مَساء / صباح التفاؤل
كثير ما نسمع نَاس يقولون : أنا أسمن مِن ريحة الأكل
وَ ناس تقول : أنا بطني جَحاده مَهما أكلت ما يبين فيني
هالمَقوله راح تفهمونها بهالموضوع ، لا للكلام العَشوائي
[ كثير نسمع نصايح وَ كلام عشوائي بس لو بنمسك كل شَخص وَ نفسر له بنكون مُملين جداً وَ سخيفين ] ..
موضوعنا اليوم جداً جداً مُهم
و قبل لاتبدون بأي نظام غذائي أو رياضي أنصحكم تفهمون هالموضوع ، لأنه راح يساعدكم تحطون الأساس
وَ أيضاً راح يمهد لكم الطريق وَ راح يساعدكم بالنجاح وَ الوصول لأهدافكم
الله خلقنا مُختلفين وَ أجسامنا مُختلفه بالبنية وَ التركيب وَ عشان نحصل على نتائج مُرضيه لابد نتعامل مع أجسامنا وَفق هالإختلاف ، مافي جسم بشع أو مو حلو أو صعب التَعديل كل الأجسام حُلوه إذا تم فهمها وَ التعامل معها صح
وَ عشان نفهم هالإختلاف وَ كيفية التعامل مَع كل جسم تم تقييم بُنية الإجسام ( تكوينها ) إلى ثلاث أقسام رئيسية
وَ هالشيء يخلينا نحدد تَوقيت أكل الطعام مَع تحديد الكميات ، بإختصار هو الأساس إللي تعتمدونه عشان تحصلون على جسم رشيق متوازن وَ صحي
هالنظام إبتدعه طبيب إسمه شيلدون ، مُجرد تشوف وَش أكثر الصفات إللي تنطبق عليك راح تعرف نوع جسمك
أجسام البشر تنقسم لثلاث أنواع حسب تصنيف د. شيلدون ~
Ectomorph ، إكتو ـ مورف النمط النحيف
Mesomorph ، ميزو – مورف النمط العضلي
Endomorph ، إندو – مورڤ النمط السمين
مُلاحظة مهمه ،,
هالتصنيف ماله علاقة بوزنك الحالي وَ لا بطولك ، هالتقسيم مبني على بُنية جسمك الجينيه
بنية العظام وَ مدى قابلية الجسم لتكون العضلات وَ إكتساب الدهون وَ أماكن تجمع الدهون بالجسم وَ حتى أبعاد الجسم
قد يكون جسمك خليط بين أحد هالأنواع لكن تميل لنوع أكثر مِن الثاني وَ قلة مِن الناس إللي تنطبق عليهم نوع واحد صرف بدون مايكون خليط
مثلاً : مُمكن يكون إندو خليط مَع ميزو أو ميزو مَع إكتو وَ هكذا
وَ جميع الأنواع قابله للوصول لشكل مثالي مَع قليل مِن بذل المجهود
Ectomorph ( إكتو مورف = النمط النحيف ) ~
– صعب يكسب عضلات
– سهل يفقد دهون
سمات الشكل ،’
– غالباً طوال القامه
– مظهر عام نحيف بلا تضاريس
– ذراعين وَ ساقين نحيفة
– عظام وَ مفاصل رقيقه
– أكتاف ضيقة
– صدر وَ أرداف ضيقة
– أطراف طويله وَ عضلات طوليه
– رقبة وَ جبهة طويلة
– ذقن صغير
سمات أخري ،’
– عملية الايض سريعة
– صعوبة في إكتساب الوزن ( وَ إكتساب الدهون )
– صعوبه في بناء العضلات
– الشعور بالإمتلاء بسرعة
التغذية المُناسبة لجسم الإكتو ~
• رفع السعرات الحرارية
• تكثيف الأطعمه الغنيه بالدهون الصحية مِثل: الافوكادو وَ اللوز وَ زبدة الفول السوداني
• تقسيم الوجبات لعدد أكبر في حال كانت المَعدة لاتتقبل الوجبات الكبيرة ( مِن ٦ إلى ٨ و جبات )
• ٥٠ ٪ إلى ٦٠ ٪ مِن مجموع السعرات مَصدرها الكربوهيدرات
• شرب الكثير مِن الحليب
• لابأس بالإستمتاع بتناول وَجبات سريعة مَع الحرص على إختيار خيارات ذات نسبة بروتين عالية
• الأكل قبل النوم لمنع هدم العضلات أثناء النوم
التدريب المُناسب لجسم الإكتو ،’
• تمارين بأوزان ثيقله مَع التركيز على العضلة وَ عدد تكرارات قليلة
• التركيز على تمرين عَضلة واحدة في اليوم ، وَ العضله يتم تمرينها مَرة واحدة في الأسبوع فقط
• فترات راحة طويلة بين التمارين
• الإبتعاد عن الإجهاد في التمارين أو عمل تمارين زائدة
• عدم التركيز عالكارديو على أن لاتزيد عن ٣ مرات في الأسبوع وَ بلا تتجاوز الـ ٢٠ دقيقة
• التركيز على الأوزان الثقيلة ، وَ أخذ راحة دقيقة بين المجاميع وَ ٥ دقائق بين الحركات
• التمارين قصيرة وَ مُكثفة وَ التركيز على مجموعة العضلات الكبيرة
• الإبتعاد عن الإجهاد
• تغيير جدول التمارين مرة في الشهر
• أخذ قسط كافي مِن النوم لا يقل عَن 8 ساعات لإستشفاء العضل
Mesomorph ( ميزو مورف = النمط العضلي ) ~
– سريع بـ إكتساب العضلات
– مُعتدل في فقدان الدهون
سمات الشكل ،’
– بنية متوسطة يغلب عليها المظهر الرياضي
– عضلات واضحة المَعالم
– الساق وَ الذراعين يغلب عليهم الشكل العضلي
– الجسم مُتناسق الأبعاد أو يميل لشكل المُستطيل
– أكتاف عريضة
– خصر صغير
– شكل الجسم يشبه الوتد ( المثلث المقلوب )
– دهون قليلة
– يكسب العضلات بسهولة
– جسم قوي وَ صلب
– قد يكون الوجه شبيه بالمربع
سمات أخري ،’
– قوة التحمل عالية
التغذية المُناسبة لجسم الميزو ~
• نسبة الكاربوهيدرات تتراوح بين ٤٠ ٪ إلى ٦٠ ٪
• تقسيم الطعام إلى ٥ أو ٦ وجبات صغيرة
التدريب المُناسب لجسم الميزو ،’
• عدد مرات التكرار ٨ إلى ١٢ تكرار
• فترة الراحه نصف دقيقة
• مُمارسة قليل من الكارديو وَ الجمع بينه وَ بين الأوزان
Endomorph ( إندو مورف = النمط السمين ) ~
– سهل يكسب عضلات
– صعب يفقد دهون
سمات الشكل ،’
– تركيبه شحميه واضحة
– بنية عظمية كبيرة
– تفاصيل الجسم مدورة وغالباً مايتميز بالمنحنيات
– أطراف غالباً قصيرة
– بنية قصيرة ( مربوعه)
– تراكم الدهون في الجزء العلوي مِن الذراع وَ الفخذ
– رأس مدور
– حجم عريض من الأمام وَ الخلف وَ مقطع جانبي عريض
– يغلب عليه الشكل الكُمثري وَ الخصر أعرض مِن الأكتاف
سمات أخري ،’
– الإحساس بالتعب بسهولة
– فشل أغلب مُحاولات إنقاص الوزن وَ الحميات السابقة
– شهية مفتوحة لا تشبع
– فقدان الوزن بصعوبة
– نسيج عضلي قد يكون مُختبئ تحت الشحوم
التغذية المناسبة لجسم الإندو ~
• أخذ حصة بحجم قبضة اليد من البروتين مَع كل وجبة
• الكربوهيدرات تشكل ٣٠٪ إلى ٤٠ ٪ مِن مجموع السُعرات الحرارية وَ يفضل أن يكون مَصدرها مِن الكربوهيدرات المعقدة
• الإبتعاد عَن الأطعمه المُصنعة وَ إعتماد الحبوب الكاملة
• أكل كمية كبيرة من الخضروات
• شرب كمية كبيرة مِن الماء للمُساعدة على الشعور بالإمتلاء
• تقسيم الطعام الى ٥ أو ٦ وجبات صغيرة
• تقليل السناكات بالليل ، الإبتعاد عَن المشروبات الغازية وَ العصائر
• أكل الطعام ببطء
التدريب المُناسب لجسم الإندو ،’
• عدد تكرارات التمارين كثيرة
• فترة الراحه بين التمرينات قصيرة بين ٣٠ إلى ٤٥ ثانية
• تكثيف تمارين الكارديو بما لايقل عَن ٣ مرات بالأسبوع وَ يُفضل خَمس مرات وَ يفضل أن يكون يكون بحدة مُتوسطة
• يلعب تمارين عامه ( يعني تحركين أكثر مِن عضلة في التمرين ) لكامل الجسم لمدة شهر أو ٣ أشهر حتي يتم تخفيف الوزن ثم يتم تفصيل التمارين
• تغيير جدول التمارين مِن أسبوعين لثلاث
• لعب ٨ مجموعات لكل جزء في الجسم
• لعب بأوزان متوسطة
• الإعتماد على التمارين المركبة
• سبع ساعات وَ نصف نوم كافيه
• الراحة لكل عضلة ٤٨ ساعه
• إدخال المشي في نظام الحياة
أمثلة للأجسام المَشروحه ~
– عارضة الأزياء جيزيل إكتو
– المغنية بنك ميزو
– جينيفر لوبيز تميل للإندو
أتمنى أكون أفدتكم ..
وَ أنتظروا المَوضوع القادم جداً جداً مُهم ما يَقل عَن أهمية هالمَوضوع
دُمتم بحب
تم
إنتِ بطلة هنا ??❤️
دائماً وَ أبداً المَكان الأول لَك ..
ماشاء الله عليك ?
صباح الورد
والله يالحب تدويناتك تستاهل انتظرها بكل شوق ?
