صَباح / مَساء التَجدُد
مَوضوعنا اليَوم يمكن يُثير حفيظة البعض وَ كثير يجي ببالي أطرح مَواضيع مِن هَالنوع لكن مرات أقول : وَش لي بوجع الراس !!
عُموماً أتمنى إللي يَقرأ كلامي ما ياخذه بِمنحى شَخصي هُو مُجرد رأي مَطروح للنقاش وَ الكل له الحق يَطرح رأيه
بدون ما يستسخف وَجهة نظر الآخرين وَ توجهاتهم
من شهرين تقريباً أحد المُتابعات طرحت علي سؤال بالأنستقرام
تقول بما معناه : ليه دائماً أحس فيه حِقد من إللي يشترون مَاركات فاخرة أصليه إتجاه إللي يَشترون تَقليد طبق الأصل ؟
[ البنت حَددت فِئة البَنات الحَاقدات بس مَاحبيت أذكرها عشان ما أزعل أحد ]
طبعاً وَ سألتني عن رأيي بالموضوع وَ رأيي عَن شُنط التقليد ، مع إني رديت عليها رَد مُطول لكن حسيت إني مَاوصلت الفكرة لها كما يجب ، وَ من وقتها قلت هالسؤال يستحق ينطرح بتدونية ..
أيضاً فيه حساب جميل أتبعه بالآنستقرام يعرض مُشتريات المُتابعين مِن الماركات الفاخرة وَ يعرض الأسعار
مرات أحب أقرأ التعليقات ، لأنها جَد عجيبة وَ بنفس الوَقت تضحكني
بأحد المرات صَاحبة الحِساب عَرضت شُنط فاخرة قطرية و شكل الشنط مايَقل جودة عن باقي الماركات العَالمية الفاخرة
وَ أشوف هُجوم أرض جَو على الماركة وَ تعليقات من هالنوع : وش على بالهم حنا دلوخ يجيبون شي أبو طقة وَ يبوعونه لنا
وَ إللي يَقول عُمر الماركة يومين وَ قاعدين يتفلسفون علينا وَ رافعين الأسعار !!
هِنا عَرفت إن أغلب البَنات يحسبون إن الماركة لازم يكون عُمرها ألف وَ خشبة عشان تكون راقية
الصَورة بالأسَفل عرضتها بالأنستا وَ كتبت الآتي :
[ هالشوزين نفس الديزاين ، أعتبره مُوديل كلاسيكي
رغم إختلاف الخامة وَ البراند
سبق وَ نزلت المُوديلين قبل يعني إثنينهم قَديمين
بس فيه خطأ مَقصود بالصورة .. ما أدري إذا لاحظتوه ….. ؟ ]
طبعاً كَنت مَستمتعه جداً بالرَدود ، لأن مافي إلا ٣ عرفوآ الخَطأ وَين وَ هم إللي إمتلكوا الشَوز الأحمر
وَ البقية خَمنوا تَخمينات خفيفة دَم من ضَمنها إن راعي هالشَوزات يملك ٣ أرجل لووووول ، وَ فيه بنات عَرفوا وَ إلتزموا الصَمت
الجواب بيكون أسَفل التَدوينة
غسيل الدماغ ،’
مِن طرق غَسل الدماغ إللي تَتبعه بعض المجلات العناوين إللي تحمل ( must have)
وَ ترصلك في مقال عشر طعش براند ماكياج وَ شوز وَ شنطة هاي إند
طبعاً غَسل الدماغ مُو بِبلاش مَدفوع من قبل هالماركات
أيضاً مِن الأمور إللي أستغرب إن البنات يطلبونها مِني هي مواضيع مثل : ( What is in my bag ؟ )
ما وَدي أصدمكم لكن ٩٠٪ من هالمواضيع هُو إعلان مَدفوع من قبل الشركات وَ طرح بهالشكل وَ الضعوف المساكين مَصدقين إن هَالنوع مَن المَواضيع هو موضوع يُطرح للفائدة
عاد الـ ١٠٪ مع الخيل يا شقرا مايدرون عن السالفة أو متابعينهم طلبوا منهم ههههههه
[ المَقصود بها الأجانب مَاوصل الإعلان عندنا لهالمُستوى من الإحترافية وَ الإهتمام رُبما بالكَويت أفضل الحَال ]
الفَكرة من الشنطة إلى المُستحضرات إللي داخلها هي إعلان وَ ترويج للمنتجات لا أكثر وَ لا أقل
وَ على فكرة هالأسلوب مَشهور في الاعلان من أيام المَجلات وَ البرامج التلفزيونية يعني من قبل اليوتيوب ، يستضيفون فنانه وَ يسألونها وَش المُنتج إللي ماتستغنين عنه بشنطتك ؟! وَ دائماً الفَنانه تذكر ماركة لها وَ للمجلة نصيب الأسد مِن أرباح الترويج
أنجلينا جَولي بَوسط حفل الأوسكار نَزلت قلوس من شَنطتها مَدري رُوج وَ عأساس تَعدل ، وَ كثير مَنكم يَمكن حضرها لآيف
هالحركة مَهب حركة عَبثية أيضاً إعلان ، وَ أشهر سِلفي على وَجه الأرض إللي أشترك فيها ألين وَ برادلي كوبر وَ براد بيت وَ جوليا روبرتس وَ جنيفر لورآنس كانت مُجرد إعلان لشركة سامسونج ، بالرُغم أغلبنا يعرف إن كاميرا سامسونج بالسَلفي ما تَضاهي كاميرا الآيفون ، لكن كانت ضَربة قَوية لكل شركات الهَواتف المحمولة
[ بَس الغشيم بَيقول حتى الفنانين يستخدمون سامسونج ]
أبيكم تركزون بأغلب المَواضيع إللي طرحت من هالنوع راح تلقونه الفترة الأخيره نصيب الأسد لشِنط سيلين وَ جيفنشي، بإختصار لأنهم دافعين فقط وَ بتلقون اللي داخل الشنطة هو المٌنتجات المُتداول ريفيو عنها عند أغلب اليُوتيوبرز
شَوفوا مثلاً مسلسل جَوسيب جيرل Gossip Girl هو بالأساس لَوحة إعلانية وَ لا القصة ما تَحمل الكثير
كل الحلقات بلير شَرت شنطة جديدة أو شوز جديد أو جاكيت جديد وَ تتكبر على صَديقاتها وَ تقولهم شنطتكم شنطة المَوسم الماضي
( يداعبون أحاسيس الناس إنه لازم تصيرون زَي بلير بَلوكها الأميري ) وَ على النقيض صديقتها سيرينا إللي كان لَوكها لوك جامح وَ صاخب ، يعني لو ما عَجبك لوك بلير الأميري ، راح يداعب مَشاعرك لوك سيرينا
وَ المسلسل الأقدم منه سكس آند ذا ستي Sex and the City وَ نفس الشيء قائم عالمَاركات
تنذكر إسم الماركة بالمُسلسل مَليون مَرة ، إللي يَحب الماركات قَد يستمتع بهالمَقاطع جَمعتها لَكم
هنا سارا جسيكا باركر مع شوز مانولو بلانيك
شنطة بيركين من إيرمز هي على إسم الفنانة جين بيركين وَ لها قَصة طبعاً بس مو مَوضوعنا
فشوفوا المَقطع سامانثا تَحوم من فَترة تبيها ، وَ عارفة سعرها لكن إللي صَدمها إنها بتضطر تنتظر ٥ سَنوات عشان تحصل على شَنطة بيركن
أنا إللي ضَحكني يوم يقولها ترى سعرها ٤ آلاف دولار هي تَقول آآآي نَو ( يَعني آعرف ) ههههههههه أعرف شَعورها بالضبط
لكن المُضحك لما يقولها إن فترة الإنتظار ٥ سَنوات ، هي قالت : عَشان شَنطة !! ( مَتعجبة )
شَوفوا النظرة إللي بَعيونه وَ الذكاء وَ التسويق ، قالها : هي مُش شنطه هذي بيركن .. ههههه يحسسها إنها بَتملك العالم من وَراها
كل هالأمُور تُداعب قُلوب العَذارى
الشنطة إستثمار ~
مرة وَحدة سألتني أرتوس رشحيلي شنطة تكون إستثمار ؟
جوابي لها كان مُحبط قلت لها الإستثمار إللي كانوا يسوونه جَداتنا ، إشتري ذَهب عيار ٢٤ بدون فصوص رشرش ههههههه هذا هو إستثمار الحَريم العربيات على مَر العصور
طبعاً هالشيء مَايمنع إنه في شُنط سَعرها ثابت بالسوق وَ موديلها كلاسيكي ما راح يموت بفترة قصيرة ، غير بعض البضائع إللي يَشترونها البعض وَ يعرضونها بمزاد وَ يبيعونها بأكثر من قيمة الشراء ، غَير إنه مُمكن تكون مَعك شنطه لها ٢٠ سَنة وَ تبيعينها كقيمة تاريخية فيه ناس يَحبون إقتناء القَديم ، أو مُوديلات نادرة صَدرت أو ألوان كانت حَصرية بَوقت مآ ، بس غالباً هالمُوديلات تَكون بالأصل نادرة
وَ غالباً إللي يسألون يبون شَنطة إستثمار هُم قصدهم إنهم يقدرون يلبسونها ٣ سَنوات أو ٤ سَنوات وَ ماتموت وَ لا تروح مُوضتها وَ تليق مع كثير شَغلات ،وَ بنفس الوَقت يقدرون يلقونها بَسعر جَيد
هَل تَستحق المَاركات الفاخرة هذا السعر ؟
مِما لا شك فيه إن الماركات الفاخرة تتميز بجودة عالية جداً وَ مواصفات خاصه تتفرد بها الماركة
على سبيل المثال : تكون مَصنوعة بطرق تقليدية يدوية وَ بعناية فائقه ٫ وَ من أجود أنواع الخامات ….. إلخ من المواصفات أو التاريخ العريق
عَشان الماركة تقنعك بشراء المنتج المعروض لابد تقدملك ميزة فريدة وَ تستحق المبلغ المَدفوع وَ على رأس هالشيء الجودة ..
لكن خلونا نصوغ السؤال بطريقة أفضل ..
– هل السِعر المَدفوع في الماركات هو السَعر الحَقيقي للسلعة ؟
عشان أجاوبكم على هالسؤال في أحد الدراسات سألوا مَجموعة مِن الناس عن مُقتنياتهم المادية
في الفترة إللي جاوبوا المَجموعة عن مقتنيات باهظة الثَمن من ساعات أو سيارات أو شنط تغيرت نبرتهم وَ قالوها بنبرة فيها فخر وَ إعتزاز وَ ثقة
شفتوا هالنبرة بَصوت هالناس المسؤول عَنها هُو الإعلام إللي عَزز هالفكرة وَ اللي الشركات قاعدة تدفعه للصوره هذي من قيمة البضاعة إللي حِنا نشتريها
يعني سِياسة الماركات من هالنوع دائماً ترتبط بعقود مَع الفَنانين على مَدار عام أو أكثر
مثل ماشفنا آنجلينا جُولي ماتلبس غير لويس فويتون بسنة من السنوات وَريانا بالفترة الأخيرة
غير الهدايا إللي يقدمونها المَاركات للمشاهير سواء مِن الأُمراء أو الفنانين أو الإعلاميين وَ بالفترة الأخيرة مَشاهير شبكات التَواصل الإجتماعي
ولو تلاحظون الصيغة الإعلانيه دائماً تحمل نفس الإيمج [ رجل ناجح يلبس ساعه روليكس ] دائماً يعززون فكرة أنا نَاجح أنا أستحق الأفضل
يعني أحد سباب شرائنا لهالماركات تعطينا إحساس إنا ننتمي لهالصورة أو الفئة الناجحة وَ الثرية
الماركات دائماً تدرس الأسعار بحيث تكون أسعار معقولة للشراء وَ بنفس الوقت أسعار لنخبة النخبة ..
فراح تلقون بضاعة من عدة مجموعات ، صحيح إن كِلها غالية بالنسبة لشخص دخله عادي ، بس فيه مجموعة ممكن الفئة المتوسطة يشترونها بعد زمن من التحويش وَ فيه مجموعة للأثرياء ، وَ مجموعة لأحلام وَ بس هههههه
فسر الماركه بالتوازن بعرض السعر ، بحيث الماركة تحافظ على الحصرية وَ صورتها الفريدة وَ تقدم الفريد جداً لفاحشين الثراء وَ عشاق التميز اللي مايحبون شبيه لهم
فعشان الحصرية إنت قَاعد تدفع فلوس أكثر لأنها لو كانت بِمُتناول الجميع راح تنتفي هالخاصية
فهل يعقل سَيدة المَنزل تلبس مثل خادمتها ، وَ السيد يلبس نفس ساعة السائق !!
[ مَن هُنا نشأت الفَكرة وَ ليس مَني ، هذا كلام يتردد بالأوساط الفاشونية وَ ذكرها ليس إحتقاراً بالطَبقة العاملة ]
الماركة ماتبيعلك مُنتج فقط إنما تقدملك تَجربه شرائيه مُميزة
تعاملك كَشخص مُهم وَ إنسان له ثَقله بأغلب الماركات تلقين شخص يفتحلك الباب ، وَ شخص يركع عشان يلبسك الشوز
وَ راح تلقين وَرد فريش على الطاولة وَ البائعين لابسين أحلى حله وَ غالباً يتمتعون بجمال أو وسامه
وَ أشخاص بَمُنتهى اللباقة ، المَعارض جميلة وَ ممكن يقدمونلك سناك أثناء الشراء أو قَهوة أو شاي وَ لو حَبيتي عَصير مافي أي مَانع
حتى الصَناديق إللي تنحط فيها البضاعة مَصنوعة بشكل جيد
يعني كل شي على أكمل وجه ، وَ كل شيء تشوفينه مِن الوردة لبدلة البائع مَحسوب من قيمة المُنتج إللي بتشترينه
الماركات أكبر كذبه تسويقية ~
وزير التجارة الفرنسي كتب مَقالة عنوانها :
”الماركات“ : هي أكبر كذبة تسويقية
صنعها الأذكياء لسرقة الأثرياء ، فصدقها الفقراء !
شَخصياً ما أطلعت عالمَقالة وَ لا أدري وَش مُحتواها لكن العَنوان كان كَفيل إنه يَحدث ضَجة
خاصة إنه كثير من الماركات الباهظة هي صَناعة فَرنسية ، إللي إطلعت عالمَقالة تَقولنا ماذا كان فَحوآها
لكن كثير فَرحوا طبعاً وَ صاروا يَرددونها ، حسوآ كأنه نياااااهااااهااا .. ترى الماركة كَذبه وَ كأن أحد وَقف بَصفهم
ليش الماركات يتزايد سعرها سنوياً ؟!
إللي مُهتم بالماركات بيلاحظ إن سعر الماركات إزاداد بَوتيرة أسرع من عام ٢٠٠٢ م إلى ٢٠١٢ م بمعدل ١٢٪ في السنة
العامل الأساسي في إرتفاع الأسعار غير إرتفاع أسعار المواد الخام وَ اليد العامله ، وَ أمور تتعلق بهوامش الربح وَ العُملات
العامل الأهم هو التَفرد وَ الحصريه
لما تكون هالبضاعه أغلى تكون مُميزه أكثر وَ حصريه لفئة مُعينة بالتالي تكون جَذابه للأثرياء
لأنه من المَنطقي أن الثري راح يزيد ثرائه السَنة الجايه المَليون تَجيب مَليونين وَ المليونين تَجيب آربع مَلايين
أيضاً عدد الأثرياء في تزايد مستمر ، لذلك راح يكون كثير ناس بمقدورهم يشترون هالشغلات وَ السعر مُش مُفترض يكون متاح للجميع
وَ هالشيء واجهته ماركة بيربري بعام ٢٠١٣ م كانت أسعارها بمتناول الكثير لدرجة فقدت الحصرية فَضطرت ترفع أسعارها عَشان تحافظ على مستواها اللي يليق بمُحبي التفرد
وَ إللي بيتابع سُوق الأسهم العالمية راح يشوف شلون بيربري إستعادت مَكانتها ، وَ شَلون ماركات مثل لوي فويتون وَ كارتييه وَ جويارد وَ آيرمز محافظين على ثباتهم بَسوق الأسهم
طبعاً لما نَتكلم عن الماركات البنات يتحاذفون بالحَصى فيما بينهم كل وَحده تطبل لماركة الشَنطة إللي مَعها
بينما المَوضوع أكبر بكثير من مُجرد شَنطتي هي المَوضة وَ إللي مَعي هُو الأحلى وَ غيرها من حركات البَنات
جَواب السؤال ~
الشَوز عاليمين من كريستيان لوبوتان لعام ٢٠١٣ م أو ٢٠١٤م بخريف أحد السَنوات مو متذكرة كَم وَ لبسته ٣ مَرات فقط
الشوز عاليسار من ألدو تم الشَراء بعام ٢٠٠٨ مَ وَ لبسته تقريباً أكثر من ٣٥ مَرة ، بالرُغم ما أحب اللون الأحمر وَ إللي يَتابعني بَشمواه
سَبق وَ صورته بأحد اللَوكات لَكن أنا بَطبيعتي أحب مُقتنياتي وَ ما أحب ألبس بَوساخه أو عَدم تنظيم لأغراضي مُجرد ما أرجع أنظف كل مَلابسي بَوقتها كان ألدو بضاعته أجود بكثير من الآن ، تَعمدت أختار مَوديلين قراب مَن بَعض نفس القَصة وَ نوعاً ما كلاسيك القصة
وَ تعمدت كمان أثناء التَصوير إنه أحط الدَست باق لوي فويتون للتَشتيت
محداً راح يَقلع شَوزك أو يفسخك ملابسك بَمكان عام وَ يقولك نَشوف اللوغو أو التاغ !! ..
هالشَوز ترى للآن ألبسه وَ أحبه وَ بالرُغم عدد شَوزاتي بالهَبل مو مَضطرة إني أكرره ، إللي أبي أوصله إنه إحنا أحرار بالشَراء من أي ماركة
سَواء غالية أو رَخيصة ، أهم شيء أنا مَرتاحة وَ الشَوز يَخدم اللوك ، وَ لا مَن حق أحد يَقلل من شأني ، وَ لا مَضطرة أرهق مَيزانيتي عَشان أرضي الناس
وَ بنفس الوَقت ما أحتاج شَوز أو شنطة أو ساعة عَشان تحسسني إني إنسانه مُهمة ، وَ الأهم الأهم الإحترام إللي مَفروض يَكون قائم بَعلاقاتنا بَين البَشر
أنا أشتري ماركة فاخرة مُو من المُفترض أحتقر الأقل وَ بنفس الوَقت كون أحد يَشتري من ماركة عادية ماله حَق يعيش طول حياته بُمقارنات وَ تسفيه للي يَشتري ماركة فاخرة
آخرتها بَيصير فيهم زَي بعض الناس إللي تَطنزوآ بلي يلبسون ماركات وَ آخرتها صاروا يلبسون تماسيح وَ يقولون : كيفي كيفي ..
إن شاء الله وَصلت الفَكرة
– بَخصوص إنه لَيش أعرف كل هالكَلام وَ مازلت أشتري من المَاركات الفَاخرة ؟
لأن برستيجك الإجتماعي يَحتم عليك سَاعات تلبس أمور من هالنَوع
بالإضافة لأني أقَدر ، لو ما أقَدر ما بَضغط على نَفسي ، وَ أهم شيء لأني أحب بَعض المُوديلات وَ أحب الرَفاهية المُقدمة ، يَهمني أروح مَحل مَرتب ، يَهمني أشَوف وَجيه تفتح النَفس ، أحب هالتَدليع وَ الحَفاوة ، وَ عندي إستعداد إني أدَفع على هالشَغلات إللي بَنظر البَعض تافهة ،بَس أنا أسَتمتع بالشَوبينق ، وَ لا أعتبره شيء عادي يَمر مُرور الكرام ..
