صَباح / مَساء الخير
ههههههه بَدخل بَضحكة ، لأن كَتبت مُقدمة نارية وَ حذفتها
أنا من النُوع إذا عَندي شيء ما أعجبني أكَتبه وَ أفضفض مَع نفسي مِن ثُم أحذفه ..
أتوقع السناب تشات يناسبني عَشان تعرفون هالجانب الطَرطوعي مِني ، وَ بنفس الوَقت تقررون تَحبوني أو تَكرهوني
[ أكون بَصورة أكثر وَضوح ] ..
إلا سؤال : الآن عادي الناس يتكلمون بالسَناب تشات وَ حرام يتكلمون بالأنستغرام ؟
ههههههههه بجد هذا أكثر شيء لاحظته ، وَ لا يَمكن يخافون النَقد ينكتب عن صَوتهم وَ أرائهم عالمَلأ
ليه بالسَناب تشات أكثر تَحرراً ، بالرُغم بالحالتين الحساب مَفتوح للشباب وَ البنات وَ إمكانية الحَفظ سَهله
صَراحة ما لقيت جَواب ، أنَتم أفيدوني عَشان أفَهم ، وَ عشان نقلد لوووووووووول
يالله نَشوف موضوعنآ الصُغنن
Hourglass Ambient Lighting Blush
أحمر خدود مُضيء من أورجلاس
سعر المُنتج : ١٣٠ ريال تقريباً بدون التاكس ( الضريبة ) ..
أماكن الشَراء : سيفورا أمريكا ، وَ ببريطانيا بجون لويس وَ هارفي نيكلز
مو مَوجودة بأي دولة عربية
وَ للإطلاع على نُبذة عن أورجلاس وَ ريفيو لأحد مُنتجاتهم الآخرى بالإمكان ( إضغطي هُنا )
مِن الداخل ،’
الألوان المُتوفرة :
7 ألوان وَ الظاهر وَاحد فيهم ليمتد إديشن ..
Dim Infusion
Ethereal Glow
Luminous Flush ( هُو اللون إللي عَندي )
Radiant Magenta
Diffused Heat
Mood Exposure ( برضو هذا عَندي وَ بالصورة مأشرة عالألوان )
Incandescent Electra
مُميزات المُنتج ~
• العُلبة جداً أنيقة سهلة الفتح وَ مرنة وَ فيها مراية وَ بنفس الوقت لما تفتحينها تظل ثابته مو مِن النُوع إللي يطيح وَ تضطرين تمسكينها
• البلاشر جداً ناعم وَ ذراته بمنتهى النُعومه وَ السلاسة
• سَهل المد وَ يُعطي نتيجة مَخملية
• يعطي منظر مضوي وَ طبيعي وَ كأنه طالع من بشرتك ماكأنه ماكياج يعني مايبين إنك حاطه باودر وَ لا يعطي مظهر كيكي أبداً
• بتكنولوجيا فوتولومينيسسينت لعرض البعد وَ العمق إللي تعتمد على مساحيق خفيفة الوزن بالإضافة لجُزيئات شفافة بحيث تعطي بعد للون وَ مايبين طبقة وحدة
• يعطي لمعة خفيفة مو قوية بس كفيلة بإعطاء مظهر حيوي و عاكس للضوء
• خالي من العِطر وَ بنفس الوقت ماله ريحة مُزعجة وَ هالشيء يخليه يناسب البَشرة الحساسة
• خالي من الباربين
• خالي من الغلوتين
• خالي من التلك
• لم يتم إختباره على الحيوانات
• خالي من الجُسيمات النانونية
إنطباعي عن بلاشر أورجلاس ،’
أول ماجربته نوعاً ما أُصبت بخيبة أمل ، كون لونه مُو مِثل مو مبين بالعلبة ، لكن بعد ماخلصت ماكياجي بديت إحس ان البلاشر غير شكل ..
كان فعلاً لونه مو قوي إلا إنه مدري شلون صار أقوي ، وَ مثل ماقالوا فيه بُعد ، وَ تحسينه ينبع مِن داخل الجلد ، غير اللمعة الناعمة اللي مبينه على الخدود ..
أول تجربه لي كانت اللون االفاتح Luminous Flush وَ إستخدمت وَقتها فرشة ريل تكنيك للبلاشر هالفُرشة دايم تخيب أمالي ماتاخذ اللون كما يجب ماشوفها جيدة لأخذ اللون آبداً
[ نَوعية الفَراشي يابنات لها كُل الدُور بإظهار اللون، سواء بظلال أو ببلاش .. إلخ ] .
المَرة الثانية جربتها بفرشتي المعتادة ..
فعلاً اللون سَلس بالمد وَ ناعم جداً ، وَ أنصحكم ماتتحمسون بَزيادة أثناء المَد لأنه مع الوقت يبرز يعني مدوه شوي وَ بعد دقايق إذا حسيتوه شوي زيدوا عليه ، اللون الثاني Mood Exposure قوي من أول ضَربه يبين
مَظهره عالبَشرة + سواتش ،’
وَ
رأيي عن المُنتج ~
حبيت القَوام وَ النُعومة وَ السلاسة وَ التأثير إللي يعطية للوجه
بحكم إني كثير أيام أحب السموكي فما أحب أكثر بلاشر كثير فناسبتني الألوان مِن حيث عَدم قوتها كلون
فاللي تحب الماكياج الطبيعي وَ إللي يبين ناتشورال راح تعجبها ، أما اللي تبي ماكياج يبين ماكياج وَ ثقيل أعتقد مَاراح تعجبها
اللون ثابت يَستمر طول منتي حاطته جربته لست ساعات مابهت
اللمعه إللي فيها ناعمة ماتبين المسام بشكل كبير ..
(بس برضوا إللي عِندها مَشاكل تبعد عنه بالرُغم مالاحظت إنها مُمكن تسبب مُشكلة أبداً أبداً )
ترى مو زي لمعة بيكا وَ أنستازيا ، لا كذا لمَعة صقل ، لمعة زي البشرة النظييييفة ، شيء طَبيعي
عيوب المُنتج ،’
ـ ألوانها جداً مُتقاربة مافيه فرق يذكر بينهم
ـ الألوان جاية مِثل الرخام متداخلة بين الفاتح وَ الغامق فيخيل لك إن لون البلاش رَاح يكون هو اللون البارز لذلك دائماً يعطي لون غير قوي ، فما أدري هل اللون هو شير أو مِثل ماذكرت يخيل لك إنه اللون البارز
ـ التعليب على إنه جميل وَ أنيق إلا انه يبقع بشدة وَ أنا مِن النُوع إللي أنرفز مِن شَكل البقع
– ما أحس إنه يليق لجميع ألوان البشرة ، قد لا يَظهر عالبشرة الداكنة
إنتظروني غَداً بتدوينة ثرثرة ، وَ صراحة فيه شَغلات كثيرة تستحق نَثرثر عَنها
لكن بَحاول أجَمع أسالتكم وَ الأفكار إللي إقترحتوها وَ إذا تَنفع صَغتها كثرثرة ، للآن ما أدري عَن وَش مُمكن أتكلم
بس إللي أعرفه بتتمحور حَول الأناقة وَ التأنق ، بس مو بَشكل مُباشر عنها
دُمتم بَحب
مكاني ?
المركز الاول بالطابور الحين نرجع نقرا بروقان هههههههه
من جد سالفة السناب محيرتني وش معنى
طلعوا اصواتهم مع انو في إمكانية الحفظ مثل الانستقرام ?
توقعت انا بس اللي اقول كذا ههههه
+
البلاشر حبيت الألوان اللي تحت ?
من زمااان ادور مثل هالبلاشرات مع اني مو مره مع المكياج ?
دمتي بحب ارتوسة ?
آآآآوه وَش هالطَلة يا أنوار
تم
هههههه من العَجلة كتبتي إيميلك دَوت كووون ، أمطاااخ لك
ابلحق يمكن افوز
ضَحكتيني يخَتي ،
مكاني هههههه
أم زَايد .. تَنوريني
مكاني
زَينك
اليوم مآ حالفني الحظ كتبت وعلقت مآ تنرسل الرد ?بعد حمآس آمس
يسعد صبآح الجمآل ??
هالاسبوع سعيدهـ انا ماادري ليش تدوينات الميك آبيه تجيب لي السعاده ?
حبيتها مرره والألوان خطيرة اللي لاحظته ألوان بلاشرك مو نفس الصور اللي هم حآطينها فيه آختلاف
آحس لو بحطه بستغني عن الأضاءه لان آضاءه البلآشر جميل منظرها
شي خآرج الموضوع عذرا✋
حواجب الي بالصوره الاخيره يسآر مثل حواجبي آشوفها نحيفه مره فآبي اعرضها فكرت آصبغ ومتردده آيش رأيك؟!
منتظرينك غدآ بكُـــل شوقٰ
وَ الله إنبسطت ..
بالنسبة للبلاشر لا نفس الصورة بس إللي عندي مَدموج بالبيج ، وَ العروق حسب كل تعليب بَتجيك
شَوفيه بتصوير الناس هذا تصوير دعائي ، حتى اللون راح يبرزونه أكثر ، وَ الخشب بالطاولة غامق وَ العلبة مَعدنية تعكس
لو تصور على بياض بتشوفينه زَاهي ..
