صَباح / مَساء الجَمال ..
مَوضوعنا اليَوم خفيف ظريف
مُجرد تاخذون فَكرة عن أحد المُنتجات المَتوفرة بالسَوق , حتى تستفيدون مَن تجربتي ..
شَركة سوب اند جلوري ما تَوفرت بالسعودية كبراند مُستقل وَ تأخروا عبال ما وَفروها لنا
عاد تعرفون المَرض الدارج بالشَعب الشيء إللي ماهوب عَندهم يضَخمون السَمعه عَنه , وآآآآآو وَ خساره وَ متى يَفتح وَ من هالسوالف
وَ إللي تَجيك تَقولك أنا ما أشتري إلا من هالبراند وَ إللي تَقولك أنا أول شيء أسويه لما أروح لندن أقش مَنهم قَش
يا زَينهم بناتنا يَحبون الهياط .
بعض مَن مُنتجات سوب آند جلوري متوفره لَدى صيدلية بوتس بالرياض
مُنتجنا ،’
Soap & Glory
Hand Food™ Hand Cream
سَعره ،’
يَوم خذيته كان فيه عَرض خذي إثنين وَ أحصلي على ثالث مَجاناً
فالثلاث كانوا بـ ١٠٠ ريال فقط
مُحتويات كريم اليدين ~
الغليسرين ، زيت بذر العنب، زبدة الشيا ، زيت اللوز الحلو ، زيت المكاديميا ، وَ المارشملو
برائحة البرغموت وَ الفراولة وَ اليوسفي ، مع الأزهار وَ الفواكه، وَ المسك وَ العنبر وَ الفانيليا .
إللي مَحيرني مارشملو وَش المَقصد بالمارشملو داخل كريم !! هل هي نَكهة أو رَيحه أو مَكون
أتوقع إسم للتسويق فقط وَ الجذب
رأيي عَن المُنتج ،’
شَكل علبهم مُغري وَ ألوان العلبه يَفتح النفس خاصة للمُراهقات , لكن شَخصياً ما تستهويني هالنَوعية من التَعليب
زي بينفت هالستايل مُو ستايلي , لَكن هي تستقطب المُراهقين وَ مُحبين ستايل الفنتج .
أذكر لما كَنت أحاسب بالصَيدلية وَ نزلت الصورة عالأنستا كثير بنات قالوا لي إن هالكريم ريحته تتغير وَ تصير ريحته مَخيسه
طبعاً سَويت بحث , وَجدت إن كثير من تَجارب الغربيات كانت بنفس مُلاحظاتكم , وَ حتى إنتقادات مُستخدمين الكريم بموقع بوتس
أكثر من وَحده قالوا إن ريحته مُثيره للإشمئزاز , وَ فيه وحده شكلها حاقده قالت خايس وَ إن الفازلين أصرف مَنه وَ إن سعره غالي على نتيجته
بالنسبة لي صَراحه خلصت علبه وَنص , وَ للأمانة ما تغيرت ريحته فليش تَغيرت الريحه مَع الكثير ؟!
وَ لكن لما بحثت أكثر , لقيت وَحده غربيه تقول إن المُنتج ريحته مخيسه وَ لكن تعتقد إن هي السبب لأنها خزنته لفتره طَويله أتوقع كانت مَثلي شاريه أبو عَرض
تحليلي للأمر إن الشركة دائماً تنزل عروض وَ البضاعه تكون مُخزنة فترات طَويله , وَ غير إنها تَطول عندنا بما إننا مُستفيدين من العرض
فبتالي تتعرض لعوامل الحرارة وَ التهوية الغير جَيده , طبعاً مُجرد تَحليل بالرُغم ما حَصل معي هالشيء
بالنسبة للمَفعول مُش سيئه عاديه جداً ماراح أرجع أشتريها حتى لو عرضوها بَربع القيمه
ريحتها عطريه بزيادة , زَي العطور التعبانه ما تَعجبني هالروايح ..
هُم كاتبين فانيليا وَ مسك وَ عنبر وَ يوسف صراحه يبين عَطر وَبس ما تحسين بريحه مُميزه أو مثل كريمات ذا بودي شَوب
الوضع جداً عطري
بالنسبة إنه يدبق أو يلزق , غير دبق وَ لا لزج بس ماتحسين بالراحة التامه به
فيه طبقه عازله تحسينها براحة يدك , شعور سليكوني وَ على فكرة مَن المكونات الاوليه للكريم مادة الديميثكون .
هالمادة تساعد إنها تحبس الرطوبة بالجسم , لكن فعلياً ما ترطب وَ مُمكن تهيج الجلد وَ مع الوقت تسبب جفاف وَ هي السبب بهالإحساس السليكوني
ماتلاحظون فيه كريمات لما تَدهنينها على جَسمك أو على يَدينك تحسين يدينك مَثل الزبدة أو حلوه أثناء الإستخدام
لكن مُجرد ما تغسلين يدينك من الكريم تَحسينها جفت , هالكريم تقريباً إبن عَم هالإحساس ..
