صَباح /مَساء الوِد
مِن فَترة وعدتكم أنزل لكم وَصفات طبيعية وَ منزلية وَ ذات فعالية،وَ بتكون آشبه بسلسلة وَ بديتها بماسك الشوفان الغروي ( إضغطي هُنا )
مِثل ماذكرت سابقاً كثير مِن المُنتجات الطبيعية إللي يعتقد البعض أنها إذا ماضرت ماراح تفيد هي على العكس تماماً ضررها يوازي المُنتجات الكيميائية الخطأ
لذلك فيه قائمة مَواد طبيعية مُعترف بفوائدها طبياً وَ تعطي نتائج علاجية فاعلة وَ تستخدم طبياً
أحد الَمواد إللي إنشهر إستخدامه بكثير مِن مُنتجات التجميل هُو الشاي
وَ للعلم فقط جميع أنواع الشاي مُفيدة سواء شاي أسود أو أخضر أو أبيض
لكن تَم تضخيم فوائد الشاي الأخضر بشكل مُبالغ به ، قَد يكون لأسباب تجارية ، ناهيك أنه قد يحتوي على خَواص أفضل مِن الأسود بقليل
لكن بموضوعنا اليوم راح أعرفكم على نوع أخر مِن أنواع الشاي ، يُعتبر مَشروب تقليدي باليابان
وَ إشتهر حَول العالم بالسنوات الأخيرة وَ صار يدخل بمنيو بعض من المَقاهي العالمية المشهورة ، وَ تقدرون تقولون أن أنصار الأغذية الصِحية أصاباتهم حُمى هَذا المشروب ألا وَ هو
الماتشا ( Matcha ) ~
يمكن البعض أول مَره يسمع فيه ، بس للي مَايعرفه هُو شاي أخضر مَطحون بشكل ناعم يتم تحضيرة بوضع كمية مِن الماء الساخن
وَ خلطه بمثل القشة مَصنوعة من الخيزران أو القصب ، وَ يُقال أن فوائدة أفضل مِن الشاي الأخضر العادي بـ ١٠ مرات
وَ هُو أقوى من الشاي الأخضر مِن حيث المفعول وَ بنسبة الكافيين لذلك كمية صغيرة منه كافيه لأنه مُنشط وَ أنشهر عند اليابانيين بإستخدامه لنساك المعابد وَ طُلاب المدارس
ما راح أنطرق لفوائدة الصِحية لأن مَوضوعنا تجميلي ، تقدرون تسوون بحث وَ بتلقون كَثير مَقالات عن هالشيء وَ مع إن حتى شربه يفيد تجميلياً بما إنه مضاد للأكسدة ، لكن راح أوضح لكم ليه يختلف عن الشاي الاخضر العادي
– لماذا يختلف شاي الماتشا عن الشاي الأخضر العادي ؟
• كونه يُزرع في الظل لتقليل معدل التمثيل الضوئي بالتالي تركيز الخصائص الصحية فيه أكثر
• أيضاً يُحصد بعد ٨٨ يوم مِن إبتداء أول أيام الربيع يتم معالجته بالبخار بعد الحصاد لمنع الأكسدة
• أيضاً طحنة بشكل ناعم جداً يمكنا من إستخلاص المواد بشكل أفضل لذلك هو أفضل مِن الشاي الأخضر العادي بـ ١٠ مرات
فوائده ~
ـ مُضاد للأكسدة وَ الإلتهابات
ـ مُطهر للجلد
ـ يكافح شيخوخة البشرة
ـ يعالج أضرار الشمس
ـ يشد الجلد
ـ يعالج حبوب الشباب
ـ يخفف الهالات السوداء
ـ يهدئ الجلد
ـ يُخفف مِن الورديه
ـ يحسن لون البشرة
تجربتي مَع الماتشا ،’
الماتشا تعرفت عليه تقريباً قبل ٤ سنوات وَ كعادتي دائماً ما إستسغت طعمة وَ حسيت إني أشرب حنا
