صَباح / مَساء آخر يَوم بالسنة الجَديدة
[ عَندي تَوضيح ] ..
في وَحدة قالت أنا ما أعترف إلا بالسنة الهَجرية ، إنتِ ليش تعترفين بالسَنة الميلادية ؟
[ تَرى كان سؤالها وِدي مُجرد إستفهام ] ..
لأن الحياة مَترتبه على السَنه المَيلادية ، مَيزانية الدَولة ما تَنزل على السنة الهَجريه ..
وَ كُل دول العالم يَحسبون بالمَيلادي ترى مافي إلا السعودية على حَسب إعتقادي وَ أنا مُتابعيني مِن كُل مَكان
وَ ترى حتى أنتم بالدَراسة ما تمشون على الهَجري ممشيينكم عالمَيلادي ( حَتى لو أتبعتوا النَظام الهجري )
إجازاتكم مَحسوبة بالمَيلادي ، إجازة صيفية وَ إجازة ربيعية ( نظام شَمسي ) وَ ليس ( نظام قمري مَثل السَنة الهجرية )
كأشغال يَهمني الميلادي ، كل عمليات الجرد تَتم آخر السنة بجميع المؤسسات لأن إنت ما تَشتغل لوحدك بهالعالم
البنوك العالمية تَعطل ، وَ كل الشركات وَ المؤسسات تعيد سياستها وَ ترتيباتها بداية كُل سنة أكثر ترتيباً وَ تنظيماً
هذا نَظام عالمي ، هَذه كُل القَصة وَ لا تهمني الأعياد الدَينية المَسيحية وَ لا اليَهودية ..
صَحيح المجموعات وَ الفاشن … إلخ ينزل ( كتصنيف مَجموعات حسب الأعوام الميلادية )
بخصوص السَنة الهجرية بَجوالي مَنزلة تَطبيق السنة الهجرية لأن برضو يَهمني مواعيد الصَلاة وَ الأذان وَ الإقامة
وَ يهمني أعرف بدايات كُل شهر هَجري ، يَعني أمشي عالإثنين وَ بكل مُناسبة هَجرية أعايد أحبابي ( إن شاء الله إتضحت الصُورة )
نَخوووش على مَوضوعنا ،’
هالسَنة تَجاربي الجَماليه إختلفت عَن السنوات إللي قَبل ، صِرت أكثر جرأة بتجربة أمور جَديدة خص نَص الأمور الطَبيعية
فيه مُنتجات وَ وصفات أعجبتني لفترة ثُم جَربت إللي أفضل مِنها وَ فيه مُنتجات وَقعت فَي غَرامها وَ إستمريت عَليها طَوال العام
راح أعرض لكم بهالموضوع المُنتجات إللي إستمريت عَليها طوال العَام دُون تَوقف
فكرت أرتبها كَعد تنازلي مِن الأفضل للأكثر أفضلية هههههه مِن كثر حُبي للمنتجات ماقدرت أسميهم إلا بالأفضل
لكن فعلياً ماقدرت أعطي رَقم للأفضلية لأن أغلبهم بنفس المُستوى ( حَسيت كني أقول بطة بَطتكم بَطت بطة بطتنا لووول )
المُنتجات إخترتها بناء عَلى تجربتي لها خلال عام ٢٠١٥م
أفضليتها إللي خَلتني أستغنى عن مُنتجات مُفضله لي وَ أستبدلها بها
وَ لا عندي مُنتجات مِن زَمان جربتها وَ مازلت مُستمره عَليها لكن أعتبرها مُفضلتي مِن سنين ( أحس ما يَحتاج أذكرها هِنا وَ لا !! )
أيضاً مو مَعنى كُل إللي جربته ما حبيته بالعكس أغلب تجاربي نَاجحة هَالسنة بس هالمُنتجات إللي تخطر على بالي لما أفكر أخذها بشنطة
INVERSION METHOD | الأنفيرجن ميثود ~
صح إن هالطريقة مو مُعترف بها علمياً ، وَ على إنها مُثيرة للضَحك وَ ماتدخل مُخ عاقل وَ مستغربة شلون جربت شيء من هالقبيل
إلا إني أدمنتها مِن يوم ما إكتشتفها ماوقفتها إلا لشهر واحد .. للإطلاع عالمَوضوع ( إضغطي هُنا ) ..
حَسيت بفرق بطول شعري خاصة ببدايات التَجربة حتى شعر الحاجب زاد نموه ، أيضاً حسيت بفرق بالحَيوية وَ مظهر الشعر
يوحي إن الشعر أكثر كثافة ،حمسني للعناية بالشعر وَ الحِرص عليه أكثر لأن النَتيجة فَورية
زيت جوز الهند البكر ~
هالزيت ما أدري أضيفه للأكل وَ لا للشعر بس الشعر أشوفه الأنسب
صح إن جوز الهند شيء قديم بالعالم العربي وَ بمنطقتنا تحديداً مِن زَمن جداتنا وَ هم يستخدمونه لكن مُرتبطة ريحته بذهني بالإزعاج
لكن مِن يوم إكتشف جُوز الهند البِكر وَ أنا حابته لأن ريحته أشبه بالباونتي مو بالزيت ،حبيته حتى بالأكل ..
صَحيح إني ما أستخدمه كثير للشَعر بحكم إني ما أستحمل إحساس الزيت بشعري لكن وَقت العُوزه يبيض الوجه خاصة بالوصفة الأخيرة إللي مع الليف إن ، للإطلاع عالمَوضوع ( إضغطي هُنا )
غير إن ريحته شَجعتني أسوي تجارب به مِثل تجربة السَحب بالزيت لتبييض الأسنان ، للإطلاع عالمَوضوع ( إضغطي هُنا )
TANGLE TEEZER | فرشة التانقل تيزر ~
من يوم ما شَريت الفرشة وَ أنا أستخدمها يومياً ، رُغم إن فيها بَعض العَيوب كونها ما توصل لكل مَكان بالراس بَسهولة إلا إني أشوفها أفضل المَوجود ، أتمنى يكون فيه نُسخه أفضل مِنها نتلافى فيها كُل العيوب
إيه صح لاحظت بعد كأن اسنانها بدت تميل أو أنا موسوسة بزيادة بس مازالت في حَالة مُمتازة مدري إذا بتستمر معي على مَدى سنة كاملة
للإطلاع عالمَوضوع ( إضغطي هُنا )
الشامبو المُنقي مِن لوريال بروفيشنال ~
عملي وَ سهل وَ ينقي الفروة وَ الشعرة ، جربت مُنتجات مُنقية أشبه بالمُقشر جيدة وَ مريحة بس أديني أخذت على الشَامبو أكثر
لأنك ماتحتاجين تدخلين مُنتج جديد لروتينك اليومي أستبدله بدال الشامبو العادي وَ بس
للإطلاع عالمَوضوع ( إضغطي هُنا )
Foreo Luna | فوريو لونا ~
إقتناء الجهاز مُو ضَروري وَ مُمكن الإستغناء عنه ، لكن لاحظت فرق مو هَين بتكون الروؤس السوداء
وَ الإحساس بالانتعاش ، أيضاً أحس بَشرتي بعدها مشدودة وَ نضره ، للإطلاع عالمَوضوع ( إضغطي هُنا )
مُهم عَندي إستخدامه بعد إزالة الماكياج ، في بداية إستخدامي له كُنت أستخدمه مرتين يومياً ..
لكن بما إني بين الفينة وَ الفينة أستخدم مُقشرات آمثال الديفرين ، فما أبي آقسى على بشرتي رغم إنها ناعمة جداً .
لكن مرات أستخدمها يومياً فقط بالليل ،وَ مرات أستخدمها يوم إيه وَ يوم لأ ، حسب الجو وَ وضعي للماكياج وَ حسب نُوع الغسول
STRIVECTIN-AR| كريم معالج للعينين بالريتنول مِن سترايفكتين أي آر ~
عاد من سِنين وَ أنا كُل كريمات العين إللي إستخدمها خرطي لا تهش وَ لا تنش ..
هالكريم على إنه فيه نسبة عُطور لكن يظل أفضل كريم جَربته للعين بالفترة الأخيرة
وَ في طور البحث عَن مُنتج مشابه له خالي مِن العطور وَ بهالفَعالية
للإطلاع عالمَوضوع ( إضغطي هُنا )
بَنات أنا بَنفسي رحت للصيدلية أتأكد لما قَلتوا لي ما لقيتوه ، لقيته بصيدلية آدمه
وَ حتى صديقة لي بجدة لقته بآدمه ، وَ ووحدة مِن البنات لقته بصيدلية بالخُبر ..
أنا عايشة مَعكم لو فيه شيء جايبته مِن برآ ترى سَهل أكتب جَبته مِن برا مَوجود بالسعودية ، مو تروحين صيدلية الحَي وَ تشتكين
روحي صَيدلية كبيرة ، الصيدليات إللي جنب العيادات غالباً يوفرون مُنتجات إستثنائية لأن رواد الصَيدلية ناس يدورون مُنتجات تَجميلية
الصيدليات العادية غالباً للأمور الإستهلاكية أو المُتداولة أو لشغلات الأطفال حليب وَ حفايظ .. إلخ
ما بَبخل عليكم بَمكان الصيدلية ، دايم أقولكم وَين بتلاقون المُنتجات لكن برضو بَعض المُنتجات ترى يجيبون مِنها ٥٠ حَبه
وَ فجأة بيوم واحد يصير عليها طَلب ، فَوارد ما تَحصلون وَ عشان لا تضربون مَشاوير عالفاضي إتصلوا عالصَيدلية وَ إسألوا أفضل
وَ بنات الإمارات إللي سألوا مَوجود بسيفورا ، هارفي نيكلز ، دبنهامز ، بلومينغديلز
Makeup Eraser ( المنشفة الوردية لإزالة الماكياج ) ~
هالمَنشفة مِن الشَغلات إللي لما كُنت أشوف مَقاطعها باليوتيوب أحس مَدحهم مُبالغ فيه ..
وَ كُنت أظنها قاسية غير إن لونها وَ شكلها يوحي إنها مَقربعة ، لما إستخدمتها حبيتها بس حَسيتها مو عملية في التنظيف من ناحية إنها تحتاج غسل وَ حنا متعودين على القطن ينرمي وَ يريح ، لكن بصراحه تفك أزمات خاصه مَع الفُل ميك اب ،مَع الوقت لاحظت إديني أخذت عليها لا شعورياً بإزالة ماكياج الوجه ، بس مازال عندي محلول البيوديرما الوردي المفضل في إزالة ماكياج العين ( للإطلاع إضغطي هُنا ) مع إن المَنشفة تأدي الغرض بس تولد شوي من الفوضى ،وَ صرت أستخدم المَنشفة لشيء ثاني بَقوله لكم بالتدوينات القادمة
للإطلاع على مَوضوع منشفة ميك آب إريزر ( إضغطي هُنا ) ، وَ عفكرة هي نَفسها إللي بالمَوضوع ما إقتنيت غَيرها وَ ماشاء الله عايشه
فعلاً تستحق وَ تستحق ، مَهب خَسارة .
COVER FX CUSTOM COVER DROPS ( كريم أساس القطرة ) ~
الأساس قَوامه سيليكوني وَ هالشيء يخليه يَعطي تغطية بيرفكت بدون مايكون إحساسه مُزعج ..