أنا يَديني ماجففها لأن حتى لو جففها أنا طبيعة أكلي وَ نوعية بشرتي زيتيه( يعني دَهنيه ) تتحمل
لكن لو وَحده بشرتها جافه راح تَحس بهالشيء مَع الوقت وَ الإستخدام فوق شهرين لـ ٣ أشهر
صَح التَدوينه جداً بسيطه , لكن مَع الوقت مثل هالتدوينات راح ترسخ بذهنكم وَ راح تتعلمون تشترون المُنتجات الصح
الخاليه من المَواد الغير الملائمة أو إللي ماتحتاجونها , أو ما تناسبكم بفترة ما
الكَريم كَجودة ،’
المُنتج أقل من كريمات الصيدلية العلاجية وَ أقل من مُنتجات ذا بودي شَوب , زي بعض كريمات باث أند بودي وركس
وَ لا يشبه كريمات لوكسيتان بالمَره , فكريمات دوف وَ نيفيا تقوم مقامه
تَحذير ~
بالمُنتج فيه تَحذير إنك لا تستخدمين الكريم على المناطق المُتضرره
وَ فعلاً أنا كثير ألعب مع قَطوي وَ يمخشني بيديني , فلما أرطب يَحرقني صَح مخوش سَطحيه لكن أحس بحرقان بسيط
هالشيء يَدل إن المُنتج مليء بالعطور أو الكحول , وَ هالشغلتين تتعب البشرة
بَتقولون لي ليش جَربتيه طالما عارفه ما منه خَير ؟!
وَش أسوي هذي طلباتكم , وَ نصايحكم ..
دايم تقولون لي جربي هالكريم رَوعه يَجنن , فالتَجربة خير برهان مَن ثٌم المواد المُكونه للمُنتج تحدد مُستواه
لو كذبت بشرتي , المُكونات ماراح تَكذب ..
أنا غالباً ما أحب أمدح مُنتج بناء على تَجربة وَحيده وَ لا أتسرع , أحب أجرب كل شيء وَ أعطيه وقت وَ فتره كافيه
وَ أتحقق منه زَين ثُم أطرح رأيي , بالنَهايه الشركة مَهب شركة أبوي .
دُمتم بَحب
من الضجه اللي صايره شريته واستخدمت نص العلبه وتركته والحين شميته فعلا ريحته تغيرت ولونه بعد وتحسين ان مكونات الكريم انفصلت مدري كيف اوضح لك
وآلف شكر لك
لا فَهمت , المكونات تنفصل من الحراره .. الدهون تطفو عالسطح وَ الباقي يرقد تحت ..
نورتيني
بالرغم اني نهائيا مافكرت اشتريه ولي نظرة بخصوص هالمنتجات بس مثل ماقلتي ذكرتي مش الكل عندهم قدرة مادية على ماركات مثل لوكستيان وديرمالوجيكا فمطلوب منك التنويع و بالعكس مرررة استفدت من الريفيو وحلو الواحد دايما ينوع في المنتجات وهالشيء يفيد مايضر ويخلي للوحدة نظرة قبل لاتشتري الشيء
لا أكيد بَنوع بس هذا ما يُعتبر رخيص على جَودته لكن رخيص على حَجمه
فيه كريمات من نيفيا وَ دوف أرخص مَنه بـ ٩ ريال وَ ١٤ ريال أحسن لهم من هالمُنتج ..
وَ يازينك دايم داعمه لي بَشكل أو بآخر , وَ دوم منورتني بطلاتك يالرائعة
ياحبي لك يارتوس كلامك أسعدني على كثرة متابعينك بس انك مازلتي تتذكريننا ماشاء الله ذاكرتك العاطفية قوية هالشيء صراحة يعني لي كثييييررررر
أكيد لازم أتذكركم , ضَروري ..
لان تواجدنا مَع بعض سَنين , أنا مو مَع نظرة إني أطرح وَ أمشي ..
أنا أستفيد من التواصل , مُتابعيني هُم سبب لإرتقاء المُدونه لو هم راعيين موفقه , أو حلو , أو هالتعابير البسيطه أنا متأكده ماراح أبدع ..
كلامكم هَو البنزين إللي يَحركني , عالأقل أحس أني أكتب وَ فيه أحد يقرأ , يتفاعل ..
عفكرة أنا أستمتع بَكلامك , وَ من خلال طلباتكم أستوحي أفكاري وَ مواضيعي وَ أحتياجاتكم ..
هالكلام يخلينيا نرد لاززم يسعدج ربي ممممم الكريم شريته وحطيته بالشنطه لاحظت اني مااستعمله ولا اميل له مدري ليش بس طول عندي عبال خلصته عكس هالعالم ماعجبني ريحته العطريه حلو كعطر بس ككريم يد مااميل لهالريحه ❤️❤️
الي فترة عم انزعج من الكريمات يلي فيها روائح خصوصا الورد والفواكة … حاليا عم استخدم السيتافيل مرتاحة عليه وقبلها جبت كريم زيت الزيتون من LAINO مش معئووول ريحتو كرهتهااا كتير
كانو طار نص التعليق تبعيي :p
المهم كتب انو شفت وحده بالصيدلية اخدت 6 علب ومدحتوو انو رهييب هالكريم
قلت يابنت جررربي مش حتخسري غير 160 ريال لووول
بس ياريتني ماقلت p:
هههههه يالله نَستفيد من التجارب , ليش لأ
فيه كثير ناس مُدمنين لكريمات مُعينه ما أدري وَش السبب بالرغم الماركه مَهب ماركة أبوهم لكن مُتعصبين
تصدقين كريم laino مادخل مَزاجي لكن ماجربته , مقدر أحكم عليه ١٠٠٪
عفكره لموش أرسلت لك بالأنستا جواب لشيء طلبتيه بس شكلك حذفتي الرساله عَشان كذا كلامي ماوصلك ..