بالنسبة للصبغ آآآآهاه ، شوفي الصبغ للشعرة وَ ليس للجلد
فشلون بتصبغين جلدك يعني بتسوين ستايل قلم الفلومستر !! لا ياقلبي ما أنصحك
وَ أشوف حواجبك حلوة ليش تعرضينها ، ترى كثير من الخُبراء يضحكون على ستايل الخليجيات إللي هبوا فيه
وَ قاموا يعرضون الحواجب بشكل أكثر من المطلوب بكثير .. إتبعي تفصيلة وجهك وَ الزيادة إللي تبينها بقلم حواجب
أو جل حواجب من أنستازيا ترى يمديك تسوينه وَ بطريقة الرسم ، أنا ضَد صبغ الجلد الجلد يصير يلمع
وَ الشكل يصير آوفر ، غير كذا خلقتك حلوه وَ إذا كان على موضة الحواجب العريضة ترى العرض غالباً من الأمام
وَ الخلف تقدرين زي ماقلت لك تلعبين فيه بالرسم حبه حبه
لا إنرسل قلت لك غَلطتي بالكووون بالإيميل
مرحبا جميلتي
اسمع كثير عن البلاشرات هذي و انها حلوه للاستعمال اليومي او لو كان لوك العيون ثقيل .. ممكن في يوم اجربه
سوس بسألك لو فيه شي على الانستقرام اعجبني يعني كمنتجات عنايه او طرق ميك اب عادي يعني ؟؟
المهم بأنتظار تدوينه الثرثره و مرا متحمسه عليها احب اقرأ ارائك بكل شي .. مميزه و من الناس القله اللي اثق فيهم ..
دمتي سالمه حبيبه قلبي
ما فَهمت تقريباً السؤال ، أعذريني ..
شلون تقصدين أعجبك ؟ وَضحي لي عَشان أقدر أجاوب على سؤالك ..
تَنوريني يا بَيسو
اه كتبت السؤال ناقص اقصد امنشنك عليه يعني ؟؟ اخذ رائك فيه ؟؟ سوري منت شوي مفهيه ..
حبيت الوصف
انا احب البلاشر خفيف وناعم
شدتني كلمة ينبع من داخل الجلد
احس هذا المطلوب عندي
تسلمين ع هالتدوينة فعلاً وصفك للمنتج
يغنيني عن اني اسأل
Love you
إيه يَعني تَحسين البشرة فَرش وَ مُشرقة ..
عُموماً لو مَتوفر بالبلاد الأفضل دائماً التَجربة ..
love u too
ياااااه
حبّيييت لون البلاشر وأحس راح يناسبني
لأني أحب اللوك الطبيعي دائماً أخلي تركيزي على العيون
المهم
أي فرشة من ريل تكنيك ماحبيتها؟
ووش فرشتك المعتادة خن نقلدك لوووول
والتدوينة زي حقت أمس تجنن
صغيره ومفيده وحبيتها
شكراً آردوسه هههههه
كوني أنتِ.
هههههه ما أحب كُل فراشي ريل تكنيك يَعني ما أحسها تعطي النَتيجة الخيالية بس طبعاً حلوة على سَعرها
فُرشي المُعتادة بوبي براون وَ ميك أب فورايفر ، بس الآن سامر خُزامي تعطيني المَطلوب كذلك إحترافية فراشيه
ترى جالسة أربط بين إسمك هَنا وَ إسمك بالإيميل لأن نفس إسمك بالآنستا صَح !!
اسمي هنا ماريا ايه
واسمي بالإنستا مياهي نفس إيميلي
أحب أسم مياهي مدري ليه هههههه
الله وناسه بكره انتظر هالثرثره من زمان ياليت تتكلمين عن اللوكات الغريبه اللي تجذبك وتحسين لوك واو وكل عمر وش يناسبه انا عمري 32 وش اللي ابعد عنه طولي 170 وزني مثالي الحمد لله بس ودي بلوكات غريبه وفاشونيه ومناسبه لعمري مدري فهمتيني وممممم والسناب احس الواحد على طبيعته ويبان كل شي مخبي بشخصيته ..لانه راح ينحذف باعتقاده والبلاشر مادام مو موجود هون مابقدرش عليه وربي يسلمك وتصبحي على خير اموووووواه
لا لا ما بَتكون عن الفاشن ، قَلت حُوله يعني شيء نَفسي فَقط ..
وَ ماشاء الله طولك يَجنن حُلو ، أحب الطَوال ..وَ عمرك زي نانسي عَجرم وَ ميريام فارس ما أحس يَحتاج كل هالحيرة
أهم شيء هل طلتك شَبابية !! فيه ناس عُمرهم ٢٢ سنة بس شكلهم كبير بالعُمر فما يليق لهم أ لُوك فاشوني وَ غريب
مايا دياب عُمرها ٣٨ سَنة ماشاء الله وكل غير مألوف تَسويه وَ هي تقريباً أيقونة المَوضة
نَوال الزغبي ماشفتيها بَستار آكاديمي فَجرت الدنيا تفجير وَ هي فوق الآربعين ..
هالشيء يَعتمد عليك إنتِ وَ على نفسيتك وَ بنيتك ..
انا من عرفتني وانا مضغوطة بالاختبارات بس لو جيت بكافئ نفسي فمكافئتي أني اقرأ مدونتك. ?❤️
ننتظرك بكرا ان شاءالله ?
صباح النور كيفك ولك وحشه مقهوره تواجدي قل ببدا بالتدوينه التعليب فضيع فضيع يبكي اه ياقلب وربي حبيته مررررره ثاني شيء وقت ماقلتي انه اللون له بعد خلاص انا اغرمت يعني يبين طبيعي مررره اتخيله مع اساس توفيسد واللمعه اللي كانها تصقل الوجنات سوس خلاص انا من الوصف رحت ورا الشمس ههههههههه وثاني شيء والاهم وربي السناب مايليق الا لك ومايليق الا لصوتك معك حق تستغربين من ردات فعل الناس انو بالاستقرام يحرمون الصوت يطلع وبالسناب يستثقلونك اذا حطيتي صور بدون صوت للامانه ياارتوس مره طلعتي فيديو وكنتي مع ليون في العياده ومن سمعت صوتك اخذت الجمله اللي قلتيها وصرت اتغنج فيها قدام امي وابوي وزوجي ههههههههه اذا برقق قلبهم علي قلت جملتك فديتك بالله ياارتوس لا تحرميني من صوتك ولا من مدونتك الثانيه دمتي بحب
ههههههه يا حَلوك ، لا أكيد بَكون على طَبيعتي بالسَناب
بس كثير مُحبين للسناب فقلت يَمكن يعرفون فيه سَبب مُعين يخلي الواحد يتكلم فيه وَ بغيره لأ !!
ما تَوصلت إلا لجُزئية الخَوف من النَقد المكتوب ، الله أعلم وَ الله ..
نَورتيني وَ أخجلتم تَواضعنآ
هلا والله?.
ايوه كذا لاتطولين نشتاق لش والله لما طولتي???.
بالنسبه للسناب من جد والله يستهبلون كلها سوا ، اعرف لش كذا وحده
يطلعون اجسامهم واصواتهم سناذ وتروح في الانستقرام وتهزى البنات الي يتكلمون ولا يغنون?.
حبيت شكلهم مره?.
صح فرشه ريل تكنيك ماتمده بشكل حلو انا استخدم
للبلشر من سيفورا حلوه.
جربت كذا بلاشرز وكلها عانيت منهم الي يصبغ والي مايبان
والي مايعجبني اخر شي ثبت على حق بنفت خفيف.
الوانهم جدا متقاربه مثل ماقلتي بس حبيت شكلهم على البشره.
دايما ماتقصرين بطرحش دايماً وافي??.
يعطيش العافيه ??.
واحبش??.
ههههههه بالله !! يا حليلها تُعاني من الفُصام ..
يَمكن يحسون نفسهم مَخفيين لأن مُمكن تغلقين الكُومنت ..
وَ فكرة حلوة نَروح نجرب فراشي سيفورا ، شَوقتيني ..
بالنسبة للبلاشر وَ الله جربت بلاشر تو فيسيد تجي الباليته على شكل قلب ..
صغيرررون نتفه البلاشر ، بس لونه قَوي جداً جداً جداً ، وحده بالأنستا لما صَورته مَدحته قالت فضيع وَ وَ وَ
كان توه واصلني فعلاً مثل ماقالت ..
yaaaaas !!
بكره ثرثره.. يالله شقد أحب ثرثتك
cant waitttt 🙁
بَناء على طَلبكم
?
اهلا اهلا .. ياليت دايم يمدينا نلحق ع التدوينه مش ننام وحنا نتظرها ?..
عموما لسالفه السناب والله م ادري وشو السبب حتى انا مستغربه منهم ?..
حبيت البلاشر وخصوصا اللي عندك اشوفها اوضح لون من البلاشرز
وبالذات etheeral glow ذا مش واضح على العارضه ?..
سوس شيكي على التويتر لا تنسين ??..
يلا نروح نكمل المذاكره ): ?.
هههههههههههههههههههه حبيت ..إن شاء الله عطول أكون نَشيطة
دان يَقولون لك من عاب إبتلى نَضحك نضحك بعدين نسوي زَيهم ..
ههههه شَفتي الألوان إللي عَندي واضحة إحم أحم ..
