صَباح / مَساء السعادة
شَوفوآ بالحقيقه وَ الواقع أنا ما أحب مُسمى لون تيفاني
لأن هذا إسم شركة تيفاني مَب دَرجة لَون , بَس خلاص مافي أحد بهالدَنيآ إلا يَسميه بهالشكل
حتى يمكن ياجوج وَ ماجوج يعرفون إن إسمه لون تيفاني
هاللون مُعذب قلوب العَذارى , حَلو على جَميع ألوان البشرة
حَتى لو لوُنك مَثل بَف دآدي بيطلع عليك يَجنن , شَفته كثير على بَنات لونهم مَثله وَ طالع حَلو
طَبعاً اللون فيه مَنه مليون دَرجه
فيه على شَوي غامق , شَوي فاتح , شوي مايل للبياض
شَوي مايل للإخضرار , شَوي رايح للتركواز , مرات يروحون أكثر للسماوي
وَ العجيب الكل يَسميهم تيفاني
المُهم أنا جايبه لُكم لَون من بين مَليون لون يُسمى عليه تيفاني من شركة Essie
لكن يعيب على Essie مناكيرهم لزج ما يَنشف بَسرعه
فأفضل ديور , إستي لودر , شانيل وَ إيف سان لوران وَ أخوانهم , لأن القوام مُختلف
لكن ماركات البراندات الكبيره ما تَنزل ألوان إلا عالمَواسم وَ أغلبه ليمتد إديشن
اللون إسمه :
Essie
Turquoise & Caicos
رقمه : 720
سَعره ،’
40 ريال تقريباً
لي فَتره أحاول ما أشتري شيء إلا من الماركات الكبيرة
لسبيين : إنهم يحافظون على أظافري أفَضل من غيرهم
وَ السبب اللي بَعده أنهم عمليات أكثر سواء فرشتهم أو القَوام
لكن هاللون جَذبني ما قَدرت أقاومه
ياليت يَصير بالماركات الكبيرة تَعدد لوني أكَبر , آلوان مناكيرهم لآ تَكفي الحاجه
شَكله على يَديني ..
دُمتم بَحب
مُلاحظة / هذه التَدوينه تَم نشرهآ سابقاً بتاريخ 16-08-2013
جمييييييل
الأجَمل وجودك
الله يعطيك العافية ويكتب أجرك يارب لي فتره مايمديني اقرأ التدوينات الا متأخر ومايمديني أرد بس من جد تدويناتك سعاده
يَعافي قَلبك حبيبتي ..
وَ تسلمين لدعواتك الحلوه , وَجودك أسَعدني جداً
و شاكرة لك إهتمامك عالتواجد
جميل والصوره جميله بكل تفاصيلها
عَيونك الحَلوه ..
نورتيني
صباح الفل …
جايه من مناسبه ومتكسرة رجولي ومايهنالي بال قلت اكيد فاتني الكثير اليوم اشوا طلع احساسي غلط … اللون ياأني فطست ضحك لاني ذكؤت مره من المراريت جاتني بنتي وكنت شاريتلها شوز رياضي نفس اللون قالت الله تيباني قلت ايش قالت تيباني وشهو ذا قالت اللون فوشيا وتيباني قلت ياعيني عليك من وين عرفتيه قالت البنات في الروضه يقولونه هههههههه ياحليلهم في ذا السن ويعرفون التيباني …. ومررره صجتني تقولي جيبي لي كريم علبته زي ميكي ماوس احط منه بعد الفسحه على ايديني البنات يسوون كذا انا ذبت قلت لا لا الجيل القادم مبهر …
بس هذرتي زادت وسوالفها صراحه لاتقاوم ياحلوها وياحلوك …
اللون رووعه وعندي منه بس مو نفس الدرجه درجه ثانيه حليوة بس اللي في الصورة احلى ….
ويسلم لنا هالايدين الناعمه اللي يبي لها كريم ميكي ماوس هههههه…
يآهلا بَك ..
ترى خلاص بدَمنك أنتِ وَ سواليفك وَ يازين تيباني يا أني مَت ضَحك يا حَلوهم حلوآآه
الله يَخليها لك وَ يحفظها من كل شَر ..
لكن ترى حمستيني صرت أبي أشوف كريم ميكي ماوس يمكن يَجوز لي وَ أصير أكشخ به بالآنستا ..
نَورتيني بَعد قلبي وَ ما تحلا أي تدوينه إلا بطلتك البَهيه
بسم الله ماشاء الله
يقولون احلى من العقد لباسه و انتي ينطبق عليك هالمثل
ماشاء الله القالب غالب
اللون جممممميل لاقصى حد
مو هو نفسه اللي يسمى الپيپر منت ؟!