تدوينتك فنااااااانه فيها ثقافه ومعلومات بطله
قرات التدوينه بكل تركيز اقرا واطالع بجسمي وافكر بالامور الباقي والله اعلم اني خليط مابين ميزو واكتو
متحمسه للموضوع الجاي
وانتظر تفتحي التدريب ونشوف الشروط يمكن يكون لنا نصيب ?
موضوع مميز كعاادتك ??..
توتو ياغشاشه ??
هلا بالأنيقة ، مدلعتنا آخر شي محد قد الارتوسيات ??
.
.
والله صرآحه موضوع بالنسبة ليا ? نااااار
ماتصدقي قد ايش احتاج موضوع زي كذا توجيهي وتعلمي وكلو في اناء واحد / حيست جسمي مابين endo و meso عندي عرض فالاكتاف والفخذ شوي بس ماعندي خصر عريض بس لمن زاد وزني شوي تغير بس المشكله الازلية فجسمي اللي مديتني حجم اكبر يداتي؛ مع انو اختي جسمهاecto شفتي كيف الفرق سبحان الله ??.. بمشي على نظامك الغذائي و الرياضي وانشاءالله بس الاقي نتايج ارجع اكتب تجربتي ❤❤
دمتي بسعاده ?
سبحان الله شفتي الإختلاف بينك وَ بين أختك بسبب الجينات فيه وحده عندها جينات آكتوا أكيد من أحد أفراد أسرتك
وَ إنتِ أخذتي ميزو وَ إندو ..
تَنوريني وَ خلينا نشوف علامتك فوق فوق يا قَمر
❤️ ❤️ ❤️ ❤️
يابنت عسى إختباراتك آوكيه ..
?
لا أوكيه وماشية فالسليييييم كمان ?
خلصت اختبارات خلاص ?
بس عندي سؤال نسيت اسألو اذا الجسم خليط آندو وميزو ف هذي الحاله اشوف التمارين و الوجبات المناسبة لجسمي من النوعين وامشي عليها ! ولا كيف
حماااااااااس ألف والله
ويسعد مساك يا احلى سوس بالدنيا
سُهى ماعاد أشوفك بتويتر إعتزلتي !!
اقرأ واجيك
يالله مَتحمسه
موضوع مهم مهم جدا بالنسبه لي ، ماشاء الله عليك
والله كل الكلام مايوفيك ، صدق يضيع الكلام لما اجي اشكرك ?
جسمي اندو ٨٠ بالميه وكنزو ٢٠ بالميه
جدا متعبني بالرغم ان وزني مو عالي وجسمي حلو
بس فيه تفاصيل انا مو راضيه عنها
يارب يارب احظى بفرصة الاشتراك بالتدريب عندك احس اني راح الاقي ضالتي ??
يالله كلها كَم يوم وَ أنشر إعلان فتح باب التدريب بالسناب تشات ..
وَ جسمك سهل لأن وزنك مو عالي ، سهل نشتغل عليه بسرعة وَ تخلصين بسرعة
طبعاً إلا إذا زاد الطموح ، فيه بنات بالبداية يكون هدفها تنزل الوزن الزائد ، بس لما توصل لهدفها تبدأ تشتغل على تفاصيل التَفاصيل
كُل الحب ياقمري ?
مكاني ✋❤
????
ممتعه التدوينه وفعلا نفس ماقلتي عني ? ..
بدقق بطريقة الاكل وهالتدوينه فرحتني لانها نورتني على اشياء مااعرفها ماانحرم ياشيخه وكلي حماس للتدوينه الجاية …
إذا سولفنا قلت لك وِش نوعك ..
❤️ ❤️ ..
كُل الحُب
?
يعطيك العافية حبيبي ماتقصرين وَ ماننحرم من هالعطاء ?
يا مَليون هلا وَ هلآ
ياشيخة طلتك غيرررر ?
يحمسسس شككراً تقريباً عرفت نوع جسمي وراح اركز على كلامك ???
العَفو حبيبتي ..
?
ك عادتك في كل مره
طرح مميز
شرح وافي
ربي يسعدك ويجازيك كل خير
تَستاهلون الأفضل ..
نورتيني ?
احبك كثير ????? عمري ماكتبت تعليق هنا بس لأني فعليا افوت اي شيء الا تدويناتك لو عندي ستمية مليون شغلة لازم اقراها كاملللة ??? فحسيت أبسط شيء اشكرك ❤
انا انسانة يهمني الاتقان و انتي بالنسبة ليا مصدر علمي موثوق ههههههه ??
ربي يسعدك ويرزقك كل ماتتمنين ?
وَ الله دامك قارئه نَهمه وَ كل هالمُتابعة ياشيخه مو شرط تردين ، يكفيني وَجودك الوجداني ..
❤️ أخجلتم تَواضعنا
Appreciate your work ❤️❤️❤️❤️
thank u ❤️
الله الله
التدوينه هذي ماشفت و أحد قبلك كتبها
والمعلومات الي فيها جدًا جداً مفيده
وراح أتبع الي حسيته أقرب شي لجسمي
وبقولك أكيييد إذا فادني
لكن سؤال غبي بسيط: الهروله السريعه تعتبر كارديو؟
وكوني أنتِ.
أغلب المُدربين الرياضيين مَتكلمين عنها ، تقريباً أي شخص مُهتم بالرشاقه مَطلع عليها
وَ بتلاقين حتى ناس يميزونها نَظرياً بس يمكن مو عارفينها ، يعني يمكن إنتِ بينك وبين أهلك تقولين ألاحظ لما أشوف وحده كتفها عريض كذا
أو كتفها صغير كذا ، بس بدون ما تدركين إن لها تصنيف مُعين ..
وَ الهروله تعتبر كارديو ، الركض كارديو ، المشي كارديو ، السباحه كارديو + ثقل عشان وزن الماء ، الدراجه كارديو
القفز كارديو ، أتمنى أكون أفدتك
كلمة شكراً ماتوفيك حقك??
شكراً للأبد
العَفو يا نُوف الحب
❤️
يعني وش اعلق على الموضوع يارتوس اول مرة يمر علي هالموضوع الله يسعدك ويخليلك احبابك??
العفو آمالينا ، نَورتيني يالغاليه إنتِ ودعواتك الحُلوه
❤️
تسلم هاليدين ❤️
❤️
ننتظر الموضوع الياي بأحر من الجمر ???❤❤❤
قريب جداً جداً بإذن الله
❤️
شكراً على الموضوع الممتاز❤
نوع جسمي اندومورف وللأسف أسوأ شيء بالنسبة لي المشي والهرولة والكارديو عموماً
يالله إن شاء الله أحبه ? يسلمو ع الموضوع ?
العَفو ، أبداً مافي جسم أسوأ شيء بتلاقين كثير فنانات أندومورف وَ أجسامهم تهبل ..
اللهم جسم عن جسم يبيله شغل أكثر مِن غيره ، ثقي تماماً مافي جسم شين وَ شوفي وقتها شلون التغيير يكون ..
وَ الكارديو زين عشان يحرق لك بسرعه ، كُل الحُب ❤️
مساء النور ♥
موضوع رائع ومميز أرتوسه .. فعلا اغلب الاجسام تجمع بين نوعين ، جسمي بين الاكتو والميزو لكن يميل للاكتو أكثر :$
ومريت بمرحلة زيادة الوزن يبغالها طوووولة بال لان الجسم صعب يكتسب عضل .
كل الحب ♥
مَساء المَحبه ..
ماشاء الله طالما عارفه نَوعك بتكونين موازنه المَوضوع ، أحييك
❤️
الله يسعدك في حياتك على مجهودك
بصراحه موضوه مهم ومتميييززز وفتاك
عني جسمي ميزو والحمدلله ماشيه صح
لكن لازلت احتاج عضل اكثر
شكرا من قلب اتمنى تووصلك ❤️
وآصلتني وَ وواصلتني ياكُل الزِين ..
توصلين ليش ما تُوصلين ، وَ جسمك يخدم يعني ٣ أشهر تصنع الفرق مَعك
❤️ ❤️ ❤️ ❤️
يسعد مساك سوس يعطيك العافيه ع سلسله مواضيعك الصحيه واللي تشجع على تغير الحياة والصحة للافضل. اول ماعرفت عن نوعيه الجسم والنمط الغذائي المناسب والتمارين من الكوتش سوالي جدولي الرياضي لان جسمي اندرو مورف وكانت تماريني ٢٥*٤ واشيل حديد بعدها كارديو مع نظام غذائي زيرو فات زيرو سكر ووجبه وحده فيها كارب والاعتماد ع البروتين بااسبوعين تغيرت مقاسات جسمي تخيلي كنت اشتري بدله لفرح وتقول لي بالمحل بعطيك مقاس ١٢ واقول لها لا عطيني ١٨ او ١٦ بقيس واصرت ع ١٢ ودخلت غرفه القياس مااكنت بجرب لكن البدله عاجبتني وماكو الا قطعه وحده قلت بجربها عن نفسي تعرفين شنو انصدمت لما دشت فيني لدرجه بطلت الباب وصرت انادي اختي ههههه
٢٠١٦ مارست التمارين مره او مرتين مثل ماخبرتك النفسيه تحت الصفر واكلي الوحيد الشوكليت كل تفكيري باامي وتعبها. ومن بعد موضوعك نمط صحي واشتريت المنتجات من ايهيرب بديت ارجع للاكل وامشي حتى اكسب لياقه وارجع لتماريني /?❤️
ماشاء الله عليك حسيت بفرحك وَ الله ، وَ هالشيء وصلتي له بسبب مُثابرتك وَ شطارتك ..
مِن خيالك إنه ١٦ أو ١٨ إلى ١٢ رقم جداً جداً جبار ، أنا أشجعك ترجعين لروتينك وَ حياتك
وَ الله يحفظ الوالده مِن كل شر وَ يشفيها ، ماعليك لوم وَ الله .. ظروفنا وَ متغيراتها مرات ترجعنا لورا
بس إن شاء الله المره الجايه تبشريني إن أمك صار بخير وَ انتِ رجعتي لسابق عَهدك ..
تمنياتي لك بالأفضل
❤️ ❤️ ❤️ ❤️
احلى موضوع محتاجين هالنوعية من المواضيع مرره حماس وشي حديد … صراحه اول مره اسمع فيه بس مرره مفيد قريته مره وبرجع اقراه ثاني مره حتى استوعب المعلومات لانها جدبدة… يعطيك الف عافية ??