آآآوكيه بشيك عليه ما يَهمك وَ موفقة بإختباراتك أو بمُذاكرتك
اي والله من عاب ابتلى ?..
اي شفتها واضحة على خدودك لووول ??.
لا الصج شفتها بالسواتش اوضح واحد كمان واضح ??..
امين يارب يوفق الجميع ?..
يا كَسوله إنتِ يا أُم تَويتر لووووول وَينك !!
واخيرا لحقت
حبيت البلسر والميزة اللي فيه تخليني احبه عادة اميل للاشياء اللي تعطيني نتيجه ناتشورال وبروفيشنال بنفس الوقت
ممتنه جدا لك على العطاء الا محدود اللي مايوفيه كنوز الدنيا كلها ?
دوم ادعيلك من قلبي الله يزيدك نور وعلم يارب?
يا حَظي ، عَشان كذا أحس مُخي مَتفتح هاليومين
أكيد بسبب دَعواتكم ، ههههه لا بَجد رآيقة لأبعد حَد
الله لا يَحرمني يا جُولي
صرت مارد بدري لاني من النوع احب اروق على مدونتك اشرب شي ساخن او اسوي ليا اكل هيلثي واقرأءها بس ان شاءالله بالايام الجايات لان قراءة الي تكتبيه من المتع الي عندي الي ماحب استعجلها واعيدها كم مره
ارتوس صرتي مدربة مبرووووك تخيلي كنت افكر اني اصير مدربه من قبل سنتين خاصه اني كنت اتدرب تدريبات قويه مع اني نحيفه لساعه ونص اتدرب hitt والجسم السفلي وبطن على حسب الجدول ةبس كنت خايفة اني اصير مدربه وانحف ولا افقد عضل
ليش ماله علاقة !! ..
أنا ما أدرب أحد ، وَ التدريب ما يَعني تتمرين مَع كل شَخص تدربينه إنتِ راح تعطينهم الخَطوات وَ الطريقة السليمة
مَع المُراقبة ، لأن ما تَقدرين تجمعين كل المُتدربات بكلاس وآحد إلا إذا كانوا يعانون من نفس المُشكلة
وَ مَجال حلو ليش لأ ، إللي عندي دبلوم ..
يا حَظي وَ الله
إني أكون رفيقة دَربك أثناء مَشروباتك الساخنة وَ أكلك الهيلثي
حبيتك روتينك بالحياة وَ روقانك ، تَنوريني باي وَقت راقية
مسااا النشاط
حلو عن الاناقه بيكون مميز
او رياضي ولا صحي بيكون احلى و احلى?
الرَياضي وَ الصحي قريباً أحاول أطرح هالمَواضيع
لأنها ثَقيلة أتأخر بها شَوي ..
ليتك ما حذفتي المقدمه الناريه ، أحب هالمقدمات منك ههههههههه
احب في تدويناتك ان اغلبها لا تخلو من فائده أو فكره او ملاحظه حتى وان كان ماله علاقه بموضوع التدوينه
و يعجبني اهتمامك في التفاصيل بتلوين الخط و تفاصيل الصور و الترتيب و التناسق ..
كل شي مرتب و نظيف و أنيق ماشاءالله ?
عشقت البلاشر من وصفك له خصوصاً انه يناسب ذوقي جداً ولونه عميق لكن أحترت بينهم
فرحت لما قلتي بكرا راح تكون تدوينه ثرثره ، من أحب التدوينات لقلبي
تسلم الآيادي توسه ❤️
ههههه لا كُنت جايبة العَيد بَعدين حرام أأذي عيونكم بَفصلاتي ..
وَ ضروري أحترم القاريء وَ أنسق له حَتى أوحي له بأن التَدوينات سلسه وَ قصيرة مُضطرة ألون
وَ لا لما يصير كل شيء سايح على بَعض المُتابع يتملل ..
تَنوريني ياقلبي ، صَحيح إذا بتاخذين البلاشر حاولي تآخذين ألوان مو قريبة من بعض
أو لون وآحد فرش يَكفي ، حتى لا تتكلفين عالفاضي ..
ياسفاب المقدمة اللي انمسحت ?
لا أزين ، ما مَسحتها إلا لأنها غير قابلة للنَشر ..
منوووووووره ✨✨
بَنورك يا مَلاكي إنتِ
زين المساء اللي نور بطلتك ?
أحب البلاشرات أحسها تعطي حيويه للوجه لما احطها يتحول وجهي الى وجه مبتسم وبريئ ? شرايك بالوصف لوول
ارتوس انت شتسوين فينا كل شي تتكلمين عنه وتمدحينه يدخل القلب ونحبه أتمنى هالبلاشر يكون عندي بما انه يعطي اللون الطبيعي وأقدر أخدع بعض الناس بحسن طلتي واني مورده خلقه من الله
تتوقعين ينفع لبطاقة الأحوال ولا المعه بتنعكس هههههههه ادري شطحه بس ابي صورتي بالبطاقه تكون جميله
رايحه أطل عالانستا واتابع ردودكم قبل النوم
بوساتي لك ياحب وتصبحين على فرح وسعاده ?
ذليت عالانستا وتذكرت انا اعتبر نفسي حنطيه فاتحة أتوقع بيناسبني صح ؟?
إيه بيناسبك ، المَوديل حنطيه وَ اللون فيها واضح
صَح صَح حبيت الوَصف ..
بدون البلاشر البشرة ما تَكون منطقية وَ لا طبيعية بكريم الأساس ..
بالنسبة لو تبين شيء طبيعي طبيعي جربي بلاشر بوبي براون الكريمي ، يعطيك مَظهر البشرة الخجولة فعلاً شكله طبيعي
لا يَنفع ببطاقة الأحوال ، بس إضائتهم ترى سيئة لو إنتِ بالسعودية الله لا يوريك شكل بطاقتي
شيء شيء فَضيع ، كأن رقبتي مكسوره مَصوريني عالمايل ههههههههه مابالك شكل البلاشر
هلا بالزين ❤️
لسى ما قريت المدونة
لكن حبيت أشكرك سلفاً ..
و اذا أمكن تكتبين لنا عن التقشير برتن اي
خصوصا مع دخول الشتاء
نحتاج افكارك و الروتين المناسب لمثل هالنوع من التقشير
و شكرًا قد الدنيا على كل حاجه ❤️
بإذن الله راح أنزل لكم قبل دخول ٢٠١٦م روتين عنايتي اليَومي ..
وَ بأفضل المُنتجات ..
تسجيل دخوووووول بس سبقوني البنات على المرتبه الاولئ
مرررره جميله التدوينه وخفيفه ولطيفه وشااامله تسلم اناملك ياقمرر بس غريبه وين عرقوبك اليوم ههههههههه
عَرقوبي نايم هاليَومين ، الظاهر دخل مرحلة السُبات الشَتوي
هههههه شوفي للأمانة أنا نشيطة جداً بالبرد يَعني تلقين أنطنط عشان كذا تلاقون تَدويناتي تنزل أبكر
صباحك زهر
ألوانه جميلة الصراحة
أنا حاليا عندي تارت من متجر الجوري حبيته كثير الصراحة
ونجرب الفاتن هذا ليش لأ ❤
كُول ، يالله قريب أنزل بلاشرات تآرت
وَ يستاهل تارت صراحة بقمة الروعة وَ ألوان واضحة
ييييييييي الصور تفلج
وألوانهم تدغدغ ?
سناب شات ؟!!! يعني السالفه جد !!؟؟ من القائمه حنا او نجلس نتعذب
ومساك رايق
ما يَبليها سؤال أكَيد إنتِ على رأسهم ..
على فكره وصفك لا يقاوم .. مغري ..
” حبيت ينبع من داخل الجلد ” .. المهم عندي
يكون ناتشورال ? ❤️
إذا حبيتي تطلبينه أفضل تجربينه ..
دائماً أفضل التَجربة
عوده بعد القراءة هههه…
حبيته لانه مو متوفر بكل مكان ههههههه
مدري انا كذا نحيسة
أحب الشي الفريد اللي احصل عليه لحالي ?
للعلم انا ساكنه في أوروبا بريطانيا تحديدا
أتمنى لو احتجتي شي من هنا ما تترددين بالتواصل معاي
عَل و عسى نرد لك شي من جمايلك ❤️
بالنسبة للثرثرة
ياليت تحكين عن اناقة الضيف و المستضيف
من ناحية الشكل و الهندام و تقديم الاكل و تنظيم البيت?
و حتى اختيار الكلام !
و كمان عن استجابة الدعوة او رفضها بأدب
الناس تخطيء كثير بمثل هالمواقف ?
(قبل فترة عزمت وحده، قالت إنتي تعالي لي !
اكره ذَا النوع .. اللي ترد على دعوتك بدعوه! ما أحب اللي يخطم على عزيمتي! المهم قلت لها هالمره تعالي و أبشري بالجايات
جتني البنت و جاها اتصال و احنا نتقهوى و ردت عليه”طبعا ما اشوفه من الأدب” المهم سألتها المتصلة وينك
قالت عند فلانة! جرتني غصب!
وخزياه بس انا عزمتك ما جريتك ?)
و نحتاج بعد ثرثرة عن حريات الآخرين و تقبل الاخر و عدم رفضه
لأي سبب
سواء ديني او عرقي او طبقي …
طماعة و كثرت بالكلام ?
