آهلاً آهلاً
رجَعت لَكم بَشيء آقوى مَن كل مَره
وَ محداً تطرق له آساساً آو مَدح فيه
أنا دايم أحذر من السنفرة القاسيه سَواء بالمشمش وَ لا وَش مآكان
لأن كثرة حك البشرة آولاً يسمر وَ ثانياً يخدش البشرة خدوش بسيطة مُمكن حالياً تنبسطين بالنتَيجه وَ يصير وَجهك حَلو وَ زهري , لكن بَعد عُمر طَويل رآح تبين الأثآر الجانبيه
غير الدَعك يهتك البشرة وَ يطيحهآ
طبعاً فيه ناس خلاص مُصرين إنهم يَبون يسنفرون بَقوه بشرة وَجههم مآفي أمَل
تقنعينهم فَعآد بَكيفهم ,, يَستمرون على آهوائهم بَيجي يَوم يندمون وَقت مآ يكون فيه مَجال للترآجع
علي منَ نفسي آنا وَ من الناس إللي أحَبهم
فحبيت اليَوم أتكلم عن ماسك مقشر بالأنزيمات
خلاص بدل ماتسنفرين بقوه تَحطينه كم دقيقه وَ هو بنفسه يزيل لك الطبقه الغير مرغوبه ببشرتك
أول ماتزيلينه عَطول بتحسين بشرتك متورده وَ فرش , حتى إللي يَعانون من دَهون بكره وَ بعده وَ بعده مآ راح يَشوفون هالدهون على سَطح البشرة
نفس فكرة مقشرات العيادات الكبيرة بَس تقدرين تَزينينه ببيتك
ما عَندهم شيء فيه هرش وَ دعك وَ حك , كله بَنعومه وَ النتيجه فَتآكه
مو يَجلس وَجهك لليوم الثاني يفرز دهون وَ مسخن وَ حالته حآله
المنتج أنا طلبته من النت
لكن قبل كنت آجيبه من أحد العيادات أول ما أنَقطع صَرت أطلبه من النَت
COSMEDIX
Pure Enzymes Exfoliating Mask
سعره ~
230 وَ شوي
وَ مع النقل يَوصل لـ 290 ريال سَعودي
التقييم ،,
آعطيه 9 وَنص من 10
آولاً سعره آفَضل من غيره فيه مُنتج مَثله يَوصل للألف رَيال صَح أفَضل منه
بَس عَبوته صَغيره جداً و غالي جداً ماراح تستهلكينه كل يَوم فهذآ أفَضل من ناحية الأستهلاك الدَوري
ثانياً عطيته هالتَقييم مُش كمآركه إنمآ كتكنيك , عفكرة زَمان كآنوآ يجيبون مقشرات الأنزيمات بالصيدليه حتى تباع بالهارفي نيكلز وَ ووجوه
بَعدين قَطعوهآ , وَ هذا أغلب شَغل العيآدات يَعني إللي تروح عياده أكيد مَجربه المقشرات الأنزيميه
بَس عآد ما أدري ليه التَكتيم الذآتي إللي الشَعب يَتبعه كلاً يحب يَحتفظ بالمَعلومه لنَفسه
آلحين عَقب مآ تَكلمت بتطلع 60 تَدوينه عن هالشيء فلآسف ..