وَ أخيراً أحب التَميز ، الماركات الفاخرة تأمن لي التَميز وَ رغم وَجود التَقليد ، وَ فيه ماركات أوروبية مَغمورة مُش مَشهورة وَ رخيصة وَ بسعر زارا وَ أرخص أشتري مَنها لأن مُحيطي ما يَلبس مَنها ، إذا بتتبع الفاشن ما راح تأمن لك البراندات الفاخرة كل شيء
هالمَوضوع عَقبه وَ عقب إنطباعاتكم ، راح يَخليني أقرر أطرح مُشترياتي أو لأ
هوبا
صباح الحماس
هالتدوينه طلعنا قرونك بهبالنا بالانستا هههههه
الموضه الماركه الاسعار الغاليه الفشخره هالاشياء طلعت لنا ناس مهايطه درجة اولى والسناب يحكي ويوضح الناس صارت تهتم بالمظهر وانه واو غالي
وماركه والجوهر يشكي حاله بمعنى صار كل واحد بيكون هو الواو وعلى حساب نفسه وعائلته واهله صار الواحد مايقتنع بالي معه وبالمقابل مجموعه شغاله نقد واعتراض وهياط ع الانسان الي ربي منعم عليه ومدلل نفسه وجوهره ثمين
انا مع ( وَأَمَّا بِنِعْمَةِ رَبِّكَ فَحَدِّثْ ) و (وَلا تَنْسَ نَصِيبَكَ مِنَ الدُّنْيَا)
انتِ انسانه ربي انعم عليك وبتعبك ورزقك تقدر تشتري ماركه وتدلعي نفسك فيها ويكون مظهرك لي دائم كامل والكامل الله ليش اجي انتقدك واطلع كم كلمه عليك
بالعكس احب اشوف كل واحد ومقدار النعمه عليه ولو شريتي ماركه وتميزتي انا ايش يضرني ايش ينقصني اذا ماحبيت مظهرك وحبيت اهتمامك بادق التفاصيل
وبالمقابل مااحب الشخص الي يبخل ع نفسه واهله مع ان ربي منعم عليه تلاقي عياله مبهذلين وهو حالته حاله بحجه عدم التبذير ونبعد عن الفشخره
فصدقها الفقراء
صدق من كتبها اذكر لك موقف بسيط بنات مصرين ع ابوهم الا ساعه من ماركه معينه رغم انهم عارفين ميزانية ابوهم ماتسمح لكن حطوه في موقف محرج مع قريبتهم واضطر يدفع ويجمع منا ومناك يكمل المبلغ ويشتري وكله عشان الناس تقول انهم لابسين ماركه ومايكونون اقل من غيرهم
الاناقه والذوق عمرها ماكانت بالماركات بامكان الوحده تكون بكامل اناقتها من الاسواق العاديه شوي ذوق مع شوي اهتمام و ثقه بالنفس وتكمل اناقتها
احس حكيت كثير باختصار ماامانع الماركات ولا انتقد الماركات المقلده واستمتع بذوق كل وحده ذوق وامشي ع مقوله ع قد لحافك مد رجولك
وانتِ يعجبني جمالك واهتمام وذوقك وكلش يخصك
كلام سليم وعاقل وكبير… هذا الي ودي يوصل لكل وحده بالذات الي ميزانيتها ماتسمح ليش ترهق اهلها اما الي ربي منعم عليها فلوسها وهي حره
اولي
ههههه مكاني
لو قعدتي لين ست المغرب مابلومك دام هالكلام كله طلع منك وربي هالموضوع ببالي ودائما احزن عاللي مشقين عمارهم عشان يجاروون الناس.. مد رجولك على قد الحافك ….
بالفعل كل شيء يقدم برفاهيه يكون له ضريبه من ملابس وشوزات وشنط الى مقاعد بالطيارة وفنادق وسفر … انا مع ان ان الانسان يعيش حياته من وسع ولايضيق على عمره ولا على اللي متحمل مصاريفه من اب، ام ، اخ، زوج، المفروض نراعي ظروف تعبهم وحصولهم على لقمة العيش وعلى تأمين اولويات حياتهم ومستقبله … ومع ان اكون انيقه ومرتبه ولا ابخل على نفسي كلها حسبه احسبيها صح واشتري لنفسك راحة البال … دائما اقول الابتعاد عن المقارنه والنظر لعيش الغير بحد ذاته اتزان، ومعرفه متطلباتي بالحياة واعرف مواطن سعادتي… وبرائي
المتعه غير السعاده مرة سمعتها من وحده والله ناسيه من بس قالت المتعه بالشراء ممكن تحصل لكن السعاده ماتحصل لابشراء ولا بغيره السعاده انت تجلبينها لنفسك الموضوع مش ماده ابدن مثل مايمكن تكونين من اللي يوقفون ع الاطلال وبنات الدراما كوين ممكن تكونين انسانه ايجابيه تفائليه تقدرين النعم بذيك الساعه لو هي بيجامه راح تسعدك …
صدقتي جداتنا استثمرو بالذهب ولو ان جدتي كانت عندها شنطة الفيرو مارتيني😅 … <<<< بسأل خوالي وين راحت ههههههه
انا من من جيل الجدات احب المجوهرات والساعات وبرائي هم اولى بالفلوس ومايمنع اشتري شوز او شنطه بسعر معين لان لي حد اوقف عنده ووممكن لاوقات معينه اشتريها …اقدر البراندات الهاي اند وتخطف لي الانظار وبالمقابل يخطف لي النظر كل انيق ونظيف ومرتب وع الموضه الا يبهرني بعد اللي يطلع قمه وهو ماكلف ذيك التكلفه وينرفزني المخنبق اللي كل غالي جابه والبسه وكأنه انا صاحب الاوبهه انا محدن قدي هذي سطحيه واحط عليها اكس ولايعجبني الذوق ابدن لان بالاساس مافي ذوق في تجميع قطع ونهم بالشراء …
كلامي كثير لاينتهي بس وصلت لك نظرتي ان شا الله 💜💜
والكلام قدام كلامك يضيع 💜💜💜
حجز مقعد الاول قبل البنات ههههه
اتمنى أكون أول رد للمرة الاولى ,,
تسجيل دخول
صبح صبح .. تاخرت بالرد لانو كنت ابي ارد على رواقه 😎.. ياللهول ياللهول حتى الافلام مش سلمت من الاعلانات 😩..بالنسبة للموضوع من بعد الانستا طلعت فئة المههياطييين بزياده زي بعض الناس اللي يقولون ( كيفي كيفي ) حبيت نقدك عليها 😂😂…. (مد رجلك على قد لحافك ) اشتر اللي انت تقدر عليه يروح يشتري شي مش يقدر علي كله عشان يرضي الفلورز هذي النوعية كاثره الفتره … انا اتابع الحساب اللي قلتي عنه نزلت بوست عن ساعة سعرها مرتفع عاد ما يحتاج اقولك عن الكومنتات اللي يقول م تستاهل سعرها مش حلوه (الناس اذواق ) واللي تركوا الساعه وقعدو يعبييون يدها (مهذا) ): .. موضوع الشنطة انا مش متخليه اخذ شنطة واكرفها لسنييين و قدام انا انسانه اممل بكثره احب اغير واجدد بين فتره و فتره عاد وشلون ذي الشنطة بكل مناسبه وحفظو براند الماركه من كثر ما ارزها😿.. الانسان بطبيعته طمعان انا بنفسي لو حبيت شنطة من الماركه الفلانية وسعرها غالي واقدر عليها اشتريتها اهم ي م اخليها بخاطري واتحسف 🌚..
رغم مش من محبيين الذهب الا هو الاستثمار الصح ..
خلاصة ردي : كل واحد حر بفلوسه يشتري اللي يقدر عليه حتى لو بالمليار ذا شي راجع له وحر فيه يعني لو اشترا الساعه الفلانيه او الشنط الفلانيه بملبغ غالي بيضرنا ؟ اكيد لا الاناقة مش محصوره عند الماركة والذوق كمان زي م قالت توتا 💜اهم شي القناعة … مشترياتك لو عرضتيها بالعكس راح نبسط انو شاركتينا جزء من اناقتك 😍💗.
🚶🏻😎
جيييييت
تصدقين لو اقولك ان اغلب مواضيعك تصادف اني قاعده أفكر بنفس الموضوع .. زي موضوع اليوم صادف على موقف صار لي من يومين ولليوم أفكر فيه ….. كنت بالسوق ومريت على محل يبيع شنط تقليد ماركات على كلام البائع انها درجة أولى .. قاعد يوريني شكلها من برا ومن الداخل وجودتها وأنها كيف طبق الأصل ” فعلاً الشنطه شكلها مرتب ومبين من خامتها وخياطتها وادق تفاصيلها انها طبق الأصل وتخدددددم” .. طلعت وانا أقول اوكي حلوه وأعجبتني بس لااااا والف لاااااا المسالة مبدأ (اذا ما أخذت الأصلي وش لي بالتقليد !!) مارح اموت اذا ما اخذتها .. ومارح اشجع الغش والتقليد اشتري من اماكن عاديه حسب ميزانيتي وخلصنا .. وانه شي أساساً ممنوع ووو بلا بلا بلا ….. بعدين قلت بصراحة عجبتني كٓ جوده واتقان مو لانها نفس شكل الماركة لا أصلاً ماني من المتعصبين للماركات وأفكر ارجع اشتريها لجودتها فقط يارب عرفت أوصل هالفكرة المعقدة 🙂 … وليه انا ماهتم للماركات أولاً : يهمني الجوده و التصميم قبل الاسم وهالشي متوفر في ماركات أرخص ..ثانياً: مارح أحط مبلغ في شنطه قيمتها تساوي قيمة سياره او سفره استمتع فيها واكتشف اشياء جديده تفيدني فتحياتي اكثر من شنطه ولا ساعه او أحط قمتها في حساب بالبنك من باب خلي قرشك الأبيض ليومك الاسود ولاني أُم أفكر بالايام السوداء. كثير 🙁 .. ثالثاً: المجتمع الي حولي مايميز الماركات ويمكن مايعرفون اسماء أشهرها !! ومو معقول بشيلها وأقول تراها من المكان والسعر الفلاني ويمكن يكون احسن انهم ما يميزوون هههههه اما لو كنت موظفه في بنك مثلاً رح اشتري جزمة وشنطة وساعه ماركة اكيد لأن هالوظيفه الشكل فيها مهم وهكذا .. انتي ي ارتوس ي حبيبتي تشترين من هالماركات لأن مجتمعك وطبيعة عملك يمكن يميز الأصلي من التقليد والرخيص من الغالي ف مجبوره تماشينهم .. وتلمكين سعرها ليش ماتشتريها !! والأهم انك انتي حابتها فهي حلال عليك 🙂 وبالنسبه لطرحك مواضيع لمشترياتك ف انا متحمسه كثير لها لان يهمني اشوف حبيبت قلبي ايش تلبس وكيف تلبس وكيف اختياراتها وتنسيقاتها …
صباح الجمال والدلع .. أجل طلع تخميني غلط
ماشاءالله من ٢٠٠٨ و شكله جديد يلق ألدو يعجبني لأن تكون أحيانا طويله وطولها شيك لاني ماحب الكعب يكون قصير مدري ليه
تجيني حكه اذا كان متوسط ممكن أخليه للمطار هههههه ، مابعمري شريت تقليد بس أكره اللي يهديني تقليد جد عندي يهديني كيكه وبس وانتهى
المهم والله إني تعبانه ومسخنه ومزكمه بس أستنى البوست بالنستا ويطير النوم جد جد تحمسيني والله لأي بوست ولأي موضوع
حبيت الأثنين وطبعاااا طبعاااا ماتحليها إلا رجولك أحم أحم كيفني معك بس والله جد
موضوع زي العسل زيك بس مالونتي كلامك هههههههه
كلامك مليون بالميه صح وللاسف بعد الانستقرام
صرت اشوف هياط مو طبيعي وكل واحد مو مقتنع
بنعمة ربي عليه او يعيش بديون عشان يحاكي حياه
انسان ثري . ما احد ينكر انه يحب يكون ثري بس
الانسان بطبعه طماع مايشبع وكل مامتلك شي يرجع
يشوفه رخيص ويطلب اكثر. حبيت مقارنتك وفعلا
مهمه جداً نقطة اهتمامك باغراضك وتنظيفها بشكل صحيح
واتباع الارشادات فالغسيل . ياااارب كل البنات يقراون موضوعك يمكن ترجع لهم عقولهم ويبطلون هبل
من زمااان ما مريت عليكم هناا .. لاني مضغوطه شوي اكتفي ب بوستاتك ف الانستقرام ولا اجي هنا اقرى بسرعه بسرعه.. فقدت اني استمتع ب كلامك 😩
بالنسبة للماركات احب اتابع جديدها واشوف الناس وش تلبس بس بالاخير اروح اشتري من المحلات المتوازن سعرها زي زارا ومانجو ..
بس لا يمنع من اني اجمع كم فلس ولا اخلي زوجي يهديني بالقوة 😂 شي يستآهل.ولا اذا ابغى اتدلع يكفي ادخل واحد من محلات بربري ولا شانيل وهاتك يا دلع واخر شي ارتب عبايتي واطلع 😂
بس الحين صارت اغلب المحلات تقريبا نفس الشي يعني تلاقي شبيه بكل مكان..
وبالنسبة للتقليد ما احب اخذ منه لان يا اخذ من براند حتى لو مو معروف بس شي حلوو زلا اخذ تقليد وانا مو مقتنعه فيه بطلع كل شوي عيب فيه..
وابد سلااامتك والله كثري لنا من المواضيع الفاشونية.. ❤
موضوع قيم واوافقك بكل كلمه فيه الي يقدر الله يهنيه لكن الي مايقدر في ماركات اسعارها مناسبه ما احب منظر التقليد وبرأيي ليه البس ثوب مو ثوبي القناعه حلوه والاناقه في كل مكان مو شرط ماركه فاخره ويسلمووو استمتعت وانا اعلق ❤
يسعد صباح الزييين
بالنسبه لي مايهمني اشتري من ماركه غاليه
او رخيصه اهم شي يعتمد ع الذوق ويخدم
نفس مآقلتي فيه ناس يحبون يشترون
ماركه وغاليه ولوو نشوفهاا نشوفهاا عاديه
مره ماتستحق هالسعر بس برضوو
كل واحد وحر فيه ناس يهمهم الماركه والسعر
وفيه ناس لا يهمهم الاختيار والذوق
فيه كثير يتمسخرون انوو احد اشترى
تقليد ولا بسعر رخيص طيب ايش عليك منهاا؟
الواحد لايدخل بغيره يلتفت لنفسه وبس<عصبت
ليت كل الناس مثلك بسم الله عليك
ومثل تفكيرك قريت ردك ع البنت بالانستقرام
اعجبني لاقللتي من الرخيص ولا من الغالي
كلامك منطقي وحبيته
وبالنسبه للشوزات ي زينهم ماشاءالله
حبيت الاحمر بس الاسود دلع دلع ويليق فيك
ويلفتني بالشخص ذووقه واناقته زيك يعني
*قُبله*
يسعد اوقاتك ارتوس ، يعلم الله قد ايش احبك واعزك واحترمك شكراً لكِ على رقيك واخلاقك وجمالك اللي بتنشريه لنا شكراً لكِ على وقتك ومجهودك وعِلمك اللي تقدميه لنا محتاجين مثل هالجمال والرقي ياليت لو كل العالم انتي ياليت لو انتي اختي ولا صاحبتي ادري كلامي زحمه ومو مرتب بس احبك يختي ، عندي سؤالين وان شاء الله ما ازعجك اولاً : شي رأيك ب المره او المُر استخدمه زي التونر لبشره وجهي يقولوا يشد الوجه ويقفل المسامات ويقلل الدهون وناس يقولوا يسبب حفر للبشره :/ ، ثانياً : لما كنت بمرحلة المتوسط والثنوي ماما الله يهديها ماعلمتني على الاهتمام ببشرتي كنت اجلس قدام الشمس بالمدرسه بالساعات بدون واقي وكنت اغسلها بصابون وارطبها بزيت زيتون متخيله !! طبعا زيت الزيتون ترك آثار حبوب صغار مره وخفيفه مايله للبني والشمس تركت تصبغات على بشرتي ): بس خفيفه الحمدلله ، حاليا عمري ٢٣ بشرتي مختلطه وصافيه تقريباً بس متعقده من عدم توحد اللون نصحوني بكريم Rexsol USA vitamin s+ retinol اذا عندك اي فكره عن هالكريم او تنصحيني بشي مناسب لحالتي اثق فيكِ كثيير
درر و الله درر عندي اختبار اليوم اول ما اخلصه برجع ارد .. انا سعيدة به الموضوع به الصباح جميل و جدا مهم صنعتي لي صباحي .. الله يحفظك
جممممال ذوقك فتننننه 😍 وتتهني فيهم ياقلبي 💜💜
تدوينه ودي اطبعهاا وادرسها منهج للبنات ، لان الوضع بين بعض البنات بجدد صايرر مسخررره ، احس فقدوو معاني الحياه وصارت بس معني واحد لهم الهياط ! . . بنسبه لياا اشوف الموضوع زي ماقلتي حسب المجتمع والمحيط للشخص يعني بنت رجل ثري ولها مكانتها المرموقه في المجتمع افضل تلبس ماركه فاخره تناسب وضعهاا الاجتماعي ، المشكله تنحل لو الكل كانت اخلاقه كويسه ويحب الخيرر لكل الناس ويحترم الجميع حتي لو كانو مختلفين عنه ، يعني الي معاها وتلبس ماركه بلاش تستحقر الي ياخذوو التقليد او الماركات العاديه وتتنرفز ليش فيه تقليدد خلاص يستي انتي لابسه الاصلي ايش لك في الناس خليهم براحتهم الناس تعرف تميزز الاصلي والتقليد ماله داعي الردود الهمجيه الي مليان الانستقرام منهاا ( اف كرهوني بشنطتي من كثر ماقلدوها ) ذا الرد شبعت من شوفته 😫 يستي اذا اخذتي شنطتك علي ذوقك وبكل حب مالك ومال الناس ، والصنف الثاني الي بكل صوره ماركه حلطمه وكميه قلوب مليانه سوااد ليش ! لانها ماتقدر تاخذ ماركه !! مراا استغررب منهم معقوله لذي الدرجه يتمنو تزول النعمه عن الغير !! ليش الحسد والحقد ياستي الله يهني كل قادرر والقناعه حلووه والي يبغاا يلبس علي الموضه يلاقي طلبه بزار والدوو ووو … الخ من الماركات العاديه وخامه كويسه وموديلات كل سنه علي الموضه وتعيشي مرتاحه بلاش تطاردي لا ماركات غاليه ولاتقليدد يكون فيه عيب ريحي نفسك وكوني اكيده انه بتكوني علي الموضه ، وقيمه الانسان ماتثبتها ماركه غاليه او رخيصه ، وحبيت الموضوع ونستنا مواضيع فاشن اكثرر منك ياست البنات 🌸
خلصت قراية وباقي فيني حماس وتحسفت اني خلصت ماشاءالله عليك استمتعت بكل حرف كتبتيه … مع مواقع التواصل زاد هوس الناس بالماركات لدرجة بعض البنات تضتغط على نفسها عشان تشتري من الماركة الفلانية عمر المقتنيات مارفعت من مكانة الشخص للأسف اغلب المجتمعات اللحين اعتقادهم ان وش البس من ماركة يدل على من اكون ! بنت عمتي صديقاتها يحتقرن اي احد مايلبس شي من ماركة طيب ليش هالاحتقار !! للدرجة ذي صارت الناس ماتفكر بعقلانية ابد ….عندي بالانستقرام اللي تعرض سعر مشتريات المتابعين ومن اي ماركة الحساب جدا جميل مرة كلمت وحدة عنه قالت وش هالناس المهبل تشتري شنطة بمبلغ وقدره واخرتها شنطة ليش ماتتصدق على المحتاجين احسن لها وقتها صار فوق راسي الف علامة تعجب وش دخل ذي ب ذي … الموضوع احسه يبي له اجتماع مباشر مع عقلانيات بس حبيييته وربك بانتظار مابقي في جعبتك
كلامك صحيح الوحده تشري اللي يعجبها سواء غالي والا رخيص اهم شي يكون ذوق واذا عن التقليد ما احب اشتريه اذا ابدفع ابدفع ع الاصلي ووبس 🙈
آرتوس موضوعك جميل ماشاء الله ..
