صَباح / مَساء الجَمال
ماراح أطَول بالمُقَدمات خارج إطار المَوضوع ، لأن أحَس إني أكتب وَ فيه شيء يَطرد وَراي
بَما أنه غَداً يومي حافل ، راح أكتب هالتَدوينة وَ برتاح يُوم وَ برجع أكتب تَدوينة ليلة الخَميس بإذن الله
( عاد لو عَندكم إقتراحات بَخصوص تَدوينات أكتبوهآ لي راح أطَلع عليهآ )
لَكن لا ديرما رولر وَ لا طريقة تنظيف الوَجه بعد الماكياج ، وَ لا طريقة تنظيف الوجه بالمُجمل
( هَذي مَواضيع طَويلة جداً وَ تحتاج وَقت وَ مَخمخه )
L’oreal Professionnel Mythic Oil
مجموعة لوريال بروفيشنال الأسطورية
هَالمُجموعة من لوريال أُصدرت بِعام ٢٠١١ م
وَ سوت ضَجة كبيرة بوقتها لدرجة إن المَجموعة تَوسعت مِن مُنتجات الشعر إلى زيوت للجسم وَ حتى عطر للشعر وَ الجسم
بالصَورة أدنآه عطر الشعر وَ الجسم من لوريال بروفيشنال وَ تُعتبر مَيزة عطر شعر من براند مُخصص للشعر
يُقال : مِن كثر شعبية هَالمُنتج كل دَقيقة تُباع ثلاث عُلب من نَفس المجموعة
المَجموعة أخذت ٣ جوائز جمالية إللي هي :
بالرغم إني زبونة دَائمة للوريال بروفيشنال بَس مدري هالمجموعة ماتحمست أجربها كثير ، وَ إن بغيتوا الصِدق صَار عندي وسواس مِن المُنتجات إللي تسوي ضجة وَ تاخذ جوائز كثيرة وَ كل المَجلات تتكلم عنها وَ البلوقرز وَ اليوتيورز الأجانب يتكلمون بشكل مُفرط وَ يطلعونها السماء أعرف وَراها فلوس مُحترمة إندفعت للحَملة التَرويجية
عُموماً هالمجموعة عندي من سنة أو ٨ أشهر مَا أذكر بالضبط لدرجة خَلصت المَجموعة يمكن من ٣ أشهر وَ لا قدرت أعطي إنطباع دَقيق عنها وَ خليت علبها فاضيه عشان أتذكر أكتب عنها ، وَ لما نظفت غرفتي قلت ما بدهاش خَلاص حان وقت الكتابه عنها
مَا كنت ناوية أشتري هالمجموعة وَ كل مارحت عند الكوَافيرة تنصحني فيها وَ أرفض اخذها ، لين يوم خلص الشامبو إللي عندي وَ ماكان عِندهم إلا هَالنوع اللي يناسبني ، قلت خلاص باخذها تحصيل حَاصل
أماكن تَوفرهآ ،’
مُنتجات لوريال بروفيشنال تَتوفر فقط بالصالونات وَ صرت أشَوف تاجرات يَوفرونها
لَكن أخذها من الصالون ، فلا تسألوني من أي صالون كل صالون مُحترم يَوفرها
[ للمَعلومية بالعُبوات مَكتوب يَمنع منعاً تباع خارج الصالون وَ أنا أشوف هالشيء من عَيوبها ، على قَد ماهي ماركة حَلوة إلا إنها مَحصورة ]
بَعض الصالونات يلعبون بالأسعار لَعب لدرجة هالمَجموعة وَصل سعرها ألف وَ شوي ، وَ هالرقم بعيد تماماً عن السعر الحَقيقي
خلونا نتعرف على المُنتجات وَ هَل تستحق الضَجة إللي سوتها أو على قولة المَصريين كَلام فَارغ
شريت فَقط مِن المجموعة
الشامبو + البلسم + الماسك
كان فيه زيت أو سيروم ما دخل مزاجي ماتناسبني هَالنوعية مِن الزيوت نصحتني فيه بس ما أخذته
[ ماش نَظرية المُؤامرة معششه بمخي ]
فكرة المجموعة من إسمها قائمة على الجَمال الأسطوري فجمعوا مِن كُل الثقافات القديمة ( الفرعونية وَ المغربية ، الصينية،اليابانية وَ الهندية ) الزيوت الثمينة وَ جمعوها بمنتج واحد
المَجموعة تَحتوي على ٤ زيوت تترأس قائمة مكوناتهم
– زيت الأركان له النَصيب الأكبر من المكونات
– يليه زيت بذور القطن
– زيت الأفوكادو
– زيت بذور العنب
المَجموعة غنية بفيتامين E وَ الاوميغا ٣
تناسب جميع أنواع الشعر ، وَ خالية من الباربين
تمتاز بتركيبة خفيفه منقية وَ بنفس الوقت مرطبة للشعر
على فكرة المَجموعة تضم تحتها مَجموعتين أو أكثر السوفليه ( المجموعة المُلمعه ) ، وَ المَجموعة القَديمة إللي هي المغذية NOURISHING إللي بتكلم عنها هَي المغذية
سَعره : ٦٥ ريال سَعودي
الشامبو قوامه خفيف وَ شفاف ( دائماً الشامبو الشفاف يناسبني أكثر مِن الحليبي ، الشامبو إللي قَوامه مِثل الحليب أو الغليظ يناسب أكثر الشعور الجافة )
رَغوة الشامبو مو قوية يعني ناعمه وَ لطيفة ماتجفف الشعر
ريحتها عطرية بس لطيفة
إللي ماعجبني بالشامبو إنه ماينظف الشَعر كما يجب ، يمكن بطبيعتي أحب شعري ناشف من الدهون وَ ما أحبه هابط وَ مع هَالشامبو شعري مايستحمل وَ يدهن على طول فكونه مُناسب لجَميع أنواع الشعر فما أعتقد هالكلام صحيح ، أشوفه يناسب الشَعر الجاف وَ يمكن العادي
Mythic Oil NOURISHING CONDITIONER
ماشفت فيه ميزة تُذكر لكن جَيد ، أساساً الشامبو بما إنه مرطب خلاني أستغنى بكثير من الأوقات عن إستخدام بلسم ، لأن شعري مايحب البلسم وَ يدهن وَ يهبط على طول منه ، بآخر الموضوع رَاح أذكر لكم طريقة إستخدام البَلسم للناس إللي شَعرهم مايتقبل البلسم وَ يدهن على طول
سَعره : ٧٥ ريال سَعودي
سَعره : ١٠٠ ريال سعودي
[ الأسعار تَقريبية تَعتمد حَسب تسعيرة الصالون ]
تُوضع كمية على شعر ندي وَ يترك مِن دقيقتين إلى ثلاث دقائق
