صَباح / مَساء الرشاقة
شَلونكم مَع رمضان ؟!
أتمنى إن كل البنات مَلتزمين بأنظمتهم الغذائية وَ ما خربوها مَع اللقيمات ..
العام الماضي طَرحت الديتوكس وَتر للإطلاع ( إضَغطي هُنا )
المُشكلة إن الكثير يَعلق الآمال بالتَنحيف إما على الديتوكس وَتر أو على الشاي الأخضر أو …. أو …. إلخ من مشروبات
وَ هالشيء غير نافع لَوحده ، هالمَشروبات عوامل مُساعدة للتَحسين وَ لا تُشكل حتى ١٪ من العمل الحَقيقي
فلا تَعتمدون على مَشروب لَوحده بالتَغيير ، مافي حل سَحري وَ لا فيه حبه سحرية
الجَمال يبيله مَجهود ، حتى الجسم الحَلو خلقة مَن الله ما يَشبه الجسم الحلو خلقه وَ يكون رَياضي
أرجع أقول إن كثير من الشغلات بالحياة الواحد يَقدر يحصل عليها من خلال واسطة ، رَشوة ، عَملية تَجميل ….. إلخ
إلا الجسم الرياضي لو وَش تَسوي ما بَتوصل له إلا بالحركة وَ على قد ما تَتحرك راح تَحصد
[ وَ مُتفهمة شَكثر الوَضع صعب لأي وحدة وَزنها ثقيل وَ تعاني أثناء التمارين من ألم بالمفاصل أو بالعضل أو أو أو أو ] ..
لكن ما عليه اليوم بتتعبين وَ بكره بتوصلين ، مافي شَخص يتعب وَ يعمل وَ ما يقطف ثمار تعبه المَوضوع يبيله صَبر وَ إستمرارية وَ كفاح
مَوضوعنا اليوم عن ،’
مشروب الكركم لحرق الدهون وَ خسارة الوزن ( المشروب الرياضي )
Turmeric Sports Drink
فَوائد الكركم بشكل عام ~
[ الشَغوفين بالعَلم وَ المعرفة بالإمكان البَحث بكل جانب وَ فائدة ] ..
الكركم إحتل مراتب مُتقدمة بتصنيف أفضل 150 غذاء بالعالم وَ صرنا نسمع كثير بأهمية إدخاله بَنظامنا الغذائي
بالنسبة للغرب قَد يكون حَديث ، لكن بثقافتنا العربية مُو شيء غريب وَ متوفر بكل بيت حَسب إعتقادي ( يَمكن ما يَعدي إسبوع بدون ما نَستخدمه بوصفة من وَصفاتنا )
وَ يقال إن مَفعوله يُضاعف أو يَزيد إمتصاصه بالجسم إذا خُلط مَع فلفل ، لكن خلونا نَشوف فوائده
• يقي من السرطان وَ يحد من إنتشار الورم خاصة ( سرطان القولون – البروستاتا – سرطان الثدي – سرطان الجلد – سرطان الدم )
• يعالج إلتهابات المفاصل وَ الآلام الناتجة عن هشاشة العَظام
• يقلل من مستوى الكوليسترول
• يعالج مرض السكري وَ يساعد بالتحكم بمستويات الأنسولين
• يقوي المناعة وَ مُضاد للأكسدة
• يساعد على إلتئام الجروح وَ الحروق
• يساعد على التحكم بالوزن وَ المحافظة عالوَزن المثالي
• يقي من مرض الزهايمر أو يبطء تطوره
• يحسن من عملية الهضم ( خاصة للي يَعانون من مشاكل بالقَولون )
• مفيد للكبد وَ يزيل السموم وَ ينشط وَ يحسن الدورة الدموية
نَجي للمُهم بَموضوعنا وَ هو فقرة التَحكم بالوزن وَ حرق الدَهون
– لماذا الكركم يساعد بالتخلص من الدهون وَ التحكم بالوزن ؟
بتجربة أجريت عالفئران ، قسموا الفئران مَجموعتين وَ أعطوا المَجموعتين نفس الغذاء اللهم أحد المَجموعات أضافوا لغذائهم الكركم
لاحظوا نزول بوزن المَجموعة إللي أخذت الكركم ( التجربة لم تُجرى على البشر ) ..
إكتشفوا إن الكركم يقلل من الكتلة الدَهنية وَ يمنع تكون خلايا دهنية جديدة ، طبعاً غير التحسن بالدهون الثلاثية وَ الكوليسترول وَ الأمراض المُصاحبة للسمنة
شَخصياً لما أضيف الكركم لمرق اللحم ( ألاحظ سيحان شحوم اللحمة ) هههههه وَ الله جربوها ببيوتكم للي يَحبون الطبخ بيلاحظون
– هل الكركم مُفيد لجميع الحالات ؟!
يحذرون من إستخدام الكركم للحوامل وَ المرضعات وَ إللي عندهم سيولة بالدم وَ إللي عندهم عمليات جراحية
وَ إللي مستأصلين المرارة أو يعانون من إلتهابات بالمرارة وَ برضو إللي يعانون من إنخفاض سكر الدم وَ نفس الشيء إللي ياخذون آدوية سكر وَ إبر سكر
وَ المقصد مو بكميات الأكل ، المَقصد هو من إستخدامها كَمكمل غذائي ، لأن تحتوي على كمية كبيرة من الكوركمين أكثر من تواجده بشكله الطبيعي
مقادير مشروب الكركم ( المشروب الرياضي ) ،’
المقادير لكوب واحد فقط
– كوب ماء ( حار أو بارد حسب ذوقك )
– نصف عصير ليمونة
– ملعقة صغيرة كركم
– كسرة زنجبيل
الطريقة ،’
أنا أخلطه بالخلاط وَ إذا مُستعجلة أستخدم كركم مع موية وَ ليمون بس
ما قَد يخطر على البال ~
– أرتوس إنتِ نحيفة وَش هالنصب تجيبين لنا هالمَشروب ؟!
أدري لكن ما يَعني إني ما أجرب ، وَ أصلاً بدون تقليل من كمية الطَعام ماراح يَنحفني
ترى حتى النحيف مُمكن يطلع له كوليسترول ، لكن إستخدامي الأساسي له لأن حالياً برمضان زدت الأوَزان ( الدمبل ) إللي أستخدمه بالعادة
وَ هالشغلات تسبب ألم بالعضلات وَ لاحظت الكركم يخفف من الآلام أثناء الرياضة ، يَعني إللي تَوهم باديين بحَماس بالرياضة بيناسبهم وَ إللي ماشاء الله لو حابين يَكثفون تمارينهم راح يَفيدهم
– كيف طَعمه ؟!
أمممممم طَعمه مو لذيذ لكن مُو قاتل وَ الليمون يخفف مَرارته ، أنا أشربه بوسط التمارين بديل عن المَوية
فأكون مُتعطشة لشربه ، لكن أشربه بالمَزاز لأن حُبيبات الكركم ما تَذوب تضل مُزعجة
فإنتبهي تَشربينه وَ تغصين
– مالوقت الملائم لشربه ؟!
مُمكن تضيفينه للأكل وَ فيه آلاف الوَصفات لكن هالوَصفة بالذات أحبها بَوسط التمارين
لكن تقدرين تشربينه بأي وَقت ، فيه ناس يحبون يشربونه عالريق ، لو بتشربينه عالريق لازم تضيفين ملعقة عسل ( عشان ما تثير المَعدة )
– طيب الكركم الطازج أو المَطحون أفضل ؟!
لو توفر لكم الطازج أفضل وَ أفضل وَ موجود بأسواق التَميمي للي حاب وَ بكذا بتتخلصون من إزعاج الحبيبات
لكن الجَود من المَوجود ، إستخدموا إللي عَندكم الفائدة تَشمله
– طيب الزنجبيل باودر أو طازج ؟!
لكم حرية الخيار ، لكن شخصياً أحبه طازح لأن طعمه يكون حلو وَ منعش
وَ كمان مافيه حُبيبات
– هل هذه وَصفة الديتوكس إللي وَعدتينا بها العام ؟!
لا مُش هَي وَ هذيك جاية بالطَريق
دُمتم بَحب
هههههههههههههههههه هسه الساعه ٦:٠٠ فزنا بالتدوينه لو لا ؟؟ ^_____^
و احنا نحسب الدقائق و بالتالي انحظرت من التعليق هههههههههههه احم احم اقره التدوينه و ارجع
احس الطعم لاذع هههههه بس المكونات سهله و موجوده يمكن اليوم بالليل اجربه و انطيج رأيي^_^ بس شكله و لونه حلو يشهي<<العين تاكل قبل البطن
ههههههههههههه شَكله وَ هو مخلوط فرش ..
بس لو ما أنخلط ما يَشجع نفس هالشَكل ترى ..
فعلا مشروب الكركم جمييل ومفيد
انا اشربه على الريق مع ملعقه عسسل
يعطيك العافيه ياجمييلة 🙂
يَعافي آلبك ..
جاااااري تجربته والله وجاء وقته…تسلم يدك يامزتنا
قريت مرره توسه انه يصفي البشره عاد مدري هل هو صحيح..
مرسي يامزة المزات
طالما مَفيد للكبد وَ آنتي آوكسيدنت
فراح يصفي البَشرة ، طبعاً بالشيء المَعقول على قَد كميته
تسلمي ع المووضوع الجميييل كجمال روحك
فعلا الكركم دايما اسمع بفوائده الطبيه لكن ولافكرت مره اجربه ايام الشغالات الاندنوسيات كانو دايما يشربوه وانذكر لما جبت ولدي كانت تقولي اشغاله انو لازم اشربه عشان البطن تروح وعشان مفيد للغرز …
تَواجدك الأجَمل ..
طيب هآه غيرتي رأيك وَ بتجربينه وَ لا ؟
هههههههه شَفتي النذالة !! ..
كمية رقي ماشاء الله في طرحك و تصميم مدونتك ينم عن انسانه ماشاء الله على اطلاع و علم الله يبارك لك ويوفقك..
أستمتعت كثير بتصفح مدونتك ❤️
good luck
طيب يعني حتى المشروب هذا ماينفع لي ؟؟انا ارضع و ناويه ابدا رياضه و اشرب مشروبات ديتوكس!! يصلح والا قصدك مكملات الكركم اللي هي حبوب من الصيدليه!!!!
وحبيت اضيف انو اليوم الممثله هبة الدري بسنابها مصوره دكتورها حق الدايت يحكي عن هالوصفه بس تختلف بانو هي:
ملعقة كركم بودرة مع عصرة نص ليمونه نحطهم في كوب ماي يكون مغلي و نشربه بالليل يساعد على نوم افضل و تنحيف البطن وسلامتكم
افرح على انك انتصرنتي ولا ازعل على الديرما 🙁 يلا اهم شيء عزيمتك برافووو .. ما اتخيل الطعم .. احس بحرارة الزنجبيل بس لكن اكيد بجربه .. اي لوف يو سسسسووووووووووووووووووووووو ماتش يالحُب
الديرما رولر بإذن الله نازلة بس ما حَددت مَوعد لطرحها ..