مابكذب وأقول إني من النوع إللي أشتري الماركات الغالية وبرضو مابكذب وأقول إني ما أتمنى أشتري منهم ، بالعكس أنا تعجبني الستايلات الغريبة وخصوصا الشوزات والشنط أعشقهم عشق ودايماً الغريب مو موجود إلا في الماركات تعجبني براندات لوبوتان وزانوتي وشانيل وفندي وغيرها الكثير وأنا بصراحة مهتمة إني أشوف مواضيع الفاشن دايماً من أول كنت أقول مستحيل أشتري منها بس أنا الآن والحمدلله في مرحلة تغيّر جذري في مرحلة دايماً أردد فيها إني أقدر بس لازم أسعى والحمدلله الآن فعلاً بدأت أسعى علشان أحققّ 2 من طموحاتي والباقي أكثر وبس أصير إللي أنا أطمحله راح أعلمك إنتي أول وحدة ..
المهم في الموضوع إني الحمدلله ماعمري حقدت ولا حسدت ولا انتقدت أي إنسانة تشتري من الماركات الشي إللي أتمناه لنفسي أتمناه لغيري وانا عرفت حساب إللي تقصديها لأني من زمان متابعتها وكل ما أشوف وحدة تعلق هالتعليقات أنتقدهم لأني أعتبره حسد منهم وبكرا هما نفسهم تلاقيهم إذا ربي أنعم عليهم بيكونو أول من يشتري من هالماركات ، مو معناته إنو أنا ماعندي وما أقدر يعني أحسد وأحقد ، القناعة كنز لا يفنى هذي قاعدتي في الحياة وإذا ربي رزقني أكيد بشتري وبمتع نفسي ..
بالنسبة لألدو دايماً ستايلاتهم في الشوزات تعجبني أشتريت من عندهم شوز له سنة ونص معايا وأنا أكرف وللآن ماشااء الله ماشي معايا زي الحلاوة ويلمع مو باين عليه الكرف ..
وبس ماحبيت أخرج من غير ما أشارك
وماشااء الله تتهني فيهم جميلين مررره والموضوع أجمل
ويارب تصيري ماتبطلي تنزلي مواضيع زي كذا لأني أعشقها وخصوصاً ذوقك دايماً يعجبني وأميل له 💜💜
ماشاءالله حلو الموضوع والطرح والفكره جميله كعادتك ام السوس يخليك ربي
رشو اشارككك الراي بكلامك حبيت وعين العقل حكيمه خيتو
صباح الخير ،، ورجعت بعد طولة غياب كان اسبوع شاق جداً كل يوم اختبار
بإختصار : رأيي هو نفس اللي كتبتيه بالضبط .. اللي معاه و قادر الله يقويه .. اللي ما معاه و مو قادر لا يشقي نفسه .. الشغله في تصليح العقليات اللي تعتبر الماركه هي اللي ترفع و تنزل مكانتها الاجتماعيه و ليست عقليتها و فكرها و تعليمها و اخلاقها .. ها الانواع اللي يبغالهم ضرب بالجزم .
كل الشكر ✨
قرار حكيم إني تركت كتاب التسويق وجيت أذاكر من تدوينتك هههههههههه
أحب قد إيش كلامك عقلاني ومتوازن ❤
وتلومينا إذا طلبنا هالمواضيع ❤
يعجز الكلام عن الكلام 💕💕كمية جمال بالتدوينه فضيعه😍😍لي رجعه مره ثانيه على اختبار ماقريت التدوينه بس لازم اعلق 😁😁
قليل ألي يدّرك ألعمق الفكري بحديثك ،
بالنسبه لي مستحيل أشتري فوق حدود أمكانآتي ألماديه ،
وماتوقع أني اضعف قدآمها لاني أحسه من بذخ ألعيش ولناس معينه حياتهم غير ومعيشتهم غيرو نظرتهم تختلف للحياه ،
وشعار دائماً “رحم الله أمرئ عرف قدر نفسه “
تحكني يدي ماقدرت اصبر لما اختبر و اخلص .. شيء حلو انه احنا نشوف نموذج مثلك بينا يعني يشتري من الهاي براند لكن ما انساق مع موجة تأثير الإعلام و الإعلانات على طريقة تفكيرنا و سلب عقولنا ..تعرفين تماما ماتريدين و لماذا!!💕. يعني مع الأسف نقدر نقول أنه في ناس كثير انساقوا تجاه الماركات بطريقة يقيمون فيها الناس مو بس يقيمون لا حتى علاقاتهم و صداقاتهم صارت تتأثر بأنتي تلبسين ماركات و لا لا يعني أنا في الجامعة امانة لاحظت و بشكل كبير كبييير انه اي بنت تلبس هاي براند تشوفين لا ما تصادق او تماشي الا بنت تلبس من الهاي براند يعني تشوفين شلل بنات اللي يلبسون من الهاي براند مع بعض ماتشوفين بينهم ابدا وحده يعني اقل منهم ماتلبس ماركات او من هالقبيل البنات اللي يلبسون من ماركات متوسطة مع بعض و اللي مايلبسون ماركات مع بعض .. اكيد مو الكل عشان ما نصير سلبيين بس صار لي ٤ سنين بالجامعه و ملاحظه هالشيء غير كذا جلست مع كم بنت ولما تكلمنا بالموضوع ابدوا انه لا لازم تكون صاحبتي من نفس مستواي ويعني كشخه فهي في الاخير تمثلني!!!اذا نص المجتمع بيفكر بنفس الطريقه فه الشيء يدعوا للحزن و الشيم .. فيه مقوله حلوه يرددها دائما ابوي (لاتعيرين عقلك للآخرين) وتقدرين تشهدين بها في مواقف كثيرة وفي هالموقف انه ما اعير عقلي للإعلام وانساق معهم بحتى يتبنون عقلي بالكامل وافكاري فما عاد يصير لي هوية .. انا مو معارضين للشراء من الهاي براندز ولا المتوسطه اشتري من الاثنين بس على حسب بعد امكانيتي فأنا طالبة واخيرا بعد ماراح اكلف أهلي به الشيء عشان اكشخ او من هالقبيل حتى اكون مستقلة ماديا احب الموضة اتابع اول بأول اتابع لوكات الفنانات تعجبني اشياء واشياء انتقدها ادرك ايضا انه النسياق به التيار بشكل هوسي يخليني اخسر ماهيتي وممكن تظهر علي بوادر السطحية .. يعني بالاخير الواحد مايضغط ع نفسه ليقلد احد او عشان تأثره بالإعلام .. بعد العالم زاد تأثيرهم به الموضوع بعد انستقرام فيه مشاهير بانستقرام ناس كثير معجبين بحياتهم ويصفقون لهم صاروا يعرضون شنطهم جزمهم لما يشترونها فالعالم تروح تطير تشتري مثلهم حتى التاجرات استغلوا هالشيء اللي مثلا يشترون من الماركات بعمولة يعرضون منتج من حساب هالمشاهير شوفوا هذه جزمة فلانه ويلا كلكم قلدوا مثلها سواء كنت مقتدرة به الشيء او لا ..يعني انستقرام اثار وزاد من غريزة الشراء ..
طولت عليك 💖🙈
مره شكرا على هالموووضوع مره رائع وفيه لفتات كثير حلوة سويت لها كابتشر
احلى صباح ..بحكيك لكم عن ذوق وحده اعرفها هي جذابه ماشاء الله وذووق وكانت ساكنه بمحافظه مو مدينه حتى مول ومجمع مافي ولمن اقابلها اشوف لبسها وذوقها وهو ماكلفها شي ويفتح النفس وتركب اكثر من قطعه بطريقه ابتكاريه وبفن اقول ووين اللي يدفعون وبالاخير تنصدمين اذا قامت تلمح ان الشنطه او الفستان بقيمه وقدره وهي ماعرفت لجسمها ولا عرفت تبرز القطعه صح شي يقهر ..واقولك ياتوسه انو في ناس تحي تشوف اللبس من وراء من فين مارككته جد والله اذكر انا وخواتي قبل لانعرس لارحنا استراحات العايله عيونهم على ملابسنا قبل 10 سنوات وماكنا الا من العثيم مول نقضي وينصدموه يقولون تكذبون ماتبون تعلمونا بس لاننا طوال واجسامنا من الله جميله ..فاقولك الناس انواع تحسب قيمتها ومكانتها بقدر ماتدفع طريقه تفكير مجحفه تضغط على نفسها وعلى زوجها على شان تشتري من براند واللي مايلاحظها قالت وش عرفكم بالماركات .انا الحمد لله ربي عطاني قناعه اهم شي لبس يبرز جمال بجسمي وتكامل بالالوان وذوق .ممكن قطعه غاليه عندي مو شرط اكمل عليها من نفس مستوى الماركه مو شرط احيانا من محلات جدا عاديه وغير معروفه .ومن رائي لاتظلمين الكل علشان فكر البعض من ناحيه هجومهم وتفكيرهم اللي يجيب الهم وتحرمينا من مشترياتك ودمتي بحب وهناء وسعاده .
حبيت فكرة التغيير 😌.
والله الموضوع مسلي.
عموماً انا كذا ولا كذا مايهمني اشتري غالي ولارخيص
اهم شي الشكل موب زي احد 🙋🏻.
وطبعاً مستحيل اني اطلع عن امكانياتي يعني البعض
يتسلف عشان الشي ذا يختي اذا ماتقدرين ترى ماهو لازم والله.
حبيت التدوينه
شكراً ارتوس💜.
صباح الخير جميلتي ..
موضوع شيق و جميل .. معك في كل كلمه كتبتيها اللي معاه يشتري و اللي ما معاه ماراح يموت .. و مو الماركه الفلانيه تحدد قيمتي بين الناس .. و انا احس بالنهايه يعتمد على محيطك الاجتماعي فيه ناس ماتهتم بماركة لبسك او شنطتك او او و فيه العكس يهتمون بأدق التفاصيل و في النهايه انا مو ضد الناس اللي تدفع او اهجمهم انو لو استثمرتوه بشي اخر بالنهايه هذي حياتهم و هم احرار ..
من زمان عن تعليق بالمدونه احس كنت فاقده شي بس معليش نعوض بالجاي
احبك يا راقيه ..
جميل والله فكرتك واضحة تماما
وللامانة لفتني نظافة الكعب على وقته ولبسه ، انظف حتى من اللي يجي بالمحل ما شاء الله 👌
• بالنسبة للكعب صراحة كثير ماركات رخيصه رايقه وتفتح النفس ، إذا شفت اللي يعجبني مهما كان اخذته ..
مره بمحل نيولوك وغيره من المحلات تحصلي شوزات ب سعر الميتين ريال مثلا وتشوفي سعره رخيص وعلى قيمته بالضبط ! لكن في محل اسمه “خطوات” حصلت فيه الشوز نفسه سعره بحدود التسعين وبنفس السنه .. 👀
تحسين فلوسك ضايعه على الفاضي .. هذا وهي رخيصه بجودتها اجل الغالية واسمها لحاله له سعر بخلاف الجوده كيف !
ومو مقتنعة تماما بسالفة ان مهما كانت الماركه تستحق سعرها جراء صناعة او عماله ، الوضع فقط استغلال وعلى قولتك للحصريه وما تكون متاحه فقط للجميع لكن الجميع يعتقد انه لازم يقتنيها ! 😉
~ مره بدوله اوربيه عند الماركات الغاليه مترجمين بالعربي واحيان موظفين عرب عشان يخدمونك 😜
حسيت لوهله الوضع شفط فلوس وان الخليجيين بالذات مهووسيين بالاسم ! ولا جمال التصميم كان بكذا ماركه غير ..
اللي لافتني بصراحه الاعلان ومصدر الموضه وكل هالهيصه هذي جايه من برا ولا زال الشخص الاجنبي يعيش ببساطته ياخذ اللي يناسبه ما يدفع فوق طاقته رغم انهم يظهرون اعلاميا عكس بأن الاناقه ومكانتك بهالشكل ، بس شكل مناعتهم قويه 😀
صراحة هالشي ما يمنع اني اقتني شي منهم لو حبيت وقدرت ما راح اصطنع المثالية والعقلانية ، لكن مقتنعة بهالفكرة فقط ..
• وبالنسبه للشنط صراحة الماركة الغالية يبين فيها وتبرز اللوك.. ، احيان اضغط على نفسي شوي واشتري منها لاني بجد تفرق بعيني التصميم وتخدمك اكثر من لبس ما ينكرف ولو بزيادة اصرف النظر..
* بالنهاية ما فيني احكم بميزانيه شخص واللي يشتريه كل نفس وما تهوا ، في ناس تملك مال كثير ولا تشتري هي كذا مرتاحه ولا يهمها ، وناس الوضع المادي متوسط لكن شي نفسي تعشق الجمال وتسعى له سواء بحدود استطاعته او بخلافه ..
والجميل بالتدوينه الواحد يخرج شوي من جنون الماركات ويفتح عيونه لان تلقائيا الواحد ينساق ما ينتبه
طولت بزياده معيلش 😳
وشكرا لك .. 💞
كلامك رااائع..و منصف جدا ..
كل حد المفروض ينام ع الجنب اللي يريحه..طالما ان بيطلع بشكل مرتب ..
البنات اللي يقدرون يشترون ملابس و اشيا غاليه عليهم بالعافيه و مثل ما قلتي كل طبقة لها خصوصيتها يعني ما هم مضطرين يشترون بضاعه عاديه بس عشان ما ينقال عنهم متفشخرين..
و البنات اللي حالتهم متوسطة يقتنعون باللي عندهم و بدون تعليقات حسودة للي يشترون اغلا عنهم ..
الكل يقدر يكون جميل و مرتب بحدود امكانياته..
تدوينة جميلة استمتعت بكل حرف،، وفيه عندي تعقيب على لما تكلمتي عن كل وحدة ومجتمعها ،، بقولك قصتين وكلها حصلت لناس اعرفهم الأولى من طبقة متوسطة (معلمة في قطاع اهلي ) وجمعت راتبها كم شهر عشان تشتري شنطة بمبلغ وقدره لما شرت الشنطة وصارت تكشخ بها قدام اقاربها كلهم يكذبونها ويقولون لها شنطتك تقليد لانهم ماتعودوا على هالمبلغ ينحط بشنطة يد وكل ماجلست بمجلس قامت تحلف لهم انها الأصلية وتنقهر انها اشترت الشنطة بهالمبلغ وفي النهاية يكذبونها ،، (لان كان بنيتها ان اقاربها يعرفون انها شرت الشنطة الفلانية من الماركة الفلانية وفي النهاية كذبوها و لو كانت نيتها الإقتناء كإحساس بالجودة والجمال كان مايهمها كلام الناس انهم قالوا عنها مقلدة لانها بقرارة نفسها مقتنعة انها شارية هالشي لها ولها فقط مو من أجل كلام الناس )الموقف الثاني هو لبنت من طبقة الأثرياء جداً في زواج ولد عمها اشترت تعليقة من اسواق الأندلس ب ٣٠٠ ريال من الأكشاك ولما قالت لها اختها ليش تشترين بهالسعر ومن كشك بعد قالت بالحرف الواحد أنا بنت فلان الفلاني لو اشتري ب ١٠٠ ريال بيحسبونه الناس ب ١٠٠ الف ،، فالمسألة ترجع كمان لمجتمعك ،
احيانا وضعك الاجتماعي يحتم عليك مسايرته (اذا كنت ممن يهتم لردة فعلهم عن مشترياتك )
موضوع رائع ومثري يا جميلة ،
و مقارب لموضوع زمان بمدونتك اللي بشمواه قلتي إنك بتطرحين تدوينة عنه اللي هو (مافيا الأزياء)
أوافقك برأيك إن الماركات لمحبي التميز و ذكرتيني بوحدة قريب بتويتر قالت إنها بتحب عطر ديور أصفهان بس صارت ما تستخدمه كثير لأنه أنتشر بين الناس و أشوف إن البشر طبيعتهم كدا من زمان أي شخص ثري يحب يثبت تفرده عن غيره بقصر محد يقدر يسوي زيه أو أثاث إلخ إلخ…
عن نفسي أضحك على نفسي إن قلت إني قبل كدا لبست ماركة فعلآ إلا بالكثير مرة يمكن و أشوف إن كل واحد يمد رجله على قد لحافه أما بالنسبه للأسعار المهولة بالنسبة لي تعبر رخيصة لغيري و إذا حصلي إني أشتري ماركات بدون ما تتأثر ميزانيتي ليش لأ ؟ مين يجيلو الدلع و ما يتدلع ؟
مش متابعة جيدة للماركات أنا بس بحب أشوف أحيانآ إش منزلين لأستوحي بعض لوكاتي منهم و البشر بطبيعتهم كدا يحبوا يشوفوا إش بيمتلك الأثرياء منهم ويحاول يجاريهم سواء من ملابس إشتروها أو بيوت بنوها أو حتى أسماء عيالهم
☺ تدوينة ممتعة و بصراحه جدآ إستمتعت بقرائتها
تدوينه رائعة …
أنا الحمدلله ماديتي متوسطة وما تسمح لي أشتري من هالماركات الغالية
ما احب اضغط على نفسي وعاللي حولي وما عندي هوس ياربي لك الحمد ولا كنت متحطمة نفسيا ههههه
الاكيد احيانا تعجبني شنطة او لبس أو شوز لكن أصرف النظر عنه بسرعة والحمدلله
بالنسبة للي يستسخفون الناس اللي بتشتري ماركات
اعرف لك بنات دااايم شابين في وحده مشهورة بالانستا دايم تصور وتحط شنطتها ونظاراتها وكذا
ويستهزأون فيها انها حديثة نعمه هههه مرض
وفجأة توظفوا مدرسات وتعالي شوفي شنط الماركات والنظارات والشوز ولازم يطلعونها بالتصوير 😭😂
يعني النوعية هذي ما أدري شلون عايشه
ليش تتكلمين عليها وانتي نفسك تصيرين مثلها
صباح الخير..
حبيت التدوينه اول مرة اقرا عن حد تكلم عن الماركات بمنطقيه واعطى المعلومات كما هي بدون ان يدورها لصالحه…
فعلا دايم اشوف ان سعر الماركه مو عشان المنتج نفسه بل عشان التميز اللي تقدمه..
لات دايم اسمع كلمه.. تراها شنطه !!!!!! استخفاف بالسلعه على سعرها..
وردي اني اقول ..تراهم مايدفعون عشان الشنطه فقط.. الدفع عشان التميز والاسم الفخم والرفاهيه…
ونظرتي الخاصه هي ان امتلك اللي ابغاه بسعر يرضيني.. والتميز اخر شي افكر فيه مادام مقتنياتي عاجبتني حتى لو كانت ابو ريالين وكل الناس عندها مثلها…
على فكرة انا اللي طرحت عليك السؤال.. وحبيت نقاشك واسلوبك..
وحبيت التفصيل هنا اكثر…
يالله من زمان عن تدويناتك اليوم قريت اخر التدوينات انشغلت مرة الفترة الاخيرة ❤️❤️ ..
بالنسبة للموضوع اخيرا انطرح من شخص البنات يثقون فيه ويحبون يسمعون كلامه .. اشوف الماركات صار لها قدر عظييم بعد الانستقرام وشخصيا ما كنت اهتم ابدا بالماركات كنت البس شي يعجبني و بس لكن بعدالضجة اللي صارت وهبال الناس بالماركات جن جناني ابي شنطة ماركة ههههه .. بس مرة قعدت مع امي وتقولي عن قريباتها وماديتهم احسن مننا بكثير بالعربي فاحشين الثراء ويلبسون اطقم اكسسوار تصاميم الماس والناس تحسبها الماس وكل يتكلم بالطقم اللي لبسته يحسبونه ب ٥٠٠ الف وهو ما تعدى ٥٠٠ ريال ونفس الشي بعضهم يلبس رولكس تقليد وشانيل تقليد وغيره من اكسسوار تقليد وقايلنها بعظمة لسانهم انها تقليد ويقولون انا بنت الفلان الفلاني مين بيشك للحظة اني البس تقليد الفلوس بدل احطها بشنطة اسافر وانبسط فيها وروحوا للسراديب فبعض الدول ولا انتظروا لاخر الليل يطلعون اللي يبيعون تقليد ماركات درجة ممتازة واشتريها .. طبعا انا عيوني طلعوا من مكانها من الصدمة مصدومة بشكل فظيع حسيت كل اللي يقدرون يشترون ماركات باريحية تااامة يعني كل يوم يقدرون يشترون شنطة ب ٢٠ الف شنطهم تقليد والناس العادية هم اللي مقطعين اعمارهم يشترون اصلي .. طبعا كلامي موب تعميم اكيد فيه ناس غنية تشتري الاصلي وهم الاغلب بس انا اتكلم عن المجتمع اللي عاشرته .. و اذا بتسالين عن الشنطة شريت شنطة و على قولتك محد جاء واخذها وشاف هي ماركة ولا لان تصميمها موب مشهور هههه ..