أيضاً مِثل أغلب المَجموعه ريحته جَيده وَ قوامه لاغليظ وَ لا خفيف يرطب الشعر ، أيضاً جيد بس مو قد الضجة ( يعني ماشفت شي تغير بشعري معه )
المَجموعة كَكُل تحمل نفس المُكونات وَ المزايا
– هل تستحق مجموعة لوريال بروفشنال الأسطورية هذه الضجة ؟
فعلياً مُنتجات لوريال بروفيشينال دائماً جيدة وَ بالنسبه لي تَتفوق على أغلب المُنتجات إللي بالسُوق
مِن النَادر أستخدم مَجموعة للشعر تناسب شَعري لفترة طَويلة وَ وطول مواسم السنة
بالنسبه لمَجموعة الـ mythic oil على العكس أشوفها الأسوأ بين مجموعات لوريال إللي جَربتها ، مِن يوم إستخدمتها وَ أنا أقول مَتى تخلص بس ، لدرجة إني متعيجزة أكتب ريفيو عنها
( قد لايكون العيب فيها إنما بطبيعة شعري الدهنية )
لكن حَسيت الضَجة حول هالمُنتجات مُبالغ فيها كون إنها راح تحسن مظهر شعرك وَ تحسن اللمعة وَ لدرجة البعض قال إن تَموجات شعره تحسنت أشوفه مبالغ فيه
مُنتج جَيد لكن لايُضاهي باقي مُنتجات لوريال بروفشينال ، وَ كون المُنتج مَكتوب يناسب جميع أنواع الشَعر ماشوفه مُلائم للشعر الدهني
على فِكرة هالمُنتج بالذات تَقييمه عالي بجميع المَواقع حتي الزيت من نفس المجموعة مسوي ضجة
حيلة لإستخدام البلسم للشعر الدهني ~
تعرفون البلسم يسوي طَبقة عازلة تَحمي الشعر ، بعض الناس وَ خاصة إللي شَعرهم دُهني ( مثلي ) البَلسم عَدو شعرهم على طول يَعطي مَظهر للشعر إنه وَسخ وَ دهني وَ هابط .
– في حال عندك بلسم وَ ماناسبك إغسلي شعرك فيه قبل الشامبو ، شلون ؟
بللي شَعرك ثم إعصريه شَوي ، وَ هاتي شوي بلسم وَ أفركي شعرك فيه بِخفة وَ مسجيه شوي ( إبعدي عَن الفروة ) مِن ثُم أشطفيه بالماء وَ حطي الشَامبو كالعادة
مع إنك راح تغسلين شعرك بس بتلاحظين إن شعرك بياخذ كمية شامبو أقل وَ بينظف بسرعة وَ بيعطي شعرك لمعة وَ بيحمي شعرك من ضرر الشامبو
إللي شعرها جاف تقدر ترجع من جديد وَ تحط بلسم بالأطراف ..
مُلاحظة ،’
بأغلب تَدوينات الشَعر أكتب لُكم شَعري كيرلي ، من أكتب كَيرلي تَتكرر إستفسارات عن فرد الشَعر وَ هالأمور
بنات شعري كيرلي ، وَ لما أقَصد كيرلي ما أقصد أمَيلح شَعري وَ هو خشن ، لأن أعرف فيه كثير بنات شَعرهم مو كيرلي
بس لما تَوصفه تَقول شَعري كيرلي ، الكيرلي برضو أنواع مو نَوع وآحد ..
أي شعر حتى لو فيه طَعجه وَ هو ناعم وَ حرير يُسمى كيرلي أو وَيفي ..
أنا إنسانة أي شيء ينعم شَعري أبعد عَنه ، لأن عندي مَيزة بشعري وَ الناس حتى إللي يعرفوني نادراً ما أنعم شَعري
مُمكن تَعدي سنه وَ لا أستشوره لأن أحب مَظهره ملفلف ، طبعاً أنا مو الشعر الكيرلي أبو طَعجه لا أنا كيرلي ملولو
وَ لا تجيبون لي شَعر ميريام فارس ، ميريام فارس شَعرها يميل للخشونة ، يعني لو إستشورته راح يبين إنه شعرها مُش ناعم
أنا لو إستشورته راح يبين شَعري ناعم إنتهينا من هالمَوضوع !! .. شَعري أقرب لَشعر إليسا وَ عاد ما شَفت شعر إليسا وَ هو مبلل شَلون ..
فقفلوا مَوضوع الفرد وَ إستفساراته ، أساساً أنا ضَد هالشَغلات إلا للي شَعرها يَشكل مُعاناه بالنَسبة لهآ
مَواضيع ذات صِلة :
– L’Oreal – Professionnel : SÉRIE EXPERT VITAMINO COLOR | كيفية العناية بالشعر المصبوغ ( أضغطي هُنا )
– L’Oreal Professionnel Expert Serie – Pure Resource Citramine Shampoo | شامبو منقي للشعر وَ الفروة من لوريال بروفسيونال ( أضغطي هنا )
تم
ههههههههههههههه لحد الآن محداً إنتصر عليك ، لو صار وَ أنتصروا عليك ٣ مَرات
مَضطره أقدم للي بَتفوز عليك جائزة ..
هههههههههههه غش غش قدمي لي انا اول عدي كم تدوينه وانا متربعه ع عرشها بعدين قدمي للي بتفوز
بتمر ايامك ماراح ادخل اصبري بتفقدوني وتفقدون قروني ههههههههه
ليه عَسى ما شَر !!
بَفقدك .. حسيت ببكي ، عُموماً إنتِ تستاهلين آمر تَدلل
بسم الله ع قلبك عساك ماتفقدين غالي
ابد باضطر اسافر وراح انشغل لو انلغت هالسفره مع انه مستحيل معناته مافي امل اني اترك مكاني والله يكتب الي فيه خير
المهم
لرويال ماعندنا الا طقة ابو ديك ههههه حتى الصالونات مافيهم الا الفقر
وكم اني اكره البلسم تلبد الشعر بعده يطفش احس كانه ماتنظف زين
ومن وقفت الصبغ وقفت استخدام البلسم الا نادر
وحبيت فكرتك جاري التجربه
احيانا المدح المبلغ فيه يخليك متردده وشاكه بالامر وياكثر المدح الي يوصل لسماء واخرتها يكون الشي بعده خربوطي
خليها تدوينه ثرثره بعيد عن التصوير خذي لك راحه من الحوسه والشكشكه
والله يجعل ايامك عامره بالفرح
مكاني
هلآ بالزَين
تسجيل دخول
عاد إنتِ غرامك مَواضيع الشَعر
هههههههه فديت الي فاهمني والله الشعر اكثر شيء اموووت فيه من صغري واحب احافظ عليه بس ابشرك صرت اتجرا وتحلصت من عقدة الصالونات وقص الشعر بس مازلت احبه طويل مررة اخاف من القصير ولو ان عندي فضول اجربه.