إشتهر بفترة كشاي لاتيه يٌخلط مَع حليب الصويا وَ يحلى بالأغافي ، لكن ما أستسغته أبداً
أيضاً خلطه مَع السموذي لابأس بطعمه بس ما أميل لشرب شغلات ما أستسيغ طعمها
وَ بما إني ما أحب طَعمه فكرت أسويه كَماسك للبشرة وَ يستحق ما يَقل عن أي ماسك جاهز فاره مُتقن بقوامه وَ مفعوله
أماكن تَوفر الماتشا : ما يَحتاج تشترونه مِن برآ ، مَتوفر بالسعودية
مرات بالسوبر ماركت يوفرونه ، وَ مرات بأي محل يبيع أنواع الشاي تلاقونه لو بحثتوا بَتلاقون ( ما أبي أحدد مَكان ثماً يتم الإستغلال وَ يرتفع السِعر ) لأن فيه ٣ مَحلات تبيعه بالرياض وَ كل هالمحلات إستغلالية ، مَرة عن مرة يرفعون السعر
قناع الماتشا ( الشاي الأخضر الياباني ) للبشرة ~
الوصفه جداً بسيطه مافيها فَلسفة وَ إن شاء الله أطرحلكم وصفات أكثر ، لكن دائماً أحب أطرح وَصفة أساسية وَ أنتم تضيفون خيارات بسيطة تفيدكم
الوصفة الأساسية ،’
ملعقة صغيرة ماتشا + قليل من الماء
راح يطلع خليط مُشابه للحناء بقوامه لكن بلون أكثر حيوية وَ ريحته قريبه لريحة السدر تقريباً أساساً أغلب الأعشاب الخضراء مُتقاربة بالريحة
خيارات إضافيه ~
– مُمكن إضافة عسل للبشرة إللي تعاني من حبوب الشباب
– مُمكن اضافة ملعقة جل صبار للبشرة العاديه أو الجافه
– ممكن إضافة قطرة زيت للبشرة الجافة
يوضع ربع ساعة على الوجه ، من ثم يشطف بماء فاتر وَ يتبع بخطواتك بروتينك اليومي
عيوب شاي الماتشا ،’
الماتشا مَشروب غالي نسبياً فمثلاً العُلبه إللي تشوفونها صغيره جداً مٌحتواها يعادل ثلاث ملاعق طعام شاي وَ سعرها حول الـ ٨٠ ريال أو الـ ١٠٠ ريال سعودي
to.t says
تم
Artos says
هلآ هلآ ..
يوووه خلاص تَعودت عليك سَناب ( خصوصاً مع الإفطار )
to.t says
هلا وغلا
صباح الحب
كتكوته التدوينه
اول مره اسمع فيه ولو توفر لي ممكن اجربه كشرب احيانا العب ع نفسي اقولها صح المذاق مش زوين بس الفوائد ازين وازين 😂 واشربه
فوائده تحمس خصوصا انه يهدي الجلد
والله مع هالحر وهالغبار يبي لنا ماسكات تبرد وتنعش
بصراحة انتِ عجيبه ماسكاتك كلها مختصره ومريحه لنا
الله يعطيك العافيه وويجزاك عنا خير الجزاء
Waad Diary says
حجز مكان لا غير ✋🏻بطلع اقرأ التدوينة ✨
Waad Diary says
تم 👏🏼 ، عاد انا حطيني عند الأقنعة 😍 والماتشا اول مره اسمع فيها 🤔 وصباحك الخير 💖💖
Artos says
يالله زَين إنك مُتحمسة للأقنعة ، أكيد بشرتك بيرفكت ..
وَ صبااااحو
Artos says
هلآ بَوعد الحلوة
Manwella _321 says
مكااااني 😍
Artos says
تنورين
NaNa says
هلاااا والله بسوووس ❤️
ماسك سهل وبسيط ويشجع للتجربة
أول مرة اسمع عن هذا النوع من الشاهي
الله يعطيك ألف عافية 🌹🌹
Artos says
فَعلاً بسيط وَ نتيجته مُمتازة ..