لكن فعلا أنتِ مؤثرة و تلاقين قبول كبير
نطمع بك ❤️
حبيت رقيك وتفكيرك المؤدب الذكي أحب الناس الفاهمه الواعيه للي تعرف حدودها وحدود الاخرين ،، ع فكره الانسانه اللي عزمتيها ي ويلك تعزميها مره ثانيه ادري بتقولي وش دخلني باقول لك اهم م عليك نفسك وحياتك احرصي تسعديها كل يوم وكمان بيتك جنتك احرصي كل يوم تخلقي ذكرى حلوه مفرحه لقلبك هالاشكال يفضل تقابلها في غير بيتك اللطيف لجل اختصار الوقت وتجنب المدخلات في بيتك واكيد انها اعطت رايها اللي م طلبتيه في بيتك خخخ ،،، عموما انتي راقيه
يا هلا والله .. يحبيلك والله سعدت بمداخلتك
كنك تدرين هههههه جلست تعلق على بيتي و آكلي و شكلي?
رأيك مثل زوجي
يقول اللي يجيب لك طاقة سلبية لا تقربيه لحياتك اكثر
بجد
شكرًا على كلامك الذوق.. ممنوتك والله
أتمنى ارتوس تعطينا تدوينة مثل كذا و نطلع اللي فخواطرنا ههههه
هههه شَريرة حتى أنا أحب الشيء المُتفرد وَ الحديث ..
يا حَظك عايشة ببلد كل شيء فَيها مَتوفر ، وَ أعتبر كلامك أكبر هَدية يا قَلبي وَ الله ما قصرتي
يعني الحَمدلله بتلقين المُنتج عندك بكل سهولة وَ بتقدرين تَجربينه بَعد ..
وَ صراحة مَوضوعك جداً جَميل وَ حبيته ، يكفي إنك إهتميتي فيه دليل إنتِ مُهتمه به
أنا أشوف أثناء الرد إذا مافي ميانة ، أحس ضروري الواحد يقول لحظة لو سَمحتي جاني إتصال ( لو مُهم طبعاً ينرد عليه ، أما أحد داق طَق حنك لا أبداً عيب ينرد عليه ) ..
لأن بكذا ما بتعطين المضيف حقه وَ لا إللي عالتلفون حقه لأن بالنَهاية إللي عالتلفون ضيف المُتحدث ..
أما حُريات الآخرين صَعبة هُم مَقيدينا الحُرية الدينية بالدين ، وَ العرقية بالرغم الدَين رفضها
لكن بنفس الوقت شجعها لما حدد إن الأشراف العَرق الآرقى بشكل أو بآخر ، وَ لما قالك أكرمك بالجاهلية أكرمكم بالإسلام
فتلاقين ناس يقولون لك نَحن من أشراف مَكة ، مهماً كان السبب إللي فسروا فيه الأحاديث بس لاقوا لهم ذريعة
بالنسبة للطبقية وَ العرقية بنفس الوقت لما تتكلمين عن المُراعاة يصنفونك قليلة أصل أو ماديتك ضعيفة
للأسف هالثلاث شغلات بتنحل لما نتحلى بالإنسانية ، عندنا مُسلمين بس غير إنسانيين للأسف ( وَ لا أُعمم ) ..
عفكرة فيه كثير أشخاص إقتصاديين جالسين يحذرون من هالطبقية وَ يحذرون من بعض الأثرياء إللي جالسين يبزون بنعمتهم وَ يتباهون
يتباهون بشراء القصور وَ يتباهون بشراء السيارات النادرة ، وَ المُجوهرات النادرة ، وَ تقريباً جميع حياتهم لا تَخلوآ من التَباهي
وَ تحجيم الآخر ، وَ أغلبها ترى بَوزع عليكم آيفون ، بوزع عليكم سيارة ، حتى بالهدايا أصبح بتقديمها نَوع من الذل
جمعوا فلورز ، أكثر لايك عالصَورة وَ هكذا ، إستنزاف لطاقات الآخرين ، لما أفكر بأيام كثيرة أقول هُم الناس إللي صَنعوا هالطبقيين ..
أرتوس يدي بيدك انتي البنات اللي يحبونك وانا اطفالي والناس اللي يحبوني ننسف هالتفاكير الباليه ونعلمهم الانسانيه الحقيقيه تصدقي اتعلم من اطفالي والله لاهو تواصع او شي حقيقي باكون صريحه مو لما اكون ام اكون خلاص انا الامره والناهيه ؛ مره أمرت بنتي تجيب لي منديل كانت يدي مشغوله التفت لي وقالت لا ماأبي ؛ طبعا لو أم غيري ( قومي انا امك م تقولي لي لا عيب حرام وتقوم البنت وهي تتربى على انها م تقول لا وبكره الام تنصدم ان بنتها تحرش فيها السواق مو انتي ربيتها على انها م تقول لا ) المهم انا للحظات فكرت هل حقيقي يحق لي أجبرها تقوم وهي تتفرج ع التلفزيون ومستمتعه هل يحق لي اني اقاطع متعتها واغصبها تجيب لي المنديل ؟ ليه مااحترم رغبتها انها م تبي عادي م صار شي أستفيد أحرك كم عضله لي وأقوم أنا ،، حسيت وقتها كأني أعطي نفسي درس وأتعلم شي جميل صراحه
ممتنة والله لردك.. علقتي على كل نقطة!
بالنسبة لموضوع الحريات
فعلا كلامك صحيح و اتفق مع اغلب اللي ذكرتي
لكن ليه ما نتعلم تقبلهم ؟
نتقبل الأسود
و نتقبل الاشقر
و نتقبل اليهودي و المسيحي
و الشيعي و الإباضي
و نتقبل الغني و الفقير
نتقبل الانسان أياً كان! لانه إنسان
نعامله بأدب و احترام مالم يبان لنا عكس ذلك..
احنا غرقانين بالعنصرية و رفض الاخر بشكل مقزز
تلاقي الشعب كله كاره و رافض فئة معينة بدون سبب مقنع
و على طاري العنصرية؛
وحده اعرفها تدعي انها مجردة من العنصرية
و انها منفتحة و تتقبل الاخر إِيش ماكان..
تلاقيها تحكي عن الشيعة بكل حب و اليهود و اخلاقهم
و تذكر الزين بكل فئة..
لكن لما يجي طاري القصمان تنهبل!
مافي كلمة ما تذمهم فيها!
مسكينة هي غرقانة بالعنصرية بدون ما تدري..
وإلا شمعنى القصمان؟ انا مؤمنة ان كل شعب فيه سلبيات و ايجابيات
و هذا الشكل الطبيعي للحياة..
اعتقد المفروض الناس تبطل كره و رفض للاخر
عشان ترتاح.. الناس نفسها بتشعر براحة
اترك الغني يعيش حياته اللي ربي قسمها عليه
و ارحم الفقير الضعيف من لسانك و نقدك
صعب املي على الناس مفاهيم جديدة
لكن اعتقد من الممكن تدريب النفس على تقبل الاخر
حتى وان كان مخالف لمعتقداتك افكارك لونك طبقتك الاجتماعية و اصلك …
كن إنسان ..
و بالنهاية شكراً لك يا ارتوس
عطيتينا هالمساحة و الراحة و أشعرتينا بالحب ❤️
ياصباح المطر والخير ??
يختي كلامك يعطيني طاقة مش طبيعية حتى لو تدوينة عن ريفيو لاي شي مدري ليش ياليت مامسحتي المقدمة ..المهم حبييت البلاشر اوي ولونه فضيع .. ياليت توسة تكتبين تدوينة عن الفرش وبخصوص تدوينة بكره تحمست من اللحين احب ثرثرتك واحلى شي لما تكون عن الاناقة او الطلة ،، بعطيك سوس اقتراح بموضوع تثرثرين عنه اللي هو عمليات التجميل مع ان ادري مالك تجارب فيه بس يهمني رايك وماشالله عندك اطلاع على الاشياء العلمية اللي ممكن حنا ماندركها مثل مانبهتيني ان الحقن بعد فترة يرهل الجلد وبس .. اكتب لك عالسريع وملخبط كلامي لان عندي امتحان وماذاكرت انشالله بكرة اثرثر على راحتي ،،
فَيها خيرة يا قَلبي ..ما أمسح إلا الشيء إللي من المُفترض ما يَطلع للمُحبين .. شذنبكم !! ..
بخصوص تَدوينة الفُرش راح أنزل تَدوينة عن فراشي سامر خُزامي وَ عقبها بحاول أجَمع كل الفراشي إللي عَندي بإذن الله
أو خلينا نَقول بخصص تدوينات لفراشي مُعينة حتى لا يختلط الحابل بالنابل ..
بخصوص عمليات التَجميل لو وحدة تحتاجها إما لحاجة خُلقية أو مرضية ، أو حالة نفسية تَقدم عليها هذا رأيي عَنها
أما إنسانة فقط تبي تغير ما أييد لأن هالأمور إدمان ، فالواحد يمسك نفسه خاصة البنات الصَغيرات
إللي خلاص كبرت وَ التغييرات غزت بشرتها وَ جسمها ماراح يَضرها لأن هي وَصلت للمرحلة إللي تستحق العمليات
اما الصغيرات حراااااااام ، كثير ناس مايحتاجون وَ النُقطة المرعبة مين تثقين به تسلمينه وَجهك ؟!! ..
