهل حقوق , لما كانت المحاكم مليئه بالقضايا المرفوعه ضَد الأهالي ..
موضوع جدا مهم و حساس و انا عانيت منه شخصيا و هو خطبتي من شخص كان منااسب جدا بعد طول انتظار و اتفأجا بتدخل اخوي من غير سبب رغم ان ابوي واني موافقين و من وراتا طير الجال و تمشكل معها على موضوع النظره الشرعيه !!!!
تعبت نفسيتي جدا حسبي الله ونعم الوكيل
صرخت اشدخله ؟! بكيت لكن لا حياة لمن تنادي مالقيت احد يوقفه عند حده بحجة انه رجال و اخوك من حقه يتدخل في اختياري و لا من حقي اناقشه !!
حرام عليه , هالشيء مؤلم جَداً ليش هالسلوك
بس صدقيني إذا كان هالشخص فعلاً فعلاً يبيك راح يَحاول وَ يلين راس أخوك
أنا أعرف مرات كرامة الشخص تمنعه من الرجوع , بس خلاص وَش بتسوين بتحرقين أعصابك
الله يعوضك خير وَ أتمنى إن نفس هالشَخص يرجع لك لو كان فيه خير لك وَ صلاح
مريوم أتمنى ما تَخلين هالشيء يَتكرر مَره ثانيه .. هالمَره تَجاوزتيها
المَره الثانية لأ , خذي حَقك
ههههههههههههههه ياحبي لك
اجل انا كانت امي تطقم ملابسي مع اختي
كانت ترجع من السوق وتطلع فستاني وانبسسسط وفجأه تطلع نفس الفستان مقاس اصغر لاختي وخلاص تقفل اخلاقي وتخرب فرحتي وحط وشيل انا وامي على سالفة التطقيم
وللآن مااحب اتلابس مع اخواتي خلاص هذا لبسي وهذا لبسك محد يلبس حق الثاني وعاديني البخيله مافهموا طبعي وليش مابي احد زيي.
السلام عليكم ارتوس حبيت اسألك
ايش افضل شيء ممكن يورد الشفايف الي لونها غامق حالياً استعمل مقشر ايلف ؟
ياهلا وَ الله ..
التقشير بالليزر أحد الحلول الشبه دائمه ..
كلامك ميه ميه ، تمثليني من ناحيه عدم الخضوع ل اي شخص يفرض كلامه غصب ! شي يتعب لمى تحبينه لكن مايفهم ان في اشياء تخصني لوحدي انا اقرر فقط !!!
هايايات الموضوع جدا شيق وبما انكم تتكلمون عن الطفولة انا عندي بنتي في التمهيدي معروفه جدا بذكائها وسط العيله والكل يثني ويمدح نباهتها وفطنتها ولسانها الحلو المشكله مو هنا المشكله يوم صارت تداوم بالروضه معلماتها يقولون لي ماتركز وكثيرة السرحان رحت وداومت معها يوم كامل وشفت سلوكها في الفصل عدلت اشياء ساعدت في تحسنها بس بعد فترة رجعت معلمتها قالت لي بنتك تسرح كثير وماتركز ياليت تتكلمين معها تشوفين ايش فيها ع بالها اني مااتكلم معها ولا اسولفماتدري اني بكل نقاش افتحه معها انتهي فيه بتوصيف بنتي لشطنة المعمله او اكسسواراتها وماالى ذالك … اكتشفت ان بنتي تسرح في المعلمه وكيف لابسه وايش لون بشرتها وحاطه انو لون روج وصديقتها الفلانيه كيف مسوية تسريحه شعرها يعني بنتي مبكرة باشغال نفسها بهالاشياء قلت لها مايصير لازم تعرفين ايش تقراء المعلمه شاركي معاها … عندي في البيت اختبرها وتجاوب لكن عند المعلمه ماتحب تكرر او اتكتب تختصرها بكلمة مااعرف وهي تعرف ماتبي تتعب نفسها … دائما تقولي انا والله اعرف بس مو لازم اقوول …. احترت معها ومع معلماتها المبتدئات ولا ادري شسوي ايش ممكن اتحاور معها فيها دائما يرجعون لي في هيك استشارات بس هالمره احس اني ماعرفت لبنتي … ياليت تشورين علي ارتوس بشورك متأكدة راح استفيد اخر مرة كلمت فيها معلمتها بعد المكالمه بكيت لان معلمتها كانت شوي فضه وقالت بنتك مستواها اقل من غيرها من البنات امكن منكم ماتهتمون فيها ….