ارتوسه بطلب منك طلب نفسي اسجل معك بالتمارين الشخصية اللي بتغتحينها بعد اسبوع من زمان من ايام شمواه وانا انتظرك خاطري اسجل معاك ? بليييييز ?
بإذن الله المَوضوع القادم هو الفاصل ، أنا وِدي كل بنت تكون فاهمه جسمها وَ ماتحتاج أحد إلا لتفاصيل بسيطه للتشجيع وَ نظام مُفصل
مو كل الناس قادرين على مشاوير النوادي وَ لا تكاليف النوادي ، وَ حتى التدريب الشخصي مو الكل يقدر عليه
فقلت أنزل مايُمكن طرحه حتى يستفيد الجميع بإذن الله ..
بقبل فقط ٢٠ شخص بختارهم حسب الحاله الصحيه ، إن شاء الله تكونين مِن ضمنهم قوليلي إسمك سولي بحطه بمفكرتي ..
وَ برجع أفتح التسجيل مُجدداً بعد شهر تقريباً بحال قدرت أوزان بينهم ..
يعطيك العافية عاللي تقدمينه لنا مهما شكرناك مانوفيك حقك لان بجد كريمة بعطائك وحرصك ان كل شخص يفهم لنفسه دون الحاجة لاحد .. اقدّر هالشي فيك جدا? للان ماشفت حد مثلك بهالعطاء ?
بالنسبة لي انا حالتي الصحية الحمدلله تمام سويت تحاليل شاملة كان عندي نقص بفيتامين دال وفقر دم وعالجتهم بس اخر تحليل سويته كان عندي الغده بتدخل مرحلة الخمول بس قال الدكتور انو للحين مايستدعي انو تاكلين علاج لا بس من تغذيتك ناقصك يود كثيير.. انا مشكلتي التغذية مع اني مااخربط بنظامي كثير بس مااحب اكل كل شوي احب اجوع مره ثم اكل مره وحده وغير كذا الكمية انا اشوف نفسي اكل كمية كبيرة .. الرياضة انا قاعدة اسوي رياضة نط حبل وايام عالسير وببدأ تمارين مقاومة .. بس قلت ببدأ معاك لان لي سنين على هالموال اضبط لي انظمه ثم ارجع احوس مع ان بعد مواضيعك فرق كثير مفهومي للرياضة والتغذية وصرت احاول اعدل وان كان بالشي البسيط بس المهم ماعدت اكتئب زي زمان من الريجيم والرياضة ههههه لان شلت هالفكرة من راسي وصرت احاول قد مااقدر اعدل بااسلوب حياتي .. ترى ع فكرة انا تقريبا فاهمه طبيعة جسمي ووش الاغلاط اللي اسويها ووش ينفع معاه طبعا الفضل لك بهالشي.. بس مادري يمكن احتاج احد فوق راسي ?..
تسلمين فديتج عالمعلومات .. دُمتي بود
هلا هلآ مَليون
❤️ ❤️ ❤️ ❤️
ياهلا ياهلا
يعطيك العافيه سوس هالموضوع جلست اقرأه كذا مره وللحين ماعرفت اي خيار يمثلني ?
.
.
دائمًا تبهرينا بمواضيعك المميزه الله يسعدك❤️
مُمكن تكونين بين جسمين ، يعني ٧٠ بالمية ميزو و ٣٠ بالمية إندو !!
بتعرفين إنتِ لو رجعتي مره ثانيه للموضوع ، الآن المعلومات تشتت دُفعه واحده
جسمي نفس جسم جينيفر الأفخاذ و الأرداف عريضه البطن ممسوحه ، بدون تمارين ولا نظام غذائي صحي جسمي اي نوع من الأنواع الي ذكرتيها
جينيفر لوبيز هذا جسمها بعد العمل وَ الشغل ..
يعني قد يكون على وصفك وَ كلامك أفضل مِن جينيفر لوبيز ..
بتعرفينه من حجم الأكتاف وَ الخصر ، و نسبة الحرق عندك وَ التفاصيل إللي ذكرتها وَ الشهيه وَ وَ
الله يسعدك ويوفقك ياارتوس هذا اهم موضوع المفروض نعرفه ونكون دارسينه ????? جميل الموضوع يجنننن الحين فهمت انا وش لي وش علي مو كل الاجسام نسوي لها نفس التمارين ونفس الاكل ..
عندي لك هالطلب الله يسعدك ياليت بعد اذنك بس لو تشرحين لنا المسميات الرياضيه مثل مجموعه و الحركات وجوله وغيرهم ماني فاهمتهم ولا التمارين المركبه و كل نوع من الاجسام التمارين المناسبه له
الصراحه ماعرفت البرا الرياضي و لا السجاد الرياضي و الكره الا من مدونتك وقتها عرفت اشتري صح قبل شريت كره اطول مني ههههه??
الله عليك ، عليك نُوووووووووووور
يعني إللي يسمني مايسمنك وَ إللي ينحفني ما ينحفك ، وَ إللي يخليني عضليه مايخليك عضليه وَ العكس صحيح
وَ بالنسبة للتمارين بتعرفينها مَع المُتابعة ، باقي بَحر مِن المعلومات بس مرات لا نملك الوقت وَ لا الجهد الكافي للصياغة وَ الترتيب وَ الكتابه
كُل الحب يالغاليه ❤️ ❤️ ❤️ ❤️
مساء الخير ❤️.
اتعب وأنا أقول جميل ? أنا خليط بين الميزو والأندو برجع أسوي مقارنة وأشوف ايش الغالب بينهم ، يعطيك العافية.
❤️ ❤️ ❤️ ❤️
ياعيني عليك ، حبيت شلون عرفتي نَوع جسمك
ياهلا ياهلا اهلا بالمواضيع الجميلة احس اني فهمت جسمي
❤️ ❤️ ❤️ ❤️
فرحتيني هذا هُو المطلوب
على كثر ما اقرا في هالموضوع عجزت احدد انا اي نوع!
محتاره بين الميزومورڤ والاندومورڤ
طيب لو كنا خليط من نوعين كيف نجمع؟
من ناحية الرياضه مثلا
او كيف اعرف اني اميل اكثر للنوع هذا
* ممكن ارسل لك صورة لجسمي وتحددين لي النوع؟
هو نادراً إللي يكونون إندو صرف أو ميزو صرف قد تكونين خليط بالعكس مرات الخليط يعطي الجسم شكل حلو
تاخذين مِن كل شيء الحلو ، وَ عفكرة حتى لو أرسلتي لي غير كافي ..لازم أسرد لك كذا سؤال أعرف مِن خلاله
وَ بالنوادي الأجهزة تقيس نسبة العضل وَ الدهون وَ تطلع لك النتيجة ..
ولو كنتِ خليط إما مدرب ينسقها لك ، أو إنتِ بالمحاوله وَ التجربه وعند ظهور نتائج تعرفين إن إللي سويتيه صح
طيب اسأليني، اذا ممكن يعني ?
لان لي فتره ملتزمه وماشفت نتيجه مره 🙁
يمكن معرفة نوع الجسم يسهل علي
لولو أنا الأن أشرح لك ..
لو أنتِ فرضاً إندو بس فيك ١٠ ٪ ميزو وَ هو عرض أكتافك فقط
أو إندو لكن فيك ٥٠ ميزو تكونين عضل بسرعه و أكتافك عريضة راح يختلف النظام هذا نظام مُتخصص ..
يعتمد حتى على مُحاولاتك و التجربة وَ مدى تجميعك للدهون وَ تمشين على أساسه ، صعب ينشأ نظام عام مكتوب
لأن مانعرف النسب إللي أخذها كل شخص مِن كل نُوع ، يعني صعب ينزل لعموم الناس لكن مُمكن واحد يحلل جسمك إنتِ لوحدك ..
ايه فاهمتك، عشان كذا ماعرف وش اتبع اي نظام
سبق سويت اختبار في موقع bodybuilding وطلع لي 50% اندو و38% ميزو والباقي 13% اكتو
شكرا لك تعبتك معاي ❤️
ويارب اقدر اشترك معك في التدريب من ايام شمواه وانا متحممسه لكلامك عن الرياضه والتغذيه
أسعَد الله يومك بكل خِير آرتوس .
المَوضُوع مُفيد جدّا وَ يُعتبر مرجِع !
باعتقادي الجَميع بلا إسثناء ضروري يقرأونه لأهمية المعلومات اللي فيه .
وَ يعطيك ألف عافية .
فعلاً هُو مهم .. وَ صراحه توقعته مُنتشر وَ معروف
لأن خلاص صار أساس لأي شخص بيتمرن سواء بنادي أو مع مدرب ، أو شخص حاب يحافظ على وزنه
❤️ ❤️ ❤️ ❤️
دائماً لك بصمتك الخاصة بمدونتي
موضوع غني مُمْتنه ارتوس ?
❤️ ❤️ ❤️ ❤️
أسعدت بوجودك
مساء الخير .. جدًا مفيده المعلومات سمات جسم الاكتو يالله كأنك توصفي أحد أعرفه ، هالشخص تعب وهو يبي يسمن وقالوا له بجسمك خوى ههههه وراحوا يكووه رآح أدله عالموضوع وإن شاء الله يفيده ، بالنسبه لي إحترت وش أنا 🙁 يعطيك العافيه آرتوس واشتقت لك واشتقت للمدونه
سلآم يازين طلتك بالمُدونة ..
عادي تُمر على الشباب هالحاله وَ ينقهرون لأن يتمنون يبنون عَضل و يظهر عليهم مجهودهم بالنادي
كُل الحُب ❤️ ❤️ ❤️ ❤️
مساء الزييين كله
واخيراً عرفت النوع فوق كذا عرفت الطريقه
الصحيحه لنظام الغذائي
مااكل قبل النوم كنت اقول بحس بثقل ف المعدهه
بس اصحى ماادري اللي اكلته امس فين راح ?
