صَباح / مساء النقاء ..
بهذه المُدونة قررت إني أطرح جَميع طرحي السابق بَشكل أو بآخر
حتى لا يَضيع مَجهودي هباءً منثورا , فهذه التَدوينة بالأصل قمت بَكتابتها مع مجموعة ماسكات بتاريخ 10-06-2011
[ فأي شيء مُفيد وَ مُهم وَ يستحق الذكر سأعيد طرحه ] ..
Homemade Yogurt Green Tea Mask
الأغلب يعرف إن الشاي الأخضر يحتوي على مركبات البوليفينول وَ هالمركبات هي اللي تخلي الشاي مضاد قوي للتأكسد
نسبة هالمركبات بالشاي الأبيض أقوى من نسبتها بالشاي الأخضر ، يعني الشاي الابيض كمضاد للتأكسد أقوى من الشاي الأخضر ..
فوائد الشاي الأخضر للبشرة ( كماسك أو كريم )
• واقي ممتاز من أشعة الشمس الضارة وَ يعالج حروق الشمس
• يقي من سرطان الجلد
• يجدد خلايا البشره وَ يزيد من مرونة البشره وَ يقاوم التجاعيد وَ يساعد على شد الجلد .
• يهدئ البشرة وَ مضاد للإلتهابات وَ الحساسيه
• مضاد للكتيريا ، يحارب حبوب الشباب وَ يقي منها
• يساعد على تفتيح لون البشرة
– ملعقة طعام زبادي كامل الدسم
– كيس شاي أخضر ( أو شاي أبيض)
[ الخيآر لك إختاري إللي تَبينه الأخضر آو الأبيض ]
تَنويه ،’
شَخصياً لا أستخدم أكياس الشاي الجاهزه , لكن وَضعتها بالتدوينة للمُرونه
وَ سهولة توفرها بكل بيت , لكن لو حابين الشاي الفرط النَوعية الجيدة أفضل بكثير وَ فوائده أكثر لكن كل إنسانه بظروفه
الطريقه ~
في وعاء نظيف نضع ملعقة الزبادي وَ أحبها تكون مليانه ، وَ نقص كيس الشاي وَ نفرغ محتواه داخل الزبادي
الأفضل يكون الشاي ناعم عشان يكون أسهل بالمد وَ تخرج خلاصته بسهوله ، مو بالضروره طبعاً
أستخدمت أوراق خشنه نوعاً ما ، الجود من الموجود
نخلطه زين ، وَ نغطيه وَ نخليه ينقع نصف ساعه على الأقل
شخصياً أحطه بالثلاجه وَ أخليه ليلة كاملة ، من ثم نمده على وجهنا وَ نتركه من 15 إلى 20 دقيقه ، من ثم نغسل وَجهنا بماء فاتر
بعده راح تحسون بإنتعاش مو طبيعي
الماسك أقدر أسميه رفريشنق ماسك ، ماسك يعيد الحيويه ، وتحسين بالنشاط بعده ، يفتح لون البشره وَ يقشرها عالخفيف بسبب أحماض اللبن الموجودة بالزبادي ، يقفل المسام ، ينقي و يشده البشره يناسب قبل المناسبات يعطيك حيويه ، أيضاً مناسب بعد البخار وَ تنظيف الوجه .
أي فئة تَستخدمه ؟
الماسك يناسب جميع أنواع البشره وَخاصه البشرة الناضجة
[ وش يعني بشرة ناضجة ؟ يعني البشرة الكبيرة بالعُمر ]
وإذا حابين تضيفون له مكون يعجبكم مافي أي مانع
شخصياً احبه بسيط
780011 says
ارتوس اخر صورة نزلتيها للترتيب العدة و المكياج انتي نقلتي صح ؟ اذكر اول في صورة نزلتيها لكازا بيو قلتي أنو مشغولة بالنقل اذا اي منزل مبارك حبيبتي و اعذري فضولي وبعد ودي تنزيل بوست عن الترتيب و التنظيم طول عمري مو مقتنعه بترتيب جد جد بيكون جدا مفيد
Artos says
يآهلا وَ غلا .. لا ياقلبي نفس البيت لكن من زاويا مُختلفه ..
إن شاء الله إذا نقلت بحاول أصورلكم من الألف للياء ..
وَ أبشري هذي خطتي القادمه ..
عبير says
انبسط يوم شفت الموضوع ذا تدرين كنت أتمنى انك تنقلين مواضيعك اللي كانت في شمواه من جد موضيعك مره لها قيمه وفايده ودايم أحب ارجع للمنتدى عشان أدور مواضيعك بس زي العناية بالبشرة لك مواضيع بطله
Artos says
أكيد بطرح كل القَديم , وَ بحاول أذكر جَميع المصادر لأن كثير شَغلات مفيده طرحتها
لكن غير مُتوفره بالسعوديه ..