آي لآف يَو تُو
اول شي بسألك مين فاز انتي ولآ عرقوب قبل آقرى
هههههههه
هذي ورآها تدوينه ما تتفوتش
هههههههههههههههه أهم شيء أنا فَزت عليكم
لالالا ، اول مره قلبي يعورني لمن تنزل التدوينه دايم طاير من الفرحه طااير
بس ترا عيني بموضوع الديرما لو قروب vip صار لهم شي من عيني لووووول
يتهنون بس بعد عيني فيهم
بكمل التدوينه وانا جريحة القلب محد يتحداك 🙁
هههههههههههه زَينكم وَ الله
وَ سلامتك من جَرح القلوب ، خَص نَص إنتِ
صباح الخير ، رمضانك مبارك آرتوس ، أعجبتني التدوينة وإنّ شاء الله اليوم بعد ما أخلص تماريني بجربه ، المريح في الموضوع ان المكونات موجودة بكل بيت ، تسلم يدك .
كَلي شَوق لتجربتك ..
نَورتيني
يبيلنا حفلة مطنطنه تفوقتي على عرقوب اخييييييرا يا ارتوس ! ههههههه
الكركم جربته رمضان اللي فات مع ماي لوحده وقت التمرين مثلك
حسب مافهمت يعطي طاقة للجسم ويزيد الاداء لكن حسيت بخفقان وتعب على العكس
فبطلته 🙁
اما الطعم مقدور عليه
مننحرمش منك ياقميل يعطيك العافية
ههههههههههههههههه شَفتي !! وقت التَحدي يظهر نَشاطي
يمكن إللي حَسيتي به بسبب الرياضة مو بسببه ؟! قدرتي تَركزين أكثر .. !!
وَ سلامة رَوحك
يسعد صبآحك
اولا ما توقعت المشروب كركم وانصدمت
صدق آعرف فوائد الكركم من كثر ما قريت عنه ودائم اقنع امي نضيفه في الأكل بس ما تحبه فيس حزين ..
قصدك بالطازج اللي زي حبات القرفه تقريبا مو مره ؟؟؟؟
وطيب والنحيفة مثلي بيفيدها المشروب؟
وان شاء الله فاز عرقوب عليك ونحصل الجائزة ههههههه
لا الطازج شكله مثل الزَنجبيل
وَ شوفي فوائده كلها وَ بتعرفين بيفيدك أو لأ ؟! ..
وَ الكركم ترى ماله هالطعم ، نَكهته بسيطة يختفي .. لو أضفتيه صَح ماراح يضايقك
بالعَكس لذيذ جداً
عاد تو امي تمدحه امس بس نسويه بترمس زنجبيل ويا الكركم
أمَك رَهيبة ، الله يخليها لَك
تصدقين يارتوس مواضيعك بالصحة جد جد تاثر فينا حتى يمكن لو ماطبقت بعضها لكن صار عندي وعي اخرها رمضان هذا حاولت أغبر نظامي للافضل واقلل من الاكل الغير الصحي ونجحت حتى الفيمتو شوي شوي ماعاد حبيته وأحاول ادور بديل صحي لذيذ وصحي بنفس الوقت،
وبخصوص مشروب الكركم والله طلع فيه خواص وفوائد توني اعرفها خصوصا تهدئة ألم العضلات كثير كثير تهمني هالنقطة.
قَلبي ..
وَ الله يسعدني التَطور إللي وَصلتي له وَ هالتغيير
وَ من تقدم لـ تقدم
هههههههههه وفازت توسه علينا
التدوينة فيها كمية نشاااط مو طبيعي أنا من محبي الزنجبيل وأتوقع الكركم ماراح يعيقني لأن اتقبل المذاق اللي مايكون لا حلو ولامزعج.
مبسووووطه لدرجة مابي أطلع من التدوينه ههههههه. يعطيك العافية و موفقه.
الله يَديم عليك هالإنبساط ..
وَ أحب الناس إللي يحبون الزَين وَ يخضون بالتَجارب وَ المُغامرات
صباح الخير
احتاااااجه احتااجه حاليا بديت تمرين خاص بالظهر و الظاهر شديت ع رقبتي احس فقراتها تألمني بشكل بسيييط
باجر بعد التمريين بجربه
إن شاء الله يَفيدك ..
مَوفقة بتمارينك
توقعت يكون كركم بس ع بالي الطازج وزي ماقلتي اذا خلط مع فلفل نسبه مفعوله تكون اكثر هاالكلام سمعته من خبير تغذيه يقول اقوى مشروب يكسر الدهون الثلاثيه وكل مره اقول بجربه بس اخاف من طعمه اقصد الطازج ومره عزمت بس رحت قالوا مخلص والافضل يكول عصير وعندك العصاره اللي تعصر بدون مويه حلوه بس ماتوقعت ينفع المطحون بجربه ان شاء الله
يعطيك العافيه ياقمر
كَلش ينفع ، وَ إذا حصلك الطازج ليش لأ
وَ العصارة هي عصارة الجزر ..
يعافي آلبك ..
صبآح النشاط واللياقه ارتوس , انا من الناس الي بدأو بالرياضه من ٣ شهور ومن تدويناتك اتحمست اكثر واتحمست للمشروب ، انا عادي اتحمل الطعم كلو دا في سبيل الصحه والرشاقه والجمال ههههه تسلمي حبيبي طرح بسيط ومفيد وشامل جميع التفاصيل والاسئله الي حتخطر على البال , قبله لعندك
قُبلاتي لَك
وَ الله أحييك إسَتمري ٣ أشهور فترة مُمتازة ، يعني لياقتك مرة عن مرة تَزيد
إستانست مَنك
تو انتبه لكلامي ملخبط بس ان شاء الله فهمتي علي
صباح الخير على الناس الجميله الي نسهر عشانهم ..
يعطيكي العافيه على المشروب حبيت فوائدة مرة وان شاءالله حعطي الوصفة لماما تستفيد منه اكتر ..
حقيقي مواضيعك جدا ممتعه حتى لو مااستفيد منها شخصيا افرح اني انقل كل شي للاشخاص الي حوليا او يكفيني معرفة كل جديد
صباحك سعيد ياجميله
جَمالكم وَ الله ..
وَ الله يخليلك المَاما ، حَبيت فيكم تَعاونكم
إسم الله
سَيد كُركم كل فتره يبهرني اكثر ، يسسلمو ()
هههههههههههه صَدقتي
انا ناويه اخفف برمصآن
ومالقيت حالي الا اكل اكل مفجوعيين
ان شاء الله بجرربه
بالعافية عليك ما كَليتي ..
وَ إن شاء الله تحققين إللي بَبالك ..
كان يبيلي خمسين تخمينه عشان اوصل للكركم خخخخ
متجدده ومبهره كالعاده .. شكرا جزيلا يا حب
ههههههه خَلاص الآن بَتكونون عارفينه
العَفو يا قَميل
صباح الورد
تحمست اسوية وان شاء الله بأخذه بين التمارين انا احب الزنجبيل بالعادة اسوي عصير جزر مع زنجبيل بعد الرياضة بس ان شاء الله بجرب الكركم هالمرة …
إسم الله عليك .. حبيت نشاطك
يا صبباح الفل ، وحشتيني والله
كركم !!مدري ليه حسيت انه رح يكون زي البودر بالفم
الزنحبيل أحببه أحيانّا أبشره وأكله كذا فريش
بس بما إنّي مبتدئة رياضيًا وأعاني بالرياضة رح آجربه مايضر
شكرا ياجميلة و يعطيك العافية *وردة لقلبك*
خذيه طازج .. الخيار لك وَ إنتِ وَ شطارتك ..
وَ يعافي آلبك ( نَورتيني وَ الله ) ..
صباحك حب ،
جربت الكركم من قبل مع الليمون بس جديده اضافه الزنجيبل احس بتديه نكهه غير بس مكنت اعرف انه مفيدد لتخفيف الم التمارين كنت اشربه عشان الصحه بشكل عام بس تركته بعد فتره مرضت فيها ونزل وزني كثير وخفت يزيد نزول وزني بس برجعله اكيددد لاني مكثفه التمارين ومتبهذله مع الالم 🙁
يسعدك ربي ياجممميله مستحيل حد يطلع من تدوينتك مو مستفيدد تعجبني تدويناتك ذكيه ماتخص فئه محدده وبس وتسكتي لا تتوسعي بسم الله عليك ربي يحفظك وتقنعي الي معتبرين الموضوع ما يخصهم ( زيي اول ماشفته في الانستاا قلت لاا ماابغي وزني ينزل بس اطلعت علي التدوينه عرفي اني غلطانه وانه بالعكس محتاجه للمشروب ) تسلمي قلبي علي كل جهوودك معاناا والله يكتبلك اجرر كل حرف تكتبيه اضعاف مضاعفه 🙂
سَلامتك ألف سَلامة ، ما تَشوفين شر
مو مشكلة طالما وَزنك نازل بهالشَكل ، مُمكن تشربين عصيرات طبيعية لترتفع عَندك النَسبة
وَ بعدها تبلشي وَ إسم الله عليك إنتِ مبين عليك صَحية خلقة ..
وَ يَسعدني مُشاركتي لَكم بكل التَجارب المُفيدة وَ النافعة ، نَورتيني
الموضوع جا بوقتك بضبط اعاني من ألام بالعضلات من الرياضه لاني مع الاسف اسوي فتره وأوقف لكن ان شاءالله المره ذي بستمر
وكمان ياليت تتكلمين عن البروتينات المفيده بالرياضه انا احاول قد ماقدر اكل بروتين طبيعي لكن ودي اني اجرب البروتينات المصنعه وفيه بروتين why يمدحونه لكن ابي اعرف رايك عنه
و بالنسبه انا نحيفه لكن مافيني لياقه وجالسه احاول اتعلم اليوقا احس هي اكثر شي بتعطيني اللياقه الي ابيها ممكن اعرف وين تعلمتيها من مدربه او من نفسك وياريت تتكلمين يوم من الايام عنها وعن اساسياتها وكذا
كثرت اسئله
لكن انتي من الناس الي اثق بثقافتهم بالرياضه خصيصا
شكرا لك والله يسهل لك كل شي تبينه زي ماتسهلين لنا المعلومات
بجرب الصوره تطلع ولا لا
ما طَلعت 🙂
إذا تمارينك بسيطة ما تَحتاجينها ، شخصياً ما أنصح ..
لأنها تترسب بالجسم ، وَ تسبب لك حبوب بالبشرة وَ مشاكل بالكلى إنتِ بغنى عَنها ..
طبعاً لو بتستخدمينها وَ حركتك قليلة
بخصوص اليَوجا أحسها بسيطة ، تراها تَمارين كبار السَن يسوونها هي بالأساس نوع من العبادة تأمل وَ توازن وَ تنفس
أكثر مما تَكون حركات عضلية ، وَ لكن أكيد تساعدك ..
نَورتيني يا نُورة ..
صباحك ورد $ ”
يا جمال رمضان ، كويس لسا ما خبصت بالأكل لحد الآن وضعي بالسليم لكن الاغراء كبير الله يستر ههههههه
غالباً اللي يعلقون آمالهم ع الديتكوس وتر و الشاي الاخضر عارفين انها ما راح تفيد بدون رياضة لكن يحاولون يبعدون هالفكرة و يقنعون نفسهم إلا راح يفيد ..