يا قلبي شدتني مشكلة بنتك ربي يحفظها لك الظاهر ان بنتك لانها ذكيه ما شاءالله فتحس بالملل من اسلوب الدرس اكيد هي تفهم قبل البنات والمعلمه تكون مظطره تعيد الشرح كذا مره علشان تراعي تفاوت الفهم فهذا الشي جاب الملل لبنتك وخلاها تنشغل بشي افضل وممتع لها وهو نقد شياكة الاستاذه وصحباتها واغراضهم ووو ههههههه عارفه شعور بنتك لان كان يحصل مني نفس الشي اسرح وامل من الحصه وما اتفاعل ولا اشارك الا قليل وعند الاختبارات تنصدم المعلمه اني متفوقه ههههههه لا تتضايقين لانها مو مشكله كبيره طالما بنتك تفهم وتستوعب مو لازم تكون متابعه تماما لكل شي في الدرس وبعد انصحك ما تحضرين لها الدرس قبل شرحه علشان تتابع الدرس بحماس وتكون معلوماته جديده عليها ..ربي يحفظها ويبارك لك فيها
فعلاً انا كنت احب انتقاء ملابسي بنفسي ، و لا احب امي تاخذ لاختي مثلي و كنت اختار موديلات ملفته لكن جميلة وكان الاغلب يسالون امي عنها ، كانت تاركتلي الحريه بالاختيار الحمدلله لكن كنت اعاني من التطقييييم و كنت اتغاضا عن هالشي لاني مو مهوسه لو عطيته بال كان صارت سوالف
ياحَلوك , حلو هالجانب اللطيف من شَخصيتك أنك تغاضيتي ..
وَ حلو أيضاً أحترام والدتك لحريتك الشخصيه بالأختيار , الله يخليها لك ..
نورتيني
ههههههههههههه عجبني الانكار بس
انا عن نفسي ارتوس تغيرت شخصيتي ١٨٠ درجه كنت انسانه هاديه وخجوله لدرجة كرهت نفسي في بعض المواقف وكنت منعزله وفي عالم خاص كنت اشوف نفسي غبيه بمعنى اصح
ولما كبرت بذات لما دخلت الجامعه تغيرت شخصيتي صرت واثقه اكثر من نفسي بديت اتغير واناقش
مااعرف سبب التغيير بصراحه بس جالسه اشتغل على هالشي واطوره لانه ياما انحطيت في مواقف فيها نقد لي او حش من تحت لتحت ومارديت ورجعت البيت ابكي
فصرت احاول اوصل لمرحلة طولة اللسان عاد ماادري اذا هالشي صحي او لا بس طفشت من الناس
ففعلا الشخصيه تتغير
إن شاء الله ماتَوصلين لمَرحلة إنك تراددين الكَل ..
خذي حقك بس بحدود إنك ماتنزلين من مستواك لهالأشكال .. لأن بالنهايه بتتعبين نفسك بالمُناقشه مع الفاشلين ..
سعيده لهذا التغيير اللي حَصلك وَ الأهم أنك مرتاحه أكثر وَ وواثقه من نفسك
الثقه تريح البال كَثير , نورتيني حبيبتي
حبيت نقاشكم .. رجع لي ذكريات اشوفها مؤلمة .. انا عشت الايام اللي كان فيها كل شيء عيب مكياج وصبغة البنطلون القصير وغيره .. وصل عمري ٢٥ وانا مجبرة على ستايل لحجي ههههههه اما اخواتي اللي اصغر تمردوا على ثقافة العيب ! صرت أغبطهم تمنيت اني سويت مثلهم لكن للاسف صارت ثقتي بنفسي معدومة الان انا دخلت سن الثلاثين ولازلت البس طويل واستحي احط مكياج حتى لو حطيت الوان فاتحة ماتبين ماعندي جراءة احط لون صارخ .. صرت انطوائية دائماً اشوف الناس افضل مني .. الان امي ودها اكون مثل اخواتي لكن بعد ايش ! .