أحلى مافيه مُتعدد المَواهب بالإضافة تقدرين تخلطينه مَع أي شيء تبين تعدلين لون أساسك الأصلي تبين تزيدينه تغطية …تبيين وَ تبين … إلخ
يُعيبه إن البَعض يشوفه غَير عملي كونه يَمر بمرحلة الخَلط قبل المَد
للإطلاع عالمَوضوع ( إضغطي هُنا )
Too Faced Born This Way Foundation |فاونديشن بورن ذس واي من توفيسيد ~
حبيته عملي وَ إحساسه جداً مُريح على الوجه ، ألوانه ناسبتني وَ قوامه ريحني
غير إنه خَالي مِن العطر وَ الزيوت وَ مع ذلك مو ناشف ، هالسنه أغلب الأساسات إللي جربتها حبيتها
للإطلاع عالمَوضوع ( إضغطي هُنا )
بودرة لورا ميرسييه (Translucent powder ) ~
أفضل بودرة شفافه جربتها وَ لإنها غَنيه بالسيلكون تَقلل مِن مَظهر المسامات إللي بالغالب الباودر يبرزه ..
تُعطي إحساس مخملي بعيد عَن الشكل الباودري أو الكيكي ، أحسن مافيها إنها توحي كأنك مو حاطة باودر
للإطلاع عالمَوضوع ( إضغطي هُنا )
Anastasia Beverly Hills illuminator (إضاءة سو هوليود من آنستازيا) ~
حبيت لونها وَحبيت الإفكت إللي تعطيه مع إني جربتها أخر هالسنة بس من يوم ماجربتها وَ أنا أستخدمها بـ روتين ماكياجي
للإطلاع عالمَوضوع ( إضغطي هُنا )
Loving Tan | لوفينق تان للتسمير الذاتي ~
غير مَفهومي للتان فعلاً مِن بعده أدمنت السيلف تان ، ما أكذب عليكم حتى بالشتاء صايرة أستخدمه ، لأنه يبين طَبيعي
للإطلاع عالموضوع ( إضغطي هُنا )
Sisley Instant Perfect (بيس سيسلي) ~
أنا مِن الناس إللي أفضل أستخدم بيس أكثر مِن البريمر ، يمكن الكثير مِنكم مايعرف الفَرق بينهم – بإذن الله – يوم بشرح لكم الفَرق ..
لكن حبيت هالبيس قوامه مريح وَ ثباته مُمتاز وَ إحساسه خفيف
مكملات المغنيسيوم (Magnesium ) ~
تقريباً أنهيت كُل تجاربي العَشوائية للمُكملات الغذائية ، وَ أخذت هالمُكمل بعد إستشارة طَبيب طبعاً أنا إللي إقترحته على الطبيب
( أجل ليش رايحه عنده بالاساس !! )
نومي خلقة مَنيل بستين نيلة ، بس تحسن حَبه مع المغنيسيوم ، حركة الأمعاء أكثر مِن مُمتازه معه
رِيحة الجسم إختلفت معه يكاد مايكون فيه ريحة – الله يكرمكم – لا للجسم وَ لا للإفرازات أو الإخراج
بالإضافه إنه قلص مِن إحساس شَد العضلات بعد التَمارين الرياضية ..
ما أتوقع أفرد له مَوضوع لأنه شيء خاص جَداً وَ إختيار شَخصي ، لكن النُوع المَوجود بالصورة مِن أفضل الأنواع إللي جَربتها
وَ فيه أنواع جربتها قَوية لكن مُش الأفضل ، برضو زيادة رَيحني لما أروح لفرشي أنا مِن النَوع إللي أتحمس وَ يضل عقلي يَشتغل حتى وَ أنا نايمة
فَتلقوني المُخ يفكر ، حَتى بَأحلامي فالمَاغنيسيوم قلل هالنَشاط وَ حسن جَودة النُوم ( فلي خاملة لا تستخدمه لأن زَيادته تسبب خَمول )
كان مُعدل نُومي ٤ساعات أو ٥ ساعات مُتقطعة ، الآن أقدر أنام ٦ ساعات مُتواصلة وَ حتى مَرات أكون ماسكه الجَوال وَ أنام
هههههههههه أول ما أقوم أصَرخ أقول عَسى ما صَورت نفسي بَس ( أتخيل تشوفوني آشاخر بالأنستغرام !! هههههههههههه وَ الله لتنخرعون ) ..
وَ طبعاً أستخدم برضو جهاز الضوء ، لأنه جداً حَسن نُومي ، هالإثنين سوآ تفاعلوا بطريقة إيجابية بس ما ذكرت جهاز الضَوء لأنه مَعي مِن زمان
مجموعة Skin Ceuticals ( سكين سوتيكالز للعناية بالبشرة) ~
هالمجموعه ناعمه وَ خفيفة ، على فكرة بشرتي تقبل كل شي إلا التونر وَ الكريم المرطب … نادراً ماألقى شي يناسبني ١٠٠ ٪
الغسول جداً ناعم وَ خفيف يناسب إستخدامه حتى مَع المقشرات لكنه مو كفيل بإزالة الماكياج
حاطه نَوعين ،’
١- Simply Clean غسول للبشرة الدهنية وَ المُختلطة
٢- foaming-cleanser عبارة عن رغوة منظفة لجميع أنواع البشرة
( سَبق وَ شرحت لكم بأحد المَواضيع شَلون أوازن بإستخدام غسولات الوجه وَ الأفضلية للمُنتج رقم واحد )
٣- Equalizing Toner Pore Refining (التونر ) : ناسبني كثير وَ لا حسس بشرتي زي أغلب التونر وَ للمَعلومية ماخذ جَوائز كثيرة وَ من أكثر التونرز إللي عليه تَقييم عالي
٤-سيروم فيتامين سي Phloretin CF: عَجبني بس لا يُضاهي أوباجي ( طبعاً فيه تفصيل بهالسوالف لكن بذكره بَموضوع مُستقل لكن بما إنكم ألحيتوا تشوفون مَجموعة عنايتي بالبشرة ) ..
عندهم مَليون سيروم وَ سيروم هالبراند وَ سيروماتهم وَ مُنتجاتهم غالية السيروم حُول ٧٠٠ ريال تقريباً بهالحَدود
فيعني لا تَخربطون أثناء الشِراء فيه شيء للدهنية وَ فيه شيء للمُختلطة ما يَوصف بشكل عَشوائي
٥- المرطب Daily moisture for normal or oily: يناسبني أكثر بالشتاء وَ هو للبشرة العادية وَ الدهنية
صَورتها بهالشَكل المُستعجل وَ الوَصف السَريع ، وَ ترى موجودة بصيدليات السعودية لا تَقولون لي مافي ، صَديقة لي عايشة بجدة وَ دليتها عليها وَ لقتها فَوراً
بجد بجد صديقتي حَبتها حتى أهلها لاحظوا نضارة بَشرتها ، وَ أنا فعلاً أشوفها مِن أفضل مُنتجات العناية بالبشرة
صَح المَجموعة فيها شيء ياخذ تقييم عالي وَ شيء مُتوسط بس مافي شيء سيء آبداً ، أكثر مَجموعة وَثقت فيها وَ حبيتها
وَ تخلص وَ أرجع أشتري مِنها ، وَ ترى كُنت دايم أصورها عالتَسريحة بس أقلب العُلب لووووووول ( شَريرة ) ..
سيروم فيتامين سي من أوباجي ( Obagi ) ~
على إن تركيبته مو أفضل فيتامين سي ، جربت ٤ أنواع مِن فيتامين سي هالسنه أكثر واحد ناسبني
وَ إحساسه وَ ريحته تقبلتها هُو فيتامين سي أوباجي
مُتلائم مع بشرتي على إن الأنواع الباقيه إللي عندي أفضل مِنه مِن ناحية المكونات وَ الجودة بتكلم عنها بمواضيع مُستقلة بإذن الله
لكن حَق أوباجي أعطيه جائزة ، وَ المُكونات لما أتكلم عَن الجودة ترى ما أقصد سيء ، لكن أقصد إن فيه مادة قَد تُهيج البَعض
أنا ماهيجني ، لَكن لو بكتبه لكم كَتدوينة شاملة مُضطرة أقول أنتبهوا ، لكن لو باخذه كَخيار يَستاهل كُل قَرش
مَعلومة : ترى كُل سيرومات فيتامين سي مِن كُل الماركات بعد ما تَغسلينها تترك ريحه زي ريحة الحنا بعد ١٠ أيام
فيه وَحده شامه ريحة يد جدتها المَتحنيه ( أكيد بستي يَد جدتك ) نفس هالريحة حتى نَكون دقيقين
سيروم أوباجي مَعي Professional C Serum %10 وَ Professional C Serum %20
وَ فيه تَفصيل كُل نسبة تناسب بشرة مُعينة ،يَعني إللي بتشتري تَكون دقيقة هُو كان مُقرر أطرح مَوضوع روتين العناية اليومية بالبشرة ، لكن الله ما كَتب
فيه مُنتج كُنت راح أضيفه وَ هو جهاز PMD
للإطلاع على المَوضوع ( إضغطي هُنا ) بعدين تذكرت إني ما بَعد شريت وَصلات له
فَخلوني أشتري بقية الوَصلات وَ أجربه زَين زين وَ بعلمكم بـ ٢٠١٦م ، لكن ما طاوعني قَلبي أحطه مِن ضمن القائمة
بالرغم إني مَستمرة عليه وَ عاجبني ، لكن التقشير الميكانيكي ( إللي يعتمد عالفرك ) ما أصبح دارج طبياً وَ الأخطاء مَع الأضرار الجانبية أكبر
التقشير مِن هالنوع يعالج الطبقة السطحية ، بينما الكيميائي يتغلغل جوا وَ يحفز الكولاجين وَ الإيلاستين
إقروآ بالمَوضوع زَين ، المُهم إنه ما يَنفع ينضم للقائمة لأن أدري كَثير بيسألوني عَنه ، عَندي أسباب كثيرة ما أضيف مُنتجات لقائمتي ، لأن فيه شَغلات أفضل مِنها فرضاً وَ أحدث مِنها حتى لو كانت بالعيادة
أكيد مَع السَنة الجديدة لعام ٢٠١٦م ، راح تكتشفون مُنتجات جَديدة عليكم
بس فيه كَثير مُنتجات أستخدمها مِن سنين بعضها كُنت أرد على إستفسارات البَنات وَ أنصحهم فَيها
لكن مَرات ما يَسعفك الوَقت تكتب عَنها ، فَراح أدرجها مِن ضِمن روتين العَناية الجَمالية ..