Rawan says
جمييل من الماسكات اللي احبها بالبيت ويبين مفعولها عالخشة من اول مره .. تحسين كذا يصحصح الوجه ويعطيه حيوية وانا بشرتي دهنية يشيل الزوائد بدون ماتجف البشرة .. وزي ماقلتي يعطي تفتيح بسيط ونشاط .. ❤❤❤❤
Artos says
كويس إن بشرتك دهنيه يعني حتستفيدين من قلب من تدويناتي
nora says
مراحب ارتوسه.. الله يسعدك ويوفقك على اللي قاعده تسوينه
بسالك عن نوعية الشاي اللي استخدمتيه ماقتنع بكياس الشاي العاديه
والف شكر لك
Artos says
يا مَية هلآ ..
أخذ الشاي من تي غاشفندنر
هنووو says
تكفين ياقمر ابي تساعديني في الوصول لأفضل طبيب جراح تجميل أنف بالرياض
Artos says
للأسف صَعب أفيدك ١٠٠٪ لأنه يعتمد على تجارب الناس لكن شَوفي هالموقع مُمكن يفيدك وَ يساعدك شَوي ..
http://www.realself.com
كله تَجارب عن عمليات التجميل
nona says
ارتوس ربي يوفقك ع طرحك استفدت منك كثيييييسسر
الله يبارك لك بحياتك
بس ياقلبي البي شئ يفتح اليدين يرجعهن لونهم الطبيعي
محبتك says
عشق هالماسك من اول ماطرحتيه وانا استخدمه. مره جميل ومن الماسكات القليله اللي تنفع معي انا بشرتي مختلطه حساسه ، اسوء انواع البشره. شكرًا من القلب❤️
كمان التونر الليمون والشاي من مواضيعك القديمة مرررررررررررررررره جميل
rorty says
السلام عليكم جزاك الله خير ياعمري وجعله في ميزان حسناتك ووفقك لكل مايحبه ويرضاه استفدت منك كثثير كثيير ، بغيت اسالك الماسكات متئ افضل وقت لاستخدامها يعني لو كنت استخدم اي مقشر او منتج بنفس المفعول او فقط بحالة عدم توفرها؟ بالنسبه لنقوط الخشم السوداء افضل طريقه لازالتها ماسك الجيلاتين والفحم يكفون ؟ اخاف جدا احوس فيها بشرتي جافه وعجزت القئ الجيلاتين
يعطيك العافية
Artos says
يَمكن ما فهمت السؤال زَين لكن هي مره بالأسبوع تَكفي ولو عندك بديل لها , مره هي وَ مره غيرها وَ هكذا
حسب راحتك بس لا تبالغين أكثر من مره بالأسبوع ..
بالنسبه للبثور السوداء ماسك الجيلاتين مُمتاز وَ الفحم ..
وَ بشرتك جافه لا تستخدمين جيلاتين بس غريب شلون جافه وَ فيك بثور متأكده إن بشرتك جافه ؟! ..
يمكن بشرتك جافه مُختلطه , أو أهملتيها لين جَفت ..
ممكن إزالة البثور السوداء بإبرة التنظيف تلاقينها بسيفورا وَ ذا بودي شوب ..
rorty says
هي ماتطلع لي كثير شويه علئ الجوانب بس اذا اهملت العناية ممكن تكثر شوي يعطيك العافية ياقمر ماقصرت
nagham says
يسعد مساك توسا .. ♡
متميزه و مبدعه بـ كل أطروحاتك ..
شاكره لك كل ماتقدميه بتفاني ♡
عندي استفسار عزيزتي .. اذا اذنتي لي
بشرتي تقريباً نفس بشرتك دهنيه واعاني من ظهور الرؤوس او البثور السوداء بسرعه خصوصاً في منطقة الـ T . zoon
و اعاني من حب الشباب لكن مو بشكل دائم ايام معينه من الشهر وحسب النفسيه
ممكن اعرف منك نوع غسول يومي مناسب لبشرتي .. ومرطب مناسب سواء لليل والنهار ..
ممتنه لكِ وشاكره لطفك و كرمك ..
دمتي بـ حبّ ♥
Artos says
العَفو حبيبتي ,
حَياك الله أكيد بكل إستفساراتك ..
بالنسبه لمرطب الليل مُختلف عن مرطب النَهار ..
من أفضل الغسولات اللي جربته وَ كتبت عنه غسول ديكلاغيه وَ مرطب ليراك
تقدرين تسوين بحث بالموقع بخانة البحث وَ راح يطلع لك بالنتائج , أقريهم وَ أطلعي على وَصفي لهم
حضرميه .. says
هالماسك من ايام ماطرحتيه بأول مره ادمااااان اي ماسك فيه زبادي يناسب بشرتي وتحبها ❤️❤️
to.t says
محطتي اليوم في رحله التصفح بدونتك بقسم البشره وباذن الله اختمه اليوم
الماسك ودي اجربه من اول ماطرحتي التدوينه بس الزبادي مايناسبني جربته اختي حبيت النتايج
الزبادي اقدر استبدلها بشي ثاني ومثل شنو ؟؟
Artos says
ههههههه يا بَعدي إنتِ .. طيب وَش بتسوين لو صرت أنزل باليوم تَدوينتين ؟! ..