نَورتيني نآنآ
طيف says
حبيت اثق فيك ومتحمسه اجربه لكن يبغالي ادوره مزبوط لأن ما اظن ينباع بالسوبر ماركت عندنا وباذن الله قريب نجربه يعطيكي العافيه يا جميله
Artos says
ماقلتي لي وَين ؟!
بالسعودية بتلاقينة ، مانزلت المَوضوع إلا بعد ما تأكدت إنه مُتوفر ..
أسعدت بَوجودك
طيف says
ايوا من السعوديه ومن جده تحديدا اقصد انه حو متوفر باي مكان لكن باذن الله ندوره ونجربه
turkishcoffee says
صباح الورد
والله لك وحشه لاتطولين الغيبه علينا
قناع مره حلو احلى مافيه مافيه حوسه وسهل جدا لان بصراحه حوسه الماسكات هي اللي تخلي الواحد يكسل ويلجاء للماسكات الجاهزة مع اني احس ان فاعليتها اقل
يعطيك العافيه ياعسل
Artos says
يآهلا فِعلاً خاصة أنا وَ أنتِ نادراً ما نَتلاقى ..
هذا بسهولته ما يَقل عن أي ماسك جاهز
Safaa says
مشكورة … فظيع طرحك شو سلس وخفيف
Artos says
آهلين صَفآ ..
نَورتيني
Soseabdullah_ says
حبيت الماسك وان شاءالله بجربه قريباً 😍❤️❤️ الله يسعدك ويعطيك العافيه يارب 💋💗💐
فطيم says
❤️❤️❤️جربنا الشوفان وان شاء الله نجربه
A7bakartos says
يسعدلي طلتك بالمدونه من جديد
اشتقت لحكيك فيهآ😢
المآسك اسهل منوو مافيه
وفوايده روعه خصوصاً يعالج
اضرار الشمس ويحسن لون البشرهه
بإذن الله اجربه 👌🏼
وتسلم يدينك 💗
رويدا says
شكرا ارتوس , عندي وجربته مره مع حليب ومعد قربته
يالله كتب له الله حياة جديدة 🙂
lamoshaa says
يسعدلي صباحك سوسوو 😘😘
هالماسك سهل وسرريع وهاد اهم شي 😁
اول مرة بشوفو او بسمع فيه وفعلا شكلو بيشبه الحنه
انشاء الله رح جربو قررريباااا 👍
سهى says
الهرجة من اولها ياباني وماتشا ..ياسلام ياسلام
ويسعد صباح الحلوين ..
عهَد says
شدّتني فوائده
ان شاءالله الاقيه واجربه
جمال طرحك ب جمال روحك .. اهنيك ❤️❤️
هدى الشهري says
يازينك وزين تدوينك يحس الواحد انه بعد الماسك بيطلع شي عجيب قد مو واضح وصور تجيب السعاده 🌹
Rehab says
اشتقنا للمدونه 😍
أمس مسويه ماسك الشوفان وصرت كل ما أسويه اتذكرك 💗
أول مره اسمع فيه ، أذا حصلته راح أجربه خصوصا انه ما يحتاج شي وفوائده حلوه ، ❤️.
sara says
اجمل مافي السالفه انه سهل ومايحتاج حوسه
والي مهتمه موجود في ايهرب بأسعار متفاوته حسب الشركه المنتجه
mnosh says
صباح الحب وكل حاجه حلوه تليق بك ..
موضوعك صوغنن ومفيد .. حبيت هالشاي ويمكن اتقبل طعمه ماعندي اشكاليه
اذ كان طعمه قريب للعصير الاخضر بيكون عادي وطعم متعوده عليه حسيته قريب
لطعمه مدري ليه.. وفوائده صراحه تحمسسس مره تخليك تجبرين نفسك ع شربه
حبيت اقولك شغله تتذكرين فيتامين بيرايون ان ماخاب ظني كذا اسمهاا
مفويه لششعر استخدمتها وحسيت وجهي حبب طلعت لي حبوب زي النفر
يعني حبوب صغنونان مره وتحككك مدري منها او من كريم التشقيرر
وشكرا يائلبي ع هالتدوووينه
وراح اجرب هالماسسك ان شاءالله انتي ماسكاتك شي خيالي مفعولها سحري
وصياما مقبولا
قلوب من هينا لبيتك
أنوووس says
الله تدوينة جديدة
سلمت يداك … نجربها ونعطيك خبر بالنتائج..