🙁 مو ذنبك اللي صار لك , الزَمن وَ البيئه هُم اللي حطوك بهالمَحل
القهر وَين وَحده ثانيه بمكانك لنفترض عايشه بأمريكا بتلاقينها سابقتنا بـ ١٠٠ سَنه ضوئيه
لا تندمين علي فات , وَ مافات شيء عالتَحسين وَ التطوير وَ التغيير
توك صغيره وَ العُمر قدامك , الآن حتى نساء أعمارهم بـ ٥٠ أدركوا إنهم عاشوا بزمن قاسي
وَ دوروا للحياه اللي تسعدهم وَ تريحهم
نورتيني وَ شاكرة لك أنك كتبتي لي بكل هالجمال وَ المصداقيه
يا قلبي بعد إذن أرتوسه اسمحيلي أشاركك تجربتي..
أنا عشت طول عمري ضمن إطار محدد في اللبس والعناية لدرجة لو شاف أبوي شفايفي تلمع من الفازلين هاوشني… ههههه
وتزوجت وعانيت جدا بعد الزواج من عدم الاهتمام السابق.. وطبعا أنظار الناس كلها على البنت المتزوجة وتبدأ المقارنات خصوصا بين السلايف…. رغم إني جميلة زي ما يقولون لكن الجمال الطبيعي لحاله ما يأكل عيش… (قلب مكسور)
المهم بديت بتجارب فاشلة في المكياج لأن هذا اللي قدرت عليه.. أما اللبس بصراحة ما قدرت أغير ستايلي كثير…
إنتي حاولي وجربي وتعلمي من أخواتك ومن البلوقر وكوني لك خط شخصي في الفاشن والمكياج.. صح ما أكذب عليك ممكن في البداية أول سنة أو سنتين ممكن تصير لك تخبيصات شوي… لكن ما عليك تجاهليها واستمري لييييين تعرفين اللي يناسبك ويليق… واللي ما يليق عليك… وجربي جربي كثير… ترى الواحد ما يتعلم إلا بالتجربة… مو بالخيال يتخيل نفسه لابس هاللبس كيف بيكون… لأ.. إلبسي اللبس اللي ودك فيه حقيقة.. وشوفي نفسك فيه هل ارتحتي وانبسطتي وحسيتي إنك إنتي و لا حسيتي بشعور غريب وإنه مو إنتي…
أختي الصغيرة مرة قالت لي كلمة أوجعتني بقلبي لدرجة كنت بأبكي… كنا نتكلم ف التلفون عن شياكتي في آخر عزيمة عند أخوالي… قالت: طبعا أختي إنتي تغيرتي كثير.. كنا نتفشل منك زمان..
ما أقول إلا الحمد لله أولاً وأخيراً ثم الشكر لكل اللي يفيدونا ويعلمونا ياخذون من أوقاتهم وراحتهم عشان ينورونا… وأولهم الحبيبة أرتوس…
فعلا تظهر الشخصيه من الصغر
عتدي طفلين 4 سنوات والثانيه سنتين ونص
مستحييييل اتحكم بشخصيتهم بنتي سنتين جداا متسلطه واللي تبغاه لازم تسويه
وبذات بسالفع الملابس عادي عندي تلبس فوق كشخه وتحت سروال بيجامه اهم شي انا اخترته بكيفي
حتي احبانا قرايبي يقولو لي انتي ما تعرفي تلبسي بنتك اقول لهم والله مو اتا هي تلبس وتسويه بنفسها
جَميل أسلوب تعاملك مع أطفالك ..
مُمكن توجهينها بدون ماتحس إذا اللي إختارته راح يأثر سلباً عليها أمام الآخرين مثلاً : طفل آخر يسخر منها بحال الموضوع وصل لهالمرحله فرضاً
بس إذا شيء عادي مافيه مُشكله ليش لأ , بالنهايه طَفله وَ حلو تعيش طفولتها .
وَ مع الوقت راح تكتسب الذوق وَ الأناقه من والدتها بالتأكيد
نورتيني ..
هههههههههههههههههههههه ياحبي لك ارتوس
أجل قصيتي فستان ميمي الضعيفه 🙁
..