بس راح انقل كلام ابوي لي اللي خلاني عقلانية للشراء لانه موب مقتنع بالماركات ابدا طبعا كل الرجال يشوفنها كذا ما يدرون انها شي مقدس حنا النساء وعلى فكرة انا طالبة بالجامعة وعندي يزنس صغنوني يعني انا اللي اصرف على نفسي بالكماليات طبعا فسالني هل الشنطة او الساعة او الاسوارة اللي بتشترينها تمثل ١٠ بالمية من اللي بحسابك البنكي ولا لا ؟ طبعا لا الشنطة اللي ابيها بتصفر حسابي .. طيب هل معقولة بكره ولا بعده ولا بعد شهر اذا احتجتي شي ب ٥٠٠ ولا الف ولا الفين ما تلقين هالمبلغ بحسابك ؟ لا طبعا .. قالي لازم تتعلمين فن التحكم بالمصروف وان الكماليات اللي زي عذي لازم تمثل ١٠ بالنية من حسابك البنكي وانتي بنت ما وراك بيت ما يمنع اكثر بشوي بس سالفة تصفرين حسابك على اي شي عذا اكبر غلط .. اقتنعت بكلامه بس ما يمنع اني للحين ودي اقتني المزيد والمزيد من الشنط والاكسسوار ابن ادم طماع ههههه اذا توظفت ان شاء الله يصير خير مع اني ماحسيت بنشوة الفخر والنجاح اللي الاعلام غاسل مخنا عشانها بس زي ما قلتي هو غسيل مخ يعني مخي انغسل وخلاص .. انا ما يقهرني الا ان تقييم الناس لبعض صار من وش لابسة ولا وش شنطتها المشكلة ان بعض الناس اللي اشوفهم كذا حتى كريم ما تحط بيدينها وشعرها يقطر دهن ابسط الاشياء ما تهتم فيها لو تهتم تطلع زي الفل ..ردي صار تدوينة لحالها سوري اذا طولت ❤️
درررررر ابدعتي الله يحفظك طرحتي موضوع الآن صار هوس العالم خاصه مع انتشار الفاشنيستا عبر وسائل التواصل الاجتماعي في السنتين الاخيره والأجمل انك تناولتيه من كل الجوانب ..شخصيا اتفق معك في رأيك تجاهه الماركات واقتنائها …ابدعتي كالعاده الله يحرم يدياتك عن النار 🌷
صباحو توسه
كثير حبيت التدوينه واعترف انو ماانتبهت انو الشوز من الدو 😡 واحب شوزات الدو وستيف مادن وتشالز اند كيت
وخاقه ع لوبوتان نفسي امتلكه مو عشان اسم البراند عشان احب الكعب العالي العالي وتعجبني ستايلاتها فيها فخامه و انوثه واغراء 😂 كأني تحمست ) المهم مااحسها تتقلد زي بقية البراندات اللي تكرهينها حتى لو مااخذتي منها من كثر ماتشوفيها
ومره نفسي تشاركينا مشتراياتك 😍معاك نريد المزيد دائما😍
لانك بعيده كل البعد عن الهياط والفشخره بزمن الياي والوع هينا هو الهياط *ولاحظت الوعات بأزدياد😷
**وبس تكلمت كثير بدى يتحرك الصنم اللي بداخلي😂
تدوينه رائعه وكلام منصف ولكن حب الماركات عشق لاينتهي والعشر سنوات الاخيره انتشر هوس الماركات ماكان قبل كذا ظاهره زي ذحين كلن فعلا مايشتري الماركات الغاليه الا المقتدرين
وصار موبس شنط صار كل شيء شوزات ومحافظ واكسسوارت وملابس ….
الحين الكل حريص يلبسها ونوعا ما مااخفيكم مستحيل ماتلفت نظرك وحده تمشي وشايله شنطه ماركه بيربري او لويس فيتون
اما شانيل وديور
احس كل اللي اشوفهم بالواقع تقليد حتى لما اسافر
احسها حصريات بمجتمعات معينه او الفنانات والبلوقرات واحلام ههههه
بس التقليد افقد كثير من المتعه والتميز لحاملي الماركات
وتكفين لاتحرمينا من صور مشترواتك
مره نفسي اشوف ذوقك باللبس وكذا
دايما منوره ياارتوس💜💜
صح مااحب البس التقليد ابدا
الا لوجاني هديه 😅مااقول لا
افضل اشتري من محلات الشركات العاديه زي منغو ريفر ايلاند وميلانو
وتراهم بعد ماهم رخاص 😸😸
يا صباح المواضيع الجميلة 😍
وانا اقرا الموضوع جد ما كان ودي يخلص ❤️
موضوعج جاء بالصميم وفي وقته ، الحين الناس قامت يا ترهق ميزانيتها عشان شنطة او تشتري تقليد وجد استغرب منهم ماله داعي ترهقين ميزانيتج كل واحد يمد رجله على قد لحافه اما التقليد مالقيت لها تفسير ! يمكن ما تبي تحس انها اقل من غيرها او عاجبتها شغلة وماتقدر عليها بس ليش نظرة الناس صارت سطحية وهمها المظاهر بشكل مبالغ فيه حتى صاروا يحكمون عالناس من مظهرهم وشلابسه للأسف !!
أما كعب ألدو صدددمني صراحة 😍 مبين جودته عالية وشكله حلو وانتي ما شاء الله مبين اهتمامج في أغراضج ❤️
بالنهاية مو شرط الواحد عشان يكون مظهره أنيق وكشخة ومرتب يكون من راسه لي كرياسه ماركات
كثري من هالمواضيع الجميلة ❤️
لاعدمناك ❤️
التدوينة جميلة بكل ماتعنية الكلمة .. انا اتابع الحساب اللي يذكر فيه اسماء الماركات واسعارها واضحك عالردود تعليقات البنات لا يعلى عليها هههههههه .. انا في فترة جاتني حالة إلا اشتري ماركة بعد فترة جلست أفكر بيني وبين نفسي المجتمع اللي أنا فيه ماراح يلاحظ او حتى يفرق اذا كانت أصلية او تقليد وبما إن عائلتي متوسطة الدخل فطبيعي يقولون تقليد أنا وش لي بوجع الراس ! وانا انسانة مش هذاك الزود اجتماعية يعني طلعاتي في السنة تنعد على الأصابع والحمدلله اقتنعت بالفكرة .. احب اعرف عن الماركات حتى لو ما اشتريت منها كذا فضول احب اعرف عن كل شيء شيء حتى لو بسييط .. و اشوف ان من حق الكل يلبس سواء كان تقليد او اصلي بس الحين تقدرين تشترين من ماركات سعرها كويس وجودتها كويسة يعني كل شيء موجود أهم شيء نظرتك الفاشونية وخودي اللي يعقبك .. شوز ألدو عجييب): أحب الشوزات اللي تصرخ اخذيني i need u .. u need me أحافظ عليها سنوات أن شاءالله أورثها لأحفادي من زود الحب والمحافظة .. لوبوتان انتظرني قادمة إليك .. ارتوس لطفا نبي نشوف مشترياتك يعجبنا ذوقك في كل شيء اسلوبك محافظتك تفكيرك وذوقك ربي جمع فيك كل شيء ووفق ..
ماشاء الله ، الله يديمها عليك من نعمه ولا يغير عليك الحال الا للاحسن ❤
ههههههههه البنات قالو كل اللي بخاطري كفو ووفو 😂
يعطيك العافيه ارتوس وشكرا لك من القلب ❤️
حبيت الموضوع من قلب يوافق فكري وعقلي وقناعاتي .
صباح النور❤️
صحيت من النوم و على طول جري على التدوينة..متحمســــــــــــــــة
بدايةً المنتجات الفاخرة و الماركات المشهورة حتى العادية أبـدا مو متوفرة عندنا…يعني الكل يلبس زي بعض بإختلاف الأذواق
كل إلي متوفر سلع صينية “جودتها إذا ما كانت سيئة تكون عادية”..سواءا في الملابس أو الأحذية أو حتى الميك أب كله صيني
إلا القليل إلي يبيع منتجات عناية أو ميك أب لماركات الدرق ستور و الكمية تلقايها محدودة..أنا أشوف السبب لتدني الأجور بشكل رهيب -يعني حتى لو كان عندنا الأصلي ماراح يشتريه أحد-
بالإضافة لسوق الملابس المستعملة -موجود الماركات –
****************
إلي عجبني أكثر الحركات التسوقية..ههههههههه
أنا ألبس من الماركات على إختلافها وحسب مزانيتي (تبيعها تاجرات عندنا).. أبدا ما تهمني الماركة أكثر من التصميم حده و كمان الجودة
أحب متابعة الفاشن و الموظة لكن بالنهاية ما يكون دائما ذوقي باللبس و القصات و الألوان متوافق مع الموظة..المهم أرضي نفسي
الشوزين روعـــــــــــة❤️❤️ ..ذوقك يعجبني كثيـــــــــــــر أكثر شيء بالمانكير❤️❤️…ههههههههههه
أرتوس..بليــــــــــــــــــــــــــــز أطرحي مشترياتك❤️
الله يجعل أيامك كلها سعــــــــــــادة❤️
قبل كل شي اهم نقطه هو الذوق لان كثير بنات الله يهديهم فقط شوفو انا لابسه ماركه من وإلى ولكن الذوق حدث ولا حرج جدا مزعج تخبيص ..
اعرف بنات الله يستر عليهم من جماعتنا جدا محب اقابلهم لان تخيلي معي من تجلسين وهي تقز فيك المشكله انك جالسه جنبها يعني تحول عينها عشان تقز بلبسك شي جدا يضحك تتعب نفسها وعيونها تتحول ههههههههههههه😂 عشان بس تشوف لبسك ناس مرضى والله العظيم
وووووالخ نفسي تكون قبل السالفه انها ماركة يكون شي يحكمه القناعه اشتري اي شي بقناعه تامه سوو ماركه او العكس شي بقناعه تامه وعجبك
الانستقرام شوفي بالله كيف هبل البنات وصار الكل نفس بعض نفسي يندثر الامر جدا مزعج بنسبه لي انا شخصياً
كل وحده تقلد فلانه من المشاهير شرت شنطه من الماركه الفلانيه خلاص يله شرينا ثم بعد يومين تلقيها عارضتها بحساب الماركات المستعمله
طيب وين تقديس الشنطه غالية الثمن وجوده عاليه وايضا اذا كلاسيك تنفع لكل زمان وومكان
وليه تبيعينها والسبب انك شريتها فقط لتقليد فلانه مو لنفسك شريتيها لعيون الناس فقط
وحبيت تعليق البنات 🌹
أهلا بننت الاراتيس المؤرتسه .. تدككريها هههه
موضوع بيفتح باب لاصحاب القلوب او الانفس الظعيفه
كلامك كلو عين العقل وصح في مرة كنت انتقاش مع وحده من البنات كانت تسالني عن شي ف الميك اب وقلتها الاشياء اللي تعجبني وتقريبا خصيت فالماركات المتداوله لانو ماكان يحظرني شي كثير أكتشفت انها بعد فتره حقت علي قامت تتكلم تقولي انتي مهايطه وماعندك غير الماركات ماني عارفه ايه وانا حددت شي معين الموضوع ممكن يخدمها يعني فالنهايه هيا ماعرفت مستواي المداي ولا انا كيف اعيش !! ف من بعدها عرفت انو بعض الناس موضوع الماركات او اشياء فيها قيمه غاليه تسببلهم حساسيه
اما بالنسبه ليا حمدلله مادتنا كويسه بما اني اقدر اشتري كل شي يعجبني بس هنا الدكاء الدوق في اللبس مو في السعر مايمنع اني شاتري غالي انسق مع باقي ملابسي او ملابسي كلها غاليه ولا تسوا فالنهايه زي ماقلتني محد بيفسخني ملابسي ويشوف انا من فين لابسه أعرف وحده ملابسها تجنن بمعنه الكلميه شيك شيك ماشاءالله كان عندها دكاء تعرف تختاي القطع تنسق بشكل يجدب في اشياء من وجهة نظري مستعده ادفع عليها ملايين وهيا الهيلز كل انسان يقدر يتحكم فلبسو بطريقه انيقه بس برضو المداه لها الدور الاكبر .. أستمتعت بالتدوينه وأشيائك دايما تفتن وحسيت موديل هالشوز دارج أكثر شي أسمر فطرح المواضيع دي لاني احسها تعدي روحي ❤️❤️❤️ 👏
مررحبا ارتووس
والله العظيم يوم تغيبين كيف افتقدج بشكل موطبيعي
كلامج يعيبني خصوصا الثرثرة 😍😍
جد حبيت كلمتج يوم قلتي (من فحوى كلامج)
مب لازم ارضي الناس.. البس اللي يعيبني
بصراحة ناوية اني اخذ هيلز من لوبوتان وفلانتينو ( بس سمعت انه لوبوتان غير مريح عكس فلنتينو)
وما أخفيج سررا انه انتي اول وحدة طريتي ع بالي فلو سمحتي ياليت تتكلمي عن الهييلز اللي تكون مريحة
شيء حلو انه احنا نشوف نموذج مثلك بينا يعني يشتري من الهاي براند لكن ما انساق مع موجة تأثير الإعلام و الإعلانات على طريقة تفكيرنا و سلب عقولنا ..تعرفين تماما ماتريدين و لماذا!!💕. يعني مع الأسف نقدر نقول أنه في ناس كثير انساقوا تجاه الماركات بطريقة يقيمون فيها الناس مو بس يقيمون لا حتى علاقاتهم و صداقاتهم صارت تتأثر بأنتي تلبسين ماركات و لا لا يعني أنا في الجامعة امانة لاحظت و بشكل كبير كبييير انه اي بنت تلبس هاي براند تشوفين لا ما تصادق او تماشي الا بنت تلبس من الهاي براند يعني تشوفين شلل بنات اللي يلبسون من الهاي براند مع بعض ماتشوفين بينهم ابدا وحده يعني اقل منهم ماتلبس ماركات او من هالقبيل البنات اللي يلبسون من ماركات متوسطة مع بعض و اللي مايلبسون ماركات مع بعض .. اكيد مو الكل عشان ما نصير سلبيين بس صار لي ٤ سنين بالجامعه و ملاحظه هالشيء غير كذا جلست مع كم بنت ولما تكلمنا بالموضوع ابدوا انه لا لازم تكون صاحبتي من نفس مستواي ويعني كشخه فهي في الاخير تمثلني!!!اذا نص المجتمع بيفكر بنفس الطريقه فه الشيء يدعوا للحزن و الشيم .. فيه مقوله حلوه يرددها دائما ابوي (لاتعيرين عقلك للآخرين) وتقدرين تشهدين بها في مواقف كثيرة وفي هالموقف انه ما اعير عقلي للإعلام وانساق معهم بحتى يتبنون عقلي بالكامل وافكاري فما عاد يصير لي هوية .. انا مو معارضين للشراء من الهاي براندز ولا المتوسطه اشتري من الاثنين بس على حسب بعد امكانيتي فأنا طالبة واخيرا بعد ماراح اكلف أهلي به الشيء عشان اكشخ او من هالقبيل حتى اكون مستقلة ماديا احب الموضة اتابع اول بأول اتابع لوكات الفنانات تعجبني اشياء واشياء انتقدها ادرك ايضا انه النسياق به التيار بشكل هوسي يخليني اخسر ماهيتي وممكن تظهر علي بوادر السطحية .. يعني بالاخير الواحد مايضغط ع نفسه ليقلد احد او عشان تأثره بالإعلام .. بعد العالم زاد تأثيرهم به الموضوع بعد انستقرام فيه مشاهير بانستقرام ناس كثير معجبين بحياتهم ويصفقون لهم صاروا يعرضون شنطهم جزمهم لما يشترونها فالعالم تروح تطير تشتري مثلهم حتى التاجرات استغلوا هالشيء اللي مثلا يشترون من الماركات بعمولة يعرضون منتج من حساب هالمشاهير شوفوا هذه جزمة فلانه ويلا كلكم قلدوا مثلها سواء كنت مقتدرة به الشيء او لا ..يعني انستقرام اثار وزاد من غريزة الشراء ..
طولت عليك 💖🙈
مره شكرا على هالموووضوع مره رائع وفيه لفتات كثير حلوة سويت لها كابتشر
يسعد قلبك أرتوس على هالموضوع..
أهديك أغنية labels or love – fergie هههههه
من كم شهر وحدة من البنات في جمعة صديقات وزميلات جلست تعرض اسوارتها الجديدة من تيفاني.. ردت عليها وحدة قالت: (غريبة ما شفناك صورتي سناب في المحل!).. وصلنا لهالدرجة من الاستعراض ومن الاستقعاد؟
شفت مره إعلان لأديداس عن شوز جديد، اسم الإعلان there will be haters.. وأشوف الشباب حولي في البيت والعمل يتكلمون عنه وأنه فيه لاعبين يستعرضون حياة الشهرة وش جابت لهم وهم لابسين هالشوز على أساس انه اختيارهم.. مع خلفية موسيقية حماسية وعبارات كأنها غسيل مخ (they hate the way you talk, they hate the way you walk…..) آخر شي يقولون (they hate your new boots).. فسألت مديري عن سر الهوس بالإعلان وأعطاني جواب مباشر وصريح وبسيط بنفس الوقت .. قال : اختاروا عبارة there will be haters حتى يثيرون غريزة الامتلاك البدائية عند الرجال وأنك منبوذ لأنك في الواقع مميز بمقتنياتك وذوقك واختياراتك.. هالشوز بيجلسك بمقاعد الفي آي بي و بتمشي في الشارع زي السوبر ستارز والناس ترفع جوالاتها تصور سيلفي معك والبنات يلحقونك مو أنت تلحقهم .. وهلم جرا.
وماخذيت كم يوم ولا أخوي مصور الشوز في حسابه وكاتب أنه ما قدر يصبر واشتراه قبل يتوزع في السوق! جلست مبهورة من قوة تأثير الإعلان على العقل الباطن.. بلير في غوسيب غيرل و سارا في سكس آند ذا سيتي كلهم أيضا روجوا لفكرة أن المرأة المضغوطة أو الحزينة لازم تطلع تصرف فلوس وتتسوق.
وتأملت بعدها حالي.. أحب أتسوق وأحب الشنط والشوزات .. لكن لما أشوف بنات ميتين على شانيل وأقول بغض النظر عن السعر وأتكلم بواقعية ما أحس شانيل تمثلني أو تعكس شخصيتي.. غالبا الردود اللي أسمعها لما أقول كذا (يوووه مو من جدك، حرام عليك، هذي شانيل، شككتيني أنك بنت!).. عفوا؟
برأيي.. مهما كان الترويج والإعلان عن هالمركات موجود في السابق.. إلا أنه وصل لذروته مع وسائل التواصل الاجتماعي لدرجة ما أتخيل وين بيوصل بعد كذا.. صرنا تقريبا مانفتح حساب إلا فيه شنطة إل في أو شوز مانولو.. ومنها زاد انتشار التقليد و طلعت وظيفة الفاشونيستا وغيره…
كلوي قبل كم يوم في حفل المجلة لبست بدي سوت سعرها 39 دولار والعالم مو مصدقة والمجلات تنشر وكأن الشيء غريب وكيف يصير كذا،..
ما يهمني سعر اللبس قد ما يهمني كيف نلبس..
..
و اشتقنا لمواضيع الفاشن معك.. إلى يومك ما أدخل بي بي إلا أتذكرك وأتذكر فساتينك ووصفك للقطع وقصاتها من اكثر المواضيع اللي للحين أتذكرها وأسترجعها..