راح أجرب تَقنيات أكثر لأن أنا حابة أجرب ، وَ لأن حابة أشارك هالتَجربة أنا حالياً عندي شَغلات كثير ما جَربتها
وَ عندي نَفس التسأولات إللي تَخطر ببال كَثير مِن البنات ، أعرف عَن البلازما وَ أعرف دَكاترة لكن ماراح يَوصلون لك الإحساس
صَديقة لي لما جَربت البلازما وَ ماشاء الله أنا أحب فيها إنها لَماحة وَ ذكية وَ إحساسها عالي
قالت لي سُوس ، ترى الإبرة حارة لما تَنغز فيك وَ زيادة اليوم الثاني وَ جهك يصير زي المَنخل كله مَخرم ( أنا أبي هالتَجربة )
ما أبي مَدح الدكتور لما يَقولي فاعل ، أبي هالمَراحل الإنتقالية
فعاد صَديقتي يَوم قالت لي ، قلت لها تَصدقين قبل لا أسوي الليزر كُنت ناوية أصور للبنات رجلي بالشعر ، مالسَبب ؟
لأن أبي بعيونهم يشوفون مثلاً هل لون شعرتي زي لون شَعرتهم !! هل سمكها نفسهم !! كثافتها نَفسهم
إللي تَملك نفس شعري وَ لون جلدي راح تطلع بفايدة أكبر مِن الجَميع وَ راح أساعدها أكثر وَ أعطيها تَصور شامل للتجربة
لكن صَراحة للأسف نَحن مُجتمع غريب وَ لا يَحب الخارج عَن المألوف ، حَتى لو راح يَفيدهم بيتقرفون وَ بيقوولون ما تَستحين
بَصراحة أنا رُوحي مَفقودة بتدويناتي ، الحَساسية زايدة عند بناتنا ما أعرف وِش السبب ؟!
هل صَديقتك لو فرضاً ورتك إبطها !! وَ لا ركبتها وَ لا شعرها قبل الإزالة هل بتستفرغين ؟
ليش إحنا كذا ، مِثل تجربة الميلكي فوت ( للإطلاع إضغطي هُنا ) فيه بَنات كاتبين ترى ما يَحتاج تَصورين الخَطوات
أو قرفتينا وَع ، يا شَيخة شيء ما يَعنيك لا تشوفينه ، إنتِ ما تحتاجين بس فيه بنات يَحتاجون يشوفون
مثل تجربة الأنفيرجن ميثد فيه بنات مَتخوفين جداً ، شوفوا الكُومنتات إنتِ جربي أول ، لا إنتِ أول .. لا أخاف
( كأنه شيء مَصيري ، فخلوا كَل واحد يستفيد مِن التجربة وَ بطلوا مَوهبة إيجاد الأخطاء السَبعة ) ..
كُنت حابة أحط مُفضلاتي لعام ٢٠١٥م بَكل المَجالات ، الأكل ، المَلابس ، الشَوزات ، الأحذية ، الأجهزة
لَكن إنتم تَعرفون العَقول المايلة شَلون تفكر ، لذلك بدل ما نَخليها لمُجرد العَرض ، نَحطها بَموضوع فاشوني أفضل
إنتظروني اليَوم ( الخميس ) بتدوينة العام الجَديد
دُمتم بَحب
تم فيس مستحي ماسمع الكلام
اهلا اهلا ( فيس مستحي مرره )
مرحبآ ???
ماقدرت اقاوم ، ?
ماقدرت اصبر ? بحجز مكاني ?
? بحجز بس
ارتوسه كل عام وانتي بخييير والله يسعدك ويوفقك بهالسنه الجديده قد ماساعدتينا
ابي اكون من الاوائل لو مرة
لازم نرد ☺️
كنت بسمع الكلام .. بس يوم شفت 4 قبلي قلت خاربه خاربه ههههههههههه???
يا رباه مو مصدقه اخيرا لحقت على البوست ??اهم شي حجزت مكان ??
اوبس مع العجله ما شفت كلامك ?
??
اعذريني على الاستعجال بالرد عيوني قاعده تقفل تعليقي بيكون رساله لك اكثر من انه عن التدوينه لقيت مدونتك بالصدفه و جداً انبهرت بمواضيعك وطرحك ونظرتك للجمال المطابقه لنظرتي وحبك وشغفك للماكياج اللي نتشاركه استمتع بقراءت مدوناتك واحب عفوية وبساطة طرحك وطريقة انتقاداتك وصراحتك تدخلين البهجه لقلبي بكل اعزاز انا فخوره فيك جداً وواثقه بقدرتك على النقد والمصادقيه بكل ما تكتبين سعيده اني لقيتك محبتك فالله another.you
♥️
سوري ما انتبهت لكلامك
أرتوسه فيه حساب بالانستا وحده تبيع منشفة مشابه لـ ميك اب ايرزر طلي عليها إذا ماعليك أمر وودي تقارنين بينهم
مع أن كثير مدحوا المنشفة السحرية وتندموا لاستخدامهم الايرزر
حسابهم magic_touch_sa
♥️
بشوف وارجع بكومنتس حماسي واسري على السوق باكر اشتري مثلس ?
Sorrry
تو انتبه مستغربه اقول شلون وصلت للصندوق بسرعه قلت الصور ماتحملت ?
شفت كلامك اوكِ ولا يطاوعني قلبي اكتب تعليق بس كتبت!
أول وحده علقت جابت العيد هههههه
مراح توقف التعليقات ?
بإنتظار البوست كامل ولي رجعه ?
هههههه .. شكلي بتهزء من توسه الله يستر
اول رد بعد اكتمالها شفتي سوس ان عاقله واسمع كلامك *_’
تم ☺️
وصباح الامانه والذمه الصادقه
عاد تدوينتك اليوم اعطتنا درررس كبير في الصبر ٤ ساعات ونصف وانا ماسكه اصبعي بسنوني ههههههه
فعلا السنه الميلاديه احسها ارتب وانظم السنه الهجريه السنين الاخيره احس لخبطه بالتواريخ والله يخلي الجوال والا كان مادريت كم التاريخ ?
نرجع لمفضلتك
الانفريجين جربته ثلاث شهور ثم وقفت وبارجع له باذن الله شفت نتائج روعه والله يسعدك ويسعد من دلتك عليها
ومن معجزات ٢٠١٥ حبك للعنايه بالشعر وزياده اهتمامك فيه ? اذكر كلامك الشعر كان عندك شي للصبغ والقص
المنشفه الورديه للان ماشريتها مع انها كانت قدام عيني مكتفيه بمزيل المكياج من بيوديرما دامها دخلت مفضلتك هالسنه باذن الله راح اشتريها
شامبو المنقي اذكر سالتك ووصفتي الموقع وكررتي كلمه مره مره اربع مرات ههههههه ع اساس صديقتي توفره لي واعتذرت وقبل كم يوم كنت احكي لوحده عنه تجربه
السيروم فيتامين سي استخدمت شركه اورانج ديلي مجرد ماتقبلته ابد امتلت بشرتي حبوب صغار مره ومن يومتها مافكرت ابد اني اجرب غيره
انتِ ربي يحميك ماتقصرين تكتبي شرح كامل سوا ايجابيات او سلبيات واماكن التوفر وماينقصنا الا نعرف هل يناسبنا او لا وكل وحده اعرف بجسمها
فيه بنات يشوفون محتوى الصوره وتدخل توعوع واتحداهم لو مادخلوا الصفحه كذا مره ويقرون الردود بعد وفيه بنات التصوير يفيدهم كثير خصوصا الي ببدايه مرحله الاهتمام السن الصغير حتى تعرف الصح من الخطاء الله يعينك عليهم
وجد جد كل شي تمدحيه ووتيسر لي واجربه مااندم اني غامرت اولهم البيوتين اجرب وانا مغمضه لاني اخذتها من مصدر ثقه
وبدايه سنه موفقه يارب بكل حياتك ويارب تزدهر مدونتك اكثر واكثر متحمسه للسنه الجديده ولجديدك فيها
وبانتظارك اليوم
??
❤❤
ياحبي لك ❤❤
ليت الكل مثلك ماينغر بأنه امتلك الشيء الفلاني والا يمدح الشيء اللي تخسر اعرف ناس يحبون يخسرون غيرهم بس لانه تخسرو اليوم شفت بالاكسبلورر مدح على غير طبيعي على مطعم وهو فاشل فشل ذريع وبدولة عربوه يشجعو على السياحه فيها انقهرت قلت الى متى كذا مافي مصداقيه والجري ورى المادة …
شوفي اغلب اللي خليتيه بالمفضله متوفر بالسعوديه وبسهولة بعد ينوجد مافي عذر لاحد وانت بحثتي عنه وعن مكوناته يعني بمجهودك انت وهذا الحلو واللي يخلينا نثق فيك مطلعه اطلاع الناس الفهيمه ??.
لي الشرف جربت منتجات نصحتيني فيها وبالفعل بشرتي تدللت وماارهقت معاها
ومتحمسه اجرب اكثر واكثر وافيدك يابعدهم ❤❤
ياللا الان بنام وفوتك بعافيه ❤❤
يعطيك العافيه تويه?
توسه?
أنا ما جربت الا الانفيرجن ميثود وزيت جوز الهند وان شاء الله انجرب الباقي
ذكرتيني بسيسلي كانت اول مجموعه للعناية اخذها منها ايام المراهقة واستمريت عليها فتوه طويله،، الناس يبدون بالرخيص أنا بديت بالغالي?
والحين أشوفها غاليه في منتجات أحسن وارخص منها?
ياويلي مستحيل اجي الأول ماهذا
صباح الحب
صباحك سكر .. الميلادي مستخدم بكل مكان حتى بالمواعيد لو بتحجزين أي عيادة كلها ميلادي ماتوقع أحد يمشي ع الهجري وماهو حرآم
الانيفرجين ميثد جميل وفعلا طال شعري ماتلاحظين ،، كريم العيون دام وحده لقته بجدة أجل بأذن الله راح أشتريه لأن حقي قرب يخلص وصراحه إن كل المميزات اللي انقالت فيه خربوطيه ماخذته ب٤٠٠ ولا شفت شي فقط ترطيب ، أرتوس نفسي أسوي تان بس مايلبق لي ههههههه مره سويت وكرهت نفسي أو يمكن ماسويته صح أنا لوني حنطي فماعرف يمكن أجرب السيلف تان عن قريب ، مجموعة البشرة الكل يمدحها والله بس محد قال موجوده بالسعودية مو ؟
وكنت بسألك مره قلتي المينكس minx يسووه بصالون بجده لو تعرفيه قوليلي في رآسي أسويه هههههههه
وَ الله تعرفيني ما جَيت جده مِن زمان
لكن شوفي صالون نسا وَ علميني وآتس أعطيك رقمهم دَقي وَ إستفسري
الصالون بالتَحلية وراء مركز بن حمران ( وَ الله أعلم )
رَديت على عَجل وَ المجموعة موجودة بجدة مَليونين بالمَية
يعطيك العآفية ياقلبي بس ترا فاشلة في الوصف يمكن قصدك سيرينا بشوف وأدق
أجل بدور لها لافضيت شكرا شكرا 3>
الله يهديك مابغيتي ?
صدق ترى جهاد مع النفس أني ماكتب كومنت عشانك طالبة .. أشوفهم يكتبون وأقول ماعليه شوي وتنزل ?
بالله ماستاهل نجمة ع جبهتي؟ ? الله يذكر ايام اول بالخير ..
بقرا المدونة ماصدقت تنزل .. يعطيك العافية تعبتي كثير ..
تم ي جميله
تم
عذبتينا نشوف التدوينه بدون ما نكتب رد ? ، كاتبه لسته من المنتجات الي تكلمتي عنها بس انتظرت بداية السنه الجديدة بما ان ما بقى عليها شي ، احب الي يتكلم بالتفصيل عن التجربه يخليني على بينه أيش بيصير وهل تناسب أو لا.
ننتظر تدوينة السنه الجديدة ?.
