صَباح / مَساء الأجواء الرُومانسية
أخباركم مَع الإجازة ؟
صَراحة قَطعت خميس ، جَمعة ، سَبت ، أحد
[ أربع أيام تقريباً ] ..
جَو الرياض هالأيام يَرد الرُوح ، وَ الإجازة لاعبة بَحسبتنا .. أوعدكم بإذن الله راح يبدأ الجَد بشهر أبريل
أما الأن تَدوينات مُهمة بَس خفيفة وَ ظريفة تتناسب مَع الإجازة .
مَوضوعنا اليوم عَن :
Vera Mona Colour Switch Duo
فيرا مونا كولور سويتش دو الأمريكية
دائماً عالم التجميل يبهرنا بشغلات عجيبة غريبة ، وَ حنا ماغير فاغرين أفواهنا نبي نقتني الجديد وَ نركض ورى كل فكرة عجيبة .
منتج اليوم فكرته جميله وَ عملية خاصه لمدمنات الماكياج أو حتى لخبراء التجميل ، أيضاً للي عدد فراشيها محدودة وَ تبي تستخدم الفرشة لأكثر من لون
المُنتج عبارة عن شغلة ( أسفنجة خشنة ) تنظف فرش الماكياج بدون الحاجة لأي إضافة يعني لا منظف وَ لا شيء
فعلياً هي مو للتظيف العميق ، نقدر نسمية تنظيف إنتقالي فقط
[ركزوا معي يعني مو الغرض منه تنظيف الفرشه من البكتيريا مجرد يعطيك إزالة للظلال مثل النثر أو النفض ]
سَعره : $ 19.99 = ٧٥ ريال سَعودي تقريباً ..
تصدقون عاد المنتج له عندي حول السنة (تقريباً من رمضان ) مافكرت أجربه لأني مو بحاجتة بالرغم إنه ضَرب وَ أشتهر من سَنتين تقريباً، لين كتبت ريفيو تارت قررت أجربه ، تعبت من كثر ماطلعت كل فراشي ماكياجي عشان أجرب الألوان ورى بعض فلمعت براسي فكرة تجربة هالعلبة السحرية
العلبة عبارة عن :
إللي معي أسمه كولور سويتش دو = Color Switch Duo : يعني فيه إسفنجتين لأن فيه نوع عادي
الإسفنجة السوداء ،’
وَ هي إللي تستخدمينها لتنظيف الفرشة من الظلال ، مثل ماقلت إذا إنت مستعجله تبين تتتقلين من لون للون دون الحاجة لتبديل الفرشة يعني مديتي ظل أسود وَ تبين تمدين لون بيج ، تمررين الفرشة تقريباً مرتين بالأسفنجة
[ كأنك ترسمين دائرتين مُو مثل طريقتي بالأنستا لأن أنا كنت بالانستا ماسكة بيد المُوبايل وَ باليد الثانية الفُرشة للمُشاهدة أضغطي هُنا ]
وَ راح تزيلين كل بقايا الظلال ، ثم تعيدين تستخدمينها للون الفاتح ، أو في حال حبيتي تدمجين اللون ، تزيلين الفائض وَ تنظفين الفرشة وَ ترجعين تدمجين .
الأسفنجة البيضاء ،’
الغرض منها تبلينها بماء ، أو حتى الفيكسر عشان تعطين لون قوي للماكياج ، يعني تشيلين هالاسفنجه وَ تبلينها ماء ثم ترجعينها للعلبه وَ قبل لاتاخذين اللون تمردغين الفرشه فيها ثُم تاخذين اللون يعطي لون قوي وَ ثابت .
التنظيف ~
تشيلون الإسفنجة من العُلبة ، وَ تغسلونها بصابون خالي من العطور أو حتى بالماء وَ تنشفونها ثم تنشفونها وَ ترجعونها للعلبة ، بالنسبة للإسفنجة البيضاء هي بالأساس محصورة بمثل المعدن الصغير داخل العلبة لذلك أحرصوا على تنظيفها وَ تجفيفها ..