الواحد مرات ينجرح جرح صغير بجسمه وَ يتعب يلاقي دكتور شاطر يخيط هالجرح
مابالك بعمليات ،، إذا الوضع مؤثر أو الحالة النفسية مُتردية جداً ليش لا ؟!
غيره ما أييد أبداً .. عيونا الآن مَعمية بشكل العمليات نَشوفه جميل وَ حلو بيجي يوم ننصدم من إللي تقبلناه بفترة من الفَترات
وَ ركزي على إليسا وَ أقري الكومنتات بحسابها جداً مُحزنة ، إليسا ماوصلت لمرحلة العُمرية إللي تخليها تَطيح لهدرجة
قارني بإليسا وَ خالاتك أو عماتك إللي بَعمرها .. وَ بتكتشفين إن العمليات مو دائماً فيها خَير
وَ هذي إليسا إللي فنها بَوجهها وَ عندها فلوس ، يعني تقدر تجيب بدل الدكتور ألف ، وَ تقدر تعدل وَ ترمم
وَش حال الإنسان البسيط وَ العادي
اي صح نسيت شي توسة من زمان خاطري اسألك وانسى شالفرق بين المنتج التجميلي والمعالج ؟؟
هو الكلمة مُش دقيقة مرة ، لكن كل الماركات تحمل التصنيفين تقريباً
بس مُنتجات ماك فرضاً كلها تجميلية تقريباً حتى خطوط العناية بالبشرة
لكن أستي لودر بتلاقين عندهم خط لمقاومة فرضاً الشيخوخة ، أو حبوب الشباب .. بيكون إسمها تريتمنت ( علاجية )
وَ بنفس الوقت بتلاقين كريمات مُرطبة عادية هذي مٌش علاجية ..إن شاء الله إتضحت الصَورة
ياحبي لك ارتوس
طيب اي فرشه افضل نستخدمها مع هالبلاش؟؟
لان اشوف في فراشي لوضعه وفراشي للدمج وانا عندي وحده بس للدمج من ميك اب فورايفر
اذا في فرق ع الوجه ماعندي مشكله اشتري فرشه لوضع البلاش
ومررره متحمسه لتدوينه الاناقه ،، اي شي منك غيررررر
أي فُرشاة شعرها طبيعي تفي بالغرض ..
إذا حابة تفرقين أكثر روحي المحل وَ جربي وَ يكون مَكتوب ترى ، الدمج دائماً تكون صناعية أو ناعمة مرة
أما للأخذ تكون شوي خشنة زي الشعر الطبيعي ..
القاعدة هذي لمُنتجات الباودر مُش المنتجات الكريمية
مَنورتني آمول
السناب يوحي انه خاص مع انو نفس الشي بالانستا بس برضو كذا كانك لحالك مدري كيف ?
انا من عشاق البلشر احينا احط بلشر لوحده بس ? اتوقع لو جربته رح احبه خصوصاً الالوان حسب ما اشوف في الصورة تناسب توني ورح يطلع طبعي وحلو
دمتي بود ارتوسة
ههههههههه أهَم شيء عَطيتيني المُبرر ..
يالله إن شاء الله تسنح لك الفُرصة تجربينه
نَورتيني
كالعاده موصيه شبحي يخبرني لانزلتي تدوينه ? ،
لييييييه حذفتي المقدمه ? ،،، عصبتني وبعدها ضحكتني ? لما قلتي نقرر نحبك والا لا احنا حابينك وخالصين ? ، اما سؤالك عشان السناب صراحه أتوقع للايحاء للمتابع انو اقرب لهم في السناب فيحبوه أكثر ويعطونهم شعور انكم واو انتم سبيشل سمعتو صوتي ، زي هيك واكيد مو الكل هيك ،،، البعض فتح لكثره طلب المتابعين له وهو لبى لهم هالطلب anyways ,,,
اللمعه تصرررخ وتقول انا لككك خلود احب الاشياء الطبيعيه هيك اللي تحسيك بانوثتك بدون تلطيخ
أقترح عليك إنو تحكي للبنات يبطلو هوس الموضه هذا وتبطل الوحده انها تتكبر وتشوف حالها على الناس لانها تبعت الموضه ؟ مافي رابط بين الغرور والموضه ابدا اذا بتتبعي موضه اتبعيها محد مانعك لكن انك تنظري لغيرك نظره ازدراء لانها اشترت من الهرم أو المجد م يحق لك أبدا أبدا وإنتي مخك تافه للاسف > مبين عصبت لووول ،،،
والف شكر إلك ع التدوينه اللميعه ????
م ادري وين الرابط في كلامي بين الموضه والاسواق ههههههههههه اذا لقيتي رابط علميني > متحمسه لصرقعتك اللي متاكده مرح تكون اكثر من صرقعتي ،، ع فكره اي لڤيووو
يَمكن برضو أسهل ، بس أستغرب لما ينزلونها بالأنستا يشيلون الصوت بالرُغم نزلوه بالسناب بصوت
بس زَين فكرتي مَعي يا حُبني لك ، وَ بالله عَطي شبحك بوسه أهم شيء ما يكون زَوجك بس ههههههه وَ تذبحينا ..
وَ صَح أتفق مَعك ، هالنظرة السيئة مُؤذية من نَواحي كثيرة ..
الإناقة قبل لا تكون أناقة لبس وَ ماركة ، تكون أناقة فَكر ، وَ أناقة نظافة وَ ترتيب وَ هندام ..
تَنوريني يا لحُب إنتِ
الإناقة قبل لا تكون أناقة لبس وَ ماركة ، تكون أناقة فَكر ، وَ أناقة نظافة وَ ترتيب وَ هندام ..
كلامك هنا روووعة هذا الي ابي اوصله حق نفسي وغيري بس ماعرفت بالضبط شلون اصيغ الفكرة بسهولة نبي تدوينة ثرثرة بهالخصوص.
صباح الأنوار ..حبيت أرد قبل ما نام ..من حكيك عن البلاشرات أعجبت فيها ..رائعة كعادتكي و وصفك دايما جميل حتى في النقد?
يمكن الغد أدخل المستشفى و حبيت أبقيك على خير راح أشتاق لتدوناتك?..مع السلامة و لك كل حبي و تقديري و إمتناني يفوق تعبيري ❤️
ياربي كُلكم داخلين المُستشفى عَسى ما شر 🙁
طَمنيني عَنك ، إن شاء الله نسمع عنك الأخبار الحُلوة
ياصباحو
ترى دخلت كذا بالصدفه عبالي التدوينه بتنزل الفجر لااااااا عرقوبك بدى ينااام بدري والله <<<<<بغيت اقول يموت بس ماابي اي شيء يخصك يموت ان شا الله لو هو عرقوب ??…
والله اتحمست لها خاصة انك قلتي لي اول ماجربتيها انها مو قد الضجه غالبا الشيء الزين ونتعلق فيه يجي مع التعقل ب اخذ الرائي فيه وبجد شوفيه اعجبك وحسيت اني ابيه حالا بالا باذن الله راح اجيبه واجربه ..??.
وموضوع الثرثرة اممم في شيء كنت باقترح عليك تتكلمين لنا عنه وتوضحينه بقوله لك عالخاص لانه جريء شوي وهو قد اتكلمنا فيه سوى وله فترة يقرقع براسي ووالله امس كنت بقولك عليه بس نسيت …
وياللا فوتك ياقميل بعافيه ❤?
ههههههه تَرى كنت بَقولك ، بس كنت خلاص بَغمرة الإنشغال وَ توقعتك بتنامين ..
ههههه يا حُبي لك ، لا خَليه يَموت وَ نرتاح من مَواعيده
الأجانب مَطلعينه السَما ، هو حلو بس لون وآحد منه أشوفه كفاية إلا إذا أصدروا ألوان مُتفاوتة الدرجات ..
يالله تَحمست له ، خلاص تَم بَشوف هل إللي ببالك نفس إللي ببال ، وَ ترى هلي بكتبه سبق وَ تكلمنا عنه رشو
علقت ع الاسم مو ?? بس احسن عشان ما تنسيني ، سؤالك الي بالبداية كثير كنت افكر فيه وما ادري ايش السبب ان الناس تاخذ راحتها -وبشكل مبالغ فيه- في السناب اكثر من الانستا ممكن عشان السناب كله يوم ويروح بس بعد الكل يقدر يحفظ بس ممكن عشان كل سناب لازم تحفظينه لحال والناس تستثقل وممكن مو الكل له نفس يحفظ ويتتبع الزلات ? ع العموم ما علينا حبيت وصفك للمنتج من جد تحمست اشتريه خصوصا اني من فتره ادور على بلشرات ثابته وطبيعيه تنفع للصبح وشي غير عن المعتاد ولو ان سعره غالي بس مرره حبيت وصفك له ? لو تعرفين قد ايش افرح لما تقولين تدوينة ثرثرة ???? يخليك لنا ارتوسه الحب ❤️
صبآحو ..
تكررت كلمة سناب كثير ? يعني جد
بس مين اللي راح يكونو معآك .. ?
بالنسبه للي يتكلمو فالسناب فهو اقرب لليوميات والثرثره والضحك والمواقف يعني مو رسمي زي الانستا .. أتخيلك توسسه تسولفين وتحكين وش صار لك
بالفيديو ممتع ?