الله يسعدك سوس ببدأ ارتب لي جدول بدون
مَ احتار ان انا اللي بسويه صح او غلط
ماكان عندي المعلومات الكافيه كلن يقول كلام
غييير بس انتِ نزلتيه بشكل مبسط وينفهم
احووبك ?
ههههههه فَرحتيني يازينك ، هذا هُو الأهم وصول المَعلومة ١٠٠٪
المعلومات كلها مَتوفرة بالمراجع لكن شلون تنقل لنا وَ شلون تبسط هذا هو الأهم ..
❤️ ❤️ ❤️ ❤️
شكرا ارتوس ع الموضوع الجميل ..
بس لحد الحين مو قادره احدد بالضبط
احس انو خليط مابين اكتو وميزو
اكتساب الدهون عندي سريع بمنطقه البطن والخصرر
العَفو ..
طيب عادي مُمكن يكون الإثنين حبيبتي مافي أي مُشكلة ..
بكذا أثناء التمرين تجمعين بين كذا نوُوع ، وَ تلغين نوع على حساب نَوع ..
مسألة تعويضيه ❤️ ❤️ ❤️ ❤️
ماشاءالله موضوعك جدا جميل واول مرة اسمع المعلومات هذي جد طرحك دايم مميز وجميل
❤️ ❤️ ❤️ ❤️
أخجلتم تَواضعنا
احترت انا ميزو ولا اندو ? شكل جسمي اندو بس نحيفه زي ميزو ؟ شكلي اجرب النظامين ??
عادي الإندو ممكن يكون نحيف بس إهتمي بالمزايا الباقيه
وَ قد تكونين خليط
الموضوع رائع رائع رااائع بششكل ؛ دائما تبهرينا يا آرتوستنا ؛ الآن ماشيه بنظام بول مكنا في كتابه استطيع أن أجعلك نحيفا ومن ضمن نصائحه/1 الأكل ببطء و2/الأكل عند الجوع الحقيقي وليس العاطفي و3/آكل ما أشتهي لا شيء ممنوع لأن سوو دراسه عالأطفال وانهم يأكلون وجبه متزنه رغم تنوعها اذا مشى عالفطره و4/أوقف اول الشبع قواعد ذهبيه اربعه مع شرب الماء وعتزال الطبق النظيف بحيث تتركين على عمد في طبقك كميه حتى تتعودين انك اذا شبعتي تتركين ما بقي .. موضوعك جذبني ع الرياضه شيء ممتاز ومتحمسه مررره للموضوع الثاني ؛ ربي يجازيك بجناته كثر ما تفيدينا ؛ ارجوك يا آرتوس ثم ارجوك لا يهمك الناعقين او المتحجرين هنا معلومه وفائده يبون اهلا وسهلا ما يبون معسلامه احنا والله نستمتع بحروفك ونستفيد منها وتكون ببالنا والله اني ما أنسى شي قلتيه ومرجع لي دائما حتى الثرثره والله احيان ارجع لها لأني استمتعت فيها واثرت فيني وحبيتها فأرجع فقط للمتعه ?استمري حبيبتي والقلب يرعاك بدعواته والدعوات لأمك الله يرحمها يلي ربت فتاة نادره بحق وحقيق من وجهة نظري ؛ غيرتي مني كثير ما أقول الا جزاك الله خيرا ومن قال جزاك الله خيرا أجزل في الثناء ?
طيب آرتوستنا كيف اعرف شكل جسمي وهو مغطيه شحوم ومخفيه شكل الجسم الحقيقي ؟!
الآن حددت قلت إندو لكن خصري مو اعرض من اكتافي خصري مقارب لأكتافي ؛ السمات الأخرى للإندو كلها منطبقه علي ؛ اذا نحفت يبين الآن احس مدري لكن اتوقع الميزو فيه شوي مني يعني بين الميزو الإندو يارب يكون صحيح
عادي ممكن يكون فيك ١٠ ٪ ميزو
وَ ٩٠ ٪ إندو فرضاً ، يعني مثال بسيط جينيفر لوبيز إندو وَ مع ذلك لو إتبعت نظام الإندو ماراح يناسبها
خلاص هي حولت جسمها بالمجهود إلى نسبة عضل كبيرة وَ شحوم قليلة اللهم يبيلها تحرص أكثر على جسمها ..
و ممكن يكون الفرق بين حوضك و أكتافك ١ سم فرق بسيط لا يذكر
فعلاً نصائح ذهبية وَ ياليت أقدر أسوي له نَجمه إنه عَجبني ❤️ ❤️ ❤️ ❤️
لا للحرمان دائماً الحرمان يسبب حالة جوع وَ هوس وَ شغف أكثر مِن اللازم ، الإعتدال
مُمكن الإنسان يتذوق وَ يتلذذ مايشتهيه دُون المُبالغه أتمنى لك التوفيق بنظامك ..
ياشيخة مايخليني أستمر إلا إنتِ وَ أمثالك ، ماعليه بإذن الله يوماً ما يعلمون أن ما طُرح ليس للإفساد إنما للتقريب وَ الشرح
أسعدت بطلاتك وَ دعواتك أثلجت صدري يا سمآ
هو مسميها القواعد الذهبيه الأربع وتكلم عن نقد الذات وكيف انه يأثر ع الأكل والشعور باليأس وقلة الحيله .
كتابه ” أستطيع أن أجعلك نحيفا “جدا رائع وجاب نماذج من مرضاه ومسوي دورات ومعه اسطوانه للإسترخاء و اتمنى اي بنت أو ولد يستفيد منه زي ما أستفدت حتى حالتي النفسيه تغيرت ونقصت تقريبا 41 كيلو وبنقص زياده ان شا الله ?شكرا لأمانيك لي بالتوفيق وانتي كمان اتمنى لك كل توفيق ونجاح ?
أستمرارك غاية امانينا يا آرتوس وكل من يفيد ويستفيد يعرف هذا الشي أقدر اللي مثلك وغيرك من البنات اللي تتقن شغلها وتحدث معلوماتها وتقدمها للآخرين وتفرح بإستفادتهم بلا حسد وبخل معلومات .
إن شا الله يتعلمون ..ودعواتي يا آرتوس لك دائمه وياليت اذا دعيتي تخصين متابعاتك بالدعاء لعلنا نتقابل في جنات عدن ??
يعطيك العافية ارتوس ..
فعلا مهم كل بنت تعرف تكوين جسمها حتى تعرف اللي يناسبها ..
انا فقط من سنة و شهر فهمت جسمي .. و الحمدلله الى الان اشوف نتائج حلوة و مازلت مستمرة لانه مريح
انا إيندو و ميزو مع بعض ?? متعب جدا .. رغم فيه ايجابيات الا ان سلبيات اكثر .. انا سمينه و اتعب مع جسمي رغم ان فعلا بنيته عضلية و غير مترهل زي مايقولون عندنا دبه بس ملمومة .. الدايت الوحيد اللي نفع معي طبعا تحت إشراف أخصائي و الى الان مستمرة عليه الحمد لله اكثر من سنة هو دايت باليو .. لان البروتينات و الدهون بأنواعها ماتناسبني حتى لو نباتية فصرت اقلل منها قد مااقدر .. تكوين جسمي حتى ينزل الوزن كويس لازم اعتماد أساسي شبه كلي على الخضار و الفاكهة ?? .. الالبان غير مناسب بعد. اكثر رياضة مناسبة لي هي بناء العضل اللي بالأثقال و السباحة .. الكارديو نتيجته لا باس بها و لكن اقل بكثير..
حبيت التفصيل إللي كتبتيه ماشاء الله عليك ..
كلامك قد يفيد أحد الأخوات ، سبحان الله كان مِن صالحك إن جسمك رباني ميزو
لكن عندي سؤال لك ؟! كم نحفتي على هالنظام وَ ليش شفتيه الأمثل لك !!
[ طبعاً إذا حابه تجاوبين ] ..
جدًا مفيييد الموضوع وجا بوقته لاني كنت ضايعة شوي واحتاج اسمن ?
بس لو انا ابي اكبر عضلة معينة زي عضلات المؤخرة، هل بيكفيني يوم واحد بس تمرين بالاسبوع ولا احتاج اكثر؟ والبروتين ايش بيكون وضعه بعد ولا قبل التمرين؟ مرة شكرًا لمواضيعك اللي دايمًا تفيدنا اكثر من اي احد!??
يبيلك أكل أكل أكل عشان نقدر نضخم العضله عندك
بدون ما نعدل الأكل مانقدر نسوي شيء لأن جسمك بيحرق كل إللي أكلتيه وَ بتصير عندنا عضله ناشفه
و العضله نعم تتمرن مره واحده بالأسبوع ..
و البروتين تاخذينه حسب نوع التمارين ، صعب أحدد ونوع البروتين إللي تاخذينه يأثر له دور لأنك إكتو مثل ما فهمت مِن كلامك
انا اكتافي والزند عريضه , صدري و خصري ضعيف والفخذ والحوض عريض ، يعني جسمي مزيج بين الاندو والميزو صح ? وشكراًمن قلب للمواضيع الجميله والمفيده جداً ????
حسب نسبة المَزيج ..
وَ العفو نَورتيني يالغالية .. ?
تخيلي من يوم اعلنتي انك راح تنزلينها نهاية المساء وانا افتح المدونه وارجع للسناب واروح انستا مرررره متحمسه للموضوع ..
ابغى اسألك ياسوسو الخفسه تأثر في تحديد نوع الجسم وشكله والا عشانها عضله نائمه فمهما كانت موجوده والا لا يعتبر الجسم نوعه عضلي ؟؟؟
ودمتي بسعاده يارب
أحبك ?????
يا زَينك يا تُوبا ..
بالنسبة للعضلة النائمة مالها علاقة بنوع الجسم ، فيه ناس عندهم هالعضلة ضعيفة وَ فيه ناس لا
بتلاقين كثير إكتو واضحه فيهم و كثير ميزو واضحه فيهم و كثير إندو واضحه لو دققتي ..
?
شكراً أرتوس .. أول مره أعرف عن هذي الأنواع .. أنا إكتو وكللللل الصفات تنطبق علي .. أنتظر موضوعك القادم بشغف ❤️
?
العَفو
مبدعه … و بإنتظار كل جديد لك و مفيد ???
?