تقييمي للمنتج ،’
المُنتج فكرته فريدة ، غير إنه سهل الإستخدام وَ وجود الإسفنجة بعلبة معدنية خفيفة الوزن وَ سهلة التنقل وَ نظيفه ، يعني تنفع للسفر ، غير كذا فعالة ، فعلياً أنا مو بحاجة لهالنوع من المنتجات ، لأني شوي دقيقة بإستخدام فراشي الماكياج ، يعني مازلت من المَدرسة القديمة في إستخدام الفراشي ، أحب يكون عندي فُرشة مصنوعة خصيصاً للون الفاتح ..
وَ فرشة مخصصة للغوامق وَ فرشة لقوس العين ، وَ فرشة لتحت العين ، يعني من أنصار تعدد الفرش ، فإستخدام فرشة وحدة لكل شي غير وارد عندي ، بالإضافة عندي فراشي كثير ، إذا توسخت فرشة أستخدم غيرها .
لكن تظل فكرة حلوة ممكن أستخدمها خاصة في السفر لو ماودك تاخذين فراشي كثيرة ،أو في الأيام اللي أسوي فيها ماكياج ورى بعض وَ يصيبني الكسل وَ ما ودي أنظف الفراشي ، لأن تعرفون الفراشي ما تتنظف يومياً إنما دورياً .
لكن فيه شغلة هي إللي خلتني ماجرب هالمنتج ، هو خوفي إنها تكون قاسية على الفرشة وَ تقلل من جودتها أو من عُمرها الإفتراضي ، لأن أغلب فَراشي أحرص عليها خاصة إنها من نوعية جيدة ، فما أدري مدى تأثيرة على جوودة الفراشي ماودي أغامر غامروا أنتم
[ أمحق بلوقر ]
فيه بديل مصنوع من نفس الإسفنجة ، اللي هو الهير دونتز ممكن تحطونه بعلبة وَ يعطي نفس النتيجة
[شخصياً ماجربت ]
بَكلا الاحوال هالفَكرة مُصنفة للناس البروفيشنال لكن فيه الأكثر إتساعاً مَنها وَ إسمهآ
Color Switch Proband
مَن لا يشكر الناس لا يَشكر الله ..
للأمانة هالمُنتج وَصلني زَمان من أحد المتاجر مع بودرة البنانا وَ فرشة الكابوكي وَ جل أنستازيا للحواجب وَ كم شغلة ثانية
وَ لا طَلبت مَني ريفيو أو غَيره ، وَ لو ما أهَدتني ما جَربته لأن ما كان ببالي وَ لا كَنت أعرف عنه أصلاً ..
لكن شُكراً يا جَميلة إسم المتجر عالآنستا : vogue__boutique
ههههههه ضحكت لما نَزلت الفَيديو عالأنستا وَ صرتوا تقولون من وَين ؟ مَن وين ؟ ..
وَ أكيد ماراح أقطع رَزق أحد ، فراح أضيفه بصورة هالمُنتج تاق للحساب ..
هل يستحق الإقتناء ؟! ..
ماراح تَموتون بدونه لوووووووووووووول ، بس أحسه ظريف لوحدة فراشيها قليلة وَ تسافر كثير
أو وَحدة كسلانة وَ تطلع كل يَوم كَل يوم وَ تحب تستخدم ماكياج راح يَفيدهآ ..
آخيراً ، قررت أخترع مُنتج مُذهل ..
جننونا هالغَرب البيوتي بليندر وَ المنشفة السحرية وَ الأن هالإسفنجة الفُولاذية
وَ كلهم ما عَندهم إلا مُنتج وحيد ، مَدري كَم مليون كسبوا من ورآآه ..
[ وَشوشوني على أفكاركم يَمكن أسرقها وَ أروح أصنع لي هالمُنتج وَ أرجع أبيعه عليكم بَدبل السعر هههههههههه ]
دُمتم بَحب
اللله اسم على مُسمى ، ما اتوقع اني راح اشتريها دام إن البَديل موجود عندي بالبيت .. تسلم أناملك على قد ان التدوينة خفيفة ظريفة ، الا اني انبسطت فيها .