الكركم اتذكر خالتي كانت تشربه و تجيبه طازج و تمدحه لي و قرأت عن فوائده لكن اخذت منه موقف لانو خالتي كانت تشربه وقت نفاسها خلاص مخي ربط الكركم ب حاقات كدا و سحبت عليه ، دحين بعد هالتدوينة و تصويرك البطل حلى بعيني خلاص صالحتينا ع بعض هههههههههه .
هههههه حَبيت تحليلاتك
وَ ماتنلامين ، الشغلات إللي يَشربونها النَفاس سببت عقدة لَكثير
وَ هههههههههههههههه الصَورة خداعة وَ الله
❤️❤️❤️❤️ حلوه التدوينه
الكركم انا احطو على سلطة الخضار ، غير كذا ما اقدر اتقبلو ❤️❤️
بس بجرب طريقتك ❤️
جَربي مُو خَسرانة شيء ..
وَ فكرة غريبة ما جربته مَع سلطة الخضار .. إضافة مُمتازة
مرحبا ارتوس- يعطيك العافية على كل الاشياء الجميلة
ممكن تنزلي بوست هنا او حتى شي مختصر بانستقرام عن تجربتك مع منتجات هيروم للاظافر حالتي مستعصية و مفكرة اطلب منهم
و شكرا مقدما
إن شاء الله بَحاول وَ الله ..
بس ما قَلتي وَش مُشكلتك بالضبط ؟
يسعد صباحك ياجميلة
عاد اليوم مابقى شي ماخمنته هههههههه
يمي احب الاكل او المشروبات اللي طعمها لاذع او مر
ان شاءالله بجربه بكره
شكرا شكرا ارتوس
والله احس نفسي انشر مدونتك لكلللل الشعب ❤️
عاد شديت حالي مع اخواتي و اخوي بعد مجرد لقطات شاشة من تدوينتك بين فترة واخرى عشان مايعصب مني هههههه
الله يسعدك يارب
وَ الله أخَجلتيني .. يا زَينكم وَ الله
وَ الله يَخلي لك خواتك وَ أخوك ، حبيت شَلون قلبك عليهم
الله لا يَحرمك مَنهم
حبيت التدوييينه احب هالاشيآء انا فوايده جمميله
بس دامه يخسر الوزن بحآول مااكثر منه
اتمنى توسه المرات الجايه يكون الموضوع عن مشروب صحي
لزيادة الوزن اتمنى تنزلي عن هالشي حبيبتي
وربي يسعدك ويوفقكك ويرزقك يآرب *قلوب*
يووووووه فيه مَليون مَشروب صَحي لزيادة الوَزن
لكن ٩٩٪ بيذبحوني بَيقولون خيررررر ..
لكن بإختصار إشربي عصيرات مو سموذي ، عصير طبيعي طبعاً
احتاجة وبقققوة ، جاء بوقته والله ، من بعد تمرين قبل امس مادري وش صارلي ألم مو طبيعي بركبتي ، برغم مو اول مره اسوي 🙁 .. بجرب اسوية ولو اني مُش متقبله كثير .
بس يلا ع قولتك نجررب وان شااءلله يخف الألم
يعططططيك الف عافية ياعيني ❤️❤️❤️❤️❤️
إنتَبهي على نفسك .. لا تَشدين على ركبتك بهالفتَرة لين يخف الألم
وَ عقب واصلي ..وَ يعافي آلبك
ياهلا وغلا بكل الحلا …
عاد مايجي منك الا كل شيء حلو وصحي ومفيد اكون لك فدوه انا ،،
رووعة ماشاء الله حسيته بيهز الوزن انا من الناس اللي احب المشروبات كثير وعادي اشرب مشروب لكن مو عادي اكل اكل مذاقه غير طيب …
تصدقين كنت اسأل نفسي اقول شلون تكونت رغوة وهو كركم طلع معه زنجبيل وليمون اتوقع انه منعنعش ويكفي انه يخفف الم العضلات وينزل الوزن عاد باقي علي كمن كيلو ان شا الله اقدر عليهم مع هالرمضان ولو ان الكنافه والبسبوسه والقطايف انفلتو علينا الله وكيلك هذا غير الحلويات اللي نلقاهم عند الناس والقهاوي الا على طاري القهاوي سمعتك ودك تتركينهم بهالشهر وانا بعد وقفتهم يومين ليلة الثالث الله لايوريك صرت مصدعه وخموله ونهمه اشتهي الحلى بكثرة وانا مو مرة احبه بس زاد حالي اليومين اللي فاتو ويش رايك نتحدى نتركها شهر بشوف انا قد التحدي والا لا <<<<<<سوري نسيت نفسي ^^…
مايحتاج اقولك راح اطبقه خلال شهر رمضان واوافيك بالنتيجه هو وتنظيف الوجه والاسنان بالزيت راح اعتمدهم بأذن الله …
حبي لك ياقمرهم ياشمسنا كباكب الكون على قولة اومااار بتاعي هههههههه …
الحَمدلله يعني راح تقدرين تتَقبلينه ..
بالنسبة لي أعشق شيء إسمه كُنافة وَ بسبوسة وَ بعدين اللقيمات وَ القطايف
لكن ما أشوف القطايف وَ لا كنافة مُضرين عفكرة ، يعني ضرر مَخلوط بفائدة وَ أكيد كيف تحضرت تفرق كَثير
وَ يالله مَعك بهالشيء نَتحدى سَوى ليش لأ ؟!
وَ الله أحس تفرق كَثير .. صح أدائي أقل من قبل مو مثل أيام القَهوة بس هالفترة هي إجازة فماراح نَموت لو تركناها
قَدام ..
ههههههههههههههههه الله يَخلي لك آومار بتعنا وَ بتاعك ( بتعنا أقصد أنا وَ إنتِ ) ..
صباح الخير … تصدقي ذكرتني بشغالة خالتي الاندونيسية كانت كل ماسافرت لاهلها قبل شهر من سفرها تشرب كل صباح عالريق كركم مقدار فنجان الشاهي تقول بينظف الجسم واصلا يبدا جسمها يتقشر زي البيبي المولود وتحسيه نظيف فكانت لازم العروس تشربه قبل زواجها بشهر …. وعموما شرق اسيا الكركم والزنجبيل هذا شي اساسي عندهم .. ويعطيك العافية يارب
هُو ثقافة آسيوية وَ ماشاء الله عليك أضفتي إضافة راح تَحمس البَنات
لمن شوفت الصورة ف الانستجرام اتحمست أعرف إيش العصير ، بس طلع زنجبيل >_
رمضان دي السنة حاولت أغير ، سويت السمبوسة بالفرن ، وبأحاول أمتنع عن المقالي نهائيا ، وبأمشي قبل الإفطار بعشرين دقيقة – لإني قريت إنّو ف دا الوقت الجسم يحرق أضعاف الدهون لو إني سويت رياضة ف اي وقت تاني – وبعد التراويح بأسوي مقاومة ، وإن شاءالله آستمر ، وأشوف نتايج حلوة ف العيد 🙂
مدري إيشبو ردي أتأكل نصو 🙁 ع العموم قلت إنّو راح أجربو ان شاءالله , بما إنّو ليمون وكركم فراح يختفي طعم الزنجبيل
By the way إختيارك الورود ف الصورة مررة جميل ، متناسق جدا مع لون العصير 🙂
إنتِ الجَميلة وَ عيونك تَعكس هالجَمال
نورتيني
أتَمنى وَ طبعاً بشرينا لو فعلاً نجحتي بتحققين أهدافك
بضيف لك شيء زيادة سوي لك وجبة مفتوحه عالأقل ، عشان الوَزن مايثبت
صباحك سكر ❤️
عاد اليوم حاستي السادسه اشتغلت وقالت لي اكمل للصبح والا القاكي منزله بوست .. ياللسعاده ❤️
البارح مارست الرياضه واحس مزاجي عال العال ان شاء الله مااسحب .. والمشروب مدري خايفه منه ينحفني اكثر مو ناقصه بس مايمنع نجرب خصوصاً اذا كان منك ❤️❤️
حاستك وَ الله هالمَرة صابت ..
وَ عادي مُو شرط نَجيب لك مَشروب آخر وَ لا !! ..
وَ وواصلي رياضة مَع زيادة نسبة أكلك وَ إن شاء الله تلاحظين الفَرق المَرجو
الله!
حبيت التدوينه خفيفه وشهيّه ههه
علّمت صديقاتي عليه عالفور
وكأنهم حبوه وبيجربونه
وبجرّبه بإذن الله اثناء تماريني اليوم
أحبك
دمتي لنا
يَسلم لي إللي يَحب الخير لغيره ..
I love u too
ودائما تبهرينا بمعلوماتك ❤️❤️
ماتوقعت ولا طرا ببالي الكركم بس تحمست اجربة ان شاء الله
تَجربة مَوفقة إن شاء الله
عاد إيش ورانا نجرب
ودي انحف الأرداف شوي، اللي يمنعني الآلم والكسل بجربه عشان أتحمس يارب استمر
ومشكورة أرتوسه، يعطيك العافية
ما عَليه أوَل مرة بتتعبين مُجرد ما تَحسنين لياقتك
راح تتأقلمين مَع الوضع ..
والله يا ارتوس هالرمضان مبسوطه من حالي لحد هلأ ماخبصت بنظام الاكل ولهلأ ماشيه بالسليم وان شا الله ضلني مستمرة للعيد
بالنسبه للفوائد جذبتني كتير خصوصا التخفيف من الم الرياضه بس مارح جربو بحس الطعم رح يكون لاذع مدري كيف لو ينضافلو شي بحليه ممكن
الله يَديمها عليك حَبيبتي ..
هههههه مُش لهدرجة عفكرة ، مَقبول جداً جربيه وَ حتشوفي وَشلون كان خَوفك ماله مُبرر
هلا هلا بالاصفر
اليوم ردي رقم ٣٢ شفتي يابنت عينك حاره ارسلي لي كاسة الشاي حقك هههههههه
او نواة التمر والا اقول ملعقتك
رمضاني هالسنه والله معفوس اول مره استخدم حبوب الغده مو عارفه انظم نفسي والا اكلي
والمقليات طلقتهم من زمان الا اذا اشتهت النفس مااحرمها
ونرجع للكركم
كاني قريت قبل واظن لك عن مشروب الكركم
راح اجربه بس بدون الليمون
تصدقي الاحظ اللحم يكون خالي من الشحم بس ماقد جاء ببالي السبب الكركم
لكن سوال عمليات جراحيه ليه حتى لو مبطيه
هههههههههههههههههه ضَحكتيني
ما تَشوفين شر ياقلبي ..
وَ العمليات الجراحية المُبطية ما عادت مُبطيه .. المقصد العمليات اللي مازالت جَريحه
هلا وغلا بالجمال كله صباح الورد
انا م تقبلت ريحته وشلون طعمه ):
ان شاء الله اجربه بنص تماريني واحاول اتقبل الطعم غصب عشان فايدته احبه ع الاكل لانو خفيف مش مركز مثل المشروب ): تخيلت معدتي تقلب صفراء من صوره المشروب لووووول
فيه نوعين من الكركم لطبخ وللجسم وضحي للبنات انو المقصوود الطبخ لا تجي وحده زليخه وتجرب كركم الجسم ):
معلينا احد فاز وجابها صح بالحزوره :d
هههههههه صَدقيني مع الليمون وَ الزنجبيل مَقبول
وَ بوسط التمارين تحتاجين ماء فما تَحسين على نفسك إلا وَ إنتِ مخلصته ..