تدوينك جميلة وحلوة الشخصية اللي عارفه لنفسها ومستقله
أمي الله يجزاها الجنة من يوم كنا صغار أنا وأختي وهي تاركة لنا الاختيار ف كل شيء طبعاً غير الأشياء اللي حتضر أو لها أثر بأي شكل كان
والحمدلله يعني طلعنا كشخصيات مستقله عارفه لحالها
بذات أنا بزود يعني ما حدن بيفرض علي شيء حتى أحياناً بالمكان اللي بجلس فيه اذا احد غصبني الا خلي نجلس هنا ممكن اتركه وأمشي للمكان اللي بدي اياه هههههههههههههههه راحتي ألزم ما علي ،
و برضو مره جدتي الله يجزاها الجنة انسانة عايشة بعصرها للحين
وكل ماشافت علي شي بدت انتي وهاللي لابسته وانتي وهالي حاطته انتي وشعرك ليش ماتحطينه كله ورا وشوله تجيبينه جنب ولا قدام :/
عاد شوفيني وانا اجلس معها جلسة اقناع ان زمنك غير زمنا وان احنا جيل غير جيلك تقتنع لحظتها
بعد اسبوع نرجع للموال هههههههههههههههههههههه ..
ويعطيك العافية توسه () ..
ههههههههه يازَينها جَدتك ماتنلام
عالأقل جَدتك ,فيه فرق أجيال وَ أزين مافيها تقتنع حتى لو نُص يَوم ..
الله يخليهم لك يارب وَ يطول بعمر والدتك , حبيت أسلوب تعاملها مَعكم
انا شخصيتي تغيرت مع الززمن… من الطفلة الشقية الى المراهقة الهدية لحد ما وصلت الى شخصيتي الحالية..
الحين عرفت من انا و صارت ثقتي بنفسي اكبر… الكل يقول عني انه لساني طويل و قبل ما ينسمع صوتي.. بس لساني مو طويل لكن عندي صفة ما اسكت عن حقي مهما كان..و دايما اردد انه حقي باخذخ ما دام انا على حق.. صح مسببلي مشاكل هالشي بس اهم شي انه محد ياكل حقي
الشي الثاني انا تعودت اعتمد على نفسي في كل امور حياتي و هالشي متعبني و خاصة مع زوجي لانه اكره ما علي حد يفرض رايه او شخصيته علي.. لاني خلاص من لما عمري 16 وانا مستقلة بشخصيتي ورايي ما اقدر اتغير الحين
ماله إلا يتأقلم على طَبعك , الناس إذا شافوا شخص حقاني
بيقولون له إنتِ ما تستحي ؟! إنت لسانك طويل .. إنتِ ماتحترم فلان ما تحترم إللي أكبر مَنك
طيب هو حلال يآخذ حقي ؟! .. ماضاع حق وراه مطالب اللي مثلك أنا أحبهم حتى لو يوماً ما دار الزَمن وَ جيتي بتاخذين حقك مَني
هذا إسمه الإنصاف ..
الله يَنور دربك
صح عليك ههههههه
انا اشوف اللي سويتيه شي من حقك صار لي تقريبا نفس الموقف بس بطريقه مختلفه كانت امي لاقصرت علي ملابسي تعطيها بنت خالتي ومره اخذت فستان كان عاجبني حيل ومقاسي المشكله قلت لها ابغاه ماتعطينه احد واصرت الا تعطيه بنت خالتي صياح وبكا واترجاها مانفع
يوم اعطتها اياه رحت لبنت خالتي وقلت لها ابغى فستاني جابته لي ومن اللعانه لبسته ورحت لامي هههههه انهبلت طارت عيونها
كان الشي ذا يضايقني اغلب فساتيني عندهم والى يومك هذا ماحب احد ياخذ مني شي ضروري احترام رغبات الاطفال لانها بتحدد شخصيتهم لاكبرو
هيييلو توستا وفي رواية سوس
حبيت القصة مرة مرة وبخصوص سؤالك هل تغيرنا عن طفولتنا ولالا عن نفسي من يوم قوية شخصيتي ألبس على ذوقي وياما رحت لزواجات بمراهقتي وامي مو راضية عن شكلي بس آت ليست اشبعت رغبتي وقتها وماشيت الفاشن
بموقفك تذكرت مواقف لي وانا صغيره
امي الانسانه اللي بجد عطتني الثقه
انا بالنسبه لاهلي وبعض اقاربي
انسانه تمشي بكل ثقة من يوم اني صغيره
مواااقفي كثيير وطبعا التطقيم لابد منه
خاصة ان اختي اكبر مني بسنه وحده
بس مستحيل ارضى بكذا كنت اغير جزمتي
وربطة شعري عشان اختلف والهيلاهوب ماالبسه
عشان اتميز من يومي تقول امي بازع تحبين
طلعيني سيقانك
الله يَحفظ لك سيقانك الجَميله وَ يحفظ لك أمك الأجمل ..