زَينك يا وَعد ..
دُوم مَنورتني
والله مشكلتي مااحب كثر الاشياء يعني مااحب درجي يكون مليان عده فتشفين كل شي حبه وحده واتوقع لو يطلع الظل مكس بيحير الناس وشلون سويتيه
الله الله نيالكم ع جو الرياض أما إحنا زحمه تقتل فصرنا الصبح نطلع لأن لو خرجنا نتعشى أغلب المطاعم ماتستقبلنا من الزحمه ،، مافكرت أشتريه يمكن لأني عندي فراشي العين خصوصا كثير و كل وحده لها شغلتها بالعكس مو قديمه هاذا المفروض كل شي له غرضه قريباتي عندهم فرشه وحده للشدو يزينون بها كل شي هههههههه أقلهم ماينفع يقولون إنتي فاضيه ، ع قولك تنفع للسفر عجبتنا تمردغينها ههههههههه ،، غيآبك دايم يخلي فرآغ معه خصوصا بالإنستا ميسس يوو 3>
آآآوف الحال مَن بعضه وَ المُشكلة يرفضون الحجوزات حالياً , وَ ليته إنتظار ساعة , إنما طَوابير
🙁
وَ المطاعم أم الحَجوازت مليتها وَ إستهلكتها , قبل يَومين شفت الزَحمة وَ رجعت وَ الله لو تعدي ٣ ساعات ما خَلصنا
ههههههههههههههه زَين قريباتك أكيد فَاهمتني ..
وَ يا بَعدي لك وَ الله وَحشة ما بَعدها وحشة , خصوصاً أخر الأيام علينا سَهرات ..
يسلموا ع عالتدوينة الظريفة
نبي تدوينة عن الديرما رولر
العَفو يا قَميل , الديرمارولر خلاص مَحروق سوقها الكل تَكلم عَنها ..
ما أشوف بكلامي عنه راح أضيف شيء
((دائماً عالم التجميل يبهرنا بشغلات عجيبة غريبة ، وَ حنا ماغير فاغرين أفواهنا نبي نقتني الجديد وَ نركض ورى كل فكرة عجيبة))
يالله يارتوس اتتي حاليا اختصرتي شعوري بالوصف هذا فعلا عجزنا وحنا نركض ورى كل جديد بس الحق يقال فيه منتجات فعلا تستحق الضجة والمدح .
بخصوص منتج اليوم انا حبيت الفكرة مررة لاني دايما احرص يكون عندي فرش كثيرة عشان اقدر ابدل اذا توصخت الفرشة بغيرها بس مرات ماحب الحوسة وكثرة الفرش ع القاضي مدري شيء نفسي خخخ احب عدد الفرش قليل وواضح .
وبخصوص المكياج ارتوسه ودي اسالك بس مستحية متى تفكرين جديا بسالفه الدورات واذا خايفة ومحتاره جربي ع المقربين منك وانا مستعدة اكون اول حقل تجربه لك هههههههه من جدي ترا
(على فكرة ترا انا اعاني من سالفه الفيسات ضروري تضيفين هالخاصية للمدونتك احسها مرات توصل شعوري وتختصر علي (فيس مستحي ترا))
فَعلاً فيه مُنتجات غَريبة وَ ثورية ..
وَ صدقتي مرات مشاوير صَغيرة أبو ساعة وَ مُجرد مَرور , ما يحتاج الواحد يعفس تسريحته وَ يسوي ضَجة
للأسف أنا لليوم أسوي مَصايب إذا بطلع فَوضى مَهب صاحية .. خاصة لو بستشور شعري أنزل نَص الدُولاب أنا وَ البخاخات ..
بخصوص الماكياج سَبق وَ مكيجت بس بدون فلوس طبعاً ناس أصحابي , ما عَندي نية للإستفادة من هالشيء ..
تعلمت عَشان نفسي , لكن فكرة تُداعب خيالي إنه لَيش لأ , خاصة لو أخذت تَدريب كافي , الماكياج يتَطور وَ الخبرة تختلف
أنا مَتعودة على وَجهي أو على وَجه مُوديل , مُش مَتعودة على أي أحد لو جتني وَحدة فيها تشوه ماراح أقدر أضيف لها هالجَمال ..