تدوينه حلوة زيك بالضبط .. وزي ماعودتينا
ننتظر تدوينه اليوم ، مبسوطة أني راح اكمل معاك اكثر من سنة ?
بقولك جملة مايختلف عليها اثنين (انتي عظيمة) .
يسعد صباااااااااحك حبيبتي….
وكل سنه وانتي طيبة وبصحه وسلامه….
ومن مفضلاتي هالسنه اني تعرفت عليك وبفتتح السنه الجديده وانتي موجوده بحياتي….
مع خالص حبي …
Bonjour artos?
التزمت بالقانون ومارديت لحين ماخلصتي رغم اني من جوا?
ياالله انتظرت كثيييير بس تدوينة تستحق كل ثانية انتظار ??
الله يعطيك العافية ويوفقك بجد جمعععتي لنا كل الفايدة وكل التدوينات بشيء واحد فيه اشياء جربتها بناء على نصيحتك واشياء لاء زي الأنفرجن ميثود ماجربتها لاني ماقتنعت اولاًو ثانياً لاني مابغى شعري يطول >> عكس الناس بس بعد كلامك انها تعطي الشعر حيوية وكثافة اكيد بجربها
اييش بعد جربته بناء على نصيحتك ايه ?بودرة لورا تجججججن ?❤️ وملمسها فعلاً غييييير عن بن ماي او غير ماركات مكياجي معاها تغييير ، كثير الاشياء اللي استفدها منك ربي لا يحرمك الأجر
وبخصوص كلامك بآخر التدوينة لااااااا ارتوس بليز كوني انتي زي ما انتي احلى شيء طابعك الخاص ماعليك من المعقدات معليش انا اسميهم كذا نص تعليقاتهم تنم عن غييييره والله غيره من كل شيء ربي حباك به غيره ولا شيء سواها ، رغم ممكن انه عندهم اشياء حلوة ونجاح ولكن قااااتل الله الحسد
قلوووووب من هنا لين عندك❤️❤️❤️❤️
Je t’aime ?
أأأأأه يا توسة حطيتي يدك على الجرح لمن تكلمتي عن النوووووم … بإذن الله حستشير الدكتور و لو وافقني علية حبدأ استخدمة حتكوني سويتي فيا خير 🙂
صباح الخير على الجميييع
من الاشياء اللي جربتها من مفضلتك وكانت تجربتي لها بناء على تجاربك جهاز لونا وراائع وله تأثيره على البشره واعتبره داعم للغسول احيان اخذ اجازه منه وارجعله بس مااطول عنه
كنت ناويه اشتري كريم العنايه بالعين سترايفكتين اي ار ، لكن تسرعت واشتريت FILORGA بس طلع حلو وجايب نتيجه مع ان لي فتره بسيطه باديه فيه ،ومازلت ناويه اخذ نفس كريمك بس بعطي ذا الفرصه الكاااامله ،هالاتي خفيفه والخطوط برضو خفيفه وماعندي انتفاخ
وزيت جوز الهند قريبا جدا بجربه
نحبك ارتوووس وشكرا ماتوفيك حقك ?
يعطيك العافيه?? التدوينة الي زي كذا تعطيني حماس موطبيعي ???احبتتسس????
صباح الخير ياشيخة البنات وكل عام وانتي ومحبينش بالف خير
دعواتكم حبايبي?
السسسسلام
خلصت اختباراتي الحمد لله وداخله وبقوه
الله هل الأسبوع مفعم بالمواضيع
كل واحد يقول انا أحسن منك
???
جد جد شكرًا قد الدنيا لك ???
ارتوس
سؤال عندك فكره عن اثار الحبوب او اي شي ممكن أني اخففها
آثارهم خفيفه مع العلم لما يطعون لي ما المسهم تهقين وشو السبب ?
يمكن استعمل شي مو مناسب لوجهي ?
احس أني اسأل واجاوب
حلو المنتجات الي نزلتيها ?
بس بشرتي عكس بشرتك عاديه الي ناشفه ?
المهم ما علينا
في شي جذبني
موضوع مفضلاتك للفاشن خااااااصه الشششوزات ?
ياربي قد إِيش اعشقهم
وتدرين وشو الغبي في الموضوع أني اعشقهم بس الا الان البس فلات يمكن ماعندي الا ثلاثه كعوب ?
انوثتي ناقصه
تو اكتشف أني احبهم او يمكن فقدتهم وبس
الحين حياتي كلها فلاتات
الله يستر عليك و يخليلك الي تُحبين ?
ياااي ? في منتجات توافقنا فيها
عاد سيروم فيتامين سي اوباجي استخدمته قبل سنتين حبيته اكثر شي من منتجاتهم وجربت واحد ارخص منه بس للاسف فاشل ، مع تحفظي على اسعار اوباجي بس رائع.
طبعا انتي السباقه بطرح الاشياء الممتازه وننتظر تدوينات عنها.
وكل عام وانتي بسلام وحب وسعاده انتي واحبابك واهلك ?
صباح االشوق ياكل الشوق ♥♥
برغم من انك كاتبه عن كل منتج بالتفصيل وفارده لكل منتج تدوينه كامله مليئه بالصور والشرح المطول الا اني حبيت هالمقتطفات منك وكأنك تسترجعين معنا ماتم حفظه آنفا ماراح سبق ذكره لان فعلا اغلب التدوينات احس اني حفظتها مع هالمراجعه اللطيفه منك .. سعيده جدا بالتجارب الي شاركتها معك بهالسسنه وخصوصا الانفريجن مثيد
سعيده بالسساعات الي انتظرتك فيها عشان اقرا التدوينه قبل الكل .
حلوه منك ذكرتي الميزانيه خخخ فعلا هالميزانيه صارت حديث الشعب وكالعاده اخذو الموضوع بالمسخره وطقطقه شعب ساخر حتي ع اقتصاده ، بالمناسبه انا اهتم بالسنه الميلاديه واتبعها في بعض الاموار مثلا مواعيد العيادات .. مايعني هذا اني اتبع اعيادهمم ! استغرب من البنات الي للحين تسال هالاسئله خلاص الحين كل العالم يهتمون لها وانتي باقي تسالين ليش تعترفين بالملادي وتخلين الهجري !!!
بخصوص الي اتقرفو والي توعوع بتدوينه الميلكي فوت انتي قبل ذكرتي راح اذكر لكم تجربتي وطبيعي جدا كيف بتكون ذكر التجربه من ارتوس امم مره حلو لا ابدن مو هذا اسلوبك وقد ذكرتي مره انك فاتحه المدونه عشان وواااو مره جميل .. <قاعده الحنها وانا اكتبهاا استخفيت صراحه خخ
جد هالبنات استفزوني داخله المدونه ومعنيه نفسها عشان تكتب وع ! يختي ع الرقيقه بسس .. وهي سنيين تنتظر هالتجربه منك عقليات مريضه تحب تاخذ منك بس ماتشكرك والله ياسوس لوصارت هالصفحه حكر للناس الواعيه كان ماشفتي مثل هالتعليقات المستفزه راح يستنفذون طاقة الصبرر عندك يوما ما
كوني سعيدده
كل الحب لك ♥♥
وأخيرا قدرت ارد ماسكه ايدي غصب وكل شوي احدث
صباح الورد ياعسل بدايه جديده وسنه سعيده ?
ياجمالك و جمال الورد الاحمر .. صورك ودي اطبعها و ابروزها ~
سوس جد شكرا على كل معلومه شاركتينا فيها .. عساني مانحرم منك
تقريبا جربت كذا شغله بمفضلة اليوم وغيرها عرفت وش احتاج وافهم بشرتي وش تبي بدون ماتردد
متحمسه اكثر لشعر عرفت نوع المساميه عندي منخفضه راح اطبق نصايحك و ابشرك عن النتايج
بس كريم العيون توني اطلع عليه ’ حبيته زود من صديقتك عشان كلمتها بجربه بنشوف البلاء بعيونا ولا هههههههههه ..
عاد اللي يتقرفون هم اول من يطبق لو ان ماشوف بالملكي اي قرف مدري حبيته حتى شكل الجلد هو ينزل
هههههه شرايك بس نسوي التجربه وتنزلين رجولنا كود ينقرضون هههههههههههههه
وانا من الناس اللي تهمني توثيق التجربه بالصور ولا كيف بتطمن . . المفروض يشكرونك
و ان شاءالله تشاركينا اكلك وشوزاتك والاجهزه بالسناب متحمسه له حيل ( بوسه لك وليون )
ارتوسه يعطيك العافيه أبغى بديل لسيروم فيتامين سي غير أوباجي !!؟
اول شي يعطيج العافية على مجهودج حبيبتي ارتوس
ثاني شي انا اللي جربتهم الاينفرجن وطلعت بنتيجة خيال من اول شهر جربته معاج يمكن قطعته شهر او شهرين اول ماحملت لاني ماكان لي خلق شي وكنت لما اروح بيت اهلي اصير رافعه شعري وكذا عاد بيوم من الأيام لما شفت النتيجة السنعه فليت شعري قلت لامي شرايج
قالت ما اصدق تركيب مو شعرج هههههههههههه حبيت هالاحساس حسيت كذا بانتصار ههههههه وان شاء الله استمر عليها على طول ومنتظره بعد يوصلني زيت جوز الهند وصيت عليه وان شاء الله اكثر شي أسبوعين ويوصلني عاد قلت بشرك بنتي بالتجربه خصوصا ان الزيت مضمون ومامنه ضرر
وبالنسبه للزيت بعد مفكره اجربه لكل شي خصوصا السحب بالزيت والانفريجن وطريقة 424 اذا ماكنت مخربطه بالأرقام هههههههه والتقشير الطبيعي وان شاء الله راح اقولج وش وصلت له
بالنسبة لي للحين ادور كريم أساس فل كفر فيه نسبة واقي من الشمس وخافي عيوب ومايخطط ولا ينشف ويضل وقت طويل ومع كذا سعره مناسب لي وموجود بالاحساء احس معجزه اني القاه هههههههههههههههههههه
حبيت مفضلاتج
صباح الخير .. ?
يا الله يا أرتوس سنة مرّت بلمح البصر لي سنتين متابعة معاك وسنة مثبتة وجودي ? ( كان لي تواجد سابقاّ بإسم seniora labella ).
تدرين أكثر شي مفرحني بالتدوينة إن بعض المنتجات المتكلمة عنها كنت متابعة ومتواجدة وقت نزول التدوينة * مبزرة ? * وكمان مجربة لبعض المنتجات وكانت تجارب ناجحة وللّه الحمد .. ??
بعض العقليات لاهم اللي مريحين عمرهم ولا هم اللي ساكتين و مريحين العالم منهم ، لاحظت عليك فعلاً بالمدونة هنا جدية وعملية بعكس المنتدى كانت تدويناتك تنطق بالعفوية من بين سطورها مايعني هذا إفتقارك للعفوية الحين أبداً بالعكس لحد الآن ما شفت بعفويتك بس صار سقف عفويتك أقل أكيد بسبب هالعقليات يارب لاتجعلنا منهم
* يارب ما أكون أزعجتك بملاحظتي ? *.
وأتمنى لك سنة سعيدة مليئة بالإنجازات والأفراح .. ?
دمتي بحب .. ?