إنتبهي من الفَضول ..
لأن الشَعر المُميز ما يَنلعب فيه إلا إذا راعيته ما تَفرق مَعهآ ، التَطويل يحتاج وَقت ..
لان أثناء التطويل شيء طبيعي راح تمر فيك مُناسبات وَ بتضطرين بكل مُناسبة تعدلين القصة فيآخذ وَقت ..
بالنهاية إنتِ مو عايشة بكهف لو عايشة بَكهف سهل القص وَ التطويل لأن محداً خلال هالفَترة راح يَشوفك
ااي اول مره اكون من اوائل اللي يردون 😍😍 ، طرح جميل سوسه حبيت شعرك الملولو 🙊 ، انا شعري اذا مشطته بعد الترويش يطلع ناعم وهاجد واذا تركته بدون تمشيط يصير كيرلي ناعم شرايك بس بمميزات شعري 😎😂 ، غالباً امشطه لأن الكيرلي معطيه فوليوم 💇🏻 ، وبجرب طريقة البلسم قبل الشامبو واحبك 😍💜💜.
آحلى مُميزات .. آحب إللي كذا ..
طَيب حلو الفوليوم ليه ما تَحبينه ؟! ..
ايه انا اقولك ما امشطه عشان اتركه كيرلي حابه منظر الفوليوم 🙊 ، الاوقات اللي امشطه فيها عشان اعرف طوله بحكم اني اسوي الانڤيرجين ميثد ومع الكيرلي ما يوضح طال او لا ، وايه صح سويت اللي قلتي لي عليه والحمدلله خف التساقط عن اول تشكرلار جنم 💋💕.
السلام عليكم كيفك ياعسل
لو سمحتي الله يسعدك ايش ألطريقه اللي اتعلمتيها من ارتوس لوقف تساقط الشعر وفادتك ؟
اقترح ليوم الخميس تدوينة ثرثرة اذا مودك مناسب
بجرب طريقة البلسم احسها بتضبط معي ميه بالميه
للاسف عيب لوريال الشي الزين ينباع بالصالونات
يعطيك العافية التدوينة مفيدة جداً خصوصاً قوام الشامبو
حنتبه لمن اشتري شامبو هههههه
ليش لأ بَرضو فَكرة حلوة .. إذا طرأ ببالي شيء حَلو للثرثرة نَتناقش بَه ..
لو مَتوفر بكل الصيدليات أحس بنرتاح ، لأن مرات الواحد ما وَده يروح الصالون عَشان شآمبو
كنت بنافسها اليوم بس مالنا حظ
😩
هههههههه وَ الله مدري وَش نوعية إتصالهآ .. أسرع مَني حتى
صباح الورد فديتش والله يسعد قلبش على كل حرف تكتبينه يابنتي والله انتي نعمه من نعم رب العالمين علي وعلى بناتي ولو تعرفين تاثيرش على حياتنا بتستغربين ورغم الشغل والبيت وجلسات جرعاتي كنتي ولا زلتي النكهه اللذيذه الي تعطي يومي جمال غير طبيعي 😘🌹
هلا هلآ بَمدام نَوال ، نَورتينآ ..أنبسطت إني شَفتك لأن فقدت التَواصل وياك
بشريني عَن حالك إن شاء الله صَرتي بَخير ؟! ..
الله يَحفظك وَ يحفظ لك بَناتك ، دايم لما بَطلع شيء غالي ما يَخطر ببالي إلا إنتِ .. عَشان بناتك ما يكلفون عَليك
فديتش والله لا ماعليش انا اموري طيبه ويعقب السرطان والا غيره يقدر علي باذن الله هازمته هازمته بس عاد بين طيحه وقومه انا واعراض الجرعات😂
ولا يهمش حطي الي تبغين الي نقدر عليه وينفعهم نجيبه والا مانقدر عادي ماهو اكسير الحياه😂😂😂😘
صباح الحب …
حلو اخذت فكره عنها بالفعل بالصالون مرتزه قدامي … تدرين مره قلت لها اعطيني شيء يناسب شعري بشوف وش تعطيني الكوفيره حولتني ع الفلبينيه والفلبينيه قامت تطالع بشعري وتطالع بالرفوف 😂😂😂… وطلعت لي مجموعه قالت ذا قلت لها شكرا ماابيه 😊…حيبي لي مجموعتي اللي متعوده عليها مو كذا الشغل ياجماعه ماحنا باغبياء لهالدرجه حتى حسيتها اعطتني شيء مايمشي عندهم …
حلو وكل شيء منك حلو نطلع بفائدة دائما مع ان مكوناته تحمس كثير احمد ربي اني مادريت عنها والا كان شريتها وتوهقت لان اتوقع شعري بيلصق بجبهتي دامه يهمد الشعر ويلبده 😢…
ياللا مانحرم …
شَفتي شَفتي !! هذي هي الحالة المُخيفة 🙁
مافي تَركيز أي شيء ، وَ خلاص تروحين تتوهقين إنتِ فيها بالبيت ..
إللي عَندنا أحس خبرة بتصفيف الشعر أكثر مما يكونون خبرة بشيء آخر ، وَ كلمة خبرة بعد كبيرة عليهم بَنقول عندهم مَعرفة بالتصفيف أكثر ..
أستخصرت كلمة خبرة وَ الله ..
ههههههههههههههههه .. وَ الله يطري الشعر بزيادة طراوته ليست بَصالح الجَميع
تبين الصراحة يارتوس من اسم المجموعة الغريب واسم هالزيت الخرافي مارتحت لها وخصوصا ان فيه بلوقر تتكلم عن المنتجات العضوية ذمتها وذمت مكوناتها. وبالنسبة لمنتجات لوريال بروفيشنال انا شعري مش مصبوغ بس بالصدفة حبيت اجرب الشامبو والوردي منهم ومرررة عجبني حسيت انه مختلف عن اي شامبو جربته احسه يغلف شعري بطبقه حاميه تثفله والماسكات حاليا اجرب كرستاس ولا عندي نية اغيرها الا مع لوريال وبحصوص اللبلسم والشعر الي يهبط هذي مشكلتي لان شعري من تحت فيه نفشة حلوة مدري كيف اوصفها بس تعطيه كثافه عكس فوق لاصق بالفروة. اماا بخصوص الشعر الكيرلي والخشن انا اعترف اني من الناس الي كنت اخجل من شعري ولا احبه لكن شفت ممثله شعرها مثلي وكان لها ماشاء الله كاريزما من عقبها عشقت الشعر المنفوش بس بطريقه ستايل مو عشوائي والواحد يكون واقعي مع نفسه مش مهووس صح شعري يتعبني مرات بالتمشيط بس ادري فيه غيري شعرها تصفيفه اصعب مني بمراحل او بسرعة يتطاير او صعب تستشوره. والسوق مليان منتجات حق frizzy هير انتم بس ابحثوا وبتلاقون.