جداً رسايل الأنستا مُرهقه ما أدري وَش فيها 🙁
لاااااا ماحذفتهااا معقوول احذف شي منك حتى اوووول رسالة بعدها موجوودة مابحذف شي اناا .. بس مااا وصل شيكت عليه 🙁 🙁 🙁
ارجع ابعت وحده جديدة ولا شو؟؟
الريحه من التخزين بتعضهم تتركه بالشنطه وتروح وتجي وهو مكتوم وحرارة الشمس فطبيعي لان حق اختي تغيرت ريحته وحقي بسرعه حللته وماتغير
حَبيت توضيحك ربي يَسلم قلبك
يمكن كثير يستفيدون من هالإضافه ..
يعطيك العافية يا قلبي ولو انها قصيرة ماشبعنا من كلامك ، انا من وجهة نظري مااحب هالنوعية من الكريمات شكل بس لكن مافيه محتوى مضيعة فلوس ،، و ننتظر تدوينة المنتج حق الجسم بفارغ الصبر
يَعافي قَلبك , لا أنتِ من مُتابعيني المُخلصين .. أغلب إللي تابعوني من زَمان يحبون الكلام الكثير
لذلك وَعد أنزل تَدوينات بَشكل أسرع , هو النشاط لما يَجي مَره وَحده يتلاحق بَسرعه
تَقريباً مثل ماقلتي مافي مُحتوى مُفيد ..
قودنايدن ارتووس …
هذي المجموعه سألتك عنها بتويتر قبل امكن ثلاث او اربع سنين وقلتي لي ماجربتها ومو متحمسه عليها بس ممكن يوم من الايام اجربها انا سبحان الله شلتها من راسي بس من نظرتك لها شفتي كيف الثقه وفي نفس الوقت على قولتك ذكرتني بمنتجات شفتها في باث اند بودي ووركس الا اغلبها قريبه منها اكثر شيء حبيته من باث اند بودي ووركس الشموووع ومرطب شفايف فكس بالنعناع ياهو منعش ومع الاستمرار يورد الشفايف جربته بالمصادفه …. ومن بودي شوب زبده العسل للمؤخره هههههههه لايروح بالك بعييد بس لما تبرد ريحتها حلوه وفي الملابس هاديه غير ترطيبها للمناطق هذيك حليو موب زي لوكستيان بس يأدي غرض
قونايدن جنم .. ههههه شَكلنا مره تأثرنا بَتوبا
وَ الله !! .. زين إن رايي ثابت .. وَ ماشاء الله عليك مَعي من زمان
بَجرب مرطب الشفايف بناء على كلامك وَش خسرانه , وَ فعلاً أنا تقريباً ما أشتري منهم إلا إكسسوارت وَ شموع سوالفهم للبيت تَونس ..
بشوف زبدة العَسل ضَحكتيني وَ الله ,, وَ وعد أشتريها وَ أسوي عنها ريفيو مالي شَغل بقول من رشا الروقي ..
انا ماعندي شغاله ويديني تبغى لها عنايه من قلب ومافيه كريم في الدنيا لليدين ماجربته ولا فيه اروع من لوكستيان الي دلتني عليه بنتي ارتوس فديت عيونها ايام شمواه ….الله يسعد قلبش
يا حَظي بَك .. وَ كلمة بنتي لها بالقلب مَكان كبير بالرُغم متأكده إنك صَغيره
الله يَسعدك يا رَوحي إنتِ وَ الله , طيب فكرتي تشترين غسالة صَحون ؟! .. وَ مع القفازات شَوي يقل العناء على يَدينك
برضو شمع البرافين جداً مُمتاز لك لو كل أسبوعين مره ..
شَكلي بَنزل مَوضوع عنه لأجل عَيونك .. ماعَندي بهالدنيا إلا نوال وحده تناديني بهالطريقه
لا خلا وَ لا عدم
ياليت والله يا ارتوس تطرحين تدوينة بالخصوص هذا الي هو البرافين شفت كذا صالون في لندن كاتبين انهم يسوونه ومرررة تحمست بس ماحب اجرب شيء وانا ماعندي فكرة كافية عنه واكيد محد طرح او تطرق للموضوع هذا احد قبلك فراح تكون فكرة ممتازة بذات ان نص شعبنا اذل مو كلهم يعانون من الجفاف
مايخوف البرافين , أنا أحب أسويه بالبرد يدفي الركب هههههههه
لا بَجد تحسين براحه بالجسم , كأنه أحد لفني وَ حطني بحضن أمي مُريح جداً جربيه مافيه خَوف ..
حتى مفيد للي يعانون من الروماتيزم وَ آلام المفاصل .. جداً حلو
حبيبتي والله تسلمين وبناتي كبرش يعني انا كبيره بس شوي هههههه وغسالة الصحون والله ماتناسب نظام حياتنا بس باجرب الشمع باذن الله وانا الممنونه لك ولمنتداك سابقا وانستقرامك ومدونتك حاليا مستحيل تتخيلين وش كثر فدتيني جعل يومي الاول ….ترا انتظر وعدش يا الغاليه
الله يخليهم لك يارب , ياحبني لك ..
خلاص أبشري بَعزك بحط هالمَوضوع من أولوياتي
وَ يسعدني تواجدك بين صَفحاتي بجد لي الشَرف ..
هذا الكريم سميته كريم الاستقرام مثل سرير الاستقرام وكتاب الاستقرام ووو بصراحه كنت متحمسه اشتريه بس بعد ماقريت لك تدوينه انو نكون اذكياء ونفهم اي منتج ينطرح هل هو وراء إعلان مدفوع او نابع من تجربه شخصيه صادقه وبحته صرت اوعى بكثيييييير فا مو اي شي اشوفه منتشر عند كذا وحده انهبل وانتظر دوري لانو في الاستقرام للاسف البعض ماشي على نظام التقليد فنلاحظ هيلز انتشر بفتره قياسيه عند البنات وسرير إنتشر كذلك وبعض الكتب وووو انا مااهضم الشي الايجابي انو الراحه النفسيه اللي كثير وصلولها من إقتناء مايملكه فلان صار فلان الاخر يقدر يقتنيه لانو مكان البيع معروف مو زي حالتنا بالسوق اذا عجبك شي على فلانه تقول نسيت اسم المحل هههههه في الاستقرام في امور صارت واضحه
يَضحكوني إللي يقولون لك نسيت إسم المَحل ..