شكرا من القلب 💗💗
Lamees says
اعشق الماسكات الطبيعية 😍😍 تدري ان حلمي يكون عندي شركة ماسكات طبيعية 😭❤️ التدوينة اليوم جدا خفيفة ولطيفة وطريفة حبيتها وجدا حبيت السلسلة 💞
Sara says
اسمه غريب علي 🙆🏻 لكن حلوه التجربه ..
يعطيك العافيه 🌸💜
وفلفه says
غريب علي لكن باجربه باذن الله مثل ماسك الزبادي والشاي الاخضر للحين استخدمه يجنن مرا يسلمو حبيبتنا❤️
ماريا says
هلا هلا
وش هالتدوينه الحلوه والسريعه
عاد أحب الشغلات الي أسويها بالبيت أستمتع وأنا أصلحهم
وراح أجربه إن شاءالله وأكتب لك تجربتي إن فادني
شكراً آرتوس..
كوني بالقرب
كوني أنتِ.
Entesar says
ياصباح النور
حبيت الماسك وكونه طبيعي كمان زاد حبه عندي لاني اميل للمنتجات الطبيعيه 💕 اكيد راح اجربه
كل شيء منك حلو ؛ يعطيك العافيه
Monsh_ says
يسعد صبآحك💜
اول مره آسمع فيه حبيت المآسك وخصوصآ انه سهل وسريع بعيد عن التعجز هههه مآفي مجال للكسل💪
أن شاء الله آحصله وخصوصا محلات الشآي متروسه بالشوارع
يعطيك العآفيه يآ جميلة الجميلات
Umzayed says
ماسك جميييل ونتايجة تحمس
يعطيك الف عافيه
DeLACake says
تدوينة خفيفة لطيفة … انا أعشق الشاي بس صدق لونة كانه حنا .. خفت اجربة شرب 🙂 اعترف اني عند الماسكات الطبيعية كسولة نوعا ما احب احط كريمات جاهزة بوصفة طبية .. او بوصفة ارتوسية .. بس الا ما يجي علي مره بالشهر يجيني ذاك الحماس اللي يخليني اسوي ماسك طبيعي .. عاد اليوم كنت زعلانه خواتي يوم سافروا شالو ماسك الطين الهندي حقي معهم و اقول من وين لي ماسك عاد جا البديل بوقته 🙂 بإذن الله اذا ربي كتب جبنا الماتشا هاليومين و جربناه
freesia says
صباحي جمال تدوينتك الصغننوطه 😍😍
حبيت الماسك سريع وبسيط واول مره صراحه اعرف الماتشا 🤔 نبداا رحله البحث عنه ونجربه ان شاءالله احب الماسكات الطبيعيه 😍
يعطيك العافيه ياقلبي والف شكر دايم تتحفيناا بشغلات جديده 😍
دمتي بسعاده ياست الصباياا ❤️❤️
Malak88y says
ماتشا ماتشا
وقعت في غرامه .. بعملي مغطس ماتشا
واغواص فيه …
صباح الفل ياصديقه 💜💗
Soseetabebe says
لاخلا وَ لاعدم .. حلوة وَ سهلة إن شاءالله أجربها 💜
Asil_112 says
حبيت الماسك بالنسبه للشاي سمعت عنه قبل سنه تقريبا بس مافكرت اجربه لاني مو من عشاق الشاي بس كماسك ممكن اجربه لاني كسوله بتحضير الماسكات المنزليه افضل الجاهزه اسهل واسرع
Amal08 says
صباح الخير 🌹
أول مره صراحه اسمع عنه واتحمست أجربه..
دايماا الأشياء الغريبه مااعرفها الا منك ..