توسه ? ماتفكرين انك تعرفينا بشخصيتك .. ياشيخه حبيناك وانتي ارتوس .. اجل لو كنتي شوق ولا ملاك ولا العنود
??? وربي كلها مو لايقه لاكن لي ساعه ادور لك اسم لايق
خلاص انتي سمر ?
البلاشر يفتح النفس وحسيتو طبيعي أحوب الاشياء اللي كذا .. جاري الطلب عاد مدحتيه يعني ماعليه كلام ?
الله يسسسعدك وين ماكنتي ..
صباح النسمات الباردة ، ماشاء الله ماتلاحظين انو لما صرتي تنزلين تدوينة بدري تحصلين ردود بالمدونة ?، زحمة يادوب اقرأ الردود
صباح الرايقين . .
على فكره انا تعجبني مواعيد طرحك للتدوينات ولا اتمنى عرقوبك يروح ههههه .. لأني صُحبه مع الليل و السهر فأروق أكثر بهالوقت ??
بالنسبة للسناب تشات مُلاحظتك بمحلها ،، ههههههههههه
و ممكن يرجع السبب هو ان السناب اساسا هو بداية “تحرر” البنات عندنا ان صح التعبير ، يعني الاحظ كثير بنات ما كانوا يحبون يتصورون او ان تنحفظ صورهم عند الغير ، بس يوم طلع السناب اشوف الوضع اختلف عندهم !! .. بحكم انها صور مؤقته وكذا .. و مع الوقت تعودوا عليه وحبوه ؛ اعطاهم حُرية بعض الشي و ارتاحوا له غير الانستقرام .
و حبيت التدوينه .. احلى شي بالميكب ،، البلاشر?
تسلمين على الإخلاص اللي تقدمينه .. ألف شُكر لك يا حلوه
صباح الحب
من حظي هالبلاشر بماا انوو احب
اللوك الطبيعي ?
ولونه جممميل جداً ماشاءالله
حمستينا لمدونة بكره?
جميييل ? والوانه رايقه بس فعلا متقاربه
اذا توفر عندنا اكيد بجربه بعد رأيك
بالنسبه للسناب البنات ياخذون راحتهم لانهم حاسين ان الناس بتشوفه مره وبينحذف مو نفس الانستا .. يعني الموضوع نفسي فقط
ان شاء الله يكون لنا نصيب ونشوفك او ع الاقل نسمع سواليفك وقتها بيصير السناب مرتبط بسوسو وبس ?
والله صح كلامك ع سالفة السنل , ناس غريبة.
سوس اش راي تعملي سناب خاص بالمتفاعلات ?
بخصوص البلاشر , مجربةاول درجة ومفضبة عندي ?
لاني احب اللوك الطبيعي ..
تسلمي ???
تسجيل غياااااب هههههههه
مساء الجمال والانتكة
اولا صدق جاني فضول اعرف المقدمة ((فيس حزين)) وبخصوص سالفه السناب انا حلمي يكون عندك سناب لكن سوي مثل شاي خليه حق الناس المتفاعله والمودبة المهذبه احلى مافيه انك مايتطلب تحضير واعداد مثل المواضيع يعني اذا طرا على بالك موضوع او شغلة تقدرين تتكلمين عنها مباشرة ادري انك تحبين تحطين المعلومة كاملة لكن فكري بها يختصر عليك وقت وتوصل معلومات اكثر بوقت اقل بدل شرح وخطوات.
بالنسبة للبلاشر انا جدا اشتقت لتدوينات المكياج اما منتج صراحة ماتحمست اشتريه لانه مش متوفر عندنا وحسيت اني شوي مكتفيه باللي عندي بس هذا مايمنع انك تنزلين مواضيع اكثر عنه.
صباح الروقان ?
السناب توني مع خواتي نتناقش بهالموضوع لمّا شفنا أحد المشاهير بالسوشال ميديا
جدًّا الألوان رايقة حبيتها حيل تحسين رح تكون الطلّة زي طلّة نجمات هوليوود .. يعني بلاش وبنفس الوقت هايلايت معتدل مو أوفر
بالتوفيق ياجميلة ، بإنتظار تدوينة الغد بكل شوق ?
سوس انت الصندوق الأسود لكل بنت تبحث عن الجمال الداخلي والخارجي? .. انت السخاء بذاااته انت الشي اللي فيه كل شي نبحث عليه ودي اتغزلفيك اكتر واكتر وأقولك كلام من القلب بس استحي ??
حبيبتي كرما وليس امرا عندي سوالف كتيره بكل مايتعلق بالبيوتي ياريت لو تعطيني من وقتك القليل في يوم ما (باختصار محتاااجه افهم كثير شغلت لان اكتر من موجه وصابون وجه ما اعرف) دمتي بسلام
اول شي معرفه الخلل هو نص الطريق واحيك على شجاعتك وقولك انك م تعرفي في مكان عام ترى يعتبر كسر حاجز وبطل هالشي منك ،، احاكيك لاني بالضبط قبل كم سنه كنت مثلك والله م اكذب عليك ثلاثه ارباع اللي انا فيه باكون جاحده لو ماقلت ان تعلمتها من ارتوس :: المناكير – الترويش – التقشير الجاف – الرياضه ككل – الاكل ككل ايضا – المنتجات وشرح ادق م يكون – الكعوب او الهيلز – الشعر – البشره – الحمام المغربي – حركه تطويل الشعر ،،،، فكره انك تحبي نفسك وتنتبهي لها وتدلليها اكتسبتها وعرفتها من ارتوس ؛ حقيقي شكري الحقيقي لك هو باستمرار تطبيقي لما افدتني به ؛؛ هدى لاتلفي ولاتحتاري مدامك وصلتي عند ارتوس طيري لكتاباتها في موقع شمواه وخاصه تدوينتها في خربشه واكثر ع فكره هدى ترى موقع شمواه ارتوس مصلحته يعني هو كله ع بعضه مفيد وجرئ ورهيب ؛؛؛؛ اتمنى افدتك واتمنى م تزعلي من ردي عليك بدال ارتوس ?
السسلام
البلشر فعلا ألوانه تفتح النفس والباكيج حقه مرا جميل
تداخل الألوان الي فيه حبيييييته فعلا زي ماقلتي رخام
واحسه بطريقه ما يشبه تو فيسيد
انا ماحكمت على التركيبه لأَنِّي ماجربته اصلا
بس أحسه قريب من ألوانه
??
فمان الله
صباح الخير
وحشتييييييييني وربي اشتقت لك ولمدونتك وكلامك انشغلت الايام اللي راحت .
المهم عجبتني الالوان وعجبني التأثير اللي يعطيه عالوجه ولاني زيك بالغالب اعمل سموكي مميزاته تحممممس وان شاءالله بجربه…
وعلى سالفة السناب انا بعد مالقيت الجواب !!!!! ولا بعد فيه ناس اذا ماطلعتي صوتك تنتقدك ان حسابك ممل وماله فائدة !!!!!!!!! عجب عجاب
وبالعكس راح تنحبين اكثر واكثر بالسناب وطلتك بتكون غيرررر ….
Bonjour Artos
صراحة اكثر شيء شدددني تصويرك مااشاء الله وششش هالجمال
انا بصراحة لون بشرتي حنطي فاتح وماحب افتحه بالمكياج فما تلوق علي هذي الألوان واللمعة اللي فيهااببداً
بالمقابل اعشقها على غيييري بدرجة جنونية ?❤️
بأنتظار ثرثرتك على احر من الجمر >> والله حرام ينقالك ثرثرة
لان كلامك جماااااال كله
مفسي مرررة تردين علي ?
حسني لابسة الرداء المتخفي
صبآح الخير آرتوسه ❤
والله عرقوب حيرنا، البارحة لما انتظرته غفت عيني ولا نزلت التدوينة
واليوم لما توقعت أنها تنزل الفجر كان موعدها على غير المعتاد
ما هذا التصرف يا عرقوب هههههههه
والله العلبة بحد ذاتها تجنن، صح أنها متعبه لانها لميعه بس شي راقي وجميل وانيق والنتيجة كذلك
انا احب البلاشر صراحة احسه وايد يعطي انوثه
وما أتخيل ويه فيه أساس بدون بلاشر، يصير مافيه حيويه
وللأسف والله موب موجود عندنا
بالنسبة لفراشي ريل تكنيك أتفق معاج أن أغلبهم ما يؤدون المطلوب
انا أخذت منج فكرة التنويع في ماركة الفرش أن ممكن يكون عندي أكثر من فرشة من براندز مختلف يعني مو شرط يكون عندي ست فراشي من ماركة وحدة لاء أخذ الفرشه اللي تعجبني من كل ماركة أحس إنها بتؤدي لي المطلوب والنتيجة النهائية اللي آبي أوصل لها
سالفة السناب شي طبيعي تحسين بتحرر أكثر بس جد انا مثلج استغرب ليش هناك غير وبالانستا الناس تكون رسمية بزيادة
وعلى طاري السناب والحساب اليديد اللي شكله مالنا نصيب فيه ، انا بعد آبي أكون معاااااااج والله والله طال انتظاري
( قلب كبير مجرووووح وفيه سهم بالوسط بعد )
والله ما نوفيج حقج والشكر لج قليل مهما كثر بنظرج، تستاهلين كل خير ودعواتي لج بالتوفيق وين ما تكونين
أن شاء الله نلتقي في تدوينة الثرثرة على خير ❤❤
يا صباح الخير ?، عجبتني المقدمه الضحكيه ? ، عاد جد بعض البنات مدري كيف تحسين ما تنزل صوتها او يدها او رجلها في الانستا بس في السناب عادي حلال ممكن يشوفونه اكثر حريه ? عاد احسك بالسناب بتبدعين وبيكون حماس مع اني ما اظن اني من اللي بتختارينهم وبكون سعيدة لو اخترتيني ? ، ندخل في الموضوع كأني اخذت راحتي ? ، عجبني البلاشر مره والوانه هاديه وصباحيه عاد جد فرشة ريل تكنيك ما تمسك البلاشر بقوه انا لا جيت احط اكثّر البلاشر فيها بعدين اضربها خفييف بالعلبه وابدأ امد بشويش عشان لا يطلع كثير جربي كذا ، ودمتي بود يا جميلة ?.