ياهلا وغلا ارتوس
كيفك ؟
حبيت التدوينه الله يسعدك و تحمست كثير لحاجتين
الانفيرجين ميثود و اساس بورن ذيس وي لاني من عشاق المنظر الطبيعي الهيلثي للبشره
على اني ما اعلق دايم بس تدويناتك مميزه و لازم اقراهاا
اسلوبك فريد
كل سنة وانتي سالمة وسعيدة ومطمئنة ❤️❤️
بالهجري والميلادي
المنتجات كلها تتاكل وان ماجربت شي منها بس ان شاء الله قريب
سلام لجمالك
يا جمالك ويا جمال تصوريك وترتيبك ، صورك تشع نظافة ، نشككرك على تعبك يا احلى ارتوسس ، جد انتي علمتيني كيف اعرف اختار المنتجات المناسبة لي صح ??وتم تجربة كم شي من المعروض وصراحة مافي شي اشتريته بناءا على رأيك وما اعجبني ، ممتشوقة لسنة ٢٠١٦ معك احس بشوف اشياء جميلة وبتفتحي مداركنا لاشياء اجمل ❤️
يا صباح النور
شكرًا لك ولكل معلومة قولتيها لنا
جربت اللورا مارسيه واللونا مره عجبتني الكل لاحظ تغير ببشرتي بسس غسول الاوكسجين ذا ما لقيته
صباح الخير
من كل قلبي اتمنى لك سنة ميلادية جميلة
عطائك يستحق ان يضعك دائمآ بالمقدمة ويارب نشووفك بالسنه الجديدة وانتي محققة ومنجزة كل احلامك وطموحاتك لانك تسحقين ذالك واكثر
طبعآ مايحتاج اعلق على مفضلاتك شاهدتي مجروحة بكل شي تطرحينه وثقتي فيك عمياء
وبالنسبة لسالفة المغنيسبوم ههههههههه والله ضحكت من قلب ومالومك شي مرره مخيف حصل معايا موقف مشابة لك والله صحيت زي المجنونة ها السنه اناا بالذات اكثر انشغال من قبل حتى نومي مرره اقل من المعتاد ومره من المرات كنت جالسة ع السناب واتفرج ومعلقة اصبعى ع الشاشة وغفيت ههههههههههه والله مستحيل انسى هذا الموقف صحيت مفجوعه وافتح الستوري كنت متوقعة اني صورت نفسي بالراحه بس الحمدالله عدت سلامة
بنتظارك غدآ بحماااس
الله يوفقك يارب
صباح الفل
صحيح كلامك بخصوص السنة الميلادية نعترف بالاتنين ميلادي وهجري مع انو الميلادية اعم واشمل بس برضو الهجرية كمان مهمة معك حق
انا اتعمقت في مدونتك اكثر في هادي السنة2015 وفي اشياء كثير شوفتها عندك وصارت من مفضلاتي
باقي فايتمين سي اوباجي حيكون في لستة 2016 ?
تشكراتي ارتوسة دمتي بود
السلام عليكِ ورحمة الله وبركاته .
يسعد صباحك آرتوسةة ??
هههههههههههههههههههههههههههههه اهم شيء تصورين نفسك وَ إنتِ نايمة ?
احسن وَ احسن ياختي كذا عاد راح تنقطع الرسمية بينك وَ بينّا ?
* مزوحة مزوحةة ??
امممم حابة اقترح موضوع عليكِ .. بعد اذنك ?
ودّي لو تحكين عن العناية بالبشرة الدهنية وَ كيف طريقتك .
اعرف حكيتي كثير لكن ودّي يكون بموضوع مستقلّ منك ?
جدّ هالشيء انتظره ?
يعني لو قريتي هالإقتراح وَ كان بإمكانك تنزلين عنه .. جَد بكون ممنونة لك ?✨.
وَ شكرًا ?
الله يجعلها سنة خير و سعادة عليك و يحقق لك امالك يا رب ❤
حبيييت التدوينة ،، فيه اشياء جربتها و اشياء ع اللستة
فعلاً ما قصرتي كفيتي ووفيتي يا ارتوسة بشررحك و الريفيوات و برضو تزودينا بوين تنباع
يا شييخة الله يسسخر لك الارض و من عليها ، لاحظت الفرق بين البيس و البرايمر و اكيد مستنين تدوينتك عنهم لاني اول اعرف بهالشيء
بخصوص اللي يتقرفون مثل الميلكي فوت مدري متى يكرموننا بسكوتهم المشكلة هم اكثر ناس مستفيدين و يطبقون
عني احب الصور و التوثيق يوضح التجربة بالصور لنا
تمنيت لو حكيتي عن الملابس و الشنط و مفضلاتكم فيهم لكن كلش برغبتك لكن لي عندك رجاء اذا مفكرة بالتدوينات هذي نزليها بدون ما تلفتين للبنات اللي بينتقدون
كلنا نحب المواضيع هذي و لو تتكلمين عن العطور يا ليييت للحين ضايعة بالعطور و متاكدة بتوجهينا بكيفية اختيارها او نشم من ذوقك
كثيرة طلباتي اليوم ??
ممتنة لك ارتوس ??
صباح الخير
من كل قلبي اتمنى لك سنة ميلادية جميلة
عطائك يستحق ان يضعك دائمآ بالمقدمة ويارب نشووفك بالسنه الجديدة وانتي محققة ومنجزة كل احلامك وطموحاتك لانك تسحقين ذلك و اكثر
طبعآ مايحتاج اعلق على مفضلتك شهادتي مجروحة بكل شي تطرحينه وثقتي فيك عمياء
وبالنسبة لسالفة المغنيسبوم ههههههههه والله ضحكت من قلب ومالومك شي مرره مخيف حصل معايا موقف مشابة لك والله صحيت زي المجنونة ها السنه اناا بالذات اكثر انشغال من قبل حتى نومي مرره اقل من المعتاد ومره من المرات كنت جالسة ع السناب واتفرج ومعلقة اصبعى ع الشاشة وغفيت ههههههههههه والله مستحيل انسى هذا الموقف صحيت مفجوعه وافتح الستوري كنت متوقعة اني صورت نفسي بالراحه بس الحمدالله عدت سلامة
بنتظارك غدآ بحماااس
الله يوفقك يارب
❤️❤️فعلا تجاربك أصبحت لدينا من الأفضل جربت زيت جوز الهند والانڤيرجن ولازلت مستمرة عليها
وسنة سعادة وجمال على قلبك❤️
يسعد صباحك ارتوسه
❤️❤️
صباح الخير ي قمييل ،،
استفدت كثييير كثيير منك أول كنت استخدم الديفرين يوميا صحيح يخلي البشره تلق لق بس اذا حطيت مكياج يتقشر وكنت ارطب بس مافي فائدهه لما قرأت تدوينتك تركته بالتدريج وصرت احطه زي ماقولتي واقطعه قبل المناسبه بمدهه بس الحين وقفته لما بدأت استخدم جهاز البي ام دي والديرمارولر وبعد تجربه الانفيرجن ميثود ممتازهه ومستمره عليها وزيت جوز الهند غني عن التعريف جهاز تنظيف البشرة محتاره إلى الآن بين فوريو لونا أو كلارسونك، كمانَ طريقه الورق عنب تبعك لذيذهه ،
شكراً من القلب ونحبك أوي ??
صباح الخير:-)
صباح آخر يوم بالعام الجميل
وأهلا بالعام الاجمل
::
أنا ممتنه لكمية التدوين و الجمال اللي بدرت منك في 2015
وبالعكس نريد روحك تظهر أكثر، و اللي يخاف ويزعل ترا محنا معنين فيهم، ههههههه حسسوني إنك منزلة طريقة تقطيع و أكل لحوم البشر (لا تطرديني)، بالعكس التجربة الصادقة الواعية هي اللي نحتاجها، و كل واحد يعرف لنفسه و يتعرف على نفسه بشكل أفضل ، شجعتينا على هالنقاط بجد هذا الامر أنا ممتنة فيه لك، اليوم عيني غير عيني لما تشوف الحاجات والمنتجات، و تعرف تفرق، بفضل ربنا و بفضلك ..
دمتي بود حبيبة قلبي
وان شاء الله العام الجديد تتقربي أكثر من أحلامك وربي يديم عليك الصحة و الجمال ويرزقك حكمة أكبر
صبآح الزييين
ي جمآلك سووس
كذا شغله من مفضلاتك جربتهاا
وفآدتني ومن الاساس اجرب وانا مغمضه
وعقبال الاشياء الثانيه اجربهم
واشكرك من كل قلبي عسى ربي يخليك
لنا
بالسنآب قولي مفضلاتك بالاكل والملابس
وكل شي عآد انتِ اعطيتيهم انذار من قبل?
قرأت التدوينه ورجعت..
كل عام وانتي بخير ان شاء الله تكون سنه حلوه ع الجميع
كل التجارب الطبيعيه اللي دونتي عنها جربتها حتى الطريقة الكوريه لتنظيف الوجه حبيتها.. كنتي بنهاية المدونه طلبتي نجربها وجربتها ع شانك وطلعت النتيجه رووعه لازلت اسويها لمن احس بإجهاد
والسحب بالزيت ايضا جربتها لكن بعد يوم حسيت بألم فشدقي نتيجة المضمضه المستمره..
والانفرجن ميثد جربتها ايضا.. سبحان الله انا كنت ادهن لبنتي بزيت جوز الهند وكانت تتشقلب دائما اغلب اوقاتها مقلوبه هههه
وشعرها ماشاء الله طويل والكل يسألني ايش تسوين لبنتك
ولما طرحتي الانفرجن ميثد اكتشفت سبب طول شعرها..بالفطره تسويها.
حبيت مجموعة العنايه اليوميه انا عندي مشكله من هالنقطه مالجيت شي يناسبني قبل فتره اشتريت مجموعة بايوديرما للعنايه اليوميه وطلعتلي حبوب بالرغم بشرتي ماتطلع فيها الحبوب شي نااادر جدا واكتشفت ان المجموعه للبشره المختلطه وانا بشرتي عاديه يادي الكسووف
المهم حظ اختي فيهاا
ننتظر تدوينة العنايه بالبشره بفارغ الصبر
🙂
صباح الخيرات سوس…..الله يعافيك على هالمواضيع الجباره اللي استفدت منها كثييييييير واقدر اقولك اني انا مستمره على الانفرجن ميثود واستخدم الفوريو لونا مع الغسول ومرطب ليراك والدفرين وفيتامين د ومشط تانقل تيزر وان شاء الله بالقريب بستعمل الشامبو المنقي وكريم العيون…. على اني احب المكياج ودائما اعشق مواضيعك حوله وخاصة تكنيكات المكياج الا اني بصبر شوي الى ان اصل لمرحلة رضا عن بشرتي لو بنسبة سبعين بالميه عشان اشتري كريمات اساس اللي ذكرتي قبل… انا الحين تقريبا استخدامي معظمه بي بي كريم الا بالمناسبات استخدم فورايفر…. وربي يعطيك حتى يرضيك…. وقلووووووب من القصيم لبيتكم ???