ههههههههههه عاد وَ الله لو بجلس أوضح كل شيء بتجيني جلطة دَماغية ..
والله صورتك خداعة مبينة المشروب انه يبرد عالقلب وطلع يحرق القلب هههههههههههههههه تجنن الصورة توسة ،،
،
،
انا هاليومين كسووولة بشكل لكن الوعد اليوم ارجع لتماريني
بجرب ربع كوب ان مشي حالي بسوي كوب كامل اليوم اللي بعده ،،
(وردة صفرا لعيونك)
هههههههههههههه شَفتي شَلون !! ..
بتتحملينه تَرى لا خَوف عليك ..
حبيت وَ طلع يحرق القلب ، حَسيتك مَن جد أكلتي مَقلب
مرحبا ومية هلا توسا
انا لي فترة طويله افكر اشربه لكن انا ماالقا بودره مطحونه فوري
يعني ابي اخذه مجفف واقولهم يطحنونه يرف1ون ي4ولون هذا هو مطحون عندنا خذي منه ..لان اخاف يخلطونه مع أشياء اخرى للطبخ
عل تستخدمين نفس الي تستخدمونه للطبخ انا حابه استخدمه يساعد بتنقيه الجسم وتنظيفه بالتالي ينعكس على جمال البشره قريت سابقا كثير عن فوايده
ان شاءالله اجربه بما انه يخفف اللالام العضلات اعتقد فريت هالمعلومه في حساب كوتش خا2 بالرياضه ..
تشكولار ياجميل
طبعاً لازم تَدورين أصلي وَ لكن جيبي الطازج ليش كل هالمَشوار !!
مَتوفر بالسوبر ماركت وَ بكثرة
يسعدك ارتوس تصدقي استغرب من الناس اللي تخبص في الاكل في رمضان بالذات في الجو الحار اهم شي العصيرات والمويه عندي والعصير يكون طازه من البيت طبعاً تحمست مره اجرب الكركم
إممممم السر هو فترة الصيام الطَويلة ، خلي الإنسان يشتهي الحلآ
لذلك يقبل عالطَعام بشراهه وَ لا تنسين وَ هو يحضر الطعام يكون جَوعان فيطبخ مالذ وَ طاب
وَ وقت الأكل حتى لو كان شبعان مضطر يآكل أغلب الأطباق عشان تعبه وَ النعمة مَاتروح هدر
الله يسعدك معلومات قيمه جدا وجهد جبار منك ياتوسه
مانوفيك حقك يااختي
والكركم رائع بالذات لمشاكل الهضم
بالعاده اسويه دافي
اجيب الاعواد المجففه حقته واغليها شوي ثم اضيف قطعه زنجبيل وشوي ليمون واضيف سكر او عسل ونتفه زعفران
مشروب لذيذ وطعمه حلو
بالاضافه الكركم اساسي عندي باابهاراتي الليوميه
واحيبه اعواد مجففه من العطار واكسرها واطحنها بالبيت
عشان اظمن نكتها وفايدتها تكون جديده
جدا مفيد
تحياتي لك وللمتابعات
بجربه الليله بإذن الله ، شكراً ارتوس على عطائك
مَوفقة بالتجربة
الحمدلله لحقت عليها قبل انام والله يستر زاد وزني بس احاول انزل ضروري اجربه اليوم وكمآن ممره اتوقع كنت بسريلانكا كان عندهم بالسوبرماركت مشروب الكركم والزنجبيل ياليت تتواجد هنا يسعدك ارتوسه ياعسل
فعلاً هالمشروبات حتى مَنتشره بأوروبا
وَ ليه وَش تبين بالصناعي ؟! .. الطبيعي أزين ..
عشقي المشروبات المنعشة *.*
يعطيك العافية ارتوسه
صح المشروب أحس شوي غَريب ما قد جربته
بس عادي عندي أحبّ أجرب بالأكل وأبدع مرات تصيب ومرات تخيب ههههههه
ومتأكدة بدمِنه ..
ما عندي حَركات التقزز والتقرّف من الأكل
الحركات الي طايحين فيها هَالأيام حتى الكبسة تكبروا عَليها والبيض والأسماك وكل ما شافوا شي قالوا الله يكرم النعمة .. محرومين والله .. الحياة بدون تجريب أكله أو مشروب جديد ما لها طَعم أبد هههههه كأني بالَغت
لاحظت شبه بالفَوائد شوي لوَصفة الشاي الأخضر يلي زَمان كتبتيها عفكرة للحين أستخدمها ولا أستغني عنها .. وأكيد زي تقولين ما بتغني عن الرياضة هي الأساس دايمًا
إمطاااااااخ لك ، أصلاً وش حنا مُو أطفال صَغار نخاف من الأكل لهدرجة
فيه شيء إسمه ذَواقة ..
ههههههههههههههههه صَراحة حبيت رَدك ، ذي سالفة تكرم النعمة يبيلهم كَف وَ رى كف ..
تمشي تَصور لك أسياخ شاورما بَتركيا تَقول الله يكرم النَعمة ( طيب لا تَصورينها حَبيبتي )
تَشوف فلافل تَقول – الله يكرم النعمة – وَ الله ما فَهمت البَشر ..
وَ صح عليك نُور ، حتى الشاي الأخضر مُفيد وَ إن شاء الله الوصفة القادمة بتعجبك ..
خلاص خَشيتي قَلبي
يسلمووو توسه تعرفي كنت اقرأ عن الكركم والليمون للتنحيف
وحرق الدهون ويكون على الريق بس كنت اخاف من الكركم
انه مضر وهو الوحيد الي ماجربته بس فوايده تحمس للتجربه
اذا على الطعم بالنسبه لي عادي اي شيء اشربه مومشكله بس
ابي نتيجه
أكيد مع العَمل ، لأن كل هالكلام بدون رياضة وَ حركة وَ نظام غذائي جيد ماله هالمَفعول
نَورتيني
شيء جديد بس يبالنا نجرب ..
يعطيكي العافية ❤️
يَعافي آلبك
هلا بآرتوسه ، موضوعك عالجرح ههههه اليوم خبصتها شوي بالسحور بس مش ذنبي ههههه ، ستايلك الجديد بالصور والاسهم كيوووت وحلو أدري مو أول صوره بس حبيبيت واشتقنا لرزة ليون بالصور ، الزنجبيل والليمون اشربها لما ينبح صوتي فمتعودين عليه باقي نضيف الكركم ونشوف ان شاء الله مايقلب الطعم مرررره لأنه بنشربه بنشربه غير إنو قلتي مره انو يصفي البشره ، واليوم بالذات بديت استخدم الفيتنس بول شفت تمارين الفيتنس بول وقلت سهله ويوم سويتها يماااااه ارتعش زي الشياب للمحافظه على الثبات هههههههههههه ، ويعطيك العافيه ياقمر ..
ههههههه عادي حلالك علقي مَتى ما تَبين ..
وَ لا يَهمك أحاول أصَوره بأقرب فَرصة بس هاليَومين مَتوحد شَويتين ..لأن أنشغل عَنه بالحَيل
هههههه وَ الله برافو عليك فرحتيني ، زين زين اليوم ترتعشين وَ يوم عن يَوم تضبطينها
تصدقين عاد ستي الله يرحمها دايما تسويلها حليب في الفطور وتحط معاها فلفل وملح وتروق علييه وأنا مستغربة كيف تشربه ….وكمان حتى شغالة أختي الجاوية كانت تسويها لها في الصباح وهيا نفاس وتقول انه كويس لها …. الحمدلله اﻷشياء كلها عندي في البيت ان شاء الله أجربه
الله يَرحم جَدتك يآرب ،
وَ إن شاء الله تلمسين فائدته عليك
صباح النور ..تسلمين على الوصفه واكيد ان شاء الله تضاف للروتين اليومي تبعي وصراحه الكركم تنصح فيه جدتي ومرات نحطه في القهوه ويفيد ومايبين طعمه يصير الوضع تمام ومرات نرشه على بعض الاكل يعني خذ راحتك معه XD.
الله يخلي لك جَدتك ..
مُمتاز وَ الله
-هلا بالزين ❤️
الله الله تصدقين ماتوقعت ان الكركم ينشرب نهائيا والحلو انه مفيد لالام المفاصل لان مابوه وزن عشان اخففه هههههههه
الله يحرم هاليدين اللي تتحفنا بكل جديد عن النار ❤️❤️
يآهلا بَك ..
وَ الله يَحفظ لك رَشاقتك ..
تسلمين لي على هالدَعوات الحلوة
واصلي ياقمر إنت ِ من العالم الي بدأوا حركة
التغيير بأنفسهم وتأثيرهم في طريقه لينتشر في المجتمع موفقه يآرب
حَبيبتي مَلاك ..
تَواجدك يَفرفح القلب
الزنجبيل يشحط الحلق قد جربته قبل مع كمون وقرفه وليمون كنت اشربه على الريق مدة شهر تقريبا وكسلت اكمل على ان النتيجه جمييله جدا على الرغم من اني ماكنت اسوي رياضه في وقتها كنت امشي ساعه مشي خفيف بس ومع ذلك ثلاث ارباع الكرشه راحت .. بس ان شاءالله بجرب طريقتك هذي والكركم دايما اسمع فوايده للبشره فعشان كيذا متحمسه لهذا المشروب
ومشكوره دايما على تعبك في التدوينات وقراءة تعليقاتنا وردك عليها ❤
والله يا ارتوس اني احبك جدا
تَسلمين لي على هالمَشاعر .. لا خَلا وَ لاعدم
وَ مافيه أي تَعب ، أحاول قَد ما أقدر أرد على أغلب التَدوينات قبل طَرح تدوينة جَديدة
حتى تَعم الفائدة للجَميع وَ مايكون فيه سؤال باقي بذهن أي أحد ..
طبعاً ما يَمديني ألحق جَميع التَدوينات
موضوعك جميل ، وصورك تنطق جماال الله يعطيكي الخير على قد ماتعطي غيرك ❤️❤️
آمين وَ ياك يآرب
نَورتيني
صباح الخير،، في كل مره تتحفينا بالجميل أكثر والمفيد٠٠
الكركم من الاشياء اللي أحب طعمه ولونه في الأكل ومااستغني عنه…الحمد لله
.خاصة مع معرفتي بفوايده
زاد تعلقي فيه ..الحين مع هالموضوع بيزيد تعلقي فيه أكثر واكثر ههههههههه.
وبعد استخدمه كمكمل غذائي في حاله احساسي بدايه مرض كانفلونزا
على أساس انه مضاد حيوي طبيعي كما يقولون..بصراحه احس انه يفيد ماادري هو جانب نفسي او صدق ><
الصورة مغريه للشرب يمكن تأثير الصيام هههههههههه …بس من يشوف المكونات يعرف كيف الطعم بيكون بس الأهم الفايدة..
وان شاء الله بتأكيد راح اجرب المشروب …جزاك الله خيرا على الفائده.
عالأقل تَعلقتي بَشيء مُفيد .. لا ضَير من ذلك ..
وَ لا صَح كلامك .. مُقاوم للأنفلونزا .. وَ مبين عليك عاشقة فعلية له ..