الله يَخليهآ لك , نورتيني يا نَوف
ههههههههههههههههههه يازين تعليقاتكم ذكرتوني باللذي مضى .. كنت بالثانوي و ابوي كان عنده حركات لبس يصلح ولبس مايصلح بس شخصيتي قويه مايقدر يتحكم بشكل كامل .. فكان قبل مااروح المناسبه يقول وريني فستانك بشوفك وانتي متضبطه !! فكنت ألبس فستان قصير وتحته تنوره سودا ويطلع شكلي تححححفه بس افصخها بالسياره واوصل وانا شكلي انيق :))
اهلن ب ارتوس الجميله
صراحه انا مو دايما تعجبني فلسفتك في الحياه بس احب اقرأها واشوف عالمك بس هالمره لامستيني جدا بثرترتك العميقة
في طفولي انا واختي كانت امي تفرض علينا الملابس انا كنت اوافق من باب بر الوالدين وانها اكثر معرفة مني بس ماكنت احب الملابس اللي تختارها لي واحس نفسي فيها مو جميله واختي كانت ترفض جدا كانت هي تختار ملابسها رغم توبيخ امي لها وان ملابسها قبيحه بس كانت راضيه فيها
لما كنا نطلع للناس كان الناس يحكمون ان لبس اختي احلى مني بالعكس كان اختيار امي موفق بالنسبة لاختيار اختي بس حبها لذاتها واقتناعها بملابسها كان هو جمال اختي ورونقها
بالعكس مني اصبحت الان اختر ملابسي الا اني لااجد نفسي جميله اعتقد انها برمجة الماضي تسيطر علي
شدني موقفك وسؤالك الاخير خلاني أتأمل بحالي الحين ولمن كنت طفله.. ما أبالغ اذا قلتلك فيه فترة حاولت احشر نفسي بقالب مو قالبي وحاولت اغير صفات تحسفت اني فكرت حتى انها سلبية! لمن كنت طفله بشهادة الجميع ان شاءالله كنت ذكية استجابتي سريعه وتميزت بالعناد والثبات على رائي حتى لو خطأ. والحين بعد 8 سنوات من الشد والمد فذاتي وصلت لمرحلة التصالح مع نفسي وتقبلت شخصيتي بكل ثغراتها وتميزاتها . تثقفت قريت اكثر صرت أخيراً أعلم الناس بنفسي بعد ماضيعتها كم سنة ورا قناعة باطله بأني اقدر انسلخ عن طبيعتي وذاتي اللي جبلني الله عليها
ختاماً ولو اني طولت عليك بس حابه اشكرك على هالبوست الملهم بحق.. و فتنتيني بالقطط زياده على فتنتي فيهم ❤❤
ماشاء الله عليك وَ كلامك يَوحي بعقلية واعية
مو مشكلة لو تعبنا عشان نصقل ذاتنا , الأهم نَوصل .. وَ بمجتمعنا ما ننلام
مرات نَكون مُقيدين ..
نَورتيني يا عَيني
صار مع موقف يوم أني تقريب أولى او ثانية ابتدائي مني فاكرة بضبط
أمي الله يطول بعمرها كنت تبيني اطلع معها و طلعت لي لبس
ما كنت احبه ابداااا يومها سويت مناحة انا اركض و أمي تركض تلحقني كنت تقولي يا بنتي ليه ما تبينه من يومها الى يومك مستحيل اقتنع بذوق اي احد او احد يختار لي أضل متشككة
اضن صعبة الواحد يعتمد على احد في البس شخصيا اشوفه البس حاجة من شخصية الانسان مصيبة لو ما يعرف يختار لنفسه ممكن ينتج تبعية للغير و هذا عائد سيئ علبه
شكرًا لتدوينة الخفيفة اللطيفة و اعذريني طولت عليك ❤️$)
هههههههههههه زَينك حَبيبتي , وَ الله رأيك قَوي ماشاء الله عليك ..
إذا هو مرتاح بإختيار الأخرين وَ ثقته مَحدوده بنفسه وَ هالشيء يَحسن من نفسيته يَسوي إللي يَعجبه
لكن مُشكله إذا إستمر إعتماده عالآخرين بأبسط الأمور , لأن مَحداً يدوم لأحد ..