ي صباح الجمال والسعادة وكل شي حلو بالدنيا ? جربت كذا شغلة من مفضلاتك وتحمست أكثر لفوريو لونا .. حتى كنت متوقعة إنه بيكون من مفضلاتك .. وبالنسبة لصورتك وانتي تشاخرين يارب تنزلينها بالغلط وبس أنا اللي أشوفها << أنانية بعد ?? وترى حتى أنا صايرة أمشي ع الميلادي أحسه أرتب من الهجري بالرغم نحتاج للهجري مثل م قلتي للصلوات والمواسم الهجرية .. عموما كل عام وانتي بخير وصحة وسعادة وجمال يارب .. وسنة ميلادية سعيدة عليك وع كل اللي تحبينهم واللي يحبونك .. يعطيك العافية يارب و م ننحرم منك ???
يسعد صباحك انت بالنسبه لي المرجع الأول في اختياراتي الجماليه وكل شغله مدحتيها وجربتها كانت روووعه
حبيت بعد اقولك عن الشمندر جربته فتره كشراب ولاحظت ان مافي رائحه لجسمي بالضبط زي ماقلتي مع المغانسيوم.
الله يسعدك ياشيخه مهما قابلك بعض البشر
بالإساءة مايوقف العطاء لان الاخلاق
الحلوه تجري في الدم ..
اعجبتني التدوينه كالعااده وحاليا ابحث
عن مجموعة للوجه تناسبني
وقررت استخدم كريم العين
وسيروم فيتامين سي
والمغنيسيوم
شكرا جزيلاً ❤️
صباح الخير عليك وعلى المتابعات هنا
استفدت من تعليقك عل كل منتج والله يعطيك العافية .. ننتظر تدوينة روتين العناية
هل ينفع يكون من أمنياتي للسنة الجدبدة انه تظهر روحك أكثر في التدوينات.. أتمنى والله
قرأت عن تقنية جديدة تجعل الأجهزة الذكية تقرأ المشاعر البشرية من قراءة تعابير الوجه حتى شكل الابتسامة الصفراء تكتشفها ههههه
ومن أول ما قرأت كلامك خطرت في بالي التقنية الجديدة لو اكتملت وصار بالامكان استخدامها
حيكون رائع فعلا استخدامها في مدونتك
يقرأ الجهاز تعابير الوجه للقارئات واللي تكون تعابير الوجه عندها تميل لأي مشاعر سلبية ما تظهر عندها الصور أو ما تستطيع تكمل قراءة التدوينة
هنا بنرتاح فعلا لأن المشاعر الصادقة للمتابعات المخلصات حتوصلك وحيستفيدوا من كل كلمة ، وأي واحدة حساسة زيادة عن اللزوم ما يظهر لها الا جزء من التدوينة عام بدون التفاصيل
طولت عليك لكن التقنية ابتكرتها سيدة مصرية اسمها رنا القليوبي ولها حسابات ومقاطع في اليوتيوب وفي تيدكس وقرأت عنها في مدونة المبرمج محمد بدوي
التقنية أعجبتني جدا جدا وفكرتها ثورية
دمت لنا ودامت روحك ?
يسعد صباحاتك سوسي ?
حِلمتْ فيك ثلاث مرات ???
واحدة وانتي غلاف مجلة وتعملي حركة رياضية
ولابسة رياضي ??
الغلاف صراحة بيرفكت ? ههههههههههه وشكلك
متل راقصات البالية ?
المهم حبيييييت الحلم ،، بعدين صحاني زوجي ???
يااااالله ،، تصدقين طنشت ولافتحت عيوني ،، بدي الحلم
يكمل بس للأسف انقطع البث ?
بالنسبة لمفضلاتك ،، جربت منها كم شغلة ،، وفعلا
حبييييت سيروم أوباجي ?? خدودي صايرة وردية ع طول
من بعده وريحتو كمان حلوة ?
والانفيرجن كمان ،، الشعرة سميكة وتقيلة ❤️
تمنيت تطووووول التدوينة ونعرف مفضلاتك بالأكل
واللبس ،، وكل كل كل شي ?
أحب حكياتك لأني بحسك أختي وقاعدة تحكي لنا
وتنصحينا ?
ومتل ماقلتي اللي يقرفوا لا يدخلوا ? ياإلهي
ما بعرف شو اللي جابرهن يدخلوا أصلاً ☹
?????
قبلاتي ي نقية ??
رحيل
مساء الخير ارتوس
كل عام وانتي بخير ,الله يجعلها سنه خير وبركه عليك وعلينا…
صباحك بهجه
اولا قبل كل شي حابه اعتذر اني علقت قبل تنزل التدوينه ضميري معذبني 🙁 آسفه بس كنت متحمسه ماحبيت ارجع اعلق بعد مكاني لاني حاسه باحراج 🙁
احلا شي فالسنه دي انو في مخلوقه فحياتي اسمها ارتوس واحلا شي لمن تردين على متابعينك كلامك وكتاباتك وجهود لا تقدر بثمن مافي احد يعطي عطائك ويبذل جهود مثلك وان شاءالله توصلي لمبتغاك وأحنا معاكي وين ماكنتي
______________________________________________________________________________________________
مفضلاتك القميله
اول شي جهاز فور يوم لونا الجهاز حبيتو مثل ماذكرتي من ناحيه تكون البثور واهم الرؤوس السوده فالبشره الدهنيه متعبه ولا حظت كمان افراز الدهون اعتدل احسن من اول صار فيه واحس فيها لمعان ..
والانفرجن ميثد فظيييعه مو بس شعر طالو حسيت فيه لمعه رونق صح ورموشي كمان حسيت فيها فرق ماتوقعت صرآحه
حابه اشكرك ماقصرتي فكل شي ونسه جديده يارب مليئه بالنجازات والسعاده الدائمه وحبك بيكبر اوي دمتي بسعاده
سوري على الاخطاء الاملائيه
صباح الورد أرتوس
شفت موضوعك أمس بالليل وكنت أبي أرد لما شفت الردود فاضية (صار عندي شوي تنافس أبي يوم أرد أول وحدةة هههه، بس قلت لا أحترم رغبتك)
يعطيك العافية على كل ما تقدمينه، وأتنمى ما تتأثري كثير من ردود بعض البنات، يعني مثلا موضوع الميلكي فوت لو ما شفت الصور بعيني راح أتخوف منه وما أفكر إني أجربه، لكن بعد الصور متحمسة لها
فعليا الصور تعطينا فكرة واضحة جدا
دمتي دائما بود
صباح الخير ارتوس…ياجمال روحك واستثنائيتك …ابدأ من التصوير والا طريقة الشرح ….ربي يسعدك ويبارك فيك على ماتقدمينه لنا …انا مانسيت التعليقات اللي بحسابك يوم تصورين اظافرك بدون مناكير …قسما بالله صدعت من وقاحة البعض …بالرغم ان اظافرك جميييييييييييله …وبشهادة رجل بعد وهو ماله بالاظافر …بس كمية الغيره القاتله ولاشئ غيرها والدليل يوم تحطين صورتك بالجينز ….قلبوا داعيات وهم من جنبها …رحمة الله على امك اللي جابت لنا بنت مثلك ..ماشاء الله عليك …
تدرين اني اذا كنت ابي اشتري منتج أول شيء
ابحث عنه في مدونتك ♡من امنياتي لسنة 2016
اشوفك وصلتي للعالميه ياااارررب (: امس انتظرت
وانتظرت لحد ثلاثه ونمت هههههههه حطيت كثير
اشياء من اللي ذكرتيها في قائمة المشتريات وانا
متأكدة بتكون أكثر من فعاله وتعجبني ، ومننننن
قللب تمنيت تكون تشمل كل الجوانب اللي ذكرتيها
احس بتكون more fun بس صدق وش يفكك من
بعض الناس ومن اهم امنياتي للسنة الجديدة ان
المجتمع يتطور ويتثقف اكثر مو طبيعي كيف لو بلوقر
سعودية مثلاً سوت اي شيء مايعجبهم يقومون القيامه
ويروحون بعدها يتفرجون على الاجانب وحبايبنا الكويتيات
وكأن الشيء بس حرام وغلط على السعودية!!موضوع يجلط
من القهر لان مافيه اي منطق بالموضوع ادري مااله دخل بس
صدق اشوفه يكبر ويزيد هالايام بشكل مزعج /
ياصباح الورد ?
ربي يسعدك على كل معلمومه ومنتج شرحتيه من قلب ومصداقيه
جربت بعض الاشياء واستفدت منها وكل مااستخدمها ادعي لك من قلبي ???
كُنت حابة أحط مُفضلاتي لعام ٢٠١٥م بَكل المَجالات ، الأكل ، المَلابس ، الشَوزات ، الأحذية ، الأجهزة
لَكن إنتم تَعرفون العَقول المايلة شَلون تفكر ، لذلك بدل ما نَخليها لمُجرد العَرض ، نَحطها بَموضوع فاشوني أفضل
بسم الله الرحمن الرحيم هههههههههههههه لسى امس قاعدة افكر واقول ليت سوس تنزل لنا موضوع فاشوني
بس ماعليك من العقول المتحجرة بالعكس فكرتك لطيفة واحنا نحب كل شي منك
:
اتفق مع منوش ، التدوينة لطيفة كانها مراجعة.. وتفاجأت ببعض المفضلات .. كمان حسيت اني اقتنعت اكثر بالانفيرجن ميثود
شكلي باسويه ابتداءا من يوم الاحد ..
..
✿┈┈┈┈┈••┈┈┈┈┈✿
المكمل الغذائي ببحث عنه اكثر عشان اشوف يناسب
طبيعة جسمي او لا
فكرت فيه بقوه عشان الروايح شي رائع وسحري حسيته
احلم بجسم عطري طبيعي امنيه من الاماني
تعرفين اكلنا خبيصه يخبص دواخلنا
الخرفان اول طيبه ولذيذه وما لها روايح بسبب اكلها
العطري من الاعشاب البريه والرعي
حاليا خبز وشعير وريحتها اووف فضيييعه
بس خايفه من مسألة الخمول
والا رايك اشوف مصدر مغنسيوم طبيعي افضل؟
♡ ● بلييز اذا شفتي سؤالي ردي
هالامور تهمني
و شكرا جزيلا عميقا من قلبي لك ●♡
حبيت الباودر وبأذن الله تكون من مقتنياتي هالسنة
والانفيرجن ميثود حبببببببييييتتتتته جربته وجربته ع اخواتي ??
Happy new year
سنه سعيدة عليج و على الجميع يارب
انا بعد شهر بكمل سنه اتابع مدونتج
و مستمتعه و مستفيدة 100%
الله يعطيج العافية
ويكتب لج السعادة والهناء السنه وكل سنه
تجاهلي التعليقات السلبية و العقول المريضة
و الناس الحساسة
روحج موجودة وطاغية اطلقي العنان لنفسك وقلمك
واحنا معاج وبنساندج
و شكراً
ماشاء الله ربي يسعدك
انا بشطح بموضوع .. ارسلت لك ع ايميل المدونه
ياليت تشوفينه ?????
والله انا معجبه في مصداقيتك وجرأتك البعض يهتم انه يطلع بصوره مثاليه اكثر من انه يقدم المفيد عاد مدري وشبهم البنات يقرفون
بموضوع المليكي فوت ماشفت شي يقرف وإنتي ما شاء الله دوم صورك نظيفه وتفتح النفس حتى ورجولك مقشره طالعه كيوت?