العَلم شيء وَ الخبرة وَ التمرس شيء آخر ..
ههههههه وَ أبشري نَشوف سالفة الفيسات وَ البريد
ياحبي لك والله ماودي اضغط عليك بسالفه الدورات بس جدا جدا حبيت انك فكرتي بالطريقه هذي الدورات مستقبلا حتى لو مانفذتيها وجميل الواحد يخرج عن المالوف شيء وويخطو خطوة جديدة .
وعموما انا اتفهم اسبابك الي ذكرت وحتى الي ماذكرت ومعك الصراحة بس مثل مانتي شايفه الوضع عندنا الكل صار خبير ويسوي دورات وليتهم يحترمون نفسهم بعد الا يجلدون بالاسعارر وحنا شعب استهلاكي مانقول لا ولا نتعرض ع الوضع >>>شكلي شطحت بس فضفضة شوي
أنا بتفهم غلاء الأسعار بحاله وَحده إذا الخبيرة تشتري لي فَرشة فاونديشن وَ بيوتي بليندر جديدة
وَ إذا تشتري لي ماسكارا جَديدة وَقتها تَبشر بعزها لو تبي ٥ آلاف عطيتها ..
أما تستخدم لي شيء مُستهلك للأمانة بيكون فوق رآسي مليون علامة إستفهام بخصوص السعر ..
أو عالأقل تقلي تعالي إنتِ وفرشك وَ الماسكارا الخاصة بَك .. لكن فعلياً ما أقدر أحكم عليهم بدون ما يكون عندي إطلاع عالأسعار بغير دول
حتى لا نظلم أحد , وَ وش الصعوبات إللي يواجهونهآ
هلاَ ومسهلاَ
والله مبين حلِيوة يبيلي اَجربها ، لكن انا مثل ماقلتي عن نفسك احب الفُرش تكون متعدده ومتنوعه حسب الحَاجه .. وعلى كثرة الفرش حقتي لكن كلهم لهم مَعزه قوية، حبيت الاِسفنجة البيضآ حسيتها تخلي الشَادوز Highly-pigmented!
سَلمتي يـ النَشمية على هالتَدوينة اللطيفة
شَكل ذوقنا يَشبه بَعض .. وَ بالضبط تعطي الشدو عَمق باللون أكثر وَ قوة ..
وَ نورتيني يالأجَودية , بس ترى إختفى مَفعول الكوفي وَ الوش ..
حبييييييت
شكله رَد ناقص ..
حبتك العافية
والله مثلكم صرنا نتعشى ماك ماعندنا حجوزات للأسف إلا بالفنادق
خصوصا آخر الليل هالأيام كلها زواجات صاير نظامي مشقلب ووجهي شااااحب وعندي ملكه صارلي أسبوع ماكلت خضار و فواكله قاتلنا الكسل
ههههههههههههههههههههه ..
أنا عَندي زواجين , واحد سحبت عليه قلت لهم مَسافرة لو يدرون إني بالرياض وَ لا جالسة أدَون كان إنذبحت
وَ الزواج الثاني ما بَعد قررت أروح أو ما أروح ..
شوفي بهالحالات مالك إلا المَطاعم المَغمورة جربي فيها لين يجيك الإسهال لوووووول
ههههههه كلجة الكسل فواكه**
الله يعطيك العافيه ارتوس نزلي لنا افضل مرطب للجسم و ايش نوع غسول اليد اللي تستعمليه صورته ماكانت واضحه في المدونه السابقه و افضل شور جيل او شور كريم
غالي وَ لا رَخيص !! ..
آبشري
طيب وأخيرا اول تعليق لي !!! صراحة مستغربة من نفسي
ما علينا انا متابعتك من زمان بس حالي حال المعازيم ^^
بس حبيت اقلك انتي انسانة رائعة …
بس بتعجبني ثقتك يا اختي وانك دائما بتحولي توصلي معلومة او اقل المهم تفيدي غيرك
<<<< تعليق الساعة 3 الا ربع الفجر -.-
ف بس حبيت اقلك الله يوفق دائما يا رب
لوووووووليش , تَنوريني مَتى ما حَبت نفسك تَرد ..