دوووم نورينا تووسه
يآهلا بَك ..
عيونك الحَلوه ,, مَين قدي على هالإطراء فَديت قلبك ..
البيبر منت أفتح منه تقريباً , لكن مٌمكن ببعض البراندات يسمونه بيبر منت لكن فعلياً أفتح ..
ياربي الصورة ذكرتني بذاك اليوم اللي كثير قامو على اظافرك وطلعوا احكام من راسهم وسوالف غلط بغلط
ههههههههههههههههههههههههههههههههه اعوذ بالله غيره غيره
الشي اللي ما عندهم ينتقدونه ولا صار يحصل لهم حبوه و صار حلو .. احب هالصورة الوانها تفتح النفس
اللون جدا جميل وعلى يدك اجمل .. وابدا ما اعجبني على الاجنبيات بالنت
ما ادري وش قصة الناس يطلع اللون عندهم مو حلو هو اكيد القالب غالب واليد تأثر بشكل كبير
وحتى طول الأظافر وترتيبهم يأثر بس مو هنا المشكلة الظاهر يحطون ٧ طبقات مو ١ او ٢
يطلع الشكل بشع يصير شكله فوق الاظافر سميك جدا وبعضهم من كثر الطبقات يبان كأنها مركبة اظفر
اللون يطلع جدا بارز و مو مرتب .. وبعدين اللون باين عليه واضح يعني ما يحتاج ينعاد عليه اكثر من مرتين
الزبدة ان اللون جدا جميل ويهوس عندك ما شاء الله
هههههههههههههههه كان يَوم أغبر , بس لا أنا تَغيرت وَ لا هُم تغيروآ ..
وَ قلبي إنتِ , أخجلتم تَواضعنا ..
هاللون يكفي مَنه طبقتين , أنا غالباً المناكير اطليه طبقتين بس طبقات خفيفه مش غليضه عَشان يطلع اللون لاهو شفاف وَ بنفس الوقت مَهوب غامق ..
لأن كل مازدتي طبقه زادت اللون عَمق وَ أكيد أغلبنا يبي اللون زَي العبوه تقريباً ..
يا بختي بهالكلام وَ صدقيني اللي قلبه حَلو يحاول يَشوف الزين بغيره
وَ هذا وضعكم مَعي ..
الون حلو وزاده حلا يدينك ماشاءالله
باالنسبه للون تيفاني ولا عمري قلته ولاراح اقوله الغريب حتى بعد كلامك مااقتنعت زين الحمد لله بدا سحر الحلال ينفك
المقصد اني غالباً لكلامك السمع والاقتناع والتطبيق الا بذي تيفاني ماحبيتها منك انتي تجرين ماتنجرين
الله يوفقك
ههههههههههههههه خلاص أنفك السَحر ؟! ..
أنا كتبتها لأن كثير بيكتبون الأسم بمحرك البحث فمضطره أكتب عَشان يَطلع مَوضوعي ..
هآآآه مازال السحر قائم وَ لا كيف ؟
جمييل اللون جدّا
وَ جذاب على يدينك بششكل ماشاء الله ..
عَيونك الحلوه يآ شَيومتي ..
دُوم تفتحين نفسي بتواجدك ..
سوُس هاللون كنت ما احبه يمكن من كثر ما هبو فيه الناس سوو له ضجه ..
بس عاد عليك حبيته .. صج القالب غالب ..
جربت درجه لونها يميل لسماوي بغيت انتحر ههههههههههه , حسيت ايدي كن مسكر عليها الباب وانخنقت
أهم شيء حبيتيه عَلي ( شَف الأنانيه ) ..
هالألوان بشكل عام زي السماوي يَزيد لون إحمرار الجسم يصيره كَنه ملتهب حتى لاحظي بنفس الصورة أديني كَنها ملتهبه
هَو وقتها كنت مَتحسسه من الحر بس بالكاميرا لكن عالطبيعه أنا أشوف هالإحمرار حَلو , لا تخافين الحال من بَعضه ..
أكيد حلو طلع عليك , شوفي الاجانب لأنهم حُمر أدينهم طالعه كأنها مَحقونه
يعني ازا كنت حب اللون اشوي صرت حبوو اكترررررررررر من ايديكييي
دَخيل قَلبك لَموشتي ..
نورتيني
مساء النور والسرور , يخبل اللووون .. اللون مكتوب تركواز ودائماً لما أقول نركواز يقولون يعني تيفاني .. !طيب هذا اسمه الصدقي ليش الناس مايعرفون
مَساء الحُب ..
إنتِ صَح ماعليك حتى الاجانب صاروا يَسمونه تيفاني
ي سلاام يدج محليه اللون عليج بالعافيه حبيبتي
بس اذا ماخانتني الذاكره كاني جايفه انه هالصوره من قبل ف الانستا ايام حسابج القديم
تتهنين به
يآهلا بَك ..
فعلاً الصورة موجوده مَن زمان بَحسابي بحسابي الجديد مَش القديم , لكن حبيت أوثقها هَنا أفضل ..
نورتيني وَ يازين طلتج
ماشاء الله ماشاءالله يجنننننن اللون وطبعاً اللي زاده جمال يدك واظافرك فتنه وربي
شالحل من المفاصل السوداء والجلد حول الاظافر ؟؟ 
امنية حياتي تصير يدي كذا
كان سمار بسيط بس زاد بعد الحمل والولاده بعدها كرهت يدي انحرج اذا شافها زوجي او اي شخص
وعاد طبيعة يدي المفاصل فيها التجاعيد مدري كيف اشرح قريت قبل من كثر طقطقة الاصابع وفعلاً انا اطقطق كثير
كذا مره فكرت اني اصورلك يدي وارسلها بالدايركت فالانستقرام بس انحرج، او اقول اكيد ما راح تنتبه هههههههههه
ربي يسلم هاليدين
لازم تسوين لنا تدوينه للعناية بالأطافر وطريقة طلاء المناكير لليد اليمنى هههههههههه اصعب شي بالحياة :d
كرهت هاللون من كثر ماشفته وحتى ملابسي الي بنفس هاللون ماعاد البسها ، بس عليك اكيد يجنن
انا دايم موافقه لكلامك ومعجبه ومحبه لك
فسميته سحر الحلال
ومقصدي باانه انفك لاني ماوافقتك على تيفاني
بس سحرك قوي سرعان مارجع
تيفاني فيراني بصلي
ولحمي وشحمي هههههههه خذيلك من هالمسميات
بس ماشين معهم هههههه
جمييييييييل بجمال روحك
السلام عليكم ورحمة الله وبركاته
ازيك ياتوسه ؟
بما انو لك خبره ماشاء الله بالاظافير والايادي عموما
انا حابه اهتم باظافري واطولها ، بس مشكلتي ان اظافري ماتطول ابدا ، واذا طولت شوي لازم اقصها
بس الفتره حاليا حبيت اتركها فتره طويله لانو مو كل اظافري بتطول مع بعض ف اضطر اتركها مدة اطول
ايش الحل ؟
انا عمري 17 *
ماشاء الله ذووووووق بمعنى الكلمة بسم الله عليك .اللون مرره جميل …ارتوس حبيبتي ماعندك حل لمشكلة الاظافر الخفيفة اللي تتكسر بسرعه هذا نوع اظافري تطول بسرعه لكن تتكسر بسرعه ..ايش الحل؟
ماشاء الله ايدج تجنن عيني عليج بارده اول ماشفت اللون مدري حسيته بيصير كانه لون السماء كذا او كأن الجو بارد طبعا لما شفتج كاتبه تيفاني جلست اقرا بسرعه علشان أوصل للصوره ههههههه بس جد ايدج تجنن انا من كنت طفله عندي المفاصل سمره اما ايدي بيضاء كذا وتقولين كيكه كل اللي يشوفون ايدي من اهلي اوغير يقولون لي ايدج فتنه حتى زوجي طول ما احنا في السوق على طول غطي ايدج كل شوي غطي ايدج هههههههههه بس انا طماعه ابي اكثر يعني ابي اسمرار المفاصل يروح مو يخف ابيه يروح مره وحده مو قلتلج طماعه بديت اهتم فيها واحس فيه تحسن كثير حبيت ايدي اكثر وصرت احب احط فيها أي لون مناكير بس المناكير ماتحبني فاشله في وضع المناكير بس حبيت استفسر عن شي الحين انا كل أسبوع مره او مرتين اسوي صنفره لإيدي بزيت الزيتون والسكر وبعدها ادهنها بزبدة الشيا سمعت انها توحد اللون شرايج انتي او في حل طبيعي بديل
وعندي سؤال ثاني الاحظ تكلمتي عن كل شي بس ولا مره تكلمتي عن الملابس وكل جسم شنو يناسبه يعني مثلا السنافر مثلي شنو الملابس اللي تطولهم المليانه كيف تبان ضعيفه بالملابس انا مشكلتي الوحيده بالرجيم او التخفيف اني ارضع بنتي وما اقدر اسوي رجيم حرام بنتي توها صغيره فكرت لما افطمها نفسي كذا ارجع رشيقه مثل قبل وكل شي لايق لي
جميلة أظافرك هنا توسا واللون عليك قتال …
احب هذا اللون وأحب لون الموف المزرق