الأن العم قوقل يطلع لك المُستخبى , غير كذا صار البعض يتفاخر إنه يظهر هالماركة ..
إللي يَخبي مثل كذا أصيبيه بَمقتل يوماً ما بشيء ماركة يبي يقولك ترى من هنا ,, سَوي نفسك ماتدرين إلا ما راح تَموت وَ تتقلب تبيك تعرفين من وين
طبعاً الإنسان لازم يحكم عَقله , مرات شخص يحب عطر مُعين لأن ريحة شخص يحبه .. مرات يحب منتج معين لأنه هو الوحيد إللي جَربه
يعني للناس أسباب مُختلفه عَنا ..
وَ نورتيني يا سآرونه
هالكريم من شفت صورته مدري حسيته كريم ابو ديك ههههه يعني مو حلو بالنسبه لي
العلب الي مثل هالكريم مااقربهم قلبي مايحبهم ماتستهويني
بودي شوب اخذ منهم الزبده روائح كريماته تغثني
تدوينتك رغم انها قصيره الا انها بتفيد الكثير قبل مايشترون
الله يديم هالحماس والنشاط ونشبع بتدويناتك
ههههههههههههههههههههه جبتيها بالصميم ..
تسلمين لي على هالدَعوه , وَ نورتيني بوجودك
حلو حلو جربيهم واكيد يهمني رائيك ماعليه قولي رشا الروقي اساسا عارفه نظرتك عن بودي شوب وعن زبدهم تراها نفس نظرتي من زمان بس زبدة العسل احسن شيء بنظري عندهم الان وبالنسبه للمرطب مدري القلوس شريته واحد وردي وواثنين لحمي وكلهم فيهم زي الخط الاخضر من الجنب وواحد قوي شوي يجي خطين اخضر واسود حلوين وحاليين …
وتشكرات على هيك مصداقيه وروح معنويه عاليه
عسى الله أعرف مُرطب الشفايف .. بدوره بإذن الله هاليَومين ..
بجرب زبدة العسل , أنا كنت أحب زبدة الفراوله وَ اللوز لطيفه بس مامنها هالفائدة ..
نجرب الزُبدة ليش لأ ..
وَ الله لا يحرمني من هالطله
أنا حقي خليته بشنطة مااستخدمتها لفترة معينة ونسيته ولما رجعت له حطيت على بدب وانصدمت
على طَول يخرب ..
يا زينك ارتوس حزنت لما خلصت التدوينة بسرعة ..
سبق و جربت هالكريم ما حبيته أبد ريحته مره قويه ومزعجه .. وفعلا لما يطول بالتخزين ريحته تصير مخيسه .. وسبق وجربت سكرب لللجسم ه البراند نفس الشيء كانت ريحته جدا عطرية ومزعجه ومره احس قاسي ع البشرة .. أنا عرفت نفسي اني ماراح اتصالح ابدا مع الكريمات العطرية مع انه مو بشرتي حساسة لكن كل المجموعات اللي من بودي ووركس وبودي شوب تتخزن عندي ما احب استخدمها وتخيس .. احس انه ريحتها تشيب .. فلذا خلاص اقلعت عن شراءها ..
مره شكرا ع جهدك اللي تبذلينه و محاولتك لتجربة منتجات عشانا ممتنين وربي
لك ودي
حبيت ذكرك لتجربتك , أضفتي الكثير
عَشان إللي حابين يجربون ياخذون فكره من تجارب الآخرين ..
نورتيني , وتسلمين لي على كلامك الحَلو
كريم لوكسيتان المبيض بصراحة أخذته وكنت خايفة اني خسرت نفسي فلوس عالفاضي.. يديني كانت مسمرة بسبب الأكزيما والجفاف.. وماتوقعت فيه شي ينفع لها.. بس فعلا كان فعال وفتجأني بنتيجته.. وأخذت علبة ثانية.. وشكلي مابستغني عنه خصوصًا ان فيه حماية.. وغبر هيك ماتخيس ريحته
حَلو إن المُنتج ناسبك ..
صَراحه لوكسيتان من المُنتجات الشبه آمنه عالبشره , لكن يعيبها السعر العالي
خاصه فيه ناس عندهم أولويات بحياتهم ..
حبيبتي إنتي وقدوتي الله يوفقك ويسعدك
وَياك بَعد قلبي..
ارتوس انا في حاجة في بالي نفسي تتكلمي عنها وهيا الواقي الشمسي بهض الدكاترة ينصحون انه نطلع في شمس الظهر بدون واقي عشان نستفيد من الشمس وكمان بيقولوا انه الواقي بيسد مسام البشرة انا في حيرة نفسي استفيد من الشمس وفي نفس الوقت ما تخرب بشرتي …
أمممممم الكلام نَص نص , كثير من الخبراء يقولون إن الشمس أم الشرور , وَ إنه لو ما تتعرض لها أفضل
وَ أنا وقت ما حللت لفيتامين دال , قلت للدكتور راح أتشمس قالي لأ , قلت بتشمس بالوقت الغير ضار , قالي لأ
وَ لاحظي ماكان دكتور جلديه وَ مع ذلك قالي أضرارها كثيره وَ إنه لو وش ماراح تاخذين فيتامين دال منها ..