أحبك♡♡♡
💖💖💖حبيت ردك
حبيت موضوعج ،، والله قبل مااعرف الخطأ عرفت انه الشوز مب من لوي ،، لاني لمحت الاسم غير ،، المهم تصدقين ارتوس انا ولامرة خذت شوز او جنطة ماركة هاي اند قصدي الماركات المشهورة المعروفة عندنا ،، دايما احب اخذ الشي اللي مب متعارف عندنا ،، تهمني الجودة فتلاقيني اخذ من برا البلاد الماركات المنتشرة عندهم اللي تخصهم ،، مع انه أغلب اللي حواليي ياخذون ماركات وتقليد وحالتهم حاله ويرمسون عنهم ويقلدون بعض ،، انا هالشي ابدا ابدا مش مهم عندي ،، ومايهمني راي الناس فيني ،، اهم شي قناعتي انا فقط ،، يعني اذا مثلا الموضه جنطة صغيرة تلاقيني البس جنط كبار والعكس هههههه مادري ليش احب اتمرد بهالسوالف وما اواكبهم ،، وايضا ماحب اتميز بالشي الواو يدام مجتمعي ،، هذي انا تبوني جذيه ماتبوني ترا فيه غيركم 😅 ،، احب اكون واضحة وصريحة وسيدا ،، عادي عندي ارابع اي حد من اي جنسية مايهمني مركزهم الاجتماعي ،، اهم شي تناسب فكري وشخصيتي وعندها ضمير ضمييير حي ،، بس هالشي مايمنع اني احب اشوف اغراضكم ومشترياتكم بالعكس استمتع بالمشاهدة والمعرفة البسيطه على قدي ،، ارتوس حبيت موضوعج جد واقنعتيني اكثر واكثر بفكري انا ،، احس الدعاية والاعلانات صايرة الرقم واحد فالعالم ،، بكل مكان دعايات ،، خوفي حتى بأحلامنا تطلع لنا دعاية ههههههه اتخيلي 😂
لي عودة يا عسسل ، بس الحين وراي جامعة و مستعجله هههه
احبببببببكك يا توسة ، الله يحفظك يااارب 😘💗💗💗
أذكر مره اشتريت تقليد ماركة ب ٥٠٠ وماقدرت اداوم فيها أسبوع كامل ثقتي بنفسي ماتت وحزنت على نفسي وعلى طول غيرتها 😓 بعكس لما تكون شنطتي من الدو والا ناين وست أو اي ماركة ثانية وأكرفها كرف أكون راضية عن نفسي وواثقة. وبس حبيت أشاركك تجربتي 😊
انا اشوف هالشي راجع للشخص نفسه واهتماماته الفاشونيه
انا طبعا تجذبني البراندات العريقه وتسويقهم وصح ممكن يعظمون الي معاهم وحنا وصلنا ان اغلب الناس تناظر ايش معك وتكبر بعيونهم وطبعا هذا خطا عشان كذا البعض صار يرهق نفسه وماديته ليمتلك مثل فلانه وصراحه لو دخلتي احدى هالبوتيكات تحسين نفسك واو لما يجلسك ويضيفونك ويهتمون فيك قمه بالاغراء حتى تستحين تطلعين وانتي ماشريتي منهم وبالعكس موضوعك حلو وحلوة مواضيع الفاشن اتمنى تكثرين منها بمدونتك وشوزك لبوتان يفتنننن ماشاءالله ههههه
كلامك جميل آرتوس
( أشعر من وقع الإسم أنكِ كـ أميرة إغريقية ،،، ع ففكرة الأميرات الإغريقيات أكثر أناقة وتميز في الحقبة القديمة )
مقنع ،، ومُرضي ،،
اعرضي مابدى لكِ ،، الكل في شوقٍ وترقب ،،
دمتي في سعادة 😍
يعطيك العافية كلامك واقعي .. بس في هالزمن و مع ” الفاشنيستا” الكثير راح يرهق جيبه ونفسه لأجل مايحس نفسه اقل
صبآح التخمين والله هههههههههه آستمتعنا بالبوست والتخمين ..
تصدقين الجواب اللي كآن برآسي وسكت عنه حسبت هو الصح آن الشوز الاحمر آرضيه الرجل كل وحده غير فحسبت ان كل وحده من براند على انها نفس الشكل
طلع خدآع بصري خخخخخخخخ شكل كانت الأضاءه لها دورها في الشوز اليسآر
آما كلامك عين العقل والصواب آنا مع شراء المآركات اللي تنآسبك وتنآسب ذوقك والاهم ميزانيتك مو آني آقطع نفسي على شي وآخرها مثلا الميزانيه مآ تكفي
وفوق هذا كله المجتمع يحكم باللبس يعني لو المجتمع يقدر وش البس بالبس آما لا بلبس الزين واللي منآسبني ولا آكلف نفسي فوق طاقتها لان بالأخير مآدروا عنك ولا عن هوى داري
بعدين حلو الانسآن يدفع عشآن يتميز بألاونه الاخيره صرت آشوف كثيير من الناس كبي بيس من بعض ليش والله عشان آسم المآركه ولا سعرها وتلقينه مو من ذوقها ولا ستايلها بس شوفوا لبست من ذا المآركه هالفئه من الناس آشوفها فارغه من الداخل آهمها المظهر وبس
آعرف وحده شرت شنطه آيام زواجها وكآنت بمبلغ وقدره نسيت بكم والله هي آنسانه مقتدر ٰه ومن طبقه فليش مآتدلع نفسها آنا معها. قرآيبها دروا بقيمة الشنطه الله وكيلك مآ بقى احد ودرى عن السالفه وتشرشح وأنها متكبره ومضيعه فلوسها ومن هالكلام يقولون لو شآريه في ذهب آصرف ههههههه كان استفادت طيب هي المجتمع اللي فيه يقدر قيمه الشنطه ليش مآتشتري ،،
والفترة هذي الأغلب صآر يقيم الانسان على مظهره ولبسه وش لابس عمره مآ صآر تقييم الانسان على المظهر
آنا مع كلام خآلتي دايم تقول {وأما بنعمة ربك فحدث}ي حبي لها تقصد انو اذا عليك نعمه آظهريها
وآخر شي ترى فتني كعبك الاحمر جميييييل تتهني بلبس هي جمييله
شكرًا لك ولجمآلك ولكلآمك دآئم تدويناتك ملهمه لنا
خالص محبتي لك توسه
كلامك صح الواحد باللي يقدر عليه يمتع عمره بدون
مايضغط على نفسه ويضيق حاله
اكشخي والبسي كل شي بخاطرك من الماركات
بس باللي تقدر عليه ميزانيتك
الله يوفقك ويسعدك يالغاليه
أهلا أرتوسه
كنت بكتب رد عالفون بعد ما نزلتيه عطول لكن مادري أن الوحيدة إلي بخوني التعبير عالفون و يسبب بقطع تسلسل فكاري ولازم عالكيبورد والابتوب
ما فكرت في الموضوع واايد أو بالاحرى ما كونت انطباع أو نتيجة..
( عن الموضوع فبكتبه على شكل نقاط عبارة عن أفكار أكتبها (بصوت عالي ….
المجتمع يحكم ويحتم عليك شراء الماركات
فهل إذا كان امتلاكك للماركات شي غير مهم أبدا للمجتمع؟ ويمكن ما يميزون الماركات، هل ستستمر بشرائها؟
أحس سؤال كبير للي فاهم الموضوع زين
أممم إجابتي نعم ومن دون تفكير ، لكن بعض الأشياء مصيرها الحذف من قائمه طلباتي ولكن الشنط والاحذية نووو
الماركات تعطيك ثقة ويمكن جراءة
جرب وآلبس نعال ماركة وشنطة بمبلغ شسمه
ودخل محل.
وكرر بعد فترة نعال ب ٥٠ وشنطة ب ٣٠٠
أحس لازم يكون فرق حتى للاشخاص الي عندهم ثقة للسما
الماركات تشبع رغباتك…ممممم ما عرف شو اسميهاا…. الشرائية ؟ الدلالية ( من الدلال والدلع ^ـ*)؟ ههههه تجربة ممتعة تخصيص يوم لتدليل نفسك.. وإنتقاء ما يعجبك دون التفكير بالمال
لا تتهورون .. وتقولون آية السبب
اتمنى أن العرب يفهمون ، أن الأناقة لا تعني امتلاكك للماركات من قمة راسك للأخمص قدمك… الذوق مجاني و تطبيقه قد لا يكلف الكثير
تريبتنا غير عن تربيه أطفال هالزمن كنا نعيش في أقل مادية، أكثر عفويين وبراءة، السؤال لي أشوفه عود وما حصلت اجابة، إذا أنا أخذ ماركات وأشعر أنها لا تؤثر عشخصي وأقصد لست مادية فالمال لا يحل في المركز الأول عندي، الأطفال الي كبروا وهم يشوفون السيارات الباذخة ما يمكنهم بالمال فعله و شراءة وأصبح المال قيمة مهمه عندهم كيف أعلمهم أن الماديات غير مهمه ( أتمنى الفكرة وصلت خاني التعبير للاسف ….
وننتظر تدوينتك الفاشونية أتمنى تكون الردود على الموضوع إجابية ويشجعك..
وتعليق بسيط ردا على ريناد عبدالله: أعجبني كلام أبووج جدا.. وأعجبني أكثر اعتمادك على نفسك… (قلب)
ههههههههههه ما اصبت بالاجابه P:
الماركات ما متوفره بـ محيطي حتى زارا و مانغو-_-
لهذا ما مشتريه ولا مره منهن كل تسوقي من محلات عاديه ، انا ما اعترض على الماركات برأيي اللي يقدر يشتري خل يشتري بالعافيه عليه و انا اذا قدرت احصل ماركات و ميزانيتي ما اتاثرت عادي راح اشتري بدون ما اتحسف لان اكثر شي يلفتني بالماركات جودة البضاعه و مثلا اذا جنط تكون مخيطه بشكل متقن و نظيف ..
انا كان صاير فتره ما طالعه للسوق و كنت مقضيتها على الانستغرام و السناب و مواقع التواصل الاجتماعي بشكل عام بس احتاجيت اشتري جنطه رحت للسوق ادور ادور و ادور مااكو ما عجبتني ولا وحده جودتهن مو شي و خياطتهن هم نفس الشي حتى قلت لأختي عن اللي شفته و انه ما عجبتني و لا وحده قالت طبعا انتي صايرلج فتره ما رايحه للسوق و خلال هالفتره تعودتي على الصور اللي تشوفينها بالانستغرام ، هل تتوقعين راح تحصلين جنطه بجودة الماركات مثلا؟!!-_-ههههههه انصِدمت بالواقع ..
انا حتى لو اشوف وحده لابسه من راسها لاخمص قدميها ماركات ما راح انتقدها بالعكس اذا مختاره شي يناسبها و حلو عليها راح انظرلها بإعجاب لان تعجبني اللي تهتم بنفسها و بأدق التفاصيل و من ضمن الاهتمام تختار ملابس او اكسسوارات بجودة عاليه و تكون ماركه ..
اذا اشتريت ماركه ما راح احد يلاحظ هذا الشي ما عدا اختي لان بعائلتنا بشكل عام ماعدنا هياط الماركات ههههههه و ممكن الاغلبيه ما يعرفونهن و اذا اشتريت راح اشتري لان يعجبني مو حتى اهايط انه مشتريه ماركه ^_^
تسلم ايدج على البوست و دمتي بسعاده ان شاء الله :*
اعجز اوصف كميه جمال كلامك ❤️!
يا ليت الموضوع وقف ع ان الوحده تضغط ع نفسها شهور عشان تجمع سعر شنطه ولا ساعه ماركه اللي جلطني انه صار فيه تاجرات في الانستقرام يبعون اكياس ماركات اكياااس متخيله مرض الهياط بالماركات لوين وصل !!
كلامج جدا جمييييييييل وبالضبط نفس ماقلتي ماعندي تعليق صراحه احسج جبتي هالموضوع من كل الجوانب ويرضي الطرفين اللي يقرأون هههههه
طرحك للموضوع رائع وكلامك واقعي
هووس الماركات والسطحية اللي الناس صاروا فيها بجد شى محزن
ياما نسمع عن حريم يدخلوا جمعيات عشان تشتري شنطة الماركة الفلانية ليييه طيب مو لهدرجة جمييل ان الوحدة تنتقي شنطة ماركة
انا الحمدلله موظفة واشتغل بمكان مرموق واللي حولي كلهم دكاتره واغلبهم اغراضهم ماركات وكل مره ابغى اشتري شنطة ماركة اقول الشهر اللي بعده لان بصراحة عندي اولويات وعندي اهداف
يكفيني اني اكون مرتبة وانيقة في شكلي ولبسي والحمدلله من فضل الله انا غالبا مميزة في ذوقي واختياراتي
نشوف كثير اخوات تشتري شنطة ولا شوز بذاك السعر والبشرة معدومة والجسم اكس لارج مييين اولى بهذا المبلغ مو جسمك وبشرتك
كلامك عين العقل، فعلا مب لازم اشقي نفسي عشان البس شيء فوق ميزانيتي
هلا بالزييييين ..
صراحة التدوينة شي يحكي عن الواقع المر ولمستي أحاسيسي بجد .. انا عن نفسي ميزانيتي متوسطة وما اقدر ع الماركات الهاي اند يعني الا لو بقعد اجمع لين مادري متى . ليش الشقى؟! الحمدلله الحين الماركات اشكال والوان والجودة اللي كلنا ندور عليها مو مقتصرة بماركات الهاي اند .. انا احب اشتري شنطي وكل اشيئي عموما من الماركات الوسط يعني جودة حلوة ومعروفة وسعرها عندي .. زي مثلا شنط تشارلز اند كيث وآلدو و زارا إلخ .. قبل كنت اصرف مصروفي كله بشي واحد غالي عشان ارضي ضميري لووول .. واكتشفت اني جالسة اهمل اشياء ثانية محتاجتها اكثر .. هذا غير اني احاول استغل مواسم التخفيض .. اممم انا مايهمني صراحة انه يكون شي حصري ومميز لأنه اهلي والناس اللي اجتمع فيهم اكثر شي مو بالرياض بأماكن ثانية مافيها محلات كثير .. بس بالمدرسة لا .. احب اتميز والبس شي معروف يمكن لأنه كثيييير بنات يلبسون ماركات فإذا اختلطتي فيهم الا ما يصير بنفسك انك تشترين ماركات بعد :/ .. ما أكذب عليك دايم اتفرج على بضائع الماركات الهاي اند وتعجبني شغلات بس ربي بيسألني عنها .. ممكن اشتري ماركة هاي اند بحالة وحدة! اذا كنت عارفة نفسي بكرفه وبحلله زييين وممكن بعد فترة اتبادله مع وحدة من بنات خالاتي وهكذا لوووول .. بس بالنهاية مستحيل اقول شي على اللي يشترون ماركة بكيفهم يعني وبالمقابل انا ضد اني اشتري شنطة طبق الاصل من ماركة هاي اند .. اشتري من ماركة معروفة سعرها يناسبني ولا اشتري تقليد ( وجهة نظر) .. حبيت شوزاتك من قللب ما شاء الله تتهني وانا من محبين هالستايل الكلاسك .. انا جدا اسفة احس اني طولت بالكلام 🙂 تشكرااااات وبانتظار كل جديدك
جايه من العمل وانا مااشوف اللي قدامي ولاني البارح على المغرب قريت في آخر تدوينتك الموضوع ماعرفت اقيّل الا بعد مااشوف اذا نزلتي بوست .. بمجرد ماشفت الصوره والحزوره طار النوم من عيني …تدوينه رائعه لا فض فاك … كلام حكيم وهادي وماظنتي فيه احد راح يمتعض منه .. احسه مثل العسل .. رغم اني ماالبس من ماركات الهاي اند ..الا اني مااستخف بالناس اللي تلبسه لو معي القدره الماديه كان شريت … اغلب البنات صاروا يشترون من الماركات مثل زارا والدو ومانجو وانا من ضمنهم … وارفض حتى اني اشتري من المحلات العاديه اللي محافظتي .. لاني اشوف الماركات تلبي رغباتي ومكانتي خصوصا اني في الجامعه فمااقدر ماالبس من المحلات العاديه …حتى اللون والقصه فيها خطأ .. نفس الوضع يسري على الاثرياء . فليش نستخف منهم
وحتى اللي اقل منّا مانقلل من قيمتهم كل شخص وقدرته واحياناً قناعاته .. فيه ناس مقتدره بس ماتحط مبلغ وقدره في جزمه والا شنطه من وجهة نظرها خساره فيه اللي مثله وارخص ..او ان قناعتها في انجاز اعمال واستشمارات بدل اللبس …
الجزمه الحمراء تنطق جماااال ..الله يهنيك .. ولا طرى علي انها من الدو
هلا حبيبتي والله لك وحشه. .
أمممممم انا بتكلم عن نفسي وعن رأيي بما انك اسهبتي في الكلام عن الرؤية الحقيقية الماركات. .
انا دايما أسأل نفسي ليش الماركات غاليه ؟ هل فعلا فيه فرق بين هذي الشنطه وهذي العاديه طيب ليش مثلا اولدو أرخص من الماركات العالمية واغلى بكثير من بعض الشنط
بس الصراحه اللي يشوف ويحس مو زي اللي يتكلم مو ورى الشاشه أو من بعيد الماركات بنظري تشتري العميل قبل لا تبيع له سلعه يعني تخليه يرجع يفكر فعلا بالشراء مره ثانيه منهم .. طيب اوكي ايش الفروق انا اشوف الفرق في الصناعه والجودة كفيلة جدا انهم يتميزون عندي وإني ادفع الشيء الفلاني على شنطة راح تعيش معي زياده على الرفاهيات اللي ذكرتيها. .
انا ابدا مو مهتمه ب الماركات وما عندي شيء من الماركات الكبير إلا القليل ولا أخجل لاني مع مقولة جبران خليل جبران (( انتبه ان يكون ما تلبس أغلى منك )) …
فعلا صار كل شيء الآن كذا ايش عندي وايش اشتريت وشوفوا شنطتي الفلانية من أي براند،،، شيء يقزز
والله العظيم وما حلفتوني لو بشتري براند بشتريه عشان جووودته مو عشان اتفشخر فيه هذا تفكيري بس عاد اذا جيت وقلت كيفي كيفي بعدين هذا شيء ثاني لوووووول
أما اني اشتري براند مقلد الصراحه ما احترم السرقه حتى لو كانت بنفس الإتقان. . عندك إمكانيات أثبت وجودك الماركات صارت مظلومة. . أو بالأصح الناس اللي تحب التميز صارت الماركه ما تضمن لهم الحصريه والسبه السوق الصيني. .
انا مع كل شيء فخم وفيه رفاهية دام الواحد يقدر عليه والماركات مراح تستمر لولا انو فيه ناس تقدر زائد انو جودتها واحترامها للعميل في كل التفاصيل. . بس هل أنا معاها على طول الخط لا ..
أهم شيء الشكل في النهايه كيف طالع والذكاء تكون لك أنتي القيمه والذوق وليس اللبس والاكسسوار. …
اتحفينا يا جميله…
مساااء الخيييررر ❤️ ❤️ ❤️ ❤️
أنا معاك في انو محد يعرف الماركه اللي أنا لابستها بس حلو انك تلبسي ساعه و شنطه و شوز ماركات احسها ارتب و تعيش وقت طويل و ماتقدم ولا يقدم ستايلها بس اللبس ما احس مره لانو اللبس في كل مكان و خيارات كثيره ،، و كمان احب ألبس على قد ميزانيتي و أهم شي يكون أصلي بالنسبه ليا أحس لو لبست تقليد آوهم نفسي انو اقدر اشتري ذا الشي و انا في الحقيقه ما أقدر ف ذا الشي اللي يخليني مبسوطه بميزانيتي و أشيائي و ذوقي.
كل عام وانت بخير ياجمل ارتوسه انا من وجهه نظري ان الانسان يشتري الشي المناسب له واللى يقنعه اذا كان يقدر يشتري من الماركات الفاخره يشتري واذا ما يقدر ما يرهق ميزانيته علشان كلام الناس اهم شي الترتيب والاناقه وحسن المظهر
يسعد ايامك ارتوس ❤️
الموضوع مهم مهم و ودي كل بنت تقراه ..
قبل كم يوم كنت انا و زوجي في البوليفارد هنا في جدة ..
و حسيت رهبة الماركات بدأت تخف عندي لما شفت سعر بعض الشوزات اوالشنط مقدور عليه .. ههههه
شنطي الماركة مو كثير .. واحدة لوي فيتوون ” كانت هدية ” و الثانية كلفن كلاين و من كوتش ..
اكثر شي يقهرني لما البسهم .. ان اللي حولي ما يعرفون انها ماركة و يبدون يسألون هاا تقليد و لا اصلي .. و علينا ؟؟ و الغمزة اللي كاننا قافطينك ههههه
ع العموم .. انا ما اقيس الاحترام بالمقتنيات ..