ما أدري ليه خَطر ببالي تُوبا ، توبا شعرها يعجبني كثيف كَثيف وَ بنفس الوقت مَجعد ..
شعرها ١٠ على ١٠ ما عَليه كلآم ، الشعرة سميكة وَ قطعه وَ حده هذا الشعر المَجعد إللي ينافس الناعم
الآن ميريام فارس شعرها صعب التَصفيف لكن أختارت تسريحة مُلائمة لهآ وَ صارت من المُميزات بهالشَعر ( هُنا الذكاء )
تختارين الستايل العَملي لك خاصة لو تبين تكونين على سَنقة عَشرة ، فيه بنات شعورهم إكسترا مَجعدة بحياتي ما شفتهم إلا ستريت
لو ما تَجلس يومياً عالإستشوار ساعة بتنتحر ، بس هُم كذا مَرتاحين وَ شكلهم ماشاء الله دايم مَرتبين .. فكل إنسان بإرتياحه
يازين الزين ارتوسه 😍
نا مش صحبه مع البلسم بس ااضطريت استخدمه لما صبغت شعري
البلسم يَحمي الشعر من مواد التَصفيف يعني أحس وَجوده مُهم ببعض الأيام ، أو حمام الزيت طَبعاً
أنا أستخدمه عشان يطري الشعر وما يخليه طاير ويسهل التصفيف
أول مرة ادري انه يحمي الشعر لأني أستخدم قبل التصفيف سبري حماية للشعر
يعني هل البلسم يغني عن هذا السبري؟
يااا صباااااح الخييير 💜💜💜💜💜💜
من أول ستنى تنزلي عشان ارد اول شي في النهايه مااا انتبهت انك نزلتي 🙁 راحت عليا اليوم 😂😂
الشعر الحرير هدف معظم البنات بس الحمدالله تخلصت منه ورضينا بالأمر الواقع😂
كنت ماويه اجرب هالمجموعه بس غيرت لكريستاس بعد ما لعبت علي راعيه الصالون وخلتني أسوي كيراتين وانا رايحه بس أقص أطراف 😣
بس كانت تجربه حلوه ما ندمت عليها ومستحيل أعيدها
التدوينه كلاام كبير 💜💜 و بجرب حيلة الشعر 💜💜
الله يسعدك على هالتفاصيل
والله انا نوعيه شعري مثلك بالضبط كيرلي ناعم
لكن عكسك بسالفه البلسم يخليه كيرلي اكثر بس الملمس الي يتغير
من جد عيب لوريال تنباع بالصالونات
حتى موقعهم مايبيعون فيه منتجاتهم
يسعد صباحك
حبيييت الحيلة ، 🙈عاد انا من يومي لما اقرأ مواضيعك للشعر اتوقع شعرك نفس شعر ميريام ،انا شكلاً يزبط علي الكيرلي بس الى الآن مو ماشيه معاي طريقه تمام له .
يا صباح الخير أرتوس…
أقترح موضوع الطريقة الصحيحة لاستخدام منتج تجميلي أيًا كان
أو أخطاء في الميكب من استخدام فرشة أو مد المنتج أو دمج أو حتى اللمسات النهائية
أو حاجة للحواجب
وازيني كم اقتراح جبت 😂
من حماسك للعناية بالشعر حمستيني معاك
قبل كانت عنايتي عادية وروتينية
لكن الحين تحمست أجرب أشياء جديدة
حلوة معلومة ان الشامبو الشفاف يناسب الشعر الدهني أكثر وبجرب
وعجبتني الحيلة مع البلسم كمان بجربها
يا زينك فتحتي مداركي لأشياء جديدة وهذا اللي يحببني في مدونتك ويميزك يا جميلة 💕
أما عن هالمنتج للأسف الصالونات بمنطقتنا ما توفر هالأشياء أو تجيبها بسعر مبالغ فيه
ممكن أشتريه مرة بس ما بستمر فيه وبكذا ما راح استفيد
غير إنو نصب عيني عينك كمان قلبي ما يطاوعني أشتري أو أحاول أجرب
تشكرات توسة 💕
انا شعري أجعد طبيعته تشبه شعر مريام لكنه متعب وجاف جدا..الا الأن مالقيت برنامج عنايه متكامل له لكن أحاول
شكرا توسا
صبآح الجمال بطلتك💕
كتبت تعليق بس مع هالشبكه ماوصل
عادي جداً💔
نوعية شعري ناشف بس لمى احط بلسم
او ازيته يصير دهني حتى لمى استشوره
يصير مدهن لاكن بإذن الله بجرب طريقتك
وبقولك
بس للحين ماحصلت مجموعه منآسبه
لاكن بحوس فيه وبدور لحد مايتعدل هالشعر
<<وصلت معها😹
صباح النشاط والأشياء الجميلة
على طاري الشعر ترى جربت الانفرجن ميثود وطال شعري 4 سم الحمد لله
بجرب هالشغلات الحلوين انا للأسف ما بجدد ابدا في مستحضرات الشعر لأني خوافه
قاعدة لك على الزيت زيتون والسمسم وجوز الهند هههه
ربي يسعدك سوسو خدي 💋❤
ياليت لو تتكلمين عن نفشة الشعر
شعري شبه ناعم مشكلتي اتوقع مع الجو الرطب
او طريقة التصفيف مااعرف حتى لما استشور واحوس تنط
الشعيرات الصغيره تنرفز
وشكراً 😘
ارتوس ❤️❤️
يسعد صباحك .. 💕
حبيت كثير فكرة البلسم بعتمدها بصراحه
ومنتجات لوريال المخصصه للصالونات ، مشكلتهم استغلاليين كثير كثير بالسعر !
ليت يكون لهم مكان مخصص ابرك ..
وحركة ادراجك لمواضيع ذات صلة ممتازه ، موفقه يارب ..
هالفتره صايرهه استخدم شامبو شفاف ولاحظت فعلاً نظف فروتي وشآل الزيت تماماً ،غير انه عطى شعري حيوية ع مظهر كثييف ..افقدها اذا استخدمت شآمبو حليبي يرطبه زياده وم يحسسني بالنظآفه ابداً لدرجه اكت نص العلبه بحجة ابيه ينظف الدهون ..