الزَبده هو إللي تَشوفونه بالعيادات يستخدمون بالفرشه وَ يكون لونه دآيم زهري , آو مَشمشي آو شبه شَفاف , وَ الأحلى مافيه خَوف تستخدمينه زي المُقشرات الكيمائيه عآدي شيء عآدي جداً
آحلى مآفيه رَيحته مَثل الحلآوه
وَ فيه حَمض اللاكتيك وَ أنزيمات التَوت وَ هي إللي تخلي بشرتك تتنظف خلال هالفَتره البسيطه
المنتج يفتح المسام عشان تتنظف وَ ينزل كل الوسخ إللي فيهآ وَ يجدد البشرة وَ يزيل الخلايا المَيته
وَ يطهر وَ ينظف وَ يحافظ على مرونة الجَلد
طريقة الإسَتخدام ~
مُناسب لجميع أنواع البشرة لَكن له تَكنيك
لو بشرتك دهنيه تستخدمينه 15 دقيقه
لو بشرتك عاديه تستخدمينه من 3 لـ 10 دقائق
لو بشرتك حساسه تستخدمينه دقيقه وَحده بَس
وَ بس تدهنينه على وَجهك طبقه خفيفه وَ تنتظرين
وَ أحلى مافيه تقدرين تستخدمينه كل يَومين , لآنه ما يخدش مافيه خَوف على بشرتك
طبعاً لو بشرتك دهنيه بكذا ما بتطلع لك حبوب وَ لا زيوان وَ لا مآ يحَزنون
بالعآده عقب مآ أسويه أستخدم ماسك الطَين من أي شركه أحبهآ
يَوماً ما بعرض لُكم أحد ماسكات الطين إللي مَرتآحه لهآ وَ تبرد الوَجه وَ بكذآ بنقفل المسآم عقب الفتَح
زَينة هالمنتج يناسب للي عندهم حبوب وَ للي خايفين من سمار السنفره
وَ للي عندهم خدوش ببشرتهم آو بَشرتهم تتَحسس , بالإضافة تقدرين تسنفرين وَ اليوم الثاني تَحطين مَيك آب مو زي السنفرات القويه إللي تخلي وَجهك كل شَوي يفرز زَيت وَ تلعب بحسبتك لآ حَطيتي مَيك آب
جداً جداً مُناسب للبشرة الدَهنيه
آتمنى أَكون آفَدتكم , هالمُنتج حَطيته بناء على طَلبات البنات إللي قآلوا لي
مُو شرط تكتبين عن شيء مَوجود بالسَعوديه , فلذلك بَحط كل شيء آعرفه كيفمآ بدى لَي
وَ هناك المَزيد من آسرار تَنظيف البَشرة وَ العنآيه بَهآ
دُمتم بَحب
مُلاحظة / هذه التَدوينه تَم نشرهآ سابقاً بتاريخ 06-08-2013
ha says
ارتوس اول شي الله يجعلك من نهر الجنة تشربين
ويفتح باب الرزق والرضا بوجهك
ويسعدك ثم يسعدك ثم يسعدك ثم يسعد من تحبين
تعلمت منك اشياء كثير استفدت اشياء كثير وحبيتك كثير
الله يحقق مرادك وينولك مبتغاك وكل شي تطمحين له وببالك ❤❤
ثاني شي انتي كتبتي هل التدوينه عام ٢٠١٣ ممكن وقتها بالسعودية الماركة مو موجودة او المنتج نفسه
توقعين وفروه ووين احصله؟ او الماركة نفسها وين موجودة بالرياض ؟
ثاني شي تعرفين الكيراتين البرازيلي؟ وهل تنصحين فيه ؟
ثالث شي الحلمات يا ارتوس جداً مهمة ونحتاجها باقي على زواجي خمس شهور بس ولوني مايل للبياض وحلماتي من الاهمال سودت وتعفطت 🙂 .. وتشققت اكتبي تدوينة عنها فضلاً لا امراً عاجلاً غير اجلاً 🙁 ..
واخيراً شكراً على وجودك بالحياة ❤
Artos says
محظوظه بهالدَعوات مَنك , آمين وَ لك بالمَثل
للأسف غير مَتوفرة للأن ..
بالنسبة للكيراتين لا أنَصح به نهائياً , مُضر على فروة الرأس
بالنسبة للحلمات رطبيها بفازلين , أو بكريم لوكسيتان بزبدة الشيا
ha says
طيب انتي من اي موقع تطلبينها ؟
Artos says
من مَوقعهم ..لازم يكون عندك بريد بأمريكا أو ببريطانيا
http://www.cosmedix.com
محبتك says
السلام عليكم
كيفك ارتوس
يعطيك ربي الف الف عافيه ع المعلومات اللي تفيدينا فيها
أحـــ❤❤❤بــگ
حابه أسألك من ناحية الجسم
اذا مافركنا ولا دعكنا ولا قشرنا. شو نعمل.