نورتيني يا عَلياء
ياحظك والله بلعكس احس شخصيتك تجنن وليتني زيك، تذكريني باختي شخصيتها قويه والي فراسها تسويه عكسي تماما حتى لو احد يقول رأيه بس بروح اسويه بدون ما اعترض حتى لو كان في نفسي شى ثاني او كارهه الي نصحتني فيه مدري يمكن على شاني وحده منعزله وماعندي صداقات كثير فاحس اذا خالفت رايهم بيكرهوني وبيتركوني ، سوي نفسك ماشفتي الي قبل شوي بس كان ودي اسولف و المهم خليك على شخصيتك دام الي في نفسك يصير ❤️
حياك بَسواليفك ,وَ بالعَكس بعتبر نفسي شَفت لأن أنا مو بَصدد تقييمك أو تغييرك
رُبما تتأثرين بكلام الأخرين لكن يمكن تأثرك لأنك إنسانه حساسه جداً ماتحبين تزعلين أحد
فالموضوع حتى لو كان سلبي بَمكان ما , مايعني شَموليه السلبيه برضو بك جانب جَيد وهو مراعاة الأخرين
فمفروض الكل يكون سعيد بصداقتك وَ مفروض مايزعلون لو أتخذتي بيوماً ما جانب خاص بك وَ عبرتي عن رأيك الكُلي
وَ صدقيني اللي بيحبك بيحبك بعيوبك وَ راح يماشيك عليها , ماراح يحاول يغير فيك حتى ترضيه
وَ لا تنسين رضى الناس غاية لا تدرك , لا ترضين الناس على حساب نفسك حتى ما تَخسرينهآ
برافوا ارتوسه تعجبيي في تشبثك باللي تبغينه ,ذكرتيني مره نزلت السوق مع عماني الاثنين بعد ماوضح ابويه ايش اللي نشتري بالضط
وكنا بنشتري للعيد ,وانشب في فستان هناك ماراق لي غيره. لو بلبس بمزاج ابويه لبسني بلوزه خناقي تحت كل شيء , واركب راسي وهم مصرين نشتري زي اللي ابويه قال بالضبط واشتروا اخواتي وخلصوا وانا مطنقرة واجلس عند الفستان و ععععععا بكااااء المهم انه واحد من عماني وقال هذا مافيه اختاري اي واحد تبغين ورفضت ,شالني غصب وعالسيارة وماشريت شيء ..
رحنا البيت وعلم ابويه القصة وكل يوم والثاني جايبين لي فستان غير شكل ولا لبست واحد فيهم اخر شيء قرب العيد وحزنوا عليه بعيد بدون فستان راح ابويه وجاب لي الفستان اللي كنت ابغاه وجاب لاخواتي كلهم الفساتي اللي اختاروها ..
هذي المناحة والقصة كلها لاني ابغى فستان قصير , وترى عمري كله عشر سنوات وقتها واخواتي كلهم اصغر ..
طيب ليش كل ذا التعنت والتزمت مع اني بزر حتى يمكن شكلي وقتها اقرب للولد منه للبنت السالفة ومافيها زي ماقلتي ليش نلغي شخصية اللي قدامنا ونفرض عليه شيء مايبغاه ونتحكم بايش يحب وايش مايحب.
الله يوفقك
اهههه اخر شي ع الجرح بكتب لك وقوليلي وش رايك
من وانا صغيره اختي كانت تشتري لنا ملابسنا وكنت البسها وداخلي يررررفض لانها مو على ذوقي واذا اعترضت تهاوشني او ترفض
المهم زلت معي هالعقدة حتى كبرت وصرت اتردد في اختيار ملابسي
لين تخلصت من هالعقدة بصعوبة وصرت متعصبببه جدا لملابسي وابن امه يقولي البسي كذا
هالكلمه صارت حساسه بالنسبه لي
بالنسبه للزوج صراحه زوجي طلب مني مالبس القصير والمخشلع وتركت هالشي حبا فيه
للعلم اني ماتخشلع الحمدلله بس اللهم كان فستان للركبه
طبعا البسها بس بشرط كيلون تحته
اما بالنسبه لفستان الزواج ااااه قمه الحزن وقصه اليمه
تخيلي اخترت الفستان كان ناااااعم جدا جدا
ويوم شافوة امي واخواتي انهبلووووو وصارت مناااحه ذيك اليوم ورفضو البسه رفض قاطع
وهواش بالبيت وحرب قايمه هههههه .. طبعا لازالت الموضه فساتين ابو كريستال ويبون شي يشرف قدام الناس ..