تَشوفيني بَعين الرضآ , أخجلتم تَواضعنآ ..
وَ تسلمين لي على هالتواجد الحَلو وَ الكلام الأحلى ..
وَ أحلى تعليق حتى لو متأخر ..تنوريني دُوم
صباح الحب , ههههههههه عاد توني طالعه من اجواء رومانسيه بيغمى علي
<<(
قلت اخلص واعلق هنـا , ماحسيته واو مثل ماقلتي كل فرشه لحالها احسن , بس تنفع وقت الكسل والله هههههههه يعني ماراح يضرنا شي لو جبناها .. اجل تبين نوشوش لك بافكارنا اوشوش لك بس خليني شريكتك بالنصب لوووول .. المهم : انا متحمسه لتدوينة الرياضه)
كالعاده نص الرد ماعاد بحط فيسات
تنفعين تشاركيني وَ مالوا .. نَكتب عليها شركة نصب أوغلو ههههه أمزح بس عأساس تأثرنا بالأتراك
ههههههههههههه , تَدوينة الرياضة مدري مين قالكم بنزلها قريب !!
هههههههههههه يا زَينكم وَ الله عيب علي , بحاول أنسق لها بأقرب فَرصة .. كسولة من جَد
وَش شفتي يا قليلة الأدب
هههههههههههه اللي يقرأ ترى تمون ولا ما بقولها ..
ههههههههههههههه ، شي فيه اتراك ترا ينفع خبرك بناتنا طايرات فيهم يمدي ننصب براحه < عساس طالعه منها
ما احد قال بس انا اقول ، وصج عيب عليك كم مره اقولك التزمي بوقتك بلا تمطط وكسل على البنات امااانه حليكم فيها بالحنه والزن على الرياضه < حتسطر النهاردا لووول
لالالا كلها براءه شكلي بطيحك فيها بس ههههههههههههه ، تمونين يالحب قلتي اقوى منها < تفضحك
منوره توسه، ما ودي أخرج عن الموضوع بس حابه أسألك متى بتسوي موضوع عن إزالة الرؤوس السوداء؟ إن شاء الله يكون من مخططاتك لشهر أبريل (:
لو ما كانت مسببه لي أزمة وعقدة نفسية ما سألتك، أنا جربت أداوم على ماسك الجيلاتين وما نفع، حتى الإبرة ما نفعت!
طيب مُمكن تقولين لي وش إللي مانفع !!
هل إنها ترجع وَ لا إنها ما تَزول .. عشان أفهمك الفكرة الأساسية يمكن إنتِ متوقعة شيء وَ النتيجة إللي شفتيها شيء آخر
إنها ما تزول
لووول ولو الواحد يرجع لأُصوله شوي ، ويمكن عشان توي شـَاربه شَاهي جَمر وعايشه جو الـ (الحل والترحآل .. والنآر والهيل .. والقَمرة اللي نورت ليل ورآ ليل)
ويافِديت اللي ترد ! وش هالاِجتهاد اسم الله ، خلآص تعودت ارجع مُدونتك وارد ثآني ( مدونتك مريحة نفسياً)
ههههههههههههههههههههه جاز لي تَقلب الحال ..
وَ الله تنوريني يا بَعدي بكل حالاتك وَ أوقاتك , تبين أنستا حياك , تبين المُدونة أحطك بالقَلب ..
اممم بحكم اني مبتدئة في الميك أب اول شي أفكر أشتريه فرش لأني ماعندي الا فرشتين >>> يافشلتي
و قاعده هالأيام احوس بالمواقع أدور لي على فرش زينه و اكثر شي لفتني سيجما و ريل تكنيك و زويفا بس الأغلب اني ان شاء الله راح اشتري سيجما
اختي عندها نفس هذا المنتج فإذا طلبت فرش راح اجربه عليها و احكم اذا حيكون فعال معي او لا
و تشكرررات على التدوينة الصغيرة
ريل تَكنيك لأ ثُم لأ ما تُقارن بسيجما وَ لا بفوريفر وَ لا بماك ..