اش الجمال هذا …مشكوره كثير عالموضوع الثري والمتميز ..
انا جسمي اكتو بس باكتاف عريضه عظم نحيف بس مشكلتي اول ولاده لي اهملت نفسي باللكل وزاد وزني واللن رجعت الحمد لله ومستمره عالرياضه سنتين تقريبا ولاحظت فرق ونحت الخصر بس الجسم مو راضي ينشد ويصقل والان بديت امل ..هل يحتاج الشد وقت اطول وتكنيك معين .اتمنى تفهمي اش الي ابغى اوصلو .
ومرا ثانيه اشكرك من اعماق قلبي الصغيرون اموووواه ياغلى توسه
العَفو يا جَميييييل ?
بالنسبة لشد الجسم حسب مفهومك للشد ، مثلاً فيه بنات يبالغون بذم نفسهم وَ تقولك مرهله أو مو مشدودة وَ تشوفينها جسمها تمام مافيه مُشكلة
وَ فيه على العكس ، فمفهومك للشد وَش !! و مامدى الخسائر بعد الحمل وَ الولادة .. و الزيادة إللي كونتيها كم !!
وَ نسبة الدهون بجسمك ، ترى فيه ناس وزنهم ٤٠ كيلو وَ فيهم دهون متخيله !! ..وفيه ناس وزنهم ٦٠ كيلو و مافيهم دهون فيهم عَضل
عشان أعطيك الجواب لازم أعرف مقاساتك ، لكن برأيي ٦ أشهر كفيلة بالتغيير ١٠٠ ٪ خاصة إن جسمك غير متعب بإزالة الدهون
اللهم مُتعب بتكوين العضل وَ مو مره لأن فيه نسبة من الميزو
شي جديد جدا علي اول مره اعرفه واسمع عنه !
مازلت احس صعب تحديد النوع حتى مع الوصف اللي حطيتيه ” خصوصا عندي زيادة بالوزن ”
عموما اعتقد اني خليط مابين الاندو والميزو واميل للاندو اكثر
ححاول اطبق الخطوات حقت الاندو خلال هالاسبوعين واشوف لو في تقدم ملحوظ او لا ??
مرره شكرا جعل هاليدين ماتمسها النار
?مع الوقت تعرفين .. المُشكلة أغلب إللي يسوون إختبار لنفسهم مايكونون حياديين ..
فخليك صارمة مِع نفسك وَ طلعي إنتِ وش ..
وَ عفكرة قليل الناس إللي أندو صرف وَ ميزو صرف ، فما ينفع تاخذين نظام واحد وَ تطبقينه حسب نسبتك تعدلين نَظامك لأن كذا بتحوسين نفسك
?
اتوس الحب “”يارب تشوفيني انا هنا هنا وتردين علي?
انا جسمي مستطيل ماعندي مؤخره وفوق اكتافي عريضه
وعندي كرشهه وماعندي خصرر وبالاصح لو نحفت يمكن يطلع وويوضح
ف حسيت انه قريب من ميزو مورف.
ويجمع ايضاً الاندو مورف فخوذي عريضه والدهون بالفخوذ والبطن وايضاً بالزنود كشكل عام جسمي مسطره ? مع بروز الكرشه والصدر فقط?
وحبيت اوضح ان كل ماستخدمت دايت مو بسهوله ينزل وزني حتى لو مشيت ع الدايت بانتظام يعني مره وحده بس كسرت ال٧٠ وزان جسمي
للاسف سرعان مارجع لل٧٦ ??
علماً طولي١٦٣
شوفي بغض النظر عن مقاساتك لكن بقلك شيء أنا أشوفك محظوظه
دائماً البنت إللي عندها صدر أو مؤخرة لاحظي كلمة أو !! يعني يا ذا يا ذا نقدر نوازن جسمها بسهولة
غالباً المُتعب لما تكون مسح من وراء وَ مِن قدام ، حتى لما تسوي ريجيم تخافين تفقد معالم الأنوثة
و المشكلة الدايت ، لأن فرضاً حرمتي نفسك شهر أو شهرين من الأكل طبيعي عندك لستة من عالم المأكولات وَ الأمنيات
مُجرد ما تفكين الريجيم إلا ما تهببين ، وَ جسمك جلس محروم فترة طويلة فأول شيء يسويه راح يخزن مافات وَ السمنة بتكون فورية
فلذلك بعدي عن هالأنظمة ، وشوفي شلون تحافظين على رشاقتك أطول فترة مُمكنة
غير إنه الريجيمات تعود جسمك على كمية أكل قليلة وَ نسبة حرق أقل ، و تضعف عملية الأيض ..
وَ تدرين مُمكن يجي العيد وَ وزنك ٥٠ كيلو أو ٥٥ كيلو أو حتى لو ٦٠ كيلو لكن عضل مو فات !! لو أنتِ مُجتهدة
الموضوع بطل ✨❤️
انا جسمي اكتو بحاول امشي على طريقتك ولو ان السباحه ماخذه كل طاقتي بس بخفف لمرة بالاسبوع لازم ❤️❤️
? إذا أكتو وَ متوازن وَ متعانين مِن النحافة المفرطة ، المقصد جسمك رشيق عادي وَاصلي سباحة
الجسم اندو والاجر على الله
شكرا لانك فتحتي عيوني على اشياء كنت اجهلها جاري القراءه عن الكاربوهيدرات المعقده وراح ارتب اكلي وادخل كمية خضار فيه ويارب انحف
الله يسعدك كثر ما تساعدينا توسه
ليش لا تَزعلين مُمكن كثير يحسدونك عليه ترى !! ..
بس إنتِ حسنيه وَ طوري جسمك .. وَ أستغلي المَزايا إللي فيه ..
?
مشكووووووره ويعطيش الف الف عافيه واخيرا عرفت نوع جسمي الحين خلاص اتوقع ماعندي عذر راح اطبق الموجود وتسلميييييين
أحييك عالهمه العالية ..
?
تسلم يداك علي هالموضوع اللي لو قريته من زمان كان اختصرت على المشوار
نوعيه جسمي اندو مورف سهل اسمن وأزيد كيلو باسبوع
بالرغم تراكم الدهون عندي في الذراع والفخذين لكن سهوله بناء العضل عندي أعطتني فيرم حلو وجسم مشدود في فتره قصيره الا الدهون ماتتزح أبد
ظليت سنوات وانا أتخبط بالرجيمات و تمارين جبليان وغيرها مافادتني الا انها رتبت توزيع الدهون بجسمي
ما أخفيك كميه الاحباط اللي يصيبني بس كنت اتعلَّم من أخطائي
حتى تعلمت نظام الماكروز من بعده عرفت كيف أصلح نظامي الغذائي
تدوينتك وضحت سبب تجاوب جسمي للتغذيه وطريقه التمرين واللي ماشيه عليها الحين وبدت الدهون تنقص بشكل واضح في فتره قصيره
يعطيك العافيه والف شكر مايوفيك حقك ابد??
يا مَليون وَلكم ..
ماعليه عالأقل كِنتِ تحاولين ماجلستي تنتظرين أبداً وَ هالشيء يحسب بصالحك
وَ أتمنى لك تحققين أهدافك المَرجوه ، كُل الحُب
?
صباح الخير
اول تعليق لي في المدونه اللي كل مواضيعها شيقه ومفيده ومَ احس بملل وانا اقرأ اي موضوع
توي عرفتك من سنه تقريباً كان لك تأثير قوي باغلب الاشياء والاهتمامات اللي اسويها???
ماشيه معاك بنظام قص الشعر وجربت طريقه غسل الوجهه ب424 اللي فعلاً خطييرررهه?
موضوع اليوم جداً جمميل وعرفت اشياء جديده ،كنت عارفه ان جسمي وراثه طبق الاصل من امي بس للاسف يغلب عليه نوع الاندو اللي تحطمت فعلاً من اللي قريته عن ذا النوع?
وحقيقي دايم اسوي ريجيم ويكون مفعوله مؤقت وارجع زي قبل واكثر??
كنت متحمسه ابدأ نظام حياه جديد بس بصراحه تحطمت انه صعب انزل دهون وشكلي باقنع نفسي بذا الجسم??
شكراً عزيزي على الموضوع الجميل وعلى مجهوداتك??
يالله زَين جاء المَوضوع إللي خلنا نَتعرف عليك ، نَورتيني ..
وَ فالنا التَوفيق بتجربة نظام قص الشَعر ..
وَ ليش تتحطمين !!! .. صعب لكن غير مُستحيل وَ لو كِنت شاطرة شاطرة مُمكن تعززين جوانب إيجابية عندك
لا لليأس ، بالعَكس هالشيء يخليك تعرفين نقاط قوتك وَ نقاط ضعفك وَ تشتغلين عليها ..
نَورتيني ?
تدويناتك سعاده.. تعرفي سعاده كيف؟.. سعاده للي تحب المعرفه والحقائق✌?..
خاصة في عالم تتكبكب علينا المعلومات متضاربه ومحيره..
كل ما أقرأ واستزيد من تدويناتك أحس بامتلاء معرفي وثراء ف النقطه اللي قراتها?..
طيب نجي للمهم… كيف نشكرك ?
يااااا دِي الكسوف ..
خلاص خليني أشوفك على طُول ، نَورتيني دلآل
?
.. نقطه في الموضوع..
معاكي وحده لم تجد طريق الهدايه في الوزن والشكل ..
لازلت أتخبط وأكره الدايت حتى لو على. سبيل هيلثي فود مو دايت
بس ليا كم يوم باديه ارتب اوراقي والحمدلله متوافق مع ما كتبتيه?
.. بس باقي الرياضه.. هنا لازم موسيقي حزينه شوي((عمر خيرت)) ا..
ياخي أحبها وتحبني بس لسه ماهو زمان الوصل واللقا..
كلها لقاءات سريعه وفين وفين.. متى بس?
آرتوس يا هدايتنا الرياضيه والهيلثيه.. من فييين اجيب اراده للاستمراريه.. لاتقوليلي الحب والرغبه والصورة ف اللاوعي والحلم الجميل والشغل عالعقل الباطن والاحاطه الثقافيه والبصريه… تعبت والله اشتغلت عليها….
أملي انه نظامي الغذائي الحالي يكون خلاله الحل..