تخيلي تهاوشت انا واختي الكبيره لدرجه ابوي بكى
يازيننك ارتوسة
كلن له ماضي ما ينسى .. أذكر مرة وأنا صغيرة ما كان معجبين شعر اخوي الصغير يمكن كان عمره 5 سنوات قلتله تبيني اصلحلك شعرك طبعا لأني الكبيرة سمع كلامي وقال لي طيب وجلسته وجبت المقص واقص بضمير لين مسيكسن صار شعره جزء كانه مخلوق وجزء لا وانا مبسوطة بتحفتي
وامي وابوي يوم شافوه انصدموا وتحقيق مين سوالك و مين قصلك شعرك وطبعا قعدت ساكتة لين ما ماما مدحت القصة وانبسطت وقلوبهم أمي أنا اللي قضيتها وكأنني فرصة إذن محترمة ومحاضرة طويييلة عن إخطار الأدوات الحادة وأن اللي يقص الشعر بس الحلاق..
بس والله لما أذكرها اضحك وانبسط من نفسي مواهبي من أنا صغيرة موجودة
اول شي صراحه اهنيك ع صدقك وعدم خجلك من ماضيك الجميل ههههههههه وفعلا شخصيتك مثل م قلتي نفسها من كنتي صغنطوطه
بس صراحه استغربت من شي معليش يعني المعلقات ع موضعك لاحظت الاغلبيه فجاءة صاروا واو احنا الحقانيين من كنا صغار واعتقد ان فية كم وحدة مثل الامعه لا راي ولا شخصية مجرد طرحتي ي ارتوس وبكل ثقه موضوعك و قوتك بالطرح واسلوبك بالكلام يمكن اثر عليهم وانفرضت عليهم شخصيتك ههههههههه لان فعلا ماشاء الله اسلوبك قوي ويدل ع قوة شخصيتك
اتمنا نكون صادقين مع انفسنا ..واول سبل التغيير الصدق مع الذات ..ماراح احد يحاسبك ع شخصيتك يوم انك بزر ترا !
يمكن تنط لي وحدة تقولي انتي شكلك ضعيفه من صغرك وانهزاميه !
انا عن نفسي كنت ثقل وعقل بسم الله علي. هههههههه
ارضا باختيار اهلي لوفعلا حسيت انه بصالحي ذا الشي بعدين
وارفض كل مايملى علي من اوامر او اختيار من حولي لو كان ذا عكس المسار الي انا ابيه او الي مخططه له او حتا لو رايت انه مافيه فايدة لي
يعني بعضهم يختار نيابه عن ابنائة لمجرد انه اب وله حق الامر وواجب على الابناء الطاعه وهذا ياثر ع الابناء وع شخصياتهم مع الايام طبعا
الزبدة كلن وشخصيته وممكن تتاثر الشخصيه وتتغير بالبيئه المحيطه ممكن للافضل او تتغير للاسوء .
امممم بحكي موقف وانا صغيرة اتمنا تحسنون الظن وكيذا ترا الي كنت اسويه لمجرد الفضول فقط
الصدق اني وانا بزر كنت مااتضارب ولا شي وفي الغالب يحيطني الصمت والهدوء غير اني الهدوء هذا وراه شي ثاني ههههههههههه
اكثر حركه اسويها وانا صغيرة كنت استمع لسواليف الكبار وهم في ظنهم اني نايمه
طبعا يسولفون بنفس المكان الي انام فيه انا والسواليف بعض الاحيان خاصه او خالي وزوجته يكونوا بالغرفه والتقط السمع والعياذ بالله
هذا اكثر شي احس اني استغفر الله واتوب اليه كل ما ذكرته هههههههههههههههههههه
هذا الي عندي
اتمنا تكون اضافه مفيدة
وللمعلوميه ي ارتوس
انا اول مرة اعلق رغم اني اتابعك من فتررة وبالانستا برضوا والان اتشرف اني اكتب شي وتعليق ممكن يفيد غيري بمدونتك
وبسسس
ونحبك بزااف ي شيخه
السلام عليكم
عاد انا عكسك بالضبط انتي شمال وانا جنوب
وهذا اكثر شي يعجبني
لاني اعرف اني ضعيفه شخصيه فا احب اسمع لناس الي عكسي لآنهم يمدوني بشوي من قوتهم وطاقتهم