تقييمي لها لحد الآن إكس ، وَ بستمر أجربها أكثر وَ أكثر حتى أحكم عليهآ ..
وَ تأكدي من سيجما ترى فيه منه تقليد إلا إذا بتاخذينه من مَصدر ثقة , ترى فيه كم خبيرة وَ هم خبيرات إنخموا بالتقليد ..
نَورتيني أماني ، وَ عالبركة مُشترياتك الجَديدة
يعطيك العافيه سوس احلا شي عملته بهالاجازه اخذت عمره بس
آحلا شيء .. الله يتقبل مَنك حبيبتي ..
وَ زينهم إللي مغيرين اللوك ..
مس يوو ياحبيبه ئلبي
ننننيييييال الرياض فيكي مو بس الرياض السعوديه كلهاا
انا ماصرت حب الاجازة بدون سفر 🙁 نهااائيا بحسا ايام ضايعه من عمري
والزحمة ياليطف بكل مكان
/
رح جرب الدوناتز تبع الشعر بصراحه فكرة خرافيه لوووول
يالزازة الريفيوهات الخفيفه
الله يسعدلي هالصباح ياحلوتي
صباحك سعاده ياقميله
حتى احنا جونا الصبح مطر والعصر روطوبه تخنق
انبسطي عساها دوم اجواك جميله
فكرته حلوه تدرين ذكرني بزواج اختي لاعاده من مشغل
قالت لي غمضي وحطت ع صدري منشفه زين وانا رفضت اشيل عباتي وبعد التلطيخ فتحت اشوف المنشفه من زود العفن صايره يابسه اقولهم لو احطها ع ظهر حمار مات من العفن والاخت تمسح فيها وتمكيجني لو مسحت بعباتي ابرك
المهم جلست اسبوع استخدم مضاد لبشرتي من قرفهم التهبت بشرتي وتورمت
المهم انتِ لو تجيبي اعواد اسنان شرينا من وصرتي مليارديره لاننا نثق فيك ثقه عمياء
ارتوس وش افضل فرش للمبتدئات سعرها متوسط اذا ريل تكنيك ولا غيرها ؟؟؟؟؟
ارتوس مشكوره على التدوينه وبشتري الحشوه
اصرف لي لانها ارخص من هالمنتج
وانا اختلف عنك ان مااحط مكياج الا في المناسبات والعيد بس
فمااكرف اغراض المكياج
حبيبتي ارتوس مشكوره على الرد
و ريل تكنيك اللي لفتني لها الإقبال عليها من البنات بس لما أشوفها احسها عادية
ايوا ان شاء الله اذا اشتريت سيجما راح اشتريها من موقعها الأصلي
ارتوس كنتور انستازيا البودره
حلو للكنتور الطبيعي والسهل وحق المبتدئات
شفته عند مايا استخدمته بلوك العروس
وطلع عليها يجنن
وناعم
شرايك يستاهل اطلبه ؟؟؟؟؟؟
ولو تسوين دوره بشترك فيها بس بشرط
ماتتجاوز الرسوم الفين ريال
لان اكثر ماراح اقدر
الله يوفقك ويسعدك
قاعده اتخيل نفسي شفتك
ياصباح الشوق والله …
ارتوس انا انصحك بدورات التجميل وراح اكون اول طالباتك بسافر لك الرياض واحضر الدورة وارجع …. بس تغطي زين عشان مانفهي فيك وننسى وش درسنا ههههههههه.. وشيء ثاني تبيني اوشوشك فيه هذاك المشروع اللي قلتيلي عليه اشجعك عليه بصراحه اصلا انتي اهلا له الى الامام والله يوفقك …
كالعاده ريفيو جميل من انسانه اجمل
–
شطحة :
اتمنى تضيفين تدويناتك بالمدونة القديمة : خربشات و أكثر ..