سلامي أرتوسة
اذا ماعليك أمر أبغا ابدأ استخدم كريم مقاوم التجاعيد لاني كملت ٢٥ فشفت في الصيدلية كريم من شركة ( nuxe) أتمنى أسمع نصيحتك بخصوصه
كُنت حابة أحط مُفضلاتي لعام ٢٠١٥م بَكل المَجالات ، الأكل ، المَلابس ، الشَوزات ، الأحذية ، الأجهزة
لَكن إنتم تَعرفون العَقول المايلة شَلون تفكر ، لذلك بدل ما نَخليها لمُجرد العَرض ، نَحطها بَموضوع فاشوني أفضل
^
هذا أكثر شيء يستفزني !!!!
أنا شخصيًا أهتم بالفاشن و الأزياء و استمتع فيها و بمواضيعها أكثر من الامور الميك اب و العناية ع سبيل المثال
و أشوف كثير بنات و بلوقر يتجنبونه و يتجهون للميك اب و العنايه و بس !!
و هالشيء مسسسستفز بكل ما تحمله الكلمة من معنى
غير اني استمتع و بس ، انا من الأشخاص اللي إذا بغيت شيء عليه القيمة زي الشنط مثلًا اطول قبل اتخذ القرار و لازم اشوف خياراتي و ريفيوات عنه و غالبًا الاجانب ما يغطون هالجانب ١٠٠٪ فما استفيد مره 🙁
لذلك بلييييز بليز طلب مني هالمواضيع بالذات لا تبخلين فيها لأن حرام فئة يهمها الموضوع و تنظلم بسبب فئة ما تشوف الا جانب الفشخرة و الهياط بالموضوع
ههههههههههههههههههههه الله يسعدك يإني ضحكت تخيلتك صدق صحيح هذا رعب بس الرعب الأكثر لما تصحين و تفتحين الإنستقرام وتكون صورك طالعة تحت ضغطة وحدة بالغلط وتنزل الصورة بيباي ? هو أنت كذا كذا خارجة عن القانون بس أحسن مانزلتي صورة رجلك صح بنستفيد أكثر بس أنت مالك بوجع الراس والغثى عندي فوبيا من كلمة مخرم أتخيل أشياء على شكل دوائر ?? أبي أجرب لوفينق تان وإن شاءالله وجربته أرسلت لك النتيجة? تحمست عالتدوينة الفاشونية والله ياليت تنزلين تدوينات فاشونية كمية حماسس ماتتخيلينها ننتظرها بفارغ الصبر ?
حبيت كل شي وودي اغتنيهم كلهم من بداية ٢٠١٦، يا حبي لك ارتوس تسلم الأيادي??
يسعد مساك ،،
وكل سنة وانتي بصحة وسلامة وانشالله سنة خير عليك وعالجميع ?
مشتاقه لمواضيعك كثير بس كنت مضغوطة باامتحاناتي وشغلي ماكنت الحق ارد على تدويناتك واليوم اللي ارتحت من هالضغط ?
بالنسبة لفكرة الموضوع مررره حبيتها وبااقترح عليك شي بخاطري تحطين لنا مفضلتك بالمنتجات اللي من سنين مستمرة عليها ،،
بالنسبة لهالمنتجات ولاشي جربته كلهم اعجبوني بس انشالله كم منتج مقرره اجيبهم هالاسبوع وبكتب تجربتي لهم بالردود حتى نثري .. وعلى فكرة كريم العيون انا دورته بثلاث فروع للنهدي وبفرع للدواء ماحصلته بس انشالله احصله بالحبيب مررره متحمسه له وبالذات لما حطيتيه بمفضلتك اكيد شي واو ومن الاشياء اللي تعبني دايم كريمات العيون ماالقى نتيجه تستاهل السعر سوا الترطيب .. وبالنسبة لمجموعة الوجه اول مره اسمع فيها تحمست لها بجرب منهم الغسول واذا ناسبني باخذ كامل المجموعة .
بالنسبة لحبوب الماغنيسيوم اول ماقلتي حلوين للامعاء تحمست يوم وصلتي سالفة النوم وانا علطول اشطب عليهم هههههههههه ماشالله تصدقين غبطتك على سالفة نومك لاني انسانة اعاني من كثرة النوم بالرغم ان يومي كله مزحوم بين الشغل والدراسة لا والادهى اني مدمنة كافيين يعني باليوم اشرب 6 فناجيل اسبرسو و4 اكواب شاي هذا الاساسي وايام اكثر ومع هذا اجرّ نفسي جر .. اكثر شي يضغطني هالنوم واتمنى يقل المشكله اضغط على نفسي فيه بس تصير اخلاقي زفت وطول اليوم يالله انجز اشغالي .. تصدقين اتفشل اقول لاحد نومي ههههههههه دايم يتمسخرون عليه ?
سوس ادري ان هالعينات المريضة ماتهمك واللي يحبطون من الواحد بس بسلامتهم ليش تحسبين لهم حساب انه اعجبهم او مااعجبهم ادري انه شي منرفز لما تقدمين شي والهدف منه الفايدة وانك تلاقين هالمجهود بردود قليلة ذوق بس بالنهاية كل اناء بمافيه ينضح مثل مافيه ناس قليلة اصل وذوق فيه بعد فئة تحبك ومقدرة كل تعبك وبالعكس هالخارج عن المألوف واتقانك وصدقك هو اللي مخليك دايما نمبر ون ?
دمتي بخير ?
ربي يعطيك العافيه ع المجهود وبانتظار التدونيه الخميسيه
يعطيك العافية ?
على التغطية الكاملة للمنتجات ?
وبالنسبة للناس اللي شغلهم الشاغل اكتشاف الاخطاء السبعة
ياخي لايدشون المدونة ويرحونا ?
واخيرا ربي لايحرمنا من عطائك ?
يريحونا *
من الحماس راح الياء ?
مفضلة جميلة من انسان اجمل،،،
اللي جربت منها زيت جوز الهند و بودرة لورا ميرسيه و حبيتهم
جربت الزيت للوجه و كمضمضة بس ما استمريت بعدين..
جربت ايضا الانفيرجن مرة وحدة و صراحة ما شفت نتيجة قوية ، بس بارجع لها ان شاء الله شعري محتااااج مني كثير شغل،،،
ربي يسلمك و بسعدك كل يوم و كل عام،،
بحبك،،
يعطيج الله العافي ارتوس ?
عندي سؤال انا استخدم فيتامين للشعر و هو لازم اخذه بعد الاكل بس اخاف مرات اكله بعد العشا او الغدا لان اشرب بيبسي اهو عادي و لا راح يضرني؟
السلام عليكم ياجميلتنا ?
يعطيك العافيه على جهودك ومصداقيتك معنا ومحبتك الصادقه وأخوتك الدافئه مهما كتبت ماراح أوفيك ربع اللي تسوينه لنا لكن ثقي إن دعواتنا الصادقه ملازمتك وين ماكنتي ومحبتنا لك اكبر من انها تكتب وتدون?
كل سنه وإنتي سعيدة …
كل سنه وإنتي بين احبابك واهلك بخير وصحه وعافيه …
كل سنه ومحبتنا لك تزيد ارتوسه ودعواتنا لك بالتوفيق ?
مرحبا..
في كثييير اشياء حاطتنها عندي في اللسته و حابة اجربها.. و تقييمك لها خلاني اتحمس لها اكثر و اجربها.. ان شاء الله اجربها هالسنة و تعجبني..
و اللي تتقرف من كل شي كيف الشخص بيتعلم و يتقدم.. احنا في الخليج محتاجين اشخاص يتكلموا بمصداقيه و متحاجين نشوف مثل ما قلتي الاشياء قبل و بعد بمصداقيه.. لانه كل من هي و دب صار يتكلم و يفتح مدونات و تحسي كل وحدة تقول شي طيب يمكن ناسبك بس ما يناسبني انا ويش اللي يضمنلي انه رح يناسبني او يناسب بشرتي.. بس للاسف احس فيه بنات ضد انه يتعلموا اشياء جديدة كانه عيب او فضيحة..
انا صرت اتابعك انتي و بس و صرت اخذ كلامك كثييير لانه انتي المدونة الوحيدة اللي تعطينا تجاربها بدون خوف و لو لزم الامر تصور مب مثل الباقي..
يا شيخه ما شاءالله عليك ملهمه بكل حاجه تعجبني نظريتك للامور وكيف مبرمجه حياتك وتستفيد من شغلات كتيره حلو الشخص يغير روتين حياتو للاحسن مع انو احس انا من النلس الي ع روتين واحد ما يتغير كتير
دوووم تبدعينا وتفيدينا بشغلاتك الحلوه ما ننحرم منك وان شاءالله سنه جديده حلوه عليك وكلها راحة بالله وسعادة وتطور للاحسن ?
*حبيت اضيف من تجارك جربت :
١- الانفرجين ولازلت مستمره فيه صحيح مو من محبين الشعر الطويل بس حبيت الحيويه والنشاط وخف التساقط مع الحركه …
٢- جهاز فوريو لونا اشتريت الحجم الكبير لون وردي? جداً ممتازه وتعطي حيويه للبشره ونضاره …
٣- المضمضه بالزيت ممتازه جداً جداً جداً صح في البدايه واجهت صعوبات واحس بنغث من الزيت وبرجع تكرمين بس مع الوقت صار روتين اسبوعي وحبيته عالج التهاب اللثه وصفار الاسنان …
٤- الاسفنجه الورديه حلوه بس ماتصلح لي كسوله ماحب اغسلها كل شوي ?
٥- البودره السائبه من لورا ميرسييه حبيتها رغم اني مبتدئه بالميك آب بس نفعت معي الحمدلله اسويها طبطبه اول مسح وفر على الوجه مشيت ع خطواتك والحمدلله نجحت فيها …
البقيه باذن الله تحت التجربه ???
حبيت بعض المنتجات أن شاءالله اجربها ?
الله ، يازين
منتجات البشرة اللي تستخدمينها تحسسني اني مقصرة
في حق بشرتي..
الانڤيرجن ميثيد بدأت فيه قبل شهرين ، بس مو لي انا شعري
قصير ماابيه يطول الحين، استخدمه لنتفتي الصعنطوطه بحكم
انه شعرها مايطول،والله بقلبي لك دعوه
شعرها بدأ يكثف ويطول حبتين . وان شاء الله استخدم زيت جوز الهند معاه
بعد الصلاة برجع بنظرة فاحصة للتدوينه بحول الله
اشكرك على كمية الجهد اللي تبذلينه عشان نستفيد
انا استفيد حتى لو كنت الغايب الحاضر
اتمنى لك التوفيق ، كل حبي لك
مرحبا ارتوس
بكتب هنا كل الاشياء اللي جربتها واللي ما جربتها وانطباعي عنها لانة بعض الاحيان نقصر بتجاربنا وهذي فرصة جمعت منتجات كثيره
الأنفيرجن ميثود
بصراحة شي كل البنات لازم يجربوه واللي ما جرب فاتة كثير
مع انه نمو شعري بطيئ وبعض الشهور كان يطول بس سانتي واحد
لكن كنت راضية لان تاثيره مو بس ع الطول يفرق بكثافة الشعر وحيويته واعتبره العناية المكثفه للشعر
حتى لو اهملت عنايتي بشعري باقي الشهر ما احس بالذنب وسرت انتظر وقتة كل شهر اتحمس له
وصح تاثيره يبان حتى ع الحواجب والرموش
والموضوع مع الوقت يسير سهل زيت خفيف ادلك فروة الراس استخدم زيت ( Cedarwood ) الاساسي قطرات منه تكفي واتشقلب وانام وانتهى .