إنه يسد المسام نعم يسد المَسام , وَ شفته بعيوني .. لأنها مواد معدنيه لذلك وجد التنظيف ..ليش أنا أنصح بجهاز مثل جهاز لونا ؟!
لان طالبات الجامعه وَ الموظفات بَحاجه للوقاية أثناء الدوام , بجهاز مثل لونا راح ينظف لهم وَجههم زَين من بقايا الواقي الشمسي
بالعَكس الفترة إللي كان دوامي صباحي , الواقي الشمسي ماضرني أبداً أبداً .. كان من شركة إيفين بس نوع مُعين خفيف ما أتذكره تحديداً
وفيه النوع إللي عبارة عن مَلون للبشرة ثقيل جداً .. راح أتكلم عن الواقي الشَمسي بس لأن ما أطلع كثير بالنهار فمو مجربه أنواع كثيره
لازم أحصر وَ أجرب ..
ياحلوها اللي تقولك بنتي ارتوس . ربي يسخرلكك الطيببن من خلقه …وبالنسبه للكريم كنت مجهزة ورقتي وباضيفه للي مسجلته من مدونتكك . بس سقط.
ارتوس تقولي بردوك بالانستا لو كنتو تعرفون وش عندي ب10ابام اللي غبتها …المهم لو كنتي تعبانه بوقتها سلامتك وماتشوفي شر وان كنتي مشغوله بامر ما او شغل لك رببي يسهل لك امورك ويساعدك
جزاك الله خير حبيبتي .
آمين يارب ..
وَ زين سقط وَفري فلوسك , وَ الله كنت تعبانه أول شيء جاني نزله مَعويه , طبعاً ماكنت ماكله من برآ .. لكن شكلها ضربة برد
وَ عقب سخنت وَ جتني كَحه , ماكانت أنفلونزا شيء غريب ذبح صَدري من سنين ماشفت شيء مثل كذا , درجة الحراره تَوصل للأربعين
بس يالله عَدت , أجر وَ عافيه وَ تكفير ذنوب ..
بجد بجد خربت حياتي لأن كنت ماشيه بجدول مُعين وَ ضيعته علي , لكن راجعه بإذن الله ..
سلامتك والله ماتشوفين شر
جد فقدناك هذيك الفتره بس حمدلله عدت ع خير
ربي يسلمك على التدوينة تدرين كنت بشترية
لاني شارية كريم الاقدام منة ،
كريم الاقدام احسة احلا من كلامك حتى بعد غسيل القدم احسها رطبة وملمسها ناعم
ياهلا بَك , من كم ساعه وَحده علقت بالأنستا إن إن كريم الأقدام مُمتاز مَنهم
إذا حابه أطلعي على رأيها , لكن شَخصياً ماجربته ..
أما كريم اليدين مثل ما نقلت لكم تجربتي عَنه وَ تجارب الاخرين وَ شوفي ردود البنات مُمكن تفيدك
كثير قالوا إن ريحته تغيرت
ياحلوه ارسلت لك دايركت بالانستا ممكن تمرين عليه
يعطيك الف عافيه ارتووس
كالعاده تسعديني بتدويناتك بس حبيت اشكرك على جهدك
انا من متابعينك بس اول مره اعلق
ارتوس حبيبتي ممكن طلب انتي ذكرتي أشياء سابقا في المدونة و نتمنى تطرحينها مثل ماسكات معقمة تمنع تكون الدهون – احماض الفواكه للجسم ، كمان انتي سبق و ذكرتي انه مو زين نستخدم منتج لأكثر من شهرين بعدين البشرة تتعود عليه نبي بديل لمقشر الانزيمات عشان نبدل بينه و شكرا لك يا حلوه
مافكرت اشتري اي شي من سوب اند جلوري
قبل اكثر من ثلاث سنوات رحت لخالتي واستخدمت زبده الجسم بس مااذكر اذا عجبتني كبدايه ولا لا<طيب وبعدين
الله يوفقك ويسعدك ياحلوه
هههههههه
دخيل هالحكيات الحلوة من اول كلمة وانا مبتسمه
..