:$
ي جمالك،
أظن أظن الدونتز أصرف p:
فرشي قليلة لكن نقطتين من منظف الفرش على منشقة صغيرة بأدب نفس الغرض .
و إي وجهة نظرك من ناحية الدورة صحيحة و اقدر افهمها ، لكن لو فكرتي افتحي مركز عيادة أو صالون ما اتوقع رح تواجهك هالمشكلة، ثقتنا فيك مالها حد
يسعدك ربي ي حب
ارتوس تكلمي عن الديرما رولر بالعكس مو مستهلك الموضوع دائماً تتحفينا بأضافاتك❤️
المنتج مبالغ بالسعر من نفس الشركه و الدونتس حقت الشعر تفي بالغرض 🙂
مع ان مابغى تخلص الاجازه الا انك حمستيني على ابريل ههههههه
شكرا توسه عالتدوينة
وبالنسبة للديرما رول او اي شي ثاني
انت ماتدرين انك غيييييير وتجربتك غييييير
لو مليون يكتبون عنها انت شي اخر
وتسلمين
حلو التدوينة ..
وشذا وين ردي اختفى !!
مرحبااا مليون اول مره اعرف عنن هالمنتج واحسن شي ان عندي الهير دونتز وايد ومحتفظه فيهم وكنت بتخلص منهم قريب بس اقول يمكن بستفيد منهم بشي
بس ارتوس شو احسن فراشي جربتيهم ؟ وبعد عني سوال شو احسن غسول للبشره الجافه جفاف عادي باستثنا منطقه القريبه م الشفايف دايما جافه واحس تضيع الميكب علي دايما ويبين ان في جفاف اما باقي ويهي عادي
وكيف اعالج هالشي شو احسن ترطيب وفي شي غير المرطب اسويه !؟
واخررر شي بعد ارتوس رسلت لش ع الدايركت مسج وماوصل وشفتش واده ع البنات ان من كثر الزحمه ومشكوره وسمحيلي طولت عليش حبيبتي
وحشتيني يختي❤️
المنتج عجبني للكسلانات يادي الغرض ويخدم
بحال سفر هههه مثل لمااااروح عند امي اعتبره سفر
وهي مسافة السكه
ماننحرم منج ومن عطائج دمتي بحب وسعاده
ياجمال الحياه احبك
اليوم ثلاثاء او بالاصح دحلنا الاربعاء مرت الاجازه بسسسسسرعه
حبيت فكرة المنتج جميله جدا بالعاده امسحها في منديل بس خصوصا فرش الدمج
ودونات الشعر تأدي الغرض و نستخدمها بنعومه مجرد نفض لشدو للمحافضه على الفرش يحق لك تخافين حتى انا حسيت انو ممكن تأثر على الفرش لو استخدمت بقوه
متحمسه لــ ابريل
وللرياضه بعد اعشقها متى ماحبيتي تنزلين موضوع عنها في انتضارك كل تدويناتك اعشقها
والله صدق اذا البديل موجود ليش يشترونها؟ ماحبيت فكرتها واحس كاثره منتجات اللي مال امها داعي ، حبيت التدويينه ارتوس خفيفه وممتعه ❤
شكلها يجيب العافيه ، ويحسسك انو معك شيء واو ولا على وظيفتها زي ما قلتي ما تفرق عند اغلبية الناااس افكر اشتريها لاجل شكلها ..
انا يلفتني الشكل اكثر والغرابه وفيها اجتمعت الثنتين ، حمستيني لشهر ابريل يلا وراك ياحلوه ، رغم انشغالي الا اني لازم اطلطل عليك ..
( ماودي أغامر غامروا أنتم ) هههههههههههههههههههههااااااي
فطست ضحك ع الجمله
من جد هالاختراع حبيته لان فراشيي مدري فراشيني فرشاتي قليله بحكم خبرتي المعدومه بالدمج
بس والله مايستحون !
المفروض سعرها بالكثير 25 ريال ويخب ! بس قالوها الاولين اذا لم تستحي فافعل ماتشتهي XD
وربي يسلم لنا ايدك الحلوه
الله يجزاك خير