لأنو الكريم دا مايكفي الجسم
وتكملي عن العنايه بالجسم غير الترطيب توحيد اللون مثلا ازالة التصبغات. نوري لنا الدرب
مشينا ع المسار الصحيح وصدقيني انتي ما بتأثري ع الجيل ع اجيال
وشكرا
Artos says
يآهلا وَ غلا بَك
أنتِ هل سبق وَ أطلعتي على موضوع السنفره السويديه قمت بطرحه عام ٢٠١١ بشهر ٥ قديم جداً ..
لكن قيم يعني يغنيك عن كثير شَغلات وَ راح أعيد طرحه بالمُدونه إن شاء الله خلال هالشهر ..
نفرك لكن بالمَعقول الناس أصابهم نوع من التوحش على أجسامهم ..
مجبتك says
هلا فيك
ايوه وكان مرررره جميل وجديد بالنسبة لي وكان ثاني موضوع لكِ اقرأه ، كان مره مفيد، وتحمست لها مره واشتريتها ،واستخدمتها. بس عشان بشرتي حساسه تحسست منها ، فوائدها كلها تمام بس المشكلة ببشرتي.
فصار نظامي تقشير اسبوعي بمقشر عادي وترطيب يومي.
Roz says
هل ممكن استخدام المقشر على الجسم ؟ .. لاني شفت باليويتوب عجوز بشرتها تلق بمعنى تلق و كانت تقول أحط الانزيمات على جسمي ، و شكراً لك
Artos says
صغير مابيكفي بَيخلص , فيه مقشرات مثله بس مُخصصه للجسم وَ بتركيز آعلى
Roz says
هل من الممكن ذكر مثال .. مع خالص تقديري
Artos says
من نفسك الشركه فيه
Haya says
توني اكتشف أن بشرتي تحتاج للتقشير الدائم، لأني ما كنت أقشرها بانتظام
والحمد لله أني عرفت هالمنتج، بإذن الله أطلبه.
Ebtesam says
مرا شكرا ارتوسه وانا من البنات الي كنت اطلب منك تكتبي عن منتجات فعاله حتى لو مو من السعوديه وهذا المقشر اخذت منه حبتين من امريكا شريته من مركز تجميل وجربته جدا جدا جدا فعال زي ماذكرتي واكثر …منتظرين المزيد وشاكرين ومقدرين
Sos says
فعلا نتمنى ذكر منتجات فعاله حتى لو ماكنت في السعوديه او غاليه 🙂
aljamilaaa says
من اروع وافضل المقشرات ومفعوله خيالي وممتاز جربته للاسف على بشرتي الحساسة لكن نهائيا ماناسبها وعطيتها والدتي وماشاء الله عليها تتركه فترة طويلة على بشرتها ولا عمرها تحسست ادمنت استخدامه وصارت تخليني اطلبه لها باستمرار ميزته يقشر وينظف البشرة في وقت وجيز ونتيجة مبهرة اتمنى تكثرين من طرح المزيد من المنتجات هذي وشاكرة لك
Artos says
الأحماض وَ الأنزيمات ما تتلائم مَع البشرة الحساسة , اي بشرة حساسه يُستخدم لها مُنتجات مُخصصه للبشرة الحَساسه ..