ومش من مستخدمي البلسم نهآئياً ،جربته ف ايآم الثآنويه ومعد كررت التجربه !! نتآيجه غير مرضيه بالنسبه لشعري صآير حرير بزيآده ولاصق ف ففروتي مهمآ حآولت انفشه او ألفه بالفير م يضبط ولايزين نهآئياً ويدهن ف نفس اليوم.. طبيعة شعري حلوة م تحتآج البلسم ف احب اخلي شعري منفوش ههههههه
احب شعري وهو ممتلئ وكل شعره بعيده عن الثآنيه ومش متلآصقين (وصفي حكآيه ) ..
تمنيت الحين يكون عندي بلسم عشآن أجرب طريقتك ..تدوينآتك م تخلي فيني صبرْ ♡
وثآنكيو أرتوس ♡
حبيت فكرة البلسم على ان شعري مرة ناعم معقدني في حياتي بس بجربها وعالله ما يلصق بجمجمتي فوق ماهو لاصق 😂💔
انا زيك جربت المجموعه وعجزت اكتبلها ريفيو ، جد ما ادري كيف احاسيسي معاها يعني كانت حلوه بس مو واااو وحسيت انها تناسب الشعر الدهني ابداً لانها ترطب وساعات اغير الشامبو اذا ابى الدهون كلها تخرج من فروه راسي ، انا شعري ويفي وفروه راسي دهنيه بس اطرافو جافه ،الشي الوحيد اللي حبيتو الماسك استخدمو لما اطرافي تكون تعبانه واخلطو مع الزيت حقهم يعطيني ترطيب مرره عميق وحلو واحب السيروم يعطي لمعه بدون مايزيت وينعم ملمس الاطراف بس اتوقع اني حلاقي له بدايل ،المجموعه ماغيرت شعري ولا حسنتو وما اقول انها مو حلوه بس ما حاخذها مره ثانيه وغير اني انصدمت من السعر اللي انتي حاطتو واصلا ماكنت عارفه انها ماخذه جوائز الا منك 😂😂😂 ، انا تقريبا اخدت كل قطعه ب ١٠٠ وشوي 😭😭💔 وتحسرت دحين ع المبلغ اللي دفعتو فيها بعد تدوينتك
ماتناسب الشعر الدهني **
صباح الورد 💕
تو أنتبه لنقطة الشامبو الشفاف و الحليبي معلومة جديدة فعلاً رح أنتبه لها المرة الجاية بنوع الشامبو الجديد
أما البلسم ماحبيته أبدا يجفف شعري ويقصفه ويسوي فيه نفشه حتى مع الستريت يصير شكله يفشّل جربت أكثر من نوع لكن كلها كانت نفس النتيجة 💔 حاليا معتمدة ع الماسكات قبل الترويش والسيروم بعد الترويش عشان طراوة الشعر و رطوبته
دمتي بكل الحب يا أنيقة 💕
صباحووووو
قآيمه عشان اكون اول من يعلق هههههه طلعت اخر القوم
نقرا ونرجع
اقترح موضوع السيلولايت 💚
صباح الخير يا قمر
يا زينك و يا زين مواضيعك ❤
كأني قريت فيه جآئزه للي تصير الاول اجل بتربع هنا من الأربعاء
عيب هالشة انها بس في الصاالونات مدري ليش!!
ٱنا نوعية شعري ناعم اذا تروشت وطلعت ومشتطه وهو شوي مبلول يصير كانه مستشور واذا لفيته بعد الترويش وفكيته صآر مموج بس اذا استخدمت البلسم نام في سبات عميق اكره شعري وقتها بس فكره حلوة بجرب طريقتك
لعل تخف النفشه كنت اشكي منه في حسابك وما قصرت وحدة من متابعاتك 😍 آسمها محفوظ في قلبي”تحيه لها من هناً” دلتني علئ بلسم خف النفشه معها بشتريه ان شاءالله.
حبيت التدوينه واستفدت منها .اتمنى تكون تتكلمين عن نفشه الشعر او تكون التدوينه الجايه عن ستايلك 💜
صباح الخير ارتوسه
كل ماشوفك منزلة شيء عن الشعر الدهني يطمئن داخلي احس فيه احد قاعد يحس بالمعاناة حقتنا ويعطيها اهتمام ..
تدوينة بطلة لكن ماحس اني عندي جرأة اني اجرب البلسم عندي عقده الشعر الملبد
خصوصا هالايام انا وشعري محنا متصالحين وافكر حرفيا اجبعه من جذوره يمكن يطلع لي شعر جاف اقصى اهتمامي فيه ازيته 🙂
عجبتني حركة البلسم قبل الشامبو صراحه فكره ذكيه
انا شعري دهني الجذور وكيرلي اكثر منك امكن زي شعر ميريام بس الشعره نفسها ناعمه مدري كيف مايبن ابدا مع السشوار انه نوعيته كيرلي بتاتا يصير سايح
عيبه انه من جذوره ناعم والكيريلي يبدا بعد الجذور بانشين تقريبا
المهممم عجبتني المعلومه حق البلسم
والريفيو جميل وانتي اجمل 💋
صبآح الخير يا وردة
انا بعد ماحب البلسم، أفضل الماسك عليه
انا ودي تكتبين عن مجموعه بروفيشنال من لوريال بس موب للشعر المصبوغ لاني موب صابغة شعري
ونوعيته دهني
لأن وايد فيه مجموعات ومسميات ماعرف شنو اختار بالضبط
حيلة البلسم عجبتني
وتسلم لي هاليدين المعطاء ، ربي يجزاج كل خير ❤
تحيااا أرتوووس نصيرة الشعر..
الله يسعد قلبك يا شيخة..
شعري دهني ويفي وخامة الشعرة نفسها ناعمة اللي على قولك لو استشورته بيبان ناعم..وقصير يا دوب لأكتافي.. ثنية الويف أحبها و مثلك تماما ممكن يمر شهر ما استشوره.. ولو حبيت ازيد الثنيات.. قسمت شعري ارباع وزينت كعكات صغنونات بحيث لو افكه بعد ما ينشف يصير شكله مرتب..
استغرب من اللي يدورون على الفرد و شي كولاجين وشي بوتوكس وأشياء الله أعلم..
ليت كل وحده تستوعب وتفكر نفس تفكيرك (ماتتجه للعلاجات إلا لو كان شعرها معضله)..عدا عن ذلك حبوا شعوركم مثل ماهي ♡♡
صباح الخير.. انا تنفتح نفسيتي طول اليوم اذا قمت وشفتك منزله موضوع 😍❤ .. عاد اهالايام الايام شعري بادي يصير كيرلي عاد مره حابته ومعد صار لاصق في فروة الراس 😅 ومره استخدمت شامبو معه بلسم مرره مخيس مانظف الشعر زين وشال الكيرلي طلعت كني داهنه بزيت 😣 انا ما احب البلسم ابدا انا شعري عادي واحياناً يصير جاف بس مع ذلك يدهن بشعري ..