دمتي لنا يالحب 💕
Sosat says
سوسات❤️
دمتي ب ود ودمتي لنا ي جميله ❤️
مافي شي تذكرينه ويناسبني الا اشتريه واجربه ..لان ثقتي فيك جدا عمياء☺️😘
Amal says
هلا بالزينة 😍
العذر منك انشغلت في هذا الشهر و صار تواجدي قليل لكن انت دائما في القلب 😘 و على طول في بالي 😍
بالنسبة للماتشا حبيت انه بودرة و مثل ما ذكرتي انه يزرع في الظل و يقطف بعد 88 يوم عاد اليابانيين ما احد يتفوق عليهم بالنظام و الترتيب كل اللي ذكرتي يشجعني على تجربته كقناع طبعا، أما كشرب ما أظن رح استسيغه لأني مرة جربت اشرب المورينجا المطحونة كأني اشرب حنة مثل ريحتها و لونها لأني ما اعرف طعم الحنة 😁
ان شاءالله اجربه و خصوصا اني من عشاق الماسكات الطبيعية
دمتي ايقونة الجمال المترف 😍🌷🌼💗❤❤❤
حمده says
مساء الورد 🌺🌺🌺🌺🌺
اول مره اسمع فيها ويارب احصله عندنا بالطايف
ماسك جميل وسهل 😘💕
razala499 says
السلام عليكم توسه وحشتين وزمان عن ردود المدونه انشغلت بس مافوت مواضيعك بالانستا والسناب ربي يحقق كل امانيك ويرحم ويغفر لوالدتك ويجعلك وحبايبك من عتقاء النار وان تدخلو الجنه بغير حساب في هذه الايام الفضيله ربي استجب دعوتي
ملاك says
شكراً ياجميلة دايم اتعلم منك ♥ ♥ …
Pretty soso💝 says
حبيته ووصفك يحمس لو جبتو بااستخدمه قناع وومكن اتناول جرعات بسيطه مره بماانو الكافيين عالي والفايده عاليه 💕💕💝
يسلمو على التدوينه الجميله 🌹🌹
mimi says
سمعت كثير مدححححح عليه وان شاء الله اجربه ودي اذقوه بي متخوفه
Hudaxox says
Woooow
احب الاشياء اللي من الثقافات الثانية
احس نتعلم اشياء جديدة ونكتسب معرفة تجر معرفة
سواء بالعناية تجميل اكل الخ الخ…
يححححمس صراحة الماسك ومن يوم شفته بالسناب قلت شكله شيء شرق اسيوي طحالب شيء مع انه فعلاً كانه حناء
مبددددعة ياتوسة
احلى مافيه سهههل الاعداد
اكثر شيء يدفعني لشراء الماسكات الجاهزة
فكرة انه الطبيعي وقت الاعداد اتكيسل
والسر الثاني لما يكون ماسك لذيذ اخلي الماسك واكل المكونات 😂😂
خصوصاً لو الماسك فيه فواكهه وزبادي احيانا خضار
عشقي كويس مافيه ماسك من اللحم 😂😂 >> اتخيلها امراء زومبي اللي بتسوية
ماعلينا قمت اقط خيط وخيط
انا بالانستقرام مووو متواجده الفترع هذي فعشان كدا متأخر ردي
مافكرت نزلت تدوينه بس لازم اشيك لقيت هالتدوينة الجميلة
حبيبتي الله يسعدك
وكل عام وانتي بخير مقدماً ومن العايدين عليك وعلى احبابك❤️❤️
Love U
samah says
فعلا لاحظت انتشاره عالميا و ذقته بجد كأنه حنا بس مادري اذا فوائده حقيقيه ولا بس دعايه لغرض تجاري
aljamilaaa says
شفت ذا الشاي في محل مشهور عندنا اسمه whittlad يوم قريت نه الماشا تذكرت مضوعك علطول وتحمست ارجع كلامك عنه فوائدة مغرية جدا بحاول اذوقه بالمحل واذا حسيت اني تقبلت طعمه بشتري او اهديه لامي تحب هي الاشياء المفيدة. الله لايحرمنا منك يارتوس كل شيء تكلمتي عنه بمدونتك.