وَ الله يَخلي لك الوالدة , نورتيني
Aljamilla says
تسلمين والله يا ارتوس بالنسبة للمقشر هو فعلا رهيييب ولقيت شبيه له من ماركة رن بس مافيه فرق بالسعر فالافضل هو الي ذكرتيه وانا صحيح بشرتي حساسة بس قلت يمكن بشرة الجسم غير عن الوجه وبالفعل هالنوع من المقشرات تستحق الاقتناء انا والدتي ماهي مثلي تهتم للبشرة واجد بس ماشاء الله يوم صارت تداوم على استخدامه بانتظام فعلا كان رائع ويخلي البشرة مثل بشرة الطفل ناعمة ونظيفة
Artos says
يا زَين الوالدة الله يَخليها لَك يا رب
خلاص أوعدك راح تقولين وَيني عن هالأشياء بالأيام القادمة , خاصه لو طرحت لُكم كذا رُوتين للعناية بالبشرة
Sara says
السلام عليكم ورحمة الله وبركاته
اختي ارتوس حبيت اسالك الحين اي شركة شحن استخدمتي لان اللي اعرفه مو اي شركه ترضى توصل كريمات او اشياء زي كذا
ثاني شي هل اي شغله اطلبها منهم راح توصلني او اشياء تقبلها شركة الشحن او اشياء لا
اشكرك مقدما ع الافاده
Artos says
عادي الكريمات يتم نقلها بس الشغلات المضغوطة لأ
مثلاً بخاخات الشعر وَ العطور أي شيء قابل للإشتعال غالباً ما ينقلونه ..
aljamilaaa says
ارتوس بحثت عن منتج مثيل له من نفس الشركة بس مالقيت كلها للبشرة مافيه شيئ للجسم بليز ابي مثله بس للجسم
Artos says
فيه للجسم بس أغلبه مُخصص للصالونات مو شرط من نفس هالبراند دَوري ..
وَ طالما جَسمك حساس وَش تبين به ؟!
غاده says
الله يجعلك ووالدينك في جنات النعيم يارب .. انا احب اخلاصك في طرح المعلومه ..
Artos says
مَن عمل عَملاً فليتقنه ..
دَخيل عَينك , آمين يارب وَ كل من تحبين ..
Layla says
شكرررررا لك من الاعماق مدوناتك تجنن انا بشرتي دهنيه حد القرف افكر اشريه بس مافهمت طريقه الاستخدام كيف بالظبط !! وهل عندك فكره عن جهاز pmd انا عايشه براء ولا عندي وقت للصالونات فكره اشريه علشان استخدمه بالبيت.. ونفع الله المسلمين بعلمك
Artos says
ياهلا بَك , بالنسبة للصالونات عفكرة أكبر خطأ إللي تروح تنظف بشرتها بصالون
تنظيف البشرة بالعيادة فقط أو أصرفي النظر عن الفكرة ..غير كذا وَش الوقت إللي بتاخذه !! .. حتى مُش ساعة بالشهر مَره أو كل ٣ أشهر
إذا ماتثقين بَعيادة مُعينه بَتعتبر هذه مُشكله أخرى , مُش مشكلة وَقت ..
بالنسبة لجهاز pmd ما أقدر أحكم عليه بَدون تجربة , بَحال جربته راح أتكلم عنه بس ماجربته وَ آلية العَمل ما أقنعتني صَراحة ..
وَ الطريقة واضحه مُقشر أنزيم يوضع على البشرة فقط بدون فرك , عشان كذا أسمه مقشر أنزيمي نفس المَواد إللي بَه مُقشره ..
إذا أتبعتي نظام جيد للعناية ببشرتك راح تَوصلين لبشرة عادية مع العناية
نورتيني يالغاليه
Layla says
يعطيك الف عافيه وصل المقشر اليوم وجربته لي اول مره وننتظر النتايج..والحين جالسه ادور عياده حلوه للتنظيف الشهري وراح ارجع اهتم لانه لي سنه مااسوي ولا شي لبشرتي وانعدمت
Artos says
مُمتاز حَرصك على فتح صَفحه جديدة مَع بشرتك ..
Reema says
كانت تدوينة رائعة و مميزة و أقوى شي كتبتيه للان بالنسبة لي بس ماعاد رجعنا شفنا مثلها يا ارتوس 🙁
Dodi says
ما اعرف كيف اطلب اذا ممكن فيه متجر او مندوبات ثقه
Artos says
من الموقع الرسمي حبيبتي
Alia says
مرحبا آرتوس ..