الشنط الماركة او الشوزات .. تعطيني انطباع ان الشخص يحب يدلع نفسه .. و بس ..
متشوقققة اشوف ذوقك و اناقتك ارتوس .. متأكده بتكون شي راقي و انيق لابعد الحدود .. ❤️
مساء الخير
تدوينة اليوم حبيتها جداً وقالت كل الأفكار الي كانت تداولني وأحس فيها
فعلاً كلامك صح ١٠٠٪
وعلى طول لاحظت أن الهيلز الأحمر من ألدو
ومسلسل قوسي قيرل ههههههه يجنن هالمسلسل، وفعلاً كله ماركات بماركات
وسيكس اند ذا سيتي بعد شفت هالفيلم وكل جزئينه
وفيه مقطع تمنيتك حطيتيه، يوم حبيبها يلبسها الهيلز 🙁
وبمناسبة الهيلز حق ألدو يجنن يجنن يجنن ماشاءالله
وحق لوبيتان 🙁 حرام أنك مالبستيه إلا ٣مرات
والله أول ماشفته جات تنسيقات له في بالي كثير
مع فستان بيض أو أسود أو بنفسجي جداً غامق يعني كأنه يوحي أنه أسود زي لون مناكيرك الباذناجني ذاك
دائماً تدويناتك تلامس مشاعرنا وتكون قريبه لنا
أستمري، وكوني أنتِ
طلعت عيوني أحاول اركز في الصورة ولا قدرت أطلع الفرق هههههههه
الماركات انتشرت في السنوات الأخيرة بشكل كبيير واعتقد السبب القوي في انتشارها الهائل مع التقليد هو السوشال ميديا أثررت بشكل كبير
وهالموضوع أحس بالضبط أتفق العرب على أن لا يتفقوا لوول أنا مثلاً عندي استعداد أدفع مبلغ وقدره على شنطه أو اكسسوارز مقابل خدمة تعجبني وجودة ممتازة وشوي تميز وفي المقابل ماما العكس تمماماً تقول ليش ادفع مبلغ وقدره واقدر القى تقليد طبق الأصل وفعلاً تحصل اشتري شنطة من البوتيك وهي تطلبها من تاجرة ونقارن بينها مافيه هالفرق اللي يذكر يعني بشكل عام ماتميزين الفرق بس أنا مصره على رأيي أنا اشتري هالشيء مو عشان الناس يعرفون اني اشتريت لا بالعكس لاني احب هالشيء وخصوصاً الاكسسوارات والشنط اللي تعجبني من قلب ماافرط فيها واحافظ عليها زي نفسي لوول عكس ماما تحب تغير وتجدد دائماً
واشوف الاغلب يحكم على حسب وضعه مثلاً وحده تشوف انه عادي تشتري شنطه بألف وطالع وتشوفه شعر ممتاز ولقطة واللي فوق الفين تشوفه تبذير واسراف .
والثانيه تشتري شنطة بثلاثميه وطالع وتشوف انه سعر ممتاز وأكثر من خمسميه تعتبره تبذير واسراف .
ووحده تشتري شنطه ب ستين مثلاً وتشوف أكثر من مية ريال تبذير واسراف .
^سوري فصلت بالنقطة بس مااعرفت كيف اشرحها بطريقة اقصر 🙂 الخلاصة ان الواحد يحكم ع الشيء على حسب وضعه المادي وينسى أو يتناسى أن فيه ناس أعلى منه يشوفون الخمس الآف كأنها خمس ميه عنده وهلم جراً
سوري ع الاطالة
مساء الخير ارتوس .. كلامك رائع وماعليه زيادة
يقول المثل مد رجولك ع قد لحافك اهم مافي الموضوع ثقة الوحدة بنفسها سواء اشترت ماركات هاي براند او عادية وعمرها قيمة الانسان ماكانت بلبس او مشتروات .. بالنسبة لي ميزانتي متوسطة وعمري مارح اضغط ع نفسي او اجلس احوش كم شهر عشان اشتري شنطة ماركة واكشخ فيها انا ادور ع ذوقي وين واكيد بهتم بالجودة ومارح اشتري اي شي لان في ماركات عادية وجودتها كويسة المهم ارضي نفسي بعيداًارهاق نفسي و عن تقليد الاخرين اللي ميزانيتتهم عالية ولهم قدرة عالشراء( يعني معقولة اشتري شي مو ذوقي عشان يقولوا عني كشخة ) .. طبعاً احب اشوف الماركات واتابع احياناً واشوف موديلات واشياء لايمكن اشتريها لو بريال لانها مو ذوقي .. بالنسبة للناس المقتدرين ليش نشتط عليهم ونغضب لمجرد انهم اشتروا شي احنا ماعندنا القدرة نشترية اولاً هي عندها القدرة وثانياً هي ذوقها كذا فليش انتقادها .. والله احس اللي تنتقد من قلة العقل وبتعيش هلادمية دايماً في خوض معارك مع العالم ومع نفسها فالقناعة حلوة .
جميل الموضوع حبيته زبده موضوعك هي القناعه والثقه تخليك كانك لابس اغلى شي ، دومتي شامخة ي سوس كثير اتحمس لفضفضتك وتدوينك ماننحرم
موضوع جميل جداا ويضرب عالوتر .. من واقع حياتي انا احب اكون معتدله واطمح للشي المميز والذوق والانيق بالتوافق مع امكانياتي .. مايهم وش ماركتها اهم شي ترضي ذائقتي وتكون مناسبه لي
وع قولك توسه محد بيقلع شوزي او يفسخني ملابسي ..
حبيت طرحك لهالموضوع مرررره ودي لك .
قبل سنتين كنت مغرمة بشنطة ليدي ديور انهبلت عليها اول ما نزل راتبي شريتها قعدت طوول الشهر مفلسه وأساسا كانت علي التزامات ثانيه اهم ولكن هوس الديور + البيئه اللي حولي وهوس شراء الماركات خلتني اشتريها بدون تفكير عموما اللي صار شهر صعب جداااا التزامات ماليه ضغط نفسي وتخيلي وربي الكعبه كرهت الشنطه ماكملت عندي شهرين بعتها بنص السعر ، ف من عقبها صار عندي الذكاء الشرائي ما اشتري اي شي ومش بأي وقت ولا راح اضغط نفسي عشان رفاهيه انا مش قدها، كمان قبل سنتين كنت مهووسه بساعةرولكس وكنت ناويه أدين من البنك عسب اشتريها والحمدالله استعذت بالله ومع الوقت كثير براندات نزلت نفس الموديل ،،الرفاهية جميله ولكن اتصير بشعه اذا ضغطنا على اعمارنا او اسرتنا عسب نعيش اجوائها ،، وكثير بنات الماركات من فووووقهم لتحتهم بسسسس اتحسين مو لايق او مش راكب او خربت المنظر ف النهايه الأناقه مش بالماركات الغاليه الأناقه بالتنسيق الصح والجسم المرتب ومكياج مرتب مش تهويل ،، أرتوس تكلمتي عن التميز وين التميز ياقلبي اذا البنات اغلبهم صاروا طقم واحد ( اليد ممزووورة فان كليف وكارتير ، واليد الثانيه شنطه قيمتها كذاا ) بغض النظر تقليد أو اصلي عندنا بالامارات الكلللل صار ماركات متحركة ف ماصار ذاك التميز ،، التميز صار انج تاخذين براند انيييق وسعره محترم ومش مداااول عند الكل مثل شنط pittdarandbhur او nativedubai عموما للاسف السوشيال ميديا وموضوع الماركتنغ جعل اغلب البنات عندهم هوس الماركات هوس السفر هوس المطاعم صار مافي قنااااعه وكأن للاسف هذي هي الحياه المثاليه وتشوفين الوحده اذا ماكانت من هالفئه ينظرولها ان ويييع low class اذا ماسافرت بالدرجه الاولى اذا ما اشترت براند اذا اذا اذا من جي زادت نسب الطلاق عندنا بالامارات وزادت الامراض النفسيه وزادت الديون
حبيت جدا الموضوع لما شفت الصورة قلت هذا مو لوي فيتون؟ بس ترددت أعلق لأني ما عندي خبرة مره بالماركات هذي بالنسبة للموضوع انا ما يهمني ألبس من الماركات الفاخرة لأن ميزانيتي ما تساعدني ف ماراح أكلف على نفسي عندي أقارب يكلفون على نفسهم فستان مبلغ وقدره ألماس شنط ماركات وهم ما عندهم لا بيت ملك ولا رصيد ف البنك محترم أنا تخرجت من الجامعة ومعايا مبلغ بسيط بقايا آخر المكافآت ووحده من قريباتي جالسة تقنعني إني أشتري فيها شنطة ماركة أو ألماس بس أنا أشوف إني لو أشغلها أفضل ودام فيه ماركات توفرلي قطع مميزة و ع الموضة وسعرها مناسب مافي داعي أشتري من ماركات راقية لو توظفت وكان الظرف المادي مناسب أكيد راح أدلع نفسي وقتها
طرحك موفق لان الاكثر يتعرض للنقد من ناحية اقتناء الماركات الفاخره ويدرجونه من باب البذخ والاسراف والهياااااااط من الدرجه الاولى وتنقهر وكأن البنت اشترت من فلوس اهلها وهالفئه م نشوفها الا في السوشيال ميديا تتبع حساب بنت ثريه ومحدثه جداً بنعم الله عليهم , تظهر ممتلكاتهم ومن ضمنها اشياء خاصه فيها كبنت شنطه, ساعه ….الخ وم نلقى كلمه هياط الا تحت هالنوع من الصور بالرغم من وجود اشياء فاخره مثل خيل , قصر , سياره فاخره , ….الخ هالنوع يمدحونه ويعجبوهم وم كانه لنفس الانسانه اللي منزله الشنطه , عجباً !!!!
لكن تعالي اذا هي اشترت شي من ماركات الهاي إند ي الله , شوي وتدخله ف عينك انو شوفي حتى انا اقدر وهمها فلانه مش احسن مني ..
مش بس الماركات والالوف بنقدونها لو يشوفون كريم بميه ولا ميتين يهولون الموضوع ويقولون بطره ليش تاخذ كريم غالي ..لو جتهم فرصه وشروا شي غالي تقولك م ناخذ الا الاصلي , في الاول والاخير كل شخص م يبي احد يتدخل فيه يشتري غالي رخيص , اصلي مقلد اللي يكون , أنا م راح يظهر مني الا الله عطاني إياه وم بنشرتي شي فوق طاقتنا ولا على ذوق غيرنا ومستحيل نظهر الفقر والله اعطانا المال الوسيع ..
والاغلب يحب يكون مظهره شيك وفخم واجمل الاشياء يقتنيها وهالشخص م راح يقصر ع نفسه بشي دامه مقتدر والمال ماله , ومن حقي كإنسانه البس كل شيء فخم واطلع باحلى حُله .
وم في اجمل من التفرد بقطع مش في متناول الجميع وتتميز فيها ..
للأمانه أنا يهمني الشكل والجوده أكثر من الماركه ، لأن محيطي الى الان ما وصلهم خراب الانستقرام يهتمون بالشكل واللوك بشكل عام والحمدالله 🌚
وما عندي مشكله أدفع على ماركه أذا المبلغ عندي وودي أتدلع .
عموما أرفض فكرة أشتري شي وأتحمل هّم المبلغ وأنا ما أملكه عشان الناس وبعدين هُم يعرفون المستوى المادي لي فنكذب على مين ، مستحيل أحمل هّم وعناء عشان الناس ترضى عني
حب كبيييييييييير من هنا الى عندك لمدونتك ولشخصيتك ولكلامك 🙁
حبيت كلامج 3>
بداية حبيييبت اختيارك لموضوع اليوم وتكلمتي عن معلومات ونقاط صددق صددق ابهرتني وخلتني افكر خصوصا سالفه التسويق للماركات بطريقة غير مباشرة ونظرة الناس للهشيء بليز بليز ركزي على النقاط دايما اقلها نكون اكثر ذكاء ونتعلم . عاد انا ماحب المثالية الزايدة الي مالها داعي واقول ماحب الماركات وانها نصب وكذب بالعكس انا وحدة اعششق الماركات واحبها لاسباب ذكرتيها منها الجودة والتميز والرفاهية وبالاخص الشنط بذات اني وحدة ماحب الدرج يمتلي ويتكدس احب يكون عندي شغلات قيمة وثمينة صحيح مرات اني ممكن ماقدر على سعر بعض الاشياء بس ابدا ماضغط على نفسي ماديا وبنفس الوقت ماحرم نفسي كل فترة اشتري شغلة خاطري فيها ولاحظت بعد اني ماشاء الله هههه قنوعة لا شريت من بربري مثلا شنظة خلاص اكتفي منها وادور بعدها ماركة ثانية وعندي قناعة بكرة ان اوضاعي المادية بتتحسن عشان كذا ماعندي اي شعور سلبي تجاه الي يشترون ماركات باستمرار بس بنفس الوقت يرتفع ضغطي من هالي يهايطون بذات على طريقة احلام الي خلت الواحد ماعاد يستحي لما يظهر شعور البطرة ويستحقر الي اقل منه وكانه ذنبه ان فقير يوم جاء على هالدنيا . بذات البنات المراهقات الي تكون بأوج مراهقتها عاد وش يفهمها عن القناعة وتقدير النعم وان هالاشخاص ماييظهرون الا الجانب الحسن بحياتهم وكيف ان لالهم اهل او اصدقاء يحبونهم وتبدا عاد المقارنة السلبية . وخصوصا الما المراءة في مجتمعنا نادرا تكون مستقله ماديا ووضعها المادي يظل نفسه طول العمر . مرات لما اطل على بروفايلات حديثات النعمة وبعض السطحيات احاول جاهدة اسيطر على الشعور قد ماقدر بس مرات يكون غصبنا عني اركز ع اللي موب عندي وانسى وش انا املك بس ابدا ماحقد عليهم ولا اكرههم. بس هي فعلا مشكلة يمكن لان النساء عندنا بمجتمع مغلق وتعاني من مظاهر الاغنياء اللي يظهرون سعادتهم خلال المادة وفوق كذا فيه عادات معوقات تمنع البنت تتكسب وتشتغل بنفسها في هالحالة بعضهم صعب تكون سويه نفسيا والدليل للاسف ان اكثر الوقاحة وقلة الادب بالكومنت من بعض بناتنا للاسف وقد يرجع هالشيء للفضاوة والفراغ ونرجع ونقول هو بسبب االانغلاق وعدم التنفيس.
اتمنى منك يارتوس ان موضوع تدوينك الفكرية القادمة عن السعادة تقدير النعم , وكيف ان بعض الاشياء البسيطة تسعد الشخص مثل ممارسه هواية او اكلها يحبها نبهي البنات على خطورة الكسل وعدم الانجاز لان من اهم اسباب السعادة بنظري هو شعورك بالانجاز وبالاخص ان حنا بزمن تطور بسررعة وزي ماقلتي بيجي الوقت المعلومات ماتكون متوفرة الا بفلوس . العمر ثمين مفروض مايضيع على تحسرنا بامور مانملكها الفلوس ماراح تشتري سعادتك ممكن تزيدها صح بس تشتريها لا مفروض يقدرون معنى حياتهم وانها الحياة قصيرة االواحد لازم يتحرر من بعض الافكار الي تحبس روحه. باختصار ولو اني ادري كلامي ممكن يكون مخربط ان الواحد يقدر نعمة الوقت والحياة فمروض نتسغل شبابنا وصحتنا بتطوير نفسنا والارتقاء بها بدل التركيز على اشياء تضيعك وتشتتك.
ملاحظة قوة التعصب وكمان النقد بهالمواضيع
وكلة كوم والتطبيل الكاذب الزائف كوم
مايصير ننتقد لأن ما عندنا !
و لا يصير نستحقر لان عندنا !
الماركات للي يقدر عليها ما فيها مشكله أبدا
ً ومو من حق أحد يحاسب أحد على مشترياتة
حتى لو توصل لمئات الألوف
لكن أن تجي وحده دخلها عادي
و تحاول تلبس الماركه هنا يكون الغلط ..
ترهق نفسها ليه !!
الي شفته كثير في الأونه الأخيره محاولة
الكثير من الناس لبس الماركات حتى لو هيا تقليد ..ليه ؟
بس حتى يقال عنها تلبس ماركات !
الناس مو أغبياء وتعرف تفرق بين الأصلي و التقلد
و خاصه إذا كنتي تعرفين حالة الشخص الماديه
السوق مليان بضائع و الكل يلبس على قدرته
مو لازم يلبس ماركه ويرهق ميزانيتة
و لا مقلده خايسه حتى يجاري غيره !
كل شخص يصرف على قد مستواه
الاول المادي والثاني الاجتماعي ..
مو منطق يكون الشخص دخله عالي وتكون مقتنياته عكس هذا الدخل ..
ولا يكون دخلة متوسط ويرهق ميزانيتة لاجل مظاهر !
عموما و بالاخر لكل انسان قناعاته وطريقة تفكيره
وذوقه الخاص وميزانيته ..منها تحتم علينا تقبلها واحترامة ❤
انتي جمال الكون واسلوبك يججنن ماشاء الله 💜
استمتعت كثير وانا اقراء بجد انسانة مميزة بكل شئ
ربي يكتبلك السعادة ويوفقك 😙
يسعد مساك ارتوس
قبل سنه او سنتين قلتي كلمه وظلت في راسي إلى الان ان المستهلك هو الي يدفع قيمة تدليعه في المحلات الفارهه والحين نفس كلامك
عن نفسي ما احب ارهق نفسي وميزانيتي على براند غالي جدا
والاهم من كل الشي التنسيق الجميل و الذوق الراقي مو بقيمة القطعه ياما ناس تعرفين ان لبسهم بالكامل باهظ ولكن مافي ذوق وتهول
وفي نفس الوقت احب اشوف نعمة الله على خلقه ليش احسد وحده شاريه غالي او اشكك بها وبستايلها لان بالاخير هي الي تدفع من جيبها
فاستغرب من هالناس الي تحقد ولو انها مكانها كان سوت مثلها وفشخرت وا ستحقرت غيرها و اسواء بعد
وصدق الوزير الفرنسي بهالمقوله لاني اشوف الناس ذو الطبقه العاديه او اقل هم الي يرهقون نفسهم و يعشون البئس و الشقاء عشان يصيرون مثل الاغنياء
و اسفه عالاطاله ولكن تدوينتك حكت ما نريد ان نقوله للناس
الموضوع يجنن يجنن يجننن ماشاءالله
كتابتك مفصله ومريحه جداً
شكراً لك
❤️
معك بكل كلمة قلبآ وقالبآ..❤️
انبسطت جدًا بالتدوينة شكرًا شكرًا. بمدونتي سَبق ونزلت تصويت على مقولة “الماركات كِذبة تسويقية” طلعت النتيجة 88.1 مع و 11.9 ضد فالأغلبية عندها احساس داخلي انها مخدوعة. ومع ذلك تشتري. فـ قوة التسويق لها دور كبير، إضافة الى قدرة الشركة على خلق انطباع ايجابي عنها يخليني اشتري منها وأنا عارفة أنها محملتني سعر واو عن سعر التكلفة.
وكنت ناوية أنزل تصويت جديد عن هل أنتِ مع أو ضد التقليد للماركات العالمية لأني أعتبره موضوع يستحق أني أكتب عنه مقال بوجهة نظر إدارية. لكن تأخرت بسبب نقص المعلومات + أنه ماعندي أحد مُطلع على هالموضوع وأقدر أخذ رأيه فيها، ولذلك تدوينتك جت بوقتها واستفدت منهَا كثير. الصدق اني اتحمست ابدأ بالتدوينة 💪🏿💜
وبالنسـبة لأسعار الماركات فمثلاً أذكر أستاذتي بالإدارة الاستراتيجية قالت: “ماركة جفنشي عاشت بالبداية وهي مديونة لأجل بس تُحيي حفلات تُضاهي فيها الماركات اللي أكبر منها” لذلك يُحتمل أنها جالسة تحمل العميل مبلغ وقدره مقابل الأيام السيئة اللي عاشتها. وبخصوص شنطة ديور اللي الأغلبية اشتراها جلست اتأملها فترة هل هي فعلا تستحق الـ 18,000 كجودة وتصنيع وكذا.. والا هالسعر رايح لحرف D الـ (متدودل)؟ 😁
ويبقى السعر يعتمد بشكل كبير على اسم الماركة وسمعتها، والاصل انها ما اخذت هالسمعة على قل جودة.