انا اخق على شكل البلاشرات واشتريها واحطها بالدولاب بس منظر وتبريه للذمة ?? متحمسة لتدوينة بكرة
صباحي انتي??بالنسبه للسناب يمكن عشانوه اربع وعشرين ساعه ويختفي ومحد عندوه الفضاوه انوه يحفضهن الا ذا يبون يتمخرون عليه
البلاشرات جميله بس مستحيل اشريهن لانه لمعيه عندي كرهههه مو طبيعه للمعيه اذا حطيته احس اني اوفر وعلطول امسحه
أهليين وسهليين
ألوان البلشرات تجنن حبيتهم ، أنثوية ولطيفة
لو حصل لي راح أشتري mood exposure
دخل مزاجي
وحمّستينا لتدونة الثرثرة
تتهنّي
اتوقع اللي تكلمو بالسناب تحصيل حاصل ماله سبب
اسالي ورد تميم
والله حبيتها اكثر واكثر بعد ماطلع صوتها
تدرين انها تكتب الوصفات بالانستقرام
بس لما تطبخ بالسناب تعطيك دافع غصب
انك تطبقين
انتظرك بتدوينات الثر ثره اموووت عليها
لان تدوينات الريفيو تتطلب الكثير من المال وحالياً مطفره
هههههههههههه
صباحو
خساره كنت نايمه لما نزلت التدوينه
خلتيني ارجع اقراء تدوينه الارواج .. مع انو كل مره امر من قدامها واقول لا ما راح استخدمها ابدا .. اقراء شي تاني احسن ههههههه
سوس بتفلسيني حبيبتي .. عندي مشكله حب التجربه والاقتناء
اور قلاس جربت من عندهم الاضائه .. اول ما جربتها انصدمت فيها
توقعت لمعه قويه وتنفع للمناسبات .. ركنتها فتره ورجعتلها
لما رجعت استخدمتها كفنش باودر .. وطلعت جميييله وما اقدر استغني عنها دحين
بالنسبه للبلشر حمستيني اجربو ممكن يوما ما .. حاليا ما احتاجو وعندي كثير واغلبها جدد
دمتي بحب ..
تسلمين ياحلوه ويسعد هاالايدين الي دايما تسعدنابكتابتها الزينه
أنا من صرت اتابعك سحبت على اغلب المدونات ولاصرت اتابعهم لأنك تفوقت عليهم تشرحين عن المنتج بطريقه واضحه ومستوفيه كل الجوانب
من يوم بديت اتابع البلوقر اشتريت منتجات كثيره بناء على كلامهم واكتشفت بعدين انهاخرطي مو قد الكلام الي ذكرعنها وبعدماتابعتك من جد صرت ماشتري اي شغله سوو عليها ضجه وارتحت صراحة
الله يوفقك وييسرامرك دنيا وآخره
يسعد صباحك
من وصفك للمنتج حبيته اما بخصوص فرش ريل تكنيك مااعجبتني صراحه حسيتها خساره فلوس ماتمسك اللون ولا تدمج صح عندي فرش العين منهم
وبإنتظار ثرثرتك ياقمر
عارفه اشتقت لايش ؟لمواضيع لوكات المشاهير امس شفت نوال الزغبي في المتاهه بيني وبين نفسي قلت ياليت اعرف رأيي ارتوس فيها بس خلاص تقريبا كانت طلتها مقاربه لستار اكاديمي فعرفت راييك عنها ، اما السناب شات اصلا خلاص انطبع عندنا انه اي وحده ساكته بتتكلم في السناب يمكن لسبب انه ٢٤ ساعه ومحد بيتعنى ويحفظها ممكن مع انه زي ماذكرتي سهل جدا انه تنحفظ او يمكن تبغى تغيير من الانستقرام فيديو صامت وترى الكلام يختصر كثير من الكتابه مدري وصلت فكرتي وشكرا ارتوسه ع التدوينه اول مره اطول بالكلام ?
صباح الخيرات ❤️
صور البلشرات تجنن وتغري للشراء
البلشر الوحيد اللي ناسبني ومايطلع شكلي اوفر حق بنفيت
وبالنسبه للسناب والانستا فالانستا انعرف انه مرجع وشي للفائدة من منتج وتغذية وتجربة وتجارة …الخ
اما السناب كان للوناسه وسعة الصدر يعني الواحد يشارك الناس يومياته
بس الحين تغير صار زيه زي برامج التلفزيون اعلانات وفقرات ومعلومات ثقافية ودورات
دمتي بود?.
صباح الخير..
ما شاء الله ارتوس انتي ومتابعاتك راقيات.. شدوني الردود كثييير.. نادرا ما ناقى متابعات بهالرقي..
حبيت البلاشر و الالوان.. انا من البنات اللي ما احب البلاشر القوي اطلع كاني تفاحة فاعتقد على وصفك هالبلاشر يناسبني احبه يكون طبيعي و خفيف.. بس عاد من وين بنحصله.. كل شي حلو مب متوفر عندنا…
اما عن موضوع السناب.. صح لاحظت كثييير في الانستجرام بروفايلهم يختلف عن محتوى سنابهم.. ماادري الغلط مني ولا منهم.. يعني الاثنين يعكسوا شخصيتك و حياتك فليش كل مكان لك شخصية غير.. و معظم اللي ضفتهم عن طريق الانستا حذفتهم في السناب و الانستا لاني ما بحب الناس اللي عايشين دورين.. الحين معظم اللي في سنابي الاهل و الاصدقاء.. و الله لو تسوي سناب بكون اول وحدة تضيفك انتي الوحيدة اللي ما رح تتصنعي و تخلقي لك شخصية غير عن اللي نعرفها.. لانك صريحة و ما تحبي تنافقي الماس و تظهري بوجهين و هالشي شفناه في بوستاتك.. يلا ننتظر تسويلنا سناب و نفرح..
حبيت لون البلاشر كثير وبالذات لاني احب يكون البلشر كنه طبيعي خفيف يعجبني هههه …
صراحة نفسي اشوفك ع السناب بقوه هههه ودي كذا اعرف طبيعتك عن قرب ..
عجبتني الألوان جداً وفعلا متقاربة بشكل كبير
حسيتها تلبق ع بشرتي كتيييير
يعجبني منظر البلاشر اللي كأنو طالع من جوات الخد
???
ان شاء الله باخد لي كم حبة ،،
وميرسي أوي ي قميل ?
مساء الخيرات سوس…. يسلمو على هالتدوينه الجميله…وان شاء الله يحصل لنا فرصة نجربه وياااارب نوصل لمرحلة البروفشنال بالميك اب???وبانتظار تدوينة اليوم…وربي يعطيك حتى يرضيك ?
يامساء الفُل
تعليقاً على الصوت بالسناب دايم كنت اسأل هالسؤال .. يمكن لان السناب محد بيشوف الا اللي أضافك عنده ، غير عن الانستا مفتوح للكل ..او يمكن لإمكانية السوالف المطوله هناك ، لأن صعبه الانستا تنزلين عشر مقاطع تسولفين فيها ? واسباب اخرى كثيره .. ويمكن شي آخر ماجا ببالي الله اعلم ?
ونستنى سنابك على احر من الجمر ??
البلشر حبيت اللمعه اللي يعطيها سو سيمبل وكله نعومه ??
ههههههههههههههه السناب شات كسر الخوف وحواجز الصوت عند الكثييير
طبعا انا بعلق ع المقدمة لأنها اسعدتني وانا من الناس اللي تحب طراطيعك ومقدماتك
وخروجاتك عن النص احسك قريبة مني جدا
المهم ان السناب شات من البرامج اللي تسمح لك تقفلي التعليقات يمكن أو التعليقات ماتظهر غير لك
عشان كدا ع الاغلب مافي احد يحرش أحد أو أحد يتضارب مع أحد
كل واحد يرمي قنبلته سواء ايجابيه أو سلبيه ويمشي
وصاحب الحساب له حرية انه يطلعها او يطنشها
وبس والله *قُبلة*
لاحول ولاقوه الا بالله كتبت تعليق طويل عريض بالنهايه طفى الجهاز?