أنا استانس ل شفت احد مثلي وتدرين وش الشي الي يطري في بالي أن اختياري مو لحجي وان في بني أدم ممكن يعجبه اختياري ^ حالتي مزريه
أنا أذا رحت السوق بلحالي اضضضضيع ومن يلبسني أختي وامي , والله اني ما اطلع من البيت ألا واهم عاجبهم الملابس
لدرجه ممكن اني البس شي مو عاجبني بس عاجبهم ^ أكككرهني
بس الحين خف شوي وصرت شوي ثقه لآني أدرس في أمريكا وهناك لآ أمي موجوده ولآ أختي
أشتري على أختياري
مرا شريت شوز لونه اورنج قوي بس داش مخي وجايز لي كلن عارض وعفس وجهه في وجهي لآكن ألبسه وكان العيد من بعيد ^ هذا اشوفه تطور
بالنسبه لسؤالك
لآ أحس تتغير الشخصيه مع كل سنه يعيشها البني ادم مع البشر الي حوله
مو شرط يتغير بالشكل الكبير
بشطح شوي ” الصوره قعدت اطالع فيهها كككثثثييييرررر
افتكرت وقت كنت متحمسه للمنتديات بالذات منتدى القمه واسوي تواقيع وصور رمزيه ووقت كنت اسوي للبنات
كنت اتكي ع الفوتو اغلب وقتي .. وربي شي ححلو كان 🙁
وتصاميمك تفكرني ككثثير بوحده اسمها ستروبوري 🙁
ماعلينا =))
هههههههههههههههههه ضحكتيني والله انك قصيتيه
وعجبني ككلامك مقنع مره
وعلى الشخصيه احس تتغير وتتاثر ككثير بس يبقى الاساس
والله ان قصتك هادي ذكرتني بطفولتي احس الشي الوحيد المشترك بينا هو التميز (ذابحني هالتميز من صغري) ومثلك تماما صارت نفس الأحداث اهلنا يشترو لبنات العيله نفس الفستان الا انا ما ارضى ومستحيلللللل البس مثلهم كنت أحب اللبس والتميز من طفولتي وهدا الشي مستمر معاي الى الان ودايم صديقاتي وبنات العيله يقولولي طلتك ولبسك واسلوبك غيييير .. وهذا الشي أحسه جيني ومن يومي تربيت على كذا
اتذكر ايام الابتدائي كأنو المدرسات كلهم ما يحبوني انا وأختي وكله بسبة اللبس والشياكه لان ماما وبابا كأنو مهتمين فينا ايام كان السوق كله جايب نفس الاطقم أبوي وقتها يشتريلنا لما يسافر وما نلبس الموجود بالسوق ..
اما بالنسبه لسؤالك شخصية الانسان تبدا تتكون من نعومة اظافره وما ان كبر الا وكان له شخصيه وأسلوب خاص فيه وهل تتغير او لا اشوف على حسب الأسلوب والبيئة اللي هو عايشها لو شخصيته قويه وفارض نفسه او شخصيه ضعيفه ومهزوزه
دمتي في تألق دائما وأبدا
sos الوحش
من يومك شرسه ومو هينه
اذكر التدوينه هذي بشمواه لما شفت العنوان فيه ليموني عرفت الموضوع فيه مصيبه لون الغيره وحب التملك
نبهتيني لشي كان فيه تحدي بيني وبين اختي بدون علم امي تم
التحدي واجهت الموت وربي نجاني والسبب تحدي
كنت بالابتدائي
هالعمر هذا انتبهت انه قد اقول قد واحتمال انه خطير
لازم ننتبه لاطفالنا منه
فيه اقدام وتهور
مثل ما يوصون التربويين على المراهقين اعتقد حتى هالمرحله العمريه
تحتاج توصياه منهم او نقول تنبيه
انبسطت واستمتعت بتعبيرك وسردك
سولفي كثير عن طفولتك
عاد انا ربطت بين صورتك صورة الطفله اللي لابسه كعب امها وبين القصه .
ايه صح بالنسبه لسؤالك
الشجره تتغير اوراقها ممكن ينقص جذعها
لكن تبقى جذورها
كذلك نحن
لكن اضطر احيانا لارتداء الاقنعه هذا اذا ما كانت ضروريه لامور اصلاحيه
لكن الطبع يبقى ومن الطفوله تتكون وتتضح للاهل شخصية طفلهم