أنا شخصيا من الناس اللي ماتحب سالفة كل شيء ماركة واو. وفيه أشياء مثل الجزم وانتِ بكرامة ما سبق واشتريتها من ماركة أكبر من زارا. لكن عندي استعداد اضرب بالساعة والشنطة 😁 والأهم أن الإنسان يكون عقلاني، ويناظر لميزانيته وماتصير الدعوى “البس اللي يرضي الناس”.
ختاما بعد كل هالقرق: كل ما كتبتي عن شيء مثل هالمواضيع (اللي تحوم حوالين الإدارة) ثقي اني بطير من الفرحة 💜💜
حبيت وجهة نظرك كثير فمجتمعي نادرا تحصلين احد يعرف الماركات الهاي اند فما عندنا هذه الاستماته على الماركات صح احب الماركات واتمنى اقتنيها لكن من وجهة نظري فالوقت اللي يكون فيه شراء ماركة هاي أند كرفاهيه عندي من سعة وماراح استميت اني اجمع مبلغ واحطه في قطعه كان بالامكان وقتها هذا المبلغ يجيب لي اولويات في مشترياتي لكن لو جا يوم من الايام وقدرت اشتري ماراح امنع نفسي ولا احرمها انا احب ادلل نفسي جدا فحاليا ما انتقد اللي يشترون ماركات ابدا ولا انتقد اللي اقل مني واقدر اكون ستايلش بقطع جميله من ماركات حلوه مثل نيولوك كوتون زارا وحتى سيتي ماكس ومكونه لنفسي ستايل خاص فيني اصبحت معروفه فيه يعني الانسان بامكانه يكون انيق بس اهم شي الذوق الجميل والرضا عن الذات وكلي حماس لمشاهدة مشترياتك ولوكاتك عيني تعشق كل ماهو جميل
موضوع يعبر عنك بكلمتين فقط
رقي التفكير
أهنئك 👍🏻👍🏻
وياليت يكون منك نسخ كثير
الماركات اعتبرها وسيلة للهياط
وماأشوفها تميز لأن اغلب الناس صاروا يلبسون نفس الماركات وتقريبا صار ذوقهم واحد
فاللي من طبقة ثرية تشتري الأصلي واللي تعتبر من الطبقة الأقل تشتري زيها بس تقليد
يعطيك العافيه آرتوس جد جد إستمتعت وأنا اقرا الموضوع
تحليييلك منطقي وواقعي ..وحتى بإجابتك الأخيره أقنعتيني بكلامك
راقيه سوس
وأنا من المتابعات المخلصات بالقراءه والمتابعه لك بس مش من المخلصات بالردود للاسف
كل الشكر لك
كلام جميل
يسعدك ربي كلامك سلليم ومقنع جاي ع وترنا الحساس
وفعلا الاهم ندلع انغسنا حسب ميزانيتنا
اهلين يائلبي كيفك عسسساك باحسسن حال .. مفرروض ارد من اول مانزلت التدوينه بسس قريتها سريع سريع وطلعت جايني صدداااع بعيد عنك معاد اتحمل نور الجوال احسسه يصدعني زياده ،
حبيت الشوزين احسس كميه جمال فيهم تصدقين اول ماشفت الاحمر حسيته هو الغلط بالصوره بسس قلت لا يمكن شي ثاني راحت علي يالله .. عند اختي زيه بس من نيو لوك .. اححب الاحمرر بس احب اشوفه لكن ماحب البسسه قد شفتي مثل كذا انفصام خخخ لاجدد احسه يجذب ويأسر الناظر ، جد ماشاءالله كأنك توك شاريته لازم تطلعينا ع هالسر 😜. بالنسبه للماركات حبيت كلامك من جد كلام شخص عقلاني وناضج .. واساسا كل شخص حر وش يلبس وش يشتري مو هذي فلوسسه خلاص كيفه لو يحرقها .. بس فيه ناس تجيبلك النرفزه غصب عشانك شريتي ماركه فاخره زي دولتشي وديور وغيرها من الماركات تجيك وتتتكلم ببجاحه الماركه اكذوبه صدقها الناس ومن هالكلام ولاكله كوم والي تقول تقهرين الفقراء !! تخيلي هالجمله قريتها قريب بالانستا لمن دخلت حساب افنان الباتل بطمن عليها الا اشوف وحده كاتبه الي صارلك درس من ربي لانك تحطين صور مطاعم وصور اساور كارتير كل وحده بقميه ستين الف ولا خمسين الف .. تخلي تتتشمت فيها وبمرضها اعوذ بالله مو لهدرجه
وصل فيها الحقد جد انفجعت من كلامها وكسرت خاطري افنان لمن تقراه كيف بيكون وضعها ..الله يشفيها. ويفرح امها بسلامتها. .
بالنسبه لي اشتري الي يجوزلي عندي ميزانيه محدده بغيت الماركه جبتها بغيت التفليد جبتها ليش انقهر من غيري الله الي يوزع الارزاق مو الناس استغفرلله مرضى وربي
وانتي ياسوس مجتمعك يحتم عليك تكونين كذا وتظهرين بهالمنظر ونفسيا انتي تقدرين تجيبينها وانتي مرتاحه ماعليك من هالعقليات الحاقده .. وننتظر فاشونياتك ياعسسل😜❤❤
كوني سسعيده ❤❤
احبك ❤❤❤
حبيييت طريقة طرحج للموضوع فعلا انصفتي الطرفييين
طرح جميل استمتعت بكل نقطة وفتحتي عيوني على أشياء أجهلها ، ما شاء الله أنيقة من كل النواحي ومهتمه بمقتنياتك تبارك الرحمن
أما سالفة إن الصوت يتغير لما نبدانذكر الماركات الهاي ضحكتني ههههههههه أحيانا الإنسان يتصرف تصرف بايخ ما يدري عن الحقيقة المرة
جميييل جدا اعجبني كثيييير…
تلهميني بابسط الامور اشوف الحياة حلوه وبسيطة خاصة لما تتكلمين عن اسلوبك وعنايتك اعشششششششششششقها
والله تحسفت لما وصلت للنهايه ابي زيادة كلامك ممتع المهم بثرثر عليك وحاولي تستوعبينه او تجاهليه هههههههه
بتكلم لك عن نفسي انا وحده وضعي المادي وسط لا معدمه ولا ثريه والحمدلله على النعمة
لاحظت تقريبا من بداية الانستقرام والناس كل مالها تنهبل طبعا فيه اللي من كلامك يسوونه دعايه وفيه اللي مع الخيل ياشقرا
صار عند البنات شغف بماركات هاي اند بشكل غريب لدرجة انه عادي تتلحط عشان تشتريها وتغثنا
انا قبل عادي ادور تقليد درجة اولى وادفع عليه مو مشكله اهم شي معهم ومثلهم بس الحمدلله ماقد شريت ابد ابد
وبالصدفه وجدان فاشن تتكلم بتويتر تقول ان فيه بنات تدفع مبلغ بالتقليد وبنفس قيمته تقدر تشتري ماركة كويسه جلدها افضل و و و كلامها كان كثير عن هالموضوع
والله ادعي لوجدان بعد هالتغريده صحيت صحصحت انتبهت اكتشفت اني لا انا اللي اشترت الغالي واستمتعت فيه ولا الكويس وكرفته يعني اخذت شي خياس
من بعدها تغيرت مفاهيم الشراء والشوبنق عندي
اشتري شنطة قيمتها بين 300-500 ولا اشتري تقليد مهما كان قيمته
صحيح ان الهاي اند شكلها مميز وراقي بس انا ماعندي استعداد ابدا ارهق ميزانيتي عشان شنطة
والله مره يارتوس شريت شنطه من موقع ب46 ريال بس كان لونها عاجبني ولما جت انهبلت منها
ماتتخلين كيف جلدها ورزتها هههههههههههه لدرجة قلت للبنات سعروها وعطوها فوق الخمس مية والله فطست ضحك ماقدرت اقول ماوصلت 50 ريال بعد
طبعا انا لما اشوف وحده تتكلم عن التقليد وانها تبي تشتري وكذا احاول قد ما اقدر اقنعها بانها تبتعد عنه تحط فلوسها بشي سنع
وفعلا انا مالومك لما تهتمين بالحفاوة والتكريم قبل الشراء
بعض حسابات انستقرام لما تطلبين منها ويجيك تغليفه مرتب وكويس تحبينه وتفكرين تطلبين منهم مره ثانيه
والعكس بعد مره اختي جتها هديه من متجر على ان المتجر بضاعته روعه
وصلها طوق الورد بكيسه والكرتون تخيلي كرتون لحم مفروم !!! طبعا مرسلته مع شركة رخيصه والله طاح من عيوننا
على ان عاجبني كم حاجة بس مافكرت اطلب منها ليش مدري.
عالعموم كلامك مرراا عجبني وحسيت كانك معبره عني
وياليت ارتوس تتكلمين عن مواضيع الشعر خصصوصا الجاف كثري منها وشكرا ياعسل
هههههههه كنت اشوف الشوز فخم بشكل😭
لما دريت انه من الدو والله صرت اشوفه شي ثاني 😂
طاح من عيني ههههههههههههه
شخصيا رأيي الاتزان واجب فلو كان ربي منعم علي ماشوف فيها شي ادلع نفسي بدون مبالغه وبشكل راقي ومتزن بلا تفشخر
ولو كنت على قد حالي ياكثر الماركات الحلوه الحمدلله ولاعمره ينقاس ذوقي بسعر غالي
واكره شي التقليد شي ينرفز وينتقص مني حتى لو اني غنيه الاصلي اصلي سوا رخيص ولا غالي
ومالي خلق فئتين الي كل مالبست ماركة محترمة ابثرت الناس والفئة الي تنقد وتسب الي يلبس خير لايكون يشتري من فلوسكم؟
ارتوس ابي اتواصل معاج كلمتج على الدايركت في الانستا ممكن تردين
اهلين ارتوس وحشتيني كتير رجعتلك بعد طول غياب هههههههه
والله الموضوع رائع وهالموضوع سار بينطرح بأغلب قعدات الصبايا وبيحتد النقاش عليه
وحتئ مع خطيبي دائما بناقش مواضيع اللوكجري براندز
انا مابحب البس تقليد لو ايش ماسار مافي شي يظطرني انو اتفشخر بتقليد انا بقدر اكون ستايلش بماركات تناسب دخلي المادي وتكون اصلية مش لازم انو اتفشخر عالكزب يعني اشتري من زارا والدو وريفر ايلاند وهالماركات اللي تناسب وضعي المادي وبنفس الوقت مجتمعي ومحيطي بعرفها وبقدرها يعني انا لو احمل شنتة لوي فتون قيمتها اكتر من خمسة الاف رح يفكرني محيطي حامله شنته تقليد قيمتها ماوصلت للميتين ريال بس لو احمل شنتة الدو اللي شافوها بالمحل قيمتها 600 ريال راح يقدروني اكتر فكل واحد يلبس اللي بناسب ميزانيتو وبناسب محيطو انا ان شالله الفتره المقبله رح اتجوز وانتقل لطبقه اجتماعية اخرئ ارقئ فوقتها رح اظطر اني البس واشتري ماركات لوكجري وماراح ادايق بالعكس لاني بعرف انو في مين رح يقدرها ويعطيها قيمتها مش يبخسها
وبالمناسبه لو خيروني بين الشوزين تبعك من غير اعرف الماركة رح اختار اللون الاحمر رغم انو مش اللون المفضل بس كتير حبيت الديزاين وحسيت بشبهني وبشبه ستيلي وهادا دليل انو الماركة مش كل شي
برستيجك يحكي لوحدهـ .. ذوقك في كل شي ذوق ☺️👌😻
احب الاهتمام واللطافه المجتمعات فيك ماشاءالله
😉
حاولت اصيد الغلط بالصوره ما قدرت لوووول ، موضوعج قوي كالعاده و اهم نقطه انا اشتري حق نفسي مو حق الناس يعني لما اجمع مبلغ و اشتري فيه شغله بستانس عشانها و لما ما اقدر اشتري باللي عندي ليش اخذ شي فوق استطاعتي عشان الناس ، في وحده اعرفها خذت قرض عشان تشتري ساعه 😳 كل هذا ليش عشان تبين للي حولها ان عندها خير و اهي وراها قرض ، السالفه والله سالفه قناعه شخصيه ، برافوو تووسا و ناطره لوكاتج على نار 😘
قالوها قديما مد رجولك على قد لحافك
المسكين اللي يكسر خاطري اللي ياخذ قروض ويتعب نفسه ويرهق مزانيته علشان المظاهر !
اكره المظاهر الكاذبهه لانه ماهو دليل عز ولا راح تشبع داخلك دامك موب مرتاح و مرهق نفسك عليها
واحلى المظاهر واجملها مظهر النظافه والعنايه بالمقتنيات
مشاءالله شوزك الاحمر نفس ماهو عليه من النظافه
النظافه و العنايه بالمقتنيات تذوب قلبي اكثر من بيركن اللي ذابت عليها اللي بتشتريها
الله يوفقك يا ارتوس ولا تحرمينا من جمال مقتنياتك
حبيييت الموضوع وعنصر التشويق اللي فيه
“– بَخصوص إنه لَيش أعرف كل هالكَلام وَ مازلت أشتري من المَاركات الفَاخرة ؟
لأن برستيجك الإجتماعي يَحتم عليك سَاعات تلبس أمور من هالنَوع
بالإضافة لأني أقَدر ، لو ما أقَدر ما بَضغط على نَفسي ”
اختصار هالتدوينة كالجملتين
موضوع رائع وطرحك اروع
الشنط والساعات والأساور هذي الاشياء تدخل على قلبي السعادة بالذات اذا كانت ماركة مرات احوووش عشان اشتري شي عليه القيمه وأحس اني حطيت فلوسي بمكانها الصح مثلا أساور كارتير الحين في محلات الذهب يبعونها وبنفس الشكل ولموصفات وذهب خالص وسعرها ارخص بكثير من أساور كارتير يعني استثمار صح بالنسبة لي انا احب الماركات ومااحب التقليد ابدا مثلا بدفع ٢٠٠٠ او ١٠٠٠ في شنطة تقليد درجة أولى مستحيل لانه اقدر اروح لماركة ثانيه تكون ارخص او اجمع الين اوصل للهدف
ياليت تكون مواضيع الفاشن اكثر شوي والف شكر لك
ردودج وافكارج ف هالموضووع كلهاااا تمثلني صدق …
احس مب بس عشان اني يكون عندي هالشي مثلا شنطة او اي شي
لا وايد يهمني المكان اللي اكون فيه و الناس والسيرفس عادي احب هالشي ..
وترا صدق قوسيب قير طالعت اربع مواسم بالذات اخر ال seasons كانوا
وايد وايد مهتمين بستايلهم وكنت اقول لبنات خالتي شوفيه حتى لو ما فهمتي القصة
لان احسبها لغز كل شو شي يديد عادي عندي لان اللي صدق كان يشدني لبسهم ..
حتى اني اتمنى لو يسون season يديد… هالبوست كتييير كتييير حبيتواا كثري منهن
هيييه ذكرت شوز الدو ولا انتبهت ..انتي من كمن يوم منزلة ف الانستغرام صورة وانتي فالمحل وعيبني ال
wallet واقول ف خاطري ولا LV نزلوا اشياء حلوة وعاد بالذات الشوز وايد شدني واخرتها قصيتي علينا طلع الدو ..
احس مب شرط الواحد يشتري الشي الغالي لا لكن يشتري الشي الunique الحلو …انا بعد جيه احب اشتري قطع من كل مكان ..
وبعد في ناس تحسين خسارة انهم يشتروون ماركات لان مراات الشي يكون لوعة لو ببلاش ما بلبسه اوكي صح في اختلاف اذواق
بس في ناس يشترون الشي ع اساس انه خلاص ماركة يعني انه خلاص واو ..
مره انبسطت وانا اقرا التدوينه جميل كلامك ماشاء الله توسه. وبالضبط مستحيل ارهق ميزانيتي عشان الناس كملي توسه تدوين كذا الفاشن ومشترياااتك ❤️😍
انا من اقدم متابعاتك ولا عمري فكرت ارد او اشارك
لكن هالموضوع نطقني^ اي حمسني اقول رائي
قريت من ضمن الردود وحده تتكلم عن بنات الجامعات فعلا صاروا احزاب انا كنت مع قروب بنات يهتمون بالمظاهر لدرجه اني تعبت نفسيا معهم مع اني مرتبه لكن صعب جدا اجلس مع ناس يناظرون شنطتي قبل وجهي
اما الاعلانات لازالت مستمرة بالمسلسلات وخاصه التركيه
باحد المسلسلات” سكرتيريه تقراء جدول اعمال مديرها من جوال جالاكسي نوت..”وباكثر من مسلسل بالمشاهد يركزون على الجوالات لدرجه احسهن بطل من الابطال وتتفوق بهالمجال شركة سامسونج
.. ارتوس انتي انسانه رائعه غيرتي فيني كثير اشياء ومن امنياتي اقابلك واتكلم معك شخصيتك جميله الله يجزاك عنا خير الجزاء
احيانا اقراء تدويناتك عشان الطرح والاسلوب مع اني استفيد من مواضيعك وبعد مقنعه لاتلومين اللي يشرون منتج بناء على كلامك😆
انتي مختلفه عن الجميع تفصفصين الموضوع فصفصه فالبنات يثقون بكلامك ثقه عمياء وانا احيانا من ضمنهم😂
شكرا من القلب
لاحظت ان هالموضوع اذا انطرح باي مكان وباي زمان جميع البنات ماشاءلله لا اله الا الله يقولون اكيد بشري الماركه اللي ماترهق ميزانيتي وما احب الناس اللي يهتمون بالمظاهر ويدققون و..وو
:اجل مين الناس اللي يهايطون😉
موضوع راقي ووجهة نظري مثل وجهة نظرك باختلاف بسيط ..
انا مثلا ماتهمني موضوع الرفاهية المقدمة وهالامور لكن مثلا احيانا يكون بنفسي هالماركة احس بخاطري تكون معي وبخاطري انها تكون اصلية حتى لو في تقليد .. وشراءها يسعدني .. كل مرة البسها احس بشعور جميل اني شريت شي نفسي فيه .. هنا اشتريها اصلية وقلبي راضي وسعيد حتى لو اخد شافها وتوقع انها تقليد مايأثر علي ولا اسعى لتوضيح انها اصلية ..
الجانب الاخر ان احيانا اشتري تقليد لشي عاجبني شكله وحابته .. وماعندي سعره – وهالشي مو عيب المفروض – او مايهمني اني ادفع فيه مبلغ كبير .. لانه فكرة انه اصلي او مميز ماتهمني .. المهم هالشكل حبيته وصار عندي ..
زوجي راح ايطاليا قبل سنة واشترا لي شنطة من براند ايطالي اصلي لكن حنا مانعرفه .. قيمتها حوالي 400 ريال .. وصدقا الشنطة جدا جدا جميلة وصناعتها نظيفة جدا وجلدها راقي .. حبيتها اكثر من كثير ماركات منتشرة .. كل مول او مركز اروحه مهما كانت فخامته ماشفت احد عنده مثلها .. شي زي كذا عندي يسوا شنطة باربعة الاف والاقيها بوجهي بكل مكان .!
المشكلة صارت الماركات مو ترهق قلوب العذارى الا ترهق اهاليهم وقرايبهم .. لما بنت قريبتك مثلا تهديها ساعة من سواتش او مثلا عطر من أجمل او فيكتوريا سيكرت او شنطة من جس وتحسينها مستسخفه الهدية .. وانا اتخيل ان عقلها يخيل لها ان بتجيها هدايا مثل هوامير الانستا والفلوقرز !! قريبة لي صغيرة عمرها 15 ودايم تلمح ع اشياء غالية جدا بالنسبة لعمرها وايضا بالنسبة لميزانية اهلها او اللي بيهديها وتحسيها كأنها تلمح ودها هدية .. صار الموضوع يحزن .. واكبر من مجرد موضوع شنطة ..
انا اتابع فلوقرز مراهقات اجانب ومااشوف هالبذخ ومفهوم الماركات الفارهة اللي انتشر عندنا .. اغلب ممتلكاتهم من ماركات جيدة ومتوسطة ..