هالماركة لقيتها عندنا بس ماقربت عليها
حسيت فيها غش من اشكال العلب الكيوت
تأثر فيني الكياتة بس مولدرجه الادمان
يعني مثلا بنفت ماتغريني بحب اتفرج عمنتجاتهم
بس كـ منتج ماتناسبني هالماركة لوبجيبها للصمد بس لوووول
..يعني اني من صحبات غيرلان وتوم فورد كمان لا
لولا اني اتمنى اقتنيها كلها من جمالها
بس بميل للعملي اكتر ويكون شكل المنتج ميك اب واضح مو علبه كاندي
…
رايحه المدونة الفاشونيه
لوووول
بعد اذن بنتي توسه احب اقول لكل البنوتات الحلوات في مدونتها ترا انك تكبرين شي حلو وله لذه صح البشره تتغير واشياء كثيرررر معها بس من جد الكبر حلو راحه وهيبه وخبره وركااااده واروع من البشره وجمالها واي شي بتخسرينه في رحلة الكبر الحلوين الي علي يمينش ويسارش انجازكم في الحياه عيالكم احلى من شبابكم وجمالكم والدنيا كلها انا عن نفسي هم شبابي وجمالي وكلللل شي
يازينك احب كلامك سبحان الله يدخل القلب رغم انه موجه لبنتك مو لي
كل مرحله عمريه لها ميزتها الخاصه حبيت الركاده يعني بنعقل ههههه
ربي يسعدك ويحفظ لك عيالك ويحقق لك مناك ويجعل حياتك اجمل من السنين الماضيه
ارتوس ليه ماتفتحين لك مشروع مشغل مثلاً او اي مشروع اين كان مجرد اننا نعرف انه انتي صاحبته متأكده انه بيكون ناجح مو بس لان الشغل حلو لا لان متابعاتك بيجونك من كل مكان انا مو من الرياض بس لو فتحتي لك مشروع صدقين بعني للرياض بس عشان مشروعك
يا الله يا ارتوسا قد ايش ضحكت على نفسي
اشتريت منهم سكراب للجسم وزبده وقتها كنت حامل
وكان عندي هوس سكراب وزبدات <<جمع زبده
انا على عكسكم حبيته مره وشريت الزبده الحجم الميني وبشنطتي ماينزل استخدامي له مو للترطيب لا بس عشان الريحه
ريحته مثل ديور شيري وانا احب الريحه هذي واحب لما اسلم ع يد احد تمسك ريحتي فيهم هههههه
سلااامتك ارتوس ماتشوفين شر سمعتك تردين عل وحده من البنات وتقولين انك مرضتي والله جد خفت عليك قدامك العافيه ودفعت بلا وتكفير ذنوب ان شا الله
…
بشري كيفك هاللحين وكيف صحتك…
ماعليك مننا لاتتعبين نفسك كل مطرود ملحوق اهم شيء صحتك والله من جد …
امس اشوفك تردين ع البنات ببوست الموضه ووحده وحده واقول يازينها هالبنت اصيله ومافي منها ارتوس انتي اسطورة مافي منك الله يحفظك لاهلك وكل من يحبك ولي يارب …
انا مشكلته معي ان ريحته تتغير لما احطه بيدي ؛ ماادري ماناسبني من منتجاتهم الا flake a way
وفعلا كريماتهم مثل باث عباره عن نيفيا معطره:)
وبصراحه انا أثق بذوقك بالكريمات ؛ ماقد مدحتي شي وجربته ماطلع واو بالذات كريم بوبي براون لتحت العين
شاكره لك ياقمر
سبحان الله انا كل منتجات سوب اند قلوري ماني من معجبينها ومادري ليش ولا مره فكرت استري او اجرب منهم شي
ومع اني من محبات طريقة تغليف بنفت بس ماحبيت تعلليب وشكل سوب ان غلوري .. لاتساليني ليش الحب من الله ههههه وهالبراند لله بلله مارتحتله والخين تجربتج اكدتلي هالشي
انا مثلك ماحبيت المنتج واحس كريم دوف الخاص باليد ارحم منه ،،بصراحه كثير احب ارائك انسانه واعيه مثقفه
يعطيك العافيه آرتسه ع الموضوع ماقصرتي،عن نفسي ماحب هالبراند ولا أفكر أشتريه،انا عندي مشكلة ب أيدي لون الكف يفرق كثير عن لون اليد والسبب اني موسوسه عندي وسواس بغسل اليد و مااقتنع أنها نظيفه إلا بالفيري أحب ريحته احس بنظافه ادري غلط بس ارتاح من هالشي بس شكل أيدي مو حلو و خاصه أسمرار المفاصل تعبت من هالمشكله اذا عندك حل أو وجهة نظر افيديني أكون شاكره لك .
ارتوسه *
شكرا ع مصداقيتك.. احنا عندنا مشكلة في الريفيوهات أحيانا تكون البنت ما جربت المنتج إلا مرة وحدة أو تكون غير نبيهه ملاحظتها بسيطة كنت ناوية اشتريه ع المدح إلى جاه
يعطيك العافية ع التدوينية الجميلة كان خاطري اشتري الكريم هذا بس بعد ما قلتي أنه أقل من لوكستان خلاص طاب خاطري منه
ولبى الورديكا يا ارتوس الورديه
الصور تفتح النفسس بس هالكريم المتوحش مو وجه نعمه حاطته بين الورود و مزينه له كوشه بعد هذا المفروض تحطينه بين القدور ويخب XD
هههههههه مع ان قدوركم وملاعقكم حلوه
اتوقع هالبراند لو ينزلون عطر بنفس ريحة منتجاتهم احس الناس بيسحبون على العفش وبيتذابحون على العطر خخخخ << ان شاءالله مايزعلون اللي يحبونه
انا استخدمت سكراب من عندهم عليه مدح لليل وشهب لي بشرتي
مع اني استخدمت سكراب champneys الأحمر من نفس الصيدليه وماسبب لي كذا ولا مقشر المشمش حتى
بس جد الريحة و الالوان الحلوه احس وقفت وقفة اخو مع الماركة
عرفوا كيف يسحبون الناس مع خشومهم وعيونهم
ههههههه لان جد نسبه مو بسيطة اللي ذموا المنتجات بعد الاستخدام
كثيييير كثير قالوا مو قد هالمدح !
المفروض يخففون ع الاقل هالكحول لان حراام جلد الناس يتآذى اكيد رح توضح أضراره مع كثرة استخدام المدمنين عليه حتى لو هو مناسبهم وحابينه في هالوقت الحالي
وتؤبريني ياسراجي بينهم
ولو ان شاشة جهازي مكسره او بالأصح مفتته وبالقوة افك الحرف عن الحرف بس لازم ارد
شكل العلب فعلا جذاب بس مستحيل اشتري كريم فيه عطر ، والاحساس السيليكوني هذا كنت اتفكر فيه من قريب كويس لقيت الاجابه بدون ماابحث ههههههه
وترا نستنى موضوع الجسم لاتطولين علينا ❤❤
مساء الحب والجمال
شكرا على التدوينة تسلم هالأيادي .