نَورتيني وَ حسافة إسمك غير مَعروف عفكرة 🙁
الزنجبيل معروفه فوايده بحرق الدهون بس احس طعمه حار ومثل ماقلتي اذا شربته وانا عطشانه ماراح احس بحرارته او قوة طعمه
ان شاء الله راح اجربه بس بدون زنجبيل بس اكيد راح اجربه وقت الرجيم والحين ما اقدر لاني ارضع
الله يَخلي لك البيبي ..
نَورتيني
أي صح تذكرت هذاك اليوم لما راح صوتي قمت اشرب زنجبيل وليمون وطعمه حار شوي بس زوجي قال انه كثرته مو زينه للمرضع لأنه ينزل للطفل والله اعلم
الإعتدال مَطلوب بالحياة ، دائماً المبالغة بالشيء تَنقلب للضد
صباح الخير ..
الكركم احبه مع الطبخ بعد ما سمعت دكتور بالإذاعة يقول فوائده و صراحة انصدمت ان كل هالفوائد فيه بس عندي امي تكره اذا طبخت شيء و حطيته و بان لون الكشنة اصفر ههههههههههههههههه شكلي اكثر .
عاد يَ ارتوس اعرف وحده تسوي مشروب الكركم عشان تصفي بشرتها على كلامها !! مَا ادري وش طريقتها بس هل صحيح انه ممكن يصفي ؟!
مُمكن يصفي البشرة لأنه مُفيد للمعدة وَ الكبد ..
لكن يعني مُش هالوآآآآآآو لهم ..
وَ الله يخلي لك الوالدة
السلام عليكم
يعطيك الف عافيه
انا اشرب هذا المشروب بس تصدقين مدري ليه اشربه بس اللي اعرفه ان مفيد لكن طريقتي اغلي الماء مع زنجبيل طازج وكركم طازج يطبخون مع بعض واصفيه واشربه
بس خوفتيني يوم قلتي ان مايصلح للي شايلين المراره وانا من اياهم
بس وش اضراره لو شربته ؟
أنا قَلت مو زَين أخذ المُكملات الغذائية اللي تَحتوي على الكركم
وَ ليش مو زين لأن هو يشجع العصارة الصفراء وَ إنتِ مرارتك مُستأصلة ..
يعني حتى الفائدة مُمكن ما تستفيدين مَنه ..
يعطيك الف عافيه ع كل هالتواصل الطيب منك …عاد انا حامل وبالبدايه مشواري طويل ورضاعه بعد حاليا بكتفي بزيادة اضافته بالاكل وبقول لاختي عليه حاليا تسوي رياضه ومشتطه هههههههه …قبلاتي لك
الله يَتمم عليك حَملك وَ تقومين بالسلامة
صباااحوو سوس .. كيفك مره وحشتني مشروباااتك ودي اعرف البطله الي خمنت المشروب ماشاءالله عليهااا، اذكر قبل فتره كنت اشرب كركم طازج لحاله مع مويه دافيه جدا جميل فادني كثير بالقولوون بس ماينصح باستخدامه اكثرر من ست اسابيع لانه يسسسبب التهاب بالكلى بحكم احتاوئه ع مادة الصفراء ابي تفرزهاا الكبد .. اذكر اني شربته مدة اسبوعين فقط ووقفته .
موفقه حبيبتي ع فكره اشتقت لمدوناتك الطوويله واسهابك بالكلام ونقدك الاذع .. اتمنى لك يوم ممتع وصياماً مقبولا
حَبيبتي وَ الله وَ سلامتك ألف سلامة ..
وَ لا يَهمك بين الفَترة وَ الفترة بطرح تَدوينات طَويلة ..
يازينكم وَ الله ، نَورتيني
حبيبتي والله الله يسعدك ويحرم يدين ربتك ع النار
استخدم الكركم من فتره بعد مامدحته الوالده
وصادف في مره انه جتني التهابات ورحت كذا دكتور والنتيجه بطئيه وفجئه خفت كثير رغم اني موقفه العلاج ع اساس ابدا كورس ثاني
بعد البحث اكتشفت انه من الكركم
واللن اي التهابات بسيطه او شي ارجع للكركم ويفيدني كثير بس انا اشربه بالحاله بجرب وصفتك شكلها روعه
ربي يسعدك
الله يَخلي لك الوالدة وَ آمين يارب
وَ الله حَبيت ذكرك لتَجربتك ، كلامكم يَضيف الكَثير لمُدونتي
حبيت المشروب منك مع اني من قبل كنت ابي اجربه وخايفه من طعمه ان شاء الله راح اجربه عقب ماتكلمتي عنه يسعدك ربي ارتوسه
فَيس خَجلان ..
وَ الله سَعيدة بهالثَقة منكم ، بَجد تسلمون لَي
موضوعج حماس
اول مره ادري ان الكركم جبار في مساعدة حرق الدهون
بجربها ان شاء الله
مَوفقة بَتجربتك ..
تسلميين على التدوينة الجميلة..
عاد أنا أموت في المشروبات الصحية والأكل الصحي
إن شاء الله أجربه…
بس سبق وسمعت إن الأفضل
تخلين الطاحون يطحن لك الكركم قدامك وما تأخذين المطحون الجاهز عشان
تضمنين يكون صافي وﻻ يضاف له أي إضافات …
أو خذي الطازج لو شَكيتي بالمَصدر
وَ كلامك سَليم ..
ههههههههههههه أتوقع هذي اول تدوينة ماكان احد يبيها تنزل على الموعد p:
يعطيك العافية توستي 🙂
ههههههه شَريرات ..
يعافيك حَبيبتي
يعطيك العافيه ان شاء الله اجربه مع أني مااحتاج حرق دهون لكن عندي الآم من الرياضه ..
ارتوسه يارب يفيدني للقولون
موضوع بطل خصوصا اني ناويه ابدا بالرياضه
وتدويناتك كلها جميله
احبك من القلب
يعطيك العافية توسة جاء بوقته انا هذه الفترة زدت وزن الدامبلز
واعاني كثير من الم العضﻻت
شكرا ارتووس
ماشاء الله وليت الكل يذكر الله عليها
بس عندي استفسار سوس مثلا مش تخينه بس فيه جزء فيه دهون من الجسم هل ينفع انوه استخدامه ولا بيكون تنزليه للدهون للجسم كامل يعنى مايخص الحته المكوم فيها الدهون وراح اخذ رابط التدوينه وبانشره للكثير وربي يجعل كل ماتقدمينه بميزان حسناتك وكمان واحشاني ما عم نشوف بعض والبنات وباقي ٢١<<فيس يعيططططط
جميييييييل جدا استمتعت وانا اقرا التدوينة الله يسعدك يارب ..
من جد موضوعك جا في وقته لاني احتاج شي للمفاصل و باذن الله باستعمله اثناء الرياضة ..
بس بسالك دحين مكتوب انو يعالج السكري و في نفس الوقت مرضى السكر الي ياخذون ادوية يتجنبونه .. يعني ماقدر اسويه لامي وابويا لانه معاهم سكر وياخذو ادوية !! انا ابغا اعطيهم اياه كواقي من الامراض مو مخصوص للسكر لانه شي جبار
يكفي هرجت كثير .. الله يجزاك خير يارب و باقولك شي ..
احبك في الله
ارتوس ماجربتي تصفيه من الحبيبات عشان مايصير مزعج ؟
صباح الأمل بوجودك
المقدمه مثل البلسم حبيتها
لان بصراحه انا من الناس اللي احاول اسوي رياضه بس صعبه كثير لان بيتنا صغيرون وان لقيت فرصه اليوم ماراح القاها بكرا
بس بظل احاول لان شفت كلامك بعيوني بجد جمال اجسام الرياضيين تنطق ماشاء الله
الله يعطينا ومايحرمهم
وجاري تجربة المشروب حتى لو ماسويت رياضه فيس يتحلطم
يسعدلي يومك
مساء الطعامه
انا من عشاقه أحب طعمه ولونه وريحته أحس فيه عزومه ههههه
اللي سمعت فيه انو الإندونيسيات يستخدموه ايام النفاس للتخلص من دم النفسه والطهارة السريعه ( الله يكرمكم) وكمان يقولوا انه يضيق المنطقه إياها وعلى فكره هو فيه مواد قابضة ومطهره وفوائده الداخليه زي الخارجيه بالضبط. . وأنا وصيت على كركم هندي وراح استخدمه كمان للبشره
وحده من خالاتي تستخدمه يوميا لبشرتها اذا مو ثلاث مرات في الأسبوع ماشاءالله بشرتها روعه ومشدوده وكله بسببه
بس يسوي حوسه والشكل ههههههه يموت ضحك لمن كنت صغيره وشوفتها قلت لها كأنها دجاجه وجاهزه للقلي… إلى الآن تقول كل ما حطيته أتذكرك هههههه .. عاد انا معروفه اني اترك تعليقات تخلي الكل يذكرني حتى بعد 10 سنوات كل ما سوى الشيء هههههههه
مدري قلبت البوست كوميديا المهم ياعمري ماشاء الله عليك
ما تركتي شيء الا واتكلمتي عنه .. عني انا نحيفه واشرب زنجبيل تقريبا في الأسبوع كذا مره وزنجبيل طازج … بنت عمي تقولي راح تختفين نحيفه وكمان تشربيه
عاد انا اعرف انو الله خلق أجسامنا بشكل عبقري سبحان الله و أجسامنا تشتغل بشكل كيميائي دقيق وبنسب دقيقه. .. وإنو كل جسم يعرف يتعامل مع كل ماده تدخله يعني الشغل مو اعتباطيه إلا إذا احنا زودنا العيار وخربنا نظام الطبيعه.. فقلت لها جسمي يعرف كيف يتعامل مع الزنجبيل واكيد الزنجبيل مو فقط للي عنده كرش ولمن أشربه راح يؤدي وظيفته بدون ما يأذيني لأنه اصلا ماعندي هذيك الدهون اللي راح يحرقها ف راح يشتغل اكيد على شيء ثاني يعني حرام نظلم بعض الأشياء و نبتعد عنها بس عشانها مشهوره بشيء معين. . والزنجبيل معروف انه يعالج على الأقل 80 مرض معروفه إلى الآن من غير فوايده المخفية. . أما الكركم سعااااااده يخليني اتحمس لأي اكله بس عشانه موجود فيها..