ولما اشوف احد مسوية مسابقة وتقول حابة احقق امنية لكم واشوف الطلبات للاسف ارحمهم .. انحصرت الامنيات بشنطة وبآيفون .. وهذا يوضح ان قد ايش الموضوع محسر البعض انه ماعنده ..
شكرا توسة عالتدوينة الجميلة .. تاخرت بتعليقي بس اتمنى تقريه 😄❤..
تدوينة جمييييلة يا ليتك تكثرين من هالتدوينات الفاشونية
استمتع فيها أكثر من تدوينات العناية رغم تميزك في الطرح في كلاهما
و استمتع أكثر بمعرفة رأيك و نظرتك للأمور ,
كثري لنا من هالتدوينات
ليش الناس خلو الاناقة محصورة بالشي الغالي ؟انا زوجي مقتدر ماديا الحمدلله واقدر اشتري بس مجتمعي ماكان يلبس او يلاحظ هالشي ماعدا هالسنوات الاخيرة !وبالعكس احب اشتري شي غير معروف اهم شي يطلع انيق الناس تحكم عليك من فلوسك لو انتي تاجرة وتلبسين تقليد قالو واااو ولو منتفة ولابسه اصلي بيقولون تقليد اكيد انا دايم اشتري شي عادي ويسالوني من وين لانهم حاطين ببالهم انه شي غالي قبل كم سنه لبست تنورة انيقة جدا كانت ب30ريال
بعدين في شي بالانستقرام ليش البنات يحبون لفت الانتباه لاشياء غاليه!مثلا طالعة لكافي الزوم على الشنطة او الساعة !!اتوقع الي متعود على الرفاهية وعينة مليانةمايهمه التقاط الشي الثمين بالصورة مثل التقاط اللحظة الجميله
ارتوس اكثرر شي مميزنك عن غيرك اسلوبك غير غير عن اي حد اتوقع لو طلعتي بالسوشل ميديا او لو بس حتا بديتي تعرضين اغراضك بتسوين ضجه وايد خاصه انك بالاساس بلوقر يعني بيكون. الوضع عادي وما بيكون فيه نفس لو كانت ممثله ويالسه تتفشر او تحاول تضهر ماعندها والحاال الحين بالسناب كل وحده تعيب ع الثانيه ان فلانه تحاول توريكم ان عندها كذا كذا ماركه .. بالعكس انتي بتسوين ضجه بس بدون لاحد يقول ان تتباهى بما عندها
بدون لا اشوفك مكونه فكره كبيره بمخيلتي عنك وبصوره جدااا جميله وانتي بتظلين بنظري اول بنت مقنعه و لك طابع ماشفته مع احد ثاني ابد
ماقادره اوصلك فكرتي بس اعتقد فهمتيها 😁😁
خاطري اعرف الجوتي الاحمر مع شوو لبستيه
كلامك جدا رائع
بصراحة ماكنت مقتنعة اني ادفع مبلغ كبير يرهق ميزانيتي ع ماركة معينة خصوصا ان عندي اولويات تستحق اني اقتنيها اكثر من الشراء بهالمبلغ واني سريعة الملل من اي منتج اقتنيه واحب التغيير
لكن بعد ماتغير المجتمع باكمله من طبقك متوسطة واقل من المتوسطة وصار كل الموجودين في مناسبة كبيرة يحرصون ان الشنطة تكون ماركة مشهورة او الشوز او غيره حتى لو تقليد اذا ماتقدر لكن اهم شي عندها انها تكون مع الجميع في الستايل
تغيرت نظرتي شوي لان حتى خواتي اللي حولي هذا محور حديثهم وكلهم اقتنوا هالنوع من الماركات العالمية
فاقتنعت اني اشتري منها ولكن مع اني اطول عليها وما استغني عنها بسرعة زي عادتي دايم
فالشي اللي كان لي نظرة سابقة فيه
اضطرني المجتمع بأكمله والسوشال ميديا اني اغير نظرتي تجاهه شيئا فشيئا لين حبيته حتى ههههههه
كلامك جميل بس ليتهم يفهمون
انا غالبا اركز على الشكل وانو عاجبني اكثر من اني اركز وش ماركته او بكم
ومع ذلك اخذ النصيب الاكبر بالمدح رغم ان اشيائي مو ماركه ولا غاليه
هو بنهاية ذوق ومعرفتك بنفسك وبس
🙂
التدويينة جميييلة وكمية الرقي فيها عالية
التهذيب والتعامل في موضوع الماركات مفقود عند كثير من البنات من الجانبين مثلما قلتي.
حبيت التدوينة وأتمنى تعرضي مشترياتك ♡♡♡
أنا عندي بصراحة تناقض في مشترياتي.. منها العادي اللي يعجبني شكله أو عملانيته او يكون مناسب للوك أشتريه
ولما أشتهي شعور الأناقة والتميز والحفاوة كالأميرات أروح أشتري من الماركات الغالية لكن هذا مو مستمر.. شيء أخطط له قبل مدة على رواقة
موضوعك في محلة وعجبني طريقت نقاشك انا احب اشتري الماركات ولكن مو في كل شي ممكن الحجات الي لها علاقة بجسمي والعناية بها مثلا المكياج والكريمات ممكن الحذاء لانه مهم انه مايسبب لي الالام بالظهر اما بالنسبة للحجات الثانية ممكن في المناسبات الأهل فقط
انا من محبي التنوع عندي شنطة بالف ريال وعندي سنطة بثلاثين ريال اهم شي عندي النوع والشكل واللون يعجني
الخلاصة التنوع مهم مثل ما قلتي الواحد يحب مرات يدلع نفسه ويحس بالتميز ولكن في النهاية حسب ميزانيتنا ومانرهق حالنا لجل المظاهر فقط
حبيت فكرتك في التشتيت في البدايه والمقارنه بينهم
تذكرت مره سمعت وحده من مشاهير السناب سالتها وحده من البنات
لو عندك شنطه من براند عادي او رخيص وعاجبك شكلها بتلبسينها ؟
فكان ردها بستغراب طبعاً لا اذا عندي الماركه الفلانه و… ماراح اضطر البس غيرهم حتى لو شكلها عاجبني !
فلاحظت صاروا البنات يهتمون باسم الماركه قبل يشوفوا هي عاجبتهم اصلاً هي ستايلهم
لا صار عندهم اهم شي انها من الماركه الفلانيه !
كلام جميل جداً , أعجبتني تدوينتك بقوة ..
دايم عندي هالفكرة و أخيراً لقيت أحد يوافقني أنه كل طبقة من المجتمع أو خلينا نقول الحالة المادية هيَ اللي تحكم البراندات اللي تشترين منها , خصوصاً لما يتعلق الموضوع بلبس و شكل يعني مو زي الميك أب و العناية بالبشرة يعني شي حساس تدفعين فيه اللي يحفظ لك هالنعمة , عن نفسي أنا ماعمري بحياتي أبببببداً أشتريت من براند فاخرة لغير الميك أب و منتجات البشرة 😀 ما اقدر يأنبني ضميري بقووة 😀 و الحمد لله حالتي المادية كويسة لكن ماش أحس ما وصلت أني اشتريها ولو بشتري منها بتكون ملابسي قليلة 😀 و البراندات على مستوى ماسيمو دوتي و كذا مرررة حلوين ليش اشتري نفس الشي تقريباً لكن ادفع فيه اكثر “مو نفس جمال الديزاين و الجودة طبعا 😛 لكن مقارب” , اما بالنسبة للشنط حاليا قاعدة افكر اشتري وحدة غالية صدق أو لا تصدق 😀 لانو فعليا الشنطة بكرفففها 100% مو زي اللبس اكيد ..
فيه نقطة مدري إذا بيوافقني أحد ولا لا بس دايم تجي ع بالي أنو فلوسي فيها حق للمجتمع غير الزكاة طبعا , بس لازم يصير فيه توازن بين أنو ارفّه نفسي و أني أخدم مجتمعي اللي عايشة فيه بجميع انواع الخير اللي ماتنعد .. يعني لوصرت اشتري من البراندات الفاخرة ماراح يمديني أوازن ! بدلع نفسي على حساب مجتمعي .. لكن لو حالتي المادية تسمح لي بهالتوازن بشتري طبعاً ! ربي رازقني هالنعمة ..
كمان فيه ناس عجيبة يعني تنقد الناس اللي تشتري براند غالية “أنها تهتم بالمظهر بزيادة” , لكن لو حصل لها تشتري نفس المنتج بتقليد “فاخر” اشترتها على طووول !! مين يلاحق المظاهر اللحين :/ ماراح تعطيك جودة المنتج الأصلي ليش تشترينها , عشان العلامة والمظهر طيعاً :/
بالنهاية كل وحدة ممكن تشتري اللي تبغاه وبالسعر اللي تبغاه بس بشرط تطلع قيمته باستعمالها له بالشكل الصح + واهم حاجة ( مد رجولك على قد لحافك ) لاتضغط على نفسها لحساب الكماليات , حتى المنتتتتتفة تقدر تطلع بشكل مرتب و حلو , مو لازم بنفس مستوى غيرها أهم شي تكون مهتمة وشكلها مرتب و لطيف ..
أتمنى لك ويكند سعيد توسة xxx
كلام رزين وينفع كل فترا نرجع نقرأه علشان نطلع من تخدير الاعلانات والدعايات
الماركات المشهوره تطلع لوك جميل وفانسي والي رفع نفسه لمستوى مو قده صعب يرجع ويشتري شوز أو شنطه ب 300 ريال
لكن ضروري نوازن ونعرف ان لكل مقام مقال
وجودي مع بعض الأشخاص المتوسطي الدخل يحتم علي ألبس بمستوى متقارب و فيه مناسبات فاخره بحكم اني محاطه بهم لازم اكون بمستوى مقارب كمان
اتذكر مرا شفت وحده اعرفها معاها شنطه صغيره جميله لفتت انتباهي ومدحتها لها سعرها مو أكثر من 200 لكن ناظرتني باستغراب انو انتي شنطك برادا وشانيل وجايه تقولين شنطتك حلوه!!
ما اكذب عليك ان جمال شنطتها خلاني افكر اني أوازن بحيث يتيح لي مجال اشتري شي ما يأثر على ميزانيتي ويلبي احتياجاتي ويخدم اللوك زي ما قلتي
🙂
وهابي ويكيند آرتوس
تذكرت شغلة .. قريبتي ماشالله اغنياء جدا .. وممكن تشتري براحتها بالبراندات ..
وبحكم قربي منها انا عارفه انها تشتري تقليد هاي كواليتي ..
مجتمع خواتها ونحن قرايبها ندري لان هي تقول هالشي .. مجتمع صديقاتها والعمل ماتقول هالشي .. وتظهر كمنافسة لهم ..
والاكيد انهم متوقعينها انها اصلي ..
يعني اللي مجتمعها متوسط وشرت غالي هيعتبروه تقليد والعكس
وهذا اظهر لنا الفئة اللي من تجلس باقي شوي وتحلف ان اغراضها اصلية اللي ممكن دفعت راتبها كله في شنطة !
أنا معاكي بالي قلتيه, بإختصار أشتري الي يناسبني و يعجبني وعكس ذوقي و يناسب الوسط الي حولي ” نوعاً ما” .. مو شرط بس عشانه للبراند الفلاني “بس ما ننكر أن اسم البراند له نغم رنان أوقات”
ما أشوف إن الشراء من الأسواق العادية ” عيب أو عار ” ولا أشوف أن شراء الماركات ” فخر أو يعطيك قيمة ” و الي يفكر بهالطريقة .. امم ماني لاقية كلمة أوصفه فيها ..
***
لكن .. أنا ضد شراء الماراكات المقلدة .. لا تقليد درجة أولى ولا درجة عاشرة .. والله امكانياتي تسمحلي, اشتريت من نفس البراند .. ماتسمح , السوق فيه خيارات كثيرة ..
مانجو و زارا و ألدو و اتش آند ام و غيرهم ينزلو كولكشنز من الملابس و الشنط و الجزم ” الله يكرمكم” وغيرهم .. اشياء تشابه ماراكات الهاي إند
يعني لو انا عاجبني موديل شنطة معينه لوحده من البراندات الكبيره و ما اقدر اشتريها .. ممكن آخذ شي مشابه لها من هالمحلات
بس اني اروح اشتري وحده تقليد عشان أبين للناس ان والله انا اشتري ماركات !! هذي بنظري تفاهه و صغر عقل
وانتي قاعده تضحكي على نفسك قبل الناس ..
من جهة ثانية , ما أشوفه غلط ولا عيب ولا حرام لو ربي منعم عليكي , انك ترفهي نفسك و تشتري الي يعجبك !
ما أشوفه تبذير و من هالكلام .. الله خلق و فرق , و وزع الأرزاق على الناس بحكمته
دايماً اسمع الناس تنتقد أحلام ليش تشتري بهالمبالغ , بكل بساطة رأيي ” فلوسها وهي حره فيها !!”
ولو عندنا الي عندنا بنسوي نفسها .. بلاش شغل الزهد الكذاب , لأن هذا طبع معظم الناس .. كذا من ربي
خصوصاً احنا البنات ..
عوافي <3
موضوع جدا جميل ، الجمال موجود في كل مكان مش منحصر بماركة معينة و بالهاي براند او الدرق ستور ، اكتر شي يجذبني في تدويناتك الكم الوفير من المفردات اللغوية والجمل المرتبة استمتع بقرأتها جدا حقيقي اثراء للقارئ بدون تكرار ممل 👏🏻💜💜 ( اول تعليق اكتبو في المدونة 🙊) ونقطة عرض المشتريات اضافة جميلة اكيد 💜💜🙏🏻
اشتقت اشتقت اشتقت والله العظيم واخيرا قدرت اطل ,, ماشاءالله اذا اجتمع العقل مع الجمال والسلام وانا لازلت مصره عالسلام مدري ليه ..
حبيت الموضوع اوي بالرغم لا يعنيني بس استمتعت بالقراءه .. نشوف متى اقدر اطل مره ثانيه “فيس مستحي
تسلم يمينك كلامك مقنع مررة ليتنا نعمل فية
انسجاااااااام .. كلامك شي روعه 💖
فعلاً اتفق معاك خصوصاً بآخر جزء !
طرح جميل يعطيك العافيه .
بحكم اني دارسة بزنس وخصيصا محاسبة اغلب الكلام اللي قلتيه وخصوصا في ما يتعلق بالأسعار اعرفها واحاول افهم اللي يسال هذا
السؤال بنفس اجابتك انه كل شي تشوفه انت دافع مقابله وفي في المحاسبة بند مهم جدا ويعتبر اصل من أصول الشركة يسمى( الشهرة )
وهو اصل غير ملموس لا هو عقار ولا نقد ولا غيره بس يعتبر مهم جدا للشركات .
انا مع المثل الشعبي مد رجلك على قد لحافك اللي يقدر عالماركات يشتري واللي ما يقدر لا يضغط على نفسه
اهم شي النظافة والترتيب والمظهر اللائق .
حبيييت التدوينه ياليت اصور كلامج واحطه بالإعلانات الكبيرة اللي بالشارع هههههههه
انا عن نفسي ميزانيتي متوسطة وكنت قبل الزواج اشتري شي يناسبني ويناسب ستايلي ما اروح اشتري مثلا شي مايناسبني والمهم انه من المحل الفلاني لا اشتري الرخيص والغالي بس اهم شي انه الناس اذا شافوه يجمعون انه حلو وخصوصا بيت اهل ابوي اذكر كل مناسبة لازم يقولون لنا انا وخواتي نبي نشوف شنو لابسين سبحان الله بعد ماتزوجت زوجي كان اقل منا بكثير وصرت ما اقدر اشتري اللي نفسي فيه مثل قبل وغير كذا يجلس يختار لي واذا قلت له لا يحطه بالسله ويقهرني بالنهاية البسه جنب اهلي علشان حرام ما البسه القى نضرات خواتي وتعليقاتهم انه مو حلو وشنو هذا وتفشلينا على هذا اللبس كنت انجرح واكتم بقلبي وما اقدر افضفض لزوجي لاني ادري بيتضايق اكثر مني والحين خواتي ما اشوفهم يلبسون الا بالمناسبات ومن زود مناسباتنا عاد وحتى اذا لبسوا مايبينونه سبحان الله اللي يعايب يجي له يوم
دمتي بحب ياصديقتي…❤️❤️❤️
موضوع يستحق كل بناتتنا يقرأونه
لأن للاسف مناشر فايروس اسمه لبسك مو ماركه ماعندك ذوق
غير الي يكلفون على نفسهم ماديآ كثيررر لهم ول اهلهم عشان شنطة مع انه مو ضد بس من راي الشخصي ما احب المبالغه
الا ب الشيء الحلو
لا ب السعر ولا شيء غالي ومايسوى او تقليد واضح
وفيه تقليد مو سيء وحلو بس احسه استغفال خصوصا الي يشترون تقليد غالي بزيادة عن اللزوم😳
من فتره اعرف وحده الا تبي شنط شانيل مرررره حلمها ودايم تضحكنا ردة فعلها اذا شافت شانيل
سافرت وصرفت فلوسها واظطرت تشتري اصغر حجم كلاسيك اسود .. وقت ماقالت شريتها قلت لها راي لانها طلبت
اول شيء قلت لها ضيعتي فلوسك وتدرين ليه!? قلت انتي عريضه كتوف وستايلك تعودنا على شنطك الكبيره مرره تناسبك او ىسط
وكانت لها بصمتها في اختيار شنط بعيد عن السعر ونصها ماركات مثل الدو وتشارليز بس ذوقها في لبسها مع اختيار العبايات مره يجننن
مع الشانيل الصغيرة كانها ضايعها او مو لابسه شنطة اقتنعت كثيرر بكلامي وفرحت انه قال ذا الشعور جاني..
من جههه ثانيه وحده شرت شانيل وكبيرة وهالبنت اسميها كوكو شانيل من كثر ما ستايلها كاني اشوف فيلم⭐️❤️
بس صارحتنا قال مستعملة ونص السعر لان مابي ميزانيتي تروح عجبني فكرها شرت شيء مناسبها وحجم حلو واستعمال نظيف بكل شيء
في الاخير على كثر الماركات غالية او متوسطة يهمني الي تعرف وش يناسبها ويناسب جسمها سواء شوز او شنطه
❤️❤️❤️❤️❤️
عائشة عبدالله
شكراً على الموضوع الرائع بصراحة عندي استعداد اقراه مرتين وثلاث واربع من غير ما اطفش واقنعتني وجهة نظرك لأنها تقريباً نفس وجهة نظري .
تدوينة راااقية و رايقة ، استمتعت جدًا بالقراءة ، تسلم يمينك
الله يحفظك ويوفقك مررره متحمسه اشوف مشترياتك وتنسيقاتك
❤️موضوع يستحق النقاش … والناس صارت بموضع محزن والله والسبب تقليدهم لبعضهم البعض
انا اشتقتلك اجيت بحبش بالمدونة !!
انا يا حبيبة البي كمان نفس تفكيرك وقت بحسن ادفع حق شي ماركة بشتري وبعرف اني عم ادفع حق اجار محل بموقع راقي وحق ابتسامة الموظف وحق ملطف الجو وخلافو بس الخدمة الحلوة بتشدني بنفس الوقت انا مافيني عالماركات الغالية ترا يعني بالمنطق في سكربينة او شنتة اغلا من راتب زوجي كلو ع بعضو ف مابفكر الا ع اد لحافي علماً انو مثلاً كنت بتركيا وعم اشتري هدية لحماتي وانا عم افتل بهالسوق محتارة فتت ع محل شناتي واخدتلا شنتة جلد طبيعي صناعة وجودة بتاخد العقل والله مو مدح خامتا روعة كان عليها تخفيض سعر الشنتة كان خرافي (( طبعاًرخيص )) والله الشنتة جودتا عالية بس الماركة تركية محلية مو مشهورة والاتراك اخر همون الماركات علما انو شفت كتير شناتي مقلدة بس فضلت الصناعة المحلية بماركة محلية ع شنتة بتوقيع مايكل كورس مقلدة … بالنهاية السوق مفتوح لكل الميزانيات والازواء وانا ما بهمني المهم كون لابسة ومرتبة وقت تكون مقدرتي عالغالي يااااااحبذا ووقت ما بحسن عادي ما بزعل 🖤🖤