شكرا توسة لانك دليتنا علية
زيت جوز الهند البكر
العشق بكل شي لازم ما يخلى بيت منة
وصح جربت الليف ان على طريقتك وكان جميل بذات مع النفشة
فرشة التانقل تيزر
لسى ما اشتريتها وجاري البحث عنها
الشامبو المُنقي مِن لوريال بروفيشنال
حاليا انا استخدم اشياء طبيعية لشعري بنسبة 95% فما احس اني بحتاجة لكن اذا غيرت عنايتي اكيد بشترية
فوريو لونا
لونا وما ادراك ما لونا بعض الاحيان افكر انا كيف كنت عايشة بدونها
من بعد ما شتريت نفس اللي عندك لانو بشرتي نفس بشرتك اخيرا قدرت اسيطر على بشرتي
ومعاها غسول ناتورا بيسيه مره ناسبني وحبيت بشرتي معاهم
كريم معالج للعينين بالريتنول مِن سترايفكتين أي آر
جاري البحث عنه
المنشفة الوردية لإزالة الماكياج
اشتريتها وحبيتها بذات للمكياج الثقيل
ننتظر تعلمينا استخدامها الثاني
كريم أساس القطرة
لو توفر بالسعودية اكيد بشترية
,فاونديشن بورن ذس واي من توفيسيد
متحمسة لة
بودرة لورا ميرسييه
اشتريتها من بعد ما تكلمتي عنها و فعلا افضل بودرة وتخلي المكياج كانة محترف حبيتها
إضاءة سو هوليود من آنستازيا
الاضاءة دايما تحيرني لكن باشتري هذي وانا مغمضة لانك مدحتيها اكيد بتكون واو
لوفينق تان للتسمير الذاتي
التان يعجبني بس ما جربتة من قبل
بس كلعادة كل شي تكتبي عنه يكون حماسي واتحمس معاه واحطه ببالي لو مو الحين بالمستقبل بجربه
بيس سيسلي
اول مره اسمع عنه بس انا اتعقدت من البيس بالغالب ما يناسبني او انا ما عرفت له ياليت تتكلمي عنه اكثر
مكملات المغنيسيوم
المغنسيوم استخدمة لي سنتين استمر علية كم شهر واقطع فتره بس ضروري بنظامي
وجربت انواع كثيره افضلها بالنسبة لي اللي يجي معاه vitamin B6 لانه يساعد على امتصاصة
وكمان للاطفال مهم بس الافضل يكون تركيز بالاكل ( الشوفان , الذرة , التين , الفواكة المجففه , الدارك شوكليت )
يخليهم هادين ومهم للنمو لانه الكالسيوم ما يمتص الا مع المغنيسيوم والفسفور
والمعلومة الاهم انة يزيد طولهم بفترة النمو
يعني انا اعتبره باهمية الكالسيوم
حتى لو كان مصدر خارجي مثل الملح الانجليزي وزيت المغنسيوم ينحط بموية مغطس للجسم او الاقدام فقط , استرخااااااء
ومفيد لالم العضلات
والنوم معاه راااااحه .
عاد المغنسيوم عشقي وفرحت انك جربتية وهذي كانت اضافة لتجربتك .
سكين سوتيكالز للعناية بالبشرة
ما جربته وحاليا مقصره مع البشره ومهتمة للشعر موقفة تجارب جديده الى حين
سيروم فيتامين سي
كان لي تجربة قديمة يمكن قبل 4 سنين هيج بشرتي وجففها وكرهتة يمكن استخدمتة غلط ننتظر شرح مفصل عن طريقة استخدامك له
وبس هذي تجاربي المتواضعه نثري فيها مدونتك الجميلة
هذا من قراراتي الجديده ب 2016 باذن الله نكون دايما متواجدين معاك .
يسعد مساك وصباحك وليلك ونهارك ياقلبي ???
اغلب اللي ذكرتيهم وتكلمتي عنهم من قبل حاطتهم ببالي ولكن باذن الله بيجي يوم اجربهم فقط شريت اساس توفيسد وفي طور التجربة واكيد راح احبه باذن الله ??
ارتوس تصدقين غيرة البنات وبعض من طريقة تفكريهم الغريبة تفاجات فيها ولا كنت اشوفها الحمدلله حولي عرفتها من ردود الانستا ومن كلامكم عنهم ،، قلت ياربي لايكون اللي حولي كذا بس ماني عارفه لكن اكيد احبابي غيير و اهلي مو مثلهم ??
بوساااات لقلبك ????
روعه روعه اسم الله
حبيت المجموعه اوي اوي من وصفك .. عاد كنت اعشق غسول ديكلاغيه وصار له فتره مختفي الله يسامحهم بس
حبيت كل شي ..، تسلميلنا سوس
صباح الخير .. تو اشوف تدوينتك هذي حيل روعه .. وحبيت اقو لك بنسبه للبنات اللي يقلون مايحتاج تصوري خطوات او تجيبي الموضوع بتفصيل .. اتمنى انك ماتهتمي لكلامهم بصراحة انا من اول مابدية اتبعك ومخليني للحين هو انك تقولي شيء بالتفصيل مو نفس باقي المدونات تقول شيء و كان التفاصيل مو مهمه .. وانا من البنات اللي تهمني التفاصيل وكثير نفسي واتمنى انك تستمري ع طرحك بالتفصيل .. ومشكورة وانتظر باقي تدويناتك
شكراً مره مره على كل شي قدمتيه يعني المدونات ياكثرها لاكن اللي تلاقين منها الفايده قليله ف أنتي فعلا مميزه ???
حبي لك سوس ?.. جمال الورد الاحمر وجمال الصوره
احب المواضيع المفضلات نهاية كل سنه مش كل شهر
واحب مصداقيتك بعض مفضلاتك جربتها وكلها ميه ع ميه بناء على مدحك
بالنسبه اللي تقرفون من المليكي فوت بالامانه م فيها شي يتقرف جد وشو يحسون فيه اذا م حطيتي التجربه قالو نبي صور لتجربتك واذا حطيتها تقرفو وشو تبون أنتو عجزت سوس تعرف لك اذا جلطتي منهم ي سوس الومك بعيد الشر عنك ?..
شخصيا اللي يهمني توثيق التجربه بالصور يحمسني للمنتج اكثر ?..
Ahlan habibi atmana tridi 3la ta3li9i
?رجاءً أعملينا روتين مفصل على العناية برجلين أصلي تعبت و أنا أدور على حل ?
غير هذت أتمنى تعملينا سلسلة من الروتينات ?
أحبك موت
هههههههه ذبحتيني وانتي تقولين اشاخر هههههه
عليج بالعافيه حبيبتي
ههه عيل اشفيهم البنات ووع و ووع ايه صح وكملو وعووعه وراحو الصيدليه شروه ههههه ي رقييقاات
اكثر شي حبيته اساس القطره منتج ذكي بس الفوطه ميكب ايريزر ليحين احسها خشنه ع الوجه مو مقتنعه ليحين امسح ويههي بفوطه مافيها شي
دمتي بجمال ي جمليه
يعطيك العافيه?
بانتظار مفضلاتك الاخرى ?
السلام عليكم
من متابعاتك من سنوات بس ع السايلنت وهدا اول تعليق ليا
ب اتمنى تكتبي تدوينه عن علاج تقصف الشعر بالحرق ورايك فيها افضل بالقص ام بالحرق … بليييز ^_^
صباح الورد?.
الصور جميلة خاصه الورد الاحمر ??.
الأنفيرجن ميثود تجربتي معها كانت جداً جميلة سويتها قبل زواجي وكنت شبه يائسه من القشرة ماخليت شي ماسويته وكلها مافادتني وجربت الطريقة ذي وماكنت حاطه في بالي ذا الشي ويوم اشوف شعري يعني صدق حتى نظييف وصحي وتخلصت من القشرة تماماً وللان لي من تزوجت ٦ شهور تقريباً الحمد لله القشرة ماجات مع الطريقه ذي صدق صدق يعطيش العافيه.
زيت جوز الهند البكر مابعد قريت موضوع الشعر بس بقراه ان شاء الله خلال هاليومين عموماً افكر اخذه ان شاء الله.
فوريو لونا من جد متحمسه لها بس حالياً ماراح اشتريها عندي اشياء اهم يعني باخذها واذا بقا لي شي اشتريت وان مابقى انتظرت شوي.
فاونديشن توفيسد جميييل صدق بس فشلت في اختيار الدرجة ?.
الاضاءة من كتبتي عنها وانا كاتبتها ضمن القائمة وان شاء الله اشتريها لان جد تحمست لها.
للاسف التان امي حالفه ماسويه وقلت لها مؤقت قال لا??.
بالنسبه للنوم انا وحده لو شابعه نوم ورحت انسدحت على طول بنام من جديد?قبل كم يوم قلت لزوجي تراني تاعبه بنام ولاتقومني لين اقوم من نفسي وحتى الجوال ماراح اوقته قال متاكده؟ قلت ايوه المهم نمت الساعه ٨ الصباح وصحيت الساعه ٨ الليل??ماحب اضيع اليوم كذا بس للاسف ماحسيت بنفسي?الحمد لله اني كنت ماصلي ،، فانا وحده النوم عندي جاهز الحمد لله اي وقت انخمد عادي وزوجي مثلي تشوفينا نسولف قبل النوم فجاة ننام ??او اجلس اسولف مع حد ثم ارقد وتعالي شوفي بعضهم يزعلون ليه اسحب عليهم ابوي يقول ماورثتي مني الا النوم ?امي نومها خفيف وماتطول واذا طولت تتعب يعني اذا رقدت ٤ ساعات متواصله خلال اليوم تكون نشيطه وكل شي بس لو اكثر تتعب وتطفش وظهرها يوجعها.
حبيت مجموعة العناية بالبشرة وممكن اخذها بس حالياً بشرتي تعبانه بروح اعالجها ثم اغير المجموعة.
بالنسبه للي قلتي يتقرفون في موضوع الميكلي فوت وش يحسون به ?جد جد وش الي يقرف بالموضوع؟؟! عجيب ولو تشوفين ارجولهم تنفجعين??.
حمستيني ?عاد ودي اشوف مفضلاتش في الشوزات والاحذيه.
حبيييت شكراً????،،.
مسا الخيرات ارتوس اسعدك ربي قد ماتساعدين البنات وتعطينهم من وقتك ربي يوفقك ويحقق لك اللي تتمنين
من تدوينتك الاولىحقت فرشة لونا شريتها والصدق شي جمييييل وادمان وكثير قالوا لي بشرتك متغيرة
جوز الهند انوي اجربه باذن الله
وطريقة تطويل الشعر
لكن بسالك بالنسبة لفرظة التشابك لقيت منها في امازون الوان وتختلف الاسعار لكل لون وتتفاوت من 10 ال 20 دولار فهل في فرق والا بس الوان؟
شكراً شكراً ???
هذي التدويينة استمتعت فييها كثثييير ??
كل تدويناتك طبعا لكن المنتجات الي نستخدمها فتره مو زي الي نستمر وقت طويل باستخدامه هذا يدل انها صدق عملية
تووسه دايم احب اقولك شكرا ??