ممكن سؤال بعيد عن الموضوع أرتوس ؟
وحده من معارفي ولدت وجابت بنت فأنا حابه أجهزلها هدية محترمه وماني عارفه .
تقدري تفيديني حبيبتي وبكون شاكره ؟
ارتوس الجميلة. ثانكس
أرتوس بالإضافة لسؤالي الأول بخصوص الهدية عندي سؤال ثاني وهو أني حابه استخدم منتج يومي لوجهي وأنا في البيت، فهل اقدر استخدم هالنوعية من المنتجات مع أني قريته كثير لكن ما فهمت لشو بالضبط! أقدر استخدمه لكامل وجهي يعطيني نظارة ولون واحد من دون ما يضر ببشرتي ويفيدها.
http://im68.gulfup.com/INu1fG.jpg
أو استخدم البي بي كريم، صدق ماني عارفة شو استخدم في البيت.
فيديني أرتوس لو سمحتي، آسفة لأني سألت كثير : (
ارتوسه طيب انا موظفه بمختبر وطبيعة عملي تضطرني
اغسل بصابون دايم و احيانا استخدم الايزي كلين للتعقيم
وهاذي كلها احس اثرت بيديني ، استخدمت كريمات
من ايفين و نيتروجينا و نوكس وكلها بصراحه احسها مجرد اغسل يروح مفعولها ، بايش تنصحيني
عاد ماشفتيني تحمست وطلبت اون لاين
٤ علب من ذا الكريم شفاحه بعيد عنك
ارتووووس ماعرف ليش ردي طلع ناقص
المهم الله يحفظك ويحميكي يااارب
احوبك والله ❤️
الف الف سلامة عليك ارتوسه ماتشوفي شر حبيبتي 🙁
بالنسبة للكريم شفته في بوتس بس ماجذبني ما احب الكريمات المعطرة ولا تناسب طبيعة جلدي
تدوينة رائعة ارتوس لية لم اطول اضافري تنحني طبعا مو كلهن بس ضفر يقهر شكلوه تقل معوق
هلاا..بصراحه المنتج كان جاذبني شكلي ومن محتوياته حسيت انه يرطب
فرحت اشتريه ..ششفت علبه صغيره منه قلت اجربه لو عجبنى بشتري الكبير
ريحته مقبوله بالنسبه لي …تترطيبه مثل الطبقه عالجلد ..ببس اغسل يدي يروح
وأحس يدي نااااشفه مدري من الكريم ولااا جسمي يحتاج ترطيب من داخل
كثير استفيددت من تدويناتك …..
بصراحه اطلق كريم ايدين جربته بخمسه ريال ونص اسمه كاميل بالبابونج وريحته حلوه
ومفعوله روعه
صباح / مساء الرضا والسعاده
قبل التدوينه الحمدلله على سلامتك اجر وعافيه ياقلبي
اسال الله انها تكون لك تكفير ذنوب
هالماركه والله ما جذبتني زي كثير من الاشياء اللي بالانستقرام من كريمات وعطور
العطور اوك ان ممكن تختلف الاذواق فيها وتكون اللي نصحت حابتها وماتروق لك وتنزلي السوق وتشوفي ان العطر مجرد شكل حلوو ع التسريحه وبالصور يطلع لقطه جميله
اما الكريمات عاد ابدا ماهي ذوق قد ماهي مصدقيه تقولك يبيض او ينعم او او …
وتشتري وما تلاقي من المنتج شي بصراحه زماان كنت اقول امكن مو من عبوة وحده لازم تستخدمي الثاني عشان يبان نتايج وتطلع برضه خرطي
الانستقرام وضح لنا ان في كميه دعايا وكميه هباات تجي للناس مو كل شي يتصدق ولا كل شي نجربه على الاراء
والله مو مدح بس انتي من المدونات اللي اثق بارائك جدا كمية مصداقيه مالها حد وشرح فيبان ايش تحتاجي من هالمنتج وايش لا
نصحتي بلوكستيان الخلود بشنطتي ولله الحمد عشقته وملمس الايد بودري من بعده وكمان في حمايه من الشمس ،، كمان الديرمالوجيكا للايد وغيرها من المنتجات
بالاضافه انه تقدري تقتني من نصايحك في المنتج منتج اخر بناء ع كمية المعلومات اللي قدمتيها
ما اعرف اشكرك ولا ادعمك لتقديم الاكثر غير بكلمة جزاك الله خير سمعت شيخ يقول فيها خير كثير للي تدعين له
ويارب تكون لك صدقه علم هالمعلومات
دمتي ودام نبضك جميله انت بقلبي كجمال الازهار بصورك واكثر
انا من الناس اللي اشترته ع الضجه اللي صارت وتوقعته فعلا سحر من الوصف
هو حلو ترطيبه بس عادي مثله مثل اي كريم عادي وصادقه احس انه في شي ع يدي
انا طلع معايا ريحه وانفصل الكريم وصار مثل الزيت بس اهمال مني لاني نسيته بشنطه الدوام ومع الحر اكيد بيخرب
عموما انا من فتره لفتره احب اجرب وعشان كذا اخذت العينه الصغيره منه بسيفورا
بالنسبه لي بالمرز ناسبني ويرطب يدي كويس
يعطيك العافيه ومدونتك جميله مثلك
🙂
زين انك اثرتي هالنقطه انا لاحظت البنات تصير عندهم ردة فعل للبراند بحسب ماسمعت عنه حتى لو جربته وماناسبها تقنع نفسها انه واو لانه انمدح كثير
من مده وحده تسالني عن بودرة البانانا وقلت ماناسبتني احس لورا مارسيه احلى علي بالحرف قالت طيري حتى ارتوس مادحتها هههههههه
يعني لاني مو بلوقر ماينفع اعطي رايي عن تجربتي مع العلم قليل جدا صار عندهم مصداقيه وتجربه كافيه
انا ماجربت الكريم صراحه
بس عندي سكراب السكر واللوشن ريحتهم من العلبه حلوه
بس لااستخدمته يصدع راسي من قو الريحه
من وقتها حطيت اكس على منتجات سوب اند جلوري
مافكرت اجربه ابد لأن بشرتي جااااافة واستخدم كريمات غير معطرة ويكون ترطيبها عالي مثل كيو في جميييل وبرضوه كريمات بدي شوب الخاصة بالأيدي حلوه
وفعلا تنويهك صحيح بخصوص فرق طريقة الترطيب بعض الكريمات تشكل طبقة عازلة لكن الجلد فعليا جاااااف ومجرد مايمر عليها مويه كأنك ماحطيتي شي عانيت كثير من هالنوعية
فَيه كريمات تَجاريه مَحضه .. من المُكونات واضحه إنها تَجاريه ..