واسفه طولت عليك وتقبلي مروري
دمتي بسعاده
حبييت اشتهيت اجربه بس احسه مابيعجبني رغم اني احب الزنجبيل والليمون
فوائده تسكت ماشاء الله وعجبتني فكرة شربه فالتمرين شكراً لك
عساوه دايم هالنشاط حنا بالبيت لازام نضيف الكركم لاي طبخه ☺️اند اي لوف يو ❤️❤️
الله يعطيك العافيه على المجهود الي تقدميه لنا
انا بالعاده اشرب ماء بالليمون الحين حمستيني اسوي هالمشروب
حلووو مره
راح اجربه ان شاء الله اليوم ، يعطيك العافية ارتوس
توقعي كان كلش غلط هههههه
ظنيته برتقال وأناناس
إمممممم زنجبيل وليمون نشربه عادي بس أن معاه كركم ماعرف
أتمنى صج يضيع طعم الكركم مع لسعه الزنجبيل وطعم الليمون
انا مرة شربت كركم وحليب دافي قالو لي أنه ينفع للكحه الجافه
ما كملت ربع الكأس ههههههه كان الطعم قاتولي
بجربه أن شاء الله والله يقويج يالغاليه ماتقصرين معانا في كل شي ❤
كل سنه وانتي بخير يا رب…
تصوري اليوم نايمه و حلمت اني أتصفح مدونتك ! لما صحيت قلت اكيد هيا منزله موضوع و دخلت لقيت الكركم 🙂
عاد احنا الحضارم ما نسمع أبدآ في الكركم (الهرد) و الزنجبيل
يحطون الزنجبيل حتى بالقهوه و الكركم للجسم يفتح و ينقي و يودي الآثار
الأيام دي بدأنا نرجع من التراويح بالحرم مشي و ان شاء الله بجرب الكركم كمان …
أنا وزني 52 و زي ما قلتي بوحده من تدويناتك القديمه skiny fat (ان شاء الله كتبته صح ) و يبغالي شويه تمارين عشان اوصل للجسم المثالي يعني بس تمارين مو مشي بس
يللا بالسهل نبدأ لما عضلاتي كلها تتعود و نخش عالتقيل بإذن الله
تسلمي عالموضوع الحلو جا بوقته
سلام و رمضان مبارك
موضوع رائع ودايما مواضيعك رائعه مثلك
المشروب يحمس ولازم يطبق .
هلا باصفريكو ..
حد الان الحمدلله مافيه تخبيصات .. والمشروب واضح بيهز الشحيمات ههز ليمون وزنجبيل بسويه ان شاءالله اقولك النتايج بعد شهر هههههههههههههه .. قريت معلومه من دكتور ان ماينشرب اكثر من 6 اسابيع فامدري صح او لا !!
ماننحرم منك : )
يسلمو ارتوس شكله مشهي بس باين الطعم لااذع نجرب لايمنع
دخلت مرة مرة متحمسة ..
وننتظر تدوينتك عن الرياضة
جداً جداً متحمسة لها بس ما ابغى أبدا ويكون فيه خطأ
خاصة إني قريت لازم تشتغلين على جسمك كله عشان يتغير شكل عضلة وحدة بس ..
بانتظارك ..
لمساتك خلآبة و تخطف البصر *قلب عم ينبض*
ماتخيلته كركم.. انا الكركم احبه جدا جدا مع الأكل و بسبب فوائده أضيفه ع فطوري دائماً بس للأمانة مالاحظت من ناحية الأم الرياضة لأنها مو شديدة و باشرب زنجبيل و شاي اخضر يوميا فصعب ألاحظ ، لكن رح جربه ع الأكيد اليوم و أبلغك النتائج ..
عندي الم خفيف في عضلات الفخذ بسبب تمرين جديد عملته قبل امس و نشوف التأثير.
سوسو عندي سؤال
نظام الديتوكس اللي في شمواه نزلته الموسوسة زمان لسه ماشيين عليه؟ هل تشوفيه مجدي و له فائدة حقيقية؟ حابة اعمله بعد العيد بس قلت أستشيرك .
ما أعاني من اي شي بس تجديد للنشاط و بداية جديدة وحب للتجربة مو أكثر :**
je t’aim
اول ماشفت الصوره بالانستقرام قلت بخاطري
( ياحبيبتي ياماما )
هههههه دايم تسويه وتنصحني فيه وانا اقول خرابيط ياماما خرابيط
بس سبحان الله عجزت اتقبل طعمه مع اني اشرب الزنجبيل عادي بس مدري ليه احس الكركم بهارات وماينفع مع العصير فعشان كذا ماتقبلته هههههه .
الله يعطيك العافيه ع هالمعلومات الجميله بس مااظن اني بقدر اشربه بين التمارين اتخيل وانا فحمانه اشرب حاجه تتلغلص بحلقي ههههه وانا ناقصه .. ابحاول اجرب واشوف قدرت كان بها ماقدرت نشوف ع الريق او اي وقت ثاني ..
اهلا توس ماقصرتي
عندي استفسار واتمنى يتاح لك الوقت للاجابه عليه
1 انا شايله المراره هل ابعد عن شرب الكركم او اخفف منه او كيف
ونجرب شكله منعش يمكن عشان شفت الصوره وانا صايمه ☺️
يالله عشان يخف الضغط على الشاهي الاخضر عاد في رمضان ما يدري من وين يبدأ ومن وين ينتهي 😐
هلا هلا عاد تصدقين توني أدري
إن شاءالله اليوم أجربه مع التمارين لأني من يوم م بدأ رمضان
ماتمرنت و الوزن زاد ، بجربه والحين بقوم أخلص خلية النحل هههههه أحبك ❤️
كتبت تعليق وش طوله وارسلته الصبح بس النت حقتنا خذلني هههههههه
تسلم ايدك ياارتوسه والله كل شي منك حلو، راح اجربه اليوم بدون تمارين اخاف انصدم بالطعم خلال التمرين ههههههه و افكّر اضيف عليه قطره موية ورد لتحسين الطعم وش رايك ولا بخرّب المعادلة؟
جت بوقته هالتدوينه كنت ادور على شي اشربه مع الرياضة خفيف ولاياخذ وقت باعداده يعطيك العافية ي عيني الكركم مادة غنية بمضادات الأكسدة وكونه مضاد اكسدة فهو يقي من غالب الامراض غالبها اللي ذكرتيه ههههههههههه اشتغل فيني عرق الاخصائية تغذية اقول حتى لو كان طعمه مش ولابد الفوائد تخليك تشربينه وانتي مغمضة عويناتك ):
حسيت الطعم بيكون لاذع من الزنجبيل لكن بإذن الله راح اجربه وان شاء الله اقدر اتقبل طعمه فوايده ماتتعوض لوول وعساك على العافيه يارب.
مساء الخير
المشروب جاء بوقته واكيد راح اجربه ومتحمسه لطعمه الغريب ههههه
يعطيك العافيه ياحلو
ياحبي لكى يا أرتوس
جزاكى الله الف خير على كل شى بتسويه
معنا ربي يجعلهافيى ميزان حسناتك ووالديكى
يااارب أثق فيكى وفى كل شى تمدحيه فى اى مجال
ودايماً لما أجرب ما اندم ويضبط معايا ويناسبنى
الحمدلله شكراً لكى وبوسات وقلوب الين عندك ياغاليه
يسعدك ربي ع التدوينه الجميلة ..
واللي بتفيد كثيررر اكيد /
احب الكركم في الاكل يعطي نكهة غير ولون جميل
.
.
ارتوس تكلمي عن زيادة الوزن يعطيك العافية
استخدم الكركم كثير في طبخي واكيد بجربه خصوصا بديت رياضه بعد كلامك
مسسساااااء الووورد ..
جمييييل الكركم بفوايده ..ايام ماكنت بنفاسي كنت اشربه مع الحليب كان طعمممه جدا مقبول ..
كمان الكركم مررره جميل بتوحيد لون البشرره جربته وشفت نتيجه حلوووه ..
والزنجبيل برضوو احبه مع اني نحيفه بس احب انوع بالمشروبات وياليت نحصل بدائل للشاهي والقهوه <<طبعا القهوه مااقدر استغني عنها بس احاول اخفف
يسعدلي ئلبك يااارب ❤️
أممممم مُو شرط بدائل قد ما يَكون الإتزان حَلو
يعني لو عندك مُناسبات إمتنعي بخصوص القَهوة وَ .. إلخ خاصة لو الوحدة عروس أو عندها مُقابلة أو مناسبة ..
نَورتيني يالحُب
• مفيد للكبد وَ يزيل السموم وَ ينشط وَ يحسن الدورة الدموية
• يقوي المناعة وَ مُضاد للأكسدة
راح نستفيد منه من ناحية بشراتنا
دمتي بسعادة ❤️
بالضبط وَ الليمون برضو مُساعد
نَورتيني
شكرا لمجهودك العظيم أبجربه بإذن الله
العَفو يآ ألبي ..
ليش ممنوع للمرضع والحامل بليز رديلي
لاني مرضع ودايمن استخدم الكركم بكثرة
ولازم مرتين في الاسبوع اشربو زي الشاي
عشان مفاصلي لحثت عن سبب المنع مالقيت شي بس يقولو ممنوع
شكراااااااااا
لاحظي قلت المَنع بأخذه كمكملات لأن فيه كبسولات الكركم بالصيدلية
أما بشكله الطبيعي فيكون تركيزه طَبيعي وَ بسيط وَ الجسم يصرف المواد الطبيعية بسهولة غالباً
بينما المكملات تترسب بالجَسم
ياسلام لم فديتك بعد قلبي الكركم من زمان ودي اجربه
وبعد كلامك خلاص مجربته مجربته ان شاءالله
المهم قد طلبت منك الكنافه والشيره قلت انك مواعدتنا فيها معليش العتب ع الذاكره قبل شوي تذكرت اني العام قايله لزوجي بشتري صينيتي نفس الحجم عشان الكنافه وبعدها تذكرت اني قد قريت موضوع لك عن الكنافه والشيره
اليوم زوجي جاب كنافة من الكنفاني بس تكرم النعمة القشطه متكتله وسايحه
الله يسعدك ويوفقك
يآهلا بَك مَنور ..
طيب طريقة الكنافة نازلة من زمان بَشمواه ، جَربيها وَ متأكدة راح تعجبكم ١٠٠٪
لأن محداً ذاقها وَ ما إنهبل عَليها ( تَمدح كنافتها )
وَ حياك الله دُوم
من جد حتئ النحاف يجيهم كوليسترول بنت اختي وزنها 40 وعندها الكوليسترول مرتفع مررره كله من البطاطس المقلي والاكلات المقليه
طيب عليكم بتحسين مُستوى الكوليسترول النافع عَندها
راح يساعدها بالتخلص من المُشكلة ، حَرام لأن تَوها صَغيرة ..
وَ المطاعم وَ الوجبات السريعة ما سَوت بالمُجتمع غير 🙁
كنت اجربه قبل فتره الاستمرار عليه حلو ويعطي نظاره للبشره وواضحه
استمري في الابداع عزيزتي
حَبيت دَعمك لتَجربتك
وَ يسلم لي المُشجع
الكمون صديقي في المطبخ
ومشروبك السحري ذكرني بمشروب الاندونيسيات السحري وقت النفاس
يخلطون الكركم مع الحليب وطعمه لذيذ جدا ويعطي احساس بالراحة وقت النفاس
وكمان خلط الكركم مع الاناناس بكميات بسيطة بيعمل كمهدئ ومخفف بشكل واضح لمظهر الهالات السوداء تحت العيون
يسَلم لي إللي يَضيف مَعلومات حَلوة
نَورتيني ..
ياربي زمان عن تدويناتك اشتقتلك
^ماعادها الشبكه متوفره دايما^
حبيت المشروب خاصه انه متوفر ولا يبيله شغل راح اجربه اكيد خاصه اني بديت الرياضه ويارب اخفف البطن قبل العيد ومناسباته
سلامي وحبي لك ولقلبك
الله يسعدك دوووم ياربي زمان عن تدويناتك اشتقتلك
^ماعادها الشبكه متوفره دايما^
حبيت المشروب خاصه انه متوفر ولا يبيله شغل راح اجربه اكيد خاصه اني بديت الرياضه ويارب اخفف البطن قبل العيد ومناسباته
سلامي وحبي لك ولقلبك
الله يسعدك دوووم
يالله .. إنتِ وهمتك عاد
وَ حتى لو ما وَصلتي بالعَيد عندك العَيد الجاي وَ الحياة القادمة كلها قَدامك ..