ترى أسلوبك يضحك ، هههههههههههه وَ عفكرة أنا أييدك بسالفة الدايت الدايت
لأن الناس ترى مُبالغين فيه ، أنا دايت وَ أنا دايت وَ تصوم أسبوع وَ تفلها أسبوع ، لا هي إللي نَحفت
وَ لا هي إللي حتى ريحت إللي حولها ، أزعجتهم بالدايت عالفاضي ليتها وَصلت ، وَ إذا عرفت بعزيمة وَ لا شافت أحد ياكل مدت البوز
المسألة وَ مافيها خلي خياراتك بالأكل جيدة ، يعني ما أتوقع كل يوم نفسك تهفك على المَحمر وَ المشمر وَ لا !! ..
إذا أكلتي بتوازن وَ أشبعتي ذائقتك وَ الله ثم وَ الله ماراح تخربطين ..
يعني إنتِ لو فكرتي فيها إنه مبدئياً مُمكن خياراتك بالأكل ماتكون بهالإنفتاح
وَ برضو مابتكونين مثل إللي خلاص رشيقين ، لكن مُجرد ماتوصلين بتصيرين توازنين اليوم وَ الله عندي عزيمه !! بكثف رياضة ..
اليوم مِشتهيه أكل أكله دسمه بمشي لي ساعة زيادة وَ هكذا ، مُستحيل يتراكم لأن خلاص عضلاتك صارت قوية
وَ تخلصتي مِن كل الدهون وَ التراكمات ، أنا شرحتها لك بشكل مُبسط ..
مابقلك الحب وَ الرغبة وَ وَ ،بس بقلك إنك تستحقين الأفضل ليش تحصرين نفسك بمقاس وَ وزن مُعين !!
وَ العالم مفتوح لك ، وَ لا تنسين هدفك الصحة أنا ما أدري كم وزنك بالضبط !! ..
لكن الآن إنتِ شابه وَ صغيرة ترى حتى لو كنتِ نحيفة رباني لازم الواحد يبذل مجهود عشان الأمراض
اليوم مُمكن تحسنين خياراتك لأنك بس تبين الرشاقة ،أفضل ما تحسنين خياراتك لأنك بس تبين تصيرين بخير وَ فيك ضغط أو سكر أو قلب ( بعيد الشر عنك )
فالأفضل أصير مُعتدل وَ متوازنه أفضل مِن الحرمان الأبدي لأن الصحة تتأثر بهالعوامل .
آتمنى مِن قلبي تقولين لي بدأت أتغير .. لأن فعلاً لو تغيرتي للأفضل بيتغير شيء بداخلك فوق ٥٠ ٪ وش هالشيء ما أدري
لكن لاحظته بكثير بكثير بكثير ، حتى فيه بنت يلجأون للعزلة بسبب وزنهم أو بسبب نظرة مُجتمع ، أو لأنها تنقهر إنها مو مثل البقية
فأنتِ تستحقين تكونين مِثلك مِثل غيرك .. محداً أفضل مِن أحد
( وَ أرجع أقول ما أعرف كَم وزنك .. لكن كتبت لك هالكلام تضامناً مَعك .. )
صبآحك سعاده ?
كمية الحب اللي قاعده توصلينها لنا فضيعه ❤️ سعاده ي رب م تفارقك وبإذن المولى دائماً متميزه ❤️
ياحُبي لك .. يكفيني كلامك وَ الله
? آمين يارب وَياك
كالعاده مواضيعك كل واحد احسن من الثاني
الله يسعدك يا ارتوس
من جدد مراا مشكوره على تعبك وجهدك
دائماً نتعلم منك ♡
عندي سؤال هل في امكانيه اسجل معاكي
في التمارين الشخصيه ؟
دمتي ??
أول أسبوعين بآخذ عدد بسيط فقط أشوف مدى تأقلمي مَع البنات لأن التدريب عن بُعد يعتمد هل المُتدربات ومدى نقلهم مقاساتهم وَ أوزانهم بدقة
وَ مدى فهمهم لشروحي ، أنا مِتعودة أنقل تماريني لمُدربات النادي وَ هم يوصلونها للمتدربات ..
لكن راسليني وَ أول مايكون فيه شاغر ليش لأ !! .. بالعَكس يسعدني أتعامل مع البنات إللي يعرفوني مِن زمان
القريب أحسن مِن الغريب ?
كل ما أفتح التسجيل بَعلن وَ كل ما أغلقه راح أعلن وَ هكذا ..( يعني بتكونين على إطلاع بإذن الله ) ..
أهلين ارتوس من زمان اتابعك من ايام المنتديات لكن أول مره أعلق على بوستاتك..
هذا الموضوع يهمني مره، لأني أحاول أزيد وزني لكن بنفس الوقت اخسره بسرعة، شكل جسمي كمثرى أكسب وزن بسرعة بس نفس الوقت اخسره بسرعة
يعني ممكن بأسبوع أو أسبوعين أكسبه وخلال أسبوع واحد أخسر كل الوزن كذا بغمضة عين 🙁
سويت رياضة برضو أنزل بسرعة أكيد أن أغلبه دهن اللي يروح، بس العضل كم يبغاله حتى يتكون مكان الدهن ؟
أبرار مُمكن حتى إللي ينزل عضل مو شرط دهن ، فمو أي تمرين تمارسينه خاصة التمارين الهوائية ( الكارديو ) قللي قدر المُستطاع
مرة واحدة بالإسبوع بالنسبة للكارديو وَ أشتغلي على بقية التمارين ..
توقيت الأكل مُهم بالنسبة لك مِتى تاكلين مانبيك تحرقين .. وَ أرفعي معدل السعرات الحرارية إللي تتناولينها
يعطيج العافية ❤️❤️ جسمي اندوو للاسف ? سؤال محرج .. جسمي طبيعي بس الصدر عندي كبير بزياده اكبر من جسمي وشاذ شكليا ? في حل غير العملية؟ تعبت اسوي تمارين ماوصل للنتيجه الي ابيها مايصغر ? اتمنى تتكلمين عن هلموضوع لانه ازمه نفسيه ?
فكري بالعملية بعد إستنفاذ الحلول ..
يعني لو عمرك صغير يكون الصدر مبروم وَ منفوخ ، فمرات مع العمر يطيح الصدر و يترهل مما يعطيه مظهر أصغر
و مرات مع الحمل و الولادة يكبر بس يرجع يصغر ، فما أدري كم عمرك عشان أقولك صغريه من ثم تكتشفين إنك تحتاجين الكبر إللي أستئصلتيه
و التمارين الهوائية تصغر الصدر ( الكارديو ) .. ماعندي تصور عن مقاساتك و تناسقها مع جسمك و طولك
ممكن إنتِ تشوفينه مو حلو وَ هم مقاس بيرفكت ..
سلمت يداك وحُرمت على النار باْذن الله حبيبتي أشكرك على الموضوع جدا مفيد وجسمي اندو وينطبق على اغلب الكلام وأتمنى أشارك معاك وتختاريني لأني بجد احتاج لك عندي موعد عمليه بعد ثلاث أشهر واحتاج انزل وزني بالرغم أني حاولت كثير ومحاولاتي بائت بالفشل
?
آمين مَشكورة لدعواتك يالغالية ..
وَ ماتشوفين شر سلامتك ألف ألف سلامة ، خلاص مُجرد أفتح باب التسجيل بعطيك لستة أسئلة وَ أشوف وَش ممكن أسوي
لكن سبب العملية وَش ؟! لأن إذا فيه مشكلة صحية معينة مرات ممنوعه الرياضة ، فإذا رياضتك المطلوبة منك مجرد ركض أو هرولة أقولها لك مِن الآن
حرام تشتركين مَعي ، مضيعة مال عالفاضي اللهم بتكسبين المُتابعة الإسبوعية لك ..
يسعد صباحك موضوع بطل وبصراحه انا جسمي عقدني
وانا ما احب التقييد يعني كلي كذا تعشي كذا تغدي كذا
احب ع مزاجي معقدني هالمزاج اشتركت مع كوتش ولا التزمت
كله عشان التحديد بس دام عرفت نوع جسمي يبغالي مقاومه
بعدها كارديو وبالفعل لازم كارديو مرات عديده عشان تذوب هالشحيمات
بس فقرررر الدم عقدننني ماينزل وزني ثابت له ٣ سنوات مستوعبه
عشان فقر الدم وانا بين فتره وفتره اشرب زبيب وكذا عشان اذا
استمريت القى نتيجه وافرح ويكون حافز لي سعدت بالتعليق وبيالموضوع
البطل وكالعاده مدونتك مواضيعها ممتازه ومفيده شكرآ لك ❤️
هو مبدئياً مرات لازم الواحد يلتزم بنظام مُعين لين تزيلين الشحوم وَ توازنين وزنك بعد كذا بيكون روتين حياة طبيعي مُعتدل ..
و الزبيب مشكلة صراحة ، لكن لو قررتي تشربينه أشربيه بوقت نشاطك أو دوري بديل له لأن سعراته الحرارية عالية
وَ نورتيني يالغالية ❤️
اهلين سوس ..
الموضوع خرافي ?????
اممم انا حسيت جسمي ما بين الميزو و الاندو و يميل للإندو اكثر .. رغم اني مو سمينه ..
لكن مؤخراً و بسبب الحمل زاد وزني ٩ كيلو تقريبا .. و بدأت الاحظ سيلولايت بالافخاذ . . رغم اني شكليا لسى محافظة على منحنيات جسمي و لسى متحدد .. ” وزني قبل كان ٥٥ ” و كنت نادرا ما اجوع و اذا جعت اقل شي ممكن يشبعني ..
و سهل اسمن و سهل انحف .. ..
اممم جا ببالي ارسل لك صورة لي يمكن تعطيني المعلومة الأكيدة هل انا فعلا ميزو اندو او لا ..
يبغى لي ارجع اعيد الموضوع اكثر من مره من كثر ماهو ثري و معلوماته مركزة !! ❤️?
و شكرا من اعماق قلبي على هالعطاء اللي ماله مثيل ..
❤️ ..
وَ عادي مو شرط تكونين سمينة عفكرة لاحظي قلت ماله علاقة بالوَزن ..