أو فائدتها بسيطه لا تُذكر وَ لا يستحق الواحد إنه يَدفع مبلغ وَ قدره من أجل تعليب فقط
خاصه لو شرائه للمُنتج شبه إسبوعي ..
يعطيج العافيه ارتوس استفدت منج وااااايد زز ف ميزان حسناتج ان شالله
انا الصراحه اهتم فالباكجينق ف لفتني هذا وخذت منه هالكريم و زبده الشيا
البودي ووش والسكرب.
صح نسبت العطر وايد قويه بس حلوه ريحه البودي ووش
اما عن كريم اليد ثالث كريم اشتريه لاحظت تغيرت الريحه بس ماحسيت
بالفرق وايد لان أساسا عندي حساسيه فمب كل مره اشم بنفس القوه
ف ثانكس ع معلومه 3>
حبيبتي , نَورتيني وَ الله يا دَقة قلبي إنتِ ..
الباكنج يَجذب جداً أكيد وَ هو ذكاء بالتَسويق ..
أنا برضو أخذت منه شَغلات ثانيه قيد التَجربه , عاد إن شاء الله تكون حَلوه ..
وَ سلامة قلبك من الحساسية , طيب شنو أول كريم وَ ثاني كريم ..
تحمست أعرف شنو هالكريمات إللي ريحتها تتغير وَياك
فديت روحج ❤️
قصدت ثالث مره اشتري هالكريم
اجمل شي جربته صراحه QV جمييل بششكل بس يبي له مداومه عشان يبين مفعوله اما كريم سوب اند قلوري جربته مره ومافكرت اشتريه مره ثانيه بس شفت اختي ماخذه ابو عرض وخذت منها واحد وحاطته بالمطبخ لمن ابغى ارطب يديني اقرب شي 🙂
ارتوس الله يسسعدك وتزيدينا اكثر واكثر بهالمعلومات ..
الله يجزاك خير ، دايم أفكر أشتريه عشان لونه مغري
شكراً جزيلاً
الحمد لله على سلامتك وأجر وعافية يارب ق1
ههههههه جالسه أقراء بالموضوع فقرة المارشمالو
قريتها فتكرت عندي كيس صفير فيه حبيتن
مارشمالو اول ماقريت افتكرت ها الله يسامحك
جاتني شهوه عليه شفحه مادري ايش اوصفها
ماعاد انو ماحبه احسه بلاستك مثل وصفك للكريم لكن للشفاحه عنوان
كان. شطحت عن الموضوع البراند ذا اكذب لو اقول حبيته اول البدايه شكله يشوق وكذا
بس فيني احيانا عاده وليست دائمه اذا شفت منتج تكرر وهبو فيه ماحبه ولا افكر اجربه واحيانا العكس هذا المنتج من اللي ماحبيت اجربهم
لكثرة شهرته مادري وشذا الطبع لكن. ريحتني واختصر تى عليه التجربه
ههههه يا قددمي للاسف توي اطيح ع مدونتك .. لو تشوفيني منسدحة و مكوعة ع قولتهم و انواع الاندماج والاستمتاع .. المهم بالنسبة لهالكريم هذاه قدامي مرتز
حوووم كبدي جدا جدا جدا عطري .. ابداً ما احسه ع اسمه ( هاند فود ) رغم اني اشوف كثير من الاجانب عندهم و كأنه شي اساسي عندهم .. ألف ألف شكر ع هالمدونة الخطيرة .. عاد مدري انتي بتقرين تعليقي او لا
انا صارلي فترة انقطعت عن المدونة فترة اجازتك وانشغلت جد
الحين لما رجعت أچيك البلوق ما شاء الله لقيت مواضيع شكثر تشوق
عاد انا استخدمت هالكريم وما خلصت نصه وقطيته بالدرج فتحمست اقرا الريڤيو مالج عنه قلت يا رب ما تمدحه ?
“فيه طبقه عازله تحسينها براحة يدك , شعور سليكوني”هالجملة + ريحته العطرية اللي مادري شلون قايلة اختصرت كل شي
على الرغم من ان تعليب الشركة يشجع على الشراء بس عقب ماستخدمت هالمنتج حطيت اكس عالشركة كلها احس منتجاتها ماتضر ولاتنفع