وَ ماعليك بخصوص التكرار ضَبطته فَديتك
الله يسعدك يا ارتوسه والله احبك ولك معزه غير غير عن باقي المدونات
ماادري ليه احس كانك اخت او صديقه
كلامك رسابلك مواضيعك كل شي منك يدخل القلب
الله يعطيك العافيه يارب ويجزيك خير على كل تعبك وافادتك للغير
والله يكتب لك كل ماتتمنيه واكثر من السعاده..
وبالنسبه للكركم اذكر مره ذقته وهو بودره ماخلطته بشي طعمه مرره مو حلو
بس بجرب طريقتك او مع حليب البعض يمدحه
وَياك يآلبي ، أخَجلتم تَواضعنا
وَ يا حَظي بهالمَحبة ..
وَ الله يجزاك بَمثل ما دَعيتي لي وَ أكثر ..
بالنسبة للكركم هو مو لذيذ لوحده مثل القرفة أو الكاري أو البهارات .. لكن مع الطعام مثلاً مع الجريش الحايلي يَمي يَمي
مع الوَصفات الهندية لذيذ ، جَربي وَ شوفي بنفسك هاللذاذة أثناء الطَبخ
انا طحت بهالمشروب لأن سمعت انه يخفف من التصبغات بالبشرة بس ما استمريت عليه
انا احب الكركم كمشروب بس يحط مع كريم او فازلين فأبد ما عجبني و فوقها خرب لي ملابسي و رميتها و وسخ لي سيراميك الحمام
ههههههههه ..
أجل الله يَقويك به كَمشروب ..
وَ ككريم صعب ، لكن كلبخة مَوضعية مؤقته أكيد راح يَكون نافع
بَس مُزعج
يالله يا ارتووسه خليتيني اتحسف ع ايام عمري الشتويه اللي قضيتها عند اهلي لانه مشروب امي وابوي الشتوي طبعاً طرية امي تبشر الزنجبيل وتحطه ع الموية المغليه ثم كركم باودر مذوبته في شوي مويه باردة لانه ماكان يتوفر الكركم الطازج وتغير بين شرايح الليمون او النعناع وتعطيك فورتين ع الغاز وبالك ورا الثانية هههههههه بس حد مشروب فوائدة عجيبه خصوصاً انا اللحين بادية رياضة من سنين ماحركت عضلاتي (صيغة مبالغه سنين ) بس جد تعبت معها شكراً ارتوسه قد الدنيا❤️
أمك عَندها الخَبر اليقين وَ العلم الزين ، الله يخَليها لك هَي وَ الوالد
ماشاء الله طريقتها ١٠٠٪ وَ حَلوة .
نَورتيني حَبيبة قَلبي
الله يخلي لگ أحبابگ وشرف كبير لي انگ راده علي واااو ماتصدقين قد ايش انا فرحانه ههههههه بس جد ما كنت متوقعه مع كمية الردود ربي يسلمك ويسعدگ ❤️❤️
مبارك عليك الشهر ارتوسه حبيبتي
تعرفي ارتوس سبب دخولي لمدونة بس لاقرا سواليفك …مايمنع نستفيد شويت حاقات ههههه
ربي يحفظك ويزيدك عطى
ههههههههههه وَ الله يَسعدني هالإهتمام
وَ علينا وَ عليك تبارك
ارتوس انا امي الله يرحمها كانت تحطه على جروحها والحروق وتحطه بالحناوالاهم تحطه على وجهها لآخر ايام حياتها وجهها ماجعد الا يعني من اثار المرض والارهاق لكن مو تجاعيد ماادري هل الكركم اهو السبب او لا بس كانت ع طول تحط , وان شاء الله ناوية اجربه. شكراً ارتوس على كل شي
صببببباح الصحة
والله بيمر بسسسرعة
قد ما بقدر بخفف اكل بس لازم الخربطة
وبالنسبة للرياضة بمشي قبل المغرب نص ساعة
وياسلام ع الكركم ما كنت متوقعة انو إلو فايدة هالقد خلص لازم ندخلو بالخطة تبعت رمضان و زي دايما متفردة بطرحك وتسسسلمي
يَسلم لي قَلبك ..
دايم طَلاتك خَفيفة عالئلب
أول ما شفتج اليوم كاتبه الطريقة على طول سويته لأهلي ، بصراحه طعمه مقبول و وايد بعد خاصة أن الليمون كان طاغي أشوي ع الكركم والزنجبيل ،
أساسا عشقي الليمون والحوامض ككل … كنت أضيف بين فترة والثانية الكركم
بالحليب واشربه ، لكن طريقتج هذي سوس أول مره أجربها ، حبيتها حتى أختي وأخوي ،
و أمي أنا أغصبها أنها تشرب ، ما فيه مفر مني هههههه….
تسلميلنا يا سوس الحلووو ( قلووووب ) ..
أنا ألحين نعسانه وحدي مسطله ، مشكلتي مهما رقدت بالساعات نا يكفيني : (
أهلي عموما يقدسوا الرقاد لووووول ..
تصبحين أو تمسبن على خير قلبووو
:*
مشكلتي ما اتقبل اي طعم بس بجرب هذا وان شاء الله أقدر اشربه
يعطيك العافية
*ارتوس وش رايك بتقشير أحماض الفواكة للجسم؟
صباح الهنا لعيووونك
هالمشرووب من وصفك وفوائده جميل لكن الطيب مالو نصيب لووول« ترقع لنفسها لووووول
انا عندي قرحه في المعده مااقدر عالزنجبيل الله يشفيني ويشفي جميع مرضى المسلمين يارب
الكركم احنا بنعمله في مرقة اللحم فقط اما كمشروب ماقد جربتو بس زمان شفت موضوع عن عصير الكركم الطازج لوحده انه مفيد وانه سر بعض الحريم من جنسيه مادري ناسيتها
دخل خاطري من فوائدو يمكن يوما ما اجربه لوحده وان شاءالله مايأثر عليا سلبيا
والله مدمنه لهالبلوق اتحمس لكل تدويناتك وكل شيء تنزليه لنا الله يعطيكي العافيه
شكرن ياقمر
يمكن سر الهنديات لأنهم يقولون الكركم من اساسيات العناية بالبشرة عندهم مثل الدلكة عند السودانيات و عشبة الداد عند المغربيات
تقرين افكاري أمس افكر ادخل مشروب الكركم في نظامي الغذائي مع اني نحيفه بس محتاجته عشان ارتفاع بسيط في الكوليسترول
قريت لدكتور ان الكركم المطحون من أنفع علاجات الهلات السوداء
تحمست للمشروب بس شفت المكون الكركم تنحت مااحب طعمه حتى بالطباخ مااحبه لكن بجربه )؛
رائع جدا …. الله بوفقك بجربه ان شاء الله ✌✌✌
اتحمس اقرأ حتى ردودك وتعليقاتك ع البنات ماشاءالله
ماعندي مشكله اتعود واتقبل طعم الاشياء الصحيه حتى لو كانت نوعا ما مش لذيذه ابد طالما فيها فايده
ولي تجربه بعون الله
وفعلا للاسف الاسواق ابدا ماتهتم بااحتياجات اغلبها سمول <~ تتكلم عن صدريات الرياضه وغيرها
نطالب بالتحسين والله ههه
جديد عليي فكرة شرب الكركم .. تحمست اجربه
حبيبتي ارتوس عن جد انتي كتير رائعة الله يحميكي
بصراحه انبهرت من فوائد الكركم …بجربه اليوم ي رب أتقبل طعمه
أرتوس يعطيك العافية وينولك مرادك.
عاد احنا الكركم عدنا علاج حق كل شي بطنك يعورك كركم وماي عندك كحه كركم وعسل وزنجبيل طحت وتعورت كركم وملح صيدلية مب كركم وفعلا الكركم من ينحط مع اللحم تسيح الدهون مشكورة على كل ما تقدمينه جزاك الله خيرا
تخيلت كل شي إلا أن هالمشرب يطلع كركم هههههههههههههههه
عاد ما تقنعني تجربة الفيران 100% .. لكن بعد ملاحظتك لمرق اللحم اقتنعت .. أضحك الله سنك
الكركم أعرفه كعلاج.. من مواليد الأربعين ليييين كبار السن..
العام الماضي أبوي صابته حمى مالطيه .. و ذكر له الطبيب الكركم بالإضافة للأدوية والمصل اللي ياخذه…وقال أن الكركم ينقي الكبد
و أذكر فطفلي الأول بعد الولادة على طول حاشه صفار ( مدري يمكن تسمونه شي ثاني عندكم لكن أعراضه صفار العيون و صفار البول أعزك الله) وجلس فترة في المستشفى ولا تغير شي.. وفي البيت جابت جدتي كركم بطرف ملعقة الشاي مع نص فنجان ماء و قالت لي من بكرا أعرضه لشمس الضحى… وعلى طول تعافى الحمد لله..
كل مره يبهرني هالكركم بشيء جديد !
تسلم يمينك حبيبتي .. وأكيد في سبيل الصحة نجرب ..
بااذن الله راح اجربها
يسعدك ربي ويوفقك يالغاليه
الكركم وما أدراك ماالكركم ..
حبيت الوصفه ،،
دمتي سعيده..
صبّآح الحب~ والآبداع والجمآل
رجعتينا لأيام شمواه بهالمدونه.
كمية حب كبيره موجووده بالأنستقرام وهنا يبلها مخمخه _ حرام علي افوتها
قبل كنت أشرب ليمون ، كمون ، زنجبيل ” وجابت نتيجه خلت بطني لازق بظهري
لكن حمستيني لذي وخاصه حق التمارين كمية آلم مو طبيعه وبذات البطن
حتئ لاجيت أكح. أتألم. وابطل اسوي نجربه ان شالله ينفع ويزول الآلم ،
برمضان زدت الأوَزان ( الدمبل ) ياترئ ليش زدتي وزن الأوزان , شو الهدف منه ؟
cofe-latay ~
بااذن الله راح اجربه
ربي يسعدك يالغاليه ويوفقك
ارتوس حبيبة البي بستفسر عن شي
وش رايك ببروتينات البودره بعد التمرين هل هي فعاله وتناسب مين وماتناسب مين :$
انا خفت ماتكون لتماريني فعاليه بدون مااشرب لي كاسه منهم بعد التمرين
مشروب غريب وايد ما تخيلت طعمه مع الليمون والزنجبيل بس دام ارتوس تجربه اكيد نجربه وشكرااااا الف شكر لك
كركم ؟ افكر اشلون طعمه بيكون ..
بس تمام ماعندي مشكله اجرب احب جذي مشروبات
و اثق بفعاليتها .. بجربه اكيد.
مشكوووره
يسعدلنا إياك إلهي ..
جت بوقتها ..
زوجي راجع لـ النادي ومحتاج هالمشروب ..
وبرضو انا راجعه للرياضه والمشيّ ومحتاجه لهالمشروب الجميل ..