وَ الحمل تغيرات هرمونية وَ حياة وَ طفل جديد طبيعي يصيبك كل هالتَغيير ..
وَ ممكن تكونين جامعة النوعين بنسب مُختلفة
نورتيني عروب الحُب
ارتوس حبيت التدوينه وجسمي اندومورف ننتظر الموضوع الجاي بشغف …. على فكره اسلوب مبسط ومفهوم ماقصرتي معنا الله يجزاك كل خير ♡♡
❤️
هلآ بالطَش وَ الرش ..
قلوب لك
طلعت اندو ميزو ..اختصرتي علي كثير ي حلوة ..من جد الله لايحرمنا طلتك و تدويناتك الملهمة.
❤️
آآآآآوه بحبيبة قَلبي
مببببببببدعة دائما وابدا مميزة بطرحك للشي النادر والقيم اول مرة اسمع بطريقة تقسيم اشكال الجسم كان المتداول شكل الكمثرى التفاحة…الخ ياحبيلك والله ماتدرين قد ايش استفدت ربي يكتب لك اجر كل حرف افدتينا فيه
❤️ يازينك أمجاد ، دائماً طلاتك غير
الله لا يحرمني
موضوعك بطططططل ارتوس واول مره اعرف هالمعلومات مع اني اتاابع كثير مدربين وسجلت بكذا نادي ومع مدربين شخصي والنوادي خارج السعوديه ومع ذلك اول مره اسمع هالمعلومات ?الله يجزاك الجنه ياارب.
جسمي تنظبق عليه جميع مواصفات الاكتو ولكن الاكتاف عريضه والصدر كمان، والبطن والخصر دهون. وجتني اصابه رياضيه من التمارين ولاقدرت اعالجها وماني عارفه كيف اكمل تمارين واقوي هالعضله ?
يعني حتى المدربين اللي دفعت لهم مااستفدت منهم.
بليز ارتوس اقبليني عندك بالتدريب والله جدااا محتاجتك ❤️
مرحبا يا زينك وَيَا زين مواضيعك من جد رائعة يسلم هالايدين .، شكرًا ارتوسه
شكراً حبيبتي على المعلومات المفيده
ياربااااااااه انتي مستحيله
تفردك بالمواضيع عجيب غريب
حقيقي فهم الوحده لجسمها وكيفية التعامل معاه شي اساسي اذا كانت حابه تتبع نظام معين،، وللاسف الشديد مراكز التنحيف يتعاملوا مع الاجسام على انها قالب واحد ،، ما عمري اقتنعت فيهم،، كوبي لورقه وحده وتتوزع على الكل
امارس الرياضه بالبيت لاني نفس الشي ما عمري اقتنعت بالمدربات الموجودات عندنا،، نفس التكنيك لكل البنات،، انتي دايما تكملي الناقص شكرا شكرا شكرا ونتطلع للمزيد
حقيقه مدونتك كنز ثمين
أحب مواضيعك من جد نادرة واستفيد منها ❤️❤️❤️❤️❤️
ياللله موضوعك جا ع الجرح ??.. انا جسمي ايترو ? ابد مستطره ??
جد اعاني من ناحيه النحافة وغير كذا فعلا حاولت مع الرياضه انو اقوي العضل بس ماش ما لقيت نتيجه قويه ..
جد هاذي المعلومات كثير من الناس يحتاجوها وحتى النوادي المفروض يطبقوها عندهم ☹️
جد مرا اسعدتني هاذي التدوينه ??
اقصد اكتو *?
صباحك ومسسساك احلى من العسسل
كان من المفروض يكون هالرد البارح بس النوم سلطان “_
موضوعك بطل بطل كثير تكلمو عن الفكره بسس ابدن مو نفس ماتكلمتي انتي سبحان الله فيه فرق بين الي يتكلم عن علم ومعرررفه بالموضوع والي جالس يتكلم لمجررد الكلام والتدووين فقطط!!
احييّ فيك هالروح المعطأ دائماً بدون ماتنتظرين شكر احد
تبارك الرحمان حقيقة للحين مااشف مثلك ولاراح اشوف !
دائماً اقرا وش نوع جسسمك كمثرى ولا ساعه رمليه
ولا تفاحه ومن هالمسميات بهالتدوينه ماقريتها ابدن
من وين طلعت طيب مسميات الفواكه الي انتشرت؟!
انا جسمي قريب بين الاكتو والاندو اكثثر شي لان تقاسيم جسمي شبيه بجسم جينفرر لكن مع عوامل التعريه تغير شوي خخخ
مره شكرا يا ئلبي موضوعك جدا جدا افادني
الله يخليك يارب لعين ترجيك ويخليك لنا يا سوس ❤️❤️
جسمي اندو وفعلا مثل ماذكرتي وانا اتبع نفس الخطوات الي كتبتيها وفعلا ماينحف بسهوله
مشاء الله عليك ارتوسه معلوماتك حلوه ودقيقه
حطيتي النقط على الحروف بالنسبة لي .. كنت افكر كيف تختلف الاجسام عن بعض ووش اللي يفرقها
يعطيك الف عافيه 🙂
رائعه كالعاده
كل فتره تفاجئنا بشي جديد
تشكر ع المعلومات
لك كل الحب
اهلًا إرتري
من زماااان ما تفاعلت معاك في المدونة كانت ظروفي شوي مربكة ..
حسّيت ان طبيعة جسمي أكتو كل الصفات منطبقة باستثناء الطول ?
يعني كنت أفكر انه لازم ما اكل الا وقت الجوع وإذا مشيت على ذَا النظام انحف مرره ، صار لي ظروف وتنومت بالمستشفى ونحفت 8 أو 7 كيلو بعشرة ايّام بسبب ذَا النظام ، ? ما احس بالجوع أبداً ..
يعطيك العافية وما عليك من الناس الذي يتكلمون ، هم يستفيدون لكن ما يشكرون ?
?????✌?
يعطيك العافية هالموضوع سمعته من المدرب فواز الي طاسان بس يادوب فهمته لكن اسلوبك جميل وبسيط ومفهوم واعتقد جسمي الاندو اسمن بسهولة ولكن صعب انحف وشكرا وكلي حماس للمواضيع الجاية
ارتوس .. انتي موسوعة ماشاءالله عليج .. وأقدر جهودج الجبارة لاني عارفة انج تعبانة عليها .. وماتعطينا إلا ذو الجودة والفائدة الأكبر .. عموما .. أنا ماحفظت الأسامي بس عارفة تفاصيل جسمي .. انا جسمي كمثرى بس مو شاذ يعني مافيه وايد فرق بين الارداف والكتف والصدر .. شي بسيط يعني .. اكتافي ضيفة وصدري صغير وخصري نحيف واردافي مليانة شوي .. وعظامي نحيفة وبنيتي صغيرة وطولي متوسط مابقول قصيرة خخخخخ 156 طولي ?.. ومش من النوع اللي يزيد وزني بسرعة .. ولو كنت رياضية أحس اني بكوّن عضل بسرعة لانه جسمي قابل للتغيير .. كل هذا اللي كتبته كان سابقا بس من 3 سنوات تقريبا زاد وزني وكبرت بطني وزاد عرض خصري للأسف .. وحاليا حامل .. فإن شاءالله ناوية بعد الولادة أشتغل على نفسي صح لاني عرفت انه عظامي ماتتحمل الوزن الزايد .. غير انه حركتي ونشاطي خفوا وصرت خمولة وكسولة .. متشجعة والله لتعديل جسمي لانه لين اهنيه وكفاية .. موضوعج حمااااس من الآخر ارتوس .. أحبج والله ❤️
موضوع جدا رائع
بانتظارك بالغلا للموضوع القادم
ايوا صح كلامك شكله جسمي اكتو وعشان التمارين كنت اسوي يومين سكوات ويومين اجهزة للجزء السفلي عشان تكبر منطقة المؤخرة بس بعد ماقريت موضوعك قررت اخلي يوم سكوات ويوم اجهزة بس، افضل كذا صح؟ ايش نوع البروتين اللي ممكن احتاجه مع هذي التمارين؟ وشكرًا قد الدنيا على مواضيعك اللي دايمًا تفيدنا ?? وعلى فكرة تحمست لفكرة جدًا لفكرة التمارين الشخصية اللي بتسوينها واتمنى اني اقدر اسجل معاك ??
رديت وَ تبقى لي ٨٠ رد بإذن الله بكره أكمله ..
حان وقت نومي ، تصبحون على خير ..
تلاقي الخير يارب ❤️
يسعدلي قلبك ارتوس ??? الله يرحم ام ربتك ويجمعكم ومن تحبين في جناته ❤️❤️
ماشاءالله تبارك الله اي معلومة دسمة تبسطيها وتخليها سهلة ❤️❤️
حبييييييت التدوينة تحممممس للي جاي ?? احس حمااااس مع كل حرف مراا شكراا ارتوس جسمي خليط اكثره اكتو وقليل من الميزو اكثر حاجة محبها صعب يكسب عضل وسسسسهل يفقد دهوون بس الحممدلله المظهر الخارجي صار يمميل لـ مميزو وذا الي اشتغل عليه انه اكسب عضل وانبسططططت انه نفس وقت الراحه بين التمارين الي اتبعه وعدد التكرار يعني انا ماشيه صح ?? الله يبشرك بماا تتتمنين يارب ❤️
وبليز ارتوس عندي مشكله صغيره انه مع ضغط حياتي والامومة وانا ابغا اكسب عضل احتاج اكل اكل اكل وبرووووتين احيان تمر ايام صعب اكسب كل احتياجي من الاكل احس لازم اعوضه ببروتين باودر فيه نوع معين قلبي تنصحيني فيه ! وشكرااا من كل قلبي علي كل حرف تقدميه لناا ❤️❤️
دمتي بحب ❤️
مساء الورد
موضوعك يهبل والله
جسمي اكتو وللاسف كنت العب بوزن عادي وتكرار عالي
بس الحين عرفت
ولي كم يوم اقرا التدوينه بس الظاهر تو استوعب هههههه
.
.
شكرا اد السماء ارتوس القلب ❤️❤️’
شكراً ارتوس انتي مميزة جداً افخر بمتابعتي لك
والله يارتوس ماعرف اعبر لك واشكرك??