ياليت تذكري ماسكات الطين المبرّده .. المناسبه للإستخدام بعد هالنوع من الماسكات المقشرّه
جربت أكثر من شركه لأقنعة الطين ولكن كلهم لهم لسعه خفيفه وشعور ببعض الحراره مش البروده !
ومن ضمنهم ديرمالوجيكا اللي ذكرتيه سابقاً
roro12 says
مشكورة ارتوس حبيبتي
ياليت تذكرين اسماء ماسك الطين او اي شيء احطه بعد هالمقشر
Artos says
هالماسك
http://artoschic.com/?p=593
Ibtsam says
جربته مرة يطل و منتاز حسيت بشرتي بعده مفتحة و فريش
Alia says
مرحبا ..
وصلني المنتج وجربته ماحسيت أي تغيير
أحمرار وبعدها هدأت بشرتي
بس كـ تتظيف أبداً ما لاحظت شي تغيّر والمسامات ما تنظفت !
مع سكراب الحبيبات ألاحظ فرق
بس مع هذا المنتج ما أدري شو المشكلة
رغم اني اتبعت الطريقة والمدة المذكورة !
Artos says
عَزيزتي .. فكرتك عن التقشير بالمُجمل غلط
تكوين المسام تجويف داخلي ملوث ، وَ المقشر راح يزيل لك طبقة الجلد الميت من غير فرك فقط
لو مساماتك منظفة راح تتقلص ، السكروب مع الفرك المسامة من الطبقة الخارجية يزال لونها الغامق فقط
لكن هي هي نفسها مَوجودة .. المسامات يبيلها تَنظيف خاص !!
شلون فاهمين إن هالمُنتج راح يَسوي مُعجزة لوحده ؟! .. أو راح يغيرك بخطوة وَحدة
ركزوا الله يرضى عليكم أنا أشرح بدقة مُتناهية ..
Alia says
شكراً على ردك ..
لا طبعاً انا ما أستخدمته لوحده لهذي المشكلة ..
ولكن وصفك للمنتج توقعته يعطيني نتيجه أكبر من المنتجات الثانيه اللي جربتها
أقدر أقول أنهم أعطوني نتيجه أفضل من أول أستخدام .. بخلافه !
Alia says
هذا الجزء من كلامك عن المنتج اللي أقصده:
( المنتج يفتح المسام عشان تتنظف وَ ينزل كل الوسخ إللي فيهآ وَ يجدد البشرة وَ يزيل الخلايا المَيته )
فأكيد راح ننتظر تدوينة عن طريقة العناية والإهتمام بالمسامات
تحياتي
Artos says
فاهَمتك وَ الله .. هو أكيد نظف لك المَسام لكن لو فيه شيء عالق وَ متيبس
ضروري إزالة يَدوية ، حتى المُقشر الكيميائي ما يزيل العوالق
لو مسامات دهون ملوثة ، أو شعيرات ماراح يزيلها إلا بالتدخل اليَدوي
لكن نفس المسامة نظفت من الداخل ، لو عندك غرفة حابة تغسلين بلاطها فيها أكياس وَ أوراق
وَ رشيتيها بكلوركس فرضاً طبيعي الكلوركس راح ينظف لك البلاط وَ بيخليه يلمع ، لكن الأكياس وَ الأوراق ماراح تزول
عسى الله فَهمتي المَقصد ( تشبيه بسيط ) لكن مُشابه له
Artos says
هو أفضل من إنك تَكشطين وَجهك
بالنسبة للمسامات هَذي حلولها أكثر عُمقاً ومافي شيء بالعالم يزيل المسام نهائياً
فيه شيء يقلصها فَقط .. ، بالنسبة للمُنتجات الثانية هي هي مَتوافقة مع هالمُنتج
بكلا الأحوال قريباً بطرح موضوع قَد يفيدكم وَ يقلل كَمية الإستفسارات ..
to0ota says
حبيت هالمنتج حيل إحساس أنه يزيل خلايا البشرة الميته بدون تعريض البشرة للفرك بيكون جميل ولطيف عليها
شكراً توسا ..