وَ طالما ما ناسبك جربي ماسك غيره مو شرط هالماسك وَ بهالمواصفات ..
وَ إن شاء الله أجيب لك بَديل خص نص لَعيونك الحلوة
to.t says
هههههه ابشرك ختمت الاقسام باقي لي قسمين بيمدي هاليومين
التدوينتين باصير اقراهم اول ماتنزليهم واوقع عليهم بعد شفتي اني ذكيه هههههه
الماسك تحمست لفوائد الشاي الاخضر بس دام بتجيبي لي بديل بانتظرك اهم شي مايكون موعده عرقوبي
الله يسعد قلبك ويفرحك دنيا واخره
رورور says
السلام عليكم
اول مره اكتب بس ماhotmailادري وش اقول .. شكرررررا من قلبي ..لانك ذووووق واثق في رايك ثقه عمياء.. واحب اقرا اي شي تكتبين ..اتخيل شكلك وارسم شخصيتك ..تعجبيني بكل ما فيك حتى النسخه الشريره>>
فاطمة حسن says
كنت اسوي هالماسك من اول ماحطيتي عنه بوست بالانستجرام اعتقد اكاونتش السابق ، ارتوس انا لم اسوي ماسكات ولا استعمل منتج على بسرتي او شعري ماعندي ملاحظة دقيقة يعني جسمي صار انعم حسيته متغذي شعري اطرافه متناسقة يعني كذا ابدد حاولت ادقق واركزز بس ماعرفت
Monsh_ says
صبآح الحب..
حبيت أقول لك من فتره سويت هالماسك واللحين بعد رجعت آسويه
آستانست مره عليه بعد ما اشطف وجهي آحس فيه حيويه وأحس بشرتي انتعشت ما غير أتمقل بوجهي في المرايه ههههههه
مدهره فيه اسوي لي ولخواتي
حبيت انقل لك تجربتي وه فديتك
شكرًا من الاعمآق
nana says
جميلة يا ارتوس توني أتعرف عليك مع ان اقلاعيات دايم يتكلموا عنك وأقول مين هذي ارتوس الين حصلتك والحين ادمنتك الله يحفظك وين ماكنتِ, جربت هالخلطة حلوة أحسها ماتنفع اسبوعي كل أسبوعين ممكن مع جلسة بخار بطلة تصير بس ريحة الزبادي ماتروح بسهولة اذا عندك لها حل ا وراح أعتمدها في المناسبات مع إني معتمده وحده قبل اذا تعرفيها زبادي وعسل ونشا ا وراح أعتمدهذي في المناسبات باذن الله مكوناتها سهلة وسريعة ,, شكرأ آرتوس
ياسمين says
صباح مساء الخير
لك وحشه ومن زمان عن مدونتك متابعتك في الانستقرام بس المدونه من زمان عنها.
حاليا احس ضيعت نفسي وماعاد ادرى فيني مدري كيف ذا احساسي يمكن شي راجع للتحول الكبير في حياتي يمكن راجع لبعد اشخاص عزيزين علي فضاعت نفسي معهم ما ادري صار بينا مسافات ومسافات الله يكتب لقى يارب.
المهم نجي للماسك الرهيب من افضل الماسكات عندي من بعد ماسك الشوفان زمان وانا في المتوسط والثانوي كنت معلقه على ماسك الشوفان وخﻻص من كثر ماهو حلو ما ابغى اجرب شي غيره لكن ذا غطى عليه و اخذ مكانه
عيبه الوحيد هو فترة الانتظار اخليه في الثﻻجه واحب اخليه يطول ليله كامله فهالشي مو عملي احب اسوي الماسك واستخدمه على طول مرات كثير انساه في الثﻻجه يومين ويمكن اكثر بس يضل فعال ونتيجته على البشره حلو يفتح البشره تفتيح ملحوظ ويعطي نضاره بسيطه ويرجع الحيويه للبشره تكون فريش ومصحصحه كأنك نمتي نومه هنيه وصحيتي بدري كذا مصحصحه قبل ما احطه على الوجه اكون منظفه وجهي بالاسفنجه ( اسفنجة الكونجاك) وامده على البشره تص ساعه واغسله بعده ابخ على وجهي مويه الورد شي روتيني ودايم اسويه احب احساس البخ على الوجه وهو بارد وبعده ارطب ماسك معتمد عندي قبل المناسبات والاحداث المهمه احاول اخليه شي اسبوعي ليكون وجهي دايم فريش ونظر.
واختي الصغيره في المتوسط اسويه لها مرات حلو لها ويفتح بشرتها ونفس نتيجته علي مع ان بشرتي جافه وهي عاديه والتيزون دهني اعتقد لأن بشرتها تدهن من التيزون فقط والباقي عادي بس هي اشطر مني ملتزمه وتسويه اسبوعيا تقريبا.
يسعدك توسه شكرا على المساحه للثرثره 🙂 واعتذر عن الانقطاع 🙁