لو تكتبين عن جفاف العين مع الاجهزه وكيف نحافظ على ترطيبها ولمعتها << اخاف اقترحت لك موضوع اطول من الي قلتي لاتقترحونها 😅
^
^
مدري ليش دائما اكل نصف الحكي وانا اكتب 😞😅
السلام على أحلى قمر
أمممممم تدوينة جميله بس مدري ليه أحس بدأت قريحتك تجف أو يمكن صرتي تملي تكتبين لنا زي اول تهئ تهئ ارتوس لا تحرمينا من تدوينات اللي ما تشبه أي تدوينه. ..
حبيت التدوينه كشيء منك انتي أو تكتبين حرف فرحنا. ..
عندي موضوع مأزمني شععععععر الجسم وبالذات في المناطق اللي ابدا ابدا ما نبغاها تسمر يمكن طفشتك وانا أسألك بس بجد ابغا موضوع يشفي غليلي مافي مافيه زي معلوماتك والله مو كسل مني دورت ودورت حتى بالمواقع الاجنبيه مالقيت الحل غير الليزر وانا ما ابغاه اللحين مأجله الموضوع ابغاك تفيديني وتفيدي البنات اللي ما يفكروا بالليزر حاليا كيف ننزع الشعر ب نعومه بدون ما يسمر المكان وبالذات للمتزوجات كيف ممكن تنزع الشعر بشكل مستمر بدون ما تأذي شعرها وبدون ما تنتظره الين ما يطول ….
وشكرا لك ياعسل والله يوفقك في كل خطوه ياخي انتي شيء رهيب ماشاء الله. .
كمان انا شعري كيرلي ملولو واذا سشورته يصير ناعم لكن مره اكرهه ومتعقدة منه. والمشكلة اني مؤمنة بان هذي طبيعة يعني خلقة ربي ومارح تتغير لكن ماني يائسة وبحاول 😂🙈. شكراً ع تدوينتك الجميلة 😍💜 عندي اختبارات واتاخر في قراءة التدوينات.
مساء الخير💕💕 شعري مساميتوه منخفضه فاالبلسم يهبطوه لكن ابي اجرب طريقتس 😊😊
اهلين سوس اخبارك يائلبي .. اممم احب تدوينات الشعررر لاني ندمت عقب ما غيرت قصة شعري كااان طوووويل لين اسفل الظهر
توقعت اذ قصيته يصير فيه شويه حياة ويتغير مع ان الي حوولي حبو اللوك علي لاني طووول عمري وانا ع هاللوك شعري طويل
بسس من ناحيه نوعيه شعري كان جااف وكيرلي حاليا صار ناعم وشبه جااف يمكن مع الحمل وكذا يتغير او من شي مدري
بالنسبه لماركه لوريال بروفيشنال ممدوحه كثيرر ودايم صراحه اشوف المصففات الشعر يمدحونهاا
بس ولامرهرفكرت اجربها كامله دايم اشتري شامبو بسسس بس ليش لا نجرب ذي يمكن يتجاوب معها شعري
شكرا شكرا من القلب ع هالتدوينه❤
احبك ع كل شي تسسوينه ❤
انا شعري كيرلي واحبه زي ماهو حاليا قصيته فوق اكتافي وحابه هالطول مره بس من قصيته صرت اسويه ويفي خفيف سويته مره ستريت كان حلو ومرتب بس انا نفسيا ما ارتاح بالستريت مادري يمكن لاني تعودت عالكيريلي واحبه عشان كذا صرت ماعاد اتقبل الستريت ، صراحه كل نوعيه شعر لها جمال بس المهم كيف الواحد يعرف يسرحه ويتعامل معه ، اذا حصل فرصه اكيد بجرب هالمجموعه شكرا ارتوسسس
انا اقترح موضوع العنايه بالملابس لاني صراحه متعقده ماعرف اغسل الملابس وشكراا مره ثانيه
أقترح تكون التدوينة عن واقيات الشمس اللي جربتيها وانطباعك عنها وكيفية اختيار واقي شمس مناسب
ع الطاري شعرك وانه ناعم بس كيرلي ,, ذكرتيني في بنت خالي وبنت خالتها عمرهم 14 سنه وبنت خالى ماشاء الله تبارك الرحمن كثييف وطويل وناعم بس كيرلي واشققر وبنت خالتها اسووود وكثيف وطويل بس سااايح ناااعم ,, بنت خالى تتمني شعر بنت خالتها ,, وبنت خالتها تتمني شعر بنت خالى ,,, واذا شفتيها جالسه لحالها ومكتئبه وماده بوزها شبر قدام مايحتاج تسالينها وش فيك اعرفي تبي طريقه تصير شعرها مثل شعر بنت خالتها لا تسالينها ش فيك عطيها حل او طريقه اوكريم او زيت علقولتها مافيه شي يخلي شعر ناااعم 🙁 يهفهف ,,, وبنت خالتها تقول ابي شعري مثل شعرك اتروش ويصير كيرلي مايحتاج اقوم الصبح للمدرسه والف واسويه ويف وكيرلي كل الاشياء هذي انتي ماتسوينها .. وبنت خالي تقول لها انتي اللى ماتقومين الصبح ولازم تستشورين شعرك علشان يطلع سايح من دون مطباات ^^ مدري من قايل لهم المدرسه لازم تروح ع سنقه عشره ومضبطه امورهاونفسها من الى من دون غلط او نقص .
واذا زعلوا او تهاوشوا كل وحده تقول للثانيه انتي وشعرك وذي ترد عليها انتي اللى من زين شعرك وترد عليها حصلي ربعه بس ماابي اقول نصفه اخاف تموتين علينا من الغيره ,,
وكل وحدة بقلبها تتمني شعر الثانيه بس يزين ويغلا بعيونها اذا تهاوشن
اهلا بست الحبايب .. الخدعه ترا مجربتها شفتها عن يوتيوبر اجنبيه مافتكر اسمها والله حاليا بس كانت الطريقه فعاله بس حابه افيدك بمعلموه او شي ممكن تقدري تجربيه بحكم انك ماتقصري علينا بشي قلتيلي شعرك دهني وانا نفس النظام بس شعري انا ناعم في لفه حق نعومته بس في مشكله ظهرت على شعري مؤخرا وهيا النفشه ينفش شعري وبرضو الدهون مره قرفت من دهون شعري لازم اغسلو كل 3 ايام او استخدم دراي شامبو للحالات الطارئه رحت عن اخصائيه شعر وكشفت على شعري وعطتني شامبو نيسكون 1 دي صورتو http://pics1.ds-static.com/prodimg/340806/300.JPG صرحه فعال من ناحيه الدهون البلسم حق المجموعه احسو يقظي على الدهون بعد كل غسله يحسنها فالشعر مايخليه ناشف بس يزيلها بعدها استخدم البخاخ على كامل الفروه يخفف من النفشه ودا شي لاحظتوا فعلا وان شاءالله ادا جربتيه يفيدك طبعا كلما تحسنت الحاله انتقلتي للجزء اللي بعدو اللي هوا 2 وَ 3
اهلين ارتوس..