لاكان لك دعوة بظهر الغيب??????
Thank you lovely Sos..
As always full of new and beneficial information ..
with love
Sophie
ما أقول غير يا حظنا فيج ، بجد تدويناتج إثراء للمحتوى العربي بشكل كبير ، تقدمين المعلومه على طبق من ذهب بحُب وبسخاء ، البنات يدورون دواره على مثل هالمعلومات إللي تختصر لهُم وصولهُم لهدفهم بمعرفتهُم بتفاصيل يجهلونها وأنا منهُم ، برافو يا أرتوس ، مواضيعج ولا أروع ، وحده مثلـج أرفعلها القبعه إحترام وتقدير لجهودج ، شُكرًا
والله دايمًا كنا نطمع للمواضيع إللي تطرحينها خاصةً بالفترة الأخيره ، مواضيع مُميزه ، أساسًا تحمست للتدوينه أول ما تكلمتي عنها بسناب :*
تسلم أيدج سوس ( قلوووووب )
اهلين ارتوس
كتبت رد ونسيت ارسله ليش شنو الي شغلني ما ادري ؟!!
المهم ي بطله انتي ومواضيعج الجميله
قبل فتره حاول زوجي يكلمني عن ذي الانواع وانه والله قلت لا شكله علم وراح ينفى واهو يتمرن ع اساسه وياكل ع اساسه والاحظ التغيير ما شاء الله بس مب مقتنعه ليش ما ادري ههههه يمكن ما ابي اعور راسي وابحث
الحين لما حطيتي المعلومات يزاج الله خير صح والله طلعت نمطي والحمدلله من بديت رياضه صحبح اكتسبت عضل بسرعه ما شاء الله
عساج ع القوه لا عدمنا وجودج *بوسة* اخاف احطها ايموجي ويختفي الرد هههههه
موضوعك كالعاده رائع ويوعى ساعدنى على فهم جسمى بشكل أكثر قريت قبل كذا عن انواع الأجسام بس ما كان فى موضوع وافى ويشرح زى موضوعك ،، أتوقع جسمى 80 % أندو 20 % ميزو خصرى صغير الدهون تتجمع بشكل واضح فى الفخذين بذااات والساقين ما أقدر البس خلخال ? واعلى الذراعين ( الزند ) وصدرى صغير مؤخره بارزه بس مو كبيره اكتافى مو عريضه مافى دهون فى الظهر او الخصر طولى 151 عظمى مو عريض عموماً الا الساق من تحت مادرى كبرها دهون ولا عظم ،، يناسبنى النظام العالى فى البروتين والدهون وقليل الكاربوهدرات وزى ماقلتى النوع المعقد منها واخذه من الخضار عموماً أشبع بسرعه وجبه صغيره تكفى وكنت الاحظ ان اكلى اقل من اللى حولى بس وزنى اكثر منهم ،، لازم تكون بروتين كاساس وامتنع عن الخبز بذات ولغيت الحلى والسكر والفواكه ? وقتها بس قدرت انزل وزنى ولله الحمد مشكلتى احب الحلى البسبوسه الكيك يعنى لو اكلت 3 مرات فى اسبوع وزنى ينط اللى خلانى اسوى هذا النظام انه الدورة الله يكرمك كانت نزل بغزاره وصار الهيمجلوبين ينزل بشكل كبير الين وصل 8 وصار تجينى دوخه فابتديت فيه علشان ارفعه ( ما اقدر اخذ حبوب حديد تتعبنى ) وقتها ماكان عندى ميزان كنت فى مدينه غير اللى اعيش فيها وخلال شهر الكل لاحظ الفرق فى الشكل وتغيرت مقاساتى برغم سويت دايت قبل كذا كم مره ولا بين في جسمى ،، ولدى الكبير اندو 100% عمره 13 وولدى الثانى 11 سنه غييير 90 %أكتو و 10 % ميز اتوقع لان عنده مؤخره صغيره ? عكس الكبير اللى ميح من ورا فهمت اجسامهم أكثر بعد موضوعك ? ومره مره مبسوطه لانهم ابتدو يهتمو ويسوو تمارين علشان يبغو بنيه عضليه وموضوعك جا بوقت مناسب علشان اساعدهم
اتعب من الرياضه بسرعه ? بس ممكن امشى ساعتين واكثر عادى بس فى منطقه مفتوحه ابداً ما احب اجهزة المشى لو 5 دقائق اتعب ،،
مهما شكرتك ماأوفيكى حقك أنتى أنسانه رائعه معطائه لأبعد أبعد الحدود ماقد قابلت انسانه زيك لا فى الواقع ولا السوشل ميديا الحمدلله أن ربي وفقنى ويسر لى معرفتك اللى كل يوم تضيف لحياتى ومعلوماتى وشخصيتى الكثيييير أحبك ياغاليه على قلبي وأسأل الله أن يمن عليكى بالسعادة والحب والأستقرار دائماً وأبداً ويحميلك كل عزيز غالى على قلبك وأن يجمعنى فيكى فى جنة الفردوس ❤️❤️❤️
صباح /مساء الورد ..
بصراحه قرات الموضوع لحظه طرحك له لكن توها سنحت لي الفرصه ارجع اقرا بتمعن اكثر ..جسمي بطبيعته يميل للإندو وكنت عارفه نوعية جسمي لكم اجهل كيفيه الاكل والتدريب المناسب
شخصيا احب الرياضه جدا جدا واتحمس لها
الخطأ اللي يقتل جهودي هو نوعية اكلي
للحق ..بدايه معرفتي للرياضه كانت لمجرد خساره الوزن لكن بعدين ادمنت ادمنت ..
كثيييير مواضيعك فتحت مداركي ع اشياء كنت غافله عنها او مااعرفها
:
وابدا ابدا ماطلعت من اي تدوينه لك وقلت بنفسي ( ايه كلام معروف ماجبتي شيء جديد)
بكل مره انبهر بكميه المعلومات اللي تنضح بها كل مدونه
ولو كانت التدوينه قصيره ماشاء الله تبارك الله (تشوك تشوك قوزال )
اشكرك على كمية العطاء اللامحدود بجد اللسان يعجز عن شكرك
كللللي حماس للمواضيع القادمه
بحبك سوس ..
في الجامعه اتابع البنات واجسامهم واقول ميزو
وهذي اكتو
هذي جامعه اندو واكتو
شكلي يضحك مره تحمست مع الموضوع ??
مشكورة حبيبتي على الموضوع الجميل و المميز كعادتك ماشاءالله?
انا نحيفة بس وزني يتركز بسيقاني و شكلها مو على نحفي ابداً و المناطق الانثوية عندي مو بارزة ايش التمارين اللي اعملها و ايش نوع جسمي؟
العَفو يا قَمر ..
توزيع الدهون عندك وَراثي ، غالباً السيقان المليانة يتبعها مؤخرة كذلك
فيكون جسمك كُمثري ، يمكن تقصدين الصدر صغير !! ..
ممكن يكون جسمك من الآسفل إندو ما أقدر أحدد بهالشكل العَشوائي .. فيه عدة عوامل
يعني مُمكن تكونين نحيفة بس أساساً أكلك قليل ، أو نحيفة لأنك تتحركين مثلاً كثير وَ إنتِ طالبة جامعية
تنصحيني بالسكوات؟
لانه يقولون تكبر الموخرة و تشد الساق ؟
يعطيك العافيه سوس … هالمعلومات اول مره تمر علي مع اني دايما اصنف اجسام الناس بالنظر مثلا في ناس مهما ضعفوا يكون الجسم مبروم وناس تكون كل العايلة تميل للنحافة وضيق الاكتاف بدون تضاريس … طلع معاي حق ههههه بس ما كنت عارفة عن هذا التقسيم
اعتبر نفسي اندو بكل الخصائص بس باكتاف عريضه وتقريبا كل افراد عائلتي بهالشكل
مجهود رائع … شكراُ من القلب
أنا الأكتو 100%… وعاجبني الحمدالله
بس لأني عروسة و زواجي قريب صرت أركز على المؤخرة و الصدر
مره نفسي يصير في جسمي أنوثة .. بالأخص المؤخرة
حالياً ألعب سكوات و أشرب حليب كثير و يارب ألقاء نتايج في الأشهر الجاية .
هذه النقطتين مافهمتها ؟!
• التركيز على الأوزان الثقيلة ، وَ أخذ راحة دقيقة بين المجاميع وَ ٥ دقائق بين الحركات
• التمارين قصيرة وَ مُكثفة وَ التركيز على مجموعة العضلات الكبيرة
ارتوس ما معنى 8 مجموعات بخصوص الإندو مورف هل هو الجولات يعني كل جزء ثمان جولات بتكرارات كثيره
وأيضا بأوزان متوسطه في حدود كم ؟!
واعذريني عالتساؤلات الكثير لكن منك نستفيد وجزاك الله كل خير ومتعك بالصحه والعافيه
موضوع جميل وماسبق طرح صراحة
الله يسعدك ويكتب لك الاجر
اهلين ارتوس مره شكرا عالموضوع الجميل
مازلت متخبطه ومااعرف الطريقه الصحيحه لأني توي باديه بالنظام الرياضي وأمل بسرعه أبي نتيجة سريعه ?
جسمي الحمدلله زين بس ابي شد وعندي كرش بعد الولاده هي اكثر شي متعبني جسمي بين اندو وميزو عندي خصر نحيف وارداف وافخاذ وسيقان كبيره وصدر صغييير جسمي واضح فيه الشحم اكثر من العضلات اكثر شي ابي ينحف وينشد سيقاني لأن منظرها ابد مو أنثوي وكرشي ومازلت احوس مالقيت نظام امشي عليه وبنفس الوقت ابي صدري يكبر شوي وماأبي انحف ماادري وش اسوي واذا ممكن تسجليني في تدريبك لأني أحسك المنقذ ??
رجعت لهالموضوع، شكرًا جزيلًا أرتوسة، أنا اكتومورف حاليًا وقيد التعديل والتزبيط وبديت أعدل نظامي الغذائي..
قريت التدوينة وقلت يا سرع السنيييييين مرت ست سنوات عليها!