اممم احس ممكن أتقبل هالتوليفه اذا اضفت لها ملعقة عسل
وبشكل عام بـ احب الكُركم ، قريت عن فوائده من زمان و امي كانت حريصه عليه الله يحفظها ..
يعطيك العافية يابعدي
وان شاءالله نجربها اليوم بعد الرياضه واقولك عن النتيجه
تسلم ياقميل
*ورده لك*
واو احس منعش انا امي تشربه مع الحليب من عمري اشوفها تقول يقوي العظم ويقي من الزهايمر دايم تشربه
وبعد يقولون الهنود اقل شعوب العالم اصابه بالزهايمر والسبب شرب الكركم واكله يوميا
الله يعطيج العافيه ياجميله
جا بوقته موضوعك ارتوس يعطيك الف عافية
انا ليا فتره اسوي رياضه مع جيليان 30 day shred وان شاء الله استمر عليها
عاد اليوم سويته بعد ماخلصت تمارين وشربته يعني طعمه مو بطال اجبرت نفسي اشربه
بس المفاجأة ايش!! انا مركبه تقويم ولون المطاطات رمادي فاتح بعد ماشربته صار لونها تفاحي صدمه حياتي هههههههههههههه
عاد وفرشت وفرشت ومافي فايده في اللون
الحمدلله موعدي بعد ٥ ايام
وشكلي اجرب اشربه بالمصاص احسن عشان لا تنصبغ زياده
قبل فترة كنت قارية عن الكركم لتصفية الوجه والتنحيف ويقي من الزهايمر كشرب
رحت للعطار وشريته شكله مثل الزنجبيل بس على برتقالي
بس انصدمت يوم جيت البيت جداً جداً قاسي حتى بالسكين صعب ينبرش
بس للي بتشتريه الأفضل تطلب يطحنه
وكمان قريت أن الأفضل الطازج لأن الباودر ممكن تكون مخلوطة بملح وكذا
وطريقتك حلوة وممكن ينحط مع الشاي الأخضر أو الحليب
أكيد لي تجربه بعد ما أطحنه
عادي اسويه واخليه بالثلاجه يوم؟؟؟
الله يشعدك كثر ما تنزلي أشياء مفيدة وأكثر،
الله يسعدك *
الكركم مع الاكل يصفر بالبشره ويصفيها مع الوقت
يعالج امراض كثيره حتى جلديه
اذكر جدتي كانت تخلطه مع حنى وسدر ومويا ورد اسبوعيا تتمرخ به يعني سنفره زمان
وكانت بشرتها تصفر وبعدين تفتح والحلو بالموضوع ماعندها تصبغات ببشرتها ماشاء الله
ومشدوده ماشاء الله ماكانها بشره عجوز منجد احس انه رجعت الذاكره 20 سنه لورا !
شكرا ارتوسه ع المعلومات الحلوه والمفيده
جا في وقته ذا المشروب خاصتا اني دوبي باديه في تمارين جيليان عضلاتي مهدوده مقدر اتحرك
نجرب وش عندنا
شكرا على الموضوع
لازم اجربه =)
خصوصا انو قللت كثير من القهوة واعوضها بالأعشاب مرات شمر ومرات بابونج ومرات مويه ورد وهكذا
ارتوس حابه لو تتكلمي عن رياضة البطن طلعت كروشة وحايسه فيها
جميل ..
لفتتني نقطة ذكرتيها ولازم الناس تنتبهلها .. الكلوسترول ما يعرف صغير أو كبير نحيف أو متين ..
ممكن الواحد يكون نحييييف وبرضو يجيله الكلوسترول ومضاعفاته للقلب ووو
الله يعافينا كلنا
تسلمي أرتووس ..
الهنود نسبه الزهايمر عندهم هي الاقل بسبب حبهم للكركم
ماما كل مره تقرا هالمعلومه تحط بالاكل كركم بعدين ما نستسيغه فتشيله وبعدين تقرا وترجع وهكذا وللحين ما صفت لها على راي معنا مسكينه
انا احب اشرب هاذي الخلطات بس افضل اني اكون استسيغ طعمها وماراح استسيغه الا بعد ما اجرب اشربه مليون مره فيلا اول ما ارجع من السفر بجلس اسبوعيا اسويه لما اقدر اشربه كامل من غير لا يجيني غثيان
للحين عندي صور الوصفات اللي كنتي تحطيها بحسابك القديم للحين احبها فكثري من هاذي البوستات تراني احب وصفاتك هههههههه الله يوفقك ويسعدك ياختي
ابي اقولك اني احبببك كثير واثق بكلامك وبكل نقطه تقولينها ومره شكرا من كل قلبي علو كل حاجه قاعده تسوينها ❤️❤️❤️ ..
جميلتي بس انو سؤال نقطه ؟؟ لما قلتي ان العمليات الجراحيه ؟
هل انو اللي توهم مسوين العمليه ؟؟ وانو عادي اللي مسوي عمليه من فتره يستخدمه ؟
وشكراً مره ثانيه
شكرًا أرتوس عالتدوينات المفيدة
دائمًا أسمع عن فوائد الكركم للبشرة
فكيف لو شربته أتوقّع راح يكون له تأثير أكثر
انا عندي ارتفاع بسيط بالكلسترول ولازم انزله وصايره ابحث عن كل شي له دخل بخفض الكلسترول وهالمشروب بيفيدني شكراً لك
فضيعه مرا ماشاءالله انتي و مدونتك
الله يحقق لك امانيك ويوفقك يارب
دايم أستفيد من اللي تطرحينه ربي يكتب أجرك
مساء / صباح السعاده
الجمال يبيله مجهود>>> في الصميم
بالفعل هالشي ادركته في بدايه مرهقتي كنت أدور ع ابسط الحلول وأسرع النتايج>>> خليط مدمر
و غاللبا ماكان يصيبني احباط اذا مالقيت النتيجه المرغوبه ف وقت قياسي
تعلمت مع الوقت ان مافيه شي رح يحدث تغيير جذري سوااء ف جسمي او بشرتي الا اذا استمريت عليه
التمارين جزء يومي من حياتي مستحيل اتهاون فيه خصوصا بعد ماضاعت مراهقتي وانا ادبك ف جسمي
بس حاليا النتايج مرضيه >>> ولازال العمل مستمر
حبيت هالمشروب كثير ( المكونات ) الله يعين ع الطعم لأنو اساسا معروف مافيه مشروب ديتوكس الا ويكون طعمه غير مستساغ
رح اجربه بإذن الله وأحاول استمر عليه
يعطك الف عاااافيه ع كل مجهود تبذلينه ويارب ييسر لك كل اللي ف خاطرك
May Allah be with u in every step
أعذريني ع الأخطاء 🙁
أول مره أكتب لك ومن الجوال كمان
استري ماواجعتي 🙂
LOve ya
ههههههههههه جتني بكيه يوم قريت انو يحرق الشحوم
والله خليها هيا كلها مو شي هههه
لآكني اشربو من يوم م نزلتي التدوينه لما اليوم كل يوم بعد الرياضه
وفعلا يوم نسيت اشرب وحسيت يالطيف عظلاتي عورتني اليوم الثاني
هههه وطبعا ما تغفلي عن الناحية الجماليه حركاتنا يالحريم م ناخذ الشي لين يقولو يخليك بيضا وحلوه ؛)
صادقه انا مره سمعت الدكتور اوز يتكلم عنه
الله يجزاك خير مدونتم مفيده وممتعه
ارتوووس حبيبتي ،
الله يعافيك انا نزلت تعليق في موضوعك ( ديتوكس ووتر ) ياليت تشوفينه
وتردين علي
لأنه جد سؤال مهم وضروري واكيد بيخطر على بال الاغلبيه اذا مو الكل
مرحبا ارتوس ..
اولاً شكرا على الموضوع .. وحبيت اعرف , انا حالياً مرضع هل يناسبني اخذ المشروب أو يعتبر من المحظورات ؟
يعطيج العافيه حبيبتي ان شاء الله راح اجربها بس بعد العيد حاليا موقفه كل انواع التمارين والجم شغّاله ماشاء الله بلع بس سؤال الكركم نحن بالامارات نعتبره صبغه للأكل الحين ماراح يصبغ فمي وبشرتي حاله حال الجزر اذا كثرنا منه البشره لونها يتغير ، السؤال الثاني في مده معينه لشربه اسبوع شهر اثنين واللا هو يدخل ب روتين حياتي اليومي يعني استمر عليه ع طول، كنت مواضبه ست شهور ع ديتوكس مطّارة ماي مع ليمون وزنجبيل وعقب جتني حموضه ف المعده وتركته
السلام عليكم ورحمة الله
ماشاء الله تبارك الله موقعك جميل جمالللل تبارك الله
وفي كثير من اهتماماتي هادا ازا ما كانت كلها ماشاء الله نفس اللي بتكتبي عنه
وهادا المشورب أنا مجربته ^_^ مفيد ماشاء الله
ونفس طريقتك
أول مرة أشوف موقعك وياليتني شفته من اول ^^
وقاعدة أتصفح المواضيع
الله يسعدك ^_^
جزاك الله خير عزيزتي
جدتي من فترة طوبلة تستخدمه زنجبيل مع كركم يعني زي الشاهي تحبه وماتوقعت ان فوائدة كذا طبعا هي تستخدم الطازج ،، جاري التجربة
حَبيت احط لَفته بعد التجرُبه ، يوم جيت اصب المشروب بالكاس استخدمت ورق الترشيح (نفس اللي استخدمه لإعداد القهوه المُقطره ) وقُمع وحصلت على مشروب صافي خالي من بودره الكُركم والزنجبيل بما اني استخدمت زنجبيل بودره ..
الكركم اذا شميت ريحته في الاكل مااشتهيت اكله يعطي للاكل نكهة ترااااااااااااااااااااااااااااااااااب 🙁
وكل هذا كوم وكوم يسبب لي حساسيه
عادي اشرببه بس اكله كبهار في الاكل لاااااااااااا
جاري التجربة ✅✅✅✅✅
ينفع آخذه معي للجامعة؟ ف وقت النادي الرياضي
أخاف يبقع في الفم والأسنان والملابس
وريحته كمان؟
الله يسعدك دنيا وآخره ~
حبيبتي ترآه كركم ..
سبق وَ ذقتي طعم الكركم !! .. هل لا شربتي فيمتو تبقعين بأسنانك وَ ملابسك !!
وَ مو لهدرجة مو مضظرة تآخذينه الجامعه ، لا رَديتي من الجامعه إشربيه لو تبين ..
يعني حرام جامعة وَ تعب تَحوسين عُمرك وَ يآه ..
نَورتيني
مشروب الكركم وما ادراك ما مشروب الكركم
جربته بس للاسف ما تحملت طعمه وانا حاطة كمية قليلة
فوائده ما تخفى على احد خصوصا عندنا كعرب وعند الهنود
دايما ما يستخدم للبشرة امي تحكيني لمن كانوا صغار تقولي
مانعرف كريمات ولا هم يحزنون الكركم هو كريمنا .
اتمنى اقدر اشرب اشياء مساعدة مع الدايت والرياضة بس للاسف انا انتقائية جدا في الاكل وهذا شي متعب.
تدوينة جميلة وفوائده حمستني أجربه , xo