مساء الخير..
يسعد قلبك على المجهود وهالتدوينه…
انا شعري اذا مشطته يصير ناعم.. واذا تركته يصير كيرلي هههههه 😂
عموما احب الشعر المسبسب اللي من لفه يسيح ويطيح ولو اكثف العناية بشعري وتروح التقصفات صار كذا لان طبيعته ناعم..
وياحبي للكيرلي بس للاسف مايثبت بشعري ..
اقترح عليك تدوينات تعطينا تصفيفات بسيطه وفخمه وكيف نسويها ..
او الطريقة الصحيحه لحلاقه الشعر .
وشكرا
ويسعد صباحك 💟💟
اول مره اعرف معلومة قوام الشامبو واعجبتني طريقه البلسم قبل الشامبو
الله يعطيك العافيه تدونيه حميله 👍🌹⭐️
حبيت التدوينة وشعرك الملولو لووول 🙂 انا طبيعة شعري كيرلي وعادي مايل للجفاف من تحت وانعمه بجميع الطرق لأن شعري كثير ف مو ناقصني نفشة كان اصير الشمس المشرقة :/ ودي اخليه منفوش وكذا بس يضايقني :”( تصدقين حتى انا قاطعت الاستشوار من زماان بس بالمناسبات .. لما تركته جالسة اشوف شعري يتحسن قدام عيوني احس كرهت الاستشوار جد يخرب خصوصا اني اجلس حول الساعتين بس استشور لان طبيعة شعري ما تساعد .. تشكرررات ع التدوينة الحلوة
حلوه التدوينه و يا زين الشعر الملولو احب العنايه بالشعر لانها ضروريه انا شعري جاف و كيرلي اذا تغذا و ترطب و اذا استشورته يطلع زيك سايح لازق مره انا احب شعر هيفاء وهبي في فوليوم بتساريحها ،،، ودي اتعلم زي كذا ماش فتحت اليوتيب مالقيت الي ابغاه كلها تساريح بموسيقى ما في شرح و كلام الاغلب و البعض الاخر يكون يسوي التسريحه او الستايل الي انا ما ابغاه عجزت القى ،، والحين بديت ادور على كتب بالمكتابات يا رب القى و المواضيع امممم صراحه في مواضيع كثيرة انا احبها بس اكثرها اي شئ يتعلق بالترطيب الشفايف و تفتيحها اول مره اكتب تعليق متكامل دايم انسى اجاوب على اسألتك ❤️💕🌸
ي مساء الاشتياق 😿💜💜💜.. اشتقت اشتقت للتدوينه وثرترتك 😓.. حسبي ع الدوام والاختبارات بعدتني عنك 😓..
عموما انا زيك صرت م عاد اصدق كثره الدعايات على منتج ويطيرونه للسماء من بعد اخر تدوينه ثرثرة جماليه من قلتي حتى في الافلام دعايات من هنا اقنعتني جدا 👍🏻..
نرجع للشعر انا شعري وعلي وعليه دهني و يتساقط يميل لكيريلي واحبه جدا اذاا استخدم حمام زيت وغسلته وخليته على حاله لا امشطه ولا شي يعطيني فوليوم عجيبه وبالنسبه للمجموعه م حبيتها من وصفك لانو انا من اصحاب الشعر الدهني زيك 🙍🏻..
يلا ابي اروح احل واجباتي بالتدوينات اللي فاتتني < اقصد الردود 😂.
وختاما حبذا تكون التدوينه حق ليلة الخميس ثرثرة وتكون بدري عشان م يروح على المقعد الاول 😂.
التدوينة جميلةة.. حبيت الموضوع مع ان شعري مش مصبوغ بس الفايدة لي حركة البلسم أنا سويتها مرا بس أجرب بس كان عبالي أن البلسم ماراح تكون له فائدة .. أنا نفسك شعري دهني وكيرلي ملولو أظفره بالليل وبالنهار يصير ” إيه القمال ده كأني تعبت عليه :)) أحس حتى حرام أستشوره وأخليه ستريت زي ما ثالوا البنات خليه تدوينةا ثرثرة :$
التدوينه رائعه مثل صاحبتها والمفروض الجوائز الثلاث اللي ماخذتها لوريال انت تاخذينها قسم بالله ماشفت انسانه قد كذا مخلصه بالشرح
عموما عجبني اسم شعرك كيرلي ملولو تقررريبا تقريبا نفس مواصفات شعري من ناحية الدهنية وكذا بس انا ناااعم حيل
عاد صدق لمن احط البلسم احسه يبينه مو نظيف
تبين الصدق في شامبو يخلي شعري يابس وانا أستخدمه حاليا هههههههههه و يجلس ٣ ايام بدون مايتدهن ومبسوطه فيه
وينظف من قلب عاد تعرفين ام اظافر تبي شي يسهل عملية تنظيف الشعر 😁 عاد ع وصف شعرك أشوفه حلو و اختي شعرها حلو بس مايعجبها أنا دايم أستشوره ومضطره
عاد تصدقين شعري تحسن مع السنوات معرف وش السبب
لو اوريك صوره لي قبل ٥ سنوات ان شعري كان شي مو طبيعي بس الحين وربي ثاني مره اسوي الانيفرجن ميثد صار شي خيااال لمعه وكل شي ، تسلم يدك ياقلبي و ان شاءالله يكون يومك حلو ❤️❤️❤️
اليوم الصبآح أول مافتحت عيوني صبحتك عَ
تدوينتك هههههههه مآحبيت أكتب رد من الجوآل
وتوي صحيت وفتحت اللاب عشآن أكتبه ، قصة
حياتي لووول ،أنا عن نفسي في إعلآنات منتجات
الشعر بالذات أحس مستحيل أصدق إلا إذا شفت
النتيجة عَ وحده أعرفها وأثق برأيها تقريباً ،
أنا مثلك شعري دهني وأككره البلسم بشكل !