الخلاصه
*السناب اكثر سهوله وسلاسه واريحيه من الانستقرام حيث ان الانستقرام لو وحده تنزل سالفه٥دقايق مابقى احد من متابعينه بينما بالسناب توصلين السبع ميه والالف والالفين والناس مستمتعه واللي ماستمتع يسوي تخطي
*انه الانستقرام محفوظ اربع وعشرين ساعه تلقائياً بينما السناب ينحذف ،وتحسين براحه اذا نزلتي اشياء شاطحه شوي او استهبال او شي ،يعني حلاوته بوقته وتنحذف بعدين، وترتاحين واللي يتعنى ويحفظها ببرامج مع نفسه
*انه مافي شي بانستقرام يستدعي تتكلمين ونادراً مااحد ينزل صوره او مقطع بدون كتابه اساسا تصير كأنه من غير نفس اما بالسناب نادراً تشوفين حساب ممتع بدون لايتكلم لان الكتابه صعبه شوي ان كثرتي امتلت الشاشه وان قللتي صار كأنه تسليك
وبس
جزء من كوني انا اني اصير اخر تعليق حتى لو التدوينه قبله ميه سنه اذا بقلبي شي بقوله يعني بقوله ،ودي يوم بس اجي مبكره واحضر السالفه بوقته?
يالله ان شاءالله الحق ع الثرثره?
محد مشوقني ع هالماركه الا انتي احس بس انتي تكلمتي عنها 3>
تعرفي ياارتوس احب وصفك للمنتج وطريقه استخدمك لها بعددة طرق واوقات مختلفه بعكس الباقين بس تقول حلو وجميل والكل يطير عنده
الله يعطيك العافيه ولايحرمنا منك ???
هالمآركه من أول مآخذه قلبي وعيني عليها
بس ننتظر آخر السنه ونشوف يمكن ينزلون
مجموعه تجمع كم لون ، عآد وصفك لها بالذات
هو اللي أحبه واحتاجه فأتوقع إني بأكرفها لووول
وعلى سالفة السناب أتوقع أنه بيجلس 24 ساعه
وينحذف مش نفس الانستقرام وفي نفس الوقت
الكومنتات مو ظاهره للملأ فلو جاء نقد مثلاً محدن
راح يشوفه عكس الانستقرام ويمكن البعض فكرتهم
ان الانستقرام يبقى على طول ف مايبون يحطون أي
شيء هناك وومكن لان السناب تشات عفوي أكثر
من الانستا:) ها اشرآيك جبت لك عده أسباب ههههههه
مساك احلي من العسسل ياجميله ..تمنيت اني قريت المقددمه اشتغل عندي عرق اللقافه خخخ
اما عن السسناب والله نفس استفساري فيه وحده ضايفتها سناب مره مره ع طبيعتها وبالانسستا وحده ثانيه .. ليش طيب هالعنا وش الله حادني اصيرر بشخصيتين خليك كما
انتي بالسناب بالانستا الناس الي يطالعونك هينا هم نفسسهم هنااك
كبدي طاقه من هالنوعيه احسس فيهمم انفصام .. وبعد احس انو السناب في بال هالناس انو مايحفظظ مع انوفيه برامج تحفظ كل شي ..
بس انتي ياسوس اذ حطيتي سنااب مستحيل رراح اكرهكك انتي حبك موويوم اوويومين انتي من سنننين احبك لباك بسس بانتظاررسناابك ياجميله ❤❤❤
اما بالنسبه بلاشرات تهوووس مرره وشكله طبيعي جددد يعجبني هاللوك
وعلبة البلاشر مرره جذابه صراحهه اتوقع العلبه لها نصيبركبير من شرائك لها المنتج خخخخ
اما عن الفرتشي ريل تكنيك بعض الفرشرماتريح صررراحه مو كلها حبيتهاا
عندي طقم فرش من بدي شوب له اكثر من ست سنين عندي حقت البلاشر مرره جميله وحبوبه تؤدي الغررض صراحههه
تدوينه جميله،مثل عااادتك
احبك❤❤❤
ههههههههههههه ليتك ماحذفتي المقدمه
اولا السناب شات انا اشوفه اسهل و مافيه تكلف زي الانستا و اسهل يمكن خصوصا لو معك ناس محترين ويبون يشوفون حياتك ههههههههه
وانا ترا ضايفه الاقارب ولو انهم هم والله يبون سنابي واعرف انهم يبون يشوفون لقافه بس اصور و احرهم ههههههههه و اذا شفت احد تلقف احط كلام ويعرفون نفسهم سب مباشر ف الوجه وماخذه راحتي فيه بس ماعندي احد غريب حتى الشباب مستحيل اخلي من هب ودب يشوف سنابي لاني مو بس اصور خشتي حتى صحباتي … متحمسه لتدوينة الثرثه شكلي بسهر عشانها اخاف يغلبني النوم وانام
تصدقين الوانهم زاهيه احب الالوان الفاقعه بس تكون حنونه ههههههه يعني مدري كيف يكون لون بنك وهادي بس فااتح يجي شي وعليك أكيد بيطلع دماار ماشاءالله العلب تعليبهم صعب خصوصا انا لو كنت اتمكيج ارجع الاقيها بصمات وملطخه تنظيفهم متعب وخصوصا اغلب علبذ المكياج كذا
مساء النور آرتوس الجميلة
احب مقدماتك العفوية ياريت ماتحذفيها لأنها تعطي كلام في الجبهة ماشاءالله
بالنسبة للسناب
اكتشفت انو عندنا كثير تنقضات من خلال السناب
كثير ناس ينتقدو اللي يتصور في الانستقرام وماعندهم مشكلة يتصورو بكامل زينتهم في السناب
ومعروف انو كل معلوماتنا تنحفظ عند الشركات
?ننرجع للبلاشر عجبني مرة انو لمعتو ناعمة وباينة كأنها طبيعية
بس انا افضل ابعد عن الاضاءات لأنها تبين عيوب بشرتي
عموماً آرتوس يعطيكي العافية مجهودك جبار ودائماً نستفيد منك ?
على فكرة عجلتني كتابتك لدي الكلمة فوتولومينيسسينت?
يابعد حيي…
صراحة مواضيعك تحمس الواحد…
صح الالوان متقاربة جدآ..
انتظرك غداً ، مراا متحمسة لثرثرتك..
باي ياقميلة
يسعدك على هالتدوينه الجميله
على طاري السناب اشوف انه اسهل تصور وتتكلم و بعد فتره يروح مع اني مو مقتنعه بفكرة انه يختفي اكيد ينحفظ عند الشركة نفسها
و البلاشرات حبيتها كثير ونفس الملاحظه الي لاحظتها قلتيها ان الوانهم متقاربه جدا وحسيتها خفيفه
ودي أكله من جمالهم ماشاء الله..حبيتهم خصوصا انو انا ماحب الشي الثقيل احس يعطيني عمر اكبر الا الارواج أحبها غامقه :/
وبخصوص السناب كل شي له ايجابياته وسلبياته بس اتوقع راح يقربك من ناس كثير ..
وتحمست ع التدوينه الجديده لان فعلا محتاجين شي عن الاناقه خصوصاً انا:(
ويعطيك ربي العافيه
يسلمو
يسعد ايامك يارب ..
بخصوص السناب انا بعد استغرب !
لو الوحده يطلع صوتها بالانستا يهبون فيها هبه
وفجأه بدون سابق انذار صار كلش عادي بالسناب
اي طيب كان من اول .. او أن الشي اساسا بالتدرج
والبرامج قاعده تخليهم ينفتحون اكثر وحسب راحتهم النفسيه ..
وبالنسبة للبلاشر ما شاء الله تعليبه فخم ويفتح النفس
وتصويرك له دور .. ?
وحبيت وصفك له .. موفقه يارب
الله يسعدك على هييك مواضيييع
ماركة هورغلاس لفتني البلاشرات اللي كانت نازله قبل فترة ليمتد بس اللي شدني اكثر الاضائه حسيتها ناااااااااعمه وماعرف تعطي ريفليكشن ولاااااغلطه كأن البشره صحيه من نفسهاا ، عيل من طريتي سناب نحن نطالبج بسناب عام لكل متابعاتج استفدت منج كثيييييييير من ٢٠٠٩ وحتى الآن ، ع فكرة انا بعد اغلب لوكاتي اعتمد ع السموكي وبلاشراتي اغلبها ماك ومش كثير صحبه مع البلاشرات اللي فيها اضائه او شيمر لأنها تبين المسام واحس مكياجي مش نظيف خصوصا مع بشرتي الدهنيه ، وبخصوص التحدث ف السناب انا مني ابربر واغرغر ومطلعه مواهبي الاعلاميه بحكم مجال دراستي وبالعكس. الصوت يوصل الفكره بصورة ادق من الكتابه غير ان يخليج اقرب لمتابعاتج بس اللي ينرفز لما اتييج وحده وتتكلم بغنج مصطنع وتقولج هذا سووووتيييي ماتدري ان سوووتها كأنه احد خانقهاا
المَرة الثانية جربتها بفرشتي المعتادة ..
وش هي الفرشه؟؟
وش افضل فرشه للبلاشر والفاونديشن
استغربت انك ماحبيتي ريل تكنيك مع ان الكل يمدحه
Hi there,
love your post so mush..
Hourglass is one of the brands i want to try very bad but didn’t have the chance to do so..
Now i ‘m excited to try it even more after reading your post. I have heard that their foundatio is brillient too.
regards
Sophie