Ranosh says
وصلني من شهرين اخدته من امازون ب 210
واخذت معه ماسك الطين من ازاتيك اللي مسوي ضجه بامريكا
مع بعض نتيجتهم ممتازه صح تحمر البشره لدرجة اول مره خفت
بس يروح بسرعه انا ناسبني لان بشرتي جدا حساسه ولامقشر فادني كلها تجرحني وتدهن وجهي
الف شكرا ياكريمممه ❤❤❤
Amal saif says
جعل أميمتك بالجنة و ابوي و موتى المسلمين
انا اعترف لك اني من الاشخاص المتوحشين تجاه بشرتهم خخخخ احب الحك و التفريك بس اكتشفت ان هالشي غلط
الشعر اذا فرك بقوة يطيح و الوجه يتهدل و يدهن اكثر و تطلع فيه حبوب و يحمر بعدين تغمق و بدل ما تنبسطين بالنتيجة تطيحين بمشكلة اكبر و تدخلين في دوامة و الحل ابسط بكثير
لذلك تركت هالقسوة و صرت حنونة لووول و اتعامل مع بشرتي مثل ما اتعامل مع بشرة الاطفال و خليت الفرك للقدور ههههه
من جد ١٠٠٠ شكر لا تكفيك
رح اضع هالسنفرة في الوش لست و رح اطلبها قريبا بإذن الله و رح اكتب لك انطباعي اذا عاد يهمك دمتي بحفظ الله ❤️
NostalgiaFD3 says
ياليت يتوفر هنا بشكل رسمي ودائم كثير من المنتجات جداً ممتازه ولكن للاسف مافي اي اهتمام بتوفرها
وبيعها تقديرا لعدم استياعه الكثير لطلبه من مواقع وغيره
لكن ان شاءالله لي تجربه واداوم عليه
وفلفه says
صباح الخيرات انا فيني بقعه سودا من اثر حبه طلعت وسود مكانها هل ممكن هذا المقشر يزيلها او اذا ممكن تدليني ع شي سريع يشيلها؟
Amal saif says
جعل أميمتك بالجنة و ابوي و موتى المسلمين
انا اعترف لك اني من الاشخاص المتوحشين تجاه بشرتهم خخخخ احب الحك و التفريك بس اكتشفت ان هالشي غلط
الشعر اذا فرك بقوة يطيح و الوجه يتهدل و يدهن اكثر و تطلع فيه حبوب و يحمر بعدين تغمق و بدل ما تنبسطين بالنتيجة تطيحين بمشكلة اكبر و تدخلين في دوامة و الحل ابسط بكثير
لذلك تركت هالقسوة و صرت حنونة لووول و اتعامل مع بشرتي مثل ما اتعامل مع بشرة الاطفال و خليت الفرك للقدور ههههه
من جد ١٠٠٠ شكر لا تكفيك
رح اضع هالسنفرة في الوش لست و رح اطلبها قريبا بإذن الله و رح اكتب لك انطباعي اذا عاد يهمك دمتي بحفظ الله ❤️
R says
جربته وحبيته
بس مشكلتي معه مو عارفه تاريخ الانتهاء حتى عدد الشهر من تاريخ الفتح مو موجود
Nouf says
وااوو حبيت المنتج من وصفك ، غريبه
ما مّر علي أحد تكلم عنه بإذن الله
بيكون لي تجربة قريبه لهالمنتج البطل
دايم مميزة الله لا يحرمنا منك 💞
شفت ردك في الانستا ودخلت
للتدوينه لوول
soso says
ما في منتج مشابه له وبديل في الأسواق ><
sara says
ياليت ارتوس تحطين موضوع عن العناية بالبشرة ع العمر 30 وايش افضل السيرومات والمواد