كنت أتوقع بس أنا و طلع كثير نفسي ومنهم
إنتي لووول ، عموما اعتقد منتجات الشعر ترجع
في نتيجتها لنفس نوع الشعر ، طريقة الاستخدام
ومدة الفتره المستخدمه فتفرق حيل من شخص
لشخص أحياناً بعد استجابه الجسم للمنتج تختلف
عن نفسي مااهتم بحطاية إني ابحث عن أجدد
منتجات الشعر وماشابه مدري أحس مااهتم بذا
الموضوع ! لو إنها عجبتك كآن بدون تردد أخذتها
*،* وبس أحس نفسي طولت بالتعليق عآد لو تشوفيني
عين عَ المذكره اقرأ وعين عَ الاب أكتب هههههههه
تدوينه جميلهه .. بما ان قلتي ان شعرك كيرلي صراحة اتمنى تجربين منتجات kinky curly للشعر الكيرلي كلمه روووعهههه قليله عليها ما تنعم الشعر هي تخلي الكيرلي يصير احلى واجمل وبدون نفشه … بجد اي وحده شعرها كيرلي لا تتردد بتجربتها 💕
يعطيك العافية ارتوسه
ممكن تكتبين لنا عن طريقتك بالتجعيد يفضل بالصور وياليت تكون اكثر من حركة
سلام ارتوس انا اتابعك من زمان واستفدت منك كثيييييييييييير الله يديكي العافية بس عندي سؤال خاص كيف اتواصل معاكي اتمنى تجاوبيني وشكرا
مساء الخيرات سوس…. تدوينه كالعادة جميله ومفصلة…. وصراحة اكثر شي اعجبن اللي هو البلسم اللي قبل الشامبو…لاني مرات كثيره ودي احس شعري نظييييف تماما بعد الشامبو وبدون اي رايحه…حتى البلسم ما احب ريحته مره لانها متناسب مع البخور وعطور الشعر…..والله يعطيك حتى يرضيك ويغفر لتس ووالديتس 💜 وبالنسبة للمواضيع اللي نبيها بليييييييييييز سوس نبي طريقتك بتعطير الجسم والشعر والملابس….. وقلوووووب من القصيم لبيتكم 💜
يآ صباح النعومه
حبيت فكره البلسم مع اني ماستخدمه
بس بجرب هالتكنيك بالماسكات الخفيفه
عندي طلب “صغنون” بما ان حابه نكتب اقتراحاتنا للتدوينات
ودي تتكلمي عن حلاقة شعر الجسم بالموس
والطريقه الصحيحه لها وايش يخفف من الجفاف والحكه بعد الحلاقه
وشكرا..
😷😷😷
انا من زمان قريت لك تدوينة عن لوريال بروفيشينال بس كانت للشعر المصبوغ ..عاد حطيت هالشركة براسي .. ومرة كنت ابحث عن مجموعات تهجد الشعر الجاف💔😢لان شعري جاف بزيادة ولانفعت معاه عناية الزيوت لمدة 4 سنوات فقلت بشري لي مجموعه كاملة يمكن تفيد شعري ومن قرادة حظي شريت هالمجموعه اللي دفعت عليها 500 ريال وهي ماتستاهل صراحة ماسوت ولاشي قلت عالاقل بيصير بشعري شوي لمعة وبيصير جميل مع الاستشوار ماكنت طماعه مرة 💔بس غبنتني هالمجموعه وصارت فاشلة😡ورجعت لطيري اللي لزيوتي القديمة وزبداتي ارحم من تبذير الفلوس على غير سنع😊بس بما انك قلتي انها افشل مجموعه بهالبراند بجرب مجموعه اخرى باذن الله وغديها تنفع😢
الله الله 😴💜💜
ححلوه الحركه .. اختي تسويها عشان لفات شعرها تزبط بس بحمام زيت اول بعدين شامبو بعدين بلسم وولمن تخرج تنشفو ششوي وتضفر يجي تمماام 👍
والمجموعه ذي كان عاجبني حمام الزيت بس كنسلت لانو يبغالو ممششوار
حتى عنايه مالقيه فيها موحود بجون لوي ديفيد وذا ال مشوار 💔
خفت يعجبني واحبو ومو دايم سهل يتوفر
ماعلينا ، تسام دياتك تؤبريني 🙊💜
اممممممم افتكر قد قلتي بتتكلمي عن تبيض القوالب وهيك
ياليت اطلع ع تجربتك قبل ما اسويه 🙊💜💜
بححبكككك 3>
السلام عليكم .
انا من المتابعين بصمت و اول مرا اعلق , ما تدرين قد ايه يا ارتوس احبك من جد اتعلمت منك اشياء كثير خصوصا اني اميل زيك للتفسير العلمي و بصفتي كيمياء احب اعرف المكونات و بالنسبة للحياة علمتيني كثير خصوصا ان امي نهائي ما علمتني شيء لانها معتمدة اني اتعلم من صحباتي للاسف هذا تفكيرها ع العموم لو حابه تدونين سوي لنا ريفيو عن المنتجات اللي عندك حتى لاتتركم عليك و في انتظار جديد حبيبتي .
انا عندي مجموعة من لوريال للشعر الكيرلي.. شامبو وبلسم وكريم.. انا تقريبا شعري شبه وصف شعرك يعني لو تركته من غير سشوار يصير كيرلي ولو سشورته سشوار سريع بصير ناعم وهادل.. هالمجموعة ناسبتيني لما أحب أترك شعري ينشف لحاله من غير سشوار بخلي اللفة حلوة ومرتبة 🙂
زين صباحاتك ارتوس 💜
من كثر المناسبات اللي مرت علي شعري يبي له تغذية واصلاحات ومناسبات باقي جايه بعد 😓 الله يديم الأفراح
شكرا لك ارتوس ولقلبك ربي يرحم أمك ويغفر لها 💜
بوساتي لك
تدوينَة خفيفة جميلَة ❤️
تسلمي سوس .
شاكره لك جدا ارتوس افديتنا الله يسعدك وينولك مُرادك ❤️
انا شعري تقريبا قريب من طبيعه شعرك بس ماني قادره احصل شامبو مناسب كلها تدهن شعري او تسببلي تساقط
فبسالك انتي ايش تستخدمين شامبو لعل وعسى يناسبني ، وشكرًا مره ثانيه ❤️
كنت .. ومازلت اقول انك
💕 أميرة المدونآت 💕
حبيت حركة البلسم ان شاء الله اجربها ومشكوووووره على ملاحظة قلتيها بالانستجرام لوحدة من متابعاتك ان بعض البلسم ينفش الشعر ومايناسبه وحالياً استخدم مجموعة الله لايوريك نفشت شعري بشكل بشع وماكنت عارفة ايش السبب
قريت عن حيلة البلسم وان شاء الله راح اجربها لان شعري يقهرني انا ما استشوره في البيت يعني تقريبا بالاسبوع مره استشوره فصرت اشوفه لما ينشف يقوم ينفش لي استعملت بديل الزيت بس احس من اتركه اشوف شعري يتقصف واجلس اعالجه فترة لما يتعدل فدورت له فايده ثانيه غير للشعر وخليت شعري على السامبو وبس