صَباح / مَساء التَلق لَق
ثاني مرة أقول هالكلام يمكن ، دائماً المواضيع أو المنتجات إللي تَسوي ضَجة ..
ما أحس بالمُتعة أو الأكشن وَ أنا اكتب عنها ، أحسها تَكون باردة وَ مملة
[ أحب أَكشن الشيء الجَديد وَ الغريب ، يَكون له لهفة غَير شَكل ] ..
لكن الضجة الكبيرة إللي رافقت مُقشرات فرانك بالذات تخليك غَصب تَكتب عنها أو على الأ قل تفكر تشتريها وَ تجربها
تصدقون عاد قبل لـ فرانك يسوي هالضجة عندنا يمكن قبل سنة بالضَبط ، علمتني عَنه نُونا ، وَ قالت لي شوفي هالمقشر مفعوله كذا .. وَ كذا .. وَ كذا
ما أكذب عليكم حبيت شكله كَونه مادة تنفع للتدوين ، شيء جديد من نوعة من حيث التعليب ..
وَ ماهي إلا أشهر وَ سمعته صارت فوق السحاب ، حسيت إني مليته قبل أجربه وَ خلاص قل دَافعي لتَقدمة الجديد وَ الفريد
( قلت إنكَتب عنه ما يحتاج أكتب شيء خَلاص )
وَ من هالمُنطلق شلت فكرة إني أشتريه أو أجربة ، لكن المقشر الظاهر يحبني وَ يبيني أجربه من فترة يمكن شهرين أرسلوا لي فرانك نوعين من مُقشراتهم + مرطب للبشرة
[ Big Thanks Frank ]
وَ صلني لَين باب البَيت بيومين فقط ، مَيرسي آآآوي فرنكوكه
شُهرة مُقشر فرانك ~
للأمانه ما أعرف ليش ضرب وَ إشتهر بهالشكل مُقشرات الكوفي تارسه السوق قبل فرانك ، وَ أساساً هي من الحلول المنزلية المشهورة بالأساس للتخفيف من حدة السيلوليت ، لكن أعتقد الإعلان كان له الدور الأكبر + المواد خاليه من الكيماويات + صديق للبيئة وَ هالشيء يعشقونه الأجانب + تغليفة جذاب وَ كيوت يعشقة الكبار وَ الصغار + سعرة معقول نسبياً + سهل الشحن وَ إذا مو غلطانة الشَحن مجاني للأطفال
إختلاف الأعراق ،’
أحب أنبهكم على شغلة لازم تنتبهون لها ، أي شيء يعجب الأجانب مو بالضرورة يعجبنا ، لأن إللي يناسبنا غير إللي يناسبهم ، البشرة الأوروبية وَ سكان المناطق الباردة بالغالب يعانون من جفاف البشرة ، بينما سكان البلدان الحارة الأغلبيه بشرتهم ذات طبيعية دهنية رغم جفاف طبيعتنا لكن الجو الحار يخلي البشرة تفرز دهون
فتحسون فيه إختلاف بثقافتنا بالشرق رائج أكثر ثقافة الفرك بالليفة وَ الصابون وَ الخلطات إللي فيها قشور وَ سوائل ، بينما عند الغرب يميلون للمُقشرات إللي أساسها قائم على الزيوت المخلوطة مع السكر أو الملح أو الكوفي أو نواة الفواكهة مثل : المشمش أو حتى قشور المكسرات … إلخ
لذلك ألاحظ أي شيء قَوامة غني وَ زيتي ينجح عند الغرب بحكم فترات الشتاء الطويلة عندهم
Frank Body Scrub
مقشر فرانك ما راح أسرد وَ أطول في وصف أنواعه لأن كثير من المُدونين كتبوه وَ أي وَاحد يتبع حساب فرانك عالأنستغرام راح يتعرف على مُنتجاتهم ، راح أركز على الأنواع إللي جربتها فقط
أنواع مُقشرات فرانك ،’
• ORIGINAL BODY SCRUB | المقشر بالقهوة الأصلي ( أوريجنال )
• COCONUT BODY SCRUB | مقشر القهوة بجوز الهند
• CACAO BODY SCRUB | مقشر القهوة بالكاكاو
• PEPPERMINT BODY SCRUB | مقشر القهوة بالنعناع
إللي مَعي الأصلي الأوريجنال + مقشر القهوة بالنعناع
فيه فَرق بالأسعار بين كل نَوع وَنوع حول دولار إلى دُولارين تقريباً ، بس ما أحس فيه هالفروقات الكبيرة بالأنواع لكن المَنعنع يعطي الجسم نوع من الإسترخاء وَ فيه إحساس فكسي وَ الأوريجنال فيه ريحة برتقال خفيفة
سعر المقشر الأوريجنال = ١٤.٩٥ دولار ، مايُقارب ٥٦ ريال سعودي
سعر مقشر القهوة بالنعناع = ١٦.٩٥ دولار ، مايُقارب ٦٣ ريال سعودي
تغليف المُنتج ~
مثل ماذكرت تغليفهم جداً ذكي وَ إقتصادي وَ ملفت وَ يعطي إحساس بالمرح ، المُقشر يجي على شكل ظرف ورقي لكنه من الداخل فيه طبقه بلاستيكية عازلة للماء قابل للفتح وَ الإغلاق بإِحكام ، وَ الكلام وَ الوصف على المنتج موجه بشكل كيوت وَ بإسلوب مُبسط يفهمه الصغار وَ بإلوان زاهية مريحة ، وَ على كل منتج فيه أيقونة توضج خاصية المنتج
لكن نفسياً ما قدرت أدخل الظرف الحمام وَ أستخدمه مباشرة ، لذلك قبل الشاور أخذ كمية منه وَ أحطها بصحن ، تقريباً ملعقة طعام وَ نص تكفي الجسم
[ لا مَكومة المعلقة وَ لا مَمسوحة مُعتدلة الإمتلاء وَ أكيد كل شَخص بتختلف عنده الكَمية ]
تَنبيه ،’
مرة كنت منزلة كمية منها على أساس أستخدمها وَ كنت مستعجله وَ ما أمداني الوقت، فأخذت الصحن بالمقشر وَ غلفته بكيس النايلون وَ لما جيت اليوم الثاني أستخدمه حسيته نشف شوي ، يعني إنتبهوا لهالنقطة وَ لاتنسون الظرف مفتوح لأنه راح يفقد طراوته
عدد مرات إستخدام المٌقشر ~
كاتبين عالعَبوة مَن ٣ إلى ٥ مرات بالإسبوع
أستخدامي للمقشر دام ٣ أسابيع تقريباً من مرتين إلى ٣ مرات إسبوعياً ، إختبرته لمدة كافية نسبياً للحكم عليه . كان ودي أجربه فترة أطول لولا إستعجالكم لي بطرحه
ماذا عن رائحة مُقشر فرانك !!
بما أني من عُشاق الكوفي ، فكانت الريحه بالنسبه لي لذيذة وَ غير مزعجة وَ خاصة الأوريجنال كان ريحته على برتقال حسيت إني أشرب قهوة مع كيكة برتقال
طريقة إستخدام مُقشر فرانك ،’
أنا أتحمم يومياً ، اليوم إللي أستخدم فرانك ما أستخدم الشاور جل أبداً لا قبل وَ لا بَعد وَ مَتعمدة كنت هالشيء لأجل إختبار فائدته
أدخل تكرمون الحَمام ، أبلل جَسمي أبو ٥ دقايق وَ بعدها أوقف الماء وَ أبدأ بنشر مقشر فرانك على جسمي بطريقة الطبطبه [ أخذ كمية صغيرة وَ أطبطب وَ أرجع أخذ كمية صغيرة وَ أطبطب بمكان ثاني لين أخلص كل جَسمي ] ، بعد ما أوزعه على كل الجسم أبدأ أفركه بحركات دائرية مو بقسوة ، وَ بعد الفرك أنتظر ٥ دقايق وَ من المُمكن تنتظرين ١٠ دقايق ، بس أنا أنتظر فقط ٥ دقايق وَ بعدها أغسله زين بالماء فَقط ، وَ أنشف جسمي بالمَنشفة وَ أخليه شَوي نَدي من ثم أدهنه بمرطب فرانك للجسم
أسئلة تتعلق بمُقشر فرانك ~
قبل كل شيء إقروا هالكلام من مَوقع فرانك بعد التَرجمة
عندنا يوضع الكافيين على الجلد يمكن أن يحفز تدفق الدم ، مما قد يُساعد على الحد من ظهور السيلوليت، وَ علامات تمدد الجلد ( السترتش مارك ) ، الصدفية، الأكزيما وَ الأمراض الجلدية الأخرى ، كَما يحتوي على مُضادات أكسدة مُفيدة للجلد
– هل مقشر فرانك يعالج السيلوليت ؟
فعلياً هو ما يعالج إنما يعطي نتيجه مؤقته لأن الكوفي مُنشط وَ بنفس الوقت يوسع الاوعية الدموية فيساعد إن الأنسجة تنشد هذا بالإضافة يقلل من إحتباس السوائل وَ الماء في المنطقة وَ ينشط الدورة الدموية ..
وَ يُقال أيضاً أن مُضادات الأكسدة في الكوفي تُساعد الجسم على التخلص من السموم بالتالي تحسن من صحة السيلوليت وَ الجلد بشكل عام
الحمد لله المشاكل إللي يوعد إنه يعالجها فرانك ماأعاني منها ، لاحظت أغلب إللي حبوا المقشر هُم إللي عندهم أكزيما أوَ صدفية ، قالوا إنه فادهم بتحسين المناطق المصابة
– هل مقشر فرانك يعالج خطوط التمدد ؟
خطوط التمدد عجز الطب إنه يعالجها كُلياً ، يعالج رُبما أقل من ٦٠ إلى ٧٠ ٪ وَ هذا بالتقشير وَ الليزر
إمكانيات مُقشر فرانك أبسط بكثير من الحلول الطبية ، طبعاً فيه ناس لما تطلع لهم الشقوق .. الجلد حول الشقوق يتكرمش وَ يتصدع
وَ يصير لونه أغمق من الشق نفسه بفعل الجَفاف ، مُقشر فرانك وَش راح يسوي ؟!
راح يحفز الدورة الدموية ، يشد البشرة بفعل الكافيين مؤقتاً ، راح يرطب ، اللون الغامق بسبب التكرمش وَ الجفاف راح يفتح
وَ بعض الناس بيكون لون الشق مثل لون بشرتهم بكذا ماراح تبين الشقوق ، لكن ملمس الشق نفسه راح يضل مَوجود
بس بيكون المظهر العام إنه تعالج ، وَ الناس مو كلهم ينتبهون بيقولون وَ الله وَ الله شالها ، هُو ماشالها إنما حَسن مَظهرها
لكن مُمكن يحد من ظهورها للحامل وَ أي وحدة مُعرضة للتمدد ، أصلاً لاحظوا كلمتهم يساعد على الحَد من ظهور السيلوليت وَ علامات تمدد الجلد
واو العطف تعود لكلمة يساعد على الحد ( ما قالوا يَزيل !! ) خلاص إللي طلع طَلع بس جديد ماراح يَظهر لأنك جالسة تعتنين وَ تهتمين وَ أكيد إللي علامات التمدد عندهم حمراء فرصهم أفضل بكثير من علامات التمدد البيضاء
– هل مقشر فرانك يزيل الحبوب ؟
مُمكن وضع فرانك عالوجه قد يكون فاعل كونه مُضاد للأكسدة
لكن أي فرك لأي حبوب ، راح يزيد المُشكلة ، مكان الحبة لا يُفرك ، يعني وَحدة خدودها مليانة حبوب
أوكيه ممكن تحطه على كل وجهها وَ خدودها ، وَ تفرك وجهها ماعادا الخدود لأنه مَوضع الحبوب
[ هذي وَجهة نظري الشَخصية ] وَ شخصياً إستخدمته مرة وَحدة على وَجهي حسيته قاسي ، لكن ينظف الوجه بشكل حلو
بس مَثل ماقلت قاسي ، وَ أنا ما أفضل أي سكروب فيه حبيبات كبيرة قَد تخدش بشرة الوَجه علماً إني ما أعاني من الحَبوب
بس فركت أنفي براحة أكبر ، حسيته صار يَلمع دليل إنه ينظف بشكل مُمتاز
– هل مقشر فرانك يدبق ؟
لا ما يَدبق
– طيب ليه ما نَغسله بالشور جل بعد مانحط مقشر فرانك ؟
إنتِ حرة تبين تغسلين أو ما تَغسلين ، البشرة الجافة يفضل ما تَغسل
البشرة المُختلطة وَ الدهنية يفضل يستخدمون شاور جل ناعم ، لكن أنا حبيت أستفيد من الزيوت المَوجودة بمقشر فرانك فما غسلته
– طيب ماراح يوسخ المنشفة ؟
بالتأكيد راح يوسخ المنشفة فخصصوا له مَنشفة خاصة أو غامقة مُش فاتحة مو ذاك الوَسخ بس راح تَصوفر شَوي
– طيب ماراح يوسخ ملابسك وَ فرشك ؟
صراحة أنا أسويه قبل النُوم ، فعادي مَخصصة بيجاما للنُوم ، وَ لكن الواحد لما ينام أكيد راح يعرق أو جسمه بيفرز السموم … إلخ
خلا فرشي أصفر بشكل واضح ، خاصة إن أغلب مفارشي فاتحة فكان واضح بها هالشيء ، صَح راح مع الغسيل بس إنتبهوا إذا ماراح تغسلونه مَثل ما سَويت مُمكن تصادفكم هالمٌشكلة
– هل يوسخ الحمام – يكرم القاريء – ؟
شخصياً بعد أي سنفرة أحب أغسل الحَمام ، لأن السنفرة تطلع ريحة البدن أحسها تكون واضحة
وَ الحمام من الأشياء إللي مَفروض تُغسل بشكل يومي أو عالأقل شَبه يومي ، أستغرب البَعض مَسوي هُوليلة فرانك يَوسخ
هذول الأجانب مُمكن إللي ينصرعون لأن الغرب ما يبللون حَمامتهم ، المكان المبلول بَس البانيو مُمكن يتعبون بالتنظيف لأن بيضطرون على مسح الأرضية مو غسلها
بس حنا ماشاء الله حماماتنا شَلالات ، وَ يترك صَح أثر دهني بسيط وَ بقايا من المُقشر بس بمجرد تنظيف بسيط للحمام يزول
يعني بثقافتنا الشرقية ، الحنا أسوأ ما يمكن تترك لون وَ تصبغات ، برضو الحمام المغربي يترك ريحة زهم وَ يترك برضو طبقة من الجلد وَ الدهن ، السدر برضو يترك بقايا بالحَمام ، إستغربت من التذمر الكبير إنه يَوسخ
حياة الأجانب وَ حمامتهم – تكرمون – تختلف تَماماً عنا
وَ نوعاً ما صَح فيه بعثرة بس مَقبولة ، حنا العرب مَتعودين على هالشَغلات وَ أحس الناس نَظاف بحماماتهم وَ يهتمون بغسلها شبه يَومي ما راح نَقول يَومي
– من وَين نشتريه ؟!
فيه كثير تاجرات يَوفرونه ، لكن تقدرون تشترونه من المَوقع الأصلي ( إضغطي هُنا ) وَ يوصلونه مُباشرة للسعودية
مايحتاج وَسيط بالنَقل ، تحتاجين بريد سعودي وَ فيزا أو ماسترد كارد لكن ما جَربت أشتري وَ يوصلني وَ لا أعرف هل راح يتأخر أو لأ
لكن مَن شَوي دخلت وَ شفت قيمة النقل ، إذا بتنقلونه مُقشر واحد سعر النقل ٦ دُولار وَ إذا مقشرين أتوقع ١٤ دولار أو ١٦ دُولار
وَ كل مازَدتي مُقشر كل مازاد السَعر بالنقل ..
أنا أدري كثير مَنكم شايش عالتاجرات ، لكن اللهم أرزقني وَ أرزق مَني هكذا الحياة
يعني شيء بَديهي أي تاجرة بتاخذ أقل شيء ٢٠ ريال مَربح ، وَين وجع الراس + الإتصالات + النقل
إذا إحنا بنركب تاكسي بالرياض أقل مَشوار بياخذ منا ٣٠ ريال ، فالحياة بها إختيارات ما يحتاج تناشبين التاجرات
ماعَجبك سعرها بَسلامتها وَ الله يَخلي شطارتك ، جيبي بطاقة إئتمانية وَ ضبطي بريدك وَ إشتري
[ لكن تتلفين أعصابك وَ إنتِ منقهرة من غلاء السوق ما يَصير ] ..
ترى عادي اليوم رحت أتَسوق وَ إنصدمت من سَوقنا لقيت كثير من البضايع قَديمة ، لدرجة بعض الماركات ما غَيروا حتى ملابس الشَتاء ، وَش بجلس أهايط عالبائعين وَ البائعات مالهم ذنب !! سَحبت نفسي وَ خلاص إنتهى المَوضوع وَ الله يَخلي تدبير الإنسان لنفسه
Frank Body Balm
سعر المرطب = ٢٤.٩٥ دولار ، ما يُقارب ٩٣ ريال سعودي
مُحتويات مرطب فرانك للجسم ،’
زيت بذور العنب ، كرمة العنب ، زيت اللوز الحلو ، زيت جوز الهند ، شمع العسل ، كاكاو ،زبدة الشيا ، كوفي ،زيت قشور البرتقال ،… إلخ من موَاد ذكرت الأهم
إنطباعي عن مرطب فرانك للجسم ~
المرطب نفس قوام ميبو بس إنه أخف شَوي ، حتى نفس الإحساس لما تَدهنينه عالجَسم
عن نفسي حبيته بالمرة ، مرة وَحدة إستخدمته على كل جسمي وَ بقية المرات فقط عالأكواع وَ الركب وَ المؤخرة وَ أي مَنطقة حسيتها تحتاج ترطيب زيادة
بالبداية قلت وَش ذا بيدبق وَ أنا أهم بدهنه ، مُجرد ما خَصلت الدهن وَ لبست مَلابسي ماحسيت بأي مُشكلة وَ تشربه الجَسم
بس ما سَبق وَ دهنته بدون إستخدام المُقشر ، دايم أستخدمهم سَوا
وَ صراحة حبيته ، مفروض يسوي ضَجة مثله مثل المُقشر عن نفسي أقدر أقول عنه رَوعه
لكن حجمه صَغير ، وَ ما أتوقع إنه عَملي وَ لا ريحته عَملية إلا إذا بتسوينه وَ تنامين وَ ريحته مثل ميبو لكن ما تستمر بنفس القوة
لكن لو فسختي ملابسك وَ جيتي اليوم الثاني تشمينها ، بتشمينها ريحة كوفي دليل إنه يضل أثره ، لكن حبيته جداً
مُلاحظة ~
جَميع مُنتجات فرانك خالية مَن :
– البارابين
– الفثالات
– الكبريتات
– السيلكون
– الزيوت المعدنية
– الجليكول
– DEA وَ TEA
ترجمة : DEA = ثنائي إيثانول أمين
TEA = ثلاثي إيثانول أمين
ما قَد يخطر على البآل ~
– هل راح تشترين المُنتج بفلوسك ؟
صراحة نَشبوني ، ذوقوني مُنتجهم وَ حبيته إيه راح أشتريه بفلوسي
لكن كمقشر مُش كمعجزة جمالية ، من المُقشرات الجاهزة إللي حبيتها
– هل نقدر نحاكيه بالبيت ؟
هو كتركيبة بسيطة ، لكن أنا جربت مُقشر البيت وَ أسويه بكثره لكن ما يشبه
مقشر البيت دبق أكثر وَ يوسخ الحمام – تكرمون – جداً ، وَ ريحة قهوة البيت مُزعجة أكثر
برضو حبيبات قهوة فرانك تسمح بالتقشير أكثر بدون قسوة وَ بنفس الوقت بفعالية مَع تنعيم الجسم
كَميات الزيوت بمقشر فرانك مَوزونة وَ مدروسة لاهَي إللي تَدبق وَ لا هي إللي تَجفف ، إحساسها مُريح وَ مُنعش بالحَمام
صَح إنه بسيط وَ تحسينه شغل بيتي ، لكن فيه فَرق ، يعني عالأقل يستحق نجربه مرة بالعُمر لو إحنا مُقتنعين بمقشر القهوة المنزلي
– مقشر فرانك يكفي كم مرة ؟
أتوقع يكفي ٨ مرات مُش متأكدة لأن كل مرة أجرب من مُغلف وَ لكن للأن ما خَلصوا وَ أنا لي ٣ أسابيع أسَتخدمهم
سعره يعتبر غالي لأن النقل مُكلف ، لكن لو مَثل دول أوروبا بيكون أرخص بكثير أو لو كنا بأستراليا
– شيء حابة تقولينه ؟
هههههههههههه كتبتها هنا ما أبي أنسقها فَوق ..
لاتقربون المُقشر من عيونكم
to.t says
.
to.t says
هلا هلا
قرات مدوتنك وهي بالاسود ماحبيتها وقراتها ملونها حبيتها
هالمقشره على كثر ماشفته بالانستا ماطرالي اقرا عنه مدري حسيت زحمه من الضجه الي عليه
وسالفة ان المقشر يشيل السلوليت هذي مادخلت المزاج ابدا ابدا وياكثر دعايا السلوليت
لو لو فكرت اشتريه كعامل دلع ونظافه لكن غيرها لا
توثيق ممتع منك ياجميله
وحبيت الختام ههههه
دمتي لنا
Sh says
يعطيك العافية توسه حمستيني اجربه
اذا ممكن تكتبي لنا علاج للتشققات والسيلولايت دورت كل مكان احس بلاقي عندك الحل وان شلء الله ماتقصري معانا ☺️
ام امل says
مرحبا
جربت مقشر فرانك بالنعناع اخترته على اساس اكثر التجارب في فرانك الاصلي ان ريحته قوية وجذي وقلت يالله النعناع ريحته ريلاكس بعد بس بعد احس النعناع ريحته عادية مو نفاذة المهم عن تجربتي وايد عجيب وبشتريه على حسابي وبجرب الكريم بعد بس عجيب الاحساس بعد الحمام البشرة نااااعمة انعم من بشرة الاطفال وملاحظة لاحظت ان مفاصل يدي اتفتحت فالمرات الجاية راح اركز في الفرك في هالمنطقة وايد احب المقشرات لان بشرة جسمي دهنية وتجمع طبقات اما الوجه فركته كامل وركزت على منطقة تي الجبين والخشم والذقن لان بشرتي مختلطة ووايد عجيب بس لامي ارضع ووصل المقشر لمنطقة الحلمات حسيت انه الرضاعة المتني ليكون سد الفتحات بس هههههههه
مشكورةحبيبتي على هالسايت واني مثلش احب التفاصيل بشكل فظيع وكل شي اسمع عنه ابحث عنه لان مشكلتي وايد اخذ اخذ وانصم من الجهل … ووايد لاحظت ان اي شي ادور عنه بقوقل تطلع لي صفحتك فاشتركت مشكووورة وايد واصلي
ام امل says
جربتي مقشر كيور نبي رايش فيه
ام امل says
ما عندك موضوع تتكلمين فيه عن زيوت الجسم للاستحمام والتنقع بالبانيو ؟
ياريت تطلعينا على تجاربك لمساعدة ذوات البشرة الجافة
Ighoodi says
يسعد صباحك ويعطيك العافيه اخيراً لحقت على تدوينه من بدري ههههههههههه حلم حياتي
Ghada says
فضيعه to.t ماشاءالله دوم اول وحده ههههههه راجعه لك يالقلب ❤
Ghada says
الصور في صفحة فرانك عالانستا تحمس تقطعت وانا اشوفها 🙁 تصدقين نبهتيني على شغله في تدوينة الاوميغا٣ شكل السيلوليت الي اعاني منه من القهوه لاني اشربها لازم مرتين باليوم واحياناً ثلاث :/ هالقهوه سلاح ذو حدين تحطينها على جلدك تشيل السيلوليت تشربينها تزيده :’)
اكثر شيء ملفت هو التغليف جداً بسيط والخط احسه مثل خط الاله الكاتبه “ذيك القديمة” حبيييته !والله يسامحك شهيتيني بكيكة البرتقال 🙁
مدري ليش صايره ابربر كثير الله يعينني على نفسي 😐 الله يعطيك العافيه كالعاده حتى لو تنزلين تدوينه عن الفازلين بيطلع منك غييير صدقيني كل شي منك حلو !❤❤
Atheer says
الله يعطيك العافيه 💕 جربته مره واحده فقط ومثل ماقلتي حلو كمقشر والزيوت اللي فيه حسيتها تغني عن الترطيب بعد الاستحمام
i.weji says
.
i.weji says
تلق لق عجبتني يسعد صباحك
حبيييييت التدوينه وصفك عالي جدا وبحكم اني جربتو استمتعت بتجربتو حسيتو شي حلو منعش فنفس الوقت استخدمتو بنفس طريقتك حطيتو ع الجسم وبحركات دائريه خفيفه على جسم ندي وبعدها بمويه دافيه على الجسم كأول مره استخدمتو بعد الغسيل لمست جسمي قلت فنفسي وااا مدري لييه مع اني جربت المقشر المنزلي قبلو بس حبيت فرانك اكثر للدقه والموازنه فيه والكريم للاسف الشديد اني ماشفتو او مانتبهتلو ولا كان جبتو حسيتو من وصفك شي رائع .. سؤالي ياسوس انتي ليه خليتيه على جسمك 5د !! من ثم غسلتيه
Noupha says
فاينااالييي
متحمسة اقرأ
أكنان says
أخيرا ههههه
أكنان says
تجربة جميلة أرتوس ..
من وجهة نظري أشوف بعد تدوينتك ما يستحق كل هالضجة هههههه
بإنتظار بقية التدوينات ^_^
دمتِ بود () ❤️
شمّاء ~ says
سُبحان الله .. عاد احب اقرأ الأشياء اللي تكون جديدة عليّ منك !
دايمًا تدوينك وَ كتاباتك مصدر لي وَ أحب كمان توثيقك ..
عافاك ربّي * وَ حبّيت أترك لي رد بالبداية لأن مو دايماً يمديني ماشاء الله التعليقات كثير ..
وَ يسعدك على هالصّباح ..
Jooda says
الله اخيرا ارتوس تكلمت عنه
كذا ارتحت جد ارتحت برآيك
نشتريه وبقوه اختي باامريكا ولمى دخلت طلع التوصيل مجاني بااخذ كميه لاني بتجي قريب
وآلف شكر لك
Ahlam says
مجاني لسعوديه ؟
R A G H A D says
ودي أجربه بصراحة بس شفت الضجة الزائدة وهونت
يعطيك العافية ❤️❤️
Noradul says
يسلم البك على هالتدوينه ، قبل لمن كتبتي عنه قلت انا متاخره سنه ضوئيه لاني ماعرف عنه شي
بالعاده اخلط قهوه مع سكراب جاهز واصنفر فيه جسمي ، بس مشكلة القهوه زي ماقلتي اول شي تلصق بالارضيه ثاني شي ريحتها مره قويه لدرجه تسد شهيتي عن الاكل !
بس تحمست لما وصلك وقريت انك قلتي حبيتيه وانا اساسا احب الجاهز اكره اكلف على روحي فطلبته يوم الاربعاء من موقعهم اربع اكياس مع الشحن ب ٣٦٠ ريال
ولسه الى الان ماوصلت على امل توصل قريب ، ان شاء الله يكون ممتاز لاني اعاني بهالوقت من جفاف بالسيقان نفس احساس الاكزيما بس اخف شوي ، وكثرت بربره ووراي دوام ، يوم سعيد لك وللجميع ☺️
Lamoshaa says
بس قرأت كلمة ميبو بالانستغرام تزكرت انو الو ذكريات سيئة معوو :p
بتعرفي على اد ماصرت شوف بعض المنتجات ادي عاملة ضجة واعلانات صرت بعد عنها يمكن على اد مو مشترية شغلات بسبب الاعلانات والحكي عنها واكتشف انها اعلانات تجارية والمنتج ما الو علاقة بالاعلان
بس بعد مابديتي تدوين وصرتي تحكي وتجربي اكتر المنتجات صرت خلص اعتمد على رأيك فيها وجربها دغررررري ♡❤
Inooodi says
عندي المقشر واعجبني بس ع وجهي لااا قااسي جدا. وانا اسوي مقشر القهوه بالبيت وحلو كثير والريحه ❤️❤️جميله جدا مقشرات الكوفي تعجبني كثييير.
Untitled-1 says
استخدم الاوريجينال لي ٣ اسابيع وحبيته.. جربته بدون شاور جل وبعد شاور جل وردون شاور جل، جسمي جاف او رطب، عجبني اكثر شي لما استخدمته لحاله بدون اي شي حسيت فعلا جسمي رطب ومرتاح..
استخدمته على وجهي [بشرتي جافة+حساسة] يمكن ٤ مرات طلعلي وايت هيدز، شكيت انها من المقشر لأن ماأضفت في روتيني شي جديد الا اهو..
ناوية اجرب البالم+كولكشن الوجه الجديدة..
ماتقصرين❤ دائمًا وأبدًا تدويناتك غير حتى لو كان المنتج مكرر
to0ota says
حبيت ان اجربه ..خصوصا بعد صور التجارب ..وحده لما سألتها قالت انه خف السترتش مارك عندها اعتقد بعد استمرار شهرين اذا ماكنت ناسيه
ممكن يكون مثل ماقلت انه وحد لون الجلد بحيث ماصار السترتش مارك واضح بس اكيد بتفرق مع اشخاص كثير مثلا أنا ملمسها متساوي مع البشرة لكن واضحه جدا فا أكيد إذا أستخدمته وصار مثل ماقلت راح يفرق معي كثير
هل ينفع استخدامه تزامنا مع التقشير الجاف أو السويدي ؟؟؟؟
تشوك تشكولار
Reem says
اذا ملمسها متساوي معناته مو سترتش مارك
نوره says
الله يعطيك العافيه ❤️
fa6ooom24 says
صباح القهوة.. عاد تصدقين اني مداومة و مصدعة ومحتاجة قهوتي و لما قريت البوست زاد احتياجي للقهوة…
سبحان الله انا طلبته قبل لا انتي تنزلي صورته في الانستا بيومين قلت حلو على حظي ارتوس بتكتب عنه قبل لا استخدمه.. كنت متحمسة له و الحين تحمست اكثر بس المشكلة ما طلبت المرطب معاه.. شكلي برجع و بطلب المرطب…
تسلم ايدك حبيبتي و الله يعطيك العافية على مجهودك
Lulu says
فعلاً جميل ذا الفرانك للأسف اشتريته بفلوسي مرهق كـ استعمال وعني لازم استعمل وراه شاور جل راح اجرب استخدمه واشطف و اخرج ❤️.. كميته كبيره جداً قد يهيء للناس انه قليل لكن كميته جيدة ولا ننسى انه غير مخلوط بسائل زي معظم المقشرات، ومعك حق كل الريفيوز الي شفتها في اليوتيوب البنات يقولون طفشوا وهم يغسلون وانه يوسخ 🙂
يعطيك العافيه ارتوس
Rasha says
يعطيك العافيه ❤️
ادور على سكروب للجسم شفت من ماركة فريش ودوڤ
وشكلي بحط عيني عليه ، لسى ما جربته مع انُ الناس طايرين فيه
شكراً ارتوس ❤️
jejebeat says
نعيما توسه انا تقريبا استخدمته اربع مرات ولسى ماخلص الظرف الاول عشان اقدر احكم مزبوط لكن عجبني تاثيره الفوري ع الجسم من ناحيه النعومه والترطيب اما المشاكل ااثانيه لسى مانحلت والريحه مررررره عجبتني برغم اني مو من عشاق الكوفي بس يحسسني اني قاعده اتحمم في ستاربوكس وبس لان بشرتي مره جافه اشوف انه ناسبني كترطيب لكن ماكتفي فيه احط مرطبات تانيه وجسمي لسى ندي
suha_aziz says
تسلمي ياقمري❤ .. اليوم برجع له ان شاء الله الي عندي بالتشوكليت ضروري تجربية ريحة شوكولاته يمممي ههههه
KASUMII_chan says
انا لو بشتريه تدرين ليش ؟؟
بسبب تصويرك ‘ماشاءالله حظ فرانك المفروض يستغلون هالتصوير بتضرب شهرة الكريم :$
يعني بالاخير طلع مايستاهل كل هالضجه بس مو بخساره اني اجربه واعيش لحظة القهوه ههههههههههههه
طيب عادي احطه على شعري ؟! امزح لاتصدقين بس احاول اخلق سؤال ههههههههه
هند says
ماقصرتي كفيتي ووفيتي وحطيتي كل الأسئلة بالحسبان وجاوبتي عليها ♥واتحدى احد يحصل له سؤال:) .. عجبني شرحك بعلاقة المقشر بالسترتش مارك وضحتي الموضوع وريحتينا من التساؤل كيف وماهية مفعوله على هالأمر .. الصراحة شيء مخذل انه للحين مافيه حل لسترتش مارك و الحلول اللي طالعه مكلفه وممكن نسبة تأثيره ضئيل ولا هي ع السعر اللي بتستنفذينه فيه .. المشكله السترتش مارك احيانا مو على نحف او سمن او حمل حتى لو كنتي بمرحلة نموك وطبيعة جلدك رقيق والاغلب يهمل جسمه بالترطيب وقت النمو فتطلع السترتش مارك انا عندي خفيف واتمنى اسمع بيوم بحل جذري .. اخيرا عندي حاليا مقشر قهوة شاريته من امازون وعندي مرطبات ممكن لو خلصت فكرت اجرب منتجات فرانك .. يعطيك العافيه ارتوس سواء كان الموضوع اللي تطرحينه جديدي او قديم الاقي فيه ضالتي ♥
وفلفه says
الله يعطيك العافيه كفيتي ووفيتي كعادتك
المقشر شريته من تاجره ب١٥٠ ريال من اسبوعين
ولسى ماجربته ههههههه سافرت واخذته معي ولافتحته
كويس دوبني اعرف معلومة انه يوسخ الحمام وانه يبقى بالمنشفه يعني افضل استخدمه اذا رجعت بيتي
صحيح قلتي مو ملحوظ مره بس انا توقعته مثل المقشرات اللي بالصيدليه
مره شكرا ارتوس الحب
G.. says
ودمتي لنا ❤️
Monsh_ says
يسعد صبآحك ي جمييله
حسيت من تقييمك له انه مو قد الضجه اللي طلع عنها
بس انه ألطف وأخف مقشرات الجسم الثانيه ..
ممكن في يوم مآ آغيير رائيي واشتريه للتجربه واكتشف اكثر
دمتي جمييله
نور منصور says
ماعندي اي تعليق بس الله يجزاك الجنه على كل فايده تقدمينها لنا ❤
aljamilaaa says
ياصباح النظافة والتلقلق على قولتك هههههه كلامك مغررري
بخصوص المقشر انا طلبته قبل 6 شهور كانت تحربة جيدة مو سيئة ويمكن لاني مش من عشاق رائحة القهوة فهو ماجاز لي من الناحية هذي كمان قلتي نقطة النظافة بالفعل هو متعب ويحوس الحمام مقارنة بغيره لكن كنت حابه ترطيبه وملمسه بس بصراحة جربت مقشر املاح بحرية ترطيبه اروع واروع. وبخصوص ريحة الجسم و الزهم انا مالاحظ هالشيء بس ارتوس ابي اعرف هل المفشرات حقت السوق مثل فرانك وغيره هي فعلا تنظف الجسم وتزيل الزهم والجلد الميت ولا لازم حمام مغربي؟؟؟ تراه سوال يحيرني كثير
WAFA_A1412 says
تحمست اجربه اكثر بعد تجربتك وخاصه الكريم
يعطيك العافيه يارب.
أليكس says
يا هلا بزينة البنات ارتوسه
والله انا نفسي اشتريه بس ماش
ما عندي قروش هههههههههههه
دمتي بحب
دانتيله says
يسعد صباحج حبيبتي ارتوس
طبعا انا حالي من حال الكل طرت بالعجه
وشريت الانواع الاربعه مع مرطبهم
جربت ع وجهي اللي بالنعناع حسيت يخلي البشره تتنفس بس فعلا قاسي حيل
الصراحه ندمت اني استخدمته لوجهي
جربت اللي بالككاو حسيت مافيها زود ولا فيها اي ترطيب
جربت الاروجنال هم عاديه مافيها زود
اللي حبيتها اللي بجوز الهند وبذور العنب هذي عششششقي
ترطب جسمي من قلب بما ان طبيعه جسمي جافه
وهم استخدمتها لولدي بعد الحبي وبعد الشتا
الصراحه فتح له الركب .. وفرقت عنده المنطقه
طبعا اهو طفل فاكيد التصبغ عنده سطحي مو عميق عشان جذي نفع وياه
بالبنسبه للبلسم حبيته .. انا اساسا احب هالقوام بالكريمات
بس ريحته مااعجبتني كأنه شي قديم ومنتهي
عساج ع القوه ارتوستي
وجدان says
من زمان أفكر اشتري حاولت اعمله فالبيت بس حسيته يلصق فالجسم وطفشني فتركته ومقشر فرانك اقول باطلبه و اكسل بس بحاول بعد العيد الله يعطيك العافية ويسعدك على قد مابتساعدينا استفدت منك كثير خاصه التقشير الجاف حل كثير من مشاكل جسمي
hessa says
الله يعطيك العافيه
من بعد ماقريت كلامك انتي والمدونه منى مرزوق عن المقشر حسيت انه شي حلو بس ماهوب واو ..واول مره اعرف فايدة الكافيين للبشره وانها هي السر في الموضوع
حبيت اسالك ياعسل …هل تبين ريحة القهوة بعد الشور …لاني سبق وسويت ماسك قهوة وقعدة فتره واللي حولي يشم ريحة القهوة معي ؟
mrs.mody says
فادتني مدونتك جدا ربي يجزاك الجنة ومن تحبين ❤
انا مثلك اي شي ينشهر اشبع منه بلا تجربه
لكن هذا فعلا حبيت اجربه وانتظرت تدوينتك لما عرفت عنك
ارتحت لاني اجربه وملاحظاتك عالاثر عالمنشفه او اللبس مريحه .. حلو الواحد يعرف يرتب نفسه للتجربة ..
باذن الله بشتريه بعد العيد منهم مباشرة ..
انا رايي بالتاجرات ان كل تاجره حرة بتسعيرها .. لكن اللي ينرفزني اني ادفع نص قيمة المنتج بين ربحها وبين الشحن الداخلي ..
اشجع البنات يتعلموا يطلبوا بنفسهم وقتها راح يستسهلوا الشراء والتجربة اكثر من انه نص المبلغ رايح عمولات وشحن ..
تسلم الايادي ماننحرم ❤
Bishub says
اختي الصغيرة تعاني من الإكزيما ممكن اخليها تجربه وان شاءالله ينفع معها
ريحة القهوة منجد تعدل المخ حتى لو ما اشربها بس أشمها ماعندي مشكلة والحلو في مقشر فرانك عملي واقتصادي يجذب شكله حتى لو للتجربة .. تسلم لنا هالأنامل..
هههههههههههههههههههه ضحكت لا تقربونه من عيونكم ان شاءالله ما يوجع
مُنِيرَة says
حمستيني اجريه لما قلتي انه يختلف عن حق البيت ، انا لما اعمله بالبيت مرات احط سكر بني ومرات احط بودره تشوكليت اللي استخدمه بُن القهوه التركيه والزيوت انوع مرات احط نوع واحد ومرات اخلط كذا زيت ..
sara says
تدرين رايك داائما يوضع فرق احبك ياملهمه
saroona1 says
صباح الخير
دوبي ماخذه شاور ومستخدمه فرانك ❤️.❤️
فالبداية جربت الاوريجنال من شهر تقريبا اكثر شي عجبي فيه الترطيب ونفس طريقتك ماغسل بعده بشاور جل
دحين ثاني يوم استخدم الكاكو بالنسبالي الريحه احلى من الاوريجنال لكن الترطيب يتفوق الاوريجنال على الكاكو
عندي اثار جروح قديمة خفت بنسبة جدًا بسيطه لكن ماراحت ايضا امي تقولي ركبك فتحت كثير <<< ممكن مايكون من المقشر لاني صايره اعمل رياضه واشرب مويا بكثره وارطب
^^ادري طولت بس حبيت اذكر تجربتي
وشكرا تووسه على كم المعلومات الجميلة ❤️❤️❤️
واتمنى لك اجازه سعيدة <<< ترى مررا فرحت لما قريت فالانستا انها يوم ٢٨ مو اليوم 🙂
yumna says
يعطيكي الف عافية عالطرح الحلو و الواضح جدا
مت ضحك لما قلتي عالملعقة لا،هي ممسوحة ولا هي مليانة ههههههههه لانو اكيد السؤال هذا حينطرح عليكي
انا متحمسة اكثر اني احاكيه مدري ليه احس حتكون تجربة جميلة
و الله يعطيكي العافية و طولة البال
omeed says
عممري ارتووس ، شكرا على التدوينه الاكثر من صادقه ، صراحه الكل يهول فيه هالمقشر ومثل ماقلتي الدعايه كانت مقصوده ومتعوب عليها ، هالمقشر استخدمته مره فقط وكان على وجهي وماعجيني حسيته خشن ووماكملت تقشير علطول غسلته والى الان ماجريته على جسمي ، بس ودي اسوي مقشر القهوه عشان اقارن بينهم واشوف مدى فعاليه اي واحد منهم على جسمي خاصه ان فيني كذا مشكله بجسمي من سيلوليت وخطوط وعدم توحد اللون وشكرا يااجمل الجميلات
Omnia says
صباح الاشتياق ♡
التلق لق كلمه احبها لما تكتبينها احس اني كذا مبسوطه اصلها كلمه بتدغدغ
اممم جربته فرنكوكه الاورجنال بالبدايه انتظمت بس بعدها لا قمت اتلكك في استخدامه عشان كذا مالاحظت نتيجه للاكزيما
مع اني حبيته ماانكر صرت اشتاق حتى لريحته وترطيبه يظل فتره بالجسم
ذكرت مره استخدمته ونمت بعدها بفراش اختي بعد الصحوه جات تنام قالت شاربه حلبه
ههه بعدها لاحظت اذا استخدمته ونمت ع طول تظل ريحه بالفراش مثل ماعرف كيم شي مكتوم بس مو حلبه
تدوينة عسل زيك ويظل رايك يفرق عن اي راي ثاني
رهام says
يسعد صباحك ارتوس ❤️
حبييييت ولاني من مدمنين الكوفي بجربه وحمسني له زياده احساسي بانه ألطف من مقشرات القهوة الي أصلحها انا
وكفيتي وفيتي كعادتك شكرًا لك .
salam904 says
اهئ كتبت وخلاص برسل إلا خلص الشاحن ، نسيت ايش كتبت هههههه خصوصا إني أكتب وأنا بنص عين من الدواء بدأ ينعسني ، كنت اشوف صور الاجنبيات بالاكسبلور وشكله يحمس بس لما شفت كلهم أجانب عرفت إنه طلب اون لاين تكاسلت عنه ، السترتش مارك أنا لاحظت أمي وخالاتي مافيهم وجدتي ماشاء رجلينها مبرووومه ولا فيها أي مشكله سوى كرمشة العمر ، فقلت حاجتين اللي يسووها غير عننا شرب القهوه بكميات كبيره بالأخير هي سوائل والحركه المستمره وديان وجبال وطالع نازل ، لو فرانك يزيلها بيصير من أثرياء العالم ههههههههه ، طبعا ماصدقت لما كتبوا انه يزيلها بس على قولتك تخفف السواد حول الشق فيهيئلهم إنها رآحت و البلسم مكوناته تحمس ، وانت تكتبي حسيتك هاديه ههههه مش هايبر زي كل مره او يمكن لإني خامله فحسيتك كذا ويعطيك العافيه ..
Fatmah AQ says
متحمسه اشتريه وفي نفس الوقت لا 🙁 ..
بس حبيتو من كلامك عنو ❤️❤️
يعطيكي العافية ❤️،،
aaa_02 says
كل الشكر ما يوفيك حقك أنتي إنسانة معطاءة وأمثالك قليل ….يعجبني أسلوبك في الشرح والتوضيح….
لي فترة أفكر اطلبه بس ما تيسرت …
لكن بإذن الله أطلبه وأجربه لي ولبنتي عندها اكزيما لعل وعسى تتحسن أفضل من الكريمات
اللي مليانة كورتيزون…..
Shosho says
مع اني من محبين السنفرة بالقهوة و اصلحها بنفسي بالبيت
لكن للحين ما فكرت اجربه الا بعد كلامك ، اعتقد من الضجة اللي صارت و الدليل اني للحين ما ذقت اللوتس
اذا خفت الهبة و الضجة حولهم يمكن اجربهم
شرحك جداً وافي و فهمنا طريقته بالضبط و مفعوله
و بجد استغرب من اللي قالوا يوسسخ ، السنفرات بانواعها توسخ الحمام و شيء طبيعي انو الحمام يتنظف يومياً فمو عارفة وين المشكلة
شكراً ارتوس بحجم عطائك اللا محدود
mema says
يعطيك العافيه ارتوسه على ذكر تجربتك
انا جربته وبشرتي جافه حبييت النعوومه الي بعده روعه استخدمته للسيلوليت بس طبعا ماراحت حسن من شكلها وحاستمر واشوف.
شوق محمد says
يعطيك العافيه حبيت المقشر مدري ليه احس اشم ريحة قهوه
أن شاء الله اجربه حبيته –
Amjaad says
صبباح النظافة
منططلقة اجربببه
memoo says
يسعدك حبيبتي ان شاء الله اجربه من زمان بجربه واتردد اقول
يمكن زي كل الاشياء اللي سوو لها ضجة ولما جربتها كانت عاديه
بس حمستيني
الاء محمد says
جربته كم من مره بس اغسله طوالي شعور حلو وجسمي يصير ناعم بس ماهو بذاك المعجزات خفيف وسهل وجد تكاليف النقل مُكلفه وبرجع أخذهم ثاني ❤️
mnosh says
صباحك جميل يا جميله .. كيفك ؟ ان شاءالله تكونين باحسسن حالاتك يارب❤ ع فكره قريت ردك لي ع البوست الي قبله انفجعت تحسبيني حامل اجل ماني حامل انا عندي بنتين وحده عمره ثلاث سنين وست شهور والثانيه تسع شهور .. بس لمن قلتلك الكالسيوم وكذا من بعد ولادتي الثانيه والكالسيوم متدهور .. وان شاءالله اهتم بعمري واتغير والسالمون جربته قبل كم شهرر لذيذ مرره خصوصا لونه يجذب بنك لون بناتي كذا
بالنسبه لموضوع الفرانك هذا مجننني من زمان اكثر من بنت تقولي واااو جربيه ومدري ايش بس ماتحمست مدري ليه بس كان فيني فضول اشوف نتائجه ع الغير يمكن يحمسسني هالشي ، بسس حاليا وبعد كلامك احس تهيضت له ودي به ، صادقه تغليفه مغرري وصديق للبيئه من جد . الكريم كلش ماتحمست له من قبل احسه عادي ومن كلامك احسسسه مراح اموت لو ماشريته ع قولتك
تصدقين اول مرره تكتبين حاجه وتقولين هالجمله مناسب جدا للبشره الجافه بالعاده تقولين للبشره الدهنيه .. حسيت انتفخ راسي بعد ماقريتها انبسسسطت وهالجمله هي الي هيضتني اكثرر ..
اممم انا معك.بالسالفه البنات لمن يقولون التاجرات غاليات ومدري ايش صحيح هذا رزقها وكيفها تحط القيمه الي تبي مراح تجبركم ع الشراء ..
حبيت تدوينتك كثيرررر الله يعطيك العافيه ويسلم ايديك اكيد تعبتي اليوم من التدوين اشوفك اختفيتي ع طوول ! ياعمري انتي الله يجعله بميزان حسناتك يارب ، اتمنى لك يوم جميل ومممتع لك
A7bakartos says
دايماً اقرأ مدونتك وانآاا مستمتعه مقشر فرانك كانوو مسوي ضجه نفس ماقلتي وحده كانت منزله عنه بس مااهتميت قلت ارتوس بتنزل عنه بيوم من الايام
وبآخذ المفيد منهاا لان اثق فيك وبقووه وتم نسخ رابط
الموضوع وبحفظه بالملاحضات عشان لمى اشتري المقشر
اقراه مرتين وثلاث بعد
وبرسله للبنات كمآن
ربي يرزقكك ع قد ماتعبناك معنآاا
احببببك ارتوستي *قُبله*
ماريا says
تسلم يدك الحلوة على تدوينة اليوم ❤️
فعلاً المقشر حلو كـ مُقشر ليس كـ معجزه
ماستخدمته إلا مرِه وحبّيته من جد ❤️
مدري ليه أحسك وإنتي تكتبين هالتدوينه منتي راضيه عنها ١٠٠٪ ههههه مدري أحسّك زي الـ مستعجله وإنتِ تكتبين
عمومًا …
راح أجرّبه أكثر وأكثر
الي عندي بالكاكاو.. مرررره لذييييذه ريحته!
حسيت ودّي أذوقه وأنا أستخدمه هههههه
الأوربجنال لسى مافكيته ولا شميته ريحته
لاخلّصت الكاكاو بديت بالثاني ❤️
ودمتي لنا
أحبك.
najla says
مره حلو وفرانك وتحمست له لاني اثق بذوقك .
لكن حبيت اسئلك قريت بعض البنات كاتبين استخدامه مرتين في الاسبوع واكثر من كذا بيضر هل صحيح هذا الشي ؟
Asil_112 says
صراحه وصفك للمنتج مثل اللي حسيت فيه انا جربت اللي بالنعناع.وزي ماقلتي فادني في الاكزيما خفف منها شوي وشال بعض اثارها انا الاكزيما في يدي فقط بس الحمدلله ناسبي عكس اغلب المقشرات بمجرد ماالمسها تلتهب الاكزيما وانجبر البس قلفز بس الكريم ماجربته
ويسعدك ربي على كل شيء تقدميه
Monaya says
نفس مشكلتي ونفس الانطباع .. يعني اللي عنده اكزيما يستخدمه وان شاء الله م راح يندم
Asil_112 says
انا سويت نفس طريقتك بدون جل استحمام وقلت يمكن خطأ احب فيك تفصيلك للموضوع
Monaya says
يعطيك العافية ♥️ تحمست اخذ المرطب
جربت المقشر للاكزيما جداً جداً يخففها لدرجة ماصار لي اسبوعين مستخدمته استخدمه بعد كل يومين و خفت الآثار(( ثارت علي الاكزيما قبل شهرين ورفضت دكتورتي توصف لي شي للآثار تقول بعد م نتأكد انه معد في تحسس)) وفرانك الحمدلله م قصر .. بالنسبة للوجه عجبني للرؤوس السوداء يشيلها من أول استخدام ويعتبر حاجه طبيعية احسن من انه تستخدمي كريمات
beba_mohad says
صباح الجمال ..❤
دايما تندوينتك تعمل فرق ..قريت كثير تدوينات عن المقشر يس صراحه مو زي تدوينك ماشاءالله عليكي
المقشر من الاشياء الى ناويه اطلبها بعد العيد ان شاءالله بعد ما اكون استلمت الغله ..لووووول
Malak88y says
اخجلتينى بكرمك ياسَوس ❤️اسأل الله ان يجعل الفرح والسعاده قدرك ❤️ انتِ شمساً شارقه الله لايحرمنا منك
ياقمر .. جاري التجربه
الجوهره says
ربي يسعدك ❤
نقطة الفرق بينه وبين المنزلي ممتازة عجزت اشرحها لنفسي
Ireemf says
اهلا اهلا
مقشر فرانك مدري ماتحمست له ابد بس قريت وحده تقول حلو وكتبت طريقه منزليه وبنفس الوقت خلص السكرب حقي وكان الفكره ببالي اسويه
بس لما قلتي يوصخ احس شيء اساسي مننا كمسلمين وخصوصا احنا على قولتك حتى السقف يوصل لها المويه يعني عادي
حبيبت وصفك كيف انه يبقى بالجسم لان صاحبتي جربته واستغربت من تركيبته وسالتني عنه وماكان عندي خبر من احد جربه وقال هالكلام الا انتي كالعاده وصف بدقه بسم الله عليك ❤️
حالياً اجرب ال inversion methode وان شاءالله بقولك ايش يصير معاي
وبرضو لسه شاريه اسفنه الكوناجك مررررره حليت ميف ملمسها شيء غريب احس كانه فقاعات بس ماتتفقع لووول يارب فهمتي قصدي
شكراً ❤️❤️❤️
Sarah says
يا صباح النور ❤️
استخدمت مقشر فرانك بعد الضجه والكل يتكلم عن فرانك فحبيت استخدمه واخذته ب ١٠٥ ريال من تاجره الله يوفقها وتقريبا استعملته ماذكر كم مره بس بالتقريبي يمكن ٥ مرات ولازال فيه مقشر بالكيس تبعه .. ممم حبيته مرره يخلي الجسم نااااااعم مرررره :(❤️ بس ريحه الكوفي طاغيه يعني ماحبيت ريحته قويه بالمره علما عندي الاورجينال وحسيته ينظف الجسم استعلمته لظهري فيه حبوب كثيره حسيت خففها بس باليومين اللي راحو استخدمت المقشر لاحظت حبوب جديده بمنطقه الكتفين ! فقلت مراح استخدمه بظهري و استخدمته للبكيني :$ وكان عندي شعر تحت الجلد طلع الشعر اللي تحت الجلد وخفت الحبوب بس بقى الاثار اشوفه انه ممتاز للاكزيمما واحب شعور جسمي بعده وماحس انو يحتاج ترطيب ف ارطبه ب سيتافيل لوشن ،، ومن زمان اتمنى تكبين عنه عشان اخذه لان مو كل شي ينشهر قد السمعه ف حبيت الكريم اللي معه وقريب بجربه باذن الله ويعطيك الف عافيه على تدويناتك اللي تفرحنا وتفيدنا ❤️❤️
NostalgiaFD3 says
بالعكس كل منتج ياخذ ضجه ممكن كثير برضو يتكلمون عنه بس انت غير تجربتك اخلاصك والثقه بشخصك انك بتقولي تجربتك
كامله وبالتفاصيل وادقها يصير عندي تشبع بعد اي مدونه تكتبينها مااحتاج استطلع من بعدك
ربي يسعدك ويجزاك خير ابدا لا تتهاونين بقيمه اللي تقدمينه * قلوب تنبض *
Maryam says
اكثر شيء حبيته ريحته وايد حلوة اتجنن ( من عشاق الكوفي) إنشاءالله اجرب المرطب ماشاءالله مدونتك احسها مرجعية موثوقة شكرًا قد الدنيا على كل ما تقدمينه ربي يحفظج
iafiaa says
انا صراحة ماجربته بس بنفس الوقت مادخل مزاجي احسه شغل بيت وشكله الخارجي يوحي لي بنفس الفكرة ممكن اجربه يوما ما لكن حاليا مرتاحة بتخبيصاتي:$ استمتعت بطرحك واشتهيت قهوة❤️❤️
.... says
بعد تجربتك ان شاء الله بطلبه بس بعد مايخلص وحامي ما اتوحم الا ع الروائح مقاطعه العطور في البيت وع الجميع الله يعين بس ..تحمست لانه يحد من التشققات وراح اخليه من ضمن روتيني بعد الوحام ..الف شكر توستنا
I3lloOo says
ليا فترة أسمع عنو الفرانك دا ، بس ما بحثت عنو ولا قريت ريفيوز ولاشي
وقبل فترة شوفتك نزلتي صورتو ، قلت خلاص ما يحتاج ، استنى تدوينتك حتكون كاملة وشاملة ، وما كنت غلطانة
الله يعطيكي العافية ، وجزاكٍ الله خير ع كل اللي بتقدميه
Somasmasm6 says
ياصباح القهوة من الموضوع اشتهيت قهوة ومع كيكة البرتقال الوضع لايحتمل
صح كثير تكلمو عنه بس لما انتي تتكلمين عنه يطلع غير يزداد حلاووه وتزداد رغبتي بشرائه ، مافيش مقارنه
بالنسبة للمقشر انا صراحة ماحبيته عشان اسمه فرانك احسه شررير مرتبط معي بقصه فلم
والشي الثاني انني احس مافيه هذاك الشي المميز مُقشر قهوه ينعمل بالبيت يعني ليش اتعنا واطلبه من برا
بس امانتاً كلامك وصفك له يحمس والمرطب بعد حبببيته
ممكن اجرب المرطب
وتسلم الايد اللي خطت
أماني says
كنت انتظر تجربتك لهالمنتج .. بالنسبه لي احب مقشر القهوه المنزليه بس فعلاً مثل ماذكرتي عيوبها ..
هنا حبيت الشكل كثير سمبل وجميل .. اتوقع راح اطلبه كتجربه لمره وحده الا اذا جد شي جديد ماادري .. شكراً توسه عن جد من الناس اللي اثق بكلامهم
حضرميه .. says
دايم التدوينات منك غييييير احس فعلا بعمق المصداقيه فيك .. ماشاءالله عليك والله ..
المهم هالفرانك جربته اول مانشهر رغم اني دايم اسوي سكرابي اياً كان بنفسي بس حبيت اجربه فعلا مثل ماوصفتيه بالضبببط مقشر القهوه بالبيت دببق وريحته اقوى شوي مزعجه وتضل لين ثاني يوم الريحه بجسمي لازقه بس هذا ريحته لذيذه قومه متناثر خفيف حبوب هذا اكثر شي حمسني عليه جربت كل انواعه اكثر واحد عجبني اللي بالشوكليت كرائحه
وسويت حركه اشتريت كميه وحطيته بمرطبان استخدمه لمقشراتي دايم لاني بالاساس مااخذ الكيس معاي للحمام احط اللي يكفيني بس ..
رغم انه الكل تكلم فيه لكن انتي بالذات يآرتوس التدوينات منك غيييييير غيير اتحمس لقراءة اي شي مشتهر منك ،، يعطيكي ألف ألف ألف عافيه يالقلب
3lyaa83 says
انا مثلج اذا الشي كثر ف السوق والناس طلعوه السما اعوفه بس شرحج لاي منتج يخلي الوحده تتحمس تجربه ومثل ماقلتي مو غلط الواحد يجربه لو مره ميغسي بوكو شيغي
دخوون says
مساء الورد آرتوسه
والله من تصويرك ووصفك راح أجربه إن شاء الله حتى لو كان مسوي ضجة على الفاضي ههههه والكريم المرطب مو كل التاجرات توفره للأسف :'(
ماعرف ليش حسيته شي حلو وعموما انا احب رائحة الكوفي رغم إني ماشربها دايم
تدرين ؟ اليوم أهو الرابع لي ولأختي من تجربة الانفيرشين ميثود ومتحمسة للنتايج
ربي يخليج لأهلج ولأحبابج ، مآ ننحرم يآرب ❤
naannaa00 says
من أكثر التدوينات اللي تحمست لها خاصه بعد الضجة اللي صارت وكلن يحكي بمقشر فرانك
وفوائده ، واللي حمسني اشتريه اكثر الصور اللي انتشرت قبل استخدام المقشر وبعده والنتايج المُذهله ، عاد اكتشفت ان الصور كذَب!
وبالتالي خف الحماس بس يوم شفتك كاتبه تحمست له مرة ثانية 😛
يعطيك العافيه ارتوسه
ريم says
سوس عادي اسوي به قهوه واشربها احس بيكون مفعوله اقوى :)!
هههههههههههههههههههههههه امزح امزح
انا حبيت ريحته مره مدري ليش الناس متضايقين منها 🙁
وفعلاً زي ما توقعت اضافتك وكلامك عنه بيكون غيرر ❤️❤️*
ملوك says
الله يعطيش العافيه انا طالبه منه ومتحمسه اجربه من بغد كلامك
لمياء الجريسي says
تحمست متى توصل طلبيتي ،، عرض شامل ومبسط تسلمين
ولما توصل الطلبية راح اعطيك تفاصيل الشحن والطلبية والتكلفه عشان تعرضينها ع البنات يستفيدوا منها
حمده says
تدوينه منعشه
الله يجزاك خيرا ويسعدك ♥️♥️
احب تقيمك للاشياء وتخلي الواحد يتحمس ويحرب
ندوش says
مساءك ورد … يعطيك العافيه اختصرتي علينا
عاد تدرين بعد ماقريت تجربتك تحمست اجرب الكريم اكثر من المقشر ..
Aesha says
تسلمى على طرح تجربتك وبأذن الله أشتري المقشر وكريمه وزى ماقلت رح استخدمه لولدى ٩ سنوات وعنده خشونه شديده فى ركبه كأن عليها شوك وأن شاءالله تفيده ،، شكراً ياغاليه
Saf Al Harbi says
مرحباارتوس
احب مقشرات الكوفي ودايما اعملها في البيت
وكنت مخططة اطلبه من امازون بعد العيد
اللي عشقته في مقشرات الكوفي تجربتي لها وانا اعاني من شد عضلي في الساق
الصراحة شيء مبهر انه الشد يختفي تقريبا من اول استخدام
واحيانا مع الاستخدام لثاني مرة
ماعاد اشيل هم اي شد عضلي يفاجأني
mimi says
يامساء الرايحه الذيذ متحمسمه اجربوه اذا كان بيخفف السلوليت عاد تدرين يوم انا صغيره بالصف الخامس سويت عمليه زايده وعقب العمليه بيوم طلعلي خطوط عريضه لون احمر عند البطن والمنطقه الحساسه مشكله مادري وش هي وانا الحين بالجامعه ولحد الحين بوه تهقين تروح اذا استخدامت فرانكً ؟وش رايك للي يستخدمون خل للخطوط البيضاء؟سمعت انوه يرقق الجلد ومستحيل تزينن عمليه بنفس المكان الي استخدامتي الخل
Soseta says
يسعدلي ايامك ارتوسه ❤️
بقلك شي ارتوسه بخصوص عدم حماسك
للمنتجات المشبعه طرح ..
والله العظيم قد ماشفت مدوناتك غيرك حكو
عنه وعن منتجات ثانيه .. لكن طرحك غييير
وإلمامك بالتفاصييل غييير ❤️
ارتوسه مابيك تعتبرينها تملق
لاني مو مستفيده شي ولا اعرفك ولاتعرفيني
انتي لو تكتبين عن وصفة عيش وجبن
برضوه بتكونين متفرده ومتميزه وكلامك
بيرسخ فقلوب وعقول الي يحبونك
الله يوفقك ويسدد سعيك وينولك كل امانيك
تقبلي مروري .. دمتي ب حب❤️
roro12 says
تسلمي حبيبتي
تجربة رائعه
ما ننحرم منك
Saraa says
يعطيك العافيه ارتوس بصراحه اثق في كلامك مره كل المنتجات اللي جربتها وعرفتها منك مررره عجبتني وناسبتني
احبك ياخي
Saraa says
يعطيك العافيه ارتوس الصراحه اثق برأيك كل المنتجات اللي اخذتها منك ومن تدويناتك مرره فادتني وعجبتنني
احبك ياخي
ولا تنسين صوري ليون وحشنا
memoo139 says
انا من الناس اللي اشتروا مقشرفرانك عشان السترتش مارك تعبت منها وماحسيت بأي فرق ممكن فتح اللون شوي بس
وحبيت ملمس الجسم بعده وريحة الكوفي شي ثااني
شكرا تووسة
ميما says
مره خاطري اجربه
اعشق المقشرات بشكل مو طبيعي
زوجة اخوي مجربته بعد ولادتها القيصريه تقول والله أثر العمليه
اختفى بشكل مو طبيعي تقول لسا فيه خط وردي خفيف جداً مو واضح
نفسي اجربه عشان كمان اثر العمليه اللي عندي يروح
rashooo says
مساء الخير ياكل الخير ❤
والله انا مثلك في الشيء اللي اشوفه بكثرة خلاص امله ولاعاد اشتهيه ياكثر ماعجو الناس بأشياء اعافها لان خلاص ملت عيني من شوفته منها باليت نكيد هو حلو والوانه حلوه لكن انا خلاص عفته <<<<الغريب في الموضوع انو الجميع شرو باليت نكيد بس ماتغير مكياجهم هو هو ياهل ترى العيب في المنتج والا سياسة الشراء لكل مايطرح اهم شيء الاقتناء والسلام ؟!!…
نفس الحكايه مقشر فرانك ماتحمست له بالمره بس لانها تدوينتك وجب علي قرائتها ومن كلامك حسيت اني بحاجه له صح مو ذاك الحاجه بس حلو التجربه لهيك منتج خاصة انو اعجبك وراح تشتريه بفلوسك فمعناته لابد من تجربته .. انا الان استخدم مقشر راب راب من لاش بس للاماكن الجافه لان ترطيبه عالي جدا فاستخدمه للركب والكوعين والاقدام واليدين ومبسوطه ان شا الله مقشري الثاني راح يكون فرانك …
ارتوس يالحب من ظمن الاشياء اللي مااقتنع فيها المنتجات الكوريه مدري ليش احس انها خرط في خرط بس في الشهور الاخيرة بديت ابحث فيها اكثر واكثر من كلام مها عنها تحمست خاصة البيضات
( توني مولي ) اذا حصلك وجربتيها اكيد ماراح تنسينا بطرح تجربتك عنها وياليت مهاوي ان جربتها تقول لنا عنها كيف ناسبتها ام عاديه …
واخيرا اتمنى لك اجمل حياة في الدنيا والاخره ويجعلك ممن يقال لهم ادخلوها بسلام آمنيين ❤
Nusa24 says
حبييييييت وماعرفته الا منك ووصفك يجيب العافيه ماشاءالله ..
حالاً بالا بطلبه من الموقع .. وعجبني اخر سؤال هههههه لف يو
Moudi_meme says
يسعدلي مسائك الجميل المدونه رائعه وجميله تسلمين
Nes says
يامساء العسل والله
مقشر فرانك انا من الناس اللي ماتحمست له
لكن الظروف سحبتني غصب عني وشريته هههه
السبب اثار بجسمي وكنت مستعده اسوي اي شي عشان تخف
او تروح فشريته عجبني الملمس حقة لكن عكسك مستحيل
اخلية بجسمي بدون لا اغسله بالشاور جل خصوصا اني اشوف لون ينزل لما اغسله” لون القهوه طبعا”
ثاني شي الريييييحة تصررررررع انا من محبين القهوه لكن مو المدمنين عليها و اشوف ان اي شي بتكون ريحتهمركزه بهالشكل بتكرهه لدرجة احيان اصدع و ادوخ من قوة الريحة ! لذلك ما استسغتها ابدا و مافكرت اجرب الاوريجينال اخذت المينت و حبيت برودته وانتعاشة وفعلا وصفتيه زي ما احسهه فكس ههههههه
التعليب حبيته لكن ماشوفه عملي و مو حلو اني اخذ بصحن كل مره بستخدمة هالطريقة باختصار ماتناسب مخلوقة كسولة مثلي
فرغت جزء من الكيس بعلبة زجاجية عندي وحطيتها بالحمام وقت ما روقت استخدمة ويارب اني ما كون غلطت بهالحركة وسكون يتحسس من الضوء !
ومن ناحية وسخ الحمام فهو فضيييع انا حتى على الجدران يعلق
زهقني بشكل فضيع و اعتقد العلبة تكفي اكثر من ٨ استخدامات لان له فتره طويلة عندي و استخدمة لكل الجسم
لكن بساطه انا ماعتقد بشتريه مره ثانيه مالقيت منه المفعول الصاروخي
ولا ريحة مشجعه فليش وجع الراس وادفع دبل سعر للتاجرات
لكن ممكن لو تحولت لمخلوقة اورقانيك ١٠٠٪ برجع استخدمة ههههههه
يعطيك الف عافية حبيبتي / دمتي بحب
Amal saif says
مساء الجمال ع الناس الجمييييلة
انا كنت شارية مقشر فرانك و مقشر كيور الياباني قبل رمضان بس للأسف ما جربت الا كيور تجربة وحدة ع الخفيف خخخخ
و بالنسبة لفرانك انا احب ريحة القهوة تعدل مزاجي و تروق اعصابي و هذا من الاسباب اللي خلتني اشتري مقشر اساسه قهوه لأني دائما اسوي مقشر قهوة منزلي و احب ملمس جسمي بعده و ان شاء الله مقشر فرانك يكون مثله
و بالنسبة لكريم فرانك فمن وصفك اعجبني لأني احب ريحة ميبو تذكرني بطفولتي لووول
سلمت يداك الجميلتين و كل عام و انت بخير
تهاني says
شي جميل صراحة التجربة والطرح ابدعتي قلووب ❤️
Danah says
ي عيني ي عيني ع التلق لق <3
البارح كتبت لك تعليق بالانتسا انو من كثر م هبو فيه عفت المنتج واحين خليتيني اقتنع فيه الحرفي فرايدها لاتعد ولا تحصى جمميل يمكن لي تجربه له بالمستقبل اذا م طلع منتج جديد ، المرطب من مدحك له حبيته للركب والاكوع لانو ثقيل وحلو لذي المناطق عاد هي جافةة عندي ، م تقبلت ريحة الميبو كنوه ريحة حرق لكن من يبي الدح م يقول احح لووول
منتظرين تدوينه حمام المغربي ❤️.
Danah says
<q cite=""Asma~ says
بصراحة مع اني مجربة المقشر الا اني قلت لازمم اقرا تدوينتك دايم استفيد وفعلا استفدت .. انا مجربة الاوريجنال والكوكونت حلوة ريحتهم حبيتها بس اهلي ما عجبتهم 🙂 .. تصدقين انا مثلك م قدرت ادخل الكيس معي احطه بصحن .. بس استغربت من الكمية اللي تحطينها احسها مرررة كثييرة ! انا احط ملعقة صغيرة واحيانا اذا كثرت ملعقة كبيرة ممسوحة.. وجددااا كاافية بالنسبة لي وحتى احيانا يبقى شووي! يمكن لأني ما احب اكثر من المقشر على جسمي .. افضّل احط الكمية اللي تكفيني من غير زيادة .. يحزنني شكل القهوة وهي تنكب .. ماادري وجهة نظر بس انا ما احطه على رجولي-تكرمون- خفت انه حرام احط اكل على رجلي فأكتفي بجسمي بس .. انا طلبته من تاجرة الواحد بمية 🙁 بس على قولتك ترتااااحين مافيه مرمطة ولا شي يجيك لين بيتك في أريح من كذا ؟ 🙂 مررة احب هالمقشر واحبك انتي بعد :$
Artos says
شُكراً شُكراً للتنبيه ، تَصدقين سُبحان الله لما قلت مَلعقتين غَلطت ..
لأن أول مَرة إستخدمته حَطيت ملعقتين وَ حسيته كثير ، صَح بعدلها مَلعقة واحدة وَنص ..
وَ صراحة رَدود الزُوار هي إللي تَحلي المُدونة وَ تنبيه مَثل تنبيك
Albandari__ksa says
ارتوس قررت اشتريه
nouf_akj says
شكرا لك
وفيتي وكفيتي
مها says
الله يعطيك العافيه ..
انا مشتركه بانه تجيني منك ايميلات اذا كتبتي موضوع بس مايجيني ماني عارفه وش السبب
بالنسبه للمقشر شايفه الضجه عليه بس مافكر اشتريه يعني عندي الي يكفيني وزود من المقشرات
وبرضو اسوي المقشر تبع القهوه في البيت بيدي وزي ماقلتي ان ريحته صدق مزعجه بس عادي ماتزعجني كثير
وبس شكراً اوي ياليت تخبريني ليه ماتصولني مواضيعك ع الايميل
Tamiz says
انا بصراحه انتي اول احد اشوفه نزل عنه يمكن لأن التدوينه الجماليه الوحيده الي اتابعهاا ومعتمدتهاا بكل شي ولالي ف الغير بس قبل امس بديت اطلع ع كذا تدوينه ثانيه بس مافي احد يرد راسي ويقنعني غيرك وزيييين ان باقيه لحد ٢٨ عبالي ٢٥ والفففين شكرا ع الطرح والتميز الغير مسبوق
najwa says
يعطيك العافية جربت الي بالنعناع والاوريجينال وجوز الهند … حبيت النعناع لاني من عشاقه .. بس لازم اغسله بعد التقشير لانه زي ماقلتي يوسخ الملابس … الكريم ماجربته ولا افكر انه اشتريه لان كميته قليلة ومو توفير … وشكرا
mayoos says
جربته و حبيته، ريحته لذيذة 🙂
شذى says
صراحه انا الي الان ماجربته طبعي فيه اشياء تصير عليها هاله عظيمه و مثلها فرانك فااحب اتفرج الين اشوف تجارب كثيره صراحه حمستيني اجربه و خصوصا اني احب القهوة و كيكة البرتقال بس الكريم مااتوقع اطلبه لانك شبهتيه بميبو وانا ميبو مااطيق ريحته كنه بينت بتر
شكرا علي تعبك و علي تدويناتك الجميله الممتعه
toota_daily says
احلي ريفير شفته عن فرانك انا من البدايه قلت انه مقشر جميل لااكثر ولا اقل يعني ماهو معجزه مثل ماصورووه وانتي اكدتيلي
الله يعطيج العافيه ياجميله
Noor says
ياجمال هالتدوينة يا ارتوس بليز لا تقولين عن منتج كتبوا عنه كثير
تدويناتك غير و تظل بالنسبة لنا المركز الاول في المصداقية و الخبرة ماشاء الله عليك
بشرة جسمي و وجهي جافه بالذات لجسمي احتاج منتاجات بها هالكمية من الزيوت
شكرا ارتوس الجمال
دعواتي لك بالخير دائما
7oo0oor says
و كالعاده ماشاء الله الكومنتز وأصله مواصيل
حبيت الريفيو واستمعت جات في بالي أسأله الصراحه اشوفه غالي وفي نفس الوقت جاني فضول انك تكتبين عن مشرك المنزلي
تعرفين ارتوسه انا ما دخل مزاجي اصلا انو القهوة تزيل السوليت أو حتى تحسنه ما ادري احسه كذبه
بس ما عمري جربت لمن اجرب أن شاء الله اني اشوف الفرق لاني مرتعبة من فكرة السلوليت مع انو ما أعاني ابدا الحمد لله
يعطيك الف عافيه على كلامك ومصداقيتك
nora says
ارتوسه عندي سؤال..
سؤالي ماله علاقه بالمقشر بس بالنظافه ..
انا اكنس حمامي اذا غبر وانظفه بالممسحه الرطبه بدون غسيل وفرك وما اسوي شلالات ولو نقط زوجي نقطة مويه انجن واسوي جنجال باختصار ما اغسل غير الملحقات الصحيه تبع الحمام تكرمين واستخدم بخاخات للتنظيف اكثر من المنظفات العاديه لان المويه اذا نشفت تخلي وراها بقع بيضاء وحمامات البيت اللي ساكنته غامقه..
سؤالي ايش الافضل اغسله وانظفه واسوي شلالات ولا طريقتي تمام وماعليها وتنظف زيها زي الطريقه العاديه ..
Artos says
لا حَبيبتي إنتِ صَح وَ شاطرة وَ ١٠٠٪
كثرة البلل تعدم الحمام وَ خاصة البلاط تضطرين كل فترة تعيدين الترويبة ، إنتِ صح بالنسبة لسلامة الحمام
لكن من ناحية النظافة ماعندي خلفية ١٠٠٪ ، لكن الغرب يهتمون بالتعقيم جداً وَ حمامات المُستشفيات برآ نفس طريقة تنظيفك
يمكن يحطون أقراص معقمة اللهم أعلم ، بس مُمكن تغسلينه مرة بالإسبوع أو بالشهر لو مَتخوفة
وَ إبحثي أكثر ما عَندي عِلم مؤكد ..
maryam says
تسلمين ارتوسه على التدوينه الرائعه
ان شاء الله اجربه عن قريب
samah.. says
فعلا شايفه الضجه ع هالمقشر زايدةكان ودي اطلبه من تاجره بس اسعارهم توصل 150 ريال
فكنت مترددة هل هو يستحق او لا , بعد ماشفت البوست اللي نزلتيه انو وصلك المنتج ورح تخبرينا
تجربتك انبسطت وكنت في انتظارك .. ويستحق الانتظار ..
يسعدك ربي ..
Noof says
تصدقين ع كثر ما شفت ناس هابين فيه ولا مرا تحمست له كنت احسه لعب ، و كنت انتظرت رايك فيه عشان اقرر .. الله يعطيك العافيه يارب ويسعدك و يحلي ايامك ع قد ماتتعبين و تقولين رايك بكل امانه وصدق ❤️
Esraa says
صادقة أحس المنتجات الي تكون عليها ضجة
خلاص يروح حماس التجربة مني لها ..
تطفش عيني من كثر ماتشوفها ..
بس قبل كم يوم جاني فضول أجربه
بس صراحه متعيجزة أطلب
يعطيك العافية أرتوس ♡ من المدونات الي ماينمل منها
Abrar says
حبيت فرانك كمقشر بس ما حبيا المرطب أحب ريحة القهوة بس مو البرتقال :/ بس عادي اتحمل المقشر
المرطب حسيت ريحة البرتقال مركزة و ثقيل شوي مع انه سهل الامتصاص بس ماراح اشتريه مرة ثانية
بس سؤتاي المفشر يصفر بالاظافر و هالشي ضايقني مدري صار معك او لا وش سويتي عشانه ؟
miss Reem says
الله يعطيك العافية .. صادقة مسوين صجة مرررة حمسني اني أجربه .. ممكن طلب ؟ ( ذكرتي مقشر البيت وقلتي اسويه بكثرة ممكن تقولينه أو حتى تدونينه ) ويعطيك الف عافية .. دمتي بود .
malak says
حبيته على وصفج اما بالإعلانات من اشوفه اوخر عنه هههههههههههه
غسق says
دوبي مستخدمته وحبيت البداية، بالنسبة لي ما وسخ الحمام أبدا، مجرد ما شطفت بمويه راح، بس من تجربة لا تستخموه وانتو شبعانين، ريحته حلوة بس قوية ممكن تصد النفس
اللي موترني فيه كيسه، مرا ما حبيته 🙁
الله يعطيك العافية أختي
أشوف إنه الخط في المدونة يحتاج تغميق ولا ؟
شكرا لك
امووووون says
مسسسساء القهوة
بتعرفي اجا عبالي كتييير اني اشتريه بس زي ما بتقولي سعره بشوف انو مبالغغ فيه لانو بالموقع نص السعر!!
سويت مقشر القهوة بس زي ما حكيتي بيوسسسسخ كتيير المكان كلو بيصير زيت ولازم بعدو اتروش بالشور جل لانو في كمية زيت ع الجسم مزعجة وهدا الاشي مخليني استخدمو مرة بالشهر مو عارفة فعاليته مزبوط
واشششششششتقنا لطلتك ي قمممممر
هيام says
ماشاء الله تبارك الله ..
مدونتك اتعب في مدحها .. الجميل اننا نقرأ من دون لانمل ..
مقشر فرانك .. حبيته من ريحته .. ومن النعومه اللي تعطيك اياها بعد الاستخدام ..
وتغليفهم جميل وتغيير عن المألوف ..
شفته بالصدفة عن تاجرة وبحثت وقرأت عنه وقررت أجربه ..
راضياً جداً بتجربتي معه ..
لأني اكره المقشرات غالبا .. ف هذا ريحني
يعطيكِ العافيه ع التدوينة الجميلة ..
ربي يسعدك ويوفقك ..
M_zajih says
يعطيك العافيه على هالشرح الوافي.. انا عني جربته وعجبني ريحته وترطيبه والنعومه يعني نتيجه رايقه من ناحية الترطيب ومالاحظت شي غير اللي ذكرت ..
وسووووري على تاخري بالتعليق حسيت نفسي مغبره.
gona be crazy says
تو عرفت مدونتج و قعدت مده طويله و انا اقرا بالمدونة حيل استفدت بس لو تفتحين قناة باليوتيوب و تتكلمين عن المنتجات احسن لان العين تتعب و اهي تقرا و خصوصا بالفون فلو فيديو احسن نحطين صورة المنتج و تتكلمين عنه
سمسم says
شكرا ارتوس لاعدمناك ولاحرمنا من تدويناتك المفيدة
ساره says
بالعكس ي بنات مقشر فرانك مرا فادني تمددات الجسم راحت القديمه بعد ولكل داء دوا هذي السنفره م استغنى عنها ووخرت الندوب والتصبغات اللي تدوم عليه بتلاحظ نتيجه انا عن نفسي حتي السيولايت راح وشد جسمي وجربت سنفرات ثانيه م عجبوني غير فرانك
zainab says
شرح وافي وشيق يحمس لتجربة الف شكر لك (:
al7lm says
اظن ياارتوس اني قريت كلل بوست في مدونتك الراقية 💜
؛ دايمن تنزلين المدونة وانا نايمة
ولما اقوم الصبح وانا بطريقي للجامعة اقراها . الاسلوب يا حلوة جذاب ممتع رايق و ذويق 😍💜 ،
وبسبب اعلاه مشاركاتي قليلة معاك .
المهم قررت 😇😤 اني ارد عالمدونات الي ستفدت منها 💜💜 واشاركك بتجاربي معاها .
أتمنى ما أسبب ازعاج هل هو مزعج انه احد يرد على مواضيع قديمة ولا ؟
تجربتي مع فرانك
تشجعت اجربه /// فقط /// بعد موضوعك رغم الهالة الاعلامية المصاحبة له وطلبت البندل (كوكونت+ الاورجينال+ كريم الجسم) بعد مدحك ل بالم بودي …
لاحظت نعومة فورية بعد استخدامه الحمام كان رائع تجربة مثيرة برائحة كيكة الشوكلت
*جربت بالكوكونت* ولكته ذكرني بكيكة صديقتي
كانت تجربة لذيذة جدا
اكملت عليه 3 اسابيع استخدمه 3 او 2 بالاسبوع
المحتوى مشبع جدا فهو كافي لفترة جيدة
لم اشعر بوساخته ابدا واتفق مع نقاطتك اننا لن ننزعج منه كانزعاج الاجانب..😼
طلبته اول ما وصلت لندن التوصيل مجاني ويوصلك بالغد.
السنة الماضية قضيت الصيف في اوروبا واصابني جفاف شديد في جسمي من جوهم ..
بشرة وجهي وجسمي يتحولون باختلاف الاجواء.💔🌚
هالسنة ماجاني بالعكس بشرتي كانت تلق ورطبه الله اعلم اذا بسبب فرانك بس ملاحظة تستحق الذكر….
عدى النعومة… لم الحظ اختفاء ندابات قديمة
فقط ندبة جديدة شمخ في اردافي اختفت بشكل كبير وسريع بشكل عجيب
لم استخدم السكراب بشكل قوي..
لكن بعد الحمام بساعات ضغطت على ركبتي اليمني ولاحظت حمرار شديد مخيف × يارب ما تغمق × فانتبهن ..
الكريم حبييييته بصراحة لا اعرف عن تاثيره لكن ملمسه وطريقة مده .. استخدمه بعد كل حمام فرانك لجعل التجربة كاملة 💜💜…
فرانك بشكل مجمل اراه جيد للفتيات ومن تدخل غمار العناية
لانه يجعلك مدمن على العناية بريحة لذيذة ونتيجة ناعمة فورية💜
هذه ملاحظاتي سطرتها على عجل ولا املك اسلوبك يا حبي والله اني احب اسلوبك ورقيك 💕
Reem says
حمستيني أجربه ..
و على قولتك حتى لو كنت مقتنعة بمقشرات البيت نجربه مره بالعمر 😀
أمل says
يستحق التجربه
فاطمه says
سلاام ارتوس
انا لسا اشتريت مقشر فرانك وما بعد استخدمه ، وكمان حاجزه مواعيد ليزر وراح ابتدي فيها هالاسبوع ، بس الممرضة قالت لي ابتعدي عن اي جلسات تقشير لمدة شهر من بعد الجلسة ! شالحللللل !
Sara says
يعطيك الف عافيه … عندي سؤال ؟! هل قبل استخدام المقشر اغسل جسمي بسائل استحمام ولا بصابونة نتروجينا ؟!