صَباح / مَساء الحُب
طَبعاً عقب مَوضوع أمس أبهَرتوني بَتفاعلكم وَ ردودكم وَ حماسكم
وَ كله كُوم دعواتكم الحَلوة إللي تَثلج الصَدر , بَحاول أرد عالجَميع وَ إن شاء الله يسعفني الوَقت
[ وَ إذا مارديت بَعد وَ صار شيء وَ أشَغلني أتمنى ما تَزعَلون لأن ماشاء الله أكثر من ١٠٠ رَد بأقل من ٢٤ ساعة ] ..
أعتبر مَحظوظة بُمتابعيني , يَمكن العدد عَندي بالأنستا ظاهرياً ما يَحمس ١٧٠ ألف مُتابع فَقط , لأن أغلب الحسابات مَليونيه
لَكن الحَمدلله مُتابعيني يَشبهوني وَ يفهموني وَ معي قلباً وَ قالباً .. بفترة قياسية رَيت مُدونتي إرتفع بَشكل جَبار
وَ الكُومنتات أكبر دَليل صَراحة ، الكَومنتات إللي عَندي تضاهي الكَومنتات إللي بأي مَجلة إلكترونية غَربية وَ هذا مازلنا بالبداية وَ كثير ما يَعرف مُدونتي
فَشكراً شكراً لهذا الحُب وَ هذا الدعم , مَن لا يَشكر الناس لا يَشكر الله
تَفاعلكم الدائم هو المُحفز دائماً وَ أبداً , حلو لما الإنسان يَكتب يحس إن فيه أحد يرد له الصَوت
لان لو مافي أي صدى ما راح يعرف الإنسان إذا ماكان مَجهوده صائب أو نال على إستحسان الناس , فحتى لو كان النَقد البناء بالسلب لا ضَير مَنه
أكَثر شيء يَضحكني لما كثير قالوا إن تَدوينة أمس قَصيرة
بَغيت أبكي بس هالبُكاء إللي يدل عالسعادة , أنا بعد ما أكتب التَدوينه أنقحها من الأخطاء الإملائية وَ اللغوية أحس بالمَلل
أقول الله يصبر إللي بيقرآه , التعليقات تَدل إنكم فصفصتوا التَدوينه زَين , فأكيد أنا سَعيدة على شَغفكم بقراءة كتاباتي
وَ أخيراً أحبكم
تَدوينتنا اليَوم صَغيرة جداً بس إن شاء الله تضيف لُكم شيء
كريم اليدين من بلِس هاي انتينستي
Bliss
high intensity hand cream
إسمه سبب في شرائي له ، يحسسك إنه شيء شيء ، مدري ليه ساعات الشغلات الزرقاء تحسسني بالنظافة وإن هالشي فعلاً فعّال
هالكريم شريته يمكن من 3 أشهر وَ شريت الحجم الصغير منه 30 مل ( حجم السفر ) طبعاً خلص بسرعة البرق لأنه جداً صغير ، صراحة يمكن خلص في أسبوعين أو عشرة أيام
قَبل ٣ سَنوات قبل لا يتوفر بالسَعودية شريت الحَجم الكبير وَ أستخدمته مَره أو مَرتين وَ بقدرة قادر إختفى الكريم مَن البيت
فكأنه مُو مَكتوب لي أحكم عليه ١٠٠٪
سعره : حول 50 ريال سعودي طبعاً حجمة جداً صغير فلا تحسونه رخيص إنما كميته قليلة
مكان التَوفر : دبنهامز المملكة
مدري أحس إني ما قدرت أحكم عليه صح لقصر الوقت إللي جربته فيه غالباً أحب أجرب المنتجات لمدة لا تقل عن شهر إلى 3 أشهر ..
عُموما هو مِن الكريمات الأكثر مبيعاً بالماركة يعني سمعته سابقته
وصف المنتج ~
بلسم يد غني وَ عالي الكثافة.
غير دهني وَ سريع الامتصاص.
سريع الترطيب وَ يلين الجلد بسهولة وَ يعطي ملمس حريري
ينعم البشرة القاسية الخشنة ،وَ يحيي البشرة الجافة المتشققة.
مكوناته الأساسية ،’
جلسرين ، يلطف البشرة وَ يرطبها
خلاصة بذور العنب ، غني بمضادات الأكسدة وَ يغذي الجلد وَ يمده بالرطوبة
زيت الماكاديميا، مرطب
البانثينول Panthenol (فيتامين B5) ، يساعد على ترميم الجلد
تقييمي ~
مثل ماقلت قبل حسيت بصعوبة بالتقييم ، بس أول مرة أمد فيها الكريم حسيت إنه يهدي وَ يعطي إحساس مائي وَ انتعاش ، وَ فعلا تحسينه يرطب وَ لا يترك أثر مزعج
على إن قوامه خفيف إلا إن ترطيبه جيد
ريحته مو من النوع إللي تعجبني جايه على قشور ليمون أو جريب فروت ، مقبولة نوعاً ما
ترطيبه جيد وَ مايضايق ، جيد لكن مو قد السمعه
هل يستحق الإقتناء ؟
نعم لو حابه كريم مرطب فقط غير معالج ،لكن يظل كريم عادي ممكن تلقين اشباه له بسعر أرخص
هل بشتريه من جديد ؟
ممكن اشتريه ، بس طالما متوفر شبيه له وَ بسعر مقارب اعتقد يغني عنه ، وَ أقصد به كريم لوكسيتان لليدين بزبدة الشيا
دُمتم بَحب
صباح الخير..
فرحت بكلامك انو الكومنتات لها فائده فأبشري ياقلبي من اليوم ورايح راح اغثك بكل بوست كومنت وقرقرة كثيره والله يعينك عاد علينا …
والكريم اذا بأقتنيه لسبب وهو لونه مناسب لحمامي تكرمين …
رحت قبل فتره ادور على كريم ديور للاظافر ومالقيته .. وامس رحت ادور على كريم لوكستيان اخر واحد نزلتيه وطلعلي واحد براسه فرشه وصغير وقاللي للاظافر موب للمفاصل طلعلي واحد عندي يقول حلو للتفتيح قلتله اساسا كنت راح اطلبك اياه وووبس احس متابعينك يثقون بك ثقه عمياء اللي بسيفورا تقول فجأه جاه عليه طلب وخلص من عندنا تقصد كريم ديور ضحكت وقلت تابعي ارتوس وتعرفين شالسبب …
في النهايه والله راحمتك وراحمه دياتك الحلوه واحسك طحتي الصباح ع السرير طيحة المكروفه فريحي بالك ماعليك منا كل مطرود ملحوق …
تدويينة زغييرة طوويلة كلمتين ايييي شي منك بنحبووو كلنا وبننطرووو♡♡♡♡
سوسو زبدة الشيا لوحدهااا بدوون اضافات كتيير مدحووها لتمددات الجلد والها كتير فوائد شوو رأيك فيها ووين بتتوفرر غير تاجرات الانستغرام
دائماً وابداً مبدعه الله لايضرك ويبارك فيك
غيرتي فيني اشياء كثيره شكراً بحجم السماء ارتوسه
يالبى قلبك
الله يعطيك العافيه ماقصررتي
ووكل شئ من ارتوس جميل
كل شي فيكي ومنك حلو ❤️
الله يا هالبنية اني استفدت منها بكثييييييير شغلات احسها تقرأ افكاري دايم تتكلم عن الشئ اللي اتمناه
يا مبدعه يا راقيه يا كل شئ حلو بالدنيا
شكراً لكِ بحجم السماء والبحر علي كل حاجة حلوة ومفيده تقدمينها لنا .
ملحوظة : صحيحوعلي قولك فيه حسابات بالمليونية متابعينها
بس انتي مليونية بحجم الدعوات اللي تجيك من البنات
يازينك ياشيخه نفسي احصننك لأن بالفترة الاخيرة صايره مجتهده لووووول حبيتي ربي يحرم هالايدين من النار ويسعدك قد ماأحبك
حبيت حبيت صراحه الله يعطيك العافيه
حبيبتي ممكن حسابك بالانستغرام
مَوجود حسابي بالمُدونة لكن حسابي iartos
نورتيني
حبيبتي انتي كلامك يفتح النفس انا امل من القراءة بسرعه بس تدوينك استمتع وانا اقراءه ربي لايحرمنا منك
زبدة الشياء الخام مع بعض الاضافات فضيعه لترطيب اليدين
شمع البروفين ولا مرا تكلمتي فيه ايش رايك فيه لليدين
سوٌس حنا نقدر نزعل عليك !! ههههههههههه لاتخافين مستحيل هالشي مقدرين انشغالك , و صدقني بتشوفين تفاعل يبرد قلبك على هالعطاء .. انتِ مثلي يجذبني الشكل شريت ٤ كريمات بس عشان شكلها عسى يطلع ترطيب يسوى , فعلا لون الازرق يحسسك بالنظافه يجذب العين على طول .. وتدوينتك رغم انها قصيره الا انها تفيد .
الله يسعدكك ويعطيك على قد نيتك احسك مثل الخبيره لها شهره وحنا بس نسئل وش تنصحينا فييه ترى احساسي تسذا والله يعينك…بس عندي سوال عن المسام اللي بالانف ابي اللي يصغرها من كثر م استخدم ماسك الجلاتين احسها تتوسع اذا بتحطين تدوينه عن ذا الشي لاتردين على سوالي ..
كل حرف انكبت بحقك تستاهلينه من الجميع واللي تسوينه كثير مقابل كلمه شكر او لايك منا لك تستاهلي فرحانه انو يبسطك هالشي وللعالميه يارب … ومعذورة جد لو انشغلتي او مارديتي علينا بالنسبه صح افرح لما تردي بس وفري ردك علي باحد ثاني ربي يوفقك ويسعدك حبي لكِ
يعطيج العافيه جد تدوينة امس جميله و حسيتها بسرعه خلصت قلت ياريت كتبت اكثر كلامج مشوق و ابدا غير ممل احب لما تذكرين مواقف امج الله يرحمها و يجعل مثواها الجنة و يجزيها كل خير لان عطتنا هالبذره الطيبه انتي الوحيده اللي من لبلوقرز احسها تعطي من قلب وعن جد احسج تحبينا …
التدوينة في وقتها احب الزراعه و الحين موسمها احب امسك التربه بإيدي و كل يوم اقول هذي اخر مره باجر بلبس قفاز بس ماقدر اقاوم و الضريبه اليد و الاضافر احاول ارطبها بقدر كافي اظن يبيلي كريم اقوى و ع فكره من نصيحتج اشتريت القفاز و الزلاغ تبع بليس و ليومج استخدمهم الله يجزيج كل خير .
الله يجزاك خير على مجهودك يا أرتوس والله اني استفيد من كل حرف تكتبينه ، بالنسبه للكريم جميل جدا اسمه مشجع فعلا هههه وسعره مناسب
موضوع رائع كروعتك ارتوس….
الله يسعدك …..ودي اسأل سوال خارج الموضوع بس اخاااااااف انطرد ههههه
دمتي في رعاية المولى…..
كل شي منك حلو الين دحين ما لقيت كريم اليد عدل من حماسي من تتدوينة أمس اليوم رحت كملت كل الناقص 🙂
لاااااااا تحاولين تمدحين شي غير لوكستيان ههههههههه لو اقدر شريت القسم الي يصنع كريم اليدين من شركتهم بس مااااش ……حبيبتي تجاوبنا معك مجرد رد فعل حلو لافعالك الاحلى
ماكنت ادري التعليق يفيدك بالعكس ماكنت أحب اشغلك بقرائته إنتي جميله في طرحك في أسلوبك في فوائدك في كل شي
ولك يسلم لي الرايق
كل مكونات الكريم حلوه وخصووووصاً بذور العنب هذا الشي احترمه جداً لأن جد له فوائد بالمحافظه على شباب الجلد وابطاء شيخوخته وتعزيز رونق البشره
قد قريت يحتوي على الفلافنويد و البروسيانيدين وهي مضادات اكسدة ممتازه للحفاظ على الانسجه ومحاربة الجذور الحره ولا يهون الشاي الاخضر اللي يعتبر اقوى محارب للجذور الحره اللي تجي بفعل الجو والتلوث والتغذيه الكيني ميني ههههههههههه
وحتى الاشعه الصادره من المايكرويف اللي اختلفوا فيه الناس ..
رغم ان الشاي الاخضر ماله شغل بالموضوع بس على قولتك يا ارتوستنا الشيء بالشيء يذكر
ويعطيك الف صحه و عافيه يا ارتوسه ع التدوينه الحلوه يا لون الفرح انتي 3>
ارتوس جميلتنا إنتي ,
اتمنى تسوين تدوينه عن الرتن أي كيف استخدمتيه بالضبط
لأن جربته فترة بسيطة بحكم إني مرتبطة و ماقدر أتجنب الشمس أبدا
و النتيجة طلع لي كم حبه رغم إن بشرتي بالأصل الحمدلله مره كويسه
بس أبيها تتجدد
و الحين انتظر الإجازة الصيفية عشان احطه بشكل صحيح
بس ماعندي طريقة معينة عشان كدا ابيك تشاركينا تجربتك
الله يعطيك العافيه ..طرحك واسلوبك بالتدوينه وكيف تنتقلين من شي لشي ثاني هو اللي يجذبنا ..
استفدت كثييييير منك الله يسعدك ويرحم أمك❤
يعطيك العافيه ❤️❤️
أنتي من القلائل في عالم انستقرام لانك صادقة في كل شيء تقوليه انسانة ثقة كل شيء نابع من القلب الله يسعدك دوم ياعسل
السلام عليكم إنتي انسانه راقيه بمعنا الكلمة وكلج على بعضج انوثه وجمال تعجبيني جدا جدا جدا وإذا ما امر صفحتج واجوف الجديد احس شي ناقص الله يسعدج ويوفقج ويرزقج كل الي تتمنين وطبعا انه من متابعينج من على ايام المنتدى أشكر جهودج الجباره يالجميله
يعطيكي العافيه بس لاحظت اني أحب قرقرتك اكتر من البيوت
استنى منك تدوينه عن الديرما رول للسترتش ماركس
البيوتي
تستاهلي كل خير
تجتهدي وتجربي كل عشان متابعينك
اقل شي نقدمه لك دعوه بظهر الغيب
صار لابد اسجل حضور لو بكلمتين
تحمست ع لوكستيان من كثر مدحك له
بس للاسف مو متوفر عندنا
لو ربي كتب وزرت الرياض لو بعد سنين راح اشوف لوكستيان حقكم
البارح وانا اقول مافي كريم ارطب فيه يدي يستمر وقت طويل
بريحني من كل شوي ارطب
بالعكس مكوناته جذبتني يحمس للتجربه جلسرين
وبانثنول عز الطلب للايدي الجافه
باذن الله اجربه . تسلم يمينك على التدوينه الحلوة
وصباحك سعادة
بالنسبه لتفاعلنا احنا متيمين بكتاباتك
ولو فكرتي فعلياً تصيرين يوتيوبر
متأكده راح تكسرين الدنيا
بالمعنى الحرفي تكسرين الدنيا بحضورك
اتمنى لك المزيد من الازدهار لانك تستحقين أكثر
وانتي ماشاء الله عليك ربي أنعم عليك باسلوب
خفيف ومحبب لقلوب الناس . أدام الله عليك نعمته.
وزادك نعيم وجمال 🙂 معليش علقت مرتين
صباحك ورد يا ستي =)
صدق صدق ما شريت شي من تقيميج الا و استفدت
بليس مو عندنا .. فما عندي شي عليه .. لكن بلييز ردي ع سؤالي ف مدونة بودرة ديور اذا ممكن )
يا أهلاً وسهلاً،،
شكرا من القلب ارتوس
تستاهلين أكثر و الله الكتابة مو سهلة و التدوين يبي له انسان عنده دقة ملاحظة عالية و معلومات صراحة من أكثر الناس إلى فرحو بمدونتك و أن شا الله نشاطك يزيد ما يقل لأن صراحة مصار عندي هوس و إدمان ع مواضيعك جزاك الله خير
انا من بعد ماجربت كريمات لوكستيان الخاصه باليد ( بناءً على نصيحتك طبعا) حسيت حرام تضيع فلوسي ف تجربة كريمات اخرى بس قبل اسبوعين تقريبا دخلت الصيدليه واخذت كريم من شركة Eucerin (intensive hand creM 5% urea .. كثيييير عجبني ترطيبه كترطيب قبل النوم خاصة عطى يديني ملمس حريري حبييته وضفته مع كريم لوكستيان بالشيا وايضا كريم لوكستيان مجموعة زهرة الخلود لليد ايضا هذولي الثلاثي خطيرين فعلا ،، وترا جد ارتوس انا ما اتابع غير مدونتك احس فعلا استفيد وحوارك يدخل العقل والقلب ❤️❤️
ما عندي اي تعليق غير اني اقول (الله يسعدك ويرحم ام جابتك)
ومن اليوم ورايح تلاقيني مرتزه بالتعليقات مادام هالشي يسعدك 🙂
الله يسعدك فعلا حاسه بفرق في كتابتك امدي راحس ههه انتي لطيفه بس من بعد المدونه وانتي ألطف ..انا والله مااعرفك الا من كتاباتك كنت احس اول فيها شئ في الكتابات يستفز الشخص يمكن علشان كذا كنت اشوف هجوم عليك قبل … ويشهد الله ماعمري كتبت تعليق مسئ .. أذا ماناسبني الكلام مااعلق
بس الان اشوف الوضع اختلف
والله ياارتوس اني اكن لك كل الود والاحترام
لك فضل بعد الله في تنويري في الحياة بشكل عام
بس احسك تغيرتي للاحسن طبعاً
انتي الوحيده اللي لما اقراء مقالك القى جواب لك شئ في بالي
وانهي المقال وانا مقرره اذا اشتري او لا
والى الان ماجربت طبخه ولا شئ قلتيه الا وطلع 100% مناسب
مبدعه ومعطائه الله يسعدك
الف شكر لك ومن القلب بعد.على الجهد اللي تبذلينه لنا اقل شي نكافئك فيه هو التفاعل والله انتي تستاهلين الدنيا بكبرها
يعطيك العافية ارتوسه ماقصرتي دايما مواضيعك جذابه و ممتعه لو مااستخدمنا المنتجات ،، انا عندي مشكلة ب أيدي لون الكف يفرق كثير عن لون اليد والسبب اني موسوسه عندي وسواس بغسل اليد و مااقتنع أنها نظيفه إلا بالفيري أحب ريحته احس بنظافه ادري غلط بس ارتاح من هالشي بس شكل أيدي مو حلو و خاصه أسمرار المفاصل تعبت من هالمشكله اذا عندك حل أو وجهة نظر افيديني أكون شاكره لك .
يا مرحبا و يا مسهلا..
شكراً ع التدوينة الحلوة و الخفيفة..
كالعادة تثرينا بالمنتجات و مكوناتها و تجاربج معاها..
على أنه مكونات الطريم خفيفة و حلوة، بس صدقاً و لأول مرة
ما تشجعت أخذ/اقتني هالمنتج..
ترى ع فكرة الشي لما تحبينه انتي طبيعي بنحبه، و اذا شعورك اتجاه عادي ف
نحن بالمثل.. شعور طبيعي دامنه انتابع مدونتج و نثق ف رأيج و تجاربج و
مصداقية طرحج للمنتج أو أو أي موضوع تتناولينه..
شخصياً كريمات اليد اللي عاجبتني و أظن بستمر عليها هي كريم لوكستيان
بزبدة الشيا و كريم Jo Malone اللي فيه نسبة فيتامين اي و بعد كريم من
Eucerin..و بضيف للقائمة اذا جربت أو قرأت عن منتج ترطيبه حلو و تكون مكوناته تحتوي ع زيوت طبيعية، لأنه هالنوعية تجذبني..امم سبق و جربت كريم دريم الخاص باليدين و الجسم من لاش..بصراحة ك ترطيب حلو و مكوناته حلوة و قرأت لتجارب ناس يعانون من الاكزيما بأنه فادهم كثير و الشركة كاتبة ع المنتج هالشي.. الكريم ك ترطيب و فايدة و مكونات اعتبره ممتاز بس عيبه الريحه مع انها تخف و تروح بعد فترة من الاستخدام ..
شكلي أسهبت فالحديث..
ع العموم ..شكراً أرتوس حبيبتي و نحن دائما في شغف بانتظار جديدك..
و بارك الله ف مجهودج ..
عذراً ع الأخطاء الإملائية و السطور المتفرقة.. حاولت اعدل الرد بس شكله مفيش خاصية للتعديل..
ياحبني لك والله ويسلم لي الناس النشيطه ..امم بخصوص الكريم ممكن اجربه بس من وصفك لريحته حبيته ان شاء الله يكون من قائمتي الجديده احب الريحه الحلوه لكريمات اليد ..ارتوسه ترا مانمل من كلامك بالعكس كل ماطالت التدوينه كل ما استمتعنا اكثر لاتخلي شي بقلبك قولي لنا الي بخاطرك ..نحبك
احس حرام اخرج من التدوينة بزدن ما أشكرك تعبك والمجهود اللي تبذليه واااضح جداا أنا شخصيا تعلمت واستفدت منك أشياء كثيرة وان شاء الله هالمدونة تكوون أجر مستمر لك تصدقي صرت أتخيل منتجات في السوق باسمك اسمك صار لوحده جاذب للمستهلكيين اتمنى لك نجاحا غير محدوود
حبيته خاصه وقت الصيف تبين شيء مرطب او مايدبق بيدك
تعلمت منك تجربه خير برهان طبعن انا من عشاق لوكسيتان
وعرفتها زمان منك وعشقتها على قد مالف بكريمات الترطيب
ارجع لوه ياحبيلتس يختي نفسي كذا أضمك هههههه
يعطيك العافية عالتدوينة اللطيفة حبيت الكريم و من كلامك حسيت انه بيناسبني وان شاء الله لو حصل لي فرصة بجربه ليه لأ ..
وانا الحين مستمرة على كريم لوكسيتان باللوز جدا جميل ورطب لي يدي بالشكل المطلوب بدون ما يدبق وريحته تعجبني ..
وانا من النوع اللي تهمني ريحة كريمات اليد جدا ما ادري ليه ما اقدر احط كريم ريحته ما تعجبني ، مو دلع ولا شي بس جد ما اقدر
وقد جربت كثير كريمات يد من نيتروجينا و غيرها بس ماقدرت اكمل عليهم اولا للريحة وبعضهم لأنه دبق بس بعد ماقريت كلامك عن كريمات لوكسيتان قلت لازم اجربها وصحيح فيه ناس ممكن تقول غالي بالنسبة لكريم يد انها تدفع ١٢٥ او حولها بس بالنسبة لمفعولها اشوفها جدا تستحق السعر وما اتحسف على ولا ريال اصرفه عليها .. والحين عندي باللسته كريمات ثانية من لوكسيتان وكريم من كلينك لليد والاظافر اللي قد تكلمتي عنه وبإذن الله بجربهم ..
مررة شكرا عالتدوينه الجميلة جدا حبيتها وخصوصا الحين صار عندي هوس بكريمات اليد واشياء العناية باليد .
يازينك وانتي متحمسه كل ما ادخل الاقي شيء جديد مايهم طويل ولا قصير ان شاء الله لو سطرين بس ❤️❤️❤️
فعلا ارتوس المدونة حقتك تبين شعبيتك الحقيقية اهم مدونات العالم يستحيل تلاقين عدد هالردود حتى راعين الحسابات المليونية لو بمدونات متاكدة انه يستحيل الاقي هالتفاعل
قصيرك مغني يا جميلة الله يبارك هودك
شكرًا
تدوينة جميلة تسلمي ارتورس ..
معقولة نزعل منج سوس ؟!
نحن وااايد محظوظين فيج ، و أنا وايد وايد سعيده فمعرفتج فوق ما تتخيلين :*
حتى لو ما دونتي في المواضيع الجمالية واقتصرت تدويناتج ع الزف بعد بكون مستانسه فيها هههههه
الله يديمج لنا :*
ما حبيت أطلع من دون ما اكتب أي رد
إحترامي لج أرتوس
♥
♥
♥
يا حياتي يا ارتوس ان شاء الله دوم هالتقدم والإنجاز وانتي تستاهلي كل خير ..امممم الكريم واضح حلو بس اكره الاشياء اللي تخلص بسررعة عمومااكيد حجربه لاني احب اجرب انواع مرطبات كثير حتى لوعجبني وخلص ادور غيره كذا امل من التكرار .. شكرا من القلب ارتوسننا
تستاهل الحب والدعم والله ياني بقولك سالفه بتعرفين انو حتى لو نبي ناخذ موقف منك مانئدرش ،
آلاف كلمات الشكر ما بتكفي مجهودك وتعبك بالكتابة وصياغة التدوينة حتى تخرج بهالشكل الانيق شكلا و مضمونا،،
انا بالنسبة الي كتير مهمة كريمات الايدين؛ لاني اعاني جفاف بسبب وسوسوستي الزايدة وكل شوي اغسل ايديني بالصابون . وسواس مو قادرة اتخلص منه ارهقني وخرب شكل ايديني، ولذلك استخدمي دائم لكريمات الترطيب، المنتج شكله حلو بس ما أغراني مثل لوكسيتان..
يسلمو يا قمر وبتستاهلي كل الحب من متابعاتك
يسعد قلبك حبيبتي
صراحه انا اُعجبت بك و بكلامك
بكذا اقدر اقول عنك شي خُرااااففيي
والله يسعد طول عمرك ويحقق امانيك
مساء الخير ،،
تدوينات رائعه ، حصلت الموقع عن قريب وادمنته على طول ،، الله يوفقك بهالطريق ان شاء الله
حاولت قدر المستطاع امشي بنصايحك بس للأسف المعظم الكثير من المنتجات مو متوفرة عندنا وانا كرهت الشراء عبر الانترنت من كثر مني فاشله بهالشي
فاضطريت ادور ع بدايل شبية للمنتجات والانسب لبشرتي وان شاء الله نتوفق
جزيل الشكر لك ،،
الله يسسعدك ويعطيك العافيه ي احلى توسه❤
يعطيك العافيه والصحه
الله يعطيك العافية ع الابداع هذا معلومات وأشياء مغرية كثييير وتحمس بصراحة الله يجزاك خير انا ودي تتكلمين عن المناطق الخساسة وطرق العناية بها من ناحية اللون والنظافة
يااحبيبتي يااتووسه وانا احبك واحب اقرراء كتاباتك كلها واثق برايك دائماا وع فكره تووي ادري عن مدونتك من الانستغررام ع بركه يائلبي وصراحه كرريم اليدين ابييه الحيين 🙁 انا يديني من البرد صاايره جافه مرره مع ارطبهاا اغلب الوقت تهي تهي … موفقه حبيبتي وانا متحمسسه للقادم
ألف شكر بحجم الكون على كل المعلومات اللي تقدمينها من قلبك
استفدت منك في أشياء كثيييره جدا ودعواتي لك بالتوفيق في حياتك كلها
غير عن كذا اللي ماتعرفينه أنا من متابعاتك المخضرمات من أيام عالم حواء
وبداية شمواه لحد الآن وعالإنستقرام والآن مدونتك وتعجبني شخصيتك جدا
وبالنسبه للكريم جربت كثير وأغلبها ما استفدت منها سوا الترطيب المؤقت وأكره شي عندي إذا بعد فتره غسلت يديني وتطلع زي الرغوه من الكريم أشمئز منها جدا
لحد الآن مستقره على لوكستيان ياليت ألاقي شي أفضل ومره ثانيه مليوون شكرا
مبدددددددعه ارتووررس
الله يوفقك يارب
يارب نشوفك افضل مدونه في العالم لان فعلاً تستحقين كل خير
إنتِ تستحقين أكثر من كذا .. الواحد يخجل من حجم عطائك وكل اللي تقدمين فكيف يبخل عليك بكلمة شكر و ما توفيك حقك وصدقيني إنتِ إنسانة إستثنائية وبتتفوقين على الكل والله يوفقك يارب و يرزقك ما تتمنين و أكثر ..
شكراً على التدوينة الجميلة
اشتريتو مع القلفز
عجبني بس ريحتو مو مرة حلوة
ارتوس ياحبيلك ياخي احبك واحب كلامك طلبتك دايم غذينا من معلوماتك الجميييله والطيفه تعرفين ان كلامك لي تفل اشرب ماء بارد بعز الصيف يسرسح بالقلب **مشكله الللهجه ضاربه
الله يسعدك ويوفقك ويهديك
تقل*
انا متابعه لك من ٣ سنوات تقريباً بس صنم الله لايوريك
ي جمالك ويا جمال مدونتك
اكثر شي يضيق صدري يديني:(
فرحت حسبته معالج لوووول
عاد يديني مب ذاك السوء وحالتهن افضل من كثير بنات اشوفهم
لكن احس مهما سويت لهم ما يبان نتيجة صح:(
الله يسعدك يا ارتوس والله تستاهلين كل خير
احتسبي الاجر بهالمدونة عندي قناعة انه بتصير مرجع للأنثى العربية
مهما قريت لبلوقر مايجون ولا شي عندك انتي مخلصة الى حد ما يتمتع به احد غيرك
الله يعكس هالعطاء الوافر بلا مقابل على سعادتك وحياتك
نحبك3>
توسا… شكرا لكل جهد منك علمنا شي واستفدنا منه
احبك واتابعك من زمااااان من ايام عالم حواء
دي اول مره اكتب لك
الله يسعدك دنيا واخره